2 Kings

2 Kings 1

2 Kings 1:1-2

Giunsa man pagkabaldado ni Ahazia?

Nahulog si Ahazia taliwala sa renehasan nga bintana ibabaw sa iyang lawak sa Samaria, ug nabaldado siya.

2 Kings 1:3-6

Nganong mamatay man gayod si Ahazia?

Mamatay gayod si Ahazia tungod kay nangutana siya kang Baal Zebub, ang dios sa Ekron.

2 Kings 1:7-8

Unsa man ang gisuot ni Elias?

Nagbisti si Elias ug panapton nga hinimo sa balahibo, ug nagbakos siya ug panit.

2 Kings 1:9-12

Unsa man ang milamoy sa kapitan ug sa iyang 50 ka mga kasundalohan?

Mikanaog ang kalayo nga gikan sa langit ug gilamoy ang kapitan ug ang 50 niyang kasundalohan.

2 Kings 1:13-16

Giunsa man pagpaduol sa ikatulo nga kapitan kang Elias?

Mitungas ang ikatulo nga kapitan, miluhod sa atubangan ni Elias, ug nangamuyo kaniya.

2 Kings 1:17-18

Nganong mipuli man sa paghari si Joram kang Ahazia?

Mipuli sa paghari si Joram tungod kay wala may anak nga lalaki si Ahazia.

2 Kings 2

2 Kings 2:1-2

Kanus-a man mibiya si Elias uban ni Eliseo gikan sa Gilgal?

Mibiya si Elias uban ni Eliseo gikan sa Gilgal sa dihang ibayaw na ni Yahweh si Elias pinaagi sa alimpulos ngadto sa langit.

2 Kings 2:3-6

Giunsa man pagtubag ni Eliseo sa dihang miingon ang mga anak sa mga propeta kaniya nga kuhaon ni Yahweh ang iyang agalon gikan kaniya?

Mitubag si Eliseo, "Oo, nasayod ako, apan ayaw kini hisgoti."

2 Kings 2:7-8

Nganong natunga man ang suba?

Tungod kay gikuha man ni Elias ang iyang kupo, gilukot ug gibunal kini sa tubig mao nga natunga ang suba.

2 Kings 2:9-10

Unsa man ang gipangayo ni Eliseo?

Gipangayo ni Eliseo ang makaduha ka pilo nga bahin sa espiritu ni Elias aron mokunsad kaniya.

2 Kings 2:11-12

Giunsa man pagsaka si Elias ngadto sa langit?

Misaka sa langit si Elias pinaagi sa usa ka alimpulos.

2 Kings 2:13-14

Unsa man ang nahitabo sa dihang gibunalan ni Eliseo ang tubig sa kupo ni Elias?

Nabahin ang tubig sa dihang gibunalan ni Eliseo ang tubig pinaagi sa kupo ni Elias ug nakatabok didto si Eliseo

2 Kings 2:15-16

Unsa man ang gusto sa mga anak sa mga propeta nga buhaton sa 50 ka mga kusgan nga kalalakin-an?

Buot nila nga pangitaon sa 50 ka kusgan nga kalalakin-an ang agalon ni Eliseo kay basin gidala siya sa Espiritu ni Yahweh ug gilabay ngadto sa usa ka bukid o sa usa ka walog.

2 Kings 2:17-18

Unsa man kadugay nga nangita ang 50 ka kusgan nga kalalakin-an kang Elias?

Nangita sila sulod sa tulo ka adlaw.

2 Kings 2:19-20

Unsa man ang suliran sa Jerico?

Dili maayo ang tubig ug dili mabungahon ang yuta.

2 Kings 2:21-22

Sa unsa man nga paagi nga naulian ang tubig?

Miadto si Eliseo sa tuboran sa tubig ug gisabwagan kini ug asin.

2 Kings 2:23-25

Unsa man ang tunglo nga nahitabo sa pipila ka mga batan-ong lalaki nga nagbugalbugal kang Eliseo?

Sa dihang gibugalbugalan sa pipila ka mga batan-ong lalaki si Eliseo migawas ang duha ka babayeng oso gikan sa kakahoyan ug gipamaak ang 42 ka mga batan-ong lalaki.

2 Kings 3

2 Kings 3:1-3

Unsa man ang kalahian sa pagkadaotan ni Joram gikan sa pagkadaotan sa iyang amahan ug inahan?

Ang pagkadaotan ni Joram dili sama sa iyang amahan ug inahan, kay gitanggal niya ang sagradong haligi nga bato ni Baal nga gibuhat sa iyang amahan.

2 Kings 3:4-8

Nganong mibiya man si Haring Joram sa Samaria?

Mibiya si Haring Joram sa Samaria aron molibot sa tibuok Israel alang sa gubat.

2 Kings 3:9-10

Unsa man ang tulo ka mga kasundalohan nga nagmartsa sa kurba nga porma sulod sa pito ka adlaw?

Nagmartsa ang Israel, Juda, ug Edom sa kurba nga porma sulod sa pito ka adlaw.

2 Kings 3:11-12

Unsa man ang gibuhat ni Eliseo alang kang Elias?

Nagbubo ug tubig si Eliseo (usa ka katabang) ngadto sa mga kamot ni Elias.

2 Kings 3:13-14

Nganong gihatagan man ug pagtagad ni Eliseo ang hari sa Israel?

Gihatagan ug pagtagad ni Eliseo ang hari sa Israel tungod kay gipasidunggan ni Eliseo ang presensya ni Jehoshafat nga hari sa Juda.

2 Kings 3:15-19

Kanus-a man mikunsad ang kamot ni Yahweh ngadto kang Eliseo?

Sa dihang nagtugtog ang manunugtog sa alpa, ang kamot ni Yahweh mikunsad ngadto kang Eliseo.

2 Kings 3:20

Kanus-a man napuno ug tubig ang nasod?

Pagkabuntag panahon sa paghalad sa mga halad, miabot ang tubig gikan sa Edom; ug ang nasod napuno sa tubig.

2 Kings 3:21-25

Kinsa man sa mga taga-Moab ang nagtigom aron sa pagpakiggubat?

Nanagtigom ang tanan nga makahimo sa pagsul-ob ug mga hinagiban.

Unsa man ang gihunahuna sa mga Moabnon sa dihang nakita nila ang tubig?

Sa dihang nakita sa mga Moabnon ang tubig, naghunahuna sila nga nalaglag na ang tulo ka mga hari, ug nagpinatyanay sila.

2 Kings 3:26-27

Unsa man ang gibuhat sa hari sa Moab ngadto sa iyang kamagulangang anak nga lalaki?

Gikuha niya ang iyang kamagulangang anak nga lalaki ug gihalad siya ingon nga halad sinunog ngadto sa ibabaw sa paril.

2 Kings 4

2 Kings 4:1-2

Unsa man ang mahitabo sa mga anak sa asawa sa usa sa mga anak nga lalaki sa mga propeta?

Kuhaon sa maniningil ang iyang duha ka anak nga lalaki aron himoon nga mga ulipon.

2 Kings 4:3-4

Asa man manghulam ug mga banga ang babaye?

Kinahanglan manghulam ang babaye ug mga banga sa iyang mga silingan.

2 Kings 4:5-9

Kanus-a man mihunong ug dagayday ang lana?

Sa dihang miingon ang iyang anak nga lalaki nga wala nay banga, mihunong ug dagayday ang lana.

2 Kings 4:10-13

Unsa man ang gibuhat sa mahinungdanong babaye nga taga-Shunem ug sa iyang bana alang kang Eliseo?

Nagbuhat sila ug gamay nga lawak didto sa atop alang kang Eliseo, nga adunay higdaanan, usa ka lamesa, usa ka lingkoranan, ug usa ka lampara.

2 Kings 4:14-16

Unsa man ang mabatonan sa babaye sa samang panahon sa sunod tuig?

Sa sunod tuig, makabaton siya ug anak nga lalaki.

2 Kings 4:17-24

Kanus-a man misakit ang ulo sa bata?

Sa dihang miadto ang bata sa iyang amahan usa ka adlaw niana, nga kauban sa mga mangangani, misakit ang iyang ulo.

Asa man milingkod ang bata hangtod nga namatay siya?

Milingkod ang bata sa paa sa iyang inahan hangtod nga namatay siya.

2 Kings 4:25-26

Asa man ang tawo sa Dios?

Anaa ang tawo sa Dios sa Bukid sa Carmel.

Sa dihang gipangutana ni Gehazi ang babaye kung maayo ba ang tanan, unsa man ang iyang gitubag?

Sa dihang gipangutana ni Gehazi ang babaye kung maayo ba ang tanan, mitubag siya, "Maayo lamang."

