Zechariah

Zechariah 1

Zechariah 1:1-3

Sa panahon nga nagpropesiya ni Zacarias, kinsa man ang hari niadtong higayona?

Sa pagpropesiya ni Zacarias, si Darius maoy hari niadtong higayona.

Kinsa man si Zacarias?

Sa Zacarias mao ang anak nga lalaki ni Berekia nga anak nga lalaki ni Ido, nga propeta.

Kung mobalik ang katawhan ngadto kang Yahweh nga makagagahom, unsa man ang buhaton ni Yahweh kanila?

Misulti si Yahweh sa katawhan nga kung mobalik ang katawhan ngadto kaniya, mobalik usab siya kanila.

Zechariah 1:4-6

Unsa man ang gibuhat sa ilang mga amahan sa dihang gisultihan sila ni Yahweh nga isalikway ang ilang daotang mga binuhatan ug ang mga daotang tulumanon?

Wala naminaw ang ilang mga katigulangan ug wala nila panumbalinga si Yahweh.

Unsa man ang gisulti sa katawhan sa dihang naghinulsol sila?

Sa dihang naghinulsol ang katawhan misulti sila, "Naglaraw si Yahweh nga makagagahom sa pagbuhat kanato kung unsa ang angay sa atong mga pamaagi ug mga binuhatan, busa gipahamtang niya kini kanato."

Zechariah 1:7-9

Sa dihang miabot ang pulong ni Yahweh kang Zacarias nianang kagabhion, unsa man ang iyang nakita?

Nakita ni Zacarias ang usa ka tawo nga nagsakay sa pula nga kabayo ug anaa siya atubangan sa mga mirtol nga kahoy nga anaa sa walog. Sa iyang luyo anaay pula, pulapula- nga tabonon, ug puti nga mga kabayo.

Zechariah 1:10-11

Unsa man nga mga kabayo ang nakita ni Zacarias?

Mao kini ang mga kabayo nga gipadala ni Yahweh aron sa pagsuroysuroy sa tibuok kalibotan.

Unsa man ang nakaplagan sa mga kabayo sa dihang nagsuroysuroy sila sa tibuok kalibotan?

Nakaplagan sa mga kabayo nga ang kalibotan nagpabilin sa paglingkod ug nagpahulay.

Zechariah 1:12-15

Unsa man ang gipangutana sa anghel ni Yahweh ngadto kang Yahweh mahitungod sa Jerusalem ug sa mga siyudad sa Juda?

Nangutana ang anghel ni Yahweh ngadto kang Yahweh kung hangtod kanus-a si Yahweh magpakitag kaluoy sa Jerusalem ug sa mga siyudad sa Juda.

Zechariah 1:16-17

Unsa man ang gisulti ni Yahweh nga makagagahom mahitungod sa Jerusalem ug sa mga siyudad sa Juda?

Miingon si Yahweh nga mobalik siya sa Jerusalem uban ang kaluoy, nga pagatukoron niya ang iyang balay diha kaniya ug mainat gayod ang pangsukod nga linya ngadto sa Jerusalem. Miingon usab si Yahweh nga modagaya gayod pag-usab ang iyang pagkamaayo ngadto sa iyang mga siyudad, ug pagahupayon pag-usab ni Yahweh ang Zion, ug pilion niya pag-usab ang Jerusalem

Zechariah 1:18-19

Unsa man ang buot pasabot sa upat ka mga budyong ang nakita ni Zacarias?

Ang upat ka mga budyong mao ang mikatag sa Juda, Israel, ug sa Jerusalem.

Zechariah 1:20-21

Kinsa man ang upat ka mga manggagama nga nakita ni Zacarias ug unsa man ang ilang pagabuhaton?

Ang upat ka mga manggagama mao ang mga tawo nga mianhi aron sa pagpahawa sa budyong sa mga nasod nga mituboy sa bisan unsang budyong batok sa yuta sa Juda aron sa pagkatag kaniya

Zechariah 2

Zechariah 2:1-2

Unsa man ang buhaton sa batan-ong lalaki nga nagdala ug sukdanan sa linya sa iyang kamot?

Sukdon niya ang Jerusalem, aron mahibaloan niya ang gilapdon ug ang katas-on niini.

Zechariah 2:3-5

Nganong nagsulti man ang ikaduhang anghel nga maglingkod ang Jerusalem didto sa abli nga nasod?

Gisulti kini sa ikaduhang anghel tungod kay anaa sulod kaniya ang dakong panon sa katawhan ug ang mga mananap.

Unsa man ang giingon ni Yahweh nga iyang himuon alang sa Jerusalem?

Miingon si Yahweh nga mahimo siyang pader nga kalayo nga molibot kaniya ug siya mao ang mahimong himaya sa iyang taliwala.

Zechariah 2:6-7

Unsa man ang gisulti ni Yahweh niadtong nagpuyo uban sa anak nga babaye sa Babilonia?

