Job

Job 1

Job 1:1-3

Giunsa man paghulagway ang kinaiya ni Job?

Siya hingpit ug matarong, ug gipasdunggan niya ang Dios ug nagpahilayo sa daotan.

Job 1:4-5

Kung matapos na ang kombira sa ilang mga igsoong lalaki ug babaye sa ilang puloy-anan, unsa man ang buhaton ni Job?

Balaanon sila ni Job alang sa Dios, maghalad ug halad sinunog, ug mag-ampo alang kanila.

Job 1:6-8

Nganong gisulti man ni Yahweh nga kinahanglang tan-awon ni Satanas si Job?

Kay walay usa nga sama kaniya sa kalibotan, usa ka hingpit ug matarong nga tawo, nga mahadlokon sa Dios ug nagpahilayo sa daotan.

Job 1:9-12

Giunsa man pagsulti ni Satanas ang pagpanalipod ni Yahweh kang Job?

Gikuralan niya ang palibot ni Job, palibot sa iyang puloy-anan, ug palibot sa tanan nga iya sa tagsatagsa nga bahin.

Unsa man ang gihunahuna ni Satanas nga makabalikas si Job sa Dios?

Miingon siya nga balikason ni Job ang Dios kung tandogon sa Dios ang tanang gipanag-iyahan ni Job?

Unsa man ang pagtugot nga gihatag ni Yahweh kang Satanas nga buhaton?

Gitugotan niya si Satanas nga mokuha sa tanang butang gikan kang Job, apan dili hilabtan si Job mismo.

Job 1:13-15

Unsa man ang gisugilon sa sinugo kang Job nga gibuhat kaniya sa mga Sabeohanon?

Gipatay nila ang tanang sulugoon diha kaumahan ug gikuha ang tanang baka ug mga asno.

Job 1:16-17

Unsa man ang gisugilon sa ikaduhang sinugo kang Job nga nahitabo sa iyang mga karnero?

Ang kalayo sa Dios nahulog gikan sa kalangitan ug misunog kanila lakip na ang mga sulugoon.

Unsa man ang gisugilon sa ikatulong sinugo kang Job nga nahitabo sa iyang mga kamelyo?

Miabot ang tulo ka pundok sa mga tulisan ug midagmal kanila. Gikawat ang tanang kamilyo ug gipatay ang tanang tawo nga nag-atiman kanila.

Job 1:18-19

Unsang balita ang gidala sa ikaupat ka sinugo kang Job?

Ang mga anak nga lalaki ug mga anak nga babaye ni Job nagkombira sa pinuy-anan sa ilang igsoong lalaki sa dihang miabot ang kusog nga hangin ug mihapak sa pinuy-anan, nga mitumpag ug mipatay kanila.

Job 1:20-22

Unsa man ang gibuhat ni Job human niya madungog kining mga pulonga o balita?

Gigisi ni Job ang iyang bisti, gikiskisan ang iyang ulo, mihapa siya sa yuta, ug gisimba ang Dios.

Unsa man ang gisulti ni Job mahitungod sa iyang kahimtang human niining hitaboa?

Miingon siya nga migawas siya nga hubo gikan sa tagoangkan sa iyang inahan, ug mobalik usab nga hubo.

Unsa man ang gisulti ni Job sa gibuhat ni Yahweh kaniya?

Si Yahweh mao ang naghatag, ug si Yahweh usab ang mobawi.

Giunsa man pagpakita ni Job nga dili siya buangbuang nga tawo?

Wala makasala si Job, ni wala siya magbutangbutang sa Dios.

Job 2

Job 2:1-2

Kinsa man ang miabot uban sa mga anak sa Dios sa dihang nangatubang sila sa atubangan ni Yahweh?

Miabot usab si Satanas ug mipakita sa iyang kaugalingon.

Unsa man ang gisulti ni Satanas kang Yahweh nga iyang ginabuhat?

Miingon siya nga nagsuroysuroy siya sa kalibotan, ug sa pagsaka ug sa pagkanaog niini.

Job 2:3

Giunsa man pagsulti ni Yahweh ang padayon nga gibuhat ni Job human sa gibuhat ni Satanas?

Gihuptan gihapon ni Job ang iyang kadungganan.

Job 2:4-6

Unsa man karon ang gusto nga buhaton ni Satanas kang Job aron nga balikason na ni Job ang Dios?

Gusto ni Satanas nga tandogon ang kabukogan ni Job ug ang iyang lawas aron sa pagsakit kaniya.

Job 2:7-8

Giunsa man pagsakit ni Satanas ang lawas ni Job?

Gisakit niya si Job pinaagi sa makalilisang nga mga hubaghubag gikan sa iyang lapalapa hangtod sa iyang alimpulo.

Unsa man ang gibuhat ni Job sa kasakit sa iyang kahimtang?

Mikuha siya ug buak nga banga ug gikalot sa iyang kaugalingon samtang naglingkod siya sa abo.

Job 2:9-10

Unsa man ang gustong ipabuhat sa asawa ni Job kaniya?

Gusto sa asawa ni Job nga balikason niya ang Dios ug magpakamatay.

Unsa man ang gipasangil ni Job sa iyang asawa?

Gisultihan niya siya nga maghunahuna lamang ba sa maayo gikan sa kamot Dios apan dili ang kaalautan.

Job 2:11

Unsa man ang gibuhat sa tulo ka mga higala ni Job sa pagkadungog nila sa nahitabo kang Job?

Miadto sila aron sa pagbangotan uban kaniya ug sa paghupay kaniya.

Job 2:12-13

Giunsa man pagpakita sa tulo ka higala ni Job ang ilang kasubo sa pagkakita nila kaniya?

Misinggit sila ug mihilak, gigisi nila ang ilang mga bisti, miitsa ug abog sa ilang mga ulo, ug milingkod sa yuta sa hilom sulod sa pito ka adlaw ug gabii.

Job 3

Job 3:1-3

Unsa man ang gisulti ni Job mahitungod sa adlaw sa iyang pagkahimugso?

Gibalikas niya ang adlaw sa iyang pagkahimugso ug nanghangyo nga mahanaw kini.

Job 3:4-5

Unsa man ang gusto nga angkonon ni Job sa adlaw sa iyang pagkahimugso?

Gusto niya nga kanang adlawa angkonon sa kangitngit ug landongan sa kamatayon.

Job 3:6-10

Unsa man ang gusto nga mahitabo sa kagabhion sa iyang pagkahimugso?

Gusto ni Job nga ang kagabhion malukop pinaagi sa bagang kangitngit.

Job 3:11-12

Unsa man ang gusto nga mahitabo ni Job sa paggawas niya sa tagoangkan sa iyang inahan?

Nangandoy siya nga namatay na lamang unta siya ug mibiya na lamang unta ang iyang espiritu.

Job 3:13-16

Unsa man ang gisulti ni Job nga iyang untang buhaton karon kung namatay siya sa pagkahimugso?

Natulong na unta siya ug nakapahulay uban ang mga hari ug mga magtatambag sa kalibotan.

Job 3:17-19

Alang sa unsa man gibuhian sa kamatayon ang mga binilanggo ug mga sulugoon?

Ang mga binilanggo nakalingkawas gikan sa tingog sa labaw nga sulugoon, ug ang sulugoon gawasnon gikan sa iyang mga agalon.

Job 3:20-22

Kang kinsa man gisuti ni Job nga dili moabot ang kamatayon?

Dili kini moabot sa tawo nga nangandoy sa kamatayon, ug nangita alang niini labaw pa niadtong nagita alang sa tinagong bahandi.

Job 3:23-24

Giunsa man paghulagway ni Job ang iyang pagsubo?

Ang iyang kasubo sama sa pagbubo sa tubig.

Job 3:25-26

Unsa man ang mga butang nga gikahadlokan ni Job nga midangat na kaniya?

Dili na siya hayahay o mahilom, ug wala nay pahulay.

Job 4

Job 4:1-3

Unsa man nga maayong butang ang gisulti ni Eliphaz nga nabuhat ni Job sa uban?

Nanudlo si Job sa kadaghanan, ug gilig-on niya ang huyang nga mga kamot.

Job 4:4-6

Unsa man ang giingon ni Eliphaz nga gisaligan ug gilaoman ni Job panahon sa kasakitan?

Ang kahadlok ni Job sa Dios mao ang iyang gisaligan, ug ang pagkamatul-id sa iyang mga dalan mao ang iyang gilaoman.

Job 4:7-9

Kinsa man ang gilaglag ug nangaut-ot pinaagi sa gininhawa ug kasuko sa Dios?

Kadtong nagdaro ug kasaypanan mangalaglag ug ang nagpugas sa kasamok mangaut-ot.

Job 4:10-11

Unsa man ang giingon ni Eliphaz nga nangapudpod?

Ang tingog sa mabangis nga liyon ug ang bangkil sa mga gagmay nga mga liyon nangapudpod.

Job 4:12-13

Giunsa man pagdawat ni Eliphaz ang maong mensahe sa tago?

Nakadungog siya ug hunghong sa iyang igdulongog ug nakakitag mga panan-awon sa kagabhion.

Job 4:14-15

Unsa man ang midangat kang Eliphaz sa dihang nadawat niya ang mensahe?

Midangat kaniya ang kahadlok ug ang pagpangurog.

Job 4:16-17

Unsa man ang gipangutana sa tingog mahitungod sa tawo?

Nangutana kini kung molabaw ba ang pagkamatarong sa tawo sa pagkamatarong sa Dios, ug molabaw ba ang pagkaputli sa tawo sa pagkaputli sa iyang magbubuhat?

Job 4:18-21

Giunsa man paghulagway ni Eliphaz sa tawo?

Nagpuyo sila sa mga balay nga lapok, kansang patukoranan abog, ug nauna pa ug kadugmok sa mga anay.

Job 5

Job 5:1-3

Unsa man ang giingon ni Eliphaz nga mahitabo sa buangbuang ug pahong nga tawo?

Ang kasuko mopatay sa tawong buangbuang, ug ang kasina molaglag sa tawong pahong.

Job 5:4-5

Unsa man ang mahitabo sa mga anak sa tawong buangbuang didto sa ganghaan sa siyudad?

Mangadumok sila diha sa ganghaan.

Job 5:6-7

Asa man gayod naggikan ang kalisdanan?

Ang tawo mao ang nagbuhat sa iyang kaugalingong kalisdanan.

Job 5:8-10

Unsa man ang gihatag sa Dios sa kalibotan ug sa kaumahan?

Gipaulanan niya ang kalibotan ug nagpadalag tubig sa kaumahan.

Job 5:11-13

Unsa man ang gibuhat sa Dios sa mga laraw sa malimbongong mga tawo?

Gisumpo niya ang ilang mga laraw aron nga ang ilang mga kamot dili makahimo sa ilang mga laraw.

Job 5:14-16

Gikan kang kinsa man giluwas sa Dios ang mga tawong nanginahanglan ug ang mga tawong kabos?

Giluwas sa Dios ang mga kabos nga mga tawo gikan sa espada sa ilang mga baba, ug giluwas ang mga nanginahanlan nga mga tawo gikan sa kamot sa gamhanang mga tawo.

Job 5:17-19

Nganong nagmalipayon man ang tawo sa pagbadlong ug pagpanton kaniya sa Dios?

Malipayon siya tungod kay human siya samaran sa Dios, bugkosan niya ang iyang mga samad, ug ang iyang mga kamot mangaayo.

Job 5:20-22

Unsa man ang kataw-an sa tawong gibadlong sa Dios?

Kataw-an niya ang kasamok ug ang kagutom.

Job 5:23-25

Unsa man ang makita sa tawong gibadlong sa Dios sa dihang magduaw siya sa iyang kahayopan?

Makita niya nga walay nawala niini.

Job 5:26-27

Hangtod kanus-a man mabuhi ang tawo nga gibadlong sa Dios?

Mamatay siya sa iyang katigulangon.

Job 6

Job 6:1-3

Giunsa man paghulagway ni Job ang iyang pag-agulo ug kalamidad?

Kung matimbang pa lamang unta ang iyang pag-agulo ug kagul-anan, mas bug-at pa kini kay sa balas sa kadagatan.

Job 6:4-6

Unsa man ang gibuhat sa Makagagahom ngadto kang Job pinaagi sa iyang pana?

Ang iyang pana mitaop kang Job, ug ang espiritu ni Job miinom sa hilo.

Unsa man ang pagkaon nga giingon ni Job nga walay lasa?

Miingon siya nga ang puti sa itlog walay lasa.

Job 6:7-9

Unsa man ang usa nga gipangayo ni Job sa Dios?

Gusto niya nga dugmokon siya sa Dios ug putlon ang iyang kinabuhi.

Job 6:10-11

Unsa man ang ganti ni Job?

Ang ganti ni Job mao ang wala niya paglimod sa mga pulong sa Balaang Pinili.

Job 6:12-13

Unsa man ang gipapawa kang Job?

