2 Corinthians

2 Corinthians 1

2 Corinthians 1:1-2

Kinsa man ang nagsulat niini nga sulat?

Si Pablo ug si Timoteo ang nagsulat sa sulat.

Alang kang kinsa man gisulat ang mga sulat?

Gisulat kini alang sa simbahan sa Dios sa Corinto ug sa tanan nga mga magtutuo sa tibuok rehiyon sa Acaya.

2 Corinthians 1:3-7

Giunsa man paghulagway ni Pablo ang Dios?

Gihulagway ni Pablo ang Dios ingon nga amahan sa atong Ginoong Jesu-Cristo, ang amahan sa mga kaluoy, ug ang Dios sa tanang kahupayan.

2 Corinthians 1:8-10

Unsa man nga kasamok ang nasinatian ni Pablo ug sa iyang mga kaubanan didto sa Asya?

Gibug-atan gayod sila labaw pa sa ilang mahimo, hinukman na sila sa kamatayon nganha kanila.

2 Corinthians 1:11

Giunsa man pagsulti ni Pablo nga ang simbahan sa taga-Corinto makatabang kanila?

Miingon si Pablo nga ang simbahan sa Corinto makahimo sa pagtabang kanila pinaagi sa ilang pag-ampo.

2 Corinthians 1:12-14

Unsa man ang gisulti ni Pablo nga gipasigarbo niya ug sa iyang mga kaubanan?

Mapagarbohon sila sa pagpamatuod sa ilang konsensya, diin gipahigayon nila ang ilang kaugalingon dinhi sa kalibotan—ug ilabi na sa pagpakigsandurot uban sa simbahan sa Corinto—uban sa pagkabalaan ug pagkamatinud-anon nga naggikan sa Dios, dili sumala sa kalibotanon nga kaalam apan pinaagi sa grasya sa Dios.

2 Corinthians 1:15-22

Pila man ka higayon nga naglaraw si Pablo nga moduaw sa mga magtutuo sa Corinto?

Naglaraw siya nga moduaw kanila sa makaduha ka higayon.

2 Corinthians 1:23-24

Nganong wala man miadto si Pablo sa Corinto?

Wala siya miadto sa Corinto aron nga makalingkawas siya kaniya.

2 Corinthians 2

2 Corinthians 2:1-2

Unsa man ang gusto likayan ni Pablo mao nga dili siya moadto sa simbahan sa Corinto?

Si pablo naglikay sa pag-adto sa simbahan sa Corinto samtang aduna pa siyay kasubo kanila.

2 Corinthians 2:3-13

Nganong nagsulat man si Pablo sama sa iyang sulat kaniadto sa simbahan sa Corinto?

Nagsulat siya sama niadto aron nga sa dihang moanha siya kanila dili na siya mapasakitan niadtong magpalipay unta kaniya.

2 Corinthians 2:14-17

Unsa man ang gibuhat sa Dios pinaagi kang Pablo ug sa iyang mga kaubanan?

Pinaagi kang Pablo ug sa iyang mga kaubanan, gipakaylap sa Dios bisan asa ang kahumot sa kahibalo mahitungod kang Cristo.

2 Corinthians 3

2 Corinthians 3:4-6

Unsa man nga pagsalig ang anaa kang Pablo ug sa iyang isigka-magtutuo diha sa Dios pinaagi kang Cristo?

Ang ilang pagsalig wala naggikan sa ilang kaugalingong katakos apan diha sa kahingpitan nga gihatag sa Dios kanila.

2 Corinthians 3:7-8

Nganong dili man makasud-ong dayon ang mga katawhan sa Israel sa dagway ni Moises?

Dili sila makasud-ong dayon sa iyang panagway tungod sa himaya nga anaa sa iyang panagway, ang himaya nga mahanaw.

2 Corinthians 3:9-13

Unsa man ang mas labing himayaon, ang pag-alagad sa silot o ang pag-alagad sa pagkamatarong?

Ang pag-alagad sa pagkamatarong maoy modagaya diha sa himaya.

2 Corinthians 3:14-16

Unsaon man nga maabli ang hunahuna sa mga Isaelita ug mawala ang tabon sa ilang mga kasingkasing?

