1 Chronicles

1 Chronicles 1

1 Chronicles 1:8-16

Kinsa man ang unang manggugubat sa kalibotan?

Ang unang manggugubat mao si Nimrod, nga anak ni Cus.

1 Chronicles 1:17-42

Nganong ginganlan man ug Peleg ang usa sa mga anak ni Eber?

Tungod kay nabahin ang kalibotan sa iyang kapanahonan.

1 Chronicles 1:43-54

Unsa man nga yuta ang adunay mga hari sa wala pay mga naghari sa mga Israelita?

Aduna nay mga hari ang yuta sa Edom sa wala pay mga hari ang mga Israelita.

1 Chronicles 2

1 Chronicles 2:3-4

Unsa man ang nahitabo kang Er, ang kamagulangang anak ni Juda?

Daotan siya sa panan-aw ni Yahweh, busa gipatay siya ni Yahweh.

1 Chronicles 2:5-12

Unsa man ang gibuhat ni Acar nga nagdala ug kasamok sa Israel?

Gikawat niya kung unsa ang gigahin alang sa Dios.

1 Chronicles 2:13-55

Kinsa man ang ikapitong anak ni Jesse?

Si David ang ikapitong anak ni Jesse.

1 Chronicles 3

1 Chronicles 3:4-14

Pila man ka tuig ang pagdumala ni David ingon nga hari sa Jerusalem?

Nagdumala siya sulod sa 33 ka tuig ingon nga hari sa Jerusalem.

1 Chronicles 3:15-24

Kinsa man ang kataposang hari sa mga Israelita?

Si Zedekia mao ang kataposang hari sa Israel.

1 Chronicles 4

1 Chronicles 4:9-26

Unsa man ang giampo ni Jabez ngadto sa Dios sa Israel?

Nag-ampo siya nga panalanginan siya sa Dios, palapdon ang iyang nasakopan, ilikay siya sa katalagman aron dili siya mag-antos sa kasakit.

Gitubag ba ang pag-ampo ni Jabez?

Oo, gitubag sa Dios ang iyang pag-ampo.

1 Chronicles 4:27-38

Nganong wala man midaghan pag-ayo ang kaliwatan ni Shimei ug sa iyang mga igsoong lalaki ug dili sama sa katawhan sa Juda?

Ang iyang igsoong mga lalaki wala makabaton ug daghang mga anak.

1 Chronicles 4:39-43

Nganong miadto man sa Gedor sa sidlakang bahin sa walog ang pipila sa mga anak nga lalaki ni Shimei?

Nangita sila ug sabsabanan alang sa ilang kahayopan, ug nakaplagan nila ang abugana ug maayong sabsabanan didto.

1 Chronicles 5

1 Chronicles 5:1-3

Nganong gihatag man ang katungod sa pagkamagulang ni Ruben ngadto kang Jose nga iyang igsoon?

Gihatag ngadto kang Jose ang iyang katungod sa pagkamagulang, ingon nga anak sa Israel, tungod kay gihugawan ni Ruben ang higdaanan sa iyang amahan.

Asa man maggikan sa mga anak ni Israel ang mahimong pangulo?

Maggikan sa Juda nga anak sa Israel ang usa ka pangulo.

1 Chronicles 5:4-17

Unsa man ang nahitabo kang Beera, nga anak nga lalaki ni Baal?

Gibihag siya sa hari sa Asiria.

1 Chronicles 5:18-19

Unsa man kadaghan ang gibansay nga mga sundalo sa Rubenhon, sa mga Gadhanon, ug ang katunga sa tribo ni Manases?

Aduna silay 44,000 ka mga sundalo nga gibansay alang sa gubat, sa pagdala ug taming ug espada, ug pana.

1 Chronicles 5:20-22

Nganong napildi man ang mga Hagarnon?

Napildi sila tungod kay nagtuaw man ang mga Israelita ngadto sa Dios ug nagsalig sila kaniya, ug gitubag sila sa Dios.

Unsa man kadugay ang pagpuyo sa mga Israelita sa yuta nga ilang nailog gikan sa mga Hagarnon?

Nagpuyo sila didto hangtod sa ilang pagkabihag.

1 Chronicles 5:23-24

Asa man nagpuyo ang katunga sa tribo ni Manases uban sa ilang mga pamilya?

Nagpuyo sila sa yuta sa Bashan.

1 Chronicles 5:25-26

Unsa man ang gibuhat sa Dios ngadto sa mga Rubenhon, Gadhanon, ug sa katunga sa tribo ni Manases tungod sa ilang pagka-dili matinud-anon?

Gisugo sa Dios ang hari sa Asiria ug gidala kini nga mga tribo ngadto sa pagkabinihag sa Asiria.

1 Chronicles 6

1 Chronicles 6:13-30

Asa man gipabihag ni Yahweh ang Juda ug ang Jerusalem?

Gitugyan niya ang Juda ug ang Jerusalem ngadto kang Nebucadnezar ang hari sa Babilonia.

1 Chronicles 6:31-47

Unsa man ang mga buluhaton sa mga kalalakin-an nga gitugyanan ni David sa pag-awit?

Mag-alagad sila pinaagi sa pag-awit sa atubangan sa tabernakulo.

Kinsa man ang nagtukod sa balay ni Yahweh sa Jerusalem?

Si Solomon ang nagtukod sa balay ni Yahweh.

1 Chronicles 6:48

Kinsa man nga tribo sa Israel ang gisaligan sa pagbuhat sa mga buluhaton sa tabernakulo?

Ang mga Levita mao ang gisaligan sa pagbuhat sa mga buluhaton.

1 Chronicles 6:49-62

Unsa man nga mga halad sa pagpasaylo nga buluhaton ni Aaron ug sa iyang mga anak nga lalaki?

Buluhaton nila ang mga halad sa halaran alang sa halad sinunog ug alang sa halaran sa insenso.

Alang sa unsa man kini nga mga halad?

Kini nga mga halad alang sa pagpasaylo sa mga sala sa Israel.

1 Chronicles 6:63-81

Asa man nagpuyo ang mga Levita nga wala man sila gihatagan ug yuta sama sa ubang mga tribo?

Gihatagan ang mga Levita ug luna sa mga lungsod, ang ilang mga sabsabanang dapit gikan sa mga tribo sa Juda, Simeon, ug Benjamin.

1 Chronicles 7

1 Chronicles 7:1-3

Unsang matang sa mga lalaki ang anak ni Tola?

Mga kusgan sila ug isog nga mga tawo.

1 Chronicles 7:4-5

Pila man ang gidaghanon sa mga lalaking manggugubat nga gikan sa tirbo ni Iacar?

Adunay 87,000 ka mga manggugubat ang tribo ni Isacar.

