Isaiah

Isaiah 1

Isaiah 1:1

Kinsa man si Isaias?

Si Isaias ang anak nga lalaki ni Amoz.

Mahitungod sa unsa man ang panan-awon ni Isaias?

Ang panan-awon ni Isaias mahitungod sa Juda ug Jerusalem.

Kanus-a man nakabaton ug panan-awon si Isaias?

Nakabaton si Isaias ug panan-awon sa mga adlaw ni Uzia, Jotam, Ahaz, ug Hezekia, ang mga hari sa Juda.

Isaiah 1:2-3

Nganong kinahanglan makadungog ang kalangitan ug maminaw ang kalibotan?

Kinahanglan nga makadungog ang kalangitan ug kinahanglan maminaw ang kalibotan kay nagsulti si Yahweh.

Unsa man ang gibuhat ni Yahweh?

Giatiman niya ug gipadako ang mga anak

Unsa man ang gibuhat sa mga anak ni Yahweh?

Misupak sila batok kang Yahweh

Isaiah 1:4-6

Giunsa man paghulagway ang nasod?

Gihulagway sila ingon nga mga makasasala, katawhan nga napuno sa pagkadaotan, mga kaliwat sa mga nagbuhat ug daotan ug mga anak nga lalaki sa nagbuhat ug malaw-ay.

Unsa man ang gibuhat sa nasod?

Gibiyaan nila si Yahweh, mipahilayo sila ug gitamay ang Usa ka Balaan sa Israel

Isaiah 1:7-8

Unsa man ang kahimtang sa ilang nasod ug sa mga siyudad?

Biniyaan ang ilang nasod ug gisunog ang ilang mga siyudad

Isaiah 1:9

Unsa man ang gibilin ni Yahweh kanila?

Gibinlan sila ni Yahweh ug gamay kaayo nga bahin o kaliwat.

Isaiah 1:10-13

Unsa man ang dili makapahimuot kang Yahweh?

Wala siya nahimuot sa dugo sa mga nating baka, sa mga nating karnero ug sa laking mga kanding.

Isaiah 1:14-15

Unsa man ang gikasilagan ni Yahweh?

Gikasilagan niya ang ilang bag-ong subang nga mga bulan ug tinudlo nga mga kasaulogan

Nganong dili man dunggon ni Yahweh ang ilang mga pag-ampo?

Dili niya dunggon kay nabulit sa dugo ang ilang mga kamot.

Isaiah 1:16-18

Unsa man ang giingon ni Yahweh nga ilang buhaton?

Gisultihan sila ni Yahweh sa paghunong sa pagkadaotan; magtuon sa pagbuhat ug maayo; mangita ug hustisya, tabangan ang dinaugdaog, hatagan ug hustisya ang mga ilo ug labanan ang balo.

Isaiah 1:19-20

Unsa man ang ilang buhaton aron makakaon sa abot sa yuta?

Kinahanglan sila nga magmasinugtanon ug magmatinumanon.

Unsa man ang mahitabo kung modumili sila ug mosupak?

Ang espada molaglag kanila

Isaiah 1:21-23

Sa unsa man mahisama ang matinud-anon nga siyudad sa wala pa siya nahimong nagbaligya ug dungog?

Napuno sa hustisya ug pagkamatarong ang matinumanon nga siyudad.

Unsa man ang nakapuno sa matinumanon nga siyudad?

Napuno sa mga mamumuno ang matinomanon nga siyudad.

Isaiah 1:24-28

Unsa man ang buhaton ni Yahweh?

Panimaslan niya ang iyang mga kaaway.

Isaiah 1:29-30

Unsa man ang nakapaulaw kanila?

Naulawan sila sa mga sagradong kahoy nga akasya nga ilang gitinguha ug naulawan sila pinaagi sa mga tanaman nga ilang gipili

Isaiah 1:31

Unsa man ang mahitabo sa kusgan nga tawo ug sa iyang binuhat?

Pagasunogon sila.

Isaiah 2

Isaiah 2:1-2

Mahitungod sa unsa man ang pulong nga nakita ni Isaias?

Ang pulong nga nakita ni Isaias mahitungod sa Juda ug Jerusalem.

Unsa man ang mahitabo sa ulahing mga adlaw?

Sa ulahing mga adlaw pagatukoran ang bukid ni Yahweh.

Kinsa man ang mangadto sa balay ni Yahweh?

Modagayday ang tanang kanasoran niini.

Isaiah 2:3

Nganong daghan man ang motungas sa bukid ni Yahweh?

Motungas sila aron tudloan sa daghang mga pamaagi ni Yahweh.

Isaiah 2:4

Unsa man ang buhaton ni Yahweh alang sa mga nasod ug sa daghang mga katawhan?

Hukman sila ni Yahweh ug maghimo ug mga pagbuot.

Unsa man ang dili na buhaton sa kanasoran?

Dili na nila bayawon ang ilang espada batok sa matag-usa o magbansay alang sa gubat.

Isaiah 2:5-8

Unsa man ang giingon nga buhaton sa balay ni Jacob?

Giingnan sila nga maglakaw diha sa kahayag ni Yahweh.

Unsa man ang gibuhat ni Yahweh?

Gipasagdan niya ang iyang katawhan, ang balay ni Jacob.

Nganong gipasagdan man ni Yahweh ang balay ni Jacob?

Gipsagdan niya sila kay napuno sila sa mga tulomanon nga gikan sa sidlakan ug mga magbabasa sa tilimad-on sama sa mga Filistihanon, ug nagkumusta sila sa mga anak nga lalaki sa mga langyaw.

Isaiah 2:9-16

Nganong kinahanglan man nga manago sa batoon nga mga dapit ang balay ni Jacob ug motago ilalom sa yuta?

Kinahanglan nga motago sila tungod sa kasuko ni Yahweh ug sa himaya sa iyang pagkahalangdon.

Unsa man ang mahitabo sa mapahitas-ong panan-aw ug sa garboso nga mga tawo?

Ipaubos sila pag-ayo.

Kinsa man ang pasidunggan nianang adlawa?

Si Yahweh lamang ang pasidunggan nianang adlawa.

Isaiah 2:17-19

Unsa man ang mahitabo sa mga diosdios?

Mahanaw gayod kini.

Asa man mangadto ang mga tawo nianang adlawa?

Mangadto sila sa mga langob sa kabatoan ug sa mga bangag nga diha yuta.

Isaiah 2:20-22

Kinsa man ang dili na pasaligan sa balay ni Jacob?

Gisultihan sila sa pag-undang sa pagsalig sa tawo.

Isaiah 3

Isaiah 3:1-3

Unsa man ang kuhaon ni Yahweh gikan sa Jerusalem ug Juda?

Kuhaon ni Yahweh ang ilang tukod ug ang sungkod.

Isaiah 3:4-7

Kinsa man ang mangulo sa Juda ug Jerusalem?

Mga batan-on ang mangulo kanila ug dili pa hamtong ang magdumala kanila.

Kinsa man ang magdaugdaog sa katawhan?

Magdinaugdaogay ang katawhan sa matag-usa ug ang tanan pinaagi sa iyang silingan.

Isaiah 3:8-9

Nganong nagun-ob man ang Jerusalem ug napukan ang Juda?

Nagun-ob ug napukan kini tungod sa ilang gipamulong ug mga buhat batok kang Yahweh.

Unsa man ang mga saksi batok sa Juda ug Jerusalem?

Makita sa ilang mga nawong saksi batok kanila.

Isaiah 3:10-12

Unsa man ang mahitabo sa mga matarong?

Maayo kini ngadto sa mga matarong.

Unsa man ang mahitabo sa mga daotan?

Daotan kini alang sa mga daotan.

Asa man sila giyahan sa ilang mga pangulo?

Pahisalaagon sila sa ilang mga pangulo ug libogon sila sa ilang padulngan nga dalan.

Isaiah 3:13-15

Unsa man ang buhaton ni Yahweh ngadto sa mga kadagkoan ug sa mga opisyal sa iyang katawhan?

Ipahayag ni Yahweh ang paghukom ngadto kanila.

Isaiah 3:16-23

Unsa man ang buhaton sa Ginoo, nga Yahweh ngadto sa mga anak nga babaye sa Zion?

Magbuhat si Yahweh ug mga hubag diha sa ilang mga ulo ug mangaopaw sila.

Isaiah 3:24-26

Unsa man ang mahitabo ngadto sa mga lalaki?

Mapukan ang mga lalaki pinaagi sa espada.

Isaiah 4

Isaiah 4:1-2

Nganong gunitan man sa pito ka mga babaye ang usa ka lalaki?

Gusto nila nga nganlan sa iyang ngalan ug hawaon ang ilang kaulawan.

Isaiah 4:3-4

Unsa man ang itawag niadtong nahibilin nga mga buhi sa Zion ug sa Jerusalem?

Pagatawagon nga balaan ang nahibilin nga mga buhi sa Zion ug Jerusalem.

Unsa man ang buhaton sa Ginoo pinaagi sa espiritu sa hustisya ug pinaagi sa espiritu nga nagdilaab nga kalayo?

Banlason sa Ginoo ang hugaw sa mga anak nga babaye sa Zion ug hinloan ang mga mansa nga dugo gikan sa taliwala sa Jerusalem.

Isaiah 4:5-6

Unsa man ang buhaton ni Yahweh ibabaw sa tibuok dapit sa Bukid sa Zion ug ibabaw sa tigomanan niyang dapit?

Magbuhat siya ug panganod ug aso panahon sa adlaw ug masilaw nga nagdilaab nga kalayo panahon sa kagabhion; usa ka silonganan labaw sa tanang himaya.

Isaiah 5

Isaiah 5:1-2

Alang kang kinsa man gusto moawit ang mag-aawit?

Gusto moawit ang mag-aawit alang sa iyang hinigugma.

Mahitungod sa unsa man ang awit sa mag-aawit?

Ang awit mahitungod sa parasan sa iyang hinigugma.

Unsa man ang iyang buhaton sa parasan?

Gibungkal niya kini, gihawa ang mga bato, gitamnan kini ug labing maayo nga klasi sa paras, ug nagtukod siya ug tore ug pug-anan niini.

Unsa man ang bunga sa mga paras?

Namunga ug ihalas nga mga ubas ang mga paras.

Isaiah 5:3-4

Unsa man ang hukman sa mga lumolupyo sa Jerusalem ug sa mga lalaki sa Juda?

Hukman nila tali sa hinigugma ug sa iyang parasan.

Isaiah 5:5-6

Unsa man ang buhaton sa hinigugma ngadto sa iyang parasan?

Kuhaon niya ang koral, himoon niya nga usa ka sibsibanan, ug gun-obon ang paril niini aron mahimo na kining kamingawan ug wala nay ulan nga motulo niini.

Isaiah 5:7

Kinsa man ang parasan ni Yahweh nga labaw nga makagagahom?

Ang parasan ni Yahweh mao ang balay sa Israel.

Unsa man ang gipaabot ni Yahweh?

Nagpaabot si Yahweh ug hustisya ug pagkamatarong.

Unsa man ang nakaplagan ni Yahweh imbis nga hustisya ug pagkamatarong?

Nakaplagan ni Yahweh ang pagpinatyanay ug singgit sa pagpakitabang.

Isaiah 5:8-12

Unsa man ang mahitabo sa daghang kabalayan?

Daghang kabalayan ang mawad-an ug sulod ug lumolupyo.

Isaiah 5:13-14

Nganong gipangbihag man ang katawhan sa Israel ug Juda?

Gipangbihag sila kay kulang sila sa panabot.

Isaiah 5:15-23

Unsa man ang nagpasidungog kang Yahweh nga makagagahom?

Ang hustisya ni Yahweh nagpasidungog kaniya.

Giunsa man pag-ila ang Dios nga usa ka Balaan?

Naila ang Dios pinaagi sa matarong niya nga mga pamaagi.

Isaiah 5:24-25

Nganong malata man ang gamot sa Israel, ug mapalid ang ilang bulak sama sa abog?

Malata ang gamot sa Israel, ug mopalid ang ilang bulak sama sa abog kay gisalikway nila ang balaod ni Yahweh ug gitamay ang pulong sa Usa ka Balaan sa Israel.

Isaiah 5:26-30

Unsaon man pagtawag ni Yahweh sa halayong nasod aron moabot?

Tawagon niya sila pinaagi sa pagpatindog ug usa ka timailhan nga bandira ug taghoyan sila.

Unsaon man sa pag-abot sa halayong nasod?

Paspas nga moabot kanang halayo nga nasod ug walay langan.

Isaiah 6

Isaiah 6:1-3

Kanus-a man nakita ni Isaias nga naglingkod ang Ginoo sa usa ka hataas ug habog nga trono?

Nakita ni Isaias ang Ginoo sa tuig nga namatay si haring Uzia.

Kinsa man ang anaa sa ibabaw sa Ginoo?

Ang mga serafim ang anaa sa ibabaw sa Ginoo.

Isaiah 6:4-5

Unsa man ang nahitabo sa dihang nagtinawagay ang mga serafim sa usag usa?

Sa dihang nagtinawagay ang mga serafim sa usag usa, natay-og ang mga pultahan ug ang mga patukoranan ug napuno ang balay sa aso.

Unsa man ang gisulti ni Isaias sa dihang nakita niya kining tanan nga mga butang?

Miingon si Isaias nga alaot siya tungod kay hugaw ang iyang mga ngabil ug nagpuyo siya uban sa mga tawo nga hugaw ang mga nagbil ug tungod kay nakita niya ang Hari, nga si Yahweh.

Isaiah 6:6-7

Unsa man ang gisulti sa serafim sa dihang gidapat niya ang uling nga gikan sa halaran ngadto sa mga ngabil ni Isaias?

Miingon siya, "Tan-awa, midapat kini sa imong mga ngabil; gikuha na ang imong pagkadaotan, ug gipasaylo na ang imong mga sala.

Isaiah 6:8-10

Unsa man ang nadungog ni Isaias nga gipangutana sa Ginoo?

Miingon ang Ginoo, "Kinsa man ang akong ipadala; kinsa man ang molakaw alang kanato?"

Giunsa man pagtubag ni Isaias sa pangutana sa Ginoo?

Miingon si Isaias, "Ania ako; ipadala ako."

Unsa man ang gisulti sa Ginoo kang Isaias nga isulti sa katawhan?

Gisultihan sa Ginoo si Isaias nga isulti sa katawhan nga maminaw lamang apan dili makasabot; makakita, apan walay pagsabot.

Isaiah 6:11-13

Hangtod kanus-a man isulti ni Isaias ang mensahe sa Ginoo ngadto sa katawhan?

Isulti ni Isaias sa katawhan ang mensahe sa Ginoo hangtod magun-ob ang mga siyudad ug wala nay lumolupyo ug wala nay mga tawo sa mga balay ug mahimo nang biniyaan ang yuta, ug hangtod abogon ni Yahweh ang katawhan ug maawaaw na sa hingpit ang yuta.

Isaiah 7

Isaiah 7:1-2

Kinsa man si Ahaz?

Si Ahaz mao ang lalaki nga anak ni Jotam, nga anak nga lalaki ni Uzia, ang hari sa Juda.

Panahon sa mga adlaw ni Ahaz, kinsa man ang mitungas sa Jerusalem sa Juda aron makiggubat batok niini?

Mitungas si Rezin, ang hari sa Syria ug si Peka, ang anak nga lalaki ni Remalia, nga hari sa Israel aron makiggubat batok sa Jerusalem.

Unsa man ang nahitabo sa dihang nadungog ni Ahaz ug sa iyang katawhan nga kaabin sa Syria ang Efraim?

Mikurog ang kasingkasing ni Ahaz ug sa iyang katawhan sa dihang nadungog nila kini.

Isaiah 7:3-4

Unsa man nga bulohaton ang gisulti ni Yahweh kang Isaias nga buhaton?

Gisultihan ni Yahweh si Isaias nga molakaw uban iyang anak nga lalaki ug makigkita kang Ahaz.

Kinsa man ang gisulti ni Yahweh kang Ahaz nga dili angay nga kahadlokan?

Miingon si Yahweh kang Ahaz nga dili angay mahadlok o magduhaduha kang Rezin ug kang Peka.

Isaiah 7:5-6

Unsa man ang giplano nga buhaton sa Aram, sa Efraim, ug sa anak nga lalaki ni Remalia?

Nagplano kining mga tawhana ug daotan batok kang Ahaz ug sa Juda. Nagplano sila sa pagsulong ug sa paglisang sa Juda, ug pagtagana sa anak nga lalaki ni Tabeel ingon nga hari.

Isaiah 7:7-9

Unsa man ang gisulti ni Yahweh kang Ahaz mahitungod sa Efraim?

Miingon si Yahweh kang Ahaz, "Sulod sa 65 ka mga tuig, malaglag ang Efraim ug dili na kini matawag nga katawhan.

Unsa man ang gisulti ni Yahweh kang Ahaz nga mahitabo kung dili lig-on ang iyang pagtuo?

Dili magpabiling luwas si Ahaz kung dili lig-on ang iyang pagtuo.

Isaiah 7:10-12

Unsa man ang gitubag ni Ahaz sa dihang miingon ang Ginoo kaniya nga mangayo ug timailhan gikan kang Yahweh?

Miingon si Ahaz, "Dili ako mangayo, ni sa pagsulay kang Yahweh."

Isaiah 7:13-15

Unsa man ang gisulti ni Isaias nga gibuhat ni Ahaz?

Miingon si Isaias nga wala lamang niya sulayi ang pailob sa katawhan apan gisulayan usab niya ang pailob sa Dios.

Isaiah 7:16-19

Kinsa man ang gisulti ni Isaias kang Ahaz nga ipadala ni Yahweh batok kaniya?

Gisultihan ni Isaias si Ahaz nga ipadala ni Yahweh ang hari sa Asyria batok kaniya ug sa iyang katawhan.

Isaiah 7:20-22

Unsa man ang buhaton sa hari sa Asyria?

Kiskisan sa hari sa Asyria ang ulo, mga paa ug bangas ni Ahaz.

Isaiah 7:23-25

Unsa man ang mahitabo sa yuta?

Mapuno ang yuta ug mga sampinit ug mga tunok ug mahimo kining sibsibanan sa mga baka ug mga karnero.

Isaiah 8

Isaiah 8:1-2

Unsa man ang gisulti ni Yahweh nga buhaton ni Isaias?

Gisultihan niya si Isaias sa pagkuha ug dakong papan nga bato ug sulatan kini ug, 'Maher Shalal Has Baz'.

Kinsa man ang mahimong matinud-anong mga saksi ni Yahweh?

Ang mga saksi ni Yahweh mao si Uria nga pari ug si Zacarias, ang anak nga lalaki ni Jeberekia.

Isaiah 8:3-10

Nganong gisultihan man ni Yahweh si Isaias nga nganlan ang iyang anak nga lalaki ug 'Maher Shalal Has Baz'?

Nganlan siya ug 'Maher Shalal Has Baz' tungod kay sa dili pa siya makakat-on sa pag-ingon 'Amahan ko' ug 'Inahan ko,' moabot ang hari sa Asyria ug kuhaon ang mga bahandi sa Damascus ug ang mga inilog sa Samaria.

Isaiah 8:11-13

Unsa man nga mga dalan sa katawhan ang gipasidaan kang Isaias nga dili lakwan?

Gipasidan-an si Isaias nga dili magtawag sa bisan unsang butang nga gitawag sa katawhan nga pagsukol ug dili mahadlok sa ilang gikahadlokan o malisang niadtong mga butanga.

Kinsa man ang gisulti kang Isaias nga angay tagdon nga balaan ug kahadlokan?

Gisultihan si Isaias nga kahadlokan si Yahweh nga Labawng Makagagahom ug tahoron siya ingon balaan.

Isaiah 8:14-15

Mahimong unsa man si Yahweh alang sa duha ka mga balay sa Israel ug sa mga lumolupyo sa Jerusalem?

Mahimo siyang bato nga maoy hinungdan sa pagkadagma ug pagkapandol sa katawhan sa Israel, ug mahimong lit-ag ug bitik ngadto sa katawhan sa Jerusalem.

Isaiah 8:16-18

Unsa man ang pagpamatuod ni Isaias nga gihatag ngadto sa iyang mga tinun-an?

Ang pagpamatuod ni Isaias mao nga maghulat siya kang Yahweh ug nga si Isaias ug ang iyang mga anak nga lalaki gihatag ni Yahweh alang sa mga timailhan ug mga kahibulongan sa Israel.

Isaiah 8:19-20

Sumala kang Isaias, unsa man ang isulti sa katawhan sa Israel ngadto sa mga tinun-an ni Isaias?

Sultihan nila ang mga tinun-an ni Isaias nga makigsayod sa mga espiritista ug mga salamangkero.

Kinsa man ang gisulti ni Isaias sa katawhan nga angay pakisayoran?

Angay makigsayod ang katawhan sa ilang Dios.

Unsa man gisugo ang ni Isaias sa iyang mga tinun-an nga hatagan ug pagtagad?

Gisugo sila sa paghatag ug pagtagad sa balaod ug sa pagpamatuod.

Isaiah 8:21-22

Unsa man ang buhaton sa katawhan sa Israel sa dihang hilabihan ang ilang kaguol ug kagutom ug masuko na?

Mohangad sila ug tunglohon ang ilang hari ug ang ilang Dios.

Unsa man ang mahitabo sa katawhan sa Israel?

Pagaabogon sila ngadto sa yuta sa kangitngit.

Isaiah 9

Isaiah 9:1-5

Unsa man ang mahitabo sa tawo nga anaa sa hilabihang kasakit?

Mawagtang ang kadulom nga anaa kaniya.

Unsa nga mga yuta ang gipakaulawan sa Dios kaniadto?

Gipakaulawan sa Dios ang yuta sa Zebulun ug ang yuta sa Neftali.

Unsa man ang buhaton sa Dios ngadto sa Zebulun ug sa Neftali sa umaabot nga panahon?

Himoon niya kining mahimayaon.

Kang kinsa man midan-ang ang kahayag?

Midan-ag ang kahayag niadtong nagpuyo sa yuta sa landong sa kamatayon.

Isaiah 9:6-7

Unsa man ang ngalan sa usa nga magdala sa pagdumala sa iyang abaga?

Ang iyang ngalan pagatawgon nga Kahibulongang Magtatambag, Gamhanan nga Dios, Walay Kataposang Amahan, ug Prinsipe sa Kalinaw.

Unsaon man niya pagdumala?

Magdumala siya uban ang pagkamakiangayon ug pagkamatarong.

Hangtod kanus-a man siya magdumala?

Magdumala siya sugod niining panahona ug hangtod sa kahangtoran.

Isaiah 9:8-10

Unsa man ang mapasigarbohong gisulti ni Israel uban ang mapahitas-on nga kasingkasing?

