Amos

Amos 1

Amos 1:1-2

Giunsa man pagdawat ni Amos sa mga butang nga gisulti kaniya mahitungod sa Israel?

Nadawat ni Amos ang mga butang nga iyang gisulti mahitungod sa Israel pinaagi sa panan-awon.

Unsa man ang trabaho ni Amos?

Usa ka magbalantay sa karnero si Amos.

Amos 1:3-5

Ngano nagpahayag man si Yahweh ug silot batok sa Damascus?

Nagpahayag ug silot si Yahweh batok sa Damascus tungod kay gipasipad-an nila ang Gilead pinaagi sa mga hinagiban nga puthaw.

Amos 1:6-8

Ngano nagpahayag man si Yahweh ug silot batok sa Gaza?

Nagpahayag ug silot si Yahweh batok sa Gaza, tungod kay gibihag ug gidala nila ang tibuok katawhan aron itugyan ngadto sa Edom

Unsa man ang gipahayag ni Yahweh nga iyang buhaton ngadto sa mga kota sa Ben Hadad, Gaza, ug Tyre?

Gipahayag ni Yahweh nga lamuyon niya ang mga kota sa Ben Hadad, Gaza, ug Tyre.

Amos 1:9-10

Ngano nagpahayag man si Yahweh ug silot batok sa Tyre?

Nagpahayag ug silot si Yahweh batok sa Tyre tungod kay gitugyan nila ang tibuok panon sa katawhan ngadto sa Edom ug giputol nila ang kasabotan sa panaghinigalaay.

Amos 1:11-12

Ngano nagpahayag man si Yahweh ug silot batok sa Edom?

Nagpahayag ug silot si Yahweh batok sa Edom tungod kay gigukod niya ug espada ang iyang igsoon.

Amos 1:13

Ngano nagpahayag man si Yahweh ug silot batok sa Ammon?

Nagpahayag ug silot si Yahweh batok sa Ammon tungod kay gihiwa nila ang tiyan sa mga mabdos nga kababayen-an sa Gilead.

Amos 1:14-15

Unsa man ang gipahayag ni Yahweh nga iyang himoon ngadto sa mga palasyo sa Raba?

Gipahayag ni Yahweh nga iyang lamuyon ang tanang palasyo sa Raba.

Amos 2

Amos 2:1-3

Nganong nakahukom man si Yahweh nga silotan ang Moab?

Nakahukom si Yahweh nga silotan ang Moab tungod kay gisunog man sa Moab ang mga bukog sa hari sa Edom.

Amos 2:4-6

Nganong nakahukom man si Yahweh nga silotan ang Juda?

Nakahukom si Yahweh nga silotan ang Juda tungod kay gisalikway sa Juda ang balaod ni Yahweh.

Unsa man ang gipahayag nga buhaton ni Yahweh sa kota sa Moab ug sa Juda?

Gipahayag ni Yahweh nga sunogon niya ang mga kota sa Moab ug sa Juda.

Amos 2:7-8

Nganong nakahukom man si Yahweh nga silotan ang Israel?

Nakahukom si Yahweh nga silotan ang Israel tungod kay gitunobtunoban sa Israel ang mga ulo sa mga kabos.

Amos 2:9-10

Giunsa man pagpildi sa mga Israelita ang mga Amorihanon?

Napildi sa mga Israelita ang mga Amorihanon tungod kay si Yahweh maoy naglaglag diha sa ilang atubangan.

Amos 2:11-12

Unsa man ang gibuhat sa mga Israelita sa mga propeta nga gituboy ni Yahweh diha kanila?

Gimandoan sa mga Israelita ang mga propeta nga dili managna.

Unsa man ang gibuhat sa mga Israelita sa mga Nazareno nga gituboy ni Yahweh diha kanila?

Gidani sa mga Israelita ang mga Nazareno nga moinom ug bino.

Amos 2:13-14

Unsa man ang dili mabuhat sa tawong abtik ug tawong kusgan?

Ang tawong abtik dili gayod makaikyas ug ang kusgan mawad-an gayod sa iyang kaugalingong kusog.

Amos 2:15-16

Unsa man ang gisulti ni Yahweh mahitungod sa tigpana, sa kusog modagan, sa tawong nangabayo, ug sa isog nga manggugubat?

