2 Chronicles

2 Chronicles 1

2 Chronicles 1:1

Nganong gipalig-on man ni Solomon, nga anak nga lalaki ni David, ang iyang pagdumala?

Gipalig-on ni Solomon ang iyang pagdumala tungod kay nag-uban si Yahweh kaniya ug naghimo kaniya nga gamhanan.

2 Chronicles 1:2-5

Unsa man ang mga butang nga anaa alang sa pagsimba sa pag-adto ni Solomon sa taas nga dapit nga anaa sa Gibeon?

Adunay tolda nga tagboanan o tabernakulo nga gibuhat ni Moises sa kamingawan, ug ang tumbaga nga halaran nga gibuhat ni Bezalel, apan gidala ang arka sa Dios gikan sa Kiriat Jearim ngadto sa tolda sa Jerusalem.

2 Chronicles 1:6-7

Unsa man ang gibuhat ni Solomon sa wala pa nangutana si Yahweh kaniya, "Unsa man ang ihatag ko kanimo"?

Nagsimba si Solomon kang Yahweh didto sa tumbaga nga halaran pinaagi sa paghalad ug usa ka libo nga mga halad nga sinunog.

2 Chronicles 1:8-11

Nganong naghangyo man si Solomon ngadto kang Yahweh nga hatagan siya sa kaalam ug kahibalo?

Naghangyo si Solomon kang Yahweh nga hatagan siya sa kaalam ug kahibalo aron nga makahimo siya sa pagdumala sa daghang katawhan sa Israel.

Nganong gihatagan man sa Dios si Solomon sa kaalam ug kahibalo?

Gihatagan sa Dios si Solomon sa kaalam ug kahibalo tungod kay wala man siya nangayo alang sa mga bahandi, kabtangan, dungog, ug kamatayon niadtong nasuko kaniya ni taas nga kinabuhi alang sa iyang kaugalingon, apan alang sa tabang sa Dios sa pagdumala sa iyang katawhan.

2 Chronicles 1:12-13

Unsa pa man ang gihatag sa Dios kang Solomon uban sa kaalam ug kahibalo?

Gihatag sa Dios kang Solomon ang wala niya gipangayo: bahandi, kabtangan, ug dungog labaw sa bisan kinsang mga hari kaniadto.

2 Chronicles 1:14-17

Sa unsa man nga mga paagi nga nakita sa tanan ang mga kabtangan ni Solomon?

Adunay 1,400 ka mga karwahe si Solomon ug 12,000 ka mga tigkabayo, plata ug bulawan ingon sa kasagarang mga bato, ug sedro nga kahoy ingon nga sikomoro nga kahoy nga kasagarang anaa sa kapatagan.

2 Chronicles 2

2 Chronicles 2:1-3

Nganong naghangyo man si Solomon kang Hiram nga padad-an siya ug sedro nga mga troso sama sa gibuhat niya sa iyang amahan nga si David?

Naghangyo si Solomon kang Hiram nga padad-an siya ug sedro nga mga troso aron makahimo siya sa pagtukod sa balay alang sa pangalan ni Yahweh ug palasyo alang sa iyang gingharian.

2 Chronicles 2:4-5

Nganong nagplano man si Solomon sa pagtukod ug dakong balay alang sa ngalan ni Yahweh?

Nagplano si Solomon sa pagtukod ug dako nga balay alang sa ngalan ni Yahweh tungod kay ang iyang Dios mas dako kaysa tanang mga dios.

2 Chronicles 2:6-7

Kinsa man ang gikinahanglan ni Solomon kung magtukod siya ug balay alang sa ngalan ni Yahweh nga nagpaila sa pagkabantogan ni Yahweh?

Nagkinahanglan si Solomon sa tawo nga hanas sa pagtrabaho sa bulawan, plata, tumbaga, puthaw, ug tapul, pula, asul nga panapton ug makahimo sa tanang matang sa pagkulit sa kahoy.

2 Chronicles 2:8-10

Nganong gusto man ni Solomon nga padad-an siya ni Hiram ug sedro, sipres, ug algum nga mga kahoy gikan sa Lebanon?

Gusto ni Solomon nga padad-an siya ni Hiram niining mga kahoy aron ang balay nga iyang pagatukoron alang sa ngalan ni Yahweh mahimong bantogan ug kahibulongan.

2 Chronicles 2:11-12

Sumala kang Hiram, nganong gihimo man ni Yahweh si Solomon nga hari labaw sa katawhan sa Israel?

Sumala kang Hiram, gihimo ni Yahweh si Solomon nga hari tungod kay gihigugma ni Yahweh ang iyang katawhan ug gigasahan si Solomon sa kaalam ug panabot.

2 Chronicles 2:13-14

Nganong gipadala man ni Hiram si Huram ngadto kang Solomon?

Gipadala ni Hiram si Huram tungod kay hanas man siya sa pagtrabaho sa bulawan, plata, tumbaga, puthaw, bato, ug sa kahoy, ug sa tapul, asul, dagtom pula nga panapton, ug pino nga lino lakip na ang pagbuhat sa bisan unsang matang sa mga pagkulit.

2 Chronicles 2:15-18

Giunsa man pagdala sa kahoy nga gikan sa Lebanon ngadto sa Israel?

Dad-on ang mga kahoy nga gikan sa Lebanon ngadto sa Israel ingon nga gakit subay sa dagat ngadto sa Jopa ug unya pagadad-on kini sa Jerusalem.

2 Chronicles 3

2 Chronicles 3:1-3

Nganong nagsugod man sa pagtukod si Solomon ug balay ni Yahweh didto sa giokanan ni Arauna nga Jebusnon sa Bukid sa Moria?

Gisugdan ug tukod ni Solomon ang balay ni Yahweh didto tungod kay mao kadto ang dapit nga nagpakita si Yahweh kang David nga iyang amahan.

Unsa man ang mga sukod sa patukoranan nga gipahimutang ni Solomon alang sa balay ni Dios?

Ang mga sukod sa patukoranan alang sa balay sa Dios anaa sa 60 ka cubit ang gitas-on, ug 20 ka cubit ang gilapdon, ginamit ang karaang estilo nga cubit.

2 Chronicles 3:4-7

Unsa man ang gitas-on sa portiko nga anaa sa atubangan sa balay?

20 ka cubit ang gitas-on sa portiko.

2 Chronicles 3:8-12

Unsa man ang gigamit sa pagsapaw sa labing balaang dapit?

Gisapawan ang labing balaang dapit ug lunsay nga bulawan.

2 Chronicles 3:13-17

Unsa man ang gibutang ni Solomon sa ibabaw sa duha ka haligi atubangan sa balay sa Dios?

Gisumpay ni Solomon ang 100 ka pormang prutas nga granada sa mga kadena nga gibutang niya sa ibabaw sa mga haligi.

2 Chronicles 4

2 Chronicles 4:1-3

Unsa man ang mga sukod sa tumbaga nga halaran?

Nagsukod ug 20 ka cubit ang katas-on sa tumbaga nga halaran, 20 ka cubit ang gilapdon, ug 10 ka cubit ang gihabogon.

Unsa man kadako ang lingin nga tangke nga tinunaw gikan sa puthaw?

Ang gidak-on sa lingin nga tangke adunay 10 ka cubit gikan sa baba sa tangke ngadto sa pikas bahin. Ang gihabogon niini adunay 5 ka cubit ug 30 ka cubit ang gilinginon.

2 Chronicles 4:4-6

Unsa man ang gamit sa tangke nga gitukod ni Solomon alang sa templo?

Ang tangke mao ang hugasanan alang sa mga pari.

2 Chronicles 4:7-10

Giunsa man pagkahibalo ni Solomon kung unsaon pagbuhat ang napulo ka tungtonganan sa suga nga bulawan?

Gibuhat ni Solomon ang napulo ka tungtonganan sa suga nga bulawan sumala sa mga gitudlo alang sa disenyo niini.

2 Chronicles 4:11-13

Unsa man ang trabaho nga nahuman ni Huram alang kang Haring Solomon sa balay sa Dios?

Nahuman ug trabaho ni Huram ang duha ka mga haligi, ang mga panaksan, ang duha ka paris nga linala, ug ang 400 ka pormang prutas nga granada.

2 Chronicles 4:14-16

Unsa man ang gibuhat ni Huram gikan sa gipasinaw nga tumbaga alang kang Haring Solomon alang sa balay ni Yahweh?

Nagbuhat si Huram ug mga tungtonganan ug mga palanggana, usa ka tangke ug ang dose ka torong baka nga anaa sa ilalom niini, ug daghang mga sudlanan.

2 Chronicles 4:17-18

Unsa man ang kabug-at ang tumbaga alang sa tanang mga sudlanan nga gibuhat ni Solomon?

Wala nahibaloan ang kabug-at sa tumbaga sa tanang mga sudlanan nga gibuhat ni Solomon.

2 Chronicles 4:19-22

Gikan sa unsa man hinimo ang mga tungtonganan sa suga uban sa mga suga niini nga gibuhat aron sa pagsunog didto sa kinasuloran nga lawak?

Ang mga tungtonganan ug suga uban sa mga suga niini hinimo gikan sa lunsay nga bulawan.

2 Chronicles 5

2 Chronicles 5:1

Asa man gibutang ni Solomon ang mga butang nga gihalad ni David ngadto sa Dios?

Gibutang ni Solomon ang tanang mga butang lakip ang plata, bulawan, ug ang tanang mga gamit,sa mga lawak nga tipiganan didto sa balay sa Dios.

2 Chronicles 5:2-3

Unsa man ang sunod nga gibuhat ni Solomon?

Gitigom ni Solomon ang mga pangulo sa Israel aron sa pagdala sa sudlanan sa kasabotan ni Yahweh gikan sa siyudad ni David.

2 Chronicles 5:4-6

Unsa man ang gihimo ni Haring Solomon ug sa tibuok tigom sa mga Israelita sa dihang gipas-an sa mga Levita ang sudlanan sa kasabotan?

Nag-uban pag-adto si Haring Solomon ug ang tibuok tigom sa mga Israelita sa paghalad ug daghan nga mga karnero ug mga torong baka.

2 Chronicles 5:7-8

Asa man gibutang sa mga pari ang sudlanan sa kasabotan ni Yahweh?

Gibutang sa mga pari ang sudlanan sa kasabotan ni Yahweh didto sa labing balaan nga dapit ilalom sa mga pako sa kerubim.

2 Chronicles 5:9-10

Unsa man nga mga butang ang gisulod sa sudlanan sa kasabotan?

Walay lain nga gisulod sa sudlanan sa kasabutan gawas sa duha ka papan nga gibutang ni Moises didto sa Horeb.

2 Chronicles 5:11-14

Unsa man ang gibuhat sa mga Levita human migawas ang mga pari gikan sa balaang dapit?

Nagtindog ang mga Levita nga nagbisti ug pinong lino, sa sidlakang bahin sa tumoy sa halaran nga nagtugtog sa mga piyangpiyang, mga alpa, ug mga lira.

Giunsa man pagdayeg sa mga tigpatingog ug trumpeta ug mga mag-aawit si Yahweh?

Naghimo ang mga tigpatingog ug tumpeta ug ang mga mag-aawit ug usa ka lanog, ug nag-awit,"Kay maayo siya, tungod kay ang iyang maunongong kasabotan molungtad hangtod sa kahangtoran."

Nganong dili man makabarog ang mga pari aron sa pag-alagad?

Dili makabarog ang mga pari tungod kay ang panganod nga mao ang himaya ni Yahweh milukop sa iyang balay.

2 Chronicles 6

2 Chronicles 6:1-3

Giunsa man pagpalambo ni Solomon ang dapit nga puy-an ni Yahweh?

Miingon si Yahweh nga mopuyo siya sa baga nga kangitngit, apan gipatukoran siya ni Solomon ug dungganon nga pinuy-anan nga puy-an niya hangtod sa kahangtoran.

2 Chronicles 6:4-6

Asa man ang nadisisyonan ni Yahweh nga puy-an ug kinsa man ang gipili niya nga magdumala sa Israel?

Walay gipili nga siyudad si Yahweh aron tukoran sa iyang balay ni bisan kinsa nga tawo aron mahimong prinsipe sa Israel, apan gipili niya ang Jerusalem ingon nga siyudad ug si David aron magdumala sa Israel.

2 Chronicles 6:7-9

Unsa man ang giingon ni Yahweh kang David nga nagpugong kaniya sa pagbuhat sa tinguha sa iyang kasingkasing?

Gisultihan ni Yahweh si David nga, "Anaa sa imong kasingkasing ang pagtukod ug balay alang sa akong ngalan, apan ang imong anak maoy magtukod niini."

2 Chronicles 6:10-11

Giunsa man pagtuman ni Yahweh ang pulong nga iyang gisulti?

Gituman ni Yahweh ang pulong nga giingon niya pinaagi sa pagpalingkod kang Solomon sa trono ni David, sa pagtukod ug balay alang sa ngalan ni Yahweh, ug sa pagbutang sa sudlanan sa kasabotan sulod niini.

2 Chronicles 6:12-13

Giunsa man pagtindog ni Solomon sa atubangan sa halaran ni Yahweh?

Nagtindog si Solomon ngadto sa usa ka tumbaga nga entablado, miluhod atubangan sa tibuok panagtigom sa Israel, ug mibayaw sa iyang mga kamot ngadto sa kalangitan.

2 Chronicles 6:14-15

Unsa man ang himoon ni Yahweh alang sa mga sulugoon nga naglakaw diha sa iyang atubangan sa bug-os nilang kasingkasing?

Tipigan ni Yahweh ang kasabotan ug ang matinud-anong kasabotan uban sa iyang mga sulugoon nga naglakaw sa iyang atubangan sa bug-os nilang kasingkasing.

2 Chronicles 6:16-17

Unsa man ang gisaad ni Yahweh sa iyang alagad nga si David?

Gisultihan ni Yahweh si David nga dili siya mapakyas sa pagbaton ug tawo gikan sa iyang tribo nga molingkod sa trono sa Israel kung magmainampingon ang iyang mga kaliwat sa paglakaw diha sa mga balaod ni Yahweh.

2 Chronicles 6:18-20

Unsa man ang yanong hangyo ni Solomon kang Yahweh?

Mihangyo si Solomon nga paminawon ni Yahweh ang iyang paghilak ug pag-ampo aron motan-aw siya sa templo sa adlaw ug gabii.

2 Chronicles 6:21

Unsa man ang gusto ni Solomon nga buhaton ni Yahweh, ang Dios sa Israel, human niya madungog ang mga hangyo ni Solomon ug sa katawhan sa Israel?

Buot ni Solomon nga mopasaylo si Yahweh.

2 Chronicles 6:22-23

Unsaon man pagpahayag nga walay sala ang matarong nga tawo kung gipasanginlan siya nga nakasala batok sa iyang silingan?

Mapahayag nga walay sala ang matarong nga tawo pinaagi sa pagpanumpa sa atubangan sa halaran sa balay ni Yahweh.

2 Chronicles 6:24-25

Unsa man ang kinahanglan buhaton sa katawhan sa Israel kung napildi sila sa kaaway tungod kay nakasala sila kang Yahweh?

Kinahanglan mobalik ang katawhan sa Israel ngadto kang Yahweh pinaagi sa pagsugid sa iyang ngalan, sa pag-ampo, ug sa pagpangayo ug kapasayloan diha sa iyang atubangan sulod sa templo.

2 Chronicles 6:26-27

Unsa man ang buhaton sa katawhan sa Israel kung masirado ang kalangitan ug walay ulan tungod kay nakasala sila kang Yahweh?

Kinahanglan nga mag-ampo ang katawhan sa Israel didto sa templo, mosugid sa ngalan ni Yahweh, ug mobiya sa ilang sala aron moulan ngadto sa ilang yuta.

2 Chronicles 6:28-31

Unsa man ang mga kahimtang sa katawhan sa Israel nga gikinahanglan paminawon ni Yahweh ang ilang mga pag-ampo ug pasayloon sila sa ilang mga sala?

Gikinahanglan sa katawhan sa Israel nga paminawon ni Yahweh ang ilang mga pag-ampo sa dihang adunay kagutom, balatian, pagkalawos sa tanom o pagkadaot, mga dulon o ulod, sa dihang sulongon sa mga kaaway ang mga ganghaan sa siyudad, o kung adunay hampak o mga sakit.

