Joshua
Joshua 1
Joshua 1:1-3
Unsa man ang gisulti ni Yahweh ngadto kang Josue nga buhaton human sa kamatayon ni Moises?
Gisultihan ni Yahweh si Josue nga molatas sa Jordan ug mangulo sa katawhan sa Israel ngadto sa yuta nga ihatag ni Yahweh kanila.
Joshua 1:4-5
Nganong nagsulti man si Yahweh nga walay tawo nga makaasdang batok kang Josue?
Nagsulti si Yahweh nga walay tawo nga makaasdang batok kang Josue tungod kay mag-uban man siya kang Josue ingon nga siya nag-uban kang Moises.
Joshua 1:6-7
Unsa man ang tulo ka butang nga ipabuhat ni Yahweh kang Josue?
Ang ipabuhat ni Yahweh ngadto kang Josue nga magmalig-on, magmaisogon ug magtuman sa balaod.
Joshua 1:8-9
Unsa man ang ipabuhat ni Yahweh ngadto kang Josue nga pamalandongan sa adlaw ug sa gabii?
Ang ipabuhat ni Yahweh ngadto kang Josue nga pamalandongan niya ang libro sa balaod adlaw ug gabii.
Joshua 1:10-11
Unsa man ang gimando ni Josue nga himoon sa mga pangulo sa katawhan?
Gimandoan ni Josue ang mga pangulo sa katawhan nga mandoan ang katawhan sa pag-andam sa mga gikinahanglan alang sa ilang kaugalingon aron paglatas sa Jordan human sa tulo ka adlaw.
Joshua 1:12-13
Unsa man ang duha ka mga butang nga gisulti ni Moises nga gimando ni Yahweh ngadto kang Josue nga hinumdoman sa mga Rubinhanon, sa mga Gadihanon ug sa katunga sa tribo ni Manases?
Ang duha ka butang nga giingon ni Josue nga gimando ni Yahweh ngadto kang Moises nga hinumdoman sa mga Rubinhanon, sa mga Gadihanon ug sa katunga sa tribo ni Manases nga "Si Yahweh nga imong Dios maghatag kanimo ug kapahulayan, ug ihatag niya kini nga yuta alang kanimo."
Joshua 1:14-15
Unsa man ang gisulti ni Josue nga himoon sa mga Rubinhanon, sa Gadihanon ug sa katunga sa tribo ni Manases?
Gisultihan ni Josue ang mga Rubinhanon, mga Gadihanon ug ang katunga sa tribo ni Manases nga biyaan ang ilang mga asawa, mga anak ug ang mga binuhing mananap sa yuta nga gihatag ni Moises kanila nga lapas sa Jordan, apan ang mga manggugubat nga mga kalalakin-an kinahanglan nga molatas sa Jordan ug tabangan ang ilang mga igsoon.
Joshua 1:16-18
Unsa man ang tubag sa katawhan sa mga mando ni Josue?
Nagtubag ang katawhan sa mga mando ni Josue nga ilang himoon kung unsa ang iyang giingon nga buhaton ug moadto bisan asa ipaadto.
Joshua 2
Joshua 2:1-3
Asa man nakakita ug kapahulayan ang duha ka tigpaniid nga gikan sa Sitim sa dihang gipadala sila ni Josue aron sa pagpaniid sa yuta?
Nakakita ang duha ka tigpaniid ug kapahulayan sa balay sa usa ka babaye nga nagbaligya sa iyang dungog nga ginganlan ug Rahab.
Joshua 2:4-7
Unsa man ang gibuhat ni Rahab sa duha ka tigpaniid sa dihang ang kalalakin-an sa hari nangita kanila?
Gipatago niya sila sa dihang ang kalalakin-an sa hari miadto kang Rahab aron sa pagpangita sa tigpaniid.
Unsa man ang gisulti ni Rahab sa kalalakin-an sa hari?
Miingon si Rahab sa kalalakin-an sa hari nga ang tigpaniid anaa didto, apan nilakaw na.
Joshua 2:8-9
Nganong gisultihan man ni Rahab ang mga tigpaniid sa rason nga gipatago niya sila?
Gisultihan ni Rahab ang mga tigpaniid nga gipatago niya sila tungod kay nagtuo siya nga gihatag ni Yahweh ang yuta kanila.
Joshua 2:10-11
Unsa man ang gisulti ni Rahab nga mga hinungdan nga iyang gituohan nga ihatag ni Yahweh sa mga Israelita ang yuta?
Miingon si Rahab nga nagtuo siya nga gihatag ni Yahweh ang yuta sa mga Israelita tungod kay ang katubigan sa Patay nga Dagat namala sa pagtugot kanila nga makahawa gikan sa Ehipto ug gigun-ob nila ang mga hari sa Amorihanon.
Joshua 2:12-13
Unsa man ang gihangyo ni Rahab nga himoon sa mga tigpaniid?
Naghangyo si Rahab sa mga tigpaniid nga kaluy-an ug luwason siya ug ang iyang pamilya sa dihang moabot sila aron sa pag-ilog sa yuta.
Joshua 2:14-17
Unsa man ang gisaad sa mga tigpaniid?
Nagsaad ang mga tigpaniid ngadto kang Rahab nga magmaluluy-on sila ug magmatinud-anon kaniya kung dili niya isulti ang ilang buhaton
Joshua 2:18-22
Unsa man ang gihangyo sa mga tigpaniid kang Rahab nga himoon aron nga maluwas?
Naghangyo ang mga tigpaniid kang Rahab nga ibutang ang pula nga pisi sa iyang bintana ug tigomon ang tibuok niyang pamilya ngadto sa iyang balay.
Joshua 2:23-24
Unsa man ang gisulti sa mga tigpaniid ngadto kang Josue sa dihang mibalik sila gikan sa siyudad ni Rahab?
Gisultihan sa mga tigpaniid si Josue sa tanan nga nahitabo nga ihatag ni Yahweh ang yuta kanila.
Joshua 3
Joshua 3:2-4
Unsa man ang gisulti sa mga opisyales sa katawhan nga sundon sa dihang gipas-an kini sa Levita nga mga pari?
Gisultihan sa mga opisyales ang katawhan nga magsunod sa sagradong sudlanan sa kasabotan sa dihang pas-anon kini sa mga pari nga Levita.
Nganong gisultihan man sa mga pari ang katawhan nga mopalayo ug 2000 ka mga kubiko luyo sa sagradong sudlanan sa kasabotan?
Gisultihan sa mga pari ang katawhan nga mopalayo luyo sa sagradong sudlanan sa kasabotan aron nga makita nila kung asa nga dalan moadto tungod kay wala pa man sila makaagi niana nga dalan kaniadto.
Joshua 3:5-6
Unsa man ang gisulti ni Josue nga himoon ni Yahweh taliwala sa katawhan nianang adlawa?
Miingon si Josue nga maghimo si Yahweh ug mga "kahibulongan" taliwala sa katawhan nianang adlawa.