Miingon si Israel, "Nangatumpag ang mga tisa, apan tukoron namo pag-usab gamit ang tiniltilan nga bato; gipangputol ang mga kahoy nga sikamoro, apan butangan namo ug mga kahoy nga sedro puli niini."

Isaiah 9:11-12

Kinsa man ang gipabarog ni Yahweh batok sa Israel?

Gipabarog ni Yahweh si Rezin, ang mga Arameanhon ug ang mga Filistihanon batok sa Israel.

Human niining tanan, nahuwasan ba ang kasuko ni Yahweh?

Wala, wala gayod nahuwasan sa kasuko si Yahweh. Nagtuy-od gihapon ang iyang kamot aron sa paghampak sa Israel.

Isaiah 9:13-15

Miduol ba ang katahwhan ngadto kang Yahweh?

Wala gayod miduol ang katawhan o mangita kang Yahweh.

Kinsa mang "ulo" ug "ikog" ang putlon ni Yahweh sa usa lamang ka adlaw?

Ang ulo mao ang pangulo ug ang mga inilang tawo; ug ang ikog mao ang propeta nga nagatudlo ug mga bakak.

Isaiah 9:16-17

Nganong wala may kaluoy ang Dios sa ilang mga ilo ug mga balo?

Wala siyay kaluoy kanila tungod kay ang matag usa walay dios ug nagabuhat sa daotan ug ang matag baba nagsulti ug binuang nga mga butang.

Human niining tanan, nahuwasan ba ang kasuko ni Yahweh?

Wala, wala gayod nahuwasan sa kasuko si Yahweh. nagtuy-od gihapon ang iyang kamot aron sa paghampak sa Israel.

Isaiah 9:18-19

Unsa man ang nahitabo ingon nga hinungdan sa nag-awas nga kasuko ni Yahweh?

Gipadilaab ni Yahweh ang yuta ug ang katawhan daw sugnod alang sa kalayo.

Isaiah 9:20-21

Unsa man ang nahitabo ngadto kang Manases, Efraim ug Juda?

Gilamoy ni Manases ug Efraim ang usag usa ug gisulong nila ang Juda.

Human niining tanan, nahuwasan ba ang kasuko ni Yahweh?

Wala, wala gayod nahuwasan sa kasuko si Yahweh. Nagtuy-od gihapon ang iyang kamot aron sa paghampak sa Israel.

Isaiah 10

Isaiah 10:5-6

Kinsa man ang bunal sa kapungot ni Yahweh ug ang sungkod nga gibutangan sa kasuko ni Yahweh?

Ang mga taga-Asiria ang bunal sa kapungot ni Yahweh ug ang sungkod nga ipahamtang niya sa iyang kasuko.

Unsa man ang gisugo ni Yahweh nga buhaton sa mga taga-Asiria?

Gisugo niya ang mga taga-Asiria sa pagkuha sa mga inilog, tukbonon ug sa pagyatak-yatak sa Israel sama sa lapok diha sa kadalanan.

Isaiah 10:7-11

Unsa man ang gitinguha sa mga taga-Asiria?

Anaa sa kasingkasing sa mga taga-Asiria ang paglaglag ug pagguba sa daghang kanasoran.

Isaiah 10:12-14

Unsa man ang gisulti sa Ginoo nga iyang buhaton sa dihang mahuman na niya ang iyang bulohaton didto sa Bukid sa Zion ug sa Jerusalem?

Miingon ang Ginoo nga iyang silotan ang pagpamulong sa garboso ug kasingkasing sa hari sa Asiria ug sa iyang pagkamapahitas-on.

Nganong naghunahuna man ang hari sa Asiria nga nagmalampuson siya?

Naghunahuna ang hari sa Asiria nga nagmalampuson siya tungod sa iyang kusog, kaalam, ug kahibalo.

Isaiah 10:15-16

Unsa man ang buhaton sa Ginoong Dios ngadto sa mga kusgang manggugubat sa Asiria?

Magpadala ang Ginoong Dios ug sakit taliwala kanila.

Isaiah 10:17-19

Unsa man ang gisulti ni Yahweh nga iyang lamoyon sa Asiria?

Miingon si Yahweh nga iyang lamoyon ang himaya sa iyang lasang ug sa iyang mabungahon nga yuta.

Isaiah 10:20-23

Unsa man ang saligan sa nahibilin sa Israel human sila makaikyas?

Dili na makasalig ang nahibilin nga nakaikyas kaniya nga maoy nakapildi kanila, apan magsalig gayod kang Yahweh.

Isaiah 10:24-25

Nganong gisultihan man sa Ginoong Dios ang katawhan nga nagpuyo sa Zion nga dili mahadlok ngadto sa mga taga-Asiria?

Giingnan niya sila nga dili mahadlok sa mga taga-Asiria tungod kay sa dili madugay mahupay na ang kasuko sa Ginoo batok niadtong anaa sa Zion ug ang kasuko sa Ginoo mapadulong sa kalaglagan sa mga taga-Asiria.

Isaiah 10:26-34

Unsa man ang mahitabo sa adlaw nga mohampak ug latigo si Yahweh batok sa Asiria ug sa adlaw nga ipataas ni Yahweh ang iyang sungkod ibabaw sa dagat aron iisa kini?

Nianang adlawa, kuhaon ang palas-onon nga anaa sa ilang mga abaga ug ang yugo nga anaa sa ilang mga liog.

Isaiah 11

Isaiah 11:1-2

Unsa man ang moabot gikan sa gamot ni Jesse?

Manalinsing ug bag-ong sanga gikan sa gamot ni Jesse.

Unsa man ang mopuyo kaniya?

Mopuyo kaniya ang Espiritu ni Yahweh.

Unsa man ang ihatag kaniya sa Espiritu ni Yahweh?

Hatagan siya sa Espiritu ni Yahweh ug kaalam ug pagsabot, panudlo ug gahom, kahibalo ug kahadlok kang Yahweh.

Isaiah 11:3-7

Unsa man ang pasukaranan nga iyang gamiton aron sa paghukom sa mga kabos ug sa mapainubsanon?

Dili siya mohukom pinaagi lamang sa iyang nakita o nadungog. Mohukom siya nga makataronganon ug makiangayon.

Unsa man ang iyang buhaton sa mga daotan?

Patyon niya ang daotan pinaagi sa gininhawa sa iyang mga ngabil

Isaiah 11:8-9

Unsa na man ang lahi nga binuhatan sa mga mananap?

Dili nila pasakitan o gun-obon ang anaa sa tanan niyang balaang bukid.

Nganong dili man mopasakit o molaglag ang mga hayop?

Dili mopasakit o molaglag ang mga hayop tungod kay ang kalibotan napuno sa kaalam ni Yahweh.

Isaiah 11:10-11

Nganong ituy-od man sa Ginoo ang iyang kamot nianang adlawa n?

Ituy-od niya ang iyang kamot aron sa pagluwas sa mga nahibilin niyang katawhan sa Asiria, sa Ehipto, sa Patros, sa Cush, sa Elam, sa Shinar, sa Hamat, ug sa mga isla sa dagat.

Isaiah 11:12-13

Unsa man ang mahitabo niadtong napungot sa Juda?

Walaon kadtong napungot sa Juda.

Unsa man ang mahitabo sa Efraim ug sa Juda?

Dili na masina ang Efraim sa Juda, ug dili na mapungot ang Juda ngadto sa Efraim.

Isaiah 11:14-16

Unsa man ang buhaton sa Efraim ug sa Juda?

Molugsong sila sa kabukiran sa kasadpan sa mga Filistihanon ug ilogon ang katawhan sa sidlakan. Sulongon usab nila ang Edom ug Moab..

Unsa man ang buhaton ni Yahweh sa gulpo nga dagat sa Ehipto ug sa suba sa Eufrates?

Bahinon ni Yahweh ang gulpo sa dagat sa Ehipto ug mabahin sa makapito ang suba sa Eufrates.

Nganong bahinon man ni Yahweh ang gulpo sa dagat sa Ehipto ug ang suba sa Eufrates?

Bahinon niya kini aron makatabok nga nakasandalyas.

Isaiah 12

Isaiah 12:1-4

Nganong pasalamatan man nila si Yahweh nianang adlawa?

Magpasalamat sila tungod kay bisan nasuko kanila si Yahweh, gikuha niya ang iyang kapungot ug gihupay niya sila.

Unsa man ang masulti sa katawhan kang Yahweh nianang adlawa?

Moingon ang katawhan nga si Yahweh ang ilang kusog, ilang awit, ug ang ilang kaluwasan.

Isaiah 12:5-6

Nganong gisultihan man ang katawhan nga moawit ngadto kang Yahweh?

Gisultihan sila nga moawit ngadto kang Yahweh tungod kay naghimo siya ug mahimayaong mga butang ug aron masayran kini sa tibuok kalibotan.

Isaiah 13

Isaiah 13:1-3

Unsa man ang mensahe nga nadawat ni Isaias gikan kang Yahweh?

Nadawat niya ang usa ka pahayag mahitungod sa Babilonia.

Unsa man ang gipabuhat ni Yahweh sa iyang kusgan nga katawhan?

Gipatawag niya sila aron mohimo sa iyang kasuko.

Isaiah 13:4-5

Asa man gikan ang kasundalohan ni Yahweh?

Gikan sila sa layong nasod, gikan sa dalan sa halayo nga dapit.

Unsa man ang buhaton sa mga kasangkapan ni Yahweh sa paghukom?

Laglagon nila ang tibuok yuta.

Isaiah 13:6-8

Unsa man ang buhaton sa katawhan sa dihang malaglag na ang yuta?

Mahuyang ang ilang mga kamot, matunaw ang ilang mga kasingkasing; malisang sila; gukdon sila sa mga kasakit ug pagsubo. Magtan-aw sila nga adunay kahibulong ug manginit ug mopula ang ilang mga nawong.

Isaiah 13:9-10

Unsa pa man ang mahitabo sa adlaw ni Yahweh?

Mahimong awaaw ang yuta ug laglagon ang mga makasasala gikan niini. Dili na mohayag ang mga bituon, adlaw, ug bulan; mongitngit na sila.

Isaiah 13:11-16

Daghan pa ba ang katawhan nga mahibilin?

Wala na! Himoon ni Yahweh nga nihit ang katawhan kaysa lunsay nga bulawan.

Isaiah 13:17-18

Kinsa man ang pasuk-on ni Yahweh aron mosulong sa mga Taga-Babilonia?

Pasuk-on ni Yahweh ang Taga-Medes aron sulongon ang mga taga-Babilonia.

Isaiah 13:19-20

Unsa man ang mahitabo sa Babilonia?

Laglagon sila sa Dios sama sa Sodoma ug Gomora ug dili na kini pagapuy-an o wala nay magpuyo gikan sa kaliwatan hangtod sa laing kaliwatan.

Isaiah 13:21-22

Unsa man ang mohigda sa Babilonia?

Mohigda didto ang ihalas nga mga hayop sa disyerto.

Kanus-a man mahitabo kining mga butanga sa Babilonia?

Haduol na ang takna sa Babilonia ug dili na malangan ang iyang mga adlaw.

Isaiah 14

Isaiah 14:1-2

Unsa man ang buhaton ni Yahweh ngadto sa Israel?

Pilion pag-usab ni Yahweh ang Israel ug pabalikon sila sa ilang yuta.

Aduna bay ubang tawo nga mouban sa mga Israelita pauli sa ilang yuta?

Mouban kanila ang mga langyaw ug makigtipon sa balay ni Jacob.

Kinsa man ang magdala sa mga Israelita pabalik sa ilang yuta?

Dad-on sila sa mga nasod ngadto sa ilang kaugalingong dapit.

Unsa man ang buhaton sa balay sa Israel niadtong mga nasod nga mibihag sa Israel?

Kuhaon sila sa balay sa Israel ingon lalaki ug babaye nga mga sulugoon. Bihagon nila kadtong mibihag kanila ug magdumala sila sa mga nagdaugdaog kanila.

Isaiah 14:3-4

Unsa man ang mahitabo sa adlaw nga hatagan ni Yahweh ang Israel ug kapahulayan gikan sa ilang mga pag-antos, kasubo, ug hilabihang paghago?

Moawit sila ug alawiton nga nagtamay sa hari sa Babilonia.

Unsa man ang nahitabo sa madaugdaogon?

Nalaglag na ang madaugdaogon.

Isaiah 14:5-9

Unsa man ang gibuhat sa hari sa Babilonia?

Gihampak niya ang katawhan sa kaligutgot uban ang walay hunong nga pagbunal. Gidumalahan niya ang kanasoran sa kasuko, uban sa paglutos nga walay pagpugong.

Isaiah 14:10-11

Unsa man ang isulti sa mga patay nga hari sa yuta ngadto sa hari sa Babilonia?

Moingon sila, "Nahuyang ka na sama kanamo..." ug "Gidala na ang imong kabantog didto sa Sheol..."

Isaiah 14:12-17

Unsa man ang nahitabo sa anak sa kabuntagon?

Nahulog siya gikan sa langit ug nalumpag paingon sa yuta.

Unsa man ang gisulti sa anak sa kabuntagon diha sa iyang kasingkasing?

Miingon siya nga ituboy niya ang iyang trono ibabaw sa kabituonan sa Dios ug himoon ang iyang kaugalingon sama sa Labing Halangdon nga Dios.

Isaiah 14:18-20

Nganong dili man iuban ang hari sa Babilonia ngadto sa ubang mga hari sa kanasoran sa paglubong?

Dili siya iuban kanila tungod kay iyang gilaglag ang iyang yuta ug gipamatay ang iyang katawhan.

Isaiah 14:21-23

Unsa man ang pahayag ni Yahweh nga Labawng Makagagahom batok sa Babilonia?

Nagpahayag siya, "Mobarog ako batok kanila,"Pagaputlon ko gikan sa Babilonia ang ngalan, kaliwat, ug mga kaliwatan."

Isaiah 14:24-27

Unsa man ang gipanumpa ni Yahweh nga Labawng Makagagahom mahitungod sa mga taga-Asiria diha sa yuta ni Yahweh?

Miingon siya nga iyang gun-obon ang mga taga-Asiria diha sa iyang yuta ug tamakan niya sa iyang kabukiran.

Isaiah 14:28-30

Unsa man ang pahayag batok sa Filistia?

Gipahayag nga dili maglipay ang Filistia, kay pamatyon ni Yahweh ang gamot sa Filistia pinaagi sa gutom nga maoy hinungdan sa kamatayon sa tanang nahibilin sa Filistia.

Isaiah 14:31-32

Kinsa man ang nagdumala sa Zion?

Si Yahweh ang nagdumala sa Zion

Unsa man ang makaplagan sa mga nagbalatian nga katawhan ni Yahweh didto sa Zion?

Makakaplag ug dalangpanan ang mga nagbalatian nga katawhan ni Yahweh didto sa Zion.

Isaiah 15

Isaiah 15:1-4

Alang kang kinsa man ang pahayag?

Ang pahayag mahitungod sa Moab.

Unsa man ang mahitabo sa Ar ug Kir sa Moab?

Malaglag ug mapapas ang matag usa sa usa lamang ka gabii.

Isaiah 15:5-7

Asa man moadto ang mga dinakpan sa Moab?

Mokalagiw sila ngadto sa Zoar ug sa Eglat Shelishiya.

Isaiah 15:8-9

Unsa man ang nahitabo sa mga tubig sa Dimon ug unsa ang mahitabo sa Dimon?

Mapuno sa dugo ang katubigan sa Dimon; apan magdala pa si Yahweh ug mas labaw pa diha sa Dimon.

Unsa man ang mahitabo niadtong moikyas gikan sa Moab ug niadtong mahibilin usab sa yuta?

Atakihon sa mga liyon kadtong moikyas ug kadtong nahibilin sa Moab.

Isaiah 16

Isaiah 16:1-2

Alang kang kinsa man ipadala ang mga toro nga karnero?

Ipadala ang mga toro nga karnero ngadto sa tigumala sa yuta nga anaa sa bukid sa anak nga babaye sa Zion.

Asa man gitandi ang mga babaye sa Moab nga anaa sa mga tabukanan sa Suba sa Arnon?

Sama sila sa naglatagaw nga mga langgam o sa salag nga nagkatibulaag.

Isaiah 16:3-4

Unsa man ang angay buhaton sa Juda uban sa mga dinakpan ug ang mga binihag sa Moab?

Manago sila ug dili budhian ang mga dinakpan ug tugotan ang mga binihag nga mopuyo uban kanila; mahimong tagoanang dapit gikan sa tiglaglag.

Isaiah 16:5-10

Unsa man ang buhaton sa usa ka tawo nga gikan sa tolda ni David nga naglingkod sa trono?

Mohukom siya ingon nga nangita ug kaangayan ug magbuhat ug matarong.

Isaiah 16:11-12

Unsa man ang nahimo ni Moab sa dihang misulod siya sa iyang templo aron moampo?

Walay kahimoan si Moab sa iyang mga pag-ampo.

Isaiah 16:13-14

Unsa man ang mahitabo sa himaya sa Moab?

Miingon si Yahweh nga mahanaw ang himaya sa Moab sulod sa tulo ka tuig.

Pila man ang mahibilin nga gikan sa Moab?

Dyutay na lamang ug dili na mahinungdanon ang mahibilin sa Moab.

Isaiah 17

Isaiah 17:1-3

Unsa man ang nahitabo sa siyudad sa Damascus?

Dili na kini usa ka siyudad, apan mahimo na kining tipun-og sa mga naguba.

Unsa man ang mahanaw sa Efraim?

Mahanaw ang lig-on nga siyudad sa Efraim.

Isaiah 17:4-5

Unsa man ang mahitabo sa himaya ni Jacob nianang adlawa?

Mokunhod ang himaya ni Jacob ug moniwang ang katambok sa iyang unod nianang adlawa.

Isaiah 17:6-7

Alang kang kinsa man motan-aw ang kalalakin-an nianang adlawa?

Motan-aw ang kalalakin-an sa ilang Magbubuhat ug motutok ang ilang mga mata ngadto sa Usa nga Balaan sa Israel.

Isaiah 17:8-11

Nianang adlawa sa asa man mahisama ang ilang lig-on nga mga siyudad?

Nianang adlawa ang ilang lig-on nga mga siyudad mahisama sa biniyaang bakilid nga kakahoyan nga anaa sa kabungtoran.

Isaiah 17:12-14

Unsa man ang mahitabo sa dihang modahunog ang mga nasod sama sa paghaguros sa dagkong katubigan?

Hinginlan sa Dios ang mga nasod ug mokalagiw sila palayo ug magginukdanay.

Unsa man ang bahin niadtong nangawat sa Israel?

Ang ilang bahin mao nga makakita ug makalilisang sa kagabhion ug mangahanaw sa dili pa ang kabuntagon.

Isaiah 18

Isaiah 18:1-2

Asa man ang yuta sa naghaguros nga mga pako?

Ang yuta sa naghaguros nga mga pako anaa sa daplin sa mga suba sa Etiopia.

Alang kang kinsa man gipadala ang tigpamaba sa yuta sa naghaguros nga mga pako?

Nagpadala sila ug mga tigpamaba ngadto sa nasod nga tag-as ug hamis, ngadto sa gikahadlokan sa katawhan, ang lig-on ug mobuntog nga nasod, nga nabahin sa kasubaan ang ilang yuta.

Isaiah 18:3

Kanus-a man motan-aw ug maminaw ang mga lomulopyo sa kalibotan?

Motan-aw ug maminaw sila sa dihang ipataas ang timailhan didto sa kabungtoran ug sa dihang patingogon ang trumpeta.

Isaiah 18:4-5

Unsa man ang buhaton ni Yahweh sa dili ang ting-ani, sa dihang mahuman na ang pagpamulak?

Pagaputlon ni Yahweh ang gagmay nga mga sanga pinaagi sa karit, putlon niya ug ipalayo ang nagkatag nga mga sanga.

Isaiah 18:6-7

Unsa man ang mahitabo sa dihang ang mga langgam nga ana sa mga sanga mokaon panahon sa ting-init ug ang tanang mga mananap sa yuta mokaon niini panahon sa ting-init?

Nianang panahona igahatag ngadto sa Bukid sa Zion alang kang Yahweh ang gasa nga gikan sa mga tawo nga tag-as ug hamis.

Isaiah 19

Isaiah 19:1-2

Kinsa man ang gipahayagan mahitungod niini nga kapitulo?

Kini nga kapitulo nagpahayag mahitungod sa Ehipto.

Kinsa man ang magpaunay sa mga Ehiptohanon?

Ipag-unay ni Yahweh ang mga Ehiptohanon.

Batok sa kinsa man ipag-unay ang mga Ehiptohanon?

Mag-unay sila batok sa usag usa.

Isaiah 19:3-4

Kinsa man ang gihimo ni Yahweh nga mangulo sa Ehiptohanon?

Itugyan ni Yahweh ang mga Ehiptohanon ngadto sa mga kamot sa bangis nga agalon, ug modumala kanila ang kusgan nga hari.

Isaiah 19:5-8

Unsa man ang mahitabo sa katubigan sa Ehipto?

Mahubas ang katubigan sa dagat ug mahubas ang suba ug mauga.

Isaiah 19:9-10

Unsa man ang mahitabo sa mga tigtrabaho ug panapton sa Ehipto?

Mangalaglag ang mga tigtrabaho ug panapton.

Isaiah 19:11-12

Unsa man ang mahitabo sa tambag sa mga magtatambag sa Paraon?

Mahimong walay bili ang ilang mga tambag.

Isaiah 19:13-15

Nganong mahimo man nga walay bili ang tambag sa mga magtatambag sa Paraon?

Mahimong walay bili ang ilang tambag tungod kay gisagol ni Yahweh ang espiritu sa kalibog taliwala sa Ehipto.

Isaiah 19:16-17

Nianang adlawa asa man mahisama ang mga Ehiptohanon?

Nianang adlawa ang mga Ehiptohanon mahisama sa mga babaye. Mangalisang ug mahadlok sila.

Isaiah 19:18

Nianang adlawa unsa man ang buhaton sa lima ka siyudad sa Ehipto?

Manumpa sila sa pagpakig-abin kang Yahweh nga labawng makagagahom.

Isaiah 19:19-22

Nianang adlawa unsa man ang anaa sa taliwala sa yuta sa Ehipto?

Nianang adlawa adunay halaran alang kang Yahweh taliwala sa yuta sa Ehipto.

Isaiah 19:23

Nianang adlawa kinsa man ang mag-uban sa pagsimba kang Yahweh?

Mag-uban ang mga Ehiptohanon ug mga Asrianhon sa pagsimba kang Yahweh.

Isaiah 19:24-25

Nianang adlawa kinsa man ang mahimong panalangin diha sa taliwala sa kalibotan?

Ang Israel, ang Ehipto ug ang Asiria ang mahimong panalangin taliwala sa kalibotan.

