2 Samuel

2 Samuel 1

2 Samuel 1:1-2

Unsa man ang gibuhat ni David human sa kamatayon ni Saul?

Human sa kamatayon ni Saul, mibalik si David gikan sa pagsulong sa mga Amalekanhon ug nagpabilin sa Siklag sulod sa duha ka adlaw.

Sa ikatulo nga adlaw, kinsa man ang miabot kang David gikan sa kampo ni Saul?

Sa ikatulo nga adlaw miabot ang usa ka lalaki ngadto kang David nga gisi ang mga bisti ug nagkahugaw ang iyang ulo.

2 Samuel 1:3-5

Unsa man ang gisulti sa batan-ong lalaki mahitungod kang Saul ug kang Jonatan?

Misulti ang batan-ong lalaki nga patay na si Saul ug si Jonatan.

2 Samuel 1:6-7

Asa man nakita sa batan-ong lalaki si Saul sumala sa iyang gisulti?

Miingon ang batan-ong lalaki nga didto siya sa Bukid sa Gilboa, ug atua didto si Saul nga nagsandig sa iyang bangkaw.

2 Samuel 1:8-10

Unsa man ang giingon sa batan-ong lalaki nga gusto ipabuhat ni Saul kaniya?

Miingon ang batan-ong lalaki nga gihangyo siya ni Saul nga mopaduol kaniya ug patyon siya.

Nganong gihangyo man ni Saul ang batan-ong Amalekanhon nga patyon siya?

Gihangyo ni Saul ang batan-ong Amalekanhon sa pagpatay kaniya tungod kay miingon siya," ... hilabihan na gayod ang akong pag-antos, apan nagpabilin pa sa gihapon ang akong kinabuhi."

Human patya sa batan-ong lalaki si Saul unsa man ang iyang gikuha gikan kang Saul?

Gikuha sa batan-ong lalaki ang korona nga anaa sa ulo ni Saul ug ang higot nga anaa sa iyang bukton.

2 Samuel 1:11-13

Unsa man ang gibuhat ni Saul ug sa iyang mga kasundalohan sa dihang nadungog nila ang kamatayon ni Saul ug ni Jonatan?

Gigisi ni David ang iyang bisti, ug ang tanang kalalakin-an nga uban kaniya ug nangbakho sila, nanghilak, ug nagpuasa hangtod sa pagkagabii.

Alang kang kinsa man ang pagbakho, paghilak, ug pagpuasa ni David ug sa iyang mga kasundalohan?

Nangbakho, nanghilak, ug nagpuasa si David ug ang iyang mga kasundalohan alang sa katawhan ni Yahweh ug sa panimalay sa Isarel tungod kay nangalaglag sila pinaagi sa espada.

2 Samuel 1:14-16

Nganong patyon man ni David ang batan-ong Amalekanhon?

Kinahanglan nga patyon ni David ang batan-ong Amalekanhon tungod kay gipatay niya ang dinihogang hari ni Yahweh.

2 Samuel 1:17-20

Asa man nga libro nahisulat ang alawiton alang sa patay nga gikanta ni David alang kang Saul ug sa iyang anak nga lalaki nga si Jonatan?

Ang alawiton sa patay nga gikanta ni David alang kang Saul ug sa iyang anak nga lalaki nga si Jonatan ug nahisulat kini sa libro ni Jasar.

Unsa man ang namatay, nga gipatay sa kabikiran sa Israel?

Namatay ang himaya sa Israel.

Nganong miingon man si David nga dili isulti ngadto sa Gat o didto sa kadalanan sa Askelon nga namatay na ang himaya sa Israel?

Gisulti ni David nga dili kini isulti ngadto sa Gat o sa kadalanan sa Askelon aron nga dili magmaya ang mga anak nga babaye sa mga Filistihanon, ug aron dili magsaulog ang mga anak nga babaye sa mga dili tinuli.

2 Samuel 1:21-22

Asa man nahugawan ang taming sa kusgan?

Nahugawan ang taming sa kusgan didto sa kabukiran sa Gilboa.

2 Samuel 1:23-24

Unsa man ang gibuhat ni Saul alang sa mga anak nga babaye sa Israel?

Gibistihan sila ni Saul ug pula, ug gidayandayanan ug mga bulawan ang ilang mga bisti.

2 Samuel 1:25-27

Unsa man ka dako ang gugma ni Jonatan ngadto kang David?

Miingon si David nga tiunay ang gugma ni Jonatan ngadto kaniya, labaw pa sa gugma sa mga babaye.

2 Samuel 2

2 Samuel 2:1-3

Unsa man ang gitubag ni Yahweh sa dihang nangutana si David kaniya, " Kinahanglan ba nga motungas ba ako sa usa sa mga siyudad sa Juda?"

Mitubag si Yahweh ngadto kang David, "Tungas." sa dihang nangutana si David kaniya.

Asa man nga siyudad ang gisulti ni Yahweh nga adtoan ni David?

Gisultihan ni Yahweh si David nga moadto sa Hebron.

Kinsa man ang kauban ni David pag-adto sa Hebron?

Miadto si David sa Hebron uban ang iyang duha ka asawa, si Ahinoam ug si Abigail. Gidala usab ni David ang mga kalalakin-an nga uban kaniya, nga nagdala sa ilang tagsatagsa ka mga pamilya.

2 Samuel 2:4-7

Unsa man ang gibuhat sa mga kalalakin-an gikan sa Juda sa dihang miadto sila kang David?

Miadto ang mga kalalakin-an sa Juda ug gidihogan nila si David ingon nga hari sa panimalay ni Juda.

2 Samuel 2:8-9

Kinsa man si Abner?

Si Abner mao ang anak nga lalaki ni Ner, ang pangulo sa kasundalohan ni Saul.

Unsa man ang gibuhat ni Abner kang Isboset, ang anak ni Saul?

Gikuha ni Abner si Isboset ug gidala niya kini sa Mahanaim; gihimo niyang hari si Isboset sa Gilead, Aser, Jezreel, Efraim, Benjamin, ug sa tibuok Israel.

2 Samuel 2:10-11

Unsa man ka dugay ang paghari ni David sa Hebron sa panimalay ni Juda?

Naghari si David sa Hebron sa panimalay ni Juda sulod sa pito ka tuig ug unom ka bulan.

2 Samuel 2:12-13

Asa man gitagbo ni Joab nga anak ni Zeruia ug sa mga sulugoon ni David si Abner nga anak ni Ner, ug ang mga sulugoon ni Isboset?

Gitagbo ni Joab nga anak nga lalaki ni Zeruia ug sa mga sulugoon ni David si Abner nga anak nga lalaki ni Ner, ug ang mga sulugoon ni Isboset didto sa lanaw sa Gibeon.

2 Samuel 2:14-15

Pila man ka mga batan-ong kalalakin-an ang nanindog aron nga mag-away sa atubangan ni Joab ug ni Abner?

Napulo ug duha ka mga kalalakin-an ang nanindog alang kang Benjamin ug kang Isboset ang anak ni Saul, ug napulo ug duha usab ang nanindog gikan sa mga sulugoon ni David.

2 Samuel 2:16-17

Kinsa man ang napildi sa gubat nianang adlawa?

Napildi si Abner ug ang iyang mga kasundalohan sa atubangan sa mga sulugoon ni David.

2 Samuel 2:18-21

Kinsa man sa mga anak ni Zeruia ang migukod kang Abner?

Gigukod pag-ayo ni Asahel si Abner ug gisundan niya siya.

2 Samuel 2:22-23

Unsa man ang giingon ni Abner aron sa pagdasig kang Asahel nga mohunong na sa paggukod kaniya?

Giingnan ni Abner si Asahel, "Nganong patyon ko man ikaw? Unsaon ko man pagharong si Joab, nga imong igsoong lalaki?"

Unsa man ang nahitabo kang Asahel sa dihang nagdumili siya sa pag-undang sa paggukod kang Abner?

Sa dihang nagdumili siya sa pag-undang sa paggukod kang Abner, gidunggab siya ni Abner pinaagi sa tumoy sa iyang bangkaw hinungdan nga milapos ang bangkaw sa pikas bahin, ug natumba si Asahel ug namatay didto.

2 Samuel 2:24-25

Sa asa nga dapit gigukod ni Joab ug ni Abisai si Abner?

Gigukod ni Joab ug ni Abisai si Abner didto sa bungtod sa Amma, nga duol sa Gia didto sa kadalanan sa kamingawan sa Gibeon.

2 Samuel 2:26-27

Unsa man ang gisulti ni Abner kang Joab ug kang Abisai nga nakapahunong sa ilang paggukod kaniya?

Unya misinggit si Abner ngadto kang Joab ug miingon, "Kinahanglan ba nga motukob ang espada hangtod sa hangtod? Wala ba kamo nasayod nga mas pait kini sa kataposan? Hangtod kanus-a mo man sultihan ang imong mga kasundalohan nga mohunong na sa paggukod sa ilang mga kaigsoonan?"

2 Samuel 2:28-29

Asa man nakaabot si Abner uban ang iyang mga kasundalohan?

Nakaabot si Abner ug iyang mga kasundalohan sa Mahanaim.

2 Samuel 2:30-32

Asa man nagpanaw si Joab ug ang iyang mga kasundalohan?

Miadto si Joab uban ang iyang mga kasundalohan sa Hebron.

2 Samuel 3

2 Samuel 3:1

Sa dugay nga gubat tali sa panimalay ni Saul ug sa panimalay ni David, kang kinsa man nga panimalay nga nagkakusgan ug panimalay nga nagkaluya?

Ang panimalay ni David mao ang nagkakusgan ug ang panimalay ni Saul mao ang nagkaluya sa dugay nga gubat tali sa duha ka panimalay.

2 Samuel 3:2-5

Kinsa man ang tulo ka mga anak ni David ang gipanganak sa Hebron?

Amnon, Cileab, ug Absalom mao ang unang tulo nga mga anak ni David nga natawo sa Hebron.

2 Samuel 3:6-8

Unsa man ang gipasangil ni Isboset nga gibuhat ni Abner?

Gipasanginlan ni Isboset si Abner nga nakigdulog sa puyopuyo sa iyang amahan nga si Saul.

2 Samuel 3:9-11

Human giingnan ni Isboshet si Abner nga nakigdulog sa puyopuyo sa iyang amahan, unsa man ang gipanaad ni Abner nga iyang buhaton?

Nanumpa si Abner nga ibalhin ang gingharian gikan sa panimalay ni Saul ug ipahimuotang ang trono ni David sa tibuok Israel ug sa tibuok nga Juda, gikan sa Dan hangtod sa Beerseba.

2 Samuel 3:12-13

Unsa man ang gipabuhat ni David kang Abner una makakita si Abner kang David aron sa pagpakigsabot uban kaniya?

Giingnan ni David ang mensahero ni Abner nga dili siya makakita sa panagway ni David gawas kung dalahon ni Abner si Mikal, nga anak nga babaye ni Saul, uban kaniya sa dihang moadto siya sa pagpakigkita kang David.

2 Samuel 3:14-16

Unsa man ang bayad nga gibayad ni David alang kang Mikal aron maasawa siya?

Gibayaran ni David ug balig usa ka gatos nga yamis sa mga Filistihanon alang kang Mikal.

2 Samuel 3:17-18

Sa laktod nga pagkaingon, unsa man ang gisulti ni Abner ngadto sa mga katigulangan sa mga Israelta?

Gisultihan ni Abner ang mga katigulangan sa mga Isrelita nga kinahanglan nilang himuon nga hari si David sama sa gibuhat nila kaniadto.

2 Samuel 3:19-20

Unsa man ang gibuhat ni David alang kang Abner sa dihang miabot siya sa Hebron uban sa 20 niya ka mga kalalakin-an?

Nagpista si David alang kang Abner uban sa iyang mga kasundalohan.

2 Samuel 3:21

Unsa man ang gisulti ni Abner kang David nga iyang plano nga himoon?

Miingon si Abner ngadto kang David nga iyang tigumon ang tanan nga mga Israelita ngadto kang David aron sa pagpakigsaad uban kaniya aron maghari siya sa tibuok nga Isarel.

2 Samuel 3:22-23

Giunsa man pagpalakaw ni David si Abner?

Gipalakaw ni David si Abner, ug mibiya siya nga malinawon.

2 Samuel 3:24-26

Sa dihang miadto si Joab kang David, unsa man ang gipasangil ni Jaob nga himoon ni Abner?

Gipasanginlan ni Joab si Abner nga limbonan niini si David, ug pagpaniid ug paghibalo sa tanan nga mga planong buhaton ni David.

2 Samuel 3:27

Unsa man ang gibuhat ni Joab human niya siya gibalik sa Hebron?

Gidunggab ni Joab si Abner sa tiyan ug gipatay siya.

Nganong gipatay man ni Joab si Abner?