Gisultihan sila ni Yahweh nga mokalagiw ngadto sa Zion.

Zechariah 2:8-9

Unsaon man nila pagkabalo nga si Yahweh nga labing gamhanan ang nagpadala sa ikaduhang anghel?

Miingon ang ikaduhang anghel ngadto sa Juda ug sa Jerusalem nga mahibal-an nila kung gipadala siya ni Yahweh sa dihang iyang laglagon ang mga nasod nga nangilog kanila ug sa dihang ang mga nasod nga nangilog sa Juda ug Israel pagailogan sa ilang mga ulipon.

Zechariah 2:10-11

Unsa man ang mahitabo sa dihang moabot si Yahweh ug magkampo sa Zion?

Kung mahitabo kana ang kusgan nga mga nasod makig-abin kang Yahweh ug mahimo na gayod niya nga katawhan ang Zion.

Zechariah 2:12-13

Nganong giingnan man nga maghilom ang tanang mga unod sa atubangan ni Yahweh?

Kinahanglan nga maghilom ang tanang unod sa atubangan ni Yahweh tungod kay mibangon na siya gikan sa kalangitan.

Zechariah 3

Zechariah 3:1-3

Kinsa man ang pangulong pari nga duol kang Josue?

Mitindog si Josue atubangan kang Yahweh ug mitindog usab si Satanas sa iyang tuo nga kamot.

Unsa man ang gibuhat ni Satanas nga anaa sa tuong kamot ni Josue?

Gipasanginlan ni Satanas si Josue nga nakasala siya.

Unsa man ang gibisti ni Josue samtang nagtindog siya atubangan sa anghel?

Nagbisti si Josue ug hugaw nga sinina.

Zechariah 3:4-5

Unsa man ang giingon sa anghel ni Yahweh nga iyang buhaton alang kang Josue?

Miingon ang anghel nga iyang kalimtan ang sala ni Josue.

Unsa man ang nahitabo mahitungod sa bisti ni Josue?

Gimandoan sa anghel ang mahugaw nga bisti nga ipabubo gikan kang Josue aron nga mabistihan nila ug maanindot nga bisti si Josue; hinlo nga purong ug limpyo nga mga sinina.

Zechariah 3:6-7

Unsa man ang gisaad ni Yahweh kang Josue, nga pangulong pari, kung magsunod siya sa dalan ni Yahweh ug tipigan ang iyang mga sugo?

Nagsaad si Yahweh kang Josue nga siya maoy magdumala sa panimalay ug maoy magtipig sa hukmanan ni Yahweh. Nagsaad usab si Yahweh kaniya nga tugotan siya sa pagsulod ug pag-adto alang niadtong nagtindog atubangan ni Yahweh.

Zechariah 3:8-9

Unsa man ang ngalan sa sulugoon nga ituboy mismo ni Yahweh?

Kadto nga sulugoon gitawag nga "ang Sanga."

Unsa man ang una nga bahin sa mensahe nga ikulit ngadto sa pito ka kilid sa bato?

Ang unang bahin sa mensahe naghisgot sa pagwagtang ni Yahweh sa sala gikan nianang yutaa sulod sa usa lamang ka adlaw.

Zechariah 3:10

Sumala kang Yahweh kanus-a man dapiton sa matag-usa ka tawo ang iyang silingan aron sa pagpahulay sa landong sa iyang parasan ug igera nga kahoy?

Miingon si Yahweh nga mahitabo kini "nianang adlawa."

Zechariah 4

Zechariah 4:1-3

Unsa man ang nakita ni Zechariah sa dihang gilig-on siya?

Nakakita si Zechariah ug bulawan nga lampaneria nga adunay panaksan sa taas niini, kauban sa pito ka lampara ug duha ka kahoy nga olibo kilid sa panaksan.

Zechariah 4:4-5

Nasabtan ba ni Zechariah ang buot ipasabot sa maong mga butang?

Wala, Giingnan ni Zacarias ang anghel nga nakig-istorya kaniya nga wala siya makasabot sa buot ipasabot niadtong mga butanga diha sa panan-awon.

Zechariah 4:6-7

Unsa man ang pulong ni Yahweh ngadto kang Zerubabel mahitungod sa mga butang nga mahuman gayod?

Ang pulong ni Yahweh ngadto kang Zerubabel mao ang, "Dili pinaagi sa kusog o sa gahom, apan pinaagi lamang sa akong Espiritu."

Unsa man ang isinggit kung dalhon na ni Zerubabel sa tumoy ang pinaka katapusang bato?

Maninggit sila, "Nindota ahh! Hinaot nga malipay ang Dios niini!"

Zechariah 4:8-13

Paunsa masayran sa mga tawo nga gipadala ni Yahweh si Zacarias ngadto kanila?

Masayod ang mga tawo kung ilang makita nga natuman ang propesiya; ang kamot ni Zerubabel ang magpahiluna sa pasukaranan sa templo ug ang iyang mga kamot usab mismo ang mohuman niini.

