1 Samuel

1 Samuel 1

1 Samuel 1:1-4

Kinsa man ang duha ka asawa ni Elkana?

Ang duha ka asawa ni Elkana mao sila Hanna ug Penina.

Pila man kabuok ang anak ni Hanna?

Wala gayoy anak si Hanna.

1 Samuel 1:5-8

Nganong ginadoble man ni Elkana ang bahin alang kang Hanna?

Nagahatag siya ug doble kang Hanna tungod kay gihigugma man niya siya pag-ayo.

Nganong ginasurangsurang man si Hanna sa iyang karibal?

Ginapasingitan niya si Hanna sa tuyo aron sa pagpasuko kaniya, tungod kay gisirad-an ni Yahweh ang iyang tagoangkan.

1 Samuel 1:9-10

Unsa man ang gibuhat ni Hanna tungod sa labihan niya nga kasubo nga dili siya makabaton ug anak?

Miadto siya sa balay ni Yahweh ug nag-ampo ug naghilak sa hilabihan.

1 Samuel 1:11

Unsa man ang panaad ni Hanna ngadto kang Yahweh?

Nanaad si Hanna nga kung hatagan siya ni Yahweh usa ka anak nga lalaki, ihatag niya kini pagbalik kang Yahweh ug dili niya patupihan ang buhok niini.

1 Samuel 1:12-14

Tungod kay nakigsulti man si Hanna sa kang Yahweh gikan sa iyang kasingkasing, unsa man ang gihunahuna ni Eli nga pari mahitungod sa iyang gibuhat?

Gitan-aw ni Eli ang ngabil ni Hanna nga nagkibutkibot apan wala niya madungog ang tingog niini, busa nakahunahuna si Eli nga nakainom si Hanna ug bino.

1 Samuel 1:15-16

Unsa man ang gisiguro ni Hanna ngadto kang Eli nga iyang gibuhat?

Gisiguro ni Hanna ngadto kang Eli nga wala siya makainom kondili nakig-istorya siya kang Yahweh nga kinasingkasing.

1 Samuel 1:17-18

Unsa man ang gisulti ni Eli kang Hanna nga nakapadasig kaniya sa iyang pagpauli, nikaon ug wala na nagsubo?

Giingnan niya siya nga mopauli na uban sa kalinaw ug maghangyo sa Dios sa Israel nga tubagon ang iyang gihangyo.

1 Samuel 1:19-20

Sa dihang nanamkon si Hanna ug nanganak ug batang lalaki, unsa man ang gingalan niya sa bata?

Ginganlan niya ang batang lalaki ug Samuel tungod kay gipangayo man niya siya kang Yahweh.

1 Samuel 1:21-23

Nganong dili man gusto ni Hanna nga mokuyog sa iyang bana nga moadto sa templo alang sa matag tuig nga halad?

Tungod kay nag-atiman paman siya sa iyang anak nga lalaki.

1 Samuel 1:24-25

Unsa man ang gidala ni Hanna uban kaniya, kauban sa iyang anak nga lalaki, ngadto sa balay ni Yahweh aron ihatag kang Eli nga pari?

Nagdala si Hanna ug tulo ka tuig nga nating baka aron ihalad, ug usa ka taksanan sa pagkaon, ug usa ka botilya nga may bino aron ihatag sa pari.

1 Samuel 1:26-28

Unsa man ang gihatag ni Hanna kang Yahweh?

Gihatag ni Hanna ang iyang anak nga lalaki ngadto kang Yahweh sa tibuok niini nga kinabuhi.

1 Samuel 2

1 Samuel 2:1-2

Nganong maisogon man si Hanna nga misulti ngadto sa iyang mga kaaway?

Maisogon si Hanna nga misulti tungod kay nagmaya siya sa kaluwasan nga anaa kang Yahweh.

1 Samuel 2:3-4

Nganong misulti man si Hanna nga dili kita angay magmapahitas-on ug magpaka-arogante?

Dili kita angay magmapahitas-on ug magpaka-arogante tungod kay si Yahweh Dios sa kahibalo ug pinaagi kaniya ang tanang binuhatan paga-timbangon.

1 Samuel 2:5

Sa awit ni Hanna, kinsa man ang napuno sa kasubo?

Napuno sa kasubo ang babaye nga adunay daghang mga anak.

1 Samuel 2:6-7

Kinsa man ang maghukom sa kamatayon ug kinabuhi, kung ang usa moadto paubos sa Sheol o mopataas?

Si Yahweh ang maghukom sa kamatayon ug kinabuhi, ug sa Seol o mopataas.

Kinsa man ang nagbuhat sa kabos ug sa adunahan?

Si Yahweh ang nagbuhat sa kabos, ug nagbuhat sa adunahan.

1 Samuel 2:8

Kinsa man ang mopataas sa mga kabos ug mopataas sa nanginahanglan aron molingkod sa lingkoranan sa kadungganan?

Si Yahweh maoy mopataas kanila aron molingkod sa dungganon nga lingkoranan.

1 Samuel 2:9

Kinsa man ang gipasabot ni Hanna nga maoy mobantay sa tiil sa mga matinud-anon niyang katawhan ug mopahilom sa mga daotan diha sa kangitngit?

Si Yahweh maoy mobantay sa ilang tiil ug mopahilom sa daotan.

1 Samuel 2:10

Kinsa man ang maghukom sa kataposan sa kalibotan ug maghatag ug kusog sa iyang hari.

Si Yahweh maoy maghukom sa kataposan sa kalibotan ug maghatag ug kusog sa iyang hari.

1 Samuel 2:11

Kinsa man ang bata nga nag-alagad kang Yahweh sa presensiya ni Eli nga pari?

Gialagaran ni Samuel si Yahweh sa presensiya ni Eli nga pari

1 Samuel 2:12-14

Kang kinsa man nga anak ang mga daotang lalaki?

Ang mga daotang lalaki anak ni Eli nga pari.

Unsa man ang nabatasan sa mga pari ngadto sa mga tawo panahon nga maghalad?

Ang ilang nabatasan mao nga moadto ang sulugoon sa mga pari nga magdala ug tinidor aron mokuha ug karne nga dad-on ngadto sa pari.

1 Samuel 2:15-17

Unsa man ang daotang butang nga gipabuhat sa mga anak sa pari ngadto sa ilang mga sulugoon?

Angay unta nga kan-on ang linat-an nga karne, apan gisugo hinuon sa mga anak ni Eli ang ilang mga sulugoon nga sultihan ang mga tawo nga hilaw nga karne lamang ang ilang kan-on.

Nganong dako man kaayo ang sala sa mga anak ni Eli?

Dako kaayo ang ilang sala sa atubangan ni Yahweh tungod kay gipanamastamasan nila ang halad ni Yahweh.

1 Samuel 2:18-19

Unsa man ang himoon sa inahan ni Samuel alang kaniya sa matag tuig?

Maghimo siya alang kaniya ug lino nga epod nga sinina.

1 Samuel 2:20-21

Giunsa man pagpanalangin ni Eli si Elkana ug ang iyang asawa?

Gipanalanginan ni Eli si Elkana ug ang iyang asawa pinaagi sa pag-ampo alang kanila nga makabaton sila ug daghan pang mga anak pinaagi kang Hanna.

Unsa man ang tubag ni Yahweh ngadto sa pag-ampo ni Eli alang sa mga ginikanan ni Samuel nga makabaton ug dugang pang mga anak?

Nitabang pag-usab si Yahweh kang Hanna ug nanganak siya ug tulo pa ka mga lalaking anak ug duha ka mga babaye.

1 Samuel 2:22-24

Unsa man ang gisulti ni Eli ngadto sa iyang mga anak sa dihang nagkatigulang na siya?

Gisultihan ni Eli ang iyang mga anak nga naghimo sila ug daotang mga butang ug naka-angin sa katawhan ni Yahweh nga mahimong masinupakon.

1 Samuel 2:25-26

Nganong wala man naminaw ang mga anak ni Eli sa iyang tingog?

Wala naminaw ang mga anak ni Eli sa iyang tingog tungod kay nakahukom na man si Yahweh sa pagpatay kanila.

Kinsa man ang mitubo ug midako ang pabor diha kang Yahweh ug sa mga tawo?

Si Samuel mitubo ug midako ang pabor diha kang Yahweh ug sa mga tawo.

1 Samuel 2:27-28

Kinsa man ang nagsulti kang Eli nga si Yahweh ang nagpili sa katigulangan ni Eli nga mamahimo niyang pari gawas sa tanang tribo sa Israel?

Nagsulti ang tawo sa Dios kang Eli nga si Yahweh ang nagpili sa mga katigulangan ni Eli.

1 Samuel 2:29-30

Giunsa man pagpanamastamas ni Eli ang mga sakripisyo ug mga halad ni Yahweh?

Iyang gipanamastamasan ang mga sakripisyo ug mga halad pinaagi sa pagpasidungog sa iyang mga anak labaw kang Yahweh.

1 Samuel 2:31-33

Unsa man ang gisulti ni Yahweh kang Eli nga mahitabo sa mga lalaki sa iyang panimalay?

Nagsulti si Yahweh kang Eli nga mamatay ang tanang lalaki sa panimalay ni Eli.

1 Samuel 2:34-36

Unsa man ang timailhanan nga giingon ni Yahweh nga ang tanang lalaki sa panimalay ni Eli mamatay?

Ang duha ka mga anak ni Eli mangamatay sa samang adlaw.

Kinsa man ang maglakaw uban sa hari nga dinihogan ni Yahweh?

Ang matinud-anong pari nga patunghaon ni Yahweh ang maglakaw diha sa iyang dinihogan nga hari sa kahangtoran.

Nganong moadto ug moyukbo man ang matag-usa sa panimalay ni Eli sa matinud-anon nga pari?

Mangayo sila ug katungdanan isip pari aron makabaton sila ug pagkaon.

1 Samuel 3

1 Samuel 3:1-4

Unsa man ang tubag ni Samuel sa dihang iyang nadungog nga gitawag siya ni Yahweh samtang natulog siya sa iyang higdaanan?

Mitubag si Samuel, "Ania ako."

1 Samuel 3:5-6

Unsa man ang gisulti ni Eli sa dihang midagan si Samuel padulong kaniya?

Miingon si Eli nga wala niya tawga si Samuel, ug giingnan niya kini nga mobalik aron sa paghigda.

1 Samuel 3:7-8

Unsa man ang wala pa mapadayag kang Samuel?

Wala pa mapadayag ang mensahe ni Yahweh kang Samuel.

Unsa man ang namatikdan ni Eli human sa ikatulong higayon nga pag-adto ni Samuel kaniya?

Namatikdan ni Eli nga gitawag ni Yahweh si Samuel.

1 Samuel 3:9

Unsa man ang gisulti ni Eli kang Samuel kung mobalik pagtawag kaniya si Yahweh?

Giingnan ni Eli si Samuel sa pagsulti nga, "Sulti, kay maminaw ang imong alagad."

1 Samuel 3:10-11

Unsa man ang gisulti ni Yahweh nga mahitabo sa mga dalunggan nga makadungog kung unsa ang iyang pagabuhaton?

Miingon si Yahweh nga motagning gayod ang mga dalunggan nga makadungog sa kung unsa ang iyang pagabuhaton.

1 Samuel 3:12-14

Unsa man ang gidala sa mga anak ni Eli sa ilang kaugalingon?

Nagdala ug tunglo ang mga anak ni Eli sa ilang kaugalingon.

Unsa man ang dili mapasaylo pinaagi sa sakripisyo o halad?

Ang mga sala nga anaa sa panimalay ni Eli dili mapasaylo sa bisan unsang sakripisyo o halad.

1 Samuel 3:15-16

Unsa man ang gikahadlokan ni Samuel nga iyang buhaton pagkabuntag human niya giablihan ang pultahan sa balay ni Yahweh?

Nahadlok siya nga isulti kang Eli ang panan-awon nga gikan kang Yahweh.

1 Samuel 3:17-18

Unsa man ang gibuhat ni Samuel human nga gisultihan siya ni Eli nga dili niya kinahanglan ililong gikan kaniya ang mga pulong nga gisulti ni Yahweh?

Gisulti ni Samuel ang tanan ug wala siyay gililong gikan kang Eli.

1 Samuel 3:19-21

Unsa man ang nahibaloan sa tanang taga Israel gikan sa Dan hangtod sa Beersheba mahitungod kang Samuel?

Ang tanang taga Isarel nakabalo nga gipili si Samuel aron mahimong propeta ni Yahweh.

1 Samuel 4

1 Samuel 4:1-2

Unsa man ang gisangpotan sa gubat batok sa Israel ug sa mga Filistihanon?

Napildi sa mga Filistihanon ang taga Isarel.

1 Samuel 4:3-4

Unsa man ang nasabotan sa mga kadagkoan sa Israel nga ilang buhaton aron maluwas sila gikan sa kamot sa ilang mga kaaway?

Nasabotan sa mga kadagkoan sa Israel nga ilang dad-on uban kanila ang sudlanan sa kasabotan ni Yahweh.

Kinsa man ang kauban sa sudlanan sa kasabotan ni Yahweh nga makagagahom?