Ang kaalam gipapahawa kaniya.

Job 6:14-17

Kang kinsa man ipakita sa usa ka higala ang iyang pagkamatinud-anon?

Ang higala magpakita sa iyang pagkamatinud-anon ngadto sa usa ka tawo nga nagaantos.

Giunsa man pagtandi ni Job ang iyang mga kaigsoonan ngadto sa sapa sa disyerto?

Nangamatay sila nga walay hinungdan, mangawala sila sa dihang mangahilis sila, ug mangatunaw sila sa kainit.

Job 6:18-20

Unsa man ang nahitabo sa mga magbabaklay sa dihang nangita silag tubig sa kasapaan?

Nangasaag sila didto sa mamingaw nga yuta ug nangalaglag. Nasubo sila ug nalimbongan.

Job 6:21-23

Nganong baliwala lang man kang Job ang iyang mga higala?

Tungod kay nakita nila ang iyang makalilisang kahimtang ug nangahadlok.

Job 6:24-25

Unsa man ang buhaton ni Job kung ang iyang mga higala magtudlo kaniya?

Magpakahilom siya.

Job 6:26-27

Unsa man ang giplano sa mga higala ni Job sa mga pulong nga iyang gisulti?

Nagplano sila nga ilang isalikway ang iyang mga pulong, ug tagdon kini sama sa hangin.

Job 6:28-30

Nganong miingon man si Job sa iyang mga higala nga hunongon na ang ilang mga pagpasangil kaniya?

Ang tinguha ni Job matarong.

Job 7

Job 7:1-3

Asa man gitandi ni Job ang iyang mga bulan sa kaalautan ug ang kagabhion nga puno sa kalisdanan?

Gitandi niya kini sa ulipon nga nagtinguha sa landong sa kagabhion, o usa ka sinuholang tawo nga nangita sa iyang suhol.

Job 7:4-5

Unsa man ang naglukop sa lawas ni Job?

Mga ulod ug nagtibugol nga mga abog ang nilukop sa iyang lawas.

Job 7:6-7

Unsa man nga larawan nga gigamit ni Job sa paghulagway sa kapaspason sa iyang mga adlaw?

Ang iyang mga adlaw mas paspas pa sa lansadera nga langgam.

Job 7:8-10

Sa asa man gitandi ni Job ang tawo nga mokanaog ngadto sa Seol?

Sama siya sa panganod nga lamoyon ug mahanaw.

Job 7:11-12

Sa unsa man nga pamaagi nga nagsulti si Job ug nagreklamo?

Nagsulti siya sa kaguol sa iyang espiritu ug nagreklamo siya sa kapaitan sa iyang kalag.

Job 7:13-15

Unsa man ang gibuhat sa Dios kang Job sa dihang matulog na siya?

Gihadlok siya sa Dios sa mga damgo ug gilisang siya pinaagi sa mga panan-awon.

Job 7:16-18

Nganong gusto man ni Job nga pasagdan siya sa Dios?

Miingon si Job nga walay pulos ang iyang mga adlaw.

Job 7:19-20

Nganong naghangyo man ni Job sa Dios nga pasagdan na lamang siyang mag-inusara sa igong panahon?

Nanghangyo siya nga biyaan siya ug hatagan siyag igong panahon aron matulon niya ang iyang laway.

Job 7:21

Unsa man ang gihunahuna ni Job nga dili buhaton sa Dios?

Hunahuna ni Job nga dili pasayloon sa Dios ang iyang mga kalapasan ug kuhaon ang iyang kasaypanan.

Job 8

Job 8:1-3

Asa man gitandi ni Bildad ang gipamulong ni Job?

Gitandi niya kini sa kusog nga hangin.

Job 8:4-5

Giunsa man pagsulti ni Bildad nga iyang nasayran nga nakasala ang mga anak ni Job?

Miingon siya nga nasayod siya niini tungod kay gisilotan man sa Dios ang mga anak ni Job.

Job 8:6-7

Giunsa pagsulti ni Bildad nga panalanginan sa Dios si Job kung putli pa siya ug matarong?

Gantihan niya si Job ug balay nga mapanag-iya gayod niya sa hingpit.

Job 8:8-10

Asa man gitandi ni Bildad ang atong mga adlaw sa kalibotan?

Miingon siya nga sama kini sa mga anino.

Job 8:11-12

Unsa man ang kinahanglan buhaton sa papyrus nga tanom ug mga bagakay aron motubo?

Ang papyrus nga tanom kinahanglan adunay lapok, ug ang mga bagakay kinahanglan adunay tubig aron motubo.

Job 8:13-15

Asa man gitandi ni Bildad ang pagsalig sa walay Dios nga tawo?

Ang ilang pagsalig sama sa huyang nga lawa-lawa.

Job 8:16-18

Unsay mahitabo sa mga ugat nga nagpaila sa tawo nga nahikalimot sa Dios?

Ang iyang mga ugat nga naglukop sa nagtapok nga bato ug mangita ug maayong dapit sa kabatoan.

Job 8:19-20

Unsa man ang kalahian sa pagtagad sa Dios sa tawong walay sala ngadto sa tawong nagbuhat ug daotan.

Dili niya isalikway ang walay sala nga tawo, apan isalikway niya ang nagbuhat ug mga daotan.

Job 8:21-22

Unsa man ang ipuno sa Dios sa baba ug mga ngabil sa tawong walay sala?

Pun-on sa Dios ang iyang baba sa kalipay ug pasinggiton ang iyang mga ngabil.

Job 9

Job 9:1-3

Unsa man ang mahitabo sa usa ka tawo nga nangatarongan sa Dios?

Dili gayod makatubag ang tawo sa Dios bisan makausa sa libo ka higayon.

Job 9:4-6

Unsa man ang buhaton sa Dios sa kabukiran kung masuko siya?

Tumpagon niya ang kabukiran ug walay masayod nga magun-ob kini.

Job 9:7-9

Unsa man ang tamakan sa Dios?

Pagamakan niya ug pahunongon ang kabaloran sa dagat.

Job 9:10-12

Nakita ba ni Job ang Dios sa dihang milabay siya?

Ang Dios milabay kaniya apan wala gayod niya makita o wala niya namatngonan.

Job 9:13-15

Bisan kung matarong si Job, unsaon man niya pagtubag ang Dios?

Dili gayod niya matubag ang Dios, apan makahangyo lamang siya ug kalooy.

Job 9:16-18

Unsa ang gituohan ni Job nganong gipadaghan sa Dios ang iyang mga samad?

Nagtuo si Job nga gipadaghan sa Dios ang iyang mga samad bisan walay hinungdan.

Job 9:19-20

Posible ba kini alang kang Job nga mahimo siyang matarong ug hingpit?

Dili, bisan ang iyang baba magahukom kaniya ug magpamatuod nga siya sad-an.

Job 9:21-24

Nagtuo ba si Job nga adunay kalahian ang pagtagad sa Dios sa matarong ug sa daotang mga tawo?

Miingon siya nga managsamang niyang laglagon ang matarong ug ang daotang mga tawo.

Job 9:25-26

Unsa ang tulo ka butang nga gitandi ni Job sa kapaspason sa iyang adlaw?

Mas paspas pa kini kay sa nagdagan nga sinugo, paspas nga daw sama sa mga sakayan, ug sama ka paspas sa modagit nga agila.

Job 9:27-31

Nganong gisulti man ni Job nga walay kapuslanan kung kalimtan niya ang mahitungod sa iyang mga sumbong?

Dili siya ilhon sa Dios nga walay sala, apan hukman gayod si Job.

Job 9:32-33

Unsa man ang giingon ni Job nga walay maghuhukom ang makabuhat?

Walay maghuhukom nga makabakyaw sa iyang kamot kang Job ug sa Dios.

Job 9:34-35

Unsa man ang giingon ni Job nga walay laing maghuhukom nga makabuhat?

Walay laing maghuhukom nga makakuha sa sungkod sa Dios nga anaa kang Job, o nga makalikay sa kapungot sa Dios nga nakapahadlok kang Job.

Job 10

Job 10:1-3

Nganong gusto man ni Job nga magpakita ang Dios kaniya, kay sa maghukom kaniya?

Gusto ni Job nga ipakita sa Dios kaniya nganong gipasanginlan siya.

Job 10:4-7

Unsa nga matang sa mata nga gipangutana ni Job sa Dios nga anaa kaniya?

Nangutana si Job kaniya kung aduna bay unodnong mata ang Dios nga makakita sama sa makita sa tawo.

Unsa man ang giingon ni Job nga gipangita ug gisusi sa Dios?

Gipangita sa Dios ang kasaypanan ni Job ug gisusi ang iyang sala.

Job 10:8-9

Unsa man ang gibuhat sa Dios kang Job?

Gihulma ug giumol nila si Job.

Job 10:10-11

Unsa man ang giputos sa Dios kang Job?

Giputos sa Dios si Job sa panit ug unod.

Job 10:12-14

Unsa man ang gihatag sa Dios kang Job?

Gihatagan siya sa Dios ug kinabuhi ug matinud-anong kasabotan.

Unsa man ang buhaton sa Dios kang Job kung nakasala siya?

Nasayraan sa Dios ang iyang sala, ug dili niya siya hukman sa iyang mga sala.

Job 10:15-16

Unsa man ang buhaton sa Dios kang Job kung siya mismo magyahat sa iyang ulo?

Pangitaon gayod siya sa Dios sama sa liyon.

Job 10:17

Unsa man ang gidala sa Dios batok kang Job nga nagpadayag sa nahitabo kaniya?

Nagdala ang Dios sa mga saksi batok kaniya.

Job 10:18-19

Unsa man ang gibuhat ni Job sa nahitabo kaniya?

Nanghinaot siya nga mamatay nalang unta siya ug wala nay makakita kaniya.

Job 10:20-22

Asa man padulong si Job, nga dili na siya mobalik pa?

Padulong siya sa yuta sa kangitngit ug ngadto sa anino sa kamatayon.

Job 11

Job 11:1-3

Unsa man ang gihunahuna ni Zophar kang Job human sa ilang pagpanudlo?

Gihunahuna niya nga gibiaybiay ni Job ang ilang mga panudlo.

Job 11:4-6

Unsa man ang gisulti ni Zophar nga gisingil sa Dios kang Job?

Miingon siya nga ang Dios naningil gikan kang Job sa labing diyutay kay sa silot nga angay sa iyang kasaypanan.

Job 11:7-9

Naghunahuna ba ni Zophar nga si Job nakasabot sa Dios?

Naghunahuna si Zophar nga imposible kini tungod kay ang Dios mas labaw man sama sa langit, mas lawom kay sa Sheol, mas taas pa kay sa kalibotan, ug mas lapad pa kay sa dagat.

Job 11:10-14

Nagtuo ba si Zophar nga adunay makapugong sa Dios?

Imposible nga mapugngan ang Dios tungod kay nasayran niya ang mga tawong bakakon ug nasayran ang iyang kasaypanan.

Kanus-a man gisulti ni Zophar nga makasabot ang mga tawong buangbuang?

Makasabot lang sila kung manganak na ang asno ug usa ka tawo.

Job 11:15-17

Unsa man ang giingon ni Zophar nga mahitabo sa kaalaotan ni Job kung iyang isalikway ang iyang kasaypanan?

Mahikalimtan niya ang iyang kaalaotan ug mahinumduman lamang niya kini sama sa tubig nga nagdagayday.

Job 11:18-19

Nganong aduna may kasigurohan si Job kung isalikway niya ang iyang kasaypanan?

Aduna siyay kasigurohan tungod kay adunay paglaom.

Job 11:20

Unsa man ang giingon ni Zophar nga mao lamang ang gilaoman sa tawong daotan?

Ang ila lamang paglaom mao ang katapusang gininhawa sa kinabuhi.

Job 12

Job 12:1-3

Giunsa man pagtandi ni Job ang iyang kaugalingon ngadto sa iyang mga higala?

Miingon siya nga aduna usab siyay salabutan ug dili siya ubos kanila.

Job 12:4-6

Unsa man ang gihunahuna karon sa mga silingan ni Job mahitungod kaniya?

Gikataw-an nila siya.

Job 12:7-8

Kinsa man ang gihunahuna ni Job nga makatudlo sa iyang mga higala?

Ang mga mananap, ang kalanggaman, ang kayutaan, ug ang kaisdaan sa dagat ang makatudlo sa iyang mga higala.

Job 12:9-10

Unsa man ang nasayran sa mga mananap?

Nasayod sila nga si Yahweh ang naghatag kanila sa kinabuhi.

Job 12:11-12

Unsa man ang giingon ni Job mahitungod sa tigulang nga mga tawo ug sa salabutan?

Ang mga tawong tigulang adunay kaalam, ug ang taas nga mga adlaw mao ang pagsabot.

Job 12:13-15

Unsa man ang gibuhat sa Dios sa katubigan?

Gipugngan niya kini ug nahubas kini, ug gibuhian niya kini ug mibaha kini sa kayutaan.

