Exodus

Exodus 1

Exodus 1:1-7

Sa asa man nga nasod miabot ang mga anak sa Israel uban ni Jacob?

Miabot ang mga anak nga lalaki sa Israel ngadto sa Ehipto uban ni Jacob

Pila man kabuok ang mga kaliwat ni Jacob nga atua didto?

Mikabat ug 70 ang gidaghanon sa tanang mga kaliwat ni Jacob

Exodus 1:8-10

Kinsa man ang wala naghandom sa maayo nga nabuhat ni Jose?

Ang bag-o nga hari nga mibarog sa Ehipto, wala naghandom sa maayo nga nabuhat ni Jose.

Unsa man ang gihunahuna sa hari sa mga Ehiptohanon nga mahitabo kung dili sila magmanggialamon sa pagtagad sa mga Israelita?

Nahadlok ang hari sa mga Ehiptohanon nga magpadayon ug kadaghan ang mga Israelita, ug kung moabot ang gubat, makig-uban sila sa mga kaaway sa mga Ehiptohanon, makig-away batok kanila ug mobiya sa yuta.

Exodus 1:11-14

Giunsa man pagdaogdaog sa mga tinugyanan sa trabaho ang mga Israelita?

Gidaogdaog ug maayo ang mga Israelita sa mga tinugyanan sa trabaho pinaagi pinaagi sa malisod nga trabaho.

Unsa man ang nahitabo sa mga Israelita sa dihang gidaogdaog sila ug maayo sa mga Ehiptohanon?

Sa dihang gidaogdaog sila pag-ayo sa mga Ehiptohanon, misamot hinuon ug kadaghan ug mikaylap ang mga Israelita.

Exodus 1:15-17

Unsa man ang gisulti sa hari sa Ehipto nga buhaton sa mga mananabang kung lalaki ang bata?

Gisultihan sila sa hari sa Ehipto nga kung lalaki ang bata, nan kinahanglan nga patyon nila ang bata.

Nganong wala man gibuhat sa mga mananabang ang gisugo sa hari sa Ehipto?

Adunay kahadlok ang mga mananabang ngadto sa Dios ug wala gituman ang gisugo sa hari sa Ehipto kanila.

Exodus 1:18-19

Giunsa man pag-ingon sa mga mananabang nga ang mga babaye nga Hebreohanon dili sama sa mga babaye nga Ehiptohanon?

Miingon sila nga ang mga babaye nga Hebreohanon mga isog kaayo ug nakapanganak na sila sa wala pa moabot ang mananabang kanila.

Exodus 1:20-22

Unsa man ang gimando sa Faraon sa tanan niyang katawhan nga buhaton sa mga batang lalaki?

Gimandoan sa Faraon ang tanan niyang katawhan nga, "Kinahanglan nga ilabay ninyo ngadto sa suba ang matag batang lalaki nga matawo."

Exodus 2

Exodus 2:1-2

Unsa man kadugay nga gitagoan sa babaye nga gikan sa tribo ni Levi ang iyang anak nga lalaki?

Gitagoan sa babaye nga gikan sa tribo ni Levi ang iyang anak nga lalaki sulod sa tulo ka bulan.

Exodus 2:3-4

Unsa man ang gibulit sa babaye nga gikan sa tribo ni Levi sa basket nga papyrus?

Gibulitan niya ang basket nga papyrus sa aspalto ug alkitran.

Nganong nagbarog man ang igsoon nga babaye sa bata sa unahan?

Nagbarog ang igsoon nga babaye sa bata sa didto sa unahan aron makita kung unsa ang mahitabo sa bata.

Exodus 2:5-6

Unsa man ang gibuhat sa anak nga babaye sa Faraon samtang ang iyang mga katabang naglakaw sa daplin sa suba?

Milugsong sa suba ang anak sa Faraon nga babaye aron maligo samtang naglakaw ang iyang mga katabang daplin sa suba.

Exodus 2:7-8

Kinsa man ang gikuha sa batan-ong babaye aron mopasuso sa bata alang sa anak nga babaye sa Faraon?

Milakaw ang batan-ong babaye ug gikuha ang inahan sa bata aron maoy magpasuso sa bata alang sa anak nga babaye sa Faraon.

Exodus 2:9-10

Kinsa man ang nagngalan sa bata ug Moises?

Ginganlan sa anak nga babaye sa Faraon ang bata ug Moises.

Exodus 2:11-12

Asa man gitagoan ni Moises ang lawas sa Ehiptohanon nga iyang gipatay?

Gipatay ni Moises ang Ehiptohanon ug gitagoan ang lawas niini didto sa balas.

Exodus 2:13-14

Sa dihang nag-away ang duha ka mga lalaki, nga gipangutana ni Moises. "Nganong gisumbag man nimo ang imong kauban?"

Sa dihang nag-away ang duha ka lalaki nga Hebreohanon. Miingon si Moises sa sad-an, "Nganong gisumbag man nimo ang imong kauban?"

Exodus 2:15-22

Nganong wala man napatay sa Faraon si Moises?

Gisulayan sa pagpatay sa Faraon si Moises. Apan mikalagiw si Moises gikan sa Faraon ug mipuyo didto sa yuta sa Midian.

Kinsa man ang misulay sa pagpahawa sa mga anak nga babaye sa pari sa Midian?

Miabot ang mga magbalantay sa karnero ug gisulayan sa pagpahawa ang mga anak nga babaye sa pari sa Midian.

Exodus 2:23-25

Kanus-a man nahinumdoman sa Dios ang iyang kasabotan tali kang Abraham, kang Isaac, ug kang Jacob?

Sa dihang nadungog sa Dios ang ilang pag-agulo, nahinumdoman sa Dios ang iyang kasabotan tali kang Abraham, kang Isaac ug kang Jacob.

Exodus 3

Exodus 3:1-3

Kinsa man ang ugangan nga lalaki ni Moises?

Si Jetro, nga pari sa Midian, mao ang ugangan nga lalaki ni Moises.

Sa unsa man nga paagi nagpaktia ang anghel sa Ginoo kang Moises?

Mipakita ang anghel ni Yahweh kang Moises diha sa nagkalayo nga sampinit.

Exodus 3:4-6

Kinsa man ang nagtawag kang Moises gikan sa sampinit?

Gitawag sa Dios si Moises gikan sa sampinit.

Nganong miingon man ang Dios kang Moises nga huboon ang iyang sapatos?

Miingon ang Dios, "Ayaw na pagpaduol! Huboa ang imong mga sapatos, kay ang dapit nga imong gitindogan mao ang yuta nga gigahin alang kanako."

Exodus 3:7-8

Nganong mikanaog man si Yahweh?

Mikanaog si Yahweh aron sa pagpaggawas sa mga Israelita gikan sa gahom sa mga Ehiptohanon ug aron dad-on sila gikan niana nga yuta paingon sa tabunok, luag nga yuta, didto sa yuta nga nagdagayday ang gatas ug dugos.

Exodus 3:9-10

Nganong gipadala man ni Yahweh si Moises ngadto sa Faraon?

Gipadala ni Yahweh si Moises ngadto sa Faraon aron nga madala ni Moises ang katawhan ni Yahweh, nga mga Israelita, pagawas sa Ehipto.

Exodus 3:11-12

Unsa man ang mahimong timaan ngadto kang Moises nga si Yahweh ang nagpadala kaniya?

Ang timaan ngadto kang Moises nga si Yahweh ang nagpadala kaniya mao nga sa dihang mapagawas niya ang katawhan gikan sa Ehipto, pagasimbahon niya si Yahweh niining bukira.

Exodus 3:13-15

Sa dihang mangutana ang mga Israelita kung unsa ang ngalan sa Dios, unsa man ang kinahanglan nga isulti niya kanila?

Sa dihang mangutana ang mga Israelita kang Moises kung unsa ang ngalan sa Dios, kinahanglan nga moingon siya, "AKO MAO AKO."

Exodus 3:16-18

Unsa man kadugay ang pag-adto sa mga Israelita ngadto sa kamingawan, aron nga makahalad sila kang Yahweh, nga ilang Dios?

Mopanaw ang mga Israelita sulod sa tulo ka adlaw ngadto sa kamingawan, aron nga makahalad sila kang Yahweh, nga ilang Dios.

Exodus 3:19-22

Dili motugot ang hari sa Ehiptohanon nga molakaw ang mga Israelita gawas kung mahitabo ang unsa man?

Dili motugot ang hari sa Ehiptohanon nga molakaw ang mga Israelita, gawas kung mapugos ang iyang kamot.

Exodus 4

Exodus 4:1-3

Unsa man ang anaa sa kamot ni Moises?

Usa ka sungkod ang anaa sa kamot ni Moises.

Exodus 4:4-5

Unsa man ang nahitabo sa sungkod ni Moises sa dihang giitsa niya kini sa yuta?

Nahimong bitin ang sungkod ni Moises sa dihang giitsa niya kini sa yuta.

Unsa man ang kinahanglan nga gunitan ni Moises sa bitin?

Kinahanglan nga gunitan ni Moises ang bitin pinaagi sa ikog.

Exodus 4:6-9

Unsa man ang nahitabo sa unang pagpagawas ni Moises sa iyang kamot gikan sa sulod sa iyang kupo?

Sa unang pagpagawas ni Moises sa iyang kamot gikan sa sulod sa iyang kupo, gisangla kini.

Exodus 4:10-13

Kinsa man ang mahimong baba ni Moises ug motudlo kaniya sa kung unsa ang isulti?

Si Yahweh ang mahimo nga baba ni Moises ug tudloan siya kung unsa ang isulti.

Exodus 4:14-17

Unsa man ang bation ni Aaron, sa dihang makita niya si Moises?

Sa dihang makita ni Aaron si Moises, magsadya gayod ang iyang kasingkasing.

Kang kinsa man mahisama si Moises ngadto kang Aaron?

Mahisama si Moises sa Dios ngadto kang Aaron.

Exodus 4:18-20

Nganong makabalik na man si Moises sa Ehipto?

Makabalik na si Moises sa Ehipto, kay patay na ang tanang mga kalalakin-an nga misulay sa pagpatay kaniya.

Exodus 4:21-23

Nganong patig-ahon man ni Yahweh ang kasingkasing sa Faraon?

Patig-ahon ni Yahweh ang kasingkasing sa Faraon, ug dili niya tugotan nga molakaw ang katawhan.

Unsa man ang buhaton ni Yahweh sa kamagulangan nga anak sa Faraon, sanglit midumili man ang Faraon sa pagpalakaw sa kamagulangang anak nga lalaki ni Yahweh.

Sanglit nagdumili man ang Faraon sa pagpalakaw sa kamagulangang anak nga anak ni Yahweh, pagapatyon gayod ni Yahweh ang kamagulangang anak nga lalaki sa Faraon.

Exodus 4:24-26

Unsa ang gisulay sa pagbuhat ni Yahweh kang Moises, sa dihang mihunong sila sa pagkagabii?

Sa dihang mihunong sila sa pagkagabii, gitagbo ni Yahweh si Moises ug gisulayan siya sa pagpatay.

Exodus 4:27-28

Asa man gitagbo ni Aaron si Moises?

Mitagbo si Aaron kang Moises didto sa bukid sa Dios.

Exodus 4:29-31

Kinsa man ang nagpakita ug mga timaan sa gahom ni Yahweh sa panan-aw sa katawhan?

Gipakita ni Aaron ang mga timaan sa gahom ni Yahweh sa panan-aw sa katawhan.

Exodus 5

Exodus 5:1-2

Nganong kinahanglan man nga palakwon sa Faraon ang katawhan ni Yahweh?

Kinahanglan nga palakwon nila ang katawhan ni Yahweh, aron makasaulog sila alang kang Yahweh ngadto sa kamingawan.

Exodus 5:3-5

Nganong kinahanglan man nga molakaw ang mga Israelita sulod sa tulo ka adlaw nga panaw ngadto sa kamingawan ug maghalad kang Yahweh nga ilang Dios?

Kinahanglan nga molakaw ang mga Israelita sulod sa tulo ka adlaw nga panaw ngadto sa kamingawan ug maghalad kang Yahweh nga ilang Dios aron dili niya sila pamatyon pinaagi sa hampak o sa espada.

Exodus 5:6-9

Kinsa man ang gimandoan sa Faraon nga dili na angay nga hatagan pa ang mga Israelita ug dagami aron sa paghimo ug mga tisa?

Gimandoan sa Faraon ang mga tinugyanan sa trabaho ug ang mga tigdumala sa mga tawo nga dili na angay nga hatagan pa ug dagami ang mga Israelita aron sa paghimo ug mga tisa.

Exodus 5:10-11

Bisan tuod nga ang mga Israelita kinahanglan moadto ug mokuha sa dagami bisan asa nila kini mahikaplagan, unsa man ang dili paubsan?

Bisan tuod nga ang mga Israelita kinahanglan moadto ug mokuha sa dagami bisan asa nila kini mahikaplagan, apan dili paubsan ang ilang ginatrabaho.

Exodus 5:12-14

Kinsa man ang gilatos sa mga tinugyanan sa trabaho?

Gipanglatos sa mga tinugyanan sa trabaho sa Faraon ang mga tigdumala sa mga Israelita, kadtong mga kalalakin-an nga ilang sinaligan sa mga trabahador.

Exodus 5:15-18

Kang kinsa man nga sayop nga gipanglatos ang mga tigdumala sa mga Israelita?

Sayop kini sa kaugalingong mga tawo sa Faraon nga gipanglatos ang mga tigdumala sa mga Israelita.

Exodus 5:19-21

Asa man si Moises ug Aaron samtang mipalayo sila gikan sa Faraon?

Nagbarog si Moises ug Aaron sa gawas sa palasyo samtang mipalayo sila gikan sa Faraon.

Exodus 5:22-23

Kinsa man ang giingon ni Moises nga maoy hinungdan sa kalisod sa katawhan sa israel?

Miingon si Moises nga ang Ginoo ang hinungdan sa kalisod sa katawhan sa Israel.

Exodus 6

Exodus 6:1

Nganong palakwon man sa Faraon ang katawhan sa Israel?

Palakwon sa Faraon ang katawhan sa Israel tungod sa gamhanang kamot ni Yahweh.

Exodus 6:2-7

Giunsa man pagpakita ni Yahweh ngadto kang Abraham, kang Isaac, ug kang Jacob?

Nagpakita si Yahweh ngadto kang Abraham, kang Isaac, ug kang Jacob ingon nga Gamhanang Dios.

Unsa man ang nadungog ni Yahweh, ug ang iyang nahinumdoman?

Nadungog ni Yahweh ang agulo sa mga Israelita nga giulipon sa mga Ehiptohanon, ug nahinumdoman niya ang iyang saad.

Exodus 6:8-9

Unsa man ang ihatag ni Yahweh sa mga Israelita ingon nga panag-iyahon?

Ihatag ni Yahweh ang yuta nga iyang gisaad kang Abraham, kang Isaac, ug kang Jacob ngadto sa mga Israelita ingon nga panag-iyahon.