Gipatay ni Joab si Abner aron ikapanimalos ang dugo sa iyang igsoon nga si Asahel.

2 Samuel 3:28-30

Sa dihang nahibaloan ni David nga gipatay ni Joab si Abner, unsa man ang iyang nasulti alang sa panimalay ni Joab?

Gisulti ni David nga mahulog unta sa ulo ni Joab ang pagkasad-an sa kamatayon ni Abner ug sa tibuok panimalay sa iyang amahan

2 Samuel 3:31-34

Unsa man ang giingon ni David kang Joab nga buhaton uban sa tanan niyang kauban?

Giingnan ni David si Joab ug ang tanan niyang mga kauban nga gision ang ilang mga sapot ug mosuot ug sako, ug magbangutan sa atubangan sa lawas ni Abner.

2 Samuel 3:35-36

Sa dihang ang katawhan miadto aron pakaunon si David samtang adlaw pa, unsa man ang gipanumpa ni David?

nanumpa si David, "Silotan unta ako sa Dios, ug labaw pa usab, kung motilaw ako ug tinapay o bisan unsa sa dili pa mosalop ang adlaw."

2 Samuel 3:37-39

Unsa man ang nasayran sa tanan nga katawhan sa Israel human nila nakit-an ang pagbangutan ni haring David mahitungod kang Abner?

Ang tanan nga katawhan ug ang tanan nga Israelita nakasabot nga dili tinguha sa hari nga mamatay si Abner.

Unsa man ang gisulti ni haring David sa iyang sulugoon mahitungod kang Abner?

Ang hari nagsulti ngadto sa iyang sulugoon, "Nasayod ka ba nga ang prinsipe ug ang usa ka halangdon nga tawo ang nahulog niining adlawa dinhi sa Israel?"

Unsa man ang pangandoy ni David nga mahitabo sa mga anak ni Zeruia?

Nanghinaot si David ngadto kang Yahweh nga silotan niya ang nagbuhat ug daotan, ingon nga angayan siya niini.

2 Samuel 4

2 Samuel 4:1-3

Unsa man ang nakapaluya sa mga kamot ni Isboset?

Sa dihang nadungog niya nga namatay na si Abner didto sa Hebron, ang iyang mga kamot naluya.

Unsa man ang mga ngalan sa duha ka mga kapitan ni Saul sa iyang mga kasundalohan?

Ang ngalan sa duha ka tao ni Saul nga kapitan sa iyang kasundalohan mao si Baana ug Rekab.

2 Samuel 4:4

Unsa man ang ngalan sa bakol nga apo ni Saul?

Ang ngalan sa bakol nga apo ni Saul mao si Mefiboset.

2 Samuel 4:5-7

Giunsa pagsulod ni Rekab ug ni Baana sa balay ni Isboset?

Nakasulod si Baana ug Rekab sa balay ni Isboset pinaagi sa paglakaw nga hilom saylo sa babaye nga nagbantay sa pultahan.

Unsa man ang gibuhat ni Baana ug ni Rekab sa dihang nakasulod na sila sa balay ni Isboset?

Sa dihang nakasulod na si Baana ug si Rekab sa balay ni Isboset, gipatay nila si Isboset samtang natulog sa iyang lawak.

2 Samuel 4:8-10

Asa man miadto si Rekab ug Baana human nila patya ug punggoti ug ulo si Isboset?

Gidala ni Rekab ug Baana ang ulo ni Isboset ngadto kang David sa Hebron.

2 Samuel 4:11-12

Unsa man ang giingon ni David mahitungod kang Rekab ug Baana?

Miingon si David nga daotan si Rekab ug Baana tungod kay mipatay sila ug tawo nga walay sala sa iyaha mismong panimalay ug sa iyang kaugalingong katri.

Subay sa sugo ni David, unsa man ang gibuhat sa batan-ong mga lalaki ngadto kang Rekab ug Baana?

Gipatay sa mga batan-on si Rekab ug Baana ug giputol ang ilang mga kamot ug tiil ug gibitay sila tapad sa lanaw sa Hebron.

Unsa man ang gibuhat ni David sa ulo ni Isboset?

Gilubong ni David ang ulo ni Isboset sa lubnganan ni Abner sa Hebron.

2 Samuel 5

2 Samuel 5:1-2

Unsa man ang giila sa mga tribo sa Israel nga gisulti ni Yahweh kang David?

Giila sa tanang tribo sa Israel nga gisultihan ni Yahweh si David, "Mahimo kang magbalantay sa akong katawhan nga mga Israelita, ug mahimo kang pangulo sa Israel."

2 Samuel 5:3-5

Kinsa man ang nangadto sa Hebron, naghimo ug kasabotan kang David ug gidihogan siya nga mahimong hari sa Israel?

Nangadto sa Hebron ang tanang katigulangan sa Israel, naghimo ug kasabotan kang David, ug gidihogan siya nga mahimong hari sa Israel.

Pila man ka tuig naghari si David sa Jerusalem ug sa tibuok Israel ug Juda?

Naghari si David sulod sa 33 ka tuig sa Jerusalem ug sa tibuok Israel ug Juda.

2 Samuel 5:6-7

Unsa man ang laing ngalan sa Jerusalem?

Ginganlan usab ang Jerusalem nga kuta sa Sion ug Siyudad ni David.

Gikan kang kinsa man nailog ni David ang kuta sa Sion?

Nailog ni David ang kuta sa Sion gikan sa mga Jebusihanon.

2 Samuel 5:8-10

Nganong nahimo mang hilabihan ka gamhanan si David?

Nahimong hilabihan ka gamhanan si David tungod kay kauban man niya si Yahweh, ang labing gamhanang Dios.

2 Samuel 5:11-12

Unsa man ang gipadala ni Hiram nga hari sa Tiro kang David?

Nagpadala si Hiram ug mensahero kang David, ug mga kahoy nga sidro, mga panday, ug mga mason.

2 Samuel 5:13-16

Pila man kabuok ang anak ni David sa Jerusalem?

11 ang anak ni David sa Jerusalem.

2 Samuel 5:17-18

Unsa man ang gibuhat sa mga Filistihanon sa dihang ilang nadungog nga gidihogan si David ingon nga hari sa Israel?

Nanggawas ang mga Filistihanon aron sa pagpangita kang David sa dihang nadungog nila nga gidihogan na si David ingon nga hari sa Israel.

2 Samuel 5:19-21

Unsa man ang gitubag ni Yahweh sa pangutana ni David nga, "Sulongon ko ba ang mga Filistihanon? Ihatag mo ba ang kadaogan kanako batok kanila?"

Mitubag si Yahweh kang David, "Sulonga, kay ihatag ko gayod kanimo ang kadaogan batok sa mga Filistihanon."

Diin man gisulong ni David ang mga Filistihanon ug unsa man ang resulta niini?

Gisulong ni David ang Baal Perazim, ug gibuntog niya didto ang mga Filistihanon.

2 Samuel 5:22-23

Sa dihang misubida na usab ang mga Filistihanon sa ikaduhang higayon, unsa man nga pamaagi sa pag-ataki ang gisulti ni Yahweh kang David?

Gisultihan ni Yahweh si David nga dili moataki sa mga Filistihanon sa atubangan, apan atakihon sila sa luyo agi sa kakahoyan sa balsamo.

2 Samuel 5:24-25

Unsa man nga tingog ang gisulti ni Yahweh kang David nga paminawon sa dili pa sila mosulong sa mga Filistihanon?

Gisultihan ni Yahweh si David nga sulongon ang mga FIlistihanon sa dihang madungog niya ang pagmartsa gikan sa tayhop sa hangin agi sa tumoy sa kakahoyan sa balsamo.

Unsa man ang gibuhat ni David mahitungod sa sugo ni Yahweh?

Gituman ni David ang gisugo ni Yahweh.

Unsa man ang resulta sa gubat batok sa mga Filistihanon?

Gipamatay ni David ang mga Filistihanon gikan sa Geba hangtod sa Gezer.

2 Samuel 6

2 Samuel 6:1-2

Nganong gitigom man ni David pag-usab ang tanang mga piniling kalalakin-an sa Israel?

Gitigom ni David ang tanang mga piniling kalalakin-an sa Israel aron sa pagdala sa sudlanan sa kasabotan sa Dios.

2 Samuel 6:3-5

Asa man nila gipahimutang ang sudlanan sa kasabotan sa Dios?

Gipahimutang nila ang sudlanan sa kasabotan sa Dios sa bag-ong kariton.

Kinsa man ang naggiya sa bag-ong kariton?

Si Uza ug si Ahio, nga mga anak nga lalaki ni Abinadab, mao ang naggiya sa bag-ong kariton.

2 Samuel 6:6-7

Unsa man ang nahitabo sa dihang miabot sila sa salog nga giukanan ni Nakon?

Sa dihang miabot sila sa salog nga giukanan ni Nakon, nalup-og ang torong baka, ug gituy-od ni Uza ang iyang kamot aron gunitan ang sudlanan sa kasabotan sa Dios, ug gipugngan niya kini.

Unsa man ang gibuhat ni Yahweh isip balos sa gibuhat ni Uza?

Nasuko si Yahweh ug giataki niya si Uza tungod sa iyang sala, ug namatay si Uza duol sa sudlanan sa kasabotan sa Dios.

2 Samuel 6:8-9

Unsa man ang gibati ni David mahitungod sa gibuhat ni Yahweh kang Uza?

Nasuko si David kang Yahweh tungod kay giataki niya si Uza, ug nahadlok si David kang Yahweh nianang adlawa.

2 Samuel 6:10-11

Unsa man ang gibuhat ni David sa sudlanan sa kasabotan sa Dios human mamatay si Uza?

Gibilin ni David ang sudlanan sa kasabotan sa Dios sa balay ni Obed Edom nga Gitihanon.

2 Samuel 6:12-13

Nganong gidala man ni David ang sudlanan sa kasabotan sa Dios ngadto sa iyang siyudad gikan sa balay ni Obed Edom?

Gidala ni David ang sudlanan sa kasabotan sa Dios gikan sa balay ni Obed Edom tungod kay gisultihan siya nga gipanalanginan ni Yahweh ang panimalay ni Obed Edom ug ang tanan nga iyang gipanag-iyahan tungod sa sudlanan sa kasabotan sa Dios.

2 Samuel 6:14-15

Unsa man ang gibuhat ni David sa dihang gidala na ang sudlanan sa kasabotan sa Dios?

Sa dihang gidala na ang sudlanan sa Kasabotan sa Dios, nagsul-ob lamang ug lino nga epod si David, ug misayaw sa atubangan ni Yahweh uban sa tibuok niyang kusog.

2 Samuel 6:16-17

Unsa man ang gisulti ni Mikal sa dihang nakita niya si Haring David nga nagluksolukso ug nagsayaw sa atubangan ni Yahweh?

Sa dihang nakita ni Mikal si Haring David nga nagluksolukso ug nagsayaw sa atubangan ni Yahweh, gitamay niya si David sulod sa iyang kasingkasing.

Human nga napahiluna na ang sudlanan sa kasabotan sa Dios sa iyang dapit, unsa man nga mga halad ang gihimo ni David ngadto kang Yahweh?

Naghalad si David ug halad nga sinunog ug halad sa pakigdait kang Yahweh.

2 Samuel 6:18-19

Unsa man ang gipang-apodapod ni David sa tibuok katawhan, sa tanang kalalakin-an ug kababayen-an?

Gipang-apodapod si David sa tanang katawhan, sa Israel, sa tanang kalalakin-an ug kababayen-an, ang pinikas nga tinapay, ug tipik sa karne, ug tinapay nga adunay pasas

2 Samuel 6:20

Unsa man ang gisulti ni Mikal, ang anak nga babaye ni Saul, ngadto kang David?

Miingon si Mikal ngadto kang David, "Pagkahalangdon sa hari sa Israel karong adlawa, nga naghubo sa iyang kaugalingon karon atubangan sa mga mata sa mga ulipong babaye taliwala sa iyang mga sulugoon, sama sa usa ka bastos nga tawo nga walay kaulaw sa paghubo sa iyang kaugalingon!"

2 Samuel 6:21-23

Unsa man ang mga tubag ni David sa pagbadlong ni Mikal?

Miingon si David nga milukso ug misayaw siya sa atubangan ni Yahweh ug diha sa atubangan ni Yahweh magmalipayon siya ug bisan siya mapakaulawan sa iyang kaugalingong panan-aw, apan mapasidunggan siya taliwala sa mga babayeng sulugoon.

2 Samuel 7

2 Samuel 7:1-2

Unsa man ang gihatag ni Yahweh kang David?

Gihatagan siya ni Yahweh ug kapahulayan gikan sa tanang mga kaaway nga nakapalibot kaniya.

Unsa man ang gisulti sa hari ngadto kang Natan nga propeta?

