1 Corinthians

1 Corinthians 1

1 Corinthians 1:1-6

Kinsa ang nagtawag kang Pablo ug gitawag siya alang sa unsa nga bulohaton?

Si Cristo Jesus nagtawag kang Pablo aron mahimong usa ka apostol.

1 Corinthians 1:7-9

Unsa ang wala makulang sa simbahan sa Corinto?

Wala sila makulangi sa espirituhanong gasa.

1 Corinthians 1:10-11

Unsa ang giawhag ni Pablo nga buhaton sa simbahan sa Corinto?

Giawhag sila ni Pablo nga magkasinabot ug walay pagkabahinbahin diha kanila, ug niana mahiusa sila uban sa samang hunahuna ug pinaagi sa samang katuyoan.

1 Corinthians 1:12-13

Unsa man ang buot ipasabot ni Pablo mahitungod sa panaglalis?

Si Pablo nagpasabot niini: Ang matag usa kaninyo nagsulti nga, "Iya ako ni Pablo," o "Iya ako ni Apollos," o "Iya ako ni Cefas," o "Iya ako ni Cristo."

1 Corinthians 1:14-16

Nganong nagpasalamat man si Pablo sa Dios nga wala siyay laing gibawtismohan gawas kang Crispo ug Gayo?

Nagpasalamat si Pablo sa Dios alang niini tungod kay wala gayoy panahon nga mosulti sila nga gibawtismohan sila sa ngalan ni Pablo.

1 Corinthians 1:17

Nganong gipadala man ni Cristo si Pablo?

Gipadala ni Cristo si Pablo aron sa pagsangyaw sa ebanghelyo o maayong balita.

1 Corinthians 1:18-19

Unsa ang mensahe sa krus alang niadtong himalatyon na?

Ang mensahe sa krus usa ka binuang alang niadtong himalatyon na.

Unsa ang mensahe sa krus alang niadtong giluwas sa Dios?

Mao kini ang gahom sa Dios alang niadtong giluwas sa Dios.

1 Corinthians 1:20-25

Unsa ang gibuhat sa Dios mahitungod sa kaalam niini nga kalibotan?

Gihimo sa Dios nga kabuang ang kaalam niini nga kalibotan.

1 Corinthians 1:26-27

Pila man kabuok ang gitawag sa Dios nga mga maalamon pinaagi sa tawhanong sukaran o gamhanan o halangdon nga pagkatawo?

Ang Dios wala gayod magtawag ug daghang mga tawo nga sama niana.

1 Corinthians 1:28-29

Unsa man ang gibuhat sa Dios aron nga wala gayoy makapasigarbo diha sa atubangan niya?

Gipili sa Dios kung unsa ang gipakaubos ug ang tinamay sa kalibotan. Gipili niya bisan pa ang mga butang nga gitamod nga wala nay bili.

1 Corinthians 1:30-31

Nganong anaa may mga magtutuo ni Cristo Jesus?

Anaa sila diha kang Cristo Jesus tungod sa gibuhat sa Dios.

Unsa ang kahimoan ni Cristo Jesus kanato?

Nahimo siyang kaalam kanato nga gikan sa Dios - atong pagkamatarong, pagkabalaan ug pagkamanunubos.

1 Corinthians 2

1 Corinthians 2:1-7

Unsa man ang gibuhat ni Pablo sa dihang miadto siya sa mga taga-Corinto aron sa pagmantala sa tinagong mga kamatuoran sa Dios?

Wala miadto si Pablo uban ang kahanas sa pagpamulong o sa kaalam sa pagmantala niya sa tinagong mga kamatuoran sa Dios.

1 Corinthians 2:8-9

Kung ang mga magmamando sa kapanahonan ni Pablo nasayod pa sa kaalam sa Dios unsa man unta ang wala nila gibuhat?

Kung kadtong mga magmamando nasayod pa sa kaalam sa Dios dili unta nila ilansang sa krus ang Ginoo sa kahimayaan.

1 Corinthians 2:10-11

Giunsa ba pagkasayod ni Pablo ug kadtong mga kauban niya sa kaalam sa Dios?

Gipadayag sa Dios kadtong mga butang kanila pinaagi sa Espiritu.

1 Corinthians 2:12-13

Unsa man ang hinungdan nga si Pablo ug kadtong mga kauban niya nakadawat man sa Espiritu nga gikan sa Dios?

Nadawat nila ang Espiritu nga gikan sa Dios aron nga ilang masayran ang mga butang nga walay bayad nga gihatag sa Dios kanato.

1 Corinthians 2:14-16

Nganong dili man makadawat ang dili- espirituhanong tawo o masayod sa mga butang nga nahisakop sa Espiritu sa Dios?

Ang dili-espirituhanong mga tawo dili makadawat kanila tungod kay buangbuang sila alang kaniya ug wala siya makaila kanila tungod kay wala silay espirituhanong pagsabot.

1 Corinthians 3

1 Corinthians 3:1-2

Nganong nagsulti man si Pablo nga dili siya makigsulti ngadto sa taga-Corinto nga mga magtutuo ingon nga espirituhanon na nga mga tawo?

Dili makigsulti si Pablo kanila ingon nga mga espirituhanong mga tawo tungod kay unodnon pa gihapon sila, uban ang pagkasina ug ang panagbingkil anaa pa kanila.

