50. ŋen yesu goɽəbəđo
Intialŋ ndređia eređa gaɽijan, leđa lwaiñ ildi lena ŋənia ŋəŋera eləbate iŋi ŋəɽwata eŋen ŋeŋəra Yesu Almasiya. Kənisa đafo đaməñataṯa nəñwaŋ. Yesu ŋəlwaɽe ṯa giđi aŋoɽəbəđia iliga lənḏurṯu. Garno ṯa gero geṯo məldin, orn gənəŋu gaɽo ŋen ṯa aŋiđi.
ŋen ŋarno ləgəṯurṯiar Yesu ṯa aŋoɽəbəđia, Rəmwa ronaṯa ṯa aɽəŋar eŋen ŋəŋəra na iŋi ŋəmiđia geŋəra nano. Gënəŋu gonaṯa aɽwatəṯer leđa eŋen ŋəŋələŋ ŋëləɽəŋu. ŋen Yesu gafo alo genəŋu gaṯa," Ṯaləmis əllëɽəñi iđi ayərəŋiđi ŋen ŋeŋəra ŋəŋələŋe ŋərəmwa eleđa pređ alo təmətəm, na ṯia liga lənḏurṯu alela."
Leđa lwaiña məldin ildi lero lëna ŋen ŋərəmwa. ŋen gəmolo goɽəbaṯa elo, Yesu galwaɽəṯu leđa ŋen ŋəŋra ildi lero lëna. Gənəŋu naŋaṯa," mbər na ñiđi ṯaləmis əllëɽəñi ŋoɽwa pređ ŋəleđa!" na," alo yonaṯa yujinia!"
Na com Yesu nəŋaṯa," ebai gerəṯa gaməñaṯo elələŋ. Garno ŋələŋe ŋalo ŋeneđəñe, liđi aləŋegeɽəđe na aləŋaɽəñe ŋen ŋanṯa ñi. Alo isi agiđi ŋafeṯe eŋen ŋibwa kaiñ, agiđi ŋonḏoṯe ŋen ŋanṯa ñ igađəmo seṯan, isi yeɽo eləŋgalo. Ndə agerṯo đonaṯa iñi, nəṯia Rəmwa riđi arəŋabəri!"
Yesu naŋəlwaɽeṯi leđa đumëđəniađa eŋen iŋi ŋiđi aŋəfeṯe iliga lənḏurṯu. Nəŋaṯa," Eđa gawađo ŋwana igi gəlëɽəŋu. ŋen gafo iŋuriđ, na aməcu nəŋala na lwađi ŋaña lətu ŋwanaŋa, na lënəŋulu laɽe."
" ŋen nuɽi nobəđo, ebai gəmajo naŋaṯa,' eləŋ, agawađo ləđia leŋəra igi. Orn ŋaña ŋeṯu ŋga?' eləŋ nəŋaṯa,' Aməcu garno fəɲu gəwađalo.'''
"Ləbai loɽəbiṯi eləŋ eŋen ṯa,' ñagəŋaŋgaica ŋaña?' Ndo. Ndə ñagiđu ṯia, ñagiđi ñëgoɽəđaṯi ŋwana alo com. Liga liđi alela ildi igwanḏa na emame ŋaña pređa ṯa aŋawacini isia, orn nəṯia mər ŋwana igoməđin gələɽəñi.'''
Orn ṯaləmis yero yələŋaṯa ŋen ŋəđumëđənia , leɽəđe Yesu ṯa aŋəlaŋaice.Yesu naŋaṯa," eđa igi gwađo ŋwana ŋeŋəra fəŋu almasiya. Gi fəŋu alo. ŋəlwa ŋeəra fəŋu leđa leŋələŋ ŋərəmwa."
" ŋaña fəŋu leđa ildi lə-seṯan. Na aməcu gwađao ŋaña fəŋu seṯan. đwanṯa fəŋu liga lənḏurṯu alo, na eđa igi gwanḏa fəŋu eləməliayəka yərəmwa."
" Ndə lebate leṯo lənḏurṯu alo, eləmaliyəka yiđi ayəme leđa pređ ildi leseṯan na aŋəlawəṯi isa, alo isi lənəŋu labara na taləsaṯo eŋađ eŋen ŋəbwa. Na leđa ildi leđo ŋen ŋaŋəra liđi alwađe alo eŋələŋe ŋərəmwa papa garno ađəñinia."
Yesu gaṯa giđi aŋoɽəbaṯa alo ŋen ŋəməlo ŋənḏurṯu alo. gënəŋu giđi aŋoɽəbiđa ŋen ŋarno gefo gəbǝɽo, nəṯia, gënəŋu giđicaŋerṯe aŋəno isina na aŋəla isbwaɽo. Ndə Yesu geṯo, leđa pređ ilfi laiyo eŋen ŋərəmwa liđi alətođi eŋəɽəñ na alobəđiđe elo.
Na leđa ildi lanto ŋen ŋərəmwa lđi alətođe elo na aɽrəiđe leđa ildi lantu ŋen ŋərəmwa letođo eŋaɽəñ. Lënəŋulu pređ liđi aləfeṯe Yesuŋ ala tu. Nəṯia đəge, Yesu giđi aŋəfeṯe leđala lënəɽəŋu eđawətaralo na đəriđia ŋen bəɽəbəte.
Yesu galwaɽo ṯa giđi aŋənaice eđa gənëŋ ṯaj ndə gantu ŋen ŋëləɽəñ. Liđi aləfeṯe na aɽəŋe eđawəṯaralo bəɽəbəte.
̇Nəṯia Rəmwa riđi arnaice eđa ŋen ŋəbuwa igivero gəbantia ŋen ŋəyesu. Gënəŋu giđi aŋawacini eləbu, alo isi ṯalaro na ṯaləsaṯo eŋađ bəɽəbəte. Sia isi yəber yabəiṯia yiđi ayəluɽi, na luđua laber liđi aləŋgiṯi ṯa aldəse.
Ndə Yesu geṯo, giđi aŋəmandađe ŋələŋe ŋəseṯan. Giđi aŋauṯi seṯan eləbu ildi lerṯo isiano yəbəɽəbəte, na eđa gənŋ igi gaŋənṯu ŋen na gero gəbaŋənṯia ŋen ŋərəmwa.
ŋen ŋanṯa aḏam na awa lero lənaṯa Rəmwa na ləmaṯa ŋeicia alo eləbate,Rəmwa nəŋaləbuŋe na nəŋaɽe ŋen ṯa aŋələmandađe. Orn iliga lənŋ Rəmwa riđi ariđi elo gəmajan na alo yəmajan.
Yesu na leđa lënəɽəŋu liđi aləfeṯe alo yəmajan, na liđi aləfeṯe leŋəra nano elaŋge pređ bəɽəbəte. Giđi aŋələŋgađaice ŋwal isi na ŋen ŋəbuwa, đəjano, đara, seṯan, na ŋəɽaiñ. Yesu giđi aŋirəldi ŋələŋe ŋënəɽəŋu đauṯəralëđa na đəɽwaiciđia ŋen leđala bəɽəbəte.
Đumëđənia ig-ñjil: Maṯṯa 24:14; 28:18; Yuanna 15:20, 16:33; Ruiya 2:10; Maṯṯa 13:24-30, 36-42; 1Ṯasəluniki 4:13-5:11; Yagub 1:12; Maṯṯa 22:13; Ruiya 20:10, 21:1-22:21