John

John 1

John 1:1-3

Unsa man ang anaa sa sinugdan?

Sa sinugdan naa na ang Pulong.

Kinsa man ang kauban sa Pulong?

Ang Pulong uban sa Dios.

Unsa man ang Pulong?

Ang Pulong mao ang Dios

John 1:4-5

Unsa man ang anaa sa Pulong?

Diha kaniya anaa ang kinabuhi.

John 1:6-9

Unsa man ang ngalan sa tawo nga gipadala sa Dios?

Siya ginganlan ug Juan.

John 1:10-13

Nahibaloan ba o nadawat sa kalibotan ang kahayag nga gipamatud-an ni Juan?

Wala nahibaloan sa kalibotan ang kahayag nga gipamatud-an ni Juan ug ang katawhan sa maong kahayag wala nagdawat kaniya.

John 1:14-15

Aduna pa bay ubang tawo nga sama sa Pulong nga gikan sa Amahan?

Wala na! Ang Pulong usa ka pinasahi nga tawo nga gikan sa Dios.

John 1:16-18

Unsa man ang atong nadawat sa pagkabug-os niining usa nga gipamatud-an ni Juan?

gikan sa iyang pagkabug-os kitang tanan nakadawat ug sunod-sunod nga gasa.

John 1:19-21

Unsa man ang pagpaila ni Juan sa iyang kaugalingon sa dihang gipangutana siya sa mga pari ug mga Levita nga gikan sa Jerusalem?

Siya miingon, "Ako usa ka tingog, nga nagsinggit sa kamingawan: 'Andama ang dalan sa Ginoo,' sama sa giingon ni Isaias ang propeta."

John 1:22-28

Unsa man ang pagpaila ni Juan sa iyang kaugalingon sa dihang gipangutana siya sa mga pari ug mga Levita nga gikan sa Jerusalem?

Siya miingon, "Ako usa ka tingog, nga nagsinggit sa kamingawan: 'Andama ang dalan sa Ginoo,' sama sa giingon ni Isaias ang propeta."

John 1:29-31

Unsa man ang giingon ni Juan sa dihang nakita niya nga paduol si Jesus kaniya?

niingon siya, "Tan-awa, ania ang Nating Karnero sa Dios nga mokuha sa sala sa kalibotan!"

John 1:32-34

Unsa ang timaan nga napadayag diha kang Juan nga si Jesus ang Anak sa Dios?

Ang timaan mao nga kung kinsa ang makita ni Juan nga kunsaran sa Espiritu ug magpabilin ngadto kaniya, mao siya ang magbawtismo pinaagi sa Balaang Espiritu.'

John 1:35-36

Unsa man ang gibuhat sa duha ka disipulo ni Juan sa dihang nadungog nila nga gitawag ni Juan si Jesus nga "Nating karnero sa Dios"?

Gisundan nila si Jesus.

John 1:37-39

Unsa man ang gibuhat sa duha ka disipulo ni Juan sa dihang nadunog nila nga gitawag ni Juan si Jesus nga "Nating karnero sa Dios"?

Gisundan nila si Jesus.

John 1:40-48

Unsa man ang ngalan sa duha ka tawo nga nakadungog sa giingon ni Juan unya nisunod kang Jesus?

Ang ngalan sa isa kanila kay Andres.

John 1:49-51

Unsa man ang giingon ni Nataniel mahitungod kang Jesus?

Nitubag si Nataniel, "Rabbi, ikaw ang Anak sa Dios! Ikaw ang Hari sa Israel!".

John 2

John 2:1-10

Kinsa man ang atua sa kasal sa Cana sa Galilea?

Si Jesus, iyang inahan, ug ang iyang mga disipulo, ang atua sa kasal sa Cana sa Galilea.

John 2:11-14

Unsa man ang gibuhat sa mga disipulo ni Jesus sa dihang nakita nila kining milagrosong timaan?

Mituo ang mga disipulo kang Jesus

John 2:15-22

Unsa man ang gibuhat ni Jesus niadtong mga nagabaligya ug niadtong tigbaylo ug mga salapi?

Mihimo siya ug usa ka latos gamit ang mga pisi ug gipahawa niya silang tanan pagawas sa templo, lakip na ang mga karnero ug ang mga baka. Iya usab giyabo ang mga sinsilyo sa mga tigbaylo ug salapi ug gibalintong niya ang ilang mga lamesa.

John 2:23-25

Nganong daghan man ang mituo sa ngalan ni Jesus?

Mituo sila tungod kay ilang nakita ang katingalahang mga timaan nga gihimo ni Jesus.

John 3

John 3:1-2

Kinsa man si Nicodemo?

Si Nicodemo usa ka Pariseo, ug usa ka sakop sa Konseho sa mga Judio

John 3:3-6

Unsa man ang giingon ni Jesus nga nakalibog kang Nicodemo?

Miingon si Jesus kang Nicodemo nga kinahanglan nga matawo pag-usab ang usa ka tawo aron makasulod siya sa gingharian sa Dios.

John 3:7-8

Unsa man ang giingon ni Jesus nga nakapalibog kang Nicodemo?

Miingon si Jesus kang Nicodemo nga kinahanglan nga matawo pag-usab ang usa ka tawo aron makasulod siya sa gingharian sa Dios.

John 3:9-11

Unsa man ang mga pangutana ni Nicodemo nga maoy nakapahibalo kang Jesus nga naglibog siya?

Miingon si Nicodemo, "Unsaon man pagkatawo pag-usab sa usa ka tawo kung siya tigulang na? Dili siya makahimo sa pagsulod sa tagoangkan sa iyang inahan sa ikaduhang higayon ug magpakatawo pag-usab, makahimo ba siya?" Miingon usab si Nicodemo, "Giunsa man pagkahitabo niining mga butanga?"

John 3:12-13

Giunsa man pagbadlong ni Jesus si Nicodemo?

Gibadlong niya si Nicodemo pinaagi sa pag-ingon nga, "Usa ikaw ka magtutudlo sa Israel, apan wala ikaw makasabot niining mga butanga?" Gibadlong usab niya si Nicodemo pinaagi sa pag-ingon, "Kung sultihan ko kamong mga tawo mahitungod sa kalibotanong mga butang unya dili kamo motuo, unsaon man ninyo pagtuo kung sultihan ko kamo sa langitnong mga butang?"

John 3:14-15

Nganong kinahanglan man nga mapataas ang Anak sa Tawo?

Kinahanglan siyang mapataas aron nga ang tanang motuo kaniya makabaton ug kinabuhing walay kataposan.

John 3:16-18

Giunsa man pagpakita sa Dios nga gihigugma niya ang kalibotan?

Gipakita niya ang iyang gugma pinaagi sa paghatag sa iyang bugtong nga anak, aron nga ang tanang motuo kaniya dili mamatay apan makaangkon ug kinabuhing walay kataposan.

John 3:19-36

Nganong pagahukman man ang mga tawo?

Pagahukman ang mga tawo tungod kay miabot man ang kahayag sa kalibotan, apan ang mga tawo nahigugma man sa kangitngit kaysa kahayag tungod kay daotan man ang ilang mga binuhatan.

John 4

John 4:1-5

Kanus-a man mibiya si Jesus sa Judea ug mibalik sa Galilea?

Mibiya si Jesus sa Judea ug mibalik sa Galilea human niya masayri nga ang mga Pariseo nakadungog nga naghimo siya ug namawtismo sa mas daghan pa nga mga disipulo kaysa kang Juan.

John 4:6-8

Diin man mihunong si Jesus sa iyang pagpadulong sa Galilea?

Mihunong siya sa atabay ni Jacob nga nahimutang duol sa lungsod sa Samarianhon nga gitawag ug Sychar.

John 4:9-10

Nganong natingala man ang babaye nga Samarianhon nga nakigsulti si Jesus kaniya?

Natingala siya tungod kay ang mga Judio dili man makighalobilo sa mga Samarianhon.

John 4:11-14

Unsa man nga pamahayag ang gigamit sa babaye sa pagpaila nga wala niya nasabtan ang espirituhanon nga pasabot sa gisulti ni Jesus?

Mitubag ang babaye, "Sir, wala kay timba ug lalom ang atabay . Unya hain ka man gikan nianang buhi nga tubig?"

John 4:15-16

Unsa man ang giingon ni Jesus sa babaye mahitungod sa tubig nga iyang igahatag?

Gisultihan ni Jesus ang babaye nga kadtong moinom sa tubig nga iyang ihatag dili na gayod uhawon pag-usab ug kanang tubiga mahimong tinubdan sa tubig ug motubod ngadto sa kinabuhing walay kataposan.

Nganong gusto man sa babaye kining tubiga nga gitanyag ni Jesus?

Gusto na niya ang tubig aron nga dili na siya uhawon pag-usab ug dili na moadto sa atabay aron sa pagkalos ug tubig.

