Jeremiah

Jeremiah 1

Jeremiah 1:1-3

Unsa man nga matang sa trabaho ang gibuhat ni Jeremias?

Si Jeremias usa ka pari.

Kinsa man ang hari sa dihang miabot ang unang pulong ni Yahweh ngadto kang Jeremias?

Miabot ang pulong ni Yahweh ngadto kang Jeremias sa dihang si Josia pa ang hari.

Jeremiah 1:4-6

Kanus-a man gipili ni Yahweh si Jeremias nga mahimong usa ka propeta?

Gipili ni Yahweh si Jeremias sa wala pa siya natawo.

Nganong misulti man si Jeremias nga dili siya takos?

Tungod kay batan-on pa kaayo siya.

Jeremiah 1:7-8

Unsa man ang gimando ni Yahweh nga isulti ni Jeremias?

Nagmando si Yahweh kaniya sa pagsulti kung unsa ang gimando ni Yahweh kaniya nga isulti.

Nganong dili man angay mahadlok si Jeremias?

Dili angay mahadlok si Jeremias tungod kay mag-uban kaniya si Yahweh ug luwason siya.

Jeremiah 1:9-10

Unsa man ang gibutang ni Yahweh sa baba ni Jeremias?

Gibutang ni Yahweh ang iyang pulong sa baba ni Jeremias.

Jeremiah 1:11-12

Unsa man ang nakita ni Jeremias?

Nakita niya ang usa ka sanga sa almond.

Unsa man ang buot buhaton ni Yahweh sa iyang pulong?

Ipatuman niya kini.

Jeremiah 1:13-14

Unsa man ang buot ipasabot sa kolon nga nakita ni Jeremias?

Ang kolon naghulagway sa umaabot nga katalagman.

Jeremiah 1:15-16

Unsa man ang buhaton sa tanang tribo sa amihanang gingharian sa dihang motawag si Yahweh?

Moabot sila ug magtukod ug mga trono palibot sa Jerusalem ug sa Juda.

Nganong magpahayag man si Yahweh ug silot batok sa Jerusalem ug Juda?

Magpahayag siya ug silot batok kanila tungod kay misupak man sila kaniya.

Jeremiah 1:17-19

Unsa man ang buhaton sa katawhan human makigsulti si Jeremias ngadto kanila?

Makig-away ang katawhan batok kaniya.

Jeremiah 2

Jeremiah 2:1-3

Unsa man ang nahinumdoman ni Yahweh mahitungod sa katawhan sa Jerusalem?

Nahinumdoman ni Yahweh nga gihigugma siya sa katawhan sa Jerusalem kaniadto.

Unsa man ang mahitabo sa katawhan sa Israel?

Daotan ang mahitabo kanila.

Jeremiah 2:4-6

Unsa man gusto ni Yahweh nga isulti kaniya sa balay ni Jacob?

Gusto ni Yahweh nga angkonon sa balay ni Jacob ngadto kaniya nga sayop ang nahimo niini.

Jeremiah 2:7-8

Unsa man ang gibuhat sa mga tawo sa dihang gidala sila sa Dios didto sa yuta sa Carmel?

Gihugawan nila ang yuta.

Alang kang kinsa man nanagna ang mga propeta?

Nanagna ang mga propeta alang kang Baal.

Jeremiah 2:9-11

Sa unsa man gibaylo sa katawhan ni Yahweh ang ilang himaya?

Gibaylo sa katawhan ni Yahweh ang ilang himaya sa mga butang nga dili makatabang kanila.

Jeremiah 2:12-13

Unsa man ang duha ka daotang butang nga nabuhat sa katawhan ni Yahweh?

Gibiyaan sa iyang katawhan ang mga tuboran sa buhing tubig ug nagkalot ug mga atabay.

Jeremiah 2:14-19

Unsa man ang gibuhat sa mga kaaway sa Israel ngadto kanila?

Gihimo nilang ulipon ang Israel.

Unsa man ang nahitabo sa mga siyudad sa Israel?

Naguba ang iyang mga siyudad nga wala nay mga lumolupyo.

Jeremiah 2:20-22

Unsa man ang gisulti sa katawhan human gibali ni Yahweh ang ilang yugo ug giputol ang ilang mga gapos?

Miingon sila, "dili ako moalagad!"

Jeremiah 2:23-25

Unsa man nga hayop ang gipakasama ni Yahweh sa katawhan?

Miingon siya nga nahisama sila sa mga kamelyo ug mga ihalas nga asno.

Jeremiah 2:26-28

Unsa man nga sala ang makapaulaw sa Israel?

Maulaw sila sa pagsimba sa mga kahoy ug mga bato.

Jeremiah 2:29-31

Unsa man ang pahayag ni Yahweh?

Nakasala kamong tanan batok kanako.

Nganong miingon man si Yahweh nga gisilotan niya sila sa walay kapuslanan?

Gisilotan niya sila tungod kay wala sila midawat ug pagpanton.

Jeremiah 2:32-34

Unsa man ang gibuhat sa katawhan ngadto sa mga tawo nga walay sala ug sa mga kabos?

Gipatay nila ang mga tawo nga walay sala ug ang mga kabos.

Jeremiah 2:35-37

Nganong naghunahuna man ang katawhan nga dili na masuko si Yahweh kanila?

Naghunahuna ang katawhan nga wala sila nakasala.

Jeremiah 3

Jeremiah 3:1-2

Unsa man nga matang sa babaye ang gitandi sa propeta sa katawhan?

Gitandi niya sila sa babaye nga mibiya sa iyang bana.

Jeremiah 3:3-5

Nganong wala man miulan?

Wala miulan tungod kay wala man naulaw ang katawhan sa ilang mga sala.

Jeremiah 3:6-7

Unsa man ang gibuhat sa Israel ngadto sa kabukiran ug ilalom sa mga kahoy?

Ang binuhatan sa Israel sama sa bigaon nga babaye pinaagi sa pagsimba ug mga diosdios.

Jeremiah 3:8-10

Unsa man ang gibuhat sa Dios ngadto sa Israel?

Gibulagan niya siya.

Unsa man ang gibuhat sa Juda human gibulagan ni Yahweh ang Israel?

Gibuhat sa Juda ang sama nga mga butang nga gibuhat sa Israel.

Jeremiah 3:11-12

Unsa man giawhag ni Yahweh sa Israel nga buhaton?

Gidapit niya sila nga mobalik.

Jeremiah 3:13-15

Unsa man ang kinahanglan buhaton sa mga tawo sa dihang mobalik sila?

Kinahanglan ilhon nila ang ilang sala.

Unsa man ang ihatag ni Yahweh kanila kung mobalik sila?

Hatagan niya sila ug mga magbalantay nga sunod sa iyang kasingkasing.

Jeremiah 3:16

Unsa man ang ilang hunahunaon mahitungod sa sudlanan sa kasabotan?

Dili na sila maghunahuna pa niini.

Jeremiah 3:17-18

Unsa man ang mahitabo sa Jerusalem?

Magtigom didto sa Jerusalem ang tanang kanasoran.

Magkaaway ba gihapon ang Juda ug ang Israel?

Dili na, maghiusa na sila.

Jeremiah 3:19-20

Sa unsa man nga paagi nga gusto ni Yahweh pasidunggan ang katawhan?

Gusto niya silang pasidunggan sama sa pagpasidungog sa usa ka amahan ngadto sa iyang anak.

Jeremiah 3:21-22

Unsa man ang saba nga nadungog didto sa kapatagan?

Ang paghilak ug pagpangamuyo sa katawhan sa Israel maoy madungog didto sa kapatagan.

Jeremiah 3:23-25

Unsa man ang nahitabo sa mga butang nga gipaningkamotan sa mga katigulangan?

Gikuha sa mga diosdios ang mga butang nga gipaningkamotan sa mga katigulangan.

Unsa man ang gibuhat sa katawhan ug sa ilang mga katigulangan?

Wala sila naminaw sa tingog ni Yahweh nga ilang Dios.

Jeremiah 4

Jeremiah 4:1-3

Unsa man ang mahitabo kung mobalik ang Israel ngadto kang Yahweh?

Mohangyo ang kanasoran sa panalangin ni Yahweh.

Jeremiah 4:4-6

Unsa man ang mahitabo tungod sa pagkadaotan sa katawhan?

Mapungot si Yahweh ngadto kanila ug magpadala ug katalagman gikan sa amihanan.

Jeremiah 4:7-8

Unsa man ang buhaton sa liyon ngadto sa katawhan?

Gub-on niya ang ilang mga siyudad.

Nganong magsul-ob man ang katawhan ug sako?

Buhaton nila kini aron sa pagpakita nga nagbasol sila sa ilang mga sala.

Jeremiah 4:9-12

Nganong naghunahuna man si Jeremias nga giilad ni Yahweh ang katawhan?

Nagsaad si Yahweh nga adunay kalinaw ngadto sa katawhan, apan adunay misulong kanila.

Jeremiah 4:13-15

Unsa man nga paagi maluwas ang katawhan sa Jerusalem?

Kinahanglan nilang hinloan ang ilang mga kasingkasing gikan sa pagkadaotan.

Jeremiah 4:16-18

Nganong moabot man ang mga tigbantay gikan sa layo nga dapit?

Moabot sila tungod kay misupak ang Juda batok kang Yahweh.

Jeremiah 4:19-20

Nganong gisakit man si Jeremias?

Nadungog niya ang pasidaan alang sa gubat.

Jeremiah 4:21-22

Unsa man ang pagkabuangbuang sa katawhan?

Wala sila nakaila kang Yahweh.

Jeremiah 4:23-26

Nganong wala may sulod ang yuta nga nakita ni Jeremias?

Walay sulod ang yuta tungod kay nasuko si Yahweh.

Jeremiah 4:27-29

Unsa man ang buhaton sa katawhan sa matag siyudad?

Moikyas sila gikan sa mga misulong kanila ug biyaan ang mga siyudad nga walay sulod.

Jeremiah 4:30-31

Unsa man ang mahitabo niadtong mga dato karon?

Pamatyon sila.

Jeremiah 5

Jeremiah 5:1-3

Sa unsa man nga higayon diin pasayloon sa Dios ang Jerusalem?

Pasayloon sa Dios ang Jerusalem kung makakaplag ang propeta ug tawo nga nagbuhat nga makiangayon.

Bisan gibuntog na sa Dios sa hingpit ang katawhan, unsa man ang gipadayon nila sa pagbuhat

Nagpadayon sila sa pagdumili sa pagdawat ug pagpanton.

Jeremiah 5:4-9

Nganong miingon man ang propeta nga kini mga kabos lamang ug buangbuang nga mga tawo?

Wala sila masayod sa mga paagi ni Yahweh

Nasayod ba ang mahinungdanong mga tawo sa mga paagi ni Yahweh?

Wala, nagsupak sila batok kaniya.

Unsa man ang giingon ni Jeremias mahitungod sa pagpakasala sa katawhan ug pagbuhat nga walay pagtuo?

Miingon si Jeremias nga misamot ang ilang pagpakasala ug walay kinutoban ang ilang pagkawalay pagtuo

Jeremiah 5:10-13

Unsa man ang giingon sa katawhan mahitungod sa Dios?

Miingon sila nga dili siya tinuod.

Jeremiah 5:14-15

Unsa man ang buhaton ni Yahweh ngadto sa balay sa Israel?

Magpadala siya ug nasod batok kanila nga gikan sa layo nga dapit.

Jeremiah 5:16-17

Unsa man ang buhaton sa mga kaaway ngadto sa mga Israelita?

Patyon sa mga kaaway ang mga anak sa mga Israelita ug kan-on ang ilang pagkaon.

Jeremiah 5:18-19

Nganong daoton man sa Dios ang Israel ug Juda?

Daoton niya sila tungod kay gisalikway nila si Yahweh ug nagsimba sa langyaw nga mga dios.

Jeremiah 5:20-22

Unsa man ang mabuhat sa mga mata ug mga dalunggan sa diosdios?

Wala silay mabuhat.

Jeremiah 5:23-25

Unsa man ang gustong buhaton ni Yahweh alang niadtong nagmahadlokon kaniya?

Gusto niya nga padad-an ug ulan sa hustong panahon aron maayo ang ani.

Jeremiah 5:26-29

Ang mga daotan ba nga anaa taliwala sa katawhan ni Yahweh dato o kabos?

Mga dato sila.

Giunsa man pagtagad ni Yahweh ang daotan?

Gisilotan niya sila.

Jeremiah 5:30-31

Unsa man ang gibati sa katawhan mahitugod sa gibuhat sa mga propeta ug sa mga pari?

Gihigugma nila kana nga paagi.

Jeremiah 6

Jeremiah 6:1-3

Nganong kinahanglan man mangita ug kaluwasan ang katawhan ni Benjamin sa pagbiya sa Jerusalem?

Laglagon ni Yahweh ang Jerusalem.

Jeremiah 6:4-5

Kanus-a man mosulong ang mga kaaway?

Mosulong sila sa pagkaudto ug sa pagkagabii.

Jeremiah 6:6-8

Nganong gusto man ni Yahweh nga sulongon sa mga kaaway ang Jerusalem?

Gusto niya nga sulongon sila tungod kay napuno ang siyudad sa pagdaugdaog ug sa pagkadaotan.

Unsa man ang mahitabo kung dili dawaton sa Jerusalem ang mga pagpanton?

Laglagon ni Yahweh ang Jerusalem.

Jeremiah 6:9-10

Nganong wala man gipasidan-an ni Yahweh ang mga Israelita?

Dili sila makahimo sa pagpanumbaling.

Jeremiah 6:11-12

Unsa man ang mahitabo sa mga balay, kaumahan, ug kababayen-an?

Igahatag sila ngadto sa uban.

Jeremiah 6:13-15

Unsa ang gibati sa katawhan sa dihang nakabuhat sila ug mga dulomtanan?

Wala gayod sila naulaw.

Jeremiah 6:16-19

Nganong magpadala man si Yahweh ug katalagman niining katawhan?

Wala sila nanumbaling sa iyang pulong o sa iyang balaod.

Jeremiah 6:20-24

Unsa man ang pasabot ug sa insenso ug mga pahumot ngadto kang Yahweh?

Wala kini buot ipasabot ngadto kaniya. Wala niya kini nagustohan.

Unsa man ang buhaton sa mga babag ngadto sa katawhan?

Molaglag kini kanila.

Unsa man nga klase sa mga tawo ang moabotay?

Bangis nga mga tawo, manggugubat, ang mga moabot.

Jeremiah 6:25-26

Nganong kinahanglan man magbuhat ang anak nga babaye sa katawhan sa hilabihang pagminatay alang sa iyang kaugalingon?

Kinahanglan buhaton niya kini tungod kay laglagon sa kaaway ang iyang katawhan.

Jeremiah 6:27-30

Unsa man ang buhaton ni Jeremias isip magsusulay sa katawhan sa Dios?

Susihon ug sulayan niya ang ilang mga pamaagi.

Unsa man nahisama ang katawhan?

Tig-a sila sama sa tumbaga ug puthaw nga gahi.

Jeremiah 7

Jeremiah 7:3-4

Unsa man ang gisaad nga buhaton ni Yahweh alang sa katawhan kung himoon nila nga maayo ang ilang mga pamaagi ug mga binuhatan?

Tugotan niya sila nga mopadayon ug puyo nianang dapita.

Jeremiah 7:5-7

Unsa man ang buhaton sa katawhan alang kang Yahweh aron tugotan sila nga magpabilin sa yuta?

Himoon gayod nila nga maayo ang ilang mga pamaagi ug mga binuhatan pinaagi sa pagbuhat ug hustisya.

Unsa man ang dili buhaton sa katawhan kung gusto nila nga tugotan sila ni Yahweh nga mopuyo sa yuta?

Dili nila pahimuslan ang huyang o patyon ang yano o magsimba sa dili tinuod nga mga dios.

Jeremiah 7:8-11

Unsa man ang gisulti sa katawhan human sila nagbuhat sa mga butang nga gikasilagan sa Dios?

Moadto sila sa templo ug moingon nga luwas na sila.

Jeremiah 7:12-15

Nganong gusto man ni Yahweh nga maghunahuna ang katawhan mahitungod sa Shilo?

Gusto niya nga hinumdoman nila nga iyang buhaton kanila ang gibuhat nila sa Shilo tungod kay sad-an sila sa samang kasal-anan nga gibuhat sa taga-Shilo.

Jeremiah 7:16-20

Nganong dili man maminaw si Yahweh sa mga pag-ampo ni Jeremias?

Dili siya maminaw tungod kay nakahukom na siya sa paglaglag sa mga Israelita.

Nganong laglagon man ni Yahweh ang katawhan?

Tungod kay nagsimba sila ug laing mga dios.

Jeremiah 7:21-23

Unsa man ang gisugo ni Yahweh sa katawhan sa dihang mibiya sila sa Ehipto?

Gisugo niya sila aron sa pagpaminaw sa iyang tingog.

Jeremiah 7:24-26

Unsa man ang gibuhat sa katawhan sa dihang nagpadala si Yahweh ug mga propeta?

Wala sila naminaw o naghatag ug pagtagad. Nagbuhat sila ug daotan.

Jeremiah 7:27-28

Unsa man ang isulti sa propeta ngadto kanila?

Iyang isulti kanila nga kini nga nasod wala naminaw sa tingog ni Yahweh.

Jeremiah 7:29-30

Nganong gisultihan man ni Yahweh si Jeremias nga magpaupaw?

Gipakita ni Jeremias nga gisalikway ni Yahweh ang mga Israelita.

Jeremiah 7:31-32

Nganong gitukod man sa katawhan ang balaang dapit sa Tofet didto sa walog sa Ben Hinom?

Gitukod nila kini aron sunogon nila didto ang ilang mga anak nga lalaki ug mga anak nga babaye.

Jeremiah 7:33-34

Unsa man ang mahitabo sa mga patay nga lawas niini nga katawhan?

Kaonon sila sa mga langgam ug ihalas nga mga mananap.

Unsa man ang buhaton ni Yahweh sa mga siyudad sa Juda ug sa kadalanan sa Jerusalem?

Tapuson niya kini aron wala nay malipayon nga katawhan didto.

Jeremiah 8

Jeremiah 8:1-3

Unsa man ang mahitabo sa mga bukog sa katawhan?

Katagon sa mga tawo ang mga bukog diha sa yuta.

Nangandoy ba kadtong mga buhi nga mabuhi sila o nangandoy nga mamatay?

Mangandoy sila nga mamatay.

Jeremiah 8:4-5

Unsa man ang paningkamotan nga buhaton sa mga tawo nga nawala?

Maningkamot sila nga mangita ug pamaagi aron makabalik.

Jeremiah 8:6-7

Unsa man ang gibati sa katawhan mahitungod sa ilang pagkadaotan?

Walay nagbasol sa iyang pagkadaotan.

Nganong dili man sama sa mga langgam ang katawhan ni Yahweh?

Nasayod ang mga langgam sa angay nilang buhaton, apan wala nasayod ang iyang katawhan sa mga sugo ni Yahweh.

Jeremiah 8:8-10

Unsa man ang gibuhat sa mga escriba?

Nagsulat sila sa mga butang nga nakalimbong sa katawhan.

Unsa man ang buhaton ni Yahweh sa ilang mga asawa ug sa ilang kaumahan?

Ihatag niya ang ilang mga asawa ug kaumahan ngadto sa ubang katawhan.

Jeremiah 8:11-13

Naulaw ba ang katawhan tungod sa ilang mga sala?

Wala, wala sila naulaw.

Unsa man ang buhaton ni Yahweh tungod kay wala sila naulaw?