Isaiah 20

Isaiah 20:1-2

Unsa man ang nahitabo sa dihang miabot si Tartan sa Asdod?

Nakig-away si Tartan batok sa Asdod ug nailog kini.

Kinsa man ang nagpadala kang Tartan ngadto sa Asdod?

Si Sargon nga hari sa Asiria ang nagpadala kang Tartan ngadto sa Asdod.

Unsa man ang gisulti ni Yahweh ngadto kang Isaias sa dihang nailog ni Tartan ang Ashdod?

Gisultihan ni Yahweh si Isaias nga huboon niya ang sako ug ang sandalyas ug maglakaw nga hubo ug magtiniil.

Isaiah 20:3-4

Nganong gisultihan man si Isaias nga maglakaw nga hubo?

Mao kini ang timailhan nga ang mga dinakpan sa Ehipto ug ang mga hininginlan sa Etiopia pakalagiwon sa hari sa Asiria nga hubo ug magtiniil.

Isaiah 20:5-6

Unsa man ang mahitabo niadtong milaom sa Etiopia ug sa Ehipto?

Mangahadlok ug mangaulaw sila.

Isaiah 21

Isaiah 21:1-2

Unsa man nga matang sa panan-awon ang gihatag ngadto kang Isaias?

Usa ka makalilisang nga panan-awon ang gihatag ngadto kaniya.

Mahitungod sa unsa man ang panan-awon?

Ang panan-awon ni Isaias mahitungod sa pagsulong sa Elam ug sa paglibot sa Media.

Isaiah 21:3-5

Unsa man ang apekto niini nga panan-awon ni Isaias?

Nakahatag kini kang Isaias ug kasakit sa iyang dapi-dapi. Nahugno siya ug nasamok. Nakapakulba kini sa iyang kasingkasing. Nangurog siya ug nalisang.

Isaiah 21:6-7

Unsa man ang gisulti sa Ginoo kang Isaias?

Gisultihan sa Ginoo si Isaias sa pagtagana ug usa ka tigbantay ug kinahanglan nga mobalita ang tigbantay sa iyang makita.

Unsa man ang buhaton sa tigbantay sa dihang makakita siya ug usa ka karwahe, usa ka paris sa tigkabayo ug mga nagsakay sa mga asno ug mga kamelyo?

Unya kinahanglan hatagan niya ug pagtagad ug magmabinantayon ang tigbantay.

Isaiah 21:8-12

Unsa man ang iyang isinggit sa dihang moabot ang usa ka tigkarwahe?

Misinggit siya, "Nalaglag na ang Babilonia, nalaglag, ug nabuak sa yuta ang tanang mga kinulit nga mga dios."

Isaiah 21:13-15

Kinsa man ang nagpagabii sa kamingawan sa Arabia?

Ang mga panon sa magpapanaw nga Dedanhon ang nagpakagabii didto.

Unsa man ang gisulti nga buhaton sa mga panon sa magpapanaw nga Dedanhon?

Giingnan sila nga magdala ug tubig alang sa mga gipang-uhaw.

Unsa man ang gisulti nga buhaton sa mga lumolupyo sa yuta sa Tema?

Giingnan sila nga sugaton ang mga miikyas uban sa tinapay.

Isaiah 21:16-17

Unsa man ang giingon sa Ginoo kang Isaias mahitungod sa Kedar?

Miingon ang Ginoo kang Isaias nga sulod sa usa ka tuig matapos ang himaya sa Kedar ug diyutay na lamang ang mahabilin sa mga tigpana ug mga manggugubat.

Isaiah 22

Isaiah 22:1-2

Unsa man ang gihisgotan sa kapitulo 22?

Usa kini ka pahayag mahitungod sa walog sa panan-awon.

Unsa man ang giadtoan sa tanang katawhan?

Miadto silang tanan sa ibabaw sa mga atop.

Unsa man ang mga panghitabo sa siyudad ug sa lungsod?

Saba ang siyudad ug napuno sa kalipay ang lungsod.

Namatay ba ang mga patay pinaagi sa espada o sa gubat?

Wala, ang mga patay wala namatay pinaagi sa mga espada o sa gubat.

Isaiah 22:3-4

Unsa man nahitabo sa ilang mga pangulo?

Mikalagiw ang tanan nilang mga pangulo ug nadakpan ang tanan.

Nganong nihilak man pag-ayo si Isaias?

Nihilak siya tungod sa pagkalaglag sa anak nga babaye sa iyang katawhan.

Isaiah 22:5-7

Kinsa man ang nagkuha sa baslayan ug taming batok kanila?

Gikuha ni Elam ang baslayan ug gihukas ni Kir ang taming.

Unsa man ang mahitabo sa pinili nga mga walog sa Juda?

Mapuno sa mga karwahe ang ilang mga walog.

Isaiah 22:8-11

Giunsa man sa Dios ang panalipod sa Jerusalem?

Gikuha niya ang ilang panalipod.

Isaiah 22:12-14

Unsa man ang gitawag ni Yahweh nga labawng makagagahom alang niana nga adlaw?

Gitawag niya alang sa paghilak ug pagbangotan, alang sa pagpaupaw ug ang pagsul-ob sa bisti nga sako.

Unsa man ang gibuhat sa katawhan imbis nga maghilak ug magbangutan?

Nagsaulog ang katawhan ug nagmaya. Nag-ihaw sila ug baka ug karnero, nagkaon ug karne ug nag-inom ug bino.

Pasayloon ba sa Ginoo ang katawhan sa ilang gibuhat?

Dili sila pasayloon sa Ginoo bisan pa ug mamatay sila.

Isaiah 22:15-16

Unsa man ang gibuhat ni Shebna, ang tigdumala, alang sa iyang kaugalingon?

Adunay lubnganan si Shebna nga gikalot sa bato alang sa iyang kaugalingon ingon nga pahulayanang dapit.

Isaiah 22:17-19

Unsa man ang gisulti ni Yahweh nga iyang buhaton ngadto kang Shebna?

Misulti si Yahweh nga iyang ilabay sa ubos si Shebna, ug papahawaon siya gikan sa iyang katungdanan ug nahimutangan.

Isaiah 22:20-24

Kinsa man ang mipuli sa katungdanan ni Shebna?

Mipuli si Eliakim, ang anak nga lalaki ni Hilkia sa katungdanan ni Shebna.

Isaiah 22:25

Unsa man ang mahitabo sa ugsok nga giugsok diha sa lig-on nga dapit nianang adlawa?

Maibot, mabuak ug mahulog ang ugsok nga giugsok diha sa lig-on nga dapit ug pagaputlon ang gipatong nga anaa sa ibabaw niini.

Isaiah 23

Isaiah 23:1-3

Mahitungod kang kinsa man ang pahayag nga gihisgotan sa kapitulo 23?

Ang pahayag sa kapitulo 23 mahitungod sa Tyre.

Nganong kinahanglan man maghilak ang mga barko sa Tarshis?

Kinahanglan maghilak sila tungod kay wala na silay puy-anan ug wala nay pantalan.

Unsa man kaniadto ang siyudad sa Tyre?

Ang Tyre mao ang patigayonang dapit sa mga nasod.

Isaiah 23:4-7

Unsa man ang buhaton sa Ehipto sa dihang madungog nila ang balita mahitungod sa Tyre?

Magmasub-anon ang Ehipto sa dihang madungog nila ang balita mahitungod sa Tyre.

Isaiah 23:8-14

Kinsa man ang naglaraw niini batok sa Tyre?

Ang Dios nga Labawng makakagahom ang naglaraw niini batok sa Tyre.

Nganong naglaraw man ang Dios nga Labawng makakagahom niini batok sa Tyre?

Naglaraw siya niini aron dili pagtahod sa iyang gipasigarbo ug sa tanan niyang himaya, aron pakaulawan ang tanan niyang halangdon sa yuta.

Isaiah 23:15-16

Unsa man kadugay makalimtan ang Tyre?

Nianang adlawa, makalimtan ang Tyre sulod sa 70 ka tuig.

Isaiah 23:17-18

Unsa man ang mahitabo sa Tyre human makalimtan sulod sa 70 ka tuig?

Tabangan ni Yahweh ang Tyre, ug mobalik siya ngadto sa iyang sinuholan ug sa mobaligya siya ug dungog sa tanang mga gingharian sa kalibotan.

Unsa man ang mahitabo sa mga ginansya ug sa mga halin sa Tyre?

Igahin alang kang Yahweh ang iyang ginansya ug mga halin.

Unsa man ang mahitabo sa baligya sa Tyre?

Alang kini niadtong nagpuyo sa presensya ni Yahweh, aron aduna silay makaon ug adunay malungtarong pangbisti.

Isaiah 24

Isaiah 24:1-2

Unsa man ang pagabuhaton ni Yahweh?

Himoon niya nga walay sulod ang kalibotan, pagalaglagon kini, gun-obon ug patibulaagon ang mga lumolupyo niini.

Isaiah 24:3-5

Giunsa man paghugaw ang kalibotan sa mga lumolupyo niini?

Gihugawan ang yuta sa mga lumolupyo tungod kay gilapas ang mga balaod, gisupak ang mga patakaran, ug giguba ang walay kataposang kasabotan.

Isaiah 24:6-11

Unsa man ang nahitabo sa mga lumolupyo sa yuta?

Mangasunog ang mga lumulupyo sa yuta, ug diyutay na lamang ang nahibilin nga katawhan.

Isaiah 24:12-13

Unsa man nga hulagway ang gigamit ni Isaias sa pagpakita kung maunsa ang tibuok kalibotan uban ang mga nasod niana nga panahon?

Gitandi niya kung maunsa ang kahimtang sa yuta niana nga panahon sa dihang pagauyogon ang usa ka olibo nga kahoy o ingon nga mga hagdawon sa dihang mahuman na ang pagpupo sa ubas.

Isaiah 24:14-15

Taliwala niining tanan nga kalamidad unsa man ang "ilang" pagabuhaton?

Ipataas nila ang ilang mga tingog ug mosinggit sa kahalangdon ni Yahweh, ug malipayon nga magsinggit gikan sa dagat.

Isaiah 24:16-20

Unsa man ang gitubag ni Isaias ngadto sa mga singgit ug mga tawag sa paghimaya kang Yahweh, ang Dios sa Israel?

Mitubag si Isaias pinaagi sa pagsulti, " Nagkaluya ako, alaot ako! Ang maluibon nagmaluibon; oo, ang maluibon nagmaluibon gayod.

Isaiah 24:21-23

Niana nga adlaw kinsa man ang silotan ni Yahweh?

Silotan ni Yahweh ang mga labaw sa kahitas-an, ug ang mga hari sa kalibotan.

Unsa man ang mahimong silot alang sa makagagahom ug mga binuhat nga anaa sa kalangitan, ug ang mga hari sa kalibotan?

Pagatigomon silang tanan, presohon sa bangag ug pagasirad-an sa bilanggoan ug pagasilotan sila human sa daghang mga adlaw.

Nganong maulawan man ang bulan ug ang adlaw?

Tungod kini kang Yahweh nga labawng makagagahom nga maghari sa Bukid sa Zion ug sa Jerusalem, ug sa dili pa ang iyang paghari ang iyang mga katigulangan anaa sa himaya.

Isaiah 25

Isaiah 25:1-5

Nganong gituboy ug gidayeg man ni Isaias si Yahweh?

Gituboy ug gidayeg ni Isaias si Yahweh tungod kay gibuhat ni Yahweh ang mga kahibulongang mga butang nga giplano sa dugay na nga panahon, sa hingpit nga pagkamatinud-anon.

Unsa man ang katingalahang mga butang nga gibuhat ni Yahweh?

Gibuhat ni Yahweh ang siyudad nga tipun-og, ang usa ka guba nga pinarilan nga siyudad ug usa ka dalangpanan sa mga langyaw ngadto sa walay siyudad.

Unsa man ang mahimong tubag human gihimo ni Yahweh ang siyudad nga usa ka tinapok, ug uban pa?

Himayaon sa kusgan nga katawhan si Yahweh ug mahadlok kaniya ang siyudad sa walay kaluoy nga mga nasod.

Isaiah 25:6-8

Unsa man ang buhaton ni Yahweh ug sa tanang katawhan ibabaw niana nga bukid?

Maghimo siya ug usa ka kombira sa tambok nga mga butang alang sa tanang katawhan ug gun-obon niya ang nakapandong sa tanang katawhan, ang pandong nga nabuklad ibabaw sa tanang mga nasod.

Unsa man ang pagatunlon, pagapahiran ug kuhaon palayo ni Yahweh gikan sa iyang katawhan?

Pagatunlon niya ang kamatayon, pahiran ang mga luha gikan sa tanang mga nawong ug kuhaon niya ang kaulaw sa Iyang katawhan.

Isaiah 25:9-12

Unsa man ang isulti niana nga adlaw?

Mao kini ang isulti: "Tan-awa, mao kini ang atong Dios: nagpaabot kita kaniya ug luwason kita kaniya. Mao kini si Yahweh; ang atong gipaabot. Magpalipayon kita ug magmaya sa iyang kaluwasan."

Asa man nahisama ang padulngan sa Moab?

Gitandi ang kapaingnan sa Moab ngadto sa uhot nga gitumban didto sa bangag nga puno sa mga hugaw sa hayop.

Isaiah 26

Isaiah 26:1-2

Nianang adlawa asa man dapit awiton kini nga alawiton?

Awiton kini nga alawiton diha sa yuta sa Juda.

Giunsa man paglig-on sa Dios ang siyudad?

Gihimo niya kini nga lig-on pinaagi sa paghimo sa kaluwasan ingon nga mga paril ug mga salipdanan.

Alang kang kinsa man pagaablihan ang mga ganghaan sa siyudad?

Pagaablihan ang mga ganghaan alang sa matarong nga nasod nga nagtipig sa ilang pagtuo.

Isaiah 26:3-4

Kinsa man ang atong saligan ug hangtod kanus-a man kita magsalig?

Magsalig kita kang Yahweh hangtod sa kahangtoran.

Isaiah 26:5-6

Unsa man ang mahitabo niadtong nagkinabuhi nga garboso; ang lig-ong siyudad?

Ipaubos sila ni Yahweh; patagon niya ang lig-ong siyudad paingon sa abog. Pagatamak-tamakan kini sa mga tiil sa kabos ug timawa.

Isaiah 26:7-9

Unsa man ang tinguha sa atong kalag?

Ang gitinguha sa atong kalag mao ang ngalan ug paghandom kang Yahweh.

Unsa man ang mahitabo sa dihang moabot na sa yuta ang mga paghukom?

Sa dihang moabot na ang paghukom, ang mga lumolupyo sa kalibotan makakat-on ug pagkamatarong.

Isaiah 26:10

Unsa man ang buhaton sa usa ka daotan kung pakitaon siya ug pabor?

Dili gihapon siya makakat-on ug pagkamatarong.

Isaiah 26:11-12

Unsa man ang gibuhat ni Yahweh sa Juda ug unsa man ang iyang dad-on alang sa Juda?

Gihuman ni Yahweh ang tanan namong bulohaton ug magdala sa kalinaw alang sa Juda.

Isaiah 26:13-15

Unsa man ang mahitabo sa ubang mga tigdumala nga nagdumala sa Juda?

Patay na sila, dili na sila mabuhi; patay na sila, ug dili na mobangon. Miabot si Yahweh uban sa paghukom ug sa paglaglag kanila.

Isaiah 26:16-18

Kanus-a man mangita ang Juda kang Yahweh?

Mangita sila kang Yahweh sa dihang anaa sila sa kalisdanan; sa dihang pantonon sila ni Yahweh.

Isaiah 26:19

Nganong mamangon man ang mga nagpuyo sa abog ug mag-awit alang sa kalipay?

Mamangon sila ug mag-awit sa kalipay tungod kay ang mga patay, mabuhi sila, ug banhawon sila.

Isaiah 26:20-21

Nganong angay man mosulod ang katawhan sa ilang mga kwarto ug manirado sa ilang mga pultahan?

Angay silang mobuhat niini aron makatago sila hangtod ang hilabihan nga kasuko mahanaw.

Unsa man ang buhaton ni Yahweh?

Mogawas siya sa iyang dapit aron sa pagsilot sa mga lumolupyo sa kalibotan alang sa ilang kasal-anan.

Isaiah 27

Isaiah 27:1-3

Nianang adlawa unsa man ang buhaton ni Yahweh sa iyang espada?

Silotan ni Yahweh ang Leviatan ang bitin, ug patyon niya ang mapintas nga mananap nga anaa sa dagat.

Nianang adlawa unsa man ang buhaton ni Yahweh sa parasan sa bino?

Panalipdan niya kini, patubigan niya matag higayon ug bantayan kini adlaw ug gabii.

Isaiah 27:4-5

Unsa man ang buhaton ni Yahweh kung ang mga sampinit ug ang mga tunok dili manumbaling sa iyang pagpanalipod ug makigdait kaniya?

Magmartsa si Yahweh batok kanila ug sunogon silang tanan.

Isaiah 27:6-8

Unsa man ang buhaton ni Jacob ug sa Israel sa umaabot nga adlaw?

Mogamot si Jacob; mamulak ang Israel ug mosalingsing; ug pun-on nila ang yuta sa mga bunga.

Isaiah 27:9

Unsa man ang hingpit nga bunga ni Jacob sa pagbiya gikan sa iyang sala?

Pulpogon niya ang mga halaran nga mga bato ug gupokon, ug wala nay Ashera o mga halaran sa insenso nga magpabiling mobarog.

Isaiah 27:10-11

Nganong wala na may kaluoy ang magbubuhat sa Israel ngadto kanila?

Tungod kay mga tawo man sila nga walay salabotan dili na maluoy si Yahweh ngadto kanila.

Isaiah 27:12-13

Nianang adlawa unsaon man sa pagtigom sa katawhan sa Israel?

Tigomon ang matag-usa kanila.

Kinsa man ang magsimba kang Yahweh didto sa balaang bukid sa Jerusalem?

Mosimba kang Yahweh ang mga binihag sa yuta sa Asiria ug ang mga sinalikway sa yuta sa Ehipto didto sa balaan nga bukid sa Jerusalem.

Isaiah 28

Isaiah 28:1-2

Giunsa man paghulagway ang Efraim?

Gihulagway ang Efraim ingon nga garboso ug ingon nga palahubog.

Unsa man ang nahitabo sa katahom sa Efraim?

Nalawos ang katahom sa Efraim.

Asa man gitandi sa Ginoo ang gamhanan ug kusgan?

Gitandi siya sama sa unos nga yelo ug sa makaguba nga bagyo, ug sa kusog nga ulan ug naghaguros nga mga tubig.

Unsa man ang buhaton sa gamhanan ug kusgan nga gipadala sa Ginoo?

Bunalan niya ang kalibotan pinaagi sa iyang kamot.

Isaiah 28:3-4

Asa man gitandi ang nagkalawos nga bulak sa mahimayaong katahom sa Efraim?

Mamahimo kining unang hinog nga igos sa dili pa ang ting-init, nga, kung adunay makakita niini, samtang anaa pa kini sa iyang kamot, lamunon niya kini

Isaiah 28:5-6

Nianang adlawa unsa man si Yahweh alang sa iyang nahibilin nga katawhan?

Nianang adlawa mahimong matahom nga korona ug matahom nga purongpurong si Yahweh, ang espiritu sa paghukom alang kaniya nga naglingkod sa hukmanan, ug ang kusog niadtong mibiya sa ilang mga kaaway diha sa ilang mga ganghaan.

Isaiah 28:7-10

Kinsa man ang nabarag pinaagi sa bino ug nagsusapinday pinaagi sa isog nga ilimnon?

Ang nahibilin sa katawhan ni Yahweh, ang pari ug ang propeta.

Unsa man ang gibaragan ug gisusapindayan sa pari ug sa propeta?

Nangabarag sila sa panan-awon ug nagsusapinday sa paghukom.

Isaiah 28:11-12

Giunsa man pagpakig-istorya ni Yahweh niining katawhan?

Makigsulti siya niining katawhan uban sa mapasipalaon nga mga ngabil ug langyaw nga baba.

Unsa man ang nahitabo kaniadto sa dihang nakig-istorya si Yahweh kanila?

Wala sila mamati.

Isaiah 28:13

Karon unsa man ang dangatan sa dihang madungog sa katawhan ang pulong ni Yahweh?

Mangadto sila ug mangabalintong, ug mapiangan, malit-ag ug madakpan.

Isaiah 28:14-15

Unsa man ang gisulti sa mga tigdumala sa katawhan sa Jerusalem?

Nagsulti sila nga nagbuhat sila ug kasabotan tali sa kamatayon ug nakabaton ug panag-uyon uban sa Sheol kay sa dihang molabay ang paghukom, dili kini moabot kanila. Nagsulti sila nga gihimo nilang dalangpanan ang bakak ug nagtago sa pagkabakakon."

Isaiah 28:16

Unsa man ang ipahimutang sa Ginoo nga si Yahweh didto sa Zion?

Ipahimutang ni Yahweh ang patukoranan nga bato, ang nasulayan nga bato, ang bililhong patukoranan nga bato, ang lig-on nga patukoranan.

Unsa man ang mahitabo kanila kung motuo sila niining patukoranan nga bato?

Kung motuo sila niining patukoranan nga bato dili sila maulawan.

Isaiah 28:17

Unsa man ang mahitabo sa dalangpanan sa mga bakak ug sa tagoanan nga dapit?

Banlason sa ice ang dalangpanan sa mga bakak, ug ang mga baha maoy molapaw sa tagoanan nga dapit.

Isaiah 28:18-21

Unsa man ang mahitabo sa kasabotan tali sa kamatayon ug sa pakig-uyon uban sa Sheol nga gibuhat sa mga tigdumala sa katawhan sa Jerusalem?

Matunaw ang kasabotan ug ang pakig-uyon sa dihang molabay na ang mahurosong baha ug mobanlas kini kanila.

Isaiah 28:22-29

Unsa man ang gisulti ni Isaias nga mahimong dangatan sa ilang pagbiaybiay?

Gipasidan-an sila nga dili magbiaybiay o basin mahugot ang ilang bugkos.

Isaiah 29

Isaiah 29:1-2

Unsa man ang Ariel?

Ang Ariel mao ang siyudad kung asa nagkampo si David.

Isaiah 29:3-4

Unsa man ang buhaton ni Yahweh ngadto sa Ariel?

Pagalibotan niya ang Ariel ug malaglag kini.

Isaiah 29:5-6

Hangtod kanus-a man ang takna aron malaglag ang Ariel?

Mahitabo kini sa kalit lamang.

Isaiah 29:7-8

Kinsa man ang makig-away batok sa Ariel ug sa iyang mga kota?

Ang panon sa tanan mga nasod maoy makig-away batok sa Ariel.