Ang duha ka anak ni Eli, nga si Hopni ug si Pinehas, anaa didto kauban sa sudlanan sa kasabotan sa Dios.

1 Samuel 4:5-6

Unsa man ang gikatingalahan sa mga Filistihanon sa dihang ilang nadungog ang makusog nga mga pagsinggit sa katawhan sa Israel?

Natingala ang mga Filistihanon kung unsa ang hinungdan sa makusog nga pagsinggit didto sa kampo sa mga Hebreohanon.

1 Samuel 4:7-9

Kinsa man ang giingon sa mga Filistihanon nga niabot sa kampo sa mga Hebreohanon?

Miingon ang mga Filistihanon nga ang Dios miabot sa kampo sa mga Hebreohanon.

Unsa man ang giingon sa mga Filistihanon mahitungod sa pag-sulong sa Dios sa mga Ehiptohanon didto sa kamingawan?

Miingon sila nga gisulong sa Dios ang mga Ehiptohanon pinaagi sa paghampak kanila sa nagkalainlaing matang sa katalagman.

1 Samuel 4:10-11

Unsa man ang nahitabo sa duha ka anak ni Eli sa dihang nakig-away ug napildi sa mga Filistihanon ang Israel?

Namatay ang duha ka anak ni Eli, nga si Hopni ug si Pinehas.

1 Samuel 4:12-13

Unsa man ang gibuhat sa tibuok siyudad sa dihang misulod ang maong tawo nga gikan sa gubat ug gibalita ang nahitabo?

Sa dihang gisulti sa maong tawo ang balita, nanghilak ang tibuok siyudad.

1 Samuel 4:14-15

Unsa man nga pangutana ang gipangutana ni Eli sa dihang iyang nadungog ang mga paghilak didto sa siyudad?

Nangutana si Eli kung unsa ang buot pasabot sa maong kasaba.

1 Samuel 4:16-17

Unsa man ang gisulti sa maong lalaki nga nahitabo sa mga anak ni Eli ug sa sudlanan sa kasabotan sa Dios sa dihang napildi ang Israel gikan sa mga Filistihanon?

Gisuginlan sa maong lalaki si Eli nga namatay ang iyang duha ka anak ug nailog ang sudlanan sa kasabotan sa Dios.

1 Samuel 4:18

Unsa man ang nahitabo sa dihang nahayang si Eli gikan sa iyang lingkoranan didto sa kilid sa ganghaan?

Nabali ang liog ni Eli ug namatay siya.

1 Samuel 4:19-20

Unsay nahitabo sa asawa ni Pinehas nga manganakay na sa dihang iyang nadungog nga nailog ang sudlanan sa kasabotan ni Yahweh ug namatay ang iyang ugangan ug ang iyang bana?

Nakaluhod ang asawa ni Pinehas ug nakaanak, apan ang iyang pagbati maoy nakapalisod kaniya.

1 Samuel 4:21-22

Unsa man ang gingalan sa asawa ni Pinehas sa batang lalaki ug nganong mao man kini ang iyang gipangalan?

Ginganlan niya ang maong bata ug Ikabod tungod kay nawala na ang himaya nga anaa sa Israel.

1 Samuel 5

1 Samuel 5:1-3

Unsa man ang nahitabo sa diosdios nga si Dagon pagkasunod buntag human gidala sa mga Filistihanon ang sudlanan sa kasabotan sa Dios ngadto sa balay ni Dagon?

Nahulog si Dagon nga nahiumod ang nawong sa yuta sa atubangan ni Yahweh.

1 Samuel 5:4-5

Unsa man nga bahin sa lawas sa diosdios nga si Dagon ang nabali pagkasunod buntag human nila siya gipahimutang balik sa iyang dapit tapad sa sagradong kasabotan sa Dios?

Ang lawas lamang ni Dagon ang nagpabilin ug ang iyang ulo ug kamot nagkatag dapit sa agianan sa pultahan.

1 Samuel 5:6-7

Nganong nasulti man sa katawhan sa Ashdod nga kinahanglan dili magpabilin ang sagradong kasabotan kanila?

Tungod kay ang kamot sa Dios sa Israel bug-at batok kanila ug kang Dagon nga ilang dios.

1 Samuel 5:8-9

Asa man nga dapit gidala sa mga Filistihanon ang sagradong kasabotan sa Dios sa Israel?

Gidala sa mga Filistihanon ang sagradong kasabotan ngadto sa Gat.

Unsa man ang gihampak ni Yahweh sa mga katawhan sa Gat?

Gihampak sila ni Yahweh ug mga hubaghubag.

1 Samuel 5:10

Unsa man ang gisulti sa mga katawhan sa Ekron nga buhaton sa Dios sa Israel kanila tungod sa pagdala sa sagradong kasabotan sa ilang siyudad?

Miingon sila nga ang Dios sa Israel mopatay kanila ug sa ilang mga katawhan.

1 Samuel 5:11-12

Asa man nga dapit gihangyo sa katawhan sa Ekron nga ipadala sa mga pangulo ang kasabotan?

Gihangyo nila nga ibalik ang kasabotan sa iyang dapit.

Asa man nga dapit miabot ang paghilak sa mga kalalakin-an sa siyudad?

Ang pagpanghilak sa mga kalalakin-an miabot sa kalangitan.

1 Samuel 6

1 Samuel 6:1-2

Unsa man kadugayon nga nagpabilin ang sagradong kasabotan ni Yahweh sa mga kamot sa Filistihanon?

Ang sagradong kasabotan ni Yahweh nagpabilin sa dapit sa Filistihanon sulod sa 7 ka bulan.

Kinsa man ang gitawag sa mga Filistihanon aron mangayo ug tambag kung unsaon pagbalik ang sagradong kasabotan sa iyang dapit?

Nagtawag sila ug mga pari ug mga manalagna sa pagsulti kung unsaon nila pagbalik ang sagradong kasabotan paingon sa iyang kaugalingon nga dapit.

1 Samuel 6:3-4

Unsa man ang gisulti sa mga pari ug manalagna ngadto sa mga Filistihanon nga katawhan nga ipadala ingon nga gasa ngadto sa Dios sa Israel ingon nga halad sa sala?

Ilang gisultihan ang mga Filistihanon nga mopadala ug lima ka bulawan nga hubaghubag ug lima ka bulawan nga ilaga.

1 Samuel 6:5-6

Nganong nagsulti man ang mga pari ug manalagna nga gisilotan pag-ayo sa Dios ang mga Ehiptohanon ug si Paraon?

Gisilotan sa Dios ang mga Ehiptohanon ug si Paraon tungod nagmagahi man ang ilang kasingkasing.

1 Samuel 6:7-9

Unsa man nga mga mananap ang gisulti sa mga pari ug manalagna ngadto sa mga Filistihanon nga ihikot sa karo aron maoy kargahan sa sagradong kaban ni Yahweh?

Giingnan nila sila nga ihigot sa karo ang duha ka baka nga aduna pay nati.

1 Samuel 6:10-12

Asa man nipadulong ang mga nagpatutoy nga mga baka nga nagguyod sa karo nga gikargahan sa sagradong kaban ug kahon nga gisudlan sa bulawan nga ilaga ug mga hubaghubag?

Ang mga baka mipadulong paingon sa Bet Shemes.

1 Samuel 6:13

Unsa man ang ginabuhat sa katawhan nga taga Bet Shemes sa dihang nihangad sila sa ibabaw ug nakita ang sudlanan sa kasabotan?

Nag-ani sila sa ilang mga trigo didto sa walog.

1 Samuel 6:14-15

Unsa man ang gibuhat sa katawhan nga taga Bet Shemes sa mga baka nga nagguyod sa karo?

Gihalad nila ang mga baka ingon nga halad sinunog ngadto kang Yahweh.

1 Samuel 6:16

Unsa man ang gibuhat sa mga Filistihanon nga pangulo sa dihang nakita nila ang gibuhat sa mga taga Bet Shemes?

Nibalik sila sa Ekron niana nga adlaw.

1 Samuel 6:17-18

Unsa man ang kahulogan o ipasabot sa kadaghanon sa lima ka mga hubaghubag ug ang kadaghanon sa lima ka mga ilaga?

Ang lima ka bulawan nga hubaghubag ug lima ka bulawan nga mga ilaga sama lamang kadaghan sa tanan nga siyudad sa mga Filistihanon nga gidumalahan sa lima ka mga pangulo.

1 Samuel 6:19-20

Nganong gipamatay man ni Yahweh ang 70 ka mga kalalakihn-an sa Bet Shemes?

Gipamatay sila ni Yahweh tungod kay nilili man sila sa sagradong kaban ni Yahweh.

1 Samuel 6:21

Unsa man ang gisulti sa mensahero sa taga Kirat Jearim nga angayng buhaton mahitungod sa sudlanan sa kasabotan nga giuli sa mga Filistihanon?

Nangayog tabang ang mensahero sa mga lumulupyo sa Kirat Jearim nga molugsong ug kuhaon ang sagradong kaban balik ngadto kanila.

1 Samuel 7

1 Samuel 7:1-2

Unsa man ang gibuhat sa katawhan sa Kiriat Jearim sa anak ni Abinadab nga si Eleazar aron iyang mabantayan ang arka ni Yahweh?

Gibalaan nila siya aron takos siya nga mohipos sa arka ni Yahweh.

Unsa man ang gibuhat sa tibuok panimalay sa Israel sulod sa 20 ka tuig nga nagpabilin ang arka ni Yahweh sa Kiriat Jearim?

Nagbangotan sila sulod niining mga panahona ug nagtinguha sa pagbalik kang Yahweh.

1 Samuel 7:3-4

Unsa man ang butang nga angayan isalikway sa katawhan sa Israel aron si Yahweh makahimo sa pagluwas kanila gikan sa mga kamot sa mga Filistihanon?

Kinahanglan nga ilang isalikway ang mga langyaw nga mga dios ug ang Astarot gikan kanila ug si Yahweh lamang ang simbahon.

1 Samuel 7:5-6

Sa dihang nagtigom ang katawhan sa Israel sa Mizpa ug nagbubo ug tubig atubangan ni Yahweh, unsa man ang ilang nabuhat ug giangkon?

Ilang giangkon nga sila nakasala batok kang Yahweh.

1 Samuel 7:7-8

Unsa man ang nadungog sa katawhan sa Israel mahitungod sa mga Filistihanon ug nakapahadlok kanila ug nakahimo sila sa paghangyo kang Samuel nga magpakitabang kang Yahweh alang kanila?

Nadungog nila nga ang nangulo sa mga Filistihanon misulong sa Israel.

1 Samuel 7:9

Unsa man ang gibuhat ni Yahweh sa dihang nagkuha si Samuel ug nagsuso pa nga karnero, gihatag isip halad sinunog ngadto kang Yahweh ug mihilak ug pagpakitabang kang Yahweh?

Gitubag niya si Samuel.

1 Samuel 7:10-11

Sa dihang nagpaduol ang mga Filistihanon aron sa pagsulong sa Israel, unsa ang gibuhat ni Yahweh nga nakapaguliyang sa mga Filistihanon?

Nianang adlawa mipadalugdog si Yahweh sa makusog nga dahunog batok sa mga Filistihanon.

1 Samuel 7:12

Unsa man ang gibutang ni Samuel taliwala sa Mizpa ug Sen isip timaan nga si Yahweh nagtabang kanila?

Mikuha si Samuel ug bato ug gipahimutang kini.

1 Samuel 7:13-14

Unsa man ang nahitabo sa mga lungsod nga gikuha sa mga Filistihanon gikan sa Israel?

Nahibalik kini sa Israel.

1 Samuel 7:15-17

Unsa ang gibuhat ni Samuel sa dihang moadto siya sa panagtigom sa Bethel, sa Gilgal, sa Mizpah ug balik ngadto sa Rama?

Si Samuel naghukom sa mga panagbingkil niining mga dapita.

1 Samuel 8

1 Samuel 8:1-3

Sa unsang pamaagi nga gihukman ang duha ka anak ni Samuel, kinsang mga maghuhukom, nga wala magbuhat sama sa pamaagi sa ilang amahan?

Nag-apas sila sa suhol, nagpasuhol ug gituis ang hustisya.

1 Samuel 8:4-5

Unsa man ang gihangyo sa mga kadagkoan sa Israel nga buhaton ni Samuel?

Gihangyo nila si Samuel nga magpili ug hari nga maghukom kanila sama sa ubang mga nasod, tungod kay tigulang na siya unya ang iyang mga anak wala misubay sa iyang mga pamaagi.

1 Samuel 8:6-7

Unsa man ang gibuhat ni Samuel sa dihang naghangyo ang mga kadagkoan sa mga Israel nga hatagan sila ug hari ug kini wala nakapalipay kang Samuel?

Nag-ampo si Samuel kang Yahweh.

Nganong giingnan man ni Yahweh si Samuel nga tumanon ang tanan nga gisulti kaniya sa mga tawo?

Giingnan ni Yahweh si Samuel nga tumanon sila tungod kay dili si Samuel ang ilang gisalikway, kondili gisalikway nila si Yahweh nga mao ang naghari kanila.