Joshua 3:7-11
Unsa man ang gisulti ni Yahweh ngadto kang Josue nga isulti sa mga pari sa dihang niabot sila sa Suba sa Jordan?
Giingnan ni Yahweh si Josue nga sultihan ang mga pari nga mopabilin ug tindog ngadto sa Suba sa Jordan .
Joshua 3:12-13
Unsa man ang gisulti ni Josue sa katawhan nga mahitabo sa dihang makatunob sa Suba sa Jordan ang mga lapalapa sa mga tiil sa mga pari nga nagpas-an sa sagradong sudlanan sa kasabotan?
Giingnan ni Josue ang katawhan nga matunga ang katubigan sa dihang makatunob sa suba ang mga lapalapa sa mga tiil sa mga pari nga nagpas-an sa sagradong sudlanan sa kasabotan.
Joshua 3:14-16
Asa man motabok ang katawhan sa Suba sa Jordan?
Motabok ang katawhan sa Jordan nga duol sa Jerico.
Joshua 3:17
Unsa man ang gihimo sa mga pari nga nagpas-an sa sagradong sudlanan sa kasabotan samtang nagtabok ang katawhan?
Nagpabilin ang mga pari nga nagpas-an sa sagradong sudlanan sa kasabotan taliwala sa Suba sa Jordan sa mala nga yuta samtang nagtabok ang katawhan.
Joshua 4
Joshua 4:1-5
Unsa man ang gisulti ni Yahweh kang Josue nga imando sa dose ka mga lalaki nga kuhaon gikan sa Jordan?
Giingnan ni Yahweh si Josue nga mandoan ang dose ka mga lalaki nga mokuha ug dose ka mga bato gikan sa mala nga yuta nga anaa taliwala sa Jordan diin ang mga pari nagtindog ug sa pagdala niini sa dapit diin sila nagpahulay sa kagabhion.
Joshua 4:6-7
Unsa man ang gisulti ni Josue nga katuyoan sa pagkuha sa mga bato sa dapit diin sila nagpahulay sa kagabhion?
Mahimong usa ka handomanan ang mga bato aron nga magpahinumdom sa katawhan sa Israel hangtod sa hangtoran kung unsa ang nabuhat ni Yahweh.
Joshua 4:8-11
Asa man gipatongpatong ni Josue ang handomanan nga dose ka mga bato?
Gipatongpatong ni Josue ang handomanan nga dose ka mga bato diin nakatindog ang mga pari sa mala nga yuta sa Suba sa Jordan.
Joshua 4:12-16
Mga pila man ka kalalakin-an nga nabansay alang sa gubat ug nakalabang pinaagi kang Yahweh alang sa pagpakiggubat ngadto sa kapatagan sa Jerico?
Mokabat ug 40,000 ka mga kalalakin-an ang nabansay alang sa gubat nga nakalabang pinaagi kang Yahweh alang sa pagpakiggubat ngadto sa kapatagan sa Jerico.
Joshua 4:17-18
Unsa man ang mahitabo sa Suba sa Jordan sa dihang mogawas ang mga pari nga nagpas-an sa sagradong sudlanan sa kasabotan?
Nabalik sa naandan nga dapit ang katubigan sa Jordan sa dihang mipahawa ang mga pari sa Jordan.
Joshua 4:19-21
Asa man gipatongpatong ni Josue ang mga bato nga gidala gawas sa Jordan?
Sa Gilgal gipatongpatong ni Josue ang dose ka mga bato nga gidala gawas sa Jordan.
Joshua 4:22-24
Nganong gisultihan man ni Josue ang katawhan nga sultihan ang ilang mga anak kung unsa ang nabuhat ni Yahweh kanila sa Jordan?
Giingnan ni Josue ang katawhan nga sultihan ang ilang mga anak kung unsa ang nabuhat ni Yahweh kanila sa Jordan aron nga masayod ang tanang katawhan sa kalibotan nga ang kamot ni Yahweh gamhanan.
Joshua 5
Joshua 5:2-5
Unsa man ang gimando ni Yahweh kang Josue nga himoon sa santik nga mga kutsilyo?
Gimandoan ni Yahweh si Josue nga tulion ang tanang kalalakin-an sa Israel.
Joshua 5:6-9
Nganong gimandoan man si Josue sa pagtuli sa ang tanang kalalakin-an sa Israel?
Gimandoan si Josue sa pagtuli sa tanang kalalakin-an sa Israel tungod kay wala pa natuli ang mga lalaki nga nangatawo sa panahon sa paglatagaw nila sa kamingawan.
Joshua 5:10-11
Unsa man ang gisaulog sa katawhan sa Israel sa ikanapulo ug upat nga adlaw sa bulan, sa kagabhion, didto sa kapatagan sa Jerico?
Gisaulog sa mga Israelita ang Pagsaylo sa ikanapulo ug upat nga adlaw sa bulan, sa kagabhion, didto sa kapatagan sa Jerico.
Joshua 5:12
Unsa man ang mihunong sa pagpangabot human nangaon ang katawhan sa Israel sa pagkaon nga gikan sa abot sa yuta?
Mihunong pagpangabot ang mana sa adlaw human nangaon ang katawhan sa Israel ug pagkaon nga gikan sa abot sa yuta
Joshua 5:13
Kinsa man ang nakita ni Josue nga nagtindog sa iyang atubangan duol sa Jerico?
Nakita ni Josue ang usa ka tawo nga adunay binunlot nga espada sa iyang kamot.
Joshua 5:14-15
Unsa man ang giingon ni Josue sa tawo nga adunay binunlot nga espada?
Miingon si Josue ngadto sa tawo nga nagbunlot sa iyang espada, "Dapig ka ba kanamo o sa among mga kaaway?"
Sumala sa tawo nga adunay binunlot nga espada kinsa man siya?
Siya ang pangulo sa kasundalohan ni Yahweh, sumala sa giingon sa tawo nga adunay binunlot nga espada ngadto kang Josue.
Unsa man ang gisulti sa pangulo sa kasundalohan ni Yahweh nga buhaton ni Josue?
Gisultihan si Josue sa pangulo sa kasundalohan ni Yahweh nga huboon ang iyang mga sandalyas, tungod kay atua siya sa balaan nga dapit.
Joshua 6
Joshua 6:1-2
Unsa man ang gisaad ni Yahweh kang Josue mahitungod sa Jerico?
Misaad si Yahweh kang Josue nga itugyan na niya ang Jerico ngadto sa iyang kamot.
Joshua 6:3-4
Ikapila man ka higayon nga maglakaw palibot sa mga pader sa Jerico sulod sa unom ka adlaw ang mga kalalakin-an sa Israel ?
Maglakaw ang mga kalalakin-an sa Israel palibot sa pader sa Jerico makausa sa matag adlaw sulod sa unom ka adlaw.
Joshua 6:5-9
Unsa man ang gisulti ni Yahweh nga buhaton sa kalalakin-an sa ikapito nga adlaw?
Gisultihan ni Yahweh ang kalalakin-an nga maglakaw palibot sa Jerico sa makapito ka higayon sa ikapito nga adlaw, ug alang sa mga pari magpatingog sila sa makusog sa ilang mga trumpeta.
