36. Nausab ang Hulagway ni Jesus

Usa ka adlaw, giuban ni Jesus ang tulo sa iyang mga tinun-an, Pedro, Santiago, ug Juan. (Ang Tinun-an nga ginganlan ug Juan lahi sa Juan nga nagbawtismo kang Jesus.) Sila miadto sa taas sa bungtod aron moampo.

Samtang si Jesus nag-ampo, ang iyang dagway nihayag sama sa adlaw ug ang iyang biste miputi sama sa kahayag, puti labaw sa bisan unsa diri sa kalibotan.

Unya si Moises ug ang propeta nga si Elias mipakita. Kini nga mga lalaki nipuyo sa kalibotan gatosan na ka tuig sa wala pa miabot si Jesus. Nakighisgot sila kang Jesus bahin sa iyang kamatayon nga hapit na mahitabo sa Jerusalem.

Samtang si Moises ug Elias nakig-istorya kang Jesus, miingon si Pedro kang Jesus, "Maayo gayod nga anaa kami karon. Magbuhat kamig tulo ka payag, isa kanimo, kang Moises, ug kang Elias." Si Pedro wala na makahibalo kon unsa ang iyang ginaingon.

Samtang si Pedro nag-istorya, adunay hayag nga gabon ang nagpalibot kanila ug naay tingog gikan sa panganod nga miingon. "Kini akong anak nga pinalangga. Nahimuot ako pag-ayo kaniya. Pamati kamo kaniya." Ang tulo ka tinun-an kay nangahadlok ug mihapa sa yuta.

Unya gigunitan sila ni Jesus ug miingon, "Ayaw kamo ug kahadlok. Bangon." Pagtan-aw nila sa palibot, si Jesus na lang ang nabilin.

Si Jesus ug ang tulo ka tinun-an milakaw panaog sa bungtod. Unya si Jesus miingon kanila, "Ayaw usa ninyo iingon sa bisan kinsa ang nahitabo diri. Mamatay ako puhon ug mabanhaw pag-usab. Pagkahuman niana, mahimo na ninyong ingnan ang mga tawo."

Istorya gikan sa Biblia: Mateo 17:1-9; Marcos 9:2-8; Lucas 9:28-36