Ecclesiastes

Ecclesiastes 1

Ecclesiastes 1:1-3

Kang kinsa man nga kaliwat ang Magtutudlo?

Ang Magtutudlo mao ang kaliwat ni David, usa ka hari sa Jerusalem.

Ecclesiastes 1:4-6

Unsa man ang magpabilin hangtod sa kahangtoran?

Ang kalibotan magpabilin hangtod sa kahangtoran.

Ecclesiastes 1:7-8

Unsa man ang dili makatagbaw sa mata?

Dili matagbaw ang mata sa makita niini.

Ecclesiastes 1:9-11

Unsa man ang mahitabo pa sa umaabot?

Ang bisan unsa nga nahitabo mao gayod ang mahitabo.

Ecclesiastes 1:12-15

Sa unsa man gigamit sa Magtutudlo ang iyang hunahuna?

Gigamit sa Magtutudlo ang iyang hunahuna sa pagtuon ug sa pagpangita pinaagi sa kalaam sa tanang butang nga nahimo ilalom sa langit.

Sa unsa man nahisama ang tanang buhat nga nahimo ilalom sa adlaw?

Ang tanang buhat nga nahimo ilalom sa adlaw sama lamang sa aso ug sa pagsulay sa pagbantay sa hangin.

Ecclesiastes 1:16-18

Asa man ang may tumang suliran?

Diha sa daghang kahibalo may nagadaghan nga suliran.

Ecclesiastes 2

Ecclesiastes 2:1-2

Unsa man ang lumalabay lamang sama sa huyuhoy sa hangin?

Ang kalipay sama lamang sa lumalabay nga huyuhoy sa hangin.

Ecclesiastes 2:3

Unsa man ang buot makita sa Magtutudlo?

Buot makita sa Magtutudlo kung unsa ang maayong buhaton sa mga tawo ilalom sa langit panahon sa mga adlaw sa ilang mga kinabuhi.

Ecclesiastes 2:4-6

Nganong nagbuhat man ang Magtutudlo ug mga punong sa tubig?

Nagbuhat ang Magtutudlo ug mga punong sa tubig aron sa pagpatubig sa lasang diin nagatubo ang mga kahoy.

Ecclesiastes 2:7-8

Giunsa man pagbuhat sa Magtutudlo ug mga butang nga maghatag ug kalipay sa bisan kinsang lalaki sa kalibotan?

Pinaagi sa daghan kaayo nga mga asawa ug mga kabit, gibuhat niya kining tanan nga makahatag ug kalipay sa bisan kinsang lalaki sa kalibotan.

Ecclesiastes 2:9-10

Sa unsa man nagakalipay ang kasingkasing sa Magtutudlo?

Naglipay ang kasingkasing sa Magtutudlo sa tanan niyang kahago.

Ecclesiastes 2:11-12

Asa mang dapita nga wala gayoy makuha?

Walay makuha ilalom sa adlaw.

Ecclesiastes 2:13-14

Unsa man ang gitagana alang sa tanan?

Managsamang kapaingnan ang gitagana alang sa tanan.

Ecclesiastes 2:15-16

Kinsa man ang dili mahinumdoman sa dugay nga panahon?

Ang maalamon nga tawo, sama sa buangbuang, dili mahinumdoman sa dugay nga panahon.

Ecclesiastes 2:17-18

Nganong gikasilagan man sa Magtutudlo ang tanang buhat nga iyang nahimo?

Gikasilagan sa Magtutudlo ang tanang buhat nga iyang nahimo tungod kay biyaan lamang niya kini ngadto sa tawo nga mopuli kaniya.

Ecclesiastes 2:19-20

Unsa man ang gibati sa kasingkasing sa Magtutudlo mahitungod sa iyang trabaho?

Nawad-an ug paglaom ang kasingkasing sa Magtutudlo sa tanang buhat nga iyang nahimo.

Ecclesiastes 2:21-23

Nganong dili man makakaplag ug kapahulayan ang kalag sa makugihon nga tawo panahon sa kagabhion?

Matag adlaw ang iyang bulohaton sakit ug makahasol, busa panahon sa kagabhion dili makakaplag ug kapahulayan ang iyang kalag.