Isaiah 29:9-12

Unsa man ang gibubo ni Yahweh ngadto sa Ariel?

Gibubo ni Yahweh ngadto kanila ang espiritu sa pagkahinanok.

Unsa man ang mabuhat sa espiritu sa pagkahinanok diha kanila?

Gipiyong niya ang mga mata sa mga propeta ug gitabonan ang mga ulo sa mga manalagna.

Isaiah 29:13-16

Unsa man ang sumbong sa Ginoo batok niining katawhan?

Miingon ang Ginoo, "Nagpaduol kini nga katawhan kanako pinaagi sa ilang mga baba ug nagpasidungog kanako pinaagi sa ilang mga ngabil, apan halayo ang ilang kasingkasing gikan kanako. Ang ilang pagpasidungog kanako ingon lamang sa kasugoan nga gitudlo sa katawhan.

Unsa man ang buhaton sa Ginoo kanila sukad nga halayo ang ilang kasingkasing gikan kaniya ug wala nila pasidunggi siya?

Mahanaw ang kaalam sa maalamong mga tawo ug mangawala ang panabot sa ilang mabinantayon nga mga tawo.

Isaiah 29:17-19

Unsa man ang mahitabo sa Lebanon sa diyutay lamang nga panahon?

Mahimong uma ang Lebanon ug ang uma mahimong lasang.

Nianang adlawa unsa man ang mahitabo sa bungol ug buta?

Nianang adlawa makadungog ang bungol sa mga pulong sa basahon ug makakita ang mga mata sa buta diha sa kadulom sa kangitngit.

Unsa man ang buhaton sa mga dinaogdaog ug sa kabos taliwala sa katawhan?

Magmaya sila diha kang Yahweh ang Balaan nga Dios sa Israel.

Isaiah 29:20-21

Unsa man ang mahitabo niadtong nahigugma sa pagbuhat ug daotan?

Pagatangtangon sila.

Isaiah 29:22-24

Kanus-a man magpasidungog ang panimalay ni Jacob sa ngalan ni Yahweh?

Pasidunggan nila ang ngalan ni Yahweh sa dihang makita niya ang iyang mga anak sa iyang taliwala, ang buhat sa mga kamot ni Yahweh.

Unsa man ang mahitabo sa mga nagbagulbol ug niadtong nasayop diha sa espiritu?

Kadtong nasayop diha sa espiritu makabaton ug pagsabot ug ang mga nagbagulbol makakat-on sa kaalam

Isaiah 30

Isaiah 30:1-2

Unsa man ang gisulti ni Yahweh nga buhaton sa masinupakon nga mga anak?

Nagsulti siya nga nagbuhat sila ug mga laraw apan dili alang kaniya ug nagbuhat sila ug pakig-abin apan wala sila nadumalahan pinaagi sa akong Espiritu, busa nagdugang sila ug sala sa pagpakasala.

Asa man nagdangop ug pagpanalipod ang mga masinupakon nga mga anak?

Nagdangop sila ug pagpanalipod gikan sa Paraon ug nagdangop ug dalangpanan sa landong sa Ehipto.

Isaiah 30:3-5

Unsa man ang mahitabo sa pagpanalipod sa Paraon ug ang landong sa Ehipto alang sa masinupakon nga mga anak?

Mahimo nilang kaulaw ang pagpanalipod sa Faraon ug ilang kaulawan ang dalangpanan sa landong sa Ehipto.

Isaiah 30:6-7

Unsa man kamahinungdanon ang tabang sa Ehipto ngadto sa masinupakon nga mga anak?

Kawang lamang ang tabang sa Ehipto.

Isaiah 30:8-9

Nganong gusto man ni Yahweh nga magkulit si Isaias sa ilang atubangan diha sa papan, ug magsulat kini diha sa linukot nga basahon?

Gusto ni Yahweh nga matipigan kini alang sa moabotay nga panahon ingon nga pagpamatuod.

Unsa man ang dili madungog sa masinupakon nga katawhan?

Dili sila makapamati sa pagpanudlo ni Yahweh.

Isaiah 30:10-14

Unsa man ang gustong madungog sa masinupakon nga katawhan?

Gusto nilang madungog ang mga malumo nga mga butang ug malimbongong mga pagpanagna.

Isaiah 30:15-16

Giunsa man pagsulti ni Yahweh nga mahimong kusgan ug maluwas ang masinupakon nga mga anak?

Maluwas sila pinaagi sa pagbalik ug sa pagpahulay ug ang kalinaw ug pagsalig mao ang ilang kusog.

Unsa man ang tubag ni Yahweh ngadto sa pahayag sa masinupakon nga mga anak mahitungod sa pagkalagiw sa mga kabayo ug pagsakay sa matulin nga mga kabayo?

Mitubag si Yahweh pinaagi sa pagsulti sa mga masinupakon nga mga anak nga mokalagiw sila ug kadtong naggukod kanila magmatulin.

Isaiah 30:17

Pila man kabuok ang gisulti ni Yahweh ang mokalagiw sa pagpanghulga sa usa?

Nagsulti si Yahweh nga mokalagiw ang usa ka libo tungod sa pagpanghulga sa usa

Isaiah 30:18-19

Unsa man ang gihulatan ug gipangandaman ni Yahweh nga iyang buhaton?

Naghulat si Yahweh nga maluoy ngadto sa masinupakon nga mga anak ug andam na siya sa pagpakita ug kaluoy kanila.

Unsa man ang mahitabo niadtong naghulat kang Yahweh?

Magmabulahan sila.

Isaiah 30:20-21

Unsa man ang dili na buhaton sa magtutudlo bisan ug naghatag si Yahweh kanila sa tinapay sa kagul-anan ug tubig sa balatian?

Dili na motago pa ang ilang magtutudlo, apan makita nila ang magtutudlo pinaagi sa ilang kaugalingong mga mata.

Isaiah 30:22-24

Unsa man ang buhaton sa masinupakon nga mga anak uban sa ilang kinulit nga mga larawan ug sa bulawan nga mga larawan?

Pagabulingan nila kini ug ipanglabay.

Isaiah 30:25-29

Unsa man ang buhaton ni Yahweh ngadto sa iyang katawhan human sa adlaw sa dakong kamatay sa dihang mangatumpag ang mga pader?

Pagagapuson ni Yahweh ang pagsupak sa iyang katawhan ug alibyohan ang mga pangos nga naka samad kanila.

Isaiah 30:30

Unsaon man ni Yahweh pagpadayag ang katahom sa iyang tingog ug ipakita ang paglihok sa iyang bukton?

Ipadayag niya kini diha sa iyang mapintas nga kasuko ug nagdilaab nga kalayo, uban sa unos, bagyo, ug ulan nga ice.

Isaiah 30:31-32

Asa man ipaingon ni Yahweh ang iyang tingog ug ang paglihok sa iyang bukton?

Ipaingon kini ni Yahweh ngadto sa Asiria. Kay sa tingog ni Yahweh, magupok ang Asiria; bunalan niya kini pinaagi sa sungkod.

Unsa man ang pagaduyogan sa matag gupok sa gitudlo nga bunal nga ipahamtang ni Yahweh kanila?

Pagaduyogan pinaagi sa tugtog sa mga tamborin ug mga alpa ang matag gupok samtang nakiggubat si Yahweh ug nakig-away sa taga Asiria.

Isaiah 30:33

Unsa man ang giandam alang sa hari sa Asiria?

Giandam na ang dapit sa pagsunog alang sa hari sa Asiria.

Unsa ug kinsa man ang mopasilaob sa kalayo nga giandam alang sa hari sa Asiria?

Ang gininhawa ni Yahweh maoy mopasiga sa kalayo.

Isaiah 31

Isaiah 31:1-2

Nganong gisulti man ang pagkaalaot niadtong milugsong didto sa Ehipto alang sa tabang?

Gisulti ang pagkaalaaot kanila tungod kay nagsalig sila sa mga karwahe ug sa mga mangangabayo apan wala silay pagpakabana mahitungod sa Balaang Dios sa Israel, bisan ug nangita sila kang Yahweh.

Kang kinsa man mobarog si Yahweh?

Mobarog siya batok sa daotang panimalay ug batok sa magtatabang niadtong nagbuhat ug sala.

Isaiah 31:3-4

Unsa man ang mahitabo sa mitabang ug sa nagtabang?

Mangamatay silang tanan.

Isaiah 31:5-9

Unsa man ang buhaton ni Yahweh alang sa Jerusalem?

Mopanalipod siya, mopagawas kanila ug motipig niini.

Unsa man ang gisulti ni Isaias nga buhaton sa Israel?

Giingnan sila ni Isaias nga mobalik gikan kang Yahweh nga ilang gitalikdan sa hilabihan.

Unsa man ang mapugos nga buhaton sa ilang batan-ong kalalakin-an human malaglag ang Asiria pinaagi sa espada?

Mapugos sa pagbuhat ug lisod nga trabaho ang iyang batan-ong kalalakin-an sa Asiria.

Isaiah 32

Isaiah 32:1-3

Sa unsa man mahisama ang matarong nga hari ug ang mga prinsipe?

Mahisama sila sa dalangpanan gikan sa hangin ug usa ka salipod nga gikan sa bagyo, sama sa mga tubod sa tubig didto sa uga nga dapit, sama sa landong sa dakong bato didto sa naumaw nga yuta.

Isaiah 32:4-6

Unsa man ang buhaton sa madalidalion ug dili maayo mosulti sa dihang maghari ang hari sa pagkamatarong ug ang prinsipe magmando nga makiangayon?

Ang madalidali-ong maghunahuna ug tarong ang uban sa pagsabot, ug ang dili tarong makasulti. Ang buangbuang dili na gayod pagatawgon nga halangdon, ni ang malimbongon pagatawgon nga baroganan.

Unsa man ang gibuhat sa buangbuang?

Nagsulti siya ug kabuang, ug nagplano siya diha sa iyang kasingkasing ug nagsultig daotan batok kang Yahweh.

Isaiah 32:7-8

Unsa man ang buhaton sa malimbongon?

Naggamit siya ug daotang pagtulon-an. Naglaraw siya sa paglimbong sa mga kabos uban ang pagpamakak.

Unsa man ang mahitabo sa halangdong tawo?

Mobarog ang halangdong tawo tungod sa iyang halangdong mga binuhatan.

Isaiah 32:9-13

Ngano man nga ang mga babaye nga anaa sa sidlakan maminaw sa tingog ni Isaias?

Gisultihan sila nga maminaw sa tingog ni Isaias tungod kay sa gamay nga mga katuigan maguba ang ilang pagsalig, dili na madaot ang pag-ani sa mga ubas, ug dili gayod moabot ang panagtigom.

Isaiah 32:14-15

Unsa man ang mahitabo ngadto sa palasyo ug ngadto sa siyudad nga napuno sa katawhan?

Ang palasyo mahimong biniyaan ug mahimong kamingawan ang siyudad nga puno sa katawhan.

Hangtod kanus-a man kutob ang pagkagun-ob?

Molungtad kini hangtod nga ibubo ang Espiritu gikan sa kahitas-an ug ang kamingawan mahimong mabungahon nga kaumahan ug ang mabungahong kaumahan mahimong kalasangan.

Isaiah 32:16-18

Unsa man ang mamahimong buhat ug resulta sa pagkamatarong?

Ang buhat ug ang resulta sa pagkamatarong mao ang kalinaw, kahilom ug pagsalig hangtod sa kahangtoran.

Isaiah 32:19-20

Kinsa man kining bulahan?

Bulahan ang tawo nga nagpugas diha sa daplin sa mga sapa ug kadtong nagtugway sa ilang toro nga baka ug asno aron sa pagsibsib niini.

Isaiah 33

Isaiah 33:1-2

Unsa man ang mahitabo sa mga naglaglag ug sa nabudhian kung muhunong sila sa pagbuhat niini?

mangalaglag gayod ang mga manlalaglag ug ang magbudhi pagabudhion.

Isaiah 33:3-4

Unsa man ang mahitabo kung maghari si Yahweh?

Magkatag gayod ang mga nasod.

Isaiah 33:5-6

Unsa man ang ibubo ni Yawheh sa Zion?

Ibubo gayod niya ang hustisya ug katarong sa Zion.

Unsa man si Yahweh sa ilang kapanahon?

Siya ang kalig-on sa ilang kapanahonan, kadagaya sa kaluwasan ug kaalam ug kahibalo.

Isaiah 33:7-9

Nganong nanghilak man ang ilang pinadala ug nagtiyabaw sa kapait?

Mihilak sila ug mitiyabaw tungod kay ang dalan nahimong disyerto; wala na gayoy molakawlakaw niini. Naguba ang mga kasabotan, gipangtamay ang mga saksi ug wala gitahod ang mga siyudad.

Isaiah 33:10-12

Unsa man ang sangpotan kung maghari si Yahweh?

Matuboy si Yahweh.

Unsa man ang mahitabo niadtong anaa sa Zion nga nanamkon ug uhot, ug nagpadaghan ug tipasi?

Ang ilang gininhawa sama sa kalayo nga maoy molamoy kanila. Mangasunog ang katawhan ug mahimong apog.

Isaiah 33:13-14

Unsa man ang gitubag sa mga makakasala didto sa Zion?

Nangahadlok ang mga makakasala didto sa Zion; gidakop sa pagpangurog ang mga dili diosnon.

Isaiah 33:15-21

Kinsa man kanila sa Zion ang makaduol sa nagdilaab nga kalayo ug sa walay kataposang pagsiga?

Ang usa nga makaduol niining nagdilaab nga kalayo kadto lamang nagalakaw sa pagkamatarong ug nagsulti ug kamatuoran; kadtong gitamay, kadtong wala nagdawat sa suborno, kadtong wala nagbuhat ug daotan ug wala nagtutok niini.

Asa man maghimo ug balay ang tawo nga matarong ug nagsulti sa kamatuoran alang sa iyang panimalay?

Siya nga naglakaw sa pagkamatarong ug nagsulti sa kamatuoran makahimo ug balay sa kahitas-an.

Isaiah 33:22

Kinsa man si Yahweh ug unsa man iyang buhaton?

Si Yahweh ang among maghuhukom, among manlalaban ug among hari; luwason niya kami.

Isaiah 33:23-24

Kung mabahin ang dakong pagdunot kinsa man kanila ang moguyod niini?

Bisan ang bakol moguyod man sa mga inilog.

Isaiah 34

Isaiah 34:1-2

Kinsa man kadtong moduol, aron sa pagpaminaw ug mohatag sa pagtagad?

Kinahanglan nga moduol ug magpatalinghog ang mga nasod, ug ang kalibotan ug ang tanang katawhan nga nagpuyo niini, ang tibuok kalibotan ug ang tanang mga butang niini.

Nganong kinahanglan man ang mga nasod, ang kalibotan ug ang tanang katawhan nga mipuyo niini, ang kalibotan ug ang tanang mga butang kinahanglan nga moduol, ug angayan kining maminaw ug hatagan ug pagtagad?

Kinahanglan nga buhaton nila kini tungod kay nasuko na pag-ayo si Yahweh sa tanang mga nasod batok sa tanan nilang mga kasundalohan.

Unsa man ang gibuhat ni Yahweh ngadto sa kanasoran ug sa ilang mga kasundalohan?

Giguba niya sila sa hingpit. Gitugyan niya sila sa kamatayon.

Isaiah 34:3-4

Unsa man ang mahitabo sa mga kabituonan ug kawanangan?

Mangahanaw ang tanang kabituonan sa kawanangan, ug malukot kini sama sa basahon nga linukot; ug mangahanaw gayod ang tanan nilang kabituonan.

Isaiah 34:5-7

Unsa man ang buhaton ni Yahweh human sa iyang espada nga mikunsad sa kalangitan?

Mokunsad ang iyang espada didto sa Edom ug ngadto sa katawhan gikan sa iyang kaugalingon nga paghukom.

Unsa man si Yahweh didto sa Bozra ug Edom?

Si Yahweh ang adunay dako nga paghalad sa Bozra ug ang dako nga kamatay sa Edom.

Isaiah 34:8-10

Unsa man ang mahitabo sa yuta sa Edom?

Mahimong alkitran ang iyang tubod ug ang iyang abog nahimong asupre. Mahimo gayod siyang sinunog nga alkitran. Ug mahimong kamingawan; walay bisan usa nga moagi niini.

Isaiah 34:11-15

Sa kinatibuk-an unsa man ang mamuyo didto sa Edom?

Mga ihalas nga mga langgam ug mga mananap ang mamuyo didto sa Edom.

Isaiah 34:16-17

Hangtod kanus-a man magpuyo ang mga langgam ug mga mananap sa Edom?

Magpuyo sila niini hangtod sa hangtod; gikan sa kaliwatan ug sa mosunod nga mga kaliwatan.

Isaiah 35

Isaiah 35:1-2

Unsa man ang nahitabo sa disyerto?

Nagmaya ug namulak sama sa rosas.

Unsa man ang gihatag alang sa disyerto?

ang himaya sa Lebanon igahatag niini, ug ang katahom sa Carmel ug Sharon.

Unsa man ang anaa sa kamingawan, sa Araba ug sa disyerto?

Ang himaya ni Yahweh, ug ang katahom sa atong Dios.

Isaiah 35:3-4

Nganong kinahanglan man nga magmakusganon kadtong kasingkasing ug dili mahadlokon?

Tungod kay ang Dios moabot uban ang panimalos, uban ang iyang ganti. Moanhi siya sa pagluwas kanimo.

Isaiah 35:5-7

Unsa man nga mga butang ang mahitabo sa dihang moabot ang ilang Dios?

makakita ang mga buta ug makadungog ang mga bungol. Unya ang tawo nga bakol makalukso sama sa binaw, ug ang amang maka-awit, kay modagayday naman ang tubig ngadto sa Araba, ug mabutangan na ug mga tubod ang kamingawan. Ang nagdilaab nga mga balas mahimong usa ka linaw, ug mobugwak ang tubig sa nagmala nga yuta; sa puy-anan sa mga ihalas nga mga iro

Isaiah 35:8-9

Unsa man ang mahimong ngalan sa dalan nga motunga nianang takna?

Tawgon nila ang dalan nga Ang Dalan sa Pagka balaan

Kinsa man ang angayan ug dili angayan sa dalan?

Ang mga mahugaw ang dili angayan nga moagi niini. Apan mahimong kining alang kaniya nga nagalakaw niini. Walay liyon ang atoa didto, ug walay manunukob nga anaa niini; dili sila makakita didto, apan ang manluluwas magalakaw didto

Isaiah 35:10

Unsa man ang mahitabo sa linukat ni Yahweh sa dihang mobalik sila?

Ang linukat ni Yahweh mamalik sa Zion uban ang panag-awit, ug ang walay kataposang kalipay anaa sa ilang mga ulo; kasadya ug kalipay ang mag-una kanila; ang kaguol ug panghupaw mangahanaw.

Isaiah 36

Isaiah 36:1-5

Unsa man ang nahitabo sa ika-14 ka tuig ni haring Hezekia?

Senakerib, ang hari sa Asiria, nagmartsa sa tanang lig-on nga mga siyudad sa Juda ug gidakop sila.

Kinsa man ang gipadala sa hari sa Asiria nga gikan kang Lakis paingon sa Jerusalem ngadto kang Hezekia?

Gipadala sa hari sa Asiria ang Rabshakeh

Asa man dapit nihunong ang Rabshakeh

Nihunong siya didto sa agianan ibabaw sa tangke sa tubig, didto sa dalan paingon sa labahanan sa mag-uuma.

Kinsa man ang nagtagbo kang Rabshakeh?

Si Eliakim nga anak ni Hilkia, Shebna ang hari nga tiglista ug Joa nga maoy nagsulat sa gamhanang hukom, ang anak ni Asaf migawas usab aron sa pagtan-aw niini.

Isaiah 36:6-7

Sa unsa man gipakasama sa Rabshakeh ug Faraon, nga hari sa Ehipto ug ngadto sa mga tawo nga misalig kaniya?

Miingon ang Rabshakeh nga ang Faraon mao gayod ang buak nga bagakay nga kung gamiton aron isungkod makasamad sa imong kamot.

Isaiah 36:8

Unsa man ang giingon sa Rabshakeh nga buhaton sa hari sa Asiria kung maghimo ug kasabotan si Hezekia uban sa hari sa Asiria?

Miingon ang Rabshakeh nga hari sa Asiria nga hatagan si Hezekia ug 2000 ka mga kabayo.

Isaiah 36:9-10

Kinsa man ang nagsulti sa Rabshakeh nga magmartsa batok sa Juda ug gub-on kini?

Miingon ang Rabshakeh nga gisultihan siya ni Yahweh aron sa pagmartsa batok sa Juda ug gub-on kini.

Isaiah 36:11-12

Nganong naghangyo man sila Eliakim, Shebna ug Joa sa Rabshakeh nga makipag-istorya ngadto kanila pinaagi sa Aramicong pinulongan?

Dili sila gusto nga madunggan sa katawhan nga makasabot sa ilang sinultihan.

Isaiah 36:13-15

Giunsa pagtubag ni Rabshakeh sa paghangyo ni Eliakim, Shebna ug Joa sa pagsulti ug Aramicong sinultihan?

Gitubag niya kini pinaagi sa pagtindog ug sa pagsinggit gamit ang pinulongan nga Hebreo.

Unsa man ang pulong nga gisulti sa Rabshakeh ngadto sa hari sa Asiria mahitungod kang Hezekia?

Miingon siya nga dili tugotan si Hezekia nga manglimbong kanila tungod kay dili kini makahimo sa pagluwas kanila ug miingon usab siya nga dili mosalig kang Yahweh.

Isaiah 36:16-20

Unsa man ang giingon sa Asiria nga mahitabo kung naghimo ug kalinaw ang mga Judio kaniya ug mopasakop kaniya?

Miingon siya nga mokaon ang mga Judio gikan sa ilang kaugalingong paras sa kahoyng Igera, ug moinom ug tubig nga gikan sa ilang atabay, hangtod nga moabut kini ug kuhaon ang mga Judio palayo sa yuta ingon nga ilang kaugalingong yuta, ang yuta sa trigo ug bag-ong bino, ang yuta sa pan ug sa parasan.

Isaiah 36:21-22

Unsa man ang gitubag sa mga pamulong sa Rabshekah?

Nagpabilin sila nga hilom ug wala sila mitubag niini, tungod kay gimando sa hari nga, "Dili motubag kaniya".

Unsa man ang gibuhat ni Eliakim, Sheban ug Joa human sa pamulong sa Rabshekah?

Niadto sila kang Hezekia uban ang gisi nilang mga bisti aron sa pagbalita sa mga pulong nga gikan kang Rabshekah.

Isaiah 37

Isaiah 37:1-2

Unsa man ang gibuhat ni Hezekia sa dihang nadungog niya ang balita nga gikan kang Eliakim, Shebna, ug Joa?

