Mark

Mark 1

Mark 1:4-11

Unsay gianhi ni Juan aron sa pagsangyaw?

Si Juan mianhi sa pagsangyaw sa pagbawtismo sa paghinulsol alang sa kapasayloan sa mga sala.

Mark 1:12-15

Kinsay nagpugos kang Jesus pagawas ngadto sa kamingawan?

Ang Espiritu ang nagpugos kang Jesus pagawas ngadto sa awaaw.

Mark 1:16-18

Unsa man ang trabaho ni Simon, Andres, Santiago, ug Juan?

Si Simon, Andres, Santiago, ug Juan mga mananagat.

Mark 1:19-31

Unsa man ang trabaho ni Simon, Andres, Santiago, ug Juan?

Si Simon, Andres, Santiago, ug Juan mga mananagat.

Mark 1:32-34

Unsay nahitabo sa dihang gabii na?

Sa dihang gabii na, ang mga tawo nagdala ug tanang mga masakiton o mga gisudlan ug demonyo, ug giayo sila ni Jesus

Mark 1:35-37

Unsay gihimo ni Jesus sa wala pa misidlak ang adlaw?

Sa wala pa mosidlak ang adlaw, si Jesus migawas ngadto sa awaaw nga lugar ug nag-ampo didto

Mark 1:38-39

Unsay giingon ni Jesus kang Simon nga iyang gianhi aron buhaton?

Si Jesus miingon nga siya moadto aron sa pagsangyaw ngadto sa palibot nga mga lungsod

Mark 1:40-45

Unsa nga kinaiya ni Jesus ngadto sa sanglahon nga nagpakiluoy kang Jesus aron mamaayo?

Si Jesus naluoy sa sanglahon ug giayo niya kini

Mark 2

Mark 2:1-4

Unsa ang gibuhat sa upat ka mga tawo nga nagdayong sa paralisado nga tawo?

Ang mga tawo gikuha ang atop sa balay ug gipaubos ang paralisado ngadto kang Jesus

Mark 2:5-7

Unsa ang gisulti ni Jesus ngadto sa paralisado nga tawo?

Si Jesus miingon, "Anak, imong mga sala napasaylo na"

Mark 2:8-12

Giunsa ni Jesus pagpakita nga siya adunay katungod sa kalibotan sa pagpasaylo sa mga sala?

Si Jesus miingon sa paralisado nga tawo nga kuhaon ang iyang higdaanan ug mouli sa iyang balay, ug gibuhat kini sa tawo

Mark 2:13-14

Unsa ang gibuhat ni Levi sa dihang gisultihan ni Jesus si Levi sa pagsunod kaniya?

Naglingkod si Levi sa dapit nga bayranan ug buhis sa dihang si Jesus nagtawag kaniya.

Mark 2:15-16

Didto sa balay ni Levi, unsa ang gibuhat ni Jesus nga nakapasuko sa mga Pariseo?

Si Jesus nagkaon kauban ang makasasala nga mga tawo nga tigkolekta ug buhis.

Mark 2:17

Kinsa ang giingon ni Jesus nga mianhi siya aron sa pagtawag?

Si Jesus miingon nga mianhi siya sa pagtawag sa makasasala.

Mark 2:18-19

Unsa ang gipangutana sa pipila ka mga tawo kang Jesus mahitungod sa pagpuasa?

Nangutana sila kang Jesus nganong ang iyang mga tinun-an dili magpuasa samtang ang mga tinun-an ni Juan ug ang mga tinun-an sa mga Pariseo magpuasa.

Mark 2:20-22

Giunsa ni Jesus pagtubag ang pangutana mahitungod sa pagpuasa?

Si Jesus miingon nga samtang ang pamanhunon kauban pa sa mga abay sa kasal dili sila magpuasa, apan sa dihang ang pamanhunon pagakuhaon na, sila magpuasa.

Mark 2:23-24

Unsa ang gibuhat sa mga disipulo ni Jesus sa pipila ka mga kaumahan sa Adlaw nga Igpapahulay nga nakapasuko sa mga Pariseo?

Ang mga tinun-an ni Jesus nangutlo sa lugas ug ilang gikaon sa Adlaw nga Igpapahulay.

Mark 2:25-26

Unsa ang mga panag-ingnan ni Jesus sa usa ka tawo nga nagkinahanglan ug nagkaon sa tinapay nga kasagaran ginadili alang kanila?

Naghatag si Jesus ug panag-ingnan mahitungod kang David sa panahon nga siya nanginahanglan nga mokaon ug pan sa atubangan nga kasagaran gitagana alang sa mga pari.

Mark 2:27-28

Sa giingon ni Jesus, alang kang kinsa gihimo ang adlaw nga igpapahulay?

Si Jesus miingon nga ang Adlaw nga Igpapahulay gihimo alang sa mga tawo.

Mark 3

Mark 3:1-4

Nganong gibantayan man nila si Jesus sa adlaw nga igpapahulay didto sa sinagoga?