Unsa man ang makita sa mga tawo sa kamot ni Zerubabel?

Makita sa mga tawo ang tonton nga bato sa kamot ni Zerubabel.

Unsa man ang ipasabot sa pito ka lampara?

Ang pito ka lampara nagpasabot sa mga mata ni Yahweh nga nagtan-aw sa tibuok kalibotan.

Zechariah 4:14

Unsa man ang duha ka sanga sa kahoyng olibo?

Ang duha ka olibo nga mga sanga mao ang duha ka mga anak nga lalaki sa lana nga nagbarog tupad sa Ginoo sa tibuok kalibotan.

Zechariah 5

Zechariah 5:1-2

Unsa man ang gidak-on sa basahon nga nakita ni Zacarias?

20 ka maniko ang katas-on ug 10 ka maniko ang gilapdon sa basahon.

Zechariah 5:3-4

Unsa man ang gisulti sa anghel mahitungod sa naglupad nga basahon?

Miingon ang anghel nga ang naglupad nga basahon mao ang tunglo nga mogawas ibabaw sa tibuok yuta.

Alang kang kinsa man ang tunglo sa basahon?

Ang tunglo sa basahon alang sa matag kawatan ug sa matag usa nga nagsaad ug bakak nga panumpa.

Unsa man ang buhaton sa tunglo ngadto sa kawatan ug ngadto sa usa nga misaad ug bakak pinaagi sa ngalan ni Yahweh?

Mosulod ang tunglo sa ilang mga balay ug magpabilin didto ug ut-uton ang kahoy ug ang mga bato sa ilang mga balay.

Zechariah 5:5-7

Unsa man ang anaa sa sulod sa bukag nga nakita ni Zacarias ug unsa man kini sumala sa anghel?

Nakita ni Zacarias ang sukdanan nga anaa sa sulod sa bukag, ug miingon ang anghel nga ang sukdanan "mao ang ilang kalapasan sa tibuok yuta."

Zechariah 5:8-9

Unsa man kadtong babaye nga anaa sa bukag sumala sa anghel?

Miingon ang anghel mahitungod sa babaye nga anaa sulod sa bukag nga, "Mao kini ang pagkadaotan!"

Unsa man ang gibuhat sa duha ka babaye nga adunay mga pako sama sa mga pako sa talabon, ngadto sa bukag?

Gialsa sa duha ka babaye ang bukag taliwala sa yuta ug langit.

Zechariah 5:10-11

Asa man dad-on sa mga babaye ang bukag ug alang sa unsa man nga katuyoan?

Gidala sa mga babaye ang bukag aron buhatan kini ug templo didto sa Shinar, aron nga kung maandam na ang templo, ipahimutang ang bukag didto sa gitagana nga dapit niini.

Zechariah 6

Zechariah 6:1-4

Unsa man ang nakita ni Zacarias nga mitungha taliwala sa duha ka bronsi nga kabukiran?

Nakita ni Zacarias ang upat ka karwahe nga mitungha taliwala sa duha ka bronsi nga mga bukid.

Unsa man ang kolor sa mga kabayo sa matag karwahe?

Adunay pula nga mga kabayo ang unang karwahe, ang ikaduhang karwahe adunay itom nga mga kabayo, ang ikatulong karwahe adunay puti nga mga kabayo, ug ang ikaupat nga karwahe adunay kabang nga mga kabayo.

Zechariah 6:5-6

Unsa man ang gisulti sa anghel nga buot ipasabot sa mga karwahe?

Miingon ang anghel nga mao kini ang upat ka hangin sa langit.

Asa man gikan ang upat ka mga karwahe?

Nagtindog kining upat ka mga karwahe sa atubangan sa Ginoo sa tibuok kalibotan.

Asa man moadto ang tulo ka karwahe nga adunay itom, puti, ug kabang nga mga kabayo?

Moadto ang itom nga mga kabayo sa amihanan nga nasod. Moadto ang puting mga kabayo sa kasadpang nasod. Moadto ang kabang nga mga kabayo sa habagatang nasod.

Zechariah 6:7-8

Unsa ang buhaton sa karwahe nga adunay itom nga mga kabayo didto sa amihanang nasod?

Pagamaymayan sa karwahe nga adunay itom nga kabayo ang espiritu sa anghel mahitungod sa amihanang nasod.

Zechariah 6:9-11

Unsa may angay buhaton ni Zacarias sa halad nga iyang nadawat gikan kang Heldai, Tobia, ug Jedaya?

Gisugo si Zacarias nga kuhaon ang halad didto sa balay ni Josia, ang anak nga lalaki ni Zefania. Pagakuhaon ni Zacarias ang plata ug bulawan, aron maghimog korona ug ibutang kini sa ulo ni Josue nga anak nga lalaki ni Jehozadak, ang labawng pari.