Exodus 6:10-15

Nganong naghunahuna man si Moises nga dili siya paminawon sa Faraon"

Naghunahuna si Moises nga dili maminaw ang Faraon kaniya tungod kay dili man siya maayong mosulti.

Exodus 6:16-19

Hangtod pila man ang panuigon ni Kohat nga nagkinabuhi?

Nabuhi si Kohat hangtod nga nagpanuigon siya ug 133.

Exodus 6:20-22

Kinsa man ang giminyoan ni Amram?

Giminyoan ni Amram si Jokebed, ang igsoong babaye sa iyang amahan

Exodus 6:23-25

Kinsa man ang nag-anak kang Nadab ug kang Abihu?

Nanganak si Elisheba kang Nadab ug kang Abihu.

Exodus 6:26-30

Unsaon man pagpagawas ni Aaron ug ni Moises ang mga Israelita gikan sa yuta sa Ehipto?

Pagawson ni Aaron ug ni Moises ang mga Israelita gikan sa yuta sa Ehipto pinaagi sa ilang mga pundok sa manggugubat nga kalalakin-an.

Exodus 7

Exodus 7:1-2

Giunsa man ang pagpakasama ni Yahweh si Moises ngadto sa Faraon?

Gihimo ni Yahweh si Moises nga sama sa dios ngadto sa Faraon.

Exodus 7:3-7

Unsa man ang himoon ni Yahweh sa kasingkasing sa Faraon?

Pagahion ni Yahweh ang kasingkasing sa Faraon.

Kanus-a man mahibaloan sa mga Ehiptohanon kung kinsa si Yahweh?

Mahibaloan sa mga Ehiptohanon kung kinsa si Yahweh sa dihang iisa niya ang iyang kamot ngadto sa Ehipto ug dad-on pagawas ang mga Israelita gikan sa ilang taliwala.

Exodus 7:8-10

Mahimong unsa man ang sungkod ni Moises?

Mahimong bitin ang sungkod ni Moises.

Exodus 7:11-13

Pinaagi sa unsa man nga nahimong mga bitin ang sungkod sa maalamon ug sa mga salamangkero sa Faraon?

Nahimong mga bitin ang sungkod sa maalamon ug sa mga salamangkero sa Faraon pinaagi sa salamangka.

Exodus 7:14-15

Asa man kinahanglan motindog si Moises aron nga makita niya ang Faraon?

Kinahanglan motindog si Moises ngadto sa daplin sa suba aron nga makita ang Faraon.

Exodus 7:16-18

Mahimong unsa man ang suba?

Mahimong dugo ang suba.

Exodus 7:19

Unsa man nga tubig ang mahimo nga dugo?

Ang kasubaan sa Ehiptohanon, ang mga sapa, ang mga salumanan, ug ang tanan nilang linaw, ug bisan ang kahoy nga pundohanan ug tubig ug bato mahimong dugo.

Exodus 7:20-22

Unsa man ang nahitabo sa kasingkasing sa Faraon?

Nagmagahi ang kasingkasing sa Faraon.

Exodus 7:23-25

Giunsa man pagsulay sa mga Ehiptohanon aron sa pagkuha ug tubig nga mainom?

Nagkalot ang mga Ehiptohanon palibot sa suba aron adunay tubig nga mainom.

Exodus 8

Exodus 8:1-4

Unsa man ang himoon ni Yahweh kung modumili ang Faraon sa pagpalakaw sa katawhan ni Yahweh?

Kung modumili ang Faraon sa pagpalakaw sa katawhan ni Yahweh, sakiton niya ang tanan nga anaa sa nasod ni Faraon pinaagi sa mga baki.

Asa man moadto ang mga baki nga gikan sa suba?

Manungas ang mga baki ug manulod sa mga balay, sa mga lawak, sa mga higdaanan. Manulod kini sa panimalay sa iyang mga sulugoon. Moadto kini sa mga katawhan, ngadto sa mga pugon, ug ngadto sa himoanan nila ug pan.

Exodus 8:5-7

Asa man iisa ni Aaron ang iyang kamot?

Iisa ni Aaron ang iyang kamot ibabaw sa katubigan sa Ehipto.

Exodus 8:8-12

Unsa man nga kahigayonan ang gihatag ni Moises sa Faraon?

Mihatag si Moises ug kahigayonan sa pagsulti kaniya sa dihang kinahanglan niya nga mag-ampo alang sa Faraon, sa iyang mga sulugoon, ug sa iyang katawhan, aron nga hawaon ang mga baki diha kanila ug sa ilang mga balay ug mopuyo lamang didto sa suba.

Exodus 8:13-15

Unsa man ang gibuhat sa Faraon human niya nakita nga aduna nay kahupayan gikan sa mga baki?

Gipagahi sa Faraon ang iyang kasingkasing ug wala maminaw kang Moises ug kang Aaron sa dihang nakita niya nga aduna nay kahupayan.

Exodus 8:16-17

Nahimong unsa man ang abog nga anaa sa yuta?

Nahimong mga tagnok ang tanang abog nga anaa sa yuta ug milukop sa tibuok yuta sa Ehipto.

Exodus 8:18-19

Unsa man ang nahitabo sa dihang misulay sa pagbuhat ang mga salamangkero ug mga tagnok pinaagi sa ilang salamangka?

Nagsulay ang mga salamangkero sa pagbuhat ug mga tagnok pinaagi sa ilang salamangka, apan dili sila makahimo.

Exodus 8:20-21

Unsa man ang mapuno sa mga langaw?

Mapuno sa mga panon sa mga langaw ang panimalay sa mga Ehiptohanon, ug bisan ang yuta diin ilang gitindogan mapuno sa mga langaw.

Exodus 8:22-24

Nganong wala may mga langaw didto sa Goshen?

Iiway ni Yahweh ang yuta sa Goshen, aron nga walay panon sa mga langaw nga maanaa didto. Mahitabo kini aron nga mahibaloan sa Faraon nga anaa sa taliwala si Yahweh niini nga yuta.

Exodus 8:25-29

Nganong wala man maghalad ang mga Israelita didto sa Ehipto?

Ang paghalad sa mga Israelita kang Yahweh nga ilang Dios usa ka butang nga gidumtan sa mga Ehiptohanon.

Exodus 8:30-32

Kinsa man ang nagpagahi sa kasingkasing sa Faraon human mipahawa ang mga langaw?

Si Yahweh ang nagpagahi sa kasingkasing sa Faraon hangtod niining higayona.

Exodus 9

Exodus 9:1-4

Asa man Maanaa ang kamot ni Yahweh?

Maanaa ang kamot ni Yahweh sa mga baka ug sa mga kabayo, sa mga asno, sa mga kamelyo, sa mga panon sa baka, ug sa mga karnero didto sa mga kaumahan sa Ehiptohanon.

Exodus 9:5-7

Nganong wala man palakwa sa Faraon ang katawhan sa Israel, bisan nangamatay na ang mga baka?

Nagmagahi ang kasingkasing sa Faraon, mao nga wala niya palakwa ang katawhan.

Exodus 9:8-10

Unsa man ang mahimong pino nga abog sa tibuok yuta sa Ehipto?

Ang abo nga gikan sa hudno mahimong abog sa tibuok yuta sa Ehipto.

Exodus 9:11-14

Nganong dili man makasukol ang mga salamangkero kang Moises?

Dili makasukol ang mga salamangkero kang Moises tungod sa mga hubaghubag.

Exodus 9:15-17

Nganong wala man gamita ni Yahweh ang iyang kamot ug mihasmag sa Faraon ug sa iyang katawhan uban sa mga balatian ug puohon sila gikan sa yuta?

Wala mihasmag si Yahweh sa Faraon ug sa iyang katawhan aron nga ipakita kanila ang iyang gahom, aron nga mapakaylap ang Iyang ngalan sa tibuok kalibotan.

Exodus 9:18-19

Unsa man ang pahimangno ni Yahweh mahitungod sa ice?

Miingon si Yahweh nga ang matag tawo ug mga mananap nga anaa sa kaumahan nga dili madala sa mga balay—maulanan sila ug ice, ug mangamatay kini.

Exodus 9:20-24

Kinsa man kadtong nagdala sa ilang mga ulipon ug mga baka ngadto sa ilang mga balay?

Kadtong mga sulugoon sa Faraon nga nagtuo sa mensahe ni Yahweh ug nagdali sa pagdala sa ilang mga ulipon ug mga baka paingon sa ilang mga balay.

Exodus 9:25-26

Sa tibuok yuta sa Ehipto, unsa man ang gipahamtangan ug ice?

Gipahamtangan ug ice ang tanan nga anaa sa mga kaumahan, lakip na ang mga tawo ug ang mga mananap. Mihamtang usab kini sa matag tanom didto sa mga kaumahan ug nangabali ang matag kahoy, sa tibuok yuta sa Ehipto.

Exodus 9:27-30

Sa panahon nga nag-ulan ug ice, unsa man ang giangkon sa Faraon?

Miingon siya nga nakasala siya niining higayona. Matarong si Yahweh, siya ug ang iyang katawhan mga daotan.

Exodus 9:31-35

Unsa man nga mga tanom ang wala nadaot sa mga ice? Ug ngano?

Wala madaot ang trigo ug ang ubang klasi sa trigo tungod kay ulahi man kini namunga.

Exodus 10

Exodus 10:1-4

Nganong gipagahi man ni Yahweh ang kasingkasing sa Faraon ug sa iyang mga sulugoon?

Gipagahi ni Yahweh ang kasingkasing sa Faraon ug sa iyang mga sulugoon aron ipakita ang mga timaan sa iyang gahom ngadto kanila. Gibuhat usab niya kini aron nga sultihan sa mga Israelita ang ilang mga kaanakan ug kaapohan sa mga butang nga iyang nabuhat.

Exodus 10:5-8

Unsa man nga klase sa mananap ang motabon sa tibuok yuta aron nga wala nay makakita niini?

Tabonan sa mga dulon ang tibuok yuta aron nga wala nay makakita pa niini.

Exodus 10:9-11

Unsa man ang giingon sa Faraon sa dihang miingon si Moises nga molakaw ang mga Israelita uban sa ilang mga kabataan ug katigulangan, uban sa ilang mga anak nga lalaki ug babaye?

Miingon ang Faraon, "Dili kana mahimo! Lakaw, uban lamang sa inyong mga kalalakin-an,".

Exodus 10:12-15

Unsa man ang nagdala sa mga dulon?

Gidala sa hangin gikan sa sidlakan ang mga dulon.

Exodus 10:16-18

Unsa man ang giingon sa Faraon nga iyang nabuhat batok kang Yahweh?

Miingon ang Faraon nga nakasala siya batok kang Yahweh, nga Dios ni Moises.

Exodus 10:19-20

Pila man kabuok ang dulon nga nahibilin sa Ehipto human nga gipahuros ni Yahweh ang kusog nga hangin gikan sa kasadpan?

Walay bisan usa ka dulon ang nahibilin sa tibuok ginsakopan sa Ehipto human nga gipahuros ni Yahweh ang hilabihan ka kusog nga hangin gikan sa kasadpan.

Exodus 10:21-23

Unsa man ang nahitabo sa mga Ehiptohanon sulod sa tulo ka adlaw nga kangitngit?

Sulod sa tulo ka adlaw nga kangitngit wala gayoy makakita kang bisan kinsa; wala gayoy mibiya sa iyang balay sulod sa tulo ka adlaw.

Exodus 10:24-26

Human sa kangitngit, unsa man ang giignon sa Faraon nga kinahanglan ipabilin sa dihang manlakaw na ang mga Israelita sa pagsimba kang Yahweh?

Miingon ang Faraon nga kinahanglan nga ibilin ang panon sa mga karnero ug panon sa mga baka sa dihang manlakaw na ang mga Israelita sa pagsimba kang Yahweh.

Exodus 10:27-29

Unsa man ang giingon sa Faraon nga mahitabo kang Moises kung makita ug usab sa Faraon ang iyang panagway?

Miingon ang Faraon nga mamatay si Moises sa adlaw mga makita ni Moises ang panagway sa Faraon.

Exodus 11

Exodus 11:1-3

Unsa man ang kinahanglan pangayoon sa mga lalaki ug babaye nga Israelita ngadto sa ilang mga silingan human sa kataposang hampak?

Kinahanglan nga mangayo ug mga alahas nga plata ug bulawan ang matag lalaki ug babaye nga Israelita ngadto sa ilang mga silingan human sa kataposang hampak.

Kang kinsa mang mga mata nakapahimuot pag-ayo si Moises?

Nakapahimuot pag-ayo si Moises sa mga mata sa mga sulugoon sa Faraon ug sa katawhan sa Ehipto.

Exodus 11:4-5

Kinsa man nga mga kamagulangan nga anak ang mamatay?

Ang tanang kamagulangang anak sa yuta sa Ehipto ang mamatay, gikan sa kamagulangang anak sa Faraon, nga naglingkod sa trono, ngadto sa kamagulangang anak sa ulipon nga babaye nga naglingkod luyo sa galingan, ug sa tanang unang anak sa mga baka.

Exodus 11:6-10

Kanus-a man nakasinati ug hilabihan nga pagdanguyngoy sa tibuok yuta sa Ehipto sama sa nasinati nila sa kataposang hampak?

Wala pa gayoy sama niini nga hilabihan nga pagdanguyngoy, ni sa umaabot pa.

Exodus 12

Exodus 12:3-4

Unsa man ang kinahanglan nga buhaton sa matag pamilya nga Israelita sa ikanapulo nga adlaw niining unang bulan?

Sa ikanapulo nga adlaw niining unang bulan kinahanglan nga mokuha ug usa ka nating karnero o nating kanding ang matag pamilya alang sa ilang mga kaugalingon.

Kung sobra lamang ang usa ka nating karnero alang sa panimalay, unsa man ang angay nilang buhaton?

Kung sobra lamang ang usa ka nating karnero alang sa panimalay, mahimong moambit ang tawo ug ang iyang silingan sa karne sa nating karnero ug nating kanding sumala sa gidaghanon sa mga tawo sa ilang pamilya.

Exodus 12:5-8

Kanus-a man kinahanglan nga ihawon sa tibuok pundok sa Israel kini nga mga mananap?

Kinahanglan nga ihawon sa tibuok pundok sa Israel kini nga mga mananap inig kilumkilom na.

Uban sa unsa man kaonon sa mga Israelita ang nating karnero o kanding?

Kinahanglan nila kining kaonon uban sa pan nga walay igpapatubo, uban sa pait nga mga tanom.

Exodus 12:9-11

Unsa man ang buhaton sa mga Israelita kung adunay karnero nga masalin?

Kinahanglan nga walay masalin bisan gamay niini pagkabuntag. Kinahanglan nga sunogon nila ang mga salin pagkabuntag.

Exodus 12:12-14

Unsa man ang mahitabo kung makita ni Yahweh ang dugo sa mga balay?

Sa dihang makita ni Yawheh ang dugo sa mga balay, mosaylo lamang siya niini.

