Ezekiel

Ezekiel 1

Ezekiel 1:1-3

Si kinsa ang kauban ni Ezekiel nga nagpuyo sa dihang nadawat niya ang panan-awon sa Dios?

Nagpuyo si Ezekiel kauban ang mga binihag didto sa kayutaan sa taga-Caldea sa dihang nadawat niya ang panan-awon sa Dios.

Ezekiel 1:4-6

Unsa man ang anaa sa taliwala sa bagang panganod nga nakit-an ni Ezekiel nga miabot gikan sa amihanan?

Ang anaa sa taliwala sa bagang panganod mao ang sama sa upat ka buhing binuhat, ang matag usa kanila may upat ka nawong ug mga pako.

Ezekiel 1:7-9

Unsaon man paglihok sa mga binuhat?

Dili na moliso pa ang mga binuhat sa ilang paglihok apan modiritso lang ang matag usa.

Ezekiel 1:10-12

Unsa man ang mga hitsura sa buhing binuhat nga anaa sa ilang mga panagway?

Ang ilang panagway adunay hitsura sa tawo, sa liyon, sa baka, ug sa agila.

Unsa man ang nagtudlo sa lihok sa upat ka buhing binuhat.

Gigiyahan sa Espitiru ang lihok sa upat ka buhing binuhat.

Ezekiel 1:13-16

Sa dihang magbalikbalik ang upat ka buhing binuhat, unsa man ang ilang porma?

Sa dihang magbalikbalik sila, sama sa kilat ang upat ka buhing binuhat.

Ezekiel 1:17-18

Unsa man ang mabuhat sa upat ka ligid nga anaa sa kilid sa buhing binuhat?

Ang upat ka ligid makaadto sa bisan asa nga direksyon nga dili na moliso pa.

Ezekiel 1:19-21

Nganong mosunod man ang mga ligid bisan asa moadto ang buhing binuhat?

Mosunod ang mga ligid sa buhing binuhat tungod kay ang espiritu sa mga buhing binuhat anaa sa mga ligid.

Ezekiel 1:22-23

Unsa man ang anaa sa ibabaw sa mga ulo sa mga buhing binuhat?

Ang haw-ang nga atop-atop ang anaa sa ibabaw sa mga ulo sa mga buhing binuhat.

Unsa man ang gibuhat sa mga buhing binuhat sa ilang mga pako?

Ang matag pako sa binuhat mibukhad ug nasangko kini sa pako sa laing pako sa binuhat ug ang matag binuhat adunay laing paris sa pako nga motabon sa iyang kaugalingong lawas.

Ezekiel 1:24-25

Unsa man ang gisulti ni Ezekiel mahitungod sa tingog sa mga pako?

Ang tingog sa ilang mga pako sama sa haguros nga katubigan, sama sa tingog sa Makagagahom, sama sa saba sa usa ka bagyo ug sama sa tingog sa mga kasundalohan.

Ezekiel 1:26

Unsa man ang anaa sa ibabaw sa atop-atop, nga nga anaa sa mga ulo sa mga binuhat?

Sa ibabaw sa atop-atop, adunay trono ug diha sa trono adunay sama sa panagway sa usa ka tawo.

Ezekiel 1:27-28

Unsa man nga kahayag ang midan-ag kang Ezekiel?

Midan-ag ang kahayag sama sa himaya ni Yahweh.

Unsa man ang gibuhat ni Ezekiel sa dihang nakita niya ang kahayag?

Sa dihang nakita niya ang kahayag, miyukbo si Ezekiel.

Ezekiel 2

Ezekiel 2:1-3

Unsa man ang gibuhat sa Espiritu ngadto kang Ezekiel samtang misulti ang Espiritu kang Ezekiel?

Gipatindog si Ezekiel sa Espiritu samtang misulti siya kang Ezekiel.

Alang kang kinsa gipadala sa Espiritu si Ezekiel?

Gipadala sa Espiritu si Ezekiel ngadto sa mga Israelita.

Ezekiel 2:4-5

Sumala sa Espiritu, unsa man nga matang sa katawhan ang mga kaliwat sa Israel?

Gahi ug mga ulo ug tig-a ug mga kasingkasing ug masinupakon ang mga kaliwat sa Israel.

Unsa man ang giingon ni Ezekiel ngadto sa katawhan sa Israel?

Misulti si Ezekiel, ''Mao kini ang gisulti ni Yahweh,'' ngadto sa katawhan sa Israel.

Unsa man ang mahibaloan sa katawhan sa Israel tungod sa gisulti ni Ezekiel ngadto kanila?

Masayran sa katawhan sa Israel nga adunay propeta uban kanila.

Ezekiel 2:6

Unsa man ang gisulti sa Espiritu kang Ezekiel nga dili buhaton samtang mosulti siya ngadto sa katawhan sa Israel?

Miingon ang Espiritu kang Ezekiel nga dili mahadlok sa katawhan sa Israel samtang mosulti siya kanila.

Ezekiel 2:7-8

Sa unsa mang paagi nga si Ezekiel nahimong lahi kaysa katawhan sa Israel?

Wala nahimong masinupakon si Ezekiel sama sa katawhan sa Israel.

Ezekiel 2:9-10

Unsa man ang gibukhad sa atubangan ni Ezekiel?

Ang sinulat nga basahon mibukhad sa atubangan ni Ezekiel.

Unsa man ang nahisulat sa linukot nga basahon?

Nasulat sa linukot nga basahon ang pagbangotan, kasubo, ug kaalaotan.

Ezekiel 3

Ezekiel 3:1-3

Unsa man ang gihatag sa Espiritu kang Ezekiel ug unsay gibuhat ni Ezekiel niini?

Gihatag sa Espiritu kang Ezekiel ang linukot nga basahon ug gikaon niya kini.

Ezekiel 3:4-7

Unsa man ang gisulti sa Espiritu kang Ezekiel aron adtoon ug buhaton?

Misulti ang Espiritu kang Ezekiel aron moadto ug mosulti sa mga pulong sa Espiritu ngadto sa panimalay sa Israel.

Sumala sa Espiritu, kung ipadala si Ezekiel sa langyaw nga katawhan, unsa man ang ibalos nila sa mga pulong ni Ezekiel?

Kung ipadala si Ezekiel sa langyaw nga katawhan, maminaw sila sa mga pulong ni Ezekiel.

Sumala sa Espiritu, unsa man ang ibalos sa panimalay sa Israel sa mga pulong ni Ezekiel?

Dili buot maminaw ang panimalay sa Israel sa mga pulong ni Ezekiel.

Ezekiel 3:8-11

Unsa man ang gibuhat sa Espiritu kang Ezekiel aron dili siya mahadlok o maluya?

Gipagahi sa Espiritu ang ulo ni Ezekiel, ug ang iyang agtang nga sama sa diyamante.

Ezekiel 3:12-13

Unsa man ang gisulti sa dakong tingog kang Ezekiel nga anaa sa iyang luyo.

Miingon ang dakong tingog, ''Dalayegon ang himaya ni Yahweh diha sa iyang dapit!''

Ezekiel 3:14-15

Unsa man ang gibuhat ni Ezekiel sulod sa pito ka adlaw ug unsa man ang iyang kahimtang?

Nagpuyo si Ezekiel uban ang mga binihag sulod sa pito ka mga adlaw, naluya diha sa katingala.

Ezekiel 3:16-19

Unsa man ang giingon ni Yahweh kang Ezekiel nga iyang buhaton alang sa katawhan sa Israel?

Miingon si Yahweh nga himoon niyang tigbantay si Ezekiel sa panimalay sa Israel.

Unsa man ang gisulti ni Yahweh nga mahitabo kang Ezekiel kung pasidad-an niya ang daotan mahitungod sa ilang mga daotang binuhatan?

Kung pasidan-an ni Ezekiel ang daotan, nan maluwas niya ang iyang kaugalingon.

Ezekiel 3:20-21

Unsa man ang gisulti ni Yahweh nga mahitabo kang Ezekiel kung dili niya pasidan-an ang daotan mahitungod sa ilang mga daotang binuhatan?

Kung dili pasidan-an ni Ezekiel ang tawong daotan, paninglon ni Yahweh ang ilang dugo gikan sa kamot ni Ezekiel.

Unsa man ang gisulti ni Yahweh nga mahitabo kang Ezekiel kung dili niya pasidan-an ang tawong matarong nga mobiya ug mibuhat sa daotan?

Kung wala gipahimangnoan ni Yahweh ang nibiya nga tawong matarong, paninglon ni Yahweh ang iyang dugo gikan sa kamot ni Ezekiel.

Unsa man ang gisulti ni Yahweh nga mahitabo sa tawong matarong nga mobiya ug mobuhat ug dili matarong?

Miingon si Yahweh sa tawong matarong nga mobiya ug mobuhat sa daotan nga mamatay sa iyang sala.

Unsa man ang gisulti ni Yahweh nga mahitabo kang Ezekiel kung iyang gipahimangnoan ang nibiya nga tawong matarong ug mibuhat sa daotan?

Kung pasidad-an ni Ezekiel ang tawong matarong nga nibiya, maluwas ni Ezekiel ang iyang kaugalingon.

Ezekiel 3:22-23

Unsa man ang gibuhat ni Ezekiel sa dihang nakita ang himaya ni Yahweh sa patag?

Sa dihang nakita ni Ezekiel ang himaya ni Yahweh, miduko siya.

Ezekiel 3:24-25

Unsa man ang gisulti sa Espiritu kang Ezekiel aron adtoon ug buhaton?

Gisultihan sa Espiritu si Ezekiel moadto ug manirado sa iyang balay.

Ezekiel 3:26-27

Unsa man ang gisulti sa Espiritu kang Ezekiel nga dili mabuhat pinaagi sa iyang mga kaugalingong pulong?

Miingon ang Espiritu kang Ezekiel nga dili ka na makahimo sa pagbadlong sa panimalay sa Israel pinaagi sa imong kaugalingong mga pulong.

Unsa man ang gisulti sa Espiritu kang Ezekiel nga mahimo niyang buhaton sa dihang mosulti ang Espiritu kaniya?

Miingon ang Espiritu kang Ezekiel nga makaabli sa iyang baba ug mosulti, ''Mao kini ang gisulti sa Ginoong Yahweh,'' kung mosulti na ang espiritu kaniya.

Ezekiel 4

Ezekiel 4:1-3

Unsa man ang gisulti ni Yahweh kang Ezekiel nga buhaton sa tisa?

Miingon si Yahweh kang Ezekiel nga ikulit ang siyudad sa Jerusalem diha sa tisa ug maghimo ug kasakaan nga yuta aron sulongon kini.

Nganong gisulti man ni Yahweh nga buhaton kini ni Ezekiel sa tisa?

Misulti si Yahweh kang Ezekiel nga buhaton kini ingon nga simbolo ngadto sa katawhan sa Israel.

Ezekiel 4:4-5

Nganong miingon man si Yahweh kang Ezekiel nga magtakilid siya nga maghigda sa walang bahin?

Miingon si Yahweh kang Ezekiel nga mohigda siya sa iyang walang bahin aron sa pagpas-an sa sala sa panimalay sa Israel.

Ngano magtakilid man sa paghigda si Ezekiel sa iyang wala nga bahin sulod sa 390 ka adlaw?

Magtakilid si Ezekiel sa paghigda sa iyang walang bahin sulod sa 390 ka mga adlaw aron sa pagpakita sa 390 ka tuig nga silot sa panimalay sa Israel.

Ezekiel 4:6-8

Nganong magtakilid man sa paghigda si Ezekiel sa iyang tuong bahin?

Magtakilid sa paghigda si Ezekiel sa iyang tuong bahin aron sa pagpas-an sa sala sa panimalay sa Israel.

Nganong magtakilid man si Ezekiel sa paghigda sa iyang tuong bahin sulod sa 40 ka mga adlaw?

Mohigda si Ezekiel nga magtakilid sa iyang tuong bahin sulod sa 40 ka mga adlaw aron sa pagpakita sa 40 ka tuig nga silot sa panimalay sa Israel.

Ezekiel 4:9-11

Unsa man ang gisulti ni Yahweh nga kaonon ni Ezekiel ug inomon samtang maghigda nga magtakilid?

Miingon si Yahweh kang Ezekiel nga mokaon siya sa tinapay nga sibada ug moinom ug tubig.

Ezekiel 4:12-13

Nganong gisulti man ni Yahweh kang Ezekiel nga magluto gamit ang gipauga nga tae sa tawo sa panan-aw sa panimalay sa Israel?

Magluto si Ezekiel gamit ang gipauga nga tae sa tawo ingon nga simbolo nga hugaw ang pagakaonon sa katawhan sa Israel uban sa kanasoran.

Ezekiel 4:14-15

Nganong gitugotan man ni Yahweh si Ezekiel nga gamiton ang tae sa baka imbis nga tae sa tawo?

Gitugotan ni Yahweh nga gamiton ni Ezekiel ang tae sa baka tungod kay wala pa gayod siya makakaon ug mahugaw nga butang sa tibuok niyang kinabuhi.

Ezekiel 4:16-17

Unsa man ang giingon ni Yahweh nga mahitabo sa Jerusalem mahitungod sa pagkaon ug inomon?

Miingon si Yahweh nga ang tinapay ug tubig pagabahinbahinon.

Unsa man ang giingon ni Yahweh nga mahitabo sa katawhan sa Jerusalem niining panahona?

Miingon si Yahweh nga maulawan ug magniwang ang katawhan sa Jerusalem.

Ezekiel 5

Ezekiel 5:1-4

Unsa man ang buhaton ni Ezekiel sa matag ikatulo nga bahin sa iyang buhok?

Pagasunogon ni Ezekiel ang ikatulo nga bahin sa buhok ngadto sa siyudad, tagodtagoron pinaagi sa espada palibot sa siyudad, ug isabwag ngadto sa kahanginan.

Unsa man ang giingon ni Yahweh nga iyang buhaton pagkahuman ni Ezekiel?

Miingon si Yahweh nga hulboton niya ang espada aron sa paggukod sa mga katawhan.

Ezekiel 5:5-6

Sumala kang Yahweh, asa man nahimutang ang Jerusalem?

Anaa sa taliwala sa mga kanasoran ang Jerusalem.

Nganong miingon man si Yahweh nga gipalibotan niya ang Jerusalem uban sa laing mga kayutaan?

Tungod kay gisalikway man sa Jerusalem ang mga kasugoan ni Yahweh ug wala magtuman sa iyang mga balaod.

Ezekiel 5:7-8

Unsa man ang giingon ni Yahweh nga iyang buhaton tungod sa binuhatan sa nasod sa Israel?

Miingon si Yahweh nga magpamuhat siya batok sa nasod sa Israel ug hukman ko sila sa ilang taliwala.

Ezekiel 5:9-10

Unsa man nga makalilisang nga mga butang ang buhaton sa mga Israelita tungod sa hukom ni Yahweh kanila?

Kaonon sa mga amahan ang ilang mga kabataan, ug kaonon sa mga anak nga lalaki ang ilang mga amahan.

Ezekiel 5:11-12

Nganong mingon man si Yahweh nga dili niya papalingkawason ang mga Israelita?

Miingon si Yahweh nga dili niya sila papalingkawason tungod kay gihugawhugawan nila ang balaang dapit ni Yahweh.

Unsa man ang buhaton ni Yahweh ngadto sa matag ikatulo nga bahin sa katawhan?

Mamatay ang ikatulo nga bahin sa katawhan pinaagi sa hampak, mangamatay ang ikatulo nga bahin pinaagi sa espada, ug katagon ang ikatulo nga bahin.

Unsa man ang giingon ni Yahweh nga iyang buhaton human masilotan ang ikatulo nga mga bahin sa katawhan?

Miingon si Yahweh nga hulboton niya ang espada aron sa paggukod sa katawhan.

Ezekiel 5:13-14

Unsa man ang giingon ni Yahweh nga iyang buhaton sa iyang kasuko human sa paghukom?

Miingon si Yahweh nga mahuwasan na ang iyang hilabihang kasuko human niining paghukom.

Ezekiel 5:15-17

Unsa man ang giingon sa ubang katawhan mahitungod sa Jerusalem human sa paghukom ni Yahweh?

Tunglohon ug biaybiayon sa ubang mga tawo ang Jerusalem human sa pagsilot ni Yahweh.

Ezekiel 6

Ezekiel 6:1-3

Unsa man ang gipanagna ni Ezekiel batok sa taas nga mga dapit sa Israel?

Gipanagna ni Ezekiel nga gun-ubon ni Yahweh nga Ginoo ang taas nga mga dapit sa Israel pinaagi sa espada.

Ezekiel 6:4-5

Unsa man ang mahitabo sa atubangan sa mga halaran sa diosdios sa Israel?

Ipabuy-od ni Yahweh nga Ginoo ang mga patay'ng lawas sa mga Israelita atubangan sa mga halaran.

Ezekiel 6:6-7

Unsa man ang mahitabo sa mga siyudad sa Israel?

Mahimong biniyaan ang mga siyudad sa Israel.

Ingon nga resulta sa tanang kalaglagan, unsa man ang mahibaloan sa katawhan sa Israel?

Mahibaloan sa katawhan sa Israel nga Ginoo si Yahweh.

Ezekiel 6:8-10

Unsa man ang gibuhat sa nahibilin nga mga nakaikyas human sila nagkatibulaag?

Mahinumdoman sa mga nakaikyas si Yahweh ug makita ang kasilag sa ilang mga panagway tungod sa ilang kadaotan.

Ezekiel 6:11-12

Nganong nagpadala man si Yahweh ug espada, kagutom, ug hampak ngadto sa panimalay sa Israel?

Nagpadala si Yahweh ug espada, kagutom, ug hampak tungod sa tanang mga daotang binuhatan sa panimalay sa Israel.

Ezekiel 6:13-14

Unsa man ang buhaton sa mga Israelita ngadto sa mga tumoy sa bukid ug sa ilalom sa kakahoyan?

Maghalad ang mga Israelita ug pahumot nga makapahimuot sa tanan nilang mga diosdios.

Unsa man ang mahitabo sa yuta sa dihang hampakon kini ni Yahweh?

Mahimong maawa-aw ug biniyaan ang maong yuta sa dihang hampakon kini ni Yahweh.

Ezekiel 7

Ezekiel 7:1-2

Sumala sa pulong ni Yahweh, unsa man ang moabot sa yuta sa Israel?

Sumala sa pulong ni Yahweh, moabot na ang kataposan ngadto sa yuta sa Israel.

Ezekiel 7:3-4

Sumala sa unsa man ang hukom ni Yahweh sa Israel?

Hukman ni Yahweh ang Israel sumala sa ilang mga binuhatan.

Ezekiel 7:5-7

Unsa man ang panahon nga moabot sa Israel?

Moabot sa Israel ang panahon sa kadaot ug kalaglagan.

Ezekiel 7:8-9

Unsa man ang ipahamtang ug ang pun-on ni Yahweh batok sa Israel?

Ipahamtang ni Yahweh ang iyang kapungot ug pun-on niya ang Israel sa iyang kaligutgot.

Ezekiel 7:10-11

Unsa man ang dili magpabilin sa Israel?

Wala sa pundok, wala sa ilang mga kabtangan, ug wala sa mahinungdanon kanila ang molungtad.