Zechariah 6:12-13

Unsa man ang giingon ni Yahweh nga makagagahom nga buhaton ni Josue nga anak nga lalaki ni Jehozadak, ang labawng pari?

Miingon si Yahweh nga modako si Josue kung diin siya nahimutang ug tukoron ang templo ni Yahweh, ibayaw ang katahom niini, ug maglingkod ug maghari sa iyang trono.

Zechariah 6:14-15

Nganong ibutang man ang korona sa templo ni Yahweh?

Ibutang ang korona sa templo ni Yahweh alang kang Heldai, Tobia, Jedaya ug ingon nga pahinumdom sa pagkamanggihatagon sa anak nga lalaki ni Zefania.

Unsa may angay buhaton sa katawhan aron nga mahitabo kini nga mga propesiya?

Miingon si Yahweh nga mahitabo kini nga mga butang "kung tiunay kamong maminaw sa tingog ni Yahweh nga inyong Dios!"

Zechariah 7

Zechariah 7:1-3

Nganong gipadala man sa katawhan sa Betel si Sharezer, Regem Melec, ug ang ilang kalalakin-an?

Gipadala sila sa katawhan sa Betel aron hangyoon si Yahweh nga panalanginan sila.

Unsa man ang gipangutana ni Sharezer, Melec, ug sa ilang kalalakin-an sa mga propeta?

Nangutana sila, "Magsubo ba kami sa ikalimang bulan pinaagi sa pagpuasa, sama sa among gibuhat sa daghang mga katuigan?"

Zechariah 7:4-7

Unsa ang duha ka gipangutana ni Yahweh sa katawhan sa yuta ug sa mga pari pinaagi kang Zacarias mahitungod sa puasa, pagkaon ug pag-inom?

Ang unang pangutana ni Yahweh mao ang, "Sa dihang nagpuasa ug nagsubo kamo sa ikalima ug sa ikapitong bulan sulod sa 70 ka katuigan, tiunay ba kamo nga nagpuasa alang kanako?" Ang ikaduhang pangutana mao ang, "Sa dihang mikaon ug miinom kamo, wala ba kamo nagkaon ug nag-inom alang sa inyong kaugalingon?"

Sa mubong panahon, unsa man ang ulahing pangutana ni Yahweh sa mga pari ug sa katawhan sa yuta?

Sa mubong panahon, nangutana si Yahweh nga dili ba mao man kini ang samang mga pulong nga gisulti ni Yahweh sa mga tawo samtang nagpuyo pa sila sa Jerusalem, sa kasikbit nga mga siyudad, sa Negev, ug sa kasadpang tiilan sa kabungtoran.

Zechariah 7:8-10

Unsa man ang gisulti ni Yahweh sa katawhan pinaagi kang Zacarias?

Miingon si Yahweh nga maghukom sa matuod nga hustisya, sa kasabotan sa pagkamatinud-anon, ug sa kalouy. Miingon siya nga dili daogdaogon ang biyuda, ang ilo, ug ang langyaw o ang tawong kabos ug dili magbuhat ug daotan sa usag-usa.

Zechariah 7:11-12

Unsa man ang tubag sa katawhan sa mga sugo ni Yahweh?

Nagdumili ang katawhan sa pagpaminaw sa mga pulong ni Yahweh.

Zechariah 7:13-14

Unsa man ang gisulti ni Yahweh nga iyang buhaton sa dihang motawag kaniya kadtong mga nagdumili sa pagpaminaw kaniya kaniadto?

Miingon si Yahweh nga dili siya maminaw kanila, ug katagon niya kadtong mga tawhana pinaagi sa alimpulos padulong sa tanang mga nasod nga wala pa nila sukad makita.

Zechariah 8

Zechariah 8:1-3

Giunsa man ni Yahweh pagpahayag ang iyang pagkamainiton sa Zion?

Gipahayag ni Yahweh ang iyang pagkamainiton alang sa Zion uban ang dakong kadasig ug dakong kasuko.

Unsa ang ingalan sa Jerusalem ug sa bukid ni Yahweh sa dihang mobalik na si Yahweh sa pagpuyo taliwala sa Jerusalem?

Sa dihang mobalik na si Yahweh aron magpuyo taliwala sa Jerusalem, pagatawgon ang Jerusalem nga "Ang Siyudad sa Kamatuoran" ug ang bukid ni Yahweh pagatawgon nga "Ang Balaang Bukid."

Zechariah 8:4-5

Kinsa man ang makaplagan pag-usab sa kadalanan sa Jerusalem?

Anaa na usab ang mga tigulang nga kalalakin-an ug tigulang nga mga kababayen-an sa kadalanan, mapuno ang kadalanan sa siyudad ug mga batang lalaki ug babaye nga nanagdula.

Zechariah 8:6-8

Gikan sa asa man luwason ni Yahweh ang iyang katawhan?