Job 12:16-18

Unsa man ang gikuha sa Dios gikan sa mga hari?

Tangtangon niya ang kadina sa katungod gikan kanila.

Job 12:19-21

Unsa man ang gisulti ni Job mahitungod sa pagabuhaton sa Dios sa mga kasaligan ug sa mga tigulang?

Gipahilom niya ang mga kasaligan, ug gikuha ang salabutan sa mga tigulang.

Job 12:22-23

Unsa man ang gisulti ni Job mahitungod sa gibuhat sa Dios ngadto sa kanasoran?

Gihimo niya sila nga kusgan o gilaglag sila, ug gidaghan sila o gigiyahan sila ingon nga mga binilanggo.

Job 12:24-25

Unsa man ang mahitabo sa mga pangulo sa katawhan sa kalibotan sa dihang kuhaon sa Dios ang ilang salabutan?

Gihimo niya sila nga maglatagaw didto sa kamingawan nga walay agianan.

Job 13

Job 13:1-2

Giunsa man pagktandi ni Job ang iyang kahibalo ngadto sa iyang mga higala?

Nag-ingon si Job nga nahibalo siya sama sa ilang nahibaloan, ug dili siya ubos kanila.

Job 13:3-5

Kinsa man ang gusto nga pakigsultihan ni Job kay sa iyang mga higala ug ngano?

Mas makigsulti pa siya sa Labang Makagagahom tungod kay buot ni Job nga mangatarongan sa Dios.

Unsa man ang gisulti ni Job nga gibuhat sa iyang mga higala sa kamatuoran?

Gilimbongan nila ang kamatuoran pinaagi sa mga bakak.

Job 13:6-8

Unsa man ang buot ni Job nga madungog sa iyang mga higala?

Buot niya nga maminaw sila sa paghangyo sa iyang mga ngabil.

Job 13:9-10

Uyonan ba sa Dios kung ang mga higala ni Job nagpakita ug pinalabi ngadto sa Dios?

Dili, dili siya mouyon kanila kung nagpakita sila kaniya ug pagpalabi.

Job 13:11-12

Unsa man ang gihunahuna ni Job mahitungod sa gisulti ug pagpanalipod sa iyang mga higala?

Nag-ingon siya nga ang ilang panultihon mga panultihon nga hinimo sa abo, ug ang ilang mga pagpanalipod hinimo sa lapok.

Job 13:13-15

Unsa man ang gihangyo ni Job nga buhaton sa iyang mga higala aron nga makasulti siya?

Naghangyo si Job kanila nga magpakahilom sila ug tugotan nga mag-inusara siya.

Job 13:16-17

Nganong naghunahuna man si Job nga mahimo siyang gawasnon?

Tungod kay wala siya miduol sa Dios sama sa dili diosnon nga tawo.

Job 13:18-19

Unsa man ang giandam ni Job sa han-ay?

Giandam niya sa han-ay ang iyang pagpanalipod.

Job 13:20-22

Unsa man ang ipabakwi ni Job sa Dios gikan kaniya?

Buot ni Job nga bakwion sa Dios ang madaugdaugon niyang kamot gikan kang Job.

Job 13:23-25

Giunsa man pagtagad sa Dios si Job?

Gitagad niya si Job sama sa iyang kaaway.

Job 13:26-28

Unsang mga butang nga walay pulos ang gisulti ni Job nga nahisama siya?

Sama siya sa malata nga butang nga gibasura, sama sa bisti nga gianay.

Job 14

Job 14:1-3

Giunsa man ni Job pagsulti nga ang tawo sama sa bulak?

Ang tawo mitubo gikan sa yuta sama sa bulak, ug pagaputlon.

Job 14:4-6

Kinsa man ang magbuot sa gitaas-on sa kinabuhi sa tawo?

Ang Dios ang nagtagal sa iyang mga adlaw ug ang nag-ihap sa iyang mga bulan.

Job 14:7-9

Unsa man ang gisulti ni Job mahitungod sa kahoy nga giputol?

Aduna pay paglaom ang kahoy nga giputol, kay motubo pa man kini pag-usab.

Job 14:10-12

Gisulti ba ni Job nga ang tawo mabuhi pag-usab?

Gisulti niya nga ang mga tawo dili na mobangon pag-usab, ug dili na makabangon gikan sa ilang pagkatulog.

Job 14:13-14

Hain man ang gitinguha ni Job nga tagoan siya sa Dios?

Buot ni Job nga tagoan siya sa Dios nalayo sa Seol pahilayo gikan sa mga kalisdanan.

Job 14:15-17

Unsaon man pagtagad sa Dios ang kasal-anan ug kasaypanan ni Job kung nahuman na ang kasuko sa Dios?

Pagasirad-an sa Dios ang kasal-anan ni Job sulod sa usa ka panudlanan, ug pagatabonan ang kasaypanan ni Job.

Job 14:18-19

Unsa man ang kahibulongang butang ang mahimo sa tubig sa paglabay sa panahon?

Makapaligid kini sa mga bato.

Job 14:20-22

Unsa man ang epikto sa namatay nga tawo kung ang iyang anak nga lalaki mapasidunggan o mapaulawan?

Kung sila mapasidunggan, dili siya mahibalo niini, ug kung mapaulawan sila, dili siya makakita sa nahitabo.

Job 15

Job 15:1-3

Unsa man ang dili angay ibutang sa tawong maalamon sa iyang kaugalingon?

Kinahanglan nga dili niya butangan ang iyang kaugalingon sa mga hangin sa sidlakan.

Job 15:4-6

Giunsa paghunahuna ni Elifas nga ang pulong ni Job walay pagtahod sa Dios?

Nagtuo siya nga si Job nawad-an na sa pagtahod sa Dios, ug nakawala kana sa iyang pagpamalandong.

Job 15:7-9

Nagtuo ba si Elifas nga nakahibalo si Job sa mga butang nga wala mahibaloi sa ubang mga higala?

Wala siya mituo nga si Job adunay nasayran nga wala nila masayri, o nga nakasabot siya kung unsa ang wala kanila.

Job 15:10-11

Kinsa nga mga tawo ang gisulti ni Elifas nga miuyon sa mga higala ni Job?

Ang mga ubanon ug tigulang na kaayo nga mga lalaki nga mas tigulang pa sa amahan ni Job anaa uban ni Elifas ug sa iyang mga higala.

Job 15:12-14

Unsa man ang gituohan ni Elifas nga gibuhat sa espiritu ni Job?

Nagtuo siya nga ang espiritu ni Job mibatok sa Dios?

Job 15:15-16

Giunsa man pagtan-aw sa Dios ang iyang mga balaan ug ang kalangitan?

Wala siya misalig bisan sa iyang mga balaan; ug ang kalangitan dili hinlo sa iyang panan-aw.

Job 15:17-18

Asa man gikuha ni Elifas ang mga butang nga iyang ipahibalo kang Job?

Ang mga butang nga iyang nakita mao ang mga butang nga gipasa sa mga maalamon gikan sa ilang mga amahan, ug ang mga butang nga wala gililong sa mga katigulangan.

Job 15:19-21

Kanus-a man moabot ang mga molaglag sa mga tawong daotan?

Moabot ang mga molaglag kaniya samtang anaa siya sa kauswagan.

Job 15:22-24

Unsa man ang nagpaabot sa tawong daotan?

Nagpaabot ang espada sa tawong daotan.

Job 15:25-26

Unsa man ang anaa sa tawo samtang midasmag siya paingon sa Dios?

Miasdang siya sa Dios uban ang kagahi sa iyang liog ug ang baga nga taming.

Job 15:27-28

Unsa man ang mahitabo sa siyudad ug mga kabalayan sa tawong daotan?

Andam sila nga mahimong tipun-og.

Job 15:29-30

Unsa man ang hinungdan nga mobiya ang daotan?

Mobiya ang daotan sa paghuyop sa Dios.

Job 15:31-33

Unsa man ang ganti sa tawong daotan nga nagsalig sa mga walay pulos nga mga butang?

Ang mga walay pulos nga butang mao ang iyang ganti.

Job 15:34-35

Unsa man ang mahitabo sa tawo nga walay Dios?

Mahanaw kini, ug ang kalayo mout-ot sa ilang tolda sa pagpangsuhol.

Job 16

Job 16:1-5

Unsa man ang gisulti ni Job mahitungod sa pagdasig sa iyang mga higala?

Miingon si Job nga alaot sila nga manghuhupay nga migamit sa walay pulos nga mga pulong.

Job 16:6-8

Sa unsang paagi nakaapekto ang pagsulti ni Job sa iyang pag-antus?

Kung mosulti siya, ang iyang pag-antus dili mogaan, ug kung dili siya mosulti, dili siya matabangan.

Job 16:9-10

Giunsa sa mga tawo pagtagad si Job samtang giataki siya sa Dios?

Ang mga tawo minganga sa ilang baba kanako; gisagpa nila ako sa aping; nagkatigom silang tanan batok kanako.

Job 16:11-12

Asa man gitugyan sa Dios si Job?

Gitugyan sa Dios si Job ngadto sa mga tawo nga dili diosnon, ug gilabay siya ngadto sa mga kamot sa tawong daotan.

Job 16:13-14

Giunsa man pagsamad sa Dios si Job?

Gitusok niya ang kidney ni Job ug giula ang iyang apdo ngadto sa yuta.

Job 16:15-17

Unsa man ang gibuhat ni Job sa iyang panit aron ipakita ang iyang kasubo?

Nagtahi siya ug bisti nga sako sa iyang panit.

Job 16:18-19

Kinsa man ang saksi ni Job ug makahimo sa pagpamatuod alang kang Job?

Ang saksi ni Job mao ang langit, ug ang usa nga nag-alagad kaniya nga anaa sa kahitas-an.

Job 16:20-22

Asa man midangop si Job samtang gibiaybiay siya sa iyang mga higala?

Mihilak siya ngadto sa Dios.

Job 17

Job 17:1-3

Unsa man ang kanunay makita ni Job?

Kanunay niya nga makita ang paghagit sa mga nagbiaybiay kaniya.

Unsa man nga panumpa ang buot ni Job nga himuon sa Dios kaniya?

Buot niya nga manumpa ang Dios aron mogarantiya sa iyang kaugalingon alang kang Job.

Job 17:4-5

Kinsang kadtong nagbuhat ug daotan nga maoy hinungdan nga mapakyas ang mga mata sa iyang mag anak?

Kadtong tawo nga nagsalikway sa iyang higala alang sa usa ka ganti hinungdan nga ang mga mata sa iyang mga kaanakan mapakyas.

Job 17:6-8

Unsa man ang nahitabo sa mata ni Job ug sa iyang lawas tungod sa kasubo?

Mihalap na ang iyang panan-aw ug ang iyang tibuok lawas niwang na sama sa anino.

Job 17:9-10

Nakakaplag ba si Job ug maalamong tawo taliwala sa iyang mga higala?

Nasayod si Job nga wala gayod siyay makaplagan nga maalamon sa iyang mga higala

Job 17:11-12

Unsay nahitabo sa mga laraw ni Job alang sa iyang kaugmaon?

Nangakawang na ang laraw ni Job, ingon man ang mga tinguha sa iyang kasingkasing.

Job 17:13-16

Kinsa man ang nahimong amahan, inahan ug igsoong babaye ni Job?

Ang bung-aw nahimo niyang amahan, ang ulod nahimo niyang inahan ug igsoong babaye.

Job 18

Job 18:3-4

Unsa man ang hunahuna ni Bildad sa pagtan-aw ni Job sa iyang mga higala?

Nagtuo si Bildad nga gihunahuna ni Job nga mananap sila ug nagtuo nga buangbuang sila.

Job 18:5-6

Unsa man ang mahitabo sa kahayag sa daotang tawo?

Ang iyang kahayag pagapalungon, ug ang kahayag sa iyang kalayo dili na modan-ag.

Job 18:7-8

Unsa ang mahitabo sa tawong daotan kung matamakan niya ang pukot?

Igalabay siya ngadto sa pukot pinaagi sa iyang kaugalingong mga tiil ug mahulog siya didto sa bung-aw.

Job 18:9-11

Unsa man ang modakop sa tawong daotan?

Madakpan siya sa usa ka lit-ag, bitik ug hikot.

Job 18:12-13

Unsa man ang mahitabo sa kabtangan sa tawong daotan?

Ang iyang kadato mahimong kagutom.

Job 18:14-15

Asa dili dugay magpuyo ang taong daotan?

Langkaton siya gikan sa luwas niyang tolda, ang iyang panimalay nga iyang gisaligan karon.

Job 18:16-17

Giunsa paghulagway ni Bildad ang mahitabo ngadto sa tawong daotan?

Gihulagway niya ang tawong daotan sama sa usa ka kahoy nga ang iyang ugat mangalaya ilalom sa yuta, ug ang iyang sanga sa ibabaw pagaputlon.