Gibantayan nila si Jesus aron makita kung siya moayo sa adlaw nga igpapahulay, aron ila siyang mapasanginlan.

Mark 3:5-6

Giunsa sa mga tawo pagtubag ang pangutana ni Jesus, ug unya unsa nga kinaiya ang gipakita ni Jesus ngadto kanila?

Nahilom ang mga tawo, ug si Jesus nasuko ngadto kanila.

Mark 3:7-8

Unsa kadaghan ang mga tawo nga misunod kang Jesus sa iyang pag-adto sa dagat?

Ang dakong pundok misunod kang Jesus

Mark 3:9-10

Unsa kadaghan ang mga tawo nga misunod kang Jesus sa iyang pag-adto sa dagat?

Ang dakong pundok misunod kang Jesus

Mark 3:11-22

Unsa ang gisinggit sa mga demonyo sa pagkakita nila kang Jesus?

Misinggit ang mga demonyo nga si Jesus mao ang Anak sa Dios.

Mark 3:23-25

Unsa man ang tubag ni Jesus sa sumbong sa mga manunulat?

Mitubag si Jesus nga walay gingharian nga nabahin sa iyang kaugalingon ang mahimong makatindog.

Mark 3:26-27

Unsa man ang tubag ni Jesus sa sumbong sa mga manunulat sa balaod?

Mitubag si Jesus nga walay gingharian nga nabahin ang iyang kaugalingon ang mahimong makatindog.

Mark 3:28-32

Unsa man ang sala nga giingon ni Jesus nga dili gayod mapasaylo?

Miingon si Jesus nga ang pagpasipala batok sa Balaang Espiritu dili gayod mapasaylo.

Mark 3:33-35

Kinsa ang giingon ni Jesus nga iyang inahan ug iyang mga igsoon nga lalaki?

Miingon si Jesus nga ang iyang inahan ug iyang mga igsoon mao kadtong nagbuhat sa kabubut-on sa Dios.

Mark 4

Mark 4:1-5

Nganong misakay man si Jesus ngadto sa usa ka balangay aron magtudlo?

Si Jesus misakay sa usa ka balangay aron sa pagtudlo tungod kay ang usa ka dakong panon nagtapok palibot kaniya

Mark 4:6-7

Unsa ang nahitabo sa mga liso nga napugas sa batoon nga yuta?

Sila nanalinsing, apan nangalaya tungod kay wala silay mga gamot

Mark 4:8-15

Unsa ang nahitabo sa mga liso nga napugas sa maayong yuta?

Ang mga liso mihatag ug lugas, ang uban nakahatag ug 30, 60, ug ang pipila 100 ka pilo sumala sa natanom

Mark 4:16-17

Unsa ang girepresentar sa liso nga napugas sa batoon nga yuta?

Nagrepresentar kini sa mga nakadungog sa pulong inubanan sa kalipay, apan sa dihang miabot ang paglutos sila nadagma

Mark 4:18-25

Unsa ang girepresentar sa liso nga napugas taliwala sa mga tunokong mga tanom?

Nagrepresentar kini sa mga nakadungog sa pulong, apan ang kahangawa sa kalibotan naglumos sa pulong

Mark 4:26-29

Sa unsang paagi nga ang gingharian sa Dios sama sa usa ka tawo nga nagsabwag ug mga liso ibabaw sa yuta?

Ang tawo nagsabwag sa liso, ug kini mitubo, apan siya wala masayod kung giunsa, unya sa dihang ang ani hinog na siya nagtigom niini

Mark 4:30-34

Sa unsang paagi nga ang gingharian sa Dios sama sa usa ka liso sa mustasa?

Ang liso sa mustasa nagsugod ingon nga pinakagamay sa mga liso, apan motubo kini ngadto sa usa ka dako nga tanom diin dagha ang maghimo sa ilang mga salag

Mark 4:35-37

Unsay nahitabo sa mga disipulo ug ni Jesus sa dihang mitabok sila sa linaw?

Nagsugod ang usa ka bagyo, mahulgaon nga mopuno sa bangka ug tubig

Mark 4:38-41

Unsa ang gihimo ni Jesus niini nga takna sa balangay?

natulog si Jesus

Unsa nga pangutana ang gihimo sa mga disipulo kang Jesus?

Ang mga tinun-an nangutana kang Jesus kung nagpakabana ba siya nga sila hapit na mangamatay

Mark 5

Mark 5:1-2

Kinsa ang mitagbo kang Jesus sa dihang miabot sila sa rehiyon sa Gerasenes?

Ang tawo nga adunay hugaw nga espiritu ang mitagbo kang Jesus

Mark 5:3-4

Unsa ang pipila ka butang nga gibuhat niining tawhana?