Unsa man ang giingon ni Yahweh nga mahitabo kung buhaton kini sa kalalakin-an sa Israel ug sa mga pari?
Miingon si Yahweh nga malumpag ang mga pader sa Jerico kung buhaton kini sa kalalakin-an ug mga pari.
Joshua 6:10-16
Unsa man ang gimando ni Josue sa katawhan nga dili buhaton hangtod sa ikapito nga adlaw.
Gimandoan ni Josue ang katawhan nga dili mosinggit hangtod sa ikapito nga adlaw.
Joshua 6:17-19
Kinsa man ang gisulti ni Josue sa katawhan nga tugotan nga mabuhi sa dihang ihatag na ni Yahweh kanila ang siyudad?
Gisultihan ni Yahweh ang katawhan nga tugotan si Rahab ug ang tanan nga nagpuyo sa iyang panimalay nga mabuhi tungod kay gitago man niya ang mga tigpaniid.
Unsa man nga mga butang ang gisulti ni Josue sa katawhan nga balaan alang kang Yahweh ug kinahanglan nga dad-on sa tipiganan sa bahandi?
Gisultihan ni Yahweh ang katawhan nga balaan alang kang Yahweh ang mga butang nga hinimo sa plata, bulawan, puthaw ug tumbaga ug kinahanglan nga dad-on sa tipiganan sa bahandi.
Joshua 6:20-21
Unsa man ang buhaton sa katawhan sa Israel sa dihang malumpag na ang mga pader sa Jerico?
Ilogon sa katawhan sa Israel ang siyudad ug laglagon ang tanan nga anaa sa siyudad pinaagi sa sulab sa espada.
Joshua 6:22-25
Unsa man ang gimando ni Josue nga buhaton sa duha ka batan-ong mga lalaki nga naniid sa yuta?
Gimandoan ni Josue ang duha ka tigpaniid nga moadto ngadto sa balay sa babaye nga nagbaligya sa iyang dungog ug dad-on siya ug ang tanan nga uban kaniya, sumala sa ilang gisaad kaniya.
Joshua 6:26-27
Unsa man ang giingon ni Josue nga mahitabo sa tawo nga mosulay sa pagtukod pag-usab sa Jerico?
Miingon si Josue nga matinunglo ang tawo nga mosulay sa pagtukod pag-usab sa Jerico.
Joshua 7
Joshua 7:1
Nganong misilaob man ang kasuko ni Yahweh batok sa katawhan sa Israel?
Misilaob ang kasuko ni Yahweh batok sa katawhan sa Israel tungod kay gikuha man ni Acan ang ubang mga butang alang sa iyang kaugalingon nga gilain aron laglagon.
Joshua 7:2-3
Unsa man ang gibalita ngadto kang Josue sa mga tigpaniid nga iyang gipaadto sa Ai?
Gibalitaan si Josue sa mga tigpaniid nga iyang gipaadto sa Ai nga diyutay lang ang ipadala nga kasundalohan ngadto sa Ai tungod kay diyutay lamang ang tawo didto.
Joshua 7:4-5
Unsa man ang nahitabo sa diyutay lamang nga kasundalohan nga mikabat ug 3,000 ka kalalakin-an nga misulong sa Ai?
Nanagan ang diyutay lamang nga kasundalohan nga misulong sa Ai gikan sa kalalakin-an sa Ai ug 36 ang namatay.
Joshua 7:6-9
Unsa man ang gihimo ni Josue sa dihang nahibaloan niya nga nabuntog ang iyang kasundalohan sa Ai?
Sa dihang nahibaloan ni Josue ang pagkabuntog sa iyang kasundalohan sa Ai, gigisi niya ang iyang mga bisti, gibutangan niya ug abog ang iyang ulo, ug mihapa sa atubangan sa sudlanan sa kasabotan.
Joshua 7:10-12
Unsa man ang gisulti ni Yahweh kang Josue nga maoy hinungdan sa pagkabuntog sa iyang kasundalohan didto sa Ai?
Gisultihan ni Yahweh si Josue nga nabuntog ang iyang kasundalohan tungod kay nakasala ang Israel pinaagi sa pagpangawat ug pipila ka mga butang nga gilain alang sa paglaglag.
Joshua 7:13
Unsa man ang gisulti ni Yahweh nga buhaton ni Josue?
Gisultihan ni Yahweh si Josue nga mobangon ug ipabalaan ang katawhan aron ihatag ang mga butang nga gilain alang sa palaglag.
Joshua 7:14-18
Unsa man ang giingon ni Yahweh nga mahitabo sa tawo nga nangawat sa mga butang nga gilain alang sa paglaglag?
Miingon si Yahweh nga ang tawo nga nangawat sa mga butang nga gilain alang sa paglaglag pagasunogon lakip na ang tanan nga anaa kaniya.
Joshua 7:19-23
Unsa man ang gisulti ni Acan kang Josue nga iyang gikuha?
Gisultihan ni Acan si Josue nga iyang gikuha ang maanindot nga kupo, 200 ka shekels sa plata, ug usa ka bareta nga bulawan.
Joshua 7:24
Asa man gidala ni Josue ug sa tibuok Israel si Acan ug ang tanan nga anaa kaniya?
Gidala ni Josue ug sa tibuok Israel si Acan ug ang tanan nga anaa kaniya didto sa walog sa Acor.
Joshua 7:25-26
Unsa man ang nahitabo sa nagdilaab nga kasuko ni Yahweh?
Nawala ang nagdilaab nga kasuko ni Yahweh.
Joshua 8
Joshua 8:1-2
Unsa man ang gisulti ni Yahweh kang Josue nga buhaton aron mailog ang siyudad sa Ai?
Gisultihan ni Yahweh si Josue nga dad-on ang tanang katawhan sa gubat sa Ai ug magbanhig sa luyo sa siyudad.
Unsa man ang buhaton sa mga tawo sa kabtangan nga gikan sa Ai?
Gisultihan ni Yahweh ang mga tawo nga mahimo nilang kuhaon ang mga kabtangan ug mga baka alang sa ilang mga kaugalingon.
Joshua 8:3-7
Kanus-a man gipadala ni Josue ang 30,000 nga kusgan ug maisog nga kalalakin-an ngadto sa Ai?
Gipadala ni Josue ang 30,000 ka kusgan ug maisog nga kalalakin-an ngadto sa Ai sa kagabhion.
Unsa man ang giplano nga buhaton ni Josue uban sa iyang mga kalalakin-an sa dihang nagpaduol sila sa siyudad?
Sa dihang nagpaduol na si Josue sa siyudad uban sa iyang kalalakin-an ug miggawas ang mga tawo sa siyudad aron sa pagsulong, nanagan ang kalalakin-an ni Josue sama kaniadto.
Joshua 8:8-14
Unsa man ang buhaton sa kalalakin-an sa siyudad sa dihang mailog na nila kini?
Sa dihang mailog na nila ang siyudad sunogon nila kini.