Ang hari miingon kang Natan nga propeta, "Tan-awa, nagpuyo ako sa balay nga gibuhat gikan sa kahoyng sidro, apan ang sudlanan sa kasabotan sa Dios anaa nahimutang sa taliwala sa tolda."

2 Samuel 7:3-5

Unsa man ang gisulti ni Natan kang David sa wala pa moabot ang pulong ni Yahweh kang Natan."

Miingon si Natan kang David, "Lakaw, buhata kung unsa ang anaa sa imong kasingkasing, kay mag-uban kanimo si Yahweh."

2 Samuel 7:6-7

Unsa man nga pangutana ang gipangutana ni Yahweh kang David mahitungod sa bisan kinsa nga pangulo sa Israel hangtod niadtong panahona?

Nangutana si Yahweh kang David kung miingon ba si Yahweh nga, "Nganong wala man ninyo ako buhati ug balay nga hinimo gikan sa kahoyng sidro?" sa bisan kinsang pangulo nga gituboy ni Yahweh.

2 Samuel 7:8-9

Unsa man ang gisulti ni Yahweh nga iyang gibuhat alang kang David?

Miingon si Yahweh nga gihimo niya si David nga pangulo sa iyang katawhang Israel, ug miuban bisan asa si David, ug gipuo ang tanang mga kaaway ni David.

2 Samuel 7:10-11

Unsa man ang giingon ni Yahweh nga iyang himoon alang sa Israel?

Miingon si Yahweh nga magtuboy siya ug dapit alang kanila ug ipahiluna sila didto, aron magpuyo sila sa ilang kaugalingong dapit ug dili na gayod masamok. Dili na gayod sila daugdaogon sa mga daotang tawo, sama sa ilang gihimo kaniadto.

2 Samuel 7:12-14

Kinsa man ang giingon ni Yahweh nga magtukod ug balay alang kaniya?

Miingon si Yahweh nga mopatungha siya ug kaliwat ni David, gikan gayod sa lawas ni David, nga mao ang magtukod ug balay alang sa ngalan ni Yahweh.

2 Samuel 7:15-17

Unsa man ang giingon ni Yahweh mahitungod sa panimalay ug gingharian ni David?

Miingon si Yahweh nga iyang ipahimutang ang panimalay ug ang gingharian ni David hangtod sa kahangtoran.

2 Samuel 7:18-20

Human masulti ni Natan kang David ang tanan nga mga pulong nga giingon ni Yahweh ug human sa iyang pagsulti sa kinatibuk-ang panan-awon, unsa man ang gibuhat ni David?

Miadto si David ug milingkod sa atubangan ni Yahweh ug misulti kaniya.

Human madungog ni David ang tanan nga mga panagna mahitungod kaniya ug sa iyang panimalay, unsa ang giingon ni David nga gibuhat ni Yahweh alang kaniya?

Miingon siya nga gipasidunggan ni Yahweh nga Ginoo ang iyang sulugoon, nga si David.

2 Samuel 7:21-26

Unsa man ang giingon ni David nga hinungdan sa paghimo ni Yahweh niining dakong butang ug pagpadayag niini ngadto kaniya?

Miingon si David nga gihimo niya kini tungod ug alang sa iyang pulong ug sa paghatag ug katumanan sa iyang kaugalingong tumong.

Unsa man ang giingon ni David nga hinungdan sa pag-adto ni Yahweh ug pagluwas sa Israel?

Miingon si David nga giluwas ni Yahweh ang Israel aron mamahimo sila nga katawhan sa Dios, aron maghimog ngalan sa iyang kaugalingon, ug aron sa pagbuhat ug dagko ug makahahadlok nga mga buhat sa yuta ni Yahweh.

2 Samuel 7:27-29

Giunsa man ni David sa pag-ingon nga nakabaton siya ug kadasig sa pag-ampo kang Yahweh nga pangulo sa kasundalohang anghel?

Miingon si David nga nakabaton siya ug kadasig sa pag-ampo kang Yahweh nga pangulo sa kasundalohang anghel tungod kay si Yahweh nga gamhanan nagpadayag ngadto kang David nga himoan niya ug balay si David.

Giunsa man ni David sa pag-ila ang pulong ni Yahweh?

Giila ni David nga kasaligan ang pulong ni Yahweh.

Unsa man ang buot ni David nga himoon ni Yahweh?

Buot ni David nga himoon ni Yahweh ang tanang mga butang nga iyang gisulti ug panalanginan niya ang panimalay ni David.

2 Samuel 8

2 Samuel 8:1

Unsa man ang nakuha ni David pinaagi sa pag-ataki nila sa mga Filistihanon?

Nakuha ni David ang Gat ug ang matag baryo niini nga sakop sa mga Filistihanon.

2 Samuel 8:2

Human napildi ni David ang Moab, giunsa man niya paghukom ang nahibilin nga Moabihanon nga mga lalaki?

Gaghukom ni David ang nahibilin nga mga Moabihanong kasundalohan pinaagi sa pagsukod kanila sa pagpahigda sa yuta ug ang maabot sa duha ka dupa patyon, ug ang sa unahan buhion.

Unsa man ang nahitabo sa mga Moabihanon nga gibiling buhi?

Ang nahibilin nga mga Moabihanon gihimo ni David nga mga sulugoon ug nagsugod usab paghatag kang kaniya ug buhis.

2 Samuel 8:3-4

Giunsa man pag-ilog ni David gikan kang Hadadezer ang anak ni Rehob nga hari sa Zoba?

Gakailog ni David gikan kaniya ug liboan ka mga karwahi, 700 ka mga nagkabayong manggugubat, ug 20,000 ka mga nagmartsa nga kasundalohan.

2 Samuel 8:5-8

Unsa man ang gibuhat ni David sa mga Aramehanon sa Damasco sa dihang miabot sila aron sa pagtabang kang Hadadezer nga hari sa Zoba?

Gipamatay ni David ang 22,000 ka mga Aramehanong kasundalohan.

Nganong nagmadaugon man si David?

Nagmadaugon si David tungod kay gihatagan man siya ni Yahweh kadaugan bisan asa siya padulong.

2 Samuel 8:9-10

Unsa man ang gibuhat ni Tou, ang hari sa Hamat alang kang David sa dihang nadungog niya nga gipildi ni David ang tibuok kasundalohan ni Hadadezer?

Gipadala ni Tou ang iyang anak nga si Hadoram, ngadto kang David aron sa pagtimbaya ug pagpanalangin kaniya, ug nagdala si Hadoram ug mga butang sama sa plata, bulawan, ug mga bronsi alang kang David.

2 Samuel 8:11-12

Unsa man ang gibuhat ni David sa mga plata ug bulawan nga gikan sa nasud nga iyang nailog?

Gihalad ni David ngadto kang Yahweh ang mga plata ug bulawan nga iyang nailog.

2 Samuel 8:13-14

Asa man gipildi ni David ang mga Aramehanon?

Gipildi ni David ang mga Aramehanon sa Walog sa Asin.

2 Samuel 8:15-18

Unsa man ang gibuhat ni David sa tanan niyang katawhan?

Gihatagan ni David ug katarong ug kaangayan ang iyang katawhan.

Kinsa man ang pangulo nga magtatambag ni hari David?

Ang mga anak ni haring David mao ang iyang pangulo nga mga magtatambag.

2 Samuel 9

2 Samuel 9:1-2

Nganong buot man magpakita ni David ug kamaayo kang bisan kinsa nga nahibilin sa pamilya ni Saul?

Buot magpakita ni David ug pagkamaayo kang bisan kinsa nga nahibilin sa pamilya ni Saul alang kang Jonatan.

2 Samuel 9:3-4

Unsa man ang gitubag ni Siba sa hari sa dihang gipangutana siya kung aduna pa bay nahibilin sa pamilya ni Saul nga kapakitaan niya ug pagkamaayo sa Dios?

Mitubag si Siba sa hari, "Aduna pay anak nga lalaki si Jonatan, nga bakol ang tiil."

2 Samuel 9:5-6

Kinsa man ang nahibilin sa pamilya ni Saul?

Si Mefiboset, ang anak nga lalaki ni Jonatan, nga anak ni Saul, mao na lamang ang nahibilin.

2 Samuel 9:7-8

Unsa man ang kamaayo nga gibuhat ni David kang Mefiboset alang kang Jonatan?

Gipasig-uli ni David kang Mefiboset ang tanang yuta ni Saul, nga iyang apohan, ug gusto ni David nga makigkaon si Mefiboset kaniya sa iyang lamesa.

2 Samuel 9:9-10

Unsa man ang gisulti ni David kang Siba nga buhaton alang kang Mefiboset?

Gisultihan ni David si Siba, uban ang iyang mga anak ug iyang mga sulugoon, nga mag-uma sa yuta ni Mefiboset alang kaniya ug anihon ang mga pananom alang kaniya.

2 Samuel 9:11-13

Diin man nagpuyo si Mefiboset paghuman ni David pagpakita ug pagkamaayo kaniya?

Nagpuyo si Mefiboset sa Jerusalem.

Unsa man ang diperensya ni Mefiboset?

Bakol si Mefiboset sa duha niya ka tiil.

2 Samuel 10

2 Samuel 10:1-3

Kinsa man ang nahimong hari sa katawhan sa Ammon human sa kamatayon sa kanhing hari?

Si Hanun ang anak sa kanhing hari mao ang bag-ong hari sa Ammon.

Unsa man ang gibuhat ni David aron sa pagpakita ug kaayo ngadto kang Hanun?

Nagpadala siya ug mga sulugoon aron sa paghupay kang Hanun tungod sa kamatayon sa iyang amahan.

Unsa may gisulti sa mga pangulo sa katawhan sa Ammon mahitungod sa pagpakita ug pagkamaayo ni David ngadto kang Hanun?

Ang mga pangulo sa katawhan sa Ammon miingon kang Hanun nga gipadala ni David ang iyang mga sulugoon aron pagpaniid sa siyudad aron nga lumpagon kini.

2 Samuel 10:4-5

Unsa man ang gibuhat ni Hanun sa mga sulugoon nga gipadala ni David kaniya?

Gipadakop ni Hanun ang mga sulugoon ug iyang gikiskisan ang katunga sa ilang bungot ug giputlan ang ilang mga bisti gikan sa ubos paingon sa ilang sampot, unya gipalakaw.

2 Samuel 10:6-8

Nganong nagsuhol man ang katawhan sa Ammon ug 20,000 ka Arameanhon nga mga sundalo, ug ang hari sa Maaca uban sa 1000 ka mga sundalo ug sa Tob uban sa 12,000 ka mga sundalo?

Ang katawhan sa Ammon misuhol niining mga sundaloha sa dihang ilang nakita nga nasuko si David kanila.

Asa man gihan-ay sa mga Ammonihanon ug sa mga sinuhulang sundalo ang ilang mga kaugalingon?

Ang mga Ammonihanon naghan-ay sa ilang mga kaugalingon diha sa ganghaan sa siyudad, samtang ang mga Arameanhon sa Soba ug Rehob, ang ang mga lalaki sa Tob ug Maaka, nagbarog sa hawan nga dapit.

Unsa man ang gihimo ni David sa dihang nadungog niya nga ang katawhan sa Ammon nagsuhol ug liboan ka mga sundalo?

Sa dihang nadungog kini ni David, gipadala niya si Joab ug ang tanang kasundalohan sa Israel.

2 Samuel 10:9-12

Unsa man ang gibuhat ni Joab alang sa pagpangandam sa gubat?

Nangandam si Joab pinaagi sa paghan-ay sa iyang pipila ka mga batid nga manggugubat batok sa mga Arameanhon ug gibutang niya si Abisai nga iyang igsoon sa pagdumala sa ubang kasundalohan batok sa hut-ong sa kasundalohan sa Ammon.

2 Samuel 10:13-14

Unsa man ang gibuhat sa kasundalohan sa Ammon sa dihang nakita nila nga midagan ang kasundalohan sa Aramean gikan kang Joab ug sa iyang mga kasundalohan?

Sa dihang nakita sa kasundalohan sa Ammon nga midagan ang kasundalohan sa Aramean, midagan usab sila gikan kang Abisai ug mibalik sa siyudad.

2 Samuel 10:15-16

Unsa man ang gibuhat sa Arameanhon sa dihang nakita nila nga pildihunon sila sa Israel?

Nagtigom pag-usab ang mga Arameanhon ug nagpadala si Hadareser ug hut-ong sa kasundalohan gikan sa tabok sa Suba sa Eufrates.

2 Samuel 10:17-19

Unsa man ang gibuhat ni David sa dihang iyang nadungog nga ang mga Arameanhon nagpundok pag-usab ug nagpadala ug bag-ong hut-ong sa mga sundalo gikan sa tabok sa Suba sa Eufrates?

Sa dihang nadungog ni David ang balita, gitapok niya ang tibuok Israel, mitabok sila sa Jordan, ug miabot sa Helam aron sa pagpakig-away sa mga Arameanhon.