Gisulti ni Yahweh nga dili gayod makasugakod ang tigpana; ang kusog modagan dili gayod makaikyas; ang tawong nangabayo dili gayod makaluwas sa iyang kaugalingon, ug bisan pa ang labing isog nga mga manggugubat mangikyas nga hubo niadtong adlawa

Amos 3

Amos 3:1-2

Batok kang kinsa man ang pulong ni Yahweh?

Kini nga pulong ni Yahweh batok sa katawhan sa Israel, ang tibuok kaliwatan nga gipagawas ni Yahweh gikan sa Ehipto.

Kinsa man ang gipili ni Yahweh gikan sa tanang kaliwatan sa kalibotan?

Gipili ni Yahweh ang Israel gikan sa tanang kaliwatan sa kalibotan.

Amos 3:3-4

Unsa man ang buhaton sa duha ka tawo aron magkakuyog sila sa paglakaw?

Ang duha ka tawo kinahanglan magsabot aron magkakuyog sa paglakaw.

Amos 3:5-6

Kung moabot ang katalagman sa usa ka siyudad, kinsa man ang nagpadala niini?

Kung moabot ang katalagman sa usa ka siyudad, si Yahweh ang nagpadala niini.

Amos 3:7-8

Unsa man ang buhaton ni Yahweh sa dili pa siya mamuhat?

Ipadayag ni Yahweh ang iyang laraw ngadto sa iyang mga propeta sa dili pa siya mamuhat.

Amos 3:9-10

Unsa man ang makita sa Ehipto kung nakita nila kung unsa ang nahitabo sa Samaria?

Ang Ehipto makakita ug dakong katingalahan ug pagpanlupig sa Samaria.

Unsa man ang gitigom sa mga Israelita sa ilang mga kota?

Nagtigom ang Israel ug kasamok ug kadaot sa ilang mga kota.

Amos 3:11-12

Unsa man ang silot nga gipahamtang ni Yahweh batok sa Israel?

Gipahayag ni Yahweh nga kawatan sa kaaway ang mga kota sa Israel.

Kinsa man ang makalingkawas sa silot ni Yahweh?

Pipila lamang ang makalingkawas sa silot ni Yahweh.

Amos 3:13-15

Sa adlaw nga gisilotan ni Yahweh ang sala sa Israel, kinsa pa man ang iyang silotan?

Silotan usab ni Yahweh ang mga halaran sa Bethel, sa balay ni Jacob.

Amos 4

Amos 4:1-3

Unsa ang gingalan ni Yahweh sa mga asawa sa mga dato nga nagpuyo sa Samaria?

Ginganlan ni Yahweh ang mga asawa sa dato ug, "mga baka sa Basan".

Unsa ang gibuhat sa mga asawa sa dato ngadto sa mga kabos sa Samaria?

Gidaogdaog sa mga asawa sa dato ang mga kabos ug gilupigan ang mga timawa.

Unsa man ang gipahayag ni Yahweh nga mahitabo sa mga asawa sa tawong dato ngadto sa Samaria?

Gipahayag ni Yahweh nga dad-on ang mga asawa sa tawong dato pinaagi sa kaw-it ug papahawaon sa siyudad.

Amos 4:4-5

Unsa man ang makapalipay sa mga Israelita?

Ang makapalipay sa mga Israelita mao ang pagpakasala didto sa Betel ug pagdugang pa ug mga sala didto sa Gilgal, sa pagdala sa mga halad ikapulo, sa paghatag sa pagpasalamat nga mga halad, ug magpadayag sa kinabubot-ong mga halad.

Amos 4:6-7

Unsa man ang gibuhat ni Yahweh sa ulan aron nga ang mga Israelita mobalik ngadto kaniya?

Wala paulani ni Yahweh ang Israel aron mobalik ang mga Israelita ngadto kaniya.

Amos 4:8-9

Unsa man ang gibuhat ni Yahweh sa mga tanaman, mga kaparasan, ug mga kahoy aron ang mga tawo mobalik ngadto kaniya?

Gihatagan ni Yahweh ug mga dangan ang mga tanaman, mga kaparasan, ug mga kahoya sa puntikpuntik ug mga agup-op, ug gikaon kini sa mga dulon.

Amos 4:10-11

Unsa man ang gibuhat ni Yahweh sa mga batan-ong lalaki aron nga ang mga Israelita mobalik ngadto kaniya?

Gipamatay ni Yahweh ang mga batan-ong lalaki pinaagi sa mga espada aron nga ang mga Israelita mobalik ngadto kaniya?

Unsa man ang gibuhat ni Yahweh sa mga siyudad aron nga ang mga Israelita mobalik ngadto kaniya?

