Hosea

Hosea 1

Hosea 1:1-2

Unsa man nga klasi sa babaye ang gipaminyoan ni Yahweh kang Hosea?

Gisultihan siya ni Yahweh nga magminyo ug usa kababaye nga nagbaligya ug dungog..

Hosea 1:3-5

Nganong kinahanglan man nga nganlan ni Hosea ang iyang unang anak nga lalaki ug Jezreel?

Kinahanglan nga nganlan ni Hosea ang iyang anak ug Jezreel. Tungod kay sa mubo nga panahon, pagasilotan ni Yahweh ang panimalay ni Jehu tungod sa dugo nga naula didto sa Jezreel.

Hosea 1:6-7

Kinsa man ang angayang kaluy-an ni Yahweh?

Kaluy-an ni Yahweh ang panimalay sa Juda

Hosea 1:8-9

Nganong ginganlan man ni Hosea ang ikaduha niyang anak nga lalaki ug Lo Ami?

Ginganlan niya kini nga Lo Ami, tungod kay dili na niya katawhan ang mga Israelita.

Hosea 1:10-11

Unsa man ang masulti sa mga dili katawhan sa Dios kaniadto?

Sultihan sila nga katawhan sila sa buhi nga Dios.

Hosea 2

Hosea 2:2-3

Unsa man ang buhaton ni Yahweh kung dili isalikway sa Israel ang iyang pagbaligya ug dungog?

Kung dili isalikway sa Israel ang iyang pagbaligya ug dungog, huboan siya ni Yahweh ug ipakita ang iyang pagkahubo sama sa adlaw sa iyang pagkahimugso.

Hosea 2:4-5

Nganong dili man kaluy-an ni Yahweh ang mga anak ni Israel?

Dili kaluy-an ni Yahweh ang mga anak ni Israel, tungod kay mga anak sila sa pagbaligya ug dungog.

Hosea 2:6-7

Nganong mobalik man si Israel sa iyang unang bana?

Mobalik si Israel sa iyang unang bana, tungod kay mas maayo ang iyang kahimtang kaniadto kaysa sa karon.

Hosea 2:8-9

Kinsa man ang nagpadaghan sa plata ug bulawan ni Israel?

Si Yahweh mao ang nagpadaghan sa iyang plata ug bulawan.

Hosea 2:10-11

Unsa man ang buhaton ni Yahweh sa Israel sa atubangan sa iyang mga hinigugma?

Huboan siya ni Yahweh atubangan sa iyang mga hinigugma.

Hosea 2:12-13

Unsa man nga mga bayad ang gihatag sa mga hinigugma ni Israel kaniya?

Ang mga hinigugma ni Israel mihatag kaniya ug mga kaparasan ug mga igos nga kahoy.

Hosea 2:14-15

Unsa man ang itubag sa nagbaligya ug dungog human siya makuha pagbalik ni Yahweh?

Tubagon niya si Yahweh sama sa iyang gibuhat sa mga adlaw sa iyang pagkabatan-on, sama sa mga adlaw nga migawas siya sa yuta sa Ehipto.

Hosea 2:16-17

Nianang adlawa, unsa man ang itawag sa Israel kang Yahweh?

Taw-gon niya siya nga 'Akong bana,' ug dili na, 'Akong Baal.'

Hosea 2:18

Unsa man ang ipabuhat ni Yahweh sa iyang mga katawhan?

Pahigdaon niya sila nga layo sa piligro.

Hosea 2:19-20

Hangtod kanus-a man ang saad ni Yahweh nga mahimo siyang bana sa iyang mga katawhan?

Nagsaad si Yahweh nga mahimo nila siyang bana hangtod sa kahangtoran.

Hosea 2:21-22

Unsa man matubag sa bag-ong bino ug lana?

Ang bag-ong bino ug lana maoy motubag sa Jezreel.

Hosea 2:23

Unsa man ang giingon ni Yahweh ngadto sa dili niya mga katawhan?

Moingon si Yahweh ngadto sa dili niya mga katawhan nga, 'Ako kamong mga katawhan.'

Hosea 3

Hosea 3:1-3

Sa unsa man nga pamaagi nga higugmaon ni Hosea ang iyang asawa?

Kinahanglan higugmaon ni Hosea ang iyang asawa sama sa paghigugma ni Yahweh sa katawhan sa Israel.

Pila man ang gibayad ni Yahweh ngadto sa Israel?