1 Samuel 8:8-9

Unsa man ang gipasidaan ni Yahweh ngadto kang Samuel nga ihatag sa katawhan sa Israel?

Misulti si Yahweh kang Samuel nga pasidan-an pag-ayo ang katawhan sa Israel mahitungod sa pagdumala sa maghari kanila.

1 Samuel 8:10-12

Unsa man ang pasidaan nga gihatag ni Samuel ngadto sa katawhan sa Israel mahitungod sa pamaagi sa hari nga kuhaon ilang mga anak nga lalaki?

Si Samuel nagpasidaan sa mga tawo nga kuhaon sa hari ang ilang mga anak nga lalaki ug padumalaon sa iyang mga kabayo ug mag-ani sa iyang abot, ug ang uban pahimoon sa iyang mga hinagiban ug pagpatuman ug mga gubat.

1 Samuel 8:13-15

Unsa man ang pasidaan nga gihatag ni Samuel ngadto sa katawhan sa Israel mahitungod sa buhaton sa hari ngadto sa ilang mga anak nga babaye?

Gipasidan-an sila ni Samuel nga kuhaon sa hari ilang mga anak nga babaye aron iyang himoon nga tiggama ug pahumot, tigluto, ug tighimo ug tinapay.

1 Samuel 8:16-18

Unsa man ang pasidaan nga gihatag ni Samuel sa katawhan sa Israel mahitungod sa buhaton sa hari ngadto sa mga sulugoon, batan-ong lalaki ug mga kahayopan?

Si Samuel nagpasidaan kanila nga kuhaon sa hari ang ilang mga sulugoon, labing ambongan nga mga batan-onng lalaki ug mga asno, ikapulo sa ilang mga kahayopan, ug himoon silang mga ulipon.

Unsa man ang pasidaan ni Samuel sa katawhan sa Israel nga mahitabo sa dihang motuaw sila tungod sa hari nga ilang gipili alang sa ilang kaugalingon?

Miingon si Samuel nga sa dihang motuaw sila ngadyto kang Yahweh, si Yahweh dili magtubag kanila.

1 Samuel 8:19-20

Unsa ang tubag sa mga tawo sa pasidaan gikan kang Samuel?

Ang mga tawo buot gayod nga aduna maghari kanila aron mahisama sila sa ubang mga nasod ug adunay hari nga maoy magkuhom ug makig-away sa ilang mga gubat.

1 Samuel 8:21-22

Unsa man ang gitubag ni Yahweh sa dihang gisubli ni Samuel sa iyang igdulongog ang gipamulong sa katawhan?

Miingon pag-usab si Yahweh kang Samuel nga tumanon ang tingog sa katawhan ug hatagan sila ug hari.

1 Samuel 9

1 Samuel 9:1-2

Unsa man ang dungganong hulagway ni Saul, ang anak ni Kis?

Si Saul usa ka ambongan nga batan-ong lalaki, siya ang labing taas ug barog kay sa ubang mga tawo.

1 Samuel 9:3-4

Unsa man ang nahitabo sa dihang gisugo ni Kis si Saul sa pagpangita sa mga asno nga nawala?

Gikuyog ni Saul ang usa ka sulugoon ug miagi sila sa daghang mga dapit apan wala nila makaplagi ang mga asno nga nawala.

1 Samuel 9:5-6

Unsa man ang gisulti ni Saul sa iyang sulugoon nga ilang buhaton inig abot nila sa yuta sa Zup?

Si Saul misulti sa iyang sulugoon nga mobalik na lamang sila kay tingali ug sila na ang gikabalak-an sa iyang amahan ug dili na sa mga asno.

Unsa man ang lain nga nahuna-hunaan sa sulugoon nga iyang gipadayag kang Saul?

Gisultian si Saul sa iyang sulugoon nga pangitaon nila ang tawo sa Dios nga anaa sa maong siyudad pamasin nga makahimo kini pagsulti kanila ug hain silang dapita mupadayon sa ilang panaw.

1 Samuel 9:7-8

Unsa man ang gihuptan sa sulugoon nga ikahatag sa tawo sa Dios aron sultihan sila ug diin nga dapit moadto?

Ang sulugoon adunay 1/4 nga shekel sa plata nga ikahatag sa tawo sa Dios.

1 Samuel 9:9-11

Unsa man ang gipangutana ni Saul ug sa iyang sulugoon ngadto sa mga batan-ong babaye nga migawas aron sa pagkalos ug tubig?

Nangutana si Saul ug ang iyang sulugoon kung anaa ba ang mananagna sa siyudad aron magpakisayod sila mahitungod sa kabubot-on sa Dios.

1 Samuel 9:12-14

Nganong ang mananagna moadto man sa siyudad nianang adlawa?

Ang mananagna moadto sa siyudad nianang adlawa tungod kay ang mga tawo maghalad sa balaang dapit ug ang mananagna magpanalangin sa halad.

1 Samuel 9:15-16

Unsa man ang gipadayag ni Yahweh ngadto kang Samuel mahitungod sa katungdanan ni Saul sa Israel?

Gisultihan ni Yahweh si Samuel nga pagadihogan niya siya sa pagkaprinsipe sa Israel ug luwason niya ang katawhan ni Yahweh gikan sa mga kamot sa mga Filistihanon.

1 Samuel 9:17-19

Unsa nga pagdapit ang gitanyag ni Samuel kang Saul sa dihang iyang gipadayag niya nga siya ang mananagna nga iyang gipangita?

Gidapit ni Samuel si Saul nga mosaka ug mokaon uban kaniya ngadto sa hataas nga dapit.

1 Samuel 9:20-22

Giunsa man ni Samuel sa pagpahibulong si Saul mahitungod sa iyang gisulti kaniya?

Bisan paman nga si Saul gikan sa banay nga labing ubos sa tribo sa Benjamin, ang tanang tinguha sa Israel anaa kaniya ug sa panimalay sa iyang amahan.

1 Samuel 9:23-24

Unsa man ang gisulti ni Samuel ngadto kang Saul mahitungod sa paa nga gipataas isip halad?

Giingnan niya si Saul nga gitipigan kadto hangtod nga miabot ang hustong takna alang kaniya.

1 Samuel 9:25-26

Unsa man ang giingon ni Samuel kang Saul human sila makakanaog gikan sa hataas nga dapit sa siyudad.

Giingnan ni Samuel si Saul sa pagbangon aron siya makapauli.

1 Samuel 9:27

Nganong gisultian man ni Samuel si Saul nga kung mahimo magpabilin siya sa makadiyot sa ganghaan sa siyudad?

Gisultian ni Samuel si Saul kung mahimo ba siyang magpabilin aron masulti niya ang mensahe sa Dios ngadto kaniya.

1 Samuel 10

1 Samuel 10:1-2

Nganong gibuboan man ni Samuel ug lana ang ulo ni Saul ug gihagkan kini?

Gibuboan niya ug lana ang ulo ni Saul tungod kay gidihogan siya ni Yahweh nga mangulo sa iyang kaliwat.

Unsa ang mahitabo sa umaabot nga gisaysay ni Samuel ngadto kang Saul?

Gisultian ni Samuel si Saul nga makakita siya ug duha ka tawo duol sa lubnganan ni Raquel nga maoy magsulti kaniya nga ang mga asno nakaplagan na.

1 Samuel 10:3-4

Unsa ang gisulti ni Samuel ngadto kang Saul nga mahitabo sa pag-abot niya sa dakong kahoy nga tugas sa Tabor.

Tulo ka tawo ang mahimamat niya nga nagdala ug tulo ka nating kanding, tulo ka tinapay, ug usa ka panit nga sudlanan ug bino ug ihatag kaniya ang duha ka tinapay, diin angay niyang dawaton.

1 Samuel 10:5-6

Unsa ang gisulti ni Samuel ngadto kang Saul nga mahitabo inig abot niya sa kampo sa mga Filistihanon?

Ang espiritu ni Yahweh mokunsad kaniya aron mausab siya ngadto sa laing tawo ug magpropesiya siya kauban sa pundok sa mga propeta gikan sa siyudad.

1 Samuel 10:7-8

Unsa man ang gitudlo ni Samuel nga buhaton ni Saul?

Gisultihan ni Samuel si Saul nga molugsong sa Gilgal ug moadto usab si Samuel aron sa paghatag ug halad sinunog isip halad alang sa kalinaw.

1 Samuel 10:9-10

Unsa man ang nahitabo sa dihang mitalikod ug mibiya si Saul kang Samuel?

Sa dihang mitalikod si Saul aron sa pagbiya, ang Dios naghatag kaniya ug lahi nga kasingkasing.

1 Samuel 10:11-13

Nganong nahibulong man ang mga tawo kung usa na ba si Saul sa mga propeta?

Ang mga tawo nahibulong kung usa na ba gayod ka propeta si Saul tungod kay nakita nila kini nga nagpropesiya kauban ang mga propeta.

1 Samuel 10:14-16

Unsa man ang gitubag ni Saul sa iyang uyoan sa dihang gipangutana siya kung hain siya gikan?

Gisultian ni Saul ang iyang uyoan nga sa dihang wala nila makaplagi ang mga asno, miadto sila kang Samuel.

Unsa man ang gisulti ni Samuel nga wala gitug-an ni Saul sa iyang uyoan?

Wala gisulti ni Saul sa iyang uyoan ang mahitungod sa gingharian.

1 Samuel 10:17-19

Nganong nag-ingon man si Yahweh nga gisalikway siya sa Israel.

Ang Israel misalikway kang Yahweh tungod kay nangayo sila ug hari nga magdumala kanila.

1 Samuel 10:20-21

Unsa man ang nahitabo sa dihang napili si Saul isip hari?

Gipangita nila si Saul, apan wala nila kini makaplagi.

1 Samuel 10:22-23

Nganong wala nila makaplagi si Saul sa dihang napili kini isip mosunod nga hari?

Mitago si Saul sa luyo sa mga bagahe.

1 Samuel 10:24

Unsa man ang gibati ni Samuel sa tawo nga napili ni Yahweh?

Miingon si Samuel nga wala gayoy tawo nga sama kang Saul.

1 Samuel 10:25

Giunsa pagtukod ug pagpatunhay sa pamatasan ug pamalaod sa paghari?

Gisultihan ni Samuel ang katawhan mahitungod sa pamatasan ug pamalaod sa paghari, gisulat kini sa libro ug gibutang atubangan ni Yahweh.

1 Samuel 10:26-27

Giunsa pagpakita sa mga walay bili nga tawo nga wala sila makaangay kang Saul?

Pipila ka mga walay bili nga tawo ang nagtamay kang Saul ug wala kini hatagi ug mga gasa ug giminos ang katakos nga magluwas kanila.

1 Samuel 11

1 Samuel 11:1-2

Unsa man ang tubag ni Nahas nga Amonihanon sa gihangyo nga kasabotan gikan sa mga tawo sa Jabes?

Miingon siya nga maghimo siya ug kasabotan ngadto kanila kung iyang mapaulawan ang tanang mga Israel pinaagi sa paglugit sa ilang tuong mga mata.

1 Samuel 11:3

Giunsa man pagtubang sa mga katigulangan sa Jabes sa buot buhaton ni Nahas?

Naghangyo sila nga biyaan sulod sa pito ka mga adlaw aron ilang makita kung aduna bay tawo sa tibuok dapit sa Israel nga moluwas kanila.

1 Samuel 11:4-5

Nganong nahibulong man si Saul kung unsa man ang nahitabo sa katawhan sa iyang lungsod sa Gibea?

Nadungog ni Saul sila nga nagahilak human nila nadungog kung unsa ang mahimong mahitabo sa lungsod sa Jabes.

1 Samuel 11:6-8

Giunsa man ni Saul pagtubag ang pagpanghulga batok sa Jabes?

Nasuko siya pag-ayo ug gihiusa ang tanang katawhan sa Israel sa pagsunod kaniya ug sa pagpakig-away batok sa mga kaaway sa Jabes.

1 Samuel 11:9-10

Unsa man ang gisugilon sa mga mensahero ngadto sa katawhan sa Jabes?

Gisuginlan nila ang katawhan sa Jabes nga pagaluwason sila sa pagkasunod adlaw sa panahon nga moinit na ang adlaw.

Unsa man ang gisulti sa mga tawo sa Jabes aron sa paglingla kang Nahas?

Gisultihan nila si Nahas nga ihatag nila ang ilang mga kaugalingon ngadto kaniya sa sunod adlaw ug mahimo niya ngadto kanila kung unsa ang iyang gusto buhaton.

1 Samuel 11:11

Unsa man ang gisangpotan sa gubat taliwala sa katawhan sa Israel ug kang Nahas nga Amonihanon?

Gisulong sa katawhan sa Israel ug gipukan ang mga Amonihanon ug kadtong nakalingkawas nagkatibulaag.

1 Samuel 11:12-13

Nganong nagsulti man si Saul nga walay pagapatyon sa iyang mga kaaway?

Nag-ingon si Saul nga walay tawo nga pagapatyon tungod kay giluwas ni Yahweh ang Israel.

1 Samuel 11:14-15

Nganong nangadto man si Samuel, si Saul ug ang tanang mga tawo sa Israel sa Gilgal?