John 4:17-18

Giunsa man pagtubag sa babaye si Jesus sa dihang gisultihan niya siya nga tawagon ang iyang bana?

Ang babaye misulti kang Jesus nga wala siyay bana.

John 4:19-22

Unsa man ang giingon ni Jesus nga nakapatuo sa babaye nga siya usa ka propeta?

Gisultihan niya siya nga nakabaton siya ug lima ka bana ug ang usa nga gikauban niya karon dili na niya bana.

John 4:23-24

Unsa man ang gisulti ni Jesus sa babaye mahitungod sa matang sa magsisimba nga gipangita sa Amahan?

Gisultihan siya ni Jesus nga ang Dios Espiritu, ug ang mga tawo nga mosimba kaniya kinahanglan nga magasimba sa Dios diha sa espiritu ug sa kamatuoran.

John 4:25-27

Unsa man ang giingon ni Jesus sa babaye nga sa dihang misulti siya kang Jesus nga kung moabot na ang Mesiyas (Cristo), ipadayag niya sa tanang butang kanila?

Gisultihan siya ni Jesus nga siya mao ang Mesiyas (Cristo)

John 4:28-33

Unsa man ang gihimo sa babaye pagkahuman sa iyang pagpakig-istorya ni Jesus?

Gibiyaan sa babaye ang iyang banga, mibalik sa lungsod, ug giingnan ang mga tawo, "Umari kamo, tan-awa ang usa ka tawo nga nagsulti kanako sa tanang butang nga akong gibuhat. Dili mahimo nga mao kini ang Cristo, dili ba?"

John 4:34-38

Unsa man ang giingon ni Jesus nga iyang pagkaon?

Si Jesus miingon kanila, "Ang akong pagkaon mao ang paghimo sa kabubut-on niya nga nagpadala kanako ug aron sa pagtapos sa iyang bulohaton.

John 4:39-45

Unsa man ang duha ka mga butang nga maoy hinungdan nga mituo ang mga Samarianhon kang Jesus niana nga siyudad?

Tungod sa gibalita sa babaye mituo ang kadaghanan sa mga Samarianhon kang Jesus niana nga siyudad . Ug daghan pa ang mituo kang Jesus tungod sa iyang pulong.

Nganong daghan man ang mituo kang Jesus nga mga Samarianhon niana nga siyudad?

Tungod sa gibalita sa babaye maong daghan ang mituo nga mga Samarianhonkang Jesus niana nga siyudad.

John 4:46-47

Kinsa man ang miadto kang Jesus ug unsa ang iyang gusto, human mibiya si Jesus sa Judea ug mibalik sa Galilea?

Miadto kang Jesus ang usa ka opisyal sa harianon nga may anak nga nagsakit, mihangyo siya kaniya nga mokanaog aron ayohon ang iyang anak.

John 4:48-52

Unsa man ang gisulti ni Jesus sa opisyal sa harianon mahitungod sa mga timaan ug mga kahibulongan?

Misulti si Jesus kaniya nga ang mga tawo dili gayod motuo kondili sila makakita sa mga timaan ug mga kahibulongan.

John 4:53-54

Unsa man ang resulta pagkahuman giingnan ang amahan sa nagsakit nga bata nga ang iyang anak nabuhi na ug namaayo na siya gikan sa iyang hilanat sa adlaw nga wala pa ang ika-pito nga takna, sa samang takna nga miingon si Jesus kaniya, "Mabuhi ang imong anak."?

Ang sangpotanan mao nga mituo na ang tibuok panimalay sa opisyal sa harianon.

John 5

John 5:5-6

Didto sa Betesda kinsa man ang gipangutana ni Jesus, "Gusto mo ba nga mamaayo?"

Gipangutana ni Jesus ang usa ka tawo nga nagsakit sulod na sa 38 ka tuig.

John 5:7-8

Unsa man ang tubag sa masakiton nga tawo sa pangutana ni Jesus, "Gusto mo bang mamaayo?"

Mitubag ang masakiton nga tawo, "Sir, wala akoy kauban nga makasakwat kanako sa ligoanan sa dihang ang tubig makutaw na. Sa dihang mosulay ako, aduna nay makauna kanunay kanako."

John 5:9-13

Unsa man ang nahitabo sa dihang miingon si Jesus sa masakiton nga tawo, "Bangon, kuhaa ang imong banig, ug lakaw."?

Dihadiha dayon naulian ang tawo, gikuha niya ang iyang higdaanan, ug nilakaw

Nganong nasuko man ang mga pangulo sa mga Judio sa dihang nakita nila nga naglakaw ang masakiton nga tawo dala ang iyang higdaanan (banig)?

Nakapapungot kini kanila tungod kay mao kini ang Adlaw nga Igpapahulay ug giingnan nila ang tawo nga wala siya gitugotan sa pagbitbit sa iyang banig sa Adlaw nga Igpapahulay.

John 5:14-18

Unsa man ang gisulti ni Jesus ngadto sa tawo nga iyang giayo human siya makaplagi ni Jesus sa sulod sa templo?

Miingon si Jesus kaniya, "Tan-awa, naayo kana! Ayaw na gayod pagpakasala, basin ug hilabihan pa ang mahitabo kanimo."

John 5:19-20

Unsa man ang gibuhat ni Jesus?

Iyang gibuhat kung unsa ang iyang nakita nga gibuhat sa Amahan.

John 5:21-23

Unsa man ang dagkong mga butang nga gipakita sa Amahan sa Anak aron nga ang mga pangulo sa mga Judio mahibulong?

Gibanhaw sa Amahan ang mga patay ug gihatagan sila ug kinabuhi, sama nga ang Anak naghatag usab ug kinabuhi ngadto sa kang bisan kinsa nga buot niya.

John 5:24-25

Unsa man ang mahitabo sa dihang mutuo kamo sa pulong ni Jesus ug mutuo sa Amahan nga nagpadala kaniya?

Siya nga nakadungog sa akong pulong ug nagtuo kaniya nga nagpadala kanako adunay kinabuhing walay kataposan ug dili na pagahukman, tungod kay siya nakalatas na gikan sa kamatayon ngadto sa kinabuhi.

John 5:26-27

Unsa man ang gihatag sa Amahan ngadto sa Anak mahitungod sa kinabuhi?

Ang Amahan naghatag usab ngadto sa Anak ug kinabuhi aron nga aduna siya'y kinabuhi sa iyang kaugalingon.

John 5:28-29

Unsa man ang mahitabo sa dihang ang tanan nga anaa sa lubnganan makadungog sa tingog sa Amahan?

Ug mogawas sila. Kadtong nagbuhat ug maayo ngadto sa pagkabanhaw sa kinabuhi, ug kadtong nagbuhat ug daotan ngadto sa pagkabanhaw sa paghukom.

John 5:30-35

Nganong matarong man ang paghukom ni Jesus?

Ang iyang paghukom matarong tungod kay wala niya pangitaa ang iyang kaugalingon nga kabubut-on apan ang kabubut-on sa Amahan nga nagpadala kaniya.

John 5:36-38

Unsa man nga pagpamatuod nga mas dako pa kaysa kang Juan ang gipamatud-an ni Jesus nga gipadala siya gikan sa Amahan?

Ang mga buluhaton nga ginabuhat ni Jesus ang nagpamatuod nga gikan siya sa Amahan.

John 5:39-44

Nganong nangita man ang Judio nga mga pangulo sa mga kasulatan?

Nangita sila niini tungod kay naghunahuna sila nga diha sa kasulatan aduna silay kinabuhing walay kataposan.

Kinsa man ang gipamatud-an sa mga kasulatan?

Ang mga kasulatan nagpamatuod mahitungod kang Jesus.

John 5:45-47

Kinsa man ang nagsumbong sa Judio nga mga pangulo sa atubangan sa Amahan?

Si Moises mao ang nagsumbong sa Judio nga mga pangulo sa atubangan sa Amahan.

John 6

John 6:1-3

Unsa man ang laing ngalan sa Dagat sa Galilea?

Ang Dagat sa Galilea gitawag usab nga Dagat sa Tiberias.

John 6:4-6

Unsa man ang nakita ni Jesus sa iyang paghangad samtang naglingkod siya sa kilid sa bukid kauban ang iyang mga disipulo?

Nakita niya ang daghan nga panon nga nagpadulong kaniya.

John 6:7-9

Unsa man ang tubag ni Felipe sa pangutana ni Jesus nga, "Asa man kita makapalit ug tinapay aron makakaon sila?

Mitubag si Felipe nga nag-ingon, "Ang 200 ka denario nga kantidad sa tinapay dili paigo alang sa matag-usa bisan pikaspikason pa kini."

John 6:10-12

Pila man ka mga tawo ang atua didtong dapita?

Adunay mga 5,000 ka mga tawo ang atua didto.

John 6:13-18

Pila man ka tinapay ang natigom human sa pagpangaon?

