Nehemiah

Nehemiah 1

Nehemiah 1:1-2

Kinsa man ang nagsulat sa libro ni Nehemias?

Ang nagsulat sa libro ni Nehemias mao si Nehemias nga anak nga lalaki ni Hacalia

Kanus-a man gipangutana ni Nehemias si Hanani ug ang ubang katawhan sa Juda mahitungod sa Judio nga nakalingkawas, ug mga kaliwat sa Judio nga anaa didto, ug mahitungod sa Jerusalem?

Nangutana siya ngadto kanila sa bulan sa Kislev, sa ika-20 ka tuig.

Nehemiah 1:3

Unsa man ang gitubag ni Hanani ug ubang mga tawo sa Juda?

Mitubag siya nga kadtong nagpabilin sa probinsya anaa sa dakong kagubot ug kaulawan tungod kay ang pader sa Jerusalem ug ang ganghaan nahugno ug nasunog.

Nehemiah 1:4-5

Unsa man ang gihimo ni Nehemias sa dihang nadungog niya ang kahimtang sa Jerusalem?

Milingkod siya ug mihilak, ug sa pipila ka adlaw mipadayon sila sa pagsubo ug pagpuasa ug pag-ampo.

Unsa man ang hangyo ni Nehemias samtang nag-ampo siya atubangan sa Dios sa langit?

Mihangyo siya nga maminaw si Yahweh sa iyang pag-ampo; Nga ibutang ni Yahweh sa iyang hunahuna ang pulong nga iyang gimando kang Moises, nagsaad nga tigomon niya ang nagtibulaag nga mga Israelita kung mobalik sila kaniya ug mosunod ug himoon ang iyang mga sugo, ug si Yahweh maghatag kaniya ug kalamposan ug maghatag ug kaluoy kaniya.

Nehemiah 1:6-9

Unsa man ang gisugid ni Nehemias samtang siya nag-ampo sa Dios sa langit?

Gisugid ni Nehemias ang sala sa katawhan sa Israel ug ang iyang kaugalingon mga sala ug ang mga sala sa iyang pamilya. Miingon si Nehemias nga nagpakita sila ug pagkadaotan batok kang Yahweh ug wala nila tipigi ang mga sugo, balaod, ug ang mga tulumanon nga gimando ni Yahweh kang Moises.

Nehemiah 1:10-11

Kang kinsa man nag-alagad si Nehemias isip tigtagay ug bino?

Nag-alagad si Nehemias isip tigtagay ug bino sa hari.

Nehemiah 2

Nehemiah 2:1-2

Sa unsang bulana sa dihang nagsubo si Nehemias, nga naghatag ug bino ngadto sa hari?

Naghatag siya niini ngadto sa hari sa bulan sa Nisan, sa ika-20 ka tuig nga naghari si Artaxerxes.

Nehemiah 2:3

Nganong nasubo man si Nehemias?

Nasubo siya tungod kay ang siyudad nangalumpag ug ang mga ganghaan niini nangaguba.

Nehemiah 2:4-8

Sa dihang nangutana ang hari kung unsa ang gusto ni Nehemias nga iyang buhaton, unsa man ang gibuhat ni Nehemias?

Nag-ampo si Nehemias ngadto sa Dios sa langit.

Unsa man ang gusto ni Nehemias nga buhaton sa hari aron tugotan siya?

Gusto ni Nehemias nga tugotan siya sa hari nga moadto sa Juda aron itukod pagbalik sa siyudad.

Nehemiah 2:9-10

Sa dihang gipadal-an sa hari si Nehemias ug mga opisyal sa kasundalohan ug mga tigkabayo, ngano man nga wala mahimuot si Sanbalat ug si Tobias?

Wala sila nahimuot nga adunay tawo nga moabot aron sa pagtabang sa katawhan sa Israel.

Nehemiah 2:11-16

Sa dihang mibangon si Nehemias sa pagkagabii, si kinsa man ang iyang gisultihan kung unsa ang gibutang sa Dios sa iyang kasingkasing nga buhaton sa Jerusalem?

Walay bisan usa ang gisultihan ni Nehemias kung unsa ang gibutang sa iyang Dios sa iyang kasingkasing nga buhaton alang sa Jerusalem.

Nehemiah 2:17-18

Sa dihang gisultihan ni Nehemias ang mga tigdumala, mga Judio, mga pari, mga tinamod, ang mga nahibilin nga motrabaho nga anaa kaniya ang kamaayo sa iyang Dios ug ang mga pulong nga gisulti sa hari nganha kaniya, unsa man ang ilang giingon ug buhaton?

Miingon sila nga molihok na sila sa pagtukod, ug gilig-on nila ang ilang mga kamot alang sa maayong pagtrabaho.

Nehemiah 2:19-20

Giunsa man pagtubag ni Nehemias si Sanbalat, si Tobia, ug si Geshem sa dihang nadungog nila mahitungod sa pagtrabaho, ug unya gibiaybiay ug giyagayagaan ang mga trabahante?