Nangadto sila didto sa Gilgal aron sa paghalad ug halad sa pakigdait ug sa pagbag-o sa gingharian pinaagi sa paghimo kang Saul nga hari sa atubangan ni Yahweh.

1 Samuel 12

1 Samuel 12:4-5

Nakabuhat ba si Samuel ug bisan unsang daotan batok sa katawhan sa Israel?

Ang katawhan sa Israel nagsulti kang Samuel nga wala siya nanikas o nagdaogdaog kanila o nangawat ug bisan unsa gikan kanila.

1 Samuel 12:6-7

Nganong gisultihan man ni Samuel ang katawhan sa Israel nga sila mismo magpakita sa atubangan ni Yahweh?

Gisultihan niya ang katawhan sa Israel nga sila mismo magpakita aron nga mapahinumduman niya sila sa tanang matarong nga buhat ni Yahweh kaniadto.

1 Samuel 12:8-9

Unsa man ang gibuhat sa Dios ngadto sa mga katigulangan sa katawhan sa Israel human nga gikalimtan nila si Yahweh nga ilang Dios, human nga gipagawas sila ni Moses ug Aaron sa Ehipto?

Gitugyan sila ni Yahweh ngadto sa kamot sa Sisera, ngadto sa kamot sa mga Filistihanon ug ngadto sa kamot sa hari sa Moab.

1 Samuel 12:10-11

Unsa man ang gibuhat ni Yahweh human sa pagtuaw sa mga katigulangan sa Israel ngadto kang Yahweh ug naghangyo kaniya nga luwason sila gikan sa kamot sa ilang mga kaaway?

Gipadala ni Yahweh si Jeru Baal, Bedan, Jephta, ug Samuel sa pagluwas kanila gikan sa ilang mga kaaway.

1 Samuel 12:12-13

Unsa man nga kamatuoran ang gusto ni Samuel nga hinumduman sa katawhan sa Israel?

Gipahinumduman ni Samuel ang katawhan sa Israel nga gusto nila ug usa ka hari nga magmando kanila.

1 Samuel 12:14-15

Unsa man ang gipapilian ni Samuel nga dad-on sa atubangan sa katawhan sa Israel?

Kinahanglan motuman sila sa mando ni Yahweh ug mahimong sunosunod ni Yahweh, o mosupak sila batok sa mga mando ni Yahweh ug makasinati sa iyang kamot nga makigbatok kanila.

1 Samuel 12:16-18

Unsa man ang hagit nga gipakita ni Samuel sa atubangan sa katawhan sa Israel?

Gihagit ni Samuel ang katawhan sa pagpadayag sa ilang kaugalingon ngadto sa atubangan ni Yahweh ug tan-awon ang dagkong butang nga iyang pagabuhaton sa ilang mga panan-aw.

Unsa man ang gipangayo ni Samuel nga ipadala ni Yahweh aron ang katawhan sa Israel masayod kung unsa kadako ang ilang pagkadaotan?

Gipangayo niya kang Yahweh nga magpadala ug dalugdog ug ulan.

1 Samuel 12:19-21

Giunsa man pagtubag ni Samuel ang katawhan sa Israel sa dihang naamgohan nila ang kakuyaw sa ilang sala?

Gisultihan ni Samuel ang katawhan nga dili mahadlok, apan moalagan kang Yahweh uban sa tibuok nila nga kasingkasing.

1 Samuel 12:22-23

Unsa man ang mensahe sa paghupay ang gihatag ni Samuel ngadto sa katawhan sa Israel?

Gihupay ni Samuel ang katawhan sa Israel pinaagi sa pagsulti kanila dili sila isalikway ni Yahweh.

Unsa man ang nahukoman ni Samuel nga buhaton sa Israel?

Nakahukom siya nga tudloan niya ang katawhan sa dalan nga maayo ug husto, ug dili mohunong sa pag-ampo alang kanila.

1 Samuel 12:24-25

Unsa man ang hagit ni Samuel sa katawhan sa Israel?

Gisultihan sila ni Samuel sa paghunahuna sa dagkong mga butang nga gibuhat ni Yahweh alang kanila aron kahadlokan nila siya ug alagaran siya sa kamatuoran uban sa ilang tibuok kasingkasing.

1 Samuel 13

1 Samuel 13:1-2

Unsa man ang gihimo ni Samuel ngadto sa mga sundalo nga wala niya napili nga mouban kaniya?

Gipapauli ni Saul ang ubang mga sundalo sa ilang mga tolda.

1 Samuel 13:3-4

Nganong nanimaho mang lata ang Israel ngadto sa mga Filistihanon?

Nanimaho sila nga lata tungod kay gipukan ni Saul ang kampo sa mga Filistihanon.

1 Samuel 13:5

Unsa man ang gibuhat sa mga Filistihanon sa ilang pagkapildi sa katawhan sa Israel?

Nagtigom sila ug daghang mga karwahe ug mga sundalo sa pagpakig-away batok sa Israel.

1 Samuel 13:6-7

Unsa man ang gibuhat sa katawhan sa Israel tungod sa kasundalohan sa mga Filistihanon?

Nangahadlok sila busa nanago sila sa mga langob, sa ilalom sa kasagbotan, sa kabatoan, sa mga balon, ug sa mga bangag, ug ang uban nanagan tabok sa Jordan.

1 Samuel 13:8-10

Unsa man ang gibuhat ni Saul sa dihang wala miabot si Samuel sa Gilgal sulod sa pito ka adlaw?

Naghalad si Saul ug halad sinunog ug halad sa pakigdait.

1 Samuel 13:11-12

Unsa man ang katarongan ni Saul kang Samuel sa wala niya paghulat kang Samuel sa paghalad?

Miingon siya nga nakita niya nga namiya na ang mga kasundalohan, busa gipugos niya ang iyang kaugalingon sa paghalad ug halad sinunog ngadto kang Yahweh.

1 Samuel 13:13-16

Unsa man ang gisulti ni Samuel aron sa pagbadlong kang Saul?

Nag-ingon si Samuel kang Saul nga nagbuhat siya ug kabuang tungod sa wala pa niya pagtipig sa mando nga gihatag ni Yahweh.

What did Samuel say would be the consequences for Saul's actions?

1 Samuel 13:17-18

Unsa man ang pamaagi nga gigamit sa mga Filistihanon batok sa katawhan sa Israel?

Gipadala sa mga Filistihanon ang mga mangabayo gikan sa ilang kampo ngadto sa tulo ka nagkalain-laing dapit sa Israel.

1 Samuel 13:19-21

Unsa man ang kakulangon nga giatubang sa mga sundalo sa Israel sa ilang pakig-away batok sa mga Filistihanon?

Wala gitugotan sa mga Filistihanon nga makabaton ug panday ang mga Israelita nga makapanday ug mga espada ug mga bangkaw.

1 Samuel 13:22-23

Unsa man ang nakababag sa mga sundalong Israel sa pagpakig-away batok sa mga Filistihanon?

Walay bisan unsang mga espada o mga bangkaw nga anaa sa mga kamot sa mga sundalo sa Israel.

1 Samuel 14

1 Samuel 14:1

Unsa man ang gitago ni Jonatan sa iyang amahan nga si Saul?

Nangadto si Jonatan ug ang iyang tigdala sa iyang armadora ngadto sa kampo sa mga Filistihanon agi sa laing agianan.

1 Samuel 14:2-5

Unsa man ang wala mahibaloi sa 600 ka mga sundalo nga uban kang Saul?

Wala sila mahibalo nga nangadto si Jonatan sa kampo sa Filistihanon.

1 Samuel 14:6-7

Unsa man ang gisulti nga plano ni Jonatan sa batan-on nga tigdala sa iyang armadora?

Gisultihan siya ni Jonatan nga mamuhat si Yahweh alang kanila sa pagluwas sa daghang mga tawo kung motabok sila ngadto sa kampo sa mga Filistihanon.

Unsa man ang tubag sa tigdala sa armadora sa maong sa gitanyag nga plano?

Ang tigdala sa armadora ni Jonatan andam sa pagtuman sa iyang mga sugo, busa gidasig niya siya sa pagbuhat sa tanang butang nga anaa sa iyang kasingkasing.

1 Samuel 14:8-10

Unsa man ang timailhan ni Jonatan ug sa iyang tigdala sa armadora nga gihatag ni Yahweh ngadto sa ilang kamot ang mga Filistihanon?

Kung moingon ang mga Filistihanon nga kinahanglan moadto sila ngadto kanila, mao kini ang timailhan nga gihatag ni Yahweh sila ngadto sa ilang kamot.

1 Samuel 14:11-12

Unsa man ang gisulti ni Jonatan sa iyang tigdala sa iyang armadora human nga gisultihan sila sa mga Filistihanon nga anaa sa kampo, "Saka nganhi kanamo ug aduna kami ipakita kaninyo"?

Gisultihan niya ang iyang tigdala sa armadora sa pagsunod kaniya tungod kay gihatag na sila ngadto sa kamot sa Israel.

1 Samuel 14:13-15

Unsa man ang resulta sa pagsulong ni Jonatan ug ang iyang tigdala sa armadora sa kampo sa mga Filistihanon?

Gipamatay ni Jonatan ug ang iyang tigdala sa armadora ang duolan sa 20 ka mga sundalo.

1 Samuel 14:16-17

Unsa man ang gibuhat ni Saul sa dihang nakita sa iyang magbalantay sa Gibea sa Benjamin ang katawhan sa mga Filistihanon nga mga sundalo nga nagkatibulaag ug nagdinaganay pangadto ug panganhi.

Giihap ni Saul ang iyang katawhan aron mahibaloan kung kinsa ang nawala gikan kanila, ug nahibaloan nila nga si Jonatan ug ang tigdala sa iyang armadora.

1 Samuel 14:18-19

Nganong gimandoan man ni Saul si Ahija nga pari sa pagdala sa arka sa Dios ngadto kaniya?

Gimandoan ni Saul si Ahija nga pari sa pagdala sa arka sa Dios aron mahibaloan nila ang kabubut-on sa Dios.

1 Samuel 14:20-21

Kinsa man ang nakig-abin sa mga Israelita nga nag-uban kang Saul ug Jonatan?

Kadtong mga Hebreohanon nga nakig-uban kaniadto sa mga Filistihanon, ug nakig-uban kanila ngadto sa kampo nga nagkig-abin sa mga Israelita nga uban kang Saul ug Jonatan.

1 Samuel 14:22-23

Kinsa man ang nagluwas sa Israel niadtong adlawa.

Giluwas ni Yahweh ang Israel niadtong adlawa.

1 Samuel 14:24-26

Unsa man ang hinungdan sa kagutom sa katawhan sa Israel nga mahimong luya?

Gibutang ni Saul ang katawhan ilalom sa panumpa nga si bisan kinsa nga tawo nga mokaon niadtong gabhiona matinunglo.

1 Samuel 14:27-28

Unsa man ang gibuhat ni Jonatan sa walay pagkasayod nga nasupak niya ang panumpa?

Gikaon ni Jonatan ang dugos nga gikan sa lasang.

1 Samuel 14:29-32

Giunsa man pagsaway ni Jonatan ang panumpa nga gihimo sa iyang amahan?

Nag-ingon si Jonatan nga kung gitugotan lamang unta ang katawhan sa pagkaon ug dugos ug gikan sa nailog sa mga kaaway, aduna untay daghang nangamatay sa mga Filistihanon.

1 Samuel 14:33-35

Giunsa man pagkasala sa katawhan sa Israel batok kang Yahweh human sa ilang mga gubat batok sa mga Filistihanon?

Mikaon ug dugo sa mga mananap ang katawhan sa Israel nga ilang giihaw gikan sa ilang nailog.

1 Samuel 14:36-37

Unsa man ang hinungdan nga wala na gigukod ni Saul ang mga Filistihanon bisan mao kini ang iyang gustong buhaton?

Tungod kay wala siyay nadawat nga tubag gikan sa Dios niadtong adlawa.

1 Samuel 14:38-39

Unsa man ang gisulti ni Saul nga iyang buhaton niini nga sala sa Israel?

Miingon siya nga ang tawo nga nakasala mamatay gayod, bisan pa kung iya pa kining anak nga si Jonatan.

1 Samuel 14:40-44

Giunsa man pagkahibalo nga si Jonatan ang tawo nga nakasala?

Nahibaloan kini pinaagi sa pagripa.

1 Samuel 14:45-46

Giunsa man pagkaluwas ni Jonatan gikan sa kamatayon?

Wala mitugot ang katawhan sa Israel nga mamatay si Jonatan tungod kay nakahimo siya ug dakong kadaogan.

1 Samuel 14:47-52

Giunsa man paggiya ni Saul ang katawhan sa Israel ingon nga ilang hari?

Gibuhat ni Saul uban ang dakong kadasig ug giluwas ang Israel gikan sa mga kamot niadtong mga nanulis kanila.

1 Samuel 15

1 Samuel 15:1-5

Nganong gusto man ni Yahweh nga sulongon ug laglagon sa hingpit ang Amalek?

Si Amelek nag-asdang sa Israel didto sa agianan paggawas nila gikan sa Ehipto.