Ang mga tinun-an nakapuno ug dose ka mga bukag gikan sa lima ka tinapay nga sebada; ang mga salin gikan adtong nangaon.

John 6:19-25

Nganong nangahadlok man ang mga disipulo?

Nangahadlok sila kay nakita nila si Jesus nga naglakaw ibabaw sa dagat ug nagpaduol sa bangka.

John 6:26-29

Unsa man ang giingon ni Jesus nga hinungdan sa pagpangita sa panon kaniya?

Miingon si Jesus nga nangita ang panon kaniya dili tungod kay nakakita sila ug mga timaan, apan tungod kay nakakaon sila ug pipila sa mga tinapay nga sebada ug nangabusog sila.

John 6:30-34

Ang panon nangayo ug usa ka timaan kang Jesus nga sama sa manna, ang tinapay nga gikan sa langit, nga gihatag sa ilang mga amahan kanila aron ilang kan-on. Unsa man nga tinapay ang giingon ni Jesus?

Naghisgot si Jesus mahitungod sa tinuod nga tinapay nga gikan sa Dios nga maghatag ug kinabuhi sa kalibotan. Unya miingon si Jesus kanila nga siya ang tinapay sa kinabuhi.

John 6:35-45

Ang panon nangayo ug usa ka timaan kang Jesus nga sama sa manna, ang tinapay nga gikan sa langit, nga gihatag sa ilang mga amahan kanila aron ilang kan-on. Unsa man nga tinapay ang giingon ni Jesus?

Naghisgot si Jesus mahitungod sa tinuod nga tinapay nga gikan sa Dios nga maghatag ug kinabuhi sa kalibotan. Unya miingon si Jesus kanila nga siya ang tinapay sa kinabuhi.

Unsa man ang giingon ni Jesus nga tinapay sa kinabuhi?

Nag-ingon si Jesus nga siya ang tinapay sa kinabuhi.

John 6:46-56

Kinsa man ang nakakita sa Amahan?

Siya lamang nga gikan sa Dios ang nakakita sa Amahan.

John 6:57-59

Nganong nabuhi man si Jesus?

Nabuhi si Jesus tungod sa Amahan.

John 6:60-63

Giunsa man pagtubag sa kadaghanan sa mga tinun-an ni Jesus human nila madungog ang pagtulon-an mahitungod sa pagkaon sa iyang unod ug pag-inom sa iyang dugo?

Sa dihang nadungog sa mga disipulo kining maong pagtulon-an miingon sila, "Kini usa ka lisod nga pagtulon-an; kinsa man ang makadawat niini?" Pagkahuman niini daghan sa iyang mga disipulo ang namiya ug wala na misunod kaniya.

John 6:64-69

Unsa man ang nahibaloan ni Jesus mahitungod sa mga tawo gikan pa sa sinugdan?

Nakahibalo si Jesus gikan pa sa sinugdan kung kinsa ang dili motuo ug kinsa ang magbudhi kaniya.

John 6:70-71

Si kinsa man ang buot ipasabot ni Jesus sa dihang miingon siya nga ang usa sa dose niya ka tinun-an usa ka yawa?

Nagsulti si Jesus mahitungod kang Judas, nga anak ni Simon Iscariote, kay siya man gayod, ang usa sa napulo ug duha ka tinun-an, nga magbudhi kang Jesus.

John 7

John 7:1-2

Nganong dili man gusto ni Jesus nga moadto sa Judea?

Dili siya gusto nga moadto didto tungod kay ang mga Judio gusto nga mopatay kaniya.

John 7:3-9

Nganong ang mga igsoon ni Jesus naghangyo man kaniya nga moadto sa Judea sa Kapistahan sa mga Payagpayag?

Naghangyo sila kaniya nga moadto aron nga makakita ang mga tinun-an ni Jesus sa iyang gipangbuhat ug aron nga ang kalibotan masayod.

John 7:10-11

Kanus-a ug giunsa ni Jesus pagtungas didto sa kapistahan?

Si Jesus mitungas human ang iyang mga igsoon nakalakaw patungas sa kapistahan apan miadto siya sa tago ug dili dayag.

John 7:12-13

Unsa man ang gisulti sa panon sa katawhan mahitungod kang Jesus?

Ang pipila nag-ingon, "Siya usa ka maayong tawo." Ang uban nag-ingon, "Dili, siya ang nagpahisalaag sa panon."

John 7:14-16

Kanus-a mitungas si Jesus ngadto sa templo ug nagsugod sa pagtudlo?

Sa dihang ang kapistahan hapit na matapos, si Jesus mitungas ngadto sa templo ug misugod sa pagtudlo

John 7:17-18

Sumala sa giingon ni Jesus unsa man ang pagkasayod sa usa ka tawo kung ang iyang pagtudlo gikan ba sa Dios, o kung si Jesus nagsulti ba gikan sa iyang kaugalingon?

Miingon si Jesus nga si bisan kinsa nga nagtinguha sa pagbuhat sa kabubut-on sa tawo nga nagpadala kang Jesus, angay siyang masayod bahin sa pagpanudlo ni Jesus, kung kini gikan ba sa Dios o dili.

John 7:19-22

Sumala kang Jesus, kinsa ang naghimo sa balaod?

Miingon si Jesus nga walay usa kaninyo nga naghimo sa balaod.

John 7:23-34

Unsa man ang gihisgotan ni Jesus alang sa pagpang-ayo sa Igpapahulay?

Ang gihisgotan ni Jesus mao kini: Kamo nagatuli sa usa ka tawo sa Igpapahulay aron nga ang balaod ni Moises dili masupak. Unya nganong nangasuko man kamo kanako, tungod ba kay giayo ko nga hingpit ang usa ka tawo sa Adlaw nga Igpapahulay.

John 7:35-38

Ang mga Judio ba nakasabot kung unsa ang buot ipasabot ni Jesus sa dihang siya nag-ingon, "Apan sa makadiyot ako uban kaninyo, ug unya moadto ako kaniya nga nagpadala kanako. Kamo magapangita kanako apan dili kamo makakita kanako; asa ako moadto, dili kamo makahimo sa pag-adto."?

Pinaagi sa ilang mga paghisgotanay sa ilang mga kaugalingon gipakita nila nga wala sila makasabot sa pamahayag ni Jesus.

John 7:39-44

Unsa ang gihisgotan ni Jesus sa dihang siya miingon, "Kung si bisan kinsa nga giuhaw, paduola siya kanako ug mag-inom. Siya nga nagatuo kanako, sama sa giingon sa kasulatan, gikan kaniya modagayday ang mga sapa sa buhing tubig."

Miingon si Jesus bahin niini sa Espiritu, nga niadtong mituo kaniya makadawat.

John 7:45-49

Giunsa pagtubag sa mga kadagkoan ang labaw nga mga pari ug ang mga Pariseo nga nag-ingon kanila, "Nganong wala man ninyo siya dad-a (Jesus)?"

Mitubag ang mga kadagkoan, "Walay tawo nga nakasulti sama niini sukad pa kaniadto."

John 7:50-53

Giunsa pagtubag ni Nicodemo ang mga Pariseo sa dihang ang mga Pariseo nangutana sa mga kadagkoan nga gipadala aron pagdakop kang Jesus, "Nahisalaag ba gihapon kamo? Aduna bay pipila ka mga magmamando nga mituo kaniya, o pipila sa mga Pariseo?"

Miingon siya kanila, 51"Ang balaod nato sa mga Judio wala magtugot kanato nga hukman sa silot ang usa ka tawo sa walay pagpaminaw kaniya. Una, hatagan nato siya ug panahon aron sa pagsulti, ug kinahanglan mahibaw-an nato kung unsa ang iyang nabuhat.

John 8

John 8:7-8

Unsa man ang giingon ni Jesus sa mga manunulat sa balaod ug mga Pariseo human nga ilang gipangutana si Jesus mahitungod sa babaye nga nasakpan nga nanapaw?

Kinsa man kaninyo ang wala gayod makasala, makahimo ka sa paggiya sa kadaghanan aron sa pagsilot kaniya. Makabato kaniya pag-una

John 8:9-16

Unsa man ang gihimo sa katawhan human sa pag-sulti ni Jesus mahitungod kung kinsa ang mauna pagbato sa babaye nga nasakpan nga nanapaw?

Human nakasulti si Jesus kanila mibiya sila tagsa tagsa, sugod sa kinatigulangan ug hangtod sa batan-on.

John 8:17-22

Giunsa pagpanalipod ni Jesus sa iyang saksi ingon nga tinuod?

Miingon si Jesus nga sa ilang balaod kini nahisulat nga ang pagpamatuod sa duha ka tawo tinuod. Unya gisulti niya nga siya ug ang Amahan nga nagpadala kaniya magdala ug saksi mahitungod kang Jesus

John 8:23-30

Unsay gibasihan ni Jesus sa iyang gisulti nga mga Pariseo mamatay sa ilang mga sala?