2 Chronicles 6:32-35

Nganong kinahanglan man buhaton ni Yahweh ang hangyo sa langyaw kaniya kung moabot kini ug mag-ampo ngadto sa balay ni Yahweh?

Kinahanglan buhaton ni Yahweh ang gihangyo sa langyaw kaniya aron masayod ang tanang pundok sa katawhan sa kalibotan sa ngalan ni Yahweh, mahadlok kaniya, ug masayod sa balay nga gitawag pinaagi sa iyang ngalan.

2 Chronicles 6:36-42

Unsa man ang gihangyo ni Solomon ngadto kang Yahweh?

Mihangyo si Solomon nga maminaw si Yahweh sa mga pagsugid sa katawhan sa Israel ug pasayloon sila sa ilang mga sala human sila nakasala, ug gibihag ngadto sa yuta sa ilang kaaway, ug naghinulsol sa ilang mga sala.

Unsa man ang gusto ni Solomon nga buhaton ni Yahweh?

Gusto ni Solomon nga maminaw si Yahweh sa mga pag-ampo sa katawhan, sul-oban ang iyang mga pari sa kaluwasan, ug tugotan ang iyang mga balaan nga magmaya diha sa iyang pagkamaayo.

2 Chronicles 7

2 Chronicles 7:1-3

Unsa man ang nahitabo sa dihang nahuman ug ampo si Solomon ngadto kang Yahweh?

Sa dihang nahuman ug ampo si Solomon, mikunsad ang kalayo gikan sa langit aron mosunog ang mga halad sinunog ug ang mga halad, ug napuno ang balay sa himaya ni Yahweh.

Unsa man ang gibuhat sa katawhan sa Israel sa dihang mikunsad ang kalayo ug napuno ang balay sa himaya ni Yahweh?

Mihapa sila nga misangko ang ilang nawong sa agianang bato, misimba, ug nagpasalamat kang Yahweh.

2 Chronicles 7:4-6

Nganong naghalad man ngadto kang Yahweh si Haring Solomon ug ang tanang katawhan?

Naghalad si Haring Solomon ug ang tanang katawhan ngadto kang Yahweh aron ihalad ang balay sa Dios.

2 Chronicles 7:7

Nganong naghalad man si Solomon ug halad sinunog ug tambok sa mga halad sa pakigdait sa taliwala sa hawanan?

Naghalad si Solomon ug mga halad sinunog ug ang tambok nga mga halad alang sa pakigdait didto sa taliwala sa hawanan tungod kay ang tumbaga nga halaran nga gihimo niya dili makahimo sa pagpaigo sa mga halad sinunog, sa mga halad nga trigo, ug sa tambok.

2 Chronicles 7:8-10

Nganong nahimo man ni Solomon sa pagpauli ang katawhan sa Israel sa ilang mga panimalay uban sa pagmaya ug sa malipayong mga kasingkasing human sa kasaulogan?

Gipauli ni Solomon ang katawhan uban sa pagmaya ug sa malipayong mga kasingkasing tungod sa pagkamaayo nga gipakita ni Yahweh ngadto kang David, kang Solomon, ug sa Israel nga iyang katawhan.

2 Chronicles 7:11-12

Unsa man ang natuman ni Solomon didto sa balay ni Yahweh ug sa iyang balay mismo?

Natuman ang tanang butang nga miabot sa kasingkasing ni Solomon nga iyang buot buhaton sa balay ni Yahweh ug sa iyang kaugalingong balay.

2 Chronicles 7:13-15

Unsa man ang gikinahanglan buhaton sa katawhan sa Israel aron paminawon ni Yahweh ang ilang pag-ampo, pasayloon ang ilang sala, ug ayohon ang ilang yuta?

Ang katawhan nga gitawag pinaagi sa ngalan ni Yahweh kinahanglan magpaubos sa ilang kaugalingon, mag-ampo, mangita sa dagway ni Yahweh ug mobiya gikan sa ilang daotang mga paagi.

2 Chronicles 7:16-18

Nganong gipili man ni Yahweh ug gilain ang iyang balay?

Gipili ni Yahweh ug gilain ang iyang balay aron maanaa didto ang iyang ngalan hangtod sa kahangtoran.

Unsa man ang mga kondisyon nga gipahimutang ni Yahweh nga buhaton sa katawhan sa Israel aron ang kaliwat ni David ang kanunay modumala sa trono sa iyang gingharian?

Miingon si Yahweh nga kinahanglan tumanon sa katawhan sa Israel ang tanan niyang kasugoan ngadto kanila ug tipigan ang iyang mga balaod ug mga sugo.

2 Chronicles 7:19-22

Unsa man ang mahitabo kung mosupak ang katawhan sa Israel sa mga balaod ug kasugoan ni Yahweh ug mosimba sa laing mga dios?

Kung mosupak ang katawhan sa Israel sa mga balaod ug kasugoan ni Yahweh ug mosimba ug laing mga dios, ibton niya sila gikan sa yuta nga gihatag niya kanila ug sa balay nga iyang gilain ug himoon silang kataw-anan ngadto sa tanang katawhan.

Unsa man ang itubag ngadto sa mga tawo nga moagi sa templo ug natingala sa gibuhat ni Yahweh ngadto sa yuta ug sa iyang balay?

Ang tubag mao nga gidala ni Yahweh kining tanang katalagman ngadto sa yuta ug sa iyang balay tungod kay misupak kaniya ang iyang katawhan ug mikupot sa laing mga dios ug miyukbo aron sa pagsimba kanila.

2 Chronicles 8

2 Chronicles 8:1-4

Unsa man ang gihimo ni Solomon samtang gitukod niya ang balay ni Yahweh ug ang iyang kaugalingong balay?

Sa panahon nga gitukod ni Solomon ang balay ni Yahweh ug iyang kaugalingong balay, gitukod usab niya pag-usab ang mga lungsod nga gihatag ni Hiram kaniya ug gipapuyo niya ang mga Israelita didto.

2 Chronicles 8:5-6

Sa kinatibuk-an asa ug alang sa unsa nga katuyoan sa pagtukod ni Solomon?

Nagtukod si Solomon alang sa iyang kaugalingong kalipay didto sa Jerusalem, sa Lebanon ug sa tanang yuta ilalom sa iyang pagdumala.

2 Chronicles 8:7-8

Unsa man ang nahitabo sa katawhan didto sa yuta nga wala nahisakop sa Israel?

Gipugos ug patrabaho ni Solomon ang mga katawhan nga wala nahisakop sa Israel.

2 Chronicles 8:9-10

Unsa man nga mga trabaho ang gihatag ni Solomon sa katawhan sa Israel?

Gihimo ni Solomon ang mga katawhan sa Israel nga iyang mga sundalo, mga pangulo, mga opisyal, ug mga pangulo sa mga tigkarwahe ug mga tigkabayo.

2 Chronicles 8:11

Nganong gidala man ni Solomon ang anak nga babaye sa Paraon pagawas sa siyudad ni David paingon sa iyang gitukod alang kaniya?

Gidala ni Solomon ang anak nga babaye sa Paraon pagawas sa siyudad ni David didto sa balay, tungod kay ang sudlanan sa kasabotan ni Yahweh anaa diha sa siyudad ug balaan gayod kini nga dapit.

2 Chronicles 8:12-13

Giunsa man paghalad ni Solomon ang mga halad sinunog ngadto kang Yahweh ibabaw sa halaran nga iyang gibuhat sa atubangan sa ganghaan?

Naghalad si Solomon ug mga halad sinunog ngadto kang Yahweh ingon nga inadlaw-adlaw nga mando, pagsunod sa mga pagpanudlo nga makita sa kasugoan ni Moises.

2 Chronicles 8:14-15

Unsa man ang mga katungdanan sa mga pari ug mga Levita?

Gibahinbahin ni Solomon ang mga bulohaton sa mga pari ug sa mga Levita aron sa pagdayeg sa Dios ug sa pag-alagad atubangan sa mga pari ingon nga inadlaw-aldlaw nga mando.

Unsa man kamatinud-anon ang mga tigbantay sa ganghaan sa paghimo sa ilang mga katungdanan?

Nagmatinumanon ang mga tigbantay sa ganghaan sa mga sugo sa hari ngadto sa mga pari ug mga Levita mahitungod sa bisan unsang butang.

2 Chronicles 8:16-18

Unsa man ang timailhan nga ang tanan nga trabaho ni Solomon sa balay ni Yahweh nahuman gayod?

Nahuman gayod ang balay ni Yahweh ug nagamit kini.

2 Chronicles 9

2 Chronicles 9:1-2

Nganong miadto man sa Jerusalem ang rayna sa Sheba?

Miadto sa Jerusalem ang rayna sa Sheba tungod kay nadungog niya ang pagkainila ni Solomon ug buot mosulay kaniya pinaagi sa lisod nga mga pangutana.

Unsa man ang gibuhat ni Solomon sa dihang gipangutana siya sa rayna sa Sheba sa tanang mga pangutana nga anaa sa iyang kasingkasing?

Gitubag ni Solomon ang tanang mga pangutana nga gipangutana sa rayna sa Sheba.

2 Chronicles 9:3-4

Unsa man ang tubag gikan sa rayna sa Sheba sa dihang nakita niya ang kaalam ni Solomon ug ang tanang kabalayan, pagkaon, bisti, ug ang iyang mga sulugoon?

Sa dihang nakita sa rayna sa Sheba ang tanang gipanag-iyahan ni Solomon, wala nay espiritu diha kaniya.

2 Chronicles 9:5-6

Unsa man ang gisulti sa rayna sa Sheba kang haring Solomon?

Misulti ang rayna sa Sheba kang haring Solomon nga ang kaalam ug bahandi ni Solomon mas labaw pa kaysa iyang nadungog mahitungod kaniya.

2 Chronicles 9:7-8

Unsa man ang giingon sa rayna sa Sheba sa pagpahinumdom kang Solomon kung nganong anaa siya sa trono sa Israel ingon nga ilang hari?

Gipahinumdoman sa rayna sa Sheba si Solomon nga si Yahweh ang naghimo kaniyang hari sa Israel ug maoy nagbutang kaniya sa trono tungod kay gihigugma ni Yahweh ang Israel ug gusto niya kining ipahimutang hangtod sa kahangtoran.

2 Chronicles 9:9

talent

(Tan-awa: [[rc://ceb/ta/man/translate/translate-bmoney]])

2 Chronicles 9:10-12

Unsa man ang nahitabo sa pagbisita sa rayna sa Sheba kang Haring Solomon?

Gihatag ni haring Solomon ngadto sa rayna sa Sheba ang tanang butang nga gipangayo niya, dugang sa gidala sa rayna ngadto sa hari, ug unya mibiya siya ug mipauli sa iyang kaugalingong yuta.

2 Chronicles 9:13-14

Pila man ka bulawan ang ihatag kang Solomon sa usa ka tuig?

Ang gibug-aton sa bulawan nga ginahatag kang Solomon sa usa ka tuig mokabat ug 666 ka talent.

Kinsa man ang nagdala ug bulawan ngadto kang Solomon?

Ang mga tigbaylo, mga tigpatigayon, ang tanang mga hari sa Arabia ug ang mga gobernador sa nasod maoy nagdala ug bulawan ngadto kang Solomon.

2 Chronicles 9:15-16

Pila man ka mga taming nga bulawan ang gibuhat ni Solomon?

Nagbuhat si haring Solomon ug 500 ka taming nga mga bulawan.

2 Chronicles 9:17-18

Unsa man ang gigamit sa pagbuhat sa trono ni Haring Solomon?

Gihimo ang trono ni haring Solomon gikan sa tango ug gisapawan kini ug lunsay nga bulawan.

2 Chronicles 9:19-21

Nganong wala may kopa nga hinimo gikan sa plata si Haring Solomon?

Walay kopa si Haring Solomon nga hinimo gikan sa plata tungod kay giila nga dili bililhon ang plata sa mga adlaw ni Solomon.

2 Chronicles 9:22-24

Nganong nangita man ang tibuok kalibotan sa presensya ni Solomon?

Nangita ang tibuok kalibotan sa presensya ni Solomon tungod sa iyang mga bahandi, ug aron makadungog sa iyang kaalam nga gibutang sa Dios sa iyang kasingkasing.

2 Chronicles 9:25-26

Unsa man nga mga hari ang gidumalahan ni Solomon?

Gidumalahan ni haring Solomon ang tanang mga hari gikan sa Suba sa Eufrates paingon sa yuta sa mga Filistihanon, ug ngadto sa utlanan sa Ehipto.

2 Chronicles 9:27-31

Unsa man kadugay naghari si Solomon ingon nga hari sa Jerusalem sa tibuok Israel?

Naghari si Solomon sa Jerusalem sa tibuok Israel sulod sa 40 ka tuig.

2 Chronicles 10

2 Chronicles 10:1-2

Nganong miadto man ang tibuok Israel sa Shequim?

Miadto ang tibuok Israel ngadto sa Shequim aron sa paghimo kang Rehoboam nga ilang hari.

Unsa man ang nakababag kang Rehoboam nga mahimong hari sa tibuok Israel?

Ang nakababag kang Rehoboam nga mahimong hari sa tibuok Israel mao ang pagbalik ni Jeroboam gikan sa pagkabihag sa Ehipto.

2 Chronicles 10:3-5

Unsa man ang gihangyo ni Jeroboam ug sa tibuok Israel ngadto kang Rehoboam?

Nihangyo si Jeroboam ug ang tibuok Israel kang Rehoboam nga pagaanon ang bug-at nga yugo nga gibutang ni Haring Solomon ngadto kanila.

2 Chronicles 10:6-7

Unsa man ang gitambag sa mga katigulangang lalaki nga nagbarog sa atubangan ni Solomon sa dihang buhi pa siya ngadto kang Rehoboam sa angay niya nga buhaton?

Gitambagan sa mga katigulangang lalaki si Haring Rehoboam nga mahimong maayo ngadto sa mga tawo ug pahimut-an sila pinaagi sa mga maayong pulong, ug unya mahimo gayod silang iyang sulugoon sa kanunay.

2 Chronicles 10:8-9

Unsa man ang gibuhat ni Rehoboam sa dihang wala niya panumbalinga ang tambag nga gihatag sa mga katigulangang lalaki?

Nagpakisayod si Rehoboam sa mga batan-ong lalaki nga nagdako uban kaniya, pinaagi sa pagpangutana kanila kung unsaon niya pagtubag ang hangyo sa katawhan nga pagaanon ang ilang trabaho.

2 Chronicles 10:10-11

Unsa man ang gihatag nga tambag sa mga batan-ong lalaki nga nagdako uban kang Rehoboam ngadto kaniya mahitungod sa gihangyo sa katawhan nga pagaanon ang ilang trabaho?

Gitambagan sa mga batan-ong lalaki si Rehoboam nga sultihan ang katawhan nga bisan ang akong amahan naghatag kaninyo ug bug-at nga yugo, pagadugangan ko ang inyong yugo.

2 Chronicles 10:12-14

Unsa man ang nahitabo sa dihang miadto si Jeroboam ug ang tibuok katawhan sa Israel kang Rehoboam sa ikatulo ka adlaw?

Wala panumbalinga ni Haring Rehoboam ang tambag sa mga katigulangang lalaki ug mangtas nga mitubag kanila pinaagi sa pagsunod sa tambag sa mga batan-ong lalaki.

2 Chronicles 10:15

Nganong wala man naminaw si Haring Rehoboam ngadto sa katawhan sa Israel?

Gitugot ni Yahweh nga magdesisyon ang hari nga dili maminaw sa katawhan sa Israel aron matuman ang pulong nga iyang gisulti pinaagi kang Ahia ngadto kang Jeroboam.

2 Chronicles 10:16-19

Unsa man ang tubag sa Israel ngadto sa gisulti ni Haring Rehoboam nga mas pabug-aton niya ang ilang yugo?

Sa pagkadungog sa Israel gikan kang Haring Rehoboam, misulti sila nga wala silay bahin kang David, gisultihan ang katawhan sa Israel nga mamalik sa ilang mga tolda, ug gisultihan si Rehoboam sa pagtan-aw sa iyang kaugalingong balay.

Unsa man ang gibuhat sa katawhan sa Israel sa dihang gipadala ni Haring Rehoboam ngadto kanila si Adoniram, nga maoy nagdumala sa mga gipugos nga mga trabahante?