Mitubag si Nehemias pinaagi sa pag-ingon nga hatagan sila ug kalamposan sa Dios, kay mga sulugoon man sila sa Dios, ug kana si Sanbalat, Tobia, ug Geshem walay makuha, walay katungod, ug walay kabahin sa Jerusalem.

Nehemiah 3

Nehemiah 3:1-2

Kinsa man ang nagtukod ug nagbalaan sa Ganghaan sa mga Karnero?

Si Eliashib kauban sa iyang kaigsoonang mga pari ang mitukod sa Ganghaan sa mga Karnero.

Nehemiah 3:3-5

Kinsa man ang nagtukod sa Ganghaan sa mga Isda?

Ang mga anak nga lalaki ni Hashenaa ang nagtukod sa ganghaan sa mga isda.

Kinsa man nga mga pangulo ang nagdumili sa pagbuhat sa buluhaton nga gisugo sa ilang mga tigmando?

Ang nagdumili sa pagbuhat sa buluhaton mao ang mga pangulo sa taga-Tekoa.

Nehemiah 3:6-7

Kinsa man ang nag-ayo sa Daang Ganghaan?

Giayo ni Joyada ug ni Meshulam ang Daang Ganghaan.

Nehemiah 3:8-10

Kinsa man ang nag-ayo sa Jerusalem hangtod sa Halapad nga Paril?

Giayo ni Uziel ug ni Hanania kana nga bahin sa Jerusalem.

Nehemiah 3:11-12

Kinsa man ang nag-ayo sa laing bahin paingon sa Tore sa mga Hudno?

Giayo ni Malchija ang anak nga lalaki ni Harim ug ni Hashub ang laing bahin hangtod sa Tore sa mga Hudno.

Kinsa man ang mitabang kang Shalum sa pag-ayo sa mga pader?

Mitabang kaniya ang iyang mga anak nga babaye.

Nehemiah 3:13

Kinsa man ang nag-ayo sa Ganghaan sa Walog hangtod sa Ganghaan sa mga Basura?

Si Hanun ug ang mga nagpuyo sa Zanoa ang nag-ayo sa Ganghaan sa Walog hangtod sa Ganghaan sa mga Basura.

Nehemiah 3:14-15

Kinsa man ang nag-ayo sa Ganghaan sa mga Basura?

Si Malkia ang anak nga lalaki ni Rechab ang nag-ayo sa Ganghaan sa mga Basura.

Kinsa man ang nag-ayo sa Ganghaan sa mga Tuboran ug sa pader sa Lanaw sa Siloam?

Giayo ni Shalum ang Ganghaan sa mga Tuboran ug ang pader sa Lanaw sa Siloam.

Nehemiah 3:16-19

Kinsa man ang nag-ayo sa dapit tabok gikan sa mga lubnganan ni David paingon sa balay sa mga bantogang tawo?

Si Nehemias ang anak nga lalaki ni Azbuk ang nag-ayo sa maong bahin.

Nehemiah 3:20-21

Kinsa man ang madasigon nga nag-ayo gikan sa eskina sa pultahan sa balay ni Eliashib ang labaw nga pari?

Si Baruk ang madasigon nga nag-ayo niini.

Nehemiah 3:22-27

Asang bahina sa pader ang giayo ni Benjamin ug ni Hashub?

Giayo nila ang atbang sa ilang kaugalingong balay.

Nehemiah 3:28-30

Kinsa man ang nag-ayo sa ibabaw nga bahin sa Ganghaan sa mga Kabayo?

Ang mga pari ang nag-ayo sa matag atbang sa ilang kaugalingon balay.

Nehemiah 3:31-32

Kinsa man ang nag-ayo sa pader nga tungatunga sa taas nga lawak sa eskina ug sa Ganghaan sa mga Karnero?

Ang mga platero ug mga negosyante nag-ayo niini nga bahin.

Nehemiah 4

Nehemiah 4:1-3

Kinsa man ang nagtamay sa mga Judio sa pagkadungog nila nga nagbuhat ug paril ang mga Judio sa Jerusalem?

Gitamay ni Sanbalat ug ni Tobia ang mga Judio.

Nehemiah 4:4-6

Nganong naghangyo man si Nehemias sa Dios nga dili tabonan ang mga kalapasan nila ni Sanbalat ug ni Tobia?

Naghangyo si Nehemias sa Dios nga dili tabonan ang ilang mga kalapasan tungod kay gitamay man nila ang mga Judio ug gipasuko nila pag-ayo ang mga trabahante.

Nehemiah 4:7-11

Sa dihang miadto si Sanbalat, si Tobia, ang taga-Arabia, ang taga-Amonihanon, ug ang mga taga-Asdod aron makig-away batok sa Jerusalem, unsa man ang gibuhat sa mga trabahante ug sa mga katawhan?

Nag-ampo sila sa ilang Dios ug nagbutang ug tigbantay isip tigpanalipod.