Exodus 12:15-16

Unsa man ang mahitabo kang bisan kinsa nga mokaon ug pan nga adunay igpapatubo gikan sa unang adlaw hangtod sa ikapito nga adlaw?

Kinahanglan nga pahawaon gikan sa Israel ang si bisan kinsa nga mokaon ug pan nga adunay igpapatubo gikan sa unang adlaw hangtod sa ikapito nga adlaw,

Unsa man lamang ang trabaho nga mamahimo nilang buhaton sa mga Israelita sulod sa pito ka adlaw sa pan nga walay igpapatubo?

Walay trabaho nga buhaton niining mga adlawa, gawas sa pagluto aron kaonon sa tanan.

Exodus 12:17-20

Kanus-a man kinahanglan nga kaonon sa mga Israelita ang pan nga walay igpapatubo?

Kinahanglan nga mokaon ug pan nga walay igpapatubo ang mga Israelita gikan sa kilumkilom sa ikanapulo ug upat nga adlaw sa unang bulan sa tuig, hangtod sa kilumkilom sa ika-21 nga adlaw sa bulan.

Exodus 12:21-22

Asa man kinahanglan nga ipahid sa mga Israelita ang dugo nga anaa sa palanggana?

Kinahanglan nga ipahid sa mga Israelita ang dugo nga anaa sa palanggana ngadto sa ibabaw nga bahin sa pultahan ug ngadto sa duha ka mga haligi niini.

Exodus 12:23-25

Kanus-a man saylohan ni Yahweh ang pultahan sa usa ka tawo?

Saylohan ni Yahweh ang pultahan sa usa ka tawo sa dihang makita niya ang dugo nga anaa sa ibabaw nga bahin sa pultahan ug sa duha ka mga haligi niini.

Exodus 12:26-28

Sa dihang mangutana ang mga anak sa mga Israelita kanila, 'Unsa man ang buot ipasabot niini nga pagsimba?' unsa man ang angay nilang isulti?

Sa dihang mangutana ang mga anak sa mga Israelita kanila, 'Unsa man ang buot ipasabot niini nga pagsimba?' diha kinahanglan nga moingon sila, 'Mao kini ang halad sa Pagsaylo ni Yahweh, tungod kay gisaylohan man ni Yahweh ang balay sa mga Israelita didto sa Ehipto sa dihang gisilotan niya ang mga Ehiptohanon. Gipalingkawas niya ang atong panimalay.'

Exodus 12:29-33

Nganong aduna may hilabihan nga pagbangotan sa Ehipto?

Nahitabo ang hilabihan nga pagbangotan sa Ehipto, tungod kay wala gayoy balay nga wala namatyan.

Exodus 12:34-36

Unsa man ang gipangayo sa mga Israelita ngadto sa mga Ehiptohanon?

Nangayo ug alahas nga plata, alahas nga bulawan, ug mga sinina ang mga Israelita ngadto sa mga Ehiptohanon.

Exodus 12:37-40

Nganong wala may igpapatubo ang pan?

Walay igpapatubo ang pan tungod kay gipagawas man sa Ehipto ang mga Israelita ug dili na sila maglanganlangan pa sa pag-andam ug pagkaon.

Exodus 12:41-42

Unsa man kadugay nga namuyo ang mga Israelita didto sa Ehipto?

Namuyo sila sa Ehipto sulod sa 430 ka tuig.

Exodus 12:43-46

Kinsa man ang dili makaambit sa pagkaon sa Pagsaylo?

Walay langyaw nga makaambit sa pagkaon sa Pagsaylo.

Exodus 12:47-51

Kung adunay langyaw nga nagpuyo uban sa mga Israelita ug gusto nga mosaulog sa Pagsaylo alang kang Yahweh, unsa man ang kinahanglan nga buhaton sa tanan niyang mga paryente nga lalaki?

Kung adunay langyaw nga nagpuyo uban sa mga Israelita ug gusto nga mosaulog sa Pagsaylo ni Yahweh, kinahanglan nga magpatuli ang tanan niyang mga paryente nga lalaki.

Exodus 13

Exodus 13:1-2

Kang kinsa man nahisakop ang kamagulan nga anak?

Nahisakop kang Yahweh ang tanang kamagulangan nga anak.

Exodus 13:3-7

Unsa mang bulana migawas ang mga Israelita sa Ehipto?

Migawas ang mga Israelita sa Ehipto sa unang bulan sa Abib.

Exodus 13:8-10

Nganong mamahimo man nga pahinumdom kini nga pagluwas alang sa mga Israelita ngadto sa ilang mga kamot, ug pahinumdom sa ilang mga agtang?

Kini nga pagluwas mamahimo nga pahinumdom alang sa mga Israelita sa ilang mga kamot, ug pahinumdom sa ilang agtang, aron nga maanaa sa ilang mga baba ang balaod ni Yahweh.

Exodus 13:11-16

Pinaagi sa unsa man kinahanglan nga paliton ug balik sa mga Israelita ang unang anak nga asno?

Kinahanglan nga paliton ug balik ang unang anak nga asno pinaagi sa usa ka nating karnero.

Exodus 13:17-18

Nganong wala man giyahi sa Dios ang mga Israelita paingon sa yuta sa mga Filistihanon?

Wala sila gigiyahan sa Dios paingon sa yuta sa mga Filistihanon. Tungod kay miingon ang Dios, "Basin ug mausab ang hunahuna sa katawhan kung makasinati sila sa gubat ug mamalik sa Ehipto.

Exodus 13:19-22

Unsa man ang tiunay nga gipasaad ni Jose sa mga Israelita?

Gipasaad ni Jose ang mga Israelita sa tiunay, "Kinahanglan nga dad-on ninyo ang akong mga bukog uban kaninyo".

Giunsa man pag-uban ni Yahweh sa mga Israelita panahon sa kagabhion? Ngano man?

Panahon sa kagabhion nag-uban siya pinaagi sa pundok sa kalayo nga daw haligi aron nga mahayagan sila. Niini nga paagi makahimo sila sa pagpanaw panahon sa adlaw ug panahon sa gabii.

Exodus 14

Exodus 14:4-5

Sa dihang nasuginlan ang hari sa Ehipto nga mikalagiw na ang mga Israelita, unsa man ang nahitabo sa hunahuna sa Faraon ug sa iyang mga sulugoon?

Sa dihang nasuginlan ang hari sa Ehipto nga mikalagiw na ang mga Israelita, nausab ang hunahuna sa Faraon ug sa iyang mga sulugoon batok sa mga Israelita.

Exodus 14:6-9

Asa man naapsan sa mga Ehiptohanon ang mga Israelita?

Naapsan sa mga Ehiptohanon ang mga Israelita nga nagkampo daplin sa dagat sa Pi Hahirot, duol sa Baal Zefon.

Exodus 14:10-12

Unsa man ang gisulti sa mga Israelita nga mas maayo pa kaysa mamatay sila didto sa kamingawan?

Miingon sila nga mas maayo pa nga magtrabaho sila alang sa mga Ehiptohanon kaysa mamatay sila didto sa kamingawan.

Exodus 14:13-14

Tungod kay si Yahweh man ang makig-away alang sa mga Israelita, unsa lang man ang ilang buhaton?

Makig-away si Yahweh alang sa mga Israelita, ug kinahanglan lamang nga mobarog sila nga lig-on.

Exodus 14:15-18

Nganong mosunod man ang mga Ehiptohanon sa mga Israelita ngadto sa dagat?

Gipatig-a ni Yahweh ang kasingkasing sa mga Ehiptohanon busa misunod sila sa mga Israelita.

Exodus 14:19-20

Giunsa man pagbabag sa panganod ang mga Ehiptohanon, apan nagtabang kini sa mga Israelita?

Ngitngit ang panganod ngadto sa mga Ehiptohanon, apan naghatag kini ug kahayag alang sa mga Israelita, busa walay usa ka bahin nga nakapaduol sa pikas bahin sa tibuok gabii.

Exodus 14:21-22

Unsa man kadugay nga gipasibog ni Yahweh ang dagat pinaagi sa kusog nga hangin gikan sa sidlakan?

Gipasibog ni Yahweh pabalik ang dagat pinaagi sa makusog nga hangin sa sidlakang bahin sa tibuok gabii.

Exodus 14:23-25

Kanus-a man midungaw si Yahweh sa mga kasundalohan sa Ehiptohanon pinaagi sa daw haligi nga kalayo ug panganod?

Sa sayo sa kabuntagon, midungaw si Yahweh sa mga kasundalohan sa Ehiptohanon pinaagi sa daw haligi nga kalayo ug panganod.

Exodus 14:26-28

Pila man ka mga sundalo sa Faraon ang nabuhi sa pagtabok sa dagat?

Walay usa nga nabuhi sa pagtabok sa dagat.

Exodus 14:29-31

Unsa man ang gibuhat sa mga Israelita sa dihang nakita nila ang dakong gahom ni Yahweh batok sa mga Ehiptohanon?

Sa dihang nakita sa mga Israelita ang dakong gahom nga gigamit ni Yahweh batok sa mga Ehiptohanon, gipasidunggan sa katawhan si Yahweh, ug misalig na sila kang Yahweh ug sa iyang alagad nga si Moises.

Exodus 15

Exodus 15:1-3

Kinsa man ang gipangtambog ni Yahweh sa dagat?

Gipangtambog ni Yahweh ang kabayo ug ang mga mangabayoay niini didto sa dagat.

Exodus 15:4-5

Giunsa man pagkaunlod sa mga Ehiptohanon paingon sa kinahiladman?

Naunlod sila sa kinahiladman sama sa bato.

Exodus 15:6-11

Giunsa man pagkapundok sa tubig?

Pinaagi sa hangin sa buho sa ilong ni Yahweh, napundok ang tubig.

Exodus 15:12-13

Sa unsa man nga paagi nga gigiyahan ni Yahweh ang iyang mga linuwas nga katawhan?

Gigiyanhan ni Yahweh ang iyang linuwas nga katawhan pinaagi sa iyang matinud-anong kasabotan. Gigiyahan niya sila pinaagi sa iyang gahom paingon didto sa balaan nga dapit nga iyang gipuy-an.

Exodus 15:14-16

Unsa man ang buhaton sa katawhan sa dihang nadungog nila nga giluwas ni Yahweh ang mga Israelita?

Mangalisang ang katawhan nga makadungog niini.

Exodus 15:17-18

Asa man dad-on ni Yahweh ang mga Israelita?

Dad-on ni Yahweh ang mga Israelita ug ipahimotang sila didto sa bukid nga iyang panulondon, ang dapit nga gihimo ni Yahweh aron iyang puy-an.

Exodus 15:19-21

Kinsa man ang nagpatugtog sa mga tamborin?

Ang nagpatugtog sa mga tamborin mao si Miriam nga babayeng propeta ug ang tanang kababayen-an.

Exodus 15:22-23

Nganong dili man mainom sa mga Israelita ang tubig sa Mara?

Dili mainom sa mga Israelita ang tubig didto sa Mara tungod kay pait kini.

Exodus 15:24-27

Giunsa man pagkatam-is ang pait nga tubig sa Mara?

Mipakita si Yahweh ug usa ka kahoy kang Moises. Giitsa kini ni Moises sa tubig, ug nahimong tam-is nga imnon ang tubig.

Exodus 16

Exodus 16:1-3

Asa man dapit ang kamingawan sa Sin?

Ang kamingawan sa Sin anaa sa tungatunga sa Elim ug sa Sinai.

Sumala sa mga Israelita, nganong gidala man sila ni Moises didto sa kamingawan?

Miingon sila nga gidala sila ni Moises didto sa kamingawan aron pamatyon ang tibuok lumolupyo sa kagutom.

Exodus 16:4-5

Nganong manggawas man ang mga tawo ug magtigom alang nianang adlawa?

Manggawas ang mga tawo ug magtigom alang lamang nianang adlawa aron nga sulayan sila ni Yahweh kung magtuman ba sila sa iyang balaod o dili.

Exodus 16:6-8

Unsaon man pagkahibalo sa mga Israelita nga gipagawas sila ni Yahweh gikan sa yuta sa Ehipto?

Mahibal-an sa mga Israelita nga gipagawas sila ni Yahweh gikan sa yuta sa Ehipto sa dihang hatagan ni Yahweh ug karne sa pagkagabii ug tinapay sa pagkabuntag hangtod nga nabusog.

Exodus 16:9-12

Unsa man ang mitungha sa panganod?

Mitungha sa panganod ang himaya ni Yahweh.

Exodus 16:13-15

Unsa man ang gidak-on sa tinapay nga gihatag ni Yawheh sa mga Israelita aron kan-on?

Ang gihatag ni Yahweh sa mga Israelita nga kaonon mao ang gamay ug lingin nga butang nga sama kanipis sa tubig nga migahi.

Exodus 16:16-18

Sa dihang gisukod sa mga Israelita ang tinapay nga gikan kang Yahweh, pila man ang anaa sa matag tawo?

Sa dihang gisukod nila kini sa omer nga sukdanan, kadtong nagtigom ug daghan walay nahibilin, ug kadtong nagtigom ug gamay wala makulangi. Ang matag tawo nagtigom ug igo lamang nga matagbo ang ilang gikinahanglan.

Exodus 16:19-21

Unsa man ang nahitabo sa tinapay nga gikan kang Yahweh nga nahibilin sa pipila ka mga Israelita pagkabuntag?

Ang tinapay nga gikan kang Yahweh nga nahibilin sa pipila ka mga Israelita hangtod sa buntag giulod ug nangapan-os.

Exodus 16:22-23

Pila man ka tinapay ang natigom sa mga Israelita sa ikaunom nga adlaw?

Sa ikaunom nga adlaw nakatigom sila ug dobli pa nga gidaghanon sa tinapay, duha ka omer ang kada tawo.

Exodus 16:24-25

Unsa man ang nahitabo sa tinapay ni Yahweh nga gilain hangtod sa ikapito nga adlaw?

Wala mapan-os ug wala usab giulod ang tinapay ni Yahweh nga gilain hangtod sa ikapito nga adlaw.

Exodus 16:26-27

Pila man ka manna ang nakaplagan sa mga Israelita sa ikapito ka adlaw?

Walay nakaplagan ang pipila ka mga tawo nga miadto sa gawas aron sa pagtigom ug manna sa ikapito nga adlaw.

Exodus 16:28-30

Unsa man ang kinahanglan nga buhaton sa mga Israelita sa ikapito nga adlaw?

Ang matag usa kanila kinahanglan nga magpuyo sa ilang kaugalingong dapit; walay usa nga mogawas gikan sa ilang dapit sa ikapito nga adlaw.

Exodus 16:31-32

Unsa man ang manna?

Ang manna sama sa puti nga liso sa culantro, ug tam-is kini sama sa nipis nga tinapay nga adunay dugos.

Nganong magtipig man ug usa ka omer sa manna?

Magtipig ug usa ka omer nga manna ang kaliwatan sa mga katawhan aron nga makita sa ilang mga kaliwat ang tinapay nga gipakaon ni Yahweh kanila didto sa kamingawan.

