Habakkuk
Habakkuk 1
Habakkuk 1:1-2
Unsa man ang gipangutana ni Habakuk kang Yahweh sa dihang nagsugod siya sa iyang pamahayag?
Gipangutana ni Habakuk si Yahweh kung nganong wala siya gipaminawan o giluwas ni Yahweh bisan kung nangayo na siya ug pakitabang.
Habakkuk 1:3-4
Unsa man ang gipakita kang Habakuk?
Gipakita kang Habakuk ang paglapas, sayop nga mga binuhatan, pagkaguba, kasamok, panag-away ug panagbingkil.
Unsa man nga hustisya ang mikaylap?
Bakak nga hustisya ang mikaylap.
Habakkuk 1:5-7
Unsa man ang gisulti ni Yahweh nga makita ni Habakuk sa iyang kapanahonan?
Miingon si Yahweh nga makita ni Habakuk nga magmartsa ang mga Caldeanhon sa kayutaan aron sakopon ang mga pinuy-anan.
Unsa man nga matang sa katawhan ang mga Caldeanhon?
Makalilisang ug gikahadlokan ang mga Caldeanhon.
Habakkuk 1:8-9
Unsa man ang gitigom sa mga Caldeanhon diha sa kasamok?
Gitigom sa mga Caldeanhon ang mga bihag sama sa balas diha sa kasamok.
Habakkuk 1:10-11
Unsa man ang kinaiyahan sa mga Caldeanhon ngadto sa mga hari ug mga tigdumala?
Gitamay sa mga Caldeanhon ang mga hari ug mga tigdumala.
Habakkuk 1:12
Kinsa man ang nagtagana nga moabot ang mga Caldeanhon ug magdala ug paghukom?
Si Yahweh ang nagtagana nga moabot ang mga Caldeanhon ug magdala ug paghukom.
Unsa man nga mga titulo ang gigamit ni Habakuk alang kang Yahweh?
Gigamit ni Habakuk ang mga titulo nga "akong Dios", "Balaan nga Dios," ug "Dakong Bato" alang kang Yahweh.
Habakkuk 1:13-14
Unsa man ang pangutana o reklamo ni Habakuk ngadto kang Yahweh?
Gipangutana ni Habakuk si Yahweh kung nganong hilom lamang siya samtang gilamoy na sa mga daotan kadtong mas matarong pa kay kanila.
Habakkuk 1:15-17
Unsa man ang hinungdan nga nagmaya ang mga tawo nga nagpatay sa mga tawo sa kanasoran?
Nagmaya sila samtang gitigom ug gipangbihag nila ang mga tawo.
Unsa man nga trabaho ang gisulti ni Habakuk nga sama sa pagtigom sa mga tawo alang sa paghukom?
Miingon si Habakuk nga ang pagtigom sa katawhan alang sa paghukom sama sa pagtigom ug isda diha sa mga pukot.
Unsa man ang wala gibati niadtong mga tawo nga nagpatay sa mga tawo?
Walay kaluoy ang mga tawo nga nagpatay sa katawhan sa kanasoran.
Habakkuk 2
Habakkuk 2:1
Unsa man ang maampingon nga gibantayan ni Habakuk?
Maampingon nga gibantayan ni Habakuk kung unsa ang isulti ni Yahweh kaniya.
Habakkuk 2:2-3
Unsa man ang gisulti ni Yahweh kang Habakuk nga buhaton sa panan-awon?
Gisultihan ni Yahweh si Habakuk nga isulat ang panan-awon sa mga papan nga bato.
Unsa man ang pasalig nga gihatag ni Yahweh kang Habakuk mahitungod niini nga panan-awon alang sa umaabot?
Gipasaligan ni Yahweh si Habakuk nga matinuod gayod kini nga panan-awon bisan pa kung malangan kini.
Habakkuk 2:4-5
Sa unsa man nga paagi nga magkinabuhi ang mga matarong sumala kang Yahweh?
Miingon si Yahweh nga magkinabuhi ang mga matarong pinaagi sa iyang pagtuo.
Unsa man ang tulo ka butang nga dili gayod matagbaw sumala kang Yahweh?
Miingon si Yahweh nga dili gayod matagbaw ang tinguha sa batan-on nga tawo, ang lubnganan, ug ang kamatayon.
Habakkuk 2:6-8
Unsa man ang gisulti ni Yahweh nga mahitabo sa garboso nga batan-on nga nangawat sa daghang kanasoran?
Miingon si Yahweh nga makawatan sa mga nahibilin nga tawo ang garboso nga batan-on.