Si Jesus nagbasi niana nga pamahayag sa iyang kahibalo ngadto kanila, nga sila gikan sa ubos, ug siya gikan sa taas. Sila ania niining kalibotana ug siya wala dinhi sa kalibotan.

John 8:31-33

Sumala sa gisulti ni Jesus, unsaon man pagkahibalo sa mga Judio nga mituo kaniya nga sila tinuod niya nga mga tinun-an?

Masayod sila nga sila ang tinuod nga mga tinun-an ni Jesus pinaagi sa pagpaminaw ug magkinabuhi sa iyang mga pulong.

John 8:34-36

Unsa ang gipasabot ni Jesus sa dihang siya misulti, "....ug kamo masayod sa kamatuoran ug ang kamatuoran makahimo kaninyo nga gawasnon?

Naghisgot si Jesus nga mahimong gawasnon gikan sa pagkaulipon sa sala.

John 8:37-38

Unsa man ang rason, sumala kang Jesus, nga ang mga Judio nagtinguha man sa pagpatay kang Jesus?

Nagsulay sila sa pagpatay kang Jesus tungod sa iyang pulong nga walay dapit kanila.

John 8:39-41

Nganong miingon man si Jesus nga ang mga Judio dili mga anak ni Abraham?

Miingon si Jesus nga sila dili mga anak ni Abraham tungod kay wala sila magbuhat sa mga buluhaton ni Abraham. Hinuon nagsulay sila sa pagpatay kang Jesus.

John 8:42-51

Sa dihang ang mga Judio miingon nga sila adunay usa ka Amahan, ang Dios, giunsa nila pagpahimakak kang Jesus?

Si Jesus miingon kanila, "Kung ang Dios ang inyong Amahan, kinahanglan nga higugmaon ako ninyo, kay ako gikan sa Dios; kay alang niana ako miabot sa akong kaugalingon, apan siya mao ang nagpadala kanako."

John 8:52-59

Nganong ang mga Judio miingon man nga si Jesus adunay demonyo?

Miingon sila: dugay na namatay si Abraham ug ang mga propeta! Apan nagsulti ka nga si bisan kinsa nga magagunit pag-ayo kung unsa ang imong ginatudlo dili gayod mamatay.

Nganong gihunahuna mga sa mga Judio nga dili matuohan ang gisulti ni Jesus mahitungod sa dili pagsinati sa kamatayon?

Naghunahuna sila niini tungod kay sila naghunahuna sa kamatayon sa lawas. Bisan si Abraham ug ang mga propeta nangamatay sa (ilang lawasnong mga lawas).

John 9

John 9:3-5

Unsa man ang hinungdan nganong natawo siya nga buta sumala sa giingon ni Jesus?

Miingon si Jesus nga natawo siya nga buta aron nga mapadayag ang mga buhat sa Dios diha kaniya.

John 9:6-12

Unsa man ang gibuhat ug gisulti ni Jesus sa tawo nga buta?

Miluwa si Jesus sa yuta, naghimog lapok ug gipahid kini sa mga mata sa tawo. Unya miingon si Jesus sa tawo nga moadto sa linaw sa Siloam ug manghilam-os.

John 9:13-15

Unsa man ang gibuhat sa mga katawhan sa buta nga naayo?

Gidala nila ang naayo nga buta ngadto sa mga Pariseo..

John 9:16-18

Unsa ang panagbahin nga miusbaw taliwala sa mga Pariseo?

Pipila sa mga Pariseo miingon nga si Jesus dili gikan sa Dios tungod kay wala niya tipigi ang Adlaw nga Igpapahulay (nang-ayo siya sa Adlaw nga Igpapahulay) ug pipila sa mga Pariseo miingon giunsa sa tawo nga makasasala pagbuhat ang maong mga timaan.

John 9:19-21

Nganong gipatawag man sa mga Pariseo ang mga ginikanan sa maong tawo nga buta kaniadto?

Gipatawag nila ang mga ginikanan sa maong tawo tungod kay ang mga Pariseo wala gihapon motuo sa tawong buta nga naayo.

John 9:22-23

Nganong ang ginikanan sa maong tawo miingon man, "Hamtong na siya. Pangutan-a siya."

Miingon sila niini tungod kay nahadlok sila sa mga Judio. Kay nagkauyon nang daan ang mga Judio nga kung si bisan kinsa ang magaingon nga si Jesus mao si Cristo, kinahanglan nga papahawaon sa sinagoga.

John 9:24-25

Unsa man ang giingon sa mga Pariseo ngadto sa buta nga tawo sa dihang gipatawag nila siya sa ikaduha nga higayon?

Miingon sila, "Panumpa sa Dios nga ikaw nagsulti lamang sa kamatuoran! Nasayod kami nga ang tawo nga nag-ayo kanimo makasasala ug wala niya tumana ang balaod nga gihatag ni Moises kanato."

John 9:26-29

Nganong nakiglalis man ang mga Pariseo sa tawo nga buta kaniadto?

Nakiglalis ang mga Pariseo sa tawo tungod kay miingon siya, "Gisultihan ko na kamong daan, ug wala kamo naminaw! Nganong gusto pa man ninyo kining paminawon pag-usab? Dili ba kamo gusto nga mahimo niyang mga tinun-an, buot ba ninyo?

John 9:30-34

Sa dihang nakiglalis ang mga Pariseo sa tawo, unsa man ang gisulti sa tawong buta kaniadto ngadto sa mga Pariseo?

Miingon ang tawo, "Ngano, talagsaon kini nga mga butang, nga wala kamo masayod kung asa siya (Jesus) gikan, ug giayo niya ang akong mga mata. Nasayod kita nga ang Dios dili maminaw sa mga makasasala, apan kung ang tawo nga magsisimba sa Dios ug motuman sa iyang kabubut-on, maminaw ang Dios kaniya. Sukad sa pagbuhat sa kalibotan wala pa gayoy gidungog nga si bisan kinsa nga nakaayo sa mata sa tawo nga natawong buta. Kung kining tawhana dili gikan sa Dios, wala gayod siyay mabuhat."

John 9:35-41

Unsa man ang gibuhat ni Jesus sa dihang nakadungog siya nga ang buta kaniadto gipapahawa sa sinagoga?

Milakaw ug gipangita ni Jesus ang tawo ug iya kining nakita.

Unsa man ang gisulti ni Jesus sa tawo nga buta sa dihang iya na kining nakita?

Gipangutana ni Jesus ang tawo kung motuo ba siya sa Anak sa Tawo ug gisultihan ang buta nga tawo nga siya si (Jesus) mao ang Anak sa Tawo.

John 10

John 10:1-2

Sumala kang Jesus kinsa ang kawatan ug tulisan?

Siya nga dili moagi sa pultahan paingon sa kulongan, apan mokatkat sa lahing dalan, kanang tawhana kawatan ug tulisan.

John 10:3-4

Nganong mosunod man ang mga karnero sa magbalantay sa dihang motawag siya kanila?

Mosunod ang mga karnero sa magbalantay tungod kay nakaila man sila sa iyang tingog.

John 10:5-6

Mosunod ba ang mga karnero sa mga langyaw?

Dili. Dili gayod mosunod ang karnero sa mga langyaw.

John 10:7-8

Unsa kadtong tanan nga miabot una kang Jesus?

Kadtong tanan nga miabot una kang Jesus mga kawatan ug tulisan, ug wala naminaw ang mga karnero kanila.

John 10:9-10

Miingon si Jesus nga siya mao ang pultahan. Unsa man ang mahitabo niadtong mosulod sa pultahan?

Si bisan kinsa nga mosulod sa kulongan agi sa pultahan ug moadto sa kulongan diin ang mga karnero, luwas siya, makagawas ug makakita siya sa maayong sibsibanan.

John 10:11-16

Unsa ang andam buhaton ni Jesus, ang maayo nga magbalantay, ug unsa ang buot niyang himoon sa mga karnero?

Si Jesus, ang maayo nga magbalantay andam nga motugyan sa iyang kinabuhi alang sa mga karnero.

Unsa ang buhaton sa maayo nga magbalantay, nga si Jesus, alang sa iyang mga karnero?

Si Jesus, ang maayo nga magbalantay, motugyan sa iyang kinabuhi alang sa iyang mga karnero.

John 10:17-18

Nganong ang Amahan nahigugma man kang Jesus?

Nahigugma ang Amahan kang Jesus tungod kay gitugyan ni Jesus ang iyang kinabuhi aron nga iya kining mabawi pag-usab.

John 10:19-24

Unsa man ang gisulti sa mga Judio mahitungod sa mga pulong ni Jesus?

Daghan ang miingon, "Giyawaan siya ug nabuang. Nganong maminaw man kamo kaniya?" Ang uban miingon, "Kini dili mga pulong sa tawo nga giyawaan. Makahimo ba ang usa ka demonyo sa pag-abli sa mga mata sa buta?"