Exodus 16:33-36

Asa man tipigan ang usa ka omer nga manna?

Tipigan ang usa ka omer nga manna didto sa kulon ug ibutang kini tapad sa balaodnong kasabotan sulod sa Sudlanan sa Kasabotan.

Unsa man kadugay nga mikaon ang mga tawo sa Israel ug manna?

Mikaon sa manna ang katawhan sa Israel sulod sa 40 ka tuig hangtod nga miabot sila sa ilang pinuy-anan nga yuta.

Exodus 17

Exodus 17:1-3

Nganong gibasol man si Moises sa katawhan tungod sa ilang kahimtang?

Tungod kay walay tubig nga mainom ang katawhan. Mao nga gibasol sa katawhan si Moises sa ilang kahimtang.

Exodus 17:4-7

Unsa man ang gikahadlokan ni Moises nga buhaton sa katawhan ngadto kaniya?

Nahadlok si Moises tungod kay hapit na siyang batoon sa mga tawo.

Unsa man ang gisulti ni Yahweh kang Moises nga buhaton aron nga mahatagan ug tubig nga mainom ang katawhan?

Giingnan ni Yahweh si Moises nga bunalan niya ang bato gamit ang iyang sungkod. Ug mogawas ang tubig gikan sa bato aron imnom sa katawhan.

Exodus 17:8-10

Asa man nagtindog si Moises sa dihang misulong ang katawhan sa Amalek sa Israel?

Mitindog si Moises sa tumoy sa bungtod uban ang sungkod sa Dios sa iyang kamot.

Exodus 17:11-13

Unsa man ang nahitabo samtang giisa ni Moises ang iyang kamot, ug sa dihang gipaubos niya ang iyang kamot?

Samtang giisa ni Mioses ang iyang kamot, midaog ang mga Israelita. Sa dihang ipaubos niya ang iyang kamot, magsugod sa pagkadaog ang Amalek.

Giunsa man ni Aaron ug ni Hur pagtabang kang Moises sa pag-isa sa iyang kamot?

Nagkuha si Aaron ug si Hur ug bato ug gipalingkoran nila kini kang Moises. Sa samang panahon, mitindog sila sa isigka kilid ni Moises ug giisa nila ang iyang kamot.

Exodus 17:14-16

Nganong gisultihan man ni Yahweh si Moises nga isulat ang mahitungod sa pagpakiggubat batok kang Amalek?

Gisultihan ni Yahweh si Moises nga isulat ang mahitungod sa gubat diha sa libro, tungod kay papason ni Yahweh sa hingpit ang handomanan sa Amalek gikan sa ilalom sa kalangitan.

Exodus 18

Exodus 18:1-4

Kinsa man si Jetro?

Si Jetro usa ka pari sa Midian, nga ugangang lalaki ni Moises.

Unsa man ang mga ngalan sa mga anak nga lalaki ni Moises?

Ang ngalan sa mga anak nga lalaki ni Moises mao si Gershom ug si Eliezer.

Exodus 18:5-6

Asa man nagkampo si Moises sa dihang giuban ni Jetro ang asawa ug mga anak ni Moises?

Nagkampo si Moises sa kamingawan didto sa bukid sa Dios sa dihang giuban ni Jetro ang asawa ni Moises ug ang mga anak niini.

Exodus 18:7-8

Giunsa man pag-abi-abi ni Moises ang iyang ugangan nga lalaki?

Miyuko siya ug mihalok kaniya.

Exodus 18:9-11

Unsa man nga hinungdan nga nagmaya si Jetro?

Nagmaya si Jetro sa tanan nga maayong butang nga gibuhat ni Yahweh alang sa Israel, ug giluwas niya sila gikan sa gahom sa mga Ehiptohanon.

Giunsa man pagkasayod ni Jetro nga mas labaw pa si Yahweh kaysa sa tanang mga dios?

Nasayran ni Jetro nga mas labaw pa si Yahweh kaysa sa mga dios, tungod kay sa dihang gidaogdaog ug maayo sa mga Ehiptohanon ang mga Israelita, giluwas sa Dios ang iyang katawhan.

Exodus 18:12

Kinsa man ang nangaon atubangan sa Dios?

Miadto si Aaron ug ang tanang mga kadagkoan aron sa pagpangaon atubangan sa Dios uban sa ugangan nga lalaki ni Moises.

Exodus 18:13-14

Unsa man ka dugay nga nagtindog ang katawhan palibot kang Moises samtang naglingkod siya aron sa paghusay sa mga tawo?

Nagtindog ang mga tawo palibot kang Moises gikan sa buntag hangtod sa kagabhion.

Exodus 18:15-16

Ngano nga moadto man ang mga tawo kang Moises?

Moadto ang mga tawo kang Moises aron sa pagpangayo ug giya sa Dios. Kung aduna silay mga panaglalis, moadto sila kaniya.

Exodus 18:17-20

Nganong miingon man si Jetro nga dili maayo ang gibuhat ni Moises?

Miingon si Jetro nga dili maayo ang gibuhat ni Moises tungod kay mahago gayod siya ug ang mga tawo nga moduol kaniya, tungod kay hilabihan ka bug-at ang palas-anon alang kaniya. Dili siya makabuhat niini kung siya lang sa iyang kaugalingon.

Exodus 18:21-27

Unsa man nga mga tawo ang gisulti ni Jetro nga pilion ni Moises aron nga modumala sa mga tawo?

Miingon si Jetro kang Moises nga magpili ug angayan nga mga tawo, mga tawo nga nagtamod sa Dios, mga tawo nga matarong nga nagasalikway sa pagkadili makiangayon.

Unsa man nga mga kaso ang husayon niining mga tawhana?

Husayon sa mga angayan nga tawo ang tanang sayon lang nga mga kaso sa mga tawo, apan ang mga lisod nga mga kaso pagadad-on nila kini ngadto kang Moises. Alang sa tanan nga mga sayon nga mga kaso, makahimo sila sa paghusay niana sa ilang kaugalinon.

Exodus 19

Exodus 19:1-2

Kanus-a man miadto ang mga Israelita ngadto sa kamingawan sa Sinai?

Sa ikatulo nga bulan human makagawas ang katawhan sa Israel gikan sa yuta sa Ehipto, sa sama nga adlaw, miadto sila sa kamingawan didto sa Sinai.

Exodus 19:3-6

Unsa man ang kinahanglan nga buhaton sa mga Israelita kung gusto nila nga mahimong pinasahi nga panag-iyahan ni Yahweh?

Kinahanglan nga magmatinud-anon nga mopatalinghog sa tingog ni Yahweh ang mga Israelita ug tumanon ang iyang kasabotan, unya mamahimo silang pinasahi nga panag-iyahan ni Yahweh taliwala sa tanang katawhan.

Exodus 19:7-9

Ngano nga moadto man si Yahweh sa katawhan pinaagi sa baga nga panganod?

Moadto si Yahweh kanila pinaagi sa baga nga panganod aron nga madungog sa katawhan sa dihang makigsulti siya kanila ug motuo usab kang Moises hangtod sa kahangtoran.

Exodus 19:10-11

Unsaon man paglain sa mga tawo sa ilang mga kaugalingon?

Ilain nila ang ilang mga kaugalingon pinaagi sa pagpangandam sa pag-abot ni Yahweh, ug pinaagi sa paglaba sa ilang mga bisti.

Exodus 19:12-15

Unsa man ang mahitabo sa tawo nga makatunob sa bukid?

Si bisan kinsa nga makatunob sa bukid sigurado nga pagapatyon.

Sa unsa mang paagi sa pagpatay sa mga tawo nga makatunob sa bukid?

Pagabatohon sila o panaon siya nga makatunob sa bukid.

Exodus 19:16-18

Nganong nalisang man ang mga tawo?

Adunay pagdalugdog, pagkilat ug baga nga panganod didto sa bukid, ug gipalanog ug maayo ang trumpeta. Mao nga nalisang ang tanang mga tawo didto sa kampo.

Exodus 19:19-22

Unsa man ang kinahanglan nga buhaton sa mga pari aron nga dili sila patyon ni Yahweh?

Kadtong mga pari nga moduol kang Yahweh kinahanglan nga ilain ang ilang mga kaugalingon—andamon ang ilang kaugalingon sa pag-abot ni Yahweh—aron nga dili sila patyon ni Yahweh.

Exodus 19:23-25

Kinsa man ang makatungas sa bukid kauban ni Moises?

Si Aaron lamang ang makahimo sa pagtungas sa bukid uban ni Moises.

Exodus 20

Exodus 20:1-3

Unsa man ang dili angay nga buhaton sa mga Israelita sa atubangan ni Yahweh?

Kinahanglan nga wala silay lain nga mga dios gawas kaniya.

Exodus 20:4-6

Ngano nga dili man magkulit ug mga hulagway ang mga Israelita ug kinahanglan nga dili moyukbo niini?

Kinahanglan nga dili magkulit ug mga hulagway o moyukbo ang mga Israelita niini tungod kay si Yahweh abughoan nga Dios.

Hangtod sa makapila nga kaliwat pagasilotan ni Yahweh ang pagkadaotan sa mga katigulangan?

Pagasilotan ni Yahweh ang pagkadaotan sa mga katigulangan pinaagi sa pagsilot sa ilang mga kaliwat, ngadto sa ikatulo ug hangtod sa ikaupat nga mga kaliwatan niadtong nagsalikway kaniya.

Exodus 20:7

Kang kinsa man nga ngalan nga kinahanglang dili pasipalaan sa mga Israelita?

Kinahanglan nga dili nila pasipalaan ang ngalan ni Yahweh nga ilang Dios.

Exodus 20:8-11

Ngano nga kinahanglan man balaanon sa mga Israelita ang Adlaw nga Igpapahulay ug kinahanglan nga mopahulay niini nga adlaw?

Kinahanglan nga balaanon sa mga Israelita ang Adlaw nga Igpapahulay ug mopahulay niini nga adlaw, tungod kay sulod sa unom ka adlaw, gihimo ni Yahweh ang kalangitan, ang yuta, ang dagat, ug ang tanan nga anaa niini ug mipahulay sa ikapito nga adlaw.

Si kinsa man ang kinahanglan nga magbalaan ug magpahulay sa Adlaw nga Igpapahulay?

Kinahanglan nga dili magtrabaho ang mga Israelita, kamo ni ang inyong mga anak nga lalaki ug babaye, ni ang mga sulugoon nga lalaki ug babaye, ni ang mga baka, ni ang mga langyaw nga anaa sa inyong mga ganghaan.

Exodus 20:12-17

Unsa man ang dangatan sa mga Israelita nga motahod sa ilang mga amahan ug inahan?

Aron nga motaas pa ang ilang kinabuhi samtang magpuyo didto sa yuta nga igahatag ni Yahweh nga ilang Dios kanila.

Exodus 20:18-23

Nganong nangalisang man ang mga tawo?

Nakita sa tanang mga tawo ang pagkilat ug pagdalugdog, ug nadungog ang pagpalanog sa budyong, ug nakita nga nag-aso ang bukid. Sa pagkakita sa mga tawo niini, nangalisang sila ug mitindog sa layo.

Unsa man ang gihunahuna sa mga Israelita nga mahimong mahitabo kung ang Dios ang makigsulti kanila?

Naghunahuna sila nga kung ang Dios ang makigsulti kanila, mamatay gayod sila.

Exodus 20:24-26

Unsa man ang mahitabo sa mga Israelita kung gamiton nila ang ilang mga kagamitan sa paghimo sa bato nga halaran?

Kung gamiton nila ang ilang mga kagamitan sa paghimo ug bato nga halaran, mapasipad-an nila kini.

Exodus 21

Exodus 21:1

Si kinsa man ang magpatuman sa mga balaod alang sa mga Israelita?

Si Moises mao ang magpatuman sa mga balaod ngadto sa mga Israelita.

Exodus 21:2-4

Kung hatagan sa agalon ang ulipon ug asawa ug manganak ug anak nga lalaki ug babaye, unsa man ang mahitabo kanila kung buhian na ang ulipon?

Kung mihatag ang agalon ug asawa sa ulipon ug nanganak alang kaniya ug anak nga lalaki o babaye, ang iyang asawa ug ang iyang mga anak mapanag-iya sa iyang agalon, ug siya lamang ang makagawas nga mag-inusara.

Exodus 21:5-6

Kung dili mopahawa ang ulipon, unsa man ang mahitabo?

Kung dili mopahawa ang ulipon, kinahanglan nga pagadad-on siya sa agalon ngadto sa pultahan o sa haligi sa pultahan, ug kinahanglan nga bangagan sa iyang agalon ang iyang dalunggan gamit ang galamiton sa pagbangag. Unya maulipon siya sa tibuok niyang kinabuhi.

Exodus 21:7-8

Kang kinsa man dili mahimong ibaligya sa agalon ang babaye nga ulipon?

Walay katungod ang agalon sa pagbaligya sa babayeng ulipon ngadto sa langyaw nga mga tawo.

Exodus 21:9-11

Kanusa a man makapahawa ang sulugoong babaye nga wala siyay mabayrang kwarta?

Kung minyoan sa anak nga lalaki sa agalon ang babayeng ulipon ug unya maminyo napud ug laing babaye, kinahanglan nga dili niya kuhaan ang pagkaon sa iyang unang asawa, mga bisti, o ang katungod sa iyang pagkaasawa. Apan kung dili niya mahatag kining tulo ka butang ngadto kaniya, nan gawasnon siyang makapahawa nga walay bayad nga salapi.

Exodus 21:12-14

Unsa man ang ihatag ni Yahweh ngadto sa tawo nga makapatay ug usa ka tawo nga wala tuyoa?

Kung makapatay ang tawo ug usa ka tawo nga wala tuyoa, magpili si Yahweh ug dapit nga iyang kadangpan.

Exodus 21:15-17

Unsa man ang mahitabo ni bisan kinsa nga motunglo sa iyang amahan ug sa iyang inahan?

Si bisan kinsa nga motunglo sa iyang amahan ug sa iyang inahan kanahanglan gayod patyon.

Exodus 21:18-19

Kung adunay mag-away nga mga tawo ug dagmalan sa usa ang laing tawo gamit ang bato o sa iyang kinumo ug naglubog ang tawo sa iyang higdaanan, unsa man ang buhaton sa tawo nga nakadagmal kaniya?

Kung adunay mag-away nga mga tawo ug dagmalan sa usa ang laing tawo gamit ang bato o sa iyang kinumo ug naglubog ang usa sa iyang higdaanan, ang tawo nga nagdagmal kaniya kinahanglan mobayad sa iyang oras nga nausik.

Exodus 21:20-21

Kung bunalan sa usa ka tawo ang iyang ulipong lalaki o babaye gamit ang sungkod, apan kung buhi pa ang ulipon sulod sa usa o duha ka adlaw, unsaon man pagsilot ang agalon?