Ang tawo nagpuyo sa mga lubnganan, nga nagbugto sa mga kadena ug nagbungkag sa mga puthaw, ug nagsinggit sa kusog ug iyang ginasamdan ang iyang kaugalingon adlaw ug gabii

Mark 5:5-6

Unsa ang pipila ka butang nga gibuhat niining tawhana?

Ang tawo nagpuyo sa mga lubnganan, nga nagbugto sa mga kadena ug nagbungkag sa mga puthaw, ug nagsinggit sa kusog ug iyang ginasamdan ang iyang kaugalingon adlaw ug gabii

Mark 5:7-8

Unsa ang gipangalan sa hugaw nga espiritu kang Jesus?

Ang daotang espiritu gitawag si Jesus nga Anak sa Labing Taas nga Dios

Mark 5:9-24

Unsa ang pangalan sa daotang espiritu?

Ang daotang espiritu gipanganlan ug kasundalohan, tungod kay daghan kaayo sila

Mark 5:25-27

Unsa ang suliran sa babaye nga naghikap sa kupo ni Jesus?

Ang babaye nag-antos sa pag-awas sa dugo kaniya sulod sa dose ka katuigan

Mark 5:28-29

Nganong gihikap sa babaye ang kupo ni Jesus?

Ang babaye naghunahuna nga kung iyang mahikapan bisan ang sinina ni Jesus, maulian gayod siya

Mark 5:30-34

Unsa ang gihimo ni Jesus sa dihang gihikap sa babaye ang iyang kupo?

Nakabalo si Jesus nga adunay gahom nga migawas gikan kaniya ug mitan-aw sa palibot aron iyang makit-an kung kinsa ang naghikap kaniya.

Mark 5:35

Unsa ang kahimtang sa anak ni Jairus nga babaye sa dihang si Jesus miabot sa balay?

Ang anak nga babaye ni Jairus patay na

Mark 5:36-43

Unsa ang giingon ni Jesus kang Jairus nianang takna-a?

Si Jesus miingon kang Jairus nga dili siya angay mahadlok, apan mosalig lang.

Mark 6

Mark 6:4-6

Asa ang dapit ang giingon ni Jesus nga ang usa ka propeta walay kadungganan?

Si Jesus miingon nga ang propeta walay kadungganan sa iyang lungsod nga pinuy-anan, sa iyang kaugalingong kaparyentihan ug sa iyang panimalay.

Mark 6:7-13

Unsa ang katungod nga gihatag ni Jesus sa napulo ug duha sa pagpadala niya kanila?

Si Jesus naghatag kanila ug gahom nga labaw sa mahugaw nga mga espiritu.

Mark 6:14-17

Kinsa ang gihunahuna sa mga tawo nga mao tingali si Jesus?

Ang mga tawo miingon nga si Jesus mao si Juan nga Tigbawtismo, o Elias, o usa ka propeta

Mark 6:18-22

Unsa ang giingon ni Juan nga Tigbawtismo kang Herodes nga gibuhat niya nga dili balaodnon?

Giingnan ni Juan si Herodes nga dili uyon sa balaod alang kaniya nga makigminyo sa asawa sa iyang igsoon

Mark 6:23-25

Unsa ang gipanumpa ni Herodes nga saad ngadto sa anak nga babaye ni Herodias?

Si Herodes nanumpa nga maangkon niya ang bisan unsa nga iyang pangayoon kaniya, hangtod sa katunga sa iyang gingharian

Mark 6:26-32

Unsa ang reaksyon ni Herodes sa gihangyo sa anak ni Herodias?

Naguol pag-ayo si Herodes, apan wala siya nakabalibad sa gihangyo sa anak ni Herodias tungod sa pagpanumpa nga iyang gibuhat diha sa atubangan sa iyang mga bisita

Mark 6:33-36

Unsay nahitabo sa dihang si Jesus ug ang mga apostoles misulay pagpalayo sa ilang mga kaugalingon aron makapahulay?

Daghang tawo ang nakaila kanila ug midagan aron makauna sa pag-abot didto sa wala pa si Jesus ug ang mga apostoles

Mark 6:37-47

Sa pagpangutana si Jesus, unsay gihunahuna sa mga disipulo nga ilang buhaton aron mapakaon ang mga tawo?

Ang mga disipulo naghunahuna nga sila kinahanglan molakaw ug mopalit sa tinapay nga nagkantidad sa 200 ka denaryo.

Mark 6:48-55

Giunsa ni Jesus pag-adto sa mga disipulo didto sa linaw?

Si Jesus miadto didto sa mga disipulo pinaagi sa paglakaw ibabaw sa linaw

Mark 6:56

Unsay nahitabo niadtong mga tawo nga nakahikap sa tumoy sa bisti ni Jesus?

Kadtong mga nakahikap sa tumoy sa bisti ni Jesus nangaayo

Mark 7

Mark 7:2-4

Unsa man ang gihimo sa pipila ka disipulo ni Jesus nga nakapasuko sa mga Pariseo ug manunulat sa balaod?