John 10:25-28

Giunsa pagtubag ni Jesus ang mga Judio didto sa portiko ni Solomon?

Miingon si Jesus nga gisultihan na silang daan (nga siya mao ang Cristo) ug wala sila mituo kaniya tungod kay dili niya sila mga karnero.

John 10:29-33

Kinsa man ang naghatag sa mga karnero kang Jesus?

Ang Amahan ang naghatag sa mga karnero kang Jesus.

Aduna bay labaw kaysa sa Amahan?

Ang Amahan labaw kaysa sa tanan.

John 10:34-36

Unsa man ang pagpanalipod ni Jesus sa dihang siya gipasanginlan nga nagpasipala?

Gipanalipdan ni Jesus ang iyang kaugalingon pinaagi sa pagsulti nga, "Kini wala nahisulat sa inyong balaod, 'Ako miingon, "Mga dios kamo'"? Kung nagtawag siya kanila nga mga dios, kung diin maoy gigikanan sa pulong sa Dios (ug ang kasulatan dili maguba), mosulti ba kamo kaniya nga gilahi sa Amahan ug gipadala sa kalibotan, 'Ikaw nagapasipala,' tungod kay ako miingon, 'Ako ang Anak sa Dios'?.

John 10:37-39

Unsa man ang gisulti ni Jesus sa mga Judio nga angay nilang buhaton aron sa pag-ila kung sila angay bang motuo kaniya o dili?

Misulti si Jesus sa mga Judio nga motan-aw sa iyang mga buhat. Kung wala nagbuhat si Jesus sa buluhaton sa iyang Amahan, ayaw pagtuo kaniya. Kung nagbuhat siya sa buluhaton sa iyang Amahan, tuohi siya.

John 10:40-42

Asa man miadto si Jesus human niini nga panghitabo?

Miadto pag-usab si Jesus unahan sa Jordan kung asa una nagabawtismo si Juan.

John 11

John 11:1-7

Kinsa man si Lazaro?

Si Lazaro usa ka tawo nga gikan sa Betania. Ang iyang igsoon si Maria ug Marta. Mao rang Maria ang nagdihog sa Ginoo ug mira ug gitrapohan niya ang tiil ni Jesus sa iyang buhok.

John 11:8-9

Unsa man ang gisulti sa mga disipulo ni Jesus sa dihang gisultihan niya sila nga, "Mamalik kita sa Judea pag-usab?"

Ang mga tinun-an miingon kang Jesus, "Rabbi, sa pagkakaron ang mga Judio magsulay sa pagbato kanimo, ug buot gihapon ka mobalik pag-usab didto?"

John 11:10-11

Unsa man ang gisulti ni Jesus mahitugod sa paglakaw sa adlaw ug sa paglakaw sa kagabhion?

Miingon si Jesus nga kung ang usa magalakaw sa adlaw dili siya mapandol tungod kay makakita siya pinaagi sa kahayag. Apan, kung maglakaw siya sa kagabhion, mapandol siya tungod kay wala kaniya ang kahayag.

Unsa man ang gisulti ni Jesus mahitungod sa paglakaw sa kagabhion?

Kung maglakaw siya sa kagabhion, mapandol siya tungod kay wala kaniya ang kahayag.

John 11:12-14

Sa dihang gisultihan ni Jesus ang mga disipulo nga natulog lang si Lazaro ug moadto siya aron pukawon si Lazaro, unsa man ang gihunahuna sa mga disipulo nga iyang pasabot?

Naghunahuna ang mga tinun-an nga nagpasabot si Jesus sa yanong pagkatulog lang busa miingon sila kang Jesus, "Ginoo, kung natulog lang siya, makamata ra siya."

Sa unsa man nga pamaagi nga naghunahuna ang mga disipulo nga natulog lang si Lazaro?

Naghunahuna ang mga tinun-an nga natulog lang si Lazaro aron sa pagpahulay.

John 11:15-16

Nganong nalipay man si Jesus nga wala siya didto sa dihang namatay si Lazaro?

Miingon si Jesus, "Nalipay ako alang sa inyong kaayohan, nga wala ako didto aron nga kamo motuo.

John 11:17-23

Unsa na kadugayon nga anaa sa lubnganan si Lazaro sa dihang nakaabot si Jesus?

Upat na kaadlaw sa lubnganan si Lazaro.

John 11:24-26

Sa dihang miingon si Jesus kang Marta, "Ang imong igsoon mabuhi ra pag-usab", unsa man ang iyang tubag kang Jesus?

Miingon siya kang Jesus, "Nasayod ako nga mabuhi ra siya pag-usab panahon sa pagkabanhaw sa kataposang adlaw."

John 11:27-32

Unsa man ang testimonyo ni Marta mahitungod kung kinsa si Jesus?

Miingon si Marta kang Jesus, "Oo, Ginoo, nagtuo ako nga ikaw ang Cristo, ang Anak sa Dios, nga moabot sa kalibotan."

John 11:33-35

Unsa man ang hinungdan nganong nag-agulo ang espiritu ni Jesus ug nasubo ug naghilak?

Nag-agulo ang espiritu ni Jesus ug nagsubo ug naghilak human niya nakita si Maria ug ang mga Judio nga naghilak.

John 11:36-40

Unsa man ang nasulti sa mga Judio sa dihang nakita nila nga naghilak si Jesus?

Nagsulti sila nga gihigugma ni Jesus si Lazaro.

John 11:41-44

Unsa man dayon ang gibuhat ni Jesus human nakuha ang bato nga tabon sa langob?

Mihangad si Jesus ug nag-ampo sa kusog ngadto sa iyang Amahan.

John 11:45-50

Unsa man ang tubag sa mga Judio sa dihang nakita nila nga miggawas si Lazaro sa langob?

Daghan sa mga Judio ang nakakita sa gibuhat ni Jesus ug mituo na kaniya, apan ang pipila miadto sa mga Pariseo ug nag-ingon kanila sa mga butang nga gibuhat ni Jesus.

John 11:51-53

Sa panagtigom sa mga pangulong pari ug mga Pariseo, unsa man ang gipanagna ni Caifas?

Miingon si Caifas nga mas maayo alang kanila nga mamatay ang usa ka tawo alang sa katawhan kaysa ang tibuok nasod ang mahanaw.

John 11:54-57

Unsa man ang gibuhat ni Jesus human sa iyang pagbanhaw kang Lazaro?

Wala na nakiglakaw si Jesus taliwala sa mga Judio, apan mibiya siya sa Betania ngadto sa dapit nga duol sa kamingawan sa lungsod nga gitawag ug Ephraim. Mipuyo siya didto uban sa iyang mga tinun-an.

John 12

John 12:1-3

Kanus-a man mibalik si Jesus sa Betania?

Miabot siya sa Betania unom ka adlaw sa wala pa mahitabo ang Pagsaylo.

John 12:4-6

Nganong si Judas Iscariote, usa sa mga disipulo ni Jesus, nagreklamo nga ang pahumot kinahanglan ibaligya ug ang salapi ipanghatag sa kabos?

Miingon si Judas niini, dili tungod kay naluoy siya sa mga kabos, apan tungod kay siya usa ka kawatan: Anaa kaniya ang puntil sa salapi ug kawaton kung unsa ang anaa niini alang sa iyang kaugalingon.

John 12:7-8

Giunsa man pagpanalipod ni Jesus ang pagamit ni Maria ug pahumot nga (nardo)?

Miingon si Jesus, "Tugoti siya sa pagtipig kung unsay anaa kaniya alang sa adlaw sa paglubong kanako. Anaa kaninyo ang mga kabos ug kauban ninyo sa kanunay; apan dili ninyo ako makauban sa kanunay."

John 12:9-13

Nganong ang dakong panon nagtapok man sa Betania?

Miadto sila alang kang Jesus ug aron usab nga makita si Lazaro, nga gibuhi ni Jesus gikan sa mga patay.

John 12:14-15

Unsa nga pagpanagna kaniadto bahin kang Jesus nga natuman ingon nga misulod si Jesus sa siyudad sakay sa usa ka asno?

Ang panagna nga ang Hari sa Zion moabot, nga magsakay sa nating asno.

John 12:16

Unsa man nga mga butang ang wala masabti sa mga disipulo ni Jesus sa unang higayon apan human si Jesus gihimaya ilang nahinumdoman nga sila nakabuhat niini nga mga butang ngadto kaniya?

Ang mga tinun-an nakahinumdom nga kini nahisulat bahin kang Jesus, "Ayaw kahadlok, anak nga babaye sa Sion, tan-awa, ang inyong hari moabot, nga nagsakay sa usa ka nating asno."

John 12:17-22

Nganong ang panon nga anaa sa kapistahan migawas man aron nga makighimamat kang Jesus?

Migawas sila aron nga makighimamat kang Jesus tungod kay ilang nadungog gikan sa mga saksi nga si Jesus gitawag si Lazaro pagawas sa lubnganan ug gibuhi siya gikan sa mga patay.