Kung bunalan sa usa ka tawo ang iyang ulipong lalaki o babaye gamit ang sungkod, apan kung buhi pa ang ulipon sulod sa usa o duha ka adlaw, dili angay silotan ang agalon, tungod kay nag-antos man siya sa pagkawala sa iyang ulipon.

Exodus 21:22-25

Kung adunay manag-away nga mga tawo ug makaangin sa usa ka babayeng mabdos aron siya makuhaan, apan wala nay laing kadaot nga nahitabo kaniya, unsa man ang mahitabo sa tawong sad-an?

Kung adunay manag-away nga mga tawo ug makaangin sa usa ka babayeng mabdos aron siya makuhaan, apan wala nay laing kadaot nga nahitabo kaniya, nan ang tawong sad-an kinahanglan magmulta sumala sa gipangayo kaniya sa bana sa babaye, ug magabayad gayod siya sumala sa hukom sa maghuhukom.

Unsa man ang ihatag sa tawong sad-an kung adunay kadaot nga nahitabo?

Kung adunay kadaot nga mahitabo, nan kinahanglan ang kinabuhi bayrag kinabuhi, ang usa ka mata bayrag mata, ang ngipon bayrag ngipon, ang kamot bayrag kamot, ang tiil bayrag tiil, ang paso bayrag paso, ang samad bayrag samad, o ang labod bayrag labod.

Exodus 21:26-27

Kung maigo sa usa ka tawo ang mata sa iyang ulipong lalaki o sa iyang ulipong babaye ug mabuta kini, o kung mahingo niya ang ngipon sa iyang ulipong lalaki o babaye, unsa man ang bayad niini?

Kung maigo sa usa ka tawo ang mata sa iyang ulipong lalaki o sa iyang ulipong babaye ug mabuta kini, o kung mahingo niya ang ngipon sa iyang ulipong lalaki o babaye, angay niyang palakwon ang ulipon ingon nga bayad alang sa mata ug sa ngipon.

Exodus 21:28-32

Kung nabatasan na sa baka ang pagpanungag kaniadto, ug gipasidan-an na ang tag-iya apan wala niya kini bantayi, ug makapatay ang torong baka ug lalaki o babaye, unsa man ang mahitabo sa torong baka ug sa tag-iya niini?

Kung nabatasan na sa baka ang pagpanungag kaniadto, ug gipasidan-an na ang tag-iya apan wala niya kini bantayi, ug makapatay ang torong baka ug lalaki o babaye, batohon gayod kanang torong baka, ug patyon usab ang tag-iya niini.

Exodus 21:33-34

Kung ang usa ka tawo magkuha sa tabon sa usa ka lungag, o magbangag ug dili niya kini tabonan, ug mahulog niini ang usa ka torong baka o asno, unsa man ang buhaton sa tag-iya sa maong lungag?

Kung ang usa ka tawo magkuha sa tabon sa usa ka lungag, o magbangag ug dili niya kini tabonan, ug mahulog niini ang usa ka torong baka o asno, kinahanglan bayran sa tag-iya sa lungag ang nawala.

Exodus 21:35-36

Kung ang torong baka sa usa ka tawo makapatay sa laing torong baka sa tawo, unsa man ang mahitabo sa duha ka torong baka?

Kung ang torong baka sa usa ka tawo makapatay sa laing torong baka sa tawo, nan ibaligya nila ang buhing torong baka ug bahinon nila ang halin niini, ug bahinon usab nila ang patay nga torong baka.

Exodus 22

Exodus 22:1-6

Kung makapatay ang usa ka tawo ug kawatan nga nasubangan na sa adlaw, kinsa man ang sad-an?

Kung misubang na ang adlaw nga nanglungkab ang kawatan, sad-an ang tawo nga nagpatay kaniya.

Kung wala gayoy ikabayad ang awatan, unsa man ang iyang ibayad?

Kung wala gayoy ikabayad ang kawatan, nan ibaligya siya tungod sa iyang gikawat.

Exodus 22:7-9

Kung ang usa ka tawo magatugyan ug salapi o katigayonan sa iyang silingan aron tipigan, ug kung kawaton kini didto sa balay sa maong tawo, apan wala makaplagan ang kawatan, unsa man ang mahitabo?

Kung ang usa ka tawo magatugyan ug salapi o katigayonan sa iyang silingan aron tipigan, ug kung kawaton kini didto sa balay sa maong tawo, kung makaplagan ang kawatan, kana nga kawatan magbayad duha ka pilo. Apan kung dili makaplagan ang kawatan, kinahanglan moadto ang tag-iya sa maong balay sa maghuhukom ug makisayod kung ibutang ba niya ang iyang kamot ngadto sa katigayonan sa iyang silingan.

Exodus 22:10-15

Kung ang usa ka tawo magatugyan ngadto sa iyang isigkatawo ug asno, torong baka, karnero, o bisan unsang mananap aron alimahan, ug kung kini mamatay o masamdan o pagaabogon kini nga walay makakita, unsa man ang bayad?

Kung ang usa ka tawo magatugyan ngadto sa iyang isigkatawo ug asno, torong baka, karnero, o bisan unsang mananap aron alimahan, ug kung kini mamatay o masamdan o pagaabogon kini nga walay makakita, dili pabayron ang tawo.

Exodus 22:16-19

Kung ang usa ka lalaki manglimbong sa usa ka ulay nga dili pa kinasal, ug kung makigdulog siya kaniya, unsaon man nga maminyoan niya ang babaye?

Kung ang usa ka lalaki manglimbong sa usa ka ulay nga dili pa kinasal, ug kung makigdulog siya kaniya, kinahanglan nga minyoan gayod niya siya pinaagi sa pagbayad sa babaye ug bugay nga gikinahanglan alang niini.

Exodus 22:20-21

Nganong dili man angay nga tamastamasan sa mga Israelita ang mga langyaw?

Kinahanglan nga dili tamastamasan o daogdaogon sa mga Israelita ang mga langyaw, kay mga langyaw man usab sila sa yuta sa Ehipto.

Exodus 22:22-24

Unsa man ang mahitabo sa mga Israelita nga magsakit sa mga balo ug sa mga ilo?

Kung sakiton silang tanan sa mga Israelita, ug kung magpakitabang sila kang Yahweh, tubagon gayod niya ang ilang pagpakitabang. Magdilaab ang iyang kasuko, ug patyon niya sila pinaagi sa espada; mangabiyuda ang ilang mga asawa ug mangailo ang ilang mga anak.

Exodus 22:25-28

Kung ang usa ka tawo makadawat ug prenda nga bisti sa iyang isigkatawo, kanus-a man niya kini iuli sa tag-iya?

Kung ang usa ka tawo makadawat ug prenda nga bisti sa iyang isigkatawo, kinahanglan ibalik niya kini kaniya sa dili pa mosalop ang adlaw.

Exodus 22:29-31

Unsa man ang karne nga dili kan-on sa mga Israelita? Unsa man ang ilang buhaton niini?

Dili magakaon ang mga Israelita sa bisan unsang karne nga gikuniskunis sa mga mananap diha sa kapatagan. Hinuon, kinahanglan nga ilabay nila kini ngadto sa mga iro.

Exodus 23

Exodus 23:4-5

Kung makita sa mga Israelita ang asno sa usa ka tawo nga nagdumot kanila nga natumba ug nadat-ugan sa iyang karga, unsa man ang angay nilang buhaton?

Kung makita sa mga Israelita ang asno sa usa ka tawo nga nagdumot kanila nga natumba ug nadat-ugan sa iyang karga, dili nila biyaan kanang tawhana. Kinahanglan nga tabangan nila siya uban sa iyang asno.

Exodus 23:6-9

Nganong kinahanglan man nga dli modawat ug suhol ang mga Israelita?

Kinahanglan dili sila modawat ug suhol, kay ang suhol makabuta niadtong makakita, ug magtuis sa matuod nga pulong sa mga tawo.

Exodus 23:10-11

Nganong kinahanglan man biyaan sa mga Israelita ang ilang mga uma nga wala madaro sa ikapito ka tuig?

Sa ikapito ka tuig kinahanglan biyaan sa mga Israelita ang ilang mga uma nga wala madaro ug dili atimanon, aron nga ang mga kabos nga anaa uban sa ilang mga tawo makakaon.

Exodus 23:12-13

Nganong kinahanglan man mopahulay ang mga Israelita sa ikapito nga adlaw?

Sa ikapito nga adlaw kinahanglan nga mopahulay sila aron nga makapahulay usab ang ilang torong baka ug asno, ug aron makapahulay ug mabaskog usab ang anak nga lalaki sa ilang ulipong babaye ug si bisan kinsa nga langyaw.

Exodus 23:14-15

Sa unsa mang bulana pagasaulogon ang Kasaulogan sa Tinapay nga walay Igpapatubo?

Pagasaulogon ang Kasaulogan sa Tinapay nga walay Igpapatubo sa bulan sa Abib.

Unsa mang bulana migawas ang mga Israelita sa Ehipto?

Migawas sila sa Ehipto sa bulan sa Abib.

Exodus 23:16-17

Kanus-a man bantayan ang Kasaulogan sa Abot ug ang Kasaulogan sa Pagtapok?

Kinahanglan bantayan ninyo ang Kasaulogan sa Abot, uban ang unang bunga sa inyong paghago na inyong gipugas sa inyong mga uma. Ug bantayan ninyo usab ang Kasaulogan sa Pagtapok sa kataposan sa tuig, sa dihang tigomon ninyo ang abot nga gikan sa inyong uma.

Exodus 23:18-19

Hangtod kanus-a nga ipabilin ang tambok nga gikan sa mga halad alang sa kasaulogan ni Yahweh

Ang tambok nga gikan sa mga halad alang sa kasaulogan ni Yahweh kinahanglan nga dili ibilin tibuok gabii hangtod buntag.

Exodus 23:20-22

Unsa man ang mahitabo kung makigbatok ang mga Israelita sa anghel ni Yahweh?

Kung makigbatok sila kaniya, dili sila pasayloon sa ilang mga sala.

Exodus 23:23-25

Unsa man ang buhaton sa mga Israelita sa langyaw nga mga dios?

Laglagon gayod nila kini sa hingpit ug dugmokon ang ilang mga haligi nga bato.

Exodus 23:26-29

Nganong wala paman giabog ni Yahweh ang langyaw nga mga nasod atubangan sa mga Israelita sulod sa usa ka tuig?

Dili pa sila ipapahawa ni Yahweh sulod sa usa ka tuig, o mahimong biniyaan ang yuta, ug ang mga ihalas nga mga mananap managhan alang kanila.

Exodus 23:30-33

Nganong dili man papuy-on ang mga langyaw nga nasod sa yuta sa mga Israelita?

Dili sila papuy-on sa yuta sa mga Israelita, kay pakasad-on nila ang mga Israelita batok kang Yahweh.

Exodus 24

Exodus 24:1-2

Pila man ka mga kadagkoan nga motungas aron sa pagsimba kang Yahweh samtang sa halayo pa?

70 ka mga kadagkoan ang motungas aron mosimba kang Yahweh sa halayo.

Exodus 24:3-4

Sa unsa man nagpaila ang napulo ug duha ka mga bato?

Nagpaila ang napulo ug duha ka mga bato sa napulo ug duha ka mga tribo sa Israel.

Exodus 24:5-6

Asa man gibutang ni Moises ang dugo sa torong baka gikan sa mga halad sa pakigdait alang kang Yahweh?

Gikuha ni Moises ang katunga sa dugo sa torong baka gikan sa mga halad sa pakigdait alang kang Yahweh ug gibutang kini sa mga panaksan; ug gisablig niya ang katunga ngadto sa halaran.

Exodus 24:7-8

Giunsa man pagbuhat ni Yahweh ug kasabotan tali sa mga Israelita?

Naghimo si Yahweh ug kasabotan tali sa mga Israelita pinaagi sa paghatag kanila ug saad sa hingpit nga mga pulong.

Exodus 24:9-11

Kinsa man ang nakakita kang Yahweh?

Ang nakakita kang Yahweh mao sila Moises, Aaron, Abihu, ug ang 70 ka mga kadagkoan sa Israel.

Exodus 24:12-13

Nganong gihatag man ni Yahweh kang Moises ang mga papan nga bato ang balaod ug ang mga kasugoan?

Gihatag ni Yahweh kang Moises ang mga papan nga bato ang balaod ug ang mga kasugoan nga iyang gisulat, aron itudlo kini ni Moises kanila.

Exodus 24:14-15

Kung adunay panagbingkil ang si bisan kinsa, kang kinsa man siya moadto?

Kung adunay panagbingkil ang si bisan kinsa, paadtoa siya kang Aaron ug kang Hur.

Exodus 24:16-18

Asa man nahisama ang dagway sa himaya ni Yahweh?

Alang sa mga Israelita ang panagway sa himaya ni Yahweh sama sa nagdilaab nga kalayo ibabaw sa bukid.

Exodus 25

Exodus 25:1-2

Asa man mokuha ang mga Israelita ug halad?

Ang mga Israelita mokuha ug halad gikan sa matag tawo nga manggihatagon.

Exodus 25:3-7

Asa man ibutang ang bato nga onix ug ang ubang mahalong mga bato?

Ang mga bato nga onix ug ang ubang mahalong mga bato ibutang alang sa efod ug sa tabon sa dughan.

Exodus 25:8-9

Nganong magbuhat man ang mga Israelita ug balay alampoanan ni Yahweh?

Magbuhat ang mga Israelita ug usa ka balay alampoanan ni Yahweh aron makapuyo siya uban kanila.

Exodus 25:10-11

Unsa man ang ihaklap ni Moises sa kahoy nga akasya?

Kinahanglan haklapan niya ug lunsay nga bulawan ang sulod ug sa gawas niini.

Exodus 25:12-14

Asa man isuksok ni Moises ang mga yayonganan? Ngano?

Isuksok ni Moises ang mga yayonganan sa mga liningin nga anaa sa kilid sa arka sa kasabotan, aron madayongan ang arka sa kasabotan.

Exodus 25:15-18

Asa man kinahanglan ibilin ang mga yayonganan?

Kinahanglan ibilin ang mga yayonganan diha sa liningin sa arka sa kasabotan. Kinahanglan dili nila kini kuhaon.

Exodus 25:19-21

Asa man kinahanglan nga mag-atubang ang kerubin?

Kinahanglan mag-atubang ang duha ka kerubin sa usag-usa ug modungaw sa tunga sa tabon.

Exodus 25:22

Asa man makigsulti si Yahweh kang Moises?

Makigsulti si Yahweh kaniya ibabaw sa tabon, tungatunga sa duha ka kerubim ibabaw sa arka sa kasabotan.

Exodus 25:23-24

Unsa man ang eribiti ni Moises palibot sa ibabaw sa lamesa sa kahoy nga akasya?

Kinahanglan rebitahan niya ug bulawan ang palibot sa ibabaw sa lamesa sa kahoy nga akasya.

Exodus 25:25-27

Nganong kinahanglan man isumpay ang mga liningin ngadto sa tabla?

Kinahanglan isumpay ang mga liningin ngadto sa tabla aron adunay masuksokan sa mga yayonganan, aron madayongan ang lamesa.