Ezekiel 7:12-13

Nganong kinahanglan man nga dili magmaya ang mga tigpalit ug dili magbangotan ang tigbaligya sa Israel?

Kinahanglan nga dili magmaya ang tigpalit ug dili magbangotan ang tigbaligya tungod kay anaa ang kasuko ni Yahweh ngadto sa tibuok pundok.

Ezekiel 7:14-16

Unsa man ang kamatyan niadtong anaa sa siyudad?

Mangamatay sa kagutom ug hampak kadtong anaa sa siyudad.

Asa man mangikyas ang mga nangaluwas?

Moikyas ang mga nangaluwas ngadto sa mga kabukiran.

Ezekiel 7:17-19

Unsa man ang dili makaluwas sa mga Israelita?

Dili makaluwas sa mga Israelita ang ilang mga bulawan ug plata.

Ezekiel 7:20-22

Unsa man ang mahitabo sa mga gidayandayan sa mga Israelita?

Ihatag ang mga dayandayan ngadto sa mga kamot sa mga dumoduong ug mga daotan ingon nga kinawat.

Unsa man ang mahitabo sa dapit nga giampingan ni Yahweh?

Manulod ang mga kawatan ngadto sa dapit nga giampingan ni Yahweh ug hugawhugawan kini.

Ezekiel 7:23-25

Unsa man ang pangitaon sa mga Israelita apan dili nila makaplagan?

Mangita ang mga Israelita ug kalinaw, apan wala silay makaplagan nga kalinaw.

Ezekiel 7:26-27

Unsa man ang mahitabo sa dihang mangita sila ug panan-awon gikan sa propeta?

Sa dihang mangita ug panan-awon ang katawhan, mawagtang ang mga balaod ug ang tambag.

Unsa man ang buhaton sa hari ug sa katawhan sa dihang moabot na ang paghukom ni Yahweh?

Sa dihang moabot na ang paghukom, magbangotan ang hari ug mangalisang sa kahadlok ang katawhan.

Ezekiel 8

Ezekiel 8:1-2

Asa man si Ezekiel sa dihang mitapion kaniya ang kamot ni Yahweh nga Ginoo?

Naglingkod si Ezekiel sulod sa iyang balay, kauban ang mga kadagkoan sa Juda nga naglingkod sa iyang atubangan.

Ezekiel 8:3-4

Asa man gidala sa Espiritu si Ezekiel, ug unsa man ang iyang nakita didto?

Gidala sa Espiritu si Ezekiel sa sulod sa Amihanang bahin sa Ganghaan sa Jerusalem, diin nakita niya ang diosdios nga naghagit ug pangabugho.

Ezekiel 8:5-6

Unsa man ang giingon sa Espiritu nga napugos siya sa pagbuhat tungod sa hilabihang kadaotan sa panimalay sa Israel?

Miingon ang Espiritu nga napugos siya sa pagpalayo gikan sa iyang balaang dapit.

Ezekiel 8:7-11

Human bakbaki ni Ezekiel ang paril ug nakita ang pultahan, unsa man ang gisulti sa Espiritu kang Ezekiel nga iyang buhaton?

Misulti kang Ezekiel ang Espiritu, "Lakaw ug tan-awa ang daotan nga ilang ginabuhat dinhi"

Ezekiel 8:12-13

Unsa man ang ginangon sa mga kadagkoan mahitungod kang Yahweh samtang nagsimba sila sa ilang mga diosdios?

Nagaingon ang mga kadagkoan nga dili sila makita ni Yahweh ug gisalikway ni Yahweh ang yuta.

Ezekiel 8:14-15

Unsa man ang nakita ni Ezekiel nga ginabuhat sa kababayen-an sa ganghaan sa amihanang bahin sa balay ni Yahweh?

Nagalingkod nga nagbangotan ang kababayen-an didto alang kang Tamuz

Ezekiel 8:16

Unsa man ang nakita ni Ezekiel sulod sa hawanan sa balay ni Yahweh?

Adunay 25 ka kalalakin-an nga nag-atubang sa sidlakan nga nagasimba kay Shamesh.

Ezekiel 8:17-18

Tungod sa mga kadaotan sa panimalay sa Israel, unsa man ang giingon sa Espiritu nga iyang himoon?

Miingon ang Espiritu nga mamuhat siya ug dili sila palingkawason, ni maluoy bisan mohilak pa sila sa makusog nga tingog

Ezekiel 9

Ezekiel 9:1-2

Si kinsa man ang gitawag sa Espiritu nga moadto sa siyudad?

Gitawag sa Espiritu ang unom ka kalalakin-an nga adunay mga hinagiban sa kalaglagan, ug usa ka tawo dala ang kagamitan sa usa ka escriba.

Ezekiel 9:3-4

Asa man gikan nga mikayab ang himaya sa Dios sa Israel, ug asa man kini miadto?

Mikayab ang himaya sa Dios sa Israel gikan sa kerubin kung diin anaa kini sa pultahan sa balay.

Unsa man ang gisulti ni Yahweh sa escriba nga buhaton?

Gisultihan ni Yahweh ang escriba sa paghimo ug usa ka timailhan diha sa mga agtang niadtong kalalakin-an nga nag-agulo ug nanghupaw tungod sa tanang mga daotan nga gibuhat diha sa siyudad.

Ezekiel 9:5-6

Unsa man gisulti ni Yahweh nga buhaton sa unom ka kalalakin-an nga adunay mga hinagiban sa kalaglagan?

Gisultian ni Yahweh ang unom ka kalalakin-an nga pamatyon ang tanang katawhan gawas niadtong adunay timailhan sa ilang mga ulo.

Ezekiel 9:7-8

Unsa man ang gipangutana ni Ezekiel kang Yahweh samtang nakita niya ang unom ka kalalakin-an nga misulong sa siyudad?

Gipangutana ni Ezekiel si Yahweh kung laglagon ba ang tanang nahibilin sa Israel tungod sa kapungot ni Yahweh.

Ezekiel 9:9-11

Unsa man ang gitubag ni Yahweh sa pangutana ni Ezekiel?

Mitubag si Yahweh nga hilabihan ang kasal-anan sa panimalay sa Israel ug Juda, ug dili niya sila palingkawason.

Unsa man ang gibalita sa escriba?

Gibalita sa escriba nga nabuhat na niya ang tanang gimando ni Yahweh kaniya.

Ezekiel 10

Ezekiel 10:1-2

Unsa man ang gisulti ni Yahweh nga buhaton sa tawo nga nagbisti ug lino?

Gisultihan ni Yahweh ang tawo nga nagbisti ug lino nga pun-on ang duha niya ka mga kamot sa nagbaga nga mga uling ug ikatag kini sa tibuok siyudad.

Ezekiel 10:3-5

Unya unsa man ang gibuhat sa himaya ni Yahweh?

Mikayab ang himaya ni Yahweh ug mibarog sa pultahan sa balay, napuno ang balay sa panganod ug ang hawanan uban sa kahayag.

Ezekiel 10:6-8

Giunsa man pagdawat sa tawo nga nagbisti ug lino ang baga nga anaa sa mga kerubin?

Misulod ang tawo nga nagbisti ug lino, ug gibayaw sa usa ka kerubin ang baga ug gibutang kini ngadto sa mga kamot sa tawo.

Ezekiel 10:9-11

Asa man nahisama ang mga ligid nga anaa tapad sa mga kerubin?

Sama sa usa ka ligid nga mitagbo sa ubang ligid Ang mga ligid nga anaa tapad sa mga kerubin.

Ezekiel 10:12-14

Unsa man ang naglukop sa mga kerubin ug sa upat ka mga ligid?

Nalukop sa mga mata ang mga kerubin ug ang upat ka mga ligid.

Unsa man ang ginganlan sa upat ka mga ligid?

Ang upat ka mga ligid gitawag nga "Gatuyok."

Ezekiel 10:15-17

Unsa man ang nahitabo sa mga ligid samtang milihok ang mga kerubin?

Moadto ang mga ligid sa tapad sa mga kerubin sa dihang milihok ang mga kerubin.

Ezekiel 10:18-19

Asa man miadto ang himaya ni Yahweh, ang mga kerubin, ug ang mga ligid?

Miadto ang himaya ni Yahweh, ang mga kerubin, ug ang mga ligid sa sidlakang pultahan sa balay ni Yahweh.

Ezekiel 10:20-22

Asa man nakita ni Ezekiel ang sama nga buhing mga binuhat kaniadto?

Nakita ni Ezekiel ang sama nga buhing mga binuhat kaniadto didto sa Chebar canal.

Ezekiel 11

Ezekiel 11:1

Unsa man ang nakita ni Ezekiel sa dihang gidala siya sa Espiritu ngadto sa sidlakang bahin sa ganghaan sa balay ni Yahweh?

Nakita ni Ezekiel ang 25 ka kalalakin-an, uban sa mga pangulo sa katawhan diha sa ilang taliwala.

Ezekiel 11:2-4

Sa unsa mang sad-an ang 25 ka kalalakin-an sumala sa giingon ni Yahweh?

Miingon ang Dios nga sad-an ang mga kalalakin-an diha sa paglaraw ug daotan ngadto sa siyudad.

Ezekiel 11:5-7

Unsa man nga mga butang ang gipuno sa 25 ka kalalakin-an sa kadalanan?

Gipuno sa 25 ka kalalakin-an ang kadalanan sa mga patay'ng lawas sa mga tawo nga ilang gipamatay.

Ezekiel 11:8-10

Unsa man ang gikahadlokan sa 25 ka kalalakin-an, ug unsa man ang giingon ni Yahweh nga iyang dad-on?

Gikahadlokan sa 25 ka kalalakin-an ang espada, ug miingon si Yahweh nga pagadad-on niya ang espada ngadto kanila.

Kang kinsa man nga mga kamot itugyan ni Yahweh ang 25 ka kalalakin-an?

Itugyan ni Yahweh ang 25 ka kalalakin-an ngadto sa mga kamot sa mga langyaw.

Diin man pagahukman ni Yahweh ang 25 ka kalalakin-an ug tungod sa hukom ni Yahweh kanila, unsa man ang mahibaloan sa 25 ka kalalakin-an?

Pagahukman ang 25 ka kalalakin-an sa sulod sa mga utlanan sa Israel ug tungod sa hukom ni Yahweh batok kanila, makahibalo ang mga kalalakin-an nga ang Ginoo mao si Yahweh.

Ezekiel 11:11-12

Unsa man nga mga kasugoan ang gituman sa 25 ka kalalakin-an?

Gituman sa 25 ka kalalakin-an ang mga kasugoan sa mga nasod nga nakapalibot kanila.

Ezekiel 11:13-15

Unsa man ang gikahadlokan ni Ezekiel nga buhaton ni Yahweh ngadto sa Israel?

Nahadlok si Ezekiel nga pagalaglagon gayod sa hingpit ni Yahweh ang mga nahibilin sa Israel.

Ezekiel 11:16-18

Unsa man nga saad ang gihatag ni Yahweh sa Israel taliwala sa iyang mga hukom kanila?

Gisaad ni Yahweh nga pagatigomon ang Israel gikan sa mga katawhan, ug tigomon sila didto sa yuta sa Israel.

Ezekiel 11:19-21

Unsa man ang gisaad ni Yahweh nga tanggalon gikan sa katawhan sa Israel, ug unsa man ang iyang ihatag aron ipuli niini?

Misaad si Yahweh nga pagakuhaon niya ang ilang kasingkasing nga daw sama kagahi sa bato, ug pagahatagan sila ug humok nga kasingkasing.

Unya asa man maglakaw ang katawhan sa Israel?

Maglakaw sa mga balaod ug sa mga kasugoan ni Yahweh ang katawhan sa Israel.

Unsa man ang giingon ni Yahweh nga iyang buhaton niadtong naglakaw uban sa paghigugma sa ilang dulumtanan nga mga butang?

Miingon si Yahweh nga ipasumbalik niya kanila ang ilang binuhatan.

Ezekiel 11:22-23

Diin man mibiya ang himaya ni Yahweh ug diin man kini miadto?

Mibiya ang himaya ni Yahweh taliwala sa siyudad ug mitindog ngadto sa bukid sa sidlakang bahin sa siyudad.

Ezekiel 11:24-25

Unsa man ang gibuhat ni Ezekiel sa dihang gidala siya sa Espiritu didto sa Caldea?

Gipahayag ni Ezekiel ngadto sa mga binihag ang tanang mga butang ni Yahweh nga iyang nakita.

Ezekiel 12

Ezekiel 12:1-2

Diin man nagpuyo si Ezekiel sumala sa giingon ni Yahweh?

Miingon si Yahweh nga nagpuyo si Ezekiel sa taliwala sa masinupakon nga panimalay.

Ezekiel 12:3

Unsa man ang buhaton ni Ezekiel sa atubangan sa mga tawo sa Israel?

Nangandam si Ezekiel alang sa pagkabinihag, sa pag-adto sa laing dapit diha sa ilang atubangan.

Ezekiel 12:4-7

Unsaon man paggawas ni Ezekiel sumala sa gisulti ni Yahweh?

Gisultihan ni Yahweh si Ezekiel nga bakbakon ang paril ug mogawas agi niini.

Unsa man ang katuyoan sa pagkabihag ni Ezekiel, sumala kang Yahweh?

Miingon si Yahweh nga ang pagkabihag ni Ezekiel usa ka timaan ngadto sa panimalay sa Israel.

Ezekiel 12:8-10

Unsa man ang gipangutana sa panimalay sa Israel ngadto kang Ezekiel sa iyang paggawas sa iyang balay?

Nangutana ang katawhan sa Israel, "Unsa man ang imong ginabuhat?"

Mahitungod kang kinsa man ang pagpanagna nga gibuhat ni Ezekiel?

Mahitungod sa prinsipe sa Jerusalem ug sa tibuok panimalay sa Israel ang gibuhat nga pagpanagna ni Ezekiel.

Ezekiel 12:11-13

Unsa man ang giingon ni Yahweh nga mahitabo sa prinsipe sa Jerusalem?

Miingon si Yahweh nga mogawas agi sa paril ang prinsipe sa Jerusalem, apan madakpan siya ug pagadad-on sa Babilonia diin mamatay siya nga buta.

Ezekiel 12:14-18

Unsa man ang giingon ni Yahweh nga mahitabo ngadto sa kasundalohan sa prinsipe sa Jerusalem?

Miingon si Yahweh nga magkatibulaag ang kasundalohan, ug magpadala siya ug espada nga mogukod kanila.

Unsa man ang duha ka mga rason nga giingon ni Yahweh nganong luwason niya ang pipila ka mga kalalakin-an?

Miingon si Yahweh nga luwason niya ang pipila ka mga kalalakin-an aron nga malista nila ang tanang kadaotan sa Israel, ug aron nga makahibalo sila nga si Yahweh mao ang Ginoo.

Ezekiel 12:19-20

Sa unsa man nga pamaagi mokaon ug moinom ang katawhan sa yuta sa Israel sumala sa giingon ni Yahweh?

Miingon si Yahweh nga pagakaonon sa mga tawo ang ilang mga tinapay ug pagaimnon nila ang ilang mga tubig uban ang pagpangurog tungod sa kahadlok.

Unsa man ang giingon ni Yahweh nga mahitabo ngadto sa mga siyudad ug sa yuta?

Miingon si Yahweh nga maawaaw ang mga siyudad ug mabiniyaan ang yuta.

Ezekiel 12:21-23

Unsa man ang gihunahuna sa katawhan sa Israel mahitungod sa gipanagna nga mga panan-awon?

Naghunahuna ang katawhan nga gilangay ug gipakyas ang matag gipanagna nga panan-awon.

Ezekiel 12:24-25

Unsa man ang giingon ni Yahweh nga mawala sa sulod sa panimalay Israel

Miingon si Yahweh nga mawala na ang bakak nga mga panan-awon o mga maanindot nga pagpanagna sa sulod sa panimalay sa Israel.

Ezekiel 12:26-28

Sumala sa gihunahuna sa panimalay sa Israel, kanus-a pa man matuman ang gipanagna nga panan-awon ni Ezekiel?

Miingon ang panimalay sa Israel, 'Mahitabo ang panan-awon nga iyang nakita sa pipila pa ka mga adlaw ug ang iyang mga gipanagna sa dugay pa nga panahon.'

Unsa man ang giingon ni Yahweh mahitungod sa katumanan sa panan-awon ni Ezekiel?

Miingon si Yahweh nga dili na gayod malangan pa ang iyang pulong apan mahitabo gayod ang iyang giingon.

Ezekiel 13

Ezekiel 13:1-4

Diin man gikan ang mga gipanagna sa mini nga mga propeta sa Israel?

Ginapanguha sa mini nga mga propeta ang ilang mga gipanagna gikan sa ilang kaugalingong mga hunahuna ug mga espiritu.

Ezekiel 13:5-7

Unsa man ang wala gibuhat sa mini nga mga propeta?

Wala giayo sa mini nga mga propeta ang paril palibot sa panimalay sa Israel.

Unsa man ang ginaingon sa mini nga mga propeta, bisan ug wala sila gipadala ni Yahweh?

Nagaingon ang mini nga mga propeta, "Mao kini, ug mao kana ang gipahayag ni Yahweh," bisan ug wala sila gipadala ni Yahweh.

Ezekiel 13:8-12

Unsa man ang gipahayag ni Yahweh batok sa mini nga mga propeta sa Israel?

Gipahayag ni Yahweh nga batok sa mini nga mga propeta ang iyang kamot, ug dili gayod sila malista sa talaan sa panimalay sa Israel.

Ezekiel 13:13-14

Unsa man ang mahibaloan sa mga tawo sa dihang laglagon ni Yahweh ang mini nga mga propeta?

Makahibalo ang mga tawo nga si Yahweh mao ang Ginoo.

Ezekiel 13:15-16

Unsa man ang giingon ni Yahweh nga iyang buhaton sa paril ug sa mga nagpaputi niini?

Miingon si Yahweh nga iyang pagalaglagon ang paril ug kadtong mga nagpaputi niini.

Unsa man ang gipanagna sa mini nga mga propeta ngadto sa katawhan mahitungod sa Jerusalem?

Nagpanagna ug kalinaw alang sa Jerusalem ang mini nga mga propeta.

Ezekiel 13:17-19

Unsa man ang gipabuhat sa "anak sa tawo" mahitungod sa mga babayeng anak sa iyang katawhan nga nagapanagna gikan sa ilang kaugalingong mga hunahuna?

Gipapanagna ang "anak sa tawo" batok kanila.

Unsa man ang gamit sa mga anting-anting ug sa mga belo nga gibuhat sa mga babaye?

Gigamit alang sa pagpangilad ug mga tawo ang mga anting-anting ug ang mga belo nga gibuhat sa mga babaye.

Ezekiel 13:20-21

Unsa man ang giingon ni Yahweh nga iyang buhaton alang sa iyang katawhan nga nalit-ag?

Miingon si Yahweh nga buhian niya ang mga tawo nga nalit-ag.

Ezekiel 13:22-23

Unsa man ang ginabuhat sa mini nga mga propeta ngadto sa tawong matarong ug sa tawong daotan?

Gipaluya sa mini nga mga propeta ang tawong matarong ug gidasig ang tawong daotan.

Unsa man ang giingon ni Yahweh nga dili na mabuhat sa mini nga mga propeta?