Ecclesiastes 2:24-25

Unsa man ang wala nay laing maayo alang kang bisan kinsa?

Wala nay laing maayo nga buhaton alang sa mga tawo gawas sa pagkaon ug pag-inom ug pagkatagbaw kung unsa ang maayo diha sa iyang buhat.

Ecclesiastes 2:26

Unsa man ang gihatag sa Dios ngadto sa makasasala?

Ngadto sa makasasala, naghatag ang Dios ug buhat sa pagkuha ug patigom aron mahatag niya kini ngadto sa tawo nga nakapahimuot sa Dios.

Ecclesiastes 3

Ecclesiastes 3:1-7

Alang sa unsa man nga mga butang ang adunay panahon?

Adunay panahon sa matag katuyoan ilalom sa langit.

Ecclesiastes 3:8-10

Unsa man ang nakita sa Magtutudlo?

Nakita sa Magtutudlo ang buhat nga gihatag sa Dios sa mga tawo aron humanon.

Ecclesiastes 3:11

Unsa man ang gibutang sa Dios sa mga kasingkasing sa katawhan?

Gibutang sa Dios ang butang nga molungtad sa ilang mga kasingkasing.

Ecclesiastes 3:12-13

Unsa man ang gasa nga gikan sa Dios?

Ang maayong mga butang nga miabot sa trabaho sa tawo gasa gikan sa Dios.

Ecclesiastes 3:14-15

Nganong wala may angay nga madugang o makuha gikan sa bisan unsa nga gibuhat sa Dios?

Walay makadugang o makakuha gikan niini, tungod kay ang Dios ang nagbuhat niini.

Ecclesiastes 3:16-18

Unsa man ang kasagaran nga makaplagan puli sa pagkamatarong?

Pagkadaotan ang kasagarang makaplagan puli sa pagkamatarong.

Ecclesiastes 3:19-20

Giunsa man pagkahisama sa mga tawo ngadto sa mga mananap?

Sama sa mga mananap, mangamatay ang tanang katawhan. Managsamang hangin ang giginhawa nilang tanan. Naggikan ang tanang butang sa abog, ug mobalik ang tanang butang sa abog.

Ecclesiastes 3:21-22

Unsa man ang bulohaton nga gitagana sa matag tawo?

Ang bulohaton nga gitagana alang sa matag tawo mao ang paglipay diha sa iyang trabaho.

Ecclesiastes 4

Ecclesiastes 4:1

Si kinsa man ang walay tighupay?

Walay tighupay alang sa mga luha niadtong gidaog-daog.

Ecclesiastes 4:2-4

Kinsa man ang mas bulahan kaysa buhi ug sa patay?

Mas bulahan kaysa buhi ug sa patay ang tawo nga wala pa natawo.

Ecclesiastes 4:5-8

Unsa man ang mas maayo kaysa duha ka kumkom uban ang buhat nga nagsulay sa pagbantay sa hangin?

Mas maayo ang usa ka kumkom sa ginansya uban ang pagbuhat sa hilom kaysa duha ka kumkom uban ang buhat nga nagsulay sa pagbantay sa hangin.

Ecclesiastes 4:9-11

Ngano nga mas maayo man ang duha ka mga tawo kaysa sa usa kung pananglitan nga ang usa matumba?

Mas maayo ang duha ka mga tawo kaysa usa tungod kung ang usa matumba, ang ikaduha makabangon sa iyang higala.

Ecclesiastes 4:12

Unsa man ang dili dali bugtoon?

Dili dali bugtoon ang tulo ka lubid sa pisi.

Ecclesiastes 4:13-14

Unsa man ang mas maayo kaysa usa ka tigulang ug buangbuang nga hari?

Mas maayo pa nga mahimong kabos apan maalamon nga batan-on kaysa usa ka tigulang ug buangbuang nga hari.

Ecclesiastes 4:15-16

Unsa man ang buot buhaton sa mga tawo sa ilang bag-ong hari?

Buot sundon sa katawhan ang bag-ong hari.

Ecclesiastes 5

Ecclesiastes 5:1

Nganong kinahanglan man moadto ang mga tawo sa balay sa Dios?

Kinahanglan moadto ang mga tawo sa balay sa Dios aron maminaw.