1 Corinthians 3:3-11

Nganong nagsulti man si Pablo nga dili pa siya mahimong makig-istorya ngadto sa taga-Corinto nga mga magtutuo ingon nga espirituhanong mga tawo?

Dili makig-istorya si Pablo kanila ingon nga mga espirituhanong mga tawo tungod kay unodnon pa gihapon sila, uban ang pagkasina ug ang panagbingkil anaa pa kanila.

Nganong nagsulti man si Pablo nga ang taga-Corinto nga mga magtutuo anaa pa sa pagkaunodnon?

Nagsulti si Pablo kanila nga anaa pa sila sa pagkaunodnon tungod kay ang pagkasina ug ang panagbingkil anaa pa kanila.

1 Corinthians 3:12-13

Unsa ang mahitabo sa buhat sa usa ka tawo nga gitukod sa patukoranan ni Jesu-Cristo?

Ang iyang buhat madayag sa kahayag ug sa kalayo.

1 Corinthians 3:14-15

Unsa man ang mahitabo kung ang gitukod sa usa ka tawo magpabilin human sa sunog?

Kana nga tawo makadawat ug ganti.

1 Corinthians 3:16-17

Kinsa kita ug kinsa ang nagpuyo sulod kanato ingon nga mga magtutuo kang Jesu-Cristo?

Mga templo kita sa Dios ug ang Espiritu sa Dios nagpuyo na kanato.

1 Corinthians 3:18-20

Unsa ang gisulti ni Pablo sa tawo nga naghunahuna nga siya maalamon niining panahona?

Miingon si Pablo, "....tugoti siya nga mahimong usa ka "buang-buang" nga mamahimo siyang maalamon."

1 Corinthians 3:21-23

Nganong gipahunong man ni Pablo ang mga magtutuo sa Corinto sa pagpasigarbo mahitungod sa mga tawo?

Gisultihan niya sila nga mohunong na sa pagpasigarbo, "Kay ang tanang mga butang inyo na," ug tungod kay, "....kamo kang Cristo, ug si Cristo iya sa Dios"..

1 Corinthians 4

1 Corinthians 4:1-4

Unsa man ang pagtagad nga gusto ipabuhat ni Pablo sa mga taga-Corinto sa iya ug sa iyang mga kaubanan?

Magtagad ang mga taga-Corinto kanila ingon nga mga alagad ni Cristo ug mga piniyalan sa natagong mga kamatuoran sa Dios.

1 Corinthians 4:5

Unsa man ang buhaton sa Ginoo sa iyang pagbalik?

Dal-on niya sa kahayag ang mga natagong butang sa kangitngit ug ipadayag ang mga katuyoan sa kasingkasing.

1 Corinthians 4:6-7

Nganong gikinabuhi man nila Pablo ug Apolos kining mga balaod sa ilang mga kaugalingon?

Gikinabuhi kini ni Pablo alang sa kaayohan sa mga magtutuo sa taga-Corinto aron makakat-on sila sa ipasabot sa panultihon, "Ayaw panglapas kung unsa ang nahisulat," aron nga walay maghunahuna kanila nga modapig sa usa batok sa uban.

1 Corinthians 4:8-9

Nganong gusto man ni Pablo nga tinud-anay na untang magdumala ang mga magtutuo sa Corinto?

Gusto ni Pablo nga magdumala na sila aron nga si Pablo ug ang iyang mga kaubanan magdumala usab uban kanila.

1 Corinthians 4:10-11

Unsa man ang tulo ka mga pamaagi sa pagtandi ni Pablo sa iyang kaugalingon ug iyang mga kaubanan sa mga magtutuo sa Corinto?

Miingon si Pablo, "Daw mga buangbuang kami alang kang Cristo, apan mga maalamon kamo kang Cristo. Mga luya kami, apan mga lig-on kamo. Mga tinahod kamo, apan kami gipakaulawan.

1 Corinthians 4:12-13

Sa unsang paagi mitubag si Pablo ug ang iyang mga kaubanan sa dihang gidagmalan sila?

Sa dihang gidagmalan sila, nagpanalangin sila. Sa dihang gisakit sila, nagmalahutayon sila. Sa dihang gibutangbutangan sila, nagsulti sila uban sa kalooy.

1 Corinthians 4:14-16

Nganong gisulat man ni Pablo kining mga butanga ngadto sa mga magtutuo sa Corinto?

Nagsulat siya kanila aron pantonon sila ingon nga gihigugmang mga anak.

1 Corinthians 4:17-21

Nganong gipadala man ni Pablo si Timoteo ngadto sa mga magtutuo sa Corinto aron sa pagpahinumdom kanila?

Gipadala ni Pablo si Timoteo ngadto sa Corinto aron pahinumdoman ang mga magtutuo sa kinabuhi ni Pablo diha kang Cristo.

1 Corinthians 5

1 Corinthians 5:1-8

Unsa man nga balita ang nadungog ni Pablo mahitungod sa simbahan sa Corinto?

Nadungog ni Pablo nga adunay pagpakighilawas didto. Ang usa kanila nakigdulog sa asawa sa iyang amahan.

1 Corinthians 5:9-10

Kinsang mga tawhana ang gisulti ni Pablo nga ang mga magtutuo sa taga-Corinto dili makig-uban?

Nagsulat si Pablo kanila nga dili makig-uban sa mga tawo nga makihilawason.