2 Kings 4:27

Unsa man ang gibuhat sa babaye sa dihang miabot siya ngadto sa tawo sa Dios didto sa bukid?

Sa dihang nakaabot siya ngadto sa tawo sa Dios didto sa bukid, gikuptan niya pag-ayo ang tiil ni Eliseo.

2 Kings 4:28-29

Unsa man ang buhaton ni Gehazi kung makatagbo siya ug bisan kinsa o kung adunay motimbaya kaniya?

Kung makatagbo si Gehazi ug bisan kinsa o kung adunay motagad kaniya, kinahanglan dili siya motubag.

2 Kings 4:30-31

Unsa man ang gibutang ni Gehazi sa dagway sa bata?

Gibutang niya ang sungkod ngadto sa dagway sa bata.

2 Kings 4:32-34

Giunsa man pagkainit sa lawas sa batang lalaki?

Gihap-an niya ang bata, ug miinit ang lawas sa bata.

2 Kings 4:35-37

Unsa man ang gibuhat sa bata sa wala pa niya gibuka ang iyang mga mata?

Mihatsing ang bata sa makapito ug unya gibuka ang iyang mata.

2 Kings 4:38-39

Kinsa man ang nanguha ug ihalas nga mga tanom nga mokatay?

Nanguha ang usa sa mga anak sa mga propeta ug ihalas nga mga tanom nga mokatay.

2 Kings 4:40-41

Giunsa man pagtanggal ni Eliseo sa hilo diha sa kolon?

Nagbutang si Eliseo ug pipila ka harina didto sa kolon.

2 Kings 4:42-44

Pila ka tawo ang mikaon sa 20 ka pan nga sebada?

100 ka mga tawo ang mikaon sa 20 ka mga tinapay nga sebada.

2 Kings 5

2 Kings 5:1-2

Unsa man ang gihatag ni Yahweh sa Aram pinaagi kang Naaman?

Mihatag ug kadaogan si Yahweh ngadto sa Aram.

2 Kings 5:3-4

Kinsa man ang giingon sa bata nga babaye nga makaayo sa iyang agalon?

Miingon ang batang babaye nga maayo sa propeta nga anaa sa Samaria ang iyang agalon.

2 Kings 5:5-6

Kang kinsa man gidala ni Naaman ang sulat nga gikan sa hari sa Aram?

Gidala ni Naaman ang sulat ngadto sa hari sa Israel.

2 Kings 5:7

Unsa man ang rason nga gihunahuna sa hari sa Israel nganong miadto si Naaman kaniya aron magpaayo?

Naghunahuna ang hari sa Israel nga buot ni Naaman nga magsugod ug usa ka panaglalis ngadto kaniya.

2 Kings 5:8-10

Unsa man ang gisulti nga buhaton ni Naaman aron mahinlo?

Gisultihan si Naaman nga molakaw ug motuslob ngadto sa suba sa Jordan sa makapito ka higayon aron mahinlo.

2 Kings 5:11-12

Unsa man ang gihunahuna ni Naaman nga buhaton ni Eliseo aron ayohon siya?

Naghunahuna si Naaman nga mogawas si Eliseo ngadto kaniya ug motindog ug motawag sa ngalan ni Yahweh nga iyang Dios, ug mokaway sa iyang kamot ibabaw sa maong dapit ug ayohon ang sangla.

2 Kings 5:13-14

Sama sa unsa man ang naayo nga unod ni Naaman?

Naayo pag-usab ang unod ni Naaman sama sa unod sa bata.

2 Kings 5:15-16

Unsa man ang nahibaloan ni Naaman sa dihang naayo na siya?

Sa dihang naayo na si Naaman, nahibaloan niya nga walay laing Dios sa tibuok kalibotan gawas sa Israel.

2 Kings 5:17-19

Alang sa unsa man ang gihangyo ni Naaman nga pasayloon siya ni Yahweh?

Mihangyo si Naaman nga pasayloon siya ni Yahweh sa dihang moyukbo siya sa balay ni Remon.

2 Kings 5:20-22

Sumala kang Gehazi, kinsa man ang miabot gikan sa kabungtoran sa Efraim?

Sumala kang Gehazi, miabot ang duha batan-ong lalaki nga mga anak sa mga propeta gikan sa kabungtoran sa Efraim.

2 Kings 5:23-25

Unsa man ang gitagoan ni Gehazi didto sa balay?

Gitagoan niya ang mga puntil sa plata didto sa balay.

2 Kings 5:26-27

Unsa man ang nahitabo tungod sa pagpamakak ni Gehazi?

Tungod kay namakak man si Gehazi, nahimo siyang sanglahon.

2 Kings 6

2 Kings 6:1-3

Nganong gusto man magtukod ug dapit nga kapuy-an ang mga anak sa mga propeta?

Gamay kaayo ang dapit nga ilang gipuy-an uban kang Eliseo, busa gusto nila magtukod ug dapit nga ilang kapuy-an.

2 Kings 6:4-5

Nganong nabalaka man ang tawo nga nakawala sa ulo sa atsa?

Nabalaka siya tungod kay hinulaman lamang ang atsa.

2 Kings 6:6-11

Giunsa man pagpalutaw ni Eliseo ang puthaw?

Miputol siya ug gamay nga sanga, gilabay kini sa tubig, ug gipalutaw ang puthaw.

2 Kings 6:12-13

Kinsa man ang nagsulti sa hari sa Israel sa gipamulong sa hari sa Aram?

Si Eliseo ang misulti sa hari sa Israel sa gipamulong sa hari sa Aram.

2 Kings 6:14-16

Nganong nabalaka man ang sulugoon ni Eliseo?

Nabalaka siya tungod kay nakakita siya ug dako nga kasundalohan inubanan sa mga kabayo ug mga karwahe nga nagpalibot sa siyudad.

2 Kings 6:17-19

Giunsa man pagdala ni Eliseo ang mga Arameanhon ngadto sa Samaria?

Mihangyo si Eliseo kang Yahweh nga butahan sila, ug unya giingnan sila ni Eliseo nga mosunod kaniya.

2 Kings 6:20-21

Asa man ang mga Arameanhon sa dihang gibuka ni Yahweh ang ilang mga mata?

Anaa ang mga Arameanhon taliwala sa siyudad sa Samaria sa dihang giablihan ni Yahweh ang ilang mga mata.

2 Kings 6:22-23

Unsa man ang gibuhat sa hari sa Israel ngadto sa mga Arameanhon?

Nagbutang siya ug tinapay ug tubig sa ilang atubangan, ug gipalakaw sila.

2 Kings 6:24-26

Nganong gibaligya man sa kantidad nga 80 ka mga plata ang ulo sa asno?

Adunay hilabihan nga kagutom sa Samaria, busa gibaligya ang ulo sa asno alang sa 80 ka buok nga plata.

2 Kings 6:27-29

Unsa man ang gisulti sa babaye ngadto sa hari nga nakasamok kaniya?

Mitubag siya, "Miingon kining babaye kanako, 'Ihatag kanako ang imong anak nga lalaki aron kaonon nato siya karong adlawa, ug atong kaonon ang akong anak nga lalaki ugma.'" Busa gipabukalan namo ang akong anak nga lalaki ug gikaon siya, ug miingon ako kaniya sa sunod adlaw, "Ihatag ang imong anak aron kan-on nato siya, apan gitagoan na niya ang iyang anak nga lalaki."

2 Kings 6:30-31

Kinsa man ang gipasanginlan sa hari nga maoy hinungdan sa kagutom?

Gipasanginlan niya si Eliseo.

2 Kings 6:32-33

Sa dihang miadto ang mensahero kang Eliseo, unsa man ang gisulti niya nga buhaton sa mga kadagkoan?

Sa dihang miabot ang mensahero ngadto kang Eliseo, miingon siya ngadto sa mga kadagkoan nga sirad-an ang pultahan, ug pugngan ang pultahan batok sa mensahero.

2 Kings 7

2 Kings 7:1-2

Unsa man ang gisulti ni Eliseo nga mahimong mahitabo sa kapitan nga wala mituo kaniya?

Miingon si Eliseo nga dili gayod makakaon ang kapitan ug bisan harina o sebada.

2 Kings 7:3-4

Nganong miadto man ang upat ka mga sanglahon didto sa kasundalohan sa mga Arameanhon?

Miadto sila sa kasundalohan sa mga Arameanhon tungod kay miingon sila nga mamatay gihapon sila kung moadto sila sa siyudad, magtindog sa ilang nahimutangan, o moadto sa kasundalohan nga Arameanhon.

2 Kings 7:5-8

Nganong naghunahuna man ang kasundalohan sa Arameanhon nga gisuholan sa hari sa Israel ang mga hari sa Hitihanon ug Ehiptohanon aron sa pagsulong batok sa mga Arameanhon?