Unsa man ang gibuhat sa mga hari nga sulugoon ni Hadareser sa dihang ilang nakita nga mapildi sila sa Israel?

Ang mga hari nga sulugoon ni Hadareser nagkigdait sa Israel ug nahimong ilang mga sulugoon.

2 Samuel 11

2 Samuel 11:1

Kanus-a man nagaadto ang mga hari sa gubat?

Naandan na sa mga hari ang pagpakiggubat matag tingpamulak.

Diin man si Haring David niini nga panahon sa tingpamulak?

Nagpabilin si Haring David sa Jerusalem.

2 Samuel 11:2-3

Kinsa man ang nakita ni David nianang usa ka gabii sa dihang nibangon siya sa iyang higdaanan ug nilakaw sa atop sa iyang palasyo?

Nakakita si David ug babaye nga naligo ug Batseba ang iyang ngalan.

Kinsa man ang bana ni Batseba?

Si Uria nga Hitihanon ang bana ni Batseba.

2 Samuel 11:4-5

Unsa man ang gibuhat ni David kang Batseba?

Nakigdulog si David kang Batseba ug nabuntis siya.

2 Samuel 11:6-8

Pagkahibalo ni David nga mabdos si Batseba, unsa man ang iyang gibuhat?

Sa dihang nasayran ni David nga mabdos si Batseba gisultihan niya si Joab nga sugoon si Uria nga Hitihanon nga ipaadto kaniya.

Sa dihang miabot na si Uria kang David, unsa man ang gisulayan ni David nga ipabuhat kang Uria?

Gisultihan ni David si Uria nga moadto sa iyang balay ug hugasan ang iyang tiil.

2 Samuel 11:9-13

Unsa man ang gibuhat ni Uria sa dihang gisultihan siya ni David nga molugsong sa iyang balay?

Wala milugsong si Uria sa iyang balay, apan hinuon natulog siya sa pultahan sa palasyo sa hari uban ang mga sulugoon sa iyang agalon.

Unsa man ang gitubag ni Uria sa dihang nangutana si David kaniya, "Nganong wala ka man milugsong sa imong balay?"

Mitubag si Uria nga dili gayod siya moadto sa iyang balay aron sa pagkaon ug pag-inom ug pakigdulog sa iyang asawa samtang ang sudlanan sa kasabotan, ug ang Israel, ug ang Juda kay nagpuyo sa mga tolda, ug si Joab ug ang kasundalohan ni Joab anaa nagkampo sa hawan nga uma.

2 Samuel 11:14-17

Nagpadala si David ug sulat kang Joab pinaagi kang Uria. Unsa man ang sulod sa maong sulat?

Ang sulat nag-ingon, "Ibutang si Uria sa atubangan sa nagpungasi nga bahin sa gubat, ug biyai siya aron maigo siya ug mamatay."

2 Samuel 11:18-20

Unsa man ang gisulti ni Joab sa iyang mensahero nga mahitabo sa dihang isaysay na sa mensahero kang David ang balita mahitungod sa gubat?

Gisultihan ni Joab ang mensahero nga tingalig masuko si David human nga isulti sa mensahero kang David ang balita mahitungod sa gubat.

Unsa man nga balita ang gihunahuna ni Joab nga makapasuko kang David mahitungod sa gubat?

Naghunahuna si Joab nga tingalig masuko si David mahitungod sa kamatuoran nga niduol pag-ayo sa pader sa siyudad ang mga kasundalohan aron sa pagpakig-away.

2 Samuel 11:21-23

Unsa man ang gisulti ni Joab sa mensahero kung masuko si David mahitungod sa balita sa gubat?

Gisultihan ni Joab ang mensahero nga kung masuko si David sultihan niya siya nga, "Patay na usab ang imong sulugoon nga si Uria nga Hitihanon."

2 Samuel 11:24-25

Unsa man ang gisulti ni David sa mensahero nga isulti kang Joab?

Gisultihan ni David ang mensahero nga sultihan si Joab nga pakusgan pa ang iyang pagpakiggubat batok sa siyudad ug pildihon kini.

2 Samuel 11:26-27

Unsa man ang gibuhat sa asawa ni Uria sa dihang nadungog niya nga patay na ang iyang bana?

Sa dihang nadungog niya nga patay na ang iyang bana, nagbangotan siya pag-ayo alang sa iyang bana.

Unsa man ang nahitabo kang Batseba?

Pagkahuman sa iyang pagbangotan, gikuha siya ni David paadto sa iyang palasyo, unya nahimo siya nga iyang asawa ug nanganak si Batseba ug batang lalaki.

Kinsa man ang wala nahimuot sa gibuhat ni David?

Wala nahimuot si Yahweh sa gibuhat ni David.

2 Samuel 12

2 Samuel 12:1-3

Nganong miadto man si Natan kang David?

Miadto si Natan kang David tungod kay gipadala siya ni Yahweh ngadto kaniya.

Gisultihan ni Natan si David ug usa ka sugilanon. Unsa man ang maong sugilanon?

Ang sugilanon nga gisulti ni Natan ngadto kang David mahitungod sa usa ka adunahan nga lalaki nga nanag-iya ug daghang panon sa mga karnero ug panon sa mga baka, ug ang usa ka kabos nga lalaki nga nagbaton lamang ug usa ka bayeng karnero ug gipakasama niya kini sa iyang anak nga babaye.

2 Samuel 12:4-6

Unsa man ang gibuhat sa adunahan nga lalaki ngadto sa kabos nga lalaki ug sa iyang bayeng karnero?

Sa dihang adunay miabot nga bisita ang adunahan nga lalaki, gikuha niya ang bayeng karnero sa kabos nga lalaki ug giluto niya kini alang sa iyang bisita.

Unsa man ang reaksyon ni David sa dihang nadungog niya ang sugilanon ni Natan mahitungod sa tawong adunahan ug sa tawong kabos?

Nanginit sa kasuko si David batok sa tawong adunahan ug miingon nga kinahanglan mamatay ang tawong adunahan.

2 Samuel 12:7-8

Unsa man ang gisulti ni Natan ngadto kang David human masuko si David sa tawong adunahan mahitungod sa iyang sugilanon?

Miingon si Natan ngadto kang David, "Ikaw kadtong tawhana!"

2 Samuel 12:9-10

Unsa man ang gisulti ni Yahweh nga gibuhat ni David?

Miingon si Yahweh nga gipatay ni David si Uria nga Hitihanon pinaagi sa espada sa mga kasundalohan sa Ammon ug gikuha niya ang asawa niini aron mahimo niyang asawa.

2 Samuel 12:11-13

Unsa man ang giingon ni Natan nga dili mahitabo ngadto kang David human nga masulti niya kini, "Nakasala ako batok kang Yahweh."?

Giingnan ni Natan si David, "Gipasaylo usab ni Yahweh ang imong sala. Dili ka pagapatyon."

2 Samuel 12:14-15

Unsa man ang giingon ni Yahweh nga iyang pagabuhaton tungod kay gisupak ni David si Yahweh ug gikuha niya ang asawa ni Uria nga Hitihanon aron mahimo niyang asawa?

Miingon si Yahweh ngadto kang David nga dili mobiya gikan sa iyang panimalay ang espada, ipahamtang ni Yahweh ang kadaot batok kang David gikan sa iyang kaugalingong panimalay, ug makigdulog ang iyang silingan sa mga asawa ni David sa adlawng dako, ug mamatay gayod ang bata nga gipakatawo gikan kang David.

2 Samuel 12:16-18

Unsa man gibuhat ni David sa dihang nasakit ang bata nga gianak sa asawa ni Uria nga ang amahan mao si David?

Midangop si David sa Dios alang sa iyang anak nga lalaki, nagpuasa ug misulod sa iyang lawak ug naghigda sa salog tibuok gabii.

Kanus-a namatay ang bata nga gianak sa asawa ni Uria nga ang amahan mao si David?

Namatay ang bata sa ikapito nga adlaw.

2 Samuel 12:19-20

Unsa man ang gibuhat ni David human niya masayri nga patay na ang bata?

Human masayri ni David nga patay na ang bata, mitindog siya gikan sa salog ug naligo, gidihogan niya ang iyang kaugalingon, ug nag-ilis sa iyang mga bisti.

2 Samuel 12:21-23

Unsa man ang rason ni David nganong wala na siya magpuasa human mamatay ang bata?

Ang rason ni David nga wala na siya magpuasa pa human mamatay ang bata tungod kay dili naman niya mabalik ang bata pag-usab.

2 Samuel 12:24-25

Nganong nagpadala man ug mensahe si Yahweh pinaagi kang Natan nga propeta aron nganlan ug Jedidiah ang sunod nga anak ni Batseba ug ni David?

Miingon si Yahweh nga nganlan ang bata ug Jedidia tungod kay gihigugma siya ni Yahweh.

2 Samuel 12:26-30

Niining higayona, kang kinsa man nakig-away si Joab?

Nakig-away si Joab batok sa Rabba, ang harianong siyudad sa katawhan sa Ammon.

Nganong giingnan man ni Joab si David nga tigomon ang nahibiling mga kasundalohan ug magkampo batok sa siyudad ug kuhaon kini?

Giingnan ni Joab si David nga moadto ug magkampo sila batok sa siyudad ug kuhaon kini, tungod kay miingon si Joab nga kung siya ang makailog sa siyudad panganlan sunod kaniya ang maong siyudad.

2 Samuel 12:31

Human nila mailog ang siyudad sa Rabba, unsa man ang gipahimo ni David ngadto sa mga katawhan nga anaa sa siyudad?

Gipugos ni David ang katawhan sa Rabba sa pagtrabaho gamit ang mga gabas, puthaw nga mga piko, ug mga atsa; gipabuhat usab niya sila ug mga tisa.

2 Samuel 13

2 Samuel 13:1-2

Kang kinsa man naibog pag-ayo si Amnon, ang anak nga lalaki ni David?

Naibog pag-ayo si Amnon sa iyang igsoon sa amahan nga si Tamar, nga igsoon ni Absalom, nga usa sa mga lalaking anak ni David.

2 Samuel 13:3-4

Giunsa man pagtubag ni Amnon si Jehonadab sa dihang nangutana kini kaniya kung nganong magul-anon siya matag buntag?

Gisultihan ni Amnon si Jehonadab nga nahigugma siya kang Tamar, nga igsoon ni Absalom.

2 Samuel 13:5-9

Unsa man ang gibuhat ni Amnon aron nga moadto si Tamar kaniya?

Nagpakaron-ingnon si Amnon nga nasakit siya ug sa dihang mibisita si David kaniya, gihangyo niya si David nga paadtoon si Tamar aron magluto ug pagkaon sa iyang atubangan ug aron makakaon siya gikan sa iyang mga kamot, ug misugot si David sa iyang hangyo.

2 Samuel 13:10-12

Unsa man ang gibuhat ni Amnon sa dihang miabot si Tamar aron magdalit kaniya ug pagkaon?

Sa dihang miabot si Tamar aron modalit ug pagkaon kang Amnon, gikuptan niya ang kamot niini ug giingnan, "Dali, pakigdulog kanako, akong igsoon."

2 Samuel 13:13-14

Unsa man ang gibuhat ni Amnon sa dihang giingnan siya ni Tamar nga dili siya pugson ug dili buhaton ang makauulaw nga butang?

Wala maminaw si Amnon kaniya, ug gilugos niya siya.

2 Samuel 13:15-17

Unsa man ang gibati ni Amnon ngadto kang Tamar human niya kini lugosa?

Gikasilagan ni Amnon si Tamar mas labaw pa sa tinguha niya niini.

Unsa man ang gimando ug gipugos ni Amnon nga himoon ni Tamar?

Gimandoan ni Amnon si Tamar sa pag-ingon "Barog ug lakaw." ug gisugo niya ang iyang kaugalingong sulugoon nga ipahilayo si Tamar kaniya ug sirad-an ang pultahan pagkahuman.

2 Samuel 13:18-19

Unsa man ang gibuhat ni Tamar human siya gipagawas sa lawak ni Amnon?

Human gipagawas si Tamar sa lawak ni Amnon, gibutangan niya ug abo ang iyang ulo, ug gigisi ang iyang bisti, ug gitapion ang iyang mga kamot sa iyang ulo ug milakaw nga nagdangoyngoy ug kusog sa iyang pagpalayo.

2 Samuel 13:20-22

Unsa man ang gibati ni Haring David sa dihang nadungog niya kining tanang mga butanga?

Sa dihang nadungog ni Haring David kining tanang mga butanga, nasuko siya pag-ayo.

Unsa man ang gibati ni Absalom, ang igsoon lalaki ni Tamar, ngadto kang Amnon human niya mahibalo-i, nga gilugos ni Amnon ang iyang igsoon

Nasilag si Absalom kang Amnon tungod kay gilugos niya ang iyang igsoon nga si Tamar.