Sa higayon lamang nga modangop ang mga Israelita ngadto kang Cristo nga Ginoo nga maabli ang ilang mga hunahuna ug mawala ang tabon.

2 Corinthians 3:17-18

Unsa man ang anaa diha sa Espiritu sa Ginoo?

Kung asa ang Espiritu sa Ginoo, anaa ang kagawasan.

2 Corinthians 4

2 Corinthians 4:1-2

Nganong si Pablo ug ang iyang isigka-magtutuo wala man mangaluya?

Wala sila mangaluya tungod kay sa kinasuloran nabag-o sila matag adlaw. Ug usab, sa ilang panahon, ang gaan nga pag-antos maoy nag-andam kanila alang sa walay kataposang himaya nga milabaw sa tanang sukdanan. Sa kataposan, nagbantay sila sa molungtad ug dili makita nga mga butang.

2 Corinthians 4:3-4

Ngadto kang kinsa man natabonan ang ebanghelyo?

Gitabonan kini alang niadtong mangalaglag.

2 Corinthians 4:5-6

Unsa ang gimantala ni Pablo ug sa iyang isigka-magtutuo mahitungod kang Jesus ug mahitungod sa ilang kaugalingon?

Gimantala nila si Cristo Jesus ingon nga Ginoo ug ang ilang kaugalingon ingon nga mga sulugoon sa simbahan sa Corinto alang sa kaayohan ni Jesus.

2 Corinthians 4:7-15

Nganong si Pablo ug ang iyang isigka-magtutuo adunay bahandi sa mga banga nga kolon?

Aduna silay bahandi sa mga banga nga kolon aron nga mapatin-aw kini nga mas hilabihan kadako ang gahom nga iya sa Dios ug dili kanila.

2 Corinthians 4:16-18

Nganong anaa may hinungdan nga magkaluya si Pablo ug ang iyang isigka-magtutuo?

Sila adunay katarungan nga mangaluya tungod kay ang ilang panglawas nag-anam man ug kaluya.

Nganong dili man magmaluya si Pablo ug ang iyang isigka-magtutuo?

Dili sila magmaluya tungod kay ang ilang kinasuloran gibag-o matag adlaw. Usab, sa ilang panahon, ang gaan nga pag-antos maoy nag-andam kanila alang sa walay kataposang himaya nga milabaw sa tanang sukdanan. Sa kataposan, nagbantay sila sa molungtad ug dili makita nga mga butang.

2 Corinthians 5

2 Corinthians 5:1-3

Unsa man ang gisulti ni Pablo nga maangkon gihapon nato bisan kung ang atong kalibotanong pinuy-anan malaglag?

Si Pablo miingon nga kita adunay pinuy-anan nga gikan sa Dios, ang pinuy-anan nga dili binuhat sa tawhanong mga kamot, apan ang walay kataposang pinuy-anan, nga anaa sa langit.

2 Corinthians 5:4-8

Nganong misulti man si Pablo nga samtang kita anaa pa niini nga tolda kita nag-agulo?

Si Pablo misulti niini tungod kay samtang kita anaa pa niining tolda, nabug-atan kita ug buot nga mabistihan kita, aron nga kung unsa ang may kamatayon mahanaw pinaagi sa kinabuhi.

2 Corinthians 5:9-10

Unsa man ang tumong ni Pablo?

Ang tumong ni Pablo mao ang pagpahimuot sa Ginoo.

2 Corinthians 5:11-15

Nganong si Pablo ug ang iyang mga kaubanan nagdani man sa mga tawo?

Gidani nila ang mga tawo tungod kay nasayod sila sa kahadlok sa Ginoo.

2 Corinthians 5:16-19

Nganong misulti man si Pablo nga dili na gayod kita mohukom kang bisan kinsa sumala sa tawhanong sukdanan?

Tungod kini kay si Cristo namatay na alang sa tanan, ug wala na kita nagkinabuhi sa atong mga kaugalingon, apan alang na kang Cristo.

Sa unsang sukdanan nga ang mga balaan dili na gayod mohukom kang bisan kinsa?

Ang mga balaan dili na gayod mohukom kang bisan kinsa sumala sa tawhanong sukdanan.

2 Corinthians 5:20-21

Ingon nga mga pinili nga pinadala ni Cristo, unsa man ang paghangyo ni Pablo ug sa iyang mga kaubanan sa mga taga-Corinto?