Luwason ni Yahweh ang iyang katawhan gikan sa yuta diin nagasubang ang adlaw ug gikan sa yuta diin nagasalop kini.

Zechariah 8:9-10

Nganong buot man ni Yahweh nga lig-onon sa katawhan ang ilang mga kamot?

Buot ni Yahweh nga lig-onon sa katawhan ang ilang mga kamot aron matukod pag-usab ang templo.

Unsa man ang nahitabo niadtong mga adlawa sa dihang wala pa natukod ang patukoranan sa balay ni Yahweh?

Niadtong mga adlawa, walay natapok nga ani, ug walay abot, ug walay kalinaw gikan sa mga kaaway. Gipagbingkil ni Yahweh ang matag-usa batok sa iyang silingan.

Zechariah 8:11-15

Unsa man ang giingon ni Yahweh nga mahitabo sa kapanahonan ni Zacarias?

Miingon si Yahweh nga dili gayod kini mahisama kaniadto. Miingon siya nga matanom ang binhi sa kalinaw. Maghatag ug bunga ang mokatay nga paras, ug mohatag ug abot ang yuta. Mohatag ug yamog ang kawanangan. Ipanunod ni Yahweh kadtong tanan sa nahibiling katawhan.

Zechariah 8:16-17

Unsa man ang gisugo ni Yahweh nga buhaton sa katawhan ug ngano?

Miingon si Yahweh nga kinahanglan mosulti ang tanang katawhan sa kamatuoran diha sa iyang silingan, maghukom uban sa kamatuoran, sa makiangayon, ug sa kalinaw diha sa ilang mga ganghaan. Miingon siya nga dili sila maglaraw ug daotan diha sa ilang mga kasingkasing batok sa ilang silingan, ug dili higugmaon ang bakak nga panumpa. Gimando kini ni Yahweh tungod kay gikasilagan niya kining mga butanga.

Zechariah 8:18-19

Ang kamatuoran nga ang puasa sa ikaupat, ikalima, sa ikapito ug ikapulo nga bulan mahimong panahon sa pagsadya, pagmaya ug malipayong kasaulogan alang sa balay sa Juda, unsa man ang gisulti ni Yahweh nga ilang buhaton?

Gisultihan sila nga higugmaon ang kamatuoran ug kalinaw.

Zechariah 8:20-22

Kinsa man ang gisulti ni Yahweh nga moabot ug magtuaw aron mohangyo sa iyang panalangin?

Miingon si Yahweh nga moabot ug magtuaw kang Yahweh ang daghang mga tawo gikan sa nagkalainlaing siyudad ug gamhanang mga nasod aron maghangyoo sa iyang panalangin.

Zechariah 8:23

Niadtong mga adlawa, nganong maghangyo man ang napulo ka mga kalalakin-an gikan sa matag pinulongan nga motungas sa Jerusalem uban sa katawhan ni Yahweh?

Maghangyo sila nga motungas sa Jerusalem uban ang katawhan ni Yahweh tungod kay nakadungog sila nga anaa kanila ang Dios.

Zechariah 9

Zechariah 9:1-2

Mahitungod sa unsa man ang pahayag ni Yahweh?

Mahitungod sa yuta sa Hadrac ug Damascus, Hamat, Tyre ug Sidon ang pahayag ni Yahweh.

Zechariah 9:3-4

Unsa man ang gisulti ni Yahweh nga buhaton sa Ginoo ngadto sa Tyre?

Miingon si Yahweh, "Isalikway siya sa Ginoo ug gub-on ang iyang kusog sa dagat, aron nga lamyon siya pinaagi sa kalayo.

Zechariah 9:5-7

Unsa man ang gisulti ni Yahweh nga iyang buhaton sa mga Filistihanon ug unsa man ang ilang dangatan?

Miingon si Yahweh nga iyang putlon ang garbo sa mga Filistihanon. Miingon usab si Yahweh nga mahimong iya sa Dios ang mahibilin nila nga katawhan sama sa banay sa Juda.

Zechariah 9:8

Unsa man ang rason nga gihatag ni Yahweh sa iyang pagkampo libot sa iyang yuta?

Miingon si Yahweh nga mokampo siya libot sa iyang yuta batok sa mga kasundalohang kaaway aron nga dili sila makasulod o makabalik, tungod kay miingon siya nga wala na gayoy kaaway ang makaagi niini.

Zechariah 9:9-10

Nganong gisultihan man ang anak nga babaye sa Zion nga mosinggit uban ang dakong kalipay ug ang igsoong babaye sa Jerusalem nga maglipay?

Gisultihan sila nga buhaton kini tungod kay moabot ang ilang hari uban ang pagkamatarong ug luwason sila.

Unsa man ang paagi sa pag-abot sa ilang hari?

Moabot ang ilang hari uban ang pagkamapainubsanon ug mosakay sa nating asno.

Unsa man ang isulti niini nga hari ngadto sa mga nasod?

