Deuteronomy

Deuteronomy 1

Deuteronomy 1:1-2

Asa man si Moises sa dihang nakig-istorya siya sa katawhan sa Israel?

Anaa si Moises sa unahan sa Jordan didto sa kamingawan, didto sa walog sa suba sa Jordan.

Deuteronomy 1:3-6

Kanus a man nagkig-istorya si Moises sa katawhan sa Israel, naghisgot kanila mahitungod sa tanang gisugo ni Yahweh kaniya?

Nahitabo kini sa ika-40 ka tuig, sa ika-11 ka bulan, sa unang adlaw sa bulan.

Deuteronomy 1:7-8

Kinsa man ang gisaaran ni Yahweh nga hatagan sa yuta?

Nagsaad si Yahweh kang Abraham, Isaac, ug kang Jacob aron ihatag kanila ug sa ilang mga kaliwatan human kanila.

Deuteronomy 1:9-11

Nganong nakabati man si Moises nga dili niya madala ang katawhan nga siya lang?

Gipadaghan sila sa Dios, gihimo sila sama kadaghan sa kabituonan sa kalangitan.

Deuteronomy 1:12-14

Kinsa man ang magtabang sa dal-unon, palas-anon, ug panagbingkil?

Nagkuha silag maalamong tawo ug maayo ang reputasyon, matag-tribo ug gihimo kining mga tawo nga pangulo kanila.

Deuteronomy 1:15-18

Unsa man gimando ni Mioses nga buhaton sa mga maghuhukom?

Gimandoan niya sila nga paminawon ang panaglalis tali sa managsoon, ug sa mga langyaw nga uban kaniya.

Deuteronomy 1:19-21

Asa man miagi ang katawhan sa Israel samtang mipanaw sila gikan sa Horeb ngadto sa kabukiran?

Mipanaw sila agi sa dako ug makalilisang nga kamingawan.

Deuteronomy 1:22-24

Nganong naghangyo ang katawhan kang Moises nga magpadala ug tawo una kanila?

Mihangyo sila kang Moises nga magpadala ug tawo nga mag-una aron sa pagsusi sa yuta ug magdala ug pulong mahitungod kung unsaon nila pag-ataki ug mahitungod sa mga siyudad.

Kinsa man ang gipili ni Moises aron magsusi sa yuta didto sa kabukiran?

Nagpili siya ug dose ka tawo, usa ka tawo matag-tribo.

Deuteronomy 1:25

Unsa man ang gibalita sa mga tawo mahitungod sa yuta?

Miingon sila, "Maayo kini nga yuta nga ihatag ni Yahweh nga atong Dios alang kanato."

Deuteronomy 1:26-28

Nganong miingon man ang mga tawo nga gipagawas sila ni Yahweh sa yuta sa Ehipto?

Miingon sila nga gikasilagan sila ni Yahweh ug gipagawas niya sila sa yuta sa Ehipto aron laglagon.

Unsa man ang gisulti sa ilang kaigsoonan mahitungod sa katawhan niadtong yutaa?

Miingon sila nga ang katawhan niadtong yutaa dagko ug tag-as kaysa mga Israelita.

Deuteronomy 1:29-33

Nganong miingon man si Moises nga dili angay mahadlok ang katawhan?

Giingnan niya sila nga dili mahadlok, tungod kay si Yahweh mag-una kanila ug makig-away alang kanila sama sa iyang gibuhat didto sa Ehipto ug sa kamingawan.

Deuteronomy 1:34-36

Unsa man ang gisulti ni Yahweh tungod sa iyang kasuko?

Nanumpa siya ug miingon, "Sa pagkatinuod walay usa gikan niining daotang kaliwatan ang makakita sa maong yuta gawas kang Caleb."

Deuteronomy 1:37-38

Unsa man ang gisulti ni Yahweh kang Moises nga buhaton alang kang Josue nga anak ni Nun?

Gisultihan ni Yahweh si Moises nga dasigon si Josue kay siya maoy maggiya sa katawhan sa Israel aron magpanag-iya sa yuta.

Deuteronomy 1:39-42

Kinsa man ang giingon ni Yahweh nga makapanag-iya sa yuta?

Miingon siya nga ang gagmay nga mga bata maoy makasulod ug makapanag-iya niini.

Deuteronomy 1:43-46

Unsa man ang gibuhat sa katawhan sa dihang giingnan sila ni Yahweh nga dili mosulong sa kabukiran?

Magarbohon sila ug misulong sa kabukiran, ug migula ang Amorihanon ug migukod kanila sama sa mga putyukan.

Deuteronomy 2

Deuteronomy 2:1-3

Asa man ang giingon ni Moises nga ilang adtoan?

Mipadayon sila sa ilang panaw didto sa kamingawan, agi sa Pula nga Dagat.

Deuteronomy 2:4-5

Unsa man ang gisugo ni Yahweh sa katawhan nga ilang matngunan nga dili buhaton?

Magmatngon sila nga dili makig-away sa kaliwat ni Esau, kay dili ihatag ni Yahweh ang ilang yuta.

Deuteronomy 2:6-8

Unsaon man nila pagkuha sa pagkaon ug tubig?

Magpalit silag pagkaon ug tubig gikan sa katawhan sa Seir aron makakaon ug makainom sila.

Deuteronomy 2:9-12

Unsa man ang gisulti ni Yahweh kanila nga dili buhaton ngadto sa Moab?

Dili nila samukon ang Moab o makig-away kanila tungod kay dili ihatag ni Yahweh kanila ang yuta sa taga-Moab.

Deuteronomy 2:13-15

Unsa kadugayon ang paglatas sa katawhan sa Israel gikan sa Kadesh Barnea ngadto sa suba sa Zered?

Miabot kini ug 38 ka tuig sa pag-adto sa suba sa Zered.

Deuteronomy 2:16-23

Unsa man ang nahitabo sa mga hanas sa pakig-away?

Ang tanang tawo nga hanas makig-away nangamatay na ug nangawala na sa katawhan.

Kinsa man ang gihatagan ni Yahweh sa yuta sa katawhan sa Amon?

Gihatag ni Yahweh ang yuta ngadto sa mga kaliwat ni Lot.

Deuteronomy 2:24-25

Unsa man ang gibuhat sa katawhan sa maong yuta sa dihang madungog nila ang balita mahitungod sa mga Israelita?

Mangurog sila ug maguol tungod sa mga Israelita.

Deuteronomy 2:26-27

Unsa man ang mga pulong sa kalinaw nga gipadala ni Moises ngadto sa Hari sa Hashbon?

Naghangyo si Moises nga tugotan siya sa pag-agi sa ilang yuta, dili moagi sa tuo o sa wala.

Deuteronomy 2:28-31

Unsa man ang plano ni Moises aron makakuha ug pagkaon ug tubig alang sa katawhan?

Naghangyo siya sa hari sa Hashbon nga mobaligya sila ug pagkaon ug tubig alang sa salapi aron makakaon sila ug makainom.

Deuteronomy 2:32-33

Unsa man ang nahitabo kang Sihon sa dihang migula batok kang Moises?

Gitugyan sila ni Yahweh kang Moises ug gibuntog sila, gipatay siya, ang iyang mga anak nga lalaki ug ang tanan sa iyang katawhan.

Deuteronomy 2:34-37

Unsa man ang nahitabo sa tanang mga siyudad nga adunay namuyo?

Giilog ni Moises ang mga siyudad sa hari ug gibuntog sila, lakip ang mga babaye ug kabataan; walay gibilin.

Deuteronomy 3

Deuteronomy 3:1-2

Unsa ang gibuhat ni Og, ang hari sa Bashan ngadto sa Israel sadihang paingon sila sa iyang yuta?

Diha sa agianan paingon sa Bashan, ang hari sa Bashan kauban sa iyang tanang katawhan miabot ug miataki sa mga Israelita.

Deuteronomy 3:3-4

Unsa man ang gibuhat sa mga Israelita ngadto sa hari sa Bashan ug sa iyang katawhan?

Gipatay nila ang hari sa Bashan hangtod nga walay nahibilin bisan usa sa iyang katawhan, ug giilog ang tanan niyang mga siyudad.

Deuteronomy 3:5-11

Unsa man ang gibuhat sa katawhan sa Israel sa mga baka ug sa mga inilog gikan sa siyudad?

Nagkuha sila alang sa ilang mga kaugalingon ug baka ug inilog gikan sa siyudad.

Deuteronomy 3:12-17

Kang kinsa gihatag ni Moises ang maong yuta nga ilang nailog?

Gihatag niya kini ngadto sa mga kaliwat ni Reuben ug sa mga kaliwat ni Gad ug sa katunga sa kaliwat ni Manasseh.

Deuteronomy 3:18

Unsa man ang gisugo ni Moises sa mga lalaki nga alang sa gubat nga mga kaliwat ni Reuben, ni Gad, ug sa katunga sa kaliwat ni Manasseh?

Gisugo niya sila sa pagpakig-gubat kauban sa ilang mga igsoon, ang katawhan sa Israel.

Deuteronomy 3:19-20

Unsa man ang giingon ni Yahweh ngadto sa mga kaliwat ni Reuben, Gad, ug katunga sa kaliwat ni Manases ayha pa sila makabalik sa ilang kaugalingong yuta?

Si Yahweh miingon nga ayha pa sila makabalik sa ilang yuta kung mahatagan na ni Yahweh ug kapahulayan ang ilang mga igsoon, hangtod nga mapanag-iya usab nila ang ilang yuta.

Deuteronomy 3:21-22

Unsa man ang giiingon ni Moises kang Josue nga dili pagabuhaton?

Giingnan niya si Josue nga dili mahadlok sa mga kaaway tungod kay si Yahweh mismo ang makig-away alang kaniya.

Deuteronomy 3:23-25

Kang kinsa man nagpakiluoy si Moises nga moadto ug motan-aw?

Nagpakiluoy siya kang Yahweh nga tugotan siya nga makaadto ug makakita sa maayong yuta nga atua sa tabok sa Jordan ug sa Lebanon.

Deuteronomy 3:26-27

Unsa man ang gibuhat ni Yahweh aron nga makita ni Moises ang yuta?

Giingnan niya si Moises nga motungas sa tumoy sa Pisga ug molantaw sa iyang palibot kay dili siya makatabok sa Jordan.

Deuteronomy 3:28-29

Unsa man ang giingon ni Yahweh kang Moises nga buhaton alang kang Josue?

Iyang giingnan si Moises nga tudloan si Josue, dasigon ug lig-onon siya, tungod kay siya ang mangulo sa katawhan ug magdala kanila aron nga mapanag-iya ang yuta nga nakita ni Moises.

Deuteronomy 4

Deuteronomy 4:1-2

Unsa man ang kinahanglan nga buhaton sa katawhan sa Israel aron sila mabuhi, ug makasulod sa yuta nga gisaad ni Yahweh kanila nga ihatag?

Kinahanglan nga mamati sila ug motuman sa mga balaod nga ihatag ni Moises aron nga maka panag-iya sila sa yuta.

Unsa man ang dili angayang buhaton sa katawhan?

Kinahanglan nga dili nila dugangan o walaon ang mga pulong nga gisugo ni Moises kanila aron nga ilang tumanon ang mga sugo ni Yahweh.

Deuteronomy 4:3-4

Kinsa nga mga tawo ang gisilotan ni Yahweh?

Gisilotan ni Yahweh ang mga tawo nga misimba kang Baal Peor.

Deuteronomy 4:5-8

Nganong kinahanglan man tumanon sa mga Israelita ang mga balaod nga gisugo ni Moises kanila?

Kinahanglan nila kining tumanon ug buhaton aron makabaton silag kaalam ug panabot sa panan-aw sa mga tawo.

Deuteronomy 4:9-10

Nganong kinahanglan nga maminaw ang katawhan ug bantayan ang ilang mga kalag?

Kinahanglan nilang maminaw ug bantayan ang ilang kaugalingon aron dili nila malimtan ang ilang nakita, apan tipigan nila kadtong mga butanga sa ilang mga kasingkasing ug ipahibalo sa ilang mga anak ug sa ilang mga apo.

Deuteronomy 4:11-14

Unsa man ang nadungog sa katawhan gikan sa taliwala sa kalayo didto sa bukid?