1 Chronicles 7:6-13

Sa unsa man naila ang mga anak nga lalaki ni Bela?

Naila ang mga anak nga lalaki ni Bela ingon nga mga sundalo ug mga pangulo sa mga banay.

1 Chronicles 7:14-19

Kinsa man ang nanamkon sa batang lalaki nga anak ni Manases nga ginganlan ug Asriel?

Ang puyopuyo ni Manases nga Aramihanon ang nanamkon alang kaniya ug batang lalaki nga ginganlan ug Asriel.

1 Chronicles 7:20-22

Nganong gikinahanglan man ni Efraim ang paghupay gikan sa iyang mga igsoong lalaki sa dihang nagsubo siya sulod sa daghang mga adlaw?

Gikinahanglan ni Efraim ug paghupay gikan sa iyang mga igsoong lalaki tungod kay ang iyang anak nga si Ezer ug si Elead gipatay sa mga tawo sa Gat sa dihang gikawat nila ang ilang mga kahayopan.

1 Chronicles 7:23-24

Nganong ginganlan man ni Efraim ug Beriah ang iyang anak nga lalaki?

Ginganlan ni Efraim ug Beriah ang iyang anak tungod sa katalagma nga midangat sa iyang panimalay.

1 Chronicles 7:25-27

Kinsa man ang anak nga lalaki ni Nun?

Si Josue mao ang anak nga lalaki ni Nun.

1 Chronicles 7:28-38

Asa man ang mga gipanag-iya ug mga gipuy-an ni Josue ug sa iyang panimalay?

Ang ilang gipanag-iyahan ug mga gipuy-an mao ang Betel ug ang mga kasikbit nga mga baryo.

1 Chronicles 7:39-40

Unsa man ang mga kinaiya sa mga kaliwatan ni Asher?

Ang mga kaliwatan ni Asher mao ang mga katigulangan sa kaliwatan, pangulo sa ilang mga panimalay, mga halangdong tawo, mga manggugubat, ug mga labaw taliwala sa mga pangulo.

1 Chronicles 8

1 Chronicles 8:6-11

Unsa man gipapugos nga ipabuhat sa kaliwatan ni Ehud?

Ang mga kaliwat ni Ehud gipabalhin ngadto sa Manahath.

1 Chronicles 8:12-25

Kinsa man ang gihinginlan sa mga anak nga lalaki ni Elpaal?

Gihinginlan sa iyang mga anak nga lalaki ang namuyo sa Gat.

1 Chronicles 8:26-31

Asa man namuyo ang mga anak nga lalaki ni Jeroham?

Namuyo sila sa Jerusalem.

1 Chronicles 8:32-37

Asa man namuyo si Mikloth ug ang iyang panimalay?

Si Mikloth ug ang iyang panimalay nagpuyo sa ilang mga kabanay sa Jerusalem.

Kinsa man ang amahan ni Saul?

Si Kish mao ang amahan ni Saul.

1 Chronicles 8:38-40

Sa unsa man naila ang mga anak nga lalaki ni Ulam, nga kaliwatan ni Benjamin?

Ang mga anak nga lalaki ni Ulam mga manggugubat ug mga mamamana.

1 Chronicles 9

1 Chronicles 9:1-9

Asa man natala ang mga kagikan sa tibuok Israel?

Ang mga kagikan natala sa Basahon sa mga Hari sa Israel.

Nganong gibihag man si Juda padulong sa Babilonia?

Gibihag si Juda padulong sa Babilonia tungod sa ilang sala.

Kinsa man ang unang katawhan nga mopuyo pagbalik sa ilang mga siyudad?

Ang unang mopuyo pagbalik sa ilang mga siyudad mao ang pipila ka mga Israelita, mga pari, mga Levita, ug mga alagad sa templo.

1 Chronicles 9:10-11

Sa unsa man naila si Azariah?

Si Azariah mao ang pari nga tigdumala sa balay sa Dios.

1 Chronicles 9:12-16

Sa unsa man naila ang mga kabanay ni Adaiah ug Maasai?

Sila ang mga lalaki nga angayan mamuhat sa balay sa Dios.

1 Chronicles 9:17-19

Unsa man ang katungdanan kaniadto nga gisangon sa mga magbalantay sa pultahan?

Ang mga magbalantay sa pultahan magbantay sa ganghaan sa hari sa sidlakan nga bahin alang sa kampo sa mga kaliwat ni Levi.

Unsa man ang katungdanan sa mga Korahitanon?

Ang mga Korahitanon mao ang mga magbalantay sa mga buluhaton sa templo ug sa mga pultahan sa tolda kung asa nagpuyo si Yahweh.

1 Chronicles 9:20-21

Unsa man ang mga katungdanan ni Zacarias ang anak ni Meshelemiah?

Si Zacarias mao ang magbalantay sa agianan sa Templo, ang "tolda nga tagboanan".

1 Chronicles 9:22-24

Unsa man ang gibuhat sa mga magbalantay sa ganghaan ug sa ilang anak, nga gibutang ni David ug ni Samuel sa ilang mga katungdanan ingon nga sinaligan sa Israel?

Ang mga magbalantay sa ganghaan ug ang ilang mga anak mao ang nagbantay sa ganghaan sa balay ni Yahweh, ang tabernakulo.

1 Chronicles 9:25-27

Giunsa man pagbuhat sa upat ka mga pangulo sa magbalantay sa ganghaan ang buluhaton nga gituga kanila sa pagbantay sa lawak ug mga lawak tipiganan sa balay sa Dios?

Ang upat ka mga pangulo sa mga magbalantay sa ganghaan magbantay tibuok gabii sa ilang mga dapit palibot sa balay sa Dios ug ablihan kini matag buntag.

1 Chronicles 9:28-29

Unsa man ang tahas nga gihatag sa mga Levita?

Ang ubang mga Levita mao ang tigdumala sa kasangkapan sa templo ug ang uban mao ang tig-atiman sa mga kagamitan sa balay alampoanan, kasangkapan, ug mga panginahanglan sama sa harina, sa bino, sa lana, sa insenso, ug sa mga pahumot.

1 Chronicles 9:30-32

Unsa man ang katungdanan sa mga Kohanitanon?

Ang mga Kohanitanon mao ang tigdumala sa pag-andam sa tinapay diha sa presensya matag Adlaw Igpapahulay.

1 Chronicles 9:33-44

Nganong ang mga mang-aawit ug ang mga pangulo sa panimalay sa Levita nagpuyo man sa mga lawak sa balay alampoan sa diha wala na silay buhaton?

Ang mga mang-aawit ug mga pangulo sa panimalay sa Levita nagpuyo sa balay alampoan tungod kay gisangonan sila sa ilang buluhaton adlaw-adlaw ug gabii.