Gigisi ni Hezekias ang iyang bisti, unya nagsul-ob ug sako nga sinina, pagkahuman miadto siya sa balay ni Yahweh. Gipadala usab niya si Eliakim, Sebna ug ang mga katigulangan sa mga pari ngadto kang Isaias nga propeta.

Isaiah 37:3-4

Unsa man ang gihangyo ni Hezekia nga buhaton ni Isaias?

Gihangyo niya si Isaias nga mag-ampo ngadto kang Yahweh alang sa mga nahibilin nga katawhan nga anaa pa gihapon didto sa Juda.

Isaiah 37:5-7

Unsa man nga mensahe ang gihatag ni Isaias ngadto sa mga sulugoon ni Hezekia nga ilang pagadad-on balik ngadto kang Hezekia?

Ang mensahe ni Isaias ngadto kang Hezekia nga dili mahadlok sa mga pulong nga gisulti sa sulugoon sa hari sa Asiria, ang Rabshakeh. Pagabutangan ni Yahweh ug espiritu ang hari sa Asiria, ug makadungog siya ug balita maoy hinungdan nga mobalik siya sa iyang kaugalingon nga yuta ug pagapatyon didto pinaagi sa espada.

Isaiah 37:8-13

Human madungog sa hari sa Asiria nga si Tirhaka, ang hari sa Etiopia moabot aron sa pagpakig-away kaniya, unsa man ang mensahe nga gipadala sa hari sa Asiria ngadto kang Hezekia?

Nag-ingon ang hari sa Asiria diha sa sulat nga dili magpalimbong sa Dios pinaagi sa pag-ingon nga dili gayod igatugyan ang Jerusalem ngadto sa kamot sa hari sa Asiria.

Isaiah 37:14-16

Unsa man ang gibuhat ni Hezekia human niya nadawat ug gibasa ang sulat nga gikan sa hari sa Asiria?

Mitungas siya ngadto sa balay ni Yahweh ug gibukhad ang sulat ug nag-ampo ngadto kang Yahweh.

Isaiah 37:17-18

Unsa man ang giampo ni Hezekia nga pagabuhaton ni Yahweh?

Una, naghangyo si Hezekia kang Yahweh nga paminawon ug ablihan ni Yahweh ang iyang mga mata ug tan-awon ang tanang mga pulong nga gisulat ni Senakerib. Ikaduha, naghangyo si Hezekias kang Yahweh nga luwason ang Jerusalem gikan sa kamot ni Senakerib.

Isaiah 37:19-20

Unsa man ang giampo ni Hezekia nga pagabuhaton ni Yahweh?

Una, naghangyo si Hezekia kang Yahweh nga paminawon ug ablihan ni Yahweh ang iyang mga mata ug tan-awon ang tanang mga pulong nga gisulat ni Senakerib. Ikaduha, naghangyo si Hezekia kang Yahweh nga luwason ang Jerusalem gikan sa kamot ni Senakerib.

Unsa man nga rason ang gihatag ni Hezekia ingon nga pagdasig kang Yahweh aron luwason ang Jerusalem gikan kang Senakerib?

Buot ni Hezekia nga luwason ni Yahweh ang Jerusalem gikan kang Senakerib aron nga ang tanang gingharian sa kalibotan masayod nga si Yahweh lamang gayod ang Dios ug wala nay lain pa."

Isaiah 37:21-25

Unsa man ang gibuhat ni Yahweh sa pag-ampo ni Hezekia?

Mitubag si Yahweh pinaagi sa pagpadala ug mensahe ngadto kang Isaias alang kang Hezekia.

Sa mensahe ni Yahweh ngadto kang Hezekia, unsa man ang giingon ni Yahweh nga sayop nga nabuhat ni Senakerib?

Miingon si Yahweh nga gipanamastamasan, bugalbugalan, ug gisinghagan niya ang Balaang Dios sa Israel.

Isaiah 37:26-27

Unsa man ang giplano nang daan ni Yahweh sa una pa nga panahon ug gitrabaho kini kaniadto pa?

Giplano na niyang daan ug gitrabaho nga pakunhoron ni Senakerib ang mabungahon nga mga nasod ngadto sa gun-ob nga mga uhot.

Isaiah 37:28-32

Unsa pa man gayod ang nasayran ni Yahweh mahitungod kang Senakerib?

Nasayod siya sa dihang molingkod si Senakerib, mogawas, mosulod, ug ang iyang pagkasuko batok kang Yahweh.

Unsa man ang resulta sa pagkasuko ni Senakerib kang Yahweh?

Gipabalik siya ni Yahweh sama sa paagi sa iyang pag-abot.

Isaiah 37:33-34

Unsa man ang giingon ni Yahweh mahitungod sa hari sa Asiria kabahin sa Jerusalem?

Nag-ingon si Yahweh nga dili makasulod sa Jerusalem ang hari sa Asiria ni makatira ug pana didto o makadala ug taming o makatukod ug patunganan batok niini.

Isaiah 37:35

Unsa man ang rason ni Yahweh alang sa pagpanalipod ug pagluwas sa Jerusalem?

Miingon siya nga iyang panalipdan ug luwason ang Jerusalem alang sa iyang kaugalingon nga kaayohan ug kang David nga iyang alagad.

Isaiah 37:36-37

Unsa man ang gibuhat sa anghel ni Yahweh?

Migawas siya ug gipamatay ang 185,000 ka mga kasundalohan nga anaa sa kampo sa mga taga-Asiria.

Isaiah 37:38

Unsa man ang nahitabo kang Senakerib human siya milakaw ug miuli ngadto sa Nineve?

Samtang nagsimba siya didto sa balay sa iyang dios nga si Nisrok, ang iyang mga anak nga lalaki nga si Adramelek ug Sharezer mitigbas kaniya gamit ang espada.

Isaiah 38

Isaiah 38:1-3

Niadtong mga adlawa unsa man ang nahitabo kang Hezekia?

Nagsakit siya pag-ayo ug duol na sa kalamatyon na.

Unsa man ang giingon ni Isaias kang Hezekia?

Giingnan ni Isaias si Hezekia nga, "Miingon si Yahweh, 'Ipahiluna ang imong panimalay, tungod kay mamatay ka na ug dili na mamaayo.'"

Unsa man ang gibuhat ni Hezekia human niya nadawat ang mensahe ni Yahweh pinaagi kang Isaias?

Nag-ampo siya ngadto kang Yahweh nga hinumdoman kung unsa siya ka matinud-anon nga nagkinabuhi diha sa atubangan ni Yahweh sa tibuok niyang kasingkasing ug kung unsa ka maayo ang iyang mga nabuhat sa panan-aw ni Yahweh. Ug mihilak siyag kusog.

Isaiah 38:4-6

Unsa man ang giingon ni Yahweh kang Isaias nga isulti kang Hezekia?

Giingnan niya si Isaias nga sultihan si Hezekia nga nadungog niya ang iyang pag-ampo ug nakita ang iyang mga luha. Giingnan niya si Hezekia nga dungagan niya ug kinsi ka tuig ang kinabuhi ni Hezekia ug dugang pa, luwason niya si Hezekia ug ang Jerusalem gikan sa kamot sa hari sa Asiria ug panalipdan ang Jerusalem.

Isaiah 38:7-8

Unsa man nga timaan ang gisulti ni Yahweh nga ihatag ngadto kang Hezekias nga pamatuod nga iya gayong pagatumanon ang iyang gisulti?

Miingon si Yahweh nga iyang paatrason ug napulo ka tikang ang anino diha sa hagdanan ni Ahas.

Isaiah 38:9-15

Sa sinulat nga pag-ampo ni Hezekias, unsa man ang giingon ni Hezekias nga mahitabo kaniya sa tungatunga sa iyang kinabuhi?

Miingon siya nga moadto siya sa ganghaan sa Seol.

Unsa man ang iyang giingon mahitungod kang Yahweh sumala sa sinugdanan nga gisulat sa pag-ampo ni Hezekia?

Miingon si Hezekia nga dili na gayod niya makita si Yahweh sa yuta sa mga buhi.

Isaiah 38:16-19

Unsa man ang giingon ni Hezekia sa Ginoo kalabotan sa iyang mga pag-antos ug kalisdanan?

Miingon siya nga makaayo alang kaniya ang mga kalisdanan ug mga pag-antos nga gipadala ni Yahweh.

Unsa man ang giingon ni Hezekia nga gibuhat sa Ginoo sa iyang mga sala?

Miingon siya nga gilabay sa Ginoo ang tanan niyang mga sala diha sa iyang likod.

Isaiah 38:20

Sa unsa man nga paagi saulogon ni Hezekia ang pagluwas ni Yahweh kaniya?

Miingon si Hezekia nga magsaulog sila uban ang mga tulonggon sa tibuok adlaw sa ilang kinabuhi diha sa balay ni Yahweh.

Isaiah 38:21-22

Unsa man ang giingon ni Isaias nga ipabuhat aron nga maulian si Hezekia?

Miingon siya, Padalha sila ug minasa nga igera ug ihampol kini sa hubag ni Hezekia ug mamaayo siya.

Isaiah 39

Isaiah 39:1-2

Kinsa man ang nagpadalag mga sulat ug gasa ngadto kang Hezekia?

Si Merodac Baladan nga anak nga lalaki ni Baladan, nga hari sa Babilonia ang nagpadalag mga sulat ug gasa ngadto kang Hezekia.

Unsa man ang gipakita ni Hezekia ngadto sa mga nagdala sa mga sulat ug gasa nga gikan kang Merodac-Baladan?

Gipakita ni Hezekia kanila ang iyang tigomanan sa iyang mga bahandi—ang plata, ang bulawan, ang mga pahumot ug mga mahalong lana, ang lawak nga tipiganan sa iyang mga hinagiban, ug ang tanan nga makita diha sa lawak nga iyang tipiganan. Gipakita ni Hezekia kanila ang tanang butang diha sa iyang balay ug palasyo.

Isaiah 39:3-4

Unsa man ang pangutana ni Isaias kang Hezekia?

Gipangutana ni Isaias si Hezekia kung unsa ang gisulti kaniya sa mga lalaki, kung asa sila naggikan, ug kung unsa ang ilang nakita diha sa balay ni Hezekia.

Isaiah 39:5-6

Unsa man ang mga butang nga pagadad-on ngadto sa Babilonia sumala sa gisulti ni Isaias ngadto kang Hezekia?

Misulti si Yahweh pinaagi kang Isaias ngadto kang Hezekia nga pagadad-on ngadto sa Babilonia ang tanan nga tinigom niya ug sa iyang katigulangan.

Isaiah 39:7-8

Nganong naghunahuna man si Hezekia nga maayo ang pulong ni Yahweh nga gisulti ni Isaias?

Naghunahuna siya nga maayo kini tungod kay naghunahuna siya nga adunay kalinaw ug maayong kahimtang sa iyang kapanahonan.

Isaiah 40

Isaiah 40:1-2

Unsa man ang giingon sa Dios nga paagi sa iyang paghupay sa iyang katawhan?

Miingon siya nga iya silang hupayon pinaagi sa pag-istorya ug hinay ngadto sa Jerusalem, sultihan siya nga matapos na ang iyang pagpakiggubat ug gipasaylo na ang ilang mga sala.

Isaiah 40:3-5

Unsa man nga tingog ang ilang gisinggit?

Mao kini ang singgit, "Diha sa kamingawan andama ang agianan ni Yahweh; paghimo ug tul-id nga agianan diha sa Araba alang sa atong Dios."

Unsa man ang mahitabo sa yuta sa Israel?

Ipataas ang matag walog, mapantay ang matag kabukiran ug kabungtoran, mapatag ang lubaklubak nga yuta.

Kang kinsa man ipadayag ang himaya ni Yahweh?

Makita sa katawhan ang himaya ni Yahweh.

Isaiah 40:6-8

Unsa man ang magpabilin hangtod sa kahangtoran?

Magpabilin hangtod sa kahangtoran ang pulong sa atong Dios.

Isaiah 40:9-14

Unsa man nga maayong balita ang igasulti ngadto sa Jerusalem ug sa mga siyudad sa Juda?

Ang maayong balita mao nga, "Ania ang inyong Dios!"

Unsa man ang pag-anhi ni Yahweh?

Moabot siya ingon nga madaugong manggugubat.

Unsa man ang dalhon ni Yahweh uban kaniya?

Dalaon ni Yahweh uban kaniya ang iyang ganti ug ang bayad mag-una kaniya.

Isaiah 40:15-20

Unsa man ang mga nasod alang kang Yahweh?

Ang mga nasod sama lamang sa tinulo sa baldi alang kang Yahweh ug sama sa abog diha sa timbangan.

Isaiah 40:21-22

Asa man naglingkod ang Dios?

Naglingkod si Yahweh didto sa langit.

Isaiah 40:23-24

Unsa man ang gibuhat sa Dios ngadto sa mga pangulo?

Ipaubos sa Dios ang mga pangulo sa kalibotan ngadto sa pagkawalay nahot ug himoon sila nga dili mahinungdanon.

Isaiah 40:25-26

Unsa man buhaton ni Yahweh sa mga bituon?

Gipahiluna niya sila ug gitawag sumala sa ilang kaugalingong pangalan ug pinaagi sa kadako sa iyang gahom, wala gayoy nawala bisan usa.

Isaiah 40:27-28

Kinsa man si Yahweh, ug unsay sama kaniya?

Si Yahweh mao ang walay kataposang Dios, ang nagbuhat sa langit ug sa yuta. Dili siya kapuyan o maluya ug walay kinutoban ang iyang panabot.

Isaiah 40:29-31

Unsa man ang gibuhat ni Yahweh sa gipangkapoy ug nangaluya?

Gihatagan ni Yahweh ug kusog nga mga gipangkapoy ug gipabaskog niya ang mga nangaluya.

Unsa man ang mahitabo niadtong nagpaabot kang Yahweh?

Mabag-o ang kusog niiadtong nagpaabot kang Yahweh; manglupad sila sama sa mga agila; managan apan dili kapoyan; manglakaw apan dili gutomon.

Isaiah 41

Isaiah 41:1-2

Alang sa unsang katuyoan ang giingon ni Yahweh nga, "Managtigom kita?

Giingnan sila ni Yahweh sa pagduol aron mahusay ang atong gilantugian.

Isaiah 41:3-4

Kinsa man ang nagtawag sa ikaupat nga kaliwatan gikan sa sinugdanan?

Si Yahweh ang naghimo niini nga mga butanga.

Isaiah 41:5-7

Unsa man ang gihimo sa mga tawo nga namuyo sa mga isla nga nakakita ug nabalaka sa pagkatay-og sa tibuok kalibotan?

Ang ilang gihimo ug gidasig nila ang matag-usa nga mohimo ug diosdios.

Isaiah 41:8-9

Unsa man ang tawag ni Yahweh sa Israel?

Gitawag ni Yahweh ang Israel nga iyang sulugoon, ang kaliwat ni Abraham nga akong higala ug gitawag niya ang Israel nga pinili.

Unsa man ang giingon ni Yahweh nga iyang buhaton sa Israel?

Miingon si Yahweh nga dalahon ko ikaw pagbalik gikan sa kinatumyan sa kalibotan.

Isaiah 41:10

Unsa man ang giingon ni Yahweh sa mga Israelita nga dili buhaton ug ngano?

Giingnan ni Yahweh ang Israelita nga dili mabalaka, tungod kay ako ang imong Dios. Lig-onon ko ikaw ug tabangan.

Unsa man ang giingon ni Yahweh nga iyang buhaton alang sa Israel?

Miingon si Yahweh nga iyang lig-onon ug tabangan sila ug ituboy pinaagi sa tuo ug matarong kong kamot.

Isaiah 41:11-15

Unsa man ang mahitabo niadtong nasuko ug nakigbatok sa Israel?

Maulawan sila ug mawad-an ug dungog, ang tanan nga nasuko kanimo; walay mahimo ug mangahanaw.

Isaiah 41:16

Unsa man ang buhaton sa Israel sa dihang masayran nila kung kinsa ang nakigbatok kanila ug nakauyon kanila?

Masadya ang Israel diha kang Yahweh, sa Labing Balaan sa Israel.

Isaiah 41:17-20

Unsa man ang buhaton ni Yahweh sa dihang nanginahanglan ug tubig ang mga dinaugdaog?

Miingon si Yahweh nga iyang tubagon ang ilang mga pag-ampo nga paagason ang mga tubod diha sa mga bakilid nga yuta, ug mga tubod taliwala sa mga walog; butangan ko ug tubig ang mga disyerto, ug patubigan ko ang mga mala nga yuta. Dili niya sila pasagdan.

Isaiah 41:21-22

Unsa man an giingon ni Yahweh ngadto sa nagsunod sa mga diosdios?

Nag-ingon si Yahweh, "Ipasaka ang imong mga pangatarongan alang sa imong diosdios.

Unsa man ang gusto ni Yahweh nga ipakita niadtong nagsunod sa ilang mga diosdios nga kinahanglan ipasundayag nila aron nga masayran namo kung motuo ba kami kanila o dili?

Pasultiha sila kanamo sa una mahitungod sa ilang gipanagna, aron nga mapamalandungnan nato kini aron masayran kung kini natuman.

Isaiah 41:23-24

Unsa man ang gisulti ni Yahweh sa mga diosdios ug sa mga katawhan nga nagpili kanila?

Miingon si Yahweh nga ang inyong diosdios walay bili ug ang mga butang nga inyong gibuhat kawang; ang usa nga nagpili kaninyo gikasilagan.

Isaiah 41:25-26

Kinsa man niadtong nagasimba sa mga diosdios ang nagsulti nga moabot ang usa nga gikan sa amihan ug tamakan niya ang mga magmamando sama sa lapok, sama sa magkukulon nga naghimog kulon?

Sa pagkatinuod wala gayoy nagmando kanila bahin niini, oo, walay nakadungog kaninyo nga nagsulti sa bisan unsang butang.

Isaiah 41:27-29

Unsa man ang gisulti ni Yahweh mahitungod sa usa nga iyang gituboy gikan sa amihan?

Ingnon ko pag-una ang Zion, "Tan-awa anaa sila;" nagpadala ako ug mensahero sa Jerusalem.

Unsa man ang kataposan nga mga pulong niini nga kapitulo mahitungod niadtong nagsunod sa mga diosdios?

Sa dihang mitan-aw ako, walay bisan usa, walay bisan usa kanila nga mihatag ug maayong tambag, kinsa, sa dihang nangutana ako, ang nakatubag sa pulong. Tan-awa, makawang silang tanan, ug kanunay usab ang ilang mga gibuhat; usa lamang ka hangin ug walay bili ang ilang gipangporma nga mga hulagway.

Isaiah 42

Isaiah 42:1-2

Unsa man ang giingon ni Yahweh nga iyang buhaton alang sa iyang sulugoon?

Miingon si Yahweh nga tan-awa, akong sulugoon, nga akong gituboy; akong pinili, nahimuot ako kaniya. Gibutang ko ang akong Espiritu ngadto kaniya

Unsa man ang giingon ni Yahweh sa iyang sulugoon nga moabot ngadto sa kanasoran?

Miingon si Yahweh sa siyang sulugoon nga matinud-anon siyang magdalag hustisya ngadto sa kanasoran.

Isaiah 42:3-4

Unsa man ang dili angay nga buhaton sa sulugoon ni Yahweh ngadto sa nalaya nga kogon o nagkapalong nga sunog?

Nagsulti si Yahweh nga dili niya balion ang mga nabuak nga bugang, ug dili niya palungon ang nagkapalong nga pabilo

Isaiah 42:5-6

Giunsa paghulagway ni Yahweh ang iyang kaugalingon?

Mao kini ang paghulagway niya sa kaugalingon—ang nagbuhat sa mga langit ug nagpahimutang niini, ang naghimo sa kalibotan ug sa tanang bunga niini, ang naghatag ug gininhawa sa katawhan ug kinabuhi niadtong nagpuyo niini

Isaiah 42:7

Unsa man bout nga ipabuh ni Yahweh sa iyang pinili nga sulugoon ngadto sa mga buta nga katawhan ug mga binilanggo?

Bout ni Yahweh nga ang iyang sulugoon moabri sa mga mata sa buta, ug paghatag ug kagawasan sa mga binilanggo, ug gikan sa mangitngit nga bilanggoan.

Isaiah 42:8-11

Unsa man ang giingon ni Yahweh nga dili niya ipaambit?

Miingon siya nga dili ko ipaambit sa uban ang akong himaya ni ang pagdayeg nga alang kanako ilang gihatag ngadto sa mga kinulit nga diosdios.

Giunsa ni Yahweh pagtandi ang iyang kaugalingon uban sa mga kinulit nga mga diosdios?

Mangahanaw sila sa dihang mamulong si Yahweh kanila.

Sa nangaging pagsulti niya sa iyang himaya unsa man ang giingon ni Yahweh nga iyang buhaton?

Miingon siya nga karon mosulti na usab ako sa mga bag-ong panghitabo. Sa dili pa kini mahitabo moingon ako kaninyo mahitungod niini."

Isaiah 42:12-15

Unsa man ang buhaton ni Yahweh sa iyang mga kaaway?

Ipakita niya kanila ang iyang gahom.

Isaiah 42:16

Unsa man ang buhaton alang sa mga buta?

Dalhon ko ang mga buta sa dalan nga wala nila nasayran; giyahan ko sila sa mga dalan nga wala nila nasayran. Himoon ko nga kahayag ang kangitngit sa ilang atubangan, ug tul-iron ang hiwi nga mga dapit. Himoon ko kining mga butanga, ug dili ko gayod sila isalikway

Isaiah 42:17

Unsa man ang mahitabo niadtong misalig sa mga diosdios ug makigsulti sa mga kinulit nga hulagway, "Ikaw ang among dios"?

Tumban mo sila, ug maulawan sa hingpit

Isaiah 42:18-19

Unsa man ang imando sa bungol ug buta?

Mandoan ang mga bungol nga paminaw ug ang mga buta mandoan nga tan-aw.

Isaiah 42:20-21

Nganong nagmando man si Yahweh kanila nga paminaw ug tan-aw?

Gimanduan niya sila sa pagpaminaw tungod kay bisan tuod ug makakita sila sa daghang mga butang, apan dili makatandi; ang ilang mga dalonggan abri apan dili gayod makadungog.

Isaiah 42:22

Unsa man ang giingon ni Yahweh sa kahimtang sa katawhan?

Miingon si Yahweh nga mao kini ang katawhan nga gikawatan ug gitulis; silang tanan mangahulog sa lit-ag, ug didto gipangbilanggo; mahimo silang mga binihag ug walay bisan usa nga moluwas kanila.

Isaiah 42:23-24

Kinsa man ang nagtugyan kang Jacob ngadto sa kawatan, ug sa Israel ngadto sa tulisan?