2 Samuel 13:23-24

Kinsa man ang gidapit ni Absalom nga mobisita kaniya didto sa Baal Hasor?

Gidapit ni Absalom ang hari ug ang tanan niyang mga anak sa pagbisita kaniya didto sa Baal Hasor.

2 Samuel 13:25-26

Unsa man ang gisulti sa hari isip tubag sa pag-imbitar ni Absalom nga mobisita kaniya didto sa Baal Hasor?

Miingon ang hari nga dili sila angay mangadto tanan tungod kay makapabug-at lamang sila kaniya.

Unsa man ang gisulti ni David sa dihang mihangyo si Absalom nga tugotan si Amnon sa pag-uban kanila?

Sa dihang mihangyo si Absalom kang David nga tugotan si Amnon sa pag-uban kanila, nangutana si David, "Nganong kinahanglan man nga mouban si Amnon kanimo?"

2 Samuel 13:27-29

Kinsa man ang miuban kang Absalom?

Miuban kang Absalom si Amnon ug ang tanan nga mga anak sa hari.

Unsa man ang gimando ni Absalom sa iyang mga sulugoon mahitungod kang Amnon?

Gimandoan ni Absalom ang iyang mga sulugoon nga sa dihang magsugod na ug kahubog ug bino si Amnon "Atakiha siya," unya ilang patyon si Amnon.

Unsa man ang gibuhat sa mga anak sa hari human patya sa mga sulugoon ni Absalom si Amnon?

Human patya sa mga sulugoon ni Absalom si Amnon ang tanan nga mga anak sa hari nanindog, ug ang matag usa kanila misakay sa ilang mula ug mikagiw.

2 Samuel 13:30-31

Unsa man ang unang balita nga nadungog ni David mahitungod sa nahitabo?

Samtang anaa pa sa dalan ang mga anak sa hari, ang balita miabot kang David nga nag-ingon, nga gipamatay ni Absalom ang tanang mga anak sa hari.

2 Samuel 13:32-36

Unsa man ang gisulti ni Jehonadab nga nahitabo ug ngano?

Gisultihan ni Jehonadab si David nga si Amnon lamang ang namatay, tungod kay giplano na daan kini ni Absalom gikan pa sa adlaw sa paglugos ni Amnon sa iyang igsoon nga si Tamar.

2 Samuel 13:37-39

Asa man miadto si Absalom human mapatay si Amnon?

Mikagiw si Absalom ngadto kang Talmai, nga anak ni Ammihud, nga hari sa Gesur.

Pila man ka tuig nagpuyo si Absalom sa Gesur?

Nagpuyo si Absalom ug tulo ka tuig sa Gesur.

Unsa man ang gihandom ni David nga himoon?

Naghandom si David nga mogawas ug makakita kang Absalom.

2 Samuel 14

2 Samuel 14:1-3

Unsa man ang gibuhat ni Joab human niya nahibaw-an nga ang hari nagtinguha nga makakita kang Absalom?

Nagpadala siya ug sulat ngadto sa Tekoa aron nga dalahon ang maalamong babeye ngadto kaniya.

Sa mubo nga panahon unsa man ang gipabuhat ni Joab sa maalamong babaye?

Buot ni Joab nga magpakaarong-ingnon nga nagmasulob-on ang maalamong babaye ug sultihan ang hari sa mga pulong nga gitudlo ni Joab kaniya.

2 Samuel 14:4-6

Sa dihang miadto ang maalamong babaye sa hari, giunsa man niya pagpaila ang iyang kaugalingon?

Nagpaila siya ngadto sa hari nga siya biyuda.

Unsa man ang gisulti sa maalamong babaye ngadto sa hari mahitungod sa gibuhat sa iyang duha ka anak?

Gisultihan sa maalamong babaye ang hari nga ang iyang duha ka anak nga mga lalaki nag-away samtang didto sila sa uma ug gibunalan sa usa ang usa ug namatay kini.

2 Samuel 14:7-9

Unsa man ang gisulti sa maalamong babaye ngadto sa hari nga iyang gikahadlokan nga mahitabo sa nahibilin niyang anak?

Giingnan sa maalamong babaye ang hari nga nahadlok siya sa tanan niyang paryente tungod kay patyon man nila ang nahibilin iyang anak, ug puohon ang nahibilin nga kaliwat sa iyang bana ug wala nay mahibilin nga ngalan ni kaliwat niini.

2 Samuel 14:10-14

Nganong naghangyo man ang maalamong babaye ngadto sa hari nga hinumdoman si Yahweh nga iyang Dios?

Gihangyo kini sa maalamong babaye ngadto sa hari aron nga ang panimalos sa dugo dili makalaglag ni bisan kinsa, aron usab nga dili nila mapatay ang iyang anak nga lalaki.

Kang kinsa man nanumpa ang hari sa dihang gisultihan niya ang babaye nga walay bisan usa sa buhok sa iyang anak ngaa lalaki ang mahulog sa yuta?

Nanumpa ang hari pinaagi sa ngalan ni Yahweh ug miingon, "Ingon nga si Yahweh buhi, walay bisan usa sa buhok sa imong anak nga lalaki ang mahulog sa yuta.''

2 Samuel 14:15-17

Unsa man ang gisulti sa babayeng maalamon hinungdan nga miadto siya sa hari aron sa pagpakigsulti niini?

Ang babaye miingon, nga siya miadto ug nakigsulti sa hari tungod kay gihadlok siya sa katawhan, ug tungod kay nagtuo siya nga maminaw kaniya ang hari.

Unsa man ang gisulti sa babaye sa iyang mga pag-ampo ngadto kang Yahweh?

Miingon ang babaye sa iyang mga pag-ampo nga nangayo siya kang Yahweh pabor nga himoon unta ang mga pulong sa iyang agalong hari, nga mohatag kaniya ug paghupay.

2 Samuel 14:18-20

Unsa man ang gihangyo sa hari ngadto sa babaye nga dili itago kaniya ang bisan unsa nga ipangutana sa hari kaniya?

Nangutana ang hari ngadto sa babaye, ''Si Joab ba ang nagmando kanimo niining tanan?"

Nganong gimandoan man ni Joab ang babaye nga moadto sa hari ug isulti ang iyang gisugo nga isulti ngadto sa hari?

Gisugo ni Joab ang babaye nga himoon ang butang nga iyang gisugo aron mausab ang dagan sa panghitabo.

2 Samuel 14:21-22

Unsa man ang gibuhat ni Joab sa dihang giingnan siya sa hari nga kuhaon si Absalom ?

Naghapa si Joab sa yuta aron sa pagpakitag dakong pagtahod sa hari.

2 Samuel 14:23-24

Unsa man ang gipasidaan sa hari ngadto kang Joab mahitungod kang Absalom?

Miingon ang hari nga makahimo sa pagbalik si Absalom sa iyang kaugalingon nga balay apan dili siya makakita sa panagway sa hari.

2 Samuel 14:25-27

Unsa man ang dili malimtan mahitungod sa panagway ni Absalom?

Dili malimtan ang panagway ni Absalom tungod kay guwapo man siya ug walay tatsa ang iyang panagway ug ang iyang buhok kausa lang gupitan sa matag kataposan sa tuig, ug ang kabug-at sa iyang buhok moabot ug 200 ka shekel.

2 Samuel 14:28-29

Unsa man kadugay ang pagpuyo ni Absalom sa Jerusalem nga wala makakita sa panagway sa hari?

Nagpuyo si Absalom sa Jerusalem sulod sa duha ka tuig nga wala nakita ang panagway sa hari.

2 Samuel 14:30-31

Unsa man ang gisulti ni Absalom sa iyang sulugoon human nagpadala si Absalom ug mensahe nga paadtoon si Joab?

Giingnan ni Absalom ang iyang sulugoon nga sunogon ang uma ni Joab.

2 Samuel 14:32-33

Unsa man ang buot ipabuhat ni Absalom kang Joab?

Buot ni Absalom nga paadtoon si Joab sa hari ug sultihan ang hari nga buot ni Absalom nga makakita sa panagway sa hari.

Unsa man ang gibuhat sa hari tungod sa paghapa ni Absalom sa yuta atubangan sa hari?

Miduol ang hari kang Absalom ug mihalok kini kaniya.

2 Samuel 15

2 Samuel 15:1-2

Unsa man ang giandam ni Absalom alang sa iyang kaugalingon?

Nag-andam si Absalom ug karwahe ug mga kabayo alang sa iyang kaugalingon.

Kinsa man ang nagdagan una kang Absalom ug sa iyang karwahe?

Ang 50 ka mga tawo maoy mag-una ug dagan kang Absalom ug sa iyang karwahe.

Kinsa man ang pangtawgon ni Absalom sa dihang magbarog siya sa dalan paingon sa ganghaan sa siyudad?

Kung moadto ang usa ka tawo sa hari aron sa paghukom sa iyang sumbong, tawgon siya ni Absalom.

2 Samuel 15:3-4

Unsa man ang isulti ni Absalom kabahin sa sumbong sa mga tawo nga moadto sa hari alang sa paghukom?

Moingon si Absalom niining mga tawhana nga ang ilang sumbong maayo ug husto, apan walay gitahasan ang hari aron maminaw kanila.

Unsa man ang rason nga gihatag ni Absalom sa iyang pangandoy nga mahimong maghuhukom sa yuta?

Nag-sulti si Absalom nga nangandoy siya nga mahimong maghuhukom sa maong yuta aron nga ang matag tawo nga adunay kaso makaduol kaniya ug makadawat ug hustisya.

2 Samuel 15:5-6

Unsa man ang ginabuhat ni Absalom sa mga tawo nga moduol kaniya aron sa pagtahod?

Gakson ug hagkan ni Absalom ang si bisan kinsang tawo nga moduol kaniya aron sa pagtahod.

Unsa man ang gikawat ni Absalom gikan sa katawhan sa Isreal?

Gikawat ni Absalom ang kasingkasing sa mga tawo sa Israel.

2 Samuel 15:7-8

Unsa man ang rason nga gihatag ni Absalom sa hari aron sa pag-adto sa Hebron?

Miingon si Absalom sa hari nga moadto siya sa Hebron aron sa pagbayad sa iyang saad nga gihimo kang Yahweh.

2 Samuel 15:9-10

Unsa man ang gibuhat sa mga tigpaniid nga gipadala ni Absalom ngadto sa katribohan sa Israel?

Ang mga tigpaniid miingon, "Sa takna nga inyong madungog ang lanog sa trumpeta, kinahanglan moingon kamo, 'si Absalom ang hari sa Hebron.'"

2 Samuel 15:11-12

Nasayod ba ang 200 ka mga lalaki nga gidala ni Absalom sa Hebron sa iyang mga laraw?

Wala, mikuyog ang 200 ka mga tawo nga wala masayod sa bisan unsang laraw ni Absalom.

2 Samuel 15:13-15

Unsa man ang gisulti ni David sa iyang mga sulugoon human siya sultihi sa mga mensahero nga "Ang mga Israelita misunod na kang Absalom"?

Giingnan ni David ang iyang mga sulugoon nga anaa sa Jerusalem, "Tindog ug mangikyas kita, tingalig walay usa kanato ang makalingkawas gikan kang Absalom."

2 Samuel 15:16-20

Kinsa man ang gipangbilin sa hari sa Jerusalem aron sa pag-atiman sa palasyo?

Gibilin sa hari ang napulo ka mga babaye, nga iyang mga puyopuyo, aron sa pag-atiman sa palasyo.

Kinsa man ang mga mikuyog sa hari sa iyang pagbiya sa Jerusalem?

Ang tanang kasundalohan sa hari miuban kaniya ingon man ang tanang Keretihanon, Peletihanon, ug Gittihanon-600 ka mga tawo ang mikuyog kaniya gikan sa Gat.

2 Samuel 15:21-23

Unsa man ang gitubag ni Itai sa hari human siya pabalika aron sa pagpuyo uban kang Haring Absalom?

Miingon si Itai sa hari nga mouban siya bisan asa moadto ang hari, mabuhi man o mamatay.

Asa man nga dalan miadto si David ug ang tanang miuban kaniya sa pagbiya sa Jerusalem?

Mitabok si David ug ang tanang kuyog kaniya sa Walog sa Kidron ug mibaklay sa dalan paingon sa kamingawan.

2 Samuel 15:24-26

Unsa man ang giingon sa hari ngadto kang Sadok kalabot sa sudlanan sa kasabotan sa Dios?

Ang hari miingon kang Sadok nga pari nga ipabalik ang sudlanan sa kasabotan ngadto sa siyudad.

2 Samuel 15:27-29

Nganong magpaabot man si David sa tabokanan sa Araba?

Magpaabot si David sa tabokanan sa Araba aron makahibalo sa mga panghibato nga isulti ni Sadok nga pari.

2 Samuel 15:30-31

Unsa man ang giampo ni David sa dihang nasayran niya nga nahisakop na si Ahitofel sa mga tawo ni Absalom?