Ecclesiastes 5:2-3

Nganong kinahanglan man himoon sa mga tawo nga pipila lamang ang ilang mga pulong?

Atua sa langit ang Dios, apan ang mga tawo ania sa yuta, busa himoon nila nga pipila lamang ang ilang mga pulong.

Ecclesiastes 5:4-7

Unsa man ang mas maayo buhaton alang sa usa ka tawo kaysa pagpakigsaad nga dili niya tumanon?

Mas maayo pa ang dili maghimo ug saad kaysa magsaad nga dili tumanon.

Ecclesiastes 5:8-9

Nganong dili man kinahanglan mahibulong ang mga tawo nga daw walay nakahibalo sa dihang ang usa ka tawo nakakita sa kabos nga gidaogdaog ug gihikawan sa katarong ug husto nga pagtagad?

Sa dihang ang usa ka tawo nakakita sa kabos nga gidaogdaog ug gihikawan sa katarong ug husto nga pagtagad, kinahanglan dili siya mahibulong tungod kay adunay labaw nga mga tawo nga nagtan-aw niadtong ilalom kanila, ug adunay mas labaw pa diha kanila.

Ecclesiastes 5:10-11

Unsa man ang mahitabo samtang magkadaghan ang bahandi?

Sa dihang magadaghan ang bahandi, magadaghan usab ang mga tawo nga pakan-on.

Ecclesiastes 5:12

Unsa man ang wala nagtugot sa usa ka dato nga tawo nga makatulog ug tarong?

Ang bahandi sa usa ka dato nga tawo dili magtugot kaniya nga makatulog pag-ayo.

Ecclesiastes 5:13-14

Unsa man ang mahitabo sa dihang ang dato nga tawo mawad-an sa iyang bahandi pinaagi sa daotan nga pagpatigayon?

Sa dihang mawad-an ang dato nga tawo sa iyang bahandi pinaagi sa daotan nga pagpatigayon, ang iyang kaugalingong anak nga lalaki, iyang giatiman isip amahan, wala gayoy bisan unsa nga mabilin sa iyang kamot.

Ecclesiastes 5:15-18

Unsaon man pagkahimugso sa usa ka tawo ug unsaon man niya pagbiya niining kinabuhia?

Ang tawo nahimugso nga hubo gikan sa tagoangkan sa iyang inahan, ug mobiya usab siya nga hubo niining kinabuhia.

Ecclesiastes 5:19-20

Nganong dili man kaayo mahinumdoman sa tawo ang mga adlaw sa iyang kinabuhi?

Dili mahinumdoman sa tawo ang mga adlaw sa iyang kinabuhi, tungod kay ang Dios maghatag kaniya ug daghang bulohaton uban sa mga butang nga maglipay kaniya sa pagbuhat.

Ecclesiastes 6

Ecclesiastes 6:1-2

Unsa man ang nakita sa Magtutudlo nga daotan?

Nakita sa Magtutudlo nga mahimong mohatag ang Dios ug mga bahandi, katigayonan, ug dungog sa usa ka tawo nga wala gikulangan sa iyang gitinguha alang sa iyang kaugalingon, apan ang Dios wala naghatag kaniya ug katakos sa paglipay niini. Hinuon, ang ubang tawo ang nagpahimulos sa iyang mga butang.

Ecclesiastes 6:3-4

Kinsa man ang mas maayo kaysa kaniya kung wala natagbaw ang iyang kasingkasing sa maayo ug wala siya gilubong uban ang dungog?

Kung wala natagbaw ang iyang kasingkasing sa maayo ug wala siya gilubong uban ang dungog, busa mas maayo pa kay kaniya ang bata nga patay nga nahimugso.

Ecclesiastes 6:5-6

Asa man siya moadto bisan pa ang tawo magpuyo sa duha ka libo ka mga tuig apan wala nakatuon sa paglipay sa mga maayong butang?

Bisan kung ang tawo magpuyo sa duha ka libo ka mga tuig apan wala nakatuon sa paglipay sa mga maayong butang, mopadulong gihapon siya sa dapit sama sa padulngan sa tanang tawo.

Ecclesiastes 6:7-8

Unsa man ang mahitabo kung bisan ang tanang buhat sa tawo mao ang pagpuno sa iyang baba?