Gibato sa katawhan sa Israel si Adoniram hangtod namatay ug mikalagiw si Haring Rehoboam sakay sa iyang karwahe paingon sa Jerusalem.

2 Chronicles 11

2 Chronicles 11:1

Nganong gitigom man ni Rehoboam ang balay sa Juda ug Benjamin aron sa pakig-away batok sa Israel sa pag-abot niya sa Jerusalem?

Gitigom ni Rehoboam ang balay sa Juda ug Benjamin aron sa pagpabalik pag-usab sa gingharian alang sa iyang kaugalingon.

2 Chronicles 11:2-4

Unsa man ang mensahe gikan kang Yahweh nga gidala ni Shemaya ngadto kang Rehoboam ug sa tibuok Israel?

Ang mensahe nga gikan kang Yahweh mao nga dili sila kinahanglan mosulong o makig-away batok sa ilang mga igsoon.

2 Chronicles 11:5-10

Nganong gitukod man ni Rehoboam ang mga siyudad sa Juda?

Gitukod ni Rehoboam ang mga siyudad sa Juda alang sa pagpanalipod.

2 Chronicles 11:11-12

Unsa man ang pipila nga nahimo ni Rehoboam?

Gipalig-on ni Rehoboam ang mga salipdanan, nagbutang ug mga pangulo sa kasundalohan niini, ug nagbutang ug mga taming ug mga bangkaw sa matag siyudad.

2 Chronicles 11:13-15

Nganong gibiyaan man sa mga Levita ang ilang mga sibsibanan ug kabtangan aron moadto sa Juda ug sa Jerusalem?

Gibiyaan sa mga Levita ang ilang mga sibsibanan ug kabtangan tungod kay gipapahawa sila ni Jeroboam ug sa iyang mga anak nga lalaki, aron nga dili na sila makahimo pa sa mga bulohaton sa mga pari alang kang Yahweh.

Giunsa man pagpuli ni Jeroboam ang mga pari ug mga Levita nga namalhin sa Juda?

Nagpili si Jeroboam ug iyang mga pari alang sa mga balaang dapit ug mga hinimo niya nga mga diosdios nga mga baka ug mga kanding .

2 Chronicles 11:16-21

Unsa man ang gibuhat sa katawhan nga gikan sa mga tribo sa Israel aron sa pagpalig-on kang Rehoboam ug sa gingharian sa Juda?

Ang mga tawo nga nagpahimutang sa ilang mga kasingkasing aron sa pagpangita kang Yahweh, miabot gikan sa tanang mga tribo sa Israel paingon sa Jerusalem aron sa paghalad ngadto kang Yahweh.

2 Chronicles 11:22-23

Unsa man ang usa ka paagi nga maalamong nagdumala si Rehoboam?

Maalamong nagdumala si Rehoboam pinaagi sa pagpakatag sa tanan niyang mga anak nga lalaki sa tibuok yuta sa Juda ug sa Benjamin ngadto sa matag siyudad nga gipalig-on.

2 Chronicles 12

2 Chronicles 12:1

Unsa man ang sayop nga gihimo ni Rehoboam sa dihang lig-on na ang iyang pagdumala?

Gisalikway ni Rehoboam ug sa tibuok Israel ang balaod ni Yahweh.

2 Chronicles 12:2-4

Nganong misulong man ang hari sa Ehipto nga si Shishak batok sa Jerusalem?

Misulong si Shisak batok sa Jerusalem tungod kay ang katawhan wala na nagmatinud-anon kang Yahweh.

2 Chronicles 12:5-6

Unsa man ang gibuhat ni Rehoboam ug sa mga pangulo sa Juda sa dihang gisultihan sila ni propeta Shemaya nga gitugyan sila ngadto sa kamot ni Shishak tungod kay gisalikway nila si Yahweh?

Nagpaubos sa ilang mga kaugalingon si Rehoboam ug ang mga pangulo sa Juda ug nagmantala nga matarong si Yahweh.

2 Chronicles 12:7-8

Unsa man ang gibuhat ni Yahweh sa pagkakita niya nga nagpaubos sa ilang mga kaugalingon si Rehoboam ug ang mga pangulo sa Juda?

Giluwas sila ni Yahweh, apan gitugotan gihapon sila nga mahimong mga sulugoon ni Shishak.

Nganong gitugotan man ni Yahweh ang mga pangulo sa Juda nga mahimong mga sulugoon ni Shishak?

Gitugotan sila ni Yahweh nga mahimong mga sulugoon ni Shisak aron masabtan nila kung unsa ang pag-alagad kaniya ug pag-alagad sa mga tigdumala sa ubang mga nasod.

2 Chronicles 12:9-10

Unsa man ang gikuha ni Shishak gikan sa Jerusalem?

Gikuha ni Shishak ang mga bahandi sa balay ni Yahweh ug sa balay sa hari, ingon man ang mga taming nga bulawan nga gihimo ni Solomon.

2 Chronicles 12:11-12

Nganong nawala man ang kasuko ni Yahweh kang Rehoboam?

Nawala ang kasuko ni Yahweh kang Rehoboam tungod kay nagpaubos siya sa iyang kaugalingon ug aduna pay maayo nga makaplagan sa Juda.

2 Chronicles 12:13-16

Nganong gisulti man nga "gibuhat ni Haring Rehoboam kung unsa ang daotan?"

Gisulti nga daotan ang gibuhat ni Rehoboam tungod kay wala niya gipahiluna ang iyang kasingkasing sa pagpangita kang Yahweh.

Unsa man ang nahitabo human namatay si Rehoboam ug gilubong sa Jerusalem?

Nahimong hari ang iyang anak nga si Abija puli kaniya.

2 Chronicles 13

2 Chronicles 13:1-3

Kang kinsa man nakig-away si Abija?

Nakig-away si Abija batok kang Jeroboam.

2 Chronicles 13:4-5

Asa man nahimutang ang Bukid sa Zemaraim?

Nahimutang ang Bukid sa Zemaraim diha sa kabungtoran sa Efraim.

2 Chronicles 13:6-7

Kinsa man ang nagtigom ngadto kang Jeroboam?

Nagtigom ngadto kang Jeroboam ang mga tawong walay pulos ug mga malaw-ay.

2 Chronicles 13:8-9

Sumala kang Abija, kinsa man ang miingon nga makasukol siya sa kagahom sa pagdumala ni Yahweh?

Sumala kang Abija, miingon si Jeroboam nga makasukol siya sa kagahom sa pagdumala ni Yahweh.

2 Chronicles 13:10-11

Kinsa man ang wala misalikway kang Yahweh?

Wala misalikway kaniya ang nasod ni Abija, ang Juda.

2 Chronicles 13:12

Kinsa man ang dili magmadaogon kung makig-away sila batok kang Yahweh?

Dili magmadaogon ang katawhan sa Israel kung makig-away sila batok kang Yahweh.

2 Chronicles 13:13-15

Unsa man ang plano ni Jeroboam alang sa gubat?

Nag-andam si Jeroboam ug pag-atang luyo kanila; anaa sa atubangan sa Juda ang iyang kasundalohan, ug ang pag-atang anaa sa ilang luyo.

2 Chronicles 13:16-22

Nganong nagmadaogon man ang katawhan sa Juda?

Nagmadaogon ang katawhan sa Juda tungod kay misalig sila kang Yahweh.

Giunsa man pagkamatay ni Jeroboam?

Gihampak siya ni Yahweh, ug namatay siya.

2 Chronicles 14

2 Chronicles 14:1-4

Unsa man ang mga gibuhat ni Asa nga magpamatuod nga gibuhat niya ang maayo ug matarong sa panan-aw ni Yahweh?

Gipangkuha ni Asa ang mga langyaw nga halaran ug anaa sa mga hataas nga dapit, giguba ang mga sagradong haliging bato, ug gipangputol ang mga poste ni Ashera.

2 Chronicles 14:5-6

Nganong mingaw man ang yuta ug walay mga gubat sa panahon sa pagdumala ni Asa?

Mingaw ang yuta ug walay mga gubat sa panahon sa pagdumala ni Asa tungod kay gihatagan siya ni Yahweh ug kalinaw.

2 Chronicles 14:7-8

Nganong nagplano man si Asa sa pagtukod ug pinarilan nga mga siyudad?

Nagplano si Asa sa pagtukod ug pinarilan nga mga siyudad tungod kay gihatag ni Yahweh kanila ang yuta uban sa kalinaw sa matag bahin.

2 Chronicles 14:9-11

Unsa man ang gibuhat ni Asa sa dihang miabot ang daghan kaayong kasundalohan ni Zera nga taga-Etiopia batok sa katawhan sa Israel?

Nagpakitabang si Asa kang Yahweh pinaagi sa pag-ila nga miabot siya ug ang iyang kasundalohan sa ngalan ni Yahweh batok sa daghang kasundalohan ni Zera.

2 Chronicles 14:12-15

Kinsa man ang nihampak sa mga taga-Etiopia sa atubangan ni Asa ug sa Juda?

Gihampak ni Yahweh ang mga taga-Etiopia sa atubangan ni Asa ug sa Juda.

Unsa man ang gibuhat sa kasundalohan ngadto sa mga baryo nga nakapalibot sa Gerar?

Gilaglag sa kasundalohan ug gipang-ilog ang mga kabtangan sa mga baryo nga nakapalibot sa Gerar.

2 Chronicles 15

2 Chronicles 15:1-2

Unsa man ang mensahe nga gikan sa Dios nga gihatod ni Azaria ngadto kang Haring Asa?

Giingon sa maong mensahe nga nag-uban si Yahweh kang Asa, samtang anaa si Asa kang Yahweh, apan kung mobiya si Asa kang Yahweh, biyaan usab ni Yahweh si Asa.

2 Chronicles 15:3-5

Unsa man ang wala sa Israel sa taas nga panahon?

Walay tinuod nga Dios ang Israel, walay magtutudlo nga pari, ug walay balaod sa taas na nga panahon.

Niadtong panahona, unsa man ang anaa sa tanang mga lumolupyo sa kayutaan?

Niadtong panahona, anaa sa dakong kasamok ang tanang mga lumolupyo sa kayutaan.

2 Chronicles 15:6-7

Giunsa man pagsamok sa Dios ang mga lumolupyo sa kayutaan?

Gisamok sa Dios ang mga lumolupyo sa kayutaan uban sa tanang matang sa pag-antos.

2 Chronicles 15:8-11

Unsa man ang gitukod pag-usab ni Asa sa dihang nadungog niya ang mensahe sa propeta?

Gitukod pag-usab ni Asa ang halaran ni Yahweh sa dihang nadungog niya ang mensahe sa propeta.

Nganong hilabihan man kadaghan ang mga tawo nga miadto kang Haring Asa gikan sa Efraim, Manases, ug Simeon?

Miadto sila tungod kay nakita nila nga nag-uban si Yahweh kang Haring Asa.

2 Chronicles 15:12-13

Unsa man nga kasabotan ang gihimo sa katawhan nga buhaton?

Naghimo ang katawhan ug kasabotan aron sa pagpangita kang Yahweh uban sa bug-os nilang kasingkasing ug sa bug-os nilang kalag.

Unsa man ang mahitabo ni bisan kinsa nga magdumili sa pagpangita kang Yahweh?

Si bisan kinsa nga magdumili sa pagpangita kang Yahweh pagapatyon.

2 Chronicles 15:14-15

Unsa man ang gihatag ni Yahweh sa katawhan human sila nanumpa kaniya uban sa bug-os nilang kasingkasing?

Gihatagan ni Yahweh ang katawhan ug kalinaw sa tibuok nilang palibot.

2 Chronicles 15:16-19

Unsa man ang kahimtang sa kasingkasing ni Haring Asa?

Hingpit nga matinud-anon ang kasingkasing ni Haring Asa ngadto kang Yahweh sa tanan niyang mga adlaw.

Unsa man ang wala mahitabo hangtod sa ika-35 ka tuig sa paghari ni Asa?

Walay gubat hangtod sa ika-35 ka tuig sa paghari ni Asa.

2 Chronicles 16

2 Chronicles 16:1

Nganong nagmaisogon man ang hari sa Israel nga si Baasha, batok sa Juda pinaagi sa pagtukod sa Rama?

Nagmaisogon si Baasha kay dili man niya tugotan si bisan kinsa nga mobiya ug mosulod ngadto sa yuta sa Asa.

2 Chronicles 16:2-3

Nganong gipagawas man ni Asa ang mga plata ug bulawan sa tipiganan ug gipadala kini ngadto kang Benhadad, ang hari sa Aram?

Gipadala ni Asa ang plata ug bulawan ngadto kang Ben Hadad aron pagdasig kaniya nga undangon niya ang kasabotan tali kang Baasha ug magtukod ug kasabotan tali kang Asa.

Nganong gusto man ni Asa nga undangon ni Ben Hadad ang iyang kasabotan ngadto kang Baasha?

Gusto ni Asa nga undangon ni Ben Hadad ang kasabotan aron nga biyaan ni Baasha si Asa nga mag-inusara.

2 Chronicles 16:4-6

Unsa man ang nahitabo sa dihang mihunong si Baasha sa pagtukod sa Rama gumikan sa pagsulong kang Ben Hadad?

Gidala ni Asa ug sa tibuok Juda ang mga bato ug mga poste diin gigamit ni Baasha aron sa pagtukod sa Rama ug gigamit kini aron sa pagtukod sa Geba ug Mizpa.

2 Chronicles 16:7-8

Nganong gibadlong man sa mananagna nga si Hanani si Asa?

Gibadlong ni Hanani si Asa tungod kay nagsalig siya sa kasabotan tali sa hari sa Aram kaysa pagsalig kang Yahweh sama sa iyang gibuhat batok sa mga taga-Etopia.

2 Chronicles 16:9-10

Nganong nagtan-aw man ang mga mata ni Yahweh sa bisan asa sa tibuok kalibotan?

Nagtan-aw ang mga mata ni Yahweh sa bisan asa aron sa pagpakita sa iyang kaugalingon nga lig-on alang niadtong mga kasingkasing nga hingpit ngadto kaniya.

Unsa man ang gibuhat ni Asa mahitungod sa pagbadlong ni Hanani?

Nasuko si Asa kang Hanani ug gibilanggo niya siya.

2 Chronicles 16:11-12

Unsa man ang gibuhat ni Asa sa hilabihan nga balatian sa iyang mga tiil?

Wala nagpakitabang si Asa kang Yahweh, apan sa mga mananambal lamang.

2 Chronicles 16:13-14

Giunsa man sa pagpasidungog si Asa human sa iyang kamatayon?

Gibutang si Asa sa mga tawo sa higdaanan nga puno sa nagkalainlain nga mga pahumot ug nagdaob ug usa ka dakong kalayo sa iyang kadungganan.

2 Chronicles 17

2 Chronicles 17:1-2

Asa man gibutang ni Jehoshafat ang kasundalohan?

Gipangbutang ni Jehoshafat ang kasundalohan sa tanang lig-on nga mga siyudad sa Juda.

2 Chronicles 17:3-4

Nganong nag-uban man si Yahweh kang Jehoshafat?

Nag-uban si Yahweh kang Jehoshafat tungod kay nagsunod siya sa dalan sa iyang amahan nga si David.

Kang kinsang pamatasan ang wala gisunod ni Jehoshafat, tungod kay naglakaw siya sa kasugoan sa Dios?

Naglakaw siya sa kasugoan sa Dios, ug wala nagsunod sa pamatasan sa Israel.

2 Chronicles 17:5-6

Asa man nahimutang ang kasingkasing ni Jehoshafat?

Nahimutang ang kasingkasing ni Jehoshafat sa pamaagi ni Yahweh.

2 Chronicles 17:7-9

Unsa man nga libro ang anaa sa mga opisyal ug mga Levita ug sa mga pari sa dihang nagtudlo sila sa Juda?

Nagtudlo sila sa Juda, nga anaa kanila ang libro sa balaod ni Yahweh.

2 Chronicles 17:10-11

Unsa man ang wala nabuhat sa mga gingharian nga nagpalibot sa Juda tungod kay anaa kanila ang pagkahadlok kang Yahweh?

Ang pagkahadlok kang Yahweh anaa kanila nga nagpalibot sa Juda, busa wala sila maghimo ug pagpakiggubat batok kang Jehoshafat.