Si Yahweh ang naghatag ngadto kanila.

Nganong gitugyan man si Jacob ngadto sa kawatan, ug ang Israel ngadto sa tulisan?

Gitugyan sila ni Yahweh tungod kay nakasala man sila batok kang Yahweh ug nagdumii pagsunod, ug misupakan sa iyang balaod

Isaiah 42:25

Nakaamgo ba ang Israelita kung kinsa ang nagpadangat kanila uban sa pagkaguba tungod sa gubat ug nganong gibuhat niya kini?

Wala! Nagdilaab kini libot kanila, apan wala sila makaamgo niini; misunog kini kanila, apan wala nila kini tipigi sa ilang kasingkasing.

Isaiah 43

Isaiah 43:1

Sa kinatibuk-an unsa man ang giingon ni Yahweh kang Jacob, Israel, nga buhaton?

Miingon siya kang Jacob, Israel, ayaw kahadlok.

Isaiah 43:2-3

Unsa man ang giingon ni Yahweh nga iyang buhaton aron sa pagpanalipod kanila?

Miingon si Yahweh nga bisan molatas ka sa kasapaan, dili kini makalumos kanimo. Sa dihang molakaw ka sa kalayo dili ka masunog, ug ang kalayo dili makalaglag kanimo.

Unsa man ang gihatag ni Yahweh ingon nga lukat ug kambiyo alang sa Israel?

Ihatag ko ang Ehipto ingon nga lukat kanimo, ug ang Etopia ug Seba maoy baylo kanimo Israel.

Isaiah 43:4-9

Unsa man ang giingon ni Yahweh nga buhaton niya alang sa mga anak sa Israel?

Miingon si Yahweh nga dalhon ko ang imong mga anak gikan sa sidlakan, ug tapukon ko ang imong gingsakpan gikan sa kasadpan.

Isaiah 43:10-11

Nganong gitagna man ni Yahweh ang panagtigom sa iyang mga anak nga lalaki ug anak nga babaye nga gikan sa sidlakan ug kasadpan gipahayag kanila sa dili pa mahitabo ang buluhaton?

Gibuhat kini ni Yahweh nga sila kinahanglan masayod kaniya, motuo kaniya ug makasabot nga siya mao ang Dios.

Aduna bay laing dios o manluluwas gawas kang Yahweh?

Alang kang Yahweh walay laing dios gawas kaniya. Siya si Yahweh ug wala nay laing manluluwas gawas kaniya.

Isaiah 43:12-13

Kinsa man ang makaagaw kanato gikan sa kamot sa Dios?

wala nay makaagaw kang bisan kinsa gikan sa akong kamot.

Isaiah 43:14-15

Alang kang kang kinsa man ang giingon ni Yahweh nga tungod ug alang kanimo ipasulong ko ang Babilonia ug ihatod silang tanan nga mapukan ingon nga mga binihag, ilisan ko ang kalipay nga gibati sa mga taga-Babilonia ngadto sa mga pag-awit sa pagbangotan?

Gihimo kini ni Yahweh tungod ug alang sa mga Israelita.

Isaiah 43:16-17

Unsa man nga mga butang nga gibuhat ni Yahweh nga iyang gisulti kanila nga dili balikon ug tagdon?

Mao kini ang giingon ni Yahweh nga himoan ko ug dalan ang dagat ug agianan ang halapad nga katubigan, nga maoy naggiya sa karwahe ug kabayo, sa mga kasundalohan ug sa nagdumala. Mangatumba silang tanan; ug dili na gayod makabarog pag-usab; napalong sila, gipalong sila sama sa pabilo nga nagsiga.

Isaiah 43:18-21

Unsa man ang bag-ong butang nga giingon ni Yahweh mahitungod sa gibuhat niya sa disyerto ug sa kamingawan?

Miingon si Yahweh nga pagadalanan ko ang disyerto ug kasapaan ug patubigan ko ang kamingawan.

Isaiah 43:22-23

Unsa man ang gibuhat niining katawhan, Israel, ingon nga namohat si Yahweh alang sa iyang kaugalingon?

Napakyas ang mga Israelita sa pagtawag kang Yahweh. Wala sila nagdala alang kaniya ug karnero ingon nga halad sinunog ug wala sila mitahod kaniya pinaagi sa ilang mga halad.

Isaiah 43:24

Unsa man ang gibuhat sa mga Israelita ngadto kang Yahweh?

Gisunog sa mga Israelita alang kang Yahweh ang ilang mga sala ug gipabug-atan sa, gipakapuy nila pinaagi sa daotan nilang mga buhat.

Isaiah 43:25-26

Nganong gikuha man ni Yahweh ang mantsa nga gihimo sa Israel ug wala gilukat ang ilang mga sala?

Gibuhat kini ni Yahweh alang sa iyang kaugalingon.

Isaiah 43:27-28

Nganong gibungkag man ni Yahweh ang mga pangulo sa alampoanan gitugyan ko sa hingpit si Jacob sa pagkaguba, ug ang Israel sa labihang kaulawan?

Gibuhat kini ni Yahweh tungod kay ang ilang unang amahan nakasala ug ang ilang pangulo nakigbaot kang Yahweh.

Isaiah 44

Isaiah 44:3-6

Unsa man ang giingon ni Yahweh nga iyang ibubo ngadto sa kaliwat ni Jacob?

Miingon si Yahweh nga ibubo niya ang iyang Espiritu ngadto sa ilang kaliwat

Isaiah 44:7-8

Unsaon man nila sa pagpamatuod ngadto kang Yahweh nga adunay laing Dios nga sama kaniya?

Aron kapamatud-an ngadto kang Yahweh kinahanglan nga pasabton nila si Yahweh sa mga panghitabo nga nahitabo sukad nga gipahimutang ni Yahweh ang iyang katawhan ug kinahanglan nga isulti nila ang mahitabo sa umaabot.

Isaiah 44:9-10

Unsa man ang gisulti ni Yahweh mahitungod niadtong nagbuhat ug mga diosdios?

Miingon si Yahweh nga wala silay bili ug ang mga butang nga ilang gikalipay walay pulos ug maulawan sila.

Isaiah 44:11-13

Unsa man ang mahitabo sa manggagama ug sa ilang mga kaabin nga nagbuhat ug dios o naghimo ug diosdios?

Maulawan ang manggagama ug ang ilang mga kaabin nga nagbuhat ug dios o naghimo ug diosdios

Isaiah 44:14

Unsaon man sa panday sa pagsugod sa paghimo ug diosdios?

Mamutol siya ug mga sedro, o magpili ug kahoy nga sepros o kahoy nga tugas.

Isaiah 44:15-18

Unsa man ang buhaton sa tawo ngadto sa tipak sa kahoy nga gikan sa kahoy nga iyang giputol?

Gamiton kini sa tawo aron isugnod ug painitan ang iyang kaugalingon, magluto siya ug tinapay ug magsugba ug karne pinaagi niini ug unya himoon niya nga diosdios ang laing bahin niini, ug yukboan niya kini.

Isaiah 44:19-20

Tungod kay kadtong nagbuhat ug nagsimba sa mga diosdios walay panabot ug kahibalo ug buta ang ilang mga mata ug dili makabatyag ang ilang mga kasingkasing, unsa man ang duha ka pangutana nga wala nila ipangutana sa ilang kaugalingon?

Una, wala nila pangutan-a ang ilang mga kaugalingon kung angay ba nilang himoon ang laing bahin sa kahoy ngadto sa mangil-ad nga diosdios aron simbahon. Ikaduha, wala nila pangutan-a ang ilang mga kaugalingon kung makataronganon ba ang pagyukbo ngadto sa tipak sa kahoy.

Isaiah 44:21-22

Nganong gisultihan man si Jacob ug ang Israel nga maghunahuna mahitungod kang Yahweh ingon nga mao lamang ang bugtong Dios ug walay pulos ang mga diosdios?

Angay nilang hinumdoman kining mga butanga tungod kay si Yahweh ang nag-umol kanila, iya silang mga sulugoon ug dili niya sila kalimtan. Ug gipapas usab ni Yahweh ang ilang mga sala ug ang ilang masinupakon nga mga buhat.

Isaiah 44:23

Nganong gimandoan man ang kalangitan, ang kabukiran, ang kalasangan ug ang matag kahoy nga moawit?

Gimandoan sila nga moawit tungod kay gitubos ni Yahweh si Jacob ug ipakita niya ang iyang himaya ngadto sa Israel.

Isaiah 44:24-25

Unsa man ang buhaton ni Yahweh ngadto sa mga panagna ug niadtong nagabasa niini?

Pakyason ni Yahweh ang mga panagna ug pakaulawan niya kadtong nagabasa niini.

Isaiah 44:26-27

Unsa man ang buhaton ni Yahweh ngadto sa iyang sulugoon ug mga mensahero?

Itugot ni Yahweh nga mahitabo ang mga ipanulti sa iyang sulugoon ug hatagan niya ug katumanan ang panambagon sa iyang mga mensahero.

Unsa man ang gisulti ni Yahweh mahitungod sa Jerusalem ug sa mga siyudad sa Juda?

Miingon si Yahweh nga pagapuy-an ang Jerusalem ug tukoron pagbalik ang mga siyudad sa Juda ug ipabarog niya ang nangaguba nga mga dapit.

Isaiah 44:28

Unsa man ang gisulti ni Yahweh mahitungod kang Cyrus ug unsa man ang iyang buhaton?

Miingon si Yahweh ngadto kang Cyrus, "Siya ang akong magbalantay, buhaton niya ang akong matag pangandoy; maghukom siya mahitungod sa Jerusalem, 'Matukod siya pagbalik,' ug mahitungod sa templo, 'Itukod ang pasukaranan niini."'

Isaiah 45

Isaiah 45:1

Kinsa man ang dinihogan sa Ginoo, niini nga kapitulo?

Niini nga kapitulo, misulti si Yahweh nga si Cyrus ang iyang dinihogan.

Nganong gikuptan man ni Yahweh ang kamot ni Cyrus?

Gikuptan ni Yahweh ang kamot ni Cyrus aron sakopon ang mga nasod, kuhaon ang mga hinagiban sa mga hari, ug abrihan ang mga pultahan alang kaniya, aron nga magpabiling abri ang mga ganghaan.

Isaiah 45:2-3

Nganong mag-una man si Yahweh kang Cyrus ug patagon niya ang kabukiran; dugmokon ang mga bronsi nga ganghaan ug pamutlon ang mga puthaw nga babag, ug ihatag kaniya ang mga bahandi sa kangitngit ug ang gitago nga pagkaadunahan?

Himoon ni Yahweh kining mga butanga aron nga mahibaloan ni Cyrus nga si Yahweh nga Dios sa Israel ang nagtawag kaniya.

Isaiah 45:4-6

Alang kang kinsa man nga gitawag ni Yahweh si Cyrus sa iyang ngalan?

Gitawag ni Yahweh si Cyrus alang kang Jacob nga iyang sulugoon ug alang sa Israel nga iyang pinili.

Nakaila ba si Cyrus kang Yahweh?

Wala makaila si Cyrus kang Yahweh.

Aduna pa bay laing Dios gawas kang Yahweh?

Wala nay laing Dios gawas kang Yahweh.

Isaiah 45:7-8

Kinsa man ang naghimo sa kahayag ug sa kangitngit ug kinsa man ang nagadala sa kalinaw ug nagahimo ug katalagman?

Si Yahweh ang nagbuhat niining tanang butang.

Kinsa man ang naghimo sa kaluwasan?

Si Yahweh ang naghimo sa kaluwasan.

Isaiah 45:9-12

Sa unsa man gitandi ni Yahweh ang usa ka tawo nga nakiglalis sa iyang magbubuhat?

Gitandi niya ang usa ka tawo nga nakiglalis sa iyang magbubuhat ngadto sa kulon nga miingon ngadto sa magkukulon, "Unsa ang imong ginabuhat?" o, 'Unsa man ang imong ginahimo—wala kabay kamot sa dihang gibuhat mo kini?'

Isaiah 45:13

Unsa man ang buhaton ni Cyrus alang kang Yahweh?

Tukoron niya ang siyudad ni Yahweh; papaulion niya sa ilang mga balay ang katawhan ni Yahweh nga nabihag ug dili tungod sa ganti ug suborno.

Isaiah 45:14-15

Aduna pa bay laing Dios gawas kang Yahweh?

Wala nay laing Dios gawas kang Yahweh.

Isaiah 45:16-17

Kinsa man ang maulawan?

Maulawan kadtong nagkulit ug mga diosdios.

Hangtod kanus-a man molungtad ang kaluwasan sa Israel?

Luwason ni Yahweh ang Israel sa walay kataposan nga kaluwasan.

Isaiah 45:18-19

Aduna pa bay laing Dios gawas kang Yahweh?

Wala nay laing Dios gawas kang Yahweh.

Nganong gibuhat man ni Yahweh ang kalibotan?

Gibuhat niya kini aron nga pagapuy-an.

Isaiah 45:20

Kinsa man ang walay kahibalo?

Kadtong mga nagdala ug kinulit nga mga hulagway ug nag-ampo sa mga dios nga dili makaluwas, mao ang walay kahibalo.

Isaiah 45:21

Aduna pa bay laing Dios gawas kang Yahweh?

Wala nay laing Dios gawas kang Yahweh.

Isaiah 45:22-23

Aduna pa bay laing Dios gawas kang Yahweh?

Wala nay laing Dios gawas kang Yahweh.

Kang kinsa man nanaad si Yahweh?

Nanaad si Yahweh pinaagi sa iyang kaugalingon.

Isaiah 45:24-25

Unsa man ang ipanumpa sa matag dila?

Manumpa ang matag dila sa pag-ingon, "Diha lamang kang Yahweh ang kagawasan ug kusog."

Unsa man ang mahitabo sa tanang kaliwat sa Israel?

Diha kang Yahweh ang tanan nga mga kaliwatan sa Israel pagamatarongon; makapasigarbo sila diha kaniya.

Isaiah 46

Isaiah 46:1-2

Unsa man si Bel ug si Nebo?

Mga diosdios sila.

Kinsa man ang nagpas-an sila Bel ug Nebo?

Ang mga hayop maoy nagpas-an sa ilaha.

Isaiah 46:3-4

Kinsa man ang nagdala sa balay ni Jacob?

Si Yahweh mao ang nagdala sa balay ni Jacob.

Unsa man kadugay nga gidala ni Yahweh ang balay ni Jacob ug unsa pa kini kadugay?

Gipas-an sila ni Yahweh sukad pa sa ilang pagkahimogso ug pas-anon niya sila hangtod nga maputi na ang ilang mga buhok.

Isaiah 46:5-6

Unsa man ang gibuhat sa katawhan sa bulawan ug sa plata?

Nagkuha ug tighulma ang katawhan ug gidala niini ang ilang mga bulawan ug mga plata ug gihimo nga diosdios.

Isaiah 46:7

Kana nga mga dios makatubag ba kanila o makaluwas?

Dili kana makatubag o makaluwas gikan sa iyang kalisdanan.

Isaiah 46:8-9

Kang kinsa man ikakumpara si Yahweh? Kinsa man ang sama kaniya?

Si Yahaweh mao ang Dios ug wala nay lain pa. Wala gayoy bisan usa nga sama kaniya.

Isaiah 46:10-11

Unsa man ang nakapalain sa Dios gikan sa mga diosdios?

Lahi ra gyod si Yahweh tungod sa iyang pagsulti sa kataposan gikan palang sa sinugdanan, ug gisulti niya kining daan bisan wala pa kini mahitabo.

Isaiah 46:12-13

Unsa man ang gibuhat ni Yahweh sa mga tawo nga gahi ug ulo, kadtong mga tawo nga wala nagbuhat ug maayong mga butang?

Gipaduol ni Yahweh ang iyang pagkamatarong. Hatagan niya ug kagawasan ang Zion ug ang iyang katahom ihatag ngadto sa Israel.

Isaiah 47

Isaiah 47:1-2

Kinsa man ang dili na gayod pagatawgon nga maanindot ug haruhay?

Dili na gayod pagatawgon nga maanindot ug haruhay, ang ulay nga mgababaye nga anak sa Babilonia, ang anak nga babaye sa mga Caldeahanon.

Isaiah 47:3-5

Unsa man ang dili na gayod itawag sa mga anak nga babaye sa Caldeahanon?

Dili na gayod pagatawgon nga Rayna sa mga gingharian ang mga anak nga babaye sa Caldeahanon.

Isaiah 47:6-7

Nganong nasuko man si Yahweh sa mga Caldeahanon?

Nasuko si Yahweh sa mga Caldeahanon tungod kay bisan gitugyan ni Yahweh ngadto kanila ang iyang katawhan wala sila magpakitag kaluoy ug gisangonan nila ug bug-at nga yugo ang liog sa mga tigulang nga tawo.

Isaiah 47:8-9

Unsa man ang mahitabo ngadto sa mga anak nga babaye sa mga Caldeahanon sa usa ka higayon sa maong adlaw?

Mag-antos tungod sa pagkamatay sa ilang mga anak ug makasinati sa pagkabiyuda sa usa ka higayon sa maong adlaw ang mga anak nga babaye sa mga Caldeahanon.

Isaiah 47:10-13

Unsa man ang gisaligan sa mga anak nga babaye sa mga Caldeahanon?

Nagsalig sila sa ilang pagkadaotan.

Unsa man ang dili makapugong sa katalagman ug kadaot nga moabot ngadto sa mga anak nga babaye sa mga Caldeahanon?

Dili makapugong sa katalagman ug kadaot nga moabot ngadto kanila ang mga salamangka sa mga anak nga babaye sa mga Caldeahanon.

Isaiah 47:14-15

Unsa man ang mahitabo niadtong mga nanagna sa kalangitan ug nagtan-aw sa mga bituon, ug niadtong nagsulti sa mga bag-ong bulan?

Ugdawon sa kalayo ang kalalakin-an nga nanagna sa kalangitan ug nagtan-aw sa mga bituon ug kadtong nagsulti sa mga bag-ong bulan mahisama sa dagami.

Kinsa man ang moluwas sa anak nga babaye sa mga Caldeahanon?

Walay bisan usa nga moluwas kanila.

Isaiah 48

Isaiah 48:1-2

Unsa man ang gitawag sa panimalay ni Jacob ug kinsa man ang ilang kagikan?

Gitawag sila nga Israel ug mga kagikan sila sa Juda.

Unsa man ang ginabuhat sa Israel nga dili matinud-anon ug dili makataronganon?

Dili matinud-anon ug dili makataronganon ang pagpanumpa sa Israel pinaagi sa ngalan ni Yahweh ug gipasuko nila ang Dios sa Israel.

Isaiah 48:3-8

Nasayod si Yahweh sa pagkamasinupakon sa Israel, unsa man ang iyang gibuhat?

Gisulti niya kanila ang mga butang kaniadto pa ug gipahibalo niya, ug sa kalit lang nga gibuhat ug nahanaw sila.

Unsa man ang gilaoman ni Yahweh nga pugngan pinaagi sa pagsulti niining mga butanga ngadto sa Israel kaniadto pa?

Buot ni Yahweh nga pugngan ang Israel sa pag-ingon nga, "Gibuhat kini sa among mga diosdios," o "ang akong kinulit nga hulagway, o ang akong hinimo nga puthaw ang nagbuhat niining mga butanga."

Isaiah 48:9-13

Nganong pugngan man ni Yahweh ang iyang kasuko ug dili idayon ang paglaglag sa Israel?

Buhaton niya kini alang sa iyang ngalan.

Giunsa man ni Yahweh pagputli ang Israel?

Giputli niya sila diha sa hudno sa kasakit.

Isaiah 48:14-19

Kinsa man ang gitawag ni Yahweh ug alang sa unsa man nga katuyoan?

Gitawag ni Yahweh ang iyang kaabin aron sa pagtapos sa iyang katuyoan batok sa Babilonia.

Isaiah 48:20

Unsa man ang pahibalo nga angay himoon ngadto sa kinatumyon sa kalibotan?

Ang pahibalo nga, "Gitubos ni Yahweh ang iyang sulugoon nga si Jacob."

Isaiah 48:21-22

Kinsa man ang giingnan ni Yahweh nga dili makadawat ug kalinaw?

Miingon si Yahweh nga walay kalinaw alang sa daotan.

Isaiah 49

Isaiah 49:1-2

Unsa man ang buhaton ni Yahweh sa iyang alagad nga Israel?

Gitawag siya ni Yahweh sa iyang ngalan sukad pa sa iyang pagkahimugso. Gihimo niya nga sama sa hait nga espada ang baba sa Israel ug gitagoan niya ang Israel sa landong sa iyang kamot; gihimo niyang sinaw nga pana ang Israel; gitagoan siya ni Yahweh sa iyang sudlanan sa mga udyong.

Isaiah 49:3-4

Unsa man ang pagabuhaton ni Yahweh sa Israel?

Ipakita ni Yahweh ang iyang himaya ngadto sa Israel.

Unsa man ang gisaligan sa Israel kang Yahweh?

Miingon ang Israel nga ang iyang hustisya anaa kang Yahweh ug ang iyang ganti anaa sa iyang Dios.

Isaiah 49:5-6

Unsa man ang trabaho sa Israel nga alagad ni Yahweh?

Ang iyang trabaho mao ang pagdasig pag-usab kang Jacob ug aron pagpasig-uli sa Israel ngadto kaniya.

Unsa man nga butang ang gamay lamang alang sa alagad ni Yahweh?

Gamay lamang nga butang ang mahimong alagad ni Yahweh aron tukoron pag-usab ang katribohan ni Jacob, ug aron pagdasig sa mga naluwas nga mga Israelita.

Unsa pa man ang pagabuhaton ni Yahweh alang sa iyang alagad?

Himoon niyang kahayag ang iyang alagad ngadto sa mga Gentil aron mapatigayon ang kaluwasan ni Yahweh ngadto sa tibuok kalibotan.

Isaiah 49:7

Unsa man ang mahitabo niadtong gitamay, sinalikway sa mga kanasoran, ug ulipon sa mga tigdumala?

Makita siya sa mga hari ug manindog sila, ug makita siya sa mga prinsipe ug mangyukbo sila.

Isaiah 49:8-9

Kanus-a man motabang si Yahweh ug motubag sa iyang alagad?

Sa panahon nga ipakita na ni Yahweh ang iyang kaluoy, tubagon niya ang iyang alagad, ug panalipdan niya ang iyang alagad sa adlaw sa kaluwasan ni Yahweh.

Alang sa unsa man nga katuyoan nga gihatag ang alagad ni Yahweh ingon nga usa ka kasabotan alang sa katawhan?

Gihatag siya ingon nga kasabotan alang sa katawhan aron matukod pag-usab ang yuta, aron ihatag pagbalik ang nabiyaan nga kabilin.

Isaiah 49:10-11

Kinsa man ang mogiya sa mga binilanggo?