Nag-ampo si David, "Yahweh, palihog himoang binuang ang mga tambag ni Ahitofel."

2 Samuel 15:32-34

Kinsa man ang mitagbo kang David sa iyang pag-abot sa ibabaw nga dalan, kung diin ginasimba kaniadto ang Dios?

Si Husai nga Arkihanon ang misugat kaniya.

Unsa man ang gusto ni David nga buhaton ni Husai alang kaniya?

Buot ni David nga mobalik si Husai ngadto sa siyudad ug ingnon niya si Absalom nga mahimo niya siyang ulipon aron nga malibog ni Husai ang mga tambag ni Ahitofel.

2 Samuel 15:35-37

Kinsa mang mga tawhana ang buot ni David nga sultihan ni Husai sa tanan nga iyang madungog sa palasyo sa hari?

Buot ni David nga isulti ni Husai kang Sadok ug Abiatar nga mga pari ang tanan nga iyang madungog sa palasyo sa hari.

2 Samuel 16

2 Samuel 16:1-2

Unsa man ang gidala ni Siba nga sulugoon ni Mefiboset ngadto kang David?

Nagdala si Siba ug paris sa asno, duha ka gatos ka tipik sa tinapay, usa ka gatos sa linain nga pasas, usa ka gatos ka pungpong sa igos nga prutas, ug bino nga gisulod sa sudlanan nga panit ngadto kang David.

2 Samuel 16:3-4

Sumala kang Siba unsa man ang rason nganong nagpabilin man si Mefiboset sa Jerusalem?

Miingon si Siba nga ang rason sa pagpabilin ni Mefiboset sa Jerusalem tungod kay nagtuo si Mefiboset nga ang panimalay sa Israel niadtong adlawa mahibalik kaniya.

Unsa man ang giingon sa hari nga napanag-iya ni Siba?

Miingon ang hari nga ang tanang katigayonan nga iya ni Mefiboset karon panag-iyahan na ni Siba.

2 Samuel 16:5-6

Unsa man ang gibuhat ni Simei kang David ug sa tanang opisyales sa hari?

Gitunglo ni Simei si David ug ang tanan niyang mga opisyales ug gipanglabayan niya silag abog ug bato.

2 Samuel 16:7-10

Unsa man ang tawag ni Simei kang David?

Gitawag ni Simei si David nga daotan ug mamumuno.

2 Samuel 16:11-14

Unsa man ang gilaoman ni David nga buhaton ni Yahweh tungod sa iyang nahiagoman nga kasakit ug mga pagtunglo niadtong adlawa?

Naglaom si David nga baslan siya ni Yahweh ug maayo tungod sa mga pagtunglo nga iyang nadawat niadtong adlawa.

2 Samuel 16:15-16

Sa dihang naabot na Jerusalem si Absalom, si Ahitofel, ug ang tanang tawo sa Israel, unsa man ang gisulti ni Husai kang Absalom?

Miingon si Husai kang Absalom, "Mabuhi ang hari! Mabuhi ang hari!"

2 Samuel 16:17-18

Miingon si Husai kang Absalom nga, nahisakop siya kang kinsa?

Giingnan ni Husai si Absalom nga nahisakop siya sa tawo nga gipili ni Yahweh ug sa mga katawhan sa Israel.

2 Samuel 16:19

Kapitulo 16

Kapitulo 16

2 Samuel 16:20-21

Unsa man ang tambag nga ipabuhat ni Ahitofel kang Absalom?

Gitambagan ni Ahitofel si Absalom nga makigdulog sa mga ulipong asawa sa iyang amahan nga gibilin aron mag-atiman sa palasyo.

2 Samuel 16:22-23

Unsa man ang pagtan-aw ni David ug Absalom sa mga tambag ni Ahitofel?

Ang mga tambag ni Ahitofel, gituohan ingon nga kini nadungog mismo gikan sa baba sa Dios.

2 Samuel 17

2 Samuel 17:1-4

Unsa man ang gitambag ni Ahitofel kang Absalom ug sa tanang katigulangan sa Israel mahitungod kung unsaon niya pagsulong si David?

Nagtambag si Ahitofel nga kinahanglan nila ug daghang kasundalohan aron sulongon nila si David sa tago panahon sa kagabhion sa dihang kapoy siya ug luya, ug dalhon pagbalik ang tanang katawhan aron nga maghari sila.

2 Samuel 17:5-7

Nangutana si Absalom sa tambag ni Husai mahitungod sa plano ni Ahitofel. Unsa man ang tambag ni Husai?

Misulti ni Husai nga dili maayo ang maong plano.

2 Samuel 17:8-10

Unsa man ang rason nga gisulti ni Husai nga dili maayo ang plano?

Tungod kay sa unang pagsulong mamatay ang pipila sa mga kasundalohan ni Absalom, ug bisan ang pinakaisog nga mga sundalo mahadlok tungod kay ipahayag man ang pagkamatay sa mga kasundalohan ni Absalom.

2 Samuel 17:11-12

Unsa man ang gitambag ni Husai nga buhaton ni Absalom?

Gitambagan ni Husai si Absalom nga tigomon ang tibuok Israel ug moadto sa gubat aron nga makaplagan nila si David ug patyon siya ug ang tanan niyang kasundalohan.

2 Samuel 17:13-14

Unsa man ang tubag ni Absalom ug sa kalalakin-an sa Israel sa tambag ni Husai?

Miingon sila nga mas maayo kini nga tambag kaysa sa gihatag nga tambag ni Ahitofel kanila.

2 Samuel 17:15-16

Unsa man nga mensahe ang gusto ni Husai nga ibalita sa pari kang David?

Ang mensahe mao nga kinahanglan nga dili magkampo si David sa sapa sa Araba, apan motabok siya ug ang iyang katawhan aron dili mamatay nianang gabhiona.

2 Samuel 17:17-18

Giunsa man pagpasa ang mga mensahe ngadto kang Haring David mahitungod sa plano ni Absalom nga pagsulong kaniya?

Usa ka babaye nga sulugoon moadto sa duha ka lalaki nga maoy misulti kang Haring David sa mga plano ni Absalom.

Unsa man ang gibuhat sa duha ka lalaki sa dihang nasakpan sila ug nakabalo niini si Absalom?

Mibiya ang duha ka lalaki ug mikanaog sa atabay sa hawanan sa usa ka tawo.

2 Samuel 17:19-20

Unsa man ang tabang nga nadawat sa duha ka lalaki?

Gitabonan sa asawa sa lalaki nga tag-iya sa balay ang atabay aron matagoan ang duha ka lalaki ug sa dihang nangabot ang mga tawo ni Absalom aron sa pagpangita kanila, gisultihan niya ang mga sundalo nga nanabok sa suba ang duha ka tawo.

2 Samuel 17:21-22

Human nga mibiya na ang mga tawo ni Absalom, unsa man ang gibuhat sa duha ka lalaki?

Migawas ang mga lalaki sa atabay ug milakaw aron sa pagsulti kang Haring David nga motabok sa Jordan aron nga maluwas siya ug ang iyang katawhan.

2 Samuel 17:23-26

Unsa man ang gibuhat ni Ahitofel sa dihang nakita niya nga wala gituman ang iyang tambag sa pagsulong kang David?

Mibalik si Ahitofel sa iyang balay sa iyang siyudad, gihan-ay niya ang iyang mga buluhaton, ug naghikog pinaagi sa pagbitay sa iyang kaugalingon.

2 Samuel 17:27-29

Giunsa man pag-atiman si David ug ang iyang katawhan sa kamingawan?

Adunay tulo ka lalaki ang miabot dala ang mga kagamitan ug mga pagkaon alang kang David ug sa iyang katawhan aron gamiton alang sa pagtulog, pagluto, ug mga plato ug kutsara.

2 Samuel 18

2 Samuel 18:1-2

Unsa man ang mensahe ni Haring David nga giistorya niya ngadto sa iyang kasundalohan?

Si haring David nag-istorya sa iyang mga kasundalohan nga mokuyog siya sa gubat uban kanila.

2 Samuel 18:3-4

Unsa man ang tubag sa mga kalalakin-an nga kasundalohan sa mensahe nga gikan kang Haring David?

Miingon ang mga kalalakin-an sa mga kasundalohan kang Haring David nga mas bilihon pa siya sa napulo ka libo kanila, busa kinahanglan nga magpabilin siya sa siyudad kaysa mokuyog sa gubat.

2 Samuel 18:5

Unsa man ang pahimangno nga gihatag sa hari sa mga pangulo sa iyang kasundalohan mahitungod sa iyang anak nga si Absalom.

Miingon siya sa mga pangulo nga "Ayoha pagtagad ang batan-ong lalaki nga si Absalom alang sa akong kaayohan."

2 Samuel 18:6-8

Unsa man ang nahimong resulta sa gubat sa lasang sa Efraim?

Nabuntog ang kasundalohan sa Israel sa mga sundalo ni David.

2 Samuel 18:9-11

Unsa man ang nahitabo kang Absalom sa dihang ang mula nga iyang gisakyan miadto sa baga nga mga sanga sa kahoy nga togas?

Nabiyaan nga nasangit ang ulo ug nagbitay sa hangin gikan sa sanga sa kahoy si Absalom.

Nganong nasuko man si Joab sa takna nga gisuginlan siya mahitungod kang Absalom?

Nasuko si Joab kay ang sundalo nga misugilon kaniya mahitungod kang Absalom wala mibunal kaniya aron mahagba sa yuta.

2 Samuel 18:12-13

Nganong wala man gipatay sa maong tawo si Absalom?

Wala niya gipatay si Absalom og alang sa kuwarta, tungod kay nadungog niya nga ang hari miingon nga walay bisan usa nga mutandog kang Absalom.

2 Samuel 18:14-15

Unsa man ang gihimo ni Joab kang Absalom?

Gidunggab ni Joab ug tulo ka bangkaw ang kasingkasing ni Absalom samtang buhi pa siya ug nagbitay pa sa kahoy nga togas.

2 Samuel 18:16-17

Unsa man ang ilang gihimo sa lawas ni Absalom

Gitambog nila ang lawas ni Absalom didto sa dako nga bangag sa lasang ug pagkahuman gitabunan ilalom sa dakong tapok sa mga bato.

2 Samuel 18:18

Ngano naghimo man si Absalom ug dako nga haliging bato alang sa iyang kaugalingon samtang siya buhi pa?

Nagtukod si Absalom ug dako nga haliging bato nga gitawag nga Monumento ni Absalom, aron pagdala sa paghinumdom sa iyang ngalan kay wala man siyay anak.

2 Samuel 18:19-20

Ngano wala man gipadagan si Ahimaaz sa hari uban ang maayong balita nga si Yahweh nagluwas sa hari gikan sa iyang mga kaaway?

Wala gitugotan si Ahimaaz nga modagan sa hari niadtong adlawa tungod kay namatay ang anak sa hari.

2 Samuel 18:21-23

Nganong gusto man gihapon modagan si Ahimaaz aron pagsugilon sa kang David sa maayong balita?

Nakahibalo si Ahimaaz nga gihatag na ni Joab ang mensahe sa taga-Cusi, apan gusto ni Ahimaaz nga siya ang una nga makasugilon sa hari sa maayong balita.

2 Samuel 18:24-25

Unsa man ang gihunahuna sa hari sa dihang nakadungog siya nga may nag-inusara nga nagdagan padulong sa siyudad?

Naghunahuna ang hari nga ang nagdagan nagdala ug balita kay nag-inusara man siya.

2 Samuel 18:26-27

Unsa man ang gihunahuna sa hari sa dihang nakadungog siya nga adunay laing tigdagan nga midagan nga nag-inusara?

Naghunahuna ang hari nga siya usab nagdala ug balita kay nag-inusara man siya.

Unsa man ang gihunahuna sa hari sa dihang iyang nadungan nga ang nagdagan sa iyang atubangan mao si Ahimaaz?

Naghunahuna ang hari nga nagdala si Ahimaaz ug maayong balita kay maayo siya nga tawo.

2 Samuel 18:28-30

Unsa man ang gidala nga balita ni Ahimaaz ngadto sa hari?

Miingon si Ahimaaz sa hari nga gitugyan na ni Yahweh ang mga tawo nga mibatok kaniya.

Giunsa man pagtubag ni Ahimaaz ang hari sa dihang gipangutana siya sa kahimtang ni Absalom?

Miingon si Ahimaaz nga nakakita siya ug dako nga pagkabalaka, apan wala siya nakahibalo kung unsa kadto.

2 Samuel 18:31-33

Unsa man ang gitubag sa taga-Cus sa dihang gipangutana siya sa hari mahitungod sa kahimtang ni Absalom?

Miingon ang taga-Cus sa hari nga ang imong kaaway mahisama unta niadtong batan-ong lalaki.