Pipila sa mga disipulo nangaon nga walay pagpanghugas sa ilang mga kamot

Mark 7:5

Unsa man ang gihimo sa pipila ka disipulo ni Jesus nga nakapasuko sa mga Pariseo ug manunulat sa balaod?

Pipila sa mga disipulo nangaon nga walay pagpanghugas sa ilang mga kamot

Mark 7:6-19

Unsay gihimo ni Jesus sa pagsulti sa mga Phariseo ug sa manunulat sa balaod mahitungod sa ilang gipanudlo bahin sa pagpanghugas?

Si Jesus miingon nga ang mga Prariseo ug manunulat sa balaod nagpakaaron-ingnon, nagapanudlo sa balaod sa tawo samtang nagsalikway sa kasugoan sa Dios

Mark 7:20-28

Unsa giingon ni Jesus nga makapahugaw ug tawo?

Si Jesus miingon nga kung unsay mogawas sa tawo maoy makapahugaw kaniya

Mark 7:29-32

Unsa gibuhat ni Jesus alang sa babaye?

Gihinginlan ni Jesus ang dimonyo pagawas sa anak sa babaye nga babaye

Mark 7:33-35

Sa diha nga ang lalaki nga bungol nga dili makaistorya gidala ngadto kang Jesus, unsay iyang gihimo sa pag-ayo kaniya?

Gibutang ni Jesus ang iyang kamot sa dalonggan sa tawo , siya milowa ug gihikap ang iyang dila, unya nihangad sa langit ug miingon, "Buka!"

Mark 7:36-37

Unsay gihimo sa katawhan sa dihang giingnan sila ni Jesus nga dili isulti ni bisan kinsa ang mahitungod sa iyang pagpang-ayo?

Giingnan sila ni Jesus nga dili manugilon apan misamot sila ug panugilon

Mark 8

Mark 8:1-4

Unsa man ang kabalaka nga giingon ni Jesus mahitungod sa dakong panon nga nakig-uban kaniya?

Si Jesus nag-ingon nga siya nabalaka sa dakong panon nga wala silay makaon

Mark 8:5-10

Pila man ka tinapay ang anaa sa mga tinun-an?

Ang mga tinun-an adunay pito kabuok tinapay

Mark 8:11-15

Sa pagsulay kaniya, unsa man ang buot ipabuhat sa mga Pariseo kang Jesus

Ang mga Pariseo buot nga maghatag si Jesus ug usa ka timaan gikan sa langit

Mark 8:16-23

Mahitungod sa unsa ang gihunahuna sa mga tinun-an sa gisulti ni Jesus?

Ang mga tinun-an naghunahuna nga si Jesus nagsulti sa kamatuoran nga nakalimot sila pagdala sa tinapay

Mark 8:24-28

Unsa man ang tulo ka butang nga gibuhat ni Jesus sa tawong buta aron mabalik gayod ang iyang panan-aw?

Una giluwaan ni Jesus ang iyang mata ug gitapion ang iyang mga kamot kaniya, ug unya gitapion na usab niya ang iyang mga kamot sa iyang mata

Mark 8:29-30

Unsa man ang gisulti ni Pedro kung kinsa si Jesus

Si Pedro miingon kang Jesus nga siya mao ang Cristo

Mark 8:31-32

Mahitungod sa unsa man ang gitudlo ni Jesus sa iyang mga tinun-an nga mahitabo sa umaabot

Nagtudlo si Jesus sa iyang mga disipulo nga ang Anak sa Tawo kinahanglan nga mag-antos sa daghang mga butang, isalikway sa mga kadagkoan ug sa mga pangulong pari ug sa mga eskriba, patyon, ug mabanhaw pag-usab pagkahuman sa tulo ka adlaw.

Mark 8:33-37

Unsa man ang gisulti ni Jesus sa dihang gibadlong siya ni Pedro?

Miingon si Jesus kang Pedro, "Palayo kanako satanas! Wala ikaw nagpakabana sa mga butang sa Dios, apan sa mga butang sa mga tawo."

Mark 8:38

Unsa man ang gisulti ni Jesus nga iyang buhaton mahitungod niadtong ikaulaw siya ug ang iyang mga pulong?

Miingon si Jesus nga sa iyang pagbalik ikaulaw niya kadtong naulaw kaniya ug sa iyang mga pulong

Mark 9

Mark 9:1-3

Kinsa ang giingon ni Jesus nga makakita sa gingharian sa Dios nga moabot uban sa gahom?

Si Jesus miingon nga ang uban nga nagtindog didto uban kaniya dili mamatay sa dili pa nila makita ang gingharian sa Dios nga moabot uban sa gahom

Mark 9:4-6

Kinsa ang nakigsulti kang Jesus sa bukid?

Si Elias ug Moises ang nakigsulti kang Jesus.

Mark 9:7-8

Didto sa bukid, unsa ang giingon sa tingog gikan sa panganod.

