10. ŋen ŋəđəbəɽwa iđi đeɽo ređ

Frame 10-01

Musa na Aron ləɽe Fero nano. ldəmaiṯi ṯa,"fəŋu ŋen iŋi rəmwa risrayil rəlwaɽo, ŋgiṯu leđa laləɽəñe aləmiñe! "" Fero naŋəreṯe galəŋənṯia. Ṯa gənəŋu aŋgiṯi leđa lisrayil ṯa aləmiñe bipi, gənəŋu ṯaŋələṯẽṯərenaṯu eŋen ṯa aliđi ŋəməɽra ŋəbəɽaŋano kañ.

Frame 10-02

Fero naŋənađe gəŋgiṯia leđa ṯa aləmiñe, nṯia Rəmwa ndrəmapuɽi ŋenəŋa iŋi ŋəɽo ređ, Rəmwa ndraŋaice Feroŋ ŋen ṯa rənəŋu rerṯo ŋabəɽa ŋoɽra ŋəməñaṯo orəba gəlëɽəŋu na imwa pređ yəlëɽəŋu isi yə-masr

Frame 10-03

Rəmwa ndrerëiđi ŋawa ŋeđəbarlda đənil naŋəɽeṯe ŋəfəni, orn məldin Fero nəŋerəṯe gabaŋənṯia leđa lisrayil ṯa aləmiñe.

Frame 10-04

Rəmwa ndrađwaṯe ñulu alo pređ yə-masr. Fero nəŋəɽeđe musaŋ ŋəbiaŋa ṯa aŋgəice ñulu. Nṯia ŋen ñulu ñaiyo pređ đəge, Fero naŋiđi ara gəlëɽəŋu gəbəɽaŋəno kañ na naŋereṯe gabaŋəntia ŋen ṯa leđa lisrayil aləmiñe alo yə-masr

Frame 10-05

Nṯia Rəmwa ndrađwaṯe laŋge ildi leɽo đəgəmia ldrẽsi leṯo elo.Nəṯia cum ndrađwaṯa laŋge ildi ləɽo đəgəmia lərno lai. Fero nəŋəwəndəđi Musaŋ na Aron na nəŋəlaiṯi ṯa ndə ñagəro ñagəđuria laŋge ildi leɽo đernḏacia, israyil yaber iđi ayəmiñe kwai kwai. ŋen musa geɽəđo Rəmwa, ndrəŋgace lai pređ alo yə-masr. Na Fero nəŋəb əɽeṯe ara aŋəno gələɽẽŋu na naŋereṯe gəŋgiṯia leđa ṯa aləmiñe məɽemɽəñ.

Frame 10-06

Təŋ, Rəmwa ndrəboɽi đwala pređ iđi đəleđa lə-masr ṯa ađumeiṯi na ađaiye. Orn ara gə-Fero nəŋəbëɽeṯe aŋəno kañ na naŋəreṯe gabaŋənṯia ŋen ṯa leđa lisrayil aləmiñe.

Frame 10-07

Nṯia Rəmwa ndralwaɽəṯe musaŋ ṯa aŋəwẽṯi fəuna elo eđeber Fero nəñwa. ŋen giđu ṯia, ŋen ŋəbwa ŋəŋəɽañ ŋəldɽi eđəpe ŋeɽo đagəmia eleđa lə-masr, orn gerṯa eleđa lisrayil.Rəmwa ndriṯi Fero ara gələɽẽŋu gəbəɽẽŋəno kañ na Fero naŋəreṯe gaŋgiṯia leđa lisrayil ṯa aləmiñe bipia.

Frame 10-08

ŋen ŋarno ṯia, Rəmwa ndrađwaṯe laŋge ildi ldrẽjəinia alo ŋen ŋarno ŋawa ŋəđənian naŋgere ŋəsa pređ ŋalo yə-masr na naŋəɽəñe leđa pređ ildi lafo ndəwẽir. Fero naŋǝwẽndẽđi Musaŋ na Aron naŋəlaṯi ṯa," igiđu ŋen ŋẽcia kañ.ŋen ŋaŋəra ṯa ñaɽe."Nəṯia musa nəŋabuŋiṯi Rəmwa na laŋge ildi lafo ldrẽjəinia alo ldəđəri đəge.

Frame 10-09

Orn Fero nəŋiđi ŋen ŋẽcia təŋ na nəŋiđi ara gələɽẽŋu gəbẽɽaŋəno.Nəṯia nəŋereṯe gaŋgiṯia leđa lisrayil ṯa aləmiñe məɽẽməɽñ.

Frame 10-10

Nəṯia Rəmwa ndriđi ŋẽɽwa ŋəyam alo nano pređ yə-masr.Yam isi ndẽse ŋwana pređ iŋi ŋafo ŋəṯəđəno ŋero ŋəsina laŋgala ildi lafo ldrẽjəino

Frame 10-11

Nṯia Rəmwa ndrađwaṯe ŋərəmia alo pređ ñoman ñəɽijin. Alo yafo yaɽo ŋərəm kañ orn leđa lə-masr lderəṯe laɽəwađəṯia leməña eneɽe enen. Orn arere naŋəfeṯe alo isi israyil yefau

Frame 10-12

Iliga đəđəbəɽua đəŋəɽañ iđi đeɽo đen mwarldwan, Fero məldin nəŋənađe gəbaŋənṯia leđa lisrayil ṯa aləmiñe məɽəmẽɽeñ. ŋen ŋarno Fero gəneđo gəna, Rəmwa ndraɽe ŋen ṯa arəđwaṯe đəbuɽua đonto iđi đeɽəñađiđo. ŋen iŋi ŋiđi aŋəməlađi ŋətəɽa ŋə-Fero.

Đumëđənia egađam: gəđəmaiña 5-10

open-licensed biblical content

Moro: Open Bible Stories

Source

10. ŋen ŋəđəbəɽwa iđi đeɽo ređ