Magsulti kana nga hari ug kalinaw ngadto sa mga kanasoran.

Hangtod asa man ang ginsakopan sa pagdumala sa hari?

Adunay pagdumala ang hari sa tibuok kadagatan, ug gikan sa Suba hangtod sa kinatumyan sa kalibotan.

Zechariah 9:11-15

Nganong gipalingkawas man ni Yahweh ang ilang mga binihag gikan sa bung-aw nga walay tubig?

Miingon si Yahweh nga gibuhat niya kini tungod sa dugo sa iyang kasabotan diha kanila.

Batok kang kinsa man gipukaw ni Yahweh ang mga anak nga lalaki sa Zion?

Gipukaw ni Yahweh ang mga anak nga lalaki sa Zion batok sa mga anak nga lalaki sa Grecia.

Sa unsa man gipakasama ni Yahweh ang Zion?

Gihimo ni Yahweh ang Zion nga sama sa espada sa mga manggugubat.

Zechariah 9:16-17

Unsa man ang mahitabo sa Zion nianang adlawa sa dihang luwason sila ni Yahweh nga ilang Dios?

Nianang adlawa, mahimong bililhong bato sa korona ang Zion nga ibayaw sa yuta ni Yahweh.

Zechariah 10

Zechariah 10:1-2

Unsa man ang buhaton ni Yahweh alang kang Zion?

Maghatag si Yahweh ug ulan alang sa mga tanom sa kaumahan alang kang Zion sa dihang mangayo sila kaniya.

Unsa man ang hinungdan nga naglatagaw ug nag-antos ang katawhan sama sa karnero?

Naglatagaw ug nag-antos ang katawhan tungod kay nagsultig bakak ang mga diosdios sa panimalay, bakak ang panan-awon sa mga mini nga mananagna, nagsaysay sila ug malinglahon nga mga damgo ug naghatag ug haw-ang nga paghupay. Walay magbalantay usab ang katawhan.

Zechariah 10:3

Kinsa man ang silotan ni Yahweh?

Miingon si Yahweh nga silotan niya ang mga laking karnero –ang mga pangulo.

Zechariah 10:4-5

Unsa man ang giingon ni Yahweh nga maggikan sa balay sa Juda?

Miingon si Yahweh nga magagikan sa balay sa Juda ang patukoranan, ang ugsok sa tolda, ang pana sa panaggubat, ug ang matag pangulo.

Zechariah 10:6-7

Unsa man ang gisulti ni Yahweh nga iyang buhaton alang sa mga balay sa Juda ug ni Jose?

Miingon si Yahweh nga iyang lig-onon ang balay sa Juda ug luwason ang balay ni Jose. Miingon si Yahweh nga ipasig-uli niya sila, ug magmanggiluluy-on kanila.

Zechariah 10:8-10

Unsa man ang buhaton sa Juda ug Efraim sa dihang mahinumduman nila si Yahweh sa halayong mga nasod diin sila gitanom ni Yahweh?

Mamuyo ug mamalik sila ug ang ilang mga anak sa dihang mahinumduman nila si Yahweh sa halayong mga nasod kung diin niya sila gitanom.

Zechariah 10:11-12

Unsa man ang gisulti ni Yahweh nga iyang buhaton sa Ehipto ug Asiria human niya tapokon ang balay sa Juda gikan niadtong mga dapita?

Miingon si Yahweh nga tumpagon niya ang kahalangdon sa Asiria ug wagtangon ang sitro sa Ehipto gikan sa mga Ehiptohanon.

Zechariah 11

Zechariah 11:1-3

Nganong nagtiyabaw man ang magbalantay sa karnero?

Nagtiyabaw sila tungod kay nawala ang ilang dungog.

Zechariah 11:4-6

Unsa man ang gisulti ni Yahweh kang Zacarias?

Gisultihan ni Yahweh si Zacarias nga, "Bantayi ang mga panon nga ihawonon!"

Unsa man ang gisulti ni Yahweh nga iyang pagabuhaton sa lumulupyo sa Juda?

Nag-ingon si Yahweh nga dili na niya sila kaluy-an apan itugyan niya sila ngadto sa kamot sa mga magbalantay sa karnero ug sa kamot sa hari, ug ilang pagagun-ubon ang yuta.

Zechariah 11:7-9

Unsa man ang ngalan sa duha ka sungkod nga gigamit ni Zacarias aron sa pagbantay sa panon nga ihawonon?

Ang ngalan sa duha ka sungkod mao ang "Pabor" ug "Panaghiusa."

Nganong gipatay man ni Zacarias ang tulo ka magbalantay sa karnero sulod sa usa ka bulan?

Gibuhat niya kini tungod kay gikapoy na siya sa mga magbalantay ug nagdumot usab sila kaniya.

Zechariah 11:10-12

Nganong gibali man ni Zacarias ang iyang sungkod nga, "Pabor"?