1 Corinthians 5:11-13

Kinsang mga tawhana ang dili buot ni Pablo nga pakig-ubanan sa mga magtutuo sa Corinto?

DIli gusto si Pablo nga makig-uban ang mga magtutuo sa Corinto sa bisan kinsa nga miangkon nga igsoon diha kang Cristo apan makihilawason, hakog, nagasulti ug malaw-ay, palahubog, mga limbongan o nagsimba gihapon sa diosdios.

1 Corinthians 6

1 Corinthians 6:1-6

Unsay gisulti ni Pablo sa mga balaan didto sa Corinto nga kinahanglang mahukman?

Si Pablo nagsulti nga kinahanglan makahimo sila sa paghukom sa mga panagbingkil taliwala sa mga balaan mahitungod sa mga butang niining kinabuhia.

1 Corinthians 6:7-8

Unsa man ang pasabot sa kamatuoran nga aduna nay mga panagbingkil diha sa taga-Corinto nga mga Kristohanon?

Nagpasabot nga mao kini ang ilang kapildihan.

1 Corinthians 6:9-11

Kinsa man ang dili makapanunod sa gingharian sa Dios?

Ang mga dili matarong; ang makihilawason, nagsimba ug mga dios-dios, mga mananapaw, mga lalaking uwagon, kadtong nakighilawas sa lalaki sa lalaki ug babaye sa babaye, mga kawatan, ang hakog, mga palahubog, mga mapasipalaon, ug mga mangingilad dili makapanunod sa gingharian sa Dios

1 Corinthians 6:12-15

Unsa ang duha ka mga butang nga gisulti ni Pablo nga dili niya pagatugotan nga magdumala kaniya?

Nagsulti si Pablo nga dili siya magpadumala sa kalan-on o pakighilawas.

1 Corinthians 6:16-17

Unsay mahitabo sa dihang adunay tawo nga maglambigit sa iyang kaugalingon sa tigbaligya ug dungog o bigaon?

Mahiusa siya sa unodnon uban kaniya.

1 Corinthians 6:18

Kinsa man ang gibuhatan ug kasal-anan sa mga tawo nga makihilawason?

Nakasala sila batok sa ilang mga kaugalingong lawas kung sila makihilawason.

1 Corinthians 6:19-20

Nganong kinahanglan man himayaon sa mga magtutuo ang Dios pinaagi sa ilang mga lawas?

Kinahanglan nilang himayaon ang Dios uban sa ilang kalawasan tungod kay ang ilang mga lawas mao ang templo sa Balaang Espiritu ug tungod kay gipalit na sila sa usa ka kantidad.

1 Corinthians 7

1 Corinthians 7:5-7

Kanus-a man ang saktong panahon nga maglikay sa usag usag ang bana ug asawa sa pakighilawas?

Maayo kini kung ang bana ug asawa magkauyon nga maggahin ug panahon, ug igahin ang ilang kaugalingon aron sa pag-ampo.

1 Corinthians 7:8-9

Unsay gisulti ni Pablo nga mas maayong buhaton alang sa mga balo ug sa dili minyo nga mga tawo?

Si Pablo nag-ingon nga mas maayo pa alang kanila nga magpabilin nga dili minyo.

1 Corinthians 7:10-11

Unsa nga sugo ang gihatag sa Ginoo alang niadtong mga minyo?

Ang asawa kinahanglan dili makigbulag sa iyang bana. Kung makigbulag man siya sa iyang bana kinahanglan magpabilin siya nga dili minyo o dili ba kaha makig-uli ngadto kaniya. Usab, ang bana kinahanglan nga dili makigbulag sa iyang asawa.

1 Corinthians 7:12-14

Kinahanglan ba nga makigbulag ang magtutuo nga bana o asawa o sa iyang dili magtutuo nga kapikas sa kinabuhi?

Kung ang dili magtutuo nga bana o asawa kontento na sa pagpakig-uban sa iyang kapikas sa kinabuhi, ang magtutuo nga kapikas sa kinabuhi kinahanglan nga dili makigbulag sa dili magtutuo.

1 Corinthians 7:15-16

Unsay kinahanglan nga buhaton sa magtutuo kung ang ilang dili magtutuo nga bana o asawa mobiya?

Pagatugotan sa magtutuo nga mobiya ang iyang asawa o bana.

1 Corinthians 7:17-26

Unsa ang balaod nga gitakda ni Pablo sa tanang kasimbahanan?

Ang balaod mao: Tugoti ang matag-usa nga magkinabuhi nga gitagana sa Ginoo kanila, ug diin gitawag sila sa Dios.

1 Corinthians 7:27-38

Unsa ang kinahanglan buhaton sa mga magtutuo kung sila nahiktan na sa usa ka babaye pinaagi sa saad sa kaminyoon?

Kinahanglan nga dili na nila pangitaon ang pagkagawasnon gikan sa ilang saad sa pakigminyo sa babaye.

1 Corinthians 7:39-40

Hangtod kanus-a nahigot ang usa ka babaye ngadto sa iyang bana?

Ang babaye nahigot sa iyang bana samtang sila may kinabuhi pa.

Kung ang bana sa magtutuo nga babaye mamatay, kinsa man ang iyang minyoan?

Makigminyo siya kang bisan kinsa nga iyang gipangandoy, apan kadto lamang anaa na sa Ginoo.