Ipapatay niya sila sa ilang mga kaaway.

Jeremiah 8:14-15

Unsa man ang nahunahunaan sa katawhan nga buhaton?

Nakahukom sila nga moadto sa mga siyudad ug mamatay.

Jeremiah 8:16-17

Unsa man ang buhaton sa kusgan nga mga kabayo ni Yahweh?

Moabot sila ug lamyon ang yuta ug ang mga kabtangan niini, ang siyudad ug ang mga nagpuyo niini.

Unsa man ang ipadala ni Yahweh nga mopaak kanila?

Magpadala siya ug mga bitin aron mopaak kanila.

Jeremiah 8:18-22

Asa man ang mga tawo nga nagsinggit?

Anaa sila sa halayong yuta.

Asa man si Yahweh?

Anaa si Yahweh sa Zion.

Jeremiah 9

Jeremiah 9:1-3

Nganong gusto man mohilak ang propeta?

Gusto siya nga mohilak kay daghan kaayo sa iyang katawhan ang gipamatay.

Nganong gusto man niya nga pasagdan ang iyang katawhan?

Gusto niya silang pasagdan kay mga mananapaw sila ug mga mabudhion.

Unsa man ang isulti sa makasasala nga mga tawo?

Magsulti sila ug bakak nga mga butang.

Jeremiah 9:4-6

Nganong kinahanglan man magbantay ang matag usa kanila batok sa ilang mga silingan ug sa ilang mga igsoong lalaki?

Kinahanglan nga magbantay sila batok kanila kay limbongan ang matag igsoong lalaki ug ang silingan.

Nganong nahago man ang katawhan?

Nahago sila sa pagbuhat ug daotan.

Nganong silotan man ni Yahweh ang mga Israelita?

Silotan niya ang mga Israelita kay tinuli lamang sila sa ilang lawas ug wala sa ilang kasingkasing.

Jeremiah 9:7-9

Nganong gusto man ni Yahweh nga sulayan ang iyang katawhan?

Gusto niya silang sulayan kay namakak man sila sa ilang mga silingan.

Jeremiah 9:10-12

Unsa man ang awiton sa propeta?

Awiton niya ang mga awit alang sa patay ug mga awit sa pagbangotan alang sa kabukiran ug sa kasagbotan.

Unsa man ang himoon ni Yahweh sa Jerusalem ug Juda?

Himoon niya kini nga guba nga mga dapit.

Sa unsa man mahisama ang yuta human kini namatay?

Mahisama kini sa kamingawan, ug wala nay moagi niini.

Jeremiah 9:13-14

Unsa man ang nabuhat sa katawhan nga wala nakapahimuot kang Yahweh?

Gisalikway nila ang iyang balaod ug wala sila naminaw kaniya.

Jeremiah 9:15-16

Unsa man ang giingon ni Yahweh nga buhaton niya sa mga Israelita?

Himoon niya sila nga masulob-on sama sa mga tawo nga walay nahot nga mokaon ug moinom sa pait nga mga butang. Unya papahawaon niya sila gikan sa ilang mga panimalay ug pamatyon sila.

Jeremiah 9:17-18

Unsa man ang buhaton sa hanas nga mga babaye sa pagbangotan?

Kinahanglan nga moawit sila sa masulob-ong mga awit aron nga manghilak ang katawhan.

Jeremiah 9:19-20

Unsa man ang gibati sa katawhan sa Zion nga nagtuaw?

Naulawan sila pag-ayo.

Unsa man ang kinahanglan nga itudlo sa kababayen-an sa ilang mga anak nga babaye?

Kinahanglan nga tudloan nila ang ilang mga anak nga babaye ug awit sa pagbangotan.

Jeremiah 9:21-22

Kinsa man ang giingon sa propeta nga mangamatay?

Mangamatay ang mga bata ug ang mga batan-ong lalaki.

Sa unsang paagi nga mahisama sa mga hugaw sa hayop ug sa mga uhay ang mga patayng lawas?

Wala nay molubong niini.

Jeremiah 9:23-24

Unsa man ang kinahanglan nga ipasigarbo sa katawhan?

Kinahanglan nga ipasigarbo sa katawhan nga nakaila sila kang Yahweh.

Unsa man ang gisulti ni Yahweh nga gibuhat niya?

Gibuhat niya ang anaa sa kasabotan sa pagkamaunongon, makataronganon, ug pagkamatarong.

Jeremiah 9:25-26

Nganong silotan man ni Yahweh ang mga Israelita?

Silotan niya ang mga Israelita kay tinuli lamang sila sa ilang lawas ug wala sa ilang kasingkasing.

Nganong silotan man ni Yahweh ang ubang katawhan?

Silotan niya sila kay bisan ang ilang mga lawas dili tinuli.

Jeremiah 10

Jeremiah 10:1-2

Unsa man ang dili gusto ni Yahweh nga buhaton sa katawhan sa Israel?

Dili siya gusto nga makabaton sila sa mga pamaagi sa mga nasod.

Jeremiah 10:3-5

Unsa man ang tulomanon nga walay bili?

Walay bili ang pagbuhat ug diosdios.

Nganong dili man kinahanglan mahadlok ang mga tawo sa mga diosdios?

Dili makabuhat ug bisan unsa ang mga diosdios maayo man o daotan.

Jeremiah 10:6-10

Kinsa man ang sama kang Yahweh?

Walay sama kang Yahweh.

Jeremiah 10:11-13

Unsa man ang mahitabo sa mga dios nga wala nagbuhat sa yuta?

Madunot kini.

Unsa man ang gibuhat sa tinuod nga Dios?

Gimugna niya ang mala nga yuta ug gibuklad ang kalangitan.

Jeremiah 10:14-16

Unsa man ang kalainan sa mga diosdios ug sa tinuod nga Dios?

Walay kinabuhi ang mga diosdios, apan ang Dios maoy nagbuhat sa tanang butang.

Jeremiah 10:17-18

Unsa man ang kinahanglan buhaton sa mga tawo nga namuyo ilalom sa pagpalibot sa mga kaaway?

Kinahanglan nilang tigomon ang ilang mga binugkos ug mobiya sa yuta.

Jeremiah 10:19-20

Nganong wala may bisan kinsa nga motukod sa tolda sa propeta?

Gidala nila palayo gikan kaniya ang iyang mga anak.

Jeremiah 10:21-22

Nganong nahimo man nga mga hungog ang magbalantay?

Wala sila nangita kang Yahweh.

Unsa man ang mahitabo sa dihang moabot ang linog?

Mangaguba ang mga siyudad sa Juda.

Jeremiah 10:23-25

Unsa man ang gihangyo sa propeta kang Yahweh aron sa pagdisiplina kaniya?

Naghangyo siya kang Yahweh nga disiplinahon siya pinaagi sa katarong, dili sa iyang kasuko.

Asa man ipabubo sa propeta ang hilabihang kasuko ni Yahweh?

Naghangyo siya nga ibubo ni Yahweh ang hilabihang niyang kasuko ngadto sa mga nasod nga wala nakaila kaniya.

Nganong kinahanglan man nila madawat ang hilabihang kasuko ni Yahweh?

Kinahanglan nila nga madawat ang hilabihang kasuko ni Yahweh kay gilaglag nila si Jacob ug ang iyang yuta.

Jeremiah 11

Jeremiah 11:1-2

Kang kinsa man gusto ni Yahweh nga ipahayag ni Jeremias ang mga pulong sa maong kasabotan?

Gusto ni Yahweh nga ipahayag kini ni Jeremias ngadto sa matag lalaki sa Juda ug sa mga lumulupyo sa Jerusalem.

Jeremiah 11:3-5

Nganong tunglohon man ang mga tawo?

Tunglohon sila kung dili sila maminaw sa mga pulong sa kasabotan.

Kang kinsa man gihatag kining maong kasabotan?

Gihatag ang maong kasabotan ngadto sa mga katigulangan sa Israel.

Kanus-a man gihatag kining maong kasabotan?

Gihatag ang maong kasabotan sa adlaw nga gidala ni Yahweh pagawas sa Ehipto ang mga Israelita.

Unsa man ang panumpa nga gisaad sa Dios ngadto sa katigulangan sa mga Israelita?

Gisaad sa Dios nga iyang ihatag kanila ang yuta diin nagadagayday ang gatas ug dugos.

Jeremiah 11:6-8

Nganong gipahamtang man sa Dios ang tanan nga tunglo nga anaa sa kasabotan batok sa katawhan?

Gipahamtang sa Dios ang tanan nga tunglo tungod kay wala sila magtuman sa kasabotan.

Jeremiah 11:9-10

Unsa man ang pagpakig-abin nga anaa taliwala sa katawhan sa Juda ug Jerusalem?

Nagdumili sila sa pagpaminaw kang Yahweh ug nagsimba sa laing mga dios.

Jeremiah 11:11-13

Sa dihang padad-an ni Yahweh ug katalagman ang mga tawo unya mosangpit sila kaniya, unsa man ang itubag ni Yahweh kanila?

Dili siya maminaw kanila.

Pila man ka mga halaranan ug insenso alang kang Baal ang gihimo didto sa Jerusalem?

Ang katawhan naghimo ug mga halaran nga alang kang Baal sa matag dalan.

Jeremiah 11:14-16

Nganong gimandoan man ni Yahweh si Jeremias nga dili mag-ampo alang sa katawhan?

Dili siya angay nga mag-ampo alang sa katawhan tungod kay dili maminaw si Yahweh.

Nganong dili man makatabang sa katawhan ang ilang mga halad?

Dili makatabang kanila ang ilang mga halad tungod kay nagbuhat sila ug daotan ug nagmalipayon mahitungod niini.

Jeremiah 11:17

Unsa man ang daotang buhat nga nahimo sa katawhan?

Naghatag sila ug mga halad ngadto kang Baal.

Jeremiah 11:18-20

Unsa man nga bahin sa lawas sa tawo ang susihon ni Yahweh?

Susihon niya ang kasingkasing ug ang hunahuna.

Jeremiah 11:21-23

Unsa man ang gisulti sa mga tawo sa Anatot ngadto kang Jeremias nga ilang buhaton kaniya kung magpadayon siya sa pagpanagna pinaagi sa ngalan ni Yahweh?

Miingon sila nga patyon nila si Jeremias.

Unsa man ang gisulti ni Yahweh nga mahitabo ngadto sa mga tawo nga nagtinguha sa pagpatay kang Jeremias?

Miingon si Yahweh nga patyon niya ang ilang kabatan-onan pinaagi sa gubat ug sa kagutom.

Jeremiah 12

Jeremiah 12:1-2

Unsa man ang mulo ni Jeremias mahitungod sa daotang mga tawo?

malamposon sila.

Jeremiah 12:3-4

Unsa man ang gusto ni Jeremias nga buhaton ni Yahweh ngadto sa katawhan?

Gusto niya nga ipalayo ni Yahweh ang katawhan.

Nganong malawos man ang mga tanom?

Malawos ang mga tanom tungod sa pagkadaotan sa mga tawo.

Jeremiah 12:5-6

Kinsa man ang nagbudhi kang Jeremias?

Nagbudhi kang Jeremias ang iyang mga igsoong lalaki ug ang pamilya sa iyang amahan.

Jeremiah 12:7-9

Nganong gikasilagan man sa Dios ang iyang katawhan?

Tungod kay misupak sila sa Dios.

Jeremiah 12:10-11

Unsa man ang gibuhat sa mga magbalantay sa karnero ngadto sa maanindot nga bahin?

Gihimo nila kini nga kamingawan.

Jeremiah 12:12-13

Asa man dapita diha sa yuta ang adunay luwas nga dapit alang sa mga buhing binuhat?

Walay luwas nga dapit diha sa yuta.

Nganong angay man maulaw ang mga trabahanti sa ilang ginansya?

Angay silang maulaw tungod sa kasuko ni Yahweh.

Jeremiah 12:14-15

Unsa man ang mahitabo sa panimalay ni Juda sa dihang kaluy-an sila ni Yahweh?

Dad-on sila ni Yahweh pagbalik ngadto sa ilang yuta.

Jeremiah 12:16-17

Unsa man ang saad ni Yahweh niadtong mga nasod nga nakakat-on sa pagpanaad, "Ingon nga buhi si Yahweh"?

Mapahimutang sila diha taliwala sa katawhan ni Yahweh.

Unsa man ang mahitabo niadtong mga nasod nga dili maminaw?

Wagtangon sila ni Yahweh.

Jeremiah 13

Jeremiah 13:1-4

Unsa man ang gisulti ni Yahweh nga buhaton ni Jeremias sa lino nga bahag?

Gisultihan niya si Jeremias nga isul-ob kini ug dad-on ngadto sa Eufrates ug itago.

Jeremiah 13:5-7

Unsa man ang nahitabo sa bahag sa dihang gikuha kini ni Jeremias gikan sa iyang gitagoan?

Nadaot na kini ug dili na mapuslan.

Jeremiah 13:8-11

Giunsa man pagkasama sa daotang mga tawo ngadto sa bahag?

Nahimo silang walay pulos tungod kay nagdumili sila sa pagpaminaw sa pulong ni Yahweh

Unsa man ang tulo ka butang nga gusto ni Yahweh nga dad-on sa iyang katawhan ngadto kaniya?

Gusto ni Yahweh nga dad-on ngadto kaniya ang kabantog, pagdayeg, ug dungog.

Jeremiah 13:12-14

Unsa man ang ipuno ni Yahweh sa katawhan?

Pun-on niya sila sa kahubog.

Unsa man ang buhaton ni Yahweh human niya mapuno ug kahubog ang katawhan?

Laglagon niya sila.

Jeremiah 13:15-17

Unsa man ang mahitabo sa katawhan kung dili sila magpasidungog kang Yahweh?

Magdala si Yahweh ug kangitngit.

Jeremiah 13:18-19

Nganong kinahanglan man magpaubos sa ilang mga kaugalingon ang hari ug ang inahan nga rayna?

Tungod kay nawala na ang ilang mga korona.

Jeremiah 13:20-21

Kinsa man ang ipahimutang ni Yahweh ibabaw sa katawhan?

Ipahimutang ni Yahweh ibabaw kanila kadtong ilang gituohan nga ilang mga higala.

Jeremiah 13:22-24

Nganong nagakahitabo man ang daotang mga butang ngadto sa katawhan?

Nagakahitabo ang daotang mga butang ngadto sa katawhan tungod kay nakahimo sila ug daghang kalapasan.

Jeremiah 13:25-27

Unsa man ang buhaton ni Yahweh mahitungod sa daotang mga butang nga gibuhat sa katawhan diha sa tago?

Ipakita kini ni Yahweh ngadto sa tanan.

Jeremiah 14

Jeremiah 14:1-3

Unsa man ang nahitabo sa dihang nangita ug tubig ang mga sulugoon?

Wala gayod silay nakaplagan.

Jeremiah 14:4-6

Unsa man ang mahitabo kung wala na gayoy ulan?

Wala na gayoy sagbot ug mga pananom.

Jeremiah 14:7-9

Kanus-a man giluwas ni Yahweh ang Israel?

Giluwas niya ang Israel sa panahon sa kalisod.

Jeremiah 14:10-12

Unsa man ang gisulti ni Yahweh kang Jeremias nga dili buhaton alang sa katawhan?

Nagsulti si Yahweh kang Jeremias nga dili na siya mag-ampo alang sa kaayohan sa katawhan.

Jeremiah 14:13-14

Asa man gikan ang mga malimbongong pulong sa mga mini nga mga propeta?

Gikan kini sa kasingkasing sa mga mini nga mga propeta.

Jeremiah 14:15-16

Unsa man ang mahitabo sa mga mini nga mga propeta?

Mangamatay sila gikan sa pagpakiggubat ug kagutom.

Jeremiah 14:17-18

Asa man mangamatay ang katawhan nga nakiggubat?

Mangamatay sila sa pagpakiggubat didto sa mga kaumahan.

Asa man mangamatay ang katawhan panahon sa hulaw?

Mangamatay sila tungod sa hulaw didto sa siyudad.

Jeremiah 14:19-20

Unsa man ang giangkon ni Jeremias ngadto kang Yahweh nga sala sa mga katigulangan?

Nagpakasala sila batok kang Yahweh.

Jeremiah 14:21-22

Nganong naglaom man ang mga katawhan kang Yahweh?

Tungod kay gibuhat man ni Yahweh ang kalangitan ug gihatag niya ang ulan.

Jeremiah 15

Jeremiah 15:1-2

Unsa man ang gisulti ni Yahweh nga dili gayod niya bag-ohon bisan pa ug maghangyo kaniya sila Moises ug si Samuel alang sa katawhan?

Dili gayod paboran ni Yahweh kining katawhan.

Unsa man ang mahitabo sa mga katawhan sa Juda ug Jerusalem?

Mangamatay, ug pangpatyon sila, ug mangamatay usab ang pipila kanila tungod sa kagutom, ug pagakuhaon ang pipila kanila ug ipalayo ngadto sa ilang panimalay.

Jeremiah 15:3-4

Unsa man ang upat ka mga butang nga mahitabo sa katawhan?

Mangamatay ang pipila kanila sa pagpakiggubat, guyuron sa mga iro ang pipila kanila, ug pangan-on kini sa mga langgam, ug pangan-on usab kini sa ubang mga mananap.

Jeremiah 15:5-7

Kinsa man ang moatiman sa Jerusalem?

Walay bisan usa nga moatiman sa Jerusalem.

Unsa man ang gikapoyan ni Yahweh sa pagbuhat ngadto sa Jerusalem?

Gikapoyan na gayod siya sa paghatag ug kaluoy ngadto sa Jerusalem.

Jeremiah 15:8-9

Sa unsa man nga paagi maulawan ang inahan nga adunay pito ka mga anak?

Pagapatyon ni Yahweh ang iyang mga anak pinaagi sa kaaway.

Jeremiah 15:10-12

Kanus-a man buhaton ni Yahweh nga magpakigtabang kaniya ang mga kaaway ni Jeremias?

Magpakitabang sila sa panahon sa katalagman ug kasakit.

Jeremiah 15:13-14

Nganong gipanghatag man ni Yahweh ang mga katigayonan sa katawhan ngadto sa ilang mga kaaway?

Gihatag niya kini tungod sa tanang sala sa katawhan.

Jeremiah 15:15-18

Unsa man ang gibuhat ni Jeremias sa mga pulong ni Yahweh?

Gipasabot niya kini ngadto kanila

Jeremiah 15:19-21

Unsa man ang angay nga buhaton ni Jeremias aron mapasig-uli siya?

Kinahanglan nga maghinulsol siya.

Gikan sa unsa man nga katawhan luwason ni Yahweh si Jeremias?

Luwason ni Yahweh si Jeremias gikan sa daotan ug sa madaugdaugon.

Jeremiah 16

Jeremiah 16:1-4

Unsa man ang sugo nga gihatag ni Yahweh kang Jeremias?

Giingnan ni Yahweh si Jeremias nga dili mokuha ug asawa.

Unsa man ang mahitabo sa mga bata nga natawo niadtong lugara?

Mangamatay sila.

Unsay mahitabo sa ilang mga patay nga lawas?

Mahisama sa tae ang ilang mga patayng lawas sa yuta ug mahimong pagkaon sa mga langgam ug sa mga mananap.

Jeremiah 16:5-6

Nganong giingnan man ni Yahweh si Jeremias nga dili moadto sa mga balay nga adunay katawhan nga nagbangutan?

Giingnan niya si Jeremias nga dili moadto tungod kay ang mga dato ug ang mga pobre mangamatay apan walay magbangotan alang kanila.