Bisan ang tanang buhat sa tawo mao ang pagpuno sa iyang baba, apan wala natagbo ang iyang kagana.

Ecclesiastes 6:9-12

Unsa man ang mahitabo kung mas daghan ang mga pulong nga isulti?

Kung mas daghan ang mga pulong nga isulti, mas daghan ang kakawangan.

Ecclesiastes 7

Ecclesiastes 7:1-2

Nganong mas maayo man nga moadto sa balay sa pagbangotan kaysa balay sa pagkombira?

Mas maayo nga moadto sa balay sa pagbangotan kaysa balay sa pagkombira, kay ang pagbangotan moabot ngadto sa tanang katawhan sa kataposan sa kinabuhi.

Ecclesiastes 7:3-4

Asa man ang kasingkasing sa maalamon?

Ang kasingkasing sa malaamon anaa sa balay sa pagbangotan.

Ecclesiastes 7:5-6

Sa asa man nahisama ang katawa sa buangbuang?

Sama sa piti-piti sa mga tunok nga nagkalayo ilalom sa kolon, busa usab ang pagkatawa sa mga buangbuang.

Ecclesiastes 7:7

Unsa man ang makapabuang sa maalamon nga tawo?

Ang pagpangayo ug kwarta pinaagi sa pagpanghulga makapabuang sa maalamon nga tawo.

Ecclesiastes 7:8-10

Nganong kinahanglan man nga dili dayon masuko ang mga tawo diha sa ilang espiritu?

Kinahanglan nga dili dayon masuko ang mga tawo diha sa ilang espiritu, kay ang kasuko nagpuyo sa mga kasingkasing sa mga buangbuang.

Ecclesiastes 7:11-13

Nganong ang kaalam mas maayo man kaysa salapi?

Kay ang kaalam makapanalipod sama sa salapi nga makapanalipod, apan ang nakamaayo sa kahibalo mao nga ang kaalam makahatag ug kinabuhi niadtong nakabaton niini.

Ecclesiastes 7:14

Sa dihang maayo ang higayon, unsa man ang angay ikinabuhi sa mga tawo?

Sa dihang maayo ang higayon, angay sila nga pagpuyo nga malipayon niana nga maayo nga higayon.

Ecclesiastes 7:15-16

Unsa man ang nahitabo sa daotan nga mga tawo nga nakita sa Magtutudlo?

Nakita sa Magtutudlo ang daotan nga mga tawo nga nalugwayan ang kinabuhi bisan sa ilang pagkadaotan.

Ecclesiastes 7:17-20

Unsa man ang mahitabo sa tawo nga mahadlok sa Dios?

Ang tawo nga adunay kahadlok sa Dios makabuhat sa tanan niyang mga katungdanan.

Ecclesiastes 7:21-22

Nganong kinahanglan man dili maminaw ang mga tawo sa matag pulong nga gipanulti sa uban?

Kinahanglan nga dili maminaw sa matag pulong nga nasulti tungod kay basin madungog nila ang ilang sulugoon nga magtunglo kanila.

Ecclesiastes 7:23-25

Asa man ang kaalam?

Ang kaalam lapad ug lalom kaayo.

Ecclesiastes 7:26

Si kinsa man ang magakuha sa makasasala?

Ang makasasala pagakuhaon sa babaye nga ang kasingkasing puno ug mga lit-ag ug mga pukot, ug ang mga kamot daw mga kadena.

Ecclesiastes 7:27-29

Bisan tuod nakakaplag ang Magtutudlo ug usa ka matarong nga tawo taliwa sa liboan, unsa man ang wala niya nakaplagan?

Bisan tuod nakita sa Magtutudlo ang usa ka matarong nga tawo sa liboan, ang wala niya makit-i mao ang babaye taliwa niadtong liboan ka mga tawo.

Ecclesiastes 8

Ecclesiastes 8:1

Unsa man ang maalamon nga tawo?

Ang malaamon nga tawo usa ka tawo nga nasayod sa pasabot sa panghitabo sa kinabuhi.

Ecclesiastes 8:2-4

Nganong kinahanglan nga ang mga tawo dili magdali sa pagpalayo sa atubangan sa hari ug kinahanglan dili motabang sa dili maayong butang?