Nadungog nila ang tingog ni Yahweh gikan sa taliwala sa kalayo, apan wala silay nakita nga hulagway.

Deuteronomy 4:15-18

Unsa man ang giingon ngadto sa mga tawo nga dili nila pagabuhaton?

Giingnan sila nga dili hugawan ang ilang mga kaugalingon pinaagi sa pagbuhat og kinulit nga mga larawan sa bisan unsang hulagway, lakip ang mga lalaki, babaye, mga langgam, mga nagakamang sa yuta, ug mga isda.

Deuteronomy 4:19-20

Nganong giingnan man ni Moises ang katawhan sa pag-amping mahitungod sa adlaw, bulan ug mga bituon?

Giingnan niya sila nga mag-amping nga dili madala sa pagsimba sa kalangitan, sa adlaw, bulan,o mga bituon.

Ngano mang gipagawas ni Yahweh ang katawhan gikan sa nagbagang hudno, nga mao ang Ehipto?

Gipagawas niya sila gikan sa Ehipto aron mahimong iyang katawhan sa iyang kaugalingon kaliwat.

Deuteronomy 4:21-22

Unsa man ang gibuhat ni Yahweh kang Moises tungog kay nasuko Siya kaniya?

Wala niya tugoti si Moises nga makaadto sa maayong yuta nga anaa sa tabok sa Jordan, apan kinahanglan mamatay si Moises sa gawas sa yuta.

Deuteronomy 4:23-24

Nganong gibawalan man ni Yahweh ang Israel sa pagbuhat ug bisan unsang kinulit nga larawan?

Tungod kay si Yahweh nga ilang Dios sama sa kalayo nga mout-ot, ug usa ka siluso nga Dios.

Deuteronomy 4:25-26

Unsa ang gisulti ni Moises nga mahitabo kung hugawan sa katawhan ang ilang kaugalingon ug magbuhat ug daotan sa panan-aw ni Yahweh?

Mangahanaw sila sa yuta nga anaa sa tabok sa Jordan, ug malaglag sa hingpit.

Deuteronomy 4:27-28

Unsa man ang giingon ni Moises nga pagabuhaton ni Yahweh sa katawhan?

Patibulaagon ni Yahweh ang katawhan ug mokunhod ang ilang gidaghanon taliwala sa kanasoran diin sila mag-alagad sa mga dios nga hinimo sa kahoy ug bato.

Deuteronomy 4:29

Kanus-a man makaplagan sa katawhan si Yahweh?

Makaplagan nila siya sa dihang pangitaon nila si Yahweh sa bug-os nilang kasingkasing ug sa bug-os nilang kalag.

Deuteronomy 4:30-33

Unsa may makapabalik sa katawhan ngadto kang Yahweh nga ilang Dios ug maminaw sa iyang tingog?

Sa dihang anaa sila sa kalisod, ug ang tanang butang mahitabo na kanila mobalik na sila kang Yahweh.

Deuteronomy 4:34

Unsa man ang gibuhat sa Dios alang sa katawhan sa dihang atua pa sila sa Ehipto?

Ang Dios mikuha og usa ka nasod gikan sa taliwala sa ubang nasod, pinaagi sa mga pagsulay, timailhan, katingalahan, gubat, kusgang kamot, ug pagpakita sa dakong gahom, ug dakong kahadlok.

Deuteronomy 4:35-36

Unsa man ang gitugotan ni Yahweh nga mahitabo sa katawhan aron nga makaila sila nga siya mao ang Dios?

Gipadungog niya sila sa iyang tingog gikan sa kalangitan, ug sa kalibotan iyang gipakita kanila ang iyang dakong kalayo.

Deuteronomy 4:37-40

Unsa man ang gibuhat ni Yahweh sa Israel tungod kay gihiguma niya sa ilang katigulangan?

Gipili niya ang ilang kaliwatan, gipagawas sa Ehipto pinaagi sa iyang presensya ug gahom. Gihatag kanila ang ilang yuta human pahawaa ang dagkong kanasoran.

Deuteronomy 4:41-43

Asa man mamahimong modangop ang usa ka tawo kung makapatay siyag lain tawo nga dili tinuyoan?

Makadangop siya sa usa sa tulo ka mga lungsod nga gipili ni Moises sa silangang bahin sa Suba sa Jordan.

Deuteronomy 4:44-46

Unsa man ang gibutang ni Moises ngadto sa katawhan sa Israel?

Gibutang niya ang balaod; kasabotan, mga balaod, ug ubang mga kasugoan nga iyang gisulti kanila sa dihang nakagawas na sila sa Ehipto.

Deuteronomy 4:47-49

Unsa kalay-on ang yuta sa duha ka mga hari sa Amorihanon?

Kini nga teritoryo naggikan sa Areor, sa daplin sa walog sa Arnon, ngadto sa Bukid sa Sion (o Bukid sa Hermon), lakip ang tanang patag nga walog sa Suba sa Jordan, sa sidlakang bahin sa tabok sa Jordan, ngadto sa Dagat sa Araba, ngadto sa mga bakilid sa Bukid Pisga."

Deuteronomy 5

Deuteronomy 5:1-3

Kinsa man ang kauban ni Yahweh nga naghimog pakigsaad sa Horeb?

naghimo si Yahweh ug pakigsaad uban sa Israelita sa Horeb, dili lamang sa ilang mga katigulangan, apan uban ang nangabuhi.

Deuteronomy 5:4-6

Nganong nagtindog man si Moises taliwala sa katawhan ug kang Yahweh sa dihang si Yahweh naghatag ug minsahe kanila?

tungod kay sila nangahadlok sa Dios nga nagsulti gikan sa kalayo.

Unsa man ang gisulti ni Yahweh sa Israelita nga siya?

Siya miingon, "Ako si Yahweh nga inyoong Dios, nga nagdala kaninyo pagawas sa Ehipto, gawas sa balay sa pagkaulipon."

Deuteronomy 5:7-8

Unsa man ang gisuti ni Yahweh sa Israelita nga dili himuon, magyukbo sa, o maalagad?

Kinahanglan nga dili sila mokulit ug mga butang o bisan unsa nga kaanggid sa langit, kalibotan o sa tubig.

Deuteronomy 5:9-10

Unsaon man pagsilot ni Yahweh ang mga katigulangan kung sila makasala pinaagi sa pagyokbo o pag-alagad sa diosdios?

Silotan ni Yahweh ang mga nakasala nga katigulangan pinaagi sa pagdalag silot sa ilang mga kabataan.

Unsa man ang buhaton ni Yahweh niadtong nahigugma kaniya ug nagtuman sa iyang mga sugo?

Ipakita ko ang matinud-anon nga saad sa liboan

Deuteronomy 5:11

Kinsa man ang dili himoon ni Yahweh nga gawasnon?

isipon siyang makasasala ang naggamit sa iyang ngalan sa pagpanghambog

Deuteronomy 5:12-14

Unsa man ang gisulti ni Yahweh mahitungod sa ikapito nga adaw?

ang ikapito nga adlaw mao ang Adlaw nga Igpapahulay alang kang Yahweh nga inyong Dios, busa kinahanglan nga balaanon nilang kini ug dili magabuhat sa bisan unsa nga bulohaton

Deuteronomy 5:15

Nganong nagmando man si Yahweh kanila nga tipigang ang adlaw nga igpapahulay?

Buot niya nga hinumdoman nila nga sila usa ka ulipon sa yuta sa Ehipto ug ang Dios mao ang nagpagawas kanila pinaagi sa iyang dako nga kamot ug gahom.

Deuteronomy 5:16

Unsa man ang gisullti ni Yahweh nga mahitabo sa katawhan kung tahuron nila ang ilaang mga amahan ug inahan?

Mabuhi sila sa taas nga panahon sa yuta nga ihatag sa Dios kanila ug kini mahitabo kanila.

Deuteronomy 5:17-21

Unsa man ang mando nga dili nila angay sundon?

Dili sila mopatay, dili manapaw, dili mangawat, o dili mosaksi ug bakak batok sa ilang mga silingan.

Deuteronomy 5:22-24

Asa man gisulat ni Yahweh ang iyang mga pulong?

Gisulat ni Yahweh ang iyang mga pulong sa duha ka papan nga bato ug gihatag kini kang Moises.

Deuteronomy 5:25-27

Unsa man ang gisulti sa mga katawhan nga mahitabo kanila kung ilang madungog ang tingog ni Yahweh bisan unsa kadugayon?

Ang katawhan nahimong lamyon pinaagi sa dakong kalayo ug mahimong mamatay.

Unsa man ang gisulti sa katawhan nga ilang himuon sa dihang si Moises musolti pag-usab sa mga pulong ni Yahweh?

Sila miingon nga maminaw sila ug motoman sa pulong ni Yahweh.

Deuteronomy 5:28-31

Unsa man gisulti ni Yahweh mahitungod sa tubag sa katawhan?

Siya miingon nga iyang nadungog ang mga pulong sa katawhan ug sila maayo.

Deuteronomy 5:32-33

Unsa man ang gisulti ni Moises nga mahitabo sa katawhan kung ilang tipigan ang tanan nga gisulti ni Yahweh ug ang mga kasugoan nga gimando ni Moises kanila?

Kung ilang tipigan ang mga kasugoan, sila mahimong mabuhi, ug kini mahimong magauban kanila, busa mahimo sila nga magpuyo didto sa daghang mga adlaw sa yuta.

Deuteronomy 6

Deuteronomy 6:1-2

Unsa man ang mahitabo kung ang mga Israelita ug ang ilang mga anak magtipig sa mga balaod ug mga sugo ni Yahweh sa tibuok adlaw sa ilang kinabuhi?

Kung ilang tipigan ang mga sugo ug balaod ni Yahweh, motaas pa ang ilang kinabuhi.

Deuteronomy 6:3

Giunsa paghulagway ni Moises ang yuta nga pagaadtoan sa katawhan?

Miingon siya nga ang yuta nagdagayday sa gatas ug dugos.

Deuteronomy 6:4-5

Unsa man ang angay paghigugma sa mga Israelita kang Yahweh?

Kinahanglan nilang higugmaon si Yahweh sa tibuok nilang kasingkasing, kalag, ug sa ilang kusog.

Deuteronomy 6:6-9

Kanus-a man kinahanglan nga makugihong magtudlo ang katawhan sa mga kasugoan nga anaa sa ilang mga kasingkasing ngadto sa ilang mga anak?

Kinahanglan nilang itudlo ang mga kasugoan ngadto sa ilang mga anak sa dihang manglingkod sila diha sa balay, samtang manlakaw sa dalan, manghigda, ug sa ilang pagbangon.

Deuteronomy 6:10-12

Kanus-a man dili angay kalimtan sa mga Israelita si Yahweh?

Dili nila kalimtan si Yahweh sa dihang sila mangaon ug mangabusog ngadto sa yuta nga gisaad ni Yahweh ngadto sa ilang mga amahan.

Deuteronomy 6:13-15

Unsay mahitabo sa mga Israelita kung mag-alagad sila sa ubang mga dios nga maoy hinungdan nga masuko si Yahweh, ang abughoan nga Dios?

Kung mosilaob ang kasuko ni Yahweh batok kanila, pagagun-obon niya sila gikan sa ibabaw sa yuta.

Deuteronomy 6:16-19

Unsa man ang ilang gibuhat didto sa Massah nga kinahanglang dili na mausab?

Ilang gisulayan si Yahweh didto sa Massah.

Deuteronomy 6:20-23

Unsa man ang itubag sa katawhan sa dihang ang ilang mga anak mangutana mahitungod sa kasabotan, mga balaod, mga sugo, ug uban pang mga balaod nga gisugo ni Yahweh?

Ingnon nila ang ilang mga anak nga naulipon sila sa Paraon sa dihang gipagawas sila ni Yahweh sa Ehipto ug gihatag kanila ang yuta nga gisaad ngadto sa ilang mga amahan.

Deuteronomy 6:24-25

Nganong kinahanglan man nga kahadlokan sa katawhan si Yahweh?

Kinahanglan nila siyang kahadlokan alang sa ilang kaugalingong kaayohan, aron nga ipabilin niya silang buhi.