Naghunahuna ang kasundalohan nga Arameanhon nga gisuholan sa hari sa Israel ang mga hari sa Hitihanon ug Ehiptohanon aron sa pagsulong batok kanila tungod kay nakadungog sila ug kasaba sa mga karwahe, ug kasaba sa mga kabayo—ang kasaba sa laing dakong panon sa kasundalohan.

2 Kings 7:9-11

Unsa man ang gibuhat sa mga tigbantay sa ganghaan human sila gisultihan nga gibiyaan sa mga Arameanhon ang ilang kampo?

Misinggit ang mga tigbantay sa ganghaan mahitungod sa balita nga gibiyaan sa mga Arameanhon ang ilang kampo.

2 Kings 7:12-13

Unsa man ang gihunahuna sa hari nga hinungdan nganong gibiyaan sa mga Arameanhon ang ilang kampo?

Naghunahuna ang hari nga nanghawa sila sa ilang kampo aron pagtago didto sa kaumahan. Unya kung mogawas na ang mga Israelita sa siyudad, dakpon sila sa mga Arameanhon nga buhi, ug mosulod sa siyudad.

2 Kings 7:14-17

Unsa man ang nakapuno sa dalan?

Ang dalan puno sa mga bisti ug kahimanan nga nabiyaan sa mga Arameanhon sa dihang nagdalidali sila.

2 Kings 7:18-20

Unsa man ang gisulti sa kapitan sa dihang miingon si Eliseo kaniya nga, "Niining mga taknaa didto sa ganghaan sa Samaria, ang duha ka takos sa sebada alang sa usa ka shekel, ug usa ka takos sa harina alang sa usa ka shekel."?

Miingon ang kapitan kang Eliseo, "Tan-awa, bisan maghimo si Yahweh ug mga bintana sa langit, mahitabo ba kining butanga?".

2 Kings 8

2 Kings 8:1-2

Ngano man nga kadtong babaye nga adunay anak nga lalaki nga gibuhi pag-usab ni Eliseo nagpuyo sa yuta sa mga Filistihanon sulod sa pito ka tuig?

Nagpuyo sa yuta sa mga Filistihanon kadtong babaye nga adunay anak nga lalaki nga gibuhi pag-usab ni Eliseo sulod sa pito ka tuig tungod kay miingon si Eliseo nga nagtapatawag si Yahweh ug kagutom.

2 Kings 8:3-4

Nganong miadto man ang babaye ngadto sa hari?

Miadto ang babaye ngadto sa hari aron magpakiluoy kaniya alang sa iyang balay ug sa iyang yuta.

2 Kings 8:5-6

Unsa man ang gisulti ni Gehazi ngadto sa hari sa dihang miabot ang babaye kansang anak nga lalaki gibanhaw ni Eliseo?

Gisugilon ni Gehazi sa hari kung giunsa pagbanhaw ni Eliseo ang usa ka bata nga namatay na.

2 Kings 8:7-9

Unsa man ang gidala ni Hazael nga ipahatag ngadto kang Eliseo?

Nagdala ug gasa si Hazael sa tanang klase sa maayong butang sa Damascus, nga gikarga sa 40 ka mga kamelyo.

2 Kings 8:10-12

Nganong mihilak man ang tawo sa Dios?

Mihilak ang tawo sa Dios tungod kay nasayod siya sa daotan nga buhaton ni Hazael ngadto sa katawhan sa Israel.

2 Kings 8:13-17

Human sultihi ni Hazael ang hari sa Aram nga mamaayo siya, unsa man ang iyang gihimo ngadto kang Haring Ben Hadad?

Human sultihi ni Hazael si Haring Ben Hadad nga mamaayo siya, gikuha niya ang habol ug gituslob kini sa tubig, ug gibukhad kini sa nawong ni Ben Hahad mao nga namatay siya.

2 Kings 8:18-19

Kinsa man ang asawa ni Jehoram?

Ang asawa ni Jehoram mao ang anak nga babaye ni Ahab.

Nganong dili man buot si Yahweh nga laglagon ang Juda?

Dili buot ni Yahweh nga laglagon ang Juda sanglit giingnan niya ang iyang alagad nga si David nga hatagan niya siya kanunay ug mga kaliwat.

2 Kings 8:20-24

Kanus-a man misupak ang Edom ilalom sa kamot sa Juda?

Misupak ang Edom gikan sa kamot sa Juda sa mga adlaw ni Jehoram.

2 Kings 8:25-27

Nganong gibuhat man ni Ahazia ang daotan sa panan-aw ni Yahweh?

Gibuhat ni Ahazia ang daotan sa pana-aw ni Yahweh, kay si Ahazia mao ang umagad nga lalaki sa balay ni Ahab.

2 Kings 8:28-29

Asa man mipauli si Haring Joram aron magpaayo sa iyang mga samad nga gihatag kaniya sa mga Arameanhon didto sa Rama?

Mipauli si Haring Joram aron mamaayo didto sa Jezreel.

2 Kings 9

2 Kings 9:1-3

Nganong nagdala man ang usa sa mga anak sa mga propeta ug gamay nga botelya sa lana sa iyang kamot ug moadto sa Ramot Gilead?

Nagdala siya ug botelya sa lana ug miadto sa Ramot Gilead aron sa pagdihog kang Jehu.

2 Kings 9:4-6

Kinsa man ang nagbubo ug lana sa ulo ni Jehu?

Gibuboan sa propeta ug lana ang ulo ni Jehu.

2 Kings 9:7-8

Unsaon man pagpanimalos ni Yahweh sa dugo sa iyang mga sulugoon?

Kung patyon ni Jehu ang pamilya ni Ahab, mapanimaslan ni Yahweh ang dugo sa iyang mga sulugoon.

2 Kings 9:9-10

Unsa man ang mahimong mahitabo kang Jezebel?

Kaonon sa mga iro si Jezebel didto sa Jezreel, ug walay bisan usa nga molubong kaniya.

2 Kings 9:11-13

Unsa man ang gibuhat sa mga sulugoon sa agalon ni Jehu human miingon si Jehu nga gipili siya ingon hari?

Human miingon si Jehu nga gipili siya ingon hari, ang matag sulugoon nagdalidali ug hubo sa ilang pansapaw ug gibutang kini ilalom ni Jehu sa hagdanan. Gipatingog nila ang trumpeta ug miingon, "Si Jehu ang hari."

2 Kings 9:14-16

Nganong mibalik man si Haring Joram ngadto sa Jezreel?

Mibalik si Haring Joram ngadto sa Jezreel aron magpaayo sa iyang mga samad nga gihatag kaniya sa mga Arameanhon.

2 Kings 9:17-18

Unsa man ang nakita sa tigbantay nga gibuhat sa mensahero?

Nakita sa tigbantay nga nagsakay ang mensahero uban ni Jehu.

2 Kings 9:19-20

Giunsa man pagkabalo sa tigbantay nga nagmaneho si Jehu ug karwahe?

nakabalo ang tigbantay nga nagmaneho si Jehu ug karwahe, kay mangtas siya nga nagmaneho."

2 Kings 9:21-22

Giunsa man pagsakay ni Joram nga hari sa Israel aron pagtagbo kang Jehu?

Misakay si Joram nga hari sa Israel uban kang Ahazia nga hari sa Juda, sa tagsatagsa nila ka karwahe, aron sa pagtagbo kang Jehu.

2 Kings 9:23-24

Unsa man ang nahitabo human naigo ni Jehu si Joram tungatunga sa iyang abaga?

Human naigo ni Jehu si Joram tungatunga sa iyang abaga, milapos ang udyong sa kasingkasing ni Joram, ug nalup-og siya sulod sa iyang karwahe.

2 Kings 9:25-26

Unsa man ang mga butang nga matuman sumala sa pulong ni Yahweh?

Ang pagdala kang Joram ug paglabay kaniya ngadto sa uma mao ang magtuman sa gisaysay nang daan nga mahimong mahitabo pinaagi sa pulong ni Yahweh.

2 Kings 9:27-28

Kinsa man ang gilubong sa iyang lubnganan uban sa iyang mga amahan didto sa siyudad ni David?

Gilubong si Ahazia didto sa iyang lubnganan uban ang iyang mga amahan sa siyudad ni David.

2 Kings 9:29

2 Hari 9

2 Hari 9

2 Kings 9:30-32

Unsa man ang nahitabo sa dihang miabot si Jehu ngadto sa Jezreel?

Sa dihang miabot si Jehu sa Jezreel, nakadungog si Jezebel niini, ug gipintahan niya ang iyang mga mata, gidayandayanan ang iyang buhok, ug midungaw sa bintana.

2 Kings 9:33-34

Kinsa man ang naglabay kang Jezebel sa ubos?

