2 Peter

2 Peter 1

2 Peter 1:1-2

Kinsa man ang nagsulat sa ikaduhang libro sa Pedro ?

Ang nagsulat sa ikaduhang libro sa Pedro mao si Simon Pedro, usa ka alagad ug apostol ni Jesu-Cristo.

Kinsa man ang gisulatan ni Pedro?

Nagsulat si Pedro niadtong nakadawat sa samang hamili nga pagtuo.

2 Peter 1:3-4

Giunsa man paghatag ang tanang butang mahitungod sa balaanong gahom alang sa kinabuhi ug pagkadiosnon ngadto kang Pedro ug sa mga nakadawat sa pagtuo?

Gihatag kini kanila pinaagi sa kahibalo sa Dios.

Nganong gihatag man sa Dios ngadto kang Pedro ug sa modawat sa pagtuo ang tanang butang sa balaanong gahom alang sa kinabuhi ug pagkadiosnon, uban ang mga dagko ug hamili nga mga saad?

Gibuhat niya kana aron nga makaambit sila sa balaanong kinaiyahan.

2 Peter 1:5-9

Unsa man unta ang maangkon sa mga magtutuo pinaagi sa ilang pagtuo?

Makaangkon gayod unta nila ang gugma pinaagi sa ilang pagtuo.

Unsa may makita sa tawo nga nakulangan sa pagtuo, kaligdong, kahibalo, pagpugong sa kaugalingon, paglahutay, pagkadiosnon, inigsoong pagmahal, ug gugma?

Makakita lamang siya kung unsa ang naa sa duol; buta siya.

2 Peter 1:10-11

Unsa man ang mahitabo kung maningkamot pag-ayo ang mga kaigsoonan aron masiguro ang ilang pagkatinawag ug pagkapinili?

Dili gayod sila mangapandol, ug ang dalan nga walay kataposan nga gingharian sa atong Ginoo ug Manluluwas nga si Jesu-Cristo igahatag kanila.

2 Peter 1:12-15

Nganong husto man ang hunahuna ni Pedro nga pahinumduman ang mga kaigsoonan mahitungod niining mga butanga?

Tungod kay gipakita sa Ginoong Jesu-Cristo ngadto kang pedro nga hapit na siyang mamatay.

2 Peter 1:16-18

Unsa man ang nakita sa mga nakasaksi sa pagkahalangdon ni Jesus?

Nakita nila nga si Jesus nakaangkon sa kadungganan ug himaya gikan sa Dios nga Amahan.

2 Peter 1:19-21

Unsaon man nato pagsiguro nga ang pulong nga ginapanagna tinuod?

Tungod kay ang nasulat nga mga panagna wala naggikan sa paghubad sa mga propeta, ni gikan sa kabubut-on sa tawo, apan ang tawo gidumalahan pinaagi sa Balaang Espiritu nga nagsulti gikan sa Dios.

2 Peter 2

2 Peter 2:1-3

Unsa man ang gidala sa tago sa mga mini nga magtutudlo ngadto sa mga magtutuo?

Ang mini nga mga magtutudlo magdala ug makadaot nga mga tumotumo ug mulimod sa agalon nga nagdala kanila.

Unsa man ang moabot sa mini nga mga magtutudlo?

Hinanali nga kadaot ug hukom sa silot ang moabot sa mini nga mga magtutudlo.

Unsa man ang buhaton sa mini nga mga magtutudlo sa malinglahon nga mga pulong?

Ang mini nga mga magtutudlo hakog gayod nga magpaginansya sa mga kaigsoonan.

2 Peter 2:4-6

Kinsa man ang dili ipalingkawas sa Dios?

Ang Dios dili mopalingkawas sa mga anghel nga nakasala, ang karaan nga kalibotan, ug ang mga siyudad sa Sodoma ug Gomora.

2 Peter 2:7-9

Kinsa man ang gilain sa Dios?

Gilain sa Dios si Noe uban sa pito ka kauban ug si Lot.

2 Peter 2:10-14

Kinsa man ang mga mahimayaon nga wala gikahadlokan sa pagpanamastamas sa dili-diosnon?

Ang mga mahimayaon mao ang mga anghel, nga wala nagsulti ug makainsulto nga paghukom batok sa mga tawo sa Ginoo.

2 Peter 2:15-19

Kinsa man ang nagpahunong sa kabuang ni propeta Balaam?

Ang amang nga asno nagsulti sa tingog sa tawo aron sa pagpahunong kang Balaam.

2 Peter 2:20-22

Alang niadtong nakaikyas na unta sa pagkadaotan sa kalibotan pinaagi kangJesu-Cristo ug unya mibalik gihapon sa pagpakasala, unsa man ang mas maayo kanila?

Mas maayo pa alang kanila nga wala na lamang nila nailhan ang dalan sa pagkamatarong.

2 Peter 3

2 Peter 3:1-2

Nganong gisulat man ni Pedro kining ikaduha nga sulat?

Nagsulat siya aron nga ang iyang mga hinigugma makahinumdom sa mga pulong nga gisulti kaniadto pinaagi sa mga propeta ug mahitungod sa sugo sa ilang Ginoo ug Manluluwas.

2 Peter 3:3-4

Unsa ang isulti sa mga bugalbugalon sa kataposan nga mga adlaw?

Gipangutana sa mga bugalbugalon ang gisaad nga pagbalik sa Dios, ug nagsulti nga ang tanang mga butang nagpabilin gihapon sukad pa sa pagbuhat sa kalibotan.

2 Peter 3:5-9

Giunsa man pagmugna ang kalangitan ug ang yuta, ug giunsa sila pagtagana alang sa kalayo ug sa adlaw sa paghukom ug ang paglaglag sa dili Diosnon nga mga tawo?

Gimugna sila ug gitagana pinaagi sa pulong sa Dios.

2 Peter 3:10

Unsaon man pag-abot sa adlaw sa Ginoo?

Ang adlaw sa Ginoo moabot sama sa kawatan.

2 Peter 3:11-18

Nganong nangutana man si Pedro sa mga hinigugma kung unsang klase nga pagkinabuhi ang kinahanglan nilang buhaton alang sa balaang pagkinabuhi ug pagkadiosnon?

Tungod kay ang kalangitan ug ang yuta mangalaglag man, ug tungod kay naglaom man sila sa pagkamatarong aron magpuyo sa bag-o nga mga langit ug bag-o nga yuta.