Nehemiah 4:12-14

Unsa man ang gibuhat ni Nehemias pagkahuman sa pagpasidaan kaniya sa mga Judio sa daotang mga giplano batok kanila?

Pagkahibalo ni Nehemiah sa mga daotang plano batok kanila, gipahimutang niya ang mga tawo sa ubos nga bahin sa paril nga wala pa nahuman. Gipabantay usab niya ang matag pamilya uban ang ilang mga hinagiban. Gisultihan ni Nehemias ang mga tawo nga dili sila angay mahadlok sa mga kaaway, hinumdomi nga gamhanan ug makalilisang ang Dios, ug makig-away alang sa ilang mga banay ug mga panimalay.

Nehemiah 4:15-18

Nganong nahibaloan man sa mga trabahante ang plano sa mga kaaway?

Nahibaloan nila ang plano tungod kay gipakyas man sa Dios ang ilang mga plano.

Unsa man ang gipabuhat ni Nehemiah sa iyang mga sulugoon?

Ang katunga sa mga sulugoon ni Nehemias nagtrabaho sa pagtukod sa paril ug ang katunga naggunit ug hinagiban ug nagsul-ob ug armadora.

Nehemiah 4:19-20

Nganong gisultihan man ni Nehemias ang katawhan nga moduol dayon sa dapit kung asa nila madungog ang tingog sa trumpeta ug magtigom didto?

Gisultihan ni Nehemias ang mga tawo tungod kay nagkabulag man sa paril ang mga trabahante, halayo sila sa usag-usa.

Nehemiah 4:21-23

Nganong wala man mipauli sa ilang ang mga balay aron matulog o sa mag-ilis sa ilang mga bisti?

Wala sila namauli sa ilang mga balay aron sa pagtulog o sa pag-ilis sa ilang mga bisti aron magpabilin sila pagkagabii sa tunga sa Jerusalem ingon nga mga magbalantay sa takna sa kagabhion ug mga trabahante sa adlaw.

Nehemiah 5

Nehemiah 5:6-8

Nganong mipatugbaw man sa ilang paghilak ang mga babaye ug mga lalaki batok sa ilang isigka mga Judio?

Mipatugbaw sila sa ilang paghilak tungod kay kinahanglan iprenda nila ang ilang mga kabtangan ug ibaligya ang ilang mga anak alang sa pagkaon, apan bisan pa man niana ang mga halangdon ug ang mga opisyal nagapatanto kanila.

Bisan pa man kung ginapalit pagbalik sa kalalakin-an ug kababayen-an gikan sa pagkaulipon ang ilang kaigsoonang mga Judio nga gibaligya ngadto sa mga nasod, unsa man ang gibuhat sa mga halangdon ug sa mga opisyal?

Ginabaligya nila ang ilang mga igsoong lalaki ug babaye, aron nga ibaligya sila pagbalik ngadto sa ubang mga lalaki ug mga babaye nga mga Judio.

Nehemiah 5:9-11

Nganong gimandoan man ni Nehemias ang mga halangdon, ang mga opisyal, ug ang mga pari nga ibalik ang mga butang nga ilang gipatantohan gikan sa katawhan?

Gimandoan sila ni Nehemias sa pagbuhat niana tungod kay dili maayo ang ilang ginabuhat, ug katugotan nila ang mga nasod nga ilang kaaway sa pagbiay-biay kanila.

Nehemiah 5:12-13

Unsa man ang tubag sa mga halangdon, sa mga opisyal, ug sa mga pari sa mando ni Nehemias?

Mitubag sila nga tumanon nila ang gimando ni Nehemias pinaagi sa pagsulti ug "Amen," ug gidayeg nila si Yahweh.

Nehemiah 5:14-15

Nganong wala man kuhaa ni Nehemias ug sa iyang mga kaigsoonan ang pagkaon nga giandam alang sa gobernador sulod sa dose ka tuig nga nahimo siyang gobernador sa Ehipto?

Wala niya kini buhata tungod kay ang mga gobernador kaniadto naghatag ug bug-at nga mga palas-anon sa katawhan, apan aduna siyay kahadlok sa Dios.

Nehemiah 5:16-17

Kinsa man ang nakigsalo sa kan-anan ni Nehemias?

Ang nakigsalo kang Nehemias mao ang mga Judio ug mga opisyal, ang 150 ka mga kalalakin-an, ug apil usab kadtong gikan sa mga nasod nga nakapalibot kanila nga miadto kang Nehemias.

Nehemiah 5:18-19

Nganong naghangyo man si Nehemias nga hinumdoman siya sa Dios?

Gihangyo ni Nehemias ang Dios sa pagbuhat niini tungod sa tanan nga iyang nabuhat alang sa katawhan.

Nehemiah 6

Nehemiah 6:1-2

Sa dihang gihangyo ni Sanbalat, ni Tobia ug ni Gershem si Nehemias nga makigtagbo kanila didto sa kapatagan sa Ono, unsa man ang ilang tinguha?