John 12:23-24

Unsa man ang pasiuna nga gisulti ni Jesus human si Andres ug Felipe misulti kaniya nga ang pipila ka mga Griyego gusto makighimamat kaniya?

Si Jesus mitubag kanila ug miingon, "Ang takna moabot na alang sa anak sa tawo aron himayaon..."

John 12:25-29

Unsa man ang gisulti ni Jesus nga mahitabo sa tawo nga nahigugma sa iyang kinabuhi ug sa tawo nga nagdumot sa iyang kinabuhi niining kalibotana?

Miingon si Jesus nga ang tawo nga nahigugma sa iyang kinabuhi mawad-an niini, apan ang tawo nga nagadumot sa iyang kinabuhi niining kalibotana magpabilin niini sa kinabuhing walay kataposan.

John 12:30-36

Unsa man ang gisulti ni Jesus nga hinungdan sa tingog nga gikan sa langit?

Miingon si Jesus , "Ang tingog dili kini alang sa akong kaayohan, apan alang kaninyo (sa mga Judio) nga kaayohan."

John 12:37-38

Nganong ang katawhan dili man motuo kang Jesus?

Dili sila motuo aron nga ang pulong ni Isaias nga manalagna mahimong matuman, sa iyang giingon: "Ginoo, kinsa ba ang mituo sa among pahayag? Ug kang kinsa ba gipadayag ang bukton sa Ginoo?"

John 12:39-40

Nganong dili man makatuo ang katawhan kang Jesus?

Dili sila makatuo tungod kay sa gikaingon ni Isaias, "Gibutahan niya ang ilang mga mata, ug gipagahi ang ilang mga kasingkasing; kondili, sila makakita ug makasabot sa ilang mga kasingkasing, ug mobalik kanako, ug ako silang ayohon."

John 12:41-43

Nganong gisulti man ni Isaias kining mga butanga?

Giingon niya kining mga butanga tungod kay nakita niya ang himaya ni Jesus.

John 12:44-47

Unsa man ang pamahayag nga gihimo ni Jesus bahin sa iyang kaugalingon ug sa iyang Amahan?

Miingon si Jesus, " Ang tawo nga motuo kanako, motuo dili lamang kanako apan kaniya nga mipadala kanako, ug ang tawo nga makakita kanako, makakita kaniya nga mipadala kanako."

John 12:48-50

Unsa man ang hukom niadtong magsalikway kang Jesus ug dili modawat sa iyang mga pulong?

Ang pulong nga gisulti ni Jesus mao ang mohukom niadtong magsalikway kaniya sa ulahing adlaw.

John 13

John 13:1-2

Hangtod kanus-a man higugmaon ni Jesus ang iyang gipanag-iyahan?

Gihigugma niya kini hangtod sa kataposan sa iyang kinabuhi.

John 13:3-15

Unsa man ang gihatag sa Amahan kang Jesus?

Gihatag sa Amahan ang tanang mga butang kang Jesus.

Asa man gikan ug asa man moadto si Jesus?

Naggikan si Jesus sa Dios ug mobalik sa Dios.

John 13:16-18

Ang sulugoon ba labaw kaysa iyang agalon o ang gipadala labaw ba kaysa nagpadala kaniya?

Ang sulugoon dili labaw sa iyang agalon ug ang gipadala dili labaw sa nagpadala kaniya.

John 13:19-25

Nganong gisultihan man ni Jesus ang iyang mga disipulo, "Dili tanan kaninyo limpyo" ug "Siya nga nagakaon sa akong tinapay mopataas sa iyang tikod batok kanako."?

Gisultihan sila niini ni Jesus sa dili pa kini mahitabo aron nga sa dihang mahitabo na kini magtuo na sila nga siya mao AKO.

John 13:26-30

Giunsa man pagtubag ni Jesus sa dihang nangutana kaniya ang disipulo nga iyang gihigugma kung kinsa ang magbudhi kang Jesus?

Mitubag si Jesus, "Siya mao ang akong tusnoan sa gamay nga tinapay ug ihatag kaniya." Unya gitusno ni Jesus ang tinapay ug gihatag kang Judas, ang anak ni Simon Iscariote.

John 13:31-33

Sa unsa nga pamaagi nga mahimaya ang Dios?

Mahimaya ang Dios pinaagi sa Anak sa Tawo. Sa dihang ang Anak sa Tawo maghimaya sa mahimayaon nga Dios.

John 13:34-38

Unsa man ang bag-o nga sugo nga gihatag ni Jesus sa iyang mga disipulo?

Ang bag-o nga sugo mao nga kinahanglan nila higugmaon ang usag-usa sama sa paghigugma ni Jesus kanila.

John 14

John 14:1-7

Nganong dili man kinahanglan nga masamok ang mga kasingkasing sa mga tinun-an?

Dili kinahanglan nga mabalaka ang ilang mga kasingkasing tungod kay moandam si Jesus ug dapit alang kanila ug mobalik siya pag-usab aron pagdawat kanila aron nga kung asa si Jesus didto usab sila.

John 14:8-9

Unsa man ang gisulti ni Felipe nga angay buhaton ni Jesus nga igo na alang sa mga tinun-an?

Miingon si Felipe kang Jesus, "Ginoo ipakita kanamo ang Amahan, ug kana igo na alang kanamo."

John 14:10-11

Nagasulti ba si Jesus sa mga tinun-an sa iyang kaugalingong pagbuot?

Wala nagasulti si Jesus sa iyang kaugalingong pagbuot, hinuon, ang Amahan nga nagpuyo kaniya mao ang nagapamuhat sa buluhaton sa Amahan.

John 14:12-14

Nganong nakaingon man si Jesus nga makahimo ang mga tinun-an sa pagbuhat sa mas labaw pa nga mga buluhaton kaysa sa iyang nabuhat?

Si Jesus miingon nga makabuhat ang mga tinun-an sa mas labaw pa nga mga buluhaton tungod kay si Jesus moadto na sa Amahan.

John 14:15-20

Unsa man ang giingon ni Jesus nga inyong buhaton kung nahigugma kamo kaniya?

Miingon si Jesus nga tumanon ninyo ang iyang mga kasugoan kung nahigugma kamo kaniya.

John 14:21-27

Unsa man ang mahitabo sa mga tawo nga nagbaton ug nagtuman sa mga kasugoan ni Jesus?

Higugmaon ni Jesus ug sa iyang Amahan kadto nga mga tawo ug ipakita ni Jesus ang iyang kaugalingon niadtong mga tawhana.

John 14:28-29

Nganong kinahanglan nga magmalipayon man ang mga tinun-an sa pagbiya ni Jesus?

Si Jesus miingon nga kinahanglan silang magmalipayon tungod kay moadto na siya sa Amahan ug ang Amahan mas labaw kaysa kaniya.

John 14:30-31

Unsa man ang rason nga gihatag ni Jesus nganong dili na siya makasulti pa ug daghan sa mga tinun-an?

Ang hinungdan nga gihatag ni Jesus kung nganong dili na siya makasulti pa ug daghan ngadto sa mga tinun-an tungod kay ang prinsipe niining kalibotana moabot na.

John 15

John 15:1-2

Kinsa man ang matuod nga punoan sa paras?

Si Jesus ang matuod nga punoan sa paras.

Kinsa man ang matuod nga tig-atiman?

Ang Amahan ang matuod nga tig-atiman sa tanaman.

John 15:3-4

Nganong nahinloan naman ang mga disipulo?

Nahinlo na ang mga disipulo tungod sa mensahe nga gisulti ni Jesus kanila.

John 15:5-7

Kinsa man ang mga sanga?

Kita mao ang mga sanga.

Unsa man ang kinahanglan nato nga buhaton aron makapamunga?

Kinahanglan nato nga magpabilin kang Jesus aron makapamunga.

John 15:8-9

Unsa man ang duha ka mga paagi nga mahimaya ang Amahan?

Mahimaya ang Amahan kung mamunga kita ug daghan ug kung mahimo kitang mga disipulo ni Jesus.

John 15:10-13

Unsa man ang angay natong buhaton aron magpabilin diha sa gugma ni Jesus?

Kinahanglan natong tumanon ang iyang mga sugo.

John 15:14-25

Unsaon man nato pagkahibalo kung mga higala ba kita ni Jesus o dili?

Mga higala kita ni Jesus kung buhaton nato ang mga butang nga iyang gisugo kanato.

John 15:26-27

Kinsa man ang mahimong mga saksi mahitungod kang Jesus?

Ang Maghuhupay nga mao ang Espiritu sa Kamatuoran ug ang mga disipulo ni Jesus ang magasaksi mahitungod kang Jesus.

John 16

John 16:1-2

Nganong gisulti man ni Jesus kining mga butanga ngadto sa mga disipulo?