Ang pipila ka mga yunoko mao ang naglabay kang Jezebel sa ubos.

2 Kings 9:35-37

Nganong wala may makalubong kang Jezebel?

Sa dihang miadto na sila aron sa paglubong kaniya, wala na silay nakita kaniya gawas sa bagulbagol, iyang mga tiil, ug ang mga palad sa iyang mga kamot.

2 Kings 10

2 Kings 10:1-3

Unsa man ang nakasulat sa sulat ni Jehu nga buhaton sa mga kadagkoan ug sa mga magbalantay sa mga kaliwat ni Ahab?

Nakasulat nga magpili ang mga kadagkoan ug mga magbalantay sa mga kaliwat ni Ahab ug labing maayo ug pinakaangayan sa mga kaliwat sa ilang agalon ug ipahiluna siya sa trono sa iyang amahan.

2 Kings 10:4-5

Nganong wala man nagpili ug usa ka hari ang mga kadagkoan ug mga magbalantay sa mga kaliwat ni Ahab?

Wala sila magpili ug hari tungod kay naamgohan nila nga bisan ang duha ka hari dili makabarog sa atubangan ni Jehu.

2 Kings 10:6-9

Unsa man ang gibuhat sa mga kadagkoan ug sa mga magbalantay sa mga kaliwat ni haring Ahab ngadto sa mga anak sa hari?

Gikuha nila ang mga anak nga lalaki sa hari ug gipangpatay sila, 70 ka mga tawo, gibutang ang ilang mga ulo sa mga bukag, ug gipadala kini ngadto kang Jehu didto sa Jezreel.

2 Kings 10:10-11

Nganong miingon man si Jehu nga walay bahin sa pulong ni Yahweh, ang pulong nga iyang gisulti mahitungod sa pamilya ni Ahab, nga mahisukamod sa yuta?

Miingon si Jehu nga walay bahin sa pulong ni Yahweh, ang pulong nga iyang gisulti mahitungod sa pamilya ni Ahab, nga mahisukamod sa yuta, kay gibuhat man ni Yahweh ang iyang gisulti pinaagi sa iyang sulugoon nga si Elias.

2 Kings 10:12-14

Pila man ka mga igsoong lalaki ni Ahazia ang nahimamat ni Jehu ug iyang gipatay?

Nahimamat niya ug gipatay ang 42 ka mga kalalakin-an.

2 Kings 10:15-17

Nganong gipasakay man ni Jehu si Jonadab sa karwahe?

Gipasakay ni Jehu si Jonadab sa karwahe tungod kay miingon man si Jonadab nga ang iyang kasingkasing uban kang Jehu ug gigunitan niya ang kamot ni Jehu.

2 Kings 10:18-20

Nganong gitigom man ni Jehu ang tanang propeta ni Baal, ang tanan nga magsisimba niini, ug ang tanang mga pari niini?

Gitigom niya sila sa pagpanglimbong, sa katuyoan nga patyon ang magsisimba ni Baal.

2 Kings 10:21-22

Asa mang dapita miadto ang mga magsisimba ni Baal?

Miadto sila ngadto sa templo ni Baal.

2 Kings 10:23-24

Unsa man ang mahitabo kung adunay makaikyas sa mga magsisimba ni Baal?

Kung adunay makaikyas sa mga magsisimba ni Baal, si bisan kinsa nga magpaikyas nianang tawhana, pagakuhaon ang iyang kinabuhi alang sa kinabuhi sa tawo nga gipaikyas.

2 Kings 10:25-28

Unsa man ang gibuhat sa mga guwardiya ug sa mga kapitan sa balay ni Baal?

Gihimo nilang kasilyas ang balay ni Baal.

2 Kings 10:29-33

Nganong wala man makabiya si Jehu sa mga sala ni Jeroboam?

Wala mibiya si Jehu sa mga sala ni Jeroboam tungod kay nagsimba man siya sa mga bulawan nga baka didto sa Betel ug Dan.

Nganong magalingkod man sa trono sa Israel ang mga kaliwat ni Jehu hangtod sa ika upat nga mga kaliwatan?

Tungod kay gihimo man ni Jehu ang maayo sa pagbuhat sa husto sa panan-aw ni Yahweh, ug gibuhat sa balay ni Ahab ang sumala sa tanan nga anaa sa kasingkasing ni Yahweh, magalingkod ang iyang mga kaliwat sa trono sa Israel ngadto sa ikaupat nga kaliwatan.

2 Kings 10:34-36

Asa man nahisulat ang uban pang mga butang mahitungod kang Jehu?

Ang uban pang mga butang mahitungod kang Jehu, ug ang tanan niyang nahimo, ug ang tanan niyang pagkagahom, nahisulat kini sa Libro sa mga Panghitabo sa mga Hari sa Israel.

2 Kings 11

2 Kings 11:1-3

Kinsa man ang wala napatay ni Atalia?

Wala napatay ni Atalia si Joas.

2 Kings 11:4-6

Unsa man ang gibuhat sa mga pangulo sa gatosan ka mga Carite ug sa mga guwardiya sa wala pa nila makita ang anak sa hari?

Naghimo ug kasabotan ang mga pangulo sa gatosan ka mga Carite ug sa mga guwardiya uban kang Jehoiada ug nanumpa didto sa balay ni Yahweh. Unya gipakita niya kanila ang anak nga lalaki sa hari.

2 Kings 11:7-8

Unsa man ang buhaton sa duha ka mga grupo nga wala nagtrabaho sa Adlaw nga igpapahulay?

Ang duha ka grupo nga wala nagtrabaho sa Adlaw nga igpapahulay kinahanglan nga magbantay sa balay ni Yahweh alang sa hari.

2 Kings 11:9-12

Unsa man ang gihatag ni Jehoiada ngadto sa mga pangulo sa gatosan?

Gihatag ni Jehoiada ngadto sa mga pangulo sa gatosan ang mga bangkaw ug mga taming nga gipanag-iya ni David kaniadto, nga anaa sa balay ni Yahweh.

2 Kings 11:13-14

Nganong gigisi man ni Atalia ang iyang mga bisti ug misinggit?

Gigisi ni Atalia ang iyang mga bisti ug misinggit tungod kay nakita niya nga si Haring Joas nagbarog na tapad sa haligi.

2 Kings 11:15-16

Nganong didto man gipatay si Atalia sa balay sa hari?

Gipatay si Atalia didto sa balay sa hari, tungod kay miingon ang pari, "Ayaw siya patya didto sa balay ni Yahweh."

2 Kings 11:17-18

Unsa man ang gibuhat sa mga tawo human makahimo ug kasabotan si Jehoiada?

Human makahimo ug kasabotan si Jehoiada, gigun-ob sa mga tawo ang balay ni Baal, gipulpog ang mga halaran ug mga larawan, ug gipatay si Matan, nga pari ni Baal.

2 Kings 11:19-21

Unsa man ang gibuhat sa katawhan sa dihang milingkod na si Joas sa trono sa mga hari?

Sa dihang milingkod na si Joas sa trono sa mga hari, nagmaya ang tanang katawhan sa yuta.

2 Kings 12

2 Kings 12:1-3

Nganong gibuhat man ni Joas sa tanang panahon ang maayo sa panan-aw ni Yahweh?

Gibuhat ni Joas sa tanang panahon ang maayo sa panan-aw ni Yahweh, tungod kay gitudloan man siya ni Jehoiada nga pari.

2 Kings 12:4-5

Sa unsang paagi nadasig ang mga tawo sa paghatag ug salapi alang sa templo?

Nadasig ang mga tawo pinaagi kang Yahweh sumala sa ilang kinasingkasing nga paghatag.

2 Kings 12:6-8

Nganong miingon man si Joas ngadto sa mga pari nga dili na maningil ug buhis gikan sa mga tawo?

Miingon si Joas niini ngadto sa mga pari tungod kay wala pa gayod silay napaayo sa templo.

2 Kings 12:9-10

Kinsa man ang nagbutang ug salapi ngadto sa kahon?

Gibutang sa mga pari nga nagbantay sa pultahan sa templo ang tanang salapi ngadto sa kahon nga gidala ngadto sa balay ni Yahweh.

2 Kings 12:11-14

Sa unsa man gigamit sa mga trabahador ang salapi?

Gigamit sa mga trabahador ang salapi alang sa pagpalit ug mga ginabas nga kahoy ug sa pagtabas sa bato aron sa pagpaayo sa templo ni Yahweh, ug sa tanan nga angayng bayaran sa pag-ayo niini

2 Kings 12:15-16

Ngano man nga ang salapi alang sa mga halad sa dili tinuyoan nga sala ug ang salapi alang sa mga halad sa sala wala na gidala ngadto sa templo ni Yahweh?

