34. Ang mga Istorya nga Gitudlo ni Jesus
Si Jesus miingon ug daghang mga istorya mahitungod sa gingharian sa Dios. Pananglitan, miingon siya nga, "Ang gingharian sa Dios sama sa liso sa mustasa nga gitanom sa usa ka tawo sa iyang yuta." Ang liso sa mustasa mao ang kinagamyang liso sa tanan.
"Apan kung ang liso sa mustasa motubo, mahimo na kining dako nga mga pananom sa umahan, sakto sa kadako nga bisan ang mga langgam mopahulay sa iyang sanga.
Si Jesus nagsulti ug usa ka istorya, "Ang gingharian sa Dios sama sa usa ka patubo sa harina nga gimasa hangtod masagol kini sa harina."
"Ang gingharian sa Dios sama usab sa usa ka bahandi nga gilubong sa usa ka tawo sa yuta. Nakita sa usa ka tawo ang bahandi ug gilubong kini pag-usab. Nalipay kaayo siya pag-ayo mao nga gibaligya niya ang tanan niya nga gipanag-iyahan ug gigamit ang kwarta aron mapalit niya ang yuta.
"Ang gingharian sa Dios sama sa usa ka perpekto nga perlas nga adunay dakong kantidad. Pagkakita niini sa negosyante sa perlas, iyang gibaligya ang tanan niyang gipanag-iyahan ug gigamit ang kwarta sa pagpalit sa maong perlas."
Unya si Jesus nagsaysay ug istorya sa mga tawo nga nagasalig sa ilang kaugalingong kamaayo ug nakaminus sa ubang tawo. Miingon siya, "Duha ka lalaki ang miadto sa Templo aron moampo. Usa sa ilaha tigkolekta ug buhis, ug ang uban usa ka pangulo sa relihiyon."
"Ang pangulo sa relihiyon sa mga Judio miampo sama niini, 'Salamat, Dios, nga dili ako makasasala sama sa ubang tawo — sama sa kawatan, mga daotan, mananapaw, o sama sa tigkolekta ug buhis."
"Pananglitan, nagapuasa ako ug duha ka beses sa usa ka semana ug ginahatag ko kanimo ang ikanapulo sa akong kuwarta ug butang nga akong madawat."
"Apan ang tigkolekta ug buhis mitindog palayo sa pangulo sa relihiyon, ug wala gani mitan-aw sa langit. Hinuon, iyang gidukdok ang iyang dughan ug niampo, "Dios, kaloy-i ako kay ako makasasala.
Unya miingon si Jesus, "Sultihan ko ikaw sa tinuod, nadunggan sa Dios ang pag-ampo sa tigkolekta ug buhis ug giila siya nga matarong. Apan wala siya ganahi sa pag-ampo sa pangulo sa relihiyon. Ipaubos sa Dios ang mapahitas-on, ug ipataas ang mapaubsanon.
Istorya gikan sa Biblia: Mateo 13:31-33, 44-46; Marcos 4:30-32; Lucas 13:18-21; 18:9-14