1 Chronicles 10

1 Chronicles 10:1-3

Unsa man ang nahitabo sa mga anak nga lalaki ni Saul didto sa Bukid sa Gilboa?

Gigukod sa mga Filistehanon ang mga anak ni Saul ug gipamatay sila.

1 Chronicles 10:4

Nganong gusto man ni Saul nga duslakon siya espada sa iyang tigdala sa hinagiban?

Gusto ni Saul nga duslakon siya ug espada sa tigdala sa iyang hinagiban aron nga dili siya among-amongan sa walay tuli nga mga tawo.

Unsa man ang gibuhat ni Saul sa dihang ang iyang tigdala sa hinagiban mibalibad sa pagduslak kaniya?

Gihulbot ni Saul ang iyang kaugalingong espada ug miubo siya niini.

1 Chronicles 10:5-6

Unsa man ang gibati sa tigdala sa hinagiban ni Saul sa iyang kamatayon?

Sa pagkakita sa tigdala sa hinagiban ni Saul nga patay na si Saul, miubo usab siya sa iyang espada ug namatay.

1 Chronicles 10:7-8

Unsa man ang gibuhat sa katawhan sa Israel sa pagkakaita nila nga nanagan na ang kasundalohan sa Israel ug namatay na si Saul ug ang iyang mga anak nga lalaki?

Nangikyas sila nga gipamiyaan ang ilang mga siyudad ug gipasagdan nga mangabot ang mga Filistehanon ug mamuyo niini.

1 Chronicles 10:9-10

Unsa man ang gibuhat sa mga Filistehanon sa lawas ni Saul?

Gipanguhaan sa mga Filistihanon sa mga butang ang iyang lawas ug gibutang ang iyang mga hinagiban sa templo sa ilang mga dios ug gibitay ang iyang ulo sa templo ni Dagon.

1 Chronicles 10:11-12

Unsa man ang gibuhat sa mga manggugubat sa Jabesh Gilead sa lawas ni Saul ug sa iyang mga anak?

Gikuha nila ang lawas ni Saul ug sa iyang mga anak ug gidala kini sa Jabesh ug gilubong ang ilang mga bukog ilalom sa kahoyng tugas.

1 Chronicles 10:13-14

Nganong namatay man si Saul?

Namatay si Saul tungod kay masinupakon siya ug wala pangitaa ang giya gikan kang Yahweh, kondili nagpakisayod hinuon sa usa ka tawo nga makahimo sa pagpakigsulti sa mga patay.

Kang kinsa man gitugyan ni Yahweh ang gingharian sa Israel?

Gitugyan ni Yahweh ang gingharian sa Israel ngadto kang David ang anak ni Jesse.

1 Chronicles 11

1 Chronicles 11:1-3

Nganong gusto man sa tibuok Israel nga dihogan si David isip hari sa tibuok Israel?

Si David ang ilang unod ug ang ilang bukog, nangulo sa kasundalohan nga Israelita kaniadto, ug gipadayag ni Yahweh pinaagi kang Samuel nga si David maoy maghari sa tibuok Israel.

1 Chronicles 11:4-6

Unsa man ang gibuhat ni Joab nga nahimo man siya nga kumandante sa kasundalohan sa Israel?

Miingon si David nga kung kinsa kadtong unang makiggubat sa Jebusihanon mahimong kumandante, ug si Joab ang una nga nakiggubat kanila.

1 Chronicles 11:7-9

Nganong bantogan man pag-ayo si David human siya nagpuyo sa siyudad ni David?

Bantogan si David tungod kay uban man kaniya si Yahweh.

1 Chronicles 11:10-11

Sa unsa man nailhan si Jashobeam?

Gipatay ni Jasobeam ang 300 ka mga sundalo gamit ang iyang bangkaw sa usa ka higayon.

1 Chronicles 11:12-14

Unsa man ang dungog ni Eleazer nga taga-Ahot?

Human sa pagkagiw sa kasundalohan nga Israelita, nagbarog si Eleazer nga taga-Ahot taliwala sa kaumahan sa sebada ang gibuntog ug mga Filistihanon.

1 Chronicles 11:15-17

Unsa man ang gihangyo ni David?

Gusto ni David nga moinom ug tubig gikan sa atabay nga duol sa ganghaan sa Betlehem.

1 Chronicles 11:18-19

Unsa man ang gibuhat sa tulo ka bantogang sundalo ni David aron tumanon ang iyang gihangyo?

Gibuntog sa tulo ka bantogang sundalo ni David ang kasundalohan sa Filitihanon, ug nagkuha ug tubig sa atabay, ug gidala kini ngadto kang David.

Nganong wala man inoma ni David ang tubig gikan sa atabay nga anaa sa Betlehem sa dihang namiligro ang kinabuhi sa iyang bantogang mga sundalo?

Wala giinom ni David ang tubig tungod kay dili siya makahimo sa pag-inom niini samtang namiligro ang kinabuhi sa iyang sundalo sa pagkuha niini.

1 Chronicles 11:20-21

Unsa man ang katungdanan ni Abisai, nga igsoong lalaki ni Joab?

Si Abisai ang kapitan taliwala sa tulo ka bantogang sundalo ug nagpatay sa tulo ka gatos gamit ang iyang bangkaw sa usa ka higayon.

1 Chronicles 11:22-23

Unsa man ang katungdanan ni Benaya, nga anak ni Jehoyada?

Si Benaya usa ka kusgan nga tawo nga nagpatay sa liyon nga anaa sa langub samtang panahon sa tingtugnaw, ug nagpatay sa daghang Ehiptohanon pinaagi sa paglayog sa iyang bangkaw

1 Chronicles 11:24-25

Unsa man ang gihatag nga tahas ni David kang Benaya?

Inila gayod si Benaya pinaagi kang David, busa gihimo siya nga pangulo sa iyang tigbantay.

1 Chronicles 11:26-47

Kinsa man sa bantogan nga mga sundalo ang igsoong lalaki ni Joab?

Si Asael mao ang bantogan nga mga sundalo nga igsoong lalaki ni Joab.

1 Chronicles 12

1 Chronicles 12:1-7

Unsa man ang pinasahi nga abilidad sa isog nga mga lalaki nga miadto kang David samtang gihinginlan pa siya sa presensya ni Saul?

Makahimo ang mga kaliwat ni Benjamin ang mga lalaki sa pagpana ug paglambuyog sa mga bato gamit ang ilang wala ug tuo nga mga kamot.

1 Chronicles 12:8-13

Unsa man ang pinasahi nga mga abilidad sa mga kaliwat ni Gad nga nakighiusa kang David sa tagoanan didto sa kamingawan?

Ang mga kaliwat ni Gad mga lalaki nga manggugubat nga gibansay sa gubat nga makahimo sa paggunit sa taming ug bangkaw, nga may mga dagway nga sama ka isog sa mga dagway sa liyon, ug paspas silang managan sama sa mga binaw nga anaa sa kabukiran.