Jeremiah 16:7-9

Nganong giingnan man ni Yahweh si Jeremias nga dili moadto sa mga balay nga adunay katawhan nga nagkumbira?

Giingnan niya si Jeremias niini tungod kay iyang butangan ug katapusan ang ilang mga pagsaulog.

Jeremiah 16:10-11

Unsa man ang pangutana sa mga tawo sa dihang gisulti ni Jeremias ang pulong ni Yahweh ngadto kanila?

Mangutana ang katawhan nganong pahamtangan sila ni Yahweh ug kadaot.

Jeremiah 16:12-15

Kinsa man ang mas daotan, kini nga mga tawhana o ang ilang mga katigulangan?

Mas daotan kining mga tawhana kaysa sa ilang mga katigulangan.

Jeremiah 16:16-18

Nganong dublihon man ni Yahweh ang silot sa sala nga nabuhat sa mga Israelita?

Buhaton niya kini tungod kay ilang gihugawan ang yuta pinaagi sa ilang mga diosdios.

Jeremiah 16:19-21

Unsa man ang giingon sa kanasoran mahitungod sa ilang katigulangan sa dihang moadto sila kang Yahweh?

Moingon sila nga ang ilang mga katigulangan nagpanunod ug mga limbong.

Jeremiah 17

Jeremiah 17:1-2

Asa man gikulit ang sala ni Juda?

Gikulit kini diha sa ilang mga kasingkasing.

Asa man dapita nahimutang ang mga poste ni Asera?

Ang mga poste ni Asera anaa sa dahonong mga kahoy sa taas sa mga bukid.

Jeremiah 17:3-4

Asa man mahimong ulipon si Juda?

Mahimong ulipon si Juda ngadto sa yuta diin wala siya masayod.

Jeremiah 17:5-8

Kinsa man ang giingnan ni Yahweh nga tinunglo?

Miingon si Yahweh nga tinunglo ang tawo nga mosalig sa ubang tawo.

Jeremiah 17:9-11

Sa unsa nahisama ang kasingkasing?

Ang kasingkasing mao ang pinakalimbongan sa tanan, usa kini ka balatian, ug walay makasabot niini.

Jeremiah 17:12-14

Unsay mahitabo niadtong mibiya kang Yahweh?

Maulawan ug pagaputlon ang tanan nga mobiya kang Yahweh.

Jeremiah 17:15-18

Unsa nga buluhaton ang wala dagani ni Jeremias?

Wala mosibat si Jeremias sa iyang pagkamagbalantay sa pagsunod kang Yahweh.

Jeremiah 17:19-20

Unsa man ang buot ni Yahweh nga buhaton ni Jeremias sa dihang nagtindog siya sa mga ganghaan?

Buot ni Yahweh nga ingnon ni Jeremias ang katawhan nga maminaw sa pulong ni Yahweh.

Jeremiah 17:21-23

Unsa man ang gustong ipaundang ni Yahweh nga ginabuhat sa mga tawo?

Gusto niya nga moundang sila sa pag-alsa ug bug-at sa adlaw nga Igpapahulay.

Jeremiah 17:24-25

Unsa ang mahitabo sa siyudad nga maminaw ug dili magbuhat ug mga bisan unsang buluhaton sa adlaw nga Igpapahulay?

Kung maminaw sila ug motuman, magpabilin ang siyudad hangtod sa kahangtoran.

Jeremiah 17:26-27

Unsa ang mahitabo kung dili maminaw ang katawhan?

Kung dili maminaw ang katawhan, sunogon ni Yahweh ang Jerusalem.

Jeremiah 18

Jeremiah 18:1-4

Asa man gipaadto ni Yahweh si Jeremias aron didto niya ipadungog ang iyang pulong?

Gipaadto ni Yahweh si Jeremias didto sa balay sa magkukulon.

Samtang nagtan-aw si Jeremias, unsa man ang nahitabo sa lapok nga gihulma sa magkukulon?

Nangabungkag kini diha sa iyang kamot.

Jeremiah 18:5-8

Unsa man ang buhaton ni Yahweh ngadto sa nasod nga mosalikway gikan sa ilang daotang binuhatan human niya madungog ang pagsangyaw?

Dili ipadayon ni Yahweh ang kadaot nga iyang gilaraw nga ipahamtang kanila.

Jeremiah 18:9-10

Unsa man ang buhaton ni Yahweh niadtong mga nasod nga wala maminaw sa iyang tingog?

Hunongon ni Yahweh ang kamaayo nga iyang gisulti nga buhaton alang kanila.

Jeremiah 18:11-14

Nganong nagbuhat man si Yahweh ug kadaot batok sa katawhan sa Juda ug sa Jerusalem?

Kay nagbuhat man sila ug daotang mga butang.

Human sila pasidan-i ni Jeremias, unsa man ang gibuhat sa katawhan sa Juda ug sa Jerusalem?

Wala sila maminaw o mohunong sa pagbuhat ug daotan nga mga butang.

Jeremiah 18:15-17

Nganong mamahimo man nga awaaw ang Israel?

Tungod kay gikalimtan man sa mga Israelita si Yahweh ug nagbuhat ug mga halad ngadto sa mga diosdios.

Nganong magpangurog man ug magpanglingo sa iyang ulo kadtong mga moagi?

Buhaton nila kini tungod kay gihimo ni Yahweh nga awaaw ang maong dapit.

Jeremiah 18:18-20

Unsa man ang daotang laraw nga buhaton sa katawhan batok kang Jeremias?

Naglaraw sila sa pagsulong kang Jeremias pinaagi sa ilang mga pulong ug dili nila panumbalingon ang bisan unsang butang nga iyang isulti.

Unsa man ang gihangyo ni Jeremias nga hinumdoman ni Yahweh alang kaniya?

Naghangyo si Jeremias nga hinumdoman ni Yahweh kung giunsa pag-istorya ni Jeremias alang sa kaayohan sa katawhan.

Jeremiah 18:21-23

Unsa man ang gihangyo ni Jeremias nga buhaton ni Yahweh sa iyang mga kaaway?

Naghangyo siya kang Yahweh nga patyon niya ang tanang katawhan ug dili pasayloon ang ilang sala.

Jeremiah 19

Jeremiah 19:1-3

Unsa man ang gisulti ni Yahweh ngadto kang Jeremias nga iyang paliton?

Giingnan ni Yahweh si Jeremias nga molakaw ug mopalit ug kulon.

Unsa man ang gisulti ni Yahweh kang Jeremias nga iyang pagadad-on ngadto sa mga hari sa Juda ug sa mga lumulupyo sa Jerusalem?

Nagsulti si Yahweh nga magdala siya ug katalagman sa maong dapit, ug makapabagting sa ilang mga dalunggan."

Jeremiah 19:4-5

Nganong magdala man ang Dios ug katalagman ngadto sa Jerusalem?

Magdala ang Dios ug katalagman tungod kay gibiyaan nila ang Dios ug gihugawan ang iyang dapit, ug miadto sa laing mga diosdios, ug gipuno ang maong dapit sa dugo sa mga walay sala nga tawo.

Nganong nagtukod man ang katawhan ug habog nga mga dapit alang kay Baal?

Nagtukod sila ug habog nga mga dapit alang kang Baal aron sa pagsunog sa ilang mga anak nga lalaki sa kalayo ingon nga halad sinunog kaniya.

Jeremiah 19:6-9

Unsa man ang itawag sa Walog sa Ben Hinom?

Pagatawgon kini ug Walog sa Ihawanan.

Jeremiah 19:10-11

Unsa man ang buhaton ni Jeremias sa kulon?

Buakon niya ang kulon sa atubangan sa katawhan nga miuban kaniya.

Jeremiah 19:12-13

Unsa man ang gibuhat sa mga mahugaw nga katawhan didto sa ilang mga atop?

Nagsimba sa mga bituon ang mahugaw nga katawhan didto sa ilang mga atop ug nagbubo ug halad nga ilimnon alang sa ubang mga diosdios.

Jeremiah 19:14-15

Nganong nagdala man ug katalagman si Yahweh didto sa siyudad ug sa tanang mga lungsod niini?

Nagdala si Yahweh ug katalagman kanila tungod kay gipagahi nila ang ilang liog ug nagdumili sa pagpaminaw sa mga pulong ni Yahweh.

Jeremiah 20

Jeremiah 20:1-2

Nganong gikulata ug gigapos man ni Pashur si Jeremias?

Gisilotan si Jeremias tungod kay nagpropesiya siya niining mga pulonga atubangan sa balay ni Yahweh.

Jeremiah 20:3-4

Unsa man ang ihatag ni Yahweh ngadto sa hari sa Babilonia?

Ihatag ni Yahweh ang tanang katigayonan sa maong siyudad ug ang tanang kadato niini, ang tanang bililhong mga butang ug ang tanang bahandi sa mga hari sa Juda.

Jeremiah 20:5-6

Unsa man ang mahitabo kang Pashur ug sa tanang lumulupyo sa iyang balay?

Mangadto sila sa Babilonia ug mangamatay didto?

Jeremiah 20:7-9

Unsa man ang nahitabo sa dihang wala gisangyaw ni Jeremias ang ngalan ni Yahweh?

Nahimong daw kalayo ang pulong ni Yahweh diha sa kasingkasing ni Jeremias, nga nagsunog sa iyang mga kabukogan, ug dili niya kini maluom.

Unsa man nga mensahe ang gitawag ug gisangyaw ni Jeremias?

Nagtawag siya ug nagsangyaw, "kaguliyang ug kasamok."

Jeremiah 20:10-11

Unsa man ang mahitabo niadtong nagtan-aw kang Jeremias nga malaglag?

Magsusapinday gayod kadtong naggukod kaniya. Dili nila mabuntog si Jeremias, ug maulawan sila pag-ayo.

Jeremiah 20:12-13

Nganong nagsulti man si Jeremias nga mag-awit ug magdayeg kang Yahweh?

Kinahanglan nga mag-awit ug magdayeg sila kang Yahweh tungod kay nagsusi siya sa matarong, nakakita sa ilang hunahuna ug kasingkasing, nga maoy manimalos, ug moluwas sa mga dinaogdaog.

Jeremiah 20:14-18

Unsa man ang gisulti ni Jeremias mahitungod sa adlaw sa iyang pagkahimugso?

Gitunglo ni Jeremias ang adlaw nga siya nahimugso ug naghangyo nga dili kini panalanginan.

Jeremiah 21

Jeremiah 21:1-2

Unsa man ang gihangyo ni Pashur ug Zefania kang Jeremias?

Naghangyo sila nga mangayo ug tambag kang Yahweh.

Nganong buot man nilang mangayo ug tambag si Jeremias ngadto kang Yahweh.

Naglaom sila nga maghimo ug milagro si Yahweh alang kanila.

Jeremiah 21:3-5

Unsa man ang mensahe nga gihatag ni Jeremias ngadto kang Zedekia?

Ang mensahe mao nga makig-away si Yahweh kang Zedekia.

Jeremiah 21:6-7

Paunsa makig-away si Yahweh kang Haring Zedekia?

Si Yahweh makig-away kang Haring Zedekia pinaagi sa mga balatian, gubat, ug kagutom.

Jeremiah 21:8-10

Unsa man ang kinahanglan nga buhaton sa katawhan nga gusto pang mabuhi?

Kinahanglan silang mogawas ug motugyan sa ilang kaugalingon ngadto sa mga Chaldeanhon.

Unsa man ang mahitabo sa mga tawo nga magpabilin sa siyudad.

Mangamatay sila.

Jeremiah 21:11-12

Unsa man ang gustong ipabuhat ni Yahweh sa hari sa Juda?

Gusto niyang mamati ang hari sa iyahang mga pulong, nga kinahanglan adunay kaangayan, ug luwason ang mga gidaogdaog.

Jeremiah 21:13-14

Kang kinsa man nakigbatok si Yahweh?

Nakigbatok si Yahweh sa mga tawo nga nagpuyo sa mga walog ug sa patag.

Unsa man ang buhaton ni Yahweh tungod sa mga gipangbuhat sa mga tawo?

Magpasiga siya ug kalayo diha sa mga pader ug masunog ang tanan niini.

Jeremiah 22

Jeremiah 22:1-3

Unsa man ang gisulti ni Yahweh ngadto sa Hari sa Juda, sa iyang mga sulugoon, ug sa iyang katawhan nga angay buhaton?

Kinahanglan maminaw sila sa pulong ni Yahweh, magbuhat nga matarong, motabang niadtong mga gipangkawatan, ug moluwas sa mga gipangdaogdaog. Kinahanglan dili nila dagmalan ang mga langyaw, mga ilo, o mga balo, ug dili usab sila mopatay ug mga inosente nga katawhan.

Jeremiah 22:4-5

Unsa man ang mahitabo kung dili nila paminawon kining mga pulong nga gipahayag ni Yahweh?

Magun-ob gayod ang harianong palasyo.

Jeremiah 22:6-7

Giunsa man pagkahitabo nga nahimong kamingawan ang palasyo?

Magpili si Yahweh ug katawhan aron sa pag-adto ug pagguba sa palasyo.

Jeremiah 22:8-9

Nganong nabuhat man ni Yahweh ngadto sa bantogang siyudad kining mga butanga?

Nabuhat niya kini tungod kay gibiyaan sa katawhan ang kasabotan ug nagsimba sa ubang diosdios.

Jeremiah 22:10-14

Ngano man nga angay mohilak ang katawhan alang niadtong mga pagabihagon?

Angay nga mohilak sila tungod kay ang mga binihag dili na mahibalik o makita ang yuta pag-usab.

Jeremiah 22:15-16

Unsa man ang angay nga buhaton sa usa ka maayong hari?

Angay siyang mobuhat ug hustisya bisan sa mga kabos ug sa mga nanginahanglan, magbuhat ug pagkamatarong, ug ilhon si Yahweh.

Jeremiah 22:17-19

Nganong wala man magbangotan ang katawhan alang kang Haring Jehoyakim?

Wala sila magbangotan tungod kay nangawat siya, gipatay niya ang mga inosente nga katawhan, ug gipangdaogdaog ang katawhan.

Unsa man nga matang sa lubong ang ihatag nila kang Jehoyakim?

Ilubong nila siya sama sa paglubong sa mga asno.

Jeremiah 22:20-21

Unsa man ang nabatasan sa katawhan sukad pa sa ilang pagkabata?

Wala nila paminawa ang tingog ni Yahweh.

Jeremiah 22:22-23

Unsa man ang mahitabo kanila sa dihang dili sila maminaw?

Mangawala kanila ang ilang mga magbalantay, mabihag ang ilang mga higala, maulawan sila ug ipakaubos.

Jeremiah 22:24-28

Unsa man ang mahitabo kang Jehoyakin?

Itugyan ni Yahweh si Jehoyakin ngadto sa hari sa Babilonia, ug mamatay siya nga halayo gikan sa yuta

Jeremiah 22:29-30

Unsa man ang gisulti ni Yahweh mahitungod kang Jehoyakin?

Dili makabaton ug anak si Jehoyakin ug dili magmauswagon.

Jeremiah 23

Jeremiah 23:1-2

Unsa man ang gibuhat sa mga magbalantay ngadto sa karnero sa adlaw ni Jeremias?

Giguba ug gipatibulaag sa mga magbalantay ang karnero, ug giabog kini, ug gipasagdan lamang sila.

Jeremiah 23:3-4

Unsa man ang giingon ni Yahweh nga iyang buhaton alang sa panon sa iyang kahayopan?

Tigomon niya sila, hatagan ug sibsibanan, ug hatagan ug maayong mga magbalantay

Jeremiah 23:5-6

Unsa man ang buhaton ni Yahweh sa umaabot nga mga panahon?

Motuboy siya ug usa ka matarong nga hari.

Jeremiah 23:7-8

Unsa man ang isulti sa katawhan sa nabuhat ni Yahweh ngadto kanila?

Moingon sila nga gidala sila pagbalik ni Yahweh gikan sa ubang kayutaan aron nga magpuyo sila sa ilang kaugalingong yuta.

Jeremiah 23:9-10

Nganong nasakitan man ang kasingkasing ni Jeremias?

Nasakitan si Jeremias tungod kay ang mga pulong ni Yahweh balaan, apan mga bakakon ang mga propeta ug ang yuta napuno sa mga mananapaw.

Jeremiah 23:11-12

Unsa man ang mahitabo sa mga propeta ug sa mga pari?

Laglagon sila ni Yahweh ug ipahamtang batok kanila ang katalagman.

Jeremiah 23:13-15

Unsa man ang mga mali nga mga binuhatan sa mga propeta?

Napropesiya sila pinaagi kang Baal, gipangunahan ang katawhan ni Yahweh sa hiwi nga dalan, nanapaw, gilingla ang katawhan, ug giawhag ang katawhan sa pagbuhat ug daotan.

Unsa man ang himoon ni Yahweh sa mga gibuhat niining mga propeta?

Gipakaon sila ni Yahweh ug panyawan ug gipainom sa makahilo nga tubig.

Jeremiah 23:16-18

Nganong misulti man si Yahweh nga, "Ayaw paminaw sa mga propeta"?

Namakak lamang sila sa katawhan.

Jeremiah 23:19-20

Sa unsa man mahisama ang kapungot ni Yahweh?

Nahisama sa usa ka unos ang kapungot ni Yahweh

Jeremiah 23:21-22

Unsa man ang sayop sa mga propeta?

Wala sila gipadala ni Yahweh.

Jeremiah 23:23-24

Asa man moadto ang katawhan aron makapalayo gikan kang Yahweh?

Wala gayoy maadtoan ang katawhan aron sa pagpalayo gikan kang Yahweh. Bisan sa duol ug sa halayo, makita niya matag sekreto nga dapit, ug anaa siya bisan asang dapit sa kalangitan ug sa kayutaan.

Jeremiah 23:25-27

Unsa man ang gusto sa mga propeta nga buhaton sa katawhan?

Gusto nila nga mohunong ang katawhan sa pagsimba kang Yahweh.

Jeremiah 23:28-30

Giunsa man sa propeta ni Yahweh sa pag-ingon kung unsa ang iyang nadungog gikan kang Yahweh?

Matinud-anong gisulti niya ang pulong ni Yahweh ug wala siya mangawat ug mga pulong gikan sa ubang katawhan.

Jeremiah 23:31-32

Ngano man nga supak si Yahweh tali sa mga propeta?

Supak siya ngadto kanila tungod kay gilimbongan nila ang katawhan pinaagi sa pagsulti nga ang ilang kaugalingong mga panghunahuna mao ang mga pulong ni Yahweh.

Jeremiah 23:33-34

Unsa man ang gusto ni Yahweh nga isulti ni Jeremias niadtong mga nangutana kaniya alang sa pulong nga gikan kang Yahweh?

Isulti niya nga wala na gayoy pulong nga gikan kang Yahweh tungod kay gibiyaan na ni Yahweh ang katawhan.

Kinsa man ang silotan ni Yahweh?

Silotan niya kadtong mosulti nga aduna silay mensahe gikan kang Yahweh

Jeremiah 23:35-36

Nganong dili man kinahnaglan nga istoryahan sa matag-usa ka tawo ang mahitungod sa giingon ni Yahweh?

Dili nila kini angay nga buhaton tungod kay ang matag-usa nagagamit sa iyang kaugalingong mga pulong, ug giilisan nila ang mga pulong sa buhi nga Dios.

Jeremiah 23:37-40

Giunsa man sa pagsulay ni Jeremias ang bisan kinsa nga propeta?

Nangutana siya aron mahibal-an kung namakak ba sila sa ilang nadawat nga pahayag gikan kang Yahweh.