1 Samuel 15:6-7

Nganong gisultihan man ni Saul ang mga Kenihanon nga mobiya gikan sa mga Amalekanhon?

Nagmaloloy-on ang mga Kenihanon sa katawhan sa Israel sa paggawas nila gikan sa Ehipto.

1 Samuel 15:8-9

Giunsa man pagsupak ni Saul sa gisugo ni Yahweh nga gihatag kaniya?

Wala patya ni Saul si Haring Agag lakip na usab ang labing maayong mga mananap sa mga Amalekanhon.

1 Samuel 15:10-11

Nganong naguol man si Yahweh nga gihimo niyang hari si Saul?

Mitalikod na si Saul gikan sa pagsunod sa mga sugo ni Yahweh.

1 Samuel 15:12-13

Unsa man nga bakak ang gisulti ni Saul kang Samuel?

Miingon siya nga natuman na niya ang gisugo ni Yahweh.

1 Samuel 15:14-16

Giunsa man pagtubag ni Samuel ang pagpamakak ni Saul kaniya?

Nangutana si Samuel mahitungod sa pagbahihi sa mga karnero ug ang pag-inga sa mga baka nga iyang nadungog.

Unsa man nga pangatarungan ni Saul kang Samuel sa pagsulay niya sa pagpanalipod sa iyang pagkamasinupakon?

Miingon siya nga ang katawhan mao ang nagkuha sa labing maayong mga karnero ug mga baka aron nga ikahalad kini alang kang Yahweh.

1 Samuel 15:17-19

Unsa man ang gisulti ni Samuel aron sa pagbadlong kang Saul?

Gisultihan niya si Saul nga gipili siya ni Yahweh nga mahimong hari sa Israel ug gisultihan siya nga laglagon sa hingpit ang mga Amalekanhon, apan hinoon gikuha niya ang mga inilog ug nagpakadaotan sa panan-aw ni Yahweh.

1 Samuel 15:20-21

Unsa man ang samang pangatarungan ni Saul kang Samuel?

Gipamugos niya nga ang katawhan mao ang nagdala sa labing maayo sa mga inilog aron ikahalad kang Yahweh.

1 Samuel 15:22-23

Unsa man ang tubag ni Samuel kang Saul?

Ang pagtuman kang Yahweh mas maayo pa kay sa paghalad ug ang pagsupak ug pagkamasukihon sala kang Yahweh.

1 Samuel 15:24-25

Unsa man ang pangatarungab ni Saul kang Samuel nga maoy hinungdan nga nakasala siya?

Miingon si Saul nga nalapas niya ang mga sugo ni Yahweh tungod kay nahadlok siya sa katawhan.

1 Samuel 15:26-27

Unsa man nga pamahayag ni Samuel kang Saul nga gikan kang Yahweh?

Gisalikway ni Yahweh si Saul sa pagkahari sa Israel.

1 Samuel 15:28-31

Kang kinsa man ihatag ni Yahweh ang gingharian sa Israel?

Gisultihan si Samuel si Saul nga ihatag ni Yahweh ang gingharian sa Israel sa usa sa mga silingan ni Saul, ang tawo nga mas maayo pa kay kang Saul.

1 Samuel 15:32-35

Unsa man ang gibuhat ni Samuel aron tapuson ang buluhaton nga wala mabuhat ni Saul?

Gigamit ni Samuel ang iyang espada aron sa pagpatay kang Agag sa atubangan ni Yahweh.

1 Samuel 16

1 Samuel 16:1

Sa unsa mang paagi gisalikway ni Yahweh si Saul?

Gisalikway ni Yahweh si Saul gikan sa pagkahari sa Israel.

1 Samuel 16:2-3

Unsa man ang gikahadlokan ni Samual nga madungog ni Saul nga miadto siya sa Bethlehem?

Nahadlok siya nga patyon siya ni Saul.

Giunsa man pagsulti ni Yahweh kang Samuel kung si kinsa ang iyang angay dihogan?

Gisultihan niya si Samuel nga dihogan niya ang tawo nga isulti kaniya ni Yahweh.

1 Samuel 16:4-5

Unsa man gibati sa mga kadagkoan sa Bethlehem sa pag-abot ni Samuel sa siyudad?

Nangurog sila sa pagsugat nila kaniya.

1 Samuel 16:6-7

Unsa man ang gihunahuna ni Samuel sa pagkakita niya kang Eliab?

Miingon siya sa iyang kaugalingon nga ang dihogan ni Yahweh mao gayod ang nagtindog sa iyang atubangan.

Giunsa man pagpasabot ni Yahweh kang Samuel nga dili siya motan-aw sama sa pagtan-aw sa tawo?

Miingon si Yahweh nga ang tawo nagtan-aw sa panagway, apan si Yahweh nagtan-aw sa kasingkasing.

1 Samuel 16:8-10

Unsa man ang gisulti ni Samuel kang Jesse human niya gipalabay ang pito ka mga anak nga lalaki sa iyang atubangan?

Miingon si Samuel nga walay gipili si Yahweh sa bisan kinsa kanila.

1 Samuel 16:11-12

Asa man ang kamanghurang anak nga lalaki sa wala pa siya gitawag ni Samuel?

Ang kamanghurang anak nga lalaki nagbantay sa mga karnero.

1 Samuel 16:13

Kanus-a man mikunsad kang David ang Espiritu ni Yahweh?

Ang Espiritu ni Yahweh mikunsad kang David sukad niadtong adlawa.

1 Samuel 16:14-16

Unsa man ang mihasol nga espiritu kang Saul inay Espiritu ni Yahweh?

Ang daotang espiritu nga gikan kang Yahweh mao ang naghasol kang Saul.

Unsa man ang gisulti sa sulugoon ni Saul nga mabuhat sa maayong manunugtog sa dihang anaa ang daotang espiritu kang Saul?

Ang manunugtog sa alpa motugtug niini ug mamaayo si Saul.

1 Samuel 16:17-19

Unsa man ang gisulti ni Saul kung kinsa sa mga anak nga lalaki ni Jesse ang iyang gusto ipaadto?

Nagpadala si Saul ug sinugo ngadto kang Jesse, nagkanayon nga ipadala kaniya ang anak nga lalaki ni Jesse nga si David, nga mao ang magbalantay sa mga karnero.

1 Samuel 16:20-21

Unsa man ang buluhaton nga gihatag ni Saul kang David sanglit gihigugma man niya siya pag-ayo?

Gihimo ni Saul si David nga tigdala sa iyang hinagiban.

1 Samuel 16:22-23

Unsa man ang mobiya kang Saul aron mabag-o siya ug mamaayo, sa dihang ipatugtug ni David ang alpa?

Ang daotang espiritu mobiya gikan kang Saul.

1 Samuel 17

1 Samuel 17:2-3

Nganong nagkampo man si Saul ug ang iyang mga tawo didto sa walog sa Ela?

Nagkampo sila sa walog sa Ela aron sa pagpangandam sa ilang pagpakigubat sa mga Filistihanon.

1 Samuel 17:4-5

Unsa ang anaa sa ulo ni Goliat?

Aduna siyay helmet nga tumbaga sa iyang ulo.

1 Samuel 17:6-7

Unsa man ang gidala ni Goliat nga anaa tungatunga sa iyang abaga?

Aduna siyay usa ka tumbagang bangkaw nga anaa sa tungatunga sa iyang abaga.

1 Samuel 17:8-9

Kang kinsa mang sulugoon ang kasundalohan sa Israel sumala sa gisulti ni Goliat?

Miingon si Goliat nga mga sulugoon sila ni Saul.

Unsa man ang gisulti ni Goliat nga mahitabo sa kasundalohan sa Israel kung mapatay siya sa ilang tawo?

Miingon siya nga mahimo nilang mga sulugoon ang mga Filistihanon.

1 Samuel 17:10-11

Sa pagkadungog ni Saul ug sa tibuok Israel sa gisulti ni Goliat, unsa man ang ilang gibati?

Nangaluya sila ug nangahadlok pag-ayo.

1 Samuel 17:12-13

Kinsa man sa mga anak ni Jesse ang nagsunod kang Saul sa panggubatan?

Ang tulo ka kamagulangang mga anak nga lalaki si Jesse nagsunod kang Saul sa panggubatan.

1 Samuel 17:14-18

Unsa man kadugayon ug kapila moduol si Goliat nga tawong kusgan aron mopakita sa iyang kaugalingon alang sa panggubatan?

Sulod sa 40 ka adlaw moduol siya buntag ug gabii aron mopakita sa iyang kaugalingon alang sa panggubatan.

1 Samuel 17:19-21

Unsa man ang gibuhat sa kasundalohan sa pag-abot ni David sa kampo?

Ang kasundalohan nagpadulong na sa panggubatan nga naninggit.

1 Samuel 17:22-24

Samtang nakigsulti si David sa iyang mga igsoon kinsa man ang migawas gikan sa panon sa mga Filistihanon?

Ang kusgan nga tawo nga si Goliat, migawas gikan sa kasundalohan sa mga Filistihanon.

1 Samuel 17:25

Unsa man ang buhaton sa hari sa panimalay sa amahan sa tawo nga makapatay kang Goliat?

Hagatan sa hari ug daghang kabtangan ang tawo ug dili pabuwison ang tibuok panimalay sa iyang amahan sa Israel.

1 Samuel 17:26-27

Unsa man ang gisulti ni David sa tawo nga makapatay kang Goliat nga makapawagtang sa Israel?

Ang tawo nga makapatay kang Goliat makapawagtang sa kaulawan sa Israel.

1 Samuel 17:28-30

Unsa ang gisulti ni Eliab nga mapahitas-on sa kasingkasing ni David?

Miingon siya nga nasayod siya sa garbo ni David, ug milugsong siya aron nga makakita sa gubat.

1 Samuel 17:31-33

Unsa man ang gisulti ni David kang Saul nga iyang buhaton aron walay kasingkasing sa tawo nga maluya tungod sa Filistihanon?

Miingon si David kang Saul nga moadto siya ug makig-away kang Goliat.

1 Samuel 17:34-35

Unsa man ang gibuhat ni David sa liyon o sa oso nga mosukol kaniya?

Gunitan niya kini sa bungot ug bunalan, ug patyon.

1 Samuel 17:36-38

Nganong miingon man si David nga kini si Goliat nga walay tuli mahisama sa liyon ug oso nga iyang gipamatay?

Kay gihagit ni Goliat ang kasundalohan sa buhi nga Dios.

1 Samuel 17:39-40

Nganong dili man makalakaw si David nga suot ang panggubatan nga gihatag sa hari?

Wala siya maanad niini.

1 Samuel 17:41-43

Nganong gitamay man ni Goliat si David sa pagkakita niya kaniya?

Tungod kay batan-on lamang si David, ug pulapula, uban ang matahom nga panagway.

1 Samuel 17:44-45

Sa dihang miduol si Goliat nga adunay espada, bangkaw ug gamay nga bangkaw, unsa man ang gisulti ni David nga siya miduol?

Miingon si David nga miduol siya sa ngalan ni Yahweh nga makagagahom, ang Dios sa kasundalohan sa Israel, nga gitamay ni Goliat.

1 Samuel 17:46-47

Unsa man ang giingon ni David nga masayod ang tibuok kalibotan tungod sa mga patay nga lawas sa mga Filistihanon nga ihatag sa mga kalanggaman ug sa ihalas nga mga mananap?

Ang tibuok kalibotan masayod nga adunay Dios sa Israel.

1 Samuel 17:48-49

Unsa man ang gibuhat ni David sa dihang midasdas si Goliat sa pagduol kaniya?

Midagan pagdali si David sa pagsugat sa kaaway.

1 Samuel 17:50-51

Unsa man ang gibuhat sa mga Filistihanon sa pagkakita nila nga namatay na ang ilang kusgan nga tawo?

Nangkagiw ang mga Filistihanon.

1 Samuel 17:52-56

Unsa man ang gibuhat sa katawhan nga Israel sa ilang pagbalik gikan sa paggukod sa mga Filistihanon?

Giilog sa katawhan sa Israel ang kampo sa mga Filistihanon.

1 Samuel 17:57-58

Unsa man ang anaa sa kamot ni David sa dihang gikuha siya ni Abner ug gidala sa atubangan ni Saul?

Bitbit ni David ang ulo ni Goliat.

1 Samuel 18

1 Samuel 18:1-2

Unsa ka dako ang gugma ni Jonatan kang David?

Gihigugma pag-ayo ni Jonatan si David sama sa iyang kaugalingong kalag.

1 Samuel 18:3-4

Unsa man ang gihukas ni Jonatan ug gihatag kang David lakip ang iyang hinagiban?

Gihukas ni Jonatan ang iyang gisuot nga kupo ug gihatag kini kang David.

1 Samuel 18:5-7

Asa man gibutang ni Saul si David?

Gibutang ni Saul si David nga pangulo sa kasundalohan sa gubat.

1 Samuel 18:8-9

Unsa man nga awit ang gipahinungod sa mang-aawit kang David, nga wala nakapahimuot kang Saul?

Gipahinungod nila kang David ang 10,000, apan 1,000 lamang ang ilang gipahinungod kang Saul.