Gibali niya kini aron nga balion ang kasabotan nga iyang gihimo kauban sa tanan niyang mga tribo.

Pila man ang gibayad kang Zacarias?

Gibayaran si Zacarias ug 30 ka buok plata.

Zechariah 11:13-14

Unsa man ang gisugo ni Yahweh kang Zacarias nga buhaton sa iyang 30 ka buok nga plata?

Giingnan siya nga ibutang kini ngadto sa tipiganan.

Unsa may ipasabot sa pagbali sa ikaduhang sungkod nga si "Panaghiusa"?

Ang pagbali sa ikaduhang sungkod mao ang pagbali sa pagkamanagsoon sa Juda ug Israel.

Zechariah 11:15-16

Nag-ingon si Yahweh nga magtuboy siya ug usa ka magbalantay sa maong yuta. Unsa man ang buhaton sa magbalantay?

Ang maong magbalantay dili mag-atiman sa mga karnero. Dili niya pangitaon ang karnero nga nahisalaag, ni ayohon ang napiang nga karnero. Dili niya pakaonon ang gahig ulo nga karnero, apan iyang ihawon ang tambok nga karnero ug pikason ang ilang mga tiil.

Zechariah 11:17

Unsa man ang tunglo nga gisulti ngadto sa walay pulos nga magbalantay nga mipasagad sa mga karnero?

Mao kini ang tunglo: "Hinaot nga matigbasan sa espada ang iyang tuong kamot ug ang iyang tuong mata! Hinaot nga maputol ang iyang tuong kamot ug mabuta ang iyang tuong mata!"

Zechariah 12

Zechariah 12:1-3

Kinsa man si Yahweh nga nagsulti niining mga pulonga ngadto sa Israel?

Si Yahweh mao ang mipalapad sa kawanangan ug nagpahimutang sa pasukaranan sa kalibotan, ug mao ang nagpanindot sa espiritu sa kinasuloran sa katawhan.

Kinsa man ang maghiusa batok sa Jerusalem?

Maghiusa ang tanang nasod sa kalibotan batok sa Jerusalem.

Zechariah 12:4-5

Sa adlaw nga maghiusa ang tanang kanasoran batok sa Juda, unsa man ang giingon ni Yahweh nga iyang pagabuhaton sa mga kabayo ug sa mga tigkabayo sa kaaway?

Miingon si Yahweh nga iyang bunalan ang matag kabayo uban ang kabangis ug sa matag mangabayoay uban ang kasuko. Miingon usab siya nga iyang bunalan ang matag kabayo sa buta nga mga kaaway.

Zechariah 12:6

Nianang adlawa, sa unsa mahisama ang mga pangulo sa Juda?

Nianang adlawa, mahimong sama sa mga kalan taliwala sa mga sugnod ang mga kaaway ug sama sa nagkalayo nga suga nga nagbarog sa katrigohan.

Zechariah 12:7-9

Nganong unahon man pagluwas ni Yahweh ang mga tolda ni Juda?

Unahon pagluwas ni Yahweh ang mga tolda ni Juda aron nga ang dungog sa panimalay ni David ug ang dungog niadtong nagpuyo sa Jerusalem dili mahimong molabaw sa mga nagpuyo sa Juda.

Unsa man ang gitinguha ni Yahweh nga buhaton niadtong adlawa?

Miingon si Yahweh nga iya gayong gun-obon ang tanang kanasoran nga nagkigbatok sa Jerusalem.

Zechariah 12:10-11

Nianang adlawa, unsa man ang ibubo ni Yahweh ngadto sa balay ni David ug sa mga lumulupyo sa Jerusalem?

Ibubo ni Yahweh ang iyang espiritu sa kaluoy ug pagtubag sa ilang mga pag-ampo.

Unsa man ang buhaton sa panimalay ni David ug sa mga lumulupyo sa Jerusalem sa dihang motan-aw sila kaniya nga ilang gitusok?

Sa dihang motan-aw sila kaniya nga ilang gitusok, magbangutan sila ug magsubo alang kaniya sama sa usa ka tawo nga namatyan ug kamagulangan nga anak.

Zechariah 12:12-14

Unsaon man pagsubo sa yuta nianang adlawa?

Nianang adlawa, ang matag pamilya maglain sa pagbangutan gikan sa laing pamilya, ug ang ilang mga asawa maglain sa ilang mga bana.

Zechariah 13

Zechariah 13:1-2

Kay alang sa unsa man ang tubod nga anaa sa balay ni David niadtong adlawa?

Ang tubod sa tubig mahimong alang sa ilang sala ug dili sa pagkaputli.

Unsa man ang putlon ni Yahweh gikan sa yuta ug ngano?

Putlon ni Yahweh ang mga ngalan sa mga diosdios gikan sa yuta aron nga dili na gayod sila mahinumdoman.

Unsa man ang tugotan ni Yahweh nga mawala sa yuta?