Miingon si Yahweh nga dili na makasulti ug bakak nga mga panan-awon ug bakak nga mga pagpanagna ang mini nga mga propeta.

Ezekiel 14

Ezekiel 14:1-3

Kinsa man ang miadto kang Ezekiel aron magpakisayod kaniya?

Miadto kang Ezekiel ang mga kadagkoan sa Israel ug nagpakisayod kaniya.

Nganong nangutana man si Yahweh kung angay ba siyang pakisayoran niining mga tawhana?

Nangutana si Yahweh tungod kay gihigugma man sa mga kadagkoan ang ilang mga diosdios.

Ezekiel 14:4-5

Sumala kang Yahweh unsaon man niya pagtubag kadtong mga naghigugma sa ilang mga diosdios?

Miingon si Yahweh nga tubagon niya kadtong mga naghigugma sa ilang mga diodios sumala sa gidaghanon sa ilang mga diosdios.

Ezekiel 14:6

Unsa man ang giingon ni Yahweh nga himoon sa panimalay sa Israel?

Giingnan ni Yahweh ang panimalay sa Israel nga maghinulsol ug talikdan ang ilang mga diosdios.

Ezekiel 14:7-8

Unsa man ang giingon ni Yahweh nga iyang himoon sa matag tawo nga nagsimba ug mga diosdios ug unya nagapakisayod gikan sa propeta mahitungod kang Yahweh?

Miingon si Yahweh nga himoon niya nga usa ka timaan ug pasidaan kining tawhana pinaagi sa pagpahawa kaniya gikan sa katawhan sa Israel.

Ezekiel 14:9-11

Unsa man ang giingon ni Yahweh nga iyang himoon sa matag nalimbongan nga propeta?

Miingon si Yahweh nga limbongan ug laglagon niya ang maong propeta.

Unsa man nga relasyon ang gusto ni Yahweh tali sa katawhan sa Israel?

Miingon si Yahweh nga buot niya silang mahimong iyang katawhan ug siya ang mahimo nilang Dios.

Ezekiel 14:12-14

Sa dihang nagpahamtang si Yahweh ug paghukom, unsa man ang mahimo sa tanan bisan pa sa labing matarong sa yuta?

Sa dihang nagpahamtang ug paghukom si Yahweh, bisan pa ang labing matarong sa yuta makahimo lamang sa pagluwas sa ilang kaugalingong mga kalag.

Kinsa man ang gigamit ni Yahweh nga pananglitan ingon nga mga labing matarong nga kalalakin-an sa karaang panahon?

Gigamit ni Yahweh nga pananglitan ang pipila sa labing matarong nga mga kalalakin-an sa karaang panahon nga mao sila Noa, Daniel ug Job.

Ezekiel 14:15-20

Kinsa man ang gigamit ni Yahweh nga pananglitan ingon nga mga labing matarong nga kalalakin-an sa karaang panahon?

Gigamit ni Yahweh nga pananglitan ang pipila sa mga labing matarong nga mga kalalakin-an sa karaang panahon nga mao sila Noa, Daniel ug Job.

Sa dihang nagpahamtang si Yahweh ug paghukom diha sa yuta, kinsa man ang dili maluwas sa labing matarong nga tawo?

Sa dihang nagpahamtang si Yahweh ug paghukom diha sa yuta, ang labing matarong nga tawo sa yuta dili makahimo sa pagluwas sa ilang mga anak nga lalaki ug babaye.

Ezekiel 14:21

Unsa man ang upat ka mga silot nga giingon ni Yahweh nga iyang ipadala ngadto sa Jeusalem?

Miingon si Yahweh nga magpadala siya ug upat ka mga silot sa kagutom, espada, ihalas nga mga mananap ug hampak.

Ezekiel 14:22-23

Human sa paghukom ni Yahweh, kinsa man ang mahibilin?

Human sa paghukom ni Yahweh, mahibilin ang mga salin nga moikyas uban ang iyang mga anak nga lalaki ug babaye.

Unsa man ang makahupay kang Ezekiel?

Nahupay si Ezekiel sa dihang nakita niya ang mga binuhatan sa mga nahibilin nga nakaikyas.

Ezekiel 15

Ezekiel 15:1-4

Unsa man ang duha ka mga butang sa kalasangan ang gitandi ni Yahweh?

Gitandi ni Yahweh ang paras sa bisan unsang kahoy nga adunay mga sanga.

Ezekiel 15:5-6

Sumala sa giingon ni Yahweh nga Ginoo nganong gihatag man niya ang paras?

Miingon si Yahweh nga gihatag niya ang paras aron pangsugnod sa kalayo.

Nganong nakaingon man si Yahweh nga nahisama sa paras ang mga lumolupyo sa Jerusalem?

Miingon si Yahweh nga nahisama sa paras ang mga lumolupyo sa Jerusalem tungod kay gihatag man kining duha ingon nga pangsugnod sa kalayo.

Ezekiel 15:7-8

Unsa man ang mahibaloan sa tanan sa dihang laglagon ni Yahweh pinaagi sa kalayo ang mga lumolupyo sa Jerusalem?

Masayran sa tanan nga si Yahweh ang Ginoo.

Nganong himoon man ni Yahweh nga biniyaan ug maawaaw ang yuta?

Himoon ni Yahweh nga biniyaan ug maawaaw ang yuta tungod kay nakasala man ang mga lumolupyo sa Jerusalem.

Ezekiel 16

Ezekiel 16:1-3

Asa man nga dapit ang giingon ni Yahweh nga nagsugod ug kahimugso ang Jerusalem?

Miingon si Yahweh nga nagsugod ug kahimugso ang Jerusalem didto sa yuta sa Canaan.

Ezekiel 16:4-5

Unsa man ang gibuhat ngadto sa Jerusalem sa adlaw nga nahimugso kini?

Gilabay ang Jerusalem ngadto sa hawan nga kaumahan sa adlaw nga kini nahimugso.

Ezekiel 16:6-7

Unsa man ang gibuhat ni Yahweh alang sa Jerusalem human sa pagkahimugso niini?

Gipatubo ni Yahweh ang Jerusalem nga sama sa tanom sa kaumahan human kini mahimugso.

Ezekiel 16:8-12

Unsa man ang gibuhat ni Yahweh alang sa Jerusalem sa dihang nakaabot na kini sa hustong pangidaron?

Gibukhad ni Yahweh ngadto sa Jerusalem ang iyang kupo, ug nagbuhat ug kasabotan diha kaniya.

Ezekiel 16:13-14

Nganong miabot man sa ubang mga kanasoran ang kabantog sa Jerusalem?

Miabot ang kabantog sa Jerusalem sa ubang mga kanasoran tungod sa katahom niini.

Ezekiel 16:15-19

Unsa man ang gibuhat sa Jerusalem sa dihang miabot ang kabantog niini sa ubang mga kanasoran?

Nagpakahisama sa usa ka babayeng nagbaligya ug dungog ang Jerusalem human nga miabot sa ubang mga kanasoran ang kabantog niini.

Ezekiel 16:20-22

Unsa man ang gibuhat sa Jerusalem sa iyang mga anak nga lalaki ug babaye nga nahimugso alang kang Yahweh?

Gihalad sa Jerusalem ang iyang mga anak nga lalaki ug babaye ngadto sa mga diosdios.

Ezekiel 16:23-26

Unsa man ang gibuhat sa Jerusalem sa matag plasa?

Nagbuhat ang Jerusalem ug balaan nga mga dapit sa matag plasa.

Ezekiel 16:27-31

Unsa man ang gisulti ni Yahweh nga iyang kuhaon tungod sa malaw-ay nga binuhatan sa Jerusalem?

Miingon si Yahweh nga kuhaon niya ang pagkaon sa Jerusalem tungod sa malaw-ay nga binuhatan niini.

Ezekiel 16:32-34

Unsa man ang giingon ni Yahweh nga kalahian tali sa Jerusalem ug sa matag babaye nga nagabaligya ug dungog?

Miingon si Yahweh nga ang kalahian mao nga ginabayaran ang mga babayeng nagabaligya ug dungog, apan ang Jerusalem maoy nagabayad ug nagasuhol sa ilang mga laki.

Ezekiel 16:35-39

Kinsa man ang giingon ni Yahweh nga iyang tigomon batok sa Jerusalem?

Miingon si Yahweh nga tigomon niya ang tanang mga lalaki sa Jerusalem batok kaniya sa iyang matag kiliran.

Ezekiel 16:40-46

Unsa man ang kabag-ohan sa batasan ni Yahweh ngadto sa Jerusalem human nga kini masilotan?

Human masilotan ang Jerusalem, mawala ang kasuko ni Yahweh sa Jerusalem.

Ezekiel 16:47-48

Miingon si Yahweh nga nagbuhat ang Jerusalem ug mas labaw pa kadaotan kaysa sa ubang mga dapit?

Miingon si Yahweh nga mas hilabihan ang nabuhat nga daotan sa Jerusalem kaysa sa Sodoma ug Samaria.

Ezekiel 16:49-55

Kinsa man ang wala gitabangan sa Sodoma?

Wala gitabangan sa Sodoma ang mga kabos ug mga nanginahanglan.

Ezekiel 16:56-58

Unsa man ang gihunahuna sa mga katawhan nga nagpalibot sa Jerusalem mahitungod sa siyudad?

Gidumtan ug gihimong talamayon nga butang sa mga katawhan nga anaa sa palibot sa Jerusalem.

Ezekiel 16:59

Miingon si Yahweh nga tagdon niya ang Jerusalem sama sa pagtagad niya sa bisan kinsang nakabuhat ug unsa?

Miingon si Yahweh nga tagdon niya ang Jerusalem sama sa iyang pagtagad sa bisan kinsa nga nagsupak sa kasabotan.

Ezekiel 16:60-61

Unsa man ang gisulti ni Yahweh nga iyang hinumduman ug buhaton?

Miingon si Yahweh nga hinumdoman niya ang kasabotan tali sa Jerusalem ug magbuhat ug walay kinutoban nga kasabotan tali niini.

Ezekiel 16:62-63

Unsa man ang bation sa Jerusalem sa dihang pasayloon na sila ni Yahweh sa ilang mga gibuhat?

Maulaw ug dili na gayod moistorya ang Jerusalem tungod sa kaulaw.

Ezekiel 17

Ezekiel 17:1-4

Unsa man ang gisulti ni Yahweh kang Ezekiel nga ihatag ug isulti ngadto sa panimalay sa Israel?

Gisultihan ni Yahweh si Ezekiel nga mohatag ug usa ka tigmo ug mosulti sa usa ka sambingay ngadto sa panimalay sa Israel.

Sa sambingay, asa man gitanom sa dakong agila ang mga tumoy sa sanga sa kahoy nga sidro?

Gitanom sa dakong agila ang tumoy sa sanga sa kahoy nga sidro didto sa yuta sa Canaan sa siyudad sa mga tigpatigayon.

Ezekiel 17:5-6

Sa sambingay, asa man gitanom sa dakong agila ang binhi sa maong yuta, ug giunsa man niini pagtubo?

Gitanom sa dakong agila ang binhi sa daplin sa suba, ug nisangasanga ang paras ug misalingsing.

Ezekiel 17:7-8

Sa sambingay, unsa man ang gibuhat sa paras sa dihang miabot ang lain pang dako nga agila?

Mikatay ang mga gamot sa paras ngadto sa lain pang dako nga agila.

Ezekiel 17:9-10

Unsa man ang giingon ni Yahweh sa maong sambingay nga mahitabo sa paras?

Miingon si Yahweh nga hingpit nga malaya ang paras sa gitanoman niini.

Ezekiel 17:11-12

Unsa man ang gibuhat sa hari sa Babilonia sa hari sa Jerusalem?

Gidala sa hari sa Babilonia ang hari sa Jerusalem ngadto sa Babilonia.

Ezekiel 17:13-14

Unsa man ang gibuhat sa hari sa Babilonia tali sa harianon nga kaliwat sa hari sa Jerusalem?

Naghimo ug kasabotan ang hari sa Babilonia tali sa harianon nga kaliwat sa hari sa Jerusalem.

Giunsa man pagsulti ni Yahweh nga maluwas ang yuta sa Israel?

Miingon si Yahweh nga maluwas ang yuta sa Israel pinaagi sa pagtuman sa kasabotan sa hari sa Jerusalem tali sa hari sa Babilonia.

Ezekiel 17:15-18

Giunsa man pagsupak sa hari sa Jerusalem ang kasabotan nga gihimo niya tali sa hari sa Babilonia?

Misupak ang hari sa Jerusalem ug nagpadala ug mga tigpamaba ngadto sa Ehipto aron nga mokuha ug mga kabayo ug mga kasundalohan.

Unsa man ang giingon ni Yahweh nga mahitabo sa hari sa Jerusalem?

Miingon si Yahweh nga mamatay ang hari sa Jerusalem didto sa taliwala sa Babilonia.

Ezekiel 17:19-21

Sumala kang Yahweh, kang kinsa man nga kasabotan ang gisupak sa hari sa Jerusalem?

Sumala kang Yahweh, gisupak sa hari sa Jerusalem ang iyang kasabotan tali kang Yahweh.

Unsa man ang gipahayag ni Yahweh nga mahitabo sa mga kasundalohan sa hari sa Jerusalem?

Gipahayag ni Yahweh nga mangamatay ang mga kasundalohan sa hari sa Jerusalem pinaagi sa espada.

Ezekiel 17:22-24

Unsa man ang gisulti ni Yahweh nga iyang buhaton sa salingsing sa mga sanga sa kahoy nga sidro.

Miingon si Yahweh nga itanom niya ang salingsing sa mga sanga ngadto sa taas nga bukid.

Unsa man ang mahitabo sa salingsing sa mga sanga nga gitanom ni Yahweh?

Mahimong maanindot nga kahoyng sidro ang salingsing sa mga sanga nga gitanom ni Yahweh diin mopuyo ang mga langgam.

Ezekiel 18

Ezekiel 18:3-6

Unsa man ang gipahayag ni Yahweh nga mahitabo sa matag tawo nga nakasala?

Gipahayag ni Yahweh nga mangamatay ang matag tawo nga nakasala.

Ezekiel 18:7-11

Unsa man ang gitabang sa matarong nga tawo?

Gihatag sa matarong nga tawo ang iyang pagkaon ngadto sa mga gigutom ug gibistihan ang mga tawong hubo.

Unsa man ang gisunod ug gituman sa matarong nga tawo?

Gisunod sa tawong matarong ang mga balaod ni Yahweh ug gituman ang mga kasugoan ni Yahweh.

Unsa man ang gipahayag ni Yahweh nga mahitabo sa tawong matarong?

Gipahayag ni Yahweh nga mabuhi ang tawong matarong.

Ezekiel 18:12-15

Kung adunay anak ang tawong matarong nga modaugdaog sa mga kabos ug sa mga nanginahanglan, unsa man ang gipahayag ni Yahweh nga mahitabo kaniya?

Gipahayag ni Yahweh nga dili mabuhi ang dili matarong nga anak nga lalaki.

Ezekiel 18:16-18

Kung wala gisunod sa anak ang sala sa iyang amahan, mamatay ba ang anak tungod sa sala sa iyang amahan?

Kung gituman sa anak nga lalaki ang mga kasugoan ni Yahweh ug nagsunod sumala sa mga balaod ni Yahweh, nan dili siya mamatay tungod sa sala sa iyang amahan.

Ezekiel 18:19-20

Nganong dili man mapanunod sa matarong nga anak ang mga sala sa iyang amahan?

Dili mapanunod sa matarong nga anak nga lalaki ang sala sa iyang amahan tungod kay nagmakiangayon ug matarong man siya.

Ezekiel 18:21-23

Unsa man ang gipahayag ni Yahweh nga mahitabo sa tawong daotan nga mibiya sa tanan niyang mga sala?

Gipahayag ni Yahweh nga mabuhi gayod ang tawong daotan nga mibiya sa tanan niyang mga sala.

Ezekiel 18:24-28

Unsa man ang gipahayag ni Yahweh nga mahitabo sa tawong matarong nga mibiya sa iyang pagkamatarong ug mibuhat ug mga sala ug naghimo ug mga daotan?

Gipahayag ni Yahweh nga ang tawong matarong nga mibiya sa iyang pagkamatarong ug mibuhat ug sala mamatay sa sala nga iyang gibuhat.

Ezekiel 18:29-30

Unsaon man pag-ingon ni Yahweh nga hukman niya ang matag usa ka tawo?

Miingon si Yahweh nga hukman niya ang matag tawo sumala sa ilang mga binuhatan.

Unsa man ang gisulti ni Yahweh nga buhaton sa panimalay sa Israel?

Gisultihan ni Yahweh ang panimalay sa Israel nga maghinulsol ug mobiya gikan sa tanan nilang mga sala.

Ezekiel 18:31-32

Unsa man ang gisulti ni Yahweh ngadto sa panimalay sa Israel nga buhaton alang sa ilang kaugalingon?

Gisultihan ni Yahweh ang panimalay sa Israel nga bag-ohon ang ilang mga kasingkasing ug espiritu.

Ezekiel 19

Ezekiel 19:1-4

Unsa man ang gisulti kang Ezekiel nga ipataas?

Gisultihan si Ezekiel nga ipataas ang pagbangotan batok sa mga pangulo sa Israel.

Sa sambingay mahitungod sa mga liyon, unsa man ang nakat-onan nga buhaton sa usa sa mga batang liyon?

Nakat-onan sa usa sa mga batang liyon ang pagkuniskunis sa iyang mga tukbonon ug paglamoy sa mga tawo.

Unsa man ang gibuhat sa mga nasod sa dihang nadungog nila ang mahitungod niining batang liyon?

Gilit-ag sa mga nasod ang batang liyon ug gidala siya ngadto sa yuta sa Ehipto.

Ezekiel 19:5-7

Human nawala ang unang batang liyon, unsa man ang nakat-onan nga buhaton sa ikaduha nga batan-on nga liyon?

Nakakat-on ang ikaduhang batan-on nga liyon sa pagkuniskunis sa iyang mga tukbonon ug paglamoy sa mga tawo.

Ezekiel 19:8-9

Unsa man ang gibuhat sa mga nasod sa ikaduhang batan-on nga liyon?

Gilit-ag sa mga nasod ang batan-on nga liyon ug gidala siya ngadto sa hari sa Babilonia.

Ezekiel 19:10-11

Asa man nahisama ang inahan sa Israel kaniadto?

Nahisama sa mabungahon nga paras nga gitanom kilid sa tubig ang inahan sa Israel.

Alang sa unsa man gigamit ang iyang lig-on nga mga sanga?

Gigamit ang iyang lig-on nga mga sanga alang sa mga setro sa tigdumala.

Ezekiel 19:12-13

Unsa man ang nahitabo sa paras?

Giibot ang paras, gilabay, ug gipalaya sa hangin nga gikan sa sidlakan.

Asa man ang paras?

Atua sa kamingawan ang paras.

Ezekiel 19:14

Unsa man ang nawala sa paras?

Wala nay lig-on nga mga sanga ang paras o setro aron nga modumala.

Ezekiel 20

Ezekiel 20:1

Kinsa man ang nangabot ngadto kang Ezekiel ug nganong mianha man sila?

Nangabot ngadto kang Ezekiel ang mga kadagkoan aron sa pagpakisayod kang Yahweh.