1 Samuel 18:10-12

Unsa man ang nahunahunaan ni Saul sa pagbangkaw niya kang David?

Isangit niya si David sa bongbong.

1 Samuel 18:13-16

Nganong nagmalampuson man si David sa tanan niyang gibuhat?

Nagmalampuson si David tungod kay si Yahweh uban man kaniya.

1 Samuel 18:17-19

Nganong dili man makigbatok si Saul kang David?

Tungod kay buot ni Saul nga ang mga Filistihanon mismo ang mobatok kang David.

1 Samuel 18:20-21

Unsa man ang nahunahunaan ni Saul kung ipaasawa niya ang iyang anak nga si Mical kang David?

Naghunahuna siya nga si Mical ang makalingla kang David.

1 Samuel 18:22

Asa man gisugo ni Saul ang iyang mga sulugoon aron sultihan si David nga maumagad siya sa hari?

Gisugo niya ang iyang mga sulugoon nga sultihan si David sa tago nga dapit.

1 Samuel 18:23-24

Nganong giingon man ni David nga dili siya takos nga maumagad sa hari?

Tungod kay usa lamang siya ka kabos nga tawo, ug dili siya mahinungdanon.

1 Samuel 18:25-26

Unsa man ang gitinguha sa hari nga bugay kang David?

Ang gipangayo lamang sa hari nga dad-on kaniya ang 100 ka mga yamis sa mga Filistihanon.

1 Samuel 18:27-29

Unsa man ang gibuhat ni David uban sa iyang mga sundalo nga misubra sa mga bugay nga gipangayo sa hari?

Gipatay ni David ang 200 ka mga Filistihanon ug gidala nila ang mga yamis.

1 Samuel 18:30

Unsa ka daghan o ka dako ang kalamposan ni David, nga maoy hinungdan nga nailado siya pag-ayo?

Nagmalampuson pa gayod si David kay sa tanan nga mga sulugoon ni Saul.

1 Samuel 19

1 Samuel 19:1-3

Nganong gisultihan man ni Jonatan si David nga magbinantayon ug motago?

Buot ni Saul nga patyon si David.

1 Samuel 19:4-5

Unsa man ang gisulti ni Jonatan kang Saul nga maayong buhat ni David kaniya?

Gisultihan ni Jonatan si Saul nga naghatag ug kaayohan ang buhat ni David kaniya.

1 Samuel 19:6-7

Unsa man ang gipanumpa ni Saul pagkahuman niya ug paminaw kang Jonatan?

Gipanumpa ni Saul nga dili niya patyon si David.

1 Samuel 19:8-9

Unsay nahitabo kang David sa dihang milakaw ug nakiggubat siya pag-usab sa mga Filistihanon?

Gipildi ni David ang mga Filistihanon uban sa dakong pagpatay.

1 Samuel 19:10-11

Nganong gisugo man ni Saul ang mga tawo ngadto sa balay ni David nga panid-an siya?

Tungod kay buot ni Saul nga patyon siya pagkabuntag.

1 Samuel 19:12-13

Giunsa pagpalakaw ug pagpaikyas ni Mical si David?

Gitunton ni Mical si David sa bintana.

1 Samuel 19:14-15

Unsa man ang giplano ni Saul sa dihang nagsugo siya nga ipaalsa niya si David lakip ang higdaanan?

Nagplano si Saul nga patyon si David.

1 Samuel 19:16-17

Unsa man ang gibutang ni Mical sa ulo sa larawan nga diosdios sa higdaanan aron mahisama kang David?

Gibutangan niya ug balahibo sa kanding ang ulohan nga bahin sa larawan sa diosdios.

1 Samuel 19:18-20

Sa dihang nakalakaw na ug nakaikyas na si David, kinsa man ang iyang gipakigkitaan sa Rama?

Miadto si David kang Samuel.

Unsa man ang hinungdan nganong nanagna ang mga sinugo o tawo ni Saul?

Ang Espiritu sa Dios mikunsad kanila.

1 Samuel 19:21-22

Unsa man ang gibuhat ni Saul pagkahuman sa pagsugo niya sa mga sulugoon sa ikatulo ka higayon?

Miadto usab si Saul sa Rama.

1 Samuel 19:23-24

Unsa ka dugay nga naghigda si Saul nga hubo sa atubangan ni Samuel?

Naghigda siya nga hubo tibuok adlaw ug gabii.

1 Samuel 20

1 Samuel 20:1-2

Sumala kang Jonatan unsa ang dili buhaton sa iyang amahan basta dili siya masultihan?

Miingon siya nga walay buhaton ang iyang amahan bisan gamay o dako nga dili ipahibalo kanako.

1 Samuel 20:3

Unsa man duol ang kinabuhi ni David sa kamatayon?

Miingon siya nga aduna na lamay usa ka lakang tali kaniya ug sa kamatayon.

1 Samuel 20:4-5

Unsa man ang gipangutana ni David nga buhaton hangtod sa ikatulo ka adlaw ug ikatulo ka gabii?

Miingon si David nga motago siya sa uma hangtod sa kagabhion sa ikatulong adlaw.

1 Samuel 20:6-7

Unsa man ang gipahimong hinungdan ni David kang Jonatan kung pangitaon siya ni Saul? Unsa man ang giingon ni David kang Jonatan aron himoong hinungdan kung gimingaw si Saul kaniya?

Giingnan niya si Saul nga miadto siya sa Bethlehem nga iyang siyudad, tungod kay tuig kini sa tinghalad sa ilang tibuok pamilya.

1 Samuel 20:8-9

Nganong gihangyo man ni David si Jonatan aron makigsaad kaniya ingon nga iyang sulugoon?

Nanumpa si Jonatan kang David nga iyang sulugoon sa pagpakigsaad kang Yahweh.

1 Samuel 20:10-11

Asa man ang dapit nga giingon ni Jonatan nga adtoan nila aron ipadayon ang ilang gihisgotan?

Giingnan niya si David nga moadto sa uma.

1 Samuel 20:12-16

Nganong buot man ipahibalo ni Jonatan kang David ang plano sa iyang amahan ug ipalakaw siya?

Nagsaad si Jonatan nga pahibal-on niya si David aron adunay kalinaw ang iyang paglakaw.

1 Samuel 20:17-19

Nganong gipapanumpa man pag-usab ni Jonatan si David kaniya?

Tungod kay dako man ang iyang gugma kang David.

1 Samuel 20:20-23

Kinsa man ang giingon ni Jonatan nga mokuha sa udyong nga iyang gipana?

Ang batang lalaki maoy iyang suguon nga mokuha sa mga udyong.

1 Samuel 20:24-25

Sa dihang magpakita ang bag-ong bulan, unsa man ang gibuhat sa hari sa dihang naglingkod siya?

Naglingkod ang hari aron mokaon.

1 Samuel 20:26-27

Unsa man ang nahunahunaan ni Saul nga tingali nahitabo kang David hinungdan nga wala siya sa kasaulogan?

Gihunahuna ni Saul nga dili hinlo si David.

1 Samuel 20:28-29

Nganong giingon man ni Jonatan nga kinahanglan motambong si David sa panahon nga maghalad ang iyang pamilya?

Tungod kay nag-ingon ang iyang igsoong lalaki nga kinahanglan anaa siya didto.

1 Samuel 20:30-31

Giunsa man paghulagway ni Saul ang inahan ni Jonatan sa iyang kasuko?

Gitawag siya nga anak sa daotan ug masupilon nga babaye.

1 Samuel 20:32-34

Nganong nasubo man si Jonatan kang David?

Nasubo siya kang David tungod kay ang iyang amahan nagpakaulaw man kaniya.

1 Samuel 20:35-40

Asa man gipatugpa ni Jonatan ang udyong samtang nagdagan ang batang lalaki?

Gipatugpa ni Jonatan ang udyong unahan sa batang lalaki.

1 Samuel 20:41-42

Unsa man ang gibuhat ni Jonatan sa dihang mitindog ug mibiya si David?

Mibalik si Jonatan sa siyudad.

1 Samuel 21

1 Samuel 21:1-2

Unsa man ang gisulti ni David nga giingon sa hari nga dili ipahibalo kang bisan kinsa?

Miingon siya nga nagsulti ang hari nga dili ipahibalo kang bisan kinsa ang mga butang mahitungod sa tuyo nga gituga kaniya, ug kung unsa ang gisugo sa hari kaniya.

1 Samuel 21:3-4

Unsa man ang gitubag sa pari kang David mahitungod sa tinapay nga anaa sa iyang kamot?

Miingon ang pari nga walay naandan nga tinapay nga anaa sa iyang kamot, apan adunay balaang tinapay.

1 Samuel 21:5-6

Asa man gikan pulihan ang tinapay sa presensya?

Ang balaang tinapay pulihan gikan sa sa atubangan ni Yahweh.

1 Samuel 21:7

Unsa man ang trabaho ni Doeg nga taga-Edomea kang Saul?

Si Doeg nga taga-Edomea pangulo sa kasundalohan ni Saul.

1 Samuel 21:8-9

Nganong miingon man si David nga wala siyay hinagiban?

Miingon siya nga wala siya kadala ug hinagiban kay dinalian ang buluhaton sa hari.

1 Samuel 21:10-11

Asa man milikay si David sa dihang miadto siya kang Akis?

Milikay siya nianang adlawa gikan kang Saul.

1 Samuel 21:12-13

Unsa man ang gitakuban ni David sa dihang giusab niya ang iyang panlihok sa atubangan ni Akis?

Nagpabuangbuang siya didto sa ilang mga kamot.

1 Samuel 21:14-15

Unsa man ang gipangutana ni Akis sa iyang mga sulugoon sa dihang nakita niya si David nga nabuang?

Gipangutana niya sila nganong gidala nila kining buang nga tawo kaniya.

1 Samuel 22

1 Samuel 22:1-2

Kinsa man ang anaa sa kiliran sa amahan ni David nga midangop didto kaniya sa langob sa Adullam?

Ang tanang tawo nga nagkalisodlisod, ang tanang utangan, ug ang tanang wala mahimuot, midangop kaniya.

1 Samuel 22:3-5

Unsa man kadugayon nagpuyo ang amahan ug inahan ni David sa hari sa Moab?

Nagpuyo sila didto uban ang hari sa tanang panahon samtang anaa si David sa iyang tagoanan.

1 Samuel 22:6

Kinsa man ang nakakaplag kang David?

Ang tawo nga anaa uban kang David ang nakakapplag.

1 Samuel 22:7-8

Unsa man ang gipasangil ni Saul sa iyang mga sulugoon sa wala pagtug-an kaniya?

Miingon si Saul nga walay usa sa iyang mga sulugoon ang misulti kaniya nga ang iyang anak nga lalaki nakigsabot sa iyang sulugoon nga si David nga nakigbatok kaniya.

1 Samuel 22:9-10

Unsa man ang duha ka butang nga gisulti ni Doeg nga taga-Edomea kang Saul nga gihatag ni Ahimelek kang David?

Gihatagan ni Ahimelek si David ug pagkaon ug ang espada ni Goliat nga Filistihanon.

1 Samuel 22:11-15

Unsa man ang gisulti ni Saul kang Ahimelek sa iyang gibuhat sa anak nga lalaki ni Jesse walay labot ang paghatag niya sa tinapay ug espada kang David?

Miingon si Saul nga miampo si Ahimelek sa Dios nga unta tabangan si David.

1 Samuel 22:16-17

Unsa man ang dili buot buhaton sa mga sulugoon ni haring Saul?

Dili nila patyon ang mga pari ni Yahweh.

1 Samuel 22:18-19

Kinsa man ang gipatay ni Doeg pinaagi sa sulab sa espada didto sa Nob, ang siyudad sa mga pari?

Gipamatay niya ang mga lalaki ug mga babaye, kabataan ug ang mga masuso, ug ang mga baka ug ang mga asno, ug ang mga karnero.

1 Samuel 22:20-21

Asa man miadto si Abiatar sa dihang nakaikyas siya sa pagpamatay?

Miikyas siya ug mikalagiw sunod kang David.

1 Samuel 22:22-23

Unsa man ang gisulti ni David kang Abiatar nga siya ang nakaingon?

Miingon si David nga siya ang nakaingon sa kamatayon sa pamilya sa iyang amahan.

1 Samuel 23

1 Samuel 23:1-2

Asa man nangayo ug tabang si David sa dihang nakig-away ang mga Filistihanon batok sa Keila ug gitulis ang giukanan?

Nag-ampo si David kang Yahweh aron sa pagpakitabang.

1 Samuel 23:3-4

Nganong nag-ampo man pag-usab si David kang Yahweh mahitungod sa mga Filistihanon?

Miingon ang mga tawo ni David nga nahadlok sila sa Juda ug nahadlok usab sa pagsulong sa mga Filistihanon.

1 Samuel 23:5-6

Unsa man ang resulta sa pagpakig-away ni David ug sa iyang mga tawo sa mga Filistihanon sumala sa gisulti ni Yahweh nga buhaton ni David?

Gihatag ni Yahweh kanila ang kadaogan batok sa mga Filistihanon, busa naluwas ni David ang lumulopyo sa Keila.