Gisulti ni Jesus kining mga butanga kanila aron dili sila mapandol.

John 16:3-7

Nganong ipahigawas man sa mga tawo ang mga disipulo gikan sa mga sinagoga ug patyon pa ang uban kanila?

Buhaton nila kini tungod kay wala sila makaila sa Amahan o kang Jesus.

John 16:8-14

Mahitungod sa unsa man ang pagtandog sa Maghuhupay sa kalibotan?

Tandogon sa Maghuhupay ang kalibotan mahitungod sa sala, pagkamatarong ug sa paghukom.

John 16:15-16

Unsa man ang mga butang nga dawaton sa Espiritu sa Kamatuoran nga iya ni Jesus?

Dawaton sa Espiritu sa Kamatuoran ang mga butang nga iya sa Amahan. Ang tanang butang nga iya sa Amahan gipanag-iyahan usab ni Jesus.

John 16:17-21

Unsa man ang mga gipamulong ni Jesus nga wala nasabtan sa mga disipulo?

Wala sila makasabot sa dihang miingon si Jesus, "Sa mubo nga higayon, dili ninyo ako makita apan human sa mubo nga higayon makita ninyo ako pag-usab" ug sa dihang misulti siya, "Tungod moadto ako sa Amahan."

John 16:22-31

Unsa man ang mahitabo nga mahimong hinungdan nga magmaya na usab ang mga disipulo?

Magmaya na usab sila sa dihang makita na nila pag-usab si Jesus.

John 16:32-33

Niana nga takna, unsa man ang giingon ni Jesus nga buhaton sa mga disipulo?

Miingon si Jesus nga magkatibulaag ang mga disipulo. Ang matag-usa ngadto sa ilang tagsa-tagsa ka mga kabtangan ug biyaan nila si Jesus nga mag-inusara.

Kinsa man ang pabiling makig-uban kang Jesus sa dihang ang mga disipulo mobiya na kaniya nga mag-inusara?

Pabiling magauban ang Amahan kang Jesus.

John 17

John 17:3-5

Unsa man ang kinabuhing walay kataposan?

Ang kinabuhing walay kataposan mao ang pag-ila sa Amahan, ang bugtong ug matuod nga Dios, ug siya nga imong gipadala, si Jesu-Cristo.

John 17:6-8

Kinsa man ang padayagan ni Jesus sa ngalan sa Amahan?

Gipadayag ni Jesus ang ngalan sa Amahan ngadto sa mga tawo nga gihatag sa Amahan kang Jesus gikan sa kalibotan.

John 17:9-11

Kinsa man ang giingon ni Jesus nga wala niya giampo?

Miingon si Jesus nga wala niya giampo ang kalibotan.

John 17:12-19

Samtang anaa pa si Jesus sa kalibotan, unsa man ang gibuhat ni Jesus niadtong gihatag sa Amahan kaniya?

Si Jesus nanalipod kanila.

John 17:20-26

Kinsa pa man ang giampo ni Jesus?

Nag-ampo si Jesus niadtong motuo kaniya pinaagi sa pulong niadtong nagsunod kaniya niana nga panahon.

John 18

John 18:1-3

Pagkahuman ni Jesus pagsulti niini nga mga pulonga, asa man siya miadto?

Miadto siya uban ang iyang mga tinun-an sa pikas bahin sa Walog sa Kidron ngadto sa usa ka tanaman ug misulod siya niini.

John 18:4-5

Unsa man ang gipangutana ni Jesus niining pundok sa mga tawo nga anaa sa tanaman?

Nangutana si Jesus kanila, "Kinsa ang inyong gipangita?"

John 18:6-7

Unsa man ang nahitabo sa dihang ang pundok sa mga tawo nangutana nga si Jesus nga Nazaretnon ang ilang gipangita ug siya mitubag nga, "Ako."?

Ang mga sundalo ug ang ilang mga kuyog miatras ug nangatumba sa yuta.

John 18:8-9

Nganong misulti man si Jesus nga, "gisultihan ko na kamo nga ako; busa kung ako ang inyong gipangita, tugoti sila nga makalakaw."?

Misulti si Jesus niini aron matuman ang pulong nga iyang giingon: "Si kinsa kadtong gihatag nimo kanako, walay usa nga nawala kanako."

John 18:10-16

Unsa man ang gisulti ni Jesus kang Pedro human sa iyang pagputol sa dalunggan ni Malcus, ang sulugoon sa labaw nga pari?

Si Jesus miingon kang Pedro, "Ibalik ang imong espada sa sakuban. Ang kupa nga gihatag sa Amahan kanako, dili ba nako kini kinahanglan imnon?"

John 18:17-18

Si kinsa man ang mga nangutana kang Pedro nga siya disipulo ni Jesus o kauban ni Jesus?

Ang babaye nga nagbantay sa pultahan sa hawanan, ang mga tawo nga nagtindog palibot sa nagbaga nga kalayo ug usa sa mga sulugoon sa labaw nga pari, nga paryente sa tawo nga giputlan ug dalunggan ni Pedro, silang tanan nangutana kang Pedro kung kauban ba siya ni Jesus o usa sa tinun-an ni Jesus.

John 18:19-27

Giunsa man pagtubag ni Jesus ang labaw nga pari sa dihang nangutana kini mahitungod sa iyang mga disipulo ug sa iyang pagpanudlo? `

Si Jesus mitubag nga nagtudlo siya sa kalibotan nga dayag. Giingnan niya ang labaw nga pari nga pangutan-on kadtong nakadungog kaniya mahitungod kung unsa ang giingon.

John 18:28-30

Nganong wala man misulod sa Praetorium ang mga tawo nga nagdala kang Jesus?

Wala sila misulod sa Praetorium (kota ni Pilato) aron dili sila mahugawan ug aron makahimo nga makakaon sa Pagsaylo.

John 18:31-32

Nganong gidala man sa mga Judio si Jesus ngadto kang Pilato nga mahimo man unta nga sila lang ang mosilot?

Buot sa mga Judio nga patyon si Jesus ug supak kini sa ilang balaod sa pagpatay sa usa ka tawo nga walay pagtugot sa panggamhanan sa Roma (Pilato).

John 18:33-35

Unsa may gipangutana ni Pilato kang Jesus?

Nangutana si Pilato kang Jesus kung siya usa ka hari sa mga Judio, ug nangutana usab siya kang Jesus kung unsa ang iyang nabuhat.

John 18:36-37

Unsa may giingon ni Jesus kang Pilato mahitungod sa gingharian ni Jesus?

Giingnan ni Jesus si Pilato nga ang iyang gingharian dili kabahin niining kalibotana ug dili dinhi gikan.

John 18:38-40

Unsa man ang hukom ni Pilato kang Jesus human siya nakig-istorya kaniya?

Miingon si Pilato sa mga Judio, "wala akoy nakita nga sala niining tawhana."

John 19

John 19:4-6

Nganong gipagawas man pag-usab ni Pilato si Jesus ngadto sa mga tawo?

Gipagawas ni Pilato si Jesus ngadto sa mga tawo aron nga ilang mahibal-an nga walay nakaplagan nga sayop si Pilato kang Jesus.

John 19:7-11

Unsa man ang gisulti sa mga Judio nga nakapahadlok ug maayo kang Pilato?

Ang mga Judio misulti kang Pilato, "Aduna kamiy balaod, ug sumala sa balaod kinahanglan siyang patyon tungod kay gihimo niya ang iyang kaugalingon nga Anak sa Dios."

John 19:12-16

Bisan gustong buhian ni Pilato si Jesus, unsa man ang gisulti sa mga Judio nga nakapapugong kaniya?

Ang mga Judio naninggit nga nag-ingon, "Kung buhian mo kining tawhana, dili ka na higala ni Cesar: Ang tanan nga naghimo sa iyang kaugalingon isip hari nakigbatok kang Cesar."

John 19:17-18

Asa man nila gilansang si Jesus?

Gilansang nila si Jesus didto sa Golgota nga nagpasabot nga ang dapit sa kalabera.

John 19:19-22

Unsa man ang pulong nga gipasulat ni Pilato nga gibutang sa krus ni Jesus?

Nasulat sa ilhanan ang, "JESUS NGA TAGA-NAZARET, HARI SA MGA JUDIO."

John 19:23-24

Unsa man ang gibuhat sa mga sundalo sa bisti ni Jesus?

Gitunga sa mga sundalo ang bisti ni Jesus sa upat ka bahin, usa ka bahin alang sa kada sundalo. Apan nagripa sila aron makita kung si kinsa ang makakuha sa sinina ni Jesus nga walay tinahian.

Nganong gibuhat man sa mga sundalo ang ilang gibuhat sa bisti ni Jesus?

Nahitabo kini aron nga ang kasulatan matuman nga miingon, "Ilang gibahinbahin ang akong bisti sa ilang kaugalingon; ug nagripa sila sa akong kupo."

