́14. ŋen ŋəđacəbənṯia eđəiñwa

Frame 14-01

ŋen rəmwa rəlwaɽəṯo leđa lisrayil ŋen iŋi ṯa aɽrrəmoṯe ŋəɽo dərrëiđia eŋen eŋen, laṯəđo aiyen isina. Rəmwa ṯəŋəlemamo ṯa aɽrəmaṯe alo isi rəŋəcilo, alo is yəbarnia Kanan. Đaba đafo đabərldalo nëiñwəŋ đəmiñia alo yəkanan na ṯaɽəteṯo.

Frame 14-02

Rəmwa ndrəɽəṯe Ibraiym, Isag na Yagob ŋen ṯa ređi arəŋonice alo ṯa đələŋa đëləɽəŋu aŋofeṯe, orn leđa lwaiña ŋoɽa alo isi . Lənəŋulu labərenia kananiyen. Kananiyen yaber yəbuŋəṯia na yero yeđəñəđatia rəmwa eŋen. Yënəŋulu yabuŋəṯia imwa yeicia na yabəđia ŋen ŋwaiña ŋeicia.

Frame 14-03

Rəmwa ndrəlwëɽeṯe leđa lisrayil," ŋgəicur leđa ildi lə-cananiyian alo isi igẽnəjənda. Ñerṯe ñagəbëđialda đawuətaralo na eđa aŋerṯe gəmađia iŋulu gənəŋ. ŋen ŋarəjađəṯo ta ñagere imwa yeicia esën pređ.Ndə ñagəber ñəgəna ŋen ŋələɽiñi, ñagiđi ñabuŋəṯe imwa yeicia orn gerṯa ñi."

Frame 14-04

ŋen leđa lisrayil lerəmaṯo nṯəɽiŋ đəkanan, musa nəŋoṯe ləmmia ređ nəlëɽijan, eđa gonṯo gonṯo isur eleđa pređ lisraiyil. na nəŋələnaice ŋen ṯa aɽe alənwana alo gaɽe yaɽo ṯau. labəɽo cum ṯa alənwane gaɽe leđa ləkanan lonṯəṯo walla lero lonṯəṯa.

Frame 14-05

ləmmia ildi leɽo ređ nəlɽəjan lerldo alo yəkanan ndređia marldwan na loɽəbëđia. lenəŋulu ldaṯi leđa ṯa," alo yaɽo alo yələŋa kaiñ na laŋge pređ lobəđa alo!" Orn leđa ildi leɽo ređ nəlaṯa," irnuŋ gonṯəṯo na leđa loɽa aŋəno! ndə đəbəwañiđia đəfo liđ aləndəbëlađar na aləndəɽəñar!"

Frame 14-06

Na taltal Galeb na Jasua eleđa ləɽo lëɽəjan, laṯa," ŋen ŋafo đəṯam leđa ləkanan lwala na loṯəṯo, orn ləgiđ aləper eđəbəñiđia, ŋen ŋanṯa rəmwa rafəndəria eđəpwəiñiđia!"

Frame 14-07

Orn leđa lerṯe lənaṯa Galeb na Jasua ŋen iŋi lelwaɽo. Nəṯia lënəŋulu ldiciṯi Musa na Aron ano na laṯa," ŋen ŋanṯau iŋi nəñamaməṯənde alo isi yeicia? ŋen ŋarjađəṯo ṯa ñaɽəŋe alo yəmasr gerṯa ñela ñaiye eđəpwəñiđia na ləwasañanda na ñere ñagiđenu ñagəɽo lëbai."Na leđa ṯalonaṯo ṯa aləwuëṯe eđa gerto gəɽënda aŋəloɽəbiace alo yəmasr.

Frame 14-08

oRəmwa rafo raciano na neŋeṯa rṯaegal isi yəđërrəriđia.Rəmwa ndraṯa, ŋen ŋarno ṯia agegëñe," ŋen ŋiđi aŋəjëbənṯi leđa pređ alo isi eđëiñwa.orn gerṯa Jasua na Galeb, na leđa ildi lerṯo nəṯəlaŋ eređia gaɽəjan na loɽrəṯovleđa ildia liđ alaiye tau na laber liđi alənṯi eləbate ildi ləmajin."