Deuteronomy 7

Deuteronomy 7:2-3

Unsa man ang angayng buhaton sa katawhan sa Israel sa mga tawo nga nagpuyo sa yuta nga gihatag ni Yahweh kanila aron panag-iyahon?

Kinahanglan nga sulungon nila ug hingpit silang laglagon.

Unsa man ang dili angayng buhaton sa mga Israelita sa mga tawo niadtong kanasoran?

Dili sila maghimo ug kasabotan tali kanila, ni magpakita ug kaluoy ngadto kanila, ni maghan-ay sa bisan unsa nga pagpakigminyo ngadto kanila alang sa ilang mga anak nga lalaki o mga anak nga babaye.

Deuteronomy 7:4-6

Unsa man ang buhaton sa Israel sa katawhan niining kanasoran?

Kinahanglan ilang laglagon ang ilang mga halaran, dugmokon ang ilang mga haligi nga bato, putlon ang ilang Asherah nga kahoy, ug sunogon ang ilang kinulit nga mga diosdios.

Deuteronomy 7:7-8

Giunsa man ni Yahweh pagtuman ang iyang saad ngadto sa iyang pinili nga katawhan?

Gituman ni Yahweh ang iyang saad ug giluwas sila gikan sa panimalay nga nagbihag, gikan sa kamot ni Paraon.

Deuteronomy 7:9-11

Unsa man ang mahitabo niadtong naghigugma kang Yahweh ug nagtuman sa iyang kasugoan?

Kadtong nahigugma kaniya, tumanon sa Dios ang iyang kasabotan ug magmatinud-anon alang sa liboan ka kaliwatan.

Deuteronomy 7:12-16

Sa unsa man nga paagi nga panalanginan ni Yahweh ang katawhan kung tumanon nila ang iyang mga sugo?

Panalanginan sila sa Dios pinaagi sa pagpadaghan kanila, ug ang bunga sa ilang yuta, trigo, bino, lana, ug padaghanon ang ilang mga mananap.

Deuteronomy 7:17-19

Unsa man ang buhaton sa Dios sa kanasoran nga gikahadlokan sa Israel?

Padad-an sila sa Dios sa samang dakong pag-antos ug ipasundayag ang iyang gahom nga ilang nakita sa Ehipto.

Deuteronomy 7:20-22

Unsa man kadugay nga gipadad-an sila sa Dios ug tambuboan?

Gipadad-an sila sa Dios ug tambuboan hangtod nga kadtong nabilin ug nagtago gikan sa Israel mahanaw.

Nganong dili man kinahanglan nga mahadlok ang katawhan taliwala sa ubang katawhan?

Ang Dios, nga bantogan ug kahadlokan, kauban sa mga Israelita.

Deuteronomy 7:23-24

Unsaon man paghatag sa Dios ug kadaogan ang katawhan sa kanasoran?

Pagalibogon sa Dios ang kanasoran sa gubat hangtod nga malaglag sila.

Deuteronomy 7:25-26

Unsa man ang ilang buhaton ngadto sa mga diosdios sa kanasoran?

Ilang sunogon ang kinulit nga hulagway sa mga diosdios.

Deuteronomy 8

Deuteronomy 8:1-2

Unsa man ang kinahanglan hinumdoman sa katawhan sa Israel?

Kinahanglan nga hinumdoman nila kung giunsa sila pagpaubos ug gisulayan sa Dios sulod sa 40 ka tuig didto sa kamingawan.

Deuteronomy 8:3

Nganong gipaubos man, gigutom, ug gipakaon ni Yahweh ug manna ang katawhan?

Gibuhat niya kining mga butanga aron ipasayod sa katawhan nga dili sila mabuhi pinaagi lamang sa tinapay apan pinaagi sa tanan nga mogawas sa baba ni Yahweh.

Deuteronomy 8:4-6

Giunsa man pagsugakod sa katawhan sulod sa 40 ka tuig ngadto sa kamingawan?

Ang ilang mga bisti wala nadaan ug ang ilang mga tiil wala mihubag.

Giunsa man pagpanton ni Yahweh ang mga Israelita?

Sama sa usa ka tawo nga magpanton sa iyang anak nga lalaki, gipanton usab sila ni Yahweh.

Deuteronomy 8:7-8

Unsa man ang anaa sa maayong yuta diin dad-on sila sa Dios?

Ang yuta puno ug kasapaan, mga busay ug mga tubod, trigo ug sibada, mga ubas, kahoy nga igera, granada, kahoy sa olibo, ug dugos.

Deuteronomy 8:9-10

Nganong daygon man sa katawhan si Yahweh?

Daygon nila siya tungod sa maayong yuta nga iyang gihatag kanila.

Deuteronomy 8:11-12

Unsa man ang gipahinumdom sa mga tawo nga dili nila buhaton?

Gipahinumdoman sila nga dili kalimtan si Yahweh ug dili isalikway ang iyang mga kasugoan.

Deuteronomy 8:13-14

Nganong malimot man ang katawhan kang Yahweh nga nagpagawas kanila gikan sa Ehipto?

Sa dihang magdaghan ang ilang mga baka ug karnero, ug managhan na ang ilang mga plata ug bulawan, matuboy sila ug malimot na kang Yahweh.

Deuteronomy 8:15-17

Giunsa man paghatag ni Yahweh ang tubig ug ang pagkaon ngadto sa makalilisang nga kamingawan alang sa katawhan sa Israel?

Gipabukwag ni Yahweh ang tubig agi sa buak nga bato ug naghatag ug manna alang kanila.

Deuteronomy 8:18-20

Unsa man ang hinungdan nga mahanaw ang katawhan sama sa ubang kanasoran?

Mahanaw sila kung malimot sila kung asa gikan ang ilang katigayonan, magsunod sa uban nga mga dios, ug dili maminaw sa tingog ni Yahweh.

Deuteronomy 9

Deuteronomy 9:1-2

Asa man nangandam moadto ang mga Israelita?

Ang Israel nangandam sa pagtabok sa Jordan.

Deuteronomy 9:3

Unsa man ang nahitabo human mitabok ang Israel sa Jordan?

Nag-uban si Yahweh kanila ug gilaglag ang kanasoran sama sa naglamoy nga kalayo.

Deuteronomy 9:4

Unsa man ang gisulti ni Yahweh sa katawhan nga dili hunahunaon sa ilang kasingkasing human gipapahawa ang ilang mga kaaway gikan sa yuta?

Gisultihan niya ang Israel nga dili hunahunaon nga tungod kay matarong ang Israel mao nga gipapanag-iya ni Yahweh kanila nga yuta.

Deuteronomy 9:5-6

Unsa man ang hinungdan nga gipapahawa sa Dios ang kanasoran sa wala pa nakatabok ang Israel sa Jordan?

Gipapahawa niya sila tungod sa ilang pagkadaotan, ug aron sa pagtuman sa iyang pulong nga iyang gisaad sa katigulangan sa Israel nga si Abraham, si Isaac, ug si Jacob.

Deuteronomy 9:7-8

Nganong nasuko man si Yahweh sa katawhan sa Israel?

Nasuko siya pag-ayo sa punto nga laglagon sila tungod kay gihagit nila siya ug nagmasinupakon batok kaniya.

Deuteronomy 9:9-10

Unsa man ang gikaon ug giinom ni Moises ngadto sa bukid?

Wala siya mikaon ug miinom sulod sa 40 ka adlaw ug 40 ka gabii ngadto sa bukid.

Deuteronomy 9:11-12

Nganong gisultihan man ni Yahweh si Moises nga molugsong dayon gikan sa bukid?

Gisultihan siya ni Yahweh nga gidaot sa katawhan ang ilang mga kaugalingon pinaagi sa pagpalayo sa dalan nga gisugo ni Yahweh ug nagbuhat sila ug mga diosdios.

Deuteronomy 9:13-14

Nganong miingon man si Yahweh nga iyang papahawaon ang Israel ug magbuhat ug mas kusgan nga nasod kaysa kanila?

Miingon si Yahweh nga nakita niya nga ang mga tawo gahig ulo.

Deuteronomy 9:15-16

Unsa man ang sala nga nabuhat sa Israel?

Nakasala sila batok kang Yahweh pinaagi sa paghulma ug usa ka baka ingon nga dios.

Deuteronomy 9:17-18

Unsa man ang gibuhat ni Moises human niya nakita nga ang mga tawo nakabuhat ug daotan sa panan-aw ni Yahweh?

Gilabay niya ang papan nga bato ug gibuak sa ilang atubangan, mihapa siya sa atubangan ni Yahweh sulod sa 40 ka adlaw ug 40 ka gabii, ug wala mikaon o miinom.

Deuteronomy 9:19-20

Nganong nag-ampo man si Moises alang sa katawhan ug kang Aaron?

Nag-ampo siya tungod kay nasuko si Yahweh ug wala nahimuot sa katawhan ug kang Aaron, igo kini aron laglagon sila.

Deuteronomy 9:21

Unsa man ang gibuhat ni Moises sa baka nga gibuhat sa katawhan?

Gisunog kini ni Moises, gidukmok kini, ug gipino kini ug gilabay ang abog niini ngadto sa sapa nga midagayday gikan sa bukid.

Deuteronomy 9:22-24

Giunsa man paghagit sa katawhan si Yahweh aron mapungot?

Nagmasinupakon sila batok sa kasugoan ni Yahweh ug wala sila nagtuo o naminaw sa iyang tingog.

Deuteronomy 9:25-26

Unsa man ang mga pag-ampo ni Moises sa iyang paghapa sulod sa 40 ka adlaw ug 40 ka gabii?

Nag-ampo siya nga ang katawhan ni Yahweh ug ang kaliwatan dili malaglag.

Deuteronomy 9:27-29

Unsa man ang gihangyo ni Moises kang Yahweh nga dili tugotan nga masulti sa katawhan sa yuta?

Gihangyo niya si Yahweh nga dili niya tugotan ang katawhan nga moingon nga gidala ni Yahweh ang katawhan sa Israel ngadto sa kamingwan aron patyon sila tungod kay gikasilagan niya sila.

Deuteronomy 10

Deuteronomy 10:1-2

Sumala sa giingon ni Yahweh, asa man ibutang ni Moises ang duha ka papang nga bato nga sulatan sa mga pulong ni Yahweh?

Gisultihan siya ni Yahweh nga ibutang niya ang duha ka papan nga bato sa arka nga kahoy nga buhaton ni Moises.

Deuteronomy 10:3-4

Unsa man ang gisulat ni Yahweh sa mga papan nga bato sa dihang mitungas si Moises sa bukid uban sa papan nga bato?

Gisulat ni Yahweh ang Napulo ka mga Sugo sa mga papan nga bato sama sa una nga sinulat.

Deuteronomy 10:5

Unsa man ang gibutangan ni Moises sa mga papan nga bato sa dihang mibalik siya gikan sa bukid?

Gibutang niya kini didto sa arka nga iyang gihimo sumala sa gisugo ni Yahweh kaniya.

Deuteronomy 10:6-7

Unsa man ang nahitabo kang Aaron didto sa Mosera?

Namatay si Aaron ug gilubong didto sa Mosera.

Deuteronomy 10:8-9

Unsa nga tribo ang gipili ni Yahweh nga magdala sa arka sa kasabotan ug mobarog sa atubangan ni Yahweh?

Gipili ni Yahweh ang Tribo ni Levi nga modala sa arka sa kasabotan ug aron mobarog sa atubangan ni Yahweh sa pag-alagad kaniya ug sa pagpanalangin sa katawhan pinaagi sa iyang ngalan.

Deuteronomy 10:10-11

Unsa man kadugay ang pagpabilin ni Moises didto sa bukid niining higayona?

Nagpabilin siya didto sa bukid sulod sa 40 ka adlaw ug 40 ka gabii, sama sa unang higayon.

Deuteronomy 10:12-15

Unsa man ang giingon ni Moises nga gipangayo ni Yahweh sa Israel?

Gipangayo ni Yahweh sa Israel nga magmahadlok kaniya, maglakaw sa tanan niyang dalan, maghigugma kaniya, magsimba kaniya sa tibuok nilang kasingkasing ug kalag, ug sa pagtipig sa iyang kasugoan.

Deuteronomy 10:16-17

Unsa man ang giingon ni Moises nga tulion sa katawhan?

Giingnan niya sila nga tulion ang panit sa ilang kasingkasing.