1 Samuel 23:7-9

Nganong naghunahuna man si Saul nga iyang masulong si David ug ang iyang mga tawo?

Nakulong si David ug ang iyang mga tawo sa siyudad nga adunay mga ganghaan ug mga trangka.

Human masayran ni David nga nagplano si Saul sa pagpatay kaniya, unsa man ang gisulti ni David kang Abiatar ang pari?

Miingon si David kang Abiatar, "Dad-a nganhi ang kapa."

1 Samuel 23:10-11

Unsa man ang gipangutana ni David kang Yahweh mahitungod kang Saul ug sa katawhan sa Keila?

Buot masayod si David kung molugsong ba gayod si Saul ug kung itugyan ba siya sa mga katawhan sa Keila ngadto sa kamot ni Saul.

1 Samuel 23:12

Unsa man ang tubag ni Yahweh kang David mahitungod sa mga tawo sa Keila?

Giingnan ni Yahweh si David nga itugyan siya sa katawhan sa Keila ngadto sa kamot ni Saul.

1 Samuel 23:13-14

Nganong mihunong man si Saul sa paggukod kang David sa Keila ug pangitaon siya sa laing dapit?

Gibalitaan si Saul nga nakaikyas si David sa Keila.

1 Samuel 23:15-16

Giunsa man ni Jonathan nga anak nga lalaki ni Saul, sa pagtabang kang David didto sa kamingawan?

Miadto siya kang David ug nagpalig-on sa iyang kamot diha sa Dios.

1 Samuel 23:17-23

Sa wala pa mouli si Jonathan, unsa ang gibuhat nila ni David didto sa Hores?

Nagbuhat sila ug kasabotan sa atubangan ni Yahweh.

1 Samuel 23:24-25

Nganong dili man luwas si David didto sa Hores ug unsa ang iyang gibuhat?

Pagabudhian siya sa mga tawo ug itugyan siya ngadto kang Saul, busa miadto siya ug ang iyang mga tawo sa ubang kamingawan.

1 Samuel 23:26-27

Unsa man ang nahitabo samtang gipalibotan na ni Saul ug sa iyang mga tawo si David ug ang iyang mga tawo?

Miabot ang usa ka sinugo ug mibalita kang Saul nga ang mga Filistihanon ming-asdang batok sa yuta.

1 Samuel 23:28-29

Unsa man ang tubag ni Saul niining maong balita?

Mibalik si Saul aron sa pagpakig-away sa mga Filistihanon.

1 Samuel 24

1 Samuel 24:1-2

Unsa man ang gibuhat ni Saul sa pagkadungog niya nga anaa si David didto sa kamingawan sa Engedi?

Mikuha siya ug 3,000 ka mga piniling mga tawo ug miadto aron sa pagpangita kang David ug sa iyang mga tawo.

1 Samuel 24:3-4

Unsa man ang gibuhat ni David kang Saul didto sa sulod sa langob kay sa pagpatay kaniya?

Giputlan ni David ang sidsid sa kupo ni Saul nga wala mabantayan.

1 Samuel 24:5-7

Nganong wala man gitugotan ni David ang iyang mga tawo sa pagsulong kang Saul, apan gitugotan siyang makagawas sa langob nga luwas?

Nagsakit ang kasingkasing ni David ug nabati niya nga dili buot ni Yahweh nga patyon niya ang dinihogan ni Yahweh.

1 Samuel 24:8-9

Sa paggawas ni David sa langob sunod kang Saul, giunsa man niya pagpakita ang iyang pagtahod kang Saul?

Gitawag ni David si Saul nga iyang agalon, ang hari, ug unya mihapa sa yuta.

1 Samuel 24:10-15

Giunsa man pagpakita ni David kang Saul nga wala siyay plano sa pagpatay kaniya?

Gipakita ni David ang sidsid sa iyang kupo diin hapit na gayod siya mapatay ni David.

1 Samuel 24:16

Unsa man ang tubag ni Saul kang David?

Gitawag niya si David nga iyang anak, unya gipatugbaw ni Saul ang iyang tingog ug mihilak.

1 Samuel 24:17-18

Nganong nakasulti si Saul nga mas matarong pa si David kay kaniya?

Gibalsan ni David ug maayo si Saul bisan daotan ang iyang gibuhat kang David.

1 Samuel 24:19-20

Unsa man ang nasayran si Saul mahitungod kang David niining higayona?

Nasayran ni Saul nga mahimong hari si David ug ang gingharian sa Israel malig-on pinaagi kang David.

1 Samuel 24:21-22

Sa wala pa miuli si Saul, unsa man ang gipanumpa ni David kang Saul sumala sa iyang hangyo?

Nanumpa siya nga dili niya putlon ang kaliwatan ni Saul, ug dili niya laglagon ang ngalan ni Saul sa panimalay sa iyang amahan.

1 Samuel 25

1 Samuel 25:2-3

Unsa man nga klasing tawo si Nabal ug ang iyang mga pamaagi?

Mapintas siya ug daotan.

Sama sa unsa ang asawa ni Nabal nga si Abigail?

Maalamon siya ug maanyag ang iyang panagway.

1 Samuel 25:4-6

Kinsa man ang gipadala ni David aron pag-abiabi kang Nabal samtang naggupit kini sa balahibo sa iyang karnero?

Nagpadala si David ug napulo ka batan-ong mga lalaki aron pag-abiabi kang Nabal.

1 Samuel 25:7-8

Ngano man nga naghunahuna si David nga tabangan siya ni Nabal ug ang iyang napulo ka batan-ong mga lalaki?

Gipanalipdan man sa pundok ni David ang mga magbalantay sa karnero ni Nabal sa dihang uban sila sa pundok sa katawhan ni David.

Unsa man ang gihangyo sa batan-ong mga lalaki ni David kang Nabal nga ihatag kanila?

Naghangyo sila kang Nabal nga hatagan sila ug si David ug bisan unsa ang anaa kaniya tungod kay adlaw kadto sa pagsaulog.

1 Samuel 25:9-11

Unsa man ang gitubag ni Nabal sa batan-ong mga lalaki ni David?

Miingon si Nabal nga wala siya makaila kang David ug gikinahanglan niya ang tanan nga anaa kaniya alang sa iyang mga manggugupit.

1 Samuel 25:12-13

Unsa man ang giingon ni David sa iyang mga tawo sa pagkadungog niya sa tubag ni Nabal?

Gimandoan ni David ang iyang mga tawo nga itakil sa ilang mga espada.

1 Samuel 25:14-15

Sa dihang misulti ang batan-ong lalaki kang Abigail, unsa man ang iyang giingon nga pagtagad ni David ug sa mga tawo niini kanila didto sa kaumahan?

Miingon siya nga maayo sila sa mga magbalantay sa karnero ni Nabal samtang kauban sila didto sa kaumahan.

1 Samuel 25:16-17

Ngano man nga ang batan-ong lalaki miduol kang Abigail kaysa kang Nabal?

Si Nabal walay pulos nga tawo nga walay usa nga makarason kaniya.

1 Samuel 25:18-19

Unsa ang gibuhat ni Abigail sa pagkadungog niya sa tubag sa iyang bana?

Nagdalidali sa pag-andam sa panginahanglanon ug giingnan ang iyang tawo nga mouna kaniya, apan wala niya sultihi si Nabal.

1 Samuel 25:20

Kinsa man ang mitagbo kang Abigail samtang nagsakay siya sa iyang asno nga nagdala sa mga gikinahanglan?

Si David ug ang iyang mga tawo milugsong kang Abigail ug mitagbo siya kanila.

1 Samuel 25:21-22

Unsa man ang giingon ni David nga iyang giplano nga buhaton human nga nakawang lamang ang iyang pagbantay sa mga gipanag-iyahan ni Nabal?

Nagplano si David nga patyon ang tanang kalalakin-an nga iya kang Nabal.

1 Samuel 25:23-24

Unsa man ang gibuhat ni Abigail sa pag-abot niya kang David?

Nagdalidali siya pagnaog sa iyang asno, mihapa sa atubangan ni David ug misulti kang David ingon nga iyang sulugoon.

1 Samuel 25:25-26

Unsa man ang gilaoman nga likayan ni Abigail pinaagi sa pagkigsulti kang David?

Naglaom siya nga pugngan ang pagpabanaw ug dugo niadtong anaa sa panimalay ni Nabal.

1 Samuel 25:27-28

Unsa man ang gilaoman nga makuha ni Abigail pinaagi sa paghatag kang David ug sa iyang mga katawhan sa ilang gikinahanglan?

Naglaom si Abigail nga pasayloon ni David ang mga sala ni Nabal.

Kinsa man ang giingon ni Abigail nga mohimo gayod sa panimalay ni David ug walay kadaot?

Miingon si Abigail nga pagahimoon gayod ni Yahweh ang panimalay ni David.

1 Samuel 25:29-31

Kinsa man ang mopintik sa mga kinabuhi sa mga kaaway ni David?

Panalipdan ni Yahweh si David bisan pag mobarog ang mga tawo aron pagkuha sa iyang kinabuhi.

1 Samuel 25:32-33

Kinsa man ang giingon ni David nga nagpadala kang Abigail sa pagtagbo kaniya?

Miingon si David nga si Yahweh ang nagpadala kang Abigail.

Nganong miingon man si David nga gipanalanginan si Abigail ug ang iyang kaalam?

Tungod sa dali nga pag-aksiyon ni Abigail, napugngan si David sa pagpabanaw ug dugo ug pagpanimalos.

1 Samuel 25:34-35

Kinsa man ang nagpugong kang David sa pagpatay sa tanang mga lalaki sa panimalay ni Nabal pinaagi sa pagdali ug pagpadala kang Abigail?

Si Yahweh, ang Dios sa Israel, ang nagpugong kang David gikan sa pagpatay sa tanang lalaki sa panimalay ni Nabal.

1 Samuel 25:36

Ngano man nga wala sultihi ni Abigail si Nabal sa iyang pag-uli gikan sa pakigkita kang David?

Tungod kay nagkombira si Nabal ug nahubog pag-ayo.

1 Samuel 25:37-38

Unsay nahitabo kang Nabal sa pagkabuntag sa dihang gisultihan siya ni Abigail?

Giataki ang iyang kasingkasing, ug migahi siya sama sa bato. ug pa paglabay sa napulo ka adlaw giatake ni Yahweh si Nabal ug namatay siya

1 Samuel 25:39-40

Unsa man ang gibuhat ni David sa pagkadungog niya nga namatay na si Nabal?

Gipadala niya ang iyang mga sulugoon aron ingnon si Abigail nga pangasaw-on siya ni David.

1 Samuel 25:41-42

Unsa man ang gibuhat ni Abigail sa dihang nadungog niya nga buot siyang pangasaw-on ni David?

Nagdalidali sa pagtindog si Abigail ug misakay sa iyang asno sunod sa mga mensahero ni David aron mahimo niyang asawa.

1 Samuel 25:43-44

Unsa man ang nahitabo sa asawa ni David nga si Mical?

Gihatag siya sa laing lalaki ingon nga asawa niini.

1 Samuel 26

1 Samuel 26:1-2

Kinsa man ang gikuyog ni Saul aron pagpangita kang David didto sa kamingawan sa Zip?

Gidala ni Saul ang 3,000 ka mga piniling katawhan sa Israel.

1 Samuel 26:3-4

Giunsa man pagkahibalo ni David nga si Saul nagpadulong sa kamingawan sa pagpangita kaniya?

Nagpadala si David ug mga espiya ug nahibaloan gikan kanila nga si Saul moabotay.

1 Samuel 26:5

Asa man miadto si David human niya mahibaloi nga si Saul miabot?

Mitindog si David ug miadto sa dapit nga gikampohan ni Saul.

1 Samuel 26:6-8

Unsa man ang buot buhaton sa igsoon ni Joab sa pagkakita niya ug ni David nga natulog si Saul sa sulod sa kampo?

Buot sa igsoon ni Joab nga patyon si Saul gamit ang bangkaw niini.

1 Samuel 26:9-10

Ngano man nga dili buot ni David nga patyon sa igsoon ni Joab si Saul?

Miingon si David nga walay makapahamtang sa iyang mga kamot batok sa dinihogan ni Yahweh ug mahimong dili sad-an.

Unsa man ang giingon ni David nga mamatay si Saul?

Si Yahweh ang mopatay kang Saul, o mamatay siya, o mamatay siya sa pakiggubat.

1 Samuel 26:11-12

Unsa man ang gikuha ni David gikan kang Saul?

Gikuha ni David ang taming ug ang tibod sa tubig nga anaa sa ulohan ni Saul.

1 Samuel 26:13-14

Unsa man ang gibuhat ni David human siya mibiya sa kampo ni Saul?

Miadto siya sa pikas bahin ug mitindog sa tumoy sa bukid.

1 Samuel 26:15-16

Ngano man nga miingon si David nga si Abner, ang tawo nga nagbantay kang Saul, angayang mamatay?

Wala niya bantayi ang iyang agalon nga si Saul sa dihang adunay miabot aron patyon kini.