Joshua 8:15-17
Unsa man ang gibuhat sa kalalakin-an sa Ai sa dihang mikalagiw ang kasundalohan ni Josue ngadto sa kamingawan?
Gigukod sa kalalakin-an sa Ai ang kasundalohan ni Josue samtang mikalagiw sila ngadto sa kamingawan, hangtod nga wala nay nahibilin didto sa siyudad.
Joshua 8:18-21
Unsa man nga timaan ang gisulti ni Yahweh nga ihatag ni Josue sa dihang andam na siya aron ilogon sa iyang kasundalohan ang siyudad?
Gisultihan ni Yahweh si Josue nga itumong ang bangkaw nga iyang gigunitan padulong sa Ai.
Joshua 8:22-23
Kinsa man ang gidakop nga buhi sa kalalakin-an sa Israel ug gidala kang Josue?
Gidakop nga buhi sa kalalakin-an sa Israel ang Hari sa Ai ug gidala siya ngadto kang Josue.
Joshua 8:24-26
Kinsa man ang gilaglag ni Josue sa siyudad sa Ai?
Gilaglag ni Josue ang tanang katawhan sa Ai.
Joshua 8:27-28
Unsa man ang gikuha sa Israel gikan sa siyudad sa Ai sa wala pa nila kini sunoga?
Gikuha sa Israel ang mga binuhi nga mananap ug mga kabtangan, sumala sa gimando ni Yahweh kang Josue.
Joshua 8:29-35
Unsa man ang gibuhat ni Josue sa hari sa Ai?
Gibitay ni Josue ang hari sa Ai didto sa kahoy ug unya giitsa ang iyang lawas sa atubangan sa mga ganghaan sa siyudad.
Joshua 9
Joshua 9:1-2
Unsa man ang gihimo sa mga hari nga nagpuyo layo sa Jordan didto sa kabungtoran aron nga makiggubat batok kang Josue ug sa Israel?
Nagkahiusa silang tanan ilalom sa usa ka mando, aron buntogon si Josue ug ang Israel.
Joshua 9:3-5
Kinsa man ang nakahimo ug plano sa pagpanglimbong?
Nakaplano sa pagpanglimbong ang mga lumolupyo sa Gibeon.
Giunsa man pag-andam sa mga "mensahero" nga taga Gibeon ang ilang mga kaugalingon?
Nanguha sila ug mga dunot na nga mga sako ug gibutang nila kini sa ilang mga asno. Nanguha usab sila ug daan na nga mga sudlanan sa bino, ug nagsul-ob ug mga daan ug tinapakan nga mga sandalyas ug nagbisti sila ug dunot na nga mga sapot. Nagdala usab sila ug gahi ug giagop-op nga tinapay.
Joshua 9:6-13
Sa dihang nangabot ang mga Gibeonhanon ngadto kang Josue didto sa Gilgal, diin man sila gikan?
Sumala sa mga Gibeonhanon gikan sila sa layo kaayo nga nasod.
Unsa man ang buot ipabuhat sa mga Gibeonhanon ngadto sa mga kalalakin-an sa Israel?
Buot nila nga maghimo ug kasabotan ang mga kalalakin-an sa Israel ngadto kanila.
Joshua 9:14-15
Unsa man ang wala buhata sa mga Israelita?
Wala sila nangayo ug giya kang Yahweh.
Unsa man ang gisaad ni Josue sa katawhan sa Gibeon?
Nakighigala si Josue kanila ug nagsaad siya nga dili nila sila pamatyon.
Joshua 9:16-17
Unsa man ang nasayran sa mga Israelita mahitungod sa katawhan sa Gibeon paglabay sa pipila ka mga adlaw?
Nasayran sa mga Israelita nga silingan ug nagpuyo lamang duol kanila ang katawhan nga gikan sa Gibeon.
Joshua 9:18-19
Nganong wala man sulonga sa mga Israelita ang katawhan sa Gibeon?
Wala sulonga sa mga Israelita ang katawhan sa Gibeon tungod kay nakasaad man sila mahitungod kanila atubangan ni Yahweh.
Joshua 9:20-23
Unsa man ang gibuhat sa mga Gibeonhanon ngadto sa mga Israelita?
Nahimo silang mga tigbugha ug kahoy ug tigsag-ob ug tubig alang sa mga Israelita.
Joshua 9:24-25
Unsa man ang rason nga gihatag sa mga Gibeonhanon ngadto kang Josue mahitungod kung nganong gilingla nila siya?
Miingon ang mga Gibeonhanon ngadto kang Josue nga nahadlok sila pag-ayo alang sa ilang mga kinabuhi.
Joshua 9:26-27
Unsa man ang mahitabo sa mga Gibeonhanon?
Gitanggal sila ni Josue gikan sa pagmando sa mga Israelita, ug gihimo sila nga mga tigbugha ug kahoy ug tigsag-ob ug tubig alang sa katilingban, ug alang sa halaran ni Yahweh.
Joshua 10
Joshua 10:1-2
Nganong nangahadlok man ang katawhan sa Jerusalem sa dihang nakighigala ang katawhan sa Gibeon ngadto sa Israel?
Nangahadlok ang katawhan sa Jerusalem tungod kay usa man ka dako nga siyudad ang Gibeon, dako pa kay sa Ai, ug ang tanan nga mga kalalakin-an niini mga kusgan gayod nga mga manggugubat.
Joshua 10:3-4
Unsa man ang gihangyo sa hari sa Jerusalem nga buhaton sa uban nga mga hari?
Gihangyo sa hari sa Jerusalem ang uban nga mga hari nga motungas ngadto kaniya ug tabangan siya sa pagsulong sa Gibeon
Joshua 10:5
Unsa man ang gibuhat sa mga hari?
Mitungas sila uban ang ilang mga kasundalohan ug gisulong ang Gibeon.
Joshua 10:6-7
Unsa man ang gibuhat sa katawhan sa Gibeon sa dihang nakita nila ang mga hari ug ang ilang mga kasundalohan?
Nagpadala ug mensahe ang katawhan sa Gibeon ngadto kang Josue aron moanha ug luwason sila.
Joshua 10:8-10
Unsa man ang giingon ni Yahweh ngadto kang Josue?
Miingon si Yahweh nga gihatag na ang mga hari ngadto sa iyang kamot.
Joshua 10:11
Giunsa man pagpatay ni Yahweh ang kadaghanan sa kaaway?
Nagpaulan ug dagkong mga bato si Yahweh gikan sa langit nga mipatay sa kadaghanan kay sa mga nangamatay pinaagi sa mga espada sa mga kalalakin-an sa Israel.
Joshua 10:12-14
Unsa man ang giignon ni Josue kang Yahweh sa dihang gihatag ni Yahweh ang kadaogan ngadto sa Israel?
Miingon si Josue kang Yahweh, "Adlaw, ayaw ug salop sa Gibeon, ug ikaw bulan, sa walog sa Aijalon."
Joshua 10:15-19
Unsa man ang nahitabo sa lima ka mga hari?