Siya nga adunay kaluoy sa mga binilanggo mao ang mogiya kanila.

Isaiah 49:12-13

Nganong mag-awit ug magkalipay man ang kalangitan, kalibotan ug kabukiran?

Mag-awit ug magkalipay sila tungod kay hupayon ni Yahweh ang iyang katawhan, ug may kaluoy siya niadtong gisakit.

Isaiah 49:14-15

Unsa man ang gitubag ni Yahweh sa dihang aduna silay mga sumbong: "Gipasagdan na ako ni Yahweh, ug gikalimtan na ako sa Ginoo."?

Ang tubag ni Yahweh sa Zion mao ang, "Makalimot ba ang babaye sa iyang anak, sa pagpasuso sa iyang dughan, nga walay kaluoy sa iyang gipakatawo? Oo, mahikalimot sila, apan dili ko ikaw hikalimtan.

Isaiah 49:16-18

Unsa man ang ihatag ni Yahweh ingon nga pagpamatuod sa iyang kahangawa sa Zion?

Ang mga mosunod mao ang gisaysay ni Yahweh nga iyang pagpamatuod: "Tan-awa, gikulit ko ang imong ngalan sa akong mga palad; ang imong mga paril anaa kanunay sa akong atubangan. Nagdali sa pagbalik ang imong mga anak, samtang nagpalayo kadtong migun-ob kanimo. Tan-awa ang palibot ug imong makita, nga nagkatigom sila ug moanha kanimo."

Isaiah 49:19-20

Unsa man ang isulti sa mga anak nga natawo panahon sa kasub-anan sa Zion?

Magaingon sila, "'Guot na kaayo ang dapit alang kanamo, buhati kami ug lawak, aron makapuyo kami dinhi.'

Isaiah 49:21

Unsa man ang ipangutana sa Zion sa iyang kaugalingon?

Mangutana siya, "Kinsa man ang nagpakatawo niining mga bataa alang kanako?" ug "Kinsa man ang nagpadako niining mga bataa?" ug sa kataposan, "...asa man gikan kining mga bataa?"

Isaiah 49:22-23

Kinsa man ang modala pagbalik sa mga anak nga lalaki sa Zion ug sa mga anak nga babaye?

Ang katawhan sa kanasoran magdala kanila pagbalik.

Isaiah 49:24-25

Makuha ba ang mga bililhong butang gikan sa manggugubat o maluwas ang mga binihag gikan sa nagdaogdaog?

Oo, makuha ang mga binihag gikan sa manggugubat ug makuha pagbalik ang mga bililhong butang; kay silotan ni Yahweh ang mga kaaway sa Zion ug luwason ang iyang mga anak.

Isaiah 49:26

Unsa man ang buhaton ni Yahweh sa mga nagdaugdaog sa Zion?

Pakaonon niya ang mga nagdaogdaog sa ilang kaugalingon mga unod.

Unsa man ang mahibaloan sa tanang katawhan?

Mahibaloan nila nga si Yahweh mao ang ilang manluluwas ug manunubos, ang Balaang Dios ni Jacob.

Isaiah 50

Isaiah 50:1

Nganong gibaligya man ang Zion ug gisalikway ang iyang inahan?

Gibaligya ang Zion tungod sa iyang mga sala, ug tungod sa iyang pagkamasinupakon, gisalikway ang iyang inahan.

Isaiah 50:2-3

Unsa man ang mahitabo pinaagi sa mga pagbadlong ni Yahweh?

Pinaagi sa pagbadlong ni Yahweh mahimo niyang pahubason ang dagat ug himoong disyerto ang kasapaan. Bistihan ni Yahweh ang langit sa dag-om ug tabonan kini sa bisti sa pagbangotan.

Isaiah 50:4

Unsa man ang gihatag ni Yahweh sa iyang alagad?

Gihatagan ni Yahweh ang iyang alagad ug dila nga niadtong natudloan.

Unsa man ang gibuhat sa alagad ni Yahweh sa dila nga gihatag kaniya?

Nagsulti ug mga pagdasig ang alagad ni Yahweh ngadto sa mga nangaluya.

Isaiah 50:5-6

Tungod kay wala man siya misupak ug wala mibiya, unsa man ang gibuhat sa alagad ni Yahweh?

Gihatag sa alagad ni Yahweh ang iyang likod niadtong mobun-og kaniya ug niadtong molabnot sa iyang bungot; wala siya nagtago gikan sa mga pagpakaulaw ug pagtamay kaniya.

Isaiah 50:7

Nganong miingon man ang alagad ni Yahweh nga dili siya maulawan?

Miingon ang alagad nga dili siya maulawan tungod kay motabang man kaniya si Yahweh nga Ginoo.

Isaiah 50:8-9

Unsa man ang mahitabo niadtong nagbutangbutang ug nagsulti sa alagad ni Yahweh nga sad-an siya?

Mangagisi sama sa bisti ang mga nagbutangbutang kaniya; anayon sila.

Isaiah 50:10

Unsa man ang buhaton niadtong adunay kahadlok kang Yahweh, kadtong nagtuman sa tingog sa iyang alagad ug sa tawo nga naglakaw sa ngi-ob nga kangitngit nga walay kahayag?

Kinahanglan mosalig siya sa ngalan ni Yahweh ug mosandig sa iyang Dios.

Isaiah 50:11

Unsa man ang buhaton sa alagad ni Yahweh niadtong nagdagkot ug kalayo?

Pahamtangan sa alagad ni Yahweh ug tumang kasakitan.

Isaiah 51

Isaiah 51:1

Unsa man ang gisutli ni Yahweh alang niadtong nagapangita sa pagkamatarong?

Miingon si Yahweh nga motan-aw sila sa bato kung diin sila gitipak gikan sa kubkubanan ug mga bato.

Isaiah 51:2-5

Unsa man ang buhaton ni Yahweh kang Abraham?

Gitawag siya ni Yahweh, gipanalanginan ug gipasanay siya.

Isaiah 51:6

Unsa man ang mahitabo sa kalangitan, sa kalibotan ug sa mga lumulupyo niini?

Mangahanaw ang kalangitan sama sa aso, ang kalibotan mangagisi sama sa bisti; ug mangamatay ang mga lumulupyo sama sa mga langaw.

Unsa man ang magapadayon ug dili mahunong nga buluhaton?

Magapadayon ang pagkamatarong ni Yahweh hangtod sa kahangtoran ug dili kini matapos.

Isaiah 51:7-8

Alang kang kinsa man gitumong kini nga pahayag: "Ayaw kahadloki ang mga pagtamay sa mga tawo, ni masakitan sa ilang pagdagmal..."?

Gitumong kini nga pamahayag ngadto sa mga nahibalo kung unsa ang matarong ug ngadto sa mga tawo nga nagtuman sa balaod ni Yahweh.

Isaiah 51:9-10

Kinsa man ang mibuntog sa mapintas nga mananap, ang nagpahubas sa dagat ug naghimo ug dalan sa kinahiladman sa dagat aron makalatas ang mga niluwas?

Nahimo kining mga butanga pinaagi sa gahom ni Yahweh.

Isaiah 51:11-13

Unsa man ang mogukod ug ang mobiya gikan sa mga niluwas ni Yahweh sa dihang mobalik sila ug moabot sa Zion?

Maglipay sila ug mokalagiw gikan kanila ang kasub-anan ug ang pagbangotan.

Isaiah 51:14-16

Unsa man ang buhaton ni Yahweh niadtong nangyukbo?

Dalion sila ni Yahweh pagluwas.

Isaiah 51:17-22

Unsa man ang inomon sa Jerusalem gikan sa kamot ni Yahweh?

Moinom sila sa kopa sa kasuko ni Yahweh; moinom sila sa panaksan, ang kopa sa pagkahubog.

Kinsa man sa tanang mga anak nga lalaki ang natawo sa Jerusalem ang mogiya kaniya?

Walay bisan usa sa tanang mga anak nga lalaki nga iyang gipakatawo ang mogiya kaniya.

Isaiah 51:23

Human nga gikuha ni Yahweh ang kopa sa pagkahubog gikan sa Jerusalem, kang kinsa man niya kini gihatag?

Gihatag niya kini ngadto sa kamot sa nagdaogdaog sa Jerusalem.

Isaiah 52

Isaiah 52:1-3

Unsa man ang dili na mahitabo pag-usab sa Jerusalem?

Dili na gayod makasulod ang mga dili tinuli o mga hugaw sa Jerusalem.

Isaiah 52:4

Kinsa man ang nagdaugdaog sa Jerusalem?

Ang Asiria mao ang nagdaugdaog kanila.

Isaiah 52:5-6

Nganong mahibaloan man sa katawhan ang ngalan ni Yahweh nianang adlawa?

Mahibaloan nila ang ngalan ni Yahweh tungod sa padayon nga pagdaot sa iyang ngalan matag adlaw.

Isaiah 52:7-8

Kinsa man ang makakita sa pagbalik ni Yahweh sa Zion?

Ang tanang magbalantay makakita sa pagbalik ni Yahweh sa Zion.

Isaiah 52:9-10

Nganong magaawit man ang guba nga Jerusalem?

Buhaton nila kini tungod kay gihupay man ni Yahweh ang iyang katawhan; gitubos niya ang Jerusalem. Gipakita ni Yahweh ang iyang gahom sa tanang kanasoran.

Isaiah 52:11-12

Unsa man ang buhaton ni Yahweh niadtong nagdala sa iyang mga sudlanan?

Mobiya sila, dili mohikap sa bisan unsang mahugaw ug putlion ang ilang mga kaugalingon.

Nganong kinahanglan man nga dili magdali o magkaguliyang ang katawhan ni Yahweh sa ilang pagbiya?

Dili nila kinahanglang magdali o magkaguliyang kay mag-una man si Yahweh kanila ug ang Dios sa Israel maoy magbantay kanila.

Isaiah 52:13-14

Unsa man ang buhaton sa alagad ni Yahweh?

Mobuhat siya uban ang kaalam ug magmalampuson siya; pasidunggan siya ug ituboy, ug pagadaygon.

Unsa man ang mahitabo sa panagway sa alagad ni Yahweh?

Dili na mahitsura ang iyang panagway.

Isaiah 52:15

Unsa man ang buhaton sa mga hari tungod sa alagad ni Yahweh?

Tungod kaniya tak-umon sa mga hari ang ilang mga baba.

Isaiah 53

Isaiah 53:1-2

Giunsa man pagtubo sa alagad ni Yahweh?

Nagtubo siya sa atubangan ni Yahweh sama sa linghod nga tanom nga miturok sa yuta.

Sama sa unsa man ang panagway sa alagad ni Yahweh?

Walay ilhanan ang iyang panagway o katahom; sa dihang makita nato siya, dili siya ambongan nga makadani kanato.

Isaiah 53:3

Giunsa man pagdawat sa katawhan ang alagad ni Yahweh?

Gitamay siya ug gisalikway sa katawhan ug giisip nga dili mahinungdanon.

Isaiah 53:4

Unsa man ang gibuhat sa alagad ni Yahweh alang kanato?

Gipas-an niya ang atong mga kasakitan ug ang atong mga kasub-anan.

Isaiah 53:5

Nganong gisamaran man ug gidagmalan ang alagad ni Yahweh?

Gisamaran siya tungod sa atong pagkamasinupakon ug gidagmalan siya tungod sa atong mga sala.

Unsa man ang nahimo sa pagsilot ug mga samad sa iyang alagad alang kanato?

Ang pagsilot kaniya naghatag kanato ug kalinaw ug ang iyang mga samad naghatag kanato ug kaayohan.

Isaiah 53:6-7

Giunsa man kita pagtandi sa mga karnero?

Sama kita sa mga karnero tungod kay nahisalaag kita; ug misubay kita sa kaugalingon natong mga dalan.

Isaiah 53:8-9

Unsa man nga pamaagi ang gigamit aron paghukom sa alagad ni Yahweh?

Ang pagdakop kaniya ug paghukom mao ang gigamit aron silotan siya.

Nganong gipuo man ang alagad ni Yahweh gikan sa yuta sa mga buhi?

Gipapahawa siya tungod sa kasal-anan sa iyang katawhan.

Aduna bay nabuhat nga sayop ang alagad ni Yahweh?

Wala. Wala siyay nabuhat nga daotan ni wala siya manglimbong.

Isaiah 53:10-11

Nganong makapasakit man ang kabubut-on ni Yahweh sa iyang alagad?

Kabubut-on kini ni Yahweh aron ang katuyoan ni Yahweh matuman pinaagi kaniya.

Isaiah 53:12

Nganong hatagan man ni Yahweh sa iyang bahin ang iyang alagad taliwala sa mga kasundalohan?

Bahinan ni Yahweh ang iyang alagad tungod kay gitugyan man niya ang iyang kaugalingon sa kamatayon ug giangkon ang daghang kasal-anan. Gipas-an niya ang kasal-anan sa tanan ug nag-ampo siya alang sa mga kalapasan.

Isaiah 54

Isaiah 54:1

Nganong miingon man si Yahweh nga kinahanglang moawit ang babaye nga dili makaanak?

Miingon siya nga kinahanglan moawit, kay mas daghan pa ang mga anak sa biniyaan kay sa mga anak sa babayeng minyo.

Isaiah 54:2-4

Unsa man ang buhaton sa mga kaliwat sa Zion?

Buntogon nila ang mga kanasoran ug mopuyo pag-usab sa biniyaan nga mga siyudad.

Isaiah 54:5-6

Kinsa man ang bana sa Zion?

Si Yahweh nga labawng makagagahom, ang magbubuhat sa Zion, mao ang ilang bana.

Isaiah 54:7-8

Unsa man ang gibuhat ni Yahweh sa Israel?

Gisalikway niya siya sa hamubo lamang nga higayon.

Unsa man ang buhaton ni Yahweh sa Israel?

Pinaagi sa dakong kaluoy tigomon sila ni Yahweh.

Isaiah 54:9-12

Unsa man ang saad ni Yahweh sa Israel?

Nagsaad siya nga dili na siya masuko kanila o mobadlong kanila.

Unsa man ang dili mahanaw ug ang dili mahibulag gikan sa Israel?

Dili gayod mahanaw ang kasabotan ni Yahweh sa kalinaw tali sa Israel ug dili usab mahibulag ang iyang kasabotan sa pagkamatinud-anon gikan sa Israel.

Isaiah 54:13-14

Unsa man ang dili na masinatian sa Israel?

Dili na masinatian sa Israel ang paglutos.

Isaiah 54:15-16

Unsa man ang mahitabo bisan kinsa nga magpasiugda sa kasamok sa Israel?

Buntogon gayod ang si bisan kinsa nga magpasiugda sa kasamok sa Israel.

Isaiah 54:17

Unsa man ang mahitabo niadtong magpasangil sa Israel?

Hukman sila sa Israel.

Isaiah 55

Isaiah 55:1

Unsa man ang gisulti nga ipapalit niadtong walay mga salapi?

Gisultihan sila nga papaliton ug bino ug gatas nga walay salapi ug walay kantidad.

Isaiah 55:2

Unsa man ang gisulti nga kan-on niadtong gipang-uhaw?

Gisultihan sila nga mokaon kung unsa ang maayo.

Isaiah 55:3-4

Kinsa man ang gibutang ni Yahweh nga mamahimong saksi sa kanasoran ug pangulo ug komandante sa katawhan?

Gibutang ni Yahweh si David sa maong katungdanan.

Isaiah 55:5

Ngano man nga modangop sa Israel ang kanasoran nga wala makaila kanila?

Modangop sila sa Israel tungod kay nahimaya si Yahweh kanila, ang ilang Dios, ang Balaan sa Israel.

Isaiah 55:6-7

Kanus-a man mangita ug mosangpit ang Israel kang Yahweh?

Mangita sila kaniya samtang mahikaplagan pa siya; mosangpit kaniya samtang duol pa siya.

Unsa man ang buhaton sa daotan ug sa tawong makasasala?

Kinahanglan nga mobiya siya sa iyang dalan, ug ang tawo nga makasasala sa iyang hunahuna.

Unsa man ang buhaton ni Yahweh kang bisan kinsa nga mobalik kaniya?

Maluoy ug madagayaong mopasaylo kaniya si Yahweh.

Isaiah 55:8-9

Unsa man ang hunahuna ni Yahweh ug mga pamaagi nga dili hunahuna ug mga pamaagi sa Israel?

Tungod kini kay ang kalangitan habog kay sa kalibotan busa ang mga pamaagi ni Yahweh mas labaw sa ilang mga pamaagi ug ang hunahuna ni Yahweh kay sa hunahuna sa Israel.

Isaiah 55:10-11

Unsa man ang mahitabo sa mga pulong nga migula sa baba ni Yahweh?

Matuman gayod nila kini sumala sa gitinguha ni Yahweh ug makalampos kini diin niya kini gipadala.

Isaiah 55:12-13

Unsa man ang walay kataposang timaan nga dili gayod mawagtang?

Mao kini ang mga timaan: Mogula ang Israel nga malipayon ug giyahan nga malinawon; mosinggit sa tumang kalipay ang kabukiran ug ang kabungtoran sa ilang atubangan, ug ang tanang kakahoyan sa kaumahan mopakpak sa ilang mga kamot. Imbis ang mga sampinit, motubo ang sipres; ug imbis nga briyer, motubo ang kahoy nga mirto.

Isaiah 56

Isaiah 56:1-2

Nganong nagsulti man si Yahweh nga momatngon kung unsa ang husto ug buhaton ang matarong?

Gisulti niya kini tungod kay haduol na ang iyang kaluwasan ug hapit na mapadayag ang iyang pagkamatarong.

Isaiah 56:3

Unsa man ang dili angay isulti sa mga langyaw ug sa yunuko nga nahimong sumusunod ni Yahweh?

Ang langyaw dili angay mosulti, "Isalikway gayod ako ni Yahweh gikan sa iyang katawhan" ug kinahanglan nga ang yunuko dili mosulti, "Tan-awa, usa ako ka laya nga kahoy."

Isaiah 56:4-5

Unsa man ang buhaton ni Yahweh sa mga yunuko nga nagatuman sa mga Adlaw nga Igpapahulay, nagabuhat kung unsa ang makapahimuot kaniya, ug nagkupot sa kasabotan ni Yahweh?

Pahimutangan ni Yahweh ug mga handomanan alang kaniya, diha sa puloy-anan ni Yahweh ug diha sulod sa iyang mga pader, nga mas maayo pa kay sa pagbaton ug mga anak nga lalaki ug babaye.

Isaiah 56:6-8

Unsa man ang buhaton ni Yahweh sa mga langyaw nga nahiusa diha kaniya aron mag-alagad kaniya, ug magsimba kaniya ug nahigugma sa iyang ngalan, nga nagtuman sa Adlaw nga Igpapahulay ug nagbantay nga dili kini mapasidan-an, ug ang nagkupot gayod sa kasabotan ni Yahweh?

Dad-on sila ni Yahweh sa iyang balaang bukid ug himoon sila nga magmalipayon sa balay alampoanan; ang ilang mga halad sinunog ug ang ilang mga halad pagadawaton diha sa halaran ni Yahweh.

Isaiah 56:9-10

Kinsa man kadtong gitandi sa amang nga mga iro?

Gitandi sa amang nga mga iro ang ilang nga magbalantay.

Isaiah 56:11-12

Unsa man ang nabuhat sa ilang mga magbalantay ug magbalantay sa karnero?

Mibalik silang tanan sa ilang kaugalingong pamaagi, ang tagsatagsa naninguha nga makaangkon pinaagi sa pagpanikas.

Isaiah 57

Isaiah 57:1-2

Unsa man ang wala gipakabanaan o nasabtan mahitungod sa matarong sa dihang mamatay sila?

Wala sila nagpakabana o nakasabot nga ang mga matarong gikuha gikan sa daotan ug misulod diha sa kalinaw.

Isaiah 57:3-4

Kinsa man ang nahimuot sa pagtamay ug naganganga sa baba ug nagdiwaldiwal sa dila?

Gibuhat kini nga mga butang sa mga anak nga lalaki sa mga diwatahan, sa mga anak sa mananapaw ug sa mga babaye nga nagbaligya sa iyang dungog.

Isaiah 57:5

Unsa pa man ang gibuhat niining gitawag nga mga anak sa pagsupak ug mga anak sa limbong?

Nakipaghilawas sila ilalom sa mga kahoy nga tugas, ilalom sa matag kahoy nga lunhaw. Gipatay nila ang ilang mga anak sa hubas nga linaw, ilalom sa batohon nga mga langub.

Isaiah 57:6

Unsa man ang mga butang sa ilang mga pagsimba?

Ang mga butang sa ilang mga pagsimba mao ang kadaghanan sa mga hamis nga butang sa walog sa suba.

Isaiah 57:7-12

Unsa man ang gibuhat niining mga masinupakon ug malimbongon diha kang Yahweh?

Gitalikdan nila si Yahweh.

Isaiah 57:13

Unsa man ang gisulti ni Yahweh niining mga daotan ug sa mga masinupakon kung magtuaw sila?

Misulti si Yahweh nga tugotan nila nga mohupay kanila ang ilang tinigom nga mga diosdios.

Unsa man ang mahitabo niining mga daotan ug sa mga masinupakon?

Paliron lamang sila sa hangin, sa usa ka huyop mangapalid sila.

Unsa man ang mahitabo sa tawo nga modangop kang Yahweh?

Makapanag-iya sila sa yuta ug makakuha sa kabtangan sa balaang bukid ni Yahweh.

Isaiah 57:14-15

Kinsa man ang magpuyo uban kang Yahweh sa hataas ug balaang dapit?

Ang tawo nga nagmasulob-on ug mapainubsanon ang espiritu ang makapuyo didto uban kang Yahweh.

Isaiah 57:16-17

Unsa man ang mahitabo sa tawo kung pasanginlan ni Yahweh?

Maluya ang espiritu sa tawo diha sa atubangan ni Yahweh.

Nganong nasuko man si Yahweh sa tawo?

Nasuko si Yahweh sa tawo tungod sa sala.

Isaiah 57:18-19

Unsa man buhaton ni Yahweh sa tawo, bisan nga nakita na niya ang pamaagi sa tawo?

Misulti si Yahweh nga ayuhon gayod niya siya.

Isaiah 57:20-21

Kinsa man ang walay kalinaw?

Walay kalinaw ang tawong mga daotan.

Isaiah 58

Isaiah 58:1-2

Unsa man ang sugo ni Yahweh nga ipasulti sa banay ni Jacob?

Nagsugo siya nga pasultihan ang banay ni Jacob sa ilang pagkamasinupakon ug sa mga sala.

Giunsa man sa pagpangita sa banay ni Jacob kang Yahweh?

Nangita sila kaniya sama sa usa ka nasod nga nagbuhat sa pagkamatarong ug wala nagsalikway sa balaod sa ilang Dios.