Nagtinguha sa pagdagmal kang Nehemias si Sanbalat, si Tobia, ug si Gershem.

Nehemiah 6:3-4

Giunsa man pagtubag ni Nehemias ang mga hangyo sa ilang mga kaaway?

Nagpadala si Nehemias ug mga mensahero ngadto kanila sa nag-ingon, "Nagbuhat ako ug dako nga buluhaton ug dili ako makalugsong. Nganong maundang man ang trabaho samtang biyaan ko kini ug molugsong diha kaninyo?"

Nehemiah 6:5-7

Unsa man ang gisulti ni Sanbalat sa iyang ikalima nga mensahe?

Miingon si Sanbalat nga gibalita sa tanang kanasoran nga nagplano sa pagpakigbatok si Nehemias ug ang mga Judio, ug madunggan gayod sa hari kini nga mga balita

Giunsa man ni Nehemias pagtubag ang ikalima nga mensahe ni Sanbalat?

Gitubag ni Nehemias si Sanbalat pinaagi sa pag-ingon nga tinumotumo lamang nimo diha sa imong kasingkasing ang maong mga balita

Nehemiah 6:8-9

Unsa man ang giampo ni Nehemias sa dihang nakaamgo siya nga mosulay sa pagpakgang sa trabaho ug sa paghadlok kanila si Sanbalat ug ang mga judio nga ilang mga kaaway?

Nag-ampo si Nehemias nga lig-onon sa Dios ang iyang mga kamot.

Nehemiah 6:10-11

Nganong mibalibad man si Nehemias sa pagpakigtagbo kang Semaya, nga anak nga lalaki ni Delaya, ang anak nga lalaki ni Mehetabel, didto sa templo?

Mibalibad si Nehemias tungod kay naghunahuna siya nga ang tawo nga sama kaniya dili kinahanglan nga modagan aron sa pagluwas sa iyang kaugalingong kinabuhi.

Nehemiah 6:12-14

Unsa man ang mahitabo kung moadto si Nehemias sa templo?

Makasala siya, ug unya daoton ni Sanbalat ug ni Tobia ang iyang ngalan aron maulawan siya.

Unsa man ang giampo ni Nehemias sa ikaduha nga higayon?

Nag-ampo siya nga hinumdoman sa Dios si Tobia, si Sanbalat, ug ang babaye nga propeta nga si Noadia, ug ang ubang mga propeta nga misulay sa paghadlok kaniya.

Nehemiah 6:15-19

Nganong nangahadlok man pag-ayo ang mga kaaway ni Nehemias ug nawad-an ug pagsalig sa ilang mga kaugalingon sa dihang nahuman ang pader?

Nangahadlok sila tungod kay nakahibalo sila nga nahuman ang trabaho uban sa panabang sa Dios sa mga Judio.

Nehemiah 7

Nehemiah 7:1-2

Kanus-a man gihatag ni Nehemias ngadto sa iyang igsoon nga si Hanani ang pagdumala sa Jerusalem?

Gihatag ni Nehemias ang pagdumala ngadto kang Hanani pagkahuman niya ug tukod sa mga pader, ug gibutang ang mga pultahan, ug nagtuboy ug mga magbalantay sa mga ganghaan, mga mag-aawit, ug mga Levita.

Nganong gipili man ni Nehemias si Hanani?

Gipili ni Nehemias si Hanani tungod kay matinud-anon siya nga tawo ug may kahadlok sa Dios labaw kaysa sa ubang mga tawo.

Nehemiah 7:3-4

Kanus-a man dapat abrihan ang mga ganghaan sa Jerusalem?

Abrihan ang mga ganghaan sa dihang moinit na ang adlaw.

Bisan tuod kung dako ug luag ang siyudad, adunay mga tawo ug mga balay niini?

Gamay lamang ang mga tawo niini ug walay mga balay.

Nehemiah 7:5-63

Unsa man ang gibutang sa Dios sa kasingkasing ni Nehemias nga pagabuhaton?

Gibutang sa Dios ngadto sa kasingkasing ni Nehemias ang paglista sa tanang mahinungdanong mga tawo, mga opisyales, ug ang mga tawo sumala sa ilang mga pamilya.

Nehemiah 7:64-65

Unsa man ang gibuhat ngadto sa mga pari nga wala makita ang listahan sa ilang mga kaliwatan ug unsa man ang wala gipabuhat sa gobernador kanila?

Ang mga pari nga wala makakita sa lista sa ilang mga katigulangan dili ilhon nga sakop sa mga pari ug gidid-an sa pagkaon sa mga bahin sa halad nga alang sa mga pari.

Kanus-a man mamahimong mahibalik ang mga pari sa ilang pagkapari?

Mahibalik sila kung aduna nay pari nga naggamit ug Urim ug Tumin nga makapamatuod.

Nehemiah 7:66-69

Pila man ka tawo ang naihap sa panagtigom?

Ang tibuok panagtigom sa katawhan mikabat ug 42, 360.