Ezekiel 20:2-3

Unsa man ang tubag ni Yahweh niadtong nangabot kang Ezekiel?

Miingon si Yahweh nga dili na gayod siya magpakisayod sa mga kadagkoan sa Israel.

Ezekiel 20:4-6

Unsa man ang gipanumpa ni Yahweh nga iyang buhaton alang sa Israel sa dihang didto pa sila sa yuta sa Ehipto?

Nanumpa si Yahweh nga dad-on niya sila ngadto sa yuta nga nagadagayday ang gatas ug dugos.

Ezekiel 20:7

Unsa man ang gimando ni Yahweh sa katawhan sa Israel ngadto sa yuta sa Ehipto?

Gimandoan ni Yahweh ang katawhan sa paglabay sa ilang mga diosdios sa Ehipto.

Ezekiel 20:8-9

Unsa man ang gibuhat sa katawhan sa Israel mahitungod sa mando ni Yahweh?

Misupak ang katawhan batok kang Yahweh ug dili sila buot nga maminaw.

Nganong miingon man si Yahweh nga namuhat siya aron sa pagpagawas sa katawhan sa Israel gikan sa yuta sa Ehipto?

Miingon si Yahweh nga namuhat siya alang sa iyang ngalan aron nga dili kini mapasipalahan diha sa atubangan sa mga nasod.

Ezekiel 20:10-12

Unsa man ang gihatag ni Yahweh sa katawhan sa Israel ngadto sa kamingawan?

Gihatag ni Yahweh ngadto sa iyang katawhan ang iyang mga balaod, mga kasugoan, ug ang mga Adlaw nga Igpapahulay .

Unsa man ang gisulti ni Yahweh nga mahitabo sa katawhan kung motuman sila sa iyang mga kasugoan?

Gisultihan ni Yahweh ang iyang katawhan nga mabuhi sila kung motuman sila sa iyang mga kasugoan.

Ezekiel 20:13-14

Unsa man ang gibuhat sa katawhan sa Israel sa gihatag ni Yahweh kanila didto sa kamingawan?

Misupak ang katawhan batok kang Yahweh ug gisalikway ang iyang mga kasugoan.

Unsa man ang gisulti ni Yahweh sa katawhan nga mahitabo kanila kung motuman sila sa iyang mga kasugoan?

Gisultihan ni Yahweh ang iyang katawhan nga mabuhi sila kung motuman sila sa iyang mga kasugoan.

Ezekiel 20:15-20

Unsa man ang gipanumpa ni Yahweh nga dili niya buhaton alang sa katawhan sa Israel tungod kay gisalikway nila ang iyang mga kasugoan?

Misaad si Yahweh nga dili na niya sila dad-on ngadto sa yuta nga ihatag niya kanila.

Ezekiel 20:21-22

Unsa man ang gibuhat sa mga anak nga lalaki ug babaye sa Israel sa dihang gimandoan sila ni Yahweh nga molakaw diha sa iyang mga kasugoan?

Misupak batok kang Yahweh ang mga anak nga lalaki ug mga babaye ug wala nila tumana ang iyang mga kasugoan.

Unsa man ang gisulti ni Yahweh sa katawhan nga mahitabo kanila kung motuman sila sa iyang mga kasugoan?

Gisultihan ni Yahweh ang katawhan nga mabuhi sila kung motuman sila sa iyang mga kasugoan.

Ezekiel 20:23-26

Unsa man ang gipanumpa ni Yahweh nga buhaton niya sa mga anak nga lalaki ug mga babaye sa Israel?

Gipanumpa ni Yahweh nga patibulaagon sila sa taliwala sa kanasoran.

Ezekiel 20:27-29

Giunsa man pagpasipala ug pagluib sa mga amahan sa Israel si Yahweh?

Gipasipalahan ug giluiban sa mga amahan sa Israel si Yahweh pinaagi sa paghalad ug mga halad sa mga diosdios ngadto sa taas nga mga dapit.

Ezekiel 20:30-32

Unsa man ang gibuhat sa katawhan sa Israel sa ilang mga anak nga lalaki?

Gisunog sa katawhan sa Israel ang ilang mga anak nga lalaki.

Unsa man ang gihunahuna sa katawhan sa Israel?

Naghunahuna ang katawhan sa Israel nga buot silang mahisama sa ubang mga nasod, nga nagasimba sa kahoy ug bato.

Ezekiel 20:33-35

Unsa man ang gisulti ni Yahweh nga iyang buhaton sa katawhan sa Israel aron nga atubangon sila ug pagahukman?

Miingon si Yahweh nga tapokon niya ang katawhan sa Israel gikan sa mga nasod diin sila nagkatibulaag ngadto sa kamingawan sa mga katawhan.

Ezekiel 20:36-39

Unsa man ang giingon ni Yahweh nga iyang laglagon gikan sa taliwala sa katawhan sa Israel?

Miingon si Yahweh nga laglagon niya ang mga masinupakon ug ang mga malapason gikan sa taliwala sa katawhan sa Israel.

Ezekiel 20:40-41

Human gitigom ni Yahweh ang panimalay sa Israel didto sa iyang balaan nga bukid, giunsa man pagtagad sa Israel si Yahweh?

Human gitigom ni Yahweh ang panimalay sa Israel didto sa iyang balaan nga bukid, gitagad sa Israel si Yahweh ingon nga balaan sa panan-aw sa kanasoran.

Ezekiel 20:42-44

Unsa man ang nahunahunaan sa panimalay sa Israel sa ilang kaugalingon samtang nahinumdoman nila ang ilang daotan nga mga binuhatan?

Kasilagan sa panimalay sa Israel ang ilang kaugalingon tungod sa tanang daotan nga mga binuhatan nga ilang nabuhat.

Ezekiel 20:45-47

Unsa man nga pahayag ang gihimo ni Yahweh batok sa kalasangan sa Negev?

Gipahayag ni Yahweh nga pasilaobon niya ang kalayo nga magsunog sa tanang tawo gikan sa habagatan paingon sa amihanan.

Ezekiel 20:48-49

Unsa man ang giingon sa katawhan sa Israel mahitungod kang Ezekiel?

Nag-ingon ang katawhan sa Israel nga nagasulti lamang ug mga sambingay si Ezekiel.

Ezekiel 21

Ezekiel 21:1-5

Batok kang kinsa man pasultihon ni Yahweh si Ezekiel?

Gisultihan ni Yahweh si Ezekiel nga mosulti batok sa mga balaang dapit; batok sa yuta sa Israel.

Kinsa man ang giingnan ni Yahweh nga pagapuohon niya gikan sa yuta sa Israel?

Miingon si Yahweh nga iyang pagapuohon ang matarong ug ang daotan nga tawo gikan sa yuta sa Israel.

Ezekiel 21:6-9

Unsa man ang gisulti ni Yahweh kang Ezekiel nga buhaton diha sa atubangan sa katawhan?

Nagsulti si Yahweh nga moagulo si Ezekiel diha sa atubangan sa katawhan.

Nganong gisultihan man ni Yahweh si Ezekiel nga buhaton kini diha sa atubangan sa katawhan?

Gisultihan ni Yahweh si Ezekiel nga buhaton kini aron mapakita kung unsa ang ilang masinatian sa dihang dalahon ni Yahweh ang espada batok kanila.

Ezekiel 21:10-11

Alang ni kinsa man ang espada nga gipahait ug gipasinaw?

Alang niadtong kamot sa tigpatay ang espada nga gipasinaw ug gipahait.

Ezekiel 21:12-14

Kang kinsa man moabot ang espada?

Moabot ang espada sa mga katawhan ni Yahweh ug sa mga pangulo sa Israel.

Ezekiel 21:15-17

Unsa man ang moabot human sa dako nga pagpamatay?

Human sa dako nga pagpamatay, moabot ang kapungot ni Yahweh.

Ezekiel 21:18-20

Asa man paingon ang duha ka mga dalan nga giandam alang sa hari sa Babilonia?

Ang duha nga padulngan sa dalan mao ang Raba nga siyudad sa mga Amonihanon, ug sa Juda ug Jerusalem.

Ezekiel 21:21-24

Unsaon man pag-ila sa hari sa Babilonia kung unsa nga dalan ang subayon?

Mohimo ang hari sa Babilonia ug usa ka pinadayag nga mga mensahe gikan sa ritwal nga buhat aron sa pag-ila kung asa nga dalan.

Unsa man ang ikapasangil sa hari sa Babilonia aron atakihon niya ang Israel?

Pasanginlan sa hari sa Babilonia ang Israel sa pagsupak sa ilang gikasabotan sa tuyo nga aron atakihon nila sila.

Ezekiel 21:25-27

Unsa man ang gisulti ni Yahweh ngadto sa daotang magmamando sa Israel nga buhaton, ug ngano man?

Giingnan ni Yahweh ang daotang magmamando sa Israel nga hawaon ang iyang purong ug korona, tungod kay mawala na ang korona.

Sumala kang Yahweh kanus-a man niya ipasig-uli ang korona sa Israel?

Miingon si Yahweh nga ipasig-uli niya ang korona sa Israel sa dihang moabot ang usa nga adunay katungod niini.

Ezekiel 21:28-29

Unsa man ang buhaton sa mga manalagna sa Amon alang sa katawhan sa Amon?

Makakita ug bakak nga mga panan-awon ang mga manalagna sa Amon alang sa katawhan sa Amon, samtang mohimo sila ug ritwal aron mosulti ug mga bakak sa katawhan sa Amon.

Ezekiel 21:30-32

Kang kinsa man itugyan ni Yahweh ang katawhan sa Amon?

Itugyan ni Yahweh nga Ginoo ang Amon ngadto sa bangis nga kalalakin-an, ug sa mga tawo nga hanas sa pagpangguba.

Ezekiel 22

Ezekiel 22:1-3

Unsa man nga ngalan ang gihatag ni Yahweh sa siyudad sa Jerusalem nga iyang pagahukman?

Ginganlan ni Yahweh nga siyudad sa dugo ang siyudad sa Jerusalem.

Ezekiel 22:4-5

Unsa man ang duha ka mga sala nga ginganlan ni Yahweh maong nahimong sad-an ang siyudad?

Sad-an ang siyudad tungod sa dugo nga ilang gibubo, ug nahimong hugaw pinaagi sa pagbuhat ug mga diosdios.

Unsa man ang matagamtaman nga reputasyon sa siyudad human sila hukmi ni Yahweh?

Nailhan ang ilang siyudad nga siyudad sa kalibog sa bisan asang dapit.

Ezekiel 22:6-9

Kinsa man ang tulo ka mga pundok sa katawhan ang gidagmalan sa mga pangulo sa Israel?

Gipakaulawan ang mga amahan ug mga inahan, gidaogdaog ang mga langyaw, ug gidagmalan ang mga ilo, ug mga balo.

Ezekiel 22:10-12

Unsa man ang tulo ka malaw-ay nga mga sala nga gibuhat sa mga kalalakin-an sa siyudad?

Nagbuhat ug mga sala ang mga kalalakin-an pinaagi pagpakigdulog sa asawa sa ilang silingan, ug gihugawan ang ilang mga umagad, ug nag-abuso sa ilang mga igsoong babaye.

Ezekiel 22:13-16

Unsa man ang gipamulong ni Yahweh nga iyang buhaton ngadto sa iyang mga katawhan tungod sa ilang gibuhat nga mga sala?

Nagsulti si Yahweh nga iyang tibulaagon ang katawhan sa tibuok kanasoran.

Unsa man ang masayran sa katawhan human sila hampakon ni Yahweh?

Masayran sa katawhan nga Ginoo si Yahweh.

Ezekiel 22:17-19

Asa man gitandi ni Yahweh ang panimalay sa Israel niini nga sambingay?

Niini nga sambingay, gitandi ni Yahweh ang panimalay sa Israel sa taya.

Asa man nga dapit ang gisulti ni Yahweh nga iyang pagatapukon ang mga taya?

Nagsulti si Yahweh nga iyang tapukon ang mga taya didto sa taliwala sa Jerusalem.

Ezekiel 22:20-25

Unsa man ang buhaton ni Yahweh sa mga taya samtang ibubo niya ang iyang kaligutgot?

Ibubo ni Yahweh ang mga taya ug tunawon kini samtang iyang ibubo ang iyang kaligutgot.

Ezekiel 22:26-29

Unsa man ang wala nailhan ug wala gitudlo sa mga pari sa yuta?

Wala nailhan sa mga pari ang kalahian sa balaang mga butang ug mapasipalaong mga butang, ug wala gitudlo ang kalahian mahitungod sa hugaw ug sa limpyo.

Unsa man ang gipangbuhat sa mga propeta sa yuta?

Gitabonan sa mga propeta sa yuta ang mga sala; nakakita sa bakak nga mga panan-awon ug nagtagna sa mga bakak.

Ezekiel 22:30-31

Unsa man ang gipangita ni Yahweh apan wala niya nahikaplagan?

Nangita si Yahweh ug usa ka tawo nga maoy magtukod sa pader ug mobarog kaniya sa tinumpag alang sa yuta, apan wala siyay nahikaplagan bisan usa.

Ezekiel 23

Ezekiel 23:1-4

Unsa man ang gibuhat sa duha ka babaye didto sa Ehipto, sumala sa sambingay ni Yahweh?

Namuhat ang duha ka babaye didto sa Ehipto ingon nga mga babayeng nagabaligya ug dungog.

Unsa man ang gipaila sa magulang nga babayeng anak ug sa manghod nga babayeng anak?

Ang magulang nagpaila sa Samaria ug ang manghod nagpaila sa Jerusalem.

Ezekiel 23:5-7

Unsa man ang gibuhat sa magulang nga babaye bisan sa dihang asawa pa siya ni Yahweh?

Gitugyan sa magulang nga babaye ang iyang kaugalingon ingon nga babayeng nagabaligya ug dungog ngadto sa kalalakin-an sa Asiria.

Ezekiel 23:8-10

Unsa man ang gibuhat sa mga hinigugma sa magulang nga babaye ngadto kaniya sa dihang gitugyan siya ni Yahweh ngadto kanila?

Gihuboan sa iyang mga hinigugma ang magulang nga babaye, gipanguha ang iyang mga anak nga lalaki ug babaye, ug gipatay siya.

Ezekiel 23:11-17

Unsa man ang gibuhat sa maghod nga babaye sa dihang nakita niya ang nahitabo sa iyang magulang?

Namuhat ingon nga babayeng nagabaligya ug dungog ang manghod nga babaye labaw pa sa iyang igsoon.

Ezekiel 23:18-21

Giunsa man pagka-usab sa batasan ni Yahweh ngadto sa duha ka managsoon, tungod sa ilang pagbaligya ug dungog?

Gitalikdan sa kalag ni Yahweh ang duha ka managsoon, tungod sa ilang pagbaligya ug dungog.

Ezekiel 23:22-23

Unsa man ang giingon ni Yahweh nga iyang buhaton ngadto sa manghod nga babaye tungod sa iyang pagbaligya ug dungog?

Miingon si Yahweh nga tugotan niya nga makigbatok sa manghod nga babaye ang iyang mga hinigugma.

Ezekiel 23:24-27

Unsa man ang gisulti ni Yahweh nga mahitabo ngadto sa manghod nga babaye ug sa iyang kaliwatan?

Putlon ang ilong ug mga dalunggan sa manghod nga babaye, ug lamyom sa kalayo ang iyang kaliwatan.

Ezekiel 23:28-29

Unsa man ang mapadayag sa manghod nga babaye sa dihang itugyan siya ngadto sa kamot sa iyang gikasilagan?

Madayag ang makauulaw nga pagkahubo sa pagpamaligya ug dungog sa manghod nga babaye.

Ezekiel 23:30-31

Unsa man ang gibutang ni Yahweh diha sa mga kamot sa magulang ug manghod nga babaye, tungod sa ilang pagpamaligya ug dungog?

Gibutang ni Yahweh diha sa mga kamot sa magulang ug manghod nga babaye ang kupa sa silot, tungod sa ilang pagpamaligya ug dungog.

Ezekiel 23:32-35

Mahisama sa unsa alang niadtong naglibot kaniya ang manghod nga babaye?

Mahimong kataw-anan ug tumong sa pagbiaybiay alang niadtong naglibot kaniya ang manghod nga babaye.

Ezekiel 23:36-37

Unsa man ang ginabuhat sa duha ka managsoon ngadto sa ilang mga anak nga lalaki nga natawo alang kang Yahweh?

Gisunog sa duha ka managsoon ang ilang mga anak nga lalaki nga natawo alang kang Yahweh.

Ezekiel 23:38-42

Unsa man ang gibuhat sa duha ka managsoon sa susamang adlaw sa ilang pagpatay sa ilang mga anak?

Nangadto sa alampoanan ni Yahweh ang duha ka managsoon aron pasipad-an kini, sa susamang adlaw nga gipatay nila ang ilang mga anak.

Ezekiel 23:43-45

Unsa man ang giingon ni Yahweh nga buhaton sa matarong nga kalalakin-an ngadto sa mga nagabaligya ug dungog?

Miingon si Yahweh nga hukman sa matarong nga kalalakin-an sa silot alang sa pagpanapaw ang mga nagabaligya ug dungog.

Ezekiel 23:46-47

Unsa man ang buhaton sa pundok nga patunghaon ni Yahweh batok sa mga nagabaligya ug dungog?

Batoon ug pamatyon pinaagi sa mga espada sa pundok nga ipatungha ni Yahweh ang mga nagabaligya ug dungog.

Ezekiel 23:48-49

Unsa man ang mahibaloan sa nagabaligya ug dungog sa dihang matagamtaman nila ang ilang mga sala uban sa ilang mga diosdios?

Mahibaloan sa mga nagabaligya ug dungog nga Dios si Yahweh, sa dihang matagamtaman nila ang ilang mga sala uban sa ilang mga diosdios.

Ezekiel 24

Ezekiel 24:1-2

Unsa man ang gisulti ni Yahweh nga nagakahitabo sa samang adlaw nga nakigsulti siya kang Ezekiel?

Misulti si Yahweh nga misulong ang hari sa Babilonia ngadto sa Jerusalem nianang samang adlaw.

Ezekiel 24:3-5

Sa sambingay ni Yahweh, unsa man ang iyang gisulti nga buhaton sa katawhan sa Jerusalem?

Gisultihan sila ni Yahweh nga buboan ug tubig ang kaldero, pun-on kini sa labing maayong mga bukog, ug pabukalan.

Ezekiel 24:6

Unsa man ang daot sa kaldero sa Jerusalem nga dili matanggal?

Adunay taya ang kaldero sa Jerusalem nga dili gayod matanggal.

Ezekiel 24:7-10

Unsa man ang gibuhat sa Jerusalem nga nakahagit kang Yahweh sa pagpanimalos kaniya?

Wala gitabonan sa Jerusalem ang dugo nga anaa taliwala kaniya.

Ezekiel 24:11-13

Nganong gitak-ang man ang walay sulod nga kaldero?

Gitak-ang ang walay sulod nga kaldero aron nga mainit ug masunog ang bronsi niini, aron nga matunaw ang kahugaw nga anaa sulod niini, ug mawala ang taya niini.

Unsa man ang anaa sa Jerusalem nga wala nawala pinaagi sa kalayo?

Wala nawala pinaagi sa kalayo ang taya sa Jerusalem.