Exodus 25:28-30

Unsa man ang gigamit aron sa pagbubo sa ilimnon nga mga halad?

Ang gigamit aron ibubo ang mga ilimnon nga halad mao ang mga plato, mga kutsara, mga kabo, ug mga panaksan.

Exodus 25:31-32

Pila man ka mga sanga sa tungtonganan sa lampara ang masumpay gikan sa isigkakilid nga gisalsal nga lunsayng bulawan?

Kinahanglan masumpay sa isigkakilid ang unom ka mga sanga sa tungtonganan sa lampara—ang tulo ka mga sanga kinahanglan masumpay sa pikas bahin, ug ang laing tulo ka mga sanga sa tungtonganan sa lampara kinahanglan masumpay sa pikas na usab nga bahin.

Exodus 25:33-34

Asa man nga bahin sa tungtonganan sa lampara nga adunay upat ka mga kupa nga daw sama sa bulak nga almendras?

Sa tungtonganan sa lampara mismo, sa sentrong lawas niini, kinahanglan adunay upat ka mga kupa nga daw sama sa bulak nga almendras.

Exodus 25:35-36

Unsa man ang anaa sa ilalom sa matag pares sa sanga?

Kinahanglan nga anaay dahondahon sa ilalom sa matag pares sa mga sanga.

Exodus 25:37-40

Pila man nga bulawan nga gamiton ni Moises sa paghimo sa tungtonganan sa lampara ug sa matag dayandayan?

Mogamit siya ug usa ka talent nga lunsay nga bulawan aron sa paghimo ug tungtonganan sa suga ug sa mga dayandayan.

Exodus 26

Exodus 26:1-3

Kinsa man ang pahimoon ni Moises sa tabernakulo nga adunay napulo ka mga tabil nga hinimo sa pinong lino ug linubid nga asul, tapol, ug pula uban ang mga disenyo sa kerubim?

Kinahanglan adunay hanas gayod nga trabahante si Moises nga maghimo sa tabernakulo nga adunay napulo ka tabil nga hinimo sa pinong lino ug sa linubid nga asul, ug tapol, ug pula uban ang mga disenyo sa kerubim.

Exodus 26:4-6

Nganong kinahanglan man magbuhat si Moises ug 50 ka mga galong sa unang tabil ug 50 ka mga galong sa tumoy sa ikaduhang hut-ong sa tabil?

Kinahanglan magbuhat siya ug 50 ka mga galong sa unang hut-ong sa tabil ug 50 ka mga galong sa tumoy sa tabil sa ikaduhang hut-ong sa tabil aron mag-atubangay kini.

Exodus 26:7-11

Alang sa asa man nga himoon ni Moises ang mga tabil sama sa tolda nga motabon sa tibuok tabernakulo?

Maghimo siya ug mga tabil gikan sa balahibo sa kanding sama sa tolda nga motabon sa tibuok tabernakulo.

Exodus 26:12-14

Asa man kinahanglan ibitay ang nahibilin nga mga tabil gikan bitayanan sa tabil sa mga tolda?

Ang nahibilin nga mga tabil sa tolda kinahanglan ibitay didto dapit da likod sa tabernakulo.

Exodus 26:15-18

Unsa man ang gikinahanglan aron masumpay ang matag tabla?

Kinahanglan adunay duha ka mga ugsok sa matag tabla aron masumpay ang ubang tabla.

Exodus 26:19-28

Nganong kinahanglan man nga adunay duha ka sukaranan ilalom sa matag tabla?

Kinahanglan adunay duha ka sukaranan sa ilalom matag tabla aron mahimo kining haligi.

Exodus 26:29-30

Unsaon man pagtukod ni Moises ang tabernakulo?

Tukoron ni Moises ang tabernakulo pinaagi sa pagtuman sa plano nga gipakita sa Dios kaniya didto sa bukid.

Exodus 26:31-33

Unsa man ang katuyoan sa tabil?

Ang tabil maoy mag-ulang sa balaang dapit ngadto sa labing balaang dapit.

Exodus 26:34-37

Asa man nga bahin sa tabernakulo ang tungtonganan sa lampara?

Ang tungtonganan sa lampara anaa sa atbang sa habagatang bahin sa tabernakulo.

Exodus 27

Exodus 27:1-2

Unsaon man paghimo ni Moises ang sungaysungay diha sa upat ka eskina sa halaran?

Himoon ni Moises ang sungaysungay sa upat ka eskina nga sama sa sungay sa torong baka.

Exodus 27:3-8

Sa unsa man kinahanglan himoon ni Moises ang tanang mga kasangkapan alang sa halaran?

Kinahanglan himoon ni Moises ang tanang mga kasangkapan gamit ang bronse.

Exodus 27:9-16

Unsa man nga klase sa mga tabil ang kinahanglan nga anaa sa habagatang bahin sa hawanan?

Kinahanglan adunay mga tabil nga pinong lino sa habagatang bahin sa hawanan nga may 100 ka cubit ang gitas-on.

Exodus 27:17-19

Sa unsa man kinahanglan nga hinimo ang tanang kasangkapan nga pagagamiton sa tabernakulo, ug ang tanang mga ugsok sa tolda alang sa tabernakulo ug sa hawanan?

Ang tanang kasangkapan nga pagagamiton sa tabernakulo, ug ang tanang ugsok sa tolda sa tabernakulo ug sa hawanan kinahanglan hinimo sa bronse.

Exodus 27:20-21

Unsa man ang mapinadayonon nga kasugoan hangtod sa kahangtoran ngadto sa mosunod nga mga kaliwatan sa nasod sa Israel?

Kinahanglan nga kanunay pasigahon ni Aaron ug sa iyang mga anak nga lalaki ang lampara gikan sa pagkagabii hangtod sa pagkabuntag diha kang Yahweh. Kini nga buluhaton mao ang mapinadayonon nga kasugoan ngadto sa mosunod nga kaliwatan sa nasod sa Israel.

Exodus 28

Exodus 28:1-3

Kinsa man ang mag-alagad kang Yahweh ingon nga mga pari?

Ang mag-alagad kang Yahweh ingon nga mga pari mao si Aaron ug ang iyang mga anak—nga si Nadab, si Abihu, si Eleazar ug si Itamar.

Exodus 28:4-5

Unsa man nga klase sa panapton ang gamiton sa hanas nga mananahi alang sa bisti sa mga pari?

Kinahanglan gamiton sa hanas nga mananahi ang pinong lino nga bulawan, asul, tapul, ug pula.

Exodus 28:6-9

Unsa man ang kinahanglan ikulit diha sa duha ka bato nga onix?

Ang kinahanglan ikulit diha sa duha ka bato nga onix mao ang mga ngalan sa dose ka mga anak nga lalaki ni Israel.

Exodus 28:10-14

Sa unsa man nga pagkahan-ay ang mga ngalan sa dose ka mga anak nga lalaki ni Israel diha sa duha ka bato nga onix?

Kinahanglan nga ang ngalan sa dose ka mga anak nga lalaki ni Israel mahan-ay sa ilang adlaw nga natawhan.

Nganong pas-anon man ni Aaron ang napulo ug duha ka ngalan sa mga anak nga lalaki ni Israel?

Pas-anon ni Aaron ang ilang mga ngalan ingon nga pagpahinumdom kang Yahweh.

Exodus 28:15-16

Unsa man ang porma sa sapaw sa dughan nga alang sa pagpakisayod?

Kinahanglan kwadrado ang porma sa sapaw sa dughan nga alang sa pagpakisayod.

Exodus 28:17-20

Unsaon man pagpapilit ang bililhong mga bato?

Kinahanglan ipilit kini diha sa bulawan nga butanganan.

Exodus 28:21-26

Asa man kinahanglan isumpay ang duha ka kadenang bulawan?

Kinahanglan isumpay ni Moises ang duha ka kadenang bulawan ngadto sa duha ka eskina sa sapaw sa dughan.

Exodus 28:27-28

Nganong kinahanglan man ihikot ni Moises ang liningin sa sapaw sa dughan ngadto sa liningin sa efod?

Kinahanglan ihikot ni Moises ang liningin sa sapaw sa dughan ngadto sa liningin sa efod aron dili masumpay ang sapaw sa dughan ngadto sa efod.

Exodus 28:29-30

Unsa man ang kinahanglan ibutang ni Moises diha sa sapaw sa dughan alang sa pagpakisayod?

Kinahanglan ibutang ni Moises diha sa sapaw sa dughan ang Urim ug ang Tumim alang sa pagpakisayod.

Exodus 28:31-32

Si kinsa man ang motahi sa kupo sa efod?

Ang mananahi mao ang motahi sa kupo sa efod.

Exodus 28:33-35

Nganong isul-ob man ni Aaron ang kupo sa dihang mag-alagad siya?

Isul-ob ni Aaron ang kupo sa dihang mag-alagad siya aron madungog ang tingog niini sa dihang mosulod siya sa balaang dapit sa atubangan ni Yahweh ug sa iyang paggawas. Aron dili siya mamatay.

Exodus 28:36-39

Unsaon man pagdala ni Aaron ang bisan unsang sala nga ma-apil ngadto sa halad sa balaang mga gasa nga gilain sa mga Israelita?

Dad-on ni Aaron ang bisan unsang sala aron ma-apil ngadto sa halad sa balaang mga gasa nga gibalaan sa mga Israelita pinaagi sa pagsul-ob sa kinulit nga anaa sa iyang purong.

Exodus 28:40-41

Unsa man ang gihimo ni Moises alang sa dungog ug himaya sa mga anak nga lalaki ni Aaron?

Magpatahi siya ug mga bisti, mga bakos ug ang mga purong alang sa dungog ug himaya sa mga anak nga lalaki ni Aaron.

Exodus 28:42-43

Hangtod asa man ang matabonan sa bisti nga bahag?

Ang matabonan sa bisti nga bahag gikan sa hawak hangtod sa paa.

Exodus 29

Exodus 29:1-2

Unsa man ang kinahanglan dad-on sa paghalad alang kang Aaron ug sa iyang mga anak nga lalaki?

Ang mosunod mao ang dad-on sa paghalad alang kang Aaron ug sa iyang mga anak nga lalaki: Usa ka laki nga nating baka ug duha ka laking karnero nga walay tatsa, tinapay nga walay igpapatubo, ug mamon nga walay igpapatubo nga gisagolan ug lana, ug nipis nga tinapay nga walay igpapatubo nga gipahiran sa lana.

Exodus 29:3-7

Sa unsa man kinahanglan hugasan ni Moises si Aaron ug ang iyang mga anak nga lalaki?

Kinahanglan hugasan ni Moises si Aaron ug ang iyang mga anak nga lalaki pinaagi sa tubig?

Exodus 29:8-11

Kinsa man ang makapanag-iya sa buluhaton sa pagkapari?

Ang buluhaton sa pagkapari mapanag-iya ni Aaron ug sa iyang mga anak nga lalaki.

Exodus 29:12-14

Unsa man ang kinahanglan buhaton ni Moises sa tanang tambok, ug ang nagputos sa atay ug ang duha ka kidni?

Kinahanglan sunogon niya ang tambok nga nagputos sa pansulod nga bahin sa lawas ug ang nakaputos sa atay ug sa duha ka kidni nga adunay tambok, ngadto sa halaran.

Exodus 29:15-18

Unsa man ang mahatag sa sinunog nga laking karnero alang kang Yahweh?

Makahatag kini ug kahumot alang kang Yahweh.

Exodus 29:19-20

Unsa man ang kinahanglan buhaton ni Moises sa dugo nga gikan sa ikaduhang laking karnero?

Butangan niya ug dugo ang tumoy sa tuong dalunggan ni Aaron, ug sa iyang mga anak nga lalaki, sa tuong kumagko sa ilang kamot, ug sa tuong kumagko sa ilang tiil. Unya sabligan niya ang isigkakilid sa halaran.

Exodus 29:21

Unsa man ang giwisikwisik ni Moises kang Aaron ug sa iyang mga bisti, ug sa iyang mga anak nga lalaki ug sa ilang mga bisti.

Giwisikwisikan ni Moises si Aaron ug ang iyang mga anak nga lalaki ug dugo nga gikan sa halaran ug pandihog nga lana, ug ang ilang mga bisti.

Exodus 29:22-25

Alang sa unsa man ang laking karnero?

Ang laking karnero alang sa pagbalaan sa mga pari ngadto kang Yahweh.

Exodus 29:26-28

Unsa man ang mapanag-iya ni Aaron ug sa iyang mga kaliwatan?

Ang dughan ug ang paa nga gihalad mapanag-iya ni Aaron ug sa iyang mga kaliwatan sa walay kataposan.

Exodus 29:29-30

Asa man maggikan ang mopuli sa pagkapari?

Ang mosunod nga pari gikan sa mga anak nga lalaki ni Aaron.

Exodus 29:31-34

Unsaon man pagluto ang karne sa laking karnero alang sa paghalad?

Kinahanglan pabukalan ang laking karnero diha sa balaang dapit.

Exodus 29:35-37

Human sa paghalad sa halaran, unsa man ang mahitabo sa bisan unsa nga makasaghid niini?

Ang bisan unsa nga makasaghid sa halaran ilhon nga balaan, sama sa halaran.

Exodus 29:38-39

Kanus-a man kinahanglan ihalad ni Moises ang mga nating karnero?

Kinahanglan ihalad ni Moises ang usa ka karnero pagkabuntag, ug ang usa sa pagkahapon.

Exodus 29:40

Unsa man ang kinahanglan ihalad uban sa unang nating karnero?

Ang ihalad uban sa unang nating karnero mao ang ikapulo sa epha nga gikan sa labing maayong harina nga sinagolan sa ikaupat nga bahin sa hin sa lana nga gikan sa pinuga nga olibo, ug ang ikaupat nga bahin sa hin sa bino ingon nga usa ka halad nga ilimnon.

Exodus 29:41-44

Asa man ihalad ang mga nating karnero?

Ihalad diha sa pultahan sa tolda nga tagboanan ang mga nating karnero sa atubangan ni Yahweh.

Exodus 29:45-46

Asa man mopuyo si Yahweh?

Mopuyo si Yahweh uban sa mga Israelita ug mahimong ilang Dios.

Exodus 30

Exodus 30:3-4

Unsa man ang katuyoan sa mga liningin?

Ang mga liningin mao ang mga gunitanan alang sa yayonganan aron madayongan ang halaran.

Exodus 30:5-6

Asa man angay ibutang ni Moises ang halaran sa insenso?

Kinahanglan ipahimutang ni Moises ang halaran sa insenso atubangan sa tabil nga anaa kilid sa arka sa kasabotan.

Exodus 30:7-9

Unsa lang man ang insenso nga mamahimong sunogon sa halaran sa insenso?

Kung dagkotan ni Aaron ang mga lampara panahon sa kagabhion, kinahanglan magsunog siyag insenso sa halaran sa insenso. Apan kinahanglan walay laing insenso nga ihalad sa halaran sa insenso.