Ang tingog nag-ingon,"Kini ang akong pinalanggang anak. Paminaw kaniya"

Mark 9:9-10

Unsa ang gimando ni Jesus sa mga disipulo mahitungod sa ilang nakita didto sa bukid?

Si Jesus nagmando kanila sa dili pagsugilon kung unsay ilang nakita, hangtod ang Anak sa Tawo mabanhaw gikan sa mga patay.

Mark 9:11-16

Unsa ang giingon ni Jesus mahitungod sa pag-abot ni Elias?

Nag-ingon si Jesus nga si Elias una nga moabot aron magpasig-uli sa tanang butang, ug nga si Elias miabot na.

Mark 9:17-22

Unsa ang wala mabuhat sa mga disipulo alang sa amahan ug sa iyang anak nga lalaki?

Ang mga disipulo wala makahimo sa pagbugaw sa daotang espiritu gikan sa anak nga lalaki sa amahan.

Mark 9:23-27

Giunsa sa amahan pagtubag sa dihang miingon si Jesus nga ang tanang butang posibleng mahimo sa usa nga nagatuo?

Ang amahan mitubag, "Ako mituo! Tabangi ako sa akong dili pagkamatinuohon!"

Mark 9:28-32

Ngano nga ang mga disipulo wala makahimo sa paghingilin sa amang ug bungol nga espiritu sa batang lalaki?

Ang mga disipulo wala makahimo sa paghingilin sa espiritu tungod kay kini dili mahinginlan gawas sa pag-ampo.

Mark 9:33-35

Mahitungod sa unsa ang gilalisan sa mga disipulo samtang anaa pa sa dalan?

Ang mga disipulo naglalis kung kinsa kanila ang labing labaw

Mark 9:36-41

Kung ang usa ka tawo modawat sa usa ka gagmay nga bata sa ngalan ni Jesus, kinsa ang ilang gidawat usab?

Kung ang usa ka tawo modawat sa gagmay nga bata sa ngalan ni Jesus, sila usab nagadawat kang Jesus ug sa nagpadala kang Jesus

Mark 9:42-46

Unsa ang mas maayo alang sa usa ka tawo nga maoy hinungdan sa gagmay nga bata nga mituo kang Jesus mapandol?

Mas maayo alang niadtong usa nga ang usa ka dakong galingan nga bato ihigot palibot sa iyang liog ug siya ilabay ngadto sa dagat.

Mark 9:47-50

Unsa ang giingon ni Jesus nga buhaton sa bisan unsa nga butang nga maoy hinungdan nga ikaw mapandol?

Si Jesus miingon nga molikay sa bisan unsa nga butang nga maoy hinungdan nga ikaw mapandol.

Mark 10

Mark 10:5-6

Nganong gihatagan ni Moises ang mga Judio niining sugo mahitungod sa pakigbulag?

Si Moises naghatag niining sugo ngadto sa mga Judio tungod sa ilang mga gahi nga mga kasingkasing

Mark 10:7-12

Unsa ang gisulti ni Jesus nga mahitabo sa duha ka tawo, ang lalaki ug ang iyang asawa, kung sila minyo na?

Si Jesus miingon nga ang duha mahimong usa na ka unod.

Mark 10:13-14

Miunsa si Jesus sa dihang gibadlong sa iyang mga tinun-an kadtong nagdala sa mga gagmay nga mga bata ngadto kaniya?

Si Jesus nasuko sa iyang mga disipulo ug miingon ngadto kanila sa pagtugot sa mga gagmay nga bata nga mopaduol kaniya.

Mark 10:15-22

Giunsa pagsulti ni Jesus kung unsaon pagdawat ang gingharian sa Dios aron sa makasulod niini?

Si Jesus miingon nga ang gingharian sa Dios kinahanglan dawaton sama sa usa ka bata aron sa makasulod niini.

Mark 10:23-25

Kinsa ang giingon ni Jesus nga maglisod sa pagsulod sa gingharian sa Dios?

Si Jesus miingon nga ang dato molisod sa pagsulod sa gingharian sa Dios.

Mark 10:26-28

Giunsa pagsulti ni Jesus nga bisan ang mga dato mahimong maluwas?

Si Jesus miingon nga sa mga tawo dili kini mahimo, apan ang tanang butang mahimo sa Dios.

Mark 10:29-31

Unsa ang giingon ni Jesus nga madawat niadtong mibiya sa balay, pamilya, ug kayutaan alang kang Jesus?

Si Jesus miingon nga sila makadawat ug gatosan ka pilo sama sa ania karon niining kalibotana, uban sa mga paglutos, ug sa kinabuhing walay kataposan sa kalibotan nga umaabot.

Mark 10:32-34

Asa nga dalan si Jesus ug iyang mga tinun-an naglakaw?

Si Jesus ug ang mga disipulo naglakaw sa dalan patungas sa Jerusalem

Mark 10:35-42

Unsa ang gihangyo ni Santiago ug Juan nga himoon ni Jesus?