2 Chronicles 17:12-13

Unsa man ang duha ka butang nga gitukod ni Jehoshafat sa Juda?

Gitukod ni Jehoshafat ang mga salipdanan ug mga tipiganan sa mga siyudad sa Juda.

2 Chronicles 17:14-19

Unsa man ang kabubot-ong gihalad ni Amasia, ang anak nga lalaki ni Zicri?

Kabubot-ong gihalad si Amasia ang pag-alagad kang Yahweh.

Unsa man nga matang sa tawo si Eliada nga gikan sa Benjamin?

Gamhanan ug maisogon nga tawo si Eliada.

2 Chronicles 18

2 Chronicles 18:1-3

Giunsa man pagpakighiusa ni Jehoshafat kang Ahab?

Nakighiusa si Jehoshafat kang Ahab pinaagi sa pagpaminyo sa usa sa iyang pamilya ngadto sa anak nga babaye ni Ahab.

2 Chronicles 18:4-5

Unsa man ang gisulti ni Jehoshafat nga buhaton sa hari sa Israel aron makakaplag sa iyang tubag?

Miingon si Jehoshafat sa hari sa Israel, "Palihog pangitaa una ang pulong ni Yahweh alang sa imong katubagan."

2 Chronicles 18:6-8

Nganong nasuko man ang hari sa Israel kang Micaya ang anak nga lalaki ni Imla?

Nasuko ang hari sa Israel kang Micaya tungod kay wala gayod siya nanagna ug maayong mga butang mahitungod sa hari, apan mga kalisod lamang.

2 Chronicles 18:9-11

Kinsa man ang giingon sa mga propeta nga magtugyan sa Ramot Gilead ngadto sa kamot sa hari?

Nanagna silang tanan sa pag-ingon nga itugyan ni Yahweh ang Ramot Gilead ngadto sa kamot sa hari.

2 Chronicles 18:12-14

Unsa man ang gisulti sa mensahero kang Micaya mahitungod sa gisulti sa mga propeta ngadto sa hari?

Miingon ang mensahero kang Micaya nga maayo ang mga butang nga gisulti sa mga propeta ngadto sa hari uban sa usa ka tingog.

2 Chronicles 18:15-16

Asa man gitandi ni Micaya ang Israel sa dihang nakita niya sila nga nagkatibulaag sa kabukiran?

Miingon si Micaya nga nakita niya ang tibuok Israel nga nagkatibulaag sa kabukiran, sama sa karnero nga walay magbalantay.

2 Chronicles 18:17-18

Sa dihang nakita ni Micaya si Yahweh sa iyang trono, asa man ang pangulo sa kasundalohang manulonda sa langit?

Nakita ni Micaya nga naglingkod si Yahweh sa iyang trono, ug ang tanang pangulo sa kasundalohang manulonda sa langit nagtindog dapit sa iyang tuo ug wala nga kamot.

2 Chronicles 18:19

Unsa man ang gihangyo ni Yahweh nga mahitabo sa dihang mitungas si Ahab ngadto sa Ramot Gilead?

Nanghangyo si Yahweh alang sa usa nga mohaylo kang Ahab, ang hari sa Israel, aron motungas siya ug mapukan didto sa Ramot Gilead.

2 Chronicles 18:20-21

Kang kinsa man moadto ang espiritu aron mahimong usa ka bakakon nga espiritu?

Miingon ang espiritu nga mogawas siya ug mamahimong usa ka bakakon nga espiritu sa baba sa tanang mga propeta ni Ahab.

2 Chronicles 18:22-24

Unsa man ang giingon ni Micaya nga ipadala ni Yahweh alang sa hari sa Israel?

Miingon si Micaya nga magpadala si Yahweh ug kadaot alang kaniya.

2 Chronicles 18:25-27

Asa man ibutang si Micaya hangtod makabalik nga luwas ang hari sa Israel?

Miingon ang hari nga bilanggoon si Micaya hangtod nga makabalik siya nga luwas.

Kung makabalik nga luwas ang hari, unsa man ang ipasabot mahitungod sa mga pulong ni Micaya?

Miingon si Micaya nga kung makabalik ang hari nga luwas, wala makigsulti kaniya si Yahweh.

2 Chronicles 18:28-30

Kinsa man ang giingon sa hari sa Aram nga sulongon sa mga kapitan?

Gisultihan sa hari sa Aram ang mga kapitan sa iyang mga karwahe nga dili sulongon ang mga sundalo, apan hinuon, ang hari lamang sa Israel.

2 Chronicles 18:31-32

Unsa man ang gibuhat sa mga pangulo sa kasundalohan sa dihang nakaamgo sila nga dili si Jehoshafat ang hari sa Israel?

Sa dihang nakita sa mga pangulo sa kasundalohan nga dili siya ang hari sa Israel, namalik sila gikan sa paggukod kaniya.

2 Chronicles 18:33-34

Unsa mang taknaa namatay si Ahab?

Namatay si Ahab sa dihang mosalop na ang adlaw.

2 Chronicles 19

2 Chronicles 19:1-3

Unsa man ang maayo nga nakaplagan diha sa kasingkasing ni Jehoshafat?

May pipila ka maayo nga nakaplagan diha kang Jehoshafat tungod kay gitutok niya ang iyang kasingkasing sa pagpangita sa Dios.

2 Chronicles 19:4-5

Asa man nagbutang si Jehoshafat ug mga maghuhukom?

Nagbutang si Jehoshafat ug mga maghuhukom didto sa yuta sa tanang lig-on nga mga siyudad sa Juda

2 Chronicles 19:6-7

Asa man si Yahweh sumala kang Jehoshafat sa dihang naghukom ang mga maghuhukom?

Gisultihan niya ang mga maghuhukom nga si Yahweh nag-uban kanila sa paghukom.

2 Chronicles 19:8-9

Unsa man nga klasi sa kasingkasing ang kinahanglan nga anaa sa mga maghuhukom didto sa Jerusalem alang sa pagtahod kang Yahweh sumala kang Jehoshafat?

Gitudloan sila ni Jehoshafat sa pagtahod kang Yahweh, pagmatinud-anon sa paghukom, ug inubanan sa putli nga kasingkasing.

2 Chronicles 19:10

Unsa man ang dili moabot kanila kung ang katawhan dili magpakasala batok kang Yahweh?

Giingnan ang katawhan nga dili magpakasala batok kang Yahweh, aron dili moabot kanila ang kasuko.

2 Chronicles 19:11

Alang kang kinsa man ang pag-ampo ni Jehoshafat nga magpabilin si Yahweh?

Nag-ampo si Jehoshafat ngadto kang Yahweh aron mag-uban niadtong mga maayo.

2 Chronicles 20

2 Chronicles 20:1-2

Unsa man ang rason nga nagpadulong ang katawhan sa Moab, Amon, ug Meanhon batok kang Jehoshafat?

Nagpadulong sila batok kang Jehoshafat aron sa pagpakiggubat.

2 Chronicles 20:3-4

Asa man gikan ang katawhan sa Juda aron sa pagpangita kang Yahweh?

Gikan ang katawhan sa tanang mga siyudad sa Juda aron sa pagpangita kang Yahweh.

2 Chronicles 20:5-7

Asa man nagbarog si Jehoshafat sa panagtigom sa katawhan?

Nagbarog si Jehoshafat sa balay ni Yahweh, atubangan sa bag-o nga hawanan.

2 Chronicles 20:8-9

Unsa man ang saad ni Yahweh nga gibalik ni Jehoshafat sa dihang nagpakitabang ang katawhan kaniya sa ilang pag-antos?

Miingon si Jehoshafat sa dihang nagpakitabang ang katawhan kang Yahweh sa ilang pag-antos dunggon niya sila ug luwason.

2 Chronicles 20:10-11

Unsa man ang wala gitugot ni Yahweh nga buhaton sa Israel ngadto sa Amon, Moab, ug sa Bukid sa Sier sa dihang migawas sila sa Ehipto?

Wala gitugotan ni Yahweh nga sulongon sila sa Israel sa dihang nakagawas sila gikan sa yuta sa Ehipto.

2 Chronicles 20:12-13

Unsa man nga parte sa katawhan sa Juda ang mibarog sa atubangan ni Yahweh?

Mibarog ang tibuok Juda sa atubangan ni Yahweh, uban sa ilang mga masuso, mga asawa, ug kabataan.

2 Chronicles 20:14-15

Nganong miingon man si Yahweh nga ayaw kahadlok o kawad-i ug paglaom pinaagi niining dakong kasundalohan nga makigbatok kanila?

Giingnan sila ni Yahweh nga ayaw kahadlok o kawad-i ug paglaum tungod niining dakong kasundalohan, kay dili alang kanila ang pagpakiggubat, apan sa Dios.

2 Chronicles 20:16-17

Unsa man ang giingon ni Yahweh nga makita sa katawhan sa dihang magpabilin silang magbarog sa ilang nahimutangan?

Gisultihan sila ni Yahweh nga magpabilin nga magbarog, ug makita nila ang pagluwas ni Yahweh kanila.

2 Chronicles 20:18-19

Unsa man ang gibuhat sa Juda ug sa mga lumolupyo sa Jerusalem sa pagsimba sa atubangan ni Yahweh?

Mihapa ang tibuok Juda ug ang mga lumolupyo sa Jerusalem sa atubangan ni Yahweh, aron sa pagsimba kaniya.

2 Chronicles 20:20-21

Samtang mibiya ang kasundalohan, nganong miingon man si Jehoshafat nga magpasalamat kang Yahweh?

Samtang mibiya sila una sa kasundalohan, misulti si Jehoshafat nga nag-ingon, "Pasalamati si Yahweh; kay ang iyang matinud-anon nga kasabotan magpabilin hangtod sa kahangtoran."

2 Chronicles 20:22-23

Unsa man ang gibuhat ni Yahweh sa dihang nagsugod sa pag-awit ug pagdayeg ang katawhan sa Juda?

Sa dihang nagsugod sila sa pag-awit ug pagdayeg, nagpahimutang si Yahweh ug mga tawo aron sa pag-atang batok sa ilang mga kaaway.

2 Chronicles 20:24

Unsa man ang nakita sa katawhan sa Juda sa dihang naglantaw sila sa kasundalohan sa ilang kaaway?

Sa dihang naglantaw sila sa kasundalohan, nakita nila nga nangamatay na sila, nga nagbuy-od sa yuta.

2 Chronicles 20:25-26

Unsa man kadugay ang pagpanguha sa katawhan sa mga inilog gikan sa kasundalohan?

Miabot ug tulo ka adlaw ang pagpanguha sa katawhan sa mga inilog, kay daghan kaayo kini.

2 Chronicles 20:27-28

Nganong dako man ang kalipay ni Jehoshafat ug ang iyang katawhan nga mipauli sa Jerusalem?

Dako ang ilang kalipay nga mipauli sa Jerusalem kay gilipay man sila ni Yahweh batok sa ilang mga kaaway.

2 Chronicles 20:29-30

Unsa man ang gihatag sa Dios kang Jehoshafat nga nakapahilom sa iyang gingharian?

Nahilom ang gingharian ni Jehoshafat, kay gihatagan man siya sa iyang Dios ug kalinaw sa iyang palibot.

2 Chronicles 20:31-34

Unsa man ang gibuhat ni Jehoshafat sa atubangan ni Yahweh?

Gibuhat ni Jehoshafat ang matarong sa atubangan ni Yahweh.

2 Chronicles 20:35-37

Unsa man ang gipanagna batok kang Jehoshafat, tungod sa iyang pagpakig-oyon kang Ahazia?

Tungod kay nakig-oyon si Jehoshafat kang Ahazia, gun-obon ni Yahweh ang iyang mga sakayang pandagat.

2 Chronicles 21

2 Chronicles 21:1-3

Nganong gihatag man ni Jehoshafat ang trono ngadto kang Jehoram?

Gihatag ni Jehoshafat ang trono ngadto kang Jehoram tungod kay siya man ang iyang kinamagulangang anak.

2 Chronicles 21:4-5

Unsa man ang gibuhat ni Jehoram ngadto sa iyang mga igsoon sa dihang nahimo na siyang lig-on ingon nga hari?

Sa dihang nalig-on na ni Jehoram ang iyang kaugalingon ingon nga hari, gipamatay niya ang tanan niyang mga igsoon pinaagi sa espada.

2 Chronicles 21:6-7

Nganong wala man nangandoy si Yahweh nga laglagon ang panimalay ni David?

Wala nangandoy si Yahweh nga laglagon ang panimalay ni David tungod sa kasabotan nga iyang gihimo uban kang David.

2 Chronicles 21:8-10

Nganong misupak man ang Libna gikan sa gahom sa Juda?

Misupak sila gikan sa gahom sa Juda, tungod kay gitalikdan man ni Jehoram si Yahweh.

2 Chronicles 21:11

Unsa man ang gitukod ni Jehoram didto sa kabukiran sa Juda?

Nagtukod usab si Jehoram ug mga tag-as nga dapit didto sa kabukiran sa Juda.

2 Chronicles 21:12-15

Unsa man ang giingon ni Elias nga mahitabo sa tinae ni Jehoram tungod sa iyang sakit?

Magsakit ug hilabihan si Jehoram hangtod nga mogawas ang iyang tinae tungod sa sakit.

2 Chronicles 21:16-17

Unsa man ang gipangdala sa mga Filistihanon ug mga Arabo gikan sa balay sa hari?

Gipangdala nila ang tanan nga kabtangan nga ilang nakaplagan sa balay sa hari.

2 Chronicles 21:18-20

Unsa man ang wala buhata sa katawhan alang kang Jehoram nga ilang gibuhat sa iyang mga katigulangan?

Wala nagsunog ang iyang katawhan alsa pagpasidungog kaniya sama sa ilang gibuhat alang sa iyang mga katigulangan.

2 Chronicles 22

2 Chronicles 22:1-3

Kang kinsa man nga pamaagi nagalakaw si Ahazia tungod sa tambag sa iyang inahan?

Nagalakaw si Ahazia sa mga pamaagi sa balay ni Ahab, tungod kay ang iyang magtatambag sa pagbuhat ug daotang mga butang mao man ang iyang inahan.

2 Chronicles 22:4-5

Unsa man ang binuhatan ni Ahazia sa panan-aw ni Yahweh, sama sa gibuhat sa balay ni Ahab?

Gibuhat ni Ahazia kung unsa ang daotan sa panan-aw ni Yahweh, sama sa gibuhat sa balay ni Ahab.

2 Chronicles 22:6

Ngano man nga miadto si Ahazia aron sa pagbisita kang Joram, ang anak nga lalaki ni Ahab?

Milugsong si Ahazia ngadto sa Jezreel aron sa pagpakigkita kang Joram tungod kay samaran man siya.

2 Chronicles 22:7-8

Unsa man ang gidala sa Dios sa pagbisita ni Ahazia ngadto kang Joram?

Ang pagkahugno ni Ahazia maoy gidala sa Dios pinaagi sa iyang pagbisita kang Joram

2 Chronicles 22:9

Unsa man ang nahinumdoman ni Jehu bahin sa amahan ni Ahazia?

Miingon si Jehu nga si Ahazia maoy anak ni Jehoshafat, kinsa nangita kang Yahweh sa tibuok niyang kasingkasing

2 Chronicles 22:10-12

Unsa man ang gibuhat sa inahan ni Ahazia sa dihang nakita niya ang iyang anak namatay?

Sa dihang nakita niya ang iyang anak nga lalaki nga patay na, mibarog siya ug gipamatay ang mga anak sa hari ngadto sa balay ni Juda.

Unsa man kadugay nga nagtago si Joas sa balay sa Dios samtang nagdumala si Atalia?

Nagtago si Joas ngadto sa balay sa Dios sa unom ka tuig samtang nagdumala si Atalia sa tibuok kayutaan.

2 Chronicles 23

2 Chronicles 23:1-3

Unsa man ang nakapaisog kang Jehoyada aron sa pakig-istorya ngadto sa mga pangulo nga ang anak nga lalaki sa hari maoy maghari?

Miingon si Jehoyada nga ang anak sa hari maoy maghari, sama sa giingon ni Yahweh mahitungod sa mga kaliwat ni David.

2 Chronicles 23:4-5

Unsa man ang mga trabaho nga gipabuhat ngadto sa mga pari ug sa mga Levita sa pag-alagad sa Adlaw nga Igpapahulay?