Deuteronomy 10:18-21

Nganong kinahanglan man higugmaon sa Israel ang langyaw?

Kinahanglan higugmaon sa Israel ang langyaw tungod kay mga langyaw usab sila sa yuta sa Ehipto.

Deuteronomy 10:22

Giunsa man pagpanalangin sa Dios ang mga katigulangan sa dihang miadto sila sa Ehipto?

Miadto sila sa Ehipto nga mga 70 lamang ka tawo ug gipadaghan sila sa Dios sama sa kabituonan sa kalangitan.

Deuteronomy 11

Deuteronomy 11:1

Unsa man ang upat ka butang ni Yahweh nga giingon ni Moises nga tipigan kanunay sa mga tawo?

Giingnan niya sila nga kanunay magtipig sa mga pagpanudlo ni Yahweh, sa iyang mga balaod, sa iyang mga tugon, ug sa iyang kasugoan.

Deuteronomy 11:2-3

Kinsa man ang wala nasayod o nakakita sa pagsilot ni Yahweh ug sa pagpadayag sa iyang gahom didto sa Ehipto?

Ang mga anak sa Israelita wala nakahibalo o nakakita sa pagsilot ni Yahweh o sa iyang gahom didto sa Ehipto.

Deuteronomy 11:4-5

Unsa man ang gigamit ni Yahweh sa pagtabon sa kasundalohan sa Ehipto sa dihang gigukod nila ang mga Israelita?

Gitabonan ni Yahweh sa tubig sa Pulang Dagat ang kasundalohan sa Ehipto samtang gigukod nila ang mga Israelita.

Deuteronomy 11:6-7

Unsa man ang nakita sa mga mata sa mga Israelita?

Nakita sa mga mata sa Israelita ang tanang dagkong mga butang nga gihimo ni Yahweh.

Deuteronomy 11:8-9

Unsa man ang mahitabo sa katawhan kung tipigan nila ang tanang kasugoan?

Kung tipigan nila ang tanang kasugoan, mahimo silang kusgan, moadto ug manag-iya sa yuta, ug motaas ang ilang mga adlaw.

Deuteronomy 11:10-12

Unsa ug nganong lahi man ang yutang saad kaysa sa yuta sa Ehipto?

Ang yuta usa ka yuta sa kabungtoran ug kawalogan, ug nagainom sa tubig sa ulan sa kalangitan.

Deuteronomy 11:13-15

Unsa man ang ihatag ni Yahweh kanila kung maminaw sila sa iyang kasugoan, maghigugma ug mag-alagad kaniya sa ilang kasingkasing ug kalag?

Maghatag si Yahweh kanila sa unang ulan ug kataposang ulan, aron nga matigom nila ang ilang trigo, bag-ong bino, ug lana.

Deuteronomy 11:16-17

Unsa man ang buhaton ni Yahweh kung motalikod ang katawhan ug magsimba sa laing mga dios?

Masuko siya ug sirad-an ang kalangitan aron wala nay ulan.

Deuteronomy 11:18-19

Kanus-a man tudloan sa katawhan sa Israel ang ilang mga anak sa kasugoan ni Yahweh?

Kinahanglan tudloan nila ang ilang mga anak sa kasugoan ni Yahweh sa dihang maglingkod, maglakaw, maghigda, ug mobangon sila.

Deuteronomy 11:20-21

Unsa man ang buhaton sa katawhan aron motaas ang ilang mga adlaw ug ang adlaw sa ilang mga anak?

Kinahanglan isulat nila ang mga kasugoan sa haligi sa ilang pultahan ug sa mga ganghaan sa ilang siyudad.

Deuteronomy 11:22-23

Unsa man ang buhaton ni Yahweh alang sa katawhan kung tipigan sa katawhan ang iyang kasugoan ug makighiusa kaniya?

Palayason ni Yahweh ang tanang kanasoran sa ila mismong atubangan ug pagahinginlan nila ang mga nasod nga mas dagko ug gamhanan pa kanila.

Deuteronomy 11:24-25

Nganong wala may tawo nga makahimo sa pagbarog sa atubangan sa Israel?

Ipahimutang ni Yahweh ang kahadlok ug kalisang sa Israel ngadto sa tanan niana nga yuta.

Deuteronomy 11:26-30

Unsa man ang gipahimutang ni Moises sa atubangan sa Israel nianang adlawa?

Gipahimutang niya sa ilang atubangan ang panalangin ug tunglo.

Deuteronomy 11:31-32

Asa man moadto ang katawhan aron mapanag-iyahan nila ang yuta?

Kinahanglan motabok sila sa Suba sa Jordan aron manag-iya ug magpuyo sa yuta.

Deuteronomy 12

Deuteronomy 12:1-2

Unsa man nga mga dapit ang giingon ni Moises nga gubaon sa Israel?

Gubaon nila ang tanang dapit diin nagsimba sa ilang mga dios ang mga nasod nga pagahinginlan sa Israel.

Deuteronomy 12:3-4

Unsa man ang gisugo ni Yahweh nga buhaton sa katawhan sa Israel sa ngalan sa mga dios sa ubang nasod?

Gisultihan niya ang Israel nga laglagon ang ilang ngalan niana nga dapit.

Deuteronomy 12:5-7

Asa man ang dapit nga adtoan sa katawhan sa Israel ug dad-an sa ilang sinunog nga mga halad, ilang mga sakripisyo, ilang ikanapulo, ug ilang mga halad?

Moadto sila sa dapit nga pilion ni Yahweh nga ilang Dios.

Deuteronomy 12:8-9

Unsa nga klase ang ginabuhat sa katawhan sa Israel?

Ginabuhat nila ang bisan unsa nga husto sa ilang panan-aw.

Deuteronomy 12:10-14

Unsa man nga klase sa pahulay ang ihatag ni Yahweh sa Israel sa dihang makatabok sila sa Jordan?

Hatagan niya sila ug kapahulayan gikan sa ilang mga kaaway nga nagpalibot, aron magpuyo sila nga luwas.

Deuteronomy 12:15-16

Unsa man nga mananap ang mahimong ihawon ug kan-on sa katawhan sa Israel?

Makahimo sa pag-ihaw ug pagkaon ang mga Israelita sa mga mananap nga anaa sulod sa ilang mga ganghaan.

Unsa man ang dili mahimong kan-on sa katawhan sa Israel?

Dili mahimong mokaon ug dugo ang katawhan sa Israel, apan kinahanglan ibubo lamang nila kini sa yuta sama sa tubig.

Deuteronomy 12:17

Asa man ang dapit nga giingon ngadto sa katawhan sa Israel nga dili nila mahimong kaonon ang ilang ikapulo ug mga halad?

Dili sila mahimong mokaon niini sulod sa ilang mga ganghaan.

Deuteronomy 12:18-19

Asa man dapit kan-on sa mga Israelita ang ilang mga ikapulo ug ang ilang mga halad?

Kaonon nila kini atubangan ni Yahweh nga ilang Dios sa dapit nga iyang pilion.

Unsa man ang gisulti ngadto sa katawhan sa Israel nga dili kalimtan?

Gisultihan sila nga dili kalimtan ang mga Levita hangtod nga nagkinabuhi pa sila sa yuta sa Israel.

Deuteronomy 12:20

Unsa man ang mahimong kan-on sa katawhan sa Israel sa dihang padakoon ni Yahweh nga ilang Dios ang ilang mga utlanan sumala sa iyang gisaad kanila?

Makahimo sa pagkaon ang Israel ug karne, sumala sa gitinguha sa ilang kalag.

Deuteronomy 12:21-22

Unsa man ang mahimong kan-on sa katawhan sa Israel kung ang dapit nga pilion ni Yahweh nga ilang Dios nga butangan sa iyang ngalan layo kaayo kanila?

Kung layo kaayo gikan sa Israel ang dapit nga pilion ni Yahweh nga ilang Dios nga butangan sa iyang ngalan, makahimo sa pag-ihaw ang mga Israelita sa ilang kahayopan nga gihatag ni Yahweh kanila.

Deuteronomy 12:23-25

Unsa man ang angay buhaton sa katawhan sa Israel sa dugo nga naghatag ug kinabuhi?

Kinahanglan nga ang katawhan sa Israel dili magkaon ug dugo nga mao ang kinabuhi, apan kinahanglan nga ibubo kini sa yuta sama sa tubig.

Deuteronomy 12:26-27

Unsa man ang gisugo ngadto sa katawhan sa Israel nga dad-on sa dihang moadto sila sa dapit nga pilion ni Yahweh?

Dad-on sa katawhan sa Israel ang gihalad nga mga butang nga anaa kanila ug ang mga halad sa ilang mga panumpa ngadto sa dapit nga pilion ni Yahweh.

Asa man ihalad sa katawhan sa Israel ang ilang sinunog nga mga halad, ang karne ug ang dugo, didto sa altar ni Yahweh nga ilang Dios?

Moadto ang katawhan sa Israel sa dapit nga pilion ni Yahweh aron ihalad ang ilang sinunog nga mga halad, ang karne ug ang dugo, didto sa altar ni Yahweh nga ilang Dios.

Deuteronomy 12:28

Unsa man ang gisugo sa katawhan sa Israel nga buhaton aron maayo ang mahitabo kanila ug sa ilang mga anak hangtod sa kahangtoran?

Tumanon ug paminawon sa katawhan sa Israel ang tanang mga pulong nga gisugo ni Yahweh kanila ug magbuhat kung unsa ang maayo ug husto sa mga mata ni Yahweh nga ilang Dios aron maayo ang mahitabo kanila ug sa ilang mga anak hangtod sa kahangtoran.

Deuteronomy 12:29-30

Unsa man ang gisugo ni Yahweh sa katawhan sa Israel nga matngonan sa dihang pamutlon sa Dios ang kanasoran diha mismo sa ilang atubangan ug sa dihang moadto na ang Israel aron sa paghingilin kanila ug magpuyo sa ilang yuta?

Kinahanglan magbantay ang katawhan sa Israel aron nga dili sila malit-ag ngadto sa pagsunod o pagsuta sa mga dios niadto nga mga nasod.

Deuteronomy 12:31-32

Unsa man ang gibuhat sa ubang mga nasod ngadto sa ilang mga anak nga lalaki ug babaye aron sa pagsimba sa ilang mga dios?

Gipangsunog sa ubang mga nasod ang ilang mga anak nga lalaki ug babaye alang niining mga dios.

Deuteronomy 13

Deuteronomy 13:1-3

Nganong kinahanglan man nga dili maminaw ang katawhan sa Israel sa mga pulong sa mga propeta o sa magdadamgo nga naghatag ug ilhanan o mga katingalahan ug nag-ingon nga "Moadto kita sa laing mga dios, nga wala ninyo nailhi ug simbahon nato sila."?

Kinahanglan nga dili maminaw ang katawhan sa Israel tungod kay si Yahweh nagsulay kanila aron masayran kung nahigugma ba gayod sila kaniya sa tibuok nilang kasingkasing ug sa tibuok nilang kalag.

Deuteronomy 13:4-7

Unsa man ang kinahanglan buhaton sa katawhan sa Israel ngadto sa propeta o magdadamgo nga nagsulti kanila nga mosimba sa laing dios?

Kinahanglan patyon nila kana nga propeta o magdadamgo.

Deuteronomy 13:8-9

Unsa man ang gisugo sa katawhan sa Israel nga pagabuhaton niadtong nagdani kanila sa tago ug miingon "Mangadto kita ug mosimba sa ubang dios nga wala pa nimo mailhi?"

Kinahanglan pagapatyon gayod nila ang tanan nga nagdani kanila sa pagsimba sa laing mga dios.

Deuteronomy 13:10-11

Unsaon man pagpatay sa katawhan sa Israel sa mga tawong nagsulay kanila sa pagpalayo gikan kang Yahweh nga ilang Dios?

Kinahanglan nga batohon nila kana nga tawo hangtod sa iyang kamatayon.

Deuteronomy 13:12-14

Unsa man ang buhaton sa katawhan sa Israel kung makadungog sila ni bisan kinsa nga moingon nga ang mga daotang tawo nanggawas gikan sa ilang mga nasod ug miingon "Mangadto kita ug mosimba sa ubang dios?"

