24. ŋen Yuanna gəmamuḏi yesu
Yuanna, iđia gəsakariya na ilisabađa, naŋoɽeṯe egaŋəno na naŋəɽeṯe eđa igi gəɽwatəiṯəṯia leđa ŋen iŋi ŋiđ aŋela (Nəbi). gənəŋu gafo gaɽəŋa eđəñwa, ṯaŋəso lai na yama, gënəŋu naŋanicini erena nano igi giđənu wəlaga gəđë̈uri.
Leđa lwaiña ildi leṯo Yuannaŋ nano eđəñwaŋ ṯa aləmanəte. Gënəŋu ŋalərəŋaice ŋen, na nəŋaṯa," tađor ŋen eŋalo ŋeicia, ŋen ŋanṯa ŋələŋe ŋelo ŋafo ṯwaiñ.
ŋen leđa ləno ole gə-Yuanna, leđa lwaiña ildi leṯađo ŋen eŋen ŋeicia, na Yuanna nŋələnaice mamuḏiya, orn nələŋ nwəiña ini neɽo ŋoɽwa igənisa neṯo ŋen ŋanṯa Yuanna aŋələnaice mamuḏiya, orn lero lətađa ŋen eŋen ŋeicia.
Na Yuanna nəŋəlwaɽəṯi nələŋ nal-Yauḏ (Farisiyin na saḏḏugiyin) ṯa," ya ñere ñimwa yeicia! ŋgiṯr ŋen eŋalobŋeicia na miñr ŋen iŋi ŋəbërrəŋeiđia ṯa ñagəṯađo ŋen ŋeicia. Nuɽi pređ ini naber nələŋa liđia laŋəra niđi andriđəni na niđi anəwujəni isia." Yuanna gowrənḏəjaico ŋen iŋi ŋafo ŋəɽwatəno ram," səiđu, igəndəđwaiṯia eđa nəñwaŋ, igi giđ aŋəndëtuɽiṯi đađ."
Na leđa lal Yaud leɽəđe Yuanna ndə gënəŋu gaɽo Almasiya. Yuanna nəŋəluɽəbiṯi eŋen," iganəñi egero egəɽa Almasiya, orn eđa gani geṯo ñi nḏurṯu. Gënəŋu gerṯo ŋabəɽa gamiñaṯəñi igero igarəjađaṯa eŋen ṯa imaməñaice nḏəbina nerəmanəŋ rəlëɽəŋu."
Iliga lomən, Yesu geṯo ṯa Yuanna aŋəmanice mamuḏiya. Nəṯia ŋen Yuanna gësəcima, nəŋaṯa," sëiđur! fəŋu ɽruma ildi ɽrəmwa liđ aləŋgice ŋeicia pređ ŋalo."
Yuanna nəŋəlwëɽəṯi Yesu ṯa," ñi igero igarəjađaṯa ŋen ṯa eŋanaice mamuḏiya. Gəbanṯa fəŋa agaiñənaica mamuḏiya." Orn Yesu nəŋaṯa," ŋen ŋaŋəra ṯa ŋañənaice mamuḏiya, ŋen ŋanṯa fəŋu ŋen iŋi ŋuđrəwaṯo ṯa ŋiđi." Nəṯia Yuanna nəŋəmanice mamuḏiya, ŋen ŋarno gero gəbëđia ŋeicia.
ŋen Yesu gəməño eŋau gəneinu mamuḏiya đəge, usila gərəmwa girəwuṯəma nano garno bəldugur. Na iliga ildëi đurri, ole gərəmwa nəŋela elo nəŋaṯa," agaɽo iđia gəlëɽəñi igi gubwaniya, na igaŋërəṯiŋa nano kaiñ."
Orn rəmwa ndrəlwëɽəṯi Yuanna ṯa," usila gətëɽe giđ aŋerwa na aŋəɽëŋe egađa igi agəmanaica mamuḏiya. Eđa igëia gaɽo iđia gərəmwa." Rəmwa raɽo ronto. Orn ŋen Yuanna gənaico Yesu mamuḏiya, na naŋəne rəmwa papa gəɽwata, na naŋənwane usila gətëɽe cum.
Đumëđənia igajil: Maṯṯa ;3 Margus 1:9-11; Luka 3:1-23