1 Samuel 26:17-18

Unsa man ang gipangutana ni David kang Saul?

Gipangutana ni David nganong padayon sa pagpangita si Saul kaniya ug unsay nabuhat niya nga daotan.

1 Samuel 26:19-20

Unsa man ang buot ni David nga mahitabo sa tawo nga hinungdan nga si Saul nakigbatok kang David?

Buot ni David nga matinunglo sila sa atubangan ni Yahweh.

1 Samuel 26:21

Unsa man ang gisulti ni Saul kang David?

Miingon si Saul nga nakasala siya ug dili na niya sakiton pa si David.

1 Samuel 26:22-23

Unsa man ang gisulti ni David kang Saul nga buhaton sa iyang bangkaw?

Giingnan niya si Saul nga magsugo ug tawo nga mokuha niini.

1 Samuel 26:24-25

Unsa man ang bili nga gipakita ni David nga anaa sa kinabuhi ni Saul?

Ang kinabuhi ni Saul bililhong sa panan-aw ni David.

1 Samuel 27

1 Samuel 27:1

Ngano man nga naghunahuna si David nga kinahanglan niyang moikyas ngadto sa yuta sa mga Filistihanon?

Gihunahuna ni David nga mao lang kadto ang paagi nga makaikyas siya kang Saul.

1 Samuel 27:2-4

Unsa man ang hinungdan nga wala na mangita si Saul kang David?

Nadungog ni Saul nga si David ug kadtong uban kaniya mikalagiw ngadto sa Gat.

1 Samuel 27:5-7

Unsa man gihangyo ug nakuha ni David gikan kang Akis nga Filistihanon?

Naghangyo si David ug dapit sa usa sa mga siyudad sa nasod, ug gihatag ni Akis kaniya ang Ziklag.

1 Samuel 27:8-9

Unsa man ang gibuhat ni David ug sa iyang mga katawhan ngadto sa mga lalaki ug mga babaye, mga mananap ug mga bisti nga ilang gisamok?

Gipatay nila ang mga tawo ug gikuha ang mga mananap ug ang mga bisti ug mibalik ngadto kang Akis.

1 Samuel 27:10

Unsa man ang giingon ni David kang Akis nga iyang gibuhat sa dihang mouli siya gikan sa pagpangsamok?

Miingon si David nga gisamok niya ang habagatan sa Juda, busa naghunahuna si Akis nga iyang giatake ang Israel.

1 Samuel 27:11-12

Ngano man nga wala nagbilin si David ug bisan usa nga buhi ug gidala sa Gat?

Gipatay ni David ang tanan aron nga walay makasulti kung unsay gibuhat ni David?

Nganong naghunahuna si Akis nga gihimo ni David nga dumtan gayod siya sa iyang mga tawo sa Israel?

Nagtuo si Akis sa mga bakak nga gisulti ni David nga gisamok niya ang mga tawo sa Israel.

1 Samuel 28

1 Samuel 28:1-2

Unsa man ang buot ni Akis nga buhaton ni David sa dihang nagtigom ang mga Filistihanon aron makiggubat sa Israel?

Buot ni Akis nga kanunay niyang mahimong tigpanalipod si David.

1 Samuel 28:3-4

Kinsa man ang gibawal ni Saul gikan sa yuta human sa kamatayon ni Samuel?

Gibawal ni Saul ang tanan nga makasulti sa mga patay ug sa mga espiritu.

Unsa man ang duha ka nasod nga naggubat?

Ang Filistia ug ang Israel.

1 Samuel 28:5-7

Ngano man nga gipangita ni Saul ang babaye nga nag-angkon nga makasulti sa mga patay?

Tungod kay nahadlok si Saul sa mga sundalo sa mga Filistihanon ug wala na siya makadungog gikan kang Yahweh.

1 Samuel 28:8-10

Unsa man ang gikahadlokan sa babaye sa dihang ang nagtakoban nga si Saul ug ang duha ka tawo miduol kaniya aron makigsulti?

Nahadlok siya tungod kay gipamatay ni Saul ang tanan nga makahimo sa pakigsulti sa mga patay human sa pagkamatay ni Samuel.

Unsa man ang gisaad ni Saul sa babaye?

Gipanaad ni Saul nga dili masilotan ang babaye kung iyang tabangan si Saul.

1 Samuel 28:11-12

Giunsa man pagkahibalo sa babaye nga si Saul ang tawo nga nagsugo kaniya sa pagtawag kang Samuel?

Nasayod siya nga nalingla siya sa pagkakita niya kang Samuel.

1 Samuel 28:13-14

Unsa man ang hulagway ni Samuel sa giingon sa babaye?

Nakakita ang babaye ug usa ka dios nga migula gikan sa yuta, usa ka tigulang nga lalaki nga nagsul-ob ug kupo.

1 Samuel 28:15

Ngano man nga gipatawag ni Saul si Samuel?

Nabalaka pag-ayo si Saul tungod kay ang mga Filistihanon makig-away batok kaniya ug ang Dios mibiya na kaniya.

1 Samuel 28:16-17

Unsa man ang giingon ni Samuel nga gibuhat ni Yahweh sa gingharian ni Saul?

Gikuha ni Yahweh ang gingharian ni Saul gikan sa iyang mga kamot ug gihatag kini kang David.

1 Samuel 28:18-21

Kanus-a mamatay si Saul ug ang iyang mga anak nga lalaki kuyog kang Samuel?

Mangamatay sila sa sunod adlaw.

1 Samuel 28:22-23

Unsa man ang giawhag sa babaye ug sa mga sulugoon ni Saul nga ipabuhat kang Saul?

Giawhag nila si Saul nga mokaon aron mobalik ang iyang kusog.

1 Samuel 28:24-25

Unsa man ang giandam sa babaye ngadto kang Saul ug sa iyang mga sulugoon aron kan-on?

Giihaw niya ang gipatambok nga nating baka ug nagluto ug tinapay nga walay igpapatubo alang kanila.

1 Samuel 29

1 Samuel 29:3

Unsa man ang giingon ni Akis nga wala niya makaplagi kang David?

Miingon si Akis nga wala siyay nakaplagan nga sala kang David sukad sa pagduol ni David kaniya.

1 Samuel 29:4-5

Unsa man ang gikahadlokan sa mga prinsipe sa Filistihanon nga buhaton ni David sa panahon sa gubat?

Nahadlok sila nga mahimong ilang kaaway si David sa panahon sa gubat.

1 Samuel 29:6-7

Unsa man ang giingon ni Akis nga buhaton ni David tungod kay dili gusto sa mga prinsipe sa Filistihanon nga anaa si David didto?

Giingnan niya si David nga mobalik sa iyang panimalay nga malinawon.

1 Samuel 29:8-9

Unsa man ang kataposang desisyon mahitungod kang David nga gisulti ni Akis kang David?

Miingon sila nga kinahanglan dili mouban si David kanila sa gubat.

1 Samuel 29:10-11

Unsay gisulti ni Achish kang David nga buhaton sa pagkabuntag?

Giingnan niya si David nga sayo nga mobangon, dalhon ang iyang mga tawo nga uban kaniya ug molakaw.

1 Samuel 30

1 Samuel 30:1-2

Unsay nakaplagan ni David ug sa iyang mga tawo sa Ziklag samtang anaa sila sa layo? o samtang wala sila?

Gitulis sa mga Amalekanhon, giatake, gisunog ug gibihag ang tanang babaye ug ang uban ug gidala sila.

1 Samuel 30:3-4

Unsa ang reaksiyon ni David ug sa iyang mga tawo sa ilang nakaplagan sa Ziklag?

Gipatugbaw nila ang ilang mga tingog ug nanghilak hangtod nga wala na silay ihilak.

1 Samuel 30:5-6

Nganong nabalaka si David?

Ang iyang duha ka asawa gibihag, ug ang mga nagsubo nga katawhan nagsabot nga batohon siya.

1 Samuel 30:7-8

Unsay buot mahibaloan ni David sa dihang nag-ampo siya kang Yahweh?

Buot makabalo si David nga kung iyang gukdon ang mga Amalekanhon maapsan ba niya kini.

Unsa ang gitubag ni Yahweh kang David?

Miingon si Yahweh kaniya nga gukdon ang pundok, magmalamposon, ug bawion ang tanan nga gipanguha.

1 Samuel 30:9-10

Unsay nahitabo sa 200 ka mga tawo nga anaa sa lugot sa Besor?

Luya na sila kaayo nga kinahanglan silang magpabilin.

1 Samuel 30:11-12

Unsa ang kahimtang sa Ehiptohanon nga nakit-an ni David ug sa iyang mga tawo samtang kamulo sila sa paggukod sa mga Amalekanhon?

Wala siya makakaon ug tinapay o makainom ug tubig sulod sa tulo ka adlaw ug tulo ka gabii.

1 Samuel 30:13-14

Nganong gibiyaan sa iyang agalon ang Ehiptohanon?

Miingon siya nga nagsakit siya sa milabay nga tulo ka adlaw.

1 Samuel 30:15

Unsa ang gikinahanglan sa Ehiptohanon sa dili pa niya tultolan si David kung asa ang mga tulisan?

Giingnan niya si David nga manumpa nga dili siya patyon o itugyan sa iyang agalon.

1 Samuel 30:16-17

Unsay gibuhat sa mga tulisan sa dihang giatake sila ni David?

Nagmaya sila tungod sa tanang butang nga ilang nakuha gikan sa yuta sa mga Filistihanon ug sa Juda.

1 Samuel 30:18-20

Unsay nabawi ni David human sa iyang pag-atake sa mga tulisan?

Nabawi niya ang tanan nga gikuha sa mga Amalekanhon ug sa mga tulisan.

1 Samuel 30:21-22

Nganong naghunahuna man ang mga daotang tawo nga dili bahinan ang mga tawo nga nagpabilin sa mga nabawi nga mga butang?

Miingon sila ang kadtong nagpabilin wala miuban ug nakig-away uban kanila.

1 Samuel 30:23-25

Nganong miingon si David sa mga daotang tawo nga kinahanglan silang magbinahinay ug pantay dapat ang bahin?

Miingon siya nga giampingan sila ni Yahweh ug gihatag kanila ang kadaogan batok sa mga tulisan nga nakigbatok kanila.

1 Samuel 30:26-31

Unsay gibuhat ni David sa mga nakuha nga mga butang gikan sa mga kaaway ni Yahweh sa iyang pag-abot sa Ziklag?

Giambit ni David sa daghang mga kadagkoan sa Juda ug uban pang dapit nga kanunay niyang ginaadtoan ug sa iyang mga tawo.

1 Samuel 31

1 Samuel 31:1-3

Unsay nahitabo sa mga tawo sa Israel sa dihang nakig-away sila sa mga Filistihanon?

Ang mga tawo sa Israel mikalagiw gikan sa mga Filistihanon ug nangamatay.

Unsay nahitabo sa mga anak ni Saul nga mga lalaki?

Gipatay sa mga Filistihanon ang mga anak ni Saul nga mga lalaki.

Unsay nahitabo kang Saul sa gubat?

Naapsan siya sa mamamana ug anaa sa tumang kasakit.

1 Samuel 31:4-6

Unsa ang ipabuhat ni Saul sa iyang tigdala sa hinagiban tungod kay anaa si Saul sa tumang kasakit ug nahadlok siya nga moabot ang iyang kaaway ug sakiton siya?

Giingnan siya ni Saul nga hulboton ang iyang espada ug patyon siya.

Unsay gibuhat ni Saul sa dihang nahadlok ang iyang tigdala sa hinagiban ug nagdumili sa pagpatay kaniya?

Gikuha ni Saul ang iyang kaugalingong espada ug nagpakamatay.

Unsay gibuhat sa tigdala sa hinagiban human iyang nakita nga namatay si Saul?

Nagpakamatay usab siya gamit ang iyang kaugalingong espada.

1 Samuel 31:7-8

Nganong gibiyaan sa mga tawo sa Israel nga anaa sa pikas bahin sa walog ug unahan sa Jordan ang ilang mga siyudad ug mikalagiw?

Makalagiw sila tungod kay nakita nila nga mikalagiw ang ubang mga tawo sa Israel ug nga si Saul ug ang iyang mga anak nga lalaki nangamatay.

1 Samuel 31:9-10

Unsay gibuhat sa mga Filistihanon sa lawas ni Saul nga ilang nakita sa dihang ilang gipanguhaan sa mga hinagiban ang mga patay?

Gipunggotan sa mga Filistihanon si Saul ug gihikot ang iyang lawas sa pader sa siyudad sa Bet San.

1 Samuel 31:11-13

Unsay gibuhat sa mga manggugubat sa Jabes Gilead human ilang nahibaloan ang nahitabo kang Saul?

Miadto sila sa Bet San ug gikuha ang patay nga mga lawas ni Saul ug sa iyang mga anak nga lalaki ug gisunog kini.

Unsay gibuhat sa mga lumulupyo sa Jabes sa mga bukog ni Saul ug sa iyang mga anak nga lalaki?

Gilubong nila ang mga bukog ni Saul ug sa iyang mga anak sa terebint nga kahoy didto sa Jabes ug nagpuasa sulod sa pito ka adlaw.