Gipalit siya ug napulo ug lima ka mga pilak ug usa ka homer ug tunga nga sukod sa sibada.

Hosea 3:4-5

Human nagpuyo ang katawhan sa Israel sa daghang mga adlaw nga walay hari, kinsa man ang ilang gipangita?

Human nagpuyo ang katawhan sa Israel sa taas nga panahon nga walay hari, mangita sila kang Yahweh nga ilang Dios ug kang David nga ilang hari.

Hosea 4

Hosea 4:1-2

Batok kang kinsa man adunay sumbong si Yahweh?

Adunay sumbong si Yahweh batok sa mga lumulupyo sa yuta.

Hosea 4:3

Unsa man ang nahitabo sa katawhan nga nagpuyo sa yuta?

Nangaluya ang katawhan nga nagpuyo niining dapita.

Hosea 4:4-5

Kinsa man ang mapandol sa ngitngit?

Mapandol sa kangitngit ang mga propeta.

Hosea 4:6-7

Nganong kalimtan man sa Dios ang mga anak sa katawhan sa Israel?

Tungod kay gikalimtan sa mga katawhan ang balaod sa Dios, gikalimtan usab niya ang mga anak sa mga Israelita.

Hosea 4:8-10

Unsa man ang binuhatan sa mga katawhan?

Mamuhat sila sama sa mga pari.

Hosea 4:11-12

Unsa man nga mga butang ang nakawala sa pagsabot sa mga katawhan?

Ang nakawala sa ilang pagsabot mao ang pagpakighilawas gawas sa kaminyoon, ang bino, ug bag-ong bino;

Hosea 4:13-14

Nganong dili man silotan ni Yahweh ang mga anak nga babaye sa katawhan sa dihang gipili nila ang pagbuhat ug malaw-ay nga pagpakighilawas?

Dili silotan ni Yahweh ang mga anak nga babaye sa katawhan bisan ug nagbuhat sila ug malaw-ay nga pagpakighilawas, tungod kay nagbaligya usab sa ilang dungog ang mga kalalakin-an.

Hosea 4:15-16

Asa man nga dapit ang dili angay adtoan sa katawhan?

Kinahanglan dili sila moadto sa Gilgal o sa Bet Aven.

Hosea 4:17-19

Unsa man ang gibuhat ni Efraim bisan ug nawala na ang iyang pagkahubog?

Nagpadayon sa pagpanapaw si Efraim bisan ug nawala na ang iyang pagkapalahubog.

Hosea 5

Hosea 5:1-2

Asa man nagtindog ang mga masinupakon?

Nagtindog ang mga masinupakon sa kinahiladman sa pagpamatay.

Hosea 5:3-4

Unsa man ang nakapugong sa Efraim aron mobalik sa Dios?

Ang mga binuhatan sa Efraim ang nagpugong kanila nga makabalik sa Dios.

Hosea 5:5-7

Nganong dili man makaplagan sa Israel, Efraim ug Juda si Yahweh?

Dili makaplagan sa Israel, Efraim, ug Juda si Yahweh tungod kay gipahilayo man niya ang iyang kaugalingon gikan kanila.

Hosea 5:8-9

Kinsa man ang nagpahayag nga mahimong biniyaan ang Efraim?

Gipahayag ni Yahweh nga mahimong biniyaan ang Efraim.

Hosea 5:10-11

Kang kinsa man ibubo ni Yahweh ang iyang kapungot?

Ibubo ni Yahweh ang iyang kapungot ngadto sa mga pangulo sa Juda.

Hosea 5:12-13

Kanus-a man miadto sa Asiria ang Efraim?

Sa dihang nakita sa Efraim ang iyang balatian, miadto ang Efraim sa Asiria.

Hosea 5:14-15

Hangtod kanus-a man moadto pagbalik si Yahweh sa iyang dapit?

Moadto si Yahweh ug mobalik sa iyang dapit, hangtod nga ilhon sa Efraim ug Juda ang ilang pagkasad-an ug mangita sa iyang panagway; hangtod nga tinud-anay nila siyang pangitaon sa ilang kalisdanan.

Hosea 6

Hosea 6:1-3

Bisan tuod gikuniskunis ni Yahweh ang iyang katawhan, unsa man dayon ang sunod niya nga buhaton?

Bisan tuod gikuniskunis niya sila, ayohon niya sila.

Kanus-a man bangonon ni Yahweh ang iyang katawhan?