Kinahanglan nga pangitaon ug sutaon gayod kini pag-ayo, aron masayran kung kini tinuod.

Deuteronomy 13:15-16

Unsa man ang buhaton sa mga Israelita ngadto sa siyudad kung masayran nila nga tinuod nga ang mga lumulupyo ug miingon nga moadto kita ug mosimba sa laing dios?

Kinahanglan nga ilang sulongon ang mga lumolupyo sa siyudad uban ang espada ug laglagon kini sa hingpit.

Deuteronomy 13:17-18

Unsa man ang dili kinahanglan mahitabo ngadto sa mga butang nga gitagana alang sa kalaglagan?

Kana nga mga butang kinahanglan dili motapot ngadto sa kamot sa mga Israelita, aron ipalayo ni Yahweh ang kaligutgot sa iyang kasuko

Deuteronomy 14

Deuteronomy 14:1-5

Unsa man ang gisugo ni Moises nga dili buhaton sa mga katawhan ni Yahweh?

Dili nila samaran ang ilang kaugalingon, o kiskisan ang bisan asang bahin sa ilang nawong alang sa patay

Deuteronomy 14:6-7

Unsa man ang duha ka matang sa mananap nga gitugot kan-on sa mga Israelita?

Mahimong kan-on sa mga Israelita ang bisag unsang mananap nga nabahin ang kuko sa duha ug nag-usap usab sa kinaon.

Deuteronomy 14:8

Nganong dili man angayan kan-on ang baboy?

Ang baboy makahugaw alang sa mga Isrealita tungod kay nabahin tuod ang kuko apan dili mag-usap sa kinaon.

Deuteronomy 14:9-17

Unsa man ang matang sa mga mananap nga anaa sa tubig nga gitugot kan-on sa mga Israelita?

Mahimo nilang kan-on ang adunay kapay ug mga himbis.

Deuteronomy 14:18-20

Gitugotan ba ang mga Israelita nga mokaon sa mga pak-an ug magpanon nga mga mananap?

Tanang pak-an, ug magpanon nga mga mananap hugaw alang sa mga Israelita ug dili angay kan-on.

Deuteronomy 14:21

Mahimo bang kan-on sa mga Israelita ang bisan unsa nga nahikog?

Dili nila mahimong kan-on ang bisan unsang nahikog, apan mahimo nila kining ihatag ngadto sa mga langyaw.

Unsa man ang dili angay buhaton sa mga Israelita ngadto sa nating kanding?

Kinahanglan nga dili nila pabukalan ang nating kanding sa gatas sa iyang inahan.

Deuteronomy 14:22-23

Unsa ang buhaton sa mga Israelita ngadto sa tanang abot sa ilang mga binhi?

Kinahanglan mohatag ang Israelita ug ikapulo sa tanang abot sa ilang binhi.

Asa man gayod mokaon ang mga Israelita sa ikapulo sa ilang trigo, sa ilang bag-ong bino, ug sa ilang lana, ug sa panganay sa ilang mga baka ug sa ilang mga karnero?

Kinahanglan mokaon ang mga Israelita sa ilang ikapulo sa trigo, sa ilang bag-o nga bino, ug sa ilang lana, ug sa panganay sa ilang mga baka ug sa ilang mga karnero ngadto sa dapit nga iyang gipili ingon nga iyang balaang dapit.

Deuteronomy 14:24-25

Unsa man ang angayang buhaton sa mga Israelita sa mga halad kung ang balaang dapit nga gipili ni Yahweh layo kaayo gikan kanila?

Mahimo nilang pailisdan ang ilang halad ngadto sa kuwarta, kuptan nila ang kuwarta, ug moadto sa dapit nga gipili ni Yahweh kung ang panaw layo kaayo alang kanila nga dili nila madala ang ilang mga ikapulo.

Deuteronomy 14:26-27

Kinsa man ang walay panulondon sa mga Israelita ug kinahanglan nga dili pasipad-an?

Ang Levita nga anaa sa ilang ganghaan nga walay panulondon ug dili angay pasipad-an.

Deuteronomy 14:28-29

Unsa man ang gisugo sa mga Israelita nga buhaton sa matag kataposan sa ikatulo ka tuig?

Sa kataposan sa matag tulo ka tuig ihatag sa mga Israelita ang tanan nilang abot sa samang tuig ngadto sa mga Levita, sa langyaw, sa mga ilo, ug sa balo.

Deuteronomy 15

Deuteronomy 15:1-3

Unsa man ang kinahanglan buhaton sa mga Israelita sa kataposan sa matag pito ka tuig?

Sa kataposan sa matag pito ka tuig kinahanglan walaon sa mga Israelita ang mga utang.

Nganong kinahanglan man walaon ang mga utang sa matag pito ka tuig?

Matag nagpautang walaon kung unsa man ang iyang napautang ngadto sa iyang silingan o sa iyang igsoon tungod kay gimantala ni Yahweh ang pagwagtang sa utang.

Kang kinsa man nga mahimong ipadayon ang pagpaningil sa mga Israelita sa matag kataposan sa ikapito ka tuig?

Ang Israelita mahimong makapaningil sa utang gikan sa mga langyaw.

Deuteronomy 15:4-6

Nganong wala na may kabos?

Kay panalanginan gayod sila ni Yahweh ngadto sa yuta nga iyang gihatag ngadto sa mga Israelita ingon nga panulondon aron panag-iyahan.

Unsa man ang mahitabo sa mga Israelita aron sa pagpakita nga si Yahweh ang Dios sa Israel nagpanalangin kanila?

Magpahulam ang Israel ngadto sa kanasoran, apan dili sila magahulam; modumala ang Israel sa daghang mga nasod, apan ang laing nasod dili magadumala sa Israel.

Deuteronomy 15:7-8

Unsa man ang gisulti nga angay buhaton sa mga Israelita ngadto sa mga kabos nga anaa sa ilang taliwala?

Gisultihan ang mga Israelita nga dili nila pagahion ang ilang kasingkasing o dili magdinalo ngadto sa mga igsoon nilang kabos .

Deuteronomy 15:9-10

Unsa ang kinahanglan bantayan sa mga Israelita nga dili buhaton sa ikapito ka tuig, kung ang tuig sa pagbuhi haduol na?

Dili sila magdumili sa paghatag ngadto sa mga kabos nilang mga igsoon panahon sa ikapito ka tuig, kung ang tuig sa pagbuhi, haduol na.

Unsa man ang ibalos ni Yahweh alang sa mga Israelita sa paghatag ngadto sa kabos sa dihang duol na ang ikapito ka tuig?

Panalanginan ni Yahweh ang tanang buhat sa mga Israelita ug ang tanan nga ibutang sa ilang mga kamot.

Deuteronomy 15:11

Nganong gisugo man ang mga Israelita sa pagbukhad sa ilang mga kamot ngadto sa ilang mga igsoon, ngadto sa mga nanginahanglan ug ngadto sa mga kabos sa ilang yuta?

Ang mga kabos dili moundang sa paglungtad sa yuta.

Deuteronomy 15:12-14

Unsa man ang gisugo sa mga Israelita nga ihatag sa Hebreohanon nga lalaki ug babaye nga gihatagan ug kagawasan sa ikapito ka tuig?

Kinahanglan nga hatagan sila gikan sa ilang panon nga karnero, gikan sa ilang giokanan ug gikan sa pug-anan sa ilang mga ubas sama nga si Yahweh nga ilang Dios nagpanalangin sa mga Israelita.

Deuteronomy 15:15-17

Unsan man ang angay hinumdoman sa mga Israelita ingon nga ilang gihatagan ang usa ka tawo ug kagawasan?

Hinumdoman sa mga Israelita nga naulipon sila sa yuta sa Ehipto.

Unsa man ang buhaton sa mga Israelita ngadto sa ilang lalaki ug babaye nga sulugoon nga nag-ingon "'Dili ako mopalayo gikan kaninyo"?

Ang Israelita mokuha ug pangbangag ug bangagan ang dalunggan sa ulipon nga anaa sa pultahan, ug mahimo siyang ulipon sa Israelita sa walay kataposan.

Deuteronomy 15:18

Nganong dili man lisoron sa mga Israelita ang paghatag ug kagawasan sa ilang mga ulipon?

Kinahanglan nga dili lisoron tungod kay nag-alagad siya kanila sulod sa unom ka tuig ug naghatag sa doble nga kantidad sa binayran nga tawo.

Deuteronomy 15:19-21

Unsa man ang angay buhaton sa katawhan sa Israel sa panganay nga lalaki sa ilang baka ug karnero?

Kinahanglan nga kan-on nila ang panganay nga lalaking baka atubangan ni Yahweh matag tuig uban ang ilang panimalay sa dapit nga gipili ni Yahweh.

Unsa man ang buhaton sa mga Israelita sa panganay nga mananap kung kini kimpang o buta o adunay ikasaway?

Kinahanglan nga dili nila kini ihatag ngadto kang Yahweh, apan mahimo nila kini kan-on sulod sa ilang ganghaan.

Deuteronomy 15:22-23

Unsa man ang buhaton sa mga Israelita sa dugo sa panganay nga may ikasaway?

Kinahanglan ilang iyabo ang dugo sa panganay nga may ikasaway ngadto sa yuta sama sa tubig.

Deuteronomy 16

Deuteronomy 16:1-2

Nganong kinahanglan man bantayan sa mga Israelita ang bulan sa Abib ug saulogon ang Pagsaylo alang kang Yahweh nga ilang Dios?

Kay sa bulan sa Abib gikuha man ni Yahweh ang mga Israelita gikan sa Israelita sa panahon sa kagabhion.

Unsa man ang angay buhaton sa mga Israelita aron masaulog ang Pagsaylo?

Inyong ihalad ang Pagsaylo ngadto kang Yahweh nga inyong Dios uban ang pipila sa panon sa inyong mga karnero ug panon sa inyong baka ngadto sa dapit nga gipili ni Yahweh nga mahimong iyang balaang dapit.

Deuteronomy 16:3-4

Nganong dili man mahimong mokaon ang mga Israelita ug tinapay nga naay patubo o magbaton ug patubo sulod sa ilang gipanag-iyahan sulod sa pito ka adlaw?

Mokaon sila ug tipanay nga walay patubo o dili magbaton ug patubo tungod mibiya sila sa yuta sa Ehipto nga nagdali.

Pagkagabii sa unang adlaw, unsa man ang angay buhaton sa mga Israelita sa karne nga ilang gihalad?

Kinahanglang walay magpabilin nga bisan gamay sa karne nga ilang gihalad sa kagabhion sa unang adlaw hangtod sa kabuntagon.

Deuteronomy 16:5-6

Asa man ihalad sa mga Israelita ang ilang mga halad?

Maghalad sila didto sa dapit nga gipili ni Yahweh nga mahimong iyang balaang dapit.

Kanus-a man nila buhaton ang paghalad sa Pagsaylo?

Maghalad sila sa Pagsaylo sa kagabhion sa pagsalop sa adlaw, sa panahon sa tuig nga migawas kamo gikan sa Ehipto.

Deuteronomy 16:7-8

Unsa man ang angay nga buhaton sa mga Israelita sulod sa unom ka adlaw sa pagsaulog sa Pagsaylo?

Ang mga Israelita mo kaon ug tinapay nga walay patubo.

Unsa man ang angay nga buhaton sa mga Israelita sa ika-pitong adlaw sa pagsaulog sa Pagsaylo?

Sa ika-pitong adlaw, aduna silay ligdong panagtigom ug dili magtrabaho.

Deuteronomy 16:9-10

Unsaon man pag-ila sa mga Israelita ang pagsugod sa Kasaulogan sa mga Semana para kang Yahweh?

Ang mga Israelita mag-ihap ug pito ka semana gikan sa panahon nga nagsugod sila sa pag-ani.

Unsa man ang bahin sa mga Israelita nga ihatag sa Pagsaulog sa mga Semana?

Angay nilang hatagan si Yahweh ug kinasingkasing nga mga halad sumala sa pagpanalangin ni Yahweh kanila.

Deuteronomy 16:11-12

Sa paghinumdom sa Pagsaulog sa mga Semana, unsa man ang angay nga buhaton sa mga taga-Israel uban ang mga langyaw?

Angay nilang hinumdomon nga sila mga ulipon sa Ehipto kaniadto.