Nehemiah 7:70-72

Kinsa man ang mga mihatag ug mga gasa alang sa buluhaton?

Ang pipila ka mga pangulo sa kaliwatan sa matag pamilya ug ang tanang mga tawo maoy naghatag ug mga gasa.

Nehemiah 7:73

Kanus-a man nagpuyo sa ilang mga siyudad ang mga pari, mga Levita, mga magbalantay sa mga ganghaan, mga mag-aawit, mga sulugoon diha sa templo, ug ang mga katawhan?

Nagpuyo sila sa ilang mga siyudad sa ikapitong bulan.

Nehemiah 8

Nehemiah 8:1-3

Kinsa man ang nagtapok aron sa pagpaminaw sa libro sa balaod?

Nagtapok aron sa pagpaminaw ang mga kalakakin-an ug mga kababayen-an ug ang tanan nga nakasabot.

Nehemiah 8:4-5

Kinsa man ang nagbasa sa libro sa balaod sa Dios?

Ang nagbasa sa libro sa balaod sa Dios mao sila si Ezra ug ang uban nga anaa sa iyang kilid, ug ang mga Levita.

Nehemiah 8:6-8

Nganong kinahanglan man hubaron ug hatagan ug buot pasabot ni Ezra ug ang uban nga anaa sa iyang kilid, ug sa mga Levita ang libro sa balaod?

Kinahanglan nga ilang hubaron ug hatagan ug buot pasabot ang libro aron nga masabtan sa katawhan ang maong basahon.

Nehemiah 8:9-12

Nganong gimandoan man nila Nehemiah, Ezra, ug sa mga Levita ang tanang katawhan sa pagsaulog uban ang kalipay ug dili magbangotan o maghilak?

Gimandoan sila nga magsaulog imbes nga magbangotan o mohilak tungod kay balaan kadto nga adlaw alang kang Yahweh nga ilang Dios ug ang kalipay ni Yahweh mao ang ilang kusog.

Nehemiah 8:13-15

Unsa man nga mga panglantaw ang nabatonan sa mga katigulangan, mga pari, ug mga Levita sa dihang miadto silang tanan kang Ezra aron magtuon?

Nahibaloan nila nga gimandoan ni Yahweh ang katawhan sa Israel sa pagpuyo sa mga tolda sa panahon sa kasaulogan sa ikapito nga bulan.

Nehemiah 8:16-17

Asa man nagbuhat ug mga tolda ang katawhan aron sa pagsaulog sa kapistahan?

Nagbuhat ang katawhan ug mga tolda sa ilang mga atop, sa ilang mga hawanan, sa hawanan sa balay sa Dios, sa hawanang atubangan sa Ganghaan sa Tubig, ug sa plasa didto sa Ganghaan sa Efraim.

Kanus-a man ang ulahing higayon nga mituman ang katawhan sa Israel sa mga mando ni Yahweh aron sa pagsaulog sa kapistahan?

Sa mga adlaw ni Josue ang anak nga lalaki ni Nun, ang kaulahiang higayon nga nagsaulog sila sa kapistahan.

Nehemiah 8:18

Nganong nagtigom man ang tanang katawhan gikan sa unang adlaw sa ikapito nga bulan hangtod sa kataposang adlaw sa bulan?

Nagtigom ang tanang katawhan aron sa pagpaminaw sa libro sa balaod.

Nehemiah 9

Nehemiah 9:1-4

Sa kinatibuk-an, unsa man ang gibuhat sa katawhan sa Israel sa dihang nagtapok silang tanan sa ika 24 nga adlaw sa samang bulan?

Nagpuasa ang katawhan sa Israel, nagbisti ug sako, ug nagbutang ug abog sa ilang mga ulo. Gibulag sa mga kaliwat sa Israel ang ilang kaugalingon gikan sa tanang mga langyaw, ug mitindog sila ug gisugid ang ilang kaugalingong mga sala ug ang mga daotang binuhatan sa ilang mga katigulangan.

Nehemiah 9:5-6

Unsa man ang gisulti sa katawhan mahitungod kang Yahweh?

Miingon ang katawhan nga siya mao si Yahweh, nga nagbuhat sa kalangitan, sa kalibotan, sa kadagatan, ug sa tanan nga anaa kanila, ug ang naghatag kanila ug kinabuhi.

Nehemiah 9:7-8

Unsa pa man ang gisulti sa katawhan ngadto kang Yahweh mahitungod kang Abram?

Miingon ang katawhan nga gipili ni Yahweh si Abram, gibag-o ang iyang ngalan ngadto sa Abraham, nakaplagan nga matinud-anon ang iyang kasingkasing, ug nagbuhat ug panaad kaniya aron ihatag ang yuta sa iyang mga kaliwat.

Nehemiah 9:9-10

Giunsa man pagkasulti sa katawhan nga gitipigan ni Yahweh ang iyang saad ngadto kanila?