Bangonon niya ang iyang katawhan sa ikatulo nga adlaw.

Hosea 6:4-5

Sa unsa man nahisama ang pagkamatinud-anon sa Efraim ug Juda?

Nahisama sa gabon sa kabuntagon ug yamog nga dali lang mahanaw ang ilang pagkamatinud-anon.

Hosea 6:6-7

Unsa man ang gitinguha sa Dios?

Nagtinguha ang Dios sa pagkamatinud-anon ug dili ang halad, ug ang kahibalo diha kaniya labaw pa kaysa sa mga halad sinunog.

Hosea 6:8-9

Sa unsa mang paagiha nga nagtigom ang mga pari aron sa pagpamatay sa mga tawo didto sa dalan paingon sa Shekem?

Sama sa mga daotan nga pundok sa mga kawatan nga adunay gibanhigan, mao nga nagtigom ang mga pari aron sa pagpamatay sa mga tawo didto sa dalan paingon sa Shekem.

Hosea 6:10-11

Unsa man ang gitakda ngadto sa Juda sa dihang ipasig-uli ni Yahweh ang kadagaya sa iyang katawhan?

Matakda ang pag-ani, sa dihang ipagsig-uli ni Yahweh ang kadagaya sa iyang katawhan.

Hosea 7

Hosea 7:1-2

Unsa man ang gihinumdom ni Yahweh?

Nahinumdoman ni Yahweh ang ilang mga daotang binuhatan.

Hosea 7:3-5

Giunsa man sa katawhan pagpahimuot ang mga opisyal?

Pinaagi sa ilang mga bakak nahimuot kanila ang mga opisyal.

Hosea 7:6-7

Giunsa man pagpakasama ang kasingkasing sa katawhan?

Sama sa pugon ang ilang mga kasingkasing.

Hosea 7:8-9

Unsa man ang wala mahibaloan ni Efraim?

Wala mahibalo ang Efraim nga gipukan sa mga langyaw ang iyang kusog o nga giwisik-wisikan sila sa puti nga buhok.

Hosea 7:10-11

Ngano man nga gipakasama sa salampati ang Efraim?

Sama sa salampati ang Efraim, tungod kay tanga ug walay alamag.

Hosea 7:12-13

Nganong wala man giluwas ni Yahweh ang katawhan?

Wala giluwas ni Yahweh ang katawhan tungod kay nagsulti man sila ug mga bakak batok kaniya.

Hosea 7:14-15

Unsa man ang gibuhat sa katawhan aron makabaton ug trigo ug bag-o nga bino?

Gisamaran nila ang ilang kaugalingon aron nga makabaton ug trigo ug bag-o nga bino.

Hosea 7:16

Nganong mangalaglag man ang mga opisyal?

Mangalaglag ang mga opisyal tungod sa kabastos sa ilang mga dila.

Hosea 8

Hosea 8:1-3

Nganong miadto man ang agila sa balay ni Yahweh?

Moadto ang agila sa balay ni Yahweh tungod kay wala gituman sa katawhan ang iyang kasabotan ug nagsupak batok sa iyang balaod.

Hosea 8:4-5

Unsa man ang gigamit sa katawhan sa paghimo ug diosdios alang sa ilang kaugalingon?

Naghimo sila ug mga diosdios alang sa ilang kaugalingon pinaagi sa ilang mga plata ug bulawan.

Hosea 8:6-7

Unsa man ang nahitabo sa dihang nagtanom ug hangin ang mga tawo?

Nagtanom ang katawhan ug hangin ug miani silag ipo-ipo.

Hosea 8:8-10

Unsa man ang gibuhat ni Yahweh bisan ug nagsuhol ang katawhan ug hinigugma taliwala sa mga nasod?

Bisan tuod nagsuhol sila ug hinigugma taliwala sa mga nasod, pagatigomon gihapon sila ni Yahweh.

Hosea 8:11-12

Kung isulat ni Yahweh ang iyang Balaod alang kanila sa 10,000 ka higayon, unsa man ang ilang panglantaw mahitungod niini?

Kung isulat ni Yahweh ang iyang Balaod alang kanila sa 10,000 ka higayon, lantawon nila kini nga daw katingalahang butang.

Hosea 8:13-14

Unsaon man pagsilot ni Yahweh ang mga sala sa katawhan?

Pagasilotan niya ang ilang mga sala pinaagi sa pagpabalik kanila sa Ehipto.