Wala na gidala ang salapi alang sa mga halad sa dili tinuyoan nga sala ug ang salapi alang sa mga halad sa sala ngadto sa templo ni Yahweh, tungod kay iya man kini sa mga pari.

2 Kings 12:17-18

Giunsa man pagpugong ni Haring Joas ang pagsulong ni Haring Hasael sa Jerusalem?

Gikuha ni Joas ang tanang mga butang nga gilain ni Jehosafat, ug ni Jehoram, ug ni Ahazia, nga iyang mga amahan, nga mga hari sa Juda ug ang tanang bulawan nga nakaplagan sa mga lawak nga tipiganan sa hari ug sa balay ni Yahweh ug gipadala niya kini ngadto kang Hazael, nga hari sa Aram. Unya mipahilayo si Hazael gikan sa Jerusalem.

2 Kings 12:19-21

Kinsa man ang misulong kang Joas?

Ang misulong kang Joas mao si Josacar nga anak nga lalaki ni Simeat, ug si Jehosabad nga anak nga lalaki ni Somer, nga iyang mga sulugoon.

2 Kings 13

2 Kings 13:3-5

Nganong nagpadala man si Yahweh ug manluluwas sa Israel?

Nagpadala si Yahweh ug manluluwas sa Israel, tungod kay nangaliyupo man si Jehoahas kang Yahweh.

2 Kings 13:6-13

Gigun-ob sa hari sa Aram ang kasundalohan sa Israel ug gihimo sila nga sama sa?

Gigun-ob sila sa hari sa Aram ug gihimo sila nga sama sa tahop sa panahon sa pag-giok.

2 Kings 13:14-16

Unsa man ang gisulti ni Eliseo nga ipakuha kang Joas sa dihang nagsakit siya?

Gisultihan niya si Joas nga kuhaon ang pana ug ang pipila ka mga budyong.

2 Kings 13:17-19

Unsa man ang nahitabo sa dihang nga gibunalan ni Joas ang yuta sa makatulo ka higayon?

Tungod kay gibunalan niya ang yuta sa makatulo lamang ka higayon, sulongon usab niya ang Aram katulo lamang ka higayon.

2 Kings 13:20-21

Unsa man ang nahitabo sa tawo nga gilubong sa lubnganan ni Eliseo?

Nabuhi ug mitindog ang tawo nga gilubong sa lubnganan ni Eliseo sa pagdapat gayod sa mga bukog ni Eliseo.

2 Kings 13:22-25

Nganong wala man hinginli ni Yahweh ang Israel gikan sa iyang presensya?

Adunay kaluoy ug kahangawa si Yahweh sa Israel, tungod sa iyang kasabotan kang Abraham ug kang Isaac ug kang Jacob. Busa wala sila gun-oba ni Yahweh, ug wala niya hinginli gikan sa iyang presinsya.

2 Kings 14

2 Kings 14:4-5

Unsa man ang gibuhat ni Amazia sa dihang nahimutang na siya sa iyang pagdumala?

Sa dihang nahimutang na siya sa iyang pagdumala, gipatay ni Amazia ang mga sulugoon nga nagpatay sa iyang amahan, nga hari.

2 Kings 14:6-7

Nganong wala man gipapatay ni Amazia ang mga anak nga lalaki sa mga mamumuno?

Wala patya ni Amazia ang mga anak nga lalaki sa mga mamumuo tungod kay nagmando si Yahweh kaniya, nga nag-ingon, "Kinahanglan nga dili ninyo patyon ang mga amahan alang sa sala sa ilang mga anak, ni kinahanglan nga patyon ang mga anak alang sa sala sa ilang mga ginikanan. Hinuon, ang matag tawo kinahanglan nga patyon tungod sa iyang kaugalingon nga sala."

2 Kings 14:8-12

Unsa man ang nagtamaktamak sa sampinit?

Gitamaktamakan sa ihalas nga mananap nga anaa sa Lebanon ang sampinit.

2 Kings 14:13-16

Unsa man ang gikuha ni Jehoas sa Jerusalem?

Gikuha niya ang tanang bulawan ug plata, ang tanang mga butang nga ilang makita sa balay ni Yahweh, ug ang tanang bililhong mga butang sa palasyo sa hari, uban usab sa mga bihag.

2 Kings 14:17-19

Giunsa man pagpatay si Amazia?

Gihimo ang paglaraw ug daotan batok kang Amazia didto sa Jerusalem, ug mikalagiw siya didto sa Lakis. Apan adunay gipadala nga mga kalalakin-an sunod kaniya didto sa Lakis ug gipatay nila siya didto.

2 Kings 14:20-22

Unsa man ang gibuhat ni Asaria didto sa Elat?

Gitukod pag-usab ni Asaria ang Elat ug gibalik kini ngadto sa Juda.

2 Kings 14:23-25

Pinaagi kang kinsa man nadungog ni Jeroboam nga kinahanglan niyang ibalik ang utlanan sa Israel gikan sa Lebo Hamat ngadto sa dagat sa Araba?

Nadungog ni Jeroboam pinaagi kang Jona nga anak ni Amitai, ang propeta, nga kinahanglan niyang ibalik ang utlanan sa Israel gikan sa Lebo Hamat paingon sa dagat sa Araba.

2 Kings 14:26-29

Giunsa man pagluwas ni Yahweh ang Israel sa dihang nakita niya nga walay moluwas kanila?

Tungod kay nakita ni Yahweh nga walay makaluwas sa Israel, giluwas sila ni Yahweh pinaagi kang Jeroboam nga anak ni Jehoas.

2 Kings 15

2 Kings 15:4-5

Giunsa man pagsakit ni Yahweh si Asaria?

Gisakit ni Yahweh ang hari aron nga mahimo siyang sanglahon hangtod sa adlaw sa iyang kamatayon ug magpuyo sa laing balay.

2 Kings 15:6-9

Kinsa man ang mipuli nga hari kang Asaria?

Si Jotam nga iyang anak ang mipuli kaniya nga mahimong hari.

2 Kings 15:10-12

Asa man gipatay ni Shalun si Zacarias?

Gipatay ni Shalum si Zacarias sa atubangan sa katawhan.

Hantod kanus-a man maglingkod sa trono sa Israel ang mga kaliwatan ni Jehu?

Maglingkod sa trono sa Israel ang iyang mga kaliwat hangtod sa ikaupat nga kaliwatan.

2 Kings 15:13-14

Nganong usa lang man ka bulan ang paghari ni Shalum sa Samaria?

Usa lang ka tuig ang paghari ni Shalum sa Samaria tungod kay gipatay man siya ni Menahem nga anak ni Gadi.

2 Kings 15:15-18

Nganong gisulong man ni Menahim ang Tifsa ug ang tanan nga anaa didto?

Gisulong ni Manahem ang Tifsa ug ang tanan nga anaa didto tungod kay wala nila ablihi ang siyudad alang kaniya.

2 Kings 15:19-24

Asa man gikan ang kwarta nga gikulekta ni Manahem nga usa ka libo ka talents nga plata nga gihatag kang Pul?

Nangulekta si Manahem ug usa ka libo ka talents nga plata ngadto sa mga adunahan nga mga kalalakin-an pinaagi sa pagbayad ug 50 ka shekels nga plata ngadto kaniya.

2 Kings 15:25-28

Kinsa man ang mipatay kang Pekahia?

Si Peka ang mipatay kang Pekahia.

2 Kings 15:29-33

Nganong naglaraw man ug daotan si Hoshea kang Peka?

Naglaraw ug daotan si Hoshea batok kang Peka tungod kay miadto si Tiglat Pileser ang hari sa Asiria ug gisakop ang daghang mga siyudad.

2 Kings 15:34-38

Kinsa man ang panig-ingnan nga gisunod ni Jotam?

Gisunod ni Jotam ang iyang amahan nga si Asaria ingon nga panig-ingnan.

2 Kings 16

2 Kings 16:3-4

Unsa man ang gibuhat ni Ahaz sa iyang anak nga lalaki?

Gisunog ni Ahaz ang iyang anak nga lalaki ingon halad sinunog, sa pagsunod sa salawayon nga naandan nga mga buluhaton sa mga nasod.

2 Kings 16:5-6

Unsa man ang wala mahimo ni Rezin sa dihang gisulong niya ang Jerusalem?

Wala niya mabuntog si Ahaz, sa dihang gisulong niya ang Jerusalem.

2 Kings 16:7-9

Unsa man ang gasa nga gihatag ni Ahaz ngadto sa hari sa Asiria?

Gikuha ni Ahaz ang plata ug bulawan nga anaa sa balay ni Yahweh ug uban sa mga bahandi sa palasyo sa hari, ug gipadala niya kini ingon nga gasa ngadto sa hari sa Asiria.