Ang ilang mga paghangyo sa mga taga-Corinto nga magpasig-uli sa Dios alang sa kaayohan ni Cristo!.

2 Corinthians 6

2 Corinthians 6:1-3

Unsa man ang gihangyo ni Pablo ug sa iyang mga kaubanan nga dili buhaton sa mga taga-Corinto?

Gihangyo nila ang mga taga-Corinto nga dili dawaton ang grasya sa Dios nga walay kapuslanan lamang.

2 Corinthians 6:4-7

Unsa man ang gipamatud-an sa mga binuhatan ni Pablo ug sa iyang mga kaubanan?

Ang ilang mga binuhatan nagpamatuod nga sila mga sulugoon sa Dios.

Unsa man ang pipila ka mga butang nga gilahutayan ni Pablo ug sa iyang mga kaubanan?

Sila naglahutay sa balatian, sa kasubo, sa kalisdanan, sa pagbunal, sa pagkapriso, sa kagubot, sa pagkugi, sa walay tulog ug sa kagutom.

2 Corinthians 6:8-10

Bisan paman si Pablo ug ang iyang mga kaubanan nagmatinud-anon, sa unsa nga paagi sila gipasanginlan?

Sila gipasanginlan nga mga limbongan.

2 Corinthians 6:11-13

Unsa ang pagbaylo nga gihandom ni Pablo nga himuon sa mga taga-Corinto?

Miingon si Pablo nga abli kaayo ang ilang mga kasingkasing alang sa mga taga-Corinto ug sa makiangayon nga pagbaylo buot ni Pablo nga ablihan usab sa mga taga-Corinto ang ilang mga kasingkasing alang kaniya ug sa iyang mga kaubanan.

2 Corinthians 6:14-16

Unsa man ang katarungan nga gihatag ni Pablo nganong ang mga taga-Corinto nga balaan kinahanglan nga dili magpagapos uban ang dili mga magtutuo?

Gihatag ni Pablo ang mosunod nga mga katarungan: Kay unsa man ang maangkon sa matarong sa pakig-uban sa mga malinapason? Mahimo bang magka-uban ang kahayag ug ang kangitngit? Unsa man ang kasabotan ni Cristo uban kang Beliar? O unsa man ang bahin nga mabatonan sa mga magtutuo uban sa dili magtutuo? Ug anaa bay kasabotan tali sa templo sa Dios ug sa mga diosdios?.

2 Corinthians 6:17-18

Unsa man ang gisulti sa Ginoo nga iyang buhaton niadtong gusto "Gawas na gikan kanila ug paglahi, ug ayaw na paghikap sa mga hugaw nga butang..."?

Miingon ang Ginoo nga dawaton niya sila. Mahimo siya nga ilang Amahan ug mahimo sila nga iyang mga kaanakan.

2 Corinthians 7

2 Corinthians 7:1

Sumala sa gisulti ni Pablo, sa unsa nga paagi kinahanglan nga mahinloan ang atong kaugalingon?

Kinahanglan nga hinloan nato ang atong kaugalingon sa bisan unsa nga nakapahugaw diha sa lawas ug sa espiritu.

2 Corinthians 7:2-7

Unsa man ang gusto nga ipabuhat ni Pablo sa mga kristohanon sa Corinto alang sa iyang kaugalingon ug sa iyang mga kaubanan?

Buot ni Pablo nga sila, "Maghimo ug luna alang kanamo!"

2 Corinthians 7:8-10

Unsa man ang gihimo sa miagi nga sulat ni Pablo ngadto sa mga kristohanon sa Corinto?

Ang mga kristohanon sa Corinto nakasinati ug kagul-anan, Diosnong kasubo isip una nga tubag sa miaging sulat ni Pablo.

2 Corinthians 7:11-12

Unsa man ang gihimo sa diosnong kasubo ngadto sa mga kristohanon sa Corinto?

Ang diosnong kasubo nagdala'g paghinulsol diha kanila ug maisugong magpamatuod nga wala silay sala.

2 Corinthians 7:13-14

Nganong malipayon man si Tito?