Ang mga tawo kinahanglan nga dili magdali sa paghawa sa atubangan sa hari ug kinahanglan dili motabang sa dili maayong butang, kay pagabuhaton sa hari kung unsa ang iyang mga gitinguha.

Ecclesiastes 8:5-7

Kinsa man ang makalikay sa kadaot?

Si bisan kinsa nga nagtuman sa mando sa hari makalikay sa kadaot.

Ecclesiastes 8:8-9

Unsa man nga butang ang dili magamhan sa mga tawo?

Walay tawo nga adunay gahom sa pagpahunong sa gininhawa sa kinabuhi ug walay tawo nga adunay gahom sa adlaw sa iyang kamatayon.

Ecclesiastes 8:10-11

Si kinsa man ang gidayeg sa daotan nga mga tawo?

Ang daotan gidayeg sa mga tawo ngadto sa siyudad diin naghimo sila ug daotan nga mga buhat.

Ecclesiastes 8:12-13

Bisan kung ang makasasala nagbuhat ug daotan sa gatosan ka higayon ug nabuhi sa taas nga panahon, unsa man ang mahitabo niadtong nagtahod sa Dios?

Bisan kung ang makasasala nagbuhat ug daotan sa gatosan nga higayon ug nabuhi sa taas nga panahon, apan maayo ang mahitabo niadtong nagtahod sa Dios, nga nagpasidungog sa iyang presensya uban kanila.

Ecclesiastes 8:14-15

Nganong gitanyag man sa Magtutudlo ang kalipay?

Gitanyag sa Magtutudlo ang kalipay tungod kay ang tawo wala nay maayong buhaton ilalom sa adlaw gawas sa pagkaon ug pag-inom ug pagmalipayon.

Ecclesiastes 8:16-17

Unsa man ang dili masabtan sa tawo?

Ang tawo dili makasabot sa buhat nga nahitabo ilalom sa adlaw.

Ecclesiastes 9

Ecclesiastes 9:1

Kinsa man ang anaa sa kamot sa Dios?

Ang tanang matarong ug maalamon nga mga tawo ang anaa sa kamot sa Dios.

Ecclesiastes 9:2

Unsa man ang managsama alang sa tanan?

Ang tanan adunay managsamang padulngan.

Ecclesiastes 9:3

Unsa man ang nakapuno sa mga kasingkasing sa tawo?

Ang mga kasingkasing sa tawo napuno sa pagkadaotan.

Ecclesiastes 9:4-5

Nganong ang mga patay wala na may makuha nga ganti?

Wala na gayod silay maangkon nga ganti tungod kay gilimtan na ang ilang panumdoman.

Ecclesiastes 9:6-8

Unsa man ang nahanaw na sa dugay nga higayon?

Ang ilang gugma, kasuko, ug ang kasina nahanaw na sa dugay nga higayon.

Ecclesiastes 9:9-10

Unsa man ang angayng buhaton sa mga tawo sa bisan unsa nga makaplagan nga buhaton sa ilang mga kamot?

Bisan unsa nga makaplagan sa ilang kamot nga buhaton, buhaton nila kini inubanan sa ilang kusog.

Ecclesiastes 9:11-12

Sa unsa man nabilanggo ang tawo?

Ang mga tawo nabilanggo sa daotan nga kapanahonan nga kalit lang nahitabo kanila.

Ecclesiastes 9:13-16

Unsa man ang nahitabo sa kabos ug sa maalamon nga tawo nga pinaagi sa iyang kaalam naluwas ang siyudad?

Walay tawo nga nakahinumdom sa kabos ug sa maalamon nga tawo nga pinaagi sa iyang kaalam naluwas ang siyudad.

Ecclesiastes 9:17-18

Unsa man ang mas maayo kaysa mga hinagiban sa gubat?

Ang kaalam mas maayo kaysa mga hinagiban sa gubat.

Ecclesiastes 10

Ecclesiastes 10:1-4

Unsa man ang nagpamatuod sa tanan nga ang tawo buangbuang?

Sa dihang ang buangbuang magalakaw sa dalan, ang iyang salabotanan walay pulos, nagpamatuod ngadto sa tanan nga buangbuang siya.