Kadtong moadto aron sa pag-alagad sa Adlaw nga Igpapahulay mao ang mga tigbantay sa mga pultahan.

2 Chronicles 23:6-7

Kanus-a man gisultihan ang mga Levita aron mopabilin uban sa hari?

Gisultihan sila nga mopabilin uban sa hari kung mosulod ug mogawas siya.

2 Chronicles 23:8-9

Unsa man ka hingpit nga gituman sa mga Levita ug sa tibuok Juda ang mga mando ni Jehoyada?

Nag-alagad sila sumala sa mga gisugo ni Jehoyada nga pari.

2 Chronicles 23:10-11

Unsa man ang gihatag nila ngadto sa anak nga lalaki sa hari samtang gibutang na nila ang korona?

Gipagawas nila ang anak nga lalaki sa hari, gibutang ang korona ngadto kaniya, ug gihatag kaniya ang mga kasugoan sa kasabotan.

2 Chronicles 23:12-13

Unsa man ang kasaba nga nakapahimo kang Atalia nga moadto sa katawhan nga anaa sa puluy-anan ni Yahweh?

Sa dihang nadunggan niya ang kasaba sa mga katawhan nga nangdagan ug nagdayeg sa hari, miadto siya ngadto sa katawhan nga anaa sa puluy-anan ni Yahweh.

Unsa man ang gibuhat ni Atalia samtang nagsinggit ug "Mabudhion"?

Gigisi niya ang iyang bisti ug misinggit, "Mabudhion!"

2 Chronicles 23:14-15

Unsa man ang gimando ni Jehoyada nga angay buhaton sa bisan kinsang mosunod kang Atalia?

Miingon si Jehoyada nga si bisan kinsa nga mosunod kang Atalia patyon pinaagi sa espada.

2 Chronicles 23:16-17

Unsa man nga kasabotan ang gihimo ni Jehoyada taliwala kaniya, sa katawhan, ug sa hari?

Naghimo si Jehoyada ug kasabotan tali kaniya, sa tanang katawhan, ug sa hari, nga mahimo silang katawhan ni Yahweh.

2 Chronicles 23:18-19

Kinsa man gidid-an ni Jehoyada sa pagsulod sa puluy-anan ni Yahweh pinaagi sa pagbutang ug mga magbalantay sa mga ganghaan?

Nagbutang si Jehoyada ug mga tigbalantay sa mga ganghaan sa balay ni Yahweh, aron walay makasulod nga bisan kinsa nga mahugaw sa bisan unsang paagi.

2 Chronicles 23:20-21

Asa man gipahimutang ni Jehoyada ang katawhan ug ang hari human sa pag-adto sa Amihanang Ganghaan?

Miabot ang katawhan pinaagi sa Amihanang Ganghaan ngadto sa balay sa hari ug gipalingkod ang hari ngadto sa trono sa gingharian.

2 Chronicles 24

2 Chronicles 24:1-3

Unsa man kadugay nga nagbuhat si Joas ug maayo sa mga mata ni Yahweh?

Gibuhat ni Joas ang maayo sa mga mata ni Yahweh sa tanan nga mga adlaw ni Jehoyada, nga pari.

2 Chronicles 24:4-5

Para sa unsa man nga trabaho ang gipadala ni Joas sa mga pari ug sa mga Levita pagawas aron sa pagtigom ug salapi gikan sa tibuok Israel?

Gipadala sila ni Joas aron sa pagtigom ug mga salapi gikan sa tibuok Israel aron pag-ayo sa puluy-anan sa ilang Dios.

2 Chronicles 24:6-7

Unsa man ang gipangdala sa mga anak nga lalaki ni Atalia gikan sa puluy-anan ni Yahweh ug gihatag ngadto sa mga Baal?

Gihatag nila ang tanan nga hinalad nga mga kagamitan sa puluy-anan ni Yahweh ngadto sa mga Baal.

2 Chronicles 24:8-10

Asa man gimando sa hari nga ibutang ang sudlanan?

Nagmando ang hari, ug naghimo sila ug sudlanan ug gibutang kini gawas sa agianan ngadto sa puluy-anan ni Yahweh.

Nganong nagmaya man ang katawhan ug nagdala ug mga salapi aron ibutang ngadto sa sudlanan?

Ang tanan nga mga pangulo ug ang tanan nga mga katawhan nagmaya nga nagdala ug mga salapi ug gibutang kini ngadto sa sudlanan.

2 Chronicles 24:11-12

Unsa man ang gitigom sa mga opisyal samtang gikuha nila ang mga salapi sa sudlanan matag adlaw?

Gikuha nila ang salapi sa sudlanan matag adlaw, ug natigom nila ang dako nga kantidad sa salapi.

2 Chronicles 24:13-14

Giunsa man pagpahimutang sa mga trabahante ang puluy-anan sa Dios samtang ila kining giayo?

Gipahimutang sa mga trabahante ang puluy-anan sa Dios sa daang disenyo ug gipalig-on kini.

2 Chronicles 24:15-16

Ngano man nga gilubong si Jehoyada uban sa mga hari sa siyudad ni David?

Gilubong nila si Jehoyada sa siyudad ni David uban sa mga hari, tungod kay naghimo man siya ug maayo sa Israel, ngadto sa Dios, ug ngadto sa puluy-anan sa Dios.

2 Chronicles 24:17-19

Unsa man ang gibuhat sa katawhan sa dihang nagpadala si Yahweh ug mga propeta aron sa pagpamatuod batok kanila.

Nagpadala ug propeta si Yahweh aron sa pagpamatuod batok sa mga katawhan, apan nagdumili sila sa pagpaminaw.

2 Chronicles 24:20-22

Ngano man nga giingnan ni Zacarias ang katawhan nga si Yahweh nagsalikway kanila?

Giingnan ni Zacarias ang katawhan nga gisalikway sila ni Yahweh tungod kay gisalikway man usab nila si Yahweh.

Giunsa man sa paglimot ni Haring Joas ang kamaayo nga gibuhat sa amahan ni Zacarias ngadto kaniya?

Sa niini nga pamatasan, si Joas nga hari, gikalimtan ang kamaayo nga gibuhat kaniya ni Jehoyada, ang amahan ni Zacarias. Hinuon, gipatay niya ang anak nga lalaki ni Jehoyada.

2 Chronicles 24:23-24

Unsa man ang gihatag ni Yahweh sa pipila ka kasundalohan sa Aram tungod sa pagsalikway kaniya sa Juda?

Miadto ang taga-Aram uban ang pipila ka kasundalohan, apan gihatagan sila ni Yahweh ug kadaogan batok sa daghan nga kasundalohan sa Juda, tungod kay misalikway man sila kaniya.

2 Chronicles 24:25-27

Ngano man nga nagplano ang mga sulugoon ni Joas batok kaniya?

Nagplano ang kaugalingong mga sulugoon ni Joas batok kaniya tungod sa pagpatay sa anak nga lalaki ni Jehoyada, nga pari.

2 Chronicles 25

2 Chronicles 25:1-2

Pila man ka tuig si Amazia sa dihang nagsugod siya sa paghari ug unsa man kadugay ang iyang paghari?

Nagpangidaron ug 25 si Amazia sa dihang nagsugod siya sa paghari ug 29 ka tuig ang iyang paghari.

Unsa man ang kahimtang sa kasingkasing ni Amazia?

Dili hingpit ang iyang kasingkasing ngadto kang Yahweh.

2 Chronicles 25:3-4

Ngano man nga wala gipatay ni Amazia ang mga anak sa mga sulugoon nga kinsa nagpatay sa iyang amahan, nga hari?

Wala gipatay ni Amazia ang mga anak sa mga sulugoon nga nagpatay sa iyang amahan tungod sa mga balaod nga anaa sa libro ni Moises nga miingon kinahanglan dili mamatay ang anak alang sa ilang amahan, apan ang matag tawo kinahanglan mamatay alang sa iyang kaugalingong sala.

2 Chronicles 25:5-6

Giunsa man pagdugang ni Amazia sa 300,000 nga mga pinili nga kalalakin-an nga gikan sa Juda ug sa Benjamin nga nalista basi sa balay sa ilang mga katigulangan?

Nagkuha si Amazia ug 100,000 ka mga manggugubat gikan sa Israel aron sa pagdugang sa mga pinili nga kalalakin-an nga gikan sa Juda.

2 Chronicles 25:7-8

Ngano man nga gisultihan sa tawo sa Dios ang hari nga kinahanglan dili niya tugotan ang kasundalohan sa Israel nga moadto uban kaniya?

Gisultihan sa tawo sa Dios ang hari sa Israel nga kinahanglan dili moadto uban kaniya tungod kay si Yahweh wala mouban sa Israel.

Unsa man ang giingon sa tawo sa Dios nga mahitabo bisan pa ug magmaisugon ug kusgan si Amazia sa maong gubat?

Miingon ang tawo sa Dios nga ilabay siya sa Dios ngadto sa atubangan sa iyang mga kaaway.

2 Chronicles 25:9-10

Giunsa man pagtubag sa tawo sa Dios ang pangutana ni Amazia kung unsa ang angay buhaton bahin sa usa ka gatos nga talents nga iyang gihatag ngadto sa kasundalohan sa Israel?

Gisultihan sa tawo sa Dios si Amazia nga makahimo si Yahweh sa paghatag kaniya ug mas labaw pa.

Ngano man nga hilabihan ang kasuko sa kasundalohan sa Efraim batok sa Juda?

Hilabihan ang ilang kasuko batok sa Juda tungod kay gipapauli man ni Amazia ang kasundalohan ngadto sa ilang panimalay.

2 Chronicles 25:11-12

Unsa man ang nahitabo sa 10,000 ka mga kalalakin-an gikan sa Seir samtang gipangulohan ni Amazia ang iyang katawhan ngadto sa Walog sa Asin.

Gipangulohan ni Amazia ang iyang katawhan pagawas ngadto sa Walog sa Asin ug gibuntog niya ang 10,000 nga mga kalalakin-an gikan sa Seir.

Unsa man ang gibuhat sa kasundalohan sa Juda ngadto sa dugang pa nga 10,000 ka mga kalalakin-an nga gikan sa Seir kinsa gidala nila nga buhi?

Gihulog sa kasundalohan sa Juda ang dugang nga kalalakin sa Seir ngadto sa pangpang.

2 Chronicles 25:13

Unsa man ang gibuhat sa kasundalohan sa Israel sa siyudad sa Juda gikan sa Samaria ngadto sa Bethoron?

Gisulong sa kasundalohan sa Israel ang siyudad, gipildi ang 3,000 ka mga katawhan ug gidala nila ang mga mahinungdanong mga butang.

2 Chronicles 25:14-15

Unsa man ang gibuhat ni Amazia sa mga diosdios nga iyang gidala pabalik gikan sa katawhan sa Seir?

Gipahimutang ni Amazia ang mga diosdios aron nga mahimo niyang kaugalingong diosdios, miyukbo ngadto kanila, ug nagsunog ug mga insenso ngadto kanila.

Unsa man ang gipangutana sa propeta nga gipadala ni Yahweh ngadto kang Amazia bahin sa mga diosdios sa katawhan sa Seir?

Nangutana ang propeta kang Amazia nganong nangita siya sa mga diosdios sa katawhan nga dili gani makahimo sa pagluwas sa iyang kaugalingong katawhan gikan sa mga kamot ni Amazia.

2 Chronicles 25:16

Unsa man ang gisulti sa propeta nga hinungdan sa Dios sa iyang paghukom aron sa pagbuntog kang Amazia?

Ang hinungdan nga nakahukom ang Dios sa pagbuntog kang Amazia tungod kay nakabuhat siya niining mga butanga ug wala paminawa ang tambag sa maong mga propeta.

2 Chronicles 25:17

Unsa man ang mensahe nga gipadala ni Amazia ngadto kang Jehoas, ang hari sa Israel?

Nagpadala ug mensahe ang hari sa paghangyo kang Jehoas nga paadtoon ug makigtagbo uban kang Amazia aron sa pakig-away.

2 Chronicles 25:18-19

Ngano man nga gisultihan sa mga mensahero ni Jehoas si Amazia nga kinahanglan magpabilin siya sa iyang panimalay?

Gisultihan sa mga mensahero ni Jehoas si Amazia nga magpabilin lamang sa iyang panimalay tungod kay lakip siya ug ang Juda mapildi.

2 Chronicles 25:20-22

Ngano man nga gitugyan sa Dios ang katawhan sa Juda ngadto sa mga kamot sa ilang mga kaaway?

Gitugyan sila sa Dios ngadto sa ilang mga kaaway tungod kay nagapangita man sila sa mga tambag gikan sa mga diosdios sa Edom.

Unsa man ang resulta sa dihang nagkita na sila Jehoas, ang hari sa Israel, ug si Amazia, ang hari sa Juda ngadto sa Bet Shemes?

Ang resulta ang Juda napildi sa Israel ug ang matag-usa mipauli sa ilang panimalay.

2 Chronicles 25:23-24

Sa asa man nga dapit nipauli si Jehoas human niya gilumpag ang kota sa Jerusalem ug gikuha ang kadaghanan sa mga mahalon nga mga butang gikan sa templo ug sa palasyo, uban sa mga dinakpan?

Mipauli si Joas ngadto sa Samaria human niya gilumpag ang kota sa Jerusalem ug gidala ang tanan nga mahalon nga mga butang ug mga dinakpan.

2 Chronicles 25:25-26

Pila man ka tuig nga nagpuyo si Amazia, ang hari sa Juda, human sa kamatayon ni Jehoas, ang hari sa Israel?

Nagpuyo si Amazia sa 15 ka mga katuigan human sa kamatayon ni Jehoas.

2 Chronicles 25:27-28

Unsa man ang sunod gibuhat ni Amazia human siya mitalikod sa pagsunod kang Yahweh?

Human sa pagtalikod ni Amazia sa pagsunod kang Yahweh, nagsugod siya sa pagbuhat ug daotan.

Asa man gilubong si Amazia human siya gipatay ngadto sa Lakis?

Gilubong si Amazia uban sa iyang mga katigulangan sa siyudad sa Juda.

2 Chronicles 26

2 Chronicles 26:1-3

Kinsa man ang naghimo kang Uzia nga hari human mamatay ang iyang amahan nga si Amazia?

Ang katawhan sa Juda nagdala kang Uzia ug gihimo siya nga hari puli sa iyang amahan nga si Amazia.

Unsa man ang gibuhat ni Uzia sa lungsod ni Elot sa nahimo na siya nga hari?

Gitukod kini pagbalik ni Uzia ang Elot ug gitukod kini sa Juda.

2 Chronicles 26:4-5

Giunsa man ni Uzia sa pagsunod sa panag-ingnan sa iyang amahan sa iyang pagsandurot ngadto kang Yahweh?

Nagbuhat si Uzia kung unsa ang maayo sa atubangan ni Yahweh ug gihatagan niya ang iyang kaugalingon sa pagpangita sa Dios.

Unsa man ang mahitabo kang Uzia sa iyang pagtuman kang Yahweh?

Samtang nagtuman si Uzia kang Yahweh, gihimo siya sa Dios nga malampuson.

2 Chronicles 26:6-8

Unsa man ang resulta sa pagtabang sa Dios kang Uzia sa iyang pakiggubat batok sa iyang mga kaaway?

Gitabangan si Uzia sa Dios sa pakiggubat batok sa iyang mga kaaway, ug ang iyang kabantog mikaylap sa tibuok kayutaan, ug nahimo siya nga gamhanan kaayo.

2 Chronicles 26:9-10

Unsa man ang gitukod ni Uzia sa ganghaan sa Jerusalem ug sa kamingawan?

Nagtukod si Uzia ug mga tore sa eskina sa ganghaan sa Jerusalem ug sa likoonon nga paril. Nagtukod usab siya ug mga tore nga bantayan didto sa kamingawan.

Nganong nagtukod man siya ug bantayanan nga mga tore, ug nganong nagkalot siya ug mga atabay sa tubig didto sa kamingawan?

Nagtukod si Uzia ug mga batayanan nga tore ug nagkalot ug mga pundohanan sa tubig didto sa kamingawan kay aduna siyay mga kahayopan ug ang katawhan nga nag-uma didto ug gusto kaayo siya mag-uma.

2 Chronicles 26:11-13

Giunsa man sa mga kasundalohan ni Uzia pagpakiggubat?