Nagmalipayon siya tungod kay ang iyang espiritu nadasig man tungod sa tanang mga kristohanon sa Corinto.

2 Corinthians 7:15-16

Nganong misamot man ang pagbati ni Tito alang sa mga taga-Corinto nga mga kristohanon?

Misamot ang pagbati ni Tito alang sa mga taga-Corinto nga mga kristohanon samtang iyang nahinumdoman ang pagkamatinud-anon sa tanang mga taga-Corinto nga kristohanon sama nga ilang gidawat siya uban ang kahadlok ug pagpangurog.

2 Corinthians 8

2 Corinthians 8:1-5

Unsa man ang buot masayran ni Pablo sa mga kaigsoonan nga taga-Corinto?

Buot ni Pablo nga masayod sila mahitungod sa grasya sa Dios nga gihatag ngadto sa mga kasimbahanan sa Macedonia.

2 Corinthians 8:6-7

Unsa man ang gidasig ni Pablo nga pagabuhaton ni Tito?

Gisultihan ni Pablo si Tito nga tapuson na ang buhat sa grasya diha sa mga kristohanon sa Corinto.

2 Corinthians 8:8-12

Nganong gisultihan man ni Pablo ang mga taga-Corinto nga mga magtutuo nga, "paniguroha usab ninyo nga molambo kamo sa bulohaton sa grasya"?

Gisulti kini ni Pablo aron sa pagpamatuod nga matinud-anon ang ilang gugma pinaagi sa pagtandi niini ngadto sa pagkamatinud-anon sa ubang katawhan.

2 Corinthians 8:13-15

Buot ba ni Pablo nga mahuman kini nga tahas aron nga magaanan ang uban ug mabug-atan ang mga taga-Corinto?

Dili. miingon si Pablo sa mga taga-Corinto nga ang kadagaya sa karon nga panahon magapatagbo kung unsa ang ilang (ang uban nga mga kristohanon) gikinahanglan. Aron usab nga ang ilang kadagaya makapatagbo sa mga gikinahanglan sa taga-Corinto nga mga kristohanon, ug aron nga adunay mahimong kaangayan.

2 Corinthians 8:16-17

Unsa man ang gibuhat ni Tito human gibutang sa Dios ngadto sa iyang kasingkasing ang sama sa mainitong pag-amping nga anaa kang Pablo alang sa mga taga-Corinto?

Gidawat ni Tito ang paghangyo ni Pablo, nga mahimong magmainiton bahin niini, siya miabot ngadto sa mga taga-Corinto nga mga kristohanon alang sa iyang kaugalingon nga kabubut-on.

2 Corinthians 8:18-19

Unsa man ang gibuhat ni Pablo ug sa ubang mga kristohanon aron malikayan ang mga mahimong pagbagolbol ni bisan kinsa sa madagayaong gasa nga ilang gitigom?

Gipadala ni Pablo ug sa ubang mga kristohanon dili lamang si Tito, kondili ang lain usab nga igsoon nga gidayeg sa tanang mga kasimbahanan alang sa iyang mga buluhaton sa pagsangyaw sa ebanghelyo. Kini nga igsoon ug ang ubang nasulayan nga igsoon nagtabang usab sa paghatag ug gasa. (kini ang buhat sa grasya).

2 Corinthians 8:20-24

Unsa man ang giampingang likayan ni Pablo kabahin niining buhat sa pagkamanggihatagon?

Si Pablo maampingon nga naglikay nga magbagolbol si bisan kinsa mahitungod sa iyang mga buhat sa pagkamanggihatagon.

2 Corinthians 9

2 Corinthians 9:1-2

Mahitungod sa unsa ang buot ipasabot ni Pablo sa iyang pag-ingon nga dili na kinahanglan nga mosulat ngadto sa mga balaan o mga magtutuo sa Corinto?

Si Pablo naga-ingon nga dili na kinahanglan nga mosulat pa kanila mahitungod sa buluhaton sa mga balaan o mga Kristohanon.

2 Corinthians 9:3-5

Nganong gipadala man ni Pablo ang mga kaigsoonan ngadto sa Corinto?

Gipadala niya ang mga kaigsoonan aron nga ang iyang pagpasigarbo mahitungod sa mga balaan o mga magtutuong Kristohanon nga taga-Corinto dili makawang lamng, ug aron nga maandam ang mga balaan nga taga-Corinto sumala sa gisulti ni Pablo.