Giingnan ang katawhan kung giunsa ni Yahweh pagpagawas ang ilang mga katigulangan gikan sa Ehipto, nagpakita ug mga timailhan ug mga katingalahang butang batok sa Paraon ug sa iyang katawhan, ug giluwas ang ilang mga katigulangan didto sa Pula nga Dagat.

Nehemiah 9:11

Unsa man ang gisulti sa katawhan nga gibuhat ni Yahweh sa mga Israelita didto sa Pula nga Dagat?

Gitunga ni Yahweh ang dagat aron makatabok sila sa uga nga yuta, ug unya gibalik niya ang dagat alang niadtong naggukod kanila.

Nehemiah 9:12-13

Sa unsa man nga paagi sa ilang pagsulti nga giatiman ni Yahweh ang mga Israelita?

Gigiyahan sila ni Yahweh sa panahon sa adlaw pinaagi nga haligi nga panganod, ug sa haligi nga kalayo inig kagabii, ug gihatag kanila ang iyang mga mando didto sa Bukid sa Sinai.

Nehemiah 9:14-15

Unsa man ang gisulti sa katawhan nga gihatag ni Yahweh ngadto sa ilang mga katigulangan?

Gipaila ni Yahweh ang iyang balaang Igpapahulay kanila, gitagaan ug tinapay nga gikan sa langit, tubig nga gikan sa bato, ug giingnan nga panag-iyahon ang yuta nga iyang gisaad kanila.

Nehemiah 9:16-19

Sa unsa man nga paagi gitagad sa mga Israelita ug sa ilang mga katigulangan ang Dios?

Wala gayo'y pagtahod ang mga Israelita, gahi ug ulo, dili gusto maminaw, masinupakon, ug nagpili ug mga pangulo aron nga makabalik sa ilang pagkasulugoon.

Nganong wala man gibiyaan sa Dios ang mga Israelita bisan sa ilang pagkawalay pagtahod, pagkagahi sa ulo, pagkamasinupakon, ug pagkadili matinumanon?

Wala mibiya ang Dios ngadto sa mga Israelita tungod kay siya ang Dios nga puno sa pagpasaylo, puno sa grasya ug maluluy-on, dili daling masuko, ug puno sa tiunay nga gugma.

Nehemiah 9:20-22

Giunsa man pagsulti sa katawhan nga gihatag sa Dios ang ilang gikinihangalan ngadto sa ilang mga katigulangan sulod sa 40 ka tuig didto sa kamingawan?

Gihatag ni Yahweh ang iyang Espiritu aron sa pagmatuto kanila, pagkaon ug tubig; wala mangagisi ang ilang mga bisti, ug wala nanghubag ang ilang mga tiil.

Nehemiah 9:23-24

Unsa man ang gisulti sa katawhan nga nahitabo sa ilang katigulangan didto sa kamingawan?

Miingon ang katawhan nga gipadaghan ni Yahweh ang ilang mga pamilya, giingnan sila nga lakaw ug panag-iyahon ang yuta nga iyang gisaad ngadto kanila, ug buntogon ang mga Canaanhon.

Nehemiah 9:25

Giunsa man pagpuyo sa mga Israelita human nila maangkon ang yuta nga gisaad sa Dios kanila?

Gikuha sa mga Israelita ang yuta ug ang tanan nga anaa didto alang sa ilang kaugalingon ug nagtagbaw sa pagkamaayo sa Dios.

Nehemiah 9:26-35

Unsa man ang gisulti sa katawhan ngadto kang Yahweh nga iyang gibuhat sa ilang mga katigulangan human sila magpakasala ug nagmasinupakon batok kaniya?

Gitugyan sila ni Yahweh ngadto sa ilang mga kaaway, nga maoy nagpaantos kanila.

Tungod sa iyang dako nga grasya unsa man ang gibuhat sa Dios sa mga Israelita sa dihang nagtawag sila ngadto kang Yahweh?

Giluwas sila sa Dios sa makadaghan nga higayon gikan sa ilang mga kaaway.

Nehemiah 9:36-37

Nganong moadto man ngadto sa mga hari ang kaadunahan sa yuta sa mga Israelita?

Moadto gayod sa mga hari ang kaadunahan sa ilang yuta tungod kay nagpakasala man ang mga Israelita.

Nganong anaa man sa dakong kalisang ang mga Israelita?

Anaa sa dakong kalisang ang mga Israelita tungod kay gidumalahan sila sa mga hari uban ang ilang mga kahayopan sumala sa nahimut-an sa hari.

Nehemiah 9:38

Unsa man ang gibuhat sa mga Israelita sa dihang anaa sila sa dako nga kalisang?

Nagbuhat ug lig-on nga panaad ang mga Israelita ngadto kang Yahweh.

Kinsa man nga mga ngalan ang nasulat sa gisilyohan nga panaad?

Ang mga ngalan nga nasulat sa gisilyohan nga panaad mao ang mga ngalan sa mga prinsipe sa mga Israelita, mga Levita, ug mga pari."