Ang kasundalohan ni Uzia naghimo ug makusganon nga gubat aron sa pagtabang sa hari batok sa mga kaaway.

2 Chronicles 26:14-15

Unsa man ang giimbinto sa hanas nga lalaki sa Jerusalem sama sa pagsangkap sa iyang kasundalohan?

Nagtukod si Uzia didto sa Jerusalem, ug mga makena pinaagi sa hanas nga lalaki sa pagsangkap sa iyang kasundalohan.

Asa man kalayo ang naabtan sa pagkabantugan ni Uzia sa dihang gitabangan siya ni Yahweh, hangtod nga nahimo siyang gamhanan?

Miabot ang iyang kabantog sa halayo nga yuta.

2 Chronicles 26:16-18

Giunsa man paglapas ni Uzia batok kang Yahweh, nga Dios, sa dihang nahimo na siyang gamhanan?

Nakalapas si Uzia batok Kang Yahweh sa dihang miadto siya sa balay ni Yahweh aron sa pagsunog sa insenso sa halaran sa insenso.

Ngano man si Azaria ug ang 80 ka mga pari misunod kang Uzia, ug nganong misulti man si Azaria nga nakalapas si Uzia sa dihang nagsunog siya ug insenso sa templo?

Giingnan si Uzia sa mga pari nga ang mga pari lamang, ang mga anak nga lalaki ni Aaron, nga gibalaan ang makasunog sa insenso sa templo, busa nakalapas si Uzia kang Yahweh.

2 Chronicles 26:19-20

Unsa man ang nahitabo kang Uzia samtang naggunit siya sa butanganan ug insenso, ug sa dihang nasuko siya sa mga pari?

Samtang naggunit si Uzia sa butanganan sa insenso, ug sa dihang nasuko siya sa mga pari, ang sangla migawas sa iyang agtang.

Nganong migawas man ang sangla sa agtang ni Uzia?

Migawas ang sangla sa agtang ni Uzia tungod kay gisilotan siya ni Yahweh.

2 Chronicles 26:21

Nganong nagpuyo man si Uzia sa laing balay hangtod nga siya mamatay?

Magpuyo si Uzia sa laing balay tungod kay usa siya ka sanglahon ug gipapahawa siya gikan sa balay ni Yahweh.

2 Chronicles 26:22-23

Kinsa man ang hari human mamatay si Uzia ug gilubong uban sa iyang mga katigulangan?

si Jotam, anak ni Uzia, nahimong hari puli sa iyang dapit.

2 Chronicles 27

2 Chronicles 27:1-2

Pila man ang pangidaron ni Jotam sa dihang nahimo siyang hari sa Juda ug unsa kataas ang iyang paghari?

Nagpangidaron si Jotam ug 25 ka tuig sa dihang nahimo siyang hari ug naghari siya sulod sa 16 ka tuig sa Jerusalem.

Unsa man ang batasan sa katawhan sa Juda bisan tuod nagbuhat si Jotam ug matarong sa atubangan ni Yahweh?

Daotan pa gihapon ang batasan sa katawhan sa Juda, bisan tuod nagbuhat si Jotam ug matarong sa atubangan ni Yahweh.

2 Chronicles 27:3-4

Unsa man ang gitukod ni Jotam sa Jerusalem?

Nagtukod si Jotam sa ibabaw nga ganghaan sa balay ni Yahweh, ug nagtukod pa gayod siya ug daghan sa kabukiran sa Ofel.

Unsa man ang gitukod ni Jotam sa bukirang bahin ug sa kalasangan sa Juda?

Nagtukod si Jotam ug siyudad sa bukirang bahin, ug mga kastilyo ug mga tore sa kalasangan sa Juda.

2 Chronicles 27:5

Nganong gihatagan man sa katawhan sa Amon si Jotam ug mga plata, trigo, ug sebada?

Ang katawhan sa Amon mihatag kang Jotam ug plata, trigo, ug sebada tungod kay nakiggubat siya kanila ug nabuntog sila.

2 Chronicles 27:6-7

Nganong nahimo man si Jotam nga gamhanan?

Nahimong gamhanan si Jotam tungod kay naglakaw man siya nga lig-on sa atubangan ni Yahweh nga iyang Dios.

2 Chronicles 27:8-9

Asa man gilubong si Jotam sa dihang namatay siya?

Gilubong si Jotam sa siyudad ni David.

Kinsa man ang nahimo nga hari human namatay si Jotam?

si Ahaz, ang anak ni Jotam, ang nahimong hari puli kaniya.

2 Chronicles 28

2 Chronicles 28:1-2

Unsa man ang wala buhata ni Ahaz nga gibuhat ni David nga iyang katigulangan?

Wala nagbuhat si Ahaz ug matarong sa atubangan ni Yahweh, dili sama sa gibuhat ni David nga iyang katigulangan.

Unsa man ang gibuhat ni Ahaz sa iyang pagkahari hari sa Israel?

Nagbuhat si Ahaz ug rebolto nga puthaw alang sa mga Baal.

2 Chronicles 28:3-4

Unsa man ang gibuhat ni Ahaz sa iyang mga anak nga dugang sa pagbuhat niya sa rebolto ni Baal, naghalad siya ug insenso, ug pagsunod sa kadaotan sa katawhan diin gipapahawa kanhi ni Yahweh sa sa atubangan sa katawhan sa Israel?

Gihalad ni Ahaz ang iyang mga anak pinaagi sa pagsunog niini.

2 Chronicles 28:5-6

Unsa man ang hinungdan sa pagkapildi ni Ahaz sa mga kamot sa Aramehanon ug usab sa kamot sa hari sa Israel?

Napildi si Ahaz sa taga-Aram ug sa hari sa Israel tungod kay siya ug ang iyang katawhan mitalikod kang Yahweh, ang Dios sa ilang katigulangan.

2 Chronicles 28:7-8

Unsa man ang gidala sa mga sundalo balik sa Samaria?

Gidala sa mga sundalo sa Israel ang mga gibihag nga ilang mga kadugo, ug ilang gidala ang mga kinawat nga ilang gidala pagbalik sa Samaria.

2 Chronicles 28:9-11

Kinsa man ang miadto sa pagsugat sa mga sundalo nga gikan sa Samaria?

Gisugat ni obed ang mga sundalo, nga propeta ni Yahweh.

Unsa man ang pasangil ni Obed batok sa mga sundalo?

Gipasanginlan ni Obed ang mga sundalo sa pagpamatay sa katawhan sa Juda sa kasuko nga sangko sa langit.

Unsa man ang gisulti ni Obed sa mga sundalo sa Israel nga buhaton sa mga piniriso nga ilang gidala ingon nga ulipon gikan sa Jerusalem?

Nagmando si Obed sa mga sundalo nga ipadala pagbalik ang mga piniriso, tungod kay nasuko si Yahweh kanila.

2 Chronicles 28:12-13

Unsa man ang gisulti sa mga pangulo sa katawhan sa Efraim nga hinungdan nga dili nila dad-on ang mga piniriso ngadto sa Samaria?

Ang mga pangulo nag-ingon mokadugang kini sa ilang mga sala batok kang Yahweh ug magdala sa iyang kapungot batok sa Israel.

2 Chronicles 28:14-15

Unsa man ang gibuhat sa mga pangulo sa mga piniriso sa dihang gibuhian sa mga sundalo ang mga piniriso sa ilang atubangan?

Gisininaan sila sa mga pangulo, gihatagan ug mga sandal, gihatagn ug pagkaon ug mainom, gitambalan ang ilang mga samad, gipasakay ang nagluya sa mga asno, ug ila silang gidala balik sa ilang mga pamilya ngadto sa Jerico.

2 Chronicles 28:16-18

Unsa man ang nakapaghat alang kang haring Ahaz nga magpadala ug mensahe ngadto sa hari sa Asiria aron mangayo ug tabang?

Naaghat si Ahaz sa pagpangayo ug tabang sa hari Asiria tungod kay ang taga-Edom nagsulong sa Juda ug ang Filistihanon gisakop ang mga siyudad sa mga patag nga bahin ug sa Negev sa Juda.

2 Chronicles 28:19-21

Unsa man ang nabuhat ni Ahaz nga maoy hinungdan nga gipaubos ni yahweh ang Juda?

Gipaubos ni Yahweh ang Juda tungod kay nagbuhat si Ahaz ug daotan ug nagpakasala pag-ayo batok kang Yahweh.

Nganong gikawatan man ni Ahaz ang balay ni Yahweh ug ang mga balay sa hari ug ang mga pangulo?

Gikawatan ni Ahaz ang balay ni Yahweh ug ang mga balay sa hari ug ang mga pangulo aron nga ihatag ang mga mahinungdanong mga butang ngadto sa mga hari sa Asiria.

2 Chronicles 28:22-23

Unsa man ang hinungdan sa pagkapildi ni Ahaz ug sa mga Israelita?

Nagpakasala si Ahaz batok kang Yahweh ug naghalad sa mga diosdios sa Damascu.

2 Chronicles 28:24-25

Unsa man ang gibuhat ni Ahaz sa mga butang sa balay sa Dios?

Gidugmok ni Ahaz ang mga butang ug gisirad-an ang mga pultahan sa balay ni Yahweh.

Unsa man ang resulta sa pagbuhat ni Ahaz sa halaran alang sa iyang kaugalingon sa matag eskina sa Jerusalem, ug gihimo nga halaran alang sa sinunog nga halad ngadto sa mga dios sa matag siyudad sa Juda?

Ang resulta sa gibuhat ni Ahaz mao nga nasako si Yahweh, ang Dios sa iyang mga katigulangan.

2 Chronicles 28:26-27

Asa man ang mga talaan sa mga buhat ni Ahaz?

Ang talaan sa mga buhat ni Ahaz ngadto sa Libro sa mga hari sa Juda ug sa Israel.

Kinsa man ang nahimo nga hari human mamatay si Ahaz ug gilubong sa Jerusalem

Si Hezekia, ang anak ni Ahaz, ang nahimo nga hari puli kaniya.

2 Chronicles 29

2 Chronicles 29:1-2

Kakinsang binuhatan ang gisunod ni Hezekia sa dihang misugod siya pagkahari sa nagpangidaron siya ug 25 anyos.

Gisunod ni Hezekia ang binuhatan sa iyang katigulangan nga si David ug gihimo niya ang maayo sa atubangan ni Yahweh.

2 Chronicles 29:3-5

Unsa man ang gisulti ni Hezekia sa mga Levita nga himoon pagkahuman niya giabrihan ang mga pultahan sa balay ni Yahweh ug giayo kini?

Gisultihan ni Hezekia ang mga Levita nga magbalaan sa ilang kaugalingon, balaana ang balay ni Yahweh, ug ipagawas ang mga hugaw sa balaang dapit.

2 Chronicles 29:6-7

Unsa man ang gisulti ni Hezekia nga gihimo sa ilang mga katigulangan sa panan-aw ni Yahweh?

Miingon si Hezekia ang iyang mga katigulangan nakalapas ug nagbuhat ug daotan sa panan-aw ni Yahweh nga ilang Dios.

Unsa man ang wala gihimo sa ilang mga katigulangan sa dapit diin nagpuyo si Yahweh?

Ang ilang mga katigulangan wala nagsunog ug insenso o naghalad ug halad sinunog sa balaang dapit ngadto sa Dios sa Israel.

2 Chronicles 29:8-9

Unsa man ang resulta sa kapungot ni Yahweh nga gipahamtang sa Juda ug sa Jerusalem?

Gihimo ni Yahweh ang Juda ug Jerusalem nga sintro sa kalisang, kahadlok, ug pagtamay.

Unsa man ang nahitabo sa ilang amahan, anak nga lalaki, anak nga babaye, ug mga asawa tungod sa kasuko ni Yahweh?

Ang ilang mga amahan namatay pinaagi sa espada, ug ang ilang anak nga lalaki, ang ilang mga anak babaye, ug ilang mga asawa nabihag tungod sa kasuko ni Yahweh.

2 Chronicles 29:10-14

Unsa man ang gipahayag ni Hezekia nga himoon aron dili na masuko si Yahweh kanila?

Nagpahayag si Hezekia nga maghimo sila ug saad kang Yahweh, ang Dios sa Israel.

2 Chronicles 29:15-17

Unsa man ang gihimo sa mga Levita pagkahuman nila gitigom ang ilang mga igsoon nga lalaki?

Ang mga Levita ug ang ilang mga igsoon nga lalaki, naghatag sa ilang kaugalingon ngadto kang Yahweh, ug miadto sa paghinlo sa balay ni Yahweh.

Unsa man ang gihimo sa mga pari sa tanang mahugaw nga ilang nakaplagan sa templo ni Yahweh sa dihang naghinlo sila?

Gikuha sa mga pari ang tanang hugaw nga ilang nakaplagan ug gidala sa sapa sa Kidron.

Unsa man kataas ang panahon alang sa mga pari sa pagbalaan sa balay ni Yahweh?

Ang mga pari nagsugod sa unang adlaw sa unang bulan ug nahuman sila sa ika -16 nga adlaw sa unang bulan.

2 Chronicles 29:18-19

Unsa man ang gisulti sa mga pari ngadto kang Hezekia giandam nila ug gibalaan sa dugang sa paglimpyo sa tibuok balay ni Yahweh?

Dugang pa niini sa paglimpyo sa tibuok balay ni Yahweh, ang mga pari nangandam ug nagbalaan sa tanang gipatuman ni Haring Ahaz nga gihatag sa dihang nakalapas siya sa iyang pagkahari.

2 Chronicles 29:20-21

Unsa man ang mando ni Haring Hezekia sa mga pari nga himoon sa mga mananap nga ilang gidala ingon nga halad sa sala alang sa Juda?

Miingon si Hezekia sa mga pari nga maghalad sa mga mananap sa halaran ni Yahweh.

2 Chronicles 29:22-24

Nganong gipatay man sa hari ang tanang mga mananap ug giwisik-wisik ang dugo niini sa halaran?

Gipatay sa mga pari ang mga mananap ug giwisik-wisik ang dugo niini ngadto sa altar aron sa pagpasig-uli sa tanang Israelita. Ang halad sinunog ug ang halad sa sala kinahanglan himoon alang sa tanang Israel.

2 Chronicles 29:25-26

Asa man gikan ang pagmando alang sa paghan-ay sa mga Levita ug sa ilang mga instrumento sa balay ni Yahweh?

Kini nga mando naggikan kang Yahweh pinaagi sa iyang mga propeta.

2 Chronicles 29:27-28

Unsa man kataas ang pag-awit ug pagtugtog sa mga musika nagapadayon samtang ang tibuok ingon nga nagdayeg ang katawhan ug nagsugod ang halad sinunog?

Ang pag-awit ug pagtugtog nagpadayon hangtod nga nahuman ang pagsunog sa mga halad.

2 Chronicles 29:29-30

Unsa man ang kinaiya sa mga Levita samtang nag-awit sila ug mga pagdayeg kang Yahweh gamit ang mga pulong ni David ug Asap?

Ang mga Levita nag-awit ug mga pagdayeg uban ang kalipay ug miyukbo sila ug nagdayeg.

2 Chronicles 29:31

Unsa man ang gidala sa katawhan sa balay ni Yahweh?

Ang katawhan nagdala ug mga halad ug halad sa pagpasalamat, ug ang tanang adunay masinugtanon nga kasingkasing nagdala ug halad sinunog.

2 Chronicles 29:32-33

Unsa man nga mga mananap ang gidala sa katawhan aron gamiton sa halad sinunog?

Nagdala ang katawhan ug turong baka, laking karnero, nating karnero, baka, ug karnero aron gamiton sa halad sinunog.

2 Chronicles 29:34

Nganong kinahanglan man nga hangyoon sa mga pari ang mga Levita nga motabang kanila sa pagpanit sa halad sinunog?

Mihangyo ang mga pari sa mga Levita sa pagtabang kanila sa pagpanit sa halad sinunog tungod kay gamay ra kaayo sila nga mga pari ang motrabaho niini.

2 Chronicles 29:35-36

Unsa man ang gihimo ni Hezekia ug sa tanang katawhan sa dihang ang serbisyo sa balay ni Yahweh nahan-ay na?

Nagmalipayon si Hezekia ug ang tanang katawhan.

2 Chronicles 30

2 Chronicles 30:1-3

Asa man nga dapit gipadala ni Hezekia ang mga mensahero ug para kang kinsa man niya gisulat ang mga sulat?