2 Kings 16:10-12

Unsa man nga halaran ang gusto ni Ahaz nga sundon ni Uria?

Gusto ni Ahaz nga sundon ni Uria ang halaran ngadto sa Damascus.

2 Kings 16:13-14

Kinsa man ang naghimo sa iyang halad sinunog ug sa iyang trigo nga halad?

Ang hari mao ang naghimo sa iyang halad sinunog ug sa iyang trigo nga halad.

2 Kings 16:15-16

Unsa man ang katuyoan sa halaran nga bronsi?

Ang katuyoan sa halaran nga bronsi alang kang Ahaz aron sa pagpangayo ug tabang sa Dios.

2 Kings 16:17-20

Nganong gitangtang man ni Ahaz ang tabon sa agianan alang sa Adlaw nga Igpapahulay nga ilang gitukod ngadto sa templo, uban sa agianan sa hari gawas sa templo ni Yahweh?

Gitangtang ni Ahaz ang tabon sa agianan alang sa Adlaw nga Igpapahulay nga ilang gitukod didto sa templo, uban sa agianan sa hari gawas sa templo ni Yahweh, tungod sa hari sa Asiria.

2 Kings 17

2 Kings 17:1-3

Unsa man ang gibuhat ni Hosea sa dihang nahimo siyang sulugoon ni Shalmaneser?

Nahimo niyang sulugoon si Hoshea ug nagdala kaniya ug buhis.

2 Kings 17:4-6

Giunsa man pagplano ni Hoshea batok kang Shalmaneser?

Nagplano si Hoshea batok kang Shalmaneser, pinaagi sa iyang pagpadala ug mga mensahero ngadto kang So nga hari sa Ehipto.

2 Kings 17:7-10

Nganong nahitabo man ang pagkabihag?

Nahitabo ang pagkabihag tungod kay nakasala ang katawhan sa Israel batok kang Yahweh nga ilang Dios?

2 Kings 17:11-12

Unsa man ang giingon ni Yahweh nga kinahanglan dili buhaton sa mga Israelita?

Miingon si Yahweh nga kinahanglan dili sila mosimba ug mga diosdios.

2 Kings 17:13

Pinaagi kang kinsa man ang gipasidaan ni Yahweh ngadto sa Israel ug sa Juda?

Gipasidan-an ni Yahweh ang Israel ug ang Juda pinaagi sa matag propeta ug sa matag mananagna.

2 Kings 17:14-15

Asa man nahisama ang hilabihan nga pagkamasinupakon sa mga Israelita?

Nahisama ang hilabihan nga pagkamasinupakon sa mga Israelita sa ilang mga amahan nga wala magsalig kang Yahweh nga ilang Dios.

2 Kings 17:16-20

Giunsa man pagbaligya sa mga Israelita ang ilang kaugalingon?

Gibaligya sa mga Israelita ang ilang mga kaugalingon aron sa pagbuhat kung unsa ang daotan sa panan-aw ni Yahweh

2 Kings 17:21-23

Nganong gipapahawa man ni Yahweh ang Israel gikan sa iyang panan-aw?

Gisunod sa katawhan sa Israel ang tanang mga sala ni Jeroboam ug wala sila mibiya niini, busa gipapahawa ni Yahweh ang Israel gikan sa iyang panan-aw.

2 Kings 17:24-26

Nganong nagpadala man si Yahweh ug mga liyon taliwala sa bag-o nga mga nasod ngadto sa Samaria?

Gipadala niya ang mga liyon taliwala kanila tungod kay ang mga nasod sa Samaria wala magtahod kang Yahweh.

2 Kings 17:27-28

Unsa man ang gitudlo sa pari sa bag-o nga katawhan ngadto sa Betel?

Gitudloan sila sa pari kung unsaon nila pagtahod si Yahweh.

2 Kings 17:29-31

Asa man gibutang sa matag pundok nga tribo ang mga dios nga ilang gibuhat?

Nagbuhat ug mga dios ang matag pundok sa tribo ug gibutang kini ngadto sa balaang dapit nga gibuhat sa mga Samaritanhon

2 Kings 17:32-33

Gawas sa ilang mga dios, kinsa pa man ang gitahod sa bag-ong mga nasod sa Israel?

Nagtahod usab ang bag-ong mga nasod kang Yahweh.

2 Kings 17:34-38

Nganong wala man nagtahod ang bag-ong katawhan sa Israel ngadto kang Yahweh?

Wala nagtahod ang bag-ong katawhan ngadto kang Yahweh, tungod kay nagmando siya nga kinahanglan dili nila kahadlokan ang laing mga dios.

2 Kings 17:39-41

Nganong wala man naminaw ang mga nasod sa Israel?

Wala sila naminaw tungod kay nagpadayon sila sa pagbuhat kung unsa ang ilang mga binuhatan kaniadto.

2 Kings 18

2 Kings 18:4-8

Unsa man ang gibuhat sa katawhan sa Israel sa bronsi nga bitin nga gibuhat ni Moises?

Nagsunog ang katawhan sa Israel ug insenso ngadto sa bronsi nga bitin nga gibuhat ni Moises.

2 Kings 18:9-10

Pila man ka tuig nga gisulong ni Salmanaser nga hari sa Asiria ang Samaria ?

Gisulong ni Salmaneser nga hari sa Asiria ang Samaria sulod sa tulo ka tuig.

2 Kings 18:11-12

Nganong gidala man sa hari sa Asiria ang binihag nga mga Israelita ngadto sa Asiria?

Gidala ang binihag nga mga Israelita sa hari sa Asiria tungod kay wala sila mituman sa tingog ni Yahweh nga ilang Dios.

2 Kings 18:13-15

Asa man gikuha ni Hezekia ang plata nga ihatag ngadto sa hari sa Asiria?

Gikuha ni Hezekia ang plata nga anaa sa balay ni Yahweh ug anaa sa tipiganan ug bahandi sa palasyo sa hari.

2 Kings 18:16-18

Asa man gitawag nila Tartan, Rabsaris ug sa pangulo sa kasundalohan ni Haring Hezekia?

Gitawag nila si Haring Hezekia sa agianan sa tubig sa ibabaw nga bahin sa kaligoanan, ngadto sa dalan sa dapit sa mga manglabahay.

2 Kings 18:19-21

Unsa man ang mahitabo kung mosalig ang tawo ngadto sa Ehipto?

Makatuslok kini ngadto sa iyang kamot ug makasamad kini kung mosalig ang tawo ngadto sa Ehipto.

2 Kings 18:22-23

Unsa man ang gitanyag sa hari sa Asiria?

Nagtanyag ang hari sa Asiria nga mohatag ug 2,000 ka mga kabayo, kung makakita si Hezekia ug mangabayo alang niini.

2 Kings 18:24-25

Unsa man ang gisulti ni Yahweh nga himoon sa hari sa Asiria?

Gisultihan ni Yahweh ang hari sa Asiria nga sulongon ang Juda ug laglagon kini.

2 Kings 18:26-27

Unsa man nga pinulongan ang gihangyo ni Eliakim, Shebna, ug si Joa nga ipasulti sa pangulo sa kasundalohan?

Naghangyo si Eliakim, Shebna, ug si Joas nga mosulti ug Aramaico nga pinulongan ang pangulo sa kasundalohan.

2 Kings 18:28-30

Unsa man nga pinulongan ang gisinggit sa pangulo sa kasundalohan?

Misinggit ang pangulo sa kasundalohan sa Judio nga pinulongan.

2 Kings 18:31-35

Unsa man ang himoon sa hari sa Asiria niadtong makighigala kaniya?

Tugotan niya sila nga makakaon gikan sa ilang kaugalingon nga paras ug gikan sa ilang kaugalingon nga kahoy sa igera, ug mag-inom gikan sa tubig sa ilang kaugalingon nga atabay.

2 Kings 18:36-37

Unsa man ang gimando ni Hezekia nga hari?

Gimandoan sa hari ang katawhan nga dili tubagon ang pangulo sa kasundalohan.

2 Kings 19

2 Kings 19:1-2

Unsa man ang gibuhat ni Haring Hezekia sa dihang nadungog niya ang balita?

Sa dihang nadungog ni Haring Hezekia ang balita, gigisi niya ang iyang mga bisti, nagsul-ob siya ug sako ug miadto sa balay ni Yahweh.

2 Kings 19:3-4

Unsa man ang giingon ni Hezekia nga kinahanglan buhaton ni Yahweh?

Miingon si Hezekia nga kinahanglan madunggan ni Yahweh ang mga pulong ni Rabashake ug nga badlongon siya ni Yahweh.

2 Kings 19:5-9

Unsa man ang buhaton ni Yahweh aron pugngan ang hari sa Asiria?

Hatagan siya ug espiritu ni Yahweh, ug makadungog ang hari ug balita ug mopauli sa iyang kaugalingong yuta.