1 Corinthians 8

1 Corinthians 8:1-3

Unsa man nga butang ang gihisgotan ni Pablo niini nga kapitulo?

Gihisgotan ni Pablo ang mga pagkaon nga hinalad ngadto sa mga dios-dios.

Unsa man ang resulta nga mabuhat sa kahibalo ug gugma?

Ang kahibalo makapahimo nga mapasigarbohon, apan ang gugma lig-on.

1 Corinthians 8:4-6

Magkapareha ba ang usa ka dios-dios ug ang Dios?

Dili. Walay kapuslanan ang dios-dios niining kalibotana, ug walay laing Dios kondili usa lamang.

1 Corinthians 8:7

Unsa man ang mahitabo sa dihang ang nagasimba sa dios-dios mokaon ingon nga gihalad kini sa usa ka dios-dios?

Ang ilang konsensiya natabonan tungod kay huyang kini.

1 Corinthians 8:8-10

Ang pagkaon ba nga atong gikaon makapahimo kanatong maayo o daotan ngadto sa Dios?

Ang pagkaon dili maoy atong basehan alang sa Dios. Dili kita daotan kung dili kita mokaon, ug dili kita maayo kung mokaon kita niini.

1 Corinthians 8:11-13

Unsa man ang mahitabo mahitungod sa karne nga hinalad sa mga dios-dios sa dihang ang kaigsoonang lalaki o babaye nga may huyang nga konsensiya makakaon niana nga karne tungod kay nakita kita nila nga nagkaon niini?

Kita mao ang hinungdan nga malaglag kanang igsoong lalaki o babaye.

Kinsa man ang makasala sa dihang kita mao ang hinungdan nga mapandol ang usa ka igsoong lalaki o babaye diha kang Cristo tungod sa ilang huyang nga konsensiya?

Nakasala kita batok sa igsoong lalaki o babaye nga mao ang hinungdan aron mapandol ug nakasala kita batok kang Cristo.

1 Corinthians 9

1 Corinthians 9:1-6

Unsa man ang pagpamatuod nga gihanyag ni Pablo nga siya usa ka apostol?

Nagsulti si Pablo nga tungod kay iyang magbubuhat ang mga magtutuo sa taga-Corinto diha sa Ginoo, sila mismo ang pamatuod sa pagka-apostol ni Pablo diha sa Ginoo.

1 Corinthians 9:7-8

Unsa man ang gihatag nga pananglitan ni Pablo niadtong midawat sa kaayohan o gibayran tungod sa ilang buluhaton?

Naghisgot si Pablo sa mga sundalo, ang nagtanom diha sa parasan, ug ang nagbantay sa panon sa kahayopan ingon nga pananglitan niadtong midawat sa kaayohan o gibayran tungod sa ilang buluhaton.

1 Corinthians 9:9-11

Unsa man ang pananglitan nga gihatag ni Pablo gikan sa balaod ni Moises aron depensahan ang iyang pagdawat sa kaayohan o bayad gikan sa usa ka buluhaton?

Gikutlo ni Pablo ang kasugoan, "Ayaw sampungi ang baba sa usa ka baka sa dihang maggiuk kini ug trigo." Aron ipaluyo sa iyang pagsulti.

1 Corinthians 9:12-18

Unsa man ang katungod nga anaa kang Pablo ug sa iyang mga kaubanan diha sa taga-Corinto nga mga magtutuo, bisan tuod wala sila miangkon niana nga katungod?

Si Pablo ug ang iyang mga kaubanan adunay katungod sa pag-ani sa materyal nga mga butang gikan sa taga-Corinto tungod kay namugas sila sa espirutahong mga butang diha sa mga taga-Corinto.

Nganong wala man angkona ni Pablo ug sa iyang mga kaubanan ang ilang katungod sa materyal nga butang gikan sa mga taga-Corinto?

Si Pablo ug ang iyang mga kaubanan wala miangkon niini nga katungod aron nga walay babag ngadto sa ebanghelyo ni Cristo.

1 Corinthians 9:19-20

Nganong nahimo man nga sulogoon si Pablo sa tanan?

Nahimo nga sulogoon si Pablo ngadto sa tanan aron nga makadala siya ug daghan pang mga tawo ngadto sa Dios.

1 Corinthians 9:21-23

Kang kinsa man nagpakisama si Pablo aron nga madani niya kadtong anaa sa gawas sa balaod?

Nahisama si Pablo niadtong anaa gawas sa balaod aron nga madani niya sila.

1 Corinthians 9:24-27

Giunsa man pagsulti ni Pablo ang pagdagan?

Nagsulti si Pablo nga modagan aron makaangkon ug ganti.

1 Corinthians 10

1 Corinthians 10:1-8

Unsa man ang kasagaran nga mga kasinatian sa ilang mga amahan sa panahon ni Moises?

Ang tanan natong mga amahan nailalom sa panganod ug ang tanan milabang sa dagat. Ang tanan gibawtismohan ni Moises pinaagi sa panganod ug didto sa dagat, ug ang tanan mikaon sa samang espirituhanon nga pagkaon ug ang tanan miinom sa samang espirituhanon nga ilimnon.

1 Corinthians 10:9-10

Sa unsa man nga paagi gilaglag sa Dios ang masinupakon nga katawhan?