Ezekiel 24:14

Sumala kang Yahweh, unsa man ang hukom nga madawat sa Jerusalem?

Pagahukman ang katawhan sa Jerusalem pinaagi sa ilang mga binuhatan ug mga buluhaton.

Ezekiel 24:15-18

Unsa man ang gisulti ni Yahweh nga iyang kuhaon gikan kang Ezekiel?

Miingon si Yahweh nga iyang kuhaon ang asawa ni Ezekiel gikan kaniya.

Unsa man ang gisulti ni Yahweh nga dili buhaton ni Ezekiel?

Gisultihan ni Yahweh si Ezekiel nga dili magbangotan o mohilak sa pagkamatay sa iyang asawa.

Ezekiel 24:19-21

Unsa man ang gisulti ni Yahweh nga buot ipasabot sa mga nahitabo kang Ezekiel?

Misulti si Yahweh nga ang tinguha sa mga mata sa katawhan ang nakapahugaw sa sagradong dapit, busa malaglag pinaagi sa espada ang ilang mga anak nga lalaki ug babaye.

Ezekiel 24:22-24

Unsa man ang buhaton sa katawhan sa Jerusalem sa dihang nag-antos sila tungod kay namatyan sila?

Buhaton sa katawhan kung unsa ang gibuhat ni Ezekiel, ug dili magbangotan o mohilak.

Unsa man ang natabang ni Ezekiel sa katawhan sa Jerusalem?

Nagsilbing timailhan si Ezekiel alang sa katawhan sa Jerusalem.

Ezekiel 24:25-27

Unsa man ang gisulti ni Yahweh nga mahitabo sa adlaw nga mabihag ang templo?

Misulti si Yahweh nga sa adlaw nga mabihag ang templo, moadto ngadto kang Ezekiel ang tawong mikalagiw aron isugilon kaniya ang mga balita.

Sa adlawa nga mabihag ang templo, unsa man ang masayran sa katawhan sa Jerusalem?

Sa adlaw nga mabihag ang templo, masayran sa katawhan sa Jerusalem nga si Yahweh ang Ginoo.

Ezekiel 25

Ezekiel 25:1-2

Kinsa man ang gisulti ni Yahweh nga hatagan sa panagna ni Ezekiel?

Gisultihan ni Yahweh si Ezekiel nga managna batok sa katawhan sa Amon.

Ezekiel 25:3-5

Unsa man ang gibuhat sa katawhan sa Amon sa dihang gipasipalaan ang alampoanan ug nabihag ang balay sa Juda?

Sa dihang nasipala ang alampoanan ug nabihag ang balay sa Juda, miingon gayod ang katawhan sa Amon nga, "Aha!"

Unsa man ang buhaton ni Yahweh ngadto sa katawhan sa Amon tungod sa ilang gipangsulti sa dihang nabihag ang balay sa Juda?

Itugyan ni Yahweh ang katawhan sa Amon ngadto sa katawhan nga anaa sa sidlakan.

Ezekiel 25:6-7

Unsa man ang buhaton ni Yahweh ngadto sa Amon nga mao gayoy hinungdan nga makaila sila nga si Yahweh ang Ginoo?

Putlon ni Yahweh ang Amon ug gub-on sila gikan sa ubang katawhan.

Ezekiel 25:8-11

Unsa man ang gisulti sa Moab ug Seir sa dihang nabihag ang balay sa Juda?

Sa dihang nabihag ang balay sa Juda, misulti ang Moab ug Seir nga ang balay sa Juda sama gayod sa ubang nasod.

Unsa man ang dili na gayod mahinumdoman diha sa mga nasod?

Dili na gayod mahinumdoman ang katawhan sa Amon taliwala sa mga nasod.

Ezekiel 25:12-14

Unsa man ang nahimo sa Edom batok sa balay sa Juda?

Nanimalos ang Edom batok sa balay sa Juda.

Unsa man ang buhaton ni Yahweh ngadto sa Edom tungod sa gibuhat sa Edom ngadto sa balay sa Juda?

Gun-ubon ni Yahweh ang matag tawo ug mananap sa Edom.

Ezekiel 25:15-17

Unsa man ang buhaton sa mga Filistihanon batok sa balay sa Juda?

Nanimalos ang Filistihanon uban ang pagtamay batok sa balay sa Juda.

Unsa man ang buhaton ni Yahweh ngadto sa mga Filistihanon tungod sa gibuhat niini ngadto sa balay sa Juda?

Gun-ubon ni Yahweh ang mga Filistihanon.

Ezekiel 26

Ezekiel 26:1-2

Unsa man ang ginasulti sa katawhan sa Tyre batok sa Jerusalem?

Miingon ang katawhan sa Tyre nga madato sila apan maguba ang Jerusalem.

Ezekiel 26:3-4

Unsa man ang giingon ni Yahweh nga iyang pagabuhaton sa Tyre?

Miingon si Yahweh nga magpundok siya ug daghang kanasoran batok sa Tyre, nga maoy moguba sa ilang mga pader ug mga tore.

Ezekiel 26:5-6

Unsa man ang gisulti ni Yahweh nga mahitabo sa dapit nga gibarogan kaniadto sa Tyre?

Miingon si Yahweh nga paugahon ang pukot sa dapit nga gitindogan kaniadto sa Tyre.

Ezekiel 26:7-8

Kinsa man ang giingon ni Yahweh nga iyang dalahon batok sa Tyre?

Miingon si Yahweh nga dalhon niya batok sa Tyre si Nebucadnezar ang hari sa Babilonia.

Ezekiel 26:9-11

Sumala ni Yahweh, sa unsang paagi mabungkag ang mga pader sa Tyre?

Miingon si Yahweh nga mabungkag ang mga pader sa Tyre pinaagi sa troso nga dalhon ni Nebucadnezar.

Ezekiel 26:12-14

Asa man giingon ni Yahweh nga ipahimutang ang bato ug kahoy sa mga balay sa Tyre?

Si Yahweh miingon nga ipahimutang ang bato ug ang kahoy sa Tyre diha sa tungatunga sa katubigan.

Ezekiel 26:15-16

Unsa man ang buhaton sa mga pangulo sa dagat sa dihang mahitabo na sa Tyre ang makalilisang nga mga pagpamatay?

Mokanaog gikan sa ilang mga trono ang mga pangulo sa dagat, ug ipadaplin ang ilang mga kupo, ug huboon ang ilang kinulayan nga mga bisti, ug maglingkod sa yuta nga magkurog.

Ezekiel 26:17-18

Ngano nga magsubo man ang mga pangulo sa dagat sa Tyre?

Magsubo sila tungod kay ang bantogang siyudad sa Tyre naunlod na sa dagat.

Ezekiel 26:19-21

Sumala ni Yahweh, asa man dad-on ang katawhan sa Tyre?

Dalhon sila ngadto sa lubnganan.

Sumala ni Yahweh, kanus-a man makita pag-usab ang Tyre?

Sumala ni Yahweh, dili na gayod makita pa pag-usab ang Tyre.

Ezekiel 27

Ezekiel 27:1-5

Sa unsa nga pagpamaligya nahimong inila ang katawhan sa Tyre?

Nahimong inila ang katawhan sa Tyre pinaagi sa ilang pagkanegosyante ngadto sa daghang mga kaislahan.

Unsa man ang giingon sa Tyre mahitungod sa iyang kaugalingon?

Ang Tyre miingon nga matahom kaayo siya.

Ezekiel 27:6-7

Hinimo sa unsang materyales ang mga salog sa barko sa Tyre?

Ang mga salog sa barko sa Tyre hinimo gikan sa sedro nga kahoy ug gihaklapan sa tango sa elepante.

Ezekiel 27:8-11

Kinsa man ang mga tigtimon sa mga barko sa Tyre?

Ang mga tigtimon sa barko mao ang mga magtutudlo sa Tyre.

Unsa man ang karga sa mga barko sa Tyre?

Nagdala ug mga baligya ang mga barko sa Tyre.

Ezekiel 27:12-15

Nganong nahimo man nga suki sa Tyre ang Tarsis?

Nahimong suki sa Tyre ang Tarsis tungod sa daghan nga matang sa ilang mga kabtangan.

Unsa man ang gibaligya sa Tyre ngadto sa Jaban, Tubal, ug Meshec?

Namaligya ang Tyre ug mga tawo ug mga butang nga bronsi.

Ezekiel 27:16-21

Unsa man nga mga butang ang gibaligya sa Juda ug Israel sa Tyre?

Ang Juda ug ang yuta sa Israel nagbaligya sa ilang trigo, millet, dugos, lana, ug balsam.

Ezekiel 27:22-25

Unsa man ang baligya sa Sheba ngadto sa Tyre?

Nakigbaylo ug mga pahumot, mahalong bato, ug bulawan ang Sheba.

Ezekiel 27:26-27

Unsa man ang giingon ni Yahweh nga mahitabo sa katigayonan sa Tyre sa adlaw sa pagguba?

Miingon si Yahweh nga maunlod ang katigayonan sa Tyre ngadto sa kinahiladman sa dagat sa adlaw sa pagguba niini.

Ezekiel 27:28-33

Unsa man ang buhaton sa mga siyudad diha sa dagat sa dihang madungog nila ang hilak sa ilang mga tigtimon?

Magkurog ang mga siyudad nga anaa daplin sa dagat tungod sa pagsinggit sa ilang mga tigtimon.

Ezekiel 27:34-36

Unsa man ang gibuhat sa mga hari nga anaa sa daplin sa baybayon sa dihang nakita nila ang pagkaguba sa Tyre?

Nagkurog sa kahadlok ang mga hari sa baybayon sa dihang nakita nila ang pagkapukan sa Tyre.

Sumala ni Yahweh, kanus-a man motungha pag-usab ang Tyre?

Si Yahweh miingon nga dili na gayod motungha pag-usab ang Tyre.

Ezekiel 28

Ezekiel 28:1-3

Unsa man ang gisulti sa pangulo sa Tyre mahitungod sa iyang kaugalingon?

Miingon ang pangulo sa Tyre sa iyang kaugalingon, "dios ako!"

Ezekiel 28:4-5

Nganong garboso man ang kasingkasing sa pangulo sa Tyre?

Garboso ang kasingkasing sa pangulo sa Tyre tungod sa iyang bahandi.

Ezekiel 28:6-7

Unsa man ang gisulti ni Yahweh nga iyang buhaton ngadto sa pangulo sa Tyre tungod sa iyang pagkagarboso?

Miingon si Yahweh nga magdala siya ug mga langyaw nga makigbatok sa pangulo sa Tyre.

Ezekiel 28:8-10

Sa unsang paagi man mamatay ang pangulo sa Tyre sumala kang Yahweh?

Mamatay ang pangulo sa Tyre sa paagi sa kamatayon sa mga wala matuli diha sa kamot sa mga langyaw.

Ezekiel 28:11-13

Unsa man ang gisulti ni Yahweh nga kahimtang sa hari sa Tyre kaniadto?

Miingon si Yahweh nga ang hari sa Tyre kaniaadto sumbanan sa pagkahingpit, puno sa kaalam, ug hingpit sa kaanyag.

Sumala kang Yahweh, asa man ang hari sa Tyre sa dihang gibuhat siya?

Anaa sa Eden ang hari sa Tyre, ang tanaman sa Dios.

Ezekiel 28:14-15

Asa man gibutang ni Yahweh ang hari sa Tyre, ug unsa man ang iyang kaakohan?

Anaa sa balaang bukid ang hari sa Tyre ingon nga kirubin nga gituboy sa pagbantay sa katawhan.

Unsa man ang nakaplagan diha sa hari sa Tyre sa kaulahian?

Nakaplagan ang dili pagkamakiangayon diha sa hari sa Tyre.

Ezekiel 28:16-17

Unsa man ang gibuhat ni Yahweh ngadto sa hari sa Tyre tungod sa iyang sala?

Gilabay ug giguba ni Yahweh ang hari sa Tyre ingon nga hugaw gikan sa bukid sa Dios.

Ezekiel 28:18-22

Unsa man ang buhaton niadtong nakaila sa hari sa Tyre sa dihang makita niya ang pagkaguba niini?

Mangurog ug malisang ang nakaila sa hari sa Tyre.

Ezekiel 28:23-24

Unsa man ang gisulti ni Yahweh nga iyang ipadala ngadto sa Sidon?

Nag-ingon si Yahweh nga ipadala niya ang katalagman ug ang dugo diha sa kadalanan sa Sidon.

Sumala kang Yahweh, sa unsa man nahisama ang katawhan nga naglibot sa Israel alang sa panimalay sa Israel?

Nahisama sa tunukon nga kahoy ug sakit nga mga tunok ang katawhan nga naglibot sa Israel.

Ezekiel 28:25-26

Unsa man ang mahitabo sa Israel, human ipadangat ni Yahweh ang kaangayan niadtong nagtamay sa Israel?

Mamuyo nga luwas sa kakuyaw ang Israel, magtukod ug mga balay, ug mananom ug mga paras diha sa yuta nga ihatag ni Yahweh sa iyang sulugoon nga si Jacob

Ezekiel 29

Ezekiel 29:1-3

Sumala ni Yahweh, kang kinsa man managna si Ezekiel?

Giingnan ni Yahweh si Ezekiel nga managna batok kang Paraon, ang hari sa Ehipto.

Sumala ni Yahweh, sa unsa man nga hayop nahisama ang hari sa Ehipto?

Miingon si Yahweh nga ang hari sa Ehipto sama sa dako nga mananap sa dagat nga naglubog taliwala sa sapa.

Ezekiel 29:4-5

Sumala ni Yahweh, asa man niya ilabog ang hari sa Ehipto?

Miingon si Yahweh nga iyang ilabog ang hari sa Ehipto ngadto sa kamingawan.

Ezekiel 29:6-7

Sumala ni Yahweh, sa unsa nga tanom nahisama ang Ehipto diha sa panimalay sa Israel?

Miingon si Yahweh nga ang Ehipto sama sa bugang diha sa panimalay sa Israel.

Unsa man ang nahimo sa Ehipto sa dihang misalig ang mga Israelita kanila?

Sa dihang misalig ang Israel sa Ehipto, gibali sa Ehipto ang mga paa sa Israel ug gipakurog ang ilang mga hawak.

Ezekiel 29:8-10

Sumala ni Yahweh, asa man itugyan ang yuta sa Ehipto?

Miingon si Yahweh nga iyang itugyan ang yuta sa Ehipto ngadto sa pagkabiniyaan ug sa pagkawalay pulos.

Ezekiel 29:11-12

Sumala ni Yahweh, unsa ka dugay nga dili mahimong mapuy-an ang yuta sa Ehipto?

Miingon si Yahweh nga sulod sa 40 ka tuig dili mahimong mapuy-an ang yuta sa Ehipto.

Ezekiel 29:13-16

Unsa man ang giingon ni Yahweh nga mahitabo sa Ehipto human sila makabalik gikan sa pagkatibulaag?

Miingon si Yahweh nga mahimong ubos nga gingharian ang Ehipto human sila mahibalik sa ilang pagkatibulaag.

Ezekiel 29:17-18

Unsa man nga suhol ang madawat ni Nebucadnezar nga hari sa Babilonia sa tanan niya nga kahago batok sa Tyre?

Walay nadawat nga bayad si Nebucadnezar sa tanan niyang kahago batok sa Tyre.

Ezekiel 29:19-20

Unsa man ang gihatag ni Yahweh ingon nga balos kang Nebucadnezar sa tanang kahago nga iyang gibuhat batok sa Tyre?

Gihatag ni Yahweh kang Nebucadnezar ang yuta sa Ehipto ingon nga suhol sa tanan niyang kahago nga iyang gibuhat batok sa Tyre.

Ezekiel 29:21

Nianang adlawa unsa man ang ipabuhat ni Yahweh kang Ezekiel?

Nianang adlawa, pasultihon ni Yahweh si Ezekiel diha sa taliwala sa panimalay sa Israel.

Nianang adlawa, unsa man ang mahibaloan sa panimalay sa Israel?

Nianang adlawa, ang panimalay sa Israel masayod nga si Yahweh mao ang Ginoo.

Ezekiel 30

Ezekiel 30:1-3

Sumala kang Yahweh, unsang matang sa adlaw ug takna ang umaabot nga adlaw ni Yahweh?

Adlaw sa mga panganod ang umaabot nga adlaw ni Yahweh, ang takna sa kalaglagan sa kanasoran.

Ezekiel 30:4-7

Sa adlaw ni Yahweh, unsa man ang mahitabo sa Ehipto, Cush, Libya, Lydia, ug sa katawhan nga nahisakop sa kasabotan?

Nianang adlaw ni Yahweh, mangalaglag silang tanan pinaagi sa espada.

Ezekiel 30:8-9

Unsa man ang masayran sa katawhan sa dihang malaglag ang Ehipto ug ang iyang mga kaabin?

Masayran sa katawhan nga si Yahweh gayod ang Ginoo.

Ezekiel 30:10-12

Kang kinsang kamot man ang gamiton ni Yahweh aron sa pagguba sa yuta sa Ehipto?

Gamiton ni Yahweh ang kamot ni Nebucadnezar, ang hari sa Babilonia, aron sa pagguba sa yuta sa Ehipto.

Ezekiel 30:13-16

Unsa man ang taposon ni Yahweh sa Memfis?

Gub-on ug taposon ni Yahweh ang walay pulos nga mga diosdios sa Memfis.

Ezekiel 30:17-19

Unsa man ang mahitabo sa mga nakalingkawas sa mga siyudad sa Ehiptohanon sa dihang mopadala si Yahweh ug kalaglagan?

Molakaw sa pagkabinihag ang mga nakalingkawas sa dihang magpadala si Yahweh ug kalaglagan.

Ezekiel 30:20-21

Unsa man ang gisulti ni Yahweh nga iyang gibuhat sa bukton sa Paraon, ug unsa man ang dili na mabuhat karon sa Paraon?

Miingon si Yahweh nga iyang gibali ang bukton sa Paraon, busa dili kini kusgan nga mogunit sa espada.

Ezekiel 30:22-24

Human naguba ang Ehipto, unsa man ang buhaton ni Yahweh ngadto sa Ehipto uban sa kanasoran?

Tibulaagon ug katagon ni Yahweh ang Ehipto uban sa kanasoran.

Ezekiel 30:25-26

Kang kinsang mga bukton man ang lig-onon ni Yahweh?

Lig-onon ni Yahweh ang mga bukton sa hari sa Babilonia.

Unsa man ang mahitabo sa mga bukton sa Paraon?

Malaglag ang mga bukton sa Paraon.

Ezekiel 31

Ezekiel 31:1-2

Kinsa man ang gisulti ni Yahweh nga panagnaan ni Ezekiel?

Gisultihan ni Yahweh si Ezekiel nga managna ngadto sa Paraon, ang hari sa Ehipto.

Ezekiel 31:3-4

Unsa man nga matang sa tanom gitandi ni Yahweh ang Asiria?

Gitandi ni Yahweh ang Asiria ngadto sa dako nga sedro sa Lebanon.

Ezekiel 31:5-7

Sa sambingay ni Yahweh ngadto sa Asiria ingon nga kahoy, unsa man ang nakapalibot nga nagpuyo niini sa dako nga sedro?

Ang matag langgam sa kawanangan nagsalag ngadto sa mga sanga sa sedro, ug bisan ang mga buhing binuhat sa kaumahan nanganak ubos sa kadahonan.