Unsa man ang nahitabo sa mga propeta nga naghatag sa bakak nga taho?

Papahawaon sila ni Yahweh ug ibutang ang walay kataposan nga kaulaw ngadto kanila.

Jeremiah 24

Jeremiah 24:1-3

Unsa man ang gipakita ni Yahweh nga panan-awon kang Jeremias?

Gipakita kaniya ni Yahweh ang basket sa maayo nga mga bunga sa igera ug basket sa daot nga mga bunga sa igera.

Jeremiah 24:4-7

Kinsa man ang mga tawo ang giingon ni Yahweh nga sama sa maayong mga bunga sa igera?

Ang mga binihag mao ang giingon ni Yahweh nga sama sa maayong mga bunga sa igera.

Unsa man ang buhaton ni Yahweh sa mga tawo nga sama sa maayong mga bunga sa igera?

Pabalikon niya sila sa kayutaan

Jeremiah 24:8-10

Kinsa man ang mga tawo ang giingon ni Yahweh nga sama sa daot nga mga bunga sa igera?

Si Zedekia, ang katawhan nga nahibilin sa maong kayutaan, ug ang katawhan nga namuyo didto sa Ehipto sama sa daot nga mga bunga sa igera.

Unsa man ang buhaton ni Yahweh niadtong mga tawo nga sama sa daot nga mga igera?

Magbuhat siya ug daotang mga butang alang kanila, ug patyon niya sila pinaagi sa gubat, kagutom, ug mga sakit.

Jeremiah 25

Jeremiah 25:1-2

Kang kinsa man gimantala ni Jeremias nga propeta kini nga pulong?

Gimantala niya ang pulong sa tanang katawhan sa Juda ug sa tanang lumolupyo sa Jerusalem.

Jeremiah 25:3-4

Unsa man kadugay nga nagmantala si Jeremias sa mga pulong ni Yahweh?

Nagmantala siya kanila sulod sa 23 ka tuig.

Giunsa man pagdawat sa katawhan ang mga pulong nga gimantala Jeremias?

Wala sila naminaw.

Jeremiah 25:5-6

Unsa man ang giingon sa mga propeta sa matag tawo?

Giingnan nila ang matag tawo nga mobiya sa ilang daotang mga pamaagi, dili mosimba ug laing mga dios, ug dili nila hagiton nga masuko si Yahweh tungod sa ilang mga binuhatan.

Jeremiah 25:7-9

Unsa man ang kadaot nga gibuhat ni Yahweh tungod kay wala sila naminaw?

Gipadala ni Yahweh ang katawhan sa amihanan kauban si Nebucadnezar aron sa paglaglag kanila.

Jeremiah 25:10-11

Unsa man nga tingog ang mawala niining mga nasora kung moalagad sila sa hari sa Babilonia sulod sa 70 ka tuig?

Mangawala ang kasaba sa kasaulogan ug ang tingo sa pagtrabaho.

Jeremiah 25:12-14

Unsa man ang mahitabo sulod sa 70 ka tuig?

Silotan ni Yahweh ang katawhan sa Babilonia tungod sa ilang pagpakasala.

Jeremiah 25:15-16

Unsa man ang buhaton sa tanang kanasoran kung ihatag ni Yahweh ngadto kanila ang kupa sa kapungot?

Imnon nila kini, masupinday dayon sila, ug mangabuang.

Jeremiah 25:17-23

Unsa man ang nahitabo sa Jerusalem, sa siyudad sa Juda, ug sa mga hari ug mga opisyal human makainom gikan sa kupa nga gihatag ni Jeremias ngadto kanila?

Nangalaglag sila.

Jeremiah 25:24-26

Unsa man nga nasod ang ulahing moinom sa kupa sa kapungot ni Yahweh?

Ang Babilonia ang ulahi nga moinom sa kupa sa kapungot ni Yahweh.

Jeremiah 25:27-31

Unsa man ang mahitabo sa mga nasod nga nagdumili sa pagkuha sa kupa nga gikan sa kamot ni Jeremias?

Pagasilotan gihapon sila.

Jeremiah 25:32-33

Si kinsa man ang mangamatay sa katalagman nga ipadala ni Yahweh?

Mopatay kini sa tanan gikan sa tanang bahin sa kalibotan paingon sa laing bahin.

Jeremiah 25:34-36

Nganong nagsubo man ang mga magbalantay?

Tungod kay adlaw na kini sa ilang kamatayon.

Jeremiah 25:37-38

Nganong naguba man ang malinawon nga mga sibsibanan?

Kay nasuko man si Yahweh.

Jeremiah 26

Jeremiah 26:1-3

Unsa man ang giingon ni Yahweh ngadto kang Jeremias nga imantala ngadto sa hawanan?

Giingnan niya siya nga imantala ang tanang mga pulong ni Yahweh.

Unsa man ang angay buhaton sa katawhan aron nga dili ipahamtang ni Yahweh kanila ang katalagman?

Kung ang katawhan mamati ug mobiya sa ilang daotang mga pamaagi, dili ipahamtang ni Yahweh ngadto kanila ang katalagman.

Jeremiah 26:4-6

Kung ang katawhan dili mamati sa mga pulong ni Yahweh, unsa man ang buhaton ni Yahweh sa ilang siyudad?

Tunglohon ni Yahweh ang ilang siyudad.

Jeremiah 26:7-9

Unsa man ang nahitabo kang Jeremias human sa pagsulti niya sa pulong ni Yahweh?

Gidakop siya sa mga pari, sa mga propeta, ug sa mga tawo ug giingnan nga mamatay siya.

Jeremiah 26:10-12

Asa man siya gidala sa mga tawo aron hukman?

Gidala nila siya sa atubangan sa bag-ong Ganghaan sa templo.

Jeremiah 26:13-15

Unsa man ang mahitabo kung patyon si Jeremias sa mga opisyal?

Kung patyon nila siya, sad-an sila sa pagpatay sa tawong walay sala.

Jeremiah 26:16-17

Unsa man ang buhaton sa mga opisyal, sa katawhan, ug sa mga kadagkoan mahitungod sa giingon nga pagapatyon si Jeremias?

Miingon sila nga sayop nga pagapatyon siya.

Jeremiah 26:18-19

Unsa man ang gipanagna ni Mika?

Gipanagna ni Mika nga ang Zion, ang Jerusalem, ug ang templo sa kabukiran mangapukan.

Jeremiah 26:20-21

Unsa man ang buot buhaton sa hari kang Uria?

Buot nga patyon sa hari si Uria.

Unsa man ang gibuhat ni Uria?

Mikalagiw siya Ehipto.

Jeremiah 26:22-24

Sa unsang paagi nga gipatay ni Jehoyakim si Uria?

Nagpadala si Jehoyakim ug kalalakin-an sa Ehipto aron sa pagdala kang Uria pagbalik, unya gipatay ni Jehoyakim si Uria pinaagi sa espada.

Si kinsa man ang nagtago kang Jeremias aron dili siya mamatay?

Si Ahikam ang anak nga lalaki ni Shafan ang nagtago kang Jeremias aron nga dili siya mamatay.

Jeremiah 27

Jeremiah 27:1-4

Alang kang kinsa man ang pulong nga nadungog ni Jeremias gikan kang Yahweh?

Ang mensahe nga iyang nadungog alang sa mga hari sa Edom, sa Moab, sa Amon, sa Tyre ug sa Sidon.

Jeremiah 27:5-7

Unsa man ang mensahe alang sa mga hari?

Ang tanan nilang mga kanasoran mag-alagad kang Nebucadnezar, nga hari sa Babilonia.

Jeremiah 27:8

Unsa man ang mahitabo sa kanasoran nga dili mag-alagad kang Nebucadnezar?

Silotan ni Yahweh ang kanasoran nga dili mag-alagad kang Nebucadnezar pinaagi sa espada, sa kagutom, ug sa sakit.

Jeremiah 27:9-11

Unsa man ang mahitabo sa mga tawo nga mamati sa bakak nga panagna?

Papahawaon sila ni Yahweh sa ilang yuta ug mangamatay sila.

Unsa man ang madawat sa kanasoran nga mopaulipon sa hari sa Babilonia?

Magpabilin sila sa ilang yuta, ugmaron nila, ug maghimo ug mga puloy-anan.

Jeremiah 27:12-13

Unsa man ang kinahanglan buhaton ni Haring Zedekia kung gusto niya nga mabuhi?

Kinahanglan nga alagaran niya ang Hari sa Babilonia.

Jeremiah 27:14-15

Unsa man ang mahitabo kang Zedekia kung mamati siya sa iyang mga propeta?

Papahawaon siya ni Yahweh ug mamatay siya.

Jeremiah 27:16-18

Unsa man ang gisulti ni Jeremias ngadto sa mga pari ug sa mga katawhan?

Dili sila mamati sa mga propeta. Mag-alagad sila sa hari sa Babilonia ug mabuhi.

Jeremiah 27:19-20

Unsa man ang gidala ni Nebucadnezar gikan sa Juda ug sa Jerusalem?

Gidala niya si Jehoyakin ug ang tanang mga tinahod.

Jeremiah 27:21-22

Unsa man ang nahitabo sa mga butang nga anaa sa templo?

Pagadad-on kini ni Nebucadnezar ngadto sa Babilonia.

Jeremiah 28

Jeremiah 28:1-7

Sa hamubo nga panahon unsa man ang gisulti ni Hananias ngadto kang Jeremias atubangan sa mga pari ug sa katawhan?

Gisulti si Hananias nga giwagtang na ni Yahweh ang yugo nga gipahamtang sa hari sa Babilonia.

Jeremiah 28:8-9

Unsa man ang paagi aron masayran nga tinuod gayod ang propeta nga gipadala ni Yahweh?

Mahitabo gayod ang mga pulong sa propeta.

Jeremiah 28:10-11

Nganong gibuba man ni Hananias ang yugo diha kang Jeremias?

Gusto niya nga motuo ang katawhan nga makalingkawas sila gikan sa Babilonia.

Jeremiah 28:12-14

Matuod ba ang mga pulong ni Hananias?

Dili, ang katawhan dili makalingkawas gikan sa Babilonia.

Jeremiah 28:15-17

Unsa man ang mensahe ni Yahweh pinaagi kang Jeremias ngadto kang Hananias?

Pagapatyon ni Yahweh si Hananias karon nga tuig tungod kay gipasupak ni Hananias ang katawhan kang Yahweh.

Jeremiah 29

Jeremiah 29:1-5

Asa man gipadala ni Jeremias ang linukot nga basahon?

Gipadala kini sa tibuok katawhan nga binihag sa Babilonia.

Jeremiah 29:6-7

Nganong gisultihan man ni Yahweh ang mga binihag nga magpuyo sa malinawon nga siyudad diin sila gipangbihag ug mag-ampo sila kang Yahweh alang nianang siyudara?

Gisultihan niya sila nga buhaton kini aron makabaton ug kalinaw ang mga binihag uban sa mga lumolupyo sa siyudad.

Jeremiah 29:8-9

Unsa man ang pahimangno ni Yahweh pinaagi kang Jeremias ngadto sa mga binihag?

Gipahimangnoan niya sila nga dili sila maminaw sa mga damgo ni sa mga propeta nga wala gipadala ni Yahweh.

Jeremiah 29:10-11

Unsa man ang plano ni Yahweh sa mga binihag human sa 70 ka tuig?

Dad-on niya sila pagbalik sa Juda ug hatagan sila ug kalinaw.

Jeremiah 29:12-14

Kanus-a man nila mahikaplagan si Yahweh?

Mahikaplagan nila siya kung magtawag sila kaniya, mag-ampo sila kaniya, ug pangitaon nila siya sa tibuok nilang kasingkasing.

Jeremiah 29:15-19

Unsa man ang gibuhat ni Yahweh sa mga tawo nga nagpabilin sa siyudad ug wala mikuyog sa mga binihag?

Miingon si Yahweh nga padad-an sila ug espada, kagutom ug balatian.

Jeremiah 29:20-21

Unsa man ang gisulti ni Yahweh nga iyang pagabuhaton ngadto kang Ahab ug kang Zedekia?

Itugyan niya sila ngadto kang Nebucadnezar, nga mopatay kanila.

Jeremiah 29:22-23

Unsa ang man tunglo nga gisulti sa mga binihag nga taga-Juda ngadto sa Babilonia?

Miingon sila, "Buhaton unta ni Yahweh kaninyo ang sama kang Zedekia ug kang Ahab, diin gitambo sa kalayo ang hari sa Babilonia."

Nganong patyon man ni Yahweh si Ahab ug si Zedekia ?

Pagapatyon niya sila tungod sa makauulaw nga mga butang nga ilang gibuhat.

Jeremiah 29:24-26

Asa man si Shemaya sa dihang gisulat niya ang mga sulat?

Anaa siya sa Babilonia.

Asa man ang katawhan sa dihang gisulat ni Shemaya ang mga sulat?

Didto sila sa Jerusalem.

Unsa man ang gusto ni Shemaya nga buhaton ni Zofonias ?

Gusto niya nga bilanggoon ni Zofonias ang mga propeta.

Jeremiah 29:27-29

Nganong gusto man ni Shemaya nga badlungon ni Zofonias si Jeremias?

Tungod kay miingon si Jeremias nga ang katawhan mabihag sa Babilonia sulod sa taas nga panahon.

Jeremiah 29:30-32

Nganong silotan man ni Yahweh si Shemaya ug ang iyang mga kaliwatan?

Buhaton niya kini tungod kay nanagna si Shemaya ug bakak ngadto sa katawhan aron nga mosupak sila kang Yahweh.

Jeremiah 30

Jeremiah 30:1-3

Unsa man ang buot buhaton ni Yahweh alang sa iyang kawahan?

Ihatag niya pagbalik ang ilang katigayonan ug dad-on sila pagbalik ngadto sa yuta.

Jeremiah 30:4-5

Kinsa man ang nakadungog sa "pagtiyabaw sa kahadlok ug walay kalinaw"?

Naghisgot si Yahweh sa iyang kaugalingon, pinaagi sa pulong nga "kita," mao ang nakadungog sa tingog.

Jeremiah 30:6-7

Ngano naninghawak man ang mga batan-ong lalaki ug nangluspad?

Ang mga kaliwat ni Jacob anaa sa panahon sa kagul-anan.

Jeremiah 30:8-9

Unsaon man pagsaulog sa mga Israelita kung makalikawas sila gikan sa pagkabihag?

Magasimba sila kang Yahweh nga ilang Dios ug mag-alagad kang David nga ilang hari.

Jeremiah 30:10-11

Nganong dili man kinahanglan mabalaka ang mga kaliwat ni Jacob?

Pabalikon sila ni Yahweh gikan kung diin sila gipatibulaag niya aron maulipon.

Jeremiah 30:12-13

Unsaon man pagkaayo sa samad sa Israel?

Dili kini mamaayo.

Jeremiah 30:14-15

Nganong gipanton man ni Yahweh ang mga Israelita?

Gipanton ni Yahweh ang mga Israelita tungod sa ilang mga kasaypanan ug mga sala.

Jeremiah 30:16-17

Unsa man ang buhaton ni Yahweh niadtong midagmal sa Israel?

Pagalamoyon niya ang ilang mga kaaway ug pagasakopon ug panguhaan sila.

Unsa man ang buhaton ni Yahweh sa Israel?

Paga-ayohon ni Yahweh ang mga samad sa Israel.

Jeremiah 30:18-19

Unsa man ang buhaton sa katawhan human nga tukoron pag-usab ang siyudad?

Manag-awit sila ug mga pagdayeg, managhan sila, ug pasidunggan sila ni Yahweh.

Jeremiah 30:20-24

Unsa man ang buhaton ni Yahweh human nga matukod ang katawhan sa Israel?

Magpili siya ug usa ka pangulo alang sa Israel.

Jeremiah 31

Jeremiah 31:1-3

Alang kang kinsa man mahimong Dios si Yahweh?

Mamahimo siya nga Dios sa tibuok banay sa Israel.

Nganong nakalingkawas man sa espada ang katawhan sa Israel ug gikahimut-an ni Yahweh?

Gikahimut-an sila tungod kay nahigugma si Yahweh kanila sa walay paglubad.

Jeremiah 31:4-6

Unsa man ang buhaton sa putli nga Israel human tukoron siya ni Yahweh?

Mogawas siya uban sa malipayong panagsayaw ug makabaton sa maayong abot.

Jeremiah 31:7

Kinsa man ang giluwas ni Yahweh?

Giluwas niya ang mga nahibilin sa Israel.

Jeremiah 31:8-9

Asa man dad-on pagbalik ni Yahweh ang nahibilin sa Israel?

Dad-on niya sila pagbalik gikan sa amihanang dapit nga kayutaan ug sa mga pinakahalayong bahin sa kalibotan.

Jeremiah 31:10-11

Si kinsa man "ang nagpatibulaag sa Israel"?

Si Yahweh ang nagpatibulaag sa Israel.

Jeremiah 31:12

Unsa man ang mga timailhan sa kaayo ni Yahweh?

Mabuhong ang katawhan sa pagkaon, bino, lana ug kahayopan.

Jeremiah 31:13-14

Unsa man ang buhaton sa katawhan sa dihang moundang na sila sa pagbangotan?

Magsaulog sila

Jeremiah 31:15

Ngano man nga adunay pagdangoyngoy ug labihang paghilak sa Rama?

Adunay pagdangoyngoy ug paghilak tungod kay ang mga anak ni Raquel nangamatay.

Jeremiah 31:16-17

Nganong kinahanglan man paundangon sa paghilak ang katwhan?

Pabalikon na ni Yahweh ang mga kaliwat gikan sa kayutaan sa kaaway.

Jeremiah 31:18-22

Nganong magmaluluy-on man si Yahweh kang Efraim?

Magmaluluy-on si Yahweh tungod kay si Efraim naulaw sa iyang mga sala.

Jeremiah 31:23-26

Nganong moingon man ang katawhan nga, "Panalanginan unta kamo ni Yahweh"?

Moingon sila tungod kay ang katawhan mopuyo sa mga siyudad ug ang mga mag-uuma ug mga magbalantay mopuyo sa nasod.

Jeremiah 31:27-28

Unsa man ang buhaton ni Yahweh sa mga balay sa Israel ug sa Juda nga iyang gipang-ibot ug gigun-ob?

Bantayan sila ni Yahweh aron lig-onon niya sila ug tukoron sila.

Jeremiah 31:29-32

Unsa man nga panultihon ang dili na gamiton sa katawhan sa Israel ug sa Juda?

Ang panultihon nila mao ang, "Mikaon ug mga aslom nga ubas ang mga amahan, ug nadaot ang ngipon sa mga anak.''

Nganong dili na man gamiton sa katawhan kana nga panultihon?

Ang matag tawo mamatay sa iyang kaugalingong sala.

Jeremiah 31:33-34

Unsa man ang bag-ong kasabotan nga himoon ni Yahweh tali sa panimalay sa katawhan sa Israel ug sa Juda?

Mao kini ang bag-ong kasabotan: Isulat ni Yahweh ang iyang balaod sa ilang mga kasingkasing.

Jeremiah 31:35-36

Unsa man ang dili mahanaw aron magpabilin nga nasod ang Israel?

Magpabiling nasod ang Israel hangtod dili mahanaw ang adlaw, bulan, mga kabituonan, ug dagat.

Jeremiah 31:37

Unsa man ang duha ka mga butang nga mahitabo ayha pa isalikway ni Yahweh ang mga kaliwat sa Israel?

