Yesu garəŋəiđu đumëđənia đəmen
Yesu nəŋəɽwate ŋen ŋwaiña ŋəđumẽđənia ŋəɽwata̱ eŋələŋ ŋərəmwa. ŋen ŋarno, naŋaṯa," ŋələŋ ŋərəmwa ŋarno ŋəlwa ŋəkarḏal iŋi ŋərresi kaiñ iŋi maji gənəŋ gakađo ijənena.ñagələŋaṯo ŋen ŋanṯa ŋəlwa ŋəkarḏal ŋərresi kaiñ."
" Nəṯia ŋen ŋəlwa ŋəkarḏal ŋobəđo,nəŋəɽeṯe uɽi goɽra kaiñ inuɽi ini nefo ijənene,na ndəfia naɽaŋa ndreṯe."
Yesu nəŋarəŋiđi đumëđənia đomaṯan təŋ," ŋələŋ ŋǝrəmwa ŋarno uđəɽi igi wuji gamo nəŋënəci igaicəba igəsafiya."
" ŋen ŋəŋələŋe ŋərəmwa ŋarno laŋge maji galəbijəlo igi lwaiña. Maji gomən nəŋəfiđəlo na nəŋələbəce təŋ. Gënəŋu gafo gaŋəra nano nəŋaɽe nəŋəliđi laŋge pređ əllëɽəŋu orn nəŋəliđi gi."
" ŋen ŋəŋələŋ ŋərənwa ŋarno eđa gənəŋ igi gabapwaiña ŋwandra ŋəbernia lulu iŋi ŋwaiña iliano. Orn ndə gafiđu lulu, gënəŋu nəŋweṯe laŋge pređ nəŋəliđi lulu."
Nəṯia Yesu nəŋəlwaɽəṯe leđa eŋen ŋəđumëđənia eleđa ildi lëɽəno đəñano ṯa luđərwaṯo eŋen na ildi lađaməca leđa eŋen pređ. Nəŋaṯa," leđa lënṯu igal ekəl ṯa aləṯaṯuriṯi Rəmwa. Eđa gənəŋ gaṯəmeicia ṯulba, na gwomən gal Farisiyin."
" Eđa gal Farisiyin gađəru nəŋəṯurṯi Rəmwa ṯia,' ya Rəmwa, ŋen ŋanṯa igero igəbarna leđa lidi leicia-ildi lṯënu, ildi lasaṯa lorəba, leđa lagera ŋen,laɽaŋa lijila ɽrəto, na com igero igəbarna eđa igi gaṯəmaeicia ṯulba.'''
''' ŋen ŋarno, igaɽaŋa ŋorwaṯaŋa ñoman ñiɽijan eñoman đenəŋ ñəmiñe ñiɽijan. Na igananaiđia laŋge egworəb ildi ɽređ na na laŋge lgananeinalo.'''
Orn eđa igi gaṯəmeicia ṯulba gađəru nwaldaŋ aten igal isi eđa gal Farisiyini gafau, na gero gameđəñwa ṯa aŋəsiđi elo. ŋen ŋarno, gënəŋu ṯaŋupənu lurumi bəɽan na nəŋəṯurṯi Rəmwa, ' ya Rəmwa, gaiṯiñi ŋəbaiya nano ŋen ŋanṯa igeicia.'''
Nəṯia Yesu nəŋaṯa," igandəlwaɽəṯia ŋen ŋəđərwaṯo, Rəmwa rano đəṯəṯurṯia đeđa igi gaṯəmeicia ṯulba na gađəŋo guđərwaṯo eŋen. Gënəŋu gero gonaṯa đəṯəṯurṯia đeđa gal Farisiyin. Eđa goɽrinia gënəŋu giđ aŋiđəni gəta na giđ aŋətuđi eđa igi gəta."
Đumëđənia ig-ađam: Maṯṯa 13:31-33, 44-46 Margus 4:30-32; Luka 13:18-21; 18:9-14