Si Santiago ug Juan naghangyo nga molingkod sa tuong kamot ni Jesus ug sa walang kamot uban sa iyang himaya.

Mark 10:43-52

Giunsa pag-ingon ni Jesus niadtong nangandoy nga mahimong labaw diha sa mga tinun-an nga magkinabuhi?

Si Jesus miingon niadtong nangandoy nga mahimong labaw sa mga disipulo kinahanglan mamahimong sulugoon sa tanan.

Mark 11

Mark 11:11-14

Unsay gihimo ni Jesus sa dihang misulod siya sa templo?

Si Jesus nagtan-aw sa palibot unya nagpadayon siya pag-adto sa Betania.

Mark 11:15-16

Unsay gibuhat ni Jesus sa dihang misulod na siya sa templo niining higayona?

Gipangabog ni Jesus ang mga namaligya ug ang mga komprador, ug wala niya gitugot nga dunay mobitbit sa iyang tinda didto sa templo.

Mark 11:17-19

Unsa ang giingon ni Jesus nga angay unta sa templo sumala sa Kasulatan?

Si Jesus miingon nga ang templo angay unta nga mahimong balay ampoanan alang sa tanang kanasoran

Unsa ang giingon ni Jesus sa gibuhat sa mga pangulong kaparian ug sa mga manunulat (escriba) didto sa templo?

Miingon si Jesus nga gihimo nila nga tagoanan sa mga kawatan ang templo

Mark 11:20-23

Unsa ang nahitabo sa kahoyng igera sa gisulti ni Jesus?

Ang kahoyng igera nga gisultihan ni Jesus nalawos hangtod sa iyang mga gamot

Mark 11:24-26

Unsa ang giingon ni Jesus bahin sa mga butang nga atong pangayoon diha sa pag-ampo?

Si Jesus miingon nga ang bisan unsa nga atong pangayoon diha sa pag-ampo, tuohan nga nadawat nato kini, ug kini maangkon nato.

Mark 11:27-30

Didto sa templo, unsay buot mahibaw-an sa mga pangulong pari, mga pari nga manunulat, ug sa mga kadagkoan gikan kang Jesus?

Gusto nilang masayod kung sa unsa nga katungod gibuhat niya kining mga butanga.

Mark 11:31-33

Nganong dili man gustong motubag ang mga pangulong pari, mga pari nga manunulat, ug ang mga kadagkoan nga ang bawtismo ni Juan naggikan sa langit?

Dili sila gustong mohatag ug tubag tungod kay tingalig mangutana si Jesus kung nganong wala sila nagtuo kang Juan.

Mark 12

Mark 12:1-5

Pagkahuman niya ug himo ug gipaabangan niya ang parasan, unsay gibuhat sa tag-iya?

Pagkahuman niya ug himo gipaabangan niya ang parasan, ang tag-iya miadto sa layo nga panaw

Mark 12:6-7

Kinsa ang kataposan nga gipadala sa tag-iya ngadto sa saop?

Sa kataposan gipadala sa tag-iya ang iyang pinalangga nga anak

Mark 12:8-9

Unsa ang gibuhat sa mga saop sa parasan sa kataposan nga gipadala sa tag-iya?

Ang saop sa parasan midakop kaniya, ug gipatay siya, ug gilabay pagawas sa parasan

Mark 12:10-17

Sa kasulatan, unsa ang nahitabo sa bato nga gisalikway sa magtutukod?

Ang bato nga gisalikway sa magtutukod sa balay nahimo nga mahinungdnon nga patukoranan

Mark 12:18-23

Unsa ang dili tuohan sa mga Saduseo?

Ang mga Saduseo dili motuo sa pagkabanhaw

Mark 12:24-25

Unsa ang hinungdan nga gihatag ni Jesus sa mga Saduseo nga ilang sayop?

Si Jesus miingon nga ang mga Saduseo wala masayod sa mga kasulatan o sa gahom sa Dios.

Mark 12:26-34

Giunsa ni Jesus pagpakita gikan sa kasulatan nga adunay pagkabanhaw?

Si Jesus mikutlo sa basahon ni Moises, nga ang Dios nag-ingon nga siya ang Ginoo ni Abraham, Isaac, ug Jacob- ug ang tanan nga mga buhi.

Mark 12:35-37

Unsa ang gipangutana ni Jesus sa mga manunulat sa balaod mahitungod kang David?

Si Jesus nagutana kung giunsa ni David pagtawag si Cristo nga Ginoo sa dihang ang Cristo ang anak ni David

Mark 12:38-44

Unsa ang gisulti ni Jesus sa mga tawo nga magbantay mahitungod sa mga manunulat sa balaod?

Si Jesus misulti nga ang mga manunulat sa balaod nagtinguha nga dayegon sila sa mga tawo, apan giilog nila ang mga balay sa mga biyuda ug naghimo sila sa mga pag-ampo nga ilabihan kataas aron sa pagpakita sa mga tawo

Mark 13

Mark 13:5-6

Mahitungod sa unsa ang gisulti ni Jesus sa iyang mga disipulo nga kinahanglang mag-amping?