Ecclesiastes 10:5-7

Unsa man ang nakita sa Magtutudlo nga gibuhat sa mga ulipon?

Nakita sa Magtutudlo ang mga ulipon nga nagsakay sa mga kabayo.

Ecclesiastes 10:8-9

Unsa man ang mahitabo kung gubaon sa usa ka tawo ang paril?

Kung adunay usa ka tawo nga magaguba sa paril, mapaakan sa bitin.

Ecclesiastes 10:10-12

Unsa man ang mahitabo sa tawo kung dili pahaitan ang habol nga sundang?

Kung wala gipahaitan sa tawo ang sundang, kinahanglan nga mangusog siya.

Ecclesiastes 10:13-15

Sa kataposan, unsa man ang mogawas sa baba sa buangbuang?

Sa kataposan, magaawas sa iyang baba ang daotan nga pagkabuangbuang.

Ecclesiastes 10:16-17

Kanus-a man nga adunay kasamok ang yuta?

Adunay kasamok kung ang imong hari usa ka batan-ong lalaki, ug kung ang imong mga pangulo nagsugod sa pagpakombira sa kabuntagon!

Ecclesiastes 10:18-19

Nganong magtulo man ang balay?

Tungod sa walay gibuhat nga mga kamot ang balay magatulo.

Ecclesiastes 10:20

Nganong kinahanglan man nga dili tunglohon sa mga tawo ang hari?

Kinahanglan nga dili tunglohon sa mga tawo ang hari, kay ang langgam sa kalangitan magadala sa ilang mga pulong.

Ecclesiastes 11

Ecclesiastes 11:1-3

Nganong kinahanglan man angayon ang pan ngadto sa pito, bisan pa ngadto sa walo ka mga tawo?

Kinahanglan angayon kini sa mga tawo ngadto sa pito, ug bisan pa ngadto sa walo ka mga tawo, kay wala sila masayod kung unsa ang mga panghitabo nga moabot sa kalibotan.

Ecclesiastes 11:4-5

Unsa man ang dili masabtan sa katawhan?

Dili masabtan sa katawhan ang mga buhat sa Dios.

Ecclesiastes 11:6-8

Unsa kadugay nga kinahanglan magtanom ang mga tawo sa binhi?

Kinahanglan magtanom ang mga tawo sa binhi sa buntag hangtod sa gabii.

Ecclesiastes 11:9-10

Unsa man ang kinahanglan walaon sa mga tawo gikan sa ilang mga kasingkasing?

Kinahanglan kuhaon sa mga tawo ang kasuko nga gikan sa ilang mga kasingkasing.

Ecclesiastes 12

Ecclesiastes 12:1-2

Kanus-a man hinumdoman sa mga tawo ang ilang Magbubuhat?

Kinahanglan hinumdoman sa mga tawo ang ilang Magbubuhat sa mga adlaw sa ilang pagkabatan-on.

Ecclesiastes 12:3

Nganong nangundang man sa paggaling ang mga babaye?

Nangundang ang mga babaye sa paggaling tungod kay gamay na lamang sila.

Ecclesiastes 12:4-5

Unsa man ang nakapakurat sa mga tawo?

Nakuratan ang mga tawo sa huni sa mga langgam.

Ecclesiastes 12:6-7

Asa man mobalik ang abog?

Mobalik ang abog ngadto yuta kung diin kini gikan.

Ecclesiastes 12:8-9

Unsa man ang gitudlo sa Magtutudlo ngadto sa mga tawo?

Ang Magtutudlo nagtudlo sa katawhan sa kahibalo.

Ecclesiastes 12:10-11

Sama sa unsa ang mga pulong sa maalamon?

Ang mga pulong sa maalamon nahisama sa talinis nga sungkod.

Ecclesiastes 12:12

Unsa man ang makuha sa hilabihang pagtuon?

Ang hilabihang pagtuon makahatag ug kahago sa kalawasan.

Ecclesiastes 12:13-14

Unsa man ang kataposan niining mga butanga?

Ang kataposan niining butanga, mao nga kinahanglan kahadlokan sa mga tawo ang Dios ug tipigan ang iyang kasugoan