Isaiah 58:3

Unsa man ang mulo sa banay ni Jacob nga ilang gibuhat kang Yahweh bahin sa pagpaubos sa ilang kaugalingon ug sa pagpausa?

Nagmulo sila kang Yahweh mahitungod sa ilang pagpuasa ug pagpaubos sa ilang mga kaugalingon nga wala makita o matagad ni Yahweh.

Unsa man ang gisulti ni Yahweh sa banay ni Jacob nga pagabuhaton sa adlaw nga magpuasa sila?

Misulti si Yahweh nga sa maong adlaw sa ilang pagpuasa mahikaplagan nila ang ilang kalipay ug daogdaogon ang ilang mga sinuholan.

Isaiah 58:4-5

Unsa man ang gisulti ni Yahweh nga dili hinungdan sa pagpuasa sa banay ni Jacob?

Misulti si Yahweh nga wala nagpuasa ang banay ni Jacob aron madungog ang ilang tingog.

Isaiah 58:6-8

Unsa man ang gipili ni Yahweh nga pagpuasa?

Ang gipili ni Yahweh nga pagpuasa mao ang pagbadbad sa mga gapos sa pagkadaotan, sa pagtangtang sa mga hikot sa yugo, sa paghatag ug kagawasan ang gidaogdaog, ug sa pagbali sa matag yugo, ug ang pagpikas sa ilang tinapay sa mga gipanggutom ug sa pagpadayon sa kabos ug sa mga walay puloy-anan nganha sa ilang puloy-anan, bistihan ang mga hubo ug dili itago ang ilang kaugalingon sa ilang mga paryente.

Isaiah 58:9-14

Unsa man buhaton ni Yahweh sa banay ni Jacob kung isalikway nila ang yugo sa ilang mga kaugalingon, ang pagtulisok sa tudlo, ug ang pagsulti ug mga daotan, kung pakan-on nila kadtong gipanggutom ug tagbawon ang panginahanglan sa nagsubo?

Kung buhaton nila kining mga butanga ang ilang kahayag mosubang sa kangitngit, ug ang ilang kangitngit sama sa kaudtohon.

Isaiah 59

Isaiah 59:1-2

Makaluwas ba si Yahweh kanato? Madungog ba niya kita?

Dili mubo ang kamot ni Yahweh nga dili makaluwas; o bungol nga dili makadungog.

Ngano man nga dili madungog ni Yahweh o maluwas ang banay ni Jacob?

Ang daotan nilang mga binuhatan maoy nakapahimulag kanila gikan sa ilang Dios ug ang ilang mga sala nakapahimo kang Yahweh nga gitagoan ang iyang panagway gikan kanila ug sa pagdungog kanila.

Isaiah 59:3-6

Unsa man ang kasagarang mga sala nga nahimo sa puluy-anan ni Jacob nga nakapahimulag man kanila gikan kang Yahweh?

Ang kasagarang sala nga nakapahimulag kanila kang Yahweh mao kini: Gilamaan nila sa dugo ang mga kamot. Namakak sila ug nagsultig daotan. Aduna silay daotang tinguha ug dili sila matarong. Nanamkon sila sa kasamok.

Isaiah 59:7-13

Unsa man ang mahitabo niadtong mga nagpanaw sa lubaklubak nga mga dalan?

Dili makabaton ug kalinaw kadtong nagpanaw sa lubaklubak nga mga dalan

Isaiah 59:14-15

Unsa man ang nahitabo kaniya nga mibiya gikan sa daotan?

Gihimo niya ang iyang kaugalingon nga sinakit.

Unsa man ang dili makapahimuot kang Yahweh?

Dili mahimuot si Yahweh sa dihang makita niya nga walay hustisya.

Isaiah 59:16

Unsa man ang himoon ni Yahweh sa dihang makita niya nga wala nay usa nga mobabag?

Sa dihang nakita ni Yahweh nga wala nay mobabag, ang iyang mga bukton nagdala ug kaluwasan alang kaniya.

Isaiah 59:17-18

Unya unsa man ang gihimo ni Yahweh?

Gipasul-ob ni Yahweh ang pagkamatarong ingon nga usa ka taming sa dughan ug gipakalo ang kaluwasan sa iyang ulo. Gibistihan niya ang iyang kaugalingon sa bisti sa pagpanimalos ug gisul-ob ang kadasig isip usa ka kupo. Gipanimaslan niya sila alang sa ilang mga nahimo, masuk-anong paghukom ngadto sa masupilon, pagpanimalos ngadto sa mga kaaway, silot ngadto sa mga isla ingon nga ilang mga ganti.

Isaiah 59:19-20

Unsa man ang resulta sa pagpanimalos ni Yahweh kanila alang sa ilang mga nahimo?

Kahadlokan nila ang ngalan ni Yahweh gikan sa kasadpan, ug ang iyang himaya gikan sa pagsubang sa adlaw.

Kinsa man ang pagaadtoan sa manluluwas?

Moabot ang manluluwas didto sa Zion ug niadtong mitalikod gikan sa ilang daotang binuhatan nga anaa sa Jacob.

Isaiah 59:21

Unsa man ang kasabotan ni Yahweh tali kanila?

Mao kini ang kasabotan: Ang espiritu ni Yahweh nga anaa kaninyo, ug ang akong mga pulong nga gibutang sa inyong mga baba, dili gayod kini mahanaw sa inyong mga baba, o mahanaw sa baba sa inyong mga anak, o mahanaw sa mga baba sa inyong apo gikan karon ug hangtod sa kahangtoran.

Isaiah 60

Isaiah 60:2-3

Unsa man ang buhaton ni Yahweh alang sa Israel, bisan pa ug molukop ang kangitngit sa kalibotan?

Modan-ag si Yahweh uban kanila ug makita kanila ang iyang himaya.

Kinsa man ang moadto sa kahayag sa Israel?

Moadto ang kanasoran ug mga hari tungod sa ilang kahayag

Isaiah 60:4-7

Nganong malipayon man nga mitan-aw ang Israel ug naghinubra sa kalipay ang ilang kasingkasing?

Tungod kini sa kadagaya sa dagat nga mibubo ngadto kanila, ug moabot kanila ang katigayonan sa kanasoran.

Isaiah 60:8-9

Kinsa man ang mangulo sa pagdala sa mga anak nga lalaki sa Israel gikan sa layo?

Mangulo ang mga barko sa Tarsis.

Isaiah 60:10-11

Kinsa man ang motukod pagbalik sa siyudad ni Yahweh ug kinsa man ang moalagad kanila?

Tukoron pagbalik sa mga anak nga lalaki sa mga langyaw ang ilang mga paril ug moalagad kanila ang mga hari.

Nganong nagpabilin man nga abri ang mga ganghaan sa siyudad?

Magpabilin kining abri aron nga madala pasulod ang mga katigayonan sa kanasoran.

Isaiah 60:12-14

Unsa man ang mahitabo niadtong mga kanasoran ug mga gingharian nga dili moalagad kanila?

Masilotan gayod kadtong kanasoran ug mga gingharian; ug mapukan sila sa hingpit.

Isaiah 60:15-16

Unsa man ang buhaton ni Yahweh sa Siyudad ni Yahweh?

Ipasigarbo gayod kini ni Yahweh hangtod sa kahangtoran, ang kalipay nga gikan sa tanang kaliwatan.

Isaiah 60:17-18

Unsa man ang dili na madungog bahin sa yuta sa Sion?

Dili na gayod madungog ang kasamok sa ilang yuta, o ang kadaot o pagpusgay sa ilang mga utlanan.

Isaiah 60:19-20

Unsa man ang mohatag ug kahayag sa yuta?

Si Yahweh mao ang ilang walay kataposang kahayag.

Isaiah 60:21-22

Unsa man kadugay nga mapanag-iyahan sa katawhan ni Yahweh ang yuta?

Mapanag-iyahan nila ang yuta sa tanang panahon.

Unsa man kadugay nga matapos ni Yahweh kining mga butanga?

Taposon gayod ni Yahweh kining mga butanga sa umaabot nga panahon.

Isaiah 61

Isaiah 61:1-3

Nganong anaa man kaniya ang espiritu sa Ginoo nga si Yahweh?

Anaa kaniya ang espiritu tungod kay gidihogan siya ni Yahweh.

Unsa man ang gidihogan ni Yahweh nga angay niyang buhaton?

Gidihogan siya ni Yahweh aron sa pagsangyaw sa maayong balita ngadto sa mga mapainubsanon.

Unsa man ang tulo ka mga butang nga gipadala ni Yahweh nga angay niyang buhaton?

Gipadala siya ni Yahweh aron sa pag-ayo sa mganagmagul-anon nga mga kasingkasing, sa pagsangyaw sa kagawasan ngadto sa mga binihag, ug sa pag-abri sa bilanggoan niadtong mga nabihag.

Isaiah 61:4-5

Unsa man ang himoon sa mga langyaw sa Zion?

Mobarog sila ug pakaunon ang panon sa mga kahayopan didto sa Zion ug motrabaho sa ilang mga kaumahan ug kaparasan ang anak nga lalaki sa mga langyaw.

Isaiah 61:6-7

Unsa man ang wag niadtong anaa sa Sion?

pagatawgon silang mga pari ni Yahweh; mga sulugoon sa Dios.

Isaiah 61:8-9

Unsa man ang gikahimut-an ni Yahweh ug unsa man usab ang iyang gikasilagan?

Gikahimut-an ni Yahweh ang hustisya ug gikasilagan ang pagpangawat ug pagpanglupig.

Isaiah 61:10-11

Unsa man ang nahimo ni Yahweh alang kaniya?

Gibistihan siya ni Yahweh ug bisti sa kaluwasan ug uban sa kupo sa pagkamatarong.

Unsa man ang gitugotan ni Yahweh nga moturok atubangan sa tanang kanasoran?

Tugotan niya ang pagkamatarong ug ang pagdayeg nga moturok sa tanang kanasoran.

Isaiah 62

Isaiah 62:1-2

Kinsa man ang makakita sa pagkamatarong ug sa himaya sa Zion?

Makita sa tanang kanasoran ang pagkamatarong sa Zion ug makita usab sa tanang mga hari ang iyang himaya.

Isaiah 62:3-5

Unsa man ang dili na angay nga itawag sa Zion ug sa iyang yuta?

Dili na pagatawagon ang Zion nga "Sinalikway" ug dili na usab pagatawagon ang iyang yuta nga "Biniyaan".

Nganong pagatawagon man ang Zion nga "Anaa kaniya ang akong kalipay" ug ang yuta sa Zion "Minyo"?

Pagatawagon siya niadtong mga ngalana tungod kay ang kalipay ni Yahweh anaa kaniya ug maminyo ang iyang yuta

Isaiah 62:6-7

Nganong gibutang man didto sa mga paril sa Jerusalem ang mga tigbantay?

Gibutang sila didto aron sa pagpahimangno kang Yahweh, tugotan nila siya nga mopahulay hangtod nga maayo pagbalik ang Jerusalem ug himuon kining pagsimba sa kalibotan.

Isaiah 62:8-10

Unsa man ang gisaad ni Yahweh pinaagi sa iyang tuo nga kamot ug pinaagi sa kusog sa iyang kamot?

Misaad siya nga dili niya ihatag ang trigo sa Jerusalem ngadto sa ilang mga kaaway ug dili moinom ang mga langyaw sa ilang bag-ong bino.

Isaiah 62:11-12

Unsa man ang gipahibalo ni Yahweh ngadto sa kinatumyan sa kalibotan?

Mao kini ang pahibalo ni Yahweh: "Isulti kini ngadto sa anak nga babaye sa Zion, 'Tan-awa, moabot na ang inyong manluluwas! Tan-awa, ang iyang ganti anaa kaniya, ug ang iyang ganti moabot tali kaniya."'.

Isaiah 63

Isaiah 63:1-2

Kinsa man kadtong miabot nga gikan sa Edom nga nagbisti ug giunsa man niya pag-abot?

Nagsul-ob siya ug pula nga harianong bisti ug miabot siya nga naglakaw nga walay gikahadlokan.

Nganong maisogon man nga naglakaw kining tawo nga gikan sa Edom?

Maisogon siyang naglakaw tungod sa iyang kusog.

Unsa man ang giingon niining tawhana nga gikan gikan sa Edom bahin sa iyang kaugalingon?

Nagsulti siya ug pagkamatarong ug tungod niana makahimo siya sa pagluwas.

Isaiah 63:3-4

Unsa man ang gitinguha niining tawhana nga gikan sa Edom?

Nagtinguha siya bahin sa adlaw sa pagpanimalos, ug miabot ang tuig alang sa iyang pagluwas.

Isaiah 63:5-6

Aduna bay bisan usa didto nga motabang niini nga tawo nga gikan sa Edom?

Wala. Nangita siya apan wala gayoy mitabang kaniya.

Unsa man ang gibuhat niing tawhana nga gikan sa Edom ngadto sa katawhan?

Gitunobtunoban niya ang katawhan uban sa iyang kasuko ug gihubog sila uban sa iyang kapungot ug gibubo ang ilang dugo sa kalibotan.

Isaiah 63:7-8

Ngano ug giunsa man ni Yahweh sa pagpakita ang iyang kaayo ngadto sa puluy-anan sa Israel?

Gipakita niya ang iyang kaayo ngadto kanila tungod sa iyang kaluoy ug uban sa daghang binuhatan sa matinumanong kasabotan.

Isaiah 63:9

Unsa man ang nahitabo sa karaang kapanahonan sa dihang nag-antos ang katawhan ni Yahweh?

Sa dihang nag-antos ang balay sa Israel, nag-antos usab si Yahweh.

Sa mga nanganing panahon, kinsa man ang miluwas sa Israel?

Giluwas sila sa iyang mensahero sa mga nangaging panahon.

Isaiah 63:10-14

Nganong nahimo man siya nga ilang kaaway?

Nahimo siyang ilang kaaway tungod kay gisupak nila ug gipasubo ang iyang Balaang Espiritu.

Isaiah 63:15-16

Unsa man ang ngalan ni Yahweh sa mga nangaging panahon?

"Among Manluluwas" ang iyang ngalan sa nangaging panahon.

Isaiah 63:17-19

Unsa man ang mga pagmulo o pangutana sa balay sa Israel ngadto kang Yahweh?

Ang ilang pangutana ug pagmulo mao ang, "O Yahweh, nganong gipalatagaw mo man kami gikan sa imong mga pamaagi ug gipagahi ang among mga kasingkasing, busa wala kami mituman kanimo?"

Isaiah 64

Isaiah 64:1-2

Unsa man ang mahitabo kung nailhan ang ngalan ni Yahweh sa iyang mga kaaway?

Mangurog ang kanasoran sa iyang presensya.

Isaiah 64:3-5

Sukad sa karaang panahon aduna bay nakadungog o nakasabot sa Dios gawas kang Yahweh, nga naghimo niini mga butang alang niadtong naghulat kaniya?

Wala, walay nakadungog o nakasabot sa Dios nga maoy naghimo sa mga butang alang niadtong naghulat kaniya.

Isaiah 64:6-7

Sa unsa man nahisama ang tanang matarong nga buhat sa mga Israelita?

Sama sila sa dinug-an nga trapo.

Nganong wala may mitawag sa ngalan ni Yahweh, nga maoy naninguha sa pagkupot kaniya?

Tungod kay gitagoan ni Yahweh ang iyang dagway gikan kanila ug gitugyan sila sa ilang mga sala.

Isaiah 64:8-9

Asa man gitandi sa manunulat si Yahweh ug ang katawhan sa Israel?

Gitandi si Yahweh nga usa ka magkukulon ug ang katawhan sa Israel gitandi sa lapok.

Isaiah 64:10-12

Unsa man ang nahitabo sa balaan nga mga siyudad ni Yahweh

Nahimong kamingawan ang mga balaang siyudad ni Yahweh ug awaaw na ang Jerusalem.

Unsa man ang duha ka pangutana sa manunulat alang kang Yahweh?

Ang duha ka pangutana mao ang, "Unsaon mo man pagpugong Yahweh?" ug "Unsaon mo man sa pagpabilin nga nagpakahilom ug nagpadayon sa pagpakaulaw kanamo?"

Isaiah 65

Isaiah 65:1-2

Unsa man ang gusto ni Yahweh alang niadtong wala nangayo ug wala nangita?

Gusto niya nga makit-an siya ug makaplagan niadtong wala mitawag ug wala nangita kaniya.

Unsa man ang gilakwan niining mga tawong masupilon?

Nilakaw sila subay sa ilang kaugalingon panghunahuna ug mga plano.

Isaiah 65:3-5

Unsa man ang pipila sa pamaagi niining katawhan nga nagpadayon sa pagpasuko kang Yahweh?

Padayon nga nagpasuko sila kang Yahweh tungod kay naghalad sila sa mga tanaman ug nagsunog ug insenso didto sa tisa. Naglingkod sila sa mga lubnganan ug nagpabilin didto sa tibuok gabii ug mikaon ug karneng baboy uban ang sabaw sa hugaw nga karne sa ilang mga lutoanan.

Isaiah 65:6-8

Unsa man ang himoon ni Yahweh niining masupilon nga mga tawo?

Pabayaron niya sila ug panimaslan sila sa ilang mga kaugalingong sala ug ang sala sa ilang mga katigulangan.

Isaiah 65:9-11

Unsa man ang himoon ni Yahweh sa iyang mga pinili?

Mapanag-iyahan nila ang kayutaan.

Isaiah 65:12

Unsa man ang himoon ni Yahweh alang niadtong misalikway kaniya?

Itugyan niya sila ngadto sa espada ug moduko silang tanan aron pamatyon.

Isaiah 65:13-16

Unsa man ang mahitabo sa mga sulugoon ni Yahweh?

Mokaon sila ug moinom, magmaya ug mosinggit sa kalipay.

Unsa pa man ang laing mahitabo niadtong mosalikway kang Yahweh?

Gutomon ug uhawon sila. Pakaulawan sila ug maghilak tungod sa kasakit sa kasingkasing ug magminatay tungod sa hilabihang kasakit.

Isaiah 65:17-19

Unsa man ang himoon ni Yahweh?

Maghimo si Yahweh ug bag-ong langit ug bag-ong yuta?

Unsa man ang tubag sa mga alagad ni Yahweh sa bag-ong langit ug bag-ong yuta?

Maglipay ug magmaya sila hangtod sa kahangtoran sa buot nga himoon ni Yahweh.

Isaiah 65:20-21

Unsa man ang himoon sa katawhan sa bag-ong Jerusalem?

Magtukod sila ug balay ug mapuyo didto, ug magtanom silag parasan ug mokaon sa mga bunga.

Isaiah 65:22-23

Pila man ka adlaw nga magpuyo ang katawhan?

Magpuyo sila sa taas nga kinabuhi sama sa adlaw sa mga kahoy.

Isaiah 65:24-25

Kanus-a man paminawon ug tubagon ni Yahweh ang iyang katawhan sa bag-ong langit ug bag-ong yuta?

Sa dihang mosulti pa sila paminawon na ni Yahweh, ug sa wala pa sila nakatawag kaniya pagatubagon na sila.

Unsa man ang kalaihan mahitungod sa mga mananap sa tanang balaang bukid ni Yahweh?

Ang mga mananap dili na mabangis o makig-away sa usag-usa. Ang lobo ug ang karnero mag-uban ug sa pagkaon, mokaon ug dagami ang liyon sama sa baka.

Isaiah 66

Isaiah 66:2

Kinsa man ang naghimo sa langit ug yuta?

Gihimo ni Yahweh kining tanang butang pinaagi sa iyang kaugalingong kamot.

Unsa man nga matang sa tawo ang gikahimut-an ni Yahweh?

Gikahimut-an ni Yahweh ang tawo nga mapaubsanaon, mahinulsolon ug mahinadlokon sa iyang pulong.

Isaiah 66:3-4

Unsa man ang gihatag ni Isaias nga sumbanan aron sa pagpakita sa pagkamaaron-ingnon sa tawo?

Miingon si Yahweh nga ang tawo nga mopatay ug baka sama usab nga nagpatay ug tawo. Ang usa ka tawo nga naghalad ug nating karnero sama usab sa paglunggo ug liog sa iro. Siya nga naghalad ug uhay sama usab sa paghalad sa dugo sa baboy ug siya nga naghalad sa insenso nagpanalangin usab sa mga daotan

Isaiah 66:5

Unsa man ang gihimo sa mga igsoon niadtong nangurog sa pulong ni Yahweh?

Gikasilagan ug gisalikway sila sa ilang igsoon ug nangurog sa pulong ni Yahweh.

Isaiah 66:6-9

Unsa man ang tingog nga naggikan sa siyudad ug sa templo?

Mao kadto ang kasaba sa gubat gikan sa siyudad, ug ang tingog ni Yahweh nga nanimalos sa iyang mga kaaway.

Isaiah 66:10-11

Nganong kinahanglan man nga ang tanang nahigugma sa Jerusalem magmaya ug maglipay alang kaniya?

Magmaya kita uban ang Jerusalem ug maglipay alang kaniya, kay kamo makasuso ug matagbaw; mahupay kamo sa iyang dughan; kay moinom kamo ug mabusog ug malipay sa kadagaya sa iyang himaya.

Isaiah 66:12-14

Unsa man ang ipakaylap ni Yahweh sa tibuok Jerusalem?

Bout ni Yahweh nga hatagan ug kauswagan ang Jerusalem sama sa suba, ug ang bahandi sa mga nasod sama sa sapa nga nagbaha.

Isaiah 66:15-17

Unsa man ang gamiton ni Yahweh aron paghukom sa katawhan?

Gamiton niya ang kalayo ug ang espada.

Isaiah 66:18-19

Nganong tigomon man ni Yahweh ang tanang kanasoran ug ang mga pinulongan?

Tigomon ni Yahweh ang tanang kanasoran ug ang mga pinulongan aron makaadto sila ug makita nila ang iyang himaya ug aron nga ang pipila niadtong nakalingkawas makabalik sa ilang nasod aron pagmantala sa himaya ni Yahweh sa kanasoran.

Isaiah 66:20-21

Kinsa man ang ihatag isip halad ngadto kang Yahweh?

Ang mga igsoon nga lalaki sa Israel gikan sa gawas sa tanang mga nasod mao ang ihatag aron ihalad kang Yahweh.

Isaiah 66:22-23

Unsa man ang himoon sa katawhan sa matag bulan ug sa matag Adlaw Igpapahulay?

Moadto ug moyukbo ang tanang katawhan kang Yahweh sa matag bulan ug sa matag Adlaw nga Igpapahulay.

Isaiah 66:24

Unsa man ang mahitabo sa mga patayng lawas sa mga lalaki nga misupak batok kang Yahweh?

Kaonon sila sa mga ulod ug lamoyon sila sa mga kalayo.