Pahawaon ni Yahweh ang mini nga mga propeta ug ang ilang hugaw nga mga espiritu sa ilang yuta.

Zechariah 13:3

Kung magpadayon sa pagtagna ang si bisan kinsang tawo, unsa man ang buhaton sa iyang amahan ug inahan?

Ang amahan ug ang iyang inahan nga nagpakatawo kaniya maoy motuhog kaniya kung managna siya.

Zechariah 13:4-6

Nianang adlawa, nganong wala naman nagsuot ug balhiboon nga kupo ang nagapanagna?

Siya nga nagapanagna dili na mosul-ob ug balhiboong kupo aron nga iyang malimbongan ang katawhan.

Zechariah 13:7

Kinsa man ang magbalantay?

Ang magbalantay mao "ang tawo nga nagbarog duol kanako."

Unsa man ang mahitabo sa panon kung mamatay ang magbalantay?

Sa dihang mamatay ang magbalantay magkatibulaag ang mga karnero.

Zechariah 13:8-9

Unsa man ang giingon ni Yahweh nga mahitabo sa tibuok yuta?

Nag-ingon si Yahweh nga mawala ang duha ka bahin niini. Mahanaw sila; ug ang ikatulo lamang magpabilin didto.

Unsa man ang mahitabo sa ikatulo nga nagpabilin didto?

Ang ikatulo nga nahibilin didto pagasunogon sa kalayo, sulayan ug putlion.

Unsa man ang isulti sa ikatulo nga nahibilin didto?

Moingon sila nga, "Si Yahweh mao ang akong Dios!"

Zechariah 14

Zechariah 14:1-2

Ngano man nga ang mga inilog sa Jerusalem tungaon diha sa ilang taliwala?

Tungaon ang mga inilog gikan sa Jerusalem sa ila mismong taliwala tungod kay gitigom ni Yahweh ang tanang kanasoran batok sa Jerusalem alang sa gubat, ug mailog ang maong siyudad. Ilogon ang mga panimalay.

Zechariah 14:3-4

Unsa man ang mahitabo sa mga nasod nga nakig-away batok sa Jerusalem?

Mogawas si Yahweh ug nakig-away batok niadtong mga nasod sama sa iyang pagpakig-away sa adlaw sa pakig-away.

Unsa man ang mahitabo sa Bukid sa Olibo sa dihang motindog si Yahweh niini?

Matunga ang Bukid sa Olibo ug adunay mahimong dakong walog sa tungatunga sa duha ka bahin.

Zechariah 14:5

Kanus-a man moabot si Yahweh ug ang usa nga balaan?

Moabot si Yahweh ug ang usa nga balaan kung moabot na sa walog taliwala sa duha ka bukid ang mga lumulupyo sa Jerusalem.

Zechariah 14:6-8

Asa man mopaingon ang tubig nga nagdagayday gikan sa Jerusalem?

Ang katunga sa tubig moadto sa sidlakan nga dagat, ug ang katunga modagayday sa kasadpan nga dagat.

Zechariah 14:9-11

Kinsa man ang mamahimong hari sa tibuok kalibotan?

Si Yahweh mao ang mamahimong hari sa tibuok kalibotan.

Gub-on ba sa Dios ang Jerusalem?

Wala na gayoy paggun-ob gikan kaniya alang sa Jerusalem; magpuyo na sila nga luwas sa piligro.

Zechariah 14:12-15

Unsa man nga katalagman ang ipahamtang ni Yahweh sa katawhan nga nakiggubat batok sa Jerusalem?

Mangalata ang mga unod, mga mata, ug mga dila sa tanang katawhan nga nagkigubat batok sa Jerusalem.

Unsa man ang mahitabo kung ang dakong kahadlok nga gikan kang Yahweh moabot kanila?

Kuptan sa matag tawo ang kamot sa iyang silingan; ug ang matag usa ka tawo makigbatok sa iyang silingan.

Zechariah 14:16-19

Unsa man ang buhaton sa mga nasod nga nahibilin sa pakiggubat sa Jerusalem?

Ang tanang nahibilin niadtong mga nasora motungas kadatuig aron sa pagsimba sa hari, si Yahweh nga makagagahom, ug tipigan ang Kasaulogan sa mga Balongbalong.

Unsa man ang mahitabo niadtong mga nasod sa tibuok kalibotan nga dili mosubida sa Jerusalem aron sa pagsimba sa hari nga si Yahweh ang labing gamhanang?

Dili paulanan ni Yahweh ang nasod nga dili mosubida sa Jerusalem. Ug ang katalagman moataki sa mga nasod nga wala nagtamod sa Kasaulogan sa mga Balongbalong.

Zechariah 14:20-21

Nianang adlawa unsa man ang wala na sa balay ni Yahweh nga labing gamhanan?

Nianang adlawa wala na sa balay ni Yahweh nga labing gamhanan ang tanang mamaligyaay.