Si Jesus miingon sa iyang mga disipulo nga kinahanglan nga mag-amping nga walay bisan usa nga magpahisalaag kanila

Mark 13:7-8

Unsa ang giingon ni Jesus nga mga sinugdanan sa pagkatawo sa mga kasakit?

Miingon si Jesus nga ang sinugdanan sa mga kasakit mao ang mga gubat, hungihong sa mga gubat, mga linog, ug mga kagutom

Mark 13:9-13

Unsa ang giingon ni Jesus nga mahitabo sa mga disipulo?

Miingon si Jesus nga ang mga disipulo ipadala ngadto sa mga konseho, latoson sa mga sinagoga, ug motindog atubangan sa mga gobernador ug mga hari isip usa ka pagpamatuod

Mark 13:14-23

Unsa ang giingon ni Jesus niadtong anaa sa Judea nga kinahanglang buhaton kung sila makakita sa makalilisang nga biniyaan?

Miingon si Jesus nga kadtong anaa sa Judea kinahanglang mokalagiw ngadto sa mga kabukiran kung sila makakita sa dulumtanan nga biniyaan.

Mark 13:24-29

Unsa ang mahitabo sa mga gahom nga anaa sa mga langit pagkahuman sa dakong pag-antos niadtong adlawa?

Ang adlaw ug bulan mongitngit, ang mga bituon mahulog gikan sa langit, ug ang mga gahom nga anaa sa langit mangauyog

Mark 13:30-32

Unsa ang giingon ni Jesus nga dili gayod mawala hangtod kining tanang mga butanga mahitabo?

Miingon si Jesus nga kining kaliwatan dili pa mangahanaw hangtod nga kining tanang butanga mahitabo

Mark 13:33-34

Unsa ang mando nga gihatag ni Jesus sa iyang mga disipulo mahitungod sa iyang pag-abot?

Misulti si Jesus sa iyang mga disipulo nga magmaabtikon ug magtukaw

Mark 13:35-37

Unsa ang mando nga gihatag ni Jesus sa iyang mga disipulo mahitungod sa iyang pag-abot?

Misulti si Jesus sa iyang mga disipulo nga magmaabtikon ug magtukaw

Mark 14

Mark 14:1-2

Unsa ang gihunahuna nga himuon sa mga pangulong pari ug mga manunulat sa balaod?

Naghunahuna sila kung unsaon pagdakop si Jesus sa hilom ug unya patyon siya.

Mark 14:3-9

Unsa ang gihimo sa usa ka babaye kang Jesus sa balay ni Simon nga sanglahon?

Gibuak sa usa ka babaye ang tibod nga mahal kaayong pahumot ug gibubo kini sa ulo ni Jesus.

Mark 14:10-11

Nganong nag-adto si Judas Iscariote sa mga pangulong pari?

Si Judas Iscariote miadto sa mga pangulong pari aron sa pagtugyan kaniya ngadto kanila.

Mark 14:12-19

Giunsa sa mga disipulo pagpangita ang dapit diin silang tanan makakaon sa Pagsaylo?

Si Jesus nagsugo kanila sa pag-adto didto sa siyudad, ug sundon ang usa ka tawo nga nagdala ug usa ka banga nga tubig, ug unya pangutan-on siya kung asa ang lawak nga abotanan nga pagagamiton nila alang sa pagkaon sa Pagsaylo.

Mark 14:20-21

Kinsa nga disipulo ang giingon ni Jesus nga magbudhi kaniya?

Si Jesus miingon nga ang disipulo nga magtuslob sa tinapay uban kaniya sa panaksan mao ang magbudhi kaniya.

Mark 14:22-29

Unsa ang giingon ni Jesus sa dihang giapod-apod na niya sa mga disipulo ang gipikas-pikas nga tinapay.

Si Jesus miingon, "Dawata kini. Mao kini ang akong lawas."

Mark 14:30-31

Unsa ang gisulti ni Jesus kang Pedro human miingon si Pedro nga dili gayod siya mobiya kaniya?

Si Jesus miingon kang Pedro nga sa dili pa motuktogaok ang manok sa makaduha, ilimod na ni Pedro si Jesus sa makatulo nga higayon.

Mark 14:32-34

Unsa ang gisulti ni Jesus ngadto sa iyang tulo ka mga disipulo nga himuon samtang siya mag-ampo?

Si Jesus miingon kanila nga magpabilin dinhi ug pagtukaw.

Mark 14:35-36

Alang sa unsa ang pag-ampo ni Jesus?

Si Jesus nag-ampo nga kining taknaa molabay unta gikan kaniya.

Mark 14:37-39

Unsa ang nakaplagan ni Jesus sa dihang mibalik siya sa tulo ka mga disipulo?