Unsa man ang tubag sa hari sa dihang nahibaloan niya nga namatay na ang iyang anak nga si Absalom?

Nasubo pag-ayo ang hari sa dihang nadungan niya ang maong balita ug nanghinaot nga siya nalang unta ang namatay og dili ang iyang anak.

2 Samuel 19

2 Samuel 19:1-2

Ngano man nga ang kadaugan niadtong adlawa nahimong pagbangotan alang sa tanang kasundalohan?

Ang kadaugan niadtong adlawa nahimong pagbangotan sa tanang kasundalohan tungod kay nadungog sa mga sundalo nga nagbangotan ang hari alang sa iyang anak.

2 Samuel 19:3-4

Unsa man ang gihilak sa hari?

Mihilak ang hari, "Akong anak nga Absalom, Absalom, akong anak, anak!"

2 Samuel 19:5-6

Unsa man ang gisulti ni Joab nga iyang gituohan nga makapahimuot sa hari?

Miingon si Joab nga nagtuo siya nga tingalig mahimuot ang hari kung nabuhi pa unta si Absalom ug mangamatay sila nga mga sundalo sa hari.

2 Samuel 19:7-8

Unsa man ang gisulti ni Joab sa hari nga mahitabo kung dili motindog ang hari, mogawas, ug makigsulti nga maayo ngadto sa mga sundalo sa hari?

Miingon si Joab nga kung dili moadto ang hari, walay usa ang magpabilin uban kaniya hangtod pagkagabii.

Kanus-a man miatubang ang tanang katawhan ngadto sa hari?

Miabot ang tanang katawhan sa atubangan sa hari human sila gisultihan nga ang hari nagalingkod sa ganghaan.

2 Samuel 19:9-10

Unsa man ang ginalalisan sa matag-usa sa tanang katawhan sa tanang tribo sa Israel?

Ang tanang katawhan sa tanang tribo sa Israel naglalis kung ila bang dad-on pagbalik ang hari o dili.

2 Samuel 19:11-12

Kinsa man ang gipadala ni David aron makigsulti sa mga kadagkoan sa Juda mahitungod sa pagdala ug balik sa hari?

Gipadala ni David si Zadok ug Abiatar nga mga pari aron makigsulti ngadto sa mga kadagkoan sa Juda.

2 Samuel 19:13-15

Kinsa man ang gisultihan ni David nga mahimong iyang kapitan sa kasundalohan puli kang Joab?

Miingon si David kang Amasa nga mamahimo siya nga kapitan sa kasundalohan puli kang Joab.

Nganong miabot man sa Gilgal ang mga tawo sa Juda?

Miabot sa Gilgal ang mga tawo sa Juda aron makigtagbo sa hari ug ubanan siya tabok sa Jordan.

2 Samuel 19:16-18

Kinsa man ang mitabok sa Jordan una sa hari?

Si Shimei, adunay 1,000 ka mga kalalakin-an nga uban kaniya gikan kang Benjamin, ug si Ziba, ang sulugoon ni Saul, ug uban kaniya ang iyang 15 ka mga anak ug 20 ka mga sulugoon, nga mitabok sa Jordan una sa hari.

2 Samuel 19:19-20

Nganong miabot man si Shimei ingon nga una gikan sa tanang pamilya ni Jose aron motagbo sa hari?

Milugsong si Shimei aron motagbo sa hari sanglit nasayod man siya nga nakasala siya batok sa hari.

2 Samuel 19:21-23

Unsa man ang gisulti sa hari kang Shimei human sa pagsulti ni Abisai nga kinahanglan pagapatyon si Shimei?

Gisultihan sa hari si Shimei nga dili siya mamatay ug misaad siya uban ang panumpa.

2 Samuel 19:24-25

Unsa man ang panagway ni Mefiboset sa dihang milugsong siya aron motagbo sa hari?

Walay gisul-ob si Mefiboset sa iyang mga tiil, o pamalbas, o nakapanglaba sa iyang mga bisti sukad sa adlaw nga mibiya ang hari.

2 Samuel 19:26-28

Unsa man ang girason ni Mefiboset sa dihang gipangutana siya sa hari, "Nganong wala ka man miuban kanako, Mefiboset?

Gisultihan ni Mefiboset ang hari nga ang iyang sulugoon nga si Ziba, namakak kaniya.

Unsa pa gayod ang gisulti ni Mefiboset nga gibuhat ni Ziba kaniya?

Miingon si Mefiboset nga gibutangbutangan ni Ziba si Mefiboset ngadto sa hari.

2 Samuel 19:29-30

Giunsa man pagtubag ni Mefiboset ngadto sa hari sa dihang miingon ang hari nga nakahukom na ang hari nga bahinon ni Ziba ug Mefiboset ang kaumahan?

Gisultihan ni Mefiboset ang hari nga tugotan si Ziba nga kuhaon ang tanan sanglit nahiabot man nga luwas ang hari sa iyang kaugalingong panimalay.

2 Samuel 19:31-33

Unsa man ang nahimo ni Barzilai alang sa hari?

Gitagbo ni Barzilai ang pagkinahangan sa hari sa dihang nagpuyo siya sa Mahanaim.

2 Samuel 19:34-36

Nganong nakaingon man si Barzilai nga dili niya buot nga moadto sa Jerusalem uban ang hari?

Miingon si Barzilai nga dili na niya kinahanglan nga mouban sa hari sanglit tigulang na man siya kaayo ug hapit na mamatay, dili na niya malasahan ang iyang gikaon o inomon, dili na siya makadungog ug tarong, ug dili niya buot nga makapahasol pa sa hari.

2 Samuel 19:37-39

Unsa man ang gihangyo ni Barzilai sa hari?

Gihangyo ni Barzilai ang hari nga tugotan siya nga makauli aron nga mamatay siya sa kaugalingon niyang siyudad, ug tugotan si Kimham nga motabok uban ang hari ug buhaton kang Kimham kung unsa ang sa tan-aw nga maayo ngadto sa hari.

2 Samuel 19:40-41

Kinsa man ang mitabok sa Gilgal uban sa hari?

Si Kimham, ang tanan nga kasundalohan sa Juda ug katunga sa kasundalohan sa Israel mitabok sa Gilgal uban sa hari.

2 Samuel 19:42-43

Nganong miingon man ang mga kalalakin-an sa israel nga aduna silay labaw nga katungod kang David kaysa sa mga kalalakin-an sa Juda?

Ang mga kalalakin-an sa Israel miingon ng aduna silay labaw nga katungod kang David sanglit aduna silay napulo ka mga tribo nga kadugo sa hari.

Kang kinsa man nga mga pulong ang labing isog, ang kalalakin-an ba sa Juda o mga kalalakin-an sa Israel?

Ang mga pulong sa mga kalalakin-an sa Juda mas labing isog kaysa sa mga pulong sa mga kalalakin-an sa Israel.

2 Samuel 20

2 Samuel 20:1-2

Nganong giisip man si Seba nga maoy gahimo ug kagubot?

Giisip si Sheba nga maoy hinungdan sa kagubot kay iyang gidasig ang mga katawhan sa Israel nga walay silay bahin kang David.

Unsa man ang nahimong tubag sa mga katawhan sa Juda kay Seba nga lahi sa tubag sa mga kalalakinan sa Israel?

Gisunod sa mga tawo sa Juda ang ilang hari, apan gibiyaan sa mga tawo sa Israel si David ug ilang gisunod si Seba.

2 Samuel 20:3

Unsa man ang kabag-ohan sa relasyon ni David ngadto sa napulo ka ulipong asawa sa dihang iya kining gibutang sa balay nga adunay guwardiya?

Naghatag si David sa ilang gikinahanglan, apan wala na siya nakigdulog uban kanila, busa nagpuyo sila sama sa mga balo.

2 Samuel 20:4-5

Unsa man ang giingon sa hari nga himuon ni Amasa?

Miingon ang hari kay Amasa nga tigomon ang mga katawhan sa Judah sulod sa tulo ka adlaw ug kinahanglan usab nga motambong siya.

2 Samuel 20:6-8

Unsa man ang gibuhat ni David sa balita nga ang mga tawo sa Israel mibiya kaniya ug ilang gisunod si Sheba?

Mitubag si David pinaagi sa paghatag ug pahimangno kay Abishai nga dalahon niya ang mga sundalo niya ug gukdon si Sheba sa dili pa kini makakita ug lig-on nga siyudad nga ilang katagoan.

2 Samuel 20:9-10

Unsa man ang gihimo ni Joab kay Amasa sa dihang gigunitan niya ang balbas ni Amasa pinaagi sa iyang tuong kamot aron sa paghalok kaniya?

Gidunggab ni Joab si Amasa sa kutsilyo sa iyang wala nga kamot.

2 Samuel 20:11-13

Unsa man ang reaksyon sa kasundalohan ni Joab sa dihang gidunggab niya si Amasa?

Gidala sa usa ka sundalo ni Joab si Amasa palayo sa dalan didto sa kaumahan ug gilabayan niya kini ug bisti ug gidasig ang tanan nga pabor kay Joab ug David nga musonod kay Joab.

2 Samuel 20:14-16

Unsa man ang gihimo ni Joab ug ang mga kasundalohan sa Juda sa diha ilang naapsan si Sheba ug ang mga kalalakinan sa Israel sa Abel sa Bet Maaca?

Naghimo ug agianan sa pader sa siyudad si Joab ug ang mga kalalakin-an sa Judah ug ila kining gisulayan sa paghugno.

2 Samuel 20:17-19

Giunsa man sa babaye paghulagway ang siyudad sa Abel ngadto kang Joab?

Gihulagway sa babaye ang siyudad sa Abel usa nga pinakamalinawon ug matinud-anon sa Israel ug ang siyudad usab mao ang inahan sa Israel.

Sa hamubo lamang nga higayon unsa man ang gipangutana sa babaye kang Joab?

Gipangutana sa babaye si Joab nganong gusto niya nga gubaon ang siyudad sa Abel.

2 Samuel 20:20-22

Unsa man ang kondisyon ni Joab sa babaye aron siya ug ang iyang mga kasundalohan sa Juda mohawa gikan sa siyudad?

Ang gihimo nga kondisyon ni Joab sa babaye mao nga kung ihatag sa siyudad si Sheba ngadto kanila, mohawa gayod sila sa siyudad.

Giunsa man sa mga tawo sa siyudad ug sa babaye ang pagtubag sa kondisyon ni Joab?

Giputol sa mga tawo sa siyudad ang ulo ni Sheba ug gilabay kini pagawas sa pader ngadto kang Joab sama sa gideklara sa babaye nga ilang himuon.

2 Samuel 20:23-26

Unsa man ang responsibilidad ni Adoram?

Ang responsibilidad ni Adoram mao ang pagdumala sa mga tawo nga gipugos ug patrabaho.

2 Samuel 21

2 Samuel 21:1

Nganong man adunay kagutom sa panahon ni David sulod sa tulo ka tuig?

Naay tulo ka tuig nga kagutom tungod kay gipamatay ni Saul ug sa iyang mamumuno nga pamilya ang mga taga-Gibeo.

2 Samuel 21:2-3

Nganong gusto man ni David nga mapagsig-uli sa taga-Gibeon?

Gusto ni Haring David nga mapasig-uli ngadto sa taga-Gibeon tungod kay nanumpa ang sa katawhan sa Israel nga nanumpa nga dili sila patyon, bisan pa niana misulay si Saul sa pagpatay tungod sa iyang kaligutgot sa Israel ug Juda.

2 Samuel 21:4

Unsa man ang giuyonan ni David nga buhaton nga pasig-uli alang sa dili makatarunganon nga gibuhat sa taga-Gibeon?

Nag-uyon si David nga bisan unsa ang pangayuon sa taga-Gibeon kaniya.

2 Samuel 21:5-6

Unsa man ang gipangayo sa taga-Gibeon gikan kang David isip pakigdait nga bayad sa gibuhat ni Saul?

Gipanguyo sa taga-Gibeon ang pito ka mga kaliwat ni Saul nga itugyan kanila aron bitayon sa atubangan ni Yahweh.

2 Samuel 21:7-9

Unsa man ang tubag ni David sa taga-Gibeon?

Ang tubag ni David sa maong gipangayo sa taga-Gibeon pinaagi sa pagluwas kang Mepiboset samtang pagabitayon ang duha ka anak lalaki ni Rispa ug ang lima ka anak lalaki ni Mical nga gibitay sa bukid atubangan ni Yahweh pinaagi sa taga-Gibeon.

2 Samuel 21:10-11

Unsa man ang gibuhat ni Rispa sa pagpakita sa iyang kaguol alang sa kamatayon sa iyang duha ka anak lalaki?

Nagtabon si Rispa ug sako sa iyang kaugalingon tupad sa patay nga lawas sa bukid ug wala niya tugoti ang mga langgam sa kawanangan o bisan unsa nga ihalas nga mananap nga mokaon niini.