1 Chronicles 12:14-15

Unsa man ang nabuhat sa mga anak nga lalaki ni Gad sa yuta nga gihatag kanila?

Ang mga anak nga lalaki ni Gad wala lamang mitabok sa Jordan human kini mibaha, apan giabog usab nila kadtong namuyo sa mga walog.

1 Chronicles 12:16-17

Unsa man ang gipasidaan ni David ngadto sa mga lalaki nga kaliwat ni Benjamin ug ni Juda sa dihang miadto sila sa iyang tagoanan?

Miingon si David kanila nga mahimo sila nga makig-abin kaniya kung miadto sila sa kalinaw, apan kung miadto sila aron sa pagbudhi kaniya ngadto sa iyang mga kaaway, nan ingnan niya ang Dios nga badlongon sila sanglit wala man siyay nabuhat nga daotan.

1 Chronicles 12:18

Unsa man ang tubag ni Amasai sa pasidaan ni David?

Giingnan ni Amasia si David nga dapig kami kanimo ug gusto lamang ug kalinaw ang si bisan kinsa nga motabang kang David tungod kay ang Dios nagtabang kaniya.

1 Chronicles 12:19-20

Ngano man nga gipapahawa sa mga Filistihanon si David sa dihang miadto si David uban sa mga Filistihanon aron sa pagpakig-away sa gubat batok kang Saul?

Nangahadlok ang mga Filistihanon nga mobalik siya aron sa pagpakig-away uban kang Saul ug mabutang sa makuyaw ang ilang kinabuhi.

1 Chronicles 12:21-22

Giunsa man pagtabang sa mga tawo ni Manases si David, nga nahimong mga magmamando sa kasundalohan ni David?

Ang mga tawo ni Manases nga manggugubat nga mga lalaki nagtabang kang David pinaagi sa pagpakig-away batok sa mga grupo sa kawatan.

1 Chronicles 12:23-25

Nganong miadto man ang mga manggugubat nga mga sundalo kang David sa Hebron?

Miadto sila kang David sa Hebron aron sa pagtabang kaniya sa pagpuli sa gingharian ni Saul nga mao ang katumanan sa pulong si Yahweh.

1 Chronicles 12:26-31

Sa unsa man naila si Zadok?

Si Zadok usa ka batan-on, kusgan, ug isog nga lalaki.

1 Chronicles 12:32-37

Sa unsa man naila ang 200 ka mga pangulo nga gikan kang Isacar?

Aduna silay salabotan sa mga panahon ug nasayod kung unsa ang angayan nga buhaton sa Israel.

1 Chronicles 12:38-40

Nganong miadto man sa Hebron ang tanang mga sundalo sa Israel?

Miadto sila sa Hebron uban ang ligdong nga mga tinguha aron himoon si David nga hari sa tibuok Israel.

Asa man mikuha ug igong pagkaon ug mainom ang mga sundalo sa Israel sulod sa tulo ka adlaw aron sa pagsaulog kang David nga mahimong hari sa Israel?

Gipadala kadto nga mga pagkaon sa mga kadugo sa mga sundalo sa Israel.

1 Chronicles 13

1 Chronicles 13:1-6

Kang kinsa man nagpakisayod si David sa wala pa siya nakigsulti sa tanang pundok sa Israel?

Nagpakisayod siya uban sa mga komandante ug uban ang matag pangulo sa Israel.

Nganong miuyon man ang katilingban sa pagpaminaw kang David, nga magsugo ug mga mensahero sa bisan asa sa Israel ug nakighiusa kang David nga dad-on ang sudlanan sa kasabotan sa Dios balik sa Israel?

Miuyon ng tibuok katilingban nga buhaton kining mga butanga, kay ingon nga husto kini sa panan-aw sa tanang tawo.

1 Chronicles 13:7-8

Unsa man ang gibuhat ni David ug sa tibuok Israel samtang gidala nila ang sudlanan sa kasabotan gawas sa balay ni Abinadab?

Nagsaulog si David ug ang tibuok Israel sa atubangan sa Dios uban ang tanan nilang kusog.

1 Chronicles 13:9-11

Unsa man ang gibuhat ni Yahweh sa dihang gigunitan ni Uzza ang sudlanan sa kasabotan sa pagkatumba sa baka?

Misilaob ang kasuko ni Yahweh batok kang Uzza ug gipatay siya ni Yahweh.

Nganong nasuko man si David kang Yahweh?

Nasuko si David kay gipatay ni Yahweh si Uzza.

1 Chronicles 13:12-14

Asa man gibutang ni David ang arka sa Dios sa dihang nahadlok siya sa Dios?

Gibutang ni David ang sudlanan sa kasabotan sa Dios ngadto sa balay ni Obededom nga kaliwat ni Gite.

Unsa man ang gibuhat ni Yahweh sa panimalay ni Obededom?

Gipanalanginan ni Yahweh ang iyang panimalay ug ang tanan nga iyang gipanag-iya.

1 Chronicles 14

1 Chronicles 14:1-2

Unsa man ang nahibaloan ni David sa dihang nagpadala si Hiram, ang hari sa Tyre ug mga mensahero, mga kahoy nga sedro, mga panday ug mga mason aron pagtukod ug balay alang kang David?

Nahibaloan na ni David nga gipili siya ni Yahweh isip hari sa tibuok Israel.

1 Chronicles 14:3-7

Unsa man ang gisangpotan sa dihang nangasawa ug daghan si David sa Jerusalem?

Nahimong amahan si David sa daghang anak nga mga lalaki ug mga babaye.

1 Chronicles 14:8-9

Unsa man gibuhat ni David sa dihang nadunggan niya nga nagapangita kaniya ang mga Filistihanon?

Migawas siya palayo sa mga Filistihanon.

1 Chronicles 14:10-12

Unsa man ang gitubag ni Yahweh ngadto kang David sa dihang nangutana siya kung angay ba niya nga sulongon ang mga Filistihanon?

Gisultihan ni Yahweh si David nga sulongon sila tungod kay igahatag gayod niya sila kang David.

Unsa man ang gimando ni David nga buhaton ngadto sa mga dios nga gipangsalikway sa mga Filistihanon?

Nagmando si David nga kinahanglan sunogon ang mga dios sa Filistihanon.

1 Chronicles 14:13-14

Unsa man ang gisulti sa Dios ngadto kang David nga angay buhaton samtang sulongon nila ang Filistihanon?

Gisultihan sa Dios si David nga magpalibot kanila ug mopaduol taliwala sa mga kahoy.

1 Chronicles 14:15-17

Unsa man ang madungog ni David sa dili pa siya mosulong sa Filistihanon uban sa puwersa?