Nagpadala si Hezekia ug mga mensahero sa tibuok Israel ug Juda, ug nagpadala ug sulat kang Efraim ug Manases.

Unsa man ang mensahe ni Hezekia nga isulti kanila?

Ang mensahe miingon kanila nga kinahanglan moadto sila sa Jerusalem sa balay ni Yahweh aron sa pagsaulog sa Pista sa Pagsaylo.

Kinsa man sila nga naghiusa sa pagkonsulta, aron sa pagsaulog sa Pista sa Pagsaylo sa ikaduhang bulan?

Sila mao ang hari, ang iyang mga pangulo, ug ang tanang pundok sa Jerusalem.

Nganong dili man sila makasaulog dayon sa Pista?

Dili dayon sila makasaulog sa Pista, tungod kay walay saktong ihap sa mga pari nga gibalaan, o adunay katawhan nga nagkatigom sa Jerusalem.

2 Chronicles 30:4-5

Sa unsa man nga pamaagi napakita kining mga plano sa hari ug sa tanang katawhan

Ang plano napakita nga maayo sa ilang mga mata.

Unsa man ang nahimo ug natukod sa hari ug sa tibuok katawhan?

Nagtukod sila ug kasabotan ug naghimo ug pagmantala.

Asa man naabot ang pagmantala?

Naabot ang pagmantala sa tibuok Israel, gikan sa Beerheba paingon sa Dan.

Unsa man ang nahisulat sa pagmantala?

Ang pagmantala nag-ingon nga kinahanglan ang mga katawhan moadto aron sa pagsaulog sa Pista sa Pagsaylo ni Yahweh sa Jerusalem.

2 Chronicles 30:6

Sa unsa man nga pamaagi napakaylap ang pagmantala?

Ang pagmantala napakaylap sa mga mensahero pinaagi sa usa ka sulat gikan sa Hari ug sa iyang mga pangulo ngadto sa tibuok Israel ug Juda.

2 Chronicles 30:7-9

Unsa man ang giingon sa pagmantala nga mahitabo kung mobalik ang mga katawhan kang Yahweh.

Ang mga igsoon nga lalaki ug ang mga anak makadawat ug kaluoy sa atubangan niadtong nagkuha kanila isip mga piniriso, ug mobalik sila sa Israel.

2 Chronicles 30:10-12

Asa man niadto ang mga mensahero ug giunsa man ang pagtubag sa mga katawhan?

Miadto ang mensahero gikan sa siyudad ngadto sa laing siyudad sa tibuok Efraim ug Manases sa tibuok dalan sa Zebulun, apan mitubag lang ang mga tawo sa pagkatawa ug pagtamay.

Kinsa man nag nagpaubos sa ilang mga kaugalingon ug unsa man ang ilang gihimo?

Nagpaubos sa ilang mga kaugalingon ang pipila ka mga tawo sa Asher, sa Manases, ug sa Zebulun ug miadto sa Jerusalem.

Unsa man ang gihimo sa kamot sa Dios ug unsa ang nahitabo?

Miabot ang kamot sa Dios sa Juda ug aduna silay usa ka kasingkasing aron pagtuman sa sugo.

2 Chronicles 30:13-15

Pila man ang nagkatigom sa Jerusalem aron sa pagsaulog sa Pista sa Pan nga Walay Patubo sa ikaduhang bulan?

Nagtigom sa Jerusalem ang daghang mga tawo, usa ka dakong pundok sa mga katawhan.

Unsa man ang gibuhat sa tanang nagkatigom sa Jerusalem?

Ilang gikuha palayo ang mga halaran, ang tanang halaran sa insenso, ug gilabay nila kini sa Kidron. Unya ilang gipatay ang karnero alang sa Kasaulogan sa ika-14 nga adlaw sa ikaduhang bulan.

Unsa man ang gihimo sa mga pari ug mga Levita nga naulaw?

Ilang gibalaan ang ilang kaugalingon ug nagdala ug halad sinunog ngadto sa balay ni Yahweh.

2 Chronicles 30:16-17

Giunsa man nila sa pagtindog ug unsa man ang gihimo sa mga pari?

Mitindog sila sa dapit sumala sa ilang banay gisunod nila ang balaod ni Moises, ug ang mga pari ang nagwisik-wisik sa dugo.

Nganong giwisikwisik man sa pari ang dugo nga ilang nadawat gikan sa mga Levita?

Tungod kay daghan man kanila ang wala nakabalaan sa ilang kaugalingon, ang gitahasan sa pag-ihaw sa karnero alang sa Pista mao ang mga Levita, ug gidawat kini sa pari gikan kanila ug ila kining giwisik-wisik.

2 Chronicles 30:18-20

Nganong nag-ampo man si Hezekia sa mga katawhan sa Efraim, sa Manases, sa Isacar, ug sa Zebulun, ug alang sa unsa man ang iyang giampo?

Daghan sa mga katawhan ang wala makahinlo sa ilang kaugalingon ug mikaon sa pagkaon sa Pista nga kini supak sa nahisulat nga pahimangno. Busa nag-ampo si Hezekia ngadto kang Yahweh aron pasayloon kadtong mikaon ug naglain sa ilang kaugalingon sa pagpangita sa Dios, bisan pa ug wala sila nakahinlo pinaagi sa panig-ingnan sa balaan nga dapit.

Unsa man ang tubag ni Yahweh sa ilang mga pag-ampo?

Naminaw si Yahweh kang Hezekia ug giayo niya ang katawhan.

2 Chronicles 30:21-22

Unsa man ang gihimo sa mga Israelita, sa mga Levita, ug sa mga pari?

Gipadayon sa mga tawo ang Pista sulod sa pito ka adlaw nga uban ang dakong kalipay. Nagdayeg kang Yahweh ug nag-awit uban ang kusog nga tingog sa mga instrumento ang mga Levita ug mga pari.

Giunsa man pagsulti ni Hezekia sa mga Levita nga nakasabot sa ilang pag-alagad kang Yahweh, ug unsa man ang ilang gihimo?

Gidasig sila ni Hezekia ug mikaon sila sa Pista sulod sa pito ka adlaw, naghalad ug mga halad alang sa pakigdait, ug nangayo ug pasaylo kang Yahweh.

2 Chronicles 30:23-24

Unsa man ang nahimong hukom sa tibuok katawhan nga ilang himoon sa dihang gihatagan ni Hezekia ang tibuok katawhan ug mga 1,000 ka torong baka, ug 7,000 ka karnero, ug ang mga pangulo naghatag ug 1,000 ka torong baka ug 10,000 ka karnero ug mga kanding?

Ang tibuok katawhan nakahukom nga ilang dugangan ang pagsaulog sa lain pang pito ka adlaw, ug ila kining gihimo uban ang kalipay.

2 Chronicles 30:25-27

Kinsa man kadtong nagmaya sa pagsaulog?

Nagmaya ang tibuok Juda, ang mga pari, ang mga Levita, ug ang tanang katawhan nga nagtigom sa pag-adto gikan sa Israel, ang mga langyaw nga miadto gikan sa Israel ug kadtong nagpuyo sa Juda.

Giunsa man paghulagway ang pagsaulog?

Adunay dako nga kalipay sa Jerusalem, ug sukad pa sa panahon ni Solomon, walay sama niini sa Jerusalem.

Unsa man ang sunod nga gihimo sa mga pari ug mga Levita sa kasaulogan?

Gipanalanginan nila ang tanang katawhan ug nadungog ang ilang tingog ug naabot sa langit ang ilang mga pag-ampo.

2 Chronicles 31

2 Chronicles 31:1

Unsa man ang gihimo sa mga Israelita pagkahuman sa pagsaulog sa Pista sa Pan nga Walay Patubo?

Miadto sa siyudad sa Juda ang tanang katawhan sa Israel, gidugmok nila ang haligi nga bato, ug gibungkag nila ang poste nga si Ashera, ug gipangguba nila ang mga habog nga dapit ug ang mag halaran sa tibuok Juda, sa Benjamin, sa Efraim, ug sa Manases hangtod nga naguba nila ang tanan.

Asa man niadto ang mga katawhan sa Israel pagkahuman nila kini buhata?

Mibalik sila sa ilang kaugalingong yuta ug siyudad.

2 Chronicles 31:2-3

Unsa man ang gihatag nga tahas ni Hezekia sa mga pari ug mga Levita nga himoon human nga nahiluna sila sa ilang banay?

Gitahasan sila ni Hezekia nga maghimo ug sinunog nga halad, ug halad alang sa pagpakigdait, aron sa pag-alagad, aron sa pagpasalamat, ug aron sa pagdayeg sa ganghaan sa templo ni Yahweh.

Unsa man nga bahin ang gitahas kang Hezekia ug kanus-a man kini ihalad?

Ang bahin mao ang bahin sa hari gikan sa iyang kaugalingong mga kabtangan, ug ang sinunog nga halad alang sa buntag, ug gabii, ug sa Adlaw nga Ipagpahulay, sa mga pagsubang sa bulan, ug sa mga kapistahan.

2 Chronicles 31:4-5

Unsa man ang sugo ni Hezekia sa katawhan sa Jerusalem nga ilang himoon sa pari ug sa mga Levita aron nga makahunahuna sila pag-ayo sa pagtuman sa balaod ni Yahweh?

Mohatag usab ang mga katawhan sa bahin sa mga pari ug mga Levita.

Unsa man ang nahitabo sa dihang naabot sa mga tawo ang sugo?

Gihatag sa katawhan sa Israel ang unang bunga sa ilang trigo, sa bag-ong bino, sa lana, sa dugos, ug sa uban pang abot sa yuta nga madagayaon. Naghatag usab sila sa ikapulo sa tanang mga butang.

2 Chronicles 31:6-8

Unsa man ang gihimo sa mga tawo sa siyudad sa Juda mahitungod sa sugo?

Ang mga katawhan sa siyudad sa Juda nagdala sa ikapulo sa ilang mga baka ug karnero ug ang ikapulo sa mga butang nga gibalaan alang kang Yahweh, gibutang nila kini nga gipundok.

Unsa man nga bulan nga ilang gibutang ang mga nagtipun-og nga mga halad?

Gipahiluna sa mga tawo ang nagtipun-og sugod sa ikatulong bulan ug nahuman pagpahiluna ang nagtipun-og nga mga halad sa ikapito nga bulan.

Kinsa man ang nagdayeg kang Yahweh ug sa katawhan sa dihang nakita nila ang mga tapok?

Nagdayeg kang Yahweh si Hezekia ug ang mga pangulo ug ang katawhan.

2 Chronicles 31:9-15

Giunsa man pagtubag ni Azaria, ang pangulong pari, si Hezekia sa dihang nangutana siya sa pari ug sa mga Levita mahitungod sa mga tinapok?

Mitubag si Azaria nga ang mga tawo nagdala ug ikapulo ug gibutang nila kini sa dakong tapok. Gisultihan nila si Hezekia nga nakakaon sila sa husto, ug kining tinapok mao ang mga nahibilin tungod kay si Yahweh nagpanalangin sa katawhan.

Unsa man ang sugo ni Hezekia nga ipaandam ug unsa man ang gihimo sa mga katawhan?

Nagmando si Hezekia nga andamon ang bodega sa balay ni Yahweh. Unya nag-andam ang mga tawo ug nagdala sa ilang mga halad, sa ikapulo, ug mga gibalaan nga mga butang.

Kinsa man ang gitudlo ni Hezekia ug Azaria aron mahimong magdumala sa mga bodega?

Nagtudlo si Hezekia ug Azaria kang Konanias nga maoy magdumala uban ang igsoon ni Konanias nga si Shimei, isip ikaduhang tigdumala.

2 Chronicles 31:16

Alang kay kinsa man giapod-apod ni Kore ug kadtong uban kaniya ang mga halad?

Ila kining giapod-apod sa mga lalaki nga nagpangidaron ug tulo ka tuig pataas, sa ilang mga banay, nga giihap gikan sa ilang kaliwat nga misulod sa balay ni Yahweh nga naghimo sa ilang buluhaton sumala sa ilang katungdanan.

2 Chronicles 31:17-19

Kinsa man ang sunod nga giihap aron modawat sa halad?

Gihatag nila ngadto sa mga Levita ang nag-edad ug 20 ka tuig pataas sumala sa ilang mga katungdanan ug sa ilang banay.

Unsa man ang nahimo sa mga tawo sa wala pa sila nakadawat sa mga halad gikan kang Kore ug kadtong uban niya?

Gibalaan sa mga tawo ang ilang kaugalingon sa wala pa ang pag-apod-apod sa tanan nilang kabataan, ilang mga asawa, ug sa ilang mga anak nga lalaki ug sa mga anak nga babaye, nga naihap sa ilang mga kaliwat.

Unsa man ang ilang gihimo alang sa mga pari nga naihap sa mga kaliwat nga sila usab nahisakop sa mga Levita?

Adunay mga kalalakin-an nga gitahasan nga mohatag sa bahin sa tanang mga lalaki nga anaa didto sa kaumahan sa mga baryo nga nahisakop sa siyudad o sa matag siyudad.

2 Chronicles 31:20-21

Asa man kini gihuman ni Hezekia ug giunsa niya kini paghuman?

Gihuman kini ni Hezekia sa tibuok Juda ug nahimo kini nga maayo, matarong, ug matinumanon diha sa atubangan ni Yahweh.

Sa unsa man nga paagi gihimo ni Hezekia ang matag buluhaton, ug unsa man ang sangpotan niini?

Gihimo ni Hezekia kining tanang buluhaton sa tibuok niya nga kasingkasing, ug nagmalamposon siya.

2 Chronicles 32

2 Chronicles 32:1

Unsa man ang gihimo ni Senakerib, nga hari sa Asiria, ngadto sa Juda?

Misulod siya sa Juda ug gisulong ang siyudad.

2 Chronicles 32:2-4

Unsa man ang gihangyo nga tabang ni Hezekia sa iyang mga pangulo?

Naghangyo siya ngadto kanila nga pahunongon ang tanang tuboran ug mga sapa aron nga ang Hari sa Asiria dili makakaplag ug tubig.

2 Chronicles 32:5

Unsa man ang gihimo ni Hezekia aron mabantayan ang pagsulong sa kaaway?

Nagtukod siya ug mga paril ug naghimo ug daghan kaayong hinagiban.

2 Chronicles 32:6-8

Unsa man ang gihatag ni Hezekia nga makapadasig nga pulong sa iyang katawhan?

Gisultihan niya sila nga magmalig-on ug magmadasigon, ug dili angay mahadlok tungod kay si Yahweh, nga dako kaysa ilang mga kaaway, mao ang magtabang kanila.

2 Chronicles 32:9-10

Nganong gipadala man ni Senakerib ang iyang mga alagad sa Jerusalem?

Gusto siya mahibalo kung unsa ang gisaligan ni Hezekia aron magmadaogon.

2 Chronicles 32:11-12

Giunsa man pagsulay ug dani ni Senakerib ang katawhan nga gilingla lang sila ni Hezekia?

Misulti siya nga mahimong mamatay sila sa kagutom ug kauhaw ug gipangutana kung luwason ba sila ni Yahweh.

2 Chronicles 32:13-15

Unsa man ang gihimo ni Senakerib ug ang iyang mga katigulangan sa ubang mga tawo ug sa ilang kayutaan?

Tungod kay ang ilang diosdios dili makatabang kanila, ug hingpit silang napukan.

Nganong miingon man si Senakerib nga kinahanglan dili motuo ang mga Israelita kang Hezekia?

Gusto nga linglahon ni Senakerib ang katawhan sa ilang pagtuo nga ang Dios dili makaluwas kanila gikan sa iyang kamot nga gamhanan.

2 Chronicles 32:16-17

Unsa man ang gihimo ni Senakerib aron tamayon si Yahweh?

Nagsulat siya ug mensahe batok kang Yahweh, aron pagpahinumdom sa katawhan sa Jerusalem sa ilang kagahapon ug aron nga ang Dios ni Hezekia dili makaluwas kanila.

2 Chronicles 32:18-19

Nganong mihilak man ang sulugoon ni Senakerib sa Hebreo nga pinulongan ngadto sa katawhan sa Jerusalem?

Gusto sa sulugoon nga hadlokon ang katawhan aron ilang mailog ang siyudad.