Deuteronomy 16:13-15

Unsa nga Kasaulogan ang kinahanglang tipigan sa mga Israelita human nila maani ang ilang mga trigo gikan sa giokanan ug human nila ug mapuga ang ilang mga ubas sulod sa pito ka adlaw?

Ilang pagatipigan ang Pagsaulog sa Pasilonganan sa pito ka adlaw human nila masugdan ang pag-ani.

Deuteronomy 16:16-17

Unsa ang tulo ka kasaulogan nga kinahanglan nga moatubang ang mga kalalakin-an atubangan ni Yahweh sa dapit nga iyang pilion?

Kinahanglan nga ang tanan ninyong mga kalalakin-an moatubang kang Yahweh nga inyong Dios sa dapit nga iyang pilion: sa Pista sa Tinapay nga Walay Patubo, sa Pista sa mga Semana ug sa Pista sa mga Pasilonganan.

Unsa ang angay ihatag sa mga lalaking Israelita kang Yahweh imbes nga moatubang kaniya nga walay dala?

Ang matag Israelita kinahanglan magdala kung unsa ang ilang makaya atubangan ni Yahweh.

Deuteronomy 16:18-20

Asa man makaplagan sa mga Israelita ang mga pari ug opisyales?

Magpili ang mga Israelita sa ilang mga maghuhukom ug mga opisyeles gikan sa matag tribo aron maghukom sa katawhan uban ang matarong nga paghukom.

Nganong dili man angay pinugsanay nga kuhaon sa mga maghuhukom ug sa mga opisyales ang ang hustisya ni magpakita nga aduna silay gidapigan pinaagi sa pagdawat ug suhol?

Kay ang suhol makabuta sa mata sa maalamon ug makapausab sa mga pulong sa matarong.

Unsa man ang maangkon sa mga maghuhukom ug mga opisyales pinaagi sa pagsunod sa hustisya?

Kinahanglang sundon nila ang katarong, sa katarong lamang, aron makapuyo sila ug mapanag-iyahan ang yuta nga ihatag ni Yahweh nga ilang Dios kanila.

Deuteronomy 16:21-22

Unsa man ang dili angay tukoron sa mga Israelita alang sa ilang kaugalingon?

Dili sila angay magtukod ug Asherah o bisan unsang poste o bisan unsang sagrado nga haliging bato.

Deuteronomy 17

Deuteronomy 17:1

Nganong dili man angay maghalad ang mga Israelita ug halad nga torong baka o karnero nga adunay hugaw o bisan unsang daot niini ngadto kang Yahweh?

Kay gikasilagan ni Yahweh ang halad nga mananap nga adunay hugaw o bisan unsang daot niini.

Deuteronomy 17:2-4

Unsa ang gisugo sa mga Israelita nga buhaton kung madunggan nila nga adunay lalake o babaye sa sulod sa ilang siyudad nga nagbuhat ug daotan sa panan-aw ni Yahweh?

Magbuhat ang mga Israelita ug maampingong pagsusi aron mahibaloan kung tinuod ba kini ug sigurado.

Deuteronomy 17:5-7

Unsa man ang buhaton sa mga Israelita sa tawo nga nagbuhat ug daotang butang sama sa pagsimba sa ubang mga dios ug pagyukbo ngadto kanila?

Batohon sila sa mga Israelita hangtod mamatay.

Pila man ka mga saksi ang gikinahanglan aron mahukman ang usa ka tawo ngadto sa kamatayon?

Duha o tulo ka mga saksi ang gikinahanglan aron mahukman ang usa ka tawo sa kamatayon.

Kinsa man ang unang molabay sa bato aron sa pagpatay sa usa ka tawo?

Ang kamot sa mga saksi ang unang mobato dayon ang katawhan sa Israel.

Nganong kinahanglan man nga batohon hangtod mamatat ang tawo nga nagbuhat ug daotang binuhatan sama sa pagsimba sa ubang dios?

Aron mawala ang daotan sa ilang taliwala.

Deuteronomy 17:8-11

Kinsa man ang maghukom kung adunay butang ang mga Israelita nga lisod hukman alang kanila?

Kinahnaglan nga moadto sila sa mga pari ug mga Levita ug sa maghuhukom nga nag-alagad nianang higayona aron pagpangayo ug tambag gikan sa mga pari.

Deuteronomy 17:12-13

Unsang matang sa awo ang kinahanglan mamatay aron mawala ang daotan gikan sa Israel?

Si bisan kinsa nga mapahitas-on, sa dili pagpaminaw sa pari nga nagtindog sa pag-alagad sa atubangan ni Yahweh nga inyong Dios, o sa dili pagpaminaw sa maghuhukom---kanang tawhana kinahanglan nga mamatay; kinahanglan nga walaon ninyo ang daotan gikan sa Israel.

Deuteronomy 17:14-15

Kinsa man ang pilion sa mga Israelita isip ilang hari sa dihang anaa na sila sa yuta?

Magpili ang mga Israelita ug hari gikan sa ilang mga kaigsoonan ug usa ka tawo nga gipili ni Yahweh.

Deuteronomy 17:16-17

Nganong dili man mahimong magpadaghan ang hari ug mga kabayo alang sa iyang kaugalingon, ni mahimong inungdan nga mobalik ang mga Israelita sa Ehipto aron magpadaghan sa iyang mga kabayo?

Dili siya mahimong magpadaghan ug hari ni maghimo ug hinungdan nga mobalik ang katawhan sa Ehipto tungod kay miingon si Yahweh nga dili na gayod mobalik ang mga Israelita niadto nga dalan pag-usab.

Nganong dili man mahimong magpadaghan ang mga hari ug asawa alang sa iyang kaugalingon?

Kinahanglan dili siya magpadaghan sa iyang mga asawa alang sa iyang kaugalingon, aron ang iyang kasingkasing dili motalikod gikan kang Yahweh.

Deuteronomy 17:18-19

Unsa man ang kinahanglan tipigan sa hari sa iyang kaugalingon ug basahon sa tanang adlaw sa iyang kinabuhi, aron makakat-on siya sa pagpasidungog kang Yahweh nga iyang Dios, ug aron tumanon kining tanang pulong niini nga balaod ug niini nga mga sugo?

Kinahanglan magsulat siya diha sa linukot ug kopya niini nga balaod alang sa iyang kaugalingon ug kinahanglang anaa kini kaniya, ug kinahanglan basahon niya kini sa tanang mga adlaw sa iyang kinabuhi.

Deuteronomy 17:20

Nganong gisugo man ang hari nga tipigan ang linukot sa balaod diha kaniya?

Kinahanglang buhaton niya kini aron nga dili mabayaw ang iyang kasingkasing labaw sa iyang mga kaigsoonan, ug aron dili siya motalikod sa mga kasugoan.

Deuteronomy 18

Deuteronomy 18:1-2

Nganong kinahanglan man kaonon sa mga pari nga Levita ang mga halad alang kang Yahweh isip ila kining panulondon?

Kinahanglan kaonon sa mga Levita nga pari ang mga halad tungod kay wala silay panulondon gikan sa ilang mga kaigsoonan.

Deuteronomy 18:3-5

Unsa man ang bahin sa mga pari gikan sa halad sa mga katawhan?

Kinahanglang ihatag sa pari ang abaga, ang duha ka aping, ang tungol, unang bahin sa inyong abot sa trigo, sa bag-ong bino, sa inyong lana ug sa unang bahin sa balahibo sa inyong karnero.

Nganong kinahanglan man nga dawaton sa mga pari mining mga bahin gikan sa mga halad sa katawhan?

Dawaton nila kini nga mga bahin tungod gipili sila ni Yahweh nga mobarog sa pag-alagad sa ngalan ni Yahweh.

Deuteronomy 18:6-8

Kanus-a man mahimong mag-alagad kang Yahweh ang usa ka Levita ngadto sa dapit nga pilion ni Yahweh nga mahimong iyang balaang dapit?

Ang usa ka Levita mahimong moalagad kang Yahweh sa dapit nga iyang pilon isip iyang balaang dapit sa dihang mogawas siya sa ganghaan sa bisan asa nga siyudad sa Israel nga adunay tinguha sa iyang kasingkasing nga mag-alagad kang Yahweh.

Deuteronomy 18:9-11

Unsa man ang uban sa mga gikasilagang butang ang ginabuhat sa ubang mga nasod?

Ang uabn sa ilang gikasilagang binuhatan mao ang paghalad sa ilang mga anak ngadto sa kalayo, nagapanagna, gapanghimalad, anting-antingan o diwatahan ug pakigsulti sa mga patay o espiritu.

Deuteronomy 18:12-14

Nganong papahawaon man ni Yahweh ang mga nasod gikan sa ilang yuta?

Papahawaon ni Yahweh kini nga mga nasod gikan sa yuta tungod naminaw sila niadtong mga diwatahan ug gapanagna.

Deuteronomy 18:15-19

Kinsa man ang gisaad ni Yahweh nga ituboy gikan sa katawhan?

Nagsaad si Yahweh nga magtuboy siya sa umaabot ug usa ka propeta sama kang Moises gikan sa Israel.

Deuteronomy 18:20-21

Unsa man ang mahimong hinungdan nga mamatay ang usa ka propeta?

Mamatay ang usa ka propeta kung magsulti siya ug mga garbosong pulong sa ngalan ni Yahweh, mga pulong nga wala gisugo ni Yahweh kaniya nga isulti, o kung nanulti siya sa ngalan sa ubang mga dios.

Deuteronomy 18:22

Unsa man buot ipasabot kung ang usa ka panagna nga gisulti sa ngalan ni Yahweh dili matuman?

Kung ang usa ka panagna dili mahitabo, dili kana gikan kang Yahweh nga propesiya.

Deuteronomy 19

Deuteronomy 19:1-3

Nganong gisugo man ni Yahweh ang katawhan nga magpili ug tulo ka mga siyudad ngadto sa tunga-tunga sa yuta?

Gisugo niya ang katawhan nga magpili ug tulo ka mga siyudad aron nga ang tanan nga nakapatay ug laing tawo mokalagiw didto.

Deuteronomy 19:4-5

Unsa man nga pagpahinagbo ang gihimo ni Yahweh alang sa tawo nga nakapatay sa iyang silingan nga wala gituyo, ug walay kasuko kaniya kaniadto?

Gipatagbo ni Yahweh ang tulo ka mga siyudad nga dalangpanan diin madangpan ug mapuy-an sa tawo.

Deuteronomy 19:6-7

Nganong kinahanglan man ang tawo nga nakapatay sa uban nga tawo mokalagiw sa siyudad nga dalangpanan?

Mokalagiw siya aron nga ang paryenti sa namatyan dili makagukod kaniya sa kasuko, modakop, ug mopatay kaniya.

Deuteronomy 19:8-10

Unsa man ang mga kondisyon alang sa pagdugang ug tulo pa ka mga siyudad nga dalangpanan?

Kung palaparon ni Yahweh ang ilang mga ginsakopan, magdugang sila ug tulo pa ka mga siyudad nga dalangpanan.

Deuteronomy 19:11-14

Unsa man ang mahitabo kung adunay tawo nga masuko sa iyang silingan, mag-atang kaniya, samdan siya, ug mokalagiw sa usa sa mga siyudad nga dalangpanan?

Kinahanglan nga ibalik siya sa mga katigulangan sa siyudad niining tawhana ug ihatag ngadto sa masaligan nga paryenti aron mamatay siya ingon nga silot alang sa sad-an nga dugo gikan sa Israel.

Deuteronomy 19:15-16

Pila man ka mga saksi ang gikinahanglan aron pamatud-an ang usa ka butang?

Kinahanglan ug duha o tulo ka mga saksi aron mapamatud-an ang usa ka butang.

Deuteronomy 19:17-21

Unsa man ang angay nga buhaton kung ang gihisgotan nalambigitan tali sa duha ka tawo?

Unya ang parehong mga tawo, ang mga tawo tali niadtong gihisgotan angay motindog sa atubangan ni Yahweh, sa atubangan sa mga pari ug sa mga maghuhukom nga nag-alagad niadtong mga panahona. Kinahanglan nga ang mga maghuhukom maghimo ug matukion nga mga pangutana; magsusi, kung ang saksi usa ka bakakon nga saksi ug nagpamatuod ug bakak batok sa iyang igsoon

Unsa man ang angay buhaton kung ang testimonya sa saksi bakak?