Madungog ni David ang tingog sa nagmartsa sa kahanginan ngadto ibabaw sa mga kahoy.

Unsa man ang buhaton ni Yahweh sa kanasoran sa dihang mahimong bantogan si David sa tibuok kayutaan?

Himoon ni Yahweh nga kahadlokan si David ang sa tibuok kanasoran.

1 Chronicles 15

1 Chronicles 15:1-3

Kinsa man ang giingon ni David nga mao lamang ang gipili ni Yahweh nga modala sa maong kahon?

Ang mga Levita lamang ang pinili ni Yahweh nga modala sa maong kahon.

Alang sa unsa man ang tumong nga gitigom ni David ang tanang Israel didto sa Jerusalem?

Gitigom sila ni David aron pagdala sa kahon ni Yahweh ngadto sa dapit nga iyang giandam alang niini.

1 Chronicles 15:4-10

Kinsa man ang gipatigom ni David aron dad-on ang kahon sa kasabotan?

Gipatigom ni David ang mga kaliwat ni Aaron ug ang mga Levita.

1 Chronicles 15:11-12

Unsa man ang buhaton sa mga pangulo sa pamilya sa Levita ug sa ilang mga igsoong lalaki aron madala nila ang kahon sa kasabotan ni Yahweh ngadto sa dapit nga giandam ni David alang niini?

Gibalaan nila ang ilang kaugalingon aron madala nila ang kahon sa kasabotan ni Yahweh.

1 Chronicles 15:13-15

Nganong gibalaan man sa mga pari ug sa mga Levita ang ilang mga kaugalingon?

Gibalaan nila ang ilang mga kaugalingon aron madala nila ang kahon sa kasabotan ni Yahweh, ang Dios sa Israel.

Gikan sa kang kinsa man gikuha ni Moises ang sugo sa pagdayong sa mga Levita sa kahon sa kasabotan?

Ang mga sugo alang sa pag-alsa sa kahon sa kasabotan gihatag pinaagi sa pulong ni Yahweh.

1 Chronicles 15:16-24

Alang kang kinsa man nga gihatag ni David ang katungod sa pagpili sa mga musikero?

Gihatag ni David ang katungod sa pagpili sa mga musikero ngadto sa mga pangulo sa mga Levita.

1 Chronicles 15:25-26

Kinsa man ang nagtabang sa mga Levita sa pagdayong sa maong sudlanan sa kasabotan ni Yahweh?

Gitabangan sa Dios ang mga Levita nga nag-alsa sa maong sudlanan.

1 Chronicles 15:27-28

Unsa man ang gibisti ni David ug unsa man ang dugang nga iyang gisul-ob?

Nagbisti si David ug usa ka maanindot nga kupo nga lino ug nagsul-ob usab siya ug efod nga lino.

Kinsa man ang nagdala sa sudlanan sa kasabotan uban sa malipayong panagsinggit, uban sa tingog sa mga budyong, mga simbal ug mga lira ug mga harpa?

Ang tibuok Israel nagdala sa maong sudlanan sa kasabotan.

1 Chronicles 15:29

Unsa man ang nakit-an ni Michal nga gibuhat ni David nga nakapahimo kaniya sa pagtamay kang David sulod sa iyang kasingkasing?

Nakit-an ni Michal si Haring David nga nagsayawsayaw ug nagsaulog.

1 Chronicles 16

1 Chronicles 16:1-3

Unsa man ang gihalad sa mga Israelita sa atubangan sa Dios human mabutang ang sudlanan sa kasabotan taliwala sa tolda nga giandam ni David alang niini?

Naghalad sila ug mga halad sinunog ug mga halad sa pakigdait.

Unsa man ang giapod-apod ni David sa matag Israelita sa dihang nahuman siya sa pagpanalangin sa katawhan sa ngalan ni Yahweh?

Giapod-apod ni David sa matag Israelita ang usa kabuok nga tinapay, usa ka bahin sa karne, ug usa ka torta nga may mga pasas.

1 Chronicles 16:4-6

Unsa man ang gitudlo ngadto sa mga Levita nga angay buhaton samtang moalagad sila atubangan sa maong sudlanan sa kasabotan?

Magasaulog ang mga Levita, magpasalamat ug magasimba kang Yahweh, ang Dios sa Israel samtang moalagad sila atubangan sa sudlanan sa kasabotan.

1 Chronicles 16:7-9

Unsa man ang gitudlo ngadto kang Asaf ug sa iyang mga igsoong lalaki nga angay buhaton?

Gipili sila aron pag-awit ug awit sa pagpasalamat ngadto kang Yahweh.

Unsa man isulti sa katawhan mahitungod sa awit nga giawit ni Asaf ug sa iyang mga igsoong lalaki?

Magasulti sila sa tanang kahibulongang mga buhat ni Yahweh.

1 Chronicles 16:10-11

Kinsa man ang ipasigarbo ug pangitaon sa katawhan?

Ipasigarbo ug pangitaon sa katawhan ang mahitungod kang Yahweh.

1 Chronicles 16:12-14

Unsa man ang dumdomon sa mga Israelita, ug sa mga pinili ni Yahweh mahitungod kang Yahweh nga ilang Dios?

Dumdomon nila ang kahibulongang mga butang nga iyang nahimo, ang iyang mga milagro ug ang mga mando nga gikan sa iyang baba.

1 Chronicles 16:15-18

Unsa man gihimo ni Yahweh pinaagi kang Abraham aron mahinumdoman sa mga Israelita hangtod sa kahangtoran?

Naghimo siya ug kasabotan kang Abraham, ug hinumdoman sa mga Israelita ang kasabotan ni Yahweh.

Unsa man ang gisaad ni Yahweh nga ihatag ngadto sa iyang katawhan isip bahin sa ilang mga katigayonan?

Nagsaad si Yahweh ngadto kanila nga ihatag ang yuta sa Canaan.

1 Chronicles 16:19-22

Giunsa man pagpanalipod ni Yahweh ang Israel sa dihang gamay pa lamang ang ilang ihap ug samtang miadto sila gikan sa usa ka gingharian ngadto sa lain?

Wala niya tugoti si bisan kinsa nga modaogdaog kanila.

1 Chronicles 16:23-24

Unsa man ang ipahayag sa katawhan sa tibuok kanasoran samtang mag-awit sila ngadto kang Yahweh ug pagmantala sa iyang kaluwasan matag adlaw?

Ipahayag nila ang himaya ni Yahweh ug ang kahibulongan niyang mga buhat sa tibuok kanasoran.

1 Chronicles 16:25-27

Kinsa man ang nagbuhat sa kalangitan ug angayang pagasimbahon ug kahadlokan sa tanang mga dios?