Nehemiah 10

Nehemiah 10:28-29

Kinsa man ang misaad sa ilang mga kaugalingon ngadto sa balaod sa Dios nga gihatag kang Moises?

Misaad sa ilang mga kaugalingon ang nahibilin nga mga katawhan nga mga pari, mga Levita, mga tigbantay sa ganghaan, mga mag-aawit, mga sulugoon sa tempo, ug ang tanan nga nagbugkos sa ilang mga kaugalingon sa balaod sa Dios.

Nehemiah 10:30-31

Unsa man nga mga saad ang ilang gibuhat ngadto sa Dios?

Misaad sila nga dili nila ihatag ang ilang mga anak nga babaye o magkuha ug mga babaye alang sa ilang mga anak nga lalaki gikan sa katawhan nga wala nakighiusa kanila; dili sila mopalit ug bisan unsa sa Adlawng Igpapahulay o bisan unsa nga balaang adlaw ug papahulayon nila ang ilang kaumahan sa matag-ikapito nga tuig.

Nehemiah 10:32-33

Unsa man nga mga mando ang ilang gidawat?

Gidawat nila ang mga mando nga mohatag sila ug kwarta, tinapay, trigo, ug moandam sa tanan nga mga halad ug mga kasaulogan sa matagtuig alang sa pag-alagad sa balay sa Dios.

Nehemiah 10:34-36

Nganong nagripa man ang mga pari, ang mga Levita, ug ang katawhan alang sa halad nga kahoy?

Mao kini ang magpili kung kinsa nga pamilya ang magdala ug kahoy ngadto sa balay sa Dios sa piniling mga higayon sa matagtuig.

Unsa man ang ilang gisaad nga dad-on sa balay ni Yahweh?

Misaad sila nga dad-on ang unang mga bunga sa ilang mga abot, ang kamagulangan sa ilang mga anak nga lalaki ug mga kahayopan.

Nehemiah 10:37-38

Kinsa man ang mouban sa mga Levita sa dihang modawat na sila sa mga ikanapulo?

Ang usa ka pari, nga kaliwat ni Aaron, ang kinahanglan nga mouban sa mga Levita.

Nehemiah 10:39

Asa man dad-on sa katawhan sa Israel ug sa mga kaliwat ni Levi ang mga giamot nga mga abot?

Ilang dad-on ang mga giamot didto sa mga lawak nga tigomanan kung diin ang mga kahimanan sa balaang dapit gitipigan ug kung diin nagpuyo ang mga pari nga nag-alagad, ang mga tigbantay sa ganghaan, ug ang mga mag-aawit.

Nehemiah 11

Nehemiah 11:1-18

Kinsa man ang nagpuyo sa balaang siyudad sa Jerusalem?

Ang mga pangulo sa katawhan mao ang nagpuyo sa Jerusalem, ug ang nahibilin nga katawhan nagpili ug usa gikan sa napulo ka banay aron maoy mopuyo didto.

Nehemiah 11:19-36

Asa man nagpuyo ang nahibilin nga mga katawhan sa Israel, ang mga pari, ug ang mga levita?

Nagpuyo sila sa tanan nga mga lungsod sa Juda didto sa ilang kaugalingong napanunod ng kabtangan.

Nehemiah 12

Nehemiah 12:22-26

Sa unsa man nga libro gilista ang mga kaliwat ni Levi ug ang mga pangulo sa ilang pamilya?

Nalista sila sa libro sa mga kaliwatan hangtod sa kapanahonan ni Johanan.

Nehemiah 12:27-28

Nganong gipangita man sa katawhan ang mga Levita sa panahon sa pagpahinungod sa pader sa Jerusalem?

Gidala sa katawhan ang mga Levita didto sa Jerusalem aron saulogon ang pagpahinungod.

Nehemiah 12:29-30

Unsa man ang gibuhat sa mga pari ug sa mga Levita alang sa kasaulogan?

Giputli sa mga pari ug sa mga Levita ang ilang kaugalingon, ug unya giputli ang mga tawo, ang mga ganghaan, ug ang pader.

Nehemiah 12:31-39

Diin man miadto ang mga pangulo sa Juda sa adlaw sa pagsaulog?

Miadto ang mga pangulo sa ibabaw sa pader.

Unsa man ang buluhaton sa duha ka dagkong pundok sa mga mag-aawit nga gipili ni Nehemias?

Ang duha ka dagkong pundok sa mga mag-aawit mao ang tigpasalamat.

Diin man miadto ang unang mga mag-aawit?

Miadto ang usa ka mga mag-aawit sa tuong bahin sa pader padulong sa Ganghaan sa Hugaw sa Hayop.

Nehemiah 12:40-42

Kinsa man ang nangulo sa mga mag-aawit?

Nanganta ang mga mag-aawit nga gipangulohan ni Jezrahia.

Nehemiah 12:43

Nganong nagsadya ug naghatag man sila ug dakong mga halad nianang adlawa?

