38.ŋen Yesu gabəlajinu
Inṯilaŋ jaica jaica, leđa liliyauḏ lafo labđia đəŋra nano đacəba gəđaburnia nano.Đəŋra nano iđi đafo đabaŋaiđia ŋen iŋi Rəmwa rəfo rəbri leđa ləpapanda ləbənde əllaɽiŋu eŋəbai ŋəleđa lə-Masir garəno nṯəliaŋ ndređia ređ.Yesu naŋətođe ŋəmaɽiaŋa gəbarəŋajia leđa na ṯaŋəlɽwaɽiṯu nṯəliaŋ niɽijin,Yesu naŋəlwaɽiṯi Ṯaləmis yəlaɽiŋu ṯa ganəŋu gonaṯa ṯa albɽe eđəŋra nano đəmđiya gəđəsa acəba gəđsburniya nano alo Yurəsalim,na ṯa ganəŋu giđi aŋəɽiñini
Orn maje gənəŋ i-Ṯaləmis I-Yesu ganṯaṯa Yauđa.Yauđa gafo ganainu leđa ildi ləfo ləṯwainu narwëna naləgurus,orn ganəŋu naŋəbwiṯi aləgurusiya na naŋəlaləbje igëru.Ndə Yesu ldɽrəmaṯo Ṯaləmisiya yəlaɽiŋu alo Yurəsalim,Yauđa naŋəbɽe nələŋe nano ini nəkanna na naŋəneiđe Yesu eŋen ŋaləgurus.Ganəŋu gafo galəŋeṯo ŋen ṯa nələŋ nəkanna nabəlacema ṯa Yesu gaɽo Aləmasiya na ṯa lafo labëgəɽia ŋen ṯa aləmaɽeiñe
Orn nələŋ nəkanna,ini nəfo nəđwainu eləga goɽra kəkanna,naləbɽe Yauđa Silifa garəno irial ndređia niɽijin ṯa aŋabəlace Yesu.ŋen iŋi ŋiđənu garno Anëbi yəlwaɽo.Yayuđa naŋaŋənṯi ŋen ṯa,naŋəme algrus,na naŋəbɽe aləsoŋ.Na lanəŋulu ṯaləkagondo liga ləŋəra ṯa alëndi Yesu.
Yesu naləbɽe alo Yurəsalim Ṯaləmisiya yəlaɽiŋu ṯa aliđi ëmđia gəđaburniya nano.Iliga lđəđəsa acəba gəđaburniya nano,Yesu naŋəme acəba nagere ano, Ganəŋu naŋaṯa,"mər na ñiase,fəŋu aŋəno yəlaɽiñi,isi yineinde,iđur ṯia, ṯəñiañəuwlaldəŋəđeinu."Naṯia,Yesu naŋaṯa aŋəno yəlaɽeiñi yaɽo điɽəđənia eđalo.
Naṯia Yesu naŋabe aləfiñjan naŋaṯa,mər na ñiëṯi.ŋəfini iŋi ŋəlaɽiñi ŋaɽo đəreiđia eŋen ŋəmajen iŋi ŋəreinu alo ŋen ŋanṯa đəŋgəđəjia ŋen ŋeica.Iđur ṯia ṯəñiañuwəlaldəŋəđeinu ñoman pređ ndə ñiagəṯia."
Orn Yesu naŋəlwaɽiṯi Ṯaləmis yəlaɽiŋu ṯa,"eđa gənəŋ giđi aŋəñiabəlaje."Orn Ṯaləmis niyoɽəđaṯe elo,na yanəŋulu naiyeɽəđe bɽan ṯa əsëgi giđi aŋiđi ṯia.Yesug naŋaṯa,"eđa igi egəŋəmanaica acəba hanəŋu giđi aŋəñiablaje.Orn ganəŋu naŋənaje Yauđa acəba.
Ndə Yesu gəmo acəba,Iɽindia nalənṯi egare gəlaɽiŋu.Yauđa naŋətođe na naŋəbɽe ṯa aŋamađaṯe nələŋ nəkanna ṯa alëndi Yesu.Naṯia Uləŋgi gafo gaɽo.