Si Yahweh ang nagbuhat sa kalangitan ug angayang pagasimbahon ug kahadlokan sa tanang mga dios.

1 Chronicles 16:28-29

Unsa man ang pagadayegon kang Yahweh?

Ang himaya ug kusog ang pagadayegon kang Yahweh.

1 Chronicles 16:30-31

Unsa man ang igasulti sa kanasoran mahitungod kang Yahweh?

Magasulti ang kanasoran nga, "Maghari si Yahweh."

1 Chronicles 16:32-35

Unsa man ang buhaton sa mga kahoy didto sa kalasangan sa atubangan ni Yahweh?

Mosinggit sa kalipay ang mga kahoy sa kalasangan diha sa atubangan ni Yahweh.

1 Chronicles 16:36-39

Unsa man kadugay nga pagasimbahon si Yahweh, ang Dios sa Israel?

Pagasimbahon siya hangtod sa walay kataposan.

1 Chronicles 16:40-41

Kinsa man ang naghatag sa mga sugo ug balaod ngadto sa Israel kung unsaon paghimo ang halad nga mga sinunog?

Gihatag ni Yahweh ang mga sugo ug balaod ngadto sa Israel.

1 Chronicles 16:42-43

Diin man nga dapit mibalik si David ug ang katawhan human sa pagsaulog sa pagbutang sa sudlanan sa kasabotan?

Mibalik ang katawhan ngadto sa ilang panimalay, ug si David mibalik aron panalanginan ang iyang kaugalingon nga panimalay.

1 Chronicles 21

1 Chronicles 21:1-3

Nganong nakahukom man si David nga ihapon ang katawhan sa Israel?

Kung adunay moabot nga kaaway batok sa Israel, ug buot ni David nga masayran kung pila ang iyang kasundalohan.

Giunsa man pagtubag ni Joab ang hangyo ni David nga paga-ihapon ang katawhan?

Nagsugyot siya nga magdala kini ug pagpakasala sa Israel.

1 Chronicles 21:4-5

Unsa man ang gihimo ni Joab sa dihang gisugo siya sa hari sa paglakaw ug sa pag-ihap sa katawhan?

Miadto siya ug gisulti niya pagbalik ang gidaghanon sa mga lalaki nga makahimo sa pagpakig-away.

1 Chronicles 21:6-8

Unsa man ang tubag sa Dios sa pag-ihap ni David sa kasundalohan sa Israel?

Nasuko ang Dios ug gisulong ang Israel.

Unsa man ang gibati ni David sa dihang gisulong sa Dios ang Israel?

Gibati niya ang pagkasad-an sa iyang pagpadala kang Joab sa pag-ihap sa mga sundalo.

1 Chronicles 21:9-10

Isip tubag sa pagsugid ni David, unsa man ang gihatag ni Yahweh kaniya?

Gihatagan siya ni Yahweh ug tulo ka mga pilianan.

1 Chronicles 21:11-12

Unsa man ang tulo ka mga pilianan nga gihatag ni Yahweh kang David?

Makapili si David sa tulo ba ka tuig nga kagutom, o tulo ba ka bulan nga gukdon siya sa iyang mga kaaway, o tulo ba ka adlaw nga mahiagom sa espada ni Yahweh.

1 Chronicles 21:13-15

Hain man sa tulo ka mga silot ang gipili ni David?

Gipili niya ang tulo ka adlaw nga mahiagoman ang espada ni Yahweh.

Unsa man ang sangpotan sa gipili ni David?

Gipadala ni Yahweh ang mga katalagman ug daghang katawhan ang nangamatay. Nagpadala ug anghel si Yahweh aron sa paglaglag sa Jerusalem, apan nausab ang hunahuna ni Yahweh.

1 Chronicles 21:16-17

Sa dihang nakita ni David ang anghel uban sa iyang espada, unsa man ang iyang gihimo?

Nagsugid ug naghangyo si David sa Dios nga silotan siya ug ang iyang pamilya, apan dili silotan ang katawhan sa Dios.

1 Chronicles 21:18-20

Unsa man ang gimando ni David nga himoon sa giokanan ni Ornan?

Magtukod siya ug halaran alang kang Yahweh.

Unsa man ang gibuhat ni Ornan sa dihang nakita niya ang anghel?

Mitago siya ug ang iyang upat ka anak nga lalaki gikan sa anghel.

1 Chronicles 21:21-22

Sa dihang nagkita si Ornan ug si David, unsa man ang gihangyo ni David kaniya?

Gihangyo niya si Ornan nga ibaligya kaniya ang giokanan.

1 Chronicles 21:23-24

Unsa man ang gitanyag ni Ornan nga gibalibaran ni David?

Nagtanyag siya nga ihatag kaniya ang giokanan, ang turong baka, ug ang trigo.

1 Chronicles 21:25-27

Human nga nakuha ni David ang giokanan ug nagtukod ug halaran, giunsa man pagtubag ni Yahweh ang iyang pag-ampo?

Gitubag siya ni Yahweh pinaagi sa kalayo nga gikan sa langit paingon ngadto sa halaran ug gisultihan ang anghel nga ipalayo ang iyang espada.

1 Chronicles 21:28-30

Nganong wala man miadto si David sa habog nga dapit sa Gibeon?

Nahadlok si David sa espada sa anghel ni Yahweh.

1 Chronicles 22

1 Chronicles 22:1-2

Human nga gipahayag ni David kung diin itukod ang templo ni Yahweh, unsa man ang iyang gimando nga buhaton sa iyang mga alagad?

Gimandoan niya sila nga pangitaon ang mga langyaw nga nagpuyo sa yuta sa Israel ug hatagan sila ug mga trabaho isip mga tigtiltil sa mga bato aron sa pagtukod sa templo sa Dios.

1 Chronicles 22:3-5

Unsa man ang mga pagpangandam nga gihimo ni David aron sa pagtukod sa templo ni Yahweh sa wala pa siya mamatay.

Naghatag siya ug daghang mga bulawan, mga bronsi, ug mga sedro.

1 Chronicles 22:6-8

Nganong gisultihan man ni David si Solomon nga gimandoan niya siya nga iyang tukuron ang templo ni Yahweh?

Gisultihan ni Yahweh si David nga dili siya ang makatukod sa templo tungod sa tanang dugo nga naula.

1 Chronicles 22:9-10

Unsa man ang gisulti ni Yahweh kang David nga iyang himoon alang sa iyang anak nga lalaki?

Hatagan niya siya ug kalinaw gikan sa tanan niyang kaaway sa nagkalainlaing bahin, ug palungtaron ang gingharian ni Solomon sa tibuok Israel hangtod sa kahangtoran.

1 Chronicles 22:11-13

Unsa man ang gisulti ni David kang Solomon nga iyang sundon?