Magpabiling nasod ang Israel hangtod masukod na ang kalapad sa kalangitan o masusi na ang patukoranan sa kalibotan.

Jeremiah 31:38-40

Kung matukod na pag-usab ang siyudad, mas dako ba kini o mas gamay?

Mas modako pa kini.

Jeremiah 32

Jeremiah 32:1-2

Asa man si Jeremias sa dihang gihatag ni Yahweh ang mensahe ngadto kaniya?

Napriso si Jeremias sa hawanan sa balay sa hari sa Juda.

Unsa man ang gihimo sa kasundalohan sa Babilonia?

Gisulong nila ang Jerusalem.

Jeremiah 32:3-5

Nganong gipapriso man ni Zedekia si Jeremias?

Gipapriso ni Zedekia si Jeremias tungod kay nagpropesiya siya nga ang Jerusalem ug si Zedekia mabihag sa mga taga Babilonia.

Jeremiah 32:6-9

Unsa man ang gisulti ni Yahweh kang Jeremias, nga angay mahitabo?

Gisultihan ni Yahweh si Jeremias nga si Hanamel ang anak nga lalaki ni Shalum nga imong uyoan moadto kang Jeremias ug moingon, "Palita ang akong uma nga anaa sa Anatot alang sa imong kaugalingon, kay ang katungod sa pagpalit niini anaa kanimo.".

Jeremiah 32:10-12

Giunsa man sa pag-adto ang gihimo ni Jeremias mahitungod sa pagpalit sa uma?

Gipirmahan ug giselyohan ni Jeremias ang kasabotan sa pagpalit, gitimbang ang plata sa timbangan, ug gihatag ang senilyohan nga basahon kang Baruk sa atubangan sa mga saksi.

Jeremiah 32:13-15

Unsa man ang gisulti ni Jeremias kang Baruk nga himoon sa senilyohan nga basahon?

Miingon si Jeremias kang Baruk nga dad-on ang mga basahon uban ang resibo sa pagpalit ug ibutang kini sa bag-ong kulon.

Unsa man ang mensahe sa paglaom nga buot ihatag ni Yahweh pinaagi sa pagpalit niining yuta?

Buot ni Yahweh nga makahibalo ang tanang katawhan nga ang mga tawo mopalit pag-usab ug mga balay, mga kaumahan, ug mga parasan sa kayutaan.

Jeremiah 32:16-18

Giunsa man pagbuhat ni Yahweh ang langit ug ang yuta?

Gibuhat ni Yahweh ang langit ug ang yuta pinaagi sa iyang dakong kusog ug sa iyang kamot.

Jeremiah 32:19-21

Giunsa man paghimo ni Yahweh ang iyang ngalan nga bantogan?

Gikuha niya ang katawhan sa Israel pagawas sa yuta sa Ehipto.

Jeremiah 32:22-23

Unsa man ang gibuhat sa katawhan sa Israel human nga gihatag kanila ni Yahweh ang kayutaan?

Wala sila motuman kaniya.

Jeremiah 32:24-25

Unsa man ang gisulti ni Yahweh kang Jeremias nga himoon sa dihang ang siyudad sa Jerusalem gitugyan ngadto sa kamot sa mga taga Babilonia?

Gisultihan niya siya nga mopalit ug uma.

Jeremiah 32:26-30

Nganong makahimo man sa pag-ilog si Nebucadnezar sa siyudad?

Itugyan ni Yahweh ang siyudad ngadto kaniya.

Jeremiah 32:31-32

Unsa man ka taas nga nakapasuko kang Yahweh ang Jerusalem?

Nahimong hagit sa kasuko ni Yahweh ang Jerusalem sukad sa adlaw nga gitukod nila kini.

Jeremiah 32:33-35

Unsa man ang gibuhat sa katawhan sa Israel nga nakapasuko kang Yahweh?

Mitalikod sila kang Yahweh, gibutang nila ang mga daotang butang sa templo, nagtukod ug mga templo alang kang Baal, ug gihalad ang ilang mga anak kang Molec.

Jeremiah 32:36-37

Unsa man ang gisaad ni Yahweh nga buhaton alang sa katawhan sa Juda bisan nagpakadaotan sila?

Nagsaad siya nga tigomon sila sa diin kung asa sila gikan ug dad-on sila pagbalik ngadto sa yuta.

Jeremiah 32:38-40

Unsaon man paghatag ni Yahweh alang sa katawhan sa Juda?

Hatagan niya sila ug usa ka kasingkasing ug usa ka dalan alang sa pagpasidungog kaniya, ug maghimo siya ug kanunay nga kasabotan uban kanila.

Jeremiah 32:41-44

Sama nga si Yahweh nagdala ug katalagman sa iyang katawhan, unsa pa man ang iyang buhaton ngadto kanila sa umaabot?

Miingon si Yahweh nga dad-on niya ngadto kanila ang tanang maayong butang nga iyang gisulti nga iyang buhaton alang kanila.

Jeremiah 33

Jeremiah 33:1-3

Unsa man ang gisulti ni Yahweh kang Jeremias nga angay buhaton?

Nagsulti si Yahweh kang Jeremias nga motawag ngadto kaniya.

Jeremiah 33:4-5

Unsa man ang buhaton sa mga taga Babilonia sa mga balay sa siyudad?

Pun-on nila ang siyudad ug mga patay nga lawas.

Jeremiah 33:6-11

Unsa man ang gipaambit ni Jeremias nga maayong balita ngadto sa katawhan sa Juda?

Pasayloon ni Yahweh ang tanang kalapasan sa katawhan, ayohon sila, ug hatagan sila ug kalinaw.

Unsa man ang mahitabo sa siyudad sa Jerusalem alang kang Yahweh?

Mahimong butang sa kalipay ang Jerusalem alang kang Yahweh.

Jeremiah 33:12-13

Unsaon man pag-usab sa siyudad sa Juda?

Awaaw na karon ang siyudad, apan ang mga magbalantay mogiya sa ilang mga sa kahayopan didto kanila.

Jeremiah 33:14-16

Unsa man ang gisaad ni Yahweh nga buhaton alang sa katawhan sa Juda ug Jerusalem?

Misaad si Yahweh maghimo ug hari gikan sa kaliwat ni David aron nga magdala siya ug hustisya ug pagkamatarong sa kayutaan.

Jeremiah 33:17-18

Unsa man ang gisaad ni Yahweh kang Jeremias?

Misaad siya nga kanunay nga adunay tawo nga gikan sa kaliwat ni David nga modumala sa Israel ug mga pari nga Levita alang sa paghalad ug mga halad.

Jeremiah 33:19-22

Kanus-a man pakyason ni Yahweh ang iyang kasabotan tali kang David?

Dili gayod niya kini pakyason.

Pila man ang kadaghanon sa mga kaliwat nga maiya ni David.

Si David makaangkon ug daghan pang mga kaliwat nga walay bisan usa nga makaihap.

Jeremiah 33:23-24

Unsa man ang gipahayag sa katawhan mahitungod sa silot ni Yahweh sa Juda?

Miingon ang katawhan nga si Yahweh misalikway na sa duha ka pamilya nga iyang gipili, busa dili na sila usa ka nasod.

Jeremiah 33:25-26

Kanus-a man isalikway ni Yahweh ang kaliwat ni Jacob?

Dili gayod niya sila isalikway.

Jeremiah 34

Jeremiah 34:1-3

Kanus-a man nadawat ni Jeremias ang pulong gikan kang Yahweh?

Nadawat ni Jeremias ang pulong ni Yahweh sa dihang si Nebucadnezar ang hari sa Babilonia uban sa tanan niyang kasundalohan nakiggubat sa Jerusalem ug sa mga siyudad niini.

Unsa man ang gisulti ni Yahweh ngadto kang Jeremias?

Nagsulti siya nga itugyan niya ang siyudad ngadto kang Nebucadnezar.

Jeremiah 34:4-9

Unsa man ang gisulti ni Yahweh kang Zedekia nga hari sa Juda?

Gisultihan niya si Zedekia nga mamatay siya nga malinawon.

Jeremiah 34:10-11

Unsa man ang nahitabo human nga gihatagan ug kagawasan sa mga pangulo sa katawhan sa Jerusalem ang ilanmga sulugoon nga mga Israelita?

Gihimo nilang gawasnon ang ilang mga sulugoon apan nausab ang ilang hunahuna ug gihimo nila silang mga ulipon pag-usab.

Jeremiah 34:12-14

Unsa man ang gisugo ni Yahweh nga buhaton sa mga katigulangan sa mga Israelita sa matag pito ka tuig?

Gisugo niya sila nga hatagan ug kagawasan ang ilang mga ulipon sa matag pito ka tuig.

Jeremiah 34:15-16

Unsa man ang gibuhat sa katawhan sa Juda nga daotan?

Gihatagan nila ug kagawasan ang ilang mga ulipon, apan gipugos nila sila nga mahimong mga ulipon pag-usab.

Jeremiah 34:17-19

Unsaon man pagsilot ni Yahweh kanila?

Mangamatay sila pinaagi sa espada, sa sakit ug sa kagutom.

Unsa man ang gipakita sa katawhan ingon nga miuyon sila sa kasabotan?

Nagtunga sila ug torong baka ug milakaw taliwala sa mga hiniwa niini.

Jeremiah 34:20-22

Unsaon man pagpakita ni Yahweh sa iyang kasuko ngadto sa katawhan sa Juda?

Itugyan nila sila ngadto sa ilang mga kaaway, nga maoy mopatay kanila.

Unsa man ang mahitabo sa siyudad sa Jerusalem?

Dad-on pagbalik ni Yahweh ang kasundalohan sa hari sa Babilonia aron makiggubat batok sa Jerusalem ug sunogon kini aron nga wala nay mga lumulupyo.

Jeremiah 35

Jeremiah 35:1-4

Unsa man ang gisugo ni Yahweh nga buhaton ni Jeremias?

Gisugo ni Yahweh si Jeremias nga dad-on ang banay sa Recabonon ngadto sa templo ug hatagan sila ug bino aron imnon.

Jeremiah 35:5-7

Unsa man ang tubag sa banay sa Recabnon sa dihang gidalitan sila ug bino aron imnon?

Mibalibad ang mga Recabnon sa bino nga gidalit kanila.

Nganong mibalibad man ang mga Recabnon sa pag-inom ug bino?

Mibalibad ang Recabnon sa pag-inom ug bisan unsang bino, kay ang ilang katigulangan, nga si Jonadab ang anak nga lalaki ni Recab, nagsugo man kanila, 'Ayaw kamo pag-inom sa bisan unsang bino, bisan ikaw o ang imong mga kaliwatan, hangtod sa kahangtoran.

Nganong nagsugo man si Jonadab sa Recabnon nga dili magtukod ug mga balay, magpugas ug mga binhi, o magtanom ug parasan?

Nagsugo si Jonadab niini tungod kay kinahanglan magpuyo sila sa mga tolda.

Jeremiah 35:8-11

Unsa man ang tubag sa Recabnon sa sugo ni Jonadab?

Wala gayod miinom ug bino o nagtukod ug mga balay ang mga Recabnon.

Nganong nagpuyo man ang mga Recabnon sa Jerusalem?

Kay miikyas man sila gikan sa kasundalohan sa Babilonia ug Aramean.

Jeremiah 35:12-14

Giunsa man paggamit ni Yahweh ang mga Recabnon ingon nga maayong panig-ingnan sa mga tawo sa Juda?

Gusto ni Yahweh nga motuman ang mga tawo sa Juda kaniya sama sa paagi nga pagtuman sa mga Recabnon kang Jonadab.

Jeremiah 35:15-16

Unsa man ang gisulti sa mga propeta sa mga tawo sa Juda?

Gisultihan sila sa mga propeta sa paghunong ug buhat sa daotan, ug magsugod sa pagbuhat ug maayo, paghunong sa pagsimba sa laing dios , ug mobalik sa yuta.

Jeremiah 35:17

Unsa man ang gibuhat ni Yahweh tungod sa pagsupak sa katawhan sa Juda kaniya?

Gipahamtang ni Yahweh ngadto kanila ang tanang mga katalagman nga iyang gisulti kanila.

Jeremiah 35:18-19

Unsa man ang gisaad ni Yahweh ngadto sa pamilya sa mga Rechabnon pinaagi kang Jeremias?

Nagsaad si Yahweh nga kanunay adunay mag-alagad kaniya nga maggikan sa iyang pamilya.

Jeremiah 36

Jeremiah 36:1-3

Nganong gusto man ni Yahweh nga isulat ni Jeremias ang iyang mga pulong sa linukot nga sulatanan?

Gusto ni Yahweh nga isulat ni Jeremias ang iyang mga pulong sa linukot nga sulatanan aron ang katawhan sa Judah maminaw kang Yahweh ug pasayloon ni Yahweh ang ilang sala.

Jeremiah 36:4-6

Unsa man ang gisugo ni Jeremias kang Baruk?

Gisugo ni Jeremias si Baruk nga dad-on niya ang linukot nga kasulatan diin nahisulat ang mga pulong ug basahon kini ni Baruk ngadto sa iyang pamilya ug sa katawhan sa Juda.

Jeremiah 36:7-8

Nganong gusto man ni Jeremias nga basahon ni Baruk ang linukot nga kasulatan?

Nanghinaot si Jeremias nga maminaw ug mobiya gikan sa daotang binuhatan ang katawhan.

Jeremiah 36:9-10

Unsa man ang nahitabo sa panahon sa pagpuasa nga gipahibalo alang sa pagpasidungog kang Yahweh?

Gibasa ni Baruk didto sa templo ang mga pulong ni Jeremias aron ang tanang tawo makadungog niini.

Jeremiah 36:11-12

Unsa man ang gibuhat ni Micaya sa dihang nadungog niya si Baruk nga gibasa ang linukot nga kasulatan?

Miadto siya sa lawak sa sekretaryo sa palasyo.

Jeremiah 36:13-15

Unsa man ang gibuhat sa mga opisyal sa dihang nadungog nila ang gibalita ni Micaya?

Gipadala nila si Jehudi aron dad-on si Baruk ngadto kanila, ug ipabasa kang Baruk ngadto kanila ang linukot nga kasulatan.

Jeremiah 36:16-22

Unsa man ang nahitabo human nga nabasa ni Baruk ang linukot nga kasulatan?

Nangahadlok ang mga tawo nga nakadungog sa gibasa ni Baruk ug nakahukom sila nga kinahanglan ibalita ang iyang mga gisulti ngadto sa hari.

Unsa man ang tambag sa mga opisyal ngadto kang Baruk human nila nahibaloan nga gikan kang Jeremias ang pulong nga iyang gisulat sa linukot nga kasulatan?

Gisultian nila siya nga kinahanglan motago siya uban kang Jeremias ug walay si bisan kinsa nga makahibalo kung diin sila.

Jeremiah 36:23-24

Unsa man ang gipakita sa hari sa dihang gibasa ni Jehudi ang linukot nga kasulatan?

Gigisi sa hari ang bahin sa basahon nga gibasa ni Jehudi ug gisunog kini hangtod ang tanan nga linukot nga kasulatan nasunog.

Sa unsa man nga paagi gipakita sa hari uban ang iyang mga sulugoon nga dili sila motuman sa nahisulat sa linukot nga kasulatan?

Wala sila nangahadlok, ni migisi sa ilang mga bisti.

Jeremiah 36:25-26

Unsa man ang gibuhat sa hari sa dihang ang pipila ka mga tawo naghangyo kaniya nga dili sunogon ang linukot nga kasulatan?

Wala siya naminaw kanila.

Jeremiah 36:27-29

Unsa man ang gisulti ni Yahweh kang Jeremias human nga gisunog sa hari ang linukot nga kasulatan?

Gisultihan niya si Jeremias nga isulat ni Baruk sa bag-ong linukot nga sulatanan ang tanang mga pulong nga nahisulat sa orihinal nga kasulatan.

Jeremiah 36:30-32

Unsa man ang gisulti ni Yahweh nga iyang pagabuhaton kang Jehoyakim?

Nagsulti siya nga dili niya tugotan nga adunay maghari nga mga kaliwat ni Jehoyakim, ug siguraduhon niya nga walay makalubong sa patay nga lawas ni Jehoyakim.

Jeremiah 37

Jeremiah 37:1-2

Kinsa man ang naghimo nga hari kang Zedekia?

Si Nebucadnezar ang naghimo kaniya nga hari.

Unsa man ang gibuhat ni Haring Zedekia sa dihang gimantala ni Jeremias ang mga pulong ni Yahweh?

Wala naminaw si Zedekia sa mga pulong ni Yahweh.

Jeremiah 37:3-5

Unsa man ang gihangyo ni Haring Zedekia ug ni Zefania nga buhaton ni Jeremias ?

Naghangyo sila kaniya nga mag-ampo kang Yahweh alang kanila.

Nganong mibiya man ang mga Caldeanhon (mga taga-Babilonia) sa Jerusalem?

Gusto nila nga mopalayo sa kasundalohan sa Faraon, nga nanggula sa Ehipto.

Jeremiah 37:6-10

Unsa man ang gisulti ni Yahweh kang Jeremias nga mahitabo human mibalik ang kasundalohan sa Faraon sa Ehipto?

Miingon siya nga mobalik ang mga Caldeanhon, aron makig-away batok sa siyudad, ilogon, ug sunogon kini.

Nganong nanggula man ang kasundalohan sa Faraon sa Ehipto?

Tabangan nila ang katawhan sa Juda pinaagi sa pagpakig-away sa mga Caldeanhon.

Jeremiah 37:11-13

Nganong mibiya man si Jeremias sa Jerusalem?

Mibiya siya aron panag-iyahon ang bahin sa yuta.

Unsa man ang gihunahuna ni Irija nga buhaton ni Jeremias?

Naghunahuna si Irija nga mibiya si Jeremias padulong sa mga Caldeanhon (mga taga-Babilonia).

Jeremiah 37:14-15

Unsa man ang gibuhat ni Irija sa dihang gisultihan siya ni Jeremias nga wala siya miikyas padulong sa mga Caldeanhon?

Gidala ni Irija si Jeremias ngadto sa mga opisyal, nga nagkulata ug nagbilanggo kaniya.

Jeremiah 37:16-17

Giunsa man pagtubag ni Jeremias si Haring Zedekia sa dihang gipangutana siya kung aduna bay pulong nga gikan kang Yahweh?

Gisultihan ni Jeremias si Zedekia nga mahimong itugyan ni Yahweh si Zedekia sa kamot sa hari sa Babilonia.

Jeremiah 37:18-20

Nganong dili na man gusto ni Jeremias nga mobalik sa balay ni Jonathan nga escriba?

Nahadlok siya nga mamatay didto.

Jeremiah 37:21

Unsa man ang gibuhat ni Haring Zedekia sa hangyo ni Jeremias?

Gipabutang niya sa iyang mga sulugoon si Jeremias didto sa hawanan sa tigbantay.

Jeremiah 38

Jeremiah 38:1-3

Unsa man ang mahitabo sa katawhan nga magpabilin sa siyudad?

Mangamatay sila pinaagi sa espada, kagutom, ug sa hampak.

Unsa man ang buhaton sa mga tawo aron magpabilin silang buhi?

Magpabilin silang buhi pinaagi sa pag-adto sa mga Caldeanhon.

Unsa man ang mahitabo sa siyudad?

Ilogon kini sa mga Caldeanhon (mga taga-Babilonia)

Jeremiah 38:4-5

Nganong gusto man sa mga opisyal nga mamatay si Jeremias?

Buot nila nga mamatay siya tungod kay gisultihan niya ang mga kasundalohan nga moikyas padulong sa mga Caldeanhon.