Mitago ang lima ka mga hari ngadto sa langob sa Makeda.
Joshua 10:20-25
Unsa man ang nahitabo sa mga kasundalohan sa mga hari?
Gipatay sa mga Israelita ang kadaghanan kanila. Pipila lamang kanila ang nakaikyas.
Joshua 10:26-39
Unsa man ang nahitabo sa mga hari nga mitago sa langob sa Makeda?
Gidasmagan ug gipatay ni Josue ang lima ka mga hari nga mitago sa langob, gibitay niya sila sa lima ka mga kahoy hangtod misalop ang adlaw, unya ila kining gilabay ngadto sa langob.
Joshua 10:40-41
Unsa man ang gibuhat ni Josue ug sa kasundalohan sa Israel sa tibuok kayutaan sa kabungtoran, sa Negev, sa mga kapatagan ug sa tiilan sa mga bungtod?
Gibuntog ni Josue ug sa kasundalohan sa Israel ang tanang mga hari ug wala gayod siyay gibilin nga buhi.
Joshua 10:42-43
Nganong nagmalampuson man si Josue sa pagsakop niining mga hari lakip na sa ilang mga yuta?
Nagmalampuson si Josue sa pagsakop niining mga hari lakip na sa ilang mga yuta tungod kay si Yahweh, nga Dios sa Israel, mao man ang nakigbatok alang sa Israel.
Joshua 11
Joshua 11:1-3
Unsa man ang gibuhat ni Jabin nga Hari sa Hazor, sa dihang nadungog niya ang kadaogan sa mga Israelita didto sa Gibeon?
Nagpadala siya ug mensahe ngadto sa daghang mga hari gikan sa rehiyon.
Joshua 11:4-5
Unsa man ang tubag sa mga hari ngadto sa mensahe ni Jabin?
Nagkatigom ang tanan nilang mga kasundalohan, ug nagkita sa gitakda nga panahon ug nagkampo sila daplin sa sapa sa Merom aron makiggubat sa Israel.
Daw sama sa unsa man ang ilang gidaghanon?
Ang ilang gidaghanon sama sa balas sa baybayon.
Joshua 11:6-9
Unsa man ang giingon ni Yahweh kang Josue nga iyang buhaton human ang gubat?
Miingon si Yahweh kang Josue nga iyang pungkolan ang ilang mga kabayo, ug sunogon ang ilang mga karwahe.
Joshua 11:10-11
Unsa man ang gibuhat ni Josue sa Hazor ug sa hari niini?
Gisunog ni Josue ang siyudad ug gitigbas niya ang hari pinaagi sa iyang espada.
Joshua 11:12-13
Unsa man ang gibuhat ni Josue sa nabilin nga mga hari sa siyudad nga nakiggubat sa Israel?
Gibihag ni Josue ang mga hari ug gipatay sila, apan wala niya gisunog ang ilang mga siyudad.
Joshua 11:14-17
Unsa man ang gimando ni Moises kang Josue?
Gimandoan ni Moises si Josue nga pamatyon ang tanang tawo.
Gibuhat ba ni Josue ang tanan nga gimando ni Moises kaniya?
Oo. Gibuhat ni Josue ang tanan nga gimando ni Moises kaniya.
Joshua 11:18-23
Unsa man ang nag-inusarang siyudad nga nakighigala sa Israel?
Ang Gibeon ang nag-inusarang siyudad nga nakighigala sa Israel.
Joshua 12
Joshua 12:1-5
Unsa man ang gibuhat sa mga Israelita ngadto sa yuta sa sidlakang bahin sa Jordan?
Gikuha ug gipanag-iya sa mga Israelita ang yuta sa sidlakang bahin sa Jordan nga diin didto mosidlak ang adlaw.
Joshua 12:6
Kinsa man ang nangulo sa katawhan sa Israel sa dihang gipildi nila ang katawhan sa sidlakang bahin sa Jordan?
Si Moises nga alagad ni Yahweh, mao ang nangulo sa katawhan sa Israel sa dihang gipildi nila ang katawhan nga anaa sa sidlakang bahin sa Jordan.
Joshua 12:7-20
Kinsa man ang nangulo sa katawhan sa Israel sa dihang gipildi nila ang katawhan sa kasadpang bahin sa Jordan?
Si Josue ang nangulo kanila sa dihang gipildi nila ang katawhan sa kasadpang bahin sa Jordan.
Joshua 12:21-24
Pila man ka mga hari ang nabuntog ni Josue ug sa mga Israelita sa yuta nga gihatag ni Yahweh kanila?
31 ka mga hari ang gibuntog ni Josue ug sa mga Israelita sa tanang yuta nga gihatag ni Yahweh kanila.
Joshua 13
Joshua 13:1-5
Nganong nagsulti man si Yahweh kang Josue nga aduna pay daghang mga yuta nga ilogonon?
Miingon si Yahweh kang Josue nga daghan pa kaayo ang yuta nga ilogonon tungod kay tigulang na siya.
Joshua 13:6-7
Unsa man ang gisulti ni Yahweh kang Josue nga buhaton human niya papahawaa ang mga lumulopyo sa atubangan sa kasundalohan sa mga Israelita?
Gisultihan ni Yahweh si Josue nga bahinon ang yuta ngadto sa Israel ingon nga panulondon sumala sa gimando ni Yahweh.
Kang kinsa man kinahanglan nga bahinbahinon ang yuta?
Kinahanglang bahinbahinon ang yuta ngadto sa siyam ka mga tribo ug sa katunga nga tribo ni Manases ingon nga panulondon.
Joshua 13:8-13
Asa man nakadawat ug panulondon ang laing duha ug ang katunga nga tribo?
Nakadawat sa ilang panulondon ang katunga sa tribo ni Manases, ang Rubenhanon ug ang Gadihanon ngadto sa sidlakang bahin sa Jordan.
Joshua 13:14-21
Unsa man nga tribo ang wala hatagi ni Moises ug panulondon?
Ang tribo ni Levi lamang ang wala hatagi ni Moises ug panulondon.
Unsa man nga panulondon ang ihatag ni Moises ngadto sa tribo ni Levi?
Ang panulondon nga gihatag ni Moises sa tribo ni Levi mao "Ang mga halad kang Yahweh, nga mao ang Dios sa Israel, nga sinunog sa kalayo" ingon nga ilang panulondon.
Joshua 13:22-33
Unsa man ang utlanan sa tribo ni Ruben?
Ang utlanan sa tribo ni Ruben mao ang Suba sa Jordan.
Joshua 14
Joshua 14:2-5
Unsa man ang duha ka tribo nga naggikan sa tribo ni Jose?
Ang tribo ni Manases ug ni Efraim ang naggikan sa tribo ni Jose.
Joshua 14:6-7
Pila man ang panuigon ni Caleb sa dihang gipadala siya ni Moises nga alagad ni Yahweh aron sa pagpaniid sa yuta?
40 ang iyang panuigon sa dihang gipadala siya ni Moises nga alagad ni Yahweh gikan sa Cades Barnea aron sa pagpaniid sa yuta.