Hosea 9

Hosea 9:1-2

Unsa man ang ganahang bayran sa Israel?

Ganahan man mobayad ang Israel sa mga suhol nga iya sa pagbaligya ug dungog nga anaa sa tanang giokanang mga salog.

Hosea 9:3-4

Sa unsa man gipakasama ang mga halad ni Efraim?

Gipakasama ang ilang mga halad sa mga pagkaon sa pagbangotan: ang tanang makakaon niini mahugaw.

Hosea 9:5-6

Kung makaikyas ang katawhan sa pagkagun-ob, unsa man ang mahitabo?

Kung makaikyas ang katawhan sa pagkagun-ob, tigomon sila sa Ehipto, ug ang Memfis maoy molubong kanila.

Hosea 9:7

Unsa man nga mga adlaw ang moabot?

Moabot ang mga adlaw sa pagsilot. Moabot ang mga adlaw sa paghukom.

Hosea 9:8-9

Unsa man ang anaa sa mga dalan sa propeta?

Mga lit-ag sa langgam ang anaa sa iyang mga dalan.

Hosea 9:10

Human pag-adto sa mga amahan sa Baal Peor, sa unsa man sila nahisama?

Human pag-adto sa mga amahan sa Baal Peor, nahisama sila ka hugaw sa diosdios nga ilang gihigugma.

Hosea 9:11-12

Unsa man ang mahitabo sa himaya ni Efraim?

Molupad ang himaya ni Efraim sama sa langgam.

Hosea 9:13-14

Unsa man ang ihatag ni Yahweh kang Efraim?

Hatagan sila ni Yahweh ug tagoangkan nga dili makasapupo ug dughan nga dili mohatag ug gatas.

Hosea 9:15

Nganong palayason man ni Yahweh sa iyang balay si Efraim?

Tungod sa daotan nilang mga binuhatan, maong palayason sila ni Yahweh gikan sa iyang balay.

Hosea 9:16-17

Unsay mahitabo kung makabaton ug mga anak si Efraim?

Bisan pa kon aduna silay mga anak, patyon kini ni Yahweh.

Hosea 10

Hosea 10:1-2

Unsa man ang nahitabo sa dihang midaghan ang bunga sa Israel?

Sa dihang midaghan ang iyang bunga, midaghan usab ang mga halaran nga iyang gitukod.

Hosea 10:3-4

Giunsa man sa Israel pagbuhat ug mga kasabotan?

Nagbuhat ang Israel ug mga kasabotan pinaagi sa pagsaad ug bakak.

Hosea 10:5-6

Nganong pagadad-on man ngadto sa Asiria ang mga lumulupyo sa Samaria?

Pagadad-on sila sa Asiria aron mahimong gasa alang sa bantogang hari.

Hosea 10:7-9

Unsa man ang manurok sa halaran?

Magaturok ang mga tunok ug sampinit sa halaran.

Hosea 10:10-11

Nganong butangan man ni Yahweh ug yugo ang huyang nga liog sa Efraim?

Tungod kay usa man ka tinudloang nating baka ang Efraim nga ganahan mogiok sa trigo, busa pagabutangan siya ni Yahweh ug yugo sa iyang liog.

Hosea 10:12-13

Hangtod kanus-a man pangitaon sa katawhan si Yahweh?

Kinahanglan nilang pangitaon si Yahweh hangtod nga moabot siya ug paulanan sila sa pagkamatarong.

Hosea 10:14-15

Unsa man ang nahitabo sa mga inahan uban sa ilang mga anak sa dihang gilaglag ni Shalman ang Bet Arbel?

Sa dihang gilaglag ni Shalman ang Bet Arbel, gipangwataswatas ang mga inahan uban sa ilang mga anak.

Hosea 11

Hosea 11:1-2

Asa man gikan gitawag ni Yahweh si Israel sa dihang batan-on pa siya?

Sa dihang batan-on pa si Israel, gitawag siya ni Yahweh gikan sa Ehipto.

Hosea 11:3-4

Kinsa ang man nagkupot sa mga kamot ni Efraim?

Si Yahweh maoy nagkupot sa ilang mga kamot.

Hosea 11:5-7

Unsa man ang nahukman nga buhaton sa mga tawo?

Nakahukom ang katawhan ni Yahweh nga mobiya kaniya.

Hosea 11:8-9

Nganong wala gub-a pag-usab ni Yahweh si Efraim?