Jeremiah 38:6

Unsa man ang gibuhat sa mga opisyal ngadto kang Jeremias?

Gihulog nila siya ngadto sa atabay.

Jeremiah 38:7-9

Unsa man ang gisulti ni Ebed Melec sa hari mahitungod kang Jeremias?

Gisultihan niya ang hari, nga nakabuhat ug daotan ang mga opisyal pinaagi sa dili maayo nga pagtagad kang Jeremias nga propeta. Gihulog nila siya ngadto sa atabay aron nga mamatay tungod sa kagutom.

Jeremiah 38:10-13

Unsa man ang gimando ni haring Zedekia kang Ebed Melec mahitungod kang Jeremias?

Gimandoan ni Haring Zedekia si Ebed Melec nga kuhaon ang 30 ka kalalakin-an ug ipagawas si Jeremias sa atabay sa dili pa kini mamatay.

Jeremiah 38:14-16

Unsa man ang gihunahuna ni Jeremias nga buhaton ni Zedekia kung motug-an siya kaniya sa kamatuoran?

Naghunahuna siya nga patyon siya ni Zedekia.

Unsa man ang gibuhat ni Zedekia aron nga motug-an si Jeremias kaniya?

Nanumpa si Zedekia pinaagi kang Yahweh nga dili niya siya patyon.

Jeremiah 38:17-18

Unsa man ang gisulti ni Jeremias ngadto kang Zedekia?

Gisultihan ni Jeremias si Zedekia nga mabuhi siya kung moadto siya sa mga Caldeanhon, apan kung dili, malaglag siya ug ang siyudad.

Jeremiah 38:19

Nganong nahadlok man si Haring Zedekia sa mga nangikyas nga katawhan sa Juda padulong sa mga Caldeanhon?

Nahadlok siya nga tugotan sila ni Nebucadnezar nga panamastamasan siya.

Jeremiah 38:20-21

Unsa man nga kasigurohan ang gihatag ni Jeremias ngadto kang Haring Zedekia?

Gisultihan niya si Haring Zedekia nga kung tumanon niya ang mensahe nga gikan kang Yahweh, dili tugotan ni Nebucadnezar nga panamastamasan si Zedekia sa katawhan.

Jeremiah 38:22-23

Unsa man ang buhaton sa mga babaye kung modumili sa pag-adto si Zedekia?

Badlongon nila siya ug biay-biayon.

Jeremiah 38:24-26

Unsa man ang gisulti ni Zedekia kang Jeremias nga isulti kang bisan kinsa nga mangutana kaniya kung unsa ang ilang gipanagsultihan?

Gisultihan niya si Jeremias nga sultihan sila nga naghangyo si Jeremias kaniya nga dili na siya ibalik sa balay ni Jonathan aron mamatay.

Jeremiah 38:27-28

Unsa man nahitabo sa dihang nangutana ang mga opisyal nga gikan sa balay ni Juda kang Jeremias?

Gisultihan sila ni Jeremias sa gisulti ni Zedekia kaniya nga isulti.

Jeremiah 39

Jeremiah 39:1-3

Si kinsa man ang miabot uban sa iyang mga kasundalohan batok sa Jerusalem ug misulong niini?

Si Nebucadnezar.

Unsa man nga siyudad ang nalaglag?

Ang siyudad sa Jerusalem ang nalaglag.

Si kinsa man ang miabot ug milingkod sa tunga sa ganghaan?

Miabot ang tanang mga opisyal sa hari sa Babilonia ug milingkod didto sa tunga sa ganghaan.

Jeremiah 39:4-5

Unsa man ang gibuhat ni Zedekia ug sa iyang manggugubat nga kalalakin-an sa dihang nakita nila nga ang mga opisyal sa hari sa Babilonia atua didto sa tunga sa ganghaan?

Mikalagiw sila sa kagabhion gikan sa siyudad.

Unsa man ang gibuhat sa mga Caldeanhon (mga taga-Babilonia) sa dihang naapsan nila si Zedekia?

Gidakop nila siya ug gidala ngadto kang Nebucadnezar.

Jeremiah 39:6-7

Unsa man ang gibuhat ni Nebucadnezar sa dihang gidala kaniya si Zedekia?

Gipatay niya ang mga anak nga lalaki ni Zedekia ug gipatay usab ang tanang halangdong mga tawo sa Juda.

Unsa man ang gibuhat sa hari sa Babilonia kang Zedekia?

Gilugit niya ang mga mata ni Zedekia ug gigapos niya siya aron madala ngadto sa Babilonia.

Jeremiah 39:8-10

Unsa man ang gibuhat sa mga Caldeanhon (mga taga-Babilonia) sa mga balay ug mga pader sa Jerusalem?

Gisunog nila kini.

Kinsa man ang gibihag ni Nebuzaradan?

Gibihag niya ang ubang mga tawo nga nahibilin sa siyudad ug ang mga tawo nga mibiya padulong sa mga Caldeanhon.

Kinsa man nga mga tawo ang gitugotan ni Nebuzaradan nga magpabilin sa yuta sa Juda?

Gitugotan niya nga magpabilin ang mga tawo nga labing kabos .

Unsa man ang gihatag ni Nebuzaradan sa katawhan nga nahibilin?

Gihatagan ni Nebuzaradan ug kaparasan ug kaumahan ang mga tawo nga nahibilin.

Jeremiah 39:11-14

Unsa man ang gimando ni Nebucadnezar kang Nebuzaradan nga buhaton mahitungod kang Jeremias?

Gisultihan ni Nebucadnezar si Nebuzaradan nga ipaatiman si Jeremias ug buhaton ang bisan unsa nga isulti ni Jeremias kaniya nga buhaton.

Unsa man ang gibuhat ni Nebuzaradan, ni Nergal Sharezer, ug sa labing mahinungdanong mga opisyal sa hari sa Babilonia ngadto kang Jeremias?

Gidala nila si Jeremias gikan sa hawanan sa magbalantay ug gitugyan siya kang Gedalia aron dad-on si Jeremias sa iyang balay.

Jeremiah 39:15-16

Unsa man ang gisulti ni Yahweh kang Jeremias nga ipasulti kang Ebed Melec nga Cusitihanon?

Gisultihan ni Yahweh si Jeremias nga sultihan si Ebed Melec nga Cusitihanon nga magdala si Yahweh ug kaalaotan sa siyudad.

Jeremiah 39:17-18

Unsa man ang gisulti ni Yahweh nga mahitabo kang Ebed Melec sa adlaw nga ipatuman ni Yahweh ang iyang mga gipamulong batok sa siyudad?

Miingon siya nga luwason niya si Ebed Melec.

Alang sa unsa nga rason nga luwason man ni Yahweh si Ebed Melec gikan sa espada?

Luwason niya si Ebed Melec tungod kay misalig man siya kang Yahweh.

Jeremiah 40

Jeremiah 40:1-2

Unsa man ang miabot kang Jeremias human siya gibuhian ni Nebuzaradan gikan sa Rama?

Miabot ang pulong ni Yahweh ngadto kang Jeremias human nga gibuhian siya ni Nebuzaradan gikan sa Rama

Unsa man ang buot buhaton ni Nebuzaradan ngadto sa katawhan sa Jerusalem ug sa Juda?

Dad-on niya sila ngadto sa Babilonia.

Unsa man ang gisulti sa pangulo sa tigpanalipod ngadto kang Jeremias mahitungod kang Yahweh ug sa Jerusalem?

Miingon ang pangulo sa tigpanalipod nga si Yahweh ang nagsugo sa katalagman batok niana nga dapit.

Jeremiah 40:3-4

Asa man mahimong moadto si Jeremias sumala sa pangulo sa mga tigpanalipod?

Miingon siya nga mahimong mouban si Jeremias kaniya sa Babilonia o moadto sa bisan asa nga dapit nga gusto niya nga adtuan.

Jeremiah 40:5-6

Kang kinsa man kinahanglang moadto si Jeremias sumala sa pangulo sa mga tigpanalipod?

Miingon siya nga kinahanglan siyang moadto kang Gedalia nga gipiyalan sa mga siyudad sa Juda.

Asa man miadto ug mipuyo si Jeremias?

Miadto si Jeremias kang Gedalia ug mipuyo uban sa katawhan nga nahibilin sa maong dapit.

Jeremiah 40:7-8

Unsa man ang gibuhat sa mga pangulo sa mga kasundalohan sa Juda sa dihang nadunggan nila nga si Gedalia ang nahimong piniyalan sa mga wala nabihag sa Babilonia?

Miadto sila kang Gedalia sa Mizpa.

Jeremiah 40:9-10

Unsa man ang gisulti ni Gedalia nga buhaton sa mga pangulo sa kasundalohan sa Judia ug sa ilang katawhan?

Miingon siya nga mamaayo ang tanan kanila kung mag-alagad sila sa mga opisyal nga Caldeanhon ug sa hari sa Babilonia ug magpuyo niana nga dapit.

Unsa man ang gisulti ni Gedalia ngadto sa mga pangulo sa kasundalohan sa Judia ug sa ilang katawhan aron makapupo sila ug ubas aron himoong bino, ug mga bunga sa kahoy panahon sa ting-init aron himoong lana?

Miingon siya nga kinahanglan magpuyo sila sa mga siyudad diin sila nagpuyo.

Jeremiah 40:11-12

Unsa man ang gibuhat sa mga taga-Judia sa dihang nadunggan nila nga gitugotan sa hari sa Babilonia nga magpabilin ang mga nahibilin sa Juda?

Mibalik sa Juda ang mga taga-Judia gikan sa matag dapit diin sila nagkatibulaag ug namupo sila ug ubas aron himoong bino ug mga bunga sa kahoy panahon sa ting-init diha hilabihan nga kadagaya.

Jeremiah 40:13-14

Unsa man ang gipangutana ni Johanan ug sa tanang pangulo sa kasundalohan kang Gedalia sa Mizpa?

Nangutana sila kaniya kung nasayod ba siya nga gipadala ni Baalis nga hari sa Amon si Ishmael aron patyon siya.

Unsa man ang gihunahuna ni Gedalia mahitungod sa gisulti ni Johanan ug sa mga pangulo sa kasundalohan kaniya?

Wala siya mituo kanila.

Jeremiah 40:15-16

Unsa man ang gisulti ni Johanan kang Gedaliah nga buot niyang buhaton?

Buot niyang patyon si Ishmael.

Unsa man ang gihunahuna ni Gedalia sa gisulti ni Johanan mahitungod kang Ishmael?

Naghunahuna si Gedalia nga namakak lamang si Johanan mahitungod kang Ishmael.

Jeremiah 41

Jeremiah 41:1-3

Nganong nakig-uban man ug kaon si Ishmael ug ang iyang napulo ka mga kauban kang Gedalia?

Tungod kay buot man nilang patyon si Gedalia.

Kinsa man ang gipatay ni Ishmael ug sa iyang mga tawo?

Gipatay nila si Gedalia, lakip na ang tanang mga taga-Judia nga uban kaniya ug ang tanang mga kasundalohan nga Caldeanhon nga atua didto.

Jeremiah 41:4-5

Kinsa man ang miabot sa ikaduhang adlaw human patya ni Ishmael si Gedalia?

Miabot ang 80 ka mga tawo gikan sa Siquem, Shilo ug Samaria.

Asa man sila padulong?

Padulong sila sa templo.

Jeremiah 41:6-7

Unsa man ang gisulti ni Ishmael sa 80 ka mga tawo?

Gipaadto niya sila aron bisitahon si Gedalia.

Unsa man ang gibuhat ni Ishmael ug sa iyang mga tawo ngadto sa 80 ka mga tawo sa dihang miabot sila sa siyudad?

Gipamapatay nila ang mga tawo ug gilabay ang ilang patay nga mga lawas ngadto sa atabay.

Jeremiah 41:8-9

Nganong wala man nila patya ang napulo sa 80 ka mga tawo?

Tungod kay giingnan man sila sa napulo ka mga tawo nga aduna silay mga pagkaon.

Asa man gilabay ni Ishmael ang mga patay nga lawas sa mga tawo nga iyang gipamatay?

Gilabay niya sila didto sa atabay nga gikalot ni Haring Asa.

Jeremiah 41:10

Unsa man ang gibuhat ni Ishmael sa ubang mga tawo nga atua sa Mizpa?

Gipangdakop ni Ishmael ang tanang katawhan nga atua sa Mizpa ug gidala sila paingon sa Amon.

Jeremiah 41:11-12

Unsa man ang gibuhat ni Johanan ug sa tanang mga pangulo sa kasundalohan nga uban kaniya sa dihang nadunggan nila kung unsa ang gibuhat ni Ishmael?

Gidala nila ang tanan nilang mga tawo ug miadto aron sa pagpakiggubat batok kang Ishmael.

Jeremiah 41:13-14

Unsa man ang gibuhat sa tanang katawhan nga kauban ni Ishmael sa dihang nakita nila si Johanan ug ang mga pangulo sa kasundalohan nga uban niini?

Nalipay sila pag-ayo ug miadto kang Johanan.

Jeremiah 41:15-16

Asa man miadto si Ishmael ug ang iyang tawo aron makaikyas gikan kang Johanan?

Miadto sila sa katawhan sa Amon.

Jeremiah 41:17-18

Asa man miadto si Johanan ug ang katawhan human sila mibiya sa Mizpa?

Miadto sila sa Gerut Chimhan, nga duol sa Betlehem.

Asa man buot moadto si Johanan ug sa mga katawhan?

Buot sila nga moadto sa Ehipto.

Nganong buot man nila nga moadto sa Ehipto?

Kay nahadlok man sila sa mga Caldeanhon.

Nganong nahadlok man si Johanan ug ang katawhan sa mga Caldeanhon?

Nahadlok sila tungod kay gipatay man ni Ishmael si Gedalia.

Jeremiah 42

Jeremiah 42:1-3

Unsa man ang gisulti sa tanang mga pangulo sa kasundalohan ug sa tanang katawhan ngadto kang Jeremias?

Mihangyo sila nga mag-ampo siya alang kanila ug sultihan niya sila sa angay nilang adtoan ug buhaton.

Jeremiah 42:4-6

Giunsa man pagtubag ni Jeremias kanila?

Miingon siya nga mag-ampo siya alang kanila ug sultihan niya sila sa mga tubag ni Yahweh.

Unya, unsa man ang gisulti sa katawhan ngadto kang Jeremias?

Miingon sila nga buhaton nila ang tanan nga ipabuhat ni Yahweh kanila.

Jeremiah 42:7-10

Unsa man ang nahitabo human sa napulo ka adlaw?

Human sa napulo ka adlaw, miabot ang pulong ni Yahweh kang Jeremias.

Jeremiah 42:11-14

Unsa man ang gisulti ni Yahweh nga iyang buhaton tungod kay nag-uban man siya kanila?

Miingon siya nga luwason niya sila, kaluy-an sila ug magmaluluy-on siya kanila, ug dad-on sila pagbalik sa ilang yuta.

Jeremiah 42:15-17

Unsa man ang gisulti ni Yahweh nga mahitabo kung magtuman gayod ang katawhan nga moadto sa Ehipto ug mopuyo didto?

Miingon si Yahweh nga kung moadto ug mopuyo sila sa Ehipto mangamatay silang tanan pinaagi sa espada, kagutom ug hampak.

Jeremiah 42:18-19

Unsa man ang mahitabo kanila kung moadto sila sa Ehipto?

Mahimo silang mga tawo nga tunglohonon ug dili na gayod sila makabalik sa ilang yuta.

Nganong dili naman makita pag-usab sa katawhan ang yuta?

Tungod kay gisultihan sila ni Yahweh nga dili moadto sa Ehipto, ug masuko gayod siya kanila kung moadto sila didto.

Jeremiah 42:20-22

Nganong kinabuhi man nila ang mahimong bayad sa ilang pag-adto sa Ehipto?

Kinabuhi nila ang mahimong bayad tungod kay gihangyo man nila si Jeremias nga isulti kanila ang mensahe ni Yahweh, apan dili diay nila buhaton ang gisulti ni Yahweh nga ipabuhat kanila.

Jeremiah 43

Jeremiah 43:1-3

Unsa man ang huma na gimantala ni Jeremias sa mga katawhan?

Nahuman na niya ug mantala ang tanang pulong nga gipasulti ni Yahweh kaniya.

Unsa man ang giakusar ni Azaria, ni Johanan, ug sa tanang mapahitas-on nga tawo diha kang Jeremias?

Giakusar nila nga namakak si Jeremias kanila aron nga pamatyon sila sa mga Caldeanhon ug mahimong binihag sa Babilonia.

Jeremiah 43:4-7

Unsa man hinuon ang gibuhat ni Johanan ug sa uban, imbes nga buhaton nila ang gipabuhat ni Yahweh kanila?

Miadto silang tanan sa Ehipto.

Jeremiah 43:8-10

Unsa man ang gisulti ni Yahweh nga buhaton ni Jeremias sa mga bato?

Gisultian niya si Jeremias nga ilubong ang mga bato duol sa balay sa Faraon didto sa Tapanhes aron ipakita nga molingkod si Nebucadnezar sa trono didto.

Jeremiah 43:11-13

Unsa man ang giingon ni Yahweh nga mahitabo sa katawhan sa dihang moabot ug sulongon ni Nebucadnezar ang yuta sa Ehipto?

Miingon si Yahweh nga pamatyon ni Nebucadnezar ang pipila ka mga tawo ug dad-on ang uban aron bihagon.

Unsa man ang giingon ni Yahweh nga buhaton ni Nebucadnezar sa mga templo sa mga diodios sa Ehipto?

Miingon si Yahweh nga sunogon ug bihagon niya sila.

Jeremiah 44

Jeremiah 44:1-3

Nganong miingon man si Jeremias nga magpahamtang ug katalagman si Yahweh sa Jerusalem ug sa mga siyudad sa Juda?

Miingon si Jeremias niini tungod kay nagasimba man ug laing mga diosdios ang mga katawhan.

Jeremiah 44:4-6

Unsa man ang giingon sa mga propeta ni Yahweh ngadto sa katawhan?

Giingnan sa mga propeta ang katawhan nga moundang na sa pagbuhat ug mga butang nga gikasilagan ni Yahweh.

Unsa man ang gibuhat sa mga tawo human nga nakig istorya ang mga propeta kanila?

Wala sila naminaw.

Unsa man ang gibuhat ni Yahweh sa dihang wala naminaw ang mga taga-Juda sa mga propeta?

Gibubo ni Yahweh ang iyang kapungot ug kaligutgot, ug iyang gilaglag ang Juda ug Jerusalem.

Jeremiah 44:7-8

Pila man sa mga tawo nga nangadto sa Ehipto ang tugutan ni Yahweh nga mabuhi?

Dili niya tugotan nga mabuhi si bisan kinsa kanila.

Giunsa man nila pagpasuko si Yahweh?

Gipasuko nila si Yahweh uban ang mga binuhatan sa ilang mga kamot, pinaagi sa pagsunog ug insenso sa ubang mga dios didto sa yuta sa Ehipto.

Unsa man ang giingon ni Yahweh nga mahitabo kanila sa Ehipto?

Miingon siya nga pagalaglagon niya sila.

Jeremiah 44:9-10

Kinsa man ang giingon ni Yahweh nga nagbuhat ug daotan?

Miingon siya nga ang katawhan ug ang ilang mga katigulangan nakabuhat ug daotang mga butang.

Jeremiah 44:11-12

Unsa man ang giingon ni Yahweh nga mahitabo sa katawhan nga miadto sa Ehipto?