Kung ang testimonya sa usa ka saksi bakak, busa angay buhaton nila kaniya ang sama sa iyang gitinguha nga buhaton sa iyang igsoon.

Deuteronomy 20

Deuteronomy 20:1

Nganong dili man angay nga mahadlok ang katawhan sa Israel sa dihang magmartsa sila ngadto sa gubat batok sa ilang mga kaaway?

Dili angay nga mahadlok ang katawhan sa Israel tungod kay magauban kanila si Yahweh nga ilang Dios, nga nagdala kanila pagawas sa yuta sa Ehipto.

Deuteronomy 20:2-4

Unsa man ang mahitabo sa dihang ang katawhan sa Israel mopaduol na sa gubat?

Ang pari magasulti sa katawhan ug magaingon kanila nga dili angay mahadlok, tungod kay si Yahweh makig-uban kanila sa pakiggubat.

Deuteronomy 20:5

Unsa man ang angay nga buhaton sa usa ka tawo kung nagtukod siya ug bag-o nga balay ug wala pa nakapahinungod niini?

Kinahanglan nga mouli siya sa iyang balay aron dili siya mamatay sa gubat ug ang laing tawo ang makapahinungod niini.

Deuteronomy 20:6-9

Unsa man ang angay nga buhaton sa usa ka tawo kung minyuonon siya sa usa ka babaye ug wala pa naminyo kaniya?

Kinahanglan nga mouli siya ug minyoan ang babaye aron siya dili mamatay sa gubat ug ang laing tawo ang makaminyo sa babaye.

Deuteronomy 20:10-11

Unsa man ang mahitabo kung ang katawhan sa layo nga siyudad modawat sa usa ka dalit sa kalinaw sa dihang sulongon kini sa Israel?

Ang tanang katawhan sa siyudad pugson nga magtrabaho ug mag-alagad sa Israel.

Deuteronomy 20:12-15

Unsa man ang mahitabo kung ang siyudad dili modawat sa gidalit nga kalinaw, apan hinuon makiggubat batok sa Israel?

Angay kini sulongon sa Israel ug sa dihang ihatag ni Yahweh ang kadaogan sa Israel, angay nilang patyon ang matag lalaki sa lungsod.

Deuteronomy 20:16-18

Ngano nga angayng laglagon sa katawhan sa Israel ang tanan nga gaginhawa sa mga siyudad sa yuta diin ihatag ni Yahweh ingon panulondon?

Angay nilang laglagon ang tanan aron nga ang katawhan sa yuta dili magtudlo kanila nga magbuhat ug bisan unsa nga mangil-ad nga mga butang ug makasala batok kang Yahweh.

Deuteronomy 20:19-20

Unsa man ang angayng buhaton sa Israel sa mga kahoy sa mga siyudad diin ilang gisulong?

Dili angayng putlon sa Israel ang mga kahoy nga magamit alang sa pagkaon, apan pwedi nilang putlon ang mga kahoy nga dili magamit alang sa pagkaon aron sa pagtukod ug mga pader batok sa siyudad.

Deuteronomy 21

Deuteronomy 21:1-4

Unsa man ang mahitabo kung adunay usa ka tawo nga gipatay ug nakaplagan nga nagbuy-od sa uma ug wala masayran kung kinsa ang nagpatay kaniya?

Kinahanglan sukdon sa mga kadagkoan ug mga maghuhukom ang siyudad nga haduol sa gipatay nga tawo.

Deuteronomy 21:5

Unsa man ang gusto ni Yahweh nga itubag sa katawhan sa Israel sa mga pulong sa iyang mga hari?

Gusto ni Yahweh nga patalinghogan nila ang tambag sa iyang mga pari ingon nga pagpahamtang sa matag panaglantogi ug sa pagdagmal.

Deuteronomy 21:6-9

Unsa man ang kinahanglan buhaton sa mga kadagkoan sa labing duol nga siyudad sa gipatay nga tawo aron mapasaylo kining naula nga dugo?

Kinahanglan manghugas sa ilang mga kamot ang mga kadagkoan sa siyudad ibabaw sa baye nga nating baka nga gilunggoan sa liog ug moingon, "Dili kami ang nagpatay niining tawhana ni nakakita niini."

Deuteronomy 21:10-12

Unsa man ang gisulti ni Moises nga buhaton sa Katawhan sa Israel sa dihang molugsong sila aron makiggira batok sa ilang mga kaaway ug gihatag ni Yahweh kanila ang kadaogan?

Gisultihan sila nga dad-on ang ilang mga kaaway ingon nga mga binihag.

Unsa man ang buhaton sa lalaki nga Israelita ngadto sa babaye nga binihag?

Kung nakita sa lalaki ang usa ka maanyag nga babaye ug buot niyang pangasaw-on, unya dad-on niya ang babaye sa iyang balay ug upawan niya ang iyang ulo ug putlan ang iyang mga kuko.

Deuteronomy 21:13-14

Hangtod kanus-a magbangutan ang binihag nga babaye alang sa iyang inahan ug amahan?

Magbangutan siya tungod sa iyang ginikanan sa usa ka bulan sa dili pa siya mahimong asawa sa lalaki.

Unsa man ang buhaton sa lalaki nga Israelita sa iyang gipangasawa nga binihag kung wala na siya malipay kaniya?

Kinahanglan palakwon niya siya kay sa ibaligya siya alang lamang sa salapi.

Deuteronomy 21:15-17

Kung ang usa ka lalaki adunay duha ka asawa, ug ang iyang gidumtan inahan sa iyang kamagulangang anak nga lalaki, unsaon man niya pagbahin ang iyang mga katigayonan?

Kinahanglan ilhon niining tawhana ang kamagulangang anak sa iyang gidumtan nga asawa pinaagi sa paghatag ug dakong bahin sa tanan niyang katigayonan.

Deuteronomy 21:18-19

Kinsa man ang modala sa iyang masupilon ug masinupakon nga anak kung ang anak nga lalaki dili motuman sa tingog sa iyang amahan o inahan?

Kinahanglan dad-on sa ginikanan ang ilang anak nga lalaki ngadto sa mga kadagkoan sa ganghaan sa siyudad.

Deuteronomy 21:20-23

Unsa man ang isulti sa amahan ug inahan sa masupilon nga anak nga lalaki ngadto sa mga kadagkoan sa iyang siyudad?

Ang ginikanan sa masupilon nga anak nga lalaki moingon sa mga kadagkoan, "Kining among anak masupilon ug masinupakon, hakog ug palahubog ug dili motuman sa among tambag".

Nganong silotan man sa kadagkoan sa siyudad ang lalaki pinaagi sa pagbato hangtod mamatay?

Kinahanglan batoon nila hangtod mamatay ang anak nga lalaki aron mawagtang ang daotan gikan kanila, ug maoy hinungdan nga ang tanang Israelita makadungog niini ug mahadlok.

Deuteronomy 22

Deuteronomy 22:1-2

Unsa man ang gisulti ni Moises sa katawhan sa Israel nga buhaton kung makakita sila ug usa ka hayop nga nahisalaag sa iyang isigka-Israelita?

Dili nila dad-on ang hayop sa ilang balay, apan ibalik kini sa ilang isigka-Israelita.

Deuteronomy 22:3-4

Unsa man ang gisulti ni Moises sa katawhan sa Israel nga buhaton kung aduna silay makita nga usa ka hayop sa ilang isigka-Israelita nga natumba sa dalan?

Kinahanglan tabangan nila ang ilang isigka-Israelita sa pagpatindog niini pag-usab.

Deuteronomy 22:5

Unsa man nga binuhatan ang nakita ni Yahweh nga dulumtanan?

Dumtan ni Yahweh ang babaye nga mosul-ob ug bisti sa lalaki o ang lalaki mosul-ob ug bisti sa babaye.

Deuteronomy 22:6-7

Unsa man ang kinahanglan buhaton sa katawhan sa Israel kung makita nila ang inahan sa langgam nga anaa sa salag uban ang iyang pispis o gilumloman ang iyang mga itlog?

Kinahanglan buhian nila ang inahan, apan mahimo nilang dad-on ang pispis alang sa ilang kaugalingon.

Deuteronomy 22:8

Unsa man ang gikinahanglan sa dihang ang usa ka Israelita maghimo ug balay?

Kinahanglan butangan niya ug barindilya ang atop niini aron dili siya magdala sa dugo sa imong balay kung adunay mahulog.

Deuteronomy 22:9-17

Nganong gidid-an man ang mga Israelita nga motanom ug duha ka matang sa mga binhi sa ilang kaparasan?

Dili gayod mahimong motanom ang mga Israelita ug duha ka matang sa mga binhi aron ang tanang ani dili sakmiton pinaagi sa balaang dapit.

Deuteronomy 22:18-19

Unsa man ang mahitabo kung ang usa ka tawo magbutangbutang batok sa iyang asawa?

Ang mga kadagkoan sa siyudad magasilot kaniya pinaagi sa pagpabayad kaniya ug 100 ka shekels nga plata ug ihatag kini ngadto sa amahan sa asawa ug dili niya siya mahimong palakwon.

Deuteronomy 22:20-21

Unsa man ang mahitabo kung wala makaplagi ang pagkaulay sa iyang asawa?

Kung walay ikapamatuod nga ulay pa siya, unya pagawason siya ug batoon hangtod mamatay tungod kay nakabuhat siya ug makauulaw.

Deuteronomy 22:22

Unsa man ang mahitabo kung ang usa ka tawo nasayran nga nakigdulog siya sa usa ka babaye nga minyo na sa laing lalaki?

Kinahanglan batoon silang duha hangtod mamatay aron wagtangon ang daotan.

Deuteronomy 22:23-24

Nganong gisugo man ang mga tawo sa Israel nga batoon hangtod mamatay ang kaslonon nga babayeng ulay kung makaplagan nga nakigdulog sa laing lalaki?

Gisugo sila nga batoon silang duha tungod kay wala nagpakitabang ang babaye bisan anaa siya sa siyudad ug gipakulawan man sa lalaki ang asawa sa iyang isigka-Israelita.

Deuteronomy 22:25-27

Unsa man ang mahitabo kung lugoson sa lalaki ang babaye sa dihang anaa sila sa hilit nga uma?

Kung mahitabo kini sa hilit nga uma, nan patyon ang lalaki, apan walay buhaton sa babaye tungod kay nakaplagan nga anaa siya sa hilit nga uma ug didto walay makaluwas kaniya.

Deuteronomy 22:28-29

Unsa man mahitabo kung ang lalaki makigdulog sa babayeng ulay, apan masayran nga dili pa diay sila minyo?

Unya kinahanglan mohatag ang lalaki ug 50 ka salapi nga plata ngadto sa amahan sa babaye ug pangasaw-on niya ang babaye kay sa palakwon siya palayo.

Deuteronomy 22:30

Nganong dili mahimong kuhaon sa tawo ang asawa sa iyang amahan?

Dili gayod mahimong kuhaon sa usa ka tawo ang asawa sa iyang amahan tungod kay kuhaon niya ang katungod sa kamiyoon sa iyang amahan.

Deuteronomy 23

Deuteronomy 23:1-2

Kinsa man ang dili makasulod sa panagtigom ni Yahweh?

Bisan kinsa nga kinapon o giputol ang iyang kinatawo, o ang anak sa gawas, nga makaapil ingon nga usa sa katawhan ni Yahweh.

Deuteronomy 23:3-4

Nganong dili man makaapil ang usa ka Amonihanon o Moabinhon sa panagtigom ni Yahweh?

Makasulod sila sa panagtigom tungod kay wala nila hatagig pan ug tubig ang mga Israelita sa dalan sa dihang nangadto sila sa Ehipto ug gisuholan nila si Balaam aron sa pagtunglo kanila.

Deuteronomy 23:5-6

Unsa man ang pamatuod nga gipakita nga wala gipatalinghogan ni Yahweh si Balaam?

Gihimo ni Yahweh nga panalangin alang sa Israel ang tunglo ni Balaam.

Deuteronomy 23:7-8

Nganong gitugotan man ang Edumihanon ug Ehiptohano nga makasulod sa panagtigom ni Yahweh?