Gigun-ob ni Yahweh ang mga siyudad aron mobalik ang mga Israelita kaniya.

Unsa man ang balos sa mga Israelita sa gibuhat ni Yahweh aron mobalik unta sila?

Wala mibalik ang mga Israelita ngadto kang Yahweh.

Amos 4:12-13

Unsa man ang gisulti ni Yahweh sa mga Israelita nga angayan nilang pangandaman?

Gisultihan ni Yahweh ang mga Israelita nga kinahanglan sila mangandam sa pagtagbo sa ilang Dios.

Kinsa man ang nagbuhat sa kabungtoran ug nagpdayag sa iyang mga hunahuna ngadto sa mga katawhan.

Si Yahweh, ang Dios nga makagagahom, ang nagbuhat sa kabungtoran ug nagpadayag sa iyang hunahuna sa mga tawo.

Amos 5

Amos 5:1-3

Kinsa man ang napukan niining pagbangotan?

Ang babayeng ulay sa Israel mao ang napukan niining pagbangotan.

Amos 5:4-7

Unsa man ang gisulti ni Yahweh nga buhaton sa balay sa Israel?

Gisultihan ni Yahweh ang balay sa Israel nga pangitaon siya ug mabuhi sila.

Amos 5:8-9

Unsa man ang gipadangat ni Yahweh sa mga kusgan?

Laglagon sa kalit ni Yahweh ang mga kusgan.

Amos 5:10-11

Kinsa man ang gikasilagan ug gikasuk-an sa kusgan?

Nasilag ang kusgan niadtong mibadlong kanila, ug nasuko sa tanang kamatuoran.

Unsa man ang nabuhat sa kusgan, nga silotan man sila ni Yahweh?

Giyatakan sa mga kusgan ang kabos, diin gisilotan sila ni Yahweh.

Amos 5:12-13

Unsa man ang gibuhat sa tawong maalamon nianang daotang panahon?

Nagpakahilom ang mga tawo maalamon sa daotang panahon.

Amos 5:14-15

Unsa man ang kinahanglan buhaton sa mga tawo aron ubanan gayod sila ni Yahweh?

Kinahanglan pangitaon sa katawhan ang maayo ug dili ang daotan, aron ubanan gayod sila ni Yahweh.

Amos 5:16-17

Unsa man ang madungog diha sa kadalanan sa dihang moagi si Yahweh taliwala sa katawhan?

Pagminatay ug paghilak ang madungog diha sa kadalanan sa dihang moagi si Yahweh sa ilang taliwala.

Amos 5:18-20

Unsa man ang mahitabo sa adlaw ni Yahweh?

Mahimong kangitngit ug kangiob ang adlaw ni Yahweh.

Amos 5:21-22

Unsa man ang gihunahuna ni Yahweh mahitungod sa maligdong nga panagtigom sa mga tawo?

Wala nahimuot si Yahweh sa maligdong nga panagtigom sa mga tawo.

Amos 5:23-24

Unsa man ang gusto makita ni Yahweh nga modagayday gikan sa katawhan?

Gustong makita ni Yahweh ang hustisya ug pagkamatarong nga modagayday gikan sa mga tawo.

Amos 5:25-26

Unsa man ang gibuhat sa mga tawo alang sa ilang mga kaugalingon?

Nagbuhat sila ug mga ug diosdios.

Amos 5:27

Asa man gipadala ni Yahweh ang mga tawo?

Gipabihag ni Yahweh ang katawhan sa unahan pa sa Damasco.

Amos 6

Amos 6:1-4

Kang kinsa man ang gipadayag ni Yahweh ang pagkaalaot?

Gipadayagan ni Yahweh nga alaot ang anaa sa kaharuhay didto, ug kadtong luwas sa Samaria.

Amos 6:5-6

Unsa man ang buhaton niadtong nakadawat sa tunglo ni Yahweh sa ilang panahon?

Kadtong nakadawat sa tunglo ni Yahweh naggamit sa ilang ang ilang panahon sa pagkahamogaway, sa kombira, panag-awit, ug pag-inom.

Unsa man ang wala nila buhata sa dihang nakadawat sa tunglo ni Yaweh sa ilang panahon?

Kadtong nakadawat sa tunglo ni Yaweh wala sila moggamit sa ilang panahon sa pagbakho sa pagkagun-ob ni Jose.

Amos 6:7-10

Asa man paingon kadtong nakadawat kaalaotan ni Yahweh?