Ezekiel 31:8-9

Unsa man ang makalabaw sa dakong sedro sa Asiria?

Mas labaw pa sa tanang kahoy sa tanaman sa Dios ang dakong sedro sa Asiria.

Ezekiel 31:10-12

Nganong gikuptan man pag-ayo ni Yahweh ang Asiria ug gisalikway kini?

Gikuptan ni Yahweh ang Asiria ug gisalikway tungod kay magarbohon ang iyang kasingkasing (garboso) ug daotan.

Ezekiel 31:13-14

Human gibiyaan ang sedro sa Asiria, unsa man ang gisulti ni Yahweh nga dili na mahitabo pag-usab?

Miingon si Yahweh nga wala nay mga kahoy nga manurok sama sa maong kahoy pag-usab.

Ezekiel 31:15

Unsa man ang gidala ni Yahweh ngadto sa kalibotan sa adlaw nga molugsong ang Asiria sa Sheol?

Niadtong adlawa magdala si Yahweh ug kasubo ngadto sa kalibotan

Ezekiel 31:16

Asa man gilabay ni Yahweh ang dakong sedro sa Asiria?

Gilabay ni Yahweh ang dakong sedro sa Asiria didto sa Sheol.

Ezekiel 31:17-18

Unsa man ang nahitabo niadtong mga nasod nga nagpuyo didto sa landong sa halangdong sedro sa Asiria?

Kadtong mga nasod nga nagpuyo didto sa landong sa Asiria miadto usab sa Sheol.

Kinsa man ang gisultihan ni Yahweh nga pagadad-on ngadto sa pinakaubos nga bahin sa kalibotan?

Nagsulti si Yahweh nga ang Paraon ug ang iyang mga sulugoon maoy pagadad-on ngadto sa pinakaubos nga bahin sa kalibotan.

Ezekiel 32

Ezekiel 32:1-2

Unsa man ang gisulti ni Ezekiel nga ipatugbaw mahitungod kang Paraon?

Nagsulti si Yahweh kang Ezekiel nga ipatugbaw ang pagbangotan alang kang Paraon.

Unsa man ang duha ka mananap nga gipakasama ni Yahweh kang Paraon?

Miingon si Yahweh nga si Paraon sama sa batan-ong liyon ug sama usab sa mabangis nga mananap sa dagat.

Ezekiel 32:3-6

Sa dihang ilabay ni Yahweh ngadto sa kaumahan ang bangis nga mananap sa dagat, unsa man ang posibleng mahitabo niini?

Sa dihang ang bangis nga mananap sa dagat igalabay ngadto sa kaumahan, kaonon kini sa mga kalanggaman ug mga mananap.

Ezekiel 32:7-8

Unsa man ang mahitabo sa mga kalangitan sa dihang palungon ni Yahweh ang suga sa Ehipto?

Ang mga bituon mongitngit, ang mga panganod motabon sa adlaw, ug ang bulan dili usab mohatag ug kahayag.

Ezekiel 32:9-10

Unsa man ang bation sa katawhan sa kanasoran sa dihang makita nila ang pagkalaglag sa Ehipto?

Mangahadlok ang katawhan sa kanasoran ug mangurog sa kalisang.

Ezekiel 32:11-12

Kinsa man ang moabot batok sa Ehipto aron sa pagguba niini?

Ang hari sa Babilonia ang moabot aron moguba sa Ehipto.

Ezekiel 32:13-14

Unsa man ang gisulti ni Yahweh nga mahitabo sa mga tawo ug mananap sa Ehipto?

Ni ang mga tawo ug ang mga mananap dili mokutaw sa tubig sa Ehipto.

Ezekiel 32:15-16

Unsa man ang masayran sa katawhan sa Ehipto sa dihang atakihon sila ug mangalaglag?

Masayod ang katawhan sa Ehipto nga si Yahweh mao ang Ginoo.

Ezekiel 32:17-18

Asa man ilabay ang sulugoon sa Ehipto ug ang mga anak nga babaye sa halangdon nga kanasoran?

Igalabay sila ngadto sa pinakailalom sa kalibotan uban niadtong nangahanaw ilalom sa bung-aw.

Ezekiel 32:19-23

Unsa man ang gisulti sa manggugubat sa Sheol mahitungod sa Ehipto ug sa iyang mga kaabin?

Nagsulti sila nga mangalaglag ang Ehipto ug ang iyang mga kaabin ug manghigda uban ang mga dili tinuli nga namatay pinaagi sa espada.

Ezekiel 32:24-29

Unsa man ang gidala sa Elam sa yuta sa mga buhi?

Gidala sa Elam ang ilang kalisang sa yuta sa mga buhi.

Ezekiel 32:30

Unsa man ang gidala sa mga prinsipe sa amihan ug sa tanan nga taga-Sidon nga atua sa ilalom kauban ang mga namatay?

Gidala nila ang ilang kaugalingon nga kaulawan.

Ezekiel 32:31-32

Sa Sheol, unsa man ang makahupay kang Paraon?

Sa Sheol, hupayon si Paraon sa tanan niyang sulugoon nga namatay pinaagi sa espada.

Ezekiel 33

Ezekiel 33:1-4

Unsa man ang buhaton sa magbalantay alang sa katawhan sa yuta?

Mobantay ang magbalantay sa moabot nga espada diha sa yuta, ug huypon niya ang iyang budyong aron sa pagpahibalo sa katawhan.

Unsa man ang posibleng mahitabo kung ang katawhan dili mohatag ug pagtagad mahitungod sa pahibalo sa magbalantay?

Kung dili mohatag ug pagtagad ang katawhan, ang espada mopatay sa maong katawhan ug ang matag dugo sa matag usa pagapaninglon mismo sa ilang kaugalingon.

Ezekiel 33:5-6

Unsa man ang mahitabo sa magbalantay kung dili siya mopahibalo sa katawhan?

Kung dili magpasidaan ang magbalantay ngadto sa katawhan paninglon ni Yahweh ngadto kaniya ang ilang mga dugo.

Ezekiel 33:7-9

Kinsa man ang gihimo ni Yahweh nga magbalantay sa panimalay sa Israel?

Gihimo ni Yahweh nga magbalantay sa panimalay sa Israel si Ezekiel.

Ezekiel 33:10-11

Sumala kang Yahweh unsa man ang wala niya gikalipayan?

Miingon si Yahweh nga wala siya malipay sa kamatayon sa daotan.

Unsa man ang gisulti ni Yahweh nga angay buhaton sa daotan?

Gisultihan ni Yahweh ang mga daotan nga maghinulsol aron nga magpabilin silang buhi.

Ezekiel 33:12-13

Unsa man ang giingon ni Yahweh nga mahitabo sa mga tawong matarong nga nakabuhat ug dili makiangayon?

Nagsulti si Yahweh nga ang tawong matarong nga nakabuhat ug dili makiangayon mamatay tungod sa daotan niyang nabuhat.

Ezekiel 33:14-16

Unsa man ang gisulti ni Yahweh nga mahitabo sa daotan nga tawo nga mohinulsol ug mobuhat kung unsa ang angay ug matarong?

Miingon si Yahweh nga kung ang daotan nga tawo mohinusol ug mobuhat kung unsa ang angay ug matarong sigurado gayod nga mabuhi.

Ezekiel 33:17-20

Sumala kang Yahweh, kang kinsang dalan man ang dili makiangayon?

Sumala kang Yahweh, ang dalan sa katawhan sa Israel ang dili makiangayon.

Sumala kang Yahweh unsaon man niya paghukom ang matag tawo diha sa panimalay sa Israel?

Nagsulti si Yahweh nga silotan niya ang matag tawo sumala sa iyang binuhatan.

Ezekiel 33:21-22

Unsa man ang mensahe nga gidala sa ulipon ngadto kang Ezekiel?

Ang ulipon nagdala ug mensahe nga nabihag ang siyudad sa Jerusalem.

Ezekiel 33:23-24

Unsa man ang gisulti sa katawhan mahitungod sa yuta nga napanunod ni Abraham?

Nagsulti ang katawhan sa Israel nga alang kanila ang yuta nga napanunod ni Abraham.

Ezekiel 33:25-26

Nganong nagduhaduha man si Yahweh kung angay bang panag-iyahon sa katawhan sa Israel ang maong yuta?

Nagduhaduha si Yahweh kung angayan ba gayod sila nga managiya sa yuta tungod kay nagsalig man sila sa ilang mga espada ug nagbuhat sa makasasalang mga buhat.

Ezekiel 33:27-29

Unsa man ang gisulti ni Yahweh nga buhaton niya sa yuta tungod sa mga butang nga gibuhat sa katawhan sa Israel.?

Nagsulti si Yahweh nga himoon niyang biniyaan ug makahahadlok ang yuta tungod sa mga daotang butang nga gibuhat sa katawhan sa Israel.

Ezekiel 33:30-31

Unsa man ang buhaton sa katawhan sa Israel sa mga pulong ni Ezekiel?

Maminaw ang mga katawhan sa Israel sa mga pulong ni Ezekiel, apan dili motuman niini.

Ezekiel 33:32-33

Unsa man ang masayran sa katawhan sa Israel sa dihang mahitabo ang tanang mga butang?

Masayod ang katawhan sa Israel nga kauban nila ang propeta sa Dios sa dihang mahitabo kadtong mga butanga.

Ezekiel 34

Ezekiel 34:1-3

Unsa man nga mga pag-akusar ang gibuhat ni Yahweh batok sa mga magbalantay sa Israel?

Giakusaran ni Yahweh ang mga magbalantay sa Israel tungod kay wala sila nagbantay, apan nag ihaw hinuon sa mga labing maayo nga mga mananap sa panon.

Ezekiel 34:4-6

Giunsa man pagdumala sa magbalantay sa Israel ang mga panon?

Nagdumala ang mga magbalantay sa Israel ngadto sa mga panon uban ang kusog ug pagpanglupig.

Unsa man ang nahitabo sa mga panon?

Nagkatibulaag ang mga panon ug nahimong pagkaon alang sa tanang buhing mananap sa kayutaan.

Ezekiel 34:7-8

Kinsa man ang giatiman sa mga magbalantay sa karnero sa Israel?

Ang ila lamang kaugalingon ang ilang giatiman.

Ezekiel 34:9-10

Unsa man ang gisulti ni Yahweh nga iyang buhaton ngadto sa mga magbalantay sa Israel?

Nagsulti si Yahweh nga iyang papahawaon ang mga magbalantay sa Israel ug kuhaon gikan sa ilang mga baba ang mga panon.

Ezekiel 34:11-13

Asa man tapukon ni Yahweh ang iyang mga panon?

Nag-ingon si Yahweh nga iyang luwason sila gikan sa tanang dapit kung asa sila nahisalaag sa adlaw sa mga panganod ug kangitngit. Unya pagawason niya sila taliwala sa katawhan, ug tapukon niya sila gikan sa kayutaan.

Ezekiel 34:14-16

Paunsa man magbantay si Yahweh?

Nag-ingon si Yahweh nga magbantay siya uban ang paghukom.

Ezekiel 34:17-19

Unsa man ang tulo ka pundok nga gisulti ni Yahweh nga iyang hukman?

Nag-ingon si Yahweh nga iyang hukman ang mga karnero, laki nga mga baka, ug laki nga mga kanding.

Ezekiel 34:20-21

Unsa man ang gibuhat ngadto sa mga luya ug niwang nga mga karnero?

Gipanulak ug gisungay ang mga luya ug niwang nga mga karnero hangtod nga nagkatibulaag sila.

Ezekiel 34:22-24

Kinsa man ang giingon ni Yahweh nga iyang ituboy aron sa pagbantay sa panon?

Nag-ingon si Yahweh nga iyang ituboy ang iyang alagad nga si David aron sa pagbantay sa panon.

Ezekiel 34:25-27

Sa dihang ituboy na ni Yahweh ang iyang magbalantay, unsa man ang buhaton ni Yahweh aron nga magpuyo nga luwas ang mga karnero?

Magbuhat si Yahweh ug malinawon nga kasabotan uban sa mga karnero ug wagtangon ang daotang ihalas nga mananap gikan sa yuta.

Ezekiel 34:28-29

Unsa man ang dili na mahimong mabuhat sa mga kanasoran ngadto sa mga karnero?

Dili na makahimo pa sa pag-ilog ang mga kanasoran ngadto sa mga karnero o magtamay batok kanila.

Ezekiel 34:30-31

Unsa man ang masayran sa panimalay sa Israel?

Masayran sa panimalay sa Israel nga nag-uban kanila si Yahweh nga ilang Dios.

Unsa man ang gipamulong ni Yahweh ngadto sa mga karnero, ang panimalay sa Israel?

Namulong si Yahweh nga siya mao ang Dios sa panimalay sa Israel, ug sila mao ang iyang katawhan.

Ezekiel 35

Ezekiel 35:1-3

Kinsa man ang gisulti ni Yahweh nga panagnaan ni Ezekiel?

Misulti si Yahweh kang Ezekiel nga managna batok sa Bukid sa Seir.

Unsa man ang gisulti ni Yahweh nga iyang buhaton ngadto sa Bukid sa Seir?

Miingon si Yahweh nga himoon niya ang Bukid sa Seir nga mingaw ug makahahadlok.

Ezekiel 35:4-6

Unsa man ang gibuhat sa katawhan sa Bukid sa Seir nga maoy hinungdan nga silotan sila ni Yahweh?

Ang katawhan sa Bukid sa Seir mao ang kaaway sa katawhan sa Israel, ug nagtugyan kanila ngadto sa espada.

Sumala kang Yahweh, unsa man ang maggukod sa Bukid sa Seir, ug ngano?

Maggukod ang kamatayon ngadto sa katawhan sa Bukid sa Seir tungod kay wala nila gikasilagan ang kamatayon.

Ezekiel 35:7-9

Unsa man ang makapuno sa kabukiran didto dapit sa Bukid sa Seir?

Ang kabukiran sa mga dapit sa Bukid sa Seir mapuno gayod ug mga patay.

Hangtod kanus-a mahimong biniyaan ang Bukid sa Seir?

Ang pagkabiniyaan sa Bukid sa Seir mahimong hangtod sa hangtod.

Ezekiel 35:10-11

Unsa man ang gisulti sa katawhan sa Bukid sa Seir mahitungod sa duha ka mga nasod ngadto sa katawhan ni Yahweh nga Israel?

Nagsulti ang katawhan sa Bukid sa Seir nga ilang angkonon ang duha ka mga nasod.

Ezekiel 35:12-13

Unsa man ang nadunggan ni Yahweh nga pagabuhaton sa Bukid sa Seir batok kaniya?

Nadungog ni Yahweh nga nanghambog ang katawhan sa Bukid sa Seir ug nagsulti ug daghang butang batok kaniya.

Ezekiel 35:14-15

Unsa man ang buhaton sa tibuok kalibotan sa dihang mahimong biniyaan sa katawhan ang Bukid sa Seir?

Maglipay ang tibuok kalibotan sa dihang biyaan ang katawhan sa Bukid sa Seir.

Unsa man ang gibuhat sa katawhan sa Bukid sa Seir sa dihang nahimong biniyaan ang katawhan sa Israel?

Naglipay ang katawhan sa Bukid sa Seir sa dihang nahimong biniyaan ang katawhan sa Israel.

Sumala kang Yahweh diin man nga mga dapit ang mahimong biniyaan?

Gipamulong ni Yahweh nga mahimong biniyaan ang Bukid sa Seir ug ang tibuok Edom.

Unsa man ang mahibal-an sa katawhan sa Bukid sa Seir ug Edom sa dihang hukman sila ni Yahweh?

Mahibal-an sa katawhan sa Bukid sa Seir ug Edom nga ang Ginoo mao si Yahweh sa dihang hukman sila ni Yahweh.

Ezekiel 36

Ezekiel 36:1-3

Asa man gipapanagna ni Yahweh si Ezekiel?

Gisultihan ni Yahweh si Ezekiel nga managna ngadto sa kabukiran sa Israel.

Unsa man ang giingon sa kaaway mahitungod sa kabukiran sa Israel?

Miingon ang kaaway nga ang karaang tag-as nga mga dapit ila nang gipanag-iyahan.

Ezekiel 36:4-6

Kang kinsa man nakigbatok si Yahweh sa dihang misulti siya diha sa kalayo sa iyang hilabihang kasuko?

Misulti si Yahweh diha sa kalayo sa iyang hilabihang kasuko batok sa Edom ug sa tanang miilog sa yuta sa Israel.

Ezekiel 36:7

Unsa man ang gipanumpa ni Yahweh mahitungod sa mga nasod nga nakapalibot sa Israel?

Nanumpa si Yahweh nga maulawan ang mga nasod nga nakapalibot sa Israel.

Ezekiel 36:8-9

Kinsa man ang giingon ni Yahweh nga mobalik ngadto sa kabukiran sa Israel sa dili madugay?

Miingon si Yahweh nga mobalik ngadto sa kabukiran sa Israel sa dili madugay ang katawhan sa Israel.

Ezekiel 36:10-15

Unsa man ang padaghanon ngadto sa kabukiran sa Israel?

Ang tawo ug mga ihalas nga mananap maoy padaghanon didto sa kabukiran sa Israel.

Ezekiel 36:16-18

Nganong gibubo man ni Yahweh ang iyang hilabihang kasuko batok sa Israel?

Gibubo ni Yahweh ang iyang hilabihang kasuko batok sa Israel tungod kay gihugawan sa Israel ang yuta pinaagi sa ilang mga diosdios.

Ezekiel 36:19-21

Unsa man ang gibuhat sa Israel sa dihang miadto sila sa mga nasod?

Sa dihang miadto sila sa mga nasod, gipasipalahan sa katawhan ang balaan nga ngalan ni Yahweh.

Ezekiel 36:22-25

Nganong miingon man si Yahweh nga iyang pabalikon ang panimalay sa Israel ngadto sa kabukiran sa Israel?

Miingon si Yahweh nga ipabalik niya ang panimalay sa Israel alang sa iyang balaan nga ngalan.

Ezekiel 36:26-28

Unsa man ang giingon ni Yahweh nga iyang buhaton ngadto sa panimalay sa Israel aron makahimo sila sa paglakaw diha sa iyang mga balaod ug makatipig sa iyang mga sugo?

Miingon si Yahweh nga iyang ihatag kanila ang iyang Espiritu ug makahimo sila sa paglakaw sa iyang mga balaod ug magtipig sa iyang mga sugo, aron matuman nila kini.

Ezekiel 36:29-31

Human sa pagluwas ni Yahweh sa panimalay sa Israel, unsa man ang hunahunaon sa panimalay sa Israel mahitungod sa ilang daotang mga paagi kaniadto?

Kaligutgotan sa panimalay sa Israel ang ilang kaugalingon tungod sa ilang mga daotang paagi kaniadto.

Ezekiel 36:32-34

Unsa man ang giingon ni Yahweh nga mahitabo sa mga siyudad ug guba nga mga dapit sa Israel?

Miingon si Yahweh nga mapuy-an na ang mga siyudad ug tukoron pag-usab ang naguba nga mga dapit.

Ezekiel 36:35-36

Sa unsa mang dapit mahisama ang yuta sa Israel?

Mahisama sa tanaman sa Eden ang yuta sa Israel.