2 Corinthians 9:6-9

Unsay giingon ni Pablo mahitungod sa ilang gipanghatag?

Si Pablo nag-ingon nga ang buot niya nga ipasabot mao kini: "Ang nagpugas ug diyutay magaani usab ug diyutay, ug siya nga madagayaong nagtanom magaani usab nga madagayaon."

2 Corinthians 9:10-15

Unsa man ang buhaton sa tawo nga nagpahinagbo sa binhi alang sa magpupugas ug tinapay nga pagkaon sa mga kristohanon sa Corinto?

Siya mopahinagbo ug mopadaghan sa ilang binhi alang sa pagpugas ug pagpalambo sa ani sa ilang pagkamatarong. Mahimo silang modagaya sa matag paagi aron mahimo silang manggihatagon.

2 Corinthians 10

2 Corinthians 10:5-10

Unsa man ang gahom nga mabuhat sa hinagiban nga gigamit ni Pablo?

Ang gigamit ni Pablo nga hinagiban adunay langitnong gahom nga mopukan sa mga babag o kuta—pagwagtang sa walay kapuslanan nga mga ppakiglalis, ug moguba usab sa matag taas nga butang nga magpataas batok sa kahibalo sa Dios.

2 Corinthians 10:11-12

Unsa man ang gisulti ni Pablo niadtong naghunahuna nga lahi ra siya sa kung makita kaysa sa iyang mga gisulat?

Miingon si Pablo nga kung unsa siya sa iyang sulat sa dihang halayo siya sama ra gihapon ang iyang buhaton sa dihang atua na siya didto uban sa mga taga-Corintong mga kristohanon.

2 Corinthians 10:13-18

Unsa man ang utlanan sa pagpasigarbo ni Pablo?

Miingon si Pablo nga magpasigarbo lamang sila nga magpuyo sa dapit nga gisugo sa Dios kanila, bisan paman makaabot sa gilay-on sa mga taga-Corinto. Miingon si Pablo dili sila magpasigarbo mahitungod sa paghago sa uban, mahitungod sa buluhaton nga nabuhat sa laing dapit.

2 Corinthians 11

2 Corinthians 11:3-6

Unsa man ang gikahadlokan ni Pablo alang sa mga balaan nga taga-Corinto?

Nahadlok si Pablo nga tingali ang ilang mga hunahuna mahisalaag gikan sa tinud-anay ug putli nga paghigugma kang Cristo.

2 Corinthians 11:7-13

Giunsa man pagsangyaw ni Pablo ang ebanghelyo ngadto sa mga taga-Corinto?

Gisangyaw ni Pablo sa mga taga-Corinto ang ebanghelyo nga walay bayad.

2 Corinthians 11:14-15

Giunsa man pagtakoban ni Satanas ang iyang kaugalingon?

Nagtakoban siya ingon nga anghel sa kahayag.

2 Corinthians 11:16-18

Nganong gihangyo man ni Pablo ang mga balaan nga taga-Corinto nga dawaton siya ingon nga usa ka buangbuang?

Naghangyo si Pablo kanila nga dawaton siya ingon nga usa ka buangbuang aron makapasigarbo siya ug diyutay.

2 Corinthians 11:19-21

Si kinsa ba ang ginasulti ni Pablo nga malipayon nga gipailoban sa mga balaan nga taga-Corinto?

Miingon si Pablo nga malipayon silang nagpailob sa mga buangbuang, sa tawo nga nag-ulipon kanila, sa tawo nga maoy hinungdan sa ilang pagkabahinbahin, sa tawo nga nagpahimulos kanila, sa tawo nga mapasigarbuhon, o sa tawo nga nagsagpa kanila.

2 Corinthians 11:22-23

Unsa man ang mga gipasigarbo ni Pablo nga iya mang gitandi ang iyang kaugalingon niadtong mga naninguha nga mahisama kaniya sa kung unsa ang ilang gipasigarbo?