Joshua 14:8-9
Unsa man ang gisaad ni Moises nga ihatag kang Caleb?
Nisaad si Moises kang Caleb nga ihatag niya ang yuta nga iyang malakwan ingon nga iyang panulondon ug alang sa iyang mga anak hangtod sa kahangtoran.
Joshua 14:10-11
Pila man ang panuigon ni Caleb sa dihang miadto siya kang Josue?
Nagpanuigon si Caleb ug 85 sa dihang miadto siya kang Josue.
Joshua 14:12-15
Unsa man ang gihangyo ni Caleb kang Josue?
Gihangyo ni Caleb si Josue nga ihatag kaniya ang kabungtoran ingon nga panulondon.
Joshua 15
Joshua 15:1-4
Unsa man ang labing halayo nga dapit nga anaa sa habagatan nga bahin?
Ang labing halayo nga dapit nga anaa sa habagatang bahin mao ang kamingawan sa Sin.
Joshua 15:5-6
Unsa man ang sidlakang bahin nga utlanan sa yuta ni Juda?
Ang sidlakang bahin nga utlanan mao ang Dagat nga Asin.
Joshua 15:7-10
Unsa man ang ngalan sa siyudad sa Jebusihanon?
Ang siyudad sa Jebusihanon mao ang Jerusalem.
Joshua 15:11-18
Unsa man ang kasadpang bahin nga utlanan sa banay ni Juda?
Ang kasadpang bahin nga utlanan sa banay ni Juda mao ang Dakong Dagat ug ang kabaybayonan niini.
Joshua 15:19-62
Unsa man ang gihatag ni Caleb sa iyang anak nga babaye, nga si Acsa, sa dihang mihangyo siya niini?
Gihatag ni Caleb kang Acsa ang taas ug ubos nga bahin sa mga tuboran sa dihang mihangyo siya niini.
Joshua 15:63
Unsa man nga mga katawhan nga anaa sa Jerusalem ang wala mapahawa sa tribo ni Juda?
Ang mga Jebusihanon nga anaa sa Jerusalem wala mapahawa sa tribo ni Juda.
Joshua 16
Joshua 16:3-9
Unsa man ang duha ka tribo nga naggikan kang Jose nga nakadawat sa ilang panulondon?
Ang tribo ni Manases ug tribo ni Efraim nga naggikan sa kaliwat ni Jose.
Joshua 16:10
Unsa man nga mga katawhan nga nagpuyo sa Geser ang wala mapahawa sa tribo ni Efraim?
Wala napahawa sa tribo ni Efraim ang mga Canaanhon nga nagpuyo sa Geser.
Joshua 17
Joshua 17:1-2
Kinsa man ang kamagulangan nga anak nga lalaki ni Jose?
Si Manases mao ang kamagulangan nga anak nga lalaki ni Jose.
Si kinsa man si Maquir?
Si Maquir mao ang kamagulangan nga anak nga lalaki ni Manases ug siya ang amahan ni Gilead.
Joshua 17:3-12
Ngano man nga miduol ang mga anak nga babaye ni Selofehad kang Eleazar, kang Josue, ug sa mga pangulo?
Miduol ang mga anak nga babaye ni Selofehad ngadto kang Eleazar, kang Josue, ug sa mga pangulo tungod kay wala silay igsoon nga lalaki nga modawat sa panulondon.
Unsa man ang gibuhat ni Josue alang sa mga anak nga babaye ni Selofehad?
Gihatagan ni Josue ug panulondon ang mga anak nga babaye ni Selofehad taliwala sa mga igsoong lalaki sa ilang amahan.
Joshua 17:13
Unsa man ang gibuhat sa katawhan sa Israel ngadto sa mga Canaanhon sa diha nga milig-on sila?
Sa diha nga milig-on ang katawhan sa Israel, gipugos nila sa pagpatrabaho ang mga Canaanhon.
Joshua 17:14-18
Unsa man ang giingon sa mga kaliwat ni Jose ngadto kang Josue?
Ang mga kaliwat ni Jose miingon kang Josue nga ang kabungtoran dili paigo sa ilang kadaghanon.
Unsa man ang giingon ni Josue ngadto sa mga kaliwat ni Jose?
Miingon si Josue ngadto sa mga kaliwat ni Jose nga motungas sa ilang mga kaugalingon ngadto sa kalasangan ug hawanan ang yuta nga anaa sa mga Perisihanon ug sa Repaihanon.
Joshua 18
Joshua 18:1-2
Sa dihang nagtigom ang tibuok katawhan didto sa Shilo, pila ka mga tribo sa katawhan sa Israel ang wala pa nahatagan ug panulondon?
Sa dihang nagtigom ang tibuok katawhan didto sa Shilo, pito ka mga tribo sa katawhan sa Israel ang wala pa nahatagan ug panulondon.
Joshua 18:3-9
Kinsa man ang gipadala ni Josue aron susihon ang yuta sa taas ug sa ubos nga bahin?
Nagpadala si Josue ug tulo ka mga lalaki gikan sa matag tribo aron magsusi sa yuta sa taas ug sa ubos nga bahin.
Unsa man ang ibalita sa tulo ka mga lalaki gikan sa matag tribo ngadto kang Josue?
Magsulat ug paghulagway sa yuta ang tulo ka mga lalaki sa matag tribo, ug unya mobalik sila ngadto kang Josue.
Joshua 18:10
Unsa man ang gibuhat ni Josue sa pagbalik sa mga lalaki ngadto kaniya human sa ilang pagsusi?
Sa dihang mibalik ang mga lalaki gikan sa pagsusi sa yuta nagripa si Josue alang kanila sa atubangan ni Yahweh didto sa Shilo.
Joshua 18:11-28
Taliwala sa unsa nga mga tribo ang gihatag sa tribo ni Benjamin ingon nga panulondon?
Gihatag sa tribo ni Benjamin ingon nga panulondon ang yuta taliwala sa mga kaliwat ni Juda ug sa mga kaliwat ni Jose.
Joshua 19
Joshua 19:1-7
Sa unsa man nga tribo nahatag ang ikaduha nga pagripa?
Ang ikaduhang nga pagripa nahatag ngadto kang Simeon.
Joshua 19:8-9
Sa asa man nga tribo naggikan ang panulondon ni Simeon?
Ang panulondon ni Simeon naggikan sa tribo ni Juda.
Ngano ang panulondon ni Simeon naggikan man sa ginsakopan ni Juda?
Ang panulondon ni Simeon naggikan sa ginsakopan ni Juda tungod kay ang ginsakopan ni Juda dako ra kaayo.
Joshua 19:10-16
Unsa man nga tribo ang nahatagan sa ikatulong pagripa?
Ang ikatulong pagripa nahatag ngadto sa tribo ni Zebulun.
Joshua 19:17-23
Unsa man nga tribo ang nahatagan sa ikaupat nga pagripa?
Ang ikaupat nga pagripa nahatag ngadto sa tribo ni Isacar.