Kadtong nakadawat sa alaot ni Yahweh paingon sa pagkabihag.

Unsa man ang nakapasuko kang Yahweh sa mga katawhan ni Jacob.

Nasuko si Yahweh sa pagkamahitas-on sa mga kuta sa katawhan ni Jacob.

Amos 6:11

Unsa man ang mahitabo sa kabalayan sa katawhan ni Jacob?

Ang ilang kabalayan magun-ob.

Amos 6:12-13

Unsa man ang gibuhat sa katawhan ni Jacob sa hustisya ug pagkamatarong?

Kining katawhan ni Jacob mipuli sa hustisiya sa hilo ug ang matarong ngadto sa kapait.

Amos 6:14

Unsa man ang gipahayag ni Yahweh nga buhaton niya batok sa balay Israel?

Gipahayag ni Yahweh nga patindogon niya ang nasod batok sa balay sa Israel.

Unsa man ang buhaton sa nasod batok sa balay sa Israel?

Sakiton niini nga nasod ang balay sa Israel.

Amos 7

Amos 7:1-3

Sa iyang panan-awon, unsa man ang nakita ni Amos nga gibuhat ni Yahweh sa tingpamulak?

Nakita ni Amos nga nagbuhat si Yahweh ug panon sa dulon nga milamoy sa mga bulak nga mikaon sa mga pananom sa yuta

Unsa man ang tubag ni Yahweh sa dihang nanghangyo si Amos nga pasayloon ni Yahweh si Jacob ug dili ipahamtang kanila ang katalagman?

Mitubag si Yahweh nga kining katalagman dili mahitabo.

Amos 7:4-6

Sa iyang panan-awon, unsa man ang nakita ni Amos nga gitawag ni Yahweh?

Nakita ni Amos si Yahweh nga nagtawag sa kalayo aron mohukom.

Sa dihang nangayo si Amos ngadto kang Yahweh nga pasayluon si Jacob ug dili sila padad-an ug katalagman, unsa man ang tubag ni Yahweh?

Mitubag di Yahweh nga kining katalagman dili usab mahitabo.

Amos 7:7-8

Sa iyang panan-awon, unsa man ang nakita ni Amos nga gitandogan ug gibuhat sa Dios?

Nakita ni Amos ang Dios nga nagtindog tupad sa kuta nga naggunit sa tunton.

Unsa man ang gisulti sa Dios nga kahulogan sa tunton?

Ang Dios miingon nga ang tunton nagpasabot nga dili na gayod makalingkawas ang Israel.

Amos 7:9

Unsa man ang gisulti ni Yahweh nga buhaton niya sa Israel?

Gipahayag ni Yahweh nga gun-ubon niya ang hataas nga mga dapit ug mga templo sa Israel.

Amos 7:10-11

Unsa man ang gipasangil ni Amazia ngadto kang Amos, ang pari sa Betel?

Gipasanginlan si Amos nga nakigkonsabo nga mobatok kang Jeroboam, ang hari sa Israel.

Unsa man ang gipanagna ni Amos mahitungod kang Jeroboam?

Gipanagna ni Amos nga mamatay si Jeroboam pinaagi sa espada.

Amos 7:12-13

Asa man dapit gisugo ni Amos nga pabalikon ug managna?

Gisultihan ni Amos nga mobalik ngadto sa Yuta sa Juda ug managna didto.

Amos 7:14-15

Unsa man ang trabaho ni Amos sa wala pa siya tawaga ni Yahweh aron mahimong iyang propeta

Si Amos usa ka magbalantay sa kahayopan ug tig-atiman sa mga kahoy nga sycamoro.

Amos 7:16-17

Unsa man ang pamahayag ni Yahweh batok kang Amazia, ang pari sa Betel?

Gipahayag ni Yahweh nga mamatay si Amazia sa yuta nga mahugaw, ang iyang asawa usa ka mananapaw, mangamatay ang iyang anak nga lalaki ug babaye, ug ang iyang yuta mabahinbahin.

Unsa man ang gipahayag ni Yahweh nga buhaton sa Israel?

Gipahayag ni Yahweh nga bihagon ang Israel gikan sa ilang Yuta.

Amos 8

Amos 8:1-3

Unsa man ang gipakita ni Yahweh kang Amos?

Gipakita ni Yahweh kang Amos ang basket nga puno ug mga prutas.

Unsa man ang gisulti ni Yahweh nga moabot sa iyang katawhan sa Israel?