Nakaplagan ni Jesus ang tulo ka mga disipulo nga nangatulog.

Mark 14:40-50

Unsa ang nakaplagan ni Jesus sa dihang siya mibalik sa ikaduhang higayon gikan nag-ampo?

Nakaplagan ni Jesus ang tulo ka mga disipulo nga nangatulog.

Mark 14:51-52

Unsa ang gihimo sa usa ka batan-ong lalaki nga misunod kang Jesus sa dihang si Jesus gidakop?

Nabilin sa batan-ong lalaki ang iyang lino nga panapton didto ug midagan siya palayo kanila nga hubo.

Mark 14:53-54

Asa si Pedro sa dihang si Jesus gidala sa labaw nga pari?

Si Pedro nalingkod taliwala sa mga guwardiya, nga nagadangka duol sa kalayo.

Mark 14:55-65

Unsa ang sayop sa pagpamatuod batok kang Jesus nga gihatag sa Konseho o Hukmanan?

Bakak nga pagpamatuod batok kang Jesus ug wala nagkauyon.

Mark 14:66-70

Unsa ang gitubag ni Pedro sa ulipong babaye nga miingon nga si Pedro kauban ni Jesus?

Si Pedro mitubag nga wala siya makaila o wala makasabot kung unsa ang gipamulong sa babaye

Mark 14:71-72

Unsa ang tubag ni Pedro sa dihang gipangutana siya sa ikatulong higayon kung siya usa ba sa mga disipulo ni Jesus?

Si Pedro nanumpa ug gibutang ang iyang kaugalingon ilalom sa mga tunglo nga wala siya makaila kang Jesus.

Mark 15

Mark 15:1-5

Sayo sa kabuntagon, unsa ang gihimo sa mga pangulong pari ngadto kang Jesus?

Sayo sa kabuntagon, gigapos nila si Jesus ug gitugyan siya kang Pilato

Mark 15:6-11

Unsa ang naandan nga himuon ni Pilato alang sa katawhan sa panahon sa pista?

Nabatasan ni Pilato nga magpagawas ngadto sa katawhan ug usa ka binilanggo sa panahon sa pista.

Mark 15:12-13

Unsa ang giingon sa panon sa katawhan nga buhaton sa Hari sa mga Judio?

Ang panon sa katawhan miingon nga ang Hari sa mga Judio ilansang sa krus.

Mark 15:14-21

Unsa ang giingon sa katawhan nga buhaton sa Hari sa mga Judio?

Ang panon sa katawhan miingon nga ang Hari sa mga Judio kinahanglan ilansang sa krus.

Mark 15:22-28

Unsa ang ngalan sa dapit diin gidala sa mga sundalo si Jesus aron ilansang siya?

Ang ngalan sa dapit mao ang Golgota, kini nagkahulugan nga Dapit sa Bagolbagol

Mark 15:29-30

Unsa kadtong hagit sa mga miagi nga buhaton ni Jesus?

Kadtong mga miagi naghagit kang Jesus sa pagluwas sa iyang kaugalingon ug mokanaog gikan sa krus

Mark 15:31-32

Unsa ang gisulti sa mga pangulong pari nga himuon ni Jesus aron sila motuo?

Ang mga pangulong pari miingon kang Jesus nga monaog gikan sa krus aron sila motuo

Mark 15:33-38

Unsa ang nahitabo sa ika-unom nga takna?

Sa ika-unom nga takna, ang kangitngit miabot sa tibuok kayutaan

Mark 15:39-41

Unsa ang testimonya sa kapitan sa dihang nakita niya kung naunsa pagkamatay si Jesus?

Ang kapitan nagpamatuod nga tinuod gayod nga kining tawhana Anak sa Dios

Mark 15:42-47

Unsang adlawa si Jesus namatay?

Si Jesus namatay sa adlaw sa dili pa ang Igpapahulay

Mark 16

Mark 16:5-8

Unsa ang nakita sa mga babaye sa dihang misulod sila sa lubnganan?

Nakakita ang mga babaye ug batan-ong lalaki nga nagsul-ob ug puti nga bisti nga naglingkod sa tuong bahin

Mark 16:9-13

Kang kinsa unang nagpakita si Jesus human sa iyang pagkabanhaw?

Nagpakita siya una kang Maria Magdalena

Mark 16:14-16

Sa dihang nagpakita si Jesus sa iyang mga disipulo, unsa ang gisulti ni Jesus kanila mahitungod sa ilang pagkawalay pagtuo?

Gibadlong ni Jesus ang mga tinun-an sa ilang pagkawalay pagtuo

Mark 16:17-20

Unsa nga mga ilhanan ang giingon ni Jesus nga mag-uban sa mga tawo nga mituo?

Nag-ingon si Jesus nga kadtong mituo makaabog ug mga demonyo, magsulti ug bag-ong mga pinulongan, ug dili maunsa pinaagi sa bisan unsa nga makamatay, ug mag-ayo sa uban