Job 18:18-21

Makabaton ba ang tawong daotan ug mga kaliwatan?

Dili siya makabaton ug anak nga lalaki o apo nga lalaki taliwala sa iyang katawhan, o sa iyang nahibiling kabanay kung diin siya makadangop.

Job 19

Job 19:1-2

Sa unsa mang paagi si Job gidaot sa iyang mga higala?

Miingon si job nga giguba siya nila sama sa nagkatag nga kahoy.

Job 19:3-4

Makapila sukmati si Job sa iyang mga higala?

Kanapulo siya gisukmatan.

Kang kinsa mang tulubagon kong si Job nasayop?

Miingon si Job nga siya ang angay manubag sa iyang sayop.

Job 19:5-6

Unsa ang gisulti ni Job mahitungod sa pagtagad sa Dios kaniya?

Miingon si Job nga dili maayo ang gibuhat sa Dios kaniya ug nadakpan siya niini sa iyang lit-ag.

Job 19:7-9

Unsa ang nahitabo sa dihang si Job nagpakitabang tungod kay nasayop siya?

Wala siya paminawa ug walay hustisya.

Job 19:10-12

Giunsa man sa Dios pagtagad si Job?

Gitagad siya sa Dios isip usa sa iyang mga kaaway.

Job 19:13-14

Unsa ang nahitabo sa pamilya ni Job ug sa iyang mga higala?

Gipahilayo sa Dios gikan kaniya ang iyang mga igsoon, ang iyang mga kaila, gipakyas siya sa iyang mga paryenti, ug gikalimtan siya sa iyang mga suod nga higala.

Job 19:15-16

Unsa ang tubag sa sulugoon ni Job kaniya sa dihang iya siyang gitawag?

Wala motubag ang iyang sulugoon kaniya bisan pag nangaliyupo siya sa iyang baba.

Job 19:17-19

Unsa man ang gibalos kang Job niadtong iyang mga gihigugma?

Kadtong iyang mga gihigugma nakigbatok kaniya.

Job 19:20-22

Giunsa ni Job sa paglahutay?

Nakalahutay siya pinaagi sa iyang lagus.

Job 19:23-24

Unsa ang gusto ni Job nga mahitabo sa iyang mga pulong?

Gusto niya nga isulat kini diha sa libro, o ikulit pinaagi sa ballpen ug tingga diha sa bato hangtod sa hangtod.

Job 19:25-27

Unsa ang giingon in Job nga iyang nahibal-an?

Nahibalo siya nga ang iyang Manluluwas buhi, ug sa katapusan ang iyang Manluluwas mobarog diri sa kalibotan.

Unsa ang giingon ni Job nga mahitabo sa iyang lawas kong madunot na kini?

Makita ni Job ang Dios sa maong lawasa.

Job 19:28-29

Unsa ang pagadal-on sa kasuko?

Ang kasuko magdalag silot sa espada.

Job 20

Job 20:1-3

Nganong gitubag man dayon ni Zofar si Job?

Gitubag dayon niya si Job tungod kay nabalaka siya nga adunay espiritu nga labaw pa sa iyang panabot ang motubag kaniya. Nadungog niya ang pagbadlong ni Job ug naulawan siya niini.

Job 20:4-5

Unsa man kadugay molungtad ang kalipay sa tawong walay Dios?

Hamubo lamang ang kalipay sa tawong walay Dios.

Job 20:6-7

Unsaon man pagkahanaw sa tawong daotan?

Hingpit siya nga mahanaw sama sa iyang kaugalingong hugaw.

Job 20:8-9

Unsa man ang pamaagi sa paghawa sa tawong daotan?

Mahanaw siya sama sa damgo, ug gukdon siya sama sa panan-awon sa kagabhion

Job 20:10-11

Unsa man ang buhaton sa mga anak sa tawong daotan?

Mangayog pasaylo ang mga anak sa tawong daotan ngadto sa mga tawong kabos.

Job 20:12-14

Unsa man ang mahitabo sa pagkadaotan nga anaa sulod sa lawas sa tawong daotan?

Himuon niining pait ang pagkaon sa iyang tinai, ug mahimo kining lala sa bitin sulod kaniya.

Job 20:15-16

Unsa man ang mahitabo sa mga bahandi nga gitulon sa tawong daotan?

Isuka niya kini pag-usab.

Job 20:17-19

Unsa man ang dili na matagamtaman sa tawong daotan?

Dili na siya makatagamtam sa paglantaw sa mga suba ug pag-agas sa dugos ug sa mantikilya

Nganong dili na man mahimong magsadya ang tawong daotan?

Gidaogdaog ug gipasagdan niya ang mga tawong kabos; mapugsanon nga gipang-ilog niya ang mga balay nga dili siya ang nagtukod.

Job 20:20-22

Nganong dili man molungtad ang pagkaadunahan sa tawong daotan?

Dili gayod kini molungtad tungod kay wala nay nahibiling butang nga wala niya gilamoy.

Job 20:23-25

Unsa man ang buhaton sa Dios ngadto sa tawong daotan nga magbusog sa iyang kaugalingon?

Paulanan siya sa Dios sa kabangis sa iyang kasuko samtang gakaon siya.

Unsa man ang mahitabo sa dihang moikyas ang tawong daotan sa puthaw nga hinagiban?

Moigo kaniya ang bronsi nga pana.

Job 20:26-27

Unsa man ang buhaton sa kalangitan ug sa yuta batok sa tawong daotan?

Ibutyag sa kalangitan ang iyang kasal-anan ug ang yuta mao ang saksi batok kaniya.

Job 20:28-29

Unsa man ang mahitabo sa tawong daotan sa adlaw sa kasuko sa Dios?

Mawagtang ang bahandi sa iyang balay ug maanod ang iyang kabtangan.

Job 21

Job 21:1-3

Unsa man ang gihunahuna ni Job nga pagabuhaton sa iyang mga higala human siya makasulti kanila?

Naghunahuna siya nga magpadayon sila nga magyubit kaniya.

Job 21:4-6

Unsa man ang mahimong buhaton sa mga tawo sa dihang makita nila si Job?

Matingala sila ug ibutang nila ang ilang kamot sa ilang mga baba.

Unsa ang mahitabo kang Job sa dihang maghunahuna siya mahitungod sa iyang mga pag-antos?

Masamok siya ug ang kahadlok maoy magdumala sa iyang unod.

Job 21:7-9

Unsa man ang pangutana ni Job mahitungod sa daotang mga tawo?

Nangutana si Job kung nganong padayon silang nabuhi, nanigulang, ug nagkadako pag-ayo ang gahom.

Job 21:10-12

Unsa man ang nahitabo sa mga baka sa daotan?

Ang torong baka wala mapakyas sa paghabal ug ang bayeng baka wala namatay ang ilang nati.

Job 21:13-15

Unsa man ang gisulti sa daotang mga tawo ngadto sa Dios?

Ingnan nila ang Dios nga magpalayo kanila, tungod kay wala sila nangandoy sa bisan unsa niyang kahibalo ug mga pamaagi.

Job 21:16-18

Unsa man ang gibuhat ni Job sa mga tambag sa daotang mga tawo?

Wala siyay gihimo sa ilang mga tambag.

Job 21:19-21

Kinsa man ang buot ni Job nga mobayad sa sala sa mga daotang tawo?

Buot ni Job nga ang daotang mga tawo maoy mobayad sa iyang sala, ug dili ang iyang mga anak, aron masayran niya ang iyang mga sala.

Job 21:22-24

Aduna bay makatudlo ug kaalam sa Dios?

Wala, tungod kay siya makahukom bisan kadtong anaa sa taas.

Job 21:25-26

Unsay mahitabo sa duha ka lalaki nga namatay nga anaa sa igong kusog ug sa namatay nga anaa sa kasakitan sa kalag?

Managsama silang duha nga maghigda diha sa abog ug ang mga ulod maoy motabon kanila.

Job 21:27-28

Unsa man ang nasayran ni Job mahitungod sa hunahuna ug mga pamaagi sa iyang mga higala?

Nasayran niya nga sayop ang ilang mga hunahuna ug mga pamaagi.

Job 21:29-30

Unsa man ang nakita sa mga nagalangyaw nga mga tawo?

Ilang nakita nga ang daotang tawo malikay sa adlaw sa katalagman, ug mapalayo gikan sa adlaw sa kasuko

Job 21:31-33

Unsa man ang buhaton sa mga tawo sa lubnganan sa daotang tawo?

Ang mga tawo padayon nga magbantay sa iyang lubnganan.

Job 21:34

Unsa man ang gisulti ni Job kang Sofar nga misulay sa paghupay kaniya?

Miingon si Job nga walay hinungdan ang paghupay ni Sofar.

Job 22

Job 22:1-3

Unsa man ang gipangutana ni Elifaz kang Job kung unsay mabuhat sa iyang pagkamatarong ngadto sa labaw nga Makagagahom

Nangutana siya kung makapalipay ba sa labaw nga Makagagahom kung si Job matarong.

Job 22:4-5

Giunsa man pagbiaybiay ni Elifaz ang pagtahod ni Job sa Dios?

Nagbiaybiay siya pinaagi sa pag-ingon nga tungod kay si Job nagtahod sa Dios, maong gibadlong siya.

Job 22:6-8

Unsa man ang giakusa ni Elifaz kang Job nga iya kunong gibuhat niadtong mga walay bisti?

Nag-ingon siya nga gihukasan ni Job ang mga kabos sa ilang mga bisti.

Job 22:9-11

Unsa man ang giakusa ni Elifaz kang Job nga iyang gibuhat niadtong walay mga bana?

Miingon siya nga gipalakaw ni Job ang mga biyuda nga walay dala.

Unsa man ang gisulti ni Elifaz nga ang kangitngit nahitabo kang Job?

Siya nagsulti nga adunay kangitngit, aron nga dili makakita si Job.

Job 22:12-14

Unsa man ang gisulti ni Elifaz nga nag-ingon si Job nga wala makita sa Dios ang mga katawhan?

Si Job nagsulti nga, "Ang bagang kapanganuran ang nitabon sa Dios, aron nga dili niya makita ang mga tawo."

Job 22:15-17

Unsa man ang mahitabo sa pundasyon sa daotang mga tawo?

Ang pundasyon sa daotang mga tawo mangaanod sama sa suba.

Job 22:18-20

Unsa man ang buhaton sa mga matarong sa dihang makita nila ang dangatan sa mga daotan?

Ang matarong makakita sa ilang kapalaran ug malipay.

Job 22:21-22

Unsa man ang mahitabo kung si Job magpasig-uli sa Dios?

Kung si Job magpasig-uli sa Dios, maayo ang mahitabo kaniya.

Job 22:23-25

Unsa man ang gisulti ni Elifaz nga mahitabo kung si Job mobalik sa labawng Makagagahom?

Kung mobalik si Job sa labawng Makagagahom, lig-onon siya pagbalik.

Job 22:26-28

Unsay mahitabo sa dihang maglipay si Job diha sa Labawng Makagagahom?

Sa dihang maglipay si Job diha sa labawng Makagagahom, makaharong na siya sa pagtan-aw sa Dios.

Job 22:29-30

Unsa man ang himuon sa Dios sa mga mapagarbuhon?

Ipaubos sa Dios ang mapagarbuhon.

Job 23

Job 23:1-2

Unsa man ang giingon ni Job nga mas bug-at pa kaysa sa iyang mga pag-agulo?

Si Job miingon nga ang iyang mga kasakitan mas bug-at pa kaysa sa iyang pag-agulo.

Job 23:3-5

Unsa man ang buhaton ni Job sa atubangan sa Dios kung makita niya siya?

Iyang ihapsay atubangan sa Dios ang iyang kahimtang ug pun-on sa mga pakiglantugi ang iyang baba.

Job 23:6-7

Naghunahuna ba si Job nga makigbatok ang Dios kaniya pinaagi sa kadako sa gahom sa Dios kung moatubang na siya kaniya?

Dili, naghunahuna siya nga ang Dios mamati kaniya.

Job 23:8-9

Sumala sa giingon ni Job unsa man ang gibuhat sa Dios didto sa habagatan?

Miingon si Job nga sa habagatan, gitagoan sa Dios ang iyang kaugalingon aron nga dili siya makita ni Job.

Job 23:10-12

Unsa man ang resulta nga gilaoman ni Job gikan sa pagsulay sa Dios kaniya?

Sa dihang sulayan sa Dios si Job, mogawas siya nga sama sa bulawan.

Unsa man ang gibuhat ni Job sa mga pulong sa baba sa Dios?

Gitipigan ni Job ang mga pulong sa Dios sa iyang kasingkasing.

Job 23:13-14

Unsa man ang gidala sa Dios alang kang Job?

Gidala sa Dios ang iyang mga sugo alang kang Job.

Job 23:15-17

Unsa man ang gibati ni Job sa dihang naghunahuna siya mahitungod sa Dios?

Sa dihang naghunahuna si Job mahitungod kaniya, mahadlok siya kaniya.