Unsa man ang mahibaloan sa ubang nasod sa dihang makita nila nga gipuy-an na ang mga siyudad ug natukod pag-usab ang mga nangagun-ob didto sa Israel?

Mahibaloan sa kanasoran nga si Yahweh ang Ginoo, ug gitukod pag-usab ni Yahweh ang Israel.

Ezekiel 36:37-38

Sa unsa man mahisama ang kadaghanon sa katawhan sa Israel sumala sa gisulti ni Yahweh?

Mahisama sa mga panon sa karnero ang gidaghanon sa katawhan sa Israel didto sa Jerusalem sa gitakda niini nga kasaulogan.

Ezekiel 37

Ezekiel 37:1-3

Asa man gipahimutang sa Espiritu ni Yahweh si Ezekiel, ug unsa man ang anaa didto?

Gipahimutang sa Espiritu ni Yahweh si Ezekiel taliwala sa walog nga puno sa mga bukog.

Unsa man ang gipangutana ni Yahweh kang Ezekiel?

Nangutana si Yahweh kang Ezekiel kung mabuhi pa ba pag-usab ang nauga na nga mga bukog.

Ezekiel 37:4-6

Unsa man ang gipanagna ni Ezekiel nga mahitabo sa uga nga mga bukog?

Gipanagna ni Ezekiel nga ang uga nga mga bukog makabaton ug unod ug mabuhi pag-usab.

Ezekiel 37:7-8

Unsa man ang nahitabo sa mga bukog sa dihang nanagna si Ezekiel mahitungod kanila sa unang higayon?

Sa unang higayon nga nanagna si Ezekiel, nagtapok ang uga nga mga bukog ug nalukop kini sa unod ug panit.

Ezekiel 37:9-10

Unsa man ang nahitabo sa mga bukog sa dihang nanagna si Ezekiel sa ikaduhang higayon?

Sa dihang nanagna si Ezekiel kanila sa ikaduhang higayon, mikunsad kanila ang Espiritu ug nabuhi sila.

Ezekiel 37:11-14

Sumala kang Yahweh, kang kinsa man nagpaila ang walog sa uga nga mga bukog?

Sumala kang Yahweh, ang walog sa uga nga mga bukog nagpaila sa tibuok panimalay sa Israel.

Unsa man ang giingon ni Yahweh nga iyang buhaton alang sa Israel, nga gipaila pinaagi sa uga nga mga bukog nga nabuhi pag-usab?

Miingon si Yahweh nga kuhaon niya ang katawhan sa Israel gikan sa ilang mga lubnganan ug pabalikon sila sa yuta sa Israel.

Ezekiel 37:15-17

Unsa man ang gisulti ni Yahweh nga buhaton ni Ezekiel sa duha ka lipak nga kahoy?

Gisultihan ni Yahweh si Ezekiel nga sulatan ug ngalan ang matag lipak, Juda ug Jose, ug unya hiusahon kining duha.

Ezekiel 37:18-20

Unsa man ang gisulti ni Yahweh nga maoy pasabot sa duha ka mga lipak ni Ezekiel?

Miingon si Yahweh nga hiusahon niya ang duha ka mga sanga ni Jose ug Juda aron mahiusa kini sa iyang kamot.

Ezekiel 37:21-23

Unsa man ang giingon ni Yahweh nga iyang buhaton alang sa katawhan sa Israel?

Miingon si Yahweh nga tigomon niya ang mga Israelita sa kabukiran sa Israel ingon nga usa ka nasod nga adunay usa ka hari.

Ezekiel 37:24-25

Kinsa man ang giingon ni Yahweh nga mahimong hari sa nagkahiusang nasod sa Israel?

Miingon si Yahweh nga ang iyang sulugoon nga si David mao ang hari nga magdumala sa nagkahiusang nasod sa Israel.

Sumala kang Yahweh, unsa man kadugay mangulo kanila ang hari sa Israel?

Sumala kang Yahweh, ang hari sa Israel ang mamahimo nilang pangulo hangtod sa kahangtoran.

Ezekiel 37:26-28

Unsa man ang giingon ni Yahweh nga iyang himoon sa Israel, ug unsa kadugay?

Miingon si Yahweh nga maghimo siya ug kasabotan sa pagpakigdait sa Israel hangtod sa walay kataposan.

Asa man ang giingon ni Yahweh nga magpuyo siya hangtod sa kahangtoran?

Miingon si Yahweh nga magpuyo siya taliwala sa katawhan sa Israel hangtod sa kahangtoran.

Ezekiel 38

Ezekiel 38:1-3

Kinsa man ang gisulti ni Yahweh nga hatagan ug panagna si Ezekiel?

Gisultihan ni Yahweh si Ezekiel nga managna batok kang Gog nga gikan sa yuta sa Magog.

Ezekiel 38:4-6

Unsa man ang gisulti ni Yahweh nga iyang ipadala gawas kang Gog?

Miingon si Yahweh nga ipadala niya si Gog uban sa tanan niyang kasundalohan, mga kabayo, ug tigkabayo.

Ezekiel 38:7-9

Kinsa man ang pangulo sa tanang kasundalohan nga gikan sa Persia, Cus, Put, Gomer, ug Bet Togarma?

Si Gog ang pangulo niining tanang kasundalohan nga nagtigom uban kaniya.

Asa man nga yuta paadtoon si Gog?

Moadto si Gog sa yuta nga nakalingkawas gikan sa espada ug gitigom gikan sa daghang katawhan ngadto sa kabukiran sa Israel.

Ezekiel 38:10-13

Unsa man ang daotan nga plano nga gihandom ni Gog?

Gihandom pag-ayo ni Gog ang pagkuha sa nga bahandi ug pagkawat sa mga inilog gikan sa malinawong katawhan nga nagpuyo nga luwas.

Sa asa mang bahin sa kalibotan nagpuyo ang katawhan nga nagtigom gikan sa mga nasod?

Nagpuyo tungatunga sa kalibotan ang katawhan nga nagtigom gikan sa mga nasod.

Ezekiel 38:14-16

Unsa man nga direksyon naggikan si Gog ug ang iyang dakong kasundalohan?

Naggikan sa layong dapit sa amihanang bahin si Gog ug ang iyang dakong kasundalohan.

Ezekiel 38:17-18

Pinaagi kang kinsa man nakigsulti si Yahweh nga moabot si Gog batok sa Israel?

Nagkigsulti si Yahweh pinaagi sa mga propeta sa Israel nga moabot si Gog batok sa Israel.

Unsaon man pagbalos ni Yahweh sa dihang mosulong si Gog sa yuta sa Israel?

Sa dihang sulongon ni Gog ang yuta sa Israel, mobalos si Yahweh pinaagi sa hilabihan nga kasuko.

Ezekiel 38:19-20

Unsa man ang dakong panghitabo nga gisulti ni Yahweh nga mahitabo sa adlaw nga sulongon ni Gog ang Israel?

Miingon si Yahweh nga adunay kusog nga linog sa adlaw nga mosulong si Gog sa Israel.

Ezekiel 38:21-23

Unsa man ang ihukom ni Yahweh kang Gog ug sa iyang kasundalohan nianang adlawa?

Nianang adlawa, hukman ni Yahweh si Gog ug ang iyang kasundalohan pinaagi sa mga hampak, dugo, kusog nga ulan, mag-ulan ug kalayo, ug mag-ulan ug mga asupre.

Nianang adlawa, unsa man ang ipakita ni Yahweh sa atubangan sa daghang mga nasod?

Nianang adlawa, ipakita ni Yahweh ang iyang pagkabantogan ug pagkabalaan sa atubangan sa daghang mga nasod.

Ezekiel 39

Ezekiel 39:1-3

Asa man ang giingon ni Yahweh nga dad-an niya kang Gog, nga pangulo sa Meshec ug Tubal?

Miingon si Yahweh nga dad-on niya si Gog sa kabukiran sa Israel.

Ezekiel 39:4-6

Asa man magbuy-od si Gog?

Magbuy-od si Gog sa kabukiran sa Israel.

Unsa man ang buhaton ni Yahweh sa Magog ug sa mga nagpuyo nga luwas diha sa kabaybayonan?

Padad-an ni Yahweh ug kalayo ang Magog ug kadtong nagpuyo nga luwas diha sa kabaybayonan.

Ezekiel 39:7-8

Unsa man ang giingon ni Yahweh nga dili na niya tugotan?

Miingon si Yahweh nga dili na niya tugotan nga pasipalahan ang balaan niyang ngalan.

Ezekiel 39:9-10

Nganong dili na man kinahanglan nga motigom ug sugnod ang mga namuyo sa mga siyudad sa Israel sulod sa pito ka tuig?

Dili na sila kinahanglan nga motigom ug sugnod sulod sa pito ka tuig tugod kay ang mga hinagiban sa Gog mao man ang ilang isugnod.

Ezekiel 39:11

Asa man ilubong si Gog ug ang iyang mga katawhan?

Ilubong si Gog ug ang tanan niyang katawhan sa Walog sa Hamon Gog.

Ezekiel 39:12-16

Unsa man ang buhaton sa panimalay sa Israel aron sa paghinlo sa yuta?

Ilubong sa panimalay sa Israel si Gog ug ang tanan niyang katawhan sulod sa pito ka bulan aron mahinloan ang yuta.

Ezekiel 39:17-20

Unsa man ang dako nga halad nga himoon ni Yahweh sa kabukiran sa Israel?

Maghimo ug dakong halad si Yahweh nga mao ang mga unod sa mga manggugubat ug ang dugo sa mga prinsipe sa kalibotan didto sa kabukiran sa Israel.

Ezekiel 39:21-22

Unsa man ang makita sa tanang kanasoran sa dihang himoon ni Yahweh ang dako niyang halad didto sa kabukiran sa Israel?

Makita sa tanang kanasoran ang paghukom ni Yahweh ug ang iyang kamot.

Ezekiel 39:23-24

Nganong giulipon man ang panimalay sa Israel?

Giulipon ang panimalay sa Israel tungod sa ilang mga sala.

Ezekiel 39:25-27

Unsa man ang buhaton ni Yahweh sa panimalay sa Israel sa dihang mamuhat siya nga matinud-anon gayod alang sa balaan niyang ngalan?

Ipahibalik ni Yahweh ang katigayonan ni Jacob ug magmaluloy-on sa balay sa Israel.

Unsa man ang malimtan sa panimalay sa Israel sa dihang magpahulay sila nga luwas sa ilang yuta?

Malimtan sa panimalay sa Israel ang ilang kaulawan ug ang tanang kalapasan nga mao ang pagbudhi nila kang Yahweh.

Ezekiel 39:28-29

Unsa man ang gipahayag ni Yahweh nga iyang buhaton sa dihang ibubo niya ang iyang Espiritu sa panimalay sa Israel?

Gipahayag ni Yahweh nga sa dihang ibubo niya ang iyang Espiritu sa panimalay sa Israel dili na niya itago ang iyang nawong gikan kanila.

Ezekiel 40

Ezekiel 40:1-2

Pila man ka tuig nabihag si Ezekiel sa mga taga-Babilonia?

Nabihag si Ezekiel sa mga taga-Babilonia sulod sa 25 ka tuig.

Pila man ka tuig ang milabay nga nailog ang siyudad sa Jerusalem?

Napulo ug upat na ka tuig ang milabay sa dihang nailog ang siyudad sa Jerusalem.

Asa man gidala sa Dios si Ezekiel diha sa mga panan-awon?

Gidala sa Dios si Ezekiel didto sa yuta sa Israel diha sa mga panan-awon.

Ezekiel 40:3-4

Unsa man ang giingon kang Ezekiel nga ibalita ngadto sa panimalay sa Israel?

Giingnan si Ezekiel nga ibalita ngadto sa panimalay sa Israel ang tanan niyang nakita.

Ezekiel 40:5-10

Sa panan-awon ni Ezekiel, unsa man ang nakapalibot sa templo?

Sa panan-awon ni Ezekiel, adunay nakapalibot nga paril sa templo.

Ezekiel 40:11-13

Pila man ang nasukod sa tawo nga adunay samang hulagway sa bronsi sa gilapdon sa pultahan sa agianan sa ganghaan?

Napulo ka cubit ang nasukod sa tawo nga gilapdon sa pultahan sa agianan sa ganghaan.

Ezekiel 40:14-16

Unsa man ang nakita ni Ezekiel nga gikulit didto sa mga pader?

Nakita ni Ezekiel ang mga kinulit nga palmera didto sa mga pader.

Ezekiel 40:17-21

Asa man gidala si Ezekiel sa tawo nga sama ang hulagway sa bronsi human gisukod ang ganghaan?

Gidala si Ezekiel sa tawo ngadto sa gawas nga hawanan sa templo.

Ezekiel 40:22-27

Unsa man ang agian sa tawo aron makasulod sa sulod nga hawanan?

Kinahanglan moagi ang tawo sa ganghaan aron makasulod sa sulod nga hawanan.

Ezekiel 40:28-37

Unsa man ang kalahian sa sukod sa mga ganghaan sa sulod nga hawanan?

Adunay managsamang mga sukod ang mga ganghaan sa sulod nga hawanan.

Ezekiel 40:38-39

Unsa man ang gamit sa mga lawak nga adunay pultahan diha sa matag agianan sa ganghaan sa sulod nga bahin?

Ang mga lawak nga adunay pultahan sa matag agianan sa ganghaan sa sulod nga bahin maoy gigamit aron didto hugasan ang mga halad sinunog.

Ezekiel 40:40-45

Unsa man ang gamit sa upat ka lamesa sa isig ka kilid sa matag ganghaan?

Gigamit ang upat ka lamesa sa isig ka kilid sa matag ganghaan alang sa pag-ihaw sa mga mananap.

Ezekiel 40:46-47

Kang kinsa man nga mga anak nga lalaki ang nag-alagad ingon nga mga pari didto sa templo?

Ang mga anak nga lalaki ni Zadok maoy nag-alagad ingon nga mga pari didto sa templo.

Unsa man kadako ang sulod nga hawanan?

Ang sulod nga hawanan adunay 100 ka cubit ang gitas-on ug gilapdon nga kwadrado.

Ezekiel 40:48-49

Unsa man ang anaa sa matag kilid sa portico sa balaang dapit?

Adunay mga haligi nga anaa sa matag kilid sa portico sa balaang dapit.

Ezekiel 41

Ezekiel 41:1-2

Asa man gidala sa tawo si Ezekiel?

Gidala sa tawo si Ezekiel didto sa balaang dapit sa templo.

Ezekiel 41:3-4

Asa man miadto ang tawo pagkahuman sa balaang dapit?

Miadto ang tawo sa labing balaang dapit.

Ezekiel 41:5-11

Unsaon man pag-adto sa tawo didto sa pinakataas nga andana sa balay?

Adunay hagdanan paingon sa taas agi sa tunga nga andana aron makaadto sa pinakataas nga andana sa balay.

Ezekiel 41:12-14

Unsa man ang sukod sa balaang dapit ug ang kalapdon sa atubangan sa hawanan nga anaa sa atubangan sa balaang dapit?

Managsama nga mikabat ug 100 ka cubit ang balaang dapit ug ang atubangan sa hawanan.

Ezekiel 41:15-17

Unsa man ang anaa sa ibabaw sa agianan pasulod ngadto sa balaang dapit?

Adunay sinukod nga kinal-angan ibabaw sa agianan pasulod ngadto sa balaang dapit.

Ezekiel 41:18-20

Unsa man ang duha ka nawong sa matag kerubin?

Adunay nawong sa tawo ug nawong sa batan-ong liyon ang matag kerubin.

Ezekiel 41:21-24

Unsa man ang giingon sa tawo mahitungod sa kahoyng halaran atubangan sa balaang dapit?

Miingon ang tawo nga ang kahoyng halaran mao ang lamesa nga gipahimutang sa atubangan ni Yahweh.

Ezekiel 41:25-26

Unsa man ang gikulit ngadto sa mga sira sa balaang dapit?

Gikulitan ug mga kerubin ug mga palmera ang mga sira sa balaang dapit.

Ezekiel 42

Ezekiel 42:1-12

Asa man nga bahin sa templo gidala sa tawo si Ezekiel?

Gidala sa tawo si Ezekiel ngadto sa gawas nga hawanan sa amihanang bahin.

Ezekiel 42:13-15

Kay unsa man ang giingon sa tawo nga gamitan sa amihanan ug habagatan nga mga lawak nga anaa sa atubangan sa gawas nga hawanan?

Gamiton sa mga pari ang mga lawak aron kan-an sa pinakabalaang pagkaon, ug butangan sa pinakabalaan nga mga butang.

Unsa man ang pinakabalaan nga mga butang sa mga pari?

Ang pinakabalaan nga mga butang sa mga pari mao ang mga halad nga pagkaon, ang halad sa sala, ug ang halad sa dili tinuyoan nga sala.

Unsa man nga matang sa mga lawak ang anaa dapit sa amihanan ug habagatan sumala sa giingon sa tawo?

Miingon ang tawo nga balaan nga mga dapit ang anaa sa amihanan ug sa habagatan nga mga lawak.

Unsa man ang buhaton sa mga pari sa dili pa sila moduol sa katawhan?

Magbisti ang mga pari ug laing mga bisti sa dili pa sila moduol sa katawhan.

Ezekiel 42:16-19

Unsa man ang gitas-on sa matag bahin; sa amihanan, sa habagatan, sa sidlakan, ug sa kasadpan?

500 ka cubit ang gitas-on sa matag bahin

Ezekiel 42:20

Unsa man ang duha ka butang nga gilain sa sidlakan nga ganghaan?

Gilain sa sidlakan nga ganghaan ang balaan ug ang dili balaan.

Ezekiel 43

Ezekiel 43:1-2

Asa man gidala sa tawo si Ezekiel?

Gidala sa tawo si Ezekiel ngadto sa ganghaan nga nag-atubang sa sidlakan.

Unsa man ang nakita ni Ezekiel ug asa man kini miabot?

Nakita ni Ezekiel ang himaya sa Dios sa Israel nga miabot gikan sa sidlakan.

Ezekiel 43:3-5

Giunsa man pagsulod ni Ezekiel ngadto sa sulod nga hawanan?

Gialsa sa Espiritu si Ezekiel ug gidala siya ngadto sa sulod nga hawanan.

Ezekiel 43:6-9

Unsa man ang giingon ni Yahweh nga iyang buhaton didto sa sulod nga hawanan?

Miingon si Yahweh nga ipahimutang niya ang iyang trono didto ug magpuyo didto taliwala sa katawhan sa Israel hangtod sa kahangtoran.

Sa unsa man nga paagi nga dili na gayod mapasipalahan sa katawhan sa Israel ang balaan nga ngalan ni Yahweh?

Dili na gayod mapasipalahan sa katawhan sa Israel ang balaan nga ngalan ni Yahweh pinaagi sa pagbutang sa mga ganghaan sa ilang habog nga dapit sunod kang Yahweh.

Ezekiel 43:10-11

Unsa man ang gisulti ni Yahweh nga buhaton ni Ezekiel mahitungod sa balay nga iyang nakita sa panan-awon?

Gisultihan ni Yahweh si Ezekiel nga isulti ngadto sa panimalay sa Israel ang mahitungod sa balay nga iyang nakita sa panan-awon.

Unsa man ang kinahanglan buhaton sa Israel aron ipakita ni Ezekiel kanila ang disenyo sa balay?

