Malachi

Malachi 1

Malachi 1:1-3

Pinaagi kang kinsa man miabot ang pulong ni Yahweh alang sa Israel?

Miabot ang pulong ni Yahweh pinaagi kang Malaquias.

Kinsa man ang gihigugma ni Yahweh, ug kinsa man ang iyang gikasilagan?

Gihigugma ni Yahweh ang Israel, nga si Jacob, ug gikasilagan niya si Esau.

Malachi 1:4-5

Unsaon man pagtubag sa Israel sa dihang gun-obon ni Yahweh ang nangaguba sa Edom nga gitukod pag-usab?

Motubag si Israel pinaagi sa pagsulti nga, "Gamhanan si Yahweh lampas pa sa mga utlanan sa Israel".

Malachi 1:6-7

Ingon nga amahan ug agalon sa Israel, unsa man ang gipangutana ni Yahweh ngadto sa mga pari?

Gipangutana ni Yahweh ang mga pari kung asa ang pagpasidungog ug pagtahod alang sa iyang ngalan, ug nganong gipasipalahan nila ang iyang ngalan ug ang iyang lamesa.

Malachi 1:8-9

Giunsa man pagtubag ni Yahweh sa mga halad nga buta, piang, ug masakiton nga mga mananap?

Wala dawata ni Yahweh ang mga halad nga buta, piang, ug masakiton, ni nagpakita ug pabor o kalooy ngadto sa Israel alang kanila, ni midawat sa gihaladsa Israel.

Malachi 1:10-12

Ngano man nga gusto ni Yahweh pasirad-an ang mga pultahan sa templo sa usa sa mga Israelita aron dili na makahaling ug kalayo diha sa iyang halaran sa walay kapuslanan?

Tungod kay mabantog ang ngalan ni Yahweh sa mga kanasoran, ug ang matag dapit sa mga nasod magahalad ug putli nga mga halad dili sama sa mga halad nga gikan sa mga kamot sa mga Israeilta.

Malachi 1:13-14

Giunsa man pag-isip sa mga pari ang pag-alagad kang Yahweh?

Giisip nila kini nga kapoy, ug wala sila magtahod niini pinaagi sa pagpanghupaw.

Nganong gitunglo man sa Ginoo ang malimbongon nga misaad sa paghalad sa laki nga mananap diha sa iyang kahayopan ug mihatag hinuon sa masakiton nga mananap?

Tungod kay bantogan nga Hari si Yahweh, ug gikahadlokan ang iyang ngalan sa mga kanasoran.

Malachi 2

Malachi 2:3-4

Sa unsa man nga paagi nga makahibalo ang mga pari nga gimandoan sila ni Yahweh nga ibutang ang ilang kasingkasing sa paghatag ug himaya sa iyang ngalan?

Makahibalo sila pinaagi sa pagtunglo ni Yahweh sa ilang mga panalangin, ug pinaagi sa pagpahid sa hugaw sa ilang mga nawong.

Malachi 2:5-7

Nganong gipasidunggan man ni Levi si Yahweh, ug mibarog nga adunay kahadlok sa ngalan ni Yahweh, ug ang matuod nga pagtudlo nga anaa sa iyang baba , ug nagkinabuhi siya uban kang Yahweh diha sa kalinaw ug pagkamatarong, ug gitabangan niya ang kadaghanan nga mobiya sa sala?

Tungod kay kinahanglan nga panalipdan sa pari ang kahibalo ingon nga mensahero ni Yahweh.

Malachi 2:8-9

Giunsa man paglapas sa mga pari ang kasabotan ni Levi ug sa wala pagtipig sa mga pamaagi ni Yahweh?

Gilapas kini sa mga pari pinaagi sa dili hingpit nga pagtuman sa pahimangno.

Malachi 2:10-13

Kinsa man ang hinginlan ni Yahweh gikan sa mga tolda ni Jacob?

Pagahinginlan ni Yahweh si bisan kinsa nga tawo nga nagapanglimbong sa iyang igsoon o kadtong nakigminyo sa anak nga babaye sa langyaw nga dios, ug unya nagdala ug halad ngadto kang Yahweh.

Malachi 2:14-16

Nganong wala man dawata ni Yahweh ang mga halad sa Israel?

Tungod kay wala nagmatinud-anon ang Israel sa iyang asawa sa pagkabatan-on.

Nganong gimandoan man ni Yahweh ang mga Israelita sa pagbantay sa ilang kaugalingon diha sa ilang espiritu ug dili pakawad-on ang pagtuo?

Tungod kay gihimo ni Yahweh ang Israel ug ang iyang asawa nga usa aron makabaton ug diosnon nga mga kaliwat, ug tungod kay gikasilagan ni Yahweh ang panagbulag ug kadtong nagatabon sa iyang bisti uban sa pagpanlupig.