Ndə ləso đəge,Yesu na Ṯaləmis Yəlaɽiŋu naləbɽe Naiyen Yəsaiḏun.Yesu aŋəleiṯi ṯa,"ñiagiđi ñiañəṯađe alo ñiaŋ pređ.ŋen ŋauwërđənu ṯa,'igiđi ñipɽwi eđa gəsia na yaŋala pređ yiđi ayilaldəđəniano."'
Buṯrus naŋəmuɽəbiṯi eŋen ṯa,"ndə leđa ləŋaṯađa alo pređ,egaber igiđi eŋaṯađe!"Naṯia Yesu naŋeiṯi Boṯrus ṯa,"Seṯan yonaṯa yəndëndia ñiaŋ pređ,orn gigađaṯurṯu Rəmwa ŋen ŋanṯa ŋa,Boṯrus,ŋen ŋanṯa đuwanaṯa đəlaɽeŋa ađerəṯe đəpɽia.Naṯia. uləŋgi igëi,ŋen đowaḏa đəmulu đəbara,agiđi ŋañiabəlaje iliga liɽijin ŋen ṯa agero agəñələŋeṯa."
Orn Buṯros naŋeiṯi Yesu ṯa,"Ndə ṯa ŋəɽaiñ ŋəđaiya,Egaber igiđi eŋabəlaje!"Naṯia Ṯaləmis yəmaṯan elorb naiyəloɽe ṯia com.
Yesu naləbɽe Ṯaləmisiya yəlaɽiŋu alo yə-Jiasđəman. Yesu naŋəlwaɽiṯi Ṯaləmis yəlaɽiŋu ṯa alṯaṯurṯi Təmwa ŋen ŋanṯa alerəṯe ləbənṯia iđirənṯëjia. Orn Yesu naŋəbɽe ŋu bəɽan ṯa aŋəṯurṯi Rəmwa.
Yesu naŋəṯurṯi Rəmwa ñoman ñiɽijin,"Ya Pappa gəlaɽiñi,ndə ŋen ŋərəjiađaṯo,egaŋeɽədia ṯa ŋerəṯe agəñiŋgiṯia ṯa iṯi fiñjian isi yəŋen ŋubwa,Orn ndə đađ đero đənəŋ ṯa ŋen ŋeica ŋəleđa aləŋgađaini,Naṯia međəñowa aŋen aŋiđini."Yesu gafo gafo eŋen ŋəbɽaŋəno na aŋal ṯaŋiru nano garəno ŋəfini.Rəmwa narəđwaṯa E-ləmalayiga ṯa aləmaɽe ano.
Iŋiga pređ iŋi gəbɽo iđṯaṯurṯia,Yesu naŋoɽəbaṯe Ṯaləmis nano,orn naŋələfiđi yəndro,Ndə goɽəbəđo iliga ləɽo ləɽijin,Yesu naŋaṯa,"Dođər! Eđa gəñəneiđia gani ëli."
Yauđa naŋela nələŋna niliyauḏ,Ṯruwa na na leđa lwaiña.Lanəŋulu larəpo yoberre na nëɽi.Yauđa naŋeṯa Yesu nano na ŋaṯa,"Naŋəmane ëñua,ya irəŋeiđia,"na naŋəmaɽwëṯi ëñua egorb.ŋaməla iŋi ŋabaŋaiđia ŋen enələŋ nəkanna aləŋeṯe əsëgi gəbəntiniya.Yesu naŋəmeiṯi ṯa,"Yauđa,agañiabəljia đëɽwəṯađa ëñua egorb?"
ŋen ṯruwa đəntu Yesu,Buṯrus naŋəbleđe đoperra đəlaɽiŋu na naŋəṯəpe ibai geləŋ gəkanna əniŋi.Yesu naŋaṯa,"ëɽu đoperre nuwaldaŋ!Gabanṯəṯa egeɽəđo Pappa əlɽola Leləmalaiyəka ŋen ŋanṯa aləñiamađaṯe.Orn ŋen ŋarəjiađaṯo ṯa iđiñiëđəṯi Pappa eŋen."Ndə Yesu gandənu,Ṯaləmis yəlaɽiŋu pređ naiyəlaltəñe.
Đumëđənia egađam:Gə-Maṯṯa 26:14-56; Margus 14:10-50; Luka 22:1-53; Yuanna 12:6;18:1-11