Miingon si Yahweh nga moatubang siya batok kanila ug magdala ug katalagman ug maglaglag kanilang tanan sama sa pagsilot niya sa Jerusalem: pinaagi sa espada, kagutom ug hampak.

Jeremiah 44:13-14

Unsa man ang gisulti ni Yahweh mahitungod sa mga nahibilin sa Juda?

Miingon siya nga wala ni isa kanila nga buot mobalik sa Juda ang makabalik, apan makaikyas ang pipila kanila gikan sa Ehipto.

Jeremiah 44:15-21

Unsa man ang gituohan sa mga tawo nga mahitabo kon magpadayon sila sa pagsunog ug insenso ug pagbubo ug ilimnon nga mga halad alang sa Rayna sa Langit?

Nagtuo ang katawhan nga mapuno sila sa pagkaon ug magmauswagon, ug dili makatagamtam ug katalagman kon magsunog sila ug mga insenso ug magbubo ug ilimnon nga halad alang sa Rayna sa langit.

Jeremiah 44:22-23

Unsa man ang dili na maagwanta ni Yahweh?

Dili na niya maagwanta ang daotang mga binuhatan sa katawhan.

Unsa man ang nahitabo sa ilang dapit human nga wala na naagwanta ni Yahweh ang ilang binuhatan?

nahimong awaaw, kalisangan ug tinunglo ang ilang dapit.

Nganong nahitabo man kini nga katalagman kanila?

Tungod kay nagsunog sila ug mga insenso aron sa pagsimba sa mga diosdios ug nakasala sila batok kang Yahweh, ug tungod kay wala sila namati kaniya.

Jeremiah 44:24-25

Unsa man ang gisulti ni Jeremias niadtong buot magpadayon sa ilang mga saad sa Rayna sa Langit?

Miingon siya kanila nga tumanon nila ang ilang mga saad.

Jeremiah 44:26-28

Unsa man ang gisulti ni Jeremias nga pagabuhaton sa katawhan human nga matuman nila ang ilang mga saad?

Miingon siya kanila nga dili na sila makasimba pag-usab kang Yahweh, apan mangamatay silang tanan pinaagi sa espada ug kagutom.

Unsa man ang mahitabo niadtong wala nangamatay sa espada ug kagutom?

Makabalik sila gikan sa Ehipto ngadto sa Juda.

Jeremiah 44:29-30

Unsa man ang masabtan sa mga tawo sa dihang mamatay si Hopra?

Makasabot sila nga pagabuhaton gayod ni Yahweh ang tanan niyang gisulti nga iyang pagabuhaton diha kanila.

Unsa man ang giingon ni Yahweh nga iyang pagabuhaton sa kang Faraon nga si Hopra?

Miingon siya nga itugyan niya ang Faraon nga si Hopra ngadto sa iyang mga kaaway.

Jeremiah 45

Jeremiah 45:1-3

Nganong gihatagan man ug mensahe ni Yahweh si Jeremias alang kang Baruk?

Gihatagan niya ug mensahe si Jeremias alang kang Baruk, tungod kay miingon man si Baruk nga ginapasubo siya ni Yahweh.

Jeremiah 45:4-5

Unsa man ang plano nga buhaton ni Yahweh sa nasod ni Baruk?

Nagplano siya sa paglaglag niini

Unsa man ang dili angay nga pangandoyon ni Baruk?

Dili niya angay pangandoyon nga tahuron siya ug pinasahi sa mga tawo.

Unsa man ang saad nga buhaton ni Yahweh kang Baruk?

Nagsaad si Yahweh nga panalipdan niya si Baruk bisan asa siya moadto.

Jeremiah 46

Jeremiah 46:1-4

Unsa man ang giingon ni Yahweh sa kasundalohan sa Ehipto nga ilang buhaton?

Giingnan niya sila nga kuhaon ang ilang mga taming, mga kabayo, mga bangkaw, ug mga panalipod ug mag-andam na nga molakaw alang sa pagpakiggubat.

Kinsa man ang duha ka mga hari nga mag-away?

Si Nebucadnezar nga hari sa Babilonia ug si Neco nga hari sa Ehipto ang mag-away.

Jeremiah 46:5-6

Unsa man ang nakita ni Yahweh nga gibuhat sa kasundalohan sa Ehipto?

Nakita niya nga nanagan aron nga maluwas ang kasundalohan sa Ehipto apan nangapildi sila didto sa Suba sa Eufrates.

Jeremiah 46:7-9

Asa man gitandi ni Yahweh ang kasundalohan sa Ehipto?

Gitandi niya kini sa Suba sa Nilo sa dihang molunop kini ug mogun-ob sa mga siyudad ug sa mga lumolupyo niini.

Jeremiah 46:10

Unsaon man pagpanimalos ni Yahweh?

Makapanimalos siya sa dihang molamoy ang espada ug matagbaw kini. Mahisama kini sa halad diha kang Yahweh.

Jeremiah 46:11-12

Unsa man ang giingon ni Yahweh nga kinahanglan buhaton sa Ehipto?

Giingnan niya sila nga moadto sila sa Gilead aron nga makakuha ug tambal, apan dili kini makaayo kanila.

Jeremiah 46:13-14

Unsa man ang giingon ni Yahweh nga kinahanglan buhaton sa katawhan sa Migdol ug Memfis ?

Giingnan niya sila nga moadto sa Tapanhes ug makig-away didto.

Jeremiah 46:15-17

Unsa man ang nahitabo sa mga dios sa Ehipto?

Miikyas si Apis ang dios nga toronng baka ug gilabay siya ni Yahweh.

Unsa man ang gusto buhaton sa kasundalohan?

Gusto sila nga mopauli sa ilang mga panimalay.

Jeremiah 46:18-19

Unsa man ang giingon ni Yahweh nga kinahanglan pangandaman sa Ehipto?

Miingon siya nga kinahanglan mangandam sila nga bihagon.

Jeremiah 46:20-22

Sa unsa man nga mananap gipakasama sa tigsulat ang Ehipto sa wala pa ang gubat?

Gipakasama niya ang Ehipto sa himsog kaayo nga dumalagang baka, ug sama sa tambok nga torong baka ang sinuholan nga mga sundalo.

Sa unsa man nga mananap gipakasama sa tigsulat ang Ehipto human sa gubat?

Miingon siya nga sama sa usa ka bitin ang Ehipto.

Jeremiah 46:23-24

Kinsa man ang mopatay sa kasundalohan sa Ehipto?

Patyon sila sa katawhan nga gikan sa amihanan.

Jeremiah 46:25-26

Kang kinsa man ihatag ni Yahweh ang Ehipto?

Ihatag niya ang Ehipto ngadto kang Nebucadnezar.

Jeremiah 46:27-28

Unsa man ang giingon ni Yahweh nga iyang buhaton sa iyang katawhan nga Israelita?

Ipalingkawas niya sila gikan sa pagkabinihag ug ipabalik sila ngadto sa ilang yuta diin makakaplag sila ug kalinaw ug kasigurohan. Magpadala siya ug kadaot ngadto sa mga nasod diin niya sila gipakatag, pantonon niya sila nga makiangayon, apan dili niya sila pagalaglagon sa hingpit

Jeremiah 47

Jeremiah 47:1-2

Unsa man ang giingon ni Yahweh nga mahitabo sa katawhan sa Filistia?

Sulongon sila sa kasundalohan nga gikan sa amihanan ug magbangotan sila.

Jeremiah 47:3-4

Unsaon man pagkahibalo sa katawhan sa Filistia nga moabotay ang ilang kaaway aron laglagon sila?

Madunggan nila ang dahunog sa mga tunob sa mga kabayo ug sa tagingting sa mga karwahe. Managan ang mga tawo ug dili sila mohunong aron tabangan ang ilang mga anak, mangaluya ug mawad-an sila ug paglaom.

Jeremiah 47:5-7

Unsa man ang gihangyo sa katawhan sa Filistia nga buhaton ni Yahweh?

Naghangyo sila kang Yahweh nga mohunong na sa pagpamatay kanila.

Nganong dili undangon ni Yahweh ang pagpamatay?

Tungod kay gusto niyang patyon ang tanang katawhan nga namuyo sa Askelon ug sa mga siyudad nga anaa sa baybayon.

Jeremiah 48

Jeremiah 48:1-2

Unsa man ang giingon ni Yahweh mahitungod sa Moab?

Moabot ang kalaglagan sa mga siyudad, wala na gayoy mopasidungog sa Moab, ug sulayan siya nga laglagon sa iyang mga kaaway ingon nga usa ka nasod.

Jeremiah 48:3-5

Nganong naninggit, nagbangotan, ug nanghilak man ang katawhan?

Gibuhat nila kini tungod kay nalaglag naman ang Moab.

Jeremiah 48:6-7

Nganong nabihag man si Chemos uban sa iyang mga pari ug mga pangulo?

Tungod kay gituohan man nila ang ilang mga tulumanon ug ang ilang mga bahandi.

Jeremiah 48:8-10

Unsa man ang giingon ni Yahweh nga mahitabo sa mga lungsod sa Moab?

Mangalaglag silang tanan, ug wala gayoy makaikyas kanila.

Unsa man ang mahitabo sa ilang mga siyudad?

Mahimo kining walay pulos diin walay magpuyo.

Unsa man ang buhaton ni Yahweh kang bisan kinsa nga dili mopatay sa mga Moabihanon alang kaniya?

Tunglohon siya ni Yahweh.

Jeremiah 48:11-14

Unsa man ang giingon ni Yahweh nga mahitabo sa mga Moabihanon?

Miingon siya nga magpadala siya ug mga kaaaway nga mosulong ug mopatay kanila.

Jeremiah 48:15-17

Unsa man ang giingon ni Yahweh nga mahitabo sa nasod sa Moab?

Malaglag na gayod kini sa dili madugay.

Unsa man ang kinahanglan nga buhaton sa mga tawo nga namuyo duol sa Moab human kini malaglag?

Kinahanglan nga modangoyngoy sila alang sa Moab tungod kay napukan na ang ilang gahom.

Jeremiah 48:18-20

Unsa man ang angay buhaton sa katawhan nga anaa sa siyudad sa Dibon ug Aeror kaysa magpasigarbo sila?

Kinahanglan nga makabantay sila nga ginasulong sila ug mabantayan nila ang mga tawo nga mangikyas. Kinahanglan nga modangoyngoy sila, magbangotan, ug mosinggit sa pagpakitabang tungod kay napukan na ang Moab.

Jeremiah 48:21-25

Unsa man nga silot ang midangat sa tanang mga siyudad sa yuta sa Moab?

Gisilotan ni Yahweh ang tanang mga siyudad pinaagi sa pagtangtang sa sungay ug pagpiang sa bukton niini.

Jeremiah 48:26-27

Nagtuo ang mga Moabihanon nga gamhanan pa sila batok kang Yahweh, apan unsa man ang buhaton ni Yahweh kanila?

Pagahukman ni Yahweh ang Moab ug kataw-an sila sa ilang mga kaaway.

Jeremiah 48:28-29

Unsa man ang kinahanglan buhaton sa mga lumolupyo tungod sa ilang garbo?

Kinahanglan nga biyaan nila ang ilang mga siyudad ug magkampo sila sa mga bato diha sa mga pangpang.

Jeremiah 48:30-32

Nganong nagbangotan man si Yahweh, mihilak sa kasubo, ug midangoyngoy alang sa katawhan sa Moab?

Nagbangotan si Yahweh tungod kay nasayod man siya nga wala gayoy pulos ang masinupakong gipamulong sa Moab.

Jeremiah 48:33

Unsa man ang gibuhat ni Yahweh sa Moab?

Gikuha niya ang ilang mga paghugyaw ug ang ilang mga pagmaya.

Jeremiah 48:34-35

Unsa man ang giingon ni Yahweh nga iyang buhaton ngadto sa katawhan sa Moab nga nagahalad ug nagasunog ug insenso alang sa ilang mga dios?

Pamatyon niya kadtong mga tawhana.

Jeremiah 48:36-37

Giunsa man pagpakita sa katawhan sa Kir Hareset ang ilang kasubo tungod sa pagkawagtang sa ilang mga bahandi?

Nagpaupaw sila ug nagkiskis sa ilang mga bangas, gisamad-samaran nila ang ilang mga kamot, ug nagpalda sila ug sako.

Jeremiah 48:38-39

Nganong aduna may pagbangotan sa bisan asa nga atop ug sa mga plasa?

Tungod kay gilaglag man ni Yahweh ang Moab sama sa mga tawo nga nagbuak sa mga kulon nga walay nakagusto.

Jeremiah 48:40-41

Giunsa man paghulagway ni Yahweh ang pagkabihag sa Keriot?

Mahitabo dayon kini, sama sa pagsakmit sa agila sa iyang pagkaon. Sakmiton sa iyang kaaway ang iyang lig-ong mga kota, ug mangahadlok ang kasundalohan.

Jeremiah 48:42-44

Unsaon man paglaglag ni Yahweh ang Moab?

Lisangon ni Yahweh ang katawhan ug mahulog sila ngadto sa mga bung-aw ug mga lit-ag.

Jeremiah 48:45

Nganong mokalagiw man ang katawhan sama kalayo sa siyudad sa Hesbon?

Tungod kay pagasunogon man sila sa kalayo didto sa Hesbon, ug mangaugdaw ang tanang tawo sa Moab nga nagmapahitas-on.

Jeremiah 48:46-47

Unsa man ang giingon ni Jeremias nga mahitabo sa mga Moabihanon?

Mangalaglag ang mga Moabihanon ug pagabihagon sa ubang mga nasod ang ilang mga anak nga lalaki ug mga anak nga babaye, apan moabot ang panahon nga ipahibalik sila ni Yahweh sa ilang yuta.

Jeremiah 49

Jeremiah 49:1-2

Nganong wala man gisakop ni Molec ang kayutaan sa Gad?

Wala gisakop ni Molec ang kayutaan sa Gad tungod kay gipanag-iyahan kini sa mga anak sa Israel.

Unsa man ang mahitabo sa Raba?

Mahimo kining biniyaan nga siyudad.

Jeremiah 49:3-4

Unsa man ang mahitabo kang Molec?

Magun-ob ang ilang mga siyudad ug mabihag ang mga katawhan niini.

Unsa man ang gisaligan sa walay pagtuo nga anak nga babaye?

Nagsalig siya sa iyang bahandi.

Jeremiah 49:5-6

Nganong mangalisang man ang katawhan?

Mangalisang sila tungod kay mapugos sila nga magkatibulaag ngadto sa ubang kanasoran pinaagi sa mga kaaway nga nakapalibot kanila.

Unsa man ang pagabuhaton ni Yahweh sa katawhan sa Amon sa umaabot?

Ibalik ni Yahweh ang ilang mga bahandi.

Jeremiah 49:7-8

Unsa man ang nahitabo sa mga maalamong tawo sa Edom?

Nawala ang mga maalamong tawo sa Edom.

Unsa man ang kinahanglan buhaton karon sa katawhan sa Edom nga nawala naman ang ilang mga maalamong tawo?

Kinahanglan mangikyas sila ug mamuyo sa mga bangag sa yuta.

Unsa man ang pagabuhaton ni Yahweh ngadto kang Esau?

Padad-an niya ug katalagman si Esau.

Jeremiah 49:9-11

Unsa man ang gisulti ni Yahweh mahitungod sa mga biyuda ug sa mga ilo sa Edom?

Nagsulti siya nga atimanon niya ang mga biyuda ug mga ilo.

Jeremiah 49:12-13

Nganong nakahibalo na daan ang mga taga-Edom nga silotan sila ni Yahweh?

Nakita nila nga nag-antos bisan kadtong wala siloti ni Yahweh.

Unsa man ang gisulti ni Yahweh nga iyang pagabuhaton sa Bozra?

Laglagon niya kini

Jeremiah 49:14-15

Unsa man ang ipasulti ni Yahweh pinaagi sa iyang mensahero nga pagabuhaton sa kanasoran?

Gisultihan sa mensahero ang kanasoran nga mangandam sila sa pagsulong ug pakiggubat sa Edom?

Unsa man ang gisulti ni Yahweh sa katawhan sa Edom?

Misulti siya nga gihimo niyang gamay nga nasod ang Edom kumpara sa ubang mga kanasoran aron tamayon sila sa mga katawhan

Jeremiah 49:16

Tungod kay gilimbongan sa mga taga-Edom ang ilang mga kaugalingon ug naghunahuna nga luwas sila diha sa pangpang, unsa ang buhaton ni Yahweh kanila?

Birahon niya sila paubos.

Jeremiah 49:17-18

Unsa man nga hilabihan nga makalilisang nga panghitabo ang gitandi ni Yahweh sa Edom?

Gitandi niya kini sa Sodoma ug Gomora ug sa mga silingan niini, diin walay tawo nga namuyo ug nabuhi.

Jeremiah 49:19

Unsa man ang buhaton ni Yahweh sa mga taga-Edom human sila kuhaa gikan sa ilang yuta?

Magpili siya ug usa ka tawo nga magdumala kanila.

Jeremiah 49:20

Unsa man ang mga plano ni Yahweh batok sa mga Edom?

Nagplano siya sa pagguyod sa mga lumolupyo sa Teman ug himoong biniyaan nga mga dapit ang ilang mga pasibsibanan.

Jeremiah 49:21-22

Unsa man ang hulagway sa Edom sa dihang magun-ob na kini?

Matay-og ang kalibotan, ug madungog ang mga singgit sa pag-antos hangtod sa Pulang Dagat. Mangahadlok bisan ang labing isog nga mga manggugubat.

Jeremiah 49:23-25

Unsa man ang gisulti ni Yahweh nga mahitabo sa katawhan sa Damascus?

Manga-ulaw sila ug maluya. Managan ug mokalagiw diha sa pag-antos.

Jeremiah 49:26-27

Unsa man ang mahitabo sa dihang sunogon na ni Yahweh ang pader sa Damascus?

Lamyon sa kalayo ang mga kota ni Ben Hadad, ug mangamatay ang mga batan-ong lalaki ug ang tanang mga manggugubat.

Jeremiah 49:28-29

Unsa man ang gisulti ni Yahweh kang Nebucadnezar nga buhaton sa Kedar?

Gisultihan niya si Nebucadnezar nga sulongon ang mga katawhan, gub-on ug kuhaon ang ilang mga kabtangan.

Jeremiah 49:30-31

Ngano man nga mahimong sayon kini nga pagasulong kang Nebucadnezar?

Sayon kini alang kaniya tungod kay walay mga pader ug depensa, ug nagpuyo ang mga tawo niini sa ilang kaugalingon lamang.

Asa man mamuyo ang mga katawhan sa Kedar human sila sulongon ni Nebucadnezar?

Mamuyo sila sa mga bangag sa yuta.

Jeremiah 49:32-33

Unsa man ang pagabuhaton ni Yahweh sa katawhan sa Hazor sa dihang kuhaon ni Nebucadnezar ang ilang kabtangan ug mga kamelyo isip inilog sa gubat?

Ipatibulaag niya sila ug moabot ang katalagman diha kanila.

Kinsa man ang mamuyo sa siyudad human kini sulongon ni Nebucadnezar?

Puy-an na lamang kini sa ihalas nga mga iro.

Jeremiah 49:34-36

Kanus-a man nadawat ni Jeremias ang panagna mahitungod sa Elam?

Nadawat niya kini sa dihang si Zedekia ang naghari sa Juda.

Kanus-a man mapukan ni Yahweh ang mga tigpana sa Elam, ug asa man mangadto ang mga katawhan?

Mangadto ang katawhan sa tanang bahin sa kalibotan.