Gipasigarbo ni Pablo nga siya usa ka Hebreohanon, usa ka Israelita ug kaliwat ni Abraham sama niadtong mga nag-angkon nga sila tupong kang Pablo. Miingon si Pablo nga siya mas labaw pa nga alagad ni Cristo kaysa kanila– tungod sa mas lisod nga buluhaton, sa mga pagbunal nga dili maihap, sa pag-atubang sa daghang mga kakuyaw sa kamatayon.

2 Corinthians 11:24-29

Unsa man ang mga kakuyaw nga gilahutayan ni Pablo?

Nadawat ni Pablo ang "40 ka mga lapdos nga gikuhaan ug usa" gikan sa mga Judio. Katulo ka higayon nga gibunalan siya ug sungkod. Adunay usa ka higayon nga gibato siya. Katulo ka higayon nga naunlod ang barko nga iyang gisakyan. Usa ka gabii ug usa ka adlaw nga naglutaw-lutaw siya sa halapad nga dagat. Anaa siya sa kakuyaw diha sa mga suba, sa mga kawatan, sa iyang kaugalingong katawhan, gikan sa mga Gentil. Sa kakuyaw sa sulod sa siyudad, sa kamingawan, sa dagat ug sa kakuyaw gikan sa mini nga mga kaigsoonan. Aduna usab kakuyaw si Pablo gikan sa gobernador sa Damasco.

2 Corinthians 11:30-33

Unsa man ang giingon ni Pablo nga iyang ipasigarbo kung siya magpasigarbo?

Miingon si Pablo nga iyang ipasigarbo kung unsa ang magpakita sa iyang kahuyangon.

2 Corinthians 12

2 Corinthians 12:1-13

Mahitungod sa unsa ang giingon ni Pablo nga iyang ikapasigarbo karon?

Miingon si Pablo nga makapasigarbo pa gayod siya mahitungod sa panan-awon ug mga gipadayag nga gihatag sa Ginoo kaniya.

2 Corinthians 12:14-18

Nganong nagsulti man si Pablo sa mga taga-Corinto nga dili siya mahimong palas-anon kanila?

Nagsulti si Pablo kanila niini aron sa pagpakita kanila nga dili niya gusto kung unsa man ang anaa kanila. Sila mao ang iyang gusto.

2 Corinthians 12:19

Unsa man ang tumong nga gisulti ni Pablo kining tanan nga mga butang sa mga balaan nga mga taga-Corinto?

Gisulti ni Pablo kining mga butanga sa taga-Corinto nga mga balaan aron sa paglig-on kanila.

2 Corinthians 12:20-21

Unsa man ang gihadlokan ni Pablo nga iyang makaplagan sa dihang mobalik na siya sa mga balaan nga taga-Corinto?

Nahadlok si Pablo nga diha kanila makaplagan niya ang panaglantugi, kasina, kasuko, kinaugalingong tinguha, paglinibakay, garbo, kagubot.

2 Corinthians 13

2 Corinthians 13:1-2

Ikapila na ka higayon nga miduaw si Pablo sa mga balaan nga taga-Corinto sa panahon nga gisulat ang 2 Corinto?

Nakaduaw na si Pablo kanila sa ikaduha nga higayon sa dihang gisulat ang 2 Corinto.

2 Corinthians 13:3-4

Nganong gisultihan man ni Pablo ang mga nakasalang mga balaan nga taga-Corinto nga ug ang tanan nga sa dihang mobalik siya dili na niya sila ipalingkawas?

Gisulti kini ni Pablo tungod kay ang mga Balaan sa Corinto nangita ug pagpamatuod nga nakigsulti si Cristo pinaagi kang Pablo.

2 Corinthians 13:5-10

Alang sa unsang hinungdan nga gisultihan man ni Pablo ang mga Balaan nga taga-Corinto nga ilang sutaon ug susihon ang ilang mga kaugalingon?

Gisultihan sila ni Pablo nga ilang sutaon ug susihon ang ilang mga kaugalingon aron makita o mahibaloan kung anaa ba gayod sila sa pagtuo.

2 Corinthians 13:11-14

Sa pagtapos, unsa man ang buot ni Pablo nga buhaton sa mga taga-Corinto?

Buot ni Pablo nga magmaya sila, mamuhat alang sa pagpasig-uli, magsinabtanay sa usag-usa, magpuyo sa kalinaw ug mag-abiabi sa usag-usa uban ang balaang halok.