Unsay nagtabon sa panagway ni Job?

Ang bagang kangitngit maoy nagtabon sa dagway ni Job.

Job 24

Job 24:1

Unsa man nga panahon ang gihunahuna ni Job nga wala gitakda sa Makagagahom?

Nangutana si Job nganong wala man gitakdang daan sa Makagagahom ang paghukom sa mga tawong daotan.

Job 24:2-4

Unsa man ang gibuhat sa mga makasasala sa mga asno sa mga walay amahan?

Gipapahawa nila ang mga asno sa mga walay amahan.

Job 24:5-7

Unsa man ang gilauman sa mga kabos nga ihatag sa taga Arabah?

Naglaum sila nga tagaan sila sa taga Arabah ug pagkaon alang sa ilang mga anak.

Unsa man ang kulang sa mga kabos panahon sa tingtugnaw?

Wala silay pantabon panahon sa katugnaw.

Job 24:8-10

Alang sa mga kabos, Unsa man ang ilang gidangpan kay wala man silay mapuy-an?

Midangop sila sa usa ka bato tungod kay wala man silay mapoy-an.

Unsa man ang gibuhat sa mga kabos sa uban bisan tuod ug gigutom sila?

Bisan paman ug gigutom sila, gidala gihapon nila ang ubang binugkos sa humay.

Job 24:11-12

Unsa man ang gibuhat sa mga kabos bisan pa ug giuhaw sila?

Ilang gibubo ang pug-ananan sa daotang tawo, apan nag-antos sila sa kauhaw.

Job 24:13-14

Sa unsa man nahisama ang mamumuno panahon sa kagabhion?

Sa panahon kagabhion, ang mga mamumuno sama sa kawatan.

Job 24:15-17

Nganong motago man ang mga daotan panahon sa adlaw?

Kay wala man gitagaan ug pagtagad sa daotan ang kahayag.

Unsang makahahadlok nga butang ang ganahan sa mga tawong daotan?

Ganahan sila sa makahahadlok sa baga nga kangnitngit.

Job 24:18-19

Kinsa man ang lamuyon sa Sheol?

Lamuyon sa Sheol kadtong nakasala.

Job 24:20-21

Kinsa man ang patyon sa mga daotan?

Patyon sa daotan ang babaye nga dili makaanak.

Job 24:22-23

Kinsa man ang birahon sa Dios palayo?

Birahon sa Dios kadtong kusgan pinaagi sa iyang gahom.

Job 24:24-25

Unsa man ang mahitabo sa kusgan sa hamubo lang nga panahon?

Sa hamubo lamang nga panahon, mahanaw ang mga kusgan.

Job 25

Job 25:1-3

Asa man ang Dios nagbuhat ug mando?

Nagbuhat ang Dios ug mando didto sa taas nga dapit sa langit.

Job 25:4-6

Kang kinsa man nangutana si Bildad nga malimpyo ba sila ug dawaton ba kini sa Dios?

Nangutana siya kung ang usa nga gianak sa babaye mahimo bang hinlo ug madawat sa Dios.

Sa unsa man gikumpara ni Bildad ang anak sa tawo?

Miingon siya nga ang anak sa tawo sama sa ulod.

Job 26

Job 26:1-4

Unsa ang gihunahuna ni Job ang mga pulong nga gipanulti ni Bildad?

Gusto ni Job nga masayran kong kinsa ang mitabang kang Bildad sa mga pulong nga iyang gipanulti.

Job 26:5-6

Unsa ang walay tabon diha atubangan sa Dios?

Ang kalaglagan mismo walay tabon atubangan sa Dios.

Job 26:7-8

Asa man bugkosa sa Dios ang mga tubig?

Gibugkos niya ang mga tubig diha sa mabagang mga panganod.

Job 26:9-10

Unsa ang gipakatag sa Dios diha sa panagway sa bulan?

Gitabonan niya ang panagway sa bulan ug gipakatag ang mga panganod niini.

Job 26:11-12

Unsa ang gipahunong sa Dios pinaagi sa iyang gahom?

Gipahunong niya ang dagat pinaagi sa iyang gahom.

Job 26:13-14

Giunsa sa Dios paghawan ang kalangitan sa mga bagyo?

Pinaagi sa iyang gininhawa gihawanan niya ang kalangitan sa bagyo.

Sa unsa nga sukod madungog nato ang tingog sa Dios?

Madungog nato siya apan sa gamay lamang nga hunghong.

Job 27

Job 27:1-3

Unsa ang giingon ni Job nga gikuha sa Dios gikan kaniya?

Gikuha sa Dios ang iyang hustisya.

Job 27:4-5

Unsa ang gisaad ni Job sa iyang mga ngabil nga dili niya isulti?

Misaad si Job nga ang iyang mga ngabil dili magsultig daotan.

Job 27:6-7

Hangtod kanus-a si Job dili sudyaan sa iyang hunahuna?

Ang iyang hunahuna dili magsudya kaniya samtang siya buhi pa.

Job 27:8-10

Unsa ang gisulti ni Job nga himoon sa Dios kong kuhaon na sa Dios ang kinabuhi sa mga tawong dili diosnon?

Sa panahon nga kuhaon na sa Dios ang iyang kinabuhi, kuhaon sa Dios ang iyang kalag.

Job 27:11-12

Unsa ang giingon ni Job nga dili niya tagoan sa Makagagahom?

Nag-ingon si Job nga dili niya tagoan ang hunahuna sa makagagahom.

Job 27:13-14

Unsa man ang dili igong mabatonan sa mga kaliwat sa tawong daotan?

Ang iyang kaliwat dili gayod makabaton ug igong pagkaon

Job 27:15-17

Unsa ang dili buhaton sa biyuda sa tawong daotan alang kaniya?

Ang iyang biyuda dili magbangotan kaniya.

Unsa ang mahitabo sa plata sa mga daotang tawo?

Bahinbahinon sa mga inosente ang mga plata diha kanila.

Job 27:18-19

Unsa ang nakita sa tawong daotan sa dihang gibuka niya ang iyang mga mata human sa iyang paghigda sa kadato?

Sa pagbuka sa iyang mga mata, ang tanan nawala na.

Job 27:20-21

Unsa ang himoon sa sidlakan nga hangin sa dihang dal-on na niya ang daotang tawo palayo?

Ang sidlakan nga hangin magdala kaniya palayo, ug ipadpad siya niini pagawas sa iyang dapit.

Job 27:22-23

Unsa ang gisulayan sa paghimo sa tawong daotan sa dihang ang sidlakang hangin wala moundang?

Misulay siya sa pag-ikyas gikan sa iyang nga kamot.

Job 28

Job 28:1-2

Asa man gikan gitunaw ang bronse?

Ang bronse gitunaw gikan sa bato.

Job 28:3-4

Unsa man ang gipangita sa tawo sa kinalayoang kinutoban?

Pangitaon sa tawo gikan sa kinalayoang kinutoban, ang bato sa dili maklaro nga lugar ug sa baga nga kangitngit.

Asa man abrihan sa tawo ang sigpit nga lungag?

Abrihan niya ang sigpit nga lungag, layo sa gipuy-an sa katawhan.

Job 28:5-6

Unsa may anaa sa abog sa yuta?

Ang abog sa yuta adunay bulawan.

Job 28:7-8

Unsa man ang dili moagi sa dalan sa tawo?

Ang garboso nga mga hayop dili moagi niana nga dalan, ni ang mangtas nga lion moagi didto.

Job 28:9-11

Unsa man ang makita sa tawo diha sa bato nga iyang buakon?

Ang iyang mata makakita sa mahinungdanong mga butang didto.

Job 28:12-14

Asa man dili makita ang kaalam ug panabot?

Kining duha dili makita sa yuta sa mga buhi.

Job 28:15-17

Unsa man ang dili makatandi sa kantidad sa kaalam ug panabot?

Ang bulawan ug kristal dili makatandi niining duha.

Job 28:18-19

Ang kantidad ba sa kaalam mas labaw pa kay sa alahas?

Ang kantidad sa kaalam mas labaw kaysa mga rubi.

Job 28:20-22

Kang kinsa man nga mata gitago ang kaalam?

Ang kaalam gitago gikan sa mga mata sa tanan buhing butang.

Job 28:23-25

Kinsa man ang nasayod sa dapit sa kaalam?

Ang Dios nasayod sa dalan paingon sa kaalam ug sa dapit niini.

Unsa man ang gibutang sa Dios aron sa pagsukod?

Iyahang gibutangan ug utlanan ang tubig pinaagig sukod.

Job 28:26-28

Alang sa unsa man ang gibuhat sa Dios nga balaod?

Nagbuhat siya ug balaod alang sa ulan.

Unsa man ang gisulti sa Dios mahitungod sa kaalam?

Ngadto sa mga tawo ang Dios miingon, "Tan-awa, ang pagkahadlok sa Dios mao ang kaalam."

Job 29

Job 29:1-3

Nahinumdoman ba ni Job pagbalik ang panahon sa dihang giamuma pa siya sa Dios?

Nahinumdoman kadto ni Job sa milabay nga mga bulan sa dihang ang Dios nag-amoma pa kaniya.

Job 29:4-6

Unsa man ang anaa sa tolda ni Job sa panahon nga siya hinog pa?

Gihandom ni Job ang mga hinog nga mga adlaw, sa dihang ang pakighigala sa Dios anaa pa sa iyang tolda.

Unsa man ang gibubo sa bato kay Job kaniadto?

Sa dihang ang Makagagahom kauban pa ni Job, ang bato nagbubo kaniya ug tubod sa lana.

Job 29:7-8

Giunsa man pagpakita sa mga batan-on ang pagtahod nila kang Job sa hawanan sa siyudad?

Sa dihang nakita nila si Job mipadaplin sila gikan kaniya alang sa pagtahod.

Job 29:9-10

Unsa man ang gibuhat sa mga prinsipe kaniadto sa dihang miabot si Job?

Mihunong sila sa pag-istorya sa dihang miabot siya.

Unsa man ang nahitabo sa mga dila sa halangdon nga mga tawo sa dihang miabot si Job?

nipilit ang ilang dila ibabaw sa ilang alingagngag.

Job 29:11-13

Unsa man ang gibuhat sa mga halangdon nga tawo sa dihang nakita nila si Job?

Gitagaan nila si Job ug pagsaksi ug giuyonan nila siya.

Unsa man ang gibuhat ni Job sa kasingkasing sa mga biyuda?

Si Job ang hinungdan nganong nagkanta sa kalipay ang ilang kasingkasing.

Job 29:14-16

Unsa man ang gibuhat ni Job bisan sa mga tawo nga wala niya mailhi?

Iyang gituki ang kaso sa uban bisan wala niya kini nailhan.

Job 29:17-19

Kinsa man ang kuhaon ni Job gikan sa mga ngipon sa mga dili matarong?

Iyang kuhaon ang biktima gikan sa ngipon sa mga dili matarong.

Job 29:20-22

Unsa man ang ginasulti ni Job nga kanunayng bag-o sa iyang kamot?

Ang pana sa iyang kusog kanunayng bag-o sa iyang kamot.

Job 29:23-24

Unsa man ang gihulat sa mga tawo nga mainom nga sama sa ulan nga gikan kay Job?

Ilang giabli ang ila nga baba aron sa pag-inom sa iyang mga pulong sama sa ilang ginabuhat inig ting-ulan

Job 29:25

Sa unsa man gikumpara ni Job ang iyang kaugalingon sa hayaanan?

Nagsulti siya nga sama siya sa usa ka maghuhupay sa mga nagbangotan sa hayaanan.

Job 30

Job 30:1-3

Kinsa man ang nagbiaybiay kang Job?

Kadtong mas bata kang Job mao ang nagbiaybiay kaniya.

Unsay nakapayat sa mga amahan sa mga batan-ong lalaki?

Namayat sila tungod sa kapobrihon ug kagutom.

Job 30:4-6

Asa gikan gipalayas ang mga amahan sa mga batan-ong lalaki?

Ang ilang mga amahan gipalayas gikan sa katawhan.

Job 30:7-8

Kang kinsang kaliwat ang mga amahan sa batan-ong mga lalaki sumala kang Job?

Si Job miingon nga mga kaliwat sila sa mga buangbuang, sa pagkatinuod, sa mga walay pulos nga mga tawo.

Job 30:9-11

Unsa man ang kahimtang ni Job diha sa mga anak sa walay pulos nga mga tawo?

Si Job gihimo nilang kataw-anan sa ilang awit sa pagbiaybiay.

Unsa man ang nawala karon sa mga tawo diha sa atubangan ni Job?

Kining mga tawhana dili na makapugong sa ilang kaugalingon dinhi sa akong atubangan.

Job 30:12-13

Nganong makahimo man ang mga tawo sa paghatag ug katalagman kang Job?

Makahimo sila ug kadaot alang kaniya tungod kay walay bisan usa nga mipugong kanila.