Joshua 19:24-31
Unsa man nga tribo ang nahatagan sa ikalima nga pagripa?
Ang ikalima nga pagripa nahatag ngadto sa tribo ni Aser.
Joshua 19:32-37
Unsa man nga tribo ang nahatagan sa ikaunom nga pagripa?
Ang ikaunom nga pagripa nahatag ngadto sa tribo ni Neftali.
Joshua 19:38-39
Pila man ka mga siyudad ang nahisakop sa panulondon sa tribo ni Neftali?
19 ka mga siyudad ang nahisakop sa panulondon sa tribo ni Neftali.
Joshua 19:40-48
Unsa man nga tribo ang nahatagan sa ikapito nga pagripa?
Ang ikapito nga pagripa nahatag ngadto sa tribo ni Dan.
Joshua 19:49-51
Unsa man nga panulondon ang gihatag sa mga Israelita ngadto kang Josue sa dihang nahuman na ug pagbahin ang mga yuta?
Gihatag sa mga Israelita kang Josue pinaagi sa mando ni Yahweh ang siyudad sa Timnat Sera nga iyang gipangayo.
Joshua 20
Joshua 20:1-3
Unsa man ang giingon ni Yahweh nga isulti ni Josue ngadto sa mga tawo?
Miingon si Yahweh kang Josue nga ingnan ang mga tawo nga kinahanglan mopili sila ug mga siyudad nga dalangpanan.
Unsa man ang siyudad nga dalangpanan?
Ang siyudad nga dalangpanan mao ang siyudad nga dangpan sa usa ka tawo nga nakapatay nga wala gituyo aron makaikyas gikan sa tawo nga manimalos sa dugo sa tawo nga iyang napatay.
Joshua 20:4
Kang kinsa ug asa man magsaysay sa iyang kaso ang tawo nga nakapatay?
Kinahanglan magtindog ang tawong nakapatay sa ganghaan sa siyudad ug magsaysay sa iyang kaso ngadto sa mga katigulangan niadtong siyudara.
Joshua 20:5-8
Human mokalagiw ang tawo sa dalangpanan nga siyudad ug moatubang sa katawhan alang sa paghukom, unsa pa man ang angay nga mahitabo una siya tugotan sa pag-uli sa iyang panimalay?
Dili siya makabiya sa siyudad nga dalangpanan ug mobalik sa iyang panimalay hangtod dili pa mamatay ang labaw nga pari.
Joshua 20:9
Unsa man ang buhaton sa nakasala nga tawo sa siyudad nga dalangpanan aron sa paglikay sa tawo nga buot manimalos kaniya?
Kinahanglan mobarog una ang nakasala nga tawo atubangan sa mga katawhan.
Joshua 21
Joshua 21:1-7
Kinsa man ang nangayo sa mga Israelita ug mga siyudad aron puy-an ug sibsibanan alang sa ilang mga mananap?
Nangayo ang mga banay sa Levita ngadto sa mga Israelita ug mga siyudad aron puy-an ug sibsibanan alang sa ilang mga mananap.
Joshua 21:8-16
Giunsa man pag-ila sa mga Israelita ang mga siyudad ug sibsibanan nga ihatag sa mga Levita?
Giila sa mga Israelita ang mga siyudad ug sibsibanan nga ihatag sa mga Levita pinaagi sa pagripa, sumala sa gisugo ni Yahweh.
Joshua 21:17-24
Pila man ka mga siyudad ang gihatag sa mga kaliwat ni Aaron?
Nakadawat ang mga kaliwat ni Aaron sa tanang siyudad nga gikan sa mga banay ni Merari.
Joshua 21:25-31
Pila man ka siyudad ang gihatag sa pamilya ni Kohat?
Nakadawat ang pamilya ni Kohat ug napulo ka mga siyudad.
Joshua 21:32-38
Pila man ka siyudad ang gihatag ngadto sa mga banay ni Gerson?
Nakadawat ang mga banay ni Gerson sa tanang mga siyudad nga gikan sa mga banay ni Merari.
Joshua 21:39-40
Pila man ka mga siyudad ang gihatag ngadto sa mga banay ni Merari?
Nakadawat ug dose ka mga siyudad ang mga banay ni Merari.
Joshua 21:41-42
Pila man ka mga siyudad ang gihatag sa tanang mga Levita nga gikan sa tungatunga sa yuta nga gipanag-iyahan sa mga Israelita?
48 ka mga siyudad, lakip na ang ilang sibsibanan, nga gihatag sa mga Levita gikan sa tungatunga sa yuta.
Joshua 21:43-45
Unsa man ang gisaad ni Yahweh ngadto sa mga katigulangan sa mga Israelita?
Gisaad ni Yahweh nga ihatag niya kanila ang mga yuta nga ilang gipanag-iyahan, ug sa matag bahin niini.
Joshua 22
Joshua 22:1-3
Unsa man ang gibuhat nga mga pagdayeg ni Josue ngadto sa katawhan ni Reuben, Gad, ug katunga sa tribo ni Manases?
Gidayeg sila ni Josue pinaagi sa pag-ingon nga gibuhat nila ang tanan nga gisugo nila Moises ug Josue ug wala nila gibiyaan ang ilang mga kaigsoonan apan nagmainampingon hinuon sila nga mituman kang Yahweh nga ilang Dios.
Joshua 22:4-6
Unsa man ang gisulti ni Josue nga angay ampingan sa mga tribo sa higayon nga makabalik sila sa ilang mga tolda?
Gisultihan ni Josue ang mga tribo nga mag-amping gayod sila sa pagtuman sa mga kasugoan ug mga balaod nga gisugo ni Moises kanila.
Joshua 22:7-9
Unsa man ang gisulti ni Josue nga bahinon sa katunga sa tribo ni Manases ngadto sa ilang mga kaigsoonan?
Gisultihan ni Josue ang katunga sa tribo ni Manases nga bahinon ang ilang mga inilog ngadto sa ilang kaigsoonan.
Joshua 22:10-11
Unsa man ang gibuhat sa mga tribo ni Reuben, Gad ug sa katunga sa tribo ni Manases tapad sa Jordan nga nakapasuko sa ubang tribo sa Israelita nga anaa sa Canaan?
Nagtukod ug halaran ang mga tribo ni Reuben, Gad ug ang katunga sa tribo ni Manases nga gipanag-iyahan sa mga Israelita didto tapad sa Jordan.
Joshua 22:12
Unsa man ang gibuhat sa katawhan sa Israel sa dihang nadunggan nila ang mahitungod sa halaran?
Nagtigom ang mga katawhan sa Israel didto sa Shilo aron makiggubat batok niadto nga mga tribo sa dihang nadungog nila ang mahitungod sa halaran.
Joshua 22:13-14
Kinsa man nga mga mensahero ang gipadala sa katawhan sa Israel ngadto sa tribo nila Reuben, Gad ug ngadto sa katunga sa tribo ni Manases?