Exodus 30:10

Kapila man buhaton ni Aaron ang seremonyas sa pagtabon diha sa mga sungaysungay sa halaran sa insenso?

Kausa sa usa ka tuig kinahanglan buhaton ni Aaron ang pagtabon diha sa mga sungaysungay sa halaran sa insenso.

Exodus 30:11-14

Nganong kinahanglan man magbyad ug usa ka lukat ang tagsatagsa ka mga tawo bugti sa iyang kinabuhi ngadto kang Yahweh?

Ang tagsatagsa ka tawo kinahanglang magbayad ug usa ka lukat sa iyang kinabuhi kang Yahweh, aron walay katalagman nga modangat kanila sa pag-ihap ni Moises kanila.

Exodus 30:15-16

Human madawat ni Moises ang salapi alang sa pagtabon sa sala gikan sa mga Israelita, unsaon man niya kini ibahin?

Human madawat ni Moises ang salapi alang sa pagtabon sa sala gikan sa mga Israelita, kinahanglan igahin niya kini sa buluhaton alang sa tolda nga tagboanan.

Exodus 30:17-18

Asa man angay ibutang ni Moises ang dakong panaksan nga bronse?

Kinahanglan ibutang kini ni Moises taliwala sa tolda nga tagboanan ug sa halaran.

Exodus 30:19-21

Unsa man ang angay buhaton ni Aaron ug sa iyang mga anak nga lalaki sa dihang manulod sila sa tolda nga tagboanan o kung magpaduol sila sa halaran aron mag-alagad kang Yahweh pinaagi sa pagsunog sa mga halad?

Kung manulod sila sa tolda nga tagboanan o kung magpaduol sila sa halaran aron mag-alagad kang Yahweh pinaagi sa pagsunog sa uga ka halad, kinahanglan manghugas sila sa tubig.

Exodus 30:22-31

Unsa man ang mga isagol sa sagradong lana nga igdidihog?

Ang mga sagol sa sagradong lana nga igdidihog mao ang 500 ka shekel sa nagtubod nga mira, 250 shekel sa mahumot nga alimyon sa cinnamon, 250 ka shekel sa mahumot nga cane, 500 ka shekel sa cassia, nga gisukod sa sukdanan sa shekel sa balay alampoanan, ug usa ka hin sa lana nga olibo.

Exodus 30:32-36

Unsa man ang dili angay buhaton sa sagradong lana nga igdidihog?

Dili kini angay ihaplas sa panit sa katawhan, ni magbuhat ug lana nga sama niini uban ang samang pagbuhat sa gibuhat tungod kay gibalaan na kini.

Unsa man ang mahitabo sa tawong magbuhat sama sa insenso o sa sagradong lana nga igdidihog aron gamiton ingon nga pahumot?

Si bisan kinsa ang magbuhat ug bisan unsa nga sama niini ingon nga pahumot kinahanglan hinginlan gikan sa iyang katawhan.

Exodus 30:37-38

Unsa man ang mahitabo sa tawong magbuhat ug sama sa insenso o sa sagradong lana nga igdidihog aron ipahumot?

Si bisan kinsa nga magbuhat ug bisan unsa nga sama niini aron gamiton ingon nga pahumot kinahanglan hinginlan gikan sa iyang katawhan.

Exodus 31

Exodus 31:3-5

Unsa man ang mga hiyas nga mabatonan ni Bezalel tungod kay gipuno man siya Yahweh sa iyang espiritu?

Gipuno ni Yahweh si Bezalel sa iyang espiritu aron hatag siyag kaalam, panabot, ug kahibalo, alang sa tanang matang sa pagbuhat sa kahimanan, aron sa pagbuhat sa mga nindot nga mga hulagway ug sa buluhaton alang sa bulawan, plata, ug bronse; ug sa pagputol usab ug pagpahimutang sa mga bato ug sa pagkulit sa mga kahoy - sa pagbuhat sa tanang matang sa pagbuhat sa kahinaman.

Exodus 31:6-11

Nganong gihatagan man ni Yahweh ug hiyas sa ilang kasingkasing ang tananga mga maalamon?

Gihatagan ni Yahweh ug hiyas sa ilang kasingkasing kadtong tanang mga maalamon aron nga sila mao ang magbuhat sa tanan niyang gisugo kanila.

Exodus 31:12-15

Unsa man ang mahitabo kang bisan kinsa nga maghugaw o magtrbahao sa Adlawng Igpapahulay?

Ang tanang tawo nga maghugaw sa Adlawng Igpapahulay angay gayod patyon. Si bisan kinsang mga tawo nga magtrabaho sa Adlawng Igpapahulay angay gayod papahawaon gikan sa iyang katawhan.

Exodus 31:16-17

Nganong ang Adlawng Igpapahulay kanunay timaan tali kang Yahweh ug sa mga Israelita?

Ang Adlawng Igpapahulay kinahanglan timaan kanunay tali kang Yahweh ug sa mga Israelita, kay sulod sa unom ka adlaw gibuhat ni Yahweh ang langit ug ang yuta, ug sa ikapito nga adlaw mipahulay siya ug mabaskog.

Exodus 31:18

Kinsa man ang nagbuhat sa duha sa papan nga bato sa kasabotan sa mga balaod?

Gihatag ni Yahweh kang Moises ang duha ka papan nga bato sa kasabotan sa mga balaod, nga sinulat mismo ni Yahweh.

Exodus 32

Exodus 32:1-2

Kanus-a man nangduol ang katawhan kang Aaron ug naghangyo kaniya sa paghubat ug usa ka diosdios?

Sa pagkakita sa katawhan nga nadugay si Moises sa paglugsong gikan sa bukid, nangduol sila kang Aaron ug nanghangyo kaniya sa pagbuhat ug usa ka diosdios.

Exodus 32:3-4

Kinsa man ang nagdawat sa mga bulawan gikan sa katawhan, gihulma kini diha sa hulmahan, ug nahulma ug usa ka nating baka?

Gidawat ni Aaron ang bulawan gikan kanila, gihulma kini sa hulmahan, ug gibuhat kinig nating baka.

Exodus 32:5-6

Human ang katawhan makahalad sa halad sunugonon ug nakadala sa mga halad sa pagpasig-uli, unsa na man ang ilang gibuhat?

Human ang katawhan makahalad sa mga halad sunogonon ug nakadala sa halad pagpasig-uli, nanglingkod sila aron mangaon ug manginom, ug unya nanindog aron sa pagpatuyang sa hilabihan nga paghudyaka.

Exodus 32:7-8

Unsa man ang gisulti sa katawhan mahitungod sa dios nga nagpalingkawas kanila gikan sa yuta sa Ehipto?

Miingon sila nga ang bulawang nating baka mao ang dios nga nagpalingkawas kanila gikan sa yuta sa Ehipto.

Exodus 32:9-11

Unsa man ang gibuhat ni Moises sa dihang nasuko si Yahweh?

Misulay sa pagpangamuyo si Moises kang Yahweh nga iyang Dios.

Exodus 32:12-14

Unsa man ang wala ipahamtang ni Yahweh?

Wala na ipahamtang ni yahweh ang silot nga iyang gisulti nga iyang ipatagamtang sa iyang katawhan.

Exodus 32:15-16

Sa unsang bahin man sa papan nga bato ang gisulatan ni Yahweh?

Gisulatan ang mga papan nga bato sa ilang duha ka panid, sa atubangan ug sa likod.

Exodus 32:17-18

Unsa man ang gihunahuna nga problema ni Josue sa pagkadungog niya sa kasaba sa katawhan sa ilang pagpaninggit?

Sa pagkadungog ni Josue sa kasaba sa katawhan sa ilang panagsinggit, naghunahuna siya nga kasaba kini sa pagpakiggubat sulod sa kampo.

Exodus 32:19-20

Unsa man ang gibuhat ni Moises sa mga papan nga bato human niya makita ang nating baka?

Gibusdak niya ang mga papan nga bato gikan sa iyang mga kamot ug nabuak kini diha sa tiilan sa bukid.

Unsa man ang gibuhat ni Moises sa nating baka?

Gikuha ni Moises ang nating baka nga hinimo sa katawhan ug gisunog kini, gipinopino kini sama sa pulbos, ug gibubo sa tubig. Unya gipainom niya kini sa mga Israelita.

Exodus 32:21-24

Giunsa mang pagbuhat ang nating baka sumala kang Aaron?

Sumala kang Aaron, gihatagan siyag bulawan sa katawhan ug gibutag kini sa kalayo, ug mitungha ang nating baka.

Exodus 32:25-27

Kinsa man ang nagpasagad sa katawhan nga mawala sa hustong panghunahuna?

Gipasagdan sila ni Aaron.

Kinsa man ang nangduol kang Moises sa dihang nagsugo siya kung kinsa ang dapig kang Yahweh?

Sa pagsugo ni Moises nga mangduok kaniya ang tanan nga midapig kang Yahweh, ang tanang mga Levita nangduol kaniya.

Exodus 32:28-29

Unsa man ang gibuhat sa mga Levita?

Gibuhat sa mga Levita kung unsa ang gisugo ni Moises ug mga 3,000 ka mga kalalakin-an taliwala sa katawhan ang napatay.

Nganong gibutang man ang mga Levita nga maoy moalagad kang Yahweh?

Gibutang sila diha sa pag-alagad kang Yahweh, kay ang tagstagsa kanila nakigbatok man sa ilang mga igsoon.

Exodus 32:30-32

Unsa man ang gustong ipabuhat ni Moises kang Yahweh kung dili pasayloon ni Yahweh ang sala sa iyang katawhan?

Gusto ni Moises nga papason siya ni Yahweh sa libro nga gisulatan ni Yahweh kung dili niya pasayloon ang sala sa katawhan.

Exodus 32:33-35

Giunsa man pagsilot ni Yahweh ang katawhan tungod sa ilang pagbuhat sa nating baka?

Nagpahamtang si Yahwhe ug katalagman sa katawhan tungod kay nagbuhat man sila ug nating baka.

Exodus 33

Exodus 33:1-3

Unsa man ang gisulti ni Yahweh nga iyang ipadala nga mag-una kang Moises?

Ipadala ni Yahweh ang anghel nga mag-una kang Moises.

Nganong dili man mouban si Yahweh kang Moises?

Dili mouban si Yahweh kang Moises, tungod kay kining mga tawhana mga gahi ug ulo. Tingali ug pagalaglagon sila ni Yahweh sa dalan.

Exodus 33:4-6

Unsa man ang gimando ni Yahweh nga huboon sa mga Israelita ?

Kinahanglan nga huboon nila ang ilang mga alahas.

Exodus 33:7-9

Unsa man ang mahitabo sa panahon nga mosulod si Moises sa toldang tagboanan?

Sa matag sulod ni Moises sa toldang tagboanan, mokanaog ang haligi nga panganod ug mobarog sa ganghaan sa tolda, ug makigsulti si Yahweh kang Moises.

Exodus 33:10-11

Sa unsang paagi makigsulti si Yahweh kang Moises?

Magkigsulti si Yahweh kang Moises sa nawong ug nawong, sama sa tawo nga nagkigsulti sa iyang higala.

Exodus 33:12-13

Unsa man ang gusto ni Moises nga ipakita ni Yahweh kaniya? Ngano?

Gusto ni Moises nga ipakita ni Yahweh ang iyang mga dalan aron makaila siya kaniya ug makapadayon nga makakaplag ug pabor sa iyang panan-aw.

Exodus 33:14-18

Unsaon man sa pagkahibalo nga nakakaplag si Moises ug pabor sa panan-aw ni Yahweh?

Mahibaloan kini nga nakakaplag si Moises ug pabor sa panan-aw ni Yahweh kung mouban si Yahweh kanila aron nga duna silay kalahian gikan sa ubang katawhan nga anaa sa kalibotan.

Exodus 33:19-20

Kinsa man ang gisultihan ni Yahweh nga mahimo siya nga magmahigugmaon ug magmaluluy-on?

Nag-ingon si Yahweh nga magmahigugmaon siya ngadto sa iyang higugmaon ug magpakita siya ug kaluoy sa iyang pakitaan ug kaluoy.

Nganong dili man makita ni Moises ang panagway ni Yahweh?

Dili makita ni Moises ang panagway ni Yahweh, tungod kay walay makakita kaniya nga mabuhi pa.

Exodus 33:21-23

Unsa man ang makita ni Moises, sa dihang kuhaon ni Yahweh ang iyang kamot?

Sa dihang kuhaon ni Yahweh ang iyang kamot, makita ni Moises ang likod ni Yahweh, apan dili gayod makita ang iyang panagway.

Exodus 34

Exodus 34:1-2

Unsa man ang isulat ni Yahweh sa bag-ong mga papan?

Isulat ni Yahweh sa bag-ong mga papan ang mga pulong sama sa nahisulat sa nahiunang mga papan, ang papan nga gibuak ni Moises

Exodus 34:3-4

Kinsa man ang gitugotan nga maanaa sa bisan asa sa bukid?

Walay laing gitugotan gawas kang Moises nga moadto sa bukid.

Exodus 34:5-9

Unsa man ang gisulti ni Yahweh, sa dihang mokanaog siya sa panganod ug motindog uban kang Moises?

Sa dihang mokanaog si Yahweh diha sa panganod ug motindog uban kang Moises, gisulti niya ang iyang ngalan nga siya si "Yahweh".

Baliwalaon ba ni Yahweh ang makasasala?

Walay rason nga baliwalaon ni Yahweh ang makasasala.

Exodus 34:10-11

Unsa man ang pagahimoon ni Yahweh?

Pagahimoon ni Yahweh ang usa ka kasabotan.

Exodus 34:12-14

Unsa man ang mahitabo kung maghimo ug kasabotan ang mga Israelita ngadto sa mga lumolupyo sa yuta nga ilang pagaadtuan?

Kung maghimo sila ug kasabotan ngadto sa mga lumolupyo sa yuta nga ilang pagaadtoan, ang mga lumolupyo sa maong dapit mahimong lit-ag alang sa mga Israelita.

Nganong kinahanglan man nga dili mosimba ang mga Israelita ngadto sa laing dios?

Kinahanglan nga dili sila mosimba sa laing dios, tungod kay si Yahweh, kansang ngalan abubhoan,' usa ka abubhoan nga Dios.

Exodus 34:15-17

Unsa man ang mahitabo kung mokaon ang mga Israelita sa pipila sa mga halad sa mga lumolupyo sa yuta?

Kung mokaon ang mga Israelita ug pipila sa mga halad sa mga lumolupyo sa maong yuta, pagakuhaon nila bisan ang pipila sa ilang mga anak nga babaye alang sa ilang mga anak nga lalaki, ug ang ilang mga anak nga babaye magapanapaw ug mag-alagad sa ilang kaugalingong mga dios, ug papanapawon nila ang ilang mga anak nga lalaki ug mag-alagad sa ilang dios.

Exodus 34:18

Nganong kinahanglan man nga dili mokaon ang mga Israelita ug tinapay nga walay igpapatubo sulod sa pito ka mga adlaw sa insaktong panahon sa bulan sa Abib?