Job 30:14-15

Unsa man ang giingon ni Job nga gipadpad sa hangin?

Ingon nga gipadpad sa hangin ang iyang dungog.

Job 30:16-17

Unsa man ang naggunit kang Job samtang ang iyang kinabuhi gibubo gikan kaniya?

Ang daghang mga adlaw sa pag-antos mao ang nagkupot kaniya.

Job 30:18-19

Kinsay giingon ni Job nga mi kwelyo (o naghugot) kaniya?

Ang dakong kusog sa Dios maoy naglubag sa iyang bisti.

Job 30:20-21

Nganong nakaingon man si Job nga gilutos siya sa Dios ingon nga siya nausab ug nahimong mangtas kaniya?

Ang Dios nausab ug nahimong mangtas kaniya; pinaagi sa gahom sa iyang mga kamot gilutos siya sa Dios.

Job 30:22-23

Unsa man ang nasayran ni Job nga padulngan sa tanang adunay kinabuhi?

Nasayod siya nga ang Dios magdala kaniya sa kamatayon, ngadto sa balay nga mao gayoy padulngan sa tanang may kinabuhi.

Job 30:24-26

Unsay naabot sa dihang si Job nagpaabot sa kahayag?

Sa dihang nagpaabot siya sa kahayag, ang kangitngit hinuon ang naabot.

Job 30:27-29

Asa man mibarog si Job aron mangayog panabang?

Mibarog siya sa panagtigom ug nangayog panabang.

Job 30:30-31

Sa unsang musika ang giingon ni Job nga giangay ang iyang alpa?

Si Job miingon nga ang iyang alpa giangay sa mga alawiton sa pagsubo.

Job 31

Job 31:1-2

Unsa man nga tinguha ni Job ang naggapos sa usa ka kasabotan nga may kalabotan sa iyang mga mata?

Nagbuhat si Job ug kasabotan sa iyang mga mata nga dili na siya motan-aw nga adunay kaibog sa usa ka ulay.

Job 31:3-4

Sumala kang Job, kang kinsa man gitagana ang kalamidad?

Nagtuo si Job kaniadto nga ang kalamidad alang lamang sa mga tawong dili matarong.

Job 31:5-6

Unsa man ang gihangyo ni Job nga buhaton sa Dios aron mahibaloan sa niya ang baroganan ni Job?

Nanghangyo siya nga hukman siya sa Dios sa sakto, aron mahibal-an sa Dios ang iyang baroganan.

Job 31:7-8

Unsa man ang gipangayo ni Job nga mahitabo sa abot kung misimang siya palayo sa husto nga dalan?

Miingon siya nga ibton unta ang ani sa iyang uma.

Job 31:9-10

Unsa man ang ingon ni Job nga kinahanglang ihukom kaniya kung naibog siya sa ubang babaye?

Miingon si Job nga tugotan usab ang iyang asawa ug pagalingon ug trigo alang sa ubang lalaki.

Job 31:11-12

Unsa man nga matang sa kalayo ang giingon ni Job nga nahisama niini nga sala?

Miingon si Job nga usa kini ka kalayo nga molamoy sa tanan alang sa Sheol.

Job 31:13-15

Unsa man ang gihimo sa Dios alang sa mga sulugoon ug kang Job?

Gihimo ug gihulma silang tanan sa Dios sulod sa tagoangkan.

Job 31:16-18

Sumala kang Job, giunsa man niya pagtagad ang ilo sukad pa sa iyang pagkabatan-on?

Miingon siya nga nagdako kaniya ang ilo ingon nga adunay amahan.

Job 31:19-21

Unsa man ang kinahanglan nga ihatag aron mainitan ang nanginahanglan nga walay sinina?

Gipainitan unta sila sa balhibo sa iyang karnero.

Job 31:22-23

Asa man nga bahin sa lawas ni Job ang giingon niya nga kinahanglan tanggalon kung napakyas siya sa pagbaton ug kaluoy?

Miingon si Job nga tanggalon ang iyang abaga gikan sa iyang buko-buko.

Job 31:24-25

Unsa man ang maingon sa mga tawo sa lunlon bulawan?

Moingon sila sa lunsay nga bulawan, 'ikaw ang akong gisaligan."

Job 31:26-28

Kinsa man ang gilimod ni Job kung gisimba niya ang adlaw ug ang bulan?

Kung gisimba niya kini, gilimod unta niya ang Dios sa kahitas-an.

Job 31:29-30

Giunsa man ni Job wala gipakasala ang iyang baba?

Wala gipakasala ni Job ang iyang baba pinaagi sa pagtunglo ug pagpangayo sa kinabuhi niadtong nasilag kaniya.

Job 31:31-32

Unsa man ang kanunay ginabuhat ni Job alang sa mga magpapanaw?

Abli kanunay ang iyang pultahan alang sa mga magpapanaw.

Job 31:33-34

Nganong nakaingon man Job nga gitago sa mga tawo ang ilang mga sala?

Gitago niya ang iyang mga sala pinaagi sa pagsuksok sa iyang pagkasad-an sulod sa iyang kupo.

Job 31:35-37

Unsa man ang gusto maangkon ni Job nga gisulat sa iyang kaaway?

Gitinguha ni Job ang silot nga gisulat sa iyang kaaway.

Unsaon man ni Job pagduol sa iyang kaaway kung anaa na kaniya ang ilang listahan sa silot?

Moadto siya kanila ingon nga usa ka prinsipe nga adunay pagsalig sa kaugalingon.

Job 31:38-40

Kung si Job ang hinungdan sa kamatayon sa tag-iya sa mga yuta, unsa man ang iyang giingon nga motubo imbis nga trigo?

Miingon si Job nga motubo unta ang tunok imbis nga trigo ug sagbot imbis nga sebada.

Job 32

Job 32:1-2

Unsa man ang gibuhat sa tulo ka higala ni Job sa dihang wala nila nakumbinsi si Job nga nakabuhat gayod siyag sayop?

Niundang na sila sa pagtubag kang Job.

Unsa man nga pagbati ang misilaob kang Elihu sa dihang nagpadayon si Job sa pagpakamatarong sa iyang kaugalingon imbis nga ang Dios?

Misilaob ang kasuko ni Elihu batok kang Job.

Job 32:3-5

Nganong misilaob man ang kasuko ni Elihu sa tulo ka higala ni Job?

Nasuko siya pag-ayo sa higala ni Job tungod kay wala sila nakakaplag ug tubag kang Job apan gihukman na dayon nila si Job.

Job 32:6-7

Nganong naulaw ug nahadlok man si Elihu sa pagsulti kang Job ug sa iyang mga higala kung unsa ang iyang panghunahuna?

Batan-on pa si Elihu ug hingkod na ang uban ug mas makatudlo sila ug kaalam.

Job 32:8-10

Kinsa man ang giingon ni Elihu nga nagahatag ug panabot sa tawo?

Ang gininhawa sa Halangdon maoy nagahatag sa tawo ug panabot.

Nganong nagsulti man si Elihu nga kinahanglan maminaw kaniya ang tanan ug tugotan siya sa pagsulti sa iyang kahibalo?

Dili lamang ang tawong bantogan ang maalamon, ug dili lamang ang mga edaran ang nakasabot sa hustisya.

Job 32:11-12

Unsa man ang wala nabuhat sa mga higala ni Job bisan nga naghulat si Elihu kanila sa pagsulti, ug naminaw siya pag-ayo?

Wala nila nakumbinsi si Job o wala sila makatubag sa iyang mga pulong.

Job 32:13-14

Kinsa man ang kinahanglan nga makiglantugi kang Job sa dihang ang tulo ka higala, nga nagtuo nga maalamon sila, kay wala nakabuhat niana?

Ang Dios ang kinahanglan nga makiglantugi kang Job.

Job 32:15-16

Unsa man ang gibuhat ni Elihu tungod kay nahutdan na ug maingon ang tulo niya ka higala ug dili na makatubag kang Job?

Nakadesisyon si Elihu nga dili na siya maghulat pa tungod kay wala namay maingon ang mga higala.

Job 32:17-19

Unsa man ang nakapugos kang Elihu sa pagbutyag sa iyang kahibalo kang Job?

Ang espiritu ang nakapugos kang Elihu sa pagbutyag sa iyang kahibalo.

Unsa man ang giingon ni Elihu nga iyang gibati sa iyang dughan?

Miingon siya nga ang gibati sa iyang dughan kay sama sa bag-ong mga panit sa bino nga kabutohon na.

Job 32:20-22

Unsa man ang giingon ni Elihu nga buhaton kaniya sa iyang Magbubuhat kung mosulti siya ug magpasidungog kang bisan kinsa?

Miingon si Elihu nga kuhaon siya sa Magbubuhat sa dili madugay.

Job 33

Job 33:1-3

Nganong mihangyo man si Elihu nga paminawon ni Job ang mga pulong nga iyang isulti?

Si Elihu mihangyo kang Job nga maminaw kay siya magsulti sa pagkamatarong sa iyang kasingkasing.

Job 33:4-5

Kinsa ang nagbuhat kang Elihu ug kinsa ang naghatag kaniyag kinabuhi?

Ang Espirito sa Dios nabuhat kang Elihu ug ang Makagagahom naghatag kaniyag kinabuhi.

Unsa man ang gihangyo ni Elihu kang Job nga iyang buhaton kong makatubag siya kang Elihu?

Gisultihan niya si Job nga andamon ang iyang mga pulong ug mobarog atubangan ni Elihu.

Job 33:6-7

Unsa ang hinungdan nga gihatag ni Elihu kang Job aron dili siya mahadlok kaniya o mobatig kapintas kang Elihu?

Si Elihu nagpasabot kang Job nga managsama lang sila sa panan-aw sa Dios ug gibuhat gikan sa lapok.

Job 33:8-9

Unsa ang nadungog ni Elihu nga gisulti ni Job?

Nadungog ni Elihu nga nagsulti si Job nga hinlo siya, wala siyay kalapasan, matarong siya ug walay sala diha kaniya.

Job 33:10-12

Kinsa ang gibasol ni Job sa pagpangitag higayon sa pag-ataki kaniya, ug pagtagad kaniya isip kaaway?

Gibasol ni Job ang Dios sa pagbuhat niining mga butanga.

Unsa ang gisulti ni Elihu mahitungod sa Dios sa pagtandi niya sa tawo?

Miingon si Elihu nga ang Dios mas labaw sa tawo.

Job 33:13-15

Nganong miigon man si Elihu nga walay pulos ang pagpakigbatok sa Dios?

Walay tulubagon ang Dios sa tanan nga iyang gihimo.

Giunsa man pagsulti ni Elihu nga ang Dios nakigsulti sa mga tawo?

Ang Dios nakigsulti diha sa damgo ug panan-awon panahon sa kagabhion samtang nangatulog ang mga tawo.

Job 33:16-18

Nganong abrihan man sa Dios ang dalunggan sa mga tawo ug hadlokon sila pinaagi sa paghulga?

Gihimo kini sa Dios aron birahon ang tawo gikan sa daotang mga katuyoan ug paglikay kaniya gikan sa garbo.

Job 33:19-20

Unsa ang gisulti ni Elihu nga hinungdan nga ang tawo mag-antos diha sa iyang higdaanan, sa sakit sa kabukogan, ug dili na maghandom sa pagkaon o mga kalan-on?

Miingon si Elihu nga tungod kay ang tawo gisilotan.

Job 33:21-22

Unsa ang giingon ni Elihu sa tawo nga gisilotan sa Dios?

Ang iyang lawas madunot, ang iyang mga bukog manggawas ug magpaduol pag-ayo ang iyang kalag sa bangag.

Job 33:23-24

Unsa ang isulti sa anghel nga tigpataliwala ngadto sa Dios aron pagluwas sa tawo paingon nadto sa bangag

Ang anghel moingon ngadto sa Dios, "Nakakita akog bayad alang kaniya."

Job 33:25-26

Unsa ang mahitabo sa lawas sa tawo nga naluwas gikan sa pagpaingon ngadto sa bangag?

Ang iyang lawas mamahimong bag-o kay sa bata.

Job 33:27-28

Unsa ang mahitabo sa tawo nga miangkon sa iyang sala ug giluwas sa Dios gikan sa bangag?

Ang kinabuhi sa maong tawo padayong makakita sa kahayag.

Job 33:29-30

Nganong miingon man si Elihu nga giluwas sa Dios ang tawo gikan sa bangag?

Gibuhat kini sa Dios aron ang tawo mahayagan pinaagi sa kahayag sa kinabuhi.

Job 33:31-33

Unsa ang buot itudlo ni Elihu kang Job kong mohatag ug pagtagad si Job ug maminaw kaniya ug magpabilin sa paghilom?

Buot ni Elihu tudloan ug kaalam si Job.

Job 34

Job 34:1-3

Kinsa man ang gusto ni Elihu nga maminaw ug mamati sa iyang mga pulong?

Gusto ni Elihu nga maminaw kaniya kadtong mga maalamong tawo ug kadtong adunay kahibalo.