Gilaglag sila sa Dios pinaagi sa mga bitin, ug pinaagi sa usa ka anghel sa kamatayon.

1 Corinthians 10:11-13

Nganong nahitabo man kining mga butanga ug nganong nahisulat man kini?

Nahitabo kini aron nga mahimong mga panag-ingnan alang kanato ug nahisulat kini alang sa pagtudlo kanato.

1 Corinthians 10:14-19

Unsa man ang kinahanglan pahilayoan sa mga magtutuo nga taga-Corinto sumala sa pahimangno ni Pablo?

Gipahimangnoan niya sila nga mopalayo gayod gikan sa pagsimba ug mga diosdios.

1 Corinthians 10:20-27

Kang kinsa man gihalad sa gentil nga mga pagano ang ilang mga sakripisyo?

Gihalad nila kining mga butanga ngadto sa mga demonyo ug dili sa Dios.

Sanglit dili man gusto ni Pablo nga makig-abin ang mga magtutuo nga taga-Corinto uban sa mga demonyo, unsa man ang iyang gisulti kanila nga dili nila mamahimong buhaton?

Gisultihan sila ni Pablo nga dili sila mahimong moinom sa kupa sa Ginoo ug sa kupa sa mga demonyo ug dili sila mahimong makig-uban sa lamesa sa Ginoo ug sa lamesa sa mga demonyo.

1 Corinthians 10:28-30

Kung ang imong dili matinuohon nga hingtungdan mosulti kanimo nga ang pagkaon nga imong kaonon hinalad sa usa ka pagano nganong dili mo man kini kaonon?

Kinahanglan dili nimo kini kaonon alang sa tawo nga nagpahibalo kanimo, ug tungod sa konsensya sa ubang tawo.

1 Corinthians 10:31-33

Unsa man ang kinahanglan natong buhaton alang sa kahimayaan sa Dios?

Kung mobuhat kita sa tanang mga butang, lakip na ang pagkaon ug pag-inom, kinahanglan nga buhaton nato kini alang sa kahimayaan sa Dios.

1 Corinthians 11

1 Corinthians 11:1-4

Si kinsa man ang giingon ni Pablo nga sundogon sa mga magtutuo nga taga-Corinto?

Nag-ingon si Pablo kanila nga sundogon nila siya.

Kinsa man ang gisundog ni Pablo?

Gisundog ni Pablo si Cristo.

1 Corinthians 11:5-6

Unsa man ang mahitabo kung mag-ampo ang usa ka babaye nga wala magtabon sa iyang ulo?

Bisan kinsa nga babaye nga mag-ampo nga walay tabon ang iyang ulo nagpakaulaw sa iyang ulo.

1 Corinthians 11:7-8

Ngano man nga dili kinahanglan magtabon sa iyang ulo ang lalaki?

Dili kinahanglan magtabon sa iyang ulo ang lalaki, sanglit siya ang hulagway ug himaya sa Dios.

1 Corinthians 11:9-10

Alang kang kinsa man gihimo ang babaye?

Gihimo ang babaye alang sa lalaki.

1 Corinthians 11:11-12

Nganong mag-agad man ang babaye ug ang lalaki sa matag-usa?

Tungod kay ang babaye gikan sa lalaki, ug ang lalaki gikan sa babaye.

1 Corinthians 11:13-22

Unsa man ang tulumanon ni Pablo, sa iyang mga kaubanan, ug sa kasimbahanan sa Dios mahitungod sa pag-ampo sa mga babaye?

Tulumanon nila nga kinahanglan magtabon sa ilang ulo ang mga babaye sa dihang mag-ampo sila.

1 Corinthians 11:23-24

Unsa ang giingon sa Ginoo human niya gipikaspikas ang tinapay niadtong gabii nga gibudhian siya?

Miingon siya, "Mao kini ang akong lawas, nga alang kaninyo; buhata kini aron sa paghinumdom kanako."

1 Corinthians 11:25-26

Unsa ang giingon sa Ginoo sa dihang gikuha niya ang kupa human sa balaang panihapon?

Miingon siya, "Kini nga kupa mao ang bag-o nga kasabotan diha sa akong dugo. Buhata kini kanunay sa dihang moinom kamo niini, alang sa paghinumdom kanako."

1 Corinthians 11:27-32

Nganong dili man mahimo sa usa ka tawo nga mokaon sa tinapay o moinom sa kupa sa dili takos nga pamatasan?

Sa pagbuhat niana mahimo kang sad-an sa lawas ug dugo sa Ginoo. Mikaon ug miinom ka sa paghukom sa imong kaugalingon.

1 Corinthians 11:33-34

Unsa man ang gisulti ni Pablo nga buhaton sa mga magtutuo sa Corinto sa dihang magtigom sila aron mokaon?

Giingnan sila ni Pablo nga maghulat sa matag-usa.

1 Corinthians 12

1 Corinthians 12:1-3

Unsa man ang gusto ipahibalo ni Pablo sa mga Kristohanon sa Corinto?

Gusto ni Pablo nga mahibaloan nila ang mahitungod sa espirituhanon nga mga gasa.

1 Corinthians 12:4-6

Unsa man ang gihatag sa Dios diha sa matag magtutuo?

Gihatagan niya ang matag magtutuo ug nagkalain-lain nga mga gasa, nagkalain-lain nga mga buluhaton ug nagkalain-lain nga mga matang sa buhat.