Wala gub-a pag-usab ni Yahweh si Efraim, tungod kay Dios si Yahweh ug dili tawo.

Hosea 11:10-11

Paunsa man moduol ang mga tawo?

Moduol ang mga tawo nga magkurog gikan sa kasadpan sama sa langgam nga gikan sa Ehipto, sama sa salampati nga gikan sa yuta sa Asiria.

Hosea 11:12

Kinsa man ang nagpabiling matinud-anon sa Dios?

Nagpabiling matinud-anon sa Dios si Juda.

Hosea 12

Hosea 12:1-2

Unsa man ang anaa kang Yahweh batok sa Juda?

Adunay sumbong si Yahweh batok sa Juda.

Hosea 12:3-4

Unsa man ang gibuhat ni Jacob didto sa tagoangkan?

Didto sa tagoangkan, gikuptan ni Jacob ang tikod sa iyang igsoon.

Hosea 12:5-6

Unsa man ang kinahanglan nga pamaagi sa paghulat sa katawhan?

Kinahanglan nga maghulat sila nga mapinadayonon alang sa ilang Dios

Hosea 12:7-8

Unsa man ang dili makaplagan nga gibuhat ni Efraim?

Sa tanan nga gibuhat ni Efraim walay isa nga makakaplag ug bisan unsang sala diha kaniya, bisan unsa nga mamahimong sala.

Hosea 12:9-10

Unsa man kadugay ang pagpakig-uban ni Yahweh sa katawhan?

Nakig-uban si Yahweh kanila gikan pa sa yuta sa Ehipto.

Hosea 12:11-12

Sa unsa man mahisama ang mga halaran sa Gilgal?

Ang mga halaran sa Gilgal mahisama sa mga tinapok nga bato diha sa mga tudling sa kaumahan.

Hosea 12:13-14

Unsa man ang gibuhat ni Yahweh pinaagi sa propeta?

Gidala ni Yahweh ang katawhan pagawas sa Ehipto pinaagi sa propeta, ug pinaagi usab sa propeta giatiman niya sila.

Hosea 13

Hosea 13:1-2

Nganong nahimo man nga sad-an ang Efraim?

Nahimo siyang sad-an tungod kay nagsimba sila kang Baal.

Hosea 13:3

Unsa man ang nahitabo sa tahop?

Gipadpad sa hangin ang tahop gikan sa giokanan nga salog niini.

Hosea 13:4-6

Unsa man ang nahitabo sa dihang napuno ang katawhan ni Yahweh?

Sa dihang napuno ang katawhan ni Yahweh, nagmagarboso ang ilang kasingkasing ug gikalimtan nila si Yahweh.

Hosea 13:7-8

Sa unsa man nga paagi hasmagan ni Yahweh ang iyang katawhan?

Hasmagan sila ni Yahweh sama sa oso nga gikawatan sa iyang mga anak.

Hosea 13:9-11

Nganong moabot man ang kalaglagan sa Israel?

Moabot ang kalaglagan sa Israel tungod kay nakigbatok man sila kang Yahweh, nga ilang magtatabang.

Hosea 13:12-13

Unsa man ang nahitabo sa dihang miabot na ang adlaw nga ihimugso si Efraim?

Sa dihang ihimugso na si Efraim, wala siya migawas gikan sa tagoangkan.

Hosea 13:14

Unsa man ang gusto nga dad-on ni Yahweh ngadto kaniya?

Gusto nga dad-on ni Yahweh kaniya ang makamatay nga hampak ug ang kalaglagan didto sa Seol.

Hosea 13:15

Unsa man ang ilogon sa kaaway ni Efraim?

Ilogon sa iyang kaaway ang mga balay nga puno sa bililhong mga butang.

Hosea 13:16

Unsa man ang mahitabo sa mga anak sa Samaria?

Pagadugmokon ang ilang gagmay nga mga anak.

Hosea 14

Hosea 14:1-2

Nganong napukan man ang Israel?

Napukan ang Israel tungod sa ilang sala.

Hosea 14:3

Nganong dili man moingon ang Israel ngadto sa buhat sa ilang mga kamot, "Ikaw ang among dios?"

Dili moingon ang Israel ngadto sa buhat sa ilang mga kamot, "Ikaw ang among dios," kay nakakaplag ug kalouy diha kang Yahweh ang tawo nga walay amahan.

open-licensed biblical content