2 Kings 19:10-13

Sumala kang Senakerib, sa unsang paagi man gilimbongan sa Dios si Hezekia?

Sumala kang Senakerib, gilimbongan sa Dios si Hezekia pinaagi sa pagsulti nga dili ihatag ang Jerusalem ngadto sa kamot sa hari sa Asiria.

2 Kings 19:14-18

Diin man gisugilon ni Ezequias ang sulat nga gikan sa mga mensahero?

Gisugilon ni Hezekia ang sulat nga gikan sa mga mensahero didto sa balay ni Yahweh.

2 Kings 19:19

Nganong kinahanglan man luwason ni Yahweh ang katawhan sa Juda?

Kinahanglan nga luwason ni Yahweh ang katawhan sa Juda aron nga masayran sa tanang gingharian sa kalibotan nga si Yahweh lamang ang Dios.

2 Kings 19:20-22

Kinsa man ang gisingkahan sa hari sa Asiria?

Gisingkahan sa hari sa Asiria ang Balaan sa Israel!

2 Kings 19:23-24

Kinsa man ang miingon nga iyang gipahubas ang tanang kasubaan sa Ehipto ilalom sa iyang mga lapalapa?

Miingon si Senakerib nga iyang gipahubas ang tanang kasubaan sa Ehipto ilalom sa iyang mga lapalapa.

2 Kings 19:25-26

Kinsa man ang nasayod na sa dugay nga panahon nga makuhaan ang dili mapildi nga mga siyudad ug himoon silang tipun-og nga pagkaguba?

Nasayod na si Yahweh sa dugay na nga panahon nga mahimong tipun-og nga pagkaguba ang dili mapildi nga mga siyudad.

2 Kings 19:27-28

Unsa man ang ibutang ni Yahweh sa ilong ni Senakerib?

Ibutang ni Yahweh ang iyang taga sa ilong ni Senakerib.

2 Kings 19:29-31

Unsa man ang mahimong timailhan alang kang Hezekia?

Ang timailhan mao nga magakaon ang katawhan sa Juda sa kung unsa ang ihalas nga motubo, ug sa ikaduhang tuig magakaon sila sa kung unsa ang motubo gikan niana.

2 Kings 19:32-34

Nganong panalipdan man ni Yahweh ang Jerusalem?

Panalipdan ni Yahweh ang Jerusalem alang sa iyang kaugalingon ug alang usab sa iyang alagad nga si David.

2 Kings 19:35-37

Giunsa man pagpanalipod ni Yahweh ang Jerusalem?

Migawas si Yahweh ug misulong sa kampo sa mga taga-Asiria, ug gipamatay ang 185,000 ka mga kasundalohan.

2 Kings 20

2 Kings 20:1-3

Unsa man ang gipabuhat ni Yahweh kang Hezekia tugod kay mamatay naman siya?

Giingnan ni Yahweh si Hezekias nga han-ayon ang iyang panimalay kay mamatay na siya.

2 Kings 20:4-5

Nganong ayohon man ni Yahweh si Hezekia?

Tungod kay nadungog man ni Yahweh ang pag-ampo ni Hezekia ug nakita niya ang iyang mga luha, busa ayohon niya siya.

2 Kings 20:6-9

Giunsa man pagkaayo ni Hezekia?

Gibutangan ug duga sa igera ang iyang mga hubag, ug naayo siya.

2 Kings 20:10-11

Giunsa man pagbalhin ni Yahweh sa anino?

Gipaatras ni Yahweh ug napulo ka tikang ang anino, gikan sa gilihokan niini sa hagdanan ni Ahaz.

2 Kings 20:12-15

Unsa man ang gipakita ni Hezekia ngadto sa mga mensahero gikan sa hari sa Babilonia?

Gipakita ni Hezekias kanila ang tanang mga butang nga anaa sa iyang balay ug gingharian.

2 Kings 20:16-18

Unsa man ang mahitabo sa mga anak nga lalaki nga gipakatawo gikan kang Hezekia?

Kuhaon sa katawhan sa Babilonia ang mga anak nga lalaki nga gipakatawo gikan kaniya, ug mahimo silang mga yunoko sa palasyo sa hari sa Babilonia.

2 Kings 20:19-21

Nganong nagtuo man ni Hezekia nga maayo ang pulong ni Yahweh?

Nagtuo si Hezekia nga maayo ang pulong ni Yahweh tungod kay adunay kalinaw ug kahapsay sa iyang mga adlaw.

2 Kings 21

2 Kings 21:1-3

Unsa man ang gitukod pagbalik ni Manases?

Gitukod ni Manases ang mga halaran nga gigun-ob ni Hezekia, ug sa iyang amahan.

2 Kings 21:4-6

Kang kinsa man nagpakisayod si Manases?

Nagpakisayod si Manases ngadto sa mga nakigsulti sa patay ug niadtong nakigsulti sa mga espiritu.

2 Kings 21:7-9

Unsa man ang gibutang ni Manases sa balay ni Yahweh?

Gibutang ni Manases ang kinulit nga hulagway ni Ashera nga iyang gibuhat didto sa balay ni Yahweh.

2 Kings 21:10-12

Mas labaw pa kang kinsa ang kadaotan sa binuhatan ni Manases?

Mas labaw pa kadaotan ang binuhatan ni Manases kaysa mga Amorihanon nga nag-una kaniya.

2 Kings 21:13-15

Nganong nahimo man nga mga tukbonon ug inilog ang mga nahibilin alang sa tanan nilang mga kaaway?

Mahimong mga tukbonon ug inilog ang mga nahibilin alang sa tanan nilang mga kaaway tungod kay gibuhat man nila kung unsa ang daotan sa panan-aw ni Yahweh, ug gipasuko nila siya.

2 Kings 21:16-20

Unsa man kadaghan ang dugo sa mga tawong walay sala ang giula ni Manases?

Daghan kaayo ug giula nga dugo sa mga tawo nga walay sala si Manases nga gipuno niya sa mga patay ang Jerusalem gikan sa usa ka utlanan hangtod sa pikas utlanan.

2 Kings 21:21-23

Giunsa man pagkamatay ni Amon?

Naglaraw ug daotan ang mga sulugoon ni Amon batok kaniya ug gipatay ang hari sa kaugalingon niyang balay.

2 Kings 21:24-26

Diin man gilubong si Amon?

Gilubong sa mga katawhan si Amon sa iyang lubnganan didto sa tanaman sa Uza.

2 Kings 22

2 Kings 22:1-2

Giunsa man paglakaw ni Josia?

Naglakaw si Josia sa tanang dalan ni David nga iyang katigulangan, ug wala siya mitipas ngadto sa wala o sa tuo.

2 Kings 22:3-5

Unsa man ang buot ipahatag ni Josia kang Hilkia ngadto sa mga trabahante nga anaa sa balay ni Yahweh?

Buot ni Josia nga ihatag ni Hilkia ang salapi nga gidala sa balay ni Yahweh ngadto sa mga trabahante nga anaa sa balay ni Yahweh.

2 Kings 22:6-7

Nganong dili man kinahanglan ihapon ang salapi nga gihatag ngadto sa mga trabahante?

Dili na kinahanglan ihapon ang salapi nga gihatag sa mga trabahante, tungod kay gigamit man nila kini nga matinud-anon.

2 Kings 22:8-10

Unsa man ang nakaplagan ni Hilkia sa balay ni Yahweh?

Nakaplagan ni Hilkia ang libro sa balaod sa balay ni Yahweh.

2 Kings 22:11-13

Sa dihang nadungog sa hari ang mga pulong sa balaod, unsa man ang iyang gibuhat?

Sa dihang nadungog sa hari ang mga pulong sa balaod, iyang gigisi ang iyang mga bisti.

2 Kings 22:14-16

Diin man nagpuyo si Hulda?

Nagpuyo si Hulda sa ikaduhang bahin sa Jerusalem.

2 Kings 22:17-19

Nganong naminaw man si Yahweh ngadto sa hari sa Juda?

Naminaw si Yahweh ngadto sa hari sa Juda tungod kay malumo man ang iyang kasingkasing, ug tungod kay gipaubos man niya ang iyang kaugalingon kang Yahweh, ug tungod kay gigisi man niya ang iyang bisti ug mihilak siya sa atubangan ni Yahweh.

2 Kings 22:20

Unsa man ang dili makita sa mga mata sa hari sa Juda?

Dili makita sa iyang mga mata ang katalagman nga ipahamtang ni Yahweh niana nga dapit ug sa mga lumulopyo niini.

2 Kings 23

2 Kings 23:1-2

Kang kinsa man nga igdulongog gibasa sa hari ang tanang mga pulong sa libro sa kasabotan?