1 Corinthians 12:7-8

Nganong gihatag man ang dayag nga pagpakita sa Espiritu?

Gihatag kini alang sa kaayohan sa tanan.

1 Corinthians 12:9-17

Unsa man ang pipila sa mga gasa nga gihatag sa Espiritu?

Ang pipila sa mga gasa mao ang pagtuo, mga gasa sa pagpang-ayo, mga buhat sa gahom, pagpanagna, katakos sa pag-ila tali sa mga espiritu, nagkalain-lain nga matang sa mga pinulongan ug paghubad sa mga pinulongan.

1 Corinthians 12:18-24

Kinsa man ang nagpahimutang ug naghulma sa matag bahin sa lawas?

Gipahimutang sa Dios ang matag bahin sa lawas ingon nga siya ang nagbuhat niini.

1 Corinthians 12:25-27

Nganong gihatagan man ug mas labaw nga kadungganan sa Dios ang mga sakop sa lawas nga nakulangan niini?

Gibuhat niya kini aron walay pagkabahin-bahin diha sa lawas, apan kinahanglan magpakabana ang mga sakop diha sa matag-usa uban sa sama nga pagbati.

1 Corinthians 12:28-31

Kinsa man ang gipili sa Dios sa simbahan?

Diha sa simbahan giuna ug pili sa Dios ang mga apostoles, ikaduha ang mga propeta, ikatulo ang mga magtutudlo, unya kadtong nagbuhat ug gamhanan nga mga buhat, unya ang mga gasa sa pagpang-ayo, kadtong naghatag ug mga pagtabang, kadtong nagdumala, ug kadtong nagsulti sa nagkalain-lain nga mga matang sa mga pinulongan.

1 Corinthians 13

1 Corinthians 13:1-3

Unsa man ang maangkon ni Pablo kung makasulti siya sa pinulongan sa mga tawo ug sa mga anghel apan wala siyay gugma?

Mahimo siyang usa ka saba nga agong o usa ka nagtagingting nga piyangpiyang.

1 Corinthians 13:4-7

Unsa man ang pipila ka mga kinaiyahan sa gugma?

Ang gugma mapailubon ug maluluy-on. Ang gugma dili masina o hambog. Dili kini mapahitas-on o bastos. Dili kini dalo. Dili kini dali masuko, ni mag-ihap sa mga kasaypanan. Dili kini malipay sa dili matarong. Hinuon, maglipay kini diha sa kamatuoran. Ang gugma mainantoson sa tanang mga butang, motuo sa tanang mga butang, adunay pagsalig mahitungod sa tanang mga butang, ug molahutay sa tanang mga butang.

1 Corinthians 13:8-10

Unsa man ang pipila ka mga kinaiyahan sa gugma?

Ang gugma mapailubon ug maluluy-on; ang gugma dili masina o hambog. Dili kini mapahitas-on o bastos. Dili kini dalo. Dili kini dali masuko, ni mag-ihap sa mga kasaypanan. Dili kini malipay sa dili matarong. Hinuon, maglipay kini diha sa kamatuoran. Ang gugma mainantoson sa tanang mga butang, motuo sa tanang mga butang, adunay pagsalig mahitungod sa tanang mga butang, ug molahutay sa tanang mga butang.

Unsa man ang pipila ka mga butang mga mahanaw o matapos?

Ang mga panagna, kahibalo, kadtong dili hingpit ug ang mga pinulongan mahanaw ug matapos.

Unsa man ang dili gayod matapos?

Ang gugma dili gayod matapos.

1 Corinthians 13:11-13

Unsa man ang giingon ni Pablo nga iyang gibuhat sa dihang hamtong na siya?

Sa dihang hamtong na siya, gisalikway na niya ang pagbinata.

1 Corinthians 14

1 Corinthians 14:1-4

Unsa man nga espirituhanong gasa ang giingon ni Pablo nga atong tinguhaon pag-ayo?

Si Pablo nag-ingon nga kinahanglang tinguhaon ang gasa sa pagmantala sa mensahe sa Ginoo.

1 Corinthians 14:5-6

Nganong mas labaw man ang pagmantala sa pulong sa Ginoo kaysa pagsulti ug espirituhanon nga mga pulong?

Ang tawo nga nagsulti sa usa ka pinulongan nagpalig-on sa iyang kaugalingon, apan ang tawo nga nagapropesiya o nagmantala sa pulong sa Ginoo magpalig-on sa simbahan. Busa mas labaw ang nagamantala sa pulong sa Ginoo.

1 Corinthians 14:7-11

Sa unsa man gitandi ni Pablo ang sinultihan nga dili masabtan sa uban?

Gitandi niya kini sa mga instrumento nga plawta ug alpa nga walay kalahian ang tingog, ug sa usa ka trumpeta nga dili klaro ang pagpatingog.

1 Corinthians 14:12-14

Unsa man ang giingon ni Pablo nga kinahanglang tinguhaon nga buhaton sa mga magtutuo sa Corinto?

Miingon siya nga kinahanglang magmainiton sila sa paglig-on sa simbahan.

1 Corinthians 14:15-21

Sa unsa man nga paagi si Pablo nagaampo ug nagakanta?

Miingon si Pablo nga moampo ug mokanta siya dili lamang sa espiritu apan lakip na usab sa iyang hunahuna.