Malachi 2:17

Giunsa man sa pagpakapoy sa mga Israelita si Yahweh pinaagi sa ilang mga pulong?

Gipakapoy nila si Yahweh pinaagi sa ilang mga pulong sa pagsulti nga ang nagabuhat ug daotan maayo sa panan-aw ni Yahweh ug nalipay siya kanila, ug pinaagi sa pagpangutana nga asa man ang Dios sa hutisya?

Malachi 3

Malachi 3:1-3

Unsa man ang mahitabo human nga gipadala ni Yahweh ang iyang mensahero sa pakigsaad nga mo-andam sa iyang dalan?

Ang Ginoo nga gipangita sa Israel, kalit nga motungha diha sa iyang templo.

Kanus-a man mahimong makapahimuot ngadto kang Yahweh ang halad sa Juda ug sa Jerusalem?

Makapahimuot kini human sa pagputli sa mga anak nga lalaki ni Levi, sa dihang putli-on sila sama sa bulawan ug plata.

Malachi 3:4-5

Human nga makapahimuot na ang mga halad sa Juda ug Jerusalem ngadto kang Yahweh pinaagi sa pagputli sa mga anak nga lalaki ni Levi, unsa man ang buhaton ni Yahweh?

Mopaduol siya ngadto sa Israel alang sa paghukom ug mahimong saksi batok niadtong wala motahod kaniya.

Malachi 3:6-7

Bisan pa kung gisalikway sa katawhan ni Jacob ang kasugoan ni Yahweh, nganong wala man sila malaglag?

Wala sila malaglag tungod kay si Yahweh walay pagkausab.

Giunsa man pagsalikway sa Israel si Yahweh?

Gisalikway nila si Yahweh pinaagi sa wala pagtipig sa iyang mga kasugoan.

Malachi 3:8-9

Giunsa man pagpangawat sa Israel ngadto sa Dios?

Nangawat sila sa Dios diha sa ikapulo ug sa mga halad.

Malachi 3:10-12

Unsa man ang gisaad ni Yahweh nga mahitabo kung dad-on sa Israel ang tibuok nga ikapulo ngadto sa balay nga tipiganan?

Nagsaad si Yahweh nga hinginlan niya kadtong nagadaot kaninyo, ug pagatawgon kamo sa tanang mga kanasoran nga bulahan.

Malachi 3:13-16

Giunsa man pagsulti sa mga Israelita batok kang Yahweh?

Misulti sila nga walay kapuslanan ang pag-alagad sa Dios tungod kay nagmalamboon ang mapahitas-on ug ang nagabuhat ug daotan bisan pa sa dihang gisulayan nila siya.

Malachi 3:17-18

Kinsa man ang gisulti ni Yahweh nga nasakop ngadto kaniya ug maluwas?

Misulti si Yahweh nga kadtong adunay kahadlok ug pagtahod sa iyang ngalan masakop ngadto kaniya ug maluwas.

Sa adlaw nga mohukom na si Yahweh, unsa man ang mahitabo?

Mailhan pag-usab ang mga Israelita taliwala sa matarong ug sa daotan, ug taliwala sa nagasimba sa Dios ug sa wala nagasimba kaniya.

Malachi 4

Malachi 4:1-3

Sa moabot nga adlaw nga nagdilaab sama sa kalayo, unsa man ang mahitabo sa mapahitas-on ug sa mga nagabuhat ug daotan?

Mahimong dagami nga pagasunogon ang mapahitas-on ug ang mga nagabuhat ug daotan.

Alang kang kinsa man mosubang ang adlaw sa pagkamatarong?

Mosubang ang adlaw sa pagkamatarong alang niadtong adunay kahadlok sa ngalan ni Yahweh.

Unsa man ang buhaton niadtong adunay kahadlok sa ngalan ni Yahweh sa adlaw nga mamuhat na si Yahweh?

Manggawas sila nga manglukso sama sa nati nga mga baka gikan sa puy-anan sa mananap ug tamaktamakan ang daotan.

Malachi 4:4-6

Unsa man ang gimando ni Yahweh nga buhaton sa tanang Israel?

Gimandoan niya sila sa pagtuman sa balaod sa iyang sulugoon nga si Moises.

Unsa man ang buhaton ni Yahweh sa dili pa moabot ang adlaw ni Yahweh?

Ipadala niya si Elias aron sa pagtandog sa kasingkasing sa mga amahan ngadto sa ilang mga anak, ug sa kasingkasing sa mga anak ngadto sa ilang mga amahan, aron nga dili na tunglohon ni Yahweh ang yuta.