Sila Pinehas nga anak sa pari nga si Eleazar ug napulo ka mga pangulo sa matag tribo ang gipadala sa katawhan sa Israel ngadto sa mga tribo nila Reuben, Gad ug ang katunga sa tribo ni Manases.
Joshua 22:15-16
Unsa man ang gisulti sa mga mensahero sa katawhan sa Israel ngadto sa mga tribo nila Reuben, Gad ug Manases?
Miingon ang mga mensahero sa katawhan sa Israel ngadto sa katawhan nila Reuben, Gad ug sa katunga sa tribo ni Manases, "Unsa man kining dili pagkamatinud-anon nga inyong gibuhat batok sa Dios sa Israel pinaagi sa pagbuhat alang sa inyong kaugalingon ug halaran...?
Joshua 22:17-25
Unsa man ang gikabalak-an sa katawhan sa Israel kung mosupak kang Yahweh ang katawhan ni Reuben, Gad ug sa katunga sa tribo ni Manases?
Nabalaka ang katawhan sa Israel nga kung mosupak kang Yahweh ang katawhan ni Reuben, Gad ug ang katunga sa tribo ni Manases, masuko unya si Yahweh sa tibuok panagtigom sa Israel.
Joshua 22:26-29
Unsa man ang gisulti sa katawhan ni Reuben, Gad ug sa katunga sa tribo ni Manases ngadto sa mga mensahero sa katawhan sa Israel?
Miingon ang mga katawhan ni Reuben, Gad ug ang katunga sa tribo ni Manases ngadto sa mga mensahero sa katawhan sa Israel nga gitukod nila kadto nga halaran dili alang sa mga halad o mga sakripisyo apan aron mahimong saksi taliwala kanila ug sa katawhan sa Israel nga mag-alagad gayod sila kang Yahweh aron makita kini sa umaabot nilang kaliwatan.
Joshua 22:30-31
Unsa man ang gisulti nila Pinehas nga pari ug sa mga mensahero sa katawhan sa Israel sa dihang nadungog nila ang mga pulong gikan sa katawhan nila Reuben, Gad ug sa katunga sa tribo ni Manases?
Miingon sila Pinehas ug ang mga mensahero sa katawhan sa Israel nga maayo sa ilang panan-aw ang mga pulong nga gisulti sa katawhan nila Reuben, Gad ug sa katunga sa tribo ni Manases.
Joshua 22:32-33
Unsa man ang gibuhat sa katawhan sa Israel sa dihang gibalita na nila Pinehas ug sa mga mensahero ang nahitabo?
Nagdayeg sa Dios ang katawhan sa Israel ug wala na naghisgot pag-usab sa pagpakiggubat.
Joshua 22:34
Unsa man ang gingalan nila Reuben ug Gad sa halaran?
Ginganlan nila Reuben ug Gad ang halaran nga "Saksi."
Joshua 23
Joshua 23:1-5
Unsa man ang gibuhat ni Josue human sa pipila ka mga katuigan nga gihatagan sila ni Yahweh ug kapahulayan gikan sa tanan nilang mga kaaway?
Gipatawag ni Josue ang tanang katawhan sa Israel human sa pipila ka mga katuigan nga gihatag kanila ni Yahweh ug kapahulayan gikan sa tanan nilang mga kaaway.
Kinsa man ang gisulti ni Josue nga nakiggubat alang kanila?
Miingon si Josue nga si Yahweh ang nakiggubat alang kanila.
Joshua 23:6-11
Unsa man ang gisulti ni Josue nga dili nila angay litukon sa katawhan?
Miingon si Josue nga dili nila angay litukon ang ngalan sa mga dios sa mga nasod nga nahibilin uban kanila.
Joshua 23:12-13
Unsa man ang gisulti ni Josue nga buhaton ni Yahweh kung makigminyo sila sa mga naluwas sa nasod nga nagpabilin uban kanila?
Miingon si Josue ngadto sa katawhan nga tugotan ni Yahweh nga mag-antos sila sa maayong yuta nga gihatag kanila kung makigminyo sila sa mga naluwas sa nasod nga nagpabilin uban kanila.
Joshua 23:14-15
Unsa man ang gisulti ni Josue nga mahitabo kaniya?
Miingon si Josue nga moadto siya sa dalan sa tibuok kalibotan.
Joshua 23:16
Unsa man ang gisulti ni Josue mga makapahimo kang Yahweh nga ipadala ang tanang daotan ngadto sa katawhan sa Israel?
Miingon si Josue nga ipadala ni Yahweh ang tanang daotang mga butang ngadto sa katawhan sa Israel kung mosupak sila sa ilang kasabotan tali kang Yahweh.
Joshua 24
Joshua 24:1-12
Kinsa man ang gipakigsultihan ni Josue ug asa siya nakigsulti kanila?
Gitigom ni Josue ang tanang tribo sa Israel didto sa Siquem ug nakigsulti sa ilang mga kadagkoan, mga pangulo, mga maghuhukom ug sa ilang mga opisyales.
Joshua 24:13
Unsa man ang gisulti ni Yahweh nga gihatag niya sa katawhan sa Israel?
Misulti si Yahweh nga gihatag niya sa katawhan sa Israel ang yuta nga wala nila gihagoan, siyudad nga wala nila gitukod ug paras ug olibo nga wala nila gitanom.
Joshua 24:14-15
Unsa man ang gisutli ni Josue mahitungod sa iyang kaugalingon ug sa iyang panimalay?
Misulti si Josue nga siya ug ang iyang panimalay magsimba gayod kang Yahweh.
Joshua 24:16-18
Giunsa man pagtubag sa katawhan sa Israel si Josue?
Gitubag sa katawhan sa Israel si Josue sa pag-ingon nga magsimba usab sila kang Yahweh.
Joshua 24:19-20
Unsa man ang gitubag ni Josue sa katawhan sa Israel?
Miingon si Josue sa katawhan sa Israel nga dili sila makaalagad kang Yahweh tungod sa ilang mga kalapasan ug sa ilang mga sala.
Joshua 24:21-23
Sa kataposan, unsa man ang gisulti sa katawhan sa Israel ngadto kang Josue?
Sa kataposan miingon ang katawhan sa Israel kang Josue, "Dili, si Yahweh lamang gayod ang among simbahon."
Joshua 24:24-26
Unsa man ang gibuhat ni Josue aron mabutangan ug timaan ang kasabotan sa katawhan niana nga adlaw?
Gisulat kini ni Josue sa basahon sa Balaod sa Dios ug nagbutang ug dakong bato ilalom sa tugas nga kahoy tapad sa balaang dapit ni Yahweh.
Joshua 24:27-31
Sa unsa man mahimong saksi ang bato sumala kang Josue?
Miingon si Josue nga ang bato mahimong saksi batok sa mga Israelita tungod kay nakadungog kini sa tanang mga pulong nga gisulti ni Yahweh ug sa katawhan sa Israel.
Joshua 24:32-33
Kang kinsa man nga bukog ang gidala sa katawhan sa Israel pagawas sa Ehipto?
Gidala sa katawhan sa Israel ang bukog ni Josue pagawas sa Ehipto.