Habakkuk 2:9-11
Batok kang kinsa man ang unang pagkaalaot nga gipahayag ni Yahweh?
Gipahayag ni Yahweh ang pagkaalaot batok sa tawo nga nagkulit ug daotan nga pagpamintaha alang sa iyang panimalay.
Unsa man ang giingon ni Yahweh nga mosinggit tungod sa kaulaw ug sa sala?
Miingon si Yahweh nga maninggit ang mga bato tungod sa kaulaw ug sa sala.
Habakkuk 2:12-14
Batok kang kinsa man ang ikaduhang pagkaalaot nga gipahayag ni Yahweh?
Gipahayag ni Yahweh ang pagkaalaot batok sa tawo nga nagtukod ug siyudad pinaagi sa dugo ug paglapas.
Unsa man ang gisaad ni Yahweh nga mahitabo sa yuta sa umaabot?
Misaad si Yahweh nga mapuno ang yuta sa kahibalo sa himaya ni Yahweh.
Habakkuk 2:15-17
Batok kang kinsa man ang ikatulong pagkaalaot nga gipahayag ni Yahweh?
Gipahayag ni Yahweh ang pagkaalaot batok sa tawo nga nagpainom ug hilo sa iyang silingan aron makakita sa ilang pagkahubo.
Unsa man ang mahitabo isip balos sa tawo nga nagpainom ug hilo sa iyang silingan?
Moatubang ang kopa sa tuong kamot ni Yahweh ngadto sa tawo nga nagpainom ug hilo sa iyang silingan.
Habakkuk 2:18-20
Sa asa man gibutang sa naghulma sa estatuwa ang iyang pagtuo?
Gibutang niya ang iyang pagtuo sa kaugalingon nga buhat sa iyang kamot sa dihang nagbuhat siya niining mga amang nga mga dios.
Unsa man ang kinahanglan nga buhaton sa atubangan ni Yahweh, nga anaa sa iyang balaan nga templo?
Kinahanglan nga maghilom ang tanan sa atubangan ni Yahweh sa iyang balaan nga templo.
Habakkuk 3
Habakkuk 3:1-3
Sa dihang nadungog na ni Habakuk ang balita mahitungod kang Yahweh, unsa man ang kinasingkasing nga tubag ni Habakuk?
Nahadlok si Habakuk sa dihang nadungog na niya ang balita mahitungod kang Yahweh.
Unsa man ang gihangyo ni Habakuk nga hinumdoman ni Yahweh?
Gihangyo ni Habakuk si Yahweh nga hinumdoman ang kaluoy diha sa iyang kasuko.
Habakkuk 3:4-5
Sa dihang miabot ang Dios, unsa man ang nag-una ug nagsunod kaniya?
Sa dihang miabot ang Dios, nag-una kaniya ang balatian ug nagsunod kaniya ang mga hampak.
Habakkuk 3:6-12
Unsa man ang gibuhat ni Yahweh sa kanasoran sa iyang kasuko?
Giuyog ni Yahweh ang kanasoran.
Habakkuk 3:13
Nganong nagpadayon man si Yahweh sa iyang kasuko?
Nagpadayon si Yahweh sa iyang kasuko alang sa kaluwasan sa iyang katawhan ug sa iyang mga pinili.
Kinsa man ang gibuntog ni Yahweh sa iyang kasuko?
Gibuntog ni Yahweh ang pangulo sa panimalay sa daotan.
Habakkuk 3:14-15
Unsa man ang gibuhat sa daotan nga mga manggugubat sa dihang miabot sila aron sa pagpatibulaag sa katawhan ni Yahweh?
Nagpasigarbo ang mga manggugubat diha sa katawhan ni Yahweh.
Habakkuk 3:16
Unsa man ang hilom nga gipaabot ni Habakuk?
Nagpaabot si Habakuk sa hilom alang sa adlaw sa kasakit nga moabot sa katawhan nga nagsakop sa katawhan ni Yahweh.
Habakkuk 3:17
Unsa man nga mga kalisdanan nga giantos sa katawhan ni Yahweh?
Walay abot ang mga igera ug mga olibo nga kahoy, ug dili na makahatag ug pagkaon ang uma, ug wala nay kahayopan.
Habakkuk 3:18-19
Unsa man ang buhaton ni Habakuk taliwala sa kalisdanan?
Magmalipayon si Habakuk diha kang Yahweh taliwala sa kalisdanan.
Asa man gigiyahan ni Yahweh si Habakuk?
Gigiyahan ni Yahweh si Habakuk sa habog nga mga dapit.