44. ŋen Buṯrus na Yuanna leiđi eđa igi gətəməđeici leđa laŋge

Eloman lənəŋ, Buṯrus na Yuanna lafo labɽa alo egeɽe gə-Rəmwa. Ndə lɽrəmaṯo ig-ëur yaliyayəkəl, lanəŋulu ldənwane maje igi gəfo gətəməđeiṯia algrus.

Buṯrus naŋəseici maje igi gəɽo ebəjo naŋaṯa,"Egero aləgurus ṯa eŋanaje.Orn igiđi eŋanaje waŋge igi egerəṯo.Igərəŋ gə-Yesu,tođo na ŋerənde!"

Nataltal,Rəmwa nareiđi maje igi guma,na ganəŋu naŋətođe ṯaŋerəndo na ṯaŋagaporṯo elo,na naŋənaje Rəmwa đamiya.ŋen naŋajibinṯi leđa egal yayəkəl.

Leđa nalela lwaiñia eɽo ŋen ŋanṯa aləseici maje igi gaiyiđinu.Buṯrus naŋəleiṯi ṯa,".Ñiagoɽəđaṯo elo eđa ŋen ŋanṯa maje igi gaiyiđinua?Ñiagero ñiagəŋəmeiđi ŋabɽaŋa eŋaiñ walla đəŋrađa eđaiñ,Orn ŋabɽaŋa na đowanaṯađa i-Yesu iđi đeiđi maje."

"Ñiaganəñiaŋ ñiagaɽo leđa idi ṯruwa đəroma iđi đəlwaɽo ṯa ađəɽeiñe Yesu.Ñiagaɽeiño eđa igi gənanaeđia đəmṯia,orn Rəmwa ratuđima nano eŋəɽaiñ.ŋen ñiagero ñiamaləŋeṯa na ṯa ñiagabəđia ṯëu,Rəmwa raɽəñiađaṯo ŋəmëɽria eŋalo egalənabiya ŋen yaṯa Masiya giđi aŋənaneini ŋen ŋubwa na aŋaiye.Naṯia,ŋgiṯur ŋen eŋalo ŋeica aŋwësini na ñoɽəbaṯe Rəmwa nano."

Nələŋ naliyayəkəl nafo naceiano eŋen iŋi Buṯrus na Yuanna ləɽwato.Na lanəŋulu naləgəndi na naləɽi siji.Orn leđa lwaiñia ləndi ŋen iŋi Buṯrus garəŋëjilo,Na leđa ləndi ŋen ŋi-Yesu Elaina garəno 5,000.

Ilwaldɽiṯano gomən,nələŋ nəgana naləmamaṯe Buṯrus na Yuanna eləŋ nano kaləkana na leđa ləmaṯan enələŋ.Lanəŋulu naleɽəđe Buṯrus na Yuanna,"Ñiageiđi maje igi gəgəro aŋəno ŋabɽaŋa ŋəsëgi?"

Buṯrus naŋəluɽəbiṯi eŋen ṯa,"Maje igi gəndəđaṯrwa nëñua gëiđinu ŋabɽaŋa ŋi-Yesu Al-əmasiya.Ñiaganəñiaŋ ñiagəɽu Yesu nṯuɽi,orn Rəmwa narëmaduđi eŋəɽaiñ gəməṯo təŋ! ñiaganeiñiaŋ ñiaganeđəma,orn ŋen ŋero ñiagiđi ñaiyabərni ilda ŋabɽaŋa ŋi-Yesu!"

Nələŋe nemajəma naloɽəđaṯe elo ŋen Buṯrus na Yuanna ləɽwata đawṯađaralo ŋen ŋanṯa lanəŋulu laseicu ŋen ṯa majande ildi lero lələŋeṯa ŋen.Orn lanəŋulu nalalɽəŋəđeini eŋen ṯa majande ildi lafo lafo Yesuŋula.Iliga ləgərəñiaṯalo Buṯrus na Yuanna,lanəŋulu naləŋgiṯi naləbɽe.

Đumëđinia eg-ađam:G-Amal 3:1-4:22