2 Chronicles 32:20-21

Unsa man ang tubag ni Yahweh sa dihang miampo si Hezekia ug si Isaias ug mituaw ngadto sa langit?

Nagpadala siya ug anghel, aron mopatay sa mga kalalakin-an nga nakig-away ug ang mga opisyal.

Unsa man ang nahitabo kang Senakerib pagkahuman nga gipatay sa anghel ang iyang mga kasundalohan.

Mipauli si Senakerib nga naulawan sa iyang kaugalingong yuta, sa diin ang iyang kaugalingong mga anak ang mipatay kaniya.

2 Chronicles 32:22-23

Giunsa man pagtuboy kang Hezekia?

Giluwas ni Yahweh si Hezekia gikan kang Senakerib ug sa uban pa. Daghang bililhong mga gasa ang gidala kang Hezekia ug kang Yahweh

2 Chronicles 32:24-26

Unsa man ang nahitabo kang Hezekia sa dihang wala siya nagpasalamat kang Yahweh sa takna nga siya nagsakit nga halos mamatay na.

Miabot ang kasuko sa Dios ngadto kaniya, ug sa Juda ug sa Jerusalem. Pagkahuman nga ang katawhan sa Jerusalem nagpaubos sa ilang kaugalingon, ang kasuko ni Yahweh wala na gayod miabot kanila sa tibuok kinabuhi ni Hezekia.

2 Chronicles 32:27-29

Human nga nagpaubos si Hezekia sa iyang kaugalingon unsa man ang gihatag sa Dios kaniya?

Hilabihan ang pagpanalangin sa Dios kaniya uban sa mga bililhong bato, sa dakong abot, sa daghang mga mananap, ug mga siyudad.

2 Chronicles 32:30-31

Nganong gibiyaan man sa Dios si Hezekia sa iyang kaugalingon pagkahuman nga nagmalamposon siya sa tanan niyang buluhaton?

Gusto nga sulayan sa Dios ug aron iyang mahibaloan kung unsa ang naa sa iyang kasingkasing.

2 Chronicles 32:32-33

Asa man nahisulat ang maayong mga binuhatan ni Hezekia?

Nahisulat kini sa Panan-awon ni Isaias ang Propeta ug sa libro sa mga Hari sa Juda ug sa Israel.

2 Chronicles 33

2 Chronicles 33:1-3

Unsa man nga pagkahari si Manases sulod sa 55 ka tuig?

Gibuhat niya ang mga butang nga daotan sa panan-aw ni Yahweh, gitukod niya pagbalik ang mga diosdios nga giguba ni Hezekia kaniadto, ug gisimba ang mga bituon nga anaa sa kalangitan.

2 Chronicles 33:4-6

Unsa man ang iyang gibuhat nga nakapahagit sa kasuko sa Dios?

Gihalad ni Manases ang iyang mga anak ingon nga halad sinunog, naghimo siya ug salamangka, ug nakisayod niadtong mga tawo nga makig-istorya sa mga patay.

2 Chronicles 33:7-9

Unsa man ang gibuhat ni Manases aron nga pangulohan ang katawhan sa Juda ug Jerusalem nga magbuhat ug daotan?

Gisupak niya ang mga balaod pinaagi sa pagbutang ug mga kinulit nga larawan sa balay sa Dios.

2 Chronicles 33:10-11

Unsa man ang nahitabo kang Manases sa dihang nakigsulti si Yahweh kaniya ug sa katawhan?

Tungod kay wala man sila namati, gidala ngadto kanila ni Yahweh ang kasundalohan sa hari sa Asiria ug gipakadenahan si Manases ug gidala ngadto sa Babilonia.

2 Chronicles 33:12-13

Unsa man ang gibuhat ni Manases aron ibalik siya sa Dios sa Jerusalem?

Nagpaubos siya sa iyang kaugalingon, nag-ampo, ug nagpakiluoy sa Dios.

2 Chronicles 33:14-15

Pagkahuman sa pag-ampo ni Manases, unsa man ang iyang gibuhat aron ipakita ang iyang pagbasol?

Nagtukod siya ug habog nga paril palibot sa Juda ug gipangsalikway ang mga langyaw nga mga dios, ang mga diosdios nga iyang gibutang sa puluy-anan sa Dios, ug ang mga halaran nga iyang gipabuhat.

2 Chronicles 33:16-17

Alang kang kinsa man naghalad ug mga sakripisyo ang mga tawo sa balaang dapit?

Naghalad sila ug mga halad alang lamang kang Yahweh sa balaang dapit.

2 Chronicles 33:18-20

Giunsa man sa pagtipig ang mga pag-ampo ug ang mga mahinungdanong panghitabo kang Manases?

Ang mga mahinungdanong nga butang mahitungod kang Manases, ang iyang mga pag-ampo, ug ang mga pulong sa mga Propeta nahisulat uban sa mga buhat sa mga hari sa Israel.

2 Chronicles 33:21-23

Unsa man nga pagkahari si Amon sulod sa duha ka tuig?

Milabaw ang iyang pagkadaotan kaysa iyang amahan, nagsimba siya ug mga kinulit nga mga larawan, ug wala siya nagpaubos sa iyang kaugalingon sa atubangan ni Yahweh.

2 Chronicles 33:24-25

Human sa pagpatay sa mga sulugoon ni Haring Amon kaniya, unsa man ang gibuhat sa mga tawo sa kayutaan niadtong nagpatay kaniya?

Gipatay sa mga tawo sa kayutaan ang mga sulugoon nga nagpatay kang Amon.

2 Chronicles 34

2 Chronicles 34:1-3

Bisan tuod ug walo pa lamang ka tuig si Haring Josia sa dihang nahimo siyang hari, unsa man ang iyang gibuhat nga nakapahimuot kang Yahweh panahon sa iyang paghari?

Nangita siya sa Dios, gisugdan niya ang paghinlo sa Juda ug sa Jerusalem gikan sa alampoanan sa mga diosdios, ug sa mga kinulit nga mga larawan.

2 Chronicles 34:4-5

Giunsa man paghinlo ni Josia ang Juda ug ang Jerusalem?

Giguba niya ang mga halaran, gipangbuak ang mga poste sa diosa nga si Ashera, ang kinulit nga mga larawan, ug gipanglabay ang mga puthaw nga rebulto ug ang abog niini gikatag niya sa mga lubnganan. Gisunog niya ang mga bukog sa mga pari diha sa ilang mga halaran.

2 Chronicles 34:6-7

Unsa man ang gibuhat ni Josia sa yuta sa Israel sa wala pa siya mibalik sa Jerusalem?

Giusab niya ang paghinlo sama sa iyang gibuhat sa Juda ug sa Jerusalem.

2 Chronicles 34:8-9

Asa man gikan ang kuwarta nga gigamit sa pag-ayo sa balay ni Yahweh?

Gikolekta ang kuwarta gikan sa katawhan sa Jerusalem ug gitugyan kini ngadto sa labaw nga pari.

2 Chronicles 34:10-11

Alang kang kinsa man ang kuwarta nga gihatag ug alang sa unsa man kini gamiton?

Alang kini sa mga panday ug sa mga magtutukod aron ipalit ug mga tiniltil nga bato ug kahoy aron pag-ayo sa templo.

2 Chronicles 34:12-13

Unsa man ang katungdanan sa mga Levita sa pag-ayo sa templo?

Ang uban mga tigdumala sa mga trabahante, mga sekretaryo, ug mga guwardiya; ang uban mga maayong musikero ug nagdumala sa mga matinud-anong mga trabahante.

2 Chronicles 34:14-16

Unsa man ang nakit-an sa pari sa dihang gikuha niya ang kuwarta nga gidala sa balay ni Yahweh?

Nakit-an sa labaw nga pari ang libro sa balaod ni Yahweh nga gihatag kang Moises.

2 Chronicles 34:17-22

Unsa man ang gibuhat sa hari pagkadungog niya sa mga pulong sa balaod?

Gigisi ni Haring Josia ang iyang bisti.

2 Chronicles 34:23-25

Nganong gibubo man sa Dios ang iyang kasuko ngadto sa katawhan ug dili mapalong?

Kay gisalikway man nila siya pinaagi sa pagsimba sa laing mga dios sama sa gibuhat sa ilang mga katigulangan.

2 Chronicles 34:26-28

Tungod kay malumo man ang kasingkasing ni Josia, unsa man ang nahitabo sa dihang gipaubos niya ang iyang kaugalingon human madungog ang mga pulong sa Dios?

Miingon ang Dios nga hatagan siya ug kalinaw, ug dili niya makita ang mga katalagman nga ipahamtang sa Dios sa katawhan ug sa yuta.

2 Chronicles 34:29-30

Nganong gipatigom man ni Josia ang katawhan gikan sa pinakagamay hangtod sa pinakadako?

Tungod kay pagabasahon man ni Josia ngadto kanila ang mga pulong nga gikan sa libro sa kasabotan.

2 Chronicles 34:31-32

Unsa man nga kasabotan ang gihimo ni Josia diha kang Yahweh?

Naghimo siya ug kasabotan diha kang Yahweh nga tumanon ang iyang mga mando.

2 Chronicles 34:33

Unsa man ang gihimo sa katawhan sa Israel agi ug pagtuman kag Josia?

Gisimba nila si Yahweh ug wala mitalikod kaniya.

2 Chronicles 35

2 Chronicles 35:1-2

Giunsa man paghandom ni Josia ang Pagsaylo sa Jerusalem?

Nagpaihaw siya ug mga nating karnero alang sa Pagsaylo ug gipahimutang ang mga pari sa ilang mga katungdanan sa balay ni Yahweh.

2 Chronicles 35:3-4

Asa man gipabutang ni Josia sa katawhan ang balaang sudlanan sa kasabotan imbis nga pas-anon kini sa ilang mga abaga?

Gisultihan sila nga ibutang ang balaang sudlanan sa kasabotan sa balay nga gitukod ni Solomon.

2 Chronicles 35:5-9

Giunsa man pagpangandam sa katawhan alang sa Pagsaylo?

Nag-ihaw ang katawhan ug mga nating karnero alang sa Pagsaylo ug nagbalaan sa ilang mga kaugalingon ingon nga pagtuman sa pulong sa Dios.

2 Chronicles 35:10-15

Giunsa man paghalad sa katawhan sa Israel ang ilang mga halad sakripisyo ngadto kang Yahweh?

Nag-ihaw sila ug mga nating karnero alang sa Pagsaylo, giwisikwisik ang dugo, gipanitan ang mga nating karnero, ug gitugyan ang halad sinunog ngadto kang Yahweh, sama sa nahisulat sa libro ni Moises.

2 Chronicles 35:16-17

Unsa man ang gibuhat sa katawhan sa Israel pagkahuman sa pagsaulog sa Pagsaylo?

Nagsaulog sila sa Pista sa Pan nga walay Patubo sulod sa pito ka adlaw.

2 Chronicles 35:18-19

Nganong pinasahi man ang pagsaulog sa Pagsaylo?

Pinasahi kini sanglit mao man kini ang unang higayon nga gibuhat kini sa Israel sukad sa mga adlaw ni propeta Samuel.

2 Chronicles 35:20-21

Unsa man ang mensahe nga gipadala sa hari sa Ehipto ngadto kang Josia?

Miingon siya nga nagsugo ang Dios kaniya nga makig-away batok sa Carkemis ug kinahanglan nga dili mobabag si Josia.

2 Chronicles 35:22

Unsa man ang tubag ni Josia sa mensahi nga naggikan sa hari sa Ehipto?

Wala siya namati sa mga pulong sa hari, apan hinuon, nagtakuban si Josia aron makig-away.

2 Chronicles 35:23-24

Unsa man ang nahitabo kang Josia panahon sa gubat?

Naigo siya sa mga tigpana ug gikuha siya sa iyang mga sulugoon paingon sa Jerusalem, kung diin namatay siya sa wala madugay.

2 Chronicles 35:25-27

Unsa man ang mga awit sa pagbangotan nga nahimong naandan nga buhaton sa Israel?

Mao ang mga awit nga ilang giawit aron sa pagbangotan kang Josia ug ginaawit pa gihapon.

Asa man gisulat ang mga panghitabo ug mga maayong nabuhat ni Josia?

Nahisulat kini sa Libro sa mga Hari sa Juda ug sa Israel.

2 Chronicles 36

2 Chronicles 36:1-2

Human namatay si Josia, si kinsa man ang nahimong hari sa Jerusalem?

Gihimong hari sa katawhan sa Israel ang anak ni Josia nga si Jehoahaz, ug naghari siya sulod sa tulo ka bulan.

2 Chronicles 36:3-4

Giunsa man pagkahimong hari ni Eliakim sa Juda ug sa Jerusalem?

Ang hari sa Ehipto nagpahawa kang Jehoahaz human sa tulo ka bulan niya nga paghari ug gihimong hari si Eliakim, nga giilisan sa hari ug Jehoiakim ang iyang ngalan.

2 Chronicles 36:5-7

Unsa nga matang sa pagkahari si Jehoiakim sulod sa napulo ug usa ka tuig nga iyang paghari?

Daotan si Jehoiakim sa panan-aw ni Yahweh.

Unsa man ang gibuhat ni Haring Nebucadnezar nga taga-Babilonia ngadto sa hari sa Juda?

Gisulong niya siya, gikadenahan siya, ug gidala ngadto sa Babilonia.

Unsa man ang gibuhat ni Nebucadnezar sa puloy-anan ni Yahweh?

Gidala niya ang pipila sa mga butang sa puloy-anan ni Yahweh paingon sa Babilonia, ug gibutang kini sa iyang palasyo.

2 Chronicles 36:8

Kinsa man ang nahimong hari puli kang Jehoiakim?

Nahimong hari puli kaniya ang iyang anak nga lalaki nga si Jehoiakin.

2 Chronicles 36:9-10

Unsa nga matang nga pagkahari si Jehoiakin?

Sa hamubo niya nga panahon sa paghari, nagbuhat siya ug daotan sa panan-aw ni Yahweh.

Giunsa man pagtagad ni Haring Nebucadnezar kining si Jehoiakin?

Gidala niya si Jehoiakin sa Babilonia uban ang mga bililhong mga butang gikan sa puloy-anan ni Yahweh.

2 Chronicles 36:11-12

Giunsa man pagtubag ni Zedekia si Yahweh?

Nagbuhat siya ug daotan sa panan-aw ni Yahweh, ug wala niya gipaubos ang iyang kaugalingon atubangan sa propeta nga si Jeremias, nga nagsulti sa mga pulong nga naggikan kang Yahweh.

2 Chronicles 36:13-14

Giunsa man pagsupak ni Zedekia batok kang haring Nebucadnezar?

Gipatig-a niya ang iyang kasingkasing diha kang Yahweh ug mitalikod siya gikan kang haring Nebucadnezar.

2 Chronicles 36:15-16

Giunsa man gibuhat sa katawhan sa kaluoy nga padayong gipakita ni Yahweh kanila?

Gibugalbugalan nila ang mga mensahero sa Dios, gitamay ang iyang mga pulong, ug gibiaybiay ang iyang mga propeta.

2 Chronicles 36:17

Giunsa man sa Dios ang mga mabugalbugalon?

Gipanglagalag niya ang mga batan-ong lalaki pinaagi sa hari sa Caldeahanon, ug ang uban gitugyan ngadto sa hari.

2 Chronicles 36:18-19

Unsa man ang gibuhat sa hari sa mga taga-Babilonia ngadto sa Jerusalem ug unsa man ang ilang gidala ngadto sa Babilonia.

Giguba niya ang puloy-anan sa Dios, ang paril sa Jerusalem, ang tanang mga palasyo niini, ug ang maanindot nga mga butang niini. Unya gipangdala nila ang tanang mga kagamitan ug mga bahandi ngadto sa Babilonia.

2 Chronicles 36:20-21

Unsa man ang nahitabo niadtong mga nakaikyas sa pagpamatay?

Nahimo silang mga ulipon alang sa hari ug sa iyang mga anak nga lalaki, natuman ang mga pulong ni Yahweh nga gisulti ni Jeremias.

2 Chronicles 36:22-23

Unsa man ang gimantala ni Cyrus, nga hari sa Persia ug gisulat kini?

Miingon siya nga gimandoan siya ni Yahweh nga pagatukoron ang puloy-anan sa Dios sa Jerusalem ug magauban ang Dios kanila sa dihang motungas sila sa maong yuta.