Naghatag sila ug dakong halad nianang adlawa, ug nagsadya, tungod kay gilipay sila sa Dios uban ang dakong pagsadya.

Nehemiah 12:44-45

Kinsa man ang gipili nga magdumala sa mga kaumahan nga duol sa mga lungsod?

Ang mga kalalakin-an nga napili nga magdumala sa mga lawak nga tipiganan kay napili nga magtrabaho sa mga kaumahan nga duol sa mga lungsod.

Nehemiah 12:46-47

Kanus-a man gihatag sa tibuok Israel ang matag adlaw nga mga bahin alang sa mga mag-aawit ug mga magbalantay sa mga ganghaan?

Sa kapanahonan ni Zerubabel ug ni Nehemias, gihatag sa tibuok Israel ang matag adlaw nga mga bahin alang sa mga mag-aawit ug magbalantay sa mga ganghaan.

Nehemiah 13

Nehemiah 13:1-3

Nganong kinahanglan man nga dili moadto sa panagtigom ang mga Ammonihanon ug Moabihanon hangtod sa kahangtoran?

Kinahanglan nga dili moadto ang mga Ammonihanon ug Moabihanon sa panagtigom sa Dios, hangtod sa kahangtoran, tungod kay wala sila miadto sa katawhan sa Israel uban ang tinapay ug tubig, apan gisuholan si Balaam aron sa pagtunglo sa Israel.

Nehemiah 13:4-5

Unsa man ang giandam ni Eliashib alang kang Tobia?

Giandam ni Eliashib ang dakong lawak nga tipiganan alang kang Tobia.

Nehemiah 13:6-7

Asa man miadto si Nehemias sa ika-32 nga tuig ni Artaxerxes?

Sa ika-32 nga tuig ni Artaxerxes, miadto si Nehemias sa hari.

Nehemiah 13:8-9

Unsa man ang gibuhat ni Nehemias sa dihang nasuko siya?

Tungod sa iyang kasuko, gipanglabay ni Nehemias ang tanang kagamitan sa balay ni Tobia pagawas sa lawak nga tipiganan.

Nehemiah 13:10-11

Nganong nagdali man sa paghawa ang mga Levita ug ang mga mang-aawit sa templo?

Tungod kay wala madawat sa mga Levita ang bahin nga alang unta kanila, mihawa gayod sila sa templo, uban ang mga mang-aawit.

Nehemiah 13:12-14

Kinsa man ang giila nga kasaligan?

Giila nga kasaligan, sila Shelemaya nga pari, si Zadok nga escriba, si Pedaya, ug si Hanan.

Nehemiah 13:15

Kanus-a man nagpuga ug ubas ang katawhan sa Juda?

Nagpuga ug ubas ang katawhan sa Juda sa Adlawng Igpapahulay.

Nehemiah 13:16-18

Unsa man ang gibuhat sa mga kalalakin-an sa Tiro sa Adlawng Igpapahulay?

Nagdala ang mga kalalakin-an sa Tiro ug mga isda ug uban pang maayuhon, ug gibaligya kini sa katawhan sa Juda ug sa ilang siyudad panahon sa Adlawng Igpapahulay.

Nehemiah 13:19-20

Giunsa man pagpugong ni Nehemias ang mga katawhan sa pag-adto sa Jerusalem sa Adlawng Igpapahulay?

Sa pagkagabii, didto sa ganghaan sa Jerusalem sa wala pa ang Adlaw sa Igpapahulay, nagmando si Nehemias nga sirad-an ang mga pultahan ug dili nila kini ablihan hangtod mahuman ang adlawng Igpapahulay. Iyang gipahimutang ang iyang mga sulugoon sa mga ganghaan aron nga walay makasulod nga baligya sa Adlawng Igpapahulay.

Nehemiah 13:21-22

Kinsa man ang niabot aron sa pagbantay sa ganghaan, ug aron sa pagbalaan sa Adlawng Igpapahulay?

Miabot ang mga Levita ug gibantayan ang mga ganghaan, aron sa pagbalaan sa Adlawng Igpapahulay.

Nehemiah 13:23-24

Unsa man ang mga pinulongan nga ginasulti sa katunga sa ilang mga kabataan?

Katunga sa mga kabataan ang makasulti sa pinulongan sa Ashdod, apan dili sila makasulti sa pinulongan sa Juda, apan kadto lamang usa sa mga pinulongan sa laing mga banay.

Nehemiah 13:25-29

Giunsa man pag-istorya ni Nehemias ang mga Judio nga nakigminyo sa mga babaye nga taga Ashdod, Amon, ug Moab?

Gisukmatan ug gitunglo sila ni Nehemias, ug gipangdapatan sila, ug gipanglabnot ang ilang mga buhok.

Nehemiah 13:30-31

Unsa man ang gusto ni Nehemias nga hinumduman sa Dios?

Gusto ni Nehemias nga hinumduman siya sa Dios hangtod sa kahangtoran.