Kinahanglan nga mokaon ang mga Israelita ug tinapay nga walay igpapatubo sulod sa pito ka mga adlaw sa insaktong panahon sa bulan sa Abib, tungod kay sa bulan sa Abib nakalingkawas ang mga Israelita gikan sa Ehipto.

Exodus 34:19-20

Unsa man ang mahitabo kung dili paliton pagbalik sa mga Israelita ang unang anak sa asno pinaagi sa pag-ilis niini sa nating karnero?

Kung dili paliton pagbalik sa mga Israelita ang unang anak sa asno pinaagi sa pag-ilis sa nating karnero, kinahanglan nga ilang lubagon ang liog niini.

Exodus 34:21-22

Unsa man ang kinahanglan nga buhaton sa mga Israelita sa ika-pito ka adlaw, bisan pa man sa panahon sa tingdaro ug sa ting-ani?

Sa ika-pito ka adlaw, kinahanglan nga mopahulay ang mga Israelita. Bisan pa man sa panahon sa tingdaro ug sa ting-ani, kinahanglan nga mopahulay sila.

Exodus 34:23-24

Kapila man kinahanglan nga mopakita ang mga lalaki sa atubangan ni Yahweh?

Ang tanan nga kalalakin-an kinahanglan nga mopakita sa atubangan ni Yahweh katulo sa matag tuig.

Kinsa man ang mangandoy sa pag-ilog sa yuta ug mokuha niini sa dihang mopakita ang mga Israelita sa atubangan ni Yahweh sa katulo sa matag tuig?

Walay bisan usa nga mangandoy sa pag-ilog sa yuta ug sa pagkuha niini sa diha nga ang mga Israelita moadto ug mopakita sa atubangan ni Yahweh katulo sa matag tuig.

Exodus 34:25-26

Unsa man ang dad-on sa mga Israelita ngadto sa templo ni Yahweh?

Kinahanglan nga dad-on nila ang mas labing maayo sa una nga abot sa ilang mga uma ngadto sa templo ni Yahweh.

Exodus 34:27-28

Unsa man ang wala gibuhat ni Moises sa dihang uban niya si Yahweh sulod sa 40 ka adlaw ug mga gabii?

Sa dihang uban si Moises kang Yahweh sulod sa 40 ka adlaw ug mga gabii; wala siya mikaon ug miinom ug tubig.

Exodus 34:29-31

Nganong nahadlok man nga moduol si Aaron ug ang mga Israelita sa dihang nakita nila si Moises?

Sa dihang nakita ni Aaron ug sa mga Israelita si Moises, nangahadlok sila nga moduol kaniya tungod kay sulaw man ang iyang panagway.

Exodus 34:32-33

Unsa man ang gitabon ni Moises sa iyang panagway, sa dihang mahuman siya sa pagpakigsulti kanila?

Sa dihang mahuman na si Moises sa pagpakigsulti kanila, gitabonan niya ang iyang panagway ug panapton nga nipis.

Exodus 34:34-35

Kanus-a man tanggalon ni Moises ang belo?

Sa dihang moadto siya sa atubangan ni Yahweh aron sa pagpakigsulti kaniya, tanggalon niya ang belo.

Exodus 35

Exodus 35:1-3

Kanus-a man kinahanglan nga dili maghaling ang mga Israelita?

Kinahanglan nga dili sila maghaling sa bisan asa sa ilang panimalay sa Adlawng Igpapahulay.

Exodus 35:4-19

Kinsa man ang kinahanglan magdala ug halad alang kang Yahweh?

Silang tanan nga adunay masinugtanong kasingkasing kinahanglan magdala ug halad alang kang Yahweh.

Exodus 35:20-26

Asa man miadto ang tanang tribo sa Israel?

Ang tanang tribo sa Israel mibiya ug mipauli gikan sa presensya ni Moises.

Kinsa man ang miabot ug nagdala ug halad ngadto kang Yahweh alang sa pagtukod sa tabernakulo?

Ang matag usa nga gitandog ang kasingkasing ug kadtong iyang espiritu nga masinugtanong nagdala ug halad ngadto kang Yahweh alang sa pagtukod sa tabernakulo.

Exodus 35:27-29

Unsa man ang mga ibutang sa efod ug sa sapaw sa dughan?

Ang onix nga mga bato ug ang ubang bililhong mga bato ang ibutang sa efod ug sa sapaw sa dughan.

Exodus 35:30-35

Kinsa man nga ngalan ang gitawag ni Yahweh?

Gitawag ni Yahweh ang ngalan ni Bezalel, ang anak nga lalaki ni Uri, ang anak nga lalaki ni Hur, gikan sa tribo sa Juda.

Exodus 36

Exodus 36:1

Si kinsa man ang motukod sa balaang dapit?

Si Bezalel ug si Oholiab ug ang matag tawo nga gihatagan ni Yahweh sa kahanas ug katakos nga manggialamon sa bisan unsang buluhaton sa pagtukod sa balaang dapit

Exodus 36:2-4

Unsa man ang padayon nga gibuhat sa katawhan?

Padayon nga nagdala ang mga tawo ug kinabubut-on nga mga halad matag buntag ngadto kang Moises.

Exodus 36:5-10

Unsa man ang gisugo ni Moises nga ipabuhat sa katawhan?

Nagsugo si Moises nga wala nay si bisan kinsa nga anaa sa sulod sa kampo ang magdala ug bisan unsang mga halad alang sa pagtukod sa balaang dapit.

Exodus 36:11-17

Asa man gibutang ni Bezalel ang mga galong?

Naghimo siya ug galong nga asul sa kilid sa tumoy sa unang hut-ong sa tabil, ug naghimo usab siya ug sama niini sa ikaduhang hut-ong sa tabil.

Giunsa man pagsumpay ni Bezalel ang mga tabil?

Naghimo siya ug 50 ka kaw-it nga bulawan ug gisumpay ang duha ka mga tabil aron maporma ang tabernakulo.

Exodus 36:18-23

Nganong nagbuhat man si Bezalel ug 50 kaw-it nga bronse?

Naghimo si Bezalel ug 50 ka kaw-it nga bronse aron masumpay ang duha ka hut-ong sa tabil ug maporma kining tolda.

Exodus 36:24-30

Pila man ka sukaranan ang anaa sa ilalom sa mga tabla?

Adunay duha ka sukaranan ang matag usa ka tabla.

Exodus 36:31-36

Asa man gibutang ni Bezalel ang mga pangbabag?

Gihimo niya ang pangbabag sa tungatunga nga bahin sa tabla nga mosangko sa isig ka tumoy.

Exodus 36:37-38

Unsa man ang gihaklap ni Bezalel sa mga tukod sa tabil?

Gihimoan ni Bezalel ang mga tabil ug lima ka haligi ug gihaklapan niya kini ug bulawan.

Exodus 37

Exodus 37:1-3

Unsa man ang mga kasangkapan nga gigamit ni Bezalel sa paghimo sa arka sa kasabotan?

Gihimo ni Bezalel ang arka sa kasabotan gamit ang kahoy nga akasya.

Exodus 37:4-6

Nganong gisuksok man ni Bezalel ang mga yayonganan ngadto sa liningin nga bulawan nga anaa sa kilid sa arka?

Gisuksok niya ang mga yayonganan sa mga liningin nga bulawan nga anaa sa kilid sa arka aron mayayongan kini.

Exodus 37:7-13

Asa man nag-atubang ang kerubim?

Nag-atubangay ang kerubim sa usag-usag ug nagdungo sa tungatunga sa tabon.

Exodus 37:14-16

Unsa man nga butang ang anaa sa lamesa?

Ang mga plato, mga kutsara, mga panaksan, ug mga panudlanan nga pangbubo sa mga halad ang anaa sa lamesa.

Exodus 37:17-22

Unsa man ang anaa sa mga sanga sa tungtonganan sa lampara?

Ang matag sanga adunay tulo ka gagmayng panaksan nga hinimo sama sa bulak sa almendras.

Exodus 37:23-24

Pila man ka bulawan ang nagamit ni Bezalel sa paghimo sa tuntonganan sa suga ug sa mga kasangkapan niini?

Ang tungtonganan sa lampara ug ang mga kasangkapan niini gihimo gikan sa usa ka talent nga lunsayng bulawan.

Exodus 37:25-26

Unsa man ang nakapalibot sa halaran sa insenso?

Gipalibotan ug bulawan ang mga eskina niini.

Exodus 37:27-29

Kinsa man ang nagbuhat sa sagradong lana nga igdidihog ug sa lunsayng alimyon nga insenso?

Si Bezalel ang naghimo sa sagradong lana nga igdidihog ug ang alimyon sa insenso.

Exodus 38

Exodus 38:1-5

Unsa man kataas ug kalapad ang halaran nga sunoganan sa mga halad?

Lima ka cubits ang gitas-on ug lima usab ka cubits ang gilapdon sa halaran.

Exodus 38:6-7

Giunsa man paghimo ni Bezalel ang halaran?

Gihimo niya ang halaran gamit ang tabla, hawan kini sa sulod.

Exodus 38:8-12

Kinsa man ang tag-iya sa mga samin?

Ang mga samin gipanag-iya sa mga babaye nga nag-alagad didto sa ganghaan sa tolda sa tagboanan.

Exodus 38:13-16

Sa unsa man hinimo ang mga tabil sa palibot sa hawanan?

Hinimo sa pino nga lino ang tanang tabil palibot sa hawanan.

Exodus 38:17-20

Pila man ka poste ang anaa sa hawanan nga gihaklapan ug plata?

Ang tanang haligi sa hawanan gihaklapan ug plata.

Exodus 38:21-23

Kinsa man ang nanguna sa mga Levita?

Gibuhat kini sa mga Levita pagpanguna ni Ithamar ang anak nga lalaki sa pari nga si Aaron.

Exodus 38:24-31

Pila man ka bulawan ang nagamit sa buluhaton?

Ang tanang bulawan nga nagamit sa buluhaton, 29 ka talents ug 780 ka shekels, gitimbang kini pinaagi sa sukdanan sa shekel didto sa balay alampoanan.

Pila man ang naihap nga tawo ang nagpangidaron ug 20 anyos pataas?

Adunay 603,550 ka mga lalaki ang naihap nga nagpangidaron ug 20 anyos pataas.

Exodus 39

Exodus 39:4-9

Unsa man ang gihimo nga isumpay aron mausa uban sa efod?

Giusa ang bakos uban sa efod.

Unsa man ang gikulitan sa mga ngalan sa dose ka anak nga lalaki ni Israel?

Ang mga bato nga onix ang gikulitan sa mga ngalan sa napulo ug duha ka anak nga lalaki ni Israel.

Exodus 39:10-16

Pila man ka laray sa mga bililhon nga mga bato ibabaw sa tabon sa dughan?

Adunay upat ka laray sa bililhon nga mga bato ibabaw sa tabon sa dughan.

Exodus 39:17-20

Unsa man ang nagsumpay sa sinalapid nga mga kadena?

Nagsumpay ang sinalapid nga mga kadena ngadto sa eskina sa tabon sa dughan sa duha ka engaste, nga gidikit sa mga hikot sa efod sa atubangan nga bahin.

Exodus 39:21

Nganong gihigot man nila ang tabon sa dughan diha sa mga singsing niini ngadto sa mga singsing sa efod pinaagi sa usa ka pisi nga asul?

Gihigot nila ang tabon sa dughan diha sa mga singsing niini ngadto sa mga singsing sa efod pinaagi sa asul nga pisi, aron madikit lang kini ibabaw sa maayong pagkabuhat nga bakos sa efod. Aron dili mabulag ang tabon sa dughan gikan sa efod.

Exodus 39:22-24

Unsa man ang anaa sa tungang bahin sa kupo sa efod?

Adunay sul-obanan sa ulo sa tungang bahin niini.

Exodus 39:25-29

Unsa man ang gibutang nila diha sa tunga sa mga pormang prutas nga granada sa palibot sa ubos nga sidsid sa kupo?

Gibutang nila ang mga kampanilya sa tunga sa mga pormang prutas nga granada sa palibot sa ubos nga sidsid sa kupo.

Exodus 39:30-41

Unsa man ang gikulit sa balaanong korona nga lunsayng bulawan?

Gikulitan nila ang korona nga lunsayng bulawan ug ''BALAAN NGADTO KANG YAHWEH''.

Exodus 39:42-43

Unsa man ang nakaplagan ni Moises sa dihang gisuta niya ang tanang buhat?

Gisuta ni Moises ang tanang buhat, ug, tan-awa, nahuman kini nila sumala sa gisugo ni Yahweh, nianang paagiha nabuhat kini nila.

Exodus 40

Exodus 40:1-2

Kanus-a man kinahanglan itukod ni Moises ang tabernakulo?

Kinahanglan itukod ni Moises ang tabernakulo sa unang adlaw sa unang bulan sa bag-ong tuig.

Exodus 40:3-4

Unsa man ang kinahanglan nga itabon ni Moises sa sudlanan?

Kinahanglan nga tabonan ni Moises ang sudlanan ug tabil.

Exodus 40:5-7

Asa man kinahanglan ibutang ni Moises ang dako nga palanggana?

Kinahanglan nga ibutang ni Moises ang dako nga palanggana tungatunga sa tolda nga tagboanan ug sa halaran.

Exodus 40:8-16

Nganong kinahanglan man nga dihogan ni Moises ang tumbaga nga palanggana ug ang pasukaranan niini?

Kinahanglan nga dihogan ni Moises ang tumbaga nga palanggana ug ang pasukaranan niini aron sa pag-andam sa pag-alagad kang Yahweh.

Exodus 40:17-25

Asa man gibutang ni Moises ang kasabotan sa kasugoan?

Gibutang ni Moises ang kasabotan sa sudlanan sa kasugoan sa sulod sa sudlanan.

Exodus 40:26-30

Asa man gibutang ni Moises ang bulawanong halaran sa insenso?

Gibutang niya ang bulawanong halaran sa insenso ngadto sa tolda nga tagboanan atubangan sa tabil.

Exodus 40:31-33

Pila man ka higayon manghugas sa ilang mga kamot ug mga tiil si Moises, si Aaron, ug ang iyang mga anak nga lalaki ngadto sa dako nga panaksan?

Manghugas si Moises, si Aaron, ug ang iyang mga anak nga lalaki sa ilang mga kamot ug mga tiil ngadto sa dako nga panaksan kada mosulod sila sa tolda nga tagboanan ug kada mosaka sila sa halaran.

Exodus 40:34-35

Nganong wala man nakasulod si Moises sa tolda nga tagboanan?

Wala nakasulod si Moises sa tolda nga tagboanan tungod sa panganod nga milukop niini, ug tungod sa himaya ni Yahweh nga mipuno sa tabernakulo.

Exodus 40:36-38

Kanus-a man mopadayon ang katawhan sa Israel sa ilang panaw?

Sa dihang mopataas na ang panganod gikan sa tabernakulo, mopadayon ang katawhan sa Israel sa ilang panaw.