John 19:25-27

Kinsa man ang nagtindog duol sa krus ni Jesus?

Ang inahan ni Jesus, ang igsoong babaye sa iyang inahan, si Maria nga asawa ni Cleopas, si Maria Magdalena ug ang disipulo nga hinigugma ni Jesus ang nagtindog duol sa krus ni Jesus.

John 19:28-30

Nganong nagsulti man si Jesus nga, "Giuhaw ako."?

Gisulti kini ni Jesus aron matuman ang kasulatan.

John 19:31-33

Nganong gusto man sa mga Judio nga ipabali kang Pilato ang mga tiil sa mga tawo nga gisilotan?

Tungod kay adlaw kadto sa Pagpangandam, ug aron nga ang mga lawas dili magpabilin sa krus sa adlaw nga Igpapahulay (kay ang adlaw nga Igpapahulay usa ka mahinungdanon nga adlaw), naghangyo ang mga Judio kang Pilato nga balion ang ilang mga tiil ug aron makuha na ang ilang mga lawas.

John 19:34-35

Unsa man ang gibuhat sa mga sundalo kang Jesus human nila makita nga siya patay na?

Giduslak sa usa sa mga sundalo ang kilid ni Jesus gamit ang bangkaw.

John 19:36-37

Nganong wala man mabali ang tiil ni Jesus ug nganong giduslak man ang kilid ni Jesus gamit ang bangkaw?

Kini nga mga butang nahitabo aron matuman ang kasulatan, "Walay usa sa iyang mga bukog ang mabali." Usab, ang laing kasulatan miingon, "Sila magatan-aw kaniya nga ilang giduslak."

John 19:38-39

Si kinsa man ang miadto ug naghangyo nga kuhaon ang lawas ni Jesus?

Si Jose nga taga-Arimatea naghangyo kang Pilato nga kung mahimo iyang kuhaon ang lawas ni Jesus.

John 19:40-42

Unsa man ang gibuhat ni Jose nga taga-Arimatea ug ni Nicodimo sa lawas ni Jesus?

Giputos nila sa lino nga mga panapton nga adunay pahumot. Ug unya gilubong nila ang lawas ni Jesus sa bag-o nga lubnganan nga anaa sa tanaman.

John 20

John 20:1-2

Kanus-a man miadto sa lubnganan si Maria Magdalena?

Miadto siya sa lubnganan sayo sa unang adlaw sa semana.

Unsa man ang nakita ni Maria Magdalena sa pag-abot niya didto sa lubnganan?

Nakita niya nga naligid na ang bato gikan sa lubnganan.

John 20:3-5

Unsa man ang gibuhat nila ni Simon Pedro ug ang lain pang disipulo human nila madungog ang gisulti ni Maria Magdalena?

Nagdungan sila ug panagan padulong sa lubnganan.

John 20:6-7

Unsa man ang nakita ni Simon Pedro sulod sa lubnganan?

Nakita ni Pedro ang panapton nga lino nga nahimutang didto. Ang panapton nga giputos sa iyang ulo wala mahiuban sa panapton nga lino apan gipilo lamang sa iyang dapit.

John 20:8-13

Unsa man ang tubag sa lain pang disipulo sa iyang nakita sulod sa lubnganan?

Nakita niya ug mituo.

John 20:14-15

Sa paglingi ni Maria unsa man ang iyang nakita?

Nakita niya si Jesus nga nagtindog didto, apan wala siya masayod nga si Jesus diay kadto.

John 20:16-18

Kanus-a man nailhan ni Maria si Jesus?

Nailhan niya si Jesus sa pagsulti niya sa iyang ngalan nga, "Maria".

John 20:19-20

Unsa man ang nahitabo sa gabii kung asa ang mga disipulo sa unang adlaw sa semana?

Miabot si Jesus ug mitindog sa ilang taliwala.

John 20:21-23

Unsa man ang gisulti ni Jesus nga iyang buhaton sa iyang mga disipulo?

Nagsulti si Jesus nga iyang ipadala ang iyang mga disipulo sama sa pagpadala sa iyang Amahan kaniya.

John 20:24-25

Kinsa man sa mga disipulo ang wala didto kauban sa ubang disipulo sa pagkakita nila kang Jesus?

Si Tomas nga usa sa napulog duha, nga gitawag ug Didymus, wala mahiuban kanila sa pag-abot ni Jesus.

John 20:26-27

Kanus-a man nakita ni Tomas si Jesus?

Human sa ikawalo ka adlaw nahiuban na si Tomas sa mga disipulo sa pag-abot ni Jesus samtang sirado pa ang mga pultahan, ug mibarog taliwala kanila,

John 20:28-29

Unsa man ang gisulti ni Tomas kang Jesus?

Miingon si Tomas, "Akong Ginoo ug akong Dios."

John 20:30-31

Anaa bay nabuhat nga ubang mga ilahanan si Jesus nga wala mahisulat niini nga basahon?

Oo, daghan pang mga ilhanan ang gibuhat ni Jesus diha sa atubangan sa mga disipulo nga wala gayod nahisulat niining basahona.

John 21

John 21:1-6

Asa man ang mga disipulo sa pagpakita pag-usab ni Jesus sa iyang kaugalingon?

Ang mga disipulo anaa sa Dagat sa Tiberias sa pagpakita pag-usab ni Jesus sa iyang kaugalingon kanila.

John 21:7-9

Unsa man ang gihimo ni Simon Pedro sa pagsulti sa disipulo nga gihigugma ni Jesus, "Ang Ginoo kana."

Gisuot niya ang iyang panggawas nga bisti sa iyang kaugalingon ug milukso sa dagat.

John 21:10-11

Unsa man ang duha ka butang nga gisulti ni Jesus nga buhaton sa mga disipulo?

Si Jesus misulti sa mga disipulo nga magdala ug mga isda nga ilang nadakpan ug unya gisultihan sila nga magpaduol ug mamahaw.

Unsa ang gisulti ni Jesus sa mga disipulo sa pipila ka mga isda nga ilang nadakpan?

Si Jesus niingon kanila sa pagdala ug pipila ka mga isda nga ilang nadakpan.

John 21:12-14

Unsa man ang duha ka butang nga gisulti ni Jesus nga buhaton sa mga disipulo?

Si Jesus misulti sa mga disipulo nga magdala ug mga isda nga ilang nadakpan ug unya gisultihan sila nga magpaduol ug mamahaw.

John 21:15-16

Human sa pamahaw unsa man ang gipangutana ni Jesus kang Simon Pedro?

Usa ka higayon niana si Jesus nangutana kang Simon Pedro kung si Simon nahigugma ba kang Jesus labaw niini, ug sa makaduha si Jesus nangutana kang Pedro, "Gihigugma mo ba ako?"

Giunsa man pagtubag ni Simon Pedro sa matag pangutanan ni Jesus kaniya kung gihigugma ba niya si Jesus?

Sa matag higayon nga mangutana siya si Pedro motubag, "Oo, Ginoo; nasayod ka nga gihigugma ko ikaw."

Sa matag higayon nga motubag si Pedro sa pangutana ni Jesus, 'Gihigugma mo ba ako?" Unsa man ang gisulti ni Jesus nga buhaton ni Pedro?

Ang unang higayon sa pagtubag ni Jesus kang Pedro, "Pakan-a ang akong mga karnero." Ang ikaduhang higayon si Jesus miingon, "Atimana ang akong mga karnero." Ang ikatulong higayon si Jesus miingon kaniya,"Pakan-a ang akong mga karnero."

Human sa pamahaw unsa man ang unang gipangutana ni Jesus kang Simon Pedro?

Nangutana si Jesus kang Simon Pedro kung si Simon ba nahigugma kang Jesus labaw pa niini.

John 21:17-18

Giunsa man pagtubag ni Simon Pedro si Jesus sa ikatulong higayon sa pagpangutana ni Jesus kang Pedro kung gihigugma ba niya si Jesus?

Ang ikatulong higayon nga siya nangutana si Pedro mitubag, "Ginoo, nasayod ka sa tanang butang, nasayod ka usab nga gihigugma ko ikaw."

Ang ikatulong tubag ni Pedro sa pangutana ni Jesus, "Gihigugma mo ba ako?" Unsa ang gisulti ni Jesus nga buhaton ni Pedro?

Ang ikatulong higayon nga gisulti ni Jesus kaniya, "Pakan-a ang akong mga karnero."

John 21:19-21

Nganong gisultihan man ni Jesus si Pedro kung unsa ang mahitabo kang Pedro sa dihang matigulang na siya?

Gisultihan kini ni Jesus aron mapahimangnoan daan si Pedro kung unsang matang sa kamatayon ni Pedro ang makapasidungog sa Dios.

John 21:22-25

Giunsa man pagtubag ni Jesus sa pangutana ni Pedro, "Ginoo, unsa ang pagabuhaton niining tawhana?"

Si Jesus miingon kang Pedro, "Sunod kanako."