Frame 14-09

ŋen leđa leno ŋen iŋi, loɽəwaṯe aŋəno nano kaiñ ŋen ŋanṯa liđu ŋeicia. Na lënəŋulu labe laŋge ləđəpwaiñəđa na ləɽe ṯa aləpwaĩniđe leđala lalo yəkanan. Musa naŋəlwuëɽeṯe ṯa alerəṯe lapəla ŋen ŋanṯa rəmwa rero rəfialda, orn lerṯe ləna ŋen ŋëləɽəŋu.

Frame 14-10

Na rəmwa ndrerəṯe rabəla ŋuləla eđəpwaiña, nəṯia lənëŋulu ldəpəlađini na iŋulu lwaiña laiyo kaiñ. Na leđa lisrayil loɽəbeđia alo yəkanan na lərelde eđəñwəŋ nëṯəlaŋ ndređia marldwan.

Frame 14-11

Inṯəlaŋ ini neɽo ndrəđia marldwan ŋen leđa lisrayil lefo eđəiñwaŋ, rəmwa ndrnəcilo.ŋələnice rəgifi irri reṯo elo, rebərnia," mənna" na cum nəŋođwaṯa lɽo ləñəwara ( iñi ñeɽəwaṯu aŋəno) egal iligano isi lafau ṯa alerəṯe ëđe aldəse. Iŋiga pređ iŋia, rəmwa ndrərldəmuciṯi ndrenia na ndebina ta anerṯe nəmorwa.

Frame 14-12

Na cum ŋwaria yərəmwa nŋələnice ŋawa elontər. Orn eŋen pređ, leđa lisrayil lafo ləɽwaṯa ŋen ŋwaiña ŋeicia ŋegia rəmwa na ŋegia Musa.Nəṯia đəge, rəmwa rafo rəbwa ŋenŋa iŋi rəfo raɽəṯu Ibraiyim, Isag na Yagob

Frame 14-13

Na iliga lomən təŋ ŋen leđa lero lebərṯa ŋawa, rəmwa ndrəlwaɽəṯe Musa, lwaɽəṯu lwandra, na liđi aŋəməiñia ŋawa ano." Orn Musa nəŋreṯe gəđiñəđaṯa rəmwa eŋen leđa neiñwaŋ pređ naŋəboɽi lwandra ñoman ñaɽəjan lafərala gebənṯa gafo galwəɽëṯia. ŋawa nəŋəmiña elwandr ṯa leđa pređ aləṯi, orn rəmwa ndrəciṯi Musaŋ ano na ndraṯa, "gaber agiđ ŋanṯi alo isi igəneicinde.

Frame 14-14

ŋen leđa lisrayil lerldo eđəiñwa nətəlaŋ ndređia marldwan, leđa pređ ildi lebiđia ŋen ŋegia rəmwa laiye pređ. Nəṯia rəmwa ndrəpurkađici leđa đəɽe nano iđi rënəŋu rəŋeicilo ṯa alwəfeṯe. Na Musa gafo goɽra kaiñ, na rəmwa ndroṯe Jasuaŋ ṯa aŋaməđaṯe musa ṯa alərlde leđa. Rəmwa cum ndrəlwaɽṯi Musaŋ ṯa iliga lənəŋ, riđi arəđwaṯa Nəbi garno ŋuŋ.

Frame 14-15

Na rəmwa ndraṯi Musaŋ ṯa aŋəpoṯe ayein eđəpe ṯa aŋənwane alo isi giđ aŋəwanici. Musa ŋəɽe ŋənwana orn rəmwa rero rəbəŋiniṯia ŋen ṯa aŋərəmaṯe alo isia. Orn ṯia Musa nəŋaiye na leđa lisrayil ldəmiṯi đwana ñoman ndređia nəɽijin. Orn Jasua nəŋəɽeṯe eđa gulilo gəɽënda ṯəŋ. Jasua gafo gaɽo eləŋ geŋəra ŋen ŋanṯa gađəñia na gaɽənu đəiñano erəmwa

Ađam gi-đuməđinia: đəməñia 16:-17

open-licensed biblical content

Moro: Open Bible Stories

Source

́14. ŋen ŋəđacəbənṯia eđəiñwa