Gisultihan niya si Solomon nga tumanon gayod ang mga kasugoan ug mga balaod nga gihatag ni Moises mahitungod sa Israel.

1 Chronicles 22:14-16

Unsa man ang gisulti ni David kang Solomon nga himoon sa tanang mga kasangkapan nga giandam niya alang sa templo ni Yahweh?

Gisultihan niya si Solomon nga dugangan pa kini ug daghan.

1 Chronicles 22:17-19

Unsa man ang gisulti ni David kang Solomon aron nga mobarog ug buhaton?

Gisultihan niya si Solomon nga mobarog ug tukoron ang balaang dapit ni Yahweh nga Dios.

1 Chronicles 23

1 Chronicles 23:1-3

Unsa man ang pipila ka mga kataposang mga butang nga gihimo ni David isip hari sa Israel?

Gihimo ni David nga hari si Solomon puli kaniya, ug giihap niya ang mga Levita nga nagpangidaron ug 30 ka tuig.

1 Chronicles 23:4-11

Unsa man ang trabahoon nga gihatag ni David sa mga Levita?

Gibahin niya sila sa mga pundok nga tigdumala sa mga buluhaton sa templo ni Yahweh, mga opisyal ug mga hukom, mga tigbalantay sa ganghaan, ug ang uban sa pagdayeg kang Yahweh gamit ang mga tulonggon.

1 Chronicles 23:12-23

Unsa man ang gipili ni Aaron ug sa iyang kaliwat nga himoon nila sa kanunay?

Si Aaron ug ang iyang mga kaliwat mobalaan sa mga balaang butang, maghalad ug insenso kang Yahweh, mag-alagad kaniya, ug maghatag ug panalangin sa ngalan ni Yahweh hangtod sa kahangtoran.

1 Chronicles 23:24-29

Nagnong dili naman kinahanglan nga dad-on sa mga Levita ang tabernakulo?

Gihatagan na sila ni Yahweh ug molungtad nga kapahulayan nga dapit sa Jerusalem.

1 Chronicles 23:30-32

Kanus-a man gihimo sa mga Levita ang pagpasalamat ug pagdayeg kang Yahweh?

Nagdayeg sila matag buntag ug gabii, samtang nagsunog sila ug mga halad, sa Adlaw nga Igpapahulay, ug sa mga Kasaulogan.

1 Chronicles 24

1 Chronicles 24:4-18

Unsa man nga pamaagi ang ilang gigamit sa pagbahin sa mga pari alang sa buluhaton sa balaang dapit?

Gibahin nila sila pinaagi sa pagripa.

1 Chronicles 24:19-28

Unsa man ang pamaagi sa mga kaliwat ni Aaron sa pagsulod sa balay ni Yahweh?

Gisultihan sila ni Yahweh nga moadto sa iyang balay sa pinasahe nga han-ay.

1 Chronicles 24:29-31

Sa unsa man nga tradisyon ang giapilan sa mga kaliwat ni ni Aaron?

Nagripa sila sa atubangan sa hari.

1 Chronicles 25

1 Chronicles 25:1-5

Unsa man ang gibuhat sa mga anak nga lalaki ni Asaf, ni Heman ug ni Jedutun gibuhat sa mga harpa, lira ug mga piyangpiyang?

Kining kalalakin-an nagpropesiya pinaagi sa mga harpa, lira, ug mga piyangpiyang

Alang sa asa man ang pagtugtog sa harpa sa mga anak nga lalaki ni Jedutun?

Nagpatugtog sila ug harpa alang sa pagpasalamat ug pagdayeg kang Yahweh.

Unsa man ang gihatag ni sa Dios kang Heman aron sa pagpasidungog kaniya?

Gihatagan siya sa Dios ug 14 ka mga anak nga lalaki ug tulo ka mga anak nga babaye.

1 Chronicles 25:6-31

Asa man nga manugtogay ang apil sa dihang nagripa sila alang sa ilang tarbaho?

Naripahan silang tanan alang sa ilang mga tarbaho, ang mga batan-on ingon man usab ang mga tigulang, ang mga magtutudlo ingon man usab ang mga estudyante.

1 Chronicles 26

1 Chronicles 26:7-9

Unsa man ang takos nga pagabuhaton sa mga anak nga lalaki ug ang mga paryente ni Obed Edom?

Takos sila sa pagbuhat sa ilang mga gimbuhaton sa pag-alagad sa tabernakulo.

1 Chronicles 26:10-11

Giunsa man pagkahimo ni Shimri nga pangulo bisan pa nga dili siya ang panganay nga anak

Bisan ug dili siya ang panganay nga anak, gihimo siya sa iyang amahan nga pangulo

1 Chronicles 26:12-14

Asa man ang magbalantay sa ganghaan responsabli sa pag-alagad

Responsabli sila sa pag-alagad sa balay ni Yahweh.

1 Chronicles 26:15-19

Unsa man ang gitugyan ngadto sa mga anak nga lalaki ni Obed Edom dugang niadtong habagatan nga ganghaan.

Gitugyanan ang mga niya nga lalaki sa mga bodega.

1 Chronicles 26:20-25

Unsa man ang gitahas kang Ahija sa balay sa Dios?

Gitahasan sila sa mga bahandi sa balay sa Dios, ug sa mga butang nga gihalad nga mga bahandi.

1 Chronicles 26:26-28

Alang sa unsa man nga katuyoan sa pipila ka kinawat nga daog sa gubat nga gihalad pinaagi kang David ug sa mga komandante?

Gihalad nila ang pipila sa kinawat nga daog sa gubat alang sa pag-ayo sa balay ni Yahweh.

1 Chronicles 26:29-32

Unsa man ang gitahas ni Kenania ug sa iyang mga anak nga lalaki ingon nga mga opisyal ug mga maghuhukom?

Sila ang natahasan sa mga ligal nga mga butang sa Israel ingon nga mga opisyal ug mga maghuhukom.

1 Chronicles 27

1 Chronicles 27:1-22

Kanus-a man mag-alagad ang matag pundok sa kasundalohan?

Nag-alagad sila matag bulan sa tibuok tuig.

Unsa man kadaghan ang kalalakin-an sa matag pundok sa kasundalohan?

Adunay 24,000 ka kalalakin-an sa matag pundok.

1 Chronicles 27:23-24

Nganong wala man giihap ni David kadtong nagpangidaron ug 20 o ubos pa nga pangidaron?

Wala niya sila giihap tungod kay nagsaad man si Yahweh nga padaghanon ang Israel sama sa kabituonan sa langit.

1 Chronicles 27:25-27

Unsa man ang katungdanan ni Uzia nga anak ni Jonathan?

Gidumalahan niya ang mga balay tipiganan sa kaumahan, sa mga siyudad, ug sa mga kabaryohan.