2 Samuel 21:12-14

Asa man gikuha ni David ang mga bukog ni Jonatan ug Saul?

Gikuha ni David ang mga bukog ni Saul ug Jonatan gikan sa katawhan sa Jabes Gilead.

2 Samuel 21:15-19

Giunsa ni Abisai pagluwas si David sa dihang naluya siya sa pakiggubat?

Sa dihang naluya siya sa pakiggubat, giluwas siya ni Abisai pinaagi sa pagpatay sa Filistihanon nga si Isbinob nga mopatay unta kang David.

Nganong namugos man ang mga kasundalohan ni David nga dili na siya paubanon sa gubat?

Namugos ang mga kasundalohan ni David nga dili na siya paubanon sa gubat uban kaniya kay nahadlok sila nga palongon ang suga sa Israel.

2 Samuel 21:20-22

Kinsa man nga kaliwat ang pipila ka katawhan nga gipamatay ni David ug sa iyang mga kasundalohan didto sa Gat?

Gipamatay ni David uban sa iyang mga kasundlohanang pipila ka mga kaliwat sa Repaim sa Gat.

2 Samuel 22

2 Samuel 22:1-2

Kanus-a man giawit ni David ang awit nga si Yahweh mao ang bato nga nagluwas kaniya?

Giawit ni David ang awit nga si Yahweh mao ang iyang bato sa adlaw nga giluwas siya ni Yahweh gikan sa kamot ni Saul ug sa tanan niyang mga kaaway.

2 Samuel 22:3-4

Unsa man ang gisulti nga rason ni David kung nganong nagtawag siya kang Yahweh nga mao ang iyang bato?

Miingon si David nga ang rason nga nagtawag siya kang Yahweh nga iyang bato tungod kay si Yahweh mao ang angayan nga pagadayegon.

2 Samuel 22:5-6

Unsa man ang gibati ni David sa dihang anaa siya sa kamot sa iyang mga kaaway?

Gibati ni David nga daw gipalibotan siya sa mga balod sa kamatayon ug sa mga hikot sa Seol.

2 Samuel 22:7

Unsa man ang gibuhat ni David sa iyang kagul-anan?

Sa iyang kagul-anan, nagtawag si David kang Yahweh nga maoy naminaw sa iyang pagpakitabang gikan sa iyang templo.

2 Samuel 22:8-9

Unsa man ang nahitabo tungod sa kasuko sa Dios?

Ang kalibotan ug ang mga sukaranan sa kalangitan mikurog tungod kay nasuko man ang Dios, ug ang aso migawas sa bangag sa iyang ilong ug migawas ang kalayo sa iyang baba.

2 Samuel 22:10-12

Giunsa man pagkunsad ni Yahweh gikan sa kalangitan?

Nagsakay si Yahweh sa usa ka kerubin ug naglupad diha sa mga pako sa kahanginan.

2 Samuel 22:13-15

Giunsa man pagpatibulaag ni Yahweh ang iyang mga kaaway?

Gipatibulaag ni Yahweh ang iyang mga kaaway pinaagi sa pag-igo kanila sa mga pana ug sa mga kilat.

2 Samuel 22:16

Giunsa man pagpadayag ang mga sukaranan sa kalibotan?

Nadayag ang mga sukaranan sa kalibotan sa pagpakiggubat ni Yahweh ug sa kataposang buga sa gininhawa sa iyang ilong.

2 Samuel 22:17-18

Giunsa man pagluwas ni Yahweh kang David gikan niadtong nagdumot kaniya?

Mikanaog si Yahweh gikan sa hataas ug gibira siya pagawas gikan sa makusog nga tubig.

2 Samuel 22:19-21

Nganong giluwas man ni Yahweh si David?

Giluwas ni Yahweh si David tungod kay nahimuot man siya kaniya.

2 Samuel 22:22-23

Giunsa man pagtipig ni David ang mga dalan ni Yahweh?

Gitipigan ni David ang mga dalan ni Yahweh pinaagi sa pagtuman sa mga kasugoan ni Yahweh imbis nga mobuhat sa pagkadaotan ug motalikod gikan sa Dios.

2 Samuel 22:24-27

Unsa man ang nahitabo tungod sa paglikay ni David gikan sa sala?

Gipasig-uli ni Yahweh si David sumla sa iyang pagkamatarong tungod kay naglikay man siya sa pagbuhat ug sala.

2 Samuel 22:28-29

Unsa man ang buhaton ni Yahweh sa mapagarbohon?

Pukanon ni Yahweh ang mapagarbohon.

2 Samuel 22:30-31

Unsa man si Yahweh alang niadtong tanan nga nagdangop kaniya?

Si Yahweh mao ang taming sa tanan nga modangop kaniya.

2 Samuel 22:32-35

Nganong gihunahuna man ni David nga si Yahweh ingon nga iyang dalangpanan?

Gihunahuna ni David si Yahweh ingon nga iyang dalangpanan tungod kay siya mao ang iyang bato ug maoy naggiya sa mga walay sala nga mga tawo ngadto sa iyang agianan.

2 Samuel 22:36-41

Nganong wala man nadalin-as ang mga tiil ni David?

Wala nadalin-as ang mga tiil ni David tungod kay si Yahweh man ang iyang taming sa iyang kaluwasan ug mao ang naghimo ug hawan nga dapit alang sa iyang mga tiil.

2 Samuel 22:42-43

Unsa man ang gibuhat ni David sa iyang mga kaaway sa dihang nagpakitabang sila kang Yahweh?

Pagkahuman sa pagpakitabang sa mga kaaway ni David ngadto kang Yahweh, gidugmok sila ni David sa pino sama sa abog sa yuta ug gipino sila sama sa yuta sa kadalanan.

2 Samuel 22:44-46

Unsa man ang gibuhat ni Yahweh alang kang David?

Giluwas ni Yahweh si David gikan sa panag-away sa kaugalingon niyang katawhan ug pabilin siyang gihimo nga pangulo sa kanasoran.

2 Samuel 22:47-49

Unsa man ang gibuhat ni Yahweh alang kang David?

Gibalosan ni Yahweh ang mga kaaway ni David alang kaniya ug gipalingkawas si David gikan sa iyang mga kaaway.

2 Samuel 22:50-51

Nganong nag-awit man si David ug mga pagdayeg ngadto sa ngalan ni Yahweh?

Miawit si David ug mga pagdayeg ngadto sa ngalan ni Yahweh sanglit gihatagan man niya siya ug dakong kadaugan ug gipakita niya ang matinud-anong pakigsaad kaniya.

2 Samuel 23

2 Samuel 23:1-2

Unsa man ang nahimo nga ilado kang si David?

Si David usa ka tawo nga gitahod pag-ayo ug dinihugan sa Dios ni Jacob.

2 Samuel 23:3-5

Unsa man ang gisulti sa Dios sa Israel kang David?

Nag-ingon ang Dios sa Israel nga ang usa nga magdumala nga adunay kahadlok sa Dios sama sa kahayag sa kabuntagon sa dihang mosubang ang adlaw.

2 Samuel 23:6-8

Ngano man nga mahisama ang walay bili sama sa tunok nga ilabay lamang?

Mahisama ang walay bili nga tunok nga ilabay lamang tungod kay dili sila mahimong tapukon sa usa ka kamot.

2 Samuel 23:9-10

Giunsa man ni Elesar pakig-away sa mga Filistihanon sa dihang nagtigom sila aron sa pagpakigubat?

Nakiggubat si Elesar sa mga Filistihanon hangtod nga naluyahan ang iyang mga kamot ug dili na niya madaog ang espada.

2 Samuel 23:11-14

Unsa man ang gipanalipdan ni Shama batok sa mga Filistihanon?

Mibarog si Shama taliwala sa uma sa lentil ug iya kining gidipinsahan.

2 Samuel 23:15-17

Unsa man ang gibuhat sa tulo ka banggiitan nga mga sundalo ni David sa dihang nakadungog sila nga nangandoy si David sa tubig nga gikan sa atabay sa Betlehem?

Ang tulo ka banggiitan nga sundalo ni David nakiggubat sa kasundalohan sa mga Filistihanon ug midala pagbalik ug tubig gikan sa atabay sa Betlehem ngadto kang David.

Nganong man nga midumili si David sa pag-inom sa tubig nga gikan sa atabay sa Betlehem?

Midumili si David sa pag-inom sa tubig gikan sa atabay sa Betlehem tungod kay gibuhis nila ang ilang mga kinabuhi alang niini, busa iya kining giyabo ingon nga halad kang Yahweh.

2 Samuel 23:18-19

Unsa man ang nakapailado kang Abisai?

Naila si abisai tungod kay kapitan siya sa tulo ka mga sundalo ug nakapatay siya ug 300 ka mga sundalo pinaagi sa iyang bangkaw.

2 Samuel 23:20-39

Giunsa man pagpatay ni Benaya ang dako kaayo nga Ehiptuhanon?

Si Benaya nga, aduna lamang sungkod, sa pakiggubat batok sa dako kaayo nga Ehiptohanon nga adunay bangkaw sa iyang kamot. Giilog ni Benaya ang bangkaw gikan sa kamot sa Ehiptohanon ug gipamatay niya kini pinaagi sa bangkaw.

2 Samuel 24

2 Samuel 24:1-2

Unsa man ang gihangyo ni David kang Joab nga buhaton?

Giingnan ni David si Joab nga ihapon ang katawhan sa tibuok tribo sa Israel aron mahibaw-an ang ihap sa mga lalaki nga anggay sa gubat.

2 Samuel 24:3-7

Nganong dili man gusto si Joab sa pagbuhat sa giingon ni David?

Dili gusto si Joab nga motuman kang David tungod kay wala siya makasabot nganong gusto kining ipabuhat sa iyang agalon nga hari.

2 Samuel 24:8-9

Unsa man kadugayon alang kang Joab sa paglakaw sa tibuok kayutaan ug sa pagbalik sa Jerusalem?

Nikabat ug siyam ka bulan ug 20 ka adlaw ang pagsusi sa tibuok kayutaan ug pagbalik sa Jerusalem.

Pila man ang manggugubat nga mga lalaki nga naihap ni Joab?

800,000 ka maisugon nga kalalakin-an sa Isarel ang naihap ni Joab ug lima ka gatos kalibo ang mga kalalakin-an gikan sa Juda.

2 Samuel 24:10

Nganong naguol man si David human ihapa ni Joab ang mga kalalakin-an?

Naguol si David tungod kay nakahunahuna siya nga buangbuang ang iyang gibuhat ug nakabuhat siya ug dako nga sala.

2 Samuel 24:11-12

Unsa man ang mensahe ni Yahweh nga gihatag kang David pinaagi sa iyang propeta?

Giingnan ni Yahweh si David nga magpili siya ug usa sa tulo ka pilianan.

2 Samuel 24:13-14

Unsa man ang tulo ka pilianan nga gihatag ni Yahweh kang David pinaagi sa iyang propeta nga si Gad?

Nangutana si Yahweh kang David kung gusto siya ug tulo ka tuig nga hulaw, o magdagandagan siya sa iyang mga kaaway sulod sa tulo ka bulan, o tulo ka adlaw nga katalagman sa yuta.

2 Samuel 24:15-16

Nganong wala man ni sobra ug 70,000 ka mga tawo ang nangamatay sa maong katalagman?

70,000 lamang ang nangamatay sa maong katalagman tungod nausab ang hunahuna ni Yahweh ug gibakwi niya ang iyang kamot.

2 Samuel 24:17

Unsa man ang gihangyo ni David kang Yahweh sa dihang nakahunahuna siya sa iyang dako nga sala?

Miingon si David kang Yahweh nga silotan siya ug ang amahan sa iyang pamilya imbis nga ang katawhan sa Israel alang sa dako nga sala.

2 Samuel 24:18-20

Unsa man ang giingon sa propita nga si Gad ni David?

Giingnan ni Gad sa David nga motungas ug magbuhat ug halaran ngadto kang Yahweh sa pugaanan sa bino ni Aruana.

2 Samuel 24:21-23

Unsa man ang tuyo ni David sa pag-adto kang Aruana?

Gusto ni David nga paliton ang pugaanan ug bino ni Aruana aron nga makabuhat siya ug halaran alang kang Yahweh aron sa paghawa sa kalagman sa iyang katawhan.

2 Samuel 24:24-25

Nganong gusto man kaayo ni David nga paliton ang pogaanan ni Aruana sa kantidad?

Giingnan ni David si Aruana nga paliton kini sa kantidad tungod kay dili siya gusto nga maghatag ug halad ngadto kang Yahweh ingon nga halad sinunog sa butang nga wala niya gihagoan.

Giunsa ni David pagpaundang sa katalagman?

Gipaundang ni David ang katalagman pinaagi sa pagtukod sa altar alang kang Yahweh ug paghalad ug sinunog nga halad pakigdait sa maong halaran