Gibasa sa hari ang tanang mga pulong sa libro sa kasabotan diha sa igdulongog sa tanang mga tawo sa Juda ug sa tanang namuyo sa Jerusalem, ug ang mga pari, ang mga propeta, ug ang tanang katawhan, gikan sa gagmay padulong sa dagko.

2 Kings 23:3

Unsa man ang nauyonan nga buhaton sa tanang katawhan?

Nagkauyon ang tanang katawhan nga mobarog sa kasabotan.

2 Kings 23:4-5

Unsa man ang gisunog sa hari sa gawas sa Jerusalem didto sa kaumahan sa Walog sa Kidron?

Gisunog sa hari ang tanang mga sudlanan nga hinimo alang kang Baal ug kang Ashera, ug alang sa tanang kabituonan sa langit didto sa gawas sa Jerusalem ngadto sa kaumahan sa Walog sa Kidron.

2 Kings 23:6-7

Unsa man nga mga lawak ang gihinloan sa hari?

Gihinloan sa hari ang mga lawak sa mga lalaki nga nagbaligya sa ilang dungog nga atua sa templo ni Yahweh

2 Kings 23:8-9

Asa man gitugotan sa pagkaon ug tinapay nga walay igpapatubo ang mga pari nga nagsunog ug insenso sa mga balaan nga dapit?

Gitugotan sa pagkaon ug tinapay nga walay igpapatubo ang mga pari nga nagsunog ug insenso sa mga balaan nga dapit ngadto sa Jerusalem.

2 Kings 23:10-11

Asa man nahimutang ang mga kabayo nga gihatag sa mga hari sa Juda ngadto sa adlaw?

Ang mga kabayo nga gihatag sa mga hari ngadto sa adlaw atua nahimutang sa dapit sa pultahan sa templo ni Yahweh, nga haduol sa lawak ni Natan Melec.

2 Kings 23:12-14

Kinsa man ang nagtukod sa Bukid sa Pagkadunot?

Si Solomon nga hari sa Israel ang nagtukod sa Bukid sa Pagkadunot.

2 Kings 23:15-16

Nganong gisunog man ni Josias ang mga bukog sa halaran didto sa Betel?

Gisunog niya ang mga bukog didto sa halaran aron hugawhugawan kini.

2 Kings 23:17-20

Kang kinsa man nga mga bukog ang wala gibalhin ni Josia?

Wala gibalhin ni Josia ang mga bukog sa tawo sa Dios nga naggikan sa Juda ug ang propeta nga naggikan sa Samaria.

2 Kings 23:21-23

Unsa na man kadugay nga wala napahigayon ang pagsaulog sa maong Pagsaylo?

Wala gayod napahigayon ang maong kasaulogan sa Pagsaylo gikan sa mga adlaw sa mga maghuhukom nga nagdumala sa Israel, ni sa tanang adlaw sa mga hari sa Israel o sa Juda.

2 Kings 23:24-25

Giunsa man pagbalik ni Josia ngadto kang Yahweh?

Mibalik si Josia kang Yahweh sa tibuok niyang kasingkasing, sa tibuok niyang kalag, ug sa tibuok niyang kusog.

2 Kings 23:26-27

Unsa man ang wala gipaiway ni Yahweh?

Wala gipaiway ni Yahweh ang kabangis sa iyang hilabihang kapungot.

2 Kings 23:28-30

Kinsa man ang miadto aron sa pagpakig-away batok sa hari sa Asiria didto sa Suba sa Eufrates?

Si Paraon Neco, nga hari sa Ehipto, miadto aron sa pagpakig-away batok sa hari sa Asiria didto sa Suba sa Eufrates

2 Kings 23:31-33

Nganong gibilanggo man ni Paraon Neco si Joacas sa Ribla ngadto sa yuta sa Hamat?

Gibilanggo siya ni Paraon Neco sa Ribla ngadto sa yuta sa Hamat, aron nga dili siya makahari sa Jerusalem.

2 Kings 23:34-37

Giunsa man pagkuha ni Joakim ang salapi nga ibayad kang Paraon?

Gibuhisan niya ang yuta aron ibayad ang salapi, ngadto kang Paraon.

2 Kings 24

2 Kings 24:1-2

Unsa man ang gisulti ni Yahweh pinaagi sa iyang mga alagad nga mga propeta?

Nagsulti si Yahweh pinaagi sa iyang mga alagad nga mga propeta nga laglagon sa mga panon sa mga Caldeanhon, mga Arameanhon, mga Moabihanon, ug mga Amonihanon ang Juda.

2 Kings 24:3-6

Unsa man ang dili buot pasayloon ni Yahweh nga?

Dili gayod buot mopasaylo si Yahweh niana kay gipuno ni Manases ug dugo sa mga tawo nga walay sala ang Jerusalem.

2 Kings 24:7-9

Nganong wala na man gisulong sa hari sa Ehipto sa gawas sa iyang yuta?

Wala na misulong ang hari sa Ehipto sa gawas iyang yuta, tungod kay nabuntog na man sa hari sa Babilonia ang tanang mga yuta nga gidumalahan sa hari sa Ehipto.

2 Kings 24:10-12

Kanus-a man gidakop ni Nabucodonosor si Jehoyakin?

Gidakop ni Nabucodonosor si Jehoyakin sa ikawalo nga tuig sa iyang paghari.

2 Kings 24:13-14

Kinsa man ang nahibilin sa yuta?

Ang mga tawong labing kabos lamang ang nahibilin sa yuta.

2 Kings 24:15-20

Unsa man ang giilis sa hari sa Babilonia sa ngalan ni Matanias?

Giilisan sa hari sa Babilonia ang ngalan ni Matanias ug Zedekia.

2 Kings 25

2 Kings 25:1-3

Nganong wala na may pagkaon alang sa katawhan sa yuta?

Hilabihan gayod ang kagutom didto sa siyudad nga wala nay pagkaon alang sa mga tawo sa maong yuta.

2 Kings 25:4-5

Asa man mikalagiw ang tanang manggugubat nga mga kalalakin-an?

Mikalagiw ang tanang manggugubat nga mga kalalakin-an sa pagkagabii pinaagi sa agianan sa ganghaan taliwala sa duha ka mga paril, pinaagi sa tanaman sa hari.

2 Kings 25:6-7

Unsa man ang nahitabo kang Zedekia human gipamatay ang iyang mga anak nga lalaki?

Human gipamatay ang mga anak nga lalaki ni Zedekia, gilugit sa mga Caldeanhon ang iyang mga mata, gigapos siya sa mga kadena nga tumbaga, ug gidala siya sa Babilonia.

2 Kings 25:8-10

Kinsa man ang naggun-ob sa tanang mga pader nga nakapalibot sa Jerusalem?

Gigun-ob sa tanang kasundalohan sa Babilonia nga ubos sa pagdumala sa pangulo sa magbalantay ang tanang pader nga nakapalibot sa Jerusalem.

2 Kings 25:11-15

Nganong gibiyaan man sa magbalantay ang pipila ka labing kabos sa yuta?

Gibilin sa magbalantay ang labing kabos sa yuta aron motrabaho sa kaparasan ug sa kaumahan.

2 Kings 25:16-19

Pila man ka tumbaga ang anaa sa mga haligi?

Ang duha ka haligi adunay tumbaga nga dili matimbang tungod sa kadaghan.

2 Kings 25:20-21

Unsa man ang gibuhat sa hari sa Babilonia sa katawhan nga gibilanggo sa pangulo sa magbalantay?

Gipatay sila sa hari sa Babilonia.

2 Kings 25:22-24

Kinsa man ang gihimong tinugyanan ni Nabucodonosor sa katawhan nga nahibilin sa yuta sa Juda?

Gihimong tinugyanan ni Nabucodonosor si Gedalias kanila.

2 Kings 25:25-26

Nganong miadto man sa Ehipto ang tanang katawhan ug ang mga pangulo sa kasundalohan?

Miadto sa Ehipto ang tanang katawhan ug ang mga pangulo sa kasundalohan, tungod kay nangahadlok sila sa mga katawhan sa Babilonia

2 Kings 25:27

Kanus-a man gibuhian si Jehoyakin gikan sa bilanggoan?

Gibuhian si Jehoyakin gikan sa bilanggoan sa ika-37 katuig sa pagkabihag ni Jehoyakin, sa tuig nga nagsugod sa paghari si Evil Merodac.

2 Kings 25:28-30

Unsa man nga pagkaon ang gikaon ni Joaquin?

Kanunay nga nagkaon si Joaquin didto sa lamesa sa hari sa tibuok niya nga kinabuhi. Ug ginahatagan siya ug panggasto alang sa iyang pagkaon sa matag adlaw alang sa tibuok niya nga kinabuhi.