37. Gibanhaw ni Jesus si Lazaro

Usa ka adlaw, si Jesus nakadawat ug balita nga si Lasaro nagsakit. Si Lasaro ug ang duha niya ka babae nga igsoon, Maria ug Marta, suod kaayo nga higala ni Jesus. Pagdungong ni Jesus niini nga balita, miingon siya, "Kining sakita dili matapos sa kamatayon, apan kini alang sa himaya sa Dios." Palangga ni Jesus iyang mga higala, apan mihulat siya atong dapita sa duha ka adlaw.

Paghuman sa duha ka adlaw, miingon si Jesus sa iyang mga tinun-an, "Mamalik kita sa Judea." "Apan Magtutudlo," ang tinun-an mitubag, "Ang mga tawo didto gusto ka patyon!" mitubag si Jesus, "Ang atong higala nga si Lasaro natulog, ug kinahanglan gayod nga ako siyang pukawon."

Nitubag ang mga tinun-an ni Jesus, "Ginoo, kung sa Lasaro natulog, mamaayo siya." Unya si Jesus miingon kanila, "Si Lasaro patay na. Nalipay ako nga wala ako didto, aron motuo kamo kanako."​

Pag-abot ni Jesus sa yutang natawhan ni Lasaro, si Lasaro gihaya na ug upat ka adlaw. Misugat si Marta kang Jesus ug miingon siya, "Master, kung naa lang unta ka ato nga panahon, wala unta namatay akong igsoon. Apan nagtuo ako nga ang Dios mohatag kanimo sa bisan unsa nga imong pangayoon kaniya."

Mitubag si Jesus, "Ako mao ang Pagkabanhaw ug ang Kinabuhi. Bisan kinsa nga motuo kanako mabuhi, bisan siya mamatay. Tanan nga mutuo kanako dili gayod mamatay. Motuo ba kamo niini?" Mitubag si Marta, "O, Ginoo! nagtuo ko nga ikaw ang Mesiyas, ang Anak sa Dios."

Unya niabot si Maria. Si Maria mihapa sa yuta sa tiilan ni Jesus ug miingon, "Ginoo, kung anaa lang unta ka ato nga panahon, wala unta mamatay akong igsoon." Nangutana si Jesus kanila, "Asa ninyo gibutang si Lasaro?" Nitubag sila, "Tua sa lubnganan. Ali ug tan-awa." Unya si Jesus mihilak.

Ang lubnganan usa ka langob nga adunay bato nga iligid aron maablihan. Pag-abot ni Jesus sa lubnganan, miingon siya kanila, "Iligid ninyo paabli ang bato." Apan miingon si Marta, "Upat ka adlaw na siyang patay. Baho na gayod sa sulod."

Mitubag si Jesus, "Wala ba ako nagsulti kaninyo nga makakita kamo sa himaya sa Dios kung mutuo kamo kanako?" Mao nga gikuha nila ang bato.

Unya si Jesus mihangad sa langit ug miingon, "Amahan, salamat sa imong pagpaminaw kanako. Kabalo ko kanunay ka nga nagapaminaw kanako, apan iingon ko kini kanimo aron makita sa tanan, aron sila motuo nga ako gipadala nimo." Unya si Jesus miingon, "Lasaro, gawas!"

Unya si Lasaro migawas! Naputos pa siya sa panapton. Miingon si Jesus kanila, "Tabangi siya sa pagtanggal sa panapton ug pagawsa siya!" Daghan sa mga Judio ang mituo kang Jesus tungod niining milagroha.

Apan ang mga pangulo sa relihiyon sa Judio nasina, mao nagtapok sila ug nagplano kung unsaon nila pagpatay kang Jesus ug Lasaro.

Istorya gikan sa Biblia: Juan 11:1-46