Nag-ingon si Yahweh nga moabot ang katapusan sa iyang katawhan sa Israel.

Amos 8:4-6

Unsa man ang mga sala nga nabuhat sa mga Israelita?

Ang mga Israelita mitunobtunob sa mga timawa ug nagpalayas sa mga kabos sa ilahang yuta.

Nganong naghinamhinam man ang katawhan nga matapos na ang bag-ong bulan ug ang Adlaw sa Igpapahulay?

Naghinamhinam ang mga tawo tungod kay gusto na sila mobaligya na usab sa trigo ug limbongan ang kabos.

Amos 8:7-8

Unsa man ang gisulti ni Yahweh nga dili gayod niya buhaton sa katawhan?

Nag-ingon si Yahweh nga dili gayod niya kalimtan ang mga buhat sa mga katawhan.

Amos 8:9-10

Nianang adlawa, unsa man ang buhaton ni Yahweh sa adlaw?

Nianang adlawa, nag-ingon si Yahweh nga himuon niyang kaudtohon ang pagsalop sa adlaw

Unsa man ang isul-ob sa katawhan nianang adlawa?

Magbisti ug sako ang katawhan.

Amos 8:11-12

Unsa man nga kagutom ang gisulti ni Yahweh nga ipadangat sa yuta?

Nag-ingon si Yahweh nga magpadala siya sa kagutom nianang yuta sa pagpaminaw sa mga pulong ni Yahweh.

Amos 8:13-14

Nianang adlawa, kinsa man ang nakuyapan sa kauhaw?

Nianang adlawa, ang mga babayeng ulay ug ang mga batan-ong lalaki mangkuyapan gikan sa kauhaw.

Kinsa man ang gisulti ni Yahweh nga dili na gayod makabangon pa?

Kadtong nanumpa pinaagi sa pagpakasala sa Samaria dili na gayod makabangon pa.

Amos 9

Amos 9:1-2

Kinsa man ang makalingkawas sa paghukom sa Ginoo sa Israel?

Walay bisan usa kanila ang makaikyas sa paghukom sa Dios.

Amos 9:3-4

Unsa man ang himoon sa Ginoo niadtong mitago sa kahiladman sa dagat?

Maghatag ang Dios ug mando sa bitin aron paakon sila.

Alang sa unsa man ang tumong sa Dios nga kanunay niyang ipabilin ang iyang mga panan-aw sa Israel?

Ipabilin sa Dios ang iyang mga panan-aw sa Israel alang sa kadaot.

Amos 9:5-6

Unsa man ang himoon sa katawhan sa dihang hikapon ni Yahweh ang yuta aron matunaw kini?

Magbangotan ang katawhan sa dihang hikapon ni Yahweh ang yuta ug matunaw kini.

Amos 9:7-8

Asa man gikuha ni Yahweh ang Israel?

Gikuha ni Yahweh ang Israel gikan sa yuta sa Ehipto.

Asa man gidala ni Yahweh ang mga Filistihanaon?

Gidala ni Yahweh ang Filistihananon gikan sa Crete.

Miingon ba si Yahweh nga gub-on niya sa hingpit ang katawhan sa Israel?

Dili, miingon si Yahweh nga dili niya gub-on sa hingpit ang katawhan sa Israel.

Amos 9:9-10

Unsa man ang giingon sa mga makasasala sa Israel, kadtong gipatay ni Yahweh?

Miingon ang mga makasasala nga dili gayod modangat kanila ang katalagman.

Amos 9:11-12

Nianang adlawa, unsa man ang giingon ni Yahweh nga tukoron?

Nianang adlawa, miingon si Yahweh nga iyang tukuron ang tolda ni David nga nagun-ob.

Amos 9:13

Sa umaabot nga mga adlaw unsa man ang giingon ni Yahweh nga modagayday sa mga kabukiran ug sa mga kabungtoran?

Sa umaabot nga mga adlaw, modagayday sa kabukiran ug kabungtoran ang tam-is nga bino.

Amos 9:14-15

Unsa man ang gisaad ni Yahweh nga dad-on pagbalik ang Israel?

Nagsaad si Yahweh nga dad-on niya pagbalik ang Israel gikan sa pagkabinihag.

Human nga gidala pagbalik ni Yahweh ang Israel, unsa man kadugay nga magpabilin ang Israel sa yuta?

Human nga gidala ni Yahweh pagbalik ang Israel, magpabilin ang Israel sa yuta hangtod sa kahangtoran.