1 Chronicles 27:28-31

Unsa man nga mga matang sa kahoy ang anaa sa mga patag nga dapit?

Adunay mga kahoy nga olibo ug sikamoro sa patag nga dapit.

1 Chronicles 27:32-34

Nganong nahimo man nga magtatambag si Jonathan nga uyoan ni David?

Nahimo siyang magtatambag sanglit usa man siya ka maalamong tawo ug usa ka eskriba.

1 Chronicles 28

1 Chronicles 28:2-3

Nganong nagsulti man ang Dios nga dili si David ang makahimo sa pagtukod sa templo alang sa iyang ngalan?

Miingon ang Dios nga dili siya makahimo sa pagtukod tungod kay usa siya ka tawo nga manggugubat ug daghan ang iyang napatay.

1 Chronicles 28:4-5

Nganong gipili man ni Yahweh si Solomon, nga anak ni David, nga magdumala sa tibuok Israel?

Gipili niya si Solomon nga molingkod sa trono sa gingharian ni Yahweh, sa tibuok Israel.

1 Chronicles 28:6-7

Unsa man ang gisulti ni Yahweh nga iyang pagabuhaton alang kang Solomon kung magpabilin siyang magmatinud-anon sa pagtuman sa iyang mga sugo?

Miingon si Yahweh nga iyang tukoron ang iyang gingharian hangtod sa kahangtoran.

1 Chronicles 28:8

Kung tumanon sa tanang katawhan ang tanang mga sugo ni Yahweh, unsa man ang mahitabo sa maayong yuta nga ilang gipanag-iyahan?

Mapanunod nila ang maayong yuta ug ibilin kini ingon nga panulondon sa ilang mga anak nga mosunod kanila hangtod sa kahangtoran.

1 Chronicles 28:9-10

Unsa man ang nasayran ni Yahweh sa mga panghunahuna sa matag usa?

Nasayod si Yahweh sa matag tinguha sa panghunahuna sa matag usa.

Unsa man ang mahitabo kung mobiya si Solomon kang Yahweh?

Padayon siya nga igasalikway ni Yahweh.

1 Chronicles 28:11-12

Unsa man ang tipigan sa mga lawak nga tipiganan sa puluy-anan sa Dios ug sa mga bahandi?

Ang mga lawak nga tipiganan ug ang mga bahandi alang sa mga butang nga gibalaan alang sa templo.

1 Chronicles 28:13-17

Asa man ang gisangon nga mga katungdanan sa mga pari ug sa mga Levita aron mag-alagad?

Ang mga gisangon kanila nga mga katungdanan mao ang alang sa pag-alagad sa puluy-anan ni Yahweh.

1 Chronicles 28:18-19

Giunsa man paggiya si David nga sulaton niini ang tanang butang?

Gigiyahan siya ni Yahweh ug gihatagan siya ug kahibalo mahitungod sa porma o hulagway.

1 Chronicles 28:20-21

Unsa man ang gisaad ni David kang Solomon mahitungod sa presensiya ni Yahweh hangtod nga mahuman ang tanang buluhaton?

Dili siya biyaan ni Yahweh ni pasagdan hangtod nga mahuman ang tanang buluhaton alang sa pag-alagad sa templo ni Yahweh.

Unsa man ang gipangandaman nga buhaton sa mga opisyal ug sa tanang katawhan?

Andam sila sa pagsunod sa mga sugo ni Solomon.

1 Chronicles 29

1 Chronicles 29:1-2

Nganong nakaingon man si David nga dako nga buluhaton ang pagtukod sa templo?

Dako ang buluhaton, kay dili alang sa katawhan ang templo, apan alang sa Ginoong Dios.

1 Chronicles 29:3-5

Nganong gihatag man ni David ang iyang kaugalingong bahandi alang sa puluy-anan sa Dios?

Kay nahimuot man siya sa puluy-anan sa Dios.

1 Chronicles 29:6-7

Unsa man nga matang sa mga gasa ang gihimo sa mga pangulo sa matag pamilya sa kaliwatan?

Naghimo sila ug mga kinabubut-ong mga halad.

1 Chronicles 29:8-9

Nganong nagmalipayon man ang katawhan sa mga kinabubut-ong mga halad?

Nagmalipayon sila tungod kay kinasingkasing man ang ilang paghatag ngadto kang Yahweh.

1 Chronicles 29:10-11

Unsa man ang gisulti ni David nga gipanag-iya ni Yahweh?

Ang tanan nga anaa sa kalangitan ug sa kalibotan gipanag-iya ni Yahweh, maingon man usab ang gingharian.

1 Chronicles 29:12-13

Unsaon man ni Yahweh paghimo sa katawhan nga bantogan ug paghatag kanila ug kusog?

Nagbaton siya ug kusog ug gahom ug makahimo siya paghatag ug kusog ngadto kang bisan kinsa.

1 Chronicles 29:14-15

Unsa man ang gisulti ni David mahitungod sa mga butang nga gihatag sa katawhan ngadto kang Yahweh?

Ang tanang mga butang naggikan kang Yahweh, ug gibalik lamang nila kaniya kung unsa ang alang kang Yahweh.

1 Chronicles 29:16-19

Unsa man ang makapalipay sa Dios sa dihang susihon niya ang kasingkasing?

Susihon ni Yahweh ang kasingkasing ug malipay siya sa matarong.

Unsa man ang nakapalipay kang David sa katawhan sa Dios nga atua didto?

Nalipay siya sa dihang kinabubut-on silang naghalad ngadto kang Yahweh.

1 Chronicles 29:20-21

Giunsa man paghimaya ug pagsimba sa tibuok tigom sa katawhan kang Yahweh?

Gihimaya sa tibuok tigom sa katawhan si Yahweh, nangyukbo sila ug nagsimba kang kaniya.

1 Chronicles 29:22-23

Kang kinsa man nga katungod nga gidihogan nila si Solomon nga mahimong tigmando?

Gidihogan nila siya pinaagi sa katungod ni Yahweh.

1 Chronicles 29:24-25

Giunsa man ni Yahweh pagpasidungog kang Solomon atubangan sa tanang Israelita?

Gihatagan siya ug kagahom labaw pa sa iyang gihatag kang bisan kinsang hari sa Israel.

1 Chronicles 29:26-28

Unsa man ang duha ka mga butang nga gikalipay ni David panahon sa iyang taas nga pagkinabuhi?

Gikalipay niya ang bahandianon ug ang kadungganan.

1 Chronicles 29:29-30

Unsa man nga mga gingharian ang naapektohan sa mga natapos nga buluhaton ni David, ingon nga dugang sa Israel?

Gilista sa mga propeta ang iyang mga kadaogan ug ang mga panghitabo nga nahitabo sa tanang gingharian sa ubang mga dapit.