1 Corinthians 14:22-23

Alang kang kinsa man ang timaan sa espirituhanon nga pinulongan ug sa pagpanagna?

Ang espirituhanon nga pinulongan makapahibulong sa dili mga magtutuo ug ang pagpropesiya makapahibulong sa mga magtutuo.

1 Corinthians 14:24-28

Unsa man ang giingon ni Pablo nga mahitabo kung ang tanan sa simbahan magpropesiya o magmantala sa pulong sa Ginoo ug ang dili magtutuo o ang mga tagagawas mosulod sa panagtigom?

Si Pablo niingon nga ang mga dili magtutuo o tagagawas makaamgo nga sila sad-an ug makaingon siya nga ang Dios anaa gayod kanila.

1 Corinthians 14:29-30

Unsa man ang pahimangno ni Pablo sa mga propeta sa dihang ang simbahan managtigom?

Si Pablo niingon nga paistoryahon ang duha o tulo ka mga propeta samtang ang ubang mga tawo maminaw ug ilhon kung tama ba ang naingon. Kung ang isa pa ka propeta adunay panglantaw, ang nag-istorya kinahanglan nga mohilom.

1 Corinthians 14:31-33

Unsa man ang pahimangno ni Pablo sa mga propeta sa dihang ang simbahan managtigom?

Si Pablo niingon nga paistoryahon ang duha o tulo ka mga propeta samtang ang ubang mga tawo maminaw ug ilhon kung tama ba ang naingon. Kung ang isa pa ka propeta adunay panglantaw, ang nag-istorya kinahanglan nga mohilom.

1 Corinthians 14:34-36

Asa man nga mga kasimbahanan ang giingon ni Pablo nga dili tugotan ang mga kababayen-an nga moistorya?

Miingon si Pablo nga ang mga babaye dili tugotan sa pag-istorya sa tanang mga simbahan sa mga balaan.

1 Corinthians 14:37-40

Unsa man ang giingon ni Pablo nga hatagan ug pagtagad niadtong naghunahuna sa ilang mga kaugalingon nga sila mga propeta o espirituhanon?

Si Pablo miingon nga kinahanglan nilang hatagan ug pagtagad ang mga butang nga iyang gisulat alang sa mga magtutuo sa Corinto kay mga mando kini sa Ginoo.

1 Corinthians 15

1 Corinthians 15:1-2

Unsa man ang gipahinumdom ni Pablo sa mga kaigsoonan?

Gipahinumdoman niya sila mahitungod sa maayong balita nga iyang gimantala kanila

1 Corinthians 15:3-7

Unsa man ang mga bahin sa ebanghelyo ang labaw gayod kamahinungdanon?

Ang mga bahin sa maayong balita nga labaw gayod kamahinungdanon mao nga si Cristo namatay alang sa atong mga sala sumala sa kasulatan, ug nga siya gilubong, ug nga nabanhaw siya sa ikatulo nga adlaw sumala sa mga kasulatan.

1 Corinthians 15:8-11

Kang kinsa man mipakita si Cristo human siya nabanhaw gikan sa mga patay?

Human niya mabanhaw gikan sa mga patay, mipakita si Cristo kang Cefas, ngadto sa Dose, sa kapin 500 ka mga kaigsoonan sa usa lamang ka higayon, kang Santiago ug sa tanang mga apostoles, ug kang Pablo.

1 Corinthians 15:12-17

Unsa man ang gihisgotan ni Pablo diha sa gipanulti sa pipila ka mga taga-Corinto mahitungod sa pagkabanhaw?

Siya naghisgot nga ang pipila kanila dili motuo sa pagkabanhaw gikan sa mga patay.

1 Corinthians 15:18-19

Kung wala gibanhaw si Cristo, unsa na lamang ang mahitabo niadtong nangamatay diha kang Cristo?

Mangahanaw sila.

1 Corinthians 15:20-21

Unsa man ang tawag ni Pablo kang Cristo?

Iyang gitawag si Cristo, "Nga maoy unang bunga niadtong mga nangamatay."

1 Corinthians 15:22-23

Kinsa man kadtong tawo nga maoy hinungdan nga miabot ang kamatayon sa kalibotan, ug kinsa kadtong tawo nga pinaagi kaniya miabot ang pagkabanhaw sa mga patay?

Si Adan ang nagdala ug kamatayon sa kalibotan, ug pinaagi kang Cristo kita mabuhi pag-usab; mabanhaw.

1 Corinthians 15:24-26

Unsa man ang mahitabo sa kataposan?

Ihatag ni Cristo ang gingharian ngadto sa Dios nga Amahan, sa dihang iyang pagawagtangon ang tanan nga mando ug pamunoan ug gahom.

1 Corinthians 15:27-34

Kinsa man ang wala nalakip sa dihang miingon siya, "Iyang gibutang ang tanang mga butang ilalom sa iyang mga tiil."

Siya nga nagbutang sa tanang mga butang ilalom sa Anak (ang iyang kaugalingon) dili siya lakip nga mapailalom (diha sa Anak).

1 Corinthians 15:35-36

Sa unsa gitandi ni Pablo ang pagkabanhaw sa mga patay?

Gitandi niya kini sa binhi nga gipugas.

1 Corinthians 15:37-39

Sa dihang gipugas ang binhi sama pa ba gihapon ang lawas niini kung kini motubo na ug mahimo ng tanom?