Kinahanglan maulaw ang Israel sa ilang mga sala aron ipakita ni Ezekiel ngadto kanila ang disenyo sa balay.

Ezekiel 43:12-14

Unsa man ang giingon ni Yahweh nga patakaran alang sa balay?

Miingon si Yahweh nga ang patakaran sa balay mao nga mahimo kining labing balaan.

Ezekiel 43:15-17

Unsa man ang gamit sa dapit sa halinganan diha sa ibabaw sa halaran?

Ang dapit sa halinganan diha sa ibabaw sa halaran gamiton alang sa mga halad sinunog.

Unsa man nga mga butang nga nagtudlo pataas diha sa ibabaw sa halinganan?

Adunay upat ka sungay nga nagtudlo pataas ibabaw sa dapit sa halinganan.

Ezekiel 43:18-19

Unsa man ang giingon ni Yahweh nga mahimong halad sa sala alang sa Levita nga mga pari sa unang adlaw?

Miingon si Yahweh nga ang usa ka torong baka gikan sa panon ang mahimong halad sa sala alang sa Levita nga mga pari sa unang adlaw.

Kinsa mang mga kaliwat ang mag-alagad ingon nga Levita nga mga pari niini nga halaran?

Ang mga kaliwat ni Zadok ang mag-alagad ingon nga Levita nga mga pari niini nga halaran.

Ezekiel 43:20-21

Unsa man ang mahimong resulta sa pagbutang ug dugo diha sa ibabaw sa halaran?

Ang pagbutang sa dugo diha sa ibabaw sa halaran maoy maghinlo niini ug mopapas sa sala alang niini.

Ezekiel 43:22-24

Unsa man ang giingon ni Yahweh nga mahimong halad sa sala alang sa mga pari nga Levita sa ikaduha nga adlaw?

Miingon si Yahweh nga ang usa ka laki nga kanding nga walay tatsa ang mahimong halad sa sala alang sa mga pari nga Levita sa ikaduha nga adlaw.

Ezekiel 43:25-27

Unsa man ang angay buhaton sa mga pari sulod sa pito ka adlaw aron pagpapas alang sa halaran?

Kinahanglan nga mag-andam ang mga pari ug usa ka walay tatsa nga torong baka ug usa ka walay tatsa nga laking karnero ingon nga halad sinunog sa pagpapas sa sala diha sa halaran.

Sa ikawalo nga adlaw ug sa umaabot, unsa man ang gipahayag ni Yahweh nga iyang buhaton?

Sa ikawalo nga adlaw ug sa umaabot, gipahayag ni Yahweh nga dawaton niya sila.

Ezekiel 44

Ezekiel 44:1-3

Asa man gidala sa tawo si Ezekiel?

Gidala sa tawo si Ezekiel balik sa gawas sa balaang dapit sa ganghaan nga nag-atubang sa sidlakang bahin.

Unsa man ang gibuhat sa sidlakang bahin nga ganghaan, ug ngano?

Gisirad-an pag-ayo ang sidlakang bahin nga ganghaan, tungod kay si Yahweh nga Ginoo sa Israel ang misulod niini.

Ezekiel 44:4-5

Unsa man ang giingon kang Ezekiel nga hunahunaon mahitungod sa balay ni Yahweh?

Giingnan si Ezekiel nga hunahunaon ang mahitungod sa pasulod ug mga gawasanan sa balay ni Yahweh.

Ezekiel 44:6-7

Unsa man ang mga dulomtanang mga buhat nga nabuhat sa balay sa Israel nga nakapasipala sa balaang dapit ni Yahweh.

Nagdala ug mga langyaw ang balay sa Israel nga dili tinuli ang mga kasingkasing ug unod ngadto sa balaang dapit.

Ezekiel 44:8-9

Nganong gitugotan man sa panimalay sa Israel ang mga langyaw sa pagsulod sa balaang dapit ni Yaweh?

Gitugotan sa panimalay sa Israel ang mga langyaw sa pagsulod sa balaang dapit ni Yahweh tungod kay gihatagan sa Israel ug trabaho nga atimanon ang ilang balaang dapit.

Ezekiel 44:10-12

Unsa man ang nabuhat sa mga Levita nga naglatagaw palayo gikan kang Yahweh?

Nagbuhat ug mga halad sa atubangan sa ilang mga diosdios ang mga Levita nga naglatagaw palayo kang Yahweh.

Ezekiel 44:13-14

Unsa man ang gisulti ni Yahweh nga dili itugot nga buhaton sa mga naglatagaw palayo kaniya?

Nagpahayag si Yahweh nga dili makaduol kaniya ang mga Levita nga naglatagaw palayo gikan kaniya aron mamuhat ingon nga iyang mga pari o makaduol sa bisan unsa nga balaan niyang mga butang, ang labing balaang mga butang.

Asa man ipahimutang ni Yahweh ang mga Levita nga naglatagaw palayo gikan kaniya?

Miingon si Yahweh nga ipahimutang niya sila ingon nga tig-atiman sa bulohaton sa balay, alang sa tanan nga trabaho niini ug sa tanang butang nga buhaton sulod niini.

Ezekiel 44:15-16

Nganong nagpahayag man si Yahweh nga ang mga anak nga lalaki ni Zadok lamang ang makaduol kaniya ug motindog sa iyang atubangan?

Makaduol ug makatindog ang mga anak nga lalaki ni Zadok sa atubangan ni Yahweh tungod kay gibuhat nila ang ilang mga trabaho sa balaang dapit ni Yahweh sa dihang naglatagaw palayo ang katawhan sa Israel.

Ezekiel 44:17-19

Unsa man nga matang sa mga bisti ang sul-obon sa mga pari sa dihang mosulod sila sa mga ganghaan sa sulod nga hawanan, ug ngano?

Magsul-ob ang mga pari ug lino nga mga bisti sa dihang mosulod sila sa mga ganghaan sa sulod nga hawanan aron nga dili sila singoton.

Ezekiel 44:20-22

Kinsa man ang gitugotan nga minyoan sa pari?

Gitugotan ang pari nga minyoan sa ulay nga gikan sa banay sa panimalay sa Israel, o ang balo nga nakaminyo ug mga pari kaniadto.

Ezekiel 44:23-27

Unsa man ang itudlo sa mga pari sa katawhan tali sa kalahian?

Itudlo sa mga pari sa katawhan ang kalahian sa balaan ug sa malaw-ay, sa dili hinlo gikan sa hinlo

Unsa man ang katungdanan sa pari sa panaglalis taliwala sa mga Israelita?

Mobarog ang pari aron sa paghukom taliwala sa katawhan pinasikad sa mga sugo ni Yahweh, ug himoon ang makiaangayon.

Ezekiel 44:28-29

Nganong dili man makadawat ang mga pari ug bisan unsang kabtangan o panulondon sa yuta sa Israel?

Dili makadawat ang mga pari ug bisan unsang kabtangan o panulondon sa yuta sa Israel tungod kay si Yahweh ang ilang panulondon ug kabtangan.

Unya unsa man ang angayng kaonon sa pari?

Ang kaonon sa mga pari mao ang gikan sa halad nga pagkaon.

Ezekiel 44:30-31

Unsa man ang dili angayng kaonon sa mga pari?

Dili mokaon ang mga pari ug bisan unsa nga patayng mga mananap o hayop nga gitukob sa ihalas nga hayop, langgam man o ihalas nga mga mananap.

Ezekiel 45

Ezekiel 45:1-2

Unsa man nga halad ang himoon sa katawhan ngadto kang Yahweh sa dihang magripa sila aron bahinbahinon ang yuta?

Maghimo ug halad ang katawhan sa balaang dapit sa yuta sa dihang magripa sila aron bahinon ang yuta.

Ezekiel 45:3-5

Alang sa unsa man nga bahin ang dapit nga balaang yuta?

Alang sa mga kabalayan ug mga kalungsoran sa mga pari ang balaang dapit nga bahin sa yuta.

Ezekiel 45:6-8

Kang kinsa man mahisakop ang dapit sa siyudad?

Mahisakop ang dapit sa siyudad sa tanang pananilay sa Israel.

Kang kinsa man nga yuta ang anaa sa duha ka mga kilid sa balaang dapit ug sa siyudad?

Ang yuta sa mga prinsipe sa Israel maanaa sa duha ka kilid sa balaang dapit ug sa siyudad.

Ezekiel 45:9-12

Unsa man ang gisulti ni Yahweh sa mga prinsipe nga undangon na ang pagbuhat?

Gisultihan ni Yahweh ang mga prinsipe nga undangon na ang pagpalayas sa katawhan ni Yahweh, ug undanga ang kagubot ug panag-away.

Unsa man ang gisulti ni Yahweh nga kinanglang buhaton sa husto?

Misulti si Yahweh kinahanglan himoong husto ang mga timbangan, mga epha, ug ang mga bat.

Ezekiel 45:13-15

Pila man ka lana ang gikan sa napulo ka bat ang patakaran sa halad nga lana?

Ikanapulo ka bat sa matag napulo ka bat ang patakaran sa paghalad sa lana.

Ezekiel 45:16-17

Kang kinsa man ihatag sa katawhan sa Israel ang ilang mga gasa?

Ihatag sa katawhan sa yuta ang ilang mga gasa ngadto sa prinsipe sa Israel.

Kang kinsa nga kaakohan ang pagsangkap sa mga mananap alang sa mga halad diha sa mga kasaulogan sa balay sa Israel?

Kaakohan sa prinsipe sa Israel ang pagsangkap sa mga mananap alang sa mga halad.

Ezekiel 45:18-20

Kanus-a man ihalad sa mga pari ang walay tatsa nga torong baka ingon nga halad sa sala ngadto sa balaang dapit?

Ihalad sa mga pari ang walay tatsa nga torong baka ingon nga halad sa sala sa unang adlaw sa unang bulan.

Ezekiel 45:21-24

Kanus-a man ang pito ka adlaw nga kasaulogan alang sa tinapay nga walay patubo?

Sa ikakatorse nga adlaw sa unang bulan mao ang adunay pito ka adlaw nga kasaulogan sa tinapay nga walay patubo.

Ezekiel 45:25

Unsa man nga mga halad ang ihatag sa ika-kinse nga adlaw sa ikapito nga bulan?

Ihatag sa ika-kinse nga adlaw sa ikapito ka bulan ang mga halad alang sa sala, mga halad nga sinunog, mga halad nga pagkaon, ug mga halad nga lana.

Ezekiel 46

Ezekiel 46:1-2

Kanus-a man giingon ni Yahweh nga pagaablihan ang sidlakan nga ganghaan sa sulod nga hawanan?

Miingon si Yahweh nga pagaablihan ang sidlakan nga ganghaan sa sulod nga hawanan sa adlaw nga Igpapahulay ug sa adlaw sa bag-ong bulan.

Asa man magsimba ang prinsipe sa Israel?

Magsimba ang prinsipe sa Israel diha sa pultahan sa sulod nga ganghaan.

Ezekiel 46:3-5

Unsa man ang halad sinunog sa prinsipe sa adlaw nga Igpapahulay?

Maghalad ang prinsipe ug unom ka walay tatsa nga mga nating karnero ug usa ka walay tatsa nga torong karnero.

Ezekiel 46:6-8

Unsa man ang gisulti ni Yahweh nga balaod mahitungod sa kung unsaon pagbiya sa prinsipe human siya magsimba?

Miingon si Yahweh nga ang balaod mao nga kinahanglan mobiya ang prinsipe sa samang dalan nga iyang gisudlan sa iyang pagsimba.

Ezekiel 46:9-10

Unsa man ang gisulti ni Yahweh nga balaod mahitungod sa kung unsaon sa katawhan pagbiya human sila magsimba?

Miingon si Yahweh nga ang balaod mao nga kinahanglan mobiya ang katawhan sa kaatbang nga dalan gikan sa ilang gisudlan.

Ezekiel 46:11-12

Unsa man ang buhaton sa prinsipe panahon sa kasaulogan sa dihang mihatag siya ug kinabubot-ong halad?

Ablihan sa prinsipe ang sidlakan nga ganghaan alang sa halad, ug unya mogawas ug sirad-an ang ganghaan pagkahuman niya.

Ezekiel 46:13-15

Unsa man ang giingon ni Yahweh nga ihatag ingon nga halad sinunog matag buntag?

Miingon si Yahweh nga mohatag ug nating karnero nga nagpanuigon ug usa ingon nga halad sinunog matag buntag.

Ezekiel 46:16-18

Sumala kang Yahweh, kinsa man ang modawat sa panulondon sa prinsipe?

Dawaton sa iyang mga anak nga lalaki ang panulondon sa prinsipe.

Nganong miingon man si Yahweh nga kinahanglan dili kuhaon sa prinsipe ang panulondon sa katawhan?

Dili kuhaon ang panulondon sa katawhan aron dili sila magkatibulaag gikan sa ilang kaugalingong kabtangan.

Ezekiel 46:19-20

Nganong dili man dad-on sa mga pari ang halad sa dili tinuyoan nga sala, sa sala, ug sa trigo didto sa gawas nga hawanan?

Dili angay dad-on sa mga pari ang mga halad pagawas sa gawas nga hawanan kay mabalaan ang katawhan.

Ezekiel 46:21-24

Unsa man ang buhaton didto sa mga abohan sa mga suok sa gawas nga hawanan?

Pabukalan sa mga sulugoon sa templo ang mga halad sa katawhan diha sa mga abohan sa mga suok sa gawas nga hawanan.

Ezekiel 47

Ezekiel 47:1-2

Asa man nag-atubang ang templo diha sa panan-awon ni Ezekiel?

Nag-atubang ang templo sa sidlakan.

Unsa man ang nakita ni Ezekiel sa ganghaan nga nag-atubang sa sidlakan?

Nakita ni Ezekiel nga nagdagayday ang tubig gikan sa ganghaan nga nag-atubang sa sidlakan, sa habagatang bahin niini.

Ezekiel 47:3-5

Unsa man kalalom ang tubig nga nakita ni Ezekiel?

Ang tubig nahimong suba nga lalom na kaayo tabokon ug angay na nga langoyon.

Ezekiel 47:6-10

Unsa man ang anaa sa isig ka kilid sa suba?

Adunay daghang mga kahoy sa isig ka kilid sa suba.

Asa man padulong ang dagayday sa tubig, ug unsa man ang gibuhat niini didto?

Nagdagayday ang tubig paingon sa Dagat nga Asin ug bag-ohon kini ngadto sa pagkatab-ang.

Ezekiel 47:11-12

Unsa man ang dili himoong tab-ang sa Dagat nga Asin?

Dili himoong tab-ang ang mga lapukon ug lamakan sa Dagat nga Asin.

Unsa man nga matang sa mga kahoy ang motubo sa daplin sa suba, ug unsaon man nila pagtubo?

Motubo sa daplin sa suba ang kahoy nga makaon ang bunga, nga mamunga matag bulan ug dili gayod malaya.

Ezekiel 47:13-14

Kinsa man ang makadawat ug duha ka bahin sa yuta taliwala sa mga tribo sa Israel?

Makadawat si Jose ug duha ka bahin sa yuta taliwala sa mga tribo sa Israel.

Ezekiel 47:15-17

Unsa man nga siyudad ang makaabot sa amihanang utlanan sa yuta?

Makaabot sa utlanan sa Damascus ang amihanang utlanan sa yuta.

Ezekiel 47:18-20

Unsa man ang sidlakan nga utlanan sa yuta?

Ang sidlakan nga utlanan sa yuta mao ang Suba sa Jordan.

Unsa man nga lugot ang kabahin sa habagatan nga utlanan sa yuta?

Ang Lugot sa Ehipto ang mahimong kabahin sa habagatang utlanan sa yuta.

Unsa man ang kasadpang utlanan sa yuta?

Ang kasadpang utlanan sa yuta mao ang Dako nga Dagat.

Ezekiel 47:21-23

Unsaon man pag-ila sa mga Israelita sa mga panulondon alang sa matag tawo sa yuta?

Magripa ang mga Israelita aron sa pag-ila sa panulondon alang sa matag tawo sa yuta.

Kinsa man ang tagdon nga sama sa lumad nga katawhan sa Israel?

Tagdon ang mga langyaw nga nagpuyo taliwala sa mga Israelita sama sa lumad nga katawhan sa Israel.

Ezekiel 48

Ezekiel 48:1-3

Unsa man nga tribo ang hatagan ug yuta nga anaa sa amihanang utlanan sa Israel?

Ihatag sa tribo ni Dan ang yuta sa amihanang utlanan sa Israel.

Unsa man nga tribo ang ipahimutang sa habagatang utlanan sa tribo ni Dan?

Ang tribo ni Asher ang ipahimutang sa habagatang utlanan ni Dan.

Unsa man nga tribo ang ipahimutang sa habagatang utlanan sa tribo ni Asher?

Ang tribo ni Neftali mao ang habagatang utlanan ni Asher.

Ezekiel 48:4-7

Sa pagkasunod-sunod, unsa man ang upat ka mga tribo ang nahimutang sa habagatang bahin sa tribo ni Neftali?

Sa pagkasunod-sunod, ang upat ka mga tribo nga nahimutang sa habagatang bahin ni Neftali mao ang Manases, Efraim, Reuben, ug Juda.

Ezekiel 48:8-9

Unsa man ang anaa sa tungatunga sa yuta nga makita sa utlanan sa Juda?

Anaa diha sa tungatunga sa yuta ang templo nga makita sa utlanan sa Juda.

Ezekiel 48:10-12

Kinsa man ang mopuyo sa yuta nga nakapalibot sa balaang dapit ni Yahweh?

Ang mga pari sa banay ni Zadok ang mopuyo sa yuta nga nakapalibot sa balaang dapit ni Yahweh.

Ezekiel 48:13-16

Kinsa man ang mopuyo sa yuta nga anaa sa utlanan sa yuta sa mga pari?

Magpuyo ang mga Levita sa yuta nga anaa sa utlanan sa yuta sa mga pari.

Ezekiel 48:17-20

Alang sa asa man gamiton ang nahibilin nga yuta sa balaang halad?

Ang nahibilin nga yuta sa balaang halad sa yuta gamiton aron makahatag ug pagkaon alang niadtong nagtrabaho sa siyudad.

Ezekiel 48:21-26

Alang kang kinsa man ang yuta nga anaa sa sidlakan ug kasadpan nga utlanan sa balaang halad sa yuta?

Alang sa prinsipe ang yuta nga anaa sa sidlakan ug sa kasadpan nga mga utlanan sa balaang halad sa yuta.

Ezekiel 48:27-29

Unsa man ang habagatang utlanan ni Gad?

Ang habagatang utlanan ni Gad molahos gikan sa Tamar paingon sa katubigan sa Meriba Kades, ug paingon sa lugot sa Ehipto, ug unya paingon sa Dako nga Dagat.

Ezekiel 48:30-32

Pila man ka mga ganghaan ang anaa sa amihanang bahin sa siyudad, ug unsa man ang gipangalan alang kanila?

Adunay tulo ka mga ganghaan sa amihanang bahin sa siyudad, nga ang usa ginganlan alang kang Reuben, kang Juda, ug kang Levi.

Ezekiel 48:33-35

Unsa man ang gipangalan sa siyudad?

Ang ngalan sa siyudad mao ang "Anaa si Yahweh."