Jeremiah 49:37-39

Unsa man ang pagabuhaton ni Yahweh tungod kay nasuko siya sa katawhan sa Elam?

Tugotan ni Yahweh ang ilang mga kaaway sa pagdugmok ug pagdala ug katalagman ngadto kanila, pamatyon sila, ug papason sa hingpit.

Unsa man ang buhaton ni Yahweh sa katawhan sa Elam sa umaabot?

Tugotan niya sila nga mobalik sa ilang yuta.

Jeremiah 50

Jeremiah 50:1-2

Unsa man ang mahitabo sa Babilonia?

Mabihag ang Babilonia. Pakaulawan si Bel ug ang mga diosdios.

Jeremiah 50:3-5

Kinsa man ang motungha aron makigbatok sa Babilonia?

Ang nasod nga gikan sa amihan.

Unsa man ang pagabuhaton sa katawhan sa Israel kung sulongon ang Babilonia?

Magkahiusa sila nga magdangoyngoy, ug pangitaon si Yahweh. Molakaw sila ngadto sa Zion aron bag-ohon ang ilang walay kataposan nga kasabotan tali kang Yahweh.

Jeremiah 50:6-7

Nganong gihulagway man ni Yahweh ang iyang katawhan nga sama sa panon sa mga karnero nga nahisalaag?

Gihulagway niya sila nga sama sa panon sa mga karnero tungod kay gipahisalaag niya sila sa ilang magbalantay ug nakalimot sa ilang puloy-anan.

Unsa man ang giingon sa ilang mga kaaway mahitungod kung nganong nakahimo man sila sa paglamoy sa katawhan ni Yahweh?

Miingon ang mga kaaway niini tungod kay nakasala man ang katawhan batok kang Yahweh

Jeremiah 50:8-10

Nganong mopahawa man ang mga Israelita sa dili pa mabihag ang Babilonia?

Mopahawa sila tungod kay moabot gikan sa amihanan ang dagkong mga nasod aron sa pagbihag sa Babilonia.

Jeremiah 50:11-13

Unsa man ang mahitabo sa Babilonia tungod sa pagkawat nila sa bahandi ni Yahweh?

Mahimong dili labawng ubos nga mahinungdanon ang Babilonia sa tanang kanasoran, walay namuyo nga kamingawan.

Jeremiah 50:14-15

Tungod kay nakasala man ang Babilonia batok kang Yahweh unsa man ang mahitabo kaniya?

Panaon sa tanan ang Babilonia, itugyan sa Babilonia ang iyang gahom, mangatumba ang iyang mga tore, mangalumpag ang iyang mga pader, ug pagabuhaton ngadto kaniya sama sa iyang gibuhat ngadto sa ubang mga nasod.

Jeremiah 50:16

Unsa man ang kinahanglan nga buhaton sa mga tawo nga gikan sa ubang mga nasod sa dihang sulongon na ang Babilonia?

Kinahanglan nga managan sila balik sa kaugalingon nila nga mga nasod.

Jeremiah 50:17-18

Unsa man ang giingon ni Yahweh nga buhaton niya sa mga nasod sa Asiria ug sa Babilonia?

Miingon siya nga silotan niya ang hari sa Babilonia ug ang iyang katawhan sama sa iyang pagsilot sa hari sa Asiria.

Jeremiah 50:19-20

Unsa man ang buhaton ni Yahweh sa mga nahibilin nga katawhan nga iyang giluwas?

Ipahibalik ni Yahweh ang mga Israelita ngadto sa iyang yutang natawhan, ug pasayloon niya ang mga sala sa katawhan.

Jeremiah 50:21-22

Unsa man ang ipabuhat ni Yahweh sa mga kaaway sa Babilonia?

Buot ni Yahweh nga patingugon nila ang singgit sa pagpakiggubat ug magdala ug hilabihan nga kadaot sa Babilonia.

Jeremiah 50:23-24

Nganong mabuntog man ang kasundalohan sa Babilonia?

Mabuntog kini tungod kay gihagit nila si Yahweh.

Jeremiah 50:25-26

Unsa man ang buhaton ni Yahweh?

Ablihan ni Yahweh ang iyang tipiganan, ipagawas ang mga hinagiban, ug awhagon ang mga kaaway nga sulongon ang Babilonia, ablihan ang iyang mga kamalig ug laglagon siya. Mobiya sila ug wala gayoy mahibilin kaniya.

Jeremiah 50:27-28

Unsa man ang isugilon sa mga naluwas nga mga Israelita nga gikan sa Babilonia?

Isugilon nila kung giunsa pagsilot ni Yahweh ang Babilonia pinaagi sa pagpatay sa mga manggugubat tungod sa ilang gibuhat sa iyang templo didto sa Zion

Jeremiah 50:29-30

Unsa man ang mahitabo kaniya tungod sa iyang pagpasipala kang Yahweh?

Wala gayoy makaikyas sa kadaot nga pagadad-on sa mga kaaway sa Babilonia nganha kaniya. Pagalaglagon sa mga kaaway ang tanan niyang manggugubat nga kalalakin-an tungod sa nabuhat niya kang Yahweh.

Jeremiah 50:31-32

Unsa man ang gipahayag ni Yahweh nga mahitabo sa mga mapahitas-on nga mga tawo?

Gipahayag niya nga mangalukapa ug mangahagba sila.

Jeremiah 50:33-34

Kinsa man ang nagluwas sa gidaogdaog nga mga Israelita?

Si Yahweh nga makagagahom ang nagluwas sa mga Israelita.

Jeremiah 50:35-37

Unsa man ang buhaton sa kaaway nga kasundalohan ngadto sa Babilonia?

Pamatyon nila ang mga lumolupyo, ang mga opisyal, ang manggi-alamon nga kalalakin-an, ug ang tanang katawhan. Pamatyon usab nila ang mini nga mga propeta, ang labing kusgan nila nga manggugubat, ug ang ilang mga kabayo ug mga karwahe.

Jeremiah 50:38-40

Sa unsa man mahisama ang Babilonia?

Mahisama ang Babilonia sa Sodoma ug Gomora.

Jeremiah 50:41-43

Unsa man ang nadungog sa hari sa Babilonia mahitungod sa katawhan nga gikan sa amihanan?

Nadungog sa hari nga bangis sila ug walay kaluoy.

Unsa man ang gibati sa hari sa Babilonia human niya madungog kini nga balita gikan kang Jeremias nga ang kasundalohan nga gikan sa amihanan moabot aron sa pagsulong sa Babilonia?

Nahisama siya sa babayeng hapit na manganak human niya kini madungog.

Jeremiah 50:44

Unsa man ang buhaton ni Yahweh sa Babilonia?

Gukdon niya ang katawhan sa Babilonia ug mopili siya ug tawo nga maoy magdumala niini.

Jeremiah 50:45-46

Unsa man ang plano nga buhaton ni Yahweh ngadto sa katawhan sa Babilonia?

Nagplano si Yahweh nga laglagon niya sa hingpit ang katawhan sa Babilonia.

Jeremiah 51

Jeremiah 51:1-2

Unsa man ang buhaton sa mga langyaw ngadto sa Babilonia?

Mangadto sila ug gun-ubon ang Babilonia.

Jeremiah 51:3-4

Unsa man nga matang sa pag-ataki ang moabot sa Babilonia?

Kalit nga pag-ataki sa Babilonia diin wala nay panahon ang kasundalohan sa pagsul-ob sa ilang kalasag. Gun-ubon sa mga tig-ataki ang kasundalohan ug ang katawhan.

Jeremiah 51:5-6

Unsa man ang gipahinumdom ni Yahweh sa iyang katawhan?

Gipahinumduman ni Yahweh ang katawhan nga bisan nakasala ang sila magpabilin siya nga ilang Ginoo ug dili niya sila pasagdan.

Unsa man ang gisulti ni Yahweh sa katawhan sa Israel nga ilang buhaton?

Gisultihan ni Yahweh ang iyang katawhan nga managan, aron makalikay sila sa silot nga moabot sa Babilonia.

Jeremiah 51:7-8

Unsa man ang gigamit ni Yahweh sa Babilonia aron buhaton sa mga kanasoran?

Gigamit niya kini aron nga mangahubog sila.

Unsa man ang mahitabo sa Babilonia?

Malaglag kini ug malumpag.

Jeremiah 51:9-10

Unsa man ang buhaton sa mga Israelita tungod kay dili na mamaayo ang Babilonia?

Mobiya ang mga Israelita ug manguli sa ilang yuta ug sultihan nila ang uban nga anaa sa Zion nga gipasaylo na ni Yahweh ang ilang mga sala.

Jeremiah 51:11-12

Kinsa man ang mosulong ug molaglag sa Babilonia tungod kay iyang giguba ang templo ni Yahweh sa Jerusalem?

Ang kasundalohan sa Media ug Persia maoy molaglag sa Babilonia.

Jeremiah 51:13-14

Unsa man ang gisaad ni Yahweh nga iyang pagabuhaton sa mga adunahan nga mga tawo sa Babilonia?

Ipatugbaw ni Yahweh ang singgit sa pakiggubat batok kanila. Miabot na ang ilang kataposan.

Jeremiah 51:15-16

Unsa man ang nabuhat ni Yahweh pinaagi sa iyang gahom, kaalam, ug kahibalo?

Gibuhat niya ang kalibotan, gipahimutang sa dapit niini, ug gipalapad ang kalangitan.

Unsa man ang mahitabo sa dihang mag-istorya si Yahweh?

Magdala siya ug pagdalugdog, ulan, kilat, ug hangin diha sa kalibotan.

Jeremiah 51:17-19

Makatagbaw ba sa katawhan ang pagpamuhat sa mga diosdios?

Dili, ang mga diosdios dili makatabang kanila. Wala silay pulos o bili.

Kinsa man ang Dios sa Israel?

Siya ang nagbuhat sa tanang butang. Ang iyang ngalan mao si Yahweh.

Jeremiah 51:20-23

Sa unsa man mahisama ang Babilonia sumala sa gisulti sa Dios?

Nagsulti ang Dios nga sama sa iyang martilyo ang Babilonia nga iyang hinagiban sa pagpakiggubat.

Jeremiah 51:24

Unsa man ang gisulti ni Yahweh ngadto sa katawhan sa Babilonia?

Nagsulti si Yahweh nga manimalos siya sa katawhan tungod sa daotang mga butang nga ilang gibuhat sa Jerusalem.

Jeremiah 51:25-26

Unsa man ang buhaton ni Yahweh ngadto sa Babilonia tungod sa ilang paagi sa pagpangilog sa mga kabtangan sa mga katawhan sa tanang dapit sa kalibotan?

Iyang gun-ubon sa hingpit ang Babilonia, ug wala nay mopuyo didto pag-usab.

Jeremiah 51:27-28

Unsa man ang isulti ni Jeremias sa mga nasod sa Media ug Persia?

Gipatawag niining kanasoran ang tanan nilang kasundalohan sa pagpangandam aron sa pagsulong sa Babilonia.

Jeremiah 51:29

Unsa man ang laraw ni Yahweh batok sa Babilonia?

Ang laraw in Yahweh mao nga himuon niya ang yuta sa Babilonia nga awaaw ug wala nay mamuyo.

Jeremiah 51:30-32

Unsa man ang gibalos sa kasundalohan sa Babilonia sa gubat batok kanila?

Mangalisang ang mga kasundalohan diha sa ilang mga kota tungod kay pagasirad-an ang mga kaikyasan ug sunogon ang tibuok siyudad.

Jeremiah 51:33

Asa man mahisama ang Babilonia sumala sa gisulti ni Yahweh?

Nahisama ang Babilonia sa giukanan sa panahon sa ting-ani.

Jeremiah 51:34-35

Unsa man ang gusto sa Israel nga buhaton ni Yahweh sa katawhan sa Babilonia?

Gusto nila nga paantuson ni Yahweh ang taga-Babilonia sama sa ilang pag-antos ilalom ni Haring Nebucadnezar.

Jeremiah 51:36-37

Unsa man ang tubag ni Yahweh ngadto sa mga Israelita?

Dapigan niya ang ilang mga kahimtang ug panimaslan niya ang Babilonia. Pahubason niya ang ilang mga tuboran ug mahimo siyang awaaw diin wala nay mamuyo.

Jeremiah 51:38-40

Unsa man ang pagabuhaton ni Yahweh ngadto sa katawhan sa Babilonia?

Mag-andam siya ug nagkalain-laing matang sa kumbira diin mangahubog sila sa bino ug pamatyon silang tanan.

Jeremiah 51:41-42

Unsa man nga matang nga dapit ang mahimo ang Babilonia?

Mahimong dapit nga nagtipun-og nga bato ang Babilonia diha sa tanang mga kanasoran.

Jeremiah 51:43-44

Unsa man ang pagabuhaton ni Yahweh sa dios nga si Bel?

Pagasilotan ni Yahweh si Bel, ug himuon niya nga bawion sa katawhan sa Babilonia ang mga halad nga ilang gihatag ngadto kang Bel, ug magun-ob ang mga pader sa Babilonia.

Jeremiah 51:45-46

Unsa man ang gisulti ni Yahweh nga himoon sa katawhan nga mipuyo diha sa Babilonia?

Gisultihan niya sila nga managan ug luwason nila ang ilang mga kaugalingon gikan sa kagubot nga mahitabo sa ilang dapit.

Jeremiah 51:47-49

Unsa ang mahitabo ngano nga magmaya man ang langit ug yuta?

Magmaya ang kalangitan ug ang kalibotan tungod kay gun-ubon sa kasundalohan nga gikan sa amihan ang Babilonia.

Jeremiah 51:50-51

Unsa man ang gisulti ni Jeremias nga buhaton sa mga Israelita?

Mamiya sila sa Babilonia, mamalik sa Jerusalem, ug mamalik kang Yahweh.

Unsa man ang nabalitaan sa mga Israelita mahitungod sa balay ni Yahweh?

Ilang nabalitaan nga ang mga langyaw misulod sa mga balaang dapit sa balay ni Yahweh.

Jeremiah 51:52-53

Unsa man ang gisulti ni Yahweh sa katawhan nga iyang pagabuhaton?

Gisultihan niya sila nga magpadala siya ug kasundalohan aron gun-obon ang Babilonia.

Jeremiah 51:54-56

Unsa man ang nadungog sa mga katawhan gikan sa Babilonia?

Nakadungog sila ug singgit sa pagpakitabang samtang gigun-ob ni Yahweh ang Babilonia.

Jeremiah 51:57-58

Unsa man ang mahitabo sa tanang butang nga gustong buhaton sa mga kanasoran alang sa Babilonia?

Mahimo kining tanan nga walay pulos.

Jeremiah 51:59-60

Kinsa man ang pangulong opisyal ni Haring Zedekia?

Si Seraya ang iyang pangulong opisyal.

Unsa man ang gisulat ni Jeremias diha sa linukot nga basahon?

Gisulat ni Jeremias ang tanang katalagman nga mahitabo sa Babilonia.

Jeremiah 51:61-62

Unsa man ang sugo ni Jeremias ngadto kang Seraya?

Gisultihan ni Jeremias si Seraya nga kung moabot siya sa Babilonia basahon niya ang tanang nahisulat sa linukot nga basahon, ihigot kini sa bato, ug ilabay kini didto sa suba sa Eufrates.

Unsa man ang nahisulat sa linukot nga basahon?

Gipahayag ni Yahweh nga ang Babilonia magun-ob, walay mamuyo, ug mahimog hingpit nga awaaw.

Jeremiah 51:63-64

Unsa man ang sugo ni Jeremias ngadto kang Seraia?

Gisultihan ni Jeremias si Seraia nga kung moabot siya sa Babilonia iyang basahon ang tanang nahisulat sa linukot nga basahon, itali kini sa bato, ug ilabay kini sa didto sa suba sa Euphrates.

Nganong gilabay man ni Seraia ang linukot nga basahon didto sa suba?

Sa dihang gilabay niya ang linukot nga basahon didto sa suba, makasabot ang katawhan nga maunlod sama sa linukot nga basahon ang Babilonia, tungod kay magpahamtang si Yahweh ug katalagman ngadto kaniya.

Jeremiah 52

Jeremiah 52:1-3

Unsa man nga matang nga pagkahari si Zedekia?

Daotan nga pagkahari si Zedekia nahisama lang kang Jehoyakim.

Jeremiah 52:4-5

Unsa man ang gibuhat ni haring Nebucadnezar sa dihang duol na siya sa Jerusalem?

Nagkampo siya atbang niini ug gisulong ang siyudad sulod sa duha ka tuig.

Jeremiah 52:6-8

Asa man nadakpan sa nga Caldeanhon (mga taga Babilonia) si Zedekia ug ang iyang mga kalalakin-an?

Nadakpan sila sa mga Caldeanhon didto sa kapatagan sa Suba sa Jordan nga duol sa Jericho.

Jeremiah 52:9-11

Unsa man ang gibuhat sa hari sa Babilonia ngadto kang Zedekia ug sa iyang mga anak nga lalaki?

Gipangpatay sa hari ang mga anak nga lalaki ni Zedekia diha sa iyang atubangan, gigapos siya ug kadina, ug mga gidala siya ngadto sa Babilonia.

Jeremiah 52:12-14

Unsa man ang gibuhat ni Nebuzaradan didto sa Jerusalem?

Gisunog niya ang balay ni Yahweh, ang palasyo sa hari, ug ang tanang mga balay ug mahinungdanon nga mga dagko nga balay, ug gigun-ob niya ang mga paril nga nakapalibot sa Jerusalem.

Jeremiah 52:15-16

Unsa man ang gibuhat ni Nebuzaradan ngadto sa labing kabos nga katawhan nga anaa sa Jerusalem?

Gibihag niya ang pipila kanila ug nagbilin ug pipila lamang ka tawo aron sa pagtrabaho sa kaparasan ug sa kaumahan.

Jeremiah 52:17-23

Unsa man ang nahitabo sa tumbaga, sa bulawan, ug sa mga plata nga anaa sa balay ni Yahweh?

Gikuha kining tanan sa mga Caldeanhon (mga taga Babilonia).

Jeremiah 52:24-25

Unsa man ang gibuhat ni Nebuzaradan ngadto kang Zepania ug sa uban pa nga mga opisyal?

Gibilanggo niya sila.

Jeremiah 52:26-27

Unsa man ang gibuhat sa hari sa Babilonia ngadto sa mga binilanggo nga gidala ni Nebuzaradan ngadto kaniya?

Gipangpatay niya sila.

Jeremiah 52:28-30

Pila man kabuok nga katawhan sa Juda ang nabihag?

Mikabat ug 4,600 ka mga tawo ang nabihag gikan sa Juda.

Jeremiah 52:31

Kinsa man ang naghatag ug katungod nga buhian si Jehoyakin nga hari sa Juda gikan sa pagkabilanggo?

Si Evil Merodac, nga hari sa Babilonia, ang naghatag ug katungod nga buhian siya.

Jeremiah 52:32-34

Giunsa man pagtagad ni Evil Merodac si Jehoyakin sa dihang nakagawas na siya sa bilanggoan?

Malumo kaayo siya nga nakig-istorya kang Jehoyakin ug gihatagan niya kini ug lingkoranan nga halangdon. Gihukas ni Evil Merodac ang bisti ni Jehoyakin nga alang sa mga piniriso, ug kanunay nga nagakaon si Jehoyakin diha sa lamesa sa hari sa nahibilin nga mga adlaw sa iyang kinabuhi, ug ginahatagan siya kanunay sa iyang matag adlaw nga pagkaon sa nahibiling mga adlaw sa iyang kinabuhi hangtod sa iyang kamatayon.