Ang inyong gipugas nga binhi dili na sama ug lawas diha sa tanom nga motubo.

1 Corinthians 15:40-41

Aduna pa bay laing matang sa mga lawas?

Aduna usab mga lawas nga langitnon ug yutan-on.

1 Corinthians 15:42-44

Sa unsa gitandi ni Pablo ang pagkabanhaw sa mga patay?

Gitandi niya kini sa usa ka binhi nga gipugas.

Unsaon man pagpugas sa atong madunoton nga mga lawas?

Sila gipugas ingon nga kalibotanon nga mga lawas, sa kaulawan ug kahuyang.

Unsa man ang mahitabo sa atong mga lawas sa dihang mabanhaw na kita gikan sa mga patay?

Ang bisan unsa nga nabanhaw dili na gayod madunot ug espirituhanon na kining lawasa; nga gibanhaw diha sa himaya ug sa gahom.

1 Corinthians 15:45-46

Unsa man ang nahitabo sa unang tawo nga si Adan?

Nahimo siyang buhi nga kalag.

Unsa ang nahitabo sa ulahing Adan?

Nahimo siyang espiritu nga nagahatag ug kinabuhi.

1 Corinthians 15:47-49

Diin gikan ang unang tawo ug ang ikaduhang tawo?

Ang unang tawo gikan sa kalibotan, hinimo sa abog. Ang ikaduhang tawo gikan sa langit.

1 Corinthians 15:50-51

Unsa man ang dili makapanunod sa gingharian sa Dios?

Ang unod ug ang dugo maoy dili makapanunod sa gingharian sa Dios.

1 Corinthians 15:52-53

Kanus-a ug unsa kapaspas kita mabag-o?

Inig tingog sa kinaulahiang trumpeta kitang tanan mausab sa usa ka gutlo, sama sa pagpamilok sa mata.

1 Corinthians 15:54-55

Unsa man ang mahitabo kung kining lawas nga madunot magsul-ob sa lawas nga dili na madunot, ug kining lawas nga mamatay sa lawas nga walay kamatayon?

Ang kamatayon pagalamoyon sa kadaogan.

1 Corinthians 15:56-57

Unsa ang kasakit sa kamatayon ug unsa ang gahom sa sala?

Ang kasakit sa kamatayon mao ang sala ug ang gahom sa sala mao ang balaod.

1 Corinthians 15:58

Unsa man ang hinungdan nga gisultihan man ni Pablo ang mga kaigsoonan sa Corinto nga magmaigmat, dili magpatarog, ug kanunay nga magmadagayaon sa bulohaton sa Ginoo?

Gisulti niya kini kanila tungod kay nasayod sila nga ang ilang gibuhat alang sa Ginoo dili gayod makawang.

1 Corinthians 16

1 Corinthians 16:1-2

Kinsa man ang gigiyahan ni Pablo sa samang paagi sa simbahan sa Corinto mahitungod sa pagpangolekta alang sa mga magtutuo?

Gigiyahan ni Pablo ang kasimbahanan sa Galacia sa samang paagi sa simbahan sa Corinto.

Alang kang kinsa man ang mga halad?

Ang mga halad alang sa mga magtutuo sa Jerusalem.

1 Corinthians 16:3-4

Alang kang kinsa man ang mga halad?

Ang mga halad alang sa mga magtutuo sa Jerusalem.

1 Corinthians 16:5-6

Kanus-a man moadto si Pablo sa simbahan sa Corinto?

Miingon siya nga moadto siya ngadto kanila sa dihang moagi siya padulong sa Macedonia.

1 Corinthians 16:7-9

Nganong dili man gusto ni Pablo nga makigkita sa mga magtutuo sa Corinto sa mubo lamang nga panahon?

Buot ni pablo nga moduaw kanila sa mas taas pa nga higayon, kung itugot sa Ginoo.

1 Corinthians 16:10-14

Unsa man ang gibuhat ni Timoteo?

Nagbuhat siya sa buluhaton sa Ginoo sama sa gibuhat ni Pablo.

Unsa man ang gisugo ni Pablo nga pagabuhaton sa simbahan sa Corinto mahitungod kang Timoteo?

Gisultihan ni Pablo ang simbahan sa Corinto nga paninguhaon nila nga dili magmahadlokon si Timoteo uban kanila. Gisultihan sila ni Pablo nga dili biaybiayon si Timoteo ug usab tabangan si Timoteo sa iyang dalan diha sa kalinaw.

1 Corinthians 16:15-16

Si kinsa man sa mga taga-Corinto ang nagtugyan sa ilang kaugalingon sa pag-alagad sa mga magtutuo?

Ang panimalay ni Stefanas nagtugyan na sa ilang kaugalingon sa pag-alagad sa mga magtutuo.

1 Corinthians 16:17-18

Unsa man ang gibuhat ni Stefanas, Fortunatus, ug Acaicus alang kang Pablo?

Sila ang nagdugang sa kakulangon sa mga taga-Corinto nga mga magtutuo ug gibag-o nila ang espiritu ni Pablo.

1 Corinthians 16:19-24

Kinsa man ang nangumusta sa simbahan sa taga-Corinto?

Ang mga kasimbahanan sa Asya, si Aquila ug Prisca, ug ang tanan nga mga kaigsoonan nangumusta ngadto sa simbahan sa taga-Corinto.