Job 34:4-6

Unsa man ang gusto ni Elihu nga pilion ug madiskobrehan sa uban alang sa ilang kaugalingon?

Gusto ni Elihu nga ilang pilion unsa man ang matarong ug ilang madiskobrehan kung unsa ang maayo.

Unsa man ang gisulti ni Job bahin sa Dios nga gikuha tanan gikan kaniya bisan paman ug wala siya'y sala ug unsa man ang wala'y kaayohan?

Misulti si Job nga gikuha sa Dios ang iyang katungod.

Job 34:7-9

Kang kinsa nga mga grupo ang giingon ni Elihu ang giubanan ni Job?

Misulti siya nga nakig-uban si Job sa mga tawo nga nagbuhat ug daotan.

Job 34:10-12

Unsa man ang gisulti ni Elihu sa mga tawo nga adunay pagsabot nga dili buhaton sa Dios?

Dili mobuhat ang Dios ug daotan, wala siya makasala, o magbuhat ug malaw-ay nga paghukom.

Job 34:13-15

Unsa man ang gisulti ni Elihu nga mahitabo kung tapukon sa Dios pagbalik ang iyang espiritu ug gininhawa?

Ang tanang mga unod mangawala, ug ang katawhan mobalik sa pagkaabog.

Job 34:16-17

Kinsa man ang gipasabot sa pangutana ni Elihu nga naghulagway sa gihukman ni Job?

Iyang gipasabot nga gihukman ni Job ang Dios nga maoy Matarong ug Gamhanan.

Job 34:18-20

Kinsa man ang giingon ni Elihu nga binuhat pinaagi sa kamot sa Dios?

Ang mga pangulo, kabos ug adunahan, silang tanan binuhat sa kamot sa Dios.

Job 34:21-23

Unsa man ang gisulti ni Elihu nga nakita sa Dios?

Ang gisulti ni Elihu nga nakit-an sa Dios mao ang binuhatan sa tawo ug ang tanan niyang mga lakang.

Job 34:24-25

Unsa man ang gibuhat sa Dios panahon sa kagabhion ngadto sa mga kusgan nga mga tawo nga ang paagi ug binuhatan iyang nang nahibaloan?

Gilabay sila sa Dios panahon sa kagabhion ug nangamatay sila.

Job 34:26-28

Unsa man ang buhaton sa Dios niadtong nagbuhat ug daotan sama sa kriminal ug nagpahilak sa mga pobreng tawo aron moduol kaniya?

Patyon sila sa Dios sa kagabhion ug mangamatay sila.

Job 34:29-30

Kang kinsa man magdumala ang Dios?

Magdumala ang Dios sa tibuok nasod, ug sa matag usa nga binuhat.

Job 34:31-33

Unsa man ang gisugyot ni Elihu nga kinahanglan angkonon ni Job ngadto sa Dios?

Gisugyot ni Elihu nga kinahanglan angkonon ni Job nga siya sad-an ug nakabuhat ug sala, ug dili na niya kini buhaton pa.

Job 34:34-35

Unsa man ang gisulti sa mga tawong adunay pagsabot bahin kay Job?

Nagsulti sila nga si Job nag-istorya nga walay kaalam ug kahibalo.

Job 34:36-37

Unsaman ang gisulti ni Elihu bahin kay Job nga gidungagan niya ang iyang sala tungod kay nagsulti siya nga sama sa usa ka tawong daotan?

Misulti siya nga gidungagan ni Job ug pagsupak ang iyang sala.

Job 35

Job 35:1-3

Giunsa man ni Elihu pagpaila si Job kumpara sa Dios?

Gipaila ni Elihu nga si Job naghunahuna nga siya inosente, ug nga siya mas matarong pa kaysa sa Dios.

Job 35:4-5

Unsa man ang giingon ni Elihu kang Job ug sa iyang mga higala nga ilang hangaron ug tan-awon?

Miingon si Elihu sa ila nga hangad ug tan-awa ang langit.

Job 35:6-8

Unsa man ang epekto ngadto sa uban ang pagkadaotan o pagkamatarong ni Job?

Ang pagkadaotan ni Job mahimong makapasakit ug tawo ug ang iyang pagkamatarong makahimo sa pagbinipisyo sa anak sa uban.

Job 35:9-11

Nganong nangayo man ug tabang ang mga tawo ngadto sa kusgang mga tawo?

Nangayo sila ug tabang tungod sa grabing pagdaogdaog.

Unsa man nga mga butang ang giingon ni Elihu nga mabuhat sa Dios alang sa katawhan bisan ug wala sila misangpit kaniya?

Ang Dios makahatag ug mga alawiton panahon sa kagabhion, makatudlo kanato, ug makahimo kanatong maalamon.

Job 35:12-14

Nganong nakaingon man si Elihu nga ang Dios wala mihatag ug tubag sa dihang ang katawhan misangpit kaniya?

Miingon si Elihu nga ang Dios wala mitubag sa ilang mga pagsangpit tungod sa garbo sa daotang mga tawo.

Unsa man ang dili paminawon sa Dios?

Dili niya paminawon ang mga pagsangpit sa buangbuang.

Job 35:15-16

Unsa man ang gipasangil ni Elihu kang Job sa dihang gibuka ni Job ang iyang baba?

Miingon siya nga giablihan ni Job ang iyang baba sa mga kabuang ug nagtapun-og siyag mga pulong nga walay kaalam.

Job 36

Job 36:1-5

Kang kinsa man giila ni Elihu ang pagkamatarong?

Giila ni Elihu nga ang pagkamatarong iya sa Magbubuhat.

Job 36:6-7

Unsa man ang gibuhat sa Dios ngadto sa mga nag-antos?

Gibuhat niya ang husto alang niadtong mga nag-antos.

Unsa man ang gibuhat sa Dios ngadto sa mga matarong?

Gibutang niya sila sa mga trono sama sa mga hari hangtod sa kahangtoran, ug gituboy sila.

Job 36:8-9

Unsa man ang ipakita sa Dios ngadto sa mga nahigtan sa kadena ug nalit-ag sa pisi sa pag-antos?

Ipakita niya kanila kung unsa ang ilang nabuhat, ang ilang mga sala, ug paunsa sila nagkinabuhi nga garboso.

Job 36:10-12

Unsa man ang mahitabo niadtong namati sa Dios ug misimba kaniya?

Magkinabuhi sila sa matag-adlaw nga haruhay ug ang ilang mga tuig sa pagkakuntento.

Unsa man ang mahitabo niadtong mga tawo nga wala mamati sa Dios?

Mangalaglag sila pinaagi sa espada ug mangamatay tungod kay wala silay kahibalo

Job 36:13-14

Unsa man ang mahitabo sa mga tawo nga dili diosnon nga madumtanon ug wala mosangpit sa Dios aron sa pagpangayog tabang?

Mangamatay sila sa ilang pagkabatan-on ug matapos ang ilang mga kinabuhi diha sa kaulawan.

Job 36:15-16

Nganong nakaingon man si Elihu nga gigamit sa Dios ang mga katalagman ug ang pagdaogdaog?

Ang Dios migamit sa katalagman ug mga pagdaogdaog aron sa pagluwas sa mga gisakit ug aron sa pag-abli sa ilang mga dalunggan.

Unsa ang giingon ni Elihu nga buot buhaton sa Dios ngadto kang Job?

Buot sa Dios nga kuhaon si Job gikan sa iyang kalisdanan ngadto sa lapad nga dapit diin wala nay mga pag-antos.

Job 36:17-18

Unsay nakapuno kang Job?

Napuno siya sa paghukom sa mga daotan.

Unsang mga butang ang posibleng makalimbong kang Job ug mobiya siya sa husto?

Katigayonan ang posibleng makalimbong kang Job ug ang suborno mahimong hinungdan sa iyang pagbiya sa gikan sa husto.

Job 36:19-21

Unsang mga butang ang dili makatabang kang Job pagawas gikan sa kalisdanan?

Ang katigayonan ni Job ug ang iyang kusog dili makatabang kaniya pagawas gikan sa kalisdanan.

Nganong nakaingon man si Elihu nga gisulayan si Job pinaagi sa mga pag-antos?

Gisulayan si Job pinaagi sa mga kalisdanan aron nga mobiya siya sa pagbuhat ug sala.

Job 36:22-24

Unsa man ang dili maingon sa tawo mahitungod sa Dios?

Walay makaingon sa Dios nga siya nakabuhat ug dili matarong.

Job 36:25-26

Unsa man ang anaa sa Dios nga dili maihap?

Dili nato maihap ang kadaghanon sa iyang mga katuigan.

Job 36:27-29

Unsaon man pagpaulan sa Dios?

Kaluson niya ang mga tinulo nga tubig nga hinlo ingon nga ulan gikan sa iyang inalisngaw, nga gibubo sa mga panganod alang sa kaayohan sa katawhan.

Job 36:30-31

Nganong miingon man si Elihu nga ang Dios nagpakatag sa kilat ug gitabonan ang dagat sa kangitngit?

Iyang gipakatag ang kilat sa iyang palibot ug gitabonan ang dagat sa kangitngit aron sa pagpakaon sa katawhan ug sa paghatag kanilag madagayaong pagkaon.

Job 36:32-33

Kinsa ang nag-ingon sa katawhan ug mga baka sa moabotay nga bagyo?

Ang tingog sa boltahi sa kilat nga miigo sa iyahang tumong, maoy nag-ingon sa mga tawo ug sa mga baka sa moabotay nga bagyo.

Job 37

Job 37:1-3

Unsa man ang nakapakurog sa kasingkasing ni Elihu?

Ang kasaba sa tingog sa Dios ug ang tingog sa iyang baba ang nagpakurog sa kasingkasing ni Elihu.

Job 37:4-6

Unsa man ang gisulti sa Dios nga buhaton sa niebe ug sa ulan?

Gisultian niya ang niebe nga mangahulog sa yuta ug ang ulan nga mokusog pag-ayo.

Job 37:7-9

Nganong gipahunong man sa Dios ang tanang tawo sa pagtrabaho?

Gipahunong sila sa Dios aron ilang makita ang iyang mga buhat.

Nganong manago man ang mga mapintas nga mananap ug magpabilin sa ilang lungib?

Manago ug magpabilin sila sa ilang mga lungib tungod sa moabotay nga unos.

Job 37:10-11

Unsa man ang gihatag pinaagi sa gininhawa sa Dios?

Pinaagi sa gininhawa sa Dios gihatag ang ice.

Job 37:12-13

Sa unsa man nga rason nga naghatag ang Dios ug giya sa mga panganod ug nagpabuhat kanila sa bisan unsa niyang sugo?

Gitugotan niya nga mahitabo kining tanan; usahay nahitabo kini aron sa pagpanudlo, usahay alang sa iyang yuta, ug usahay isip mga buhat sa matinud-anong kasabotan.

Job 37:14-17

Unsa man ang buot ni Elihu nga pamalandongan ni Job?

Gusto niya nga pamalandongan ni Job ang kahibulongang mga buhat sa Dios.

Unsa man ang mahitabo kung ipugos sa Dios ang iyang kabubut-on ngadto sa panganod?

Pakidlapon sa Dios ang kilat diha sa mga panganod.

Job 37:18-20

Unsa man nga butang ang gigamit ni Elihu aron ihulagway ang kalangitan?

Misulti siya nga ang kalangitan sama kalig-on sa hinulmang puthaw nga samin.

Nganong misulti man si Elihu nga dili niya ug sa uban mahan-ay ang ilang mga rason atubangan sa Dios?

Dili sila makasulti sa ilang mga rason atubangan sa Dios tungod sa kangitngit sa ilang mga hunahuna.

Job 37:21-22

Nganong dili man makatutok ang mga tawo sa adlaw?

Dili sila makatutok sa adlaw tungod sa kasulaw niini.

Job 37:23-24

Unsa man ang gisulti ni Elihu nga dili buhaton sa Makagagahom ngadto sa iyang katawhan?

Dili niya daogdaogon ang mga tawo.

Kinsa man ang dili panumbalingon sa Makagagahom matod kang Elihu?

Dili panumbalingon sa Makagagahom kadtong nag-ingon sa ilang kaugalingon nga sila maalamon.

Job 38

Job 38:1-5

Asa man gikan namulong si Yahweh ngadto kang Job?

Gitawag ni Yahweh si Job gikan sa mabangis nga unos.

Unsa man ang paagi nga nagdala ang usa ka tawo ug kangitngit sa plano ni Yahweh?

Nagdala si Job ug kangitngit sa mga plano ni Yahweh pinaagi sa mga pulong nga walay kahibalo.

Unsa man ang giingon ni Yahweh nga buhaton ni Job sa dihang magsugod na siya ug pangutana kang Job?

Kinahanglan nga itaod ni Job ang iyang bakos sama sa usa ka lalaki ug tubagon ang mga pangutana ni Yahweh.

Job 38:6-7

Unsa man ang nagdungan ug awit ug naninggit sa kalipay sa dihang gitukod na ni Yahweh ang patukoranan sa kalibotan?

Ang mga bituon sa kabuntagon nanag-awit ug ang tanang anak sa Dios nanaghugyaw sa kalipay sa dihang gitukod na ang patukoranan.

Job 38:8-9

Sa asa man gikumpara ni Yahweh ang pagbuhagay sa dagat human nga nasirad-an kini sa mga pultahan?

Gikumpara sa Dios ang pagbuhagay sa dagat ngadto sa pagpanganak.

Job 38:10-13

Unsa man ang gibutang ni Yahweh aron mahimong timailhan sa utlanan sa dagat aron dili na kini molapas?

Nagbutang si Yahweh ug mga babag ug pultahan aron mahimong timailhan sa utlanan sa dagat.

Job 38:14-18

Sa unsang paagi man nabag-o ang hulagway sa kalibotan sama sa lapok ilalom sa silyo?

Nabag-o ang panagway sa kalibotan aron ang tanan niini maklaro sama sa piniloan sa panapton.

Job 38:19-21

Unsa man ang gisulti ni Yahweh sa pagbiaybiay kang Job sa iyang kakulangon sa pagsabot sa dalan sa pahulayanan sa kahayag ug kangitngit?

Gibiaybiay ni Yahweh si Job sa pagsulti nga sa walay pagduhaduha angay unta nga nakabalo si Job mahitungod niini tungod kay taas naman kaayo ang iyang kinabuhi.

Job 38:22-24

Unsa man ang hinungdan nga nagtipig si Yahweh ug pundohanan alang sa niebe ug sa ice?

Kining mga pundohanan gigahin ni Yahweh alang sa panahon sa kagubot ug alang sa mga adlaw sa pakig-away ug gubat.

Job 38:25-30

Nganong gipaulanan man ni Yahweh ang mga dapit diin walay nagpuyo nga tawo?

Gipaulan niya kini nga mga dapit aron tagboon ang panginahanglan sa mga walay tanom ug mingaw nga mga rehiyon, ug aron ang mga gagmay nga sagbot moturok.

Job 38:31-35

Unsa man ang gisulti ni Yahweh nga buhaton ni Job sa Pleiades ug sa Orion?

Gisultihan niya si Job kung mahugtan ba niya ang kadena sa Pleiades o mausab ang hikot sa Orion.

Job 38:36-38

Unsa man ang mahitabo sa abog ug sa nagtibugol nga lapok kung paulanan kini ni Yahweh?

Mogahi ang yuta ug mosamot ug katibugol ang yuta.

Job 38:39-40

Asa man maghulat ang batan-on nga mga liyon kung maghulat sila sa ilang kan-onon?

Maghupo sila sa ilang mga lungib ug nagtago aron sa pag-atang sa ilang kan-onon.

Job 38:41

Nganong ning barag man ang mga piso sa uwak?

Ningbarag sila tungod sa kakulangon sa pagkaon.

Job 39

Job 39:3-4

Unsa man ang mahitabo sa gagmay nga mga usa sa dihang managko na sila diha sa uma?

Manggawas sila ug dili na mamalik pag-usab.

Job 39:5-6

Asa man gihimo ni Yahweh ang puloy-anan sa mga asno?

Gihimo niya ang iyang puloy-anan sa Arabah, ug iyang balay didto sa parat nga yuta.

Job 39:7-8

Asa man nakakita ug pagkaon ang mga ihalas nga asno?

Naglatagaw siya sa kabukiran isip iyang sibsibanan; didto nangita siya sa tanang lunhaw nga tanom aron kaonon.

Job 39:9-12

Unsa man ang gipangutana ni Yahweh kang Job nga buhaton sa ihalas nga torong baka gamit ang pisi?

Gisultihan niya si Job kung mahimo ba niyang mapadaro sa tudling ang torong baka ug magdaro sa kawalogan alang kaniya nga gamit ang pisi.

Job 39:13-15

Unsa man ang magarbohong giwarawara sa ostrits?

Magarbohong giwarawara sa ostrits ang iyang mga pako.

Unsa man ang gibuhat sa ostrits sa iyang mga itlog?

Gibiyaan lang niya ang iyang mga itlog diha sa yuta, ug gipainitan niya sila diha sa abog.

Job 39:16-18

Nganong wala man nahadlok ang mga ostrits nga makawang lamang ang iyang paghago?

Kay gihikawan man siya sa Dios ug kaalam ug wala siya gihatagan ug panabot.

Unsa ang gisulti ni Yahweh nga gibuhat sa ostrits sa dihang modagan na kini?

Magkatawa lamang siya nga magtamay sa kabayo ug sa nagsakay niini.

Job 39:19-20

Unsa man ang nagpalibot sa liog sa kabayo?

Balahibo ang nagpalibot sa liog sa kabayo.

Job 39:21-23

Unsa man ang reaksyon sa kabayo pagkakita niya sa espada?

Wala siya mitalikod sa espada.

Job 39:24-26

Unsa man ang dili mabuhat sa kabayo sa dihang huypan na ang budyong?

Dili siya magpabilin sa usa lamang ka dapit.

Job 39:27-30

Asa man nagsalag ang agila ug nagbuhat sa iyang puloy-anan?

Naghimo siya sa iyang salag sa habog nga mga dapit, ug sa iyang panimalay sa tumoy sa mga pangpang.

Job 40

Job 40:3-5

Giunsa man pagpakita ni Job nga dili gayod siya takos nga motubag kang Yahweh?

Gitabonan ni Job ang iyang baba sa iyang kamot.

Job 40:6-7

Pinaagi sa unsa ang pagtubag ni Yahweh kang Job?

Gitubag ni Yahweh si Job pinaagi sa kusog nga unos.

Unsa man ang gisulti ni Yahweh kang Job nga buhaton aron sa pagtubag sa mga pangutanan ni Yahweh?

Gisultian niya si Job nga itaod ang iyang bakos sama sa usa ka lalaki.

Job 40:8-9

Nganong misulti man si Yahweh nga gihukman siya ni Job?

Miingon si Yahweh nga gihukman siya ni Job aron maangkon ni Job nga sakto siya.

Job 40:10-11

Unsa man ang gihagit ni Yahweh nga isul-ob ni Job?

Gihagit ni Yahweh si Job nga sul-oban ang iyang kaugalingong himaya, dungog, kadungganan ug kahalangdon.

Job 40:12-14

Unsa man ang gisulti ni Yahweh nga buhaton ni Job sa mga daotan nga tawo?

Gisultihan ni Yahweh si Job nga tamakan sila kung asa sila nagbarog.

Job 40:15-16

Unsa man ang ginakaon sa behemoth?

Nagakaon siya ug sagbot sama sa torong baka.

Job 40:17-18

Asa man nahisama ang ikog sa behemoth?

Sama sa kahoy nga sedro ang iyang ikog.

Job 40:19-21

Kinsa lang man ang makalupig sa behemoth?

Ang Dios lamang, nga nagbuhat kaniya, ang makalupig sa behemoth.

Asa man nagpuyo ang behemoth?

Naghigda siya ilalom sa bulak nga lirio diha sa mga dahon sa kasagbotan sa katubigan.

Job 40:22-24

Unsa man ang gihunahuna sa behemoth sa dihang mibaha ang suba ug miawas ang Jordan?

Dili siya malisang ug masaligon siya.

Job 41

Job 41:1-3

Pinaagi sa unsa man ang gipangutana ni Yahweh ngadto kang Job kung madakpan ba niya ang leviathan?

Gipangutana ni Yahweh si Job kung madakpan ba niya ang leviathan pinaagi sa taga sa isda.

Job 41:4-6

Unsa man ang gipangutana ni Yahweh kang Job kung buhaton ba sa mga mananagat sa leviathan?

Gipangutana niya si Job kung makigbaylo ba ang mga mananagat alang sa leviathan o bahinbahinon siya aron ibaylo ngadto sa mga nagpatigayon.

Job 41:7-9

Unsa man ang mahitabo kung gunitan sa tawo ang leviathan?

Kung adunay mogunit sa leviathan bisan ug makausa lamang, mahinumdoman niya ang gubat ug dili na kini buhaton pag-usab.

Job 41:10-12

Makahimo ba si bisan kinsa nga mobarog atubangan ni Yahweh, sanglit wala may bangis nga makaako sa pagpukaw sa leviathan?

Walay makaako sa pagpukaw sa leviathan, busa walay makahimo sa pagbarog atubangan ni Yahweh.

Job 41:13-15

Giunsa gayod paghulagway ni Yahweh ang baba sa leviathan?

Miingon siya nga mga pultahan kini sa iyang nawong nga gipalibotan sa iyang ngipon, nga makalilisang.

Job 41:16-18

Unsa ka duol ang mga himbis sa likod sa leviathan?

Digkit kaayo nga walay hangin nga makasulod niini.

Giunsa man paghulagway ni Yahweh ang mga mata sa leviathan?

Ang iyang mga mata sama sa tabontabon sa banagbanag sa kabuntagon.

Job 41:19-21

Unsa man ang mogawas sa baba sa leviathan?

Nagagawas gikan sa iyang baba ang nagkalayo nga mga sulo, ug nag-ambak nga siga sa kalayo.

Sama sa unsa man ang aso nga gikan sa bangag sa ilong sa leviathan?

Sama kini sa nagbukal nga kolon diha sa kalayo diin gipaypayan aron moinit pag-ayo.

Job 41:22-24

Sama sa unsa man ang sa kasingkasing sa leviathan?

Ang iyang kasingkasing sama kagahi sa bato nga anaa sa ubos nga bahin sa galingan.

Job 41:25-27

Unsa man ang buhaton sa mga diosdios sa dihang motindog ang leviathan?

Mangahadlok sila ug mangatras.

Unsa man ang mahitabo sa dihang ang espada, bangkaw, udyong, o bisan unsang gipahaitan nga hinagiban ang ihampak ngadto sa leviathan?

Wala kini mahimo ngadto kaniya.

Unsa man ang hunahuna sa leviathan mahitungod sa puthaw ug tumbaga?

Alang kaniya ang puthaw daw usa lamang ka uhay ug ang tumbaga daw usa lamang ka gabok nga kahoy.

Job 41:28-30

Unsa man nga klase sa agi ang ginabilin sa leviathan?

Nagbilin siya ug agi diha sa lapok ingon nga kini usa ka balsa nga panggiok.

Job 41:31-32

Unsa man ang iyang ginabuhat sa kinahiladman?

Gipabula niya ang kinahiladman sama sa nagbukal nga tubig diha sa kolon.

Job 41:33-34

Nganong wala may makatupong sa leviathan dinhi sa kalibotan?

Gimugna siya aron magpuyo nga walay kahadlok.

Job 42

Job 42:1-3

Unsa man ang giila ni Job nga iyang nasulti?

Nagsutli siya ug mga butang nga wala niya masabti, mga butang nga lisod kaayo sabton alang kaniya, diin wala niya mahibaloi.

Job 42:4-6

Giunsa pagtubag ni Job ngadto kang Yahweh human niya kini nakita pinaagi mismo sa iyang mata?

Gitamay ni Job ang iyang kaugalingon ug naghinulsol diha sa abog ug sa mga abo.

Job 42:7-9

Unsa man ang giingon ni Yahweh nga sayop ni Elifaz ug sa iyang duha ka amigo?

Wala sila nagsulti ug hustong mga butang mahitungod kang Yahweh, sama sa gibuhat ni Job.

Unsa man ang giingon ni Yahweh kang Elifaz nga ihatag ingon nga halad?

Giingnan niya si Elifaz nga magdala ug pito ka torong baka ug pito ka torong karnero aron ihalad alang sa ilang kaugalingon ingon nga halad sinunog.

Kang kinsa man nga pag-ampo ang giingon ni Yahweh nga iyang dawaton?

Miingon si Yahweh nga dawaton niya ang pag-ampo ni Job.

Job 42:10-11

Unsa man ang nahitabo human miampo si Job alang sa iyang mga amigo?

Gibalik ni Yahweh ang iyang kabtangan, ug gihatagan siya ug duha ka pilo kaysa iyang gipanag-iyahan kaniadto.

Job 42:12-14

Giunsa man pagpanalangin ni Yahweh si Job sa kataposang gutlo sa iyang kinabuhi?

Gipanalinginan ni Yahweh si Job labaw pa sa unang bahin sa iyang kinabuhi.

Pila pud ka mga anak nga lalaki ug mga anak nga babaye ang gihatag ni Yahweh ngadto kang Job?

May pito siya ka anak nga lalaki ug tulo ka anak nga babaye.

Job 42:15-17

Unsa man ang pinasahi mahitungod sa mga anak nga babaye ni Job?

Walay babaye sa tibuok yuta nga sama kaanyag sa mga anak nga babaye ni Job, ug gihatagan niya sila ug panulondon uban sa ilang mga igsoong lalaki.