Gitugotan nga makasulod ang usa ka Edomihanon sa panagtigom tungod kay usa siya ka Israelita ug gitugotan nga makasulod ang usa ka Ehiptohanon sa panagtigom sa Israel tungod kay usa ka langyaw sa iyang yuta.

Deuteronomy 23:9-11

Unsa man ang gibuhat sa usa ka tawo sa Israelita nga kasundalohan nga nahimong hugaw sa nahitabo kaniya sa kagabhion nahinloan siya pag-usab busa mahimo na siyang makasulod sa kampo?

Kinahanglan maligo siya panahon sa kagabhion ug unya tugotan na siya nga makasulod sa kampo.

Deuteronomy 23:12-14

Nganong gitudloan man ni Yahweh ang katawhan sa Israel mahitungod kung asa ug unsaon paghupay sa ilang kaugalingon?

Naglakaw si Yahweh taliwala sa ilang kampo, busa kinahanglan mahimong balaan ang kampo aron walay makita si Yahweh nga bisan unsang hugaw nga butang ug makapahilayo gikan kanila.

Deuteronomy 23:15-16

Unsa man ang mga pagpanudlo nga gihatag ni Yahweh mahitungod sa mga ulipon?

Dili ibalik ang usa ka ulipon nga milayas gikan sa iyang agalon, apan pasagdi siya nga magpuyo uban kanimo bisan asang lungsod nga ilang pilion.

Deuteronomy 23:17-18

Nganong wala man gitugotan ni Yahweh ang bisan kinsang mabigaon o ang taga-sodoma taliwala sa mga Israelita ni pagtugot sa ilang mga suhol ingon nga bayad sa panaad sa iyang pinuy-anan?

Dumtan ni Yahweh ang bisan unsang daotang buhat sa mga mabigaon o sodomihanon.

Deuteronomy 23:19-20

Unsa man ang pamaagi sa pagpautang ug salapi sa mga langyaw kay sa mga isigka-Israelita?

Dili gayod nila patuboan ang utang sa ilang isigka-Israelita, apan mahimo silang magpatubo sa mga langyaw.

Deuteronomy 23:21-23

Unsa kini ka mahinungdanon sa Israelita sa pagtuman sa iyang gipanumpa kang Yahweh?

Dili maglangan ang usa ka Israelita sa pagtuman sa iyang gipanaad kang Yahweh, apan paminawon pa gayod niya kung unsa ang iyang gipanaad aron dili siya makasala kang Yahweh.

Deuteronomy 23:24-25

Unsa man ka manggihatagon ang mga panudlo gikan kang Yahweh mahitungod kung unsa ang makaon sa mga Israelita gikan sa kaparasan ug sa kaumahan sa ilang isigka-tawo?

Makakaon sila sa ubas sa kaparasan sa ilang silingan apan dili nila mahimong butangan ang ilang panudlanan ug makakutlo sila ug trigo gikan sa uma sa ilang silingan apan dili nila kini garabon.

Deuteronomy 27

Deuteronomy 27:1-5

Unsa man ang gisugo ni Moises ug sa mga kadagkoan sa Israel nga bantayan sa katawhan sa Israel?

Gisulti ni Moises ug sa mga kadagkoan sa Israel ang katawhan sa pagbantay sa mga sugo nga gisugo ni Moises kanila nianang adlawa.

Deuteronomy 27:6-8

Unsa man ang isulat sa katawhan sa Israel ibabaw sa mga bato nga ilang gibulitan ug apog?

Isulat nila sa mga bato ang tanang pulong sa balaod nga klaro gayod.

Deuteronomy 27:9-10

Nganong mahinungdanon man alang sa katawhan sa Israel nga makadungog sa tingog ni Yahweh ug motuman sa iyang mga sugo nianang adlawa?

Mahinungdanon kini tungod kay nianang adlawa nahimo silang katawhan ni Yahweh.

Deuteronomy 27:11-12

Nganong ang unom ka tribo sa Israel gisugo man nga motindog ibabaw sa Bukid sa Gerizim?

Gisultihan ni Moises ang katawhan sa unom ka tribo sa Israel nga kinahanglan sila motindog sa Bukid sa Gerizim aron sa pagpanalangin sa katawhan.

Deuteronomy 27:13-14

Nganong ang unom ka tribo sa Israel gisugo man nga motindog ibabaw sa Bukid sa Ebal?

Ang unom ka tribo sa Israel gisugo nga motindog sa Bukid sa Ebal aron sa pagsulti sa mga panunglo.

Deuteronomy 27:15-19

Unsa man ang usa ka butang nga dulomtanan kang Yahweh?

Ang usa ka butang nga dulomtanan kang yahweh mao ang pagkulit o pagtunaw sa mga larawan pinaagi sa antigong magbubuhat nga motago niini.

Deuteronomy 27:20-23

Nganong tinunglo man ang lalaki nga makigdulog sa asawa sa iyang amahan?

Tinunglo ang usa ka lalaki kung makigdulog siya sa asawa sa iyang amahan, tungod kay gikuhaan niya sa katungod ang iyang amahan.

Deuteronomy 27:24-25

Unsa man ang gisulti sa mga Levita nga mahitabo sa tawo nga mopatay sa iyang isigkatawo sa tao o modawat ug suhol aron sa pagpatay sa tawong walay sala?

Kanang tawhana matinunglo.

Deuteronomy 27:26

Nganong nagsulti man ang mga Levita sa tawo nga kinahanglan mouyon sa mga pulong niini nga balaod pinaagi sa pagtuman kanila?

ang tawo kinahanglan motuman sa mga pulong niini nga balaod aron dili siya matinunglo.

Deuteronomy 28

Deuteronomy 28:1-6

Unsa man ang buhaton sa katawhan sa Israel aron mapanalanginan ni Yahweh ug molabaw sa tanang kanasoran sa kalibotan?

Ang katawhan sa Israel kinahanglan maminaw pag-ayo sa tingog ni Yahweh ug mobantay sa tanan niyang mga sugo.

Deuteronomy 28:7-8

Unsa man ang buhaton ni Yahweh sa katawhan sa Israel kung motuman sila sa iyang mga sugo?

Ipalaglag ni Yahweh ang ilang mga kaaway diha sa imong atubangan.

Deuteronomy 28:9-10

Unsa man ang buhaton ni Yahweh sa katawhan sa Israel kung motuman sila sa iyang mga sugo?

Tukoron niya sila ingon nga balaang katawhan alang sa iyang kaugalingon.

Deuteronomy 28:11-14

Unsa man ang ablihan ni Yahweh alang sa katawhan sa Israel kung motuman sila sa iyang mga sugo?

Ablihan ni Yahweh alang kanila ang kaban sa kalangitan aron paulanan ang ilang kayutaan sa tukmang panahon, ug panalanginan niya ang tanang buhat sa ilang mga kamot.

Deuteronomy 28:15-22

Unsa man ang mahitabo sa katawhan sa Israel kung dili sila magpatalinghog sa tingog ni Yahweh ug dili magbantay sa iyang mga sugo?

Ang tanang mga panunglo moabot ug modangat kanila.

Deuteronomy 28:23-24

Unsa man ang mahitabo sa kawanangan ug yuta sa mga Israelita kung dili sila motuman sa mga sugo?

Mahimong bronze ang kawanangan ug mahimong puthaw ang yuta.

Deuteronomy 28:25-29

Unsa man ang mahitabo sa Israel kung makiggubat sila sa ilang mga kaaway kung mosupak sila sa mga sugo?

Pagatugotan ni Yahweh nga malaglag ka atubangan sa imong mga kaaway ug mokalagiw ka agi sa pito ka dalan sa ilang atubangan.

Deuteronomy 28:30-31

Unsa man ang mahitabo sa mga Israelita nga kaslonon sa usa ka dalaga, o magtukod ug balay o magtanon ug kaparasan?

Dili siya makadulog sa dalaga, o makapuyo sa balay, o matagbaw sa ubas sa ilang kaparasan.

Deuteronomy 28:32-37

Unsa man ang mahitabo sa mga anak nga lalaki ug mga babaye sa mga Israelita?

Itugyan ang ilang mga anak nga lalaki ug mga babaye sa ubang katawhan, ug mangita sila kanila apan dili makakaplag kanila.

Deuteronomy 28:38-41

Unsa man ang epekto sa mga abot sa ilang gitanom kung mosupak ang katawhan sa Israel?

Daghan ang ilang ipugas, ug mananom sa kaparasan, apan dili nila matagamtaman ang kalipay sa ilang paghago tungod kay ang mga ulod ug mga dulon ang mopuli niini.

Deuteronomy 28:42-44

Sa unsang paagi nga ang mga langaw mas molabaw pa kay sa katawhan sa Israel?

Magpahulam ang nga dumuduong kanila ug mahimong ulo apan ang katawhan sa Israel dili makapahulam kanila ug mahimo pa gayod nga ikog.

Deuteronomy 28:45-46

Unsa man ang mahitabo tungod sa dili pagpatalinghog sa katawhan sa Israel sa tingog ni Yahweh ug wala magbantay sa iyang mga sugo?

Mangabot kanila ang tanang mga tunglo ug mopahamtang kanila hangtod malaglag sila.

Deuteronomy 28:47-48

Nganong moalagad man ang katawhan sa Israel sa mga kaaway ni Yahweh?

Alagaran nila ang mga kaaaway ni Yahweh tungod kay wala man sila magsimba kang Yahweh uban ang pagmaya ug kalipay sa kasingkasing sa dihang anaa pa sila sa kaharuhay.

Deuteronomy 28:49-53

Unsa man ang gipanagna ni Moises mahitungod sa katawhan sa Israel?

Dad-on ni Yahweh ang usa ka nasod gikan sa halayo aron sa pagpakiggubat kanila nga walay pagtahod alang sa mga tigulang o mga batan-on, ilabina usab ang pag-ilog sa tanan nilang mga pagkaon ug mga baka.

Deuteronomy 28:54-55

Sa panahon sa paglikos sa siyudad, unsa man ang dili ihatag sa tawo nga malumo ug mahuyang diha kaninyo sa iyang igsoong lalaki ug sa iyang minahal nga asawa o sa mga nahibilin niya nga mga anak?

Dili niya hatagan sa bisan unsang unod sa iyang kaugalingong mga anak nga iyang kaonon.

Deuteronomy 28:56-57

Sa panahon sa paglikos sa siyudad unsa man ang buhaton sa babaye sa iyang bag-ong natawo nga anak ug sa mga bata nga iyang ipanganak?

Sa panahon sa paglikos sa siyudad, kaonon sa babaye ang iyang bag-ong natawo nga bta ug ang mga bata nga iya pang ipanganak.

Deuteronomy 28:58-59

Unsa man ang mahitabo kung dili pasidunggan sa katawhan sa Israel ang ngalan ni Yahweh pinaagi sa pagbantay sa iyang mga pulong diha sa basahon sa balaod?

Makatagamtam sila sa hilabihan ka makalilisang nga hampak ug hilabihan nga mga sakit.

Deuteronomy 28:60-64

Pila man ang mahibilin sa gamayng katawhan sa Israel ang mahibilin human sila silotan ni Yahweh?

Mogamay ang ilang gidaghanon ug magkatibulaag gikan sa usa ka bahin sa kalibotan ngadto sa laing bahin.

Deuteronomy 28:65-68

Makakita ba ug kapahulayan ang katawhan sa Israel kung magkatag sila sa mga kanasoran?

Dili makakaplag ug kaharuhay, ug walay kapahulayan sa ilang mga lapalapa.

Deuteronomy 29

Deuteronomy 29:1

Tali kang kinsa man gihimo ni Yahweh ang kasabotan?

Gihimo ni Yahweh ang kasabotan tali sa Israel didto sa yuta sa Moab.

Unsa man ang daan nga kasabotan nga gihimo ni Yahweh uban sa katawhan sa Israel?

Gihimo ni Yahweh ang daan nga kasabotan uban sa Israel sa Horeb.

Deuteronomy 29:2-4

Unsa man ang gipahinumdom ni Moises sa tanang katawhan sa Israel?

Gipahinumdoman ni Moises ang tanang katawhan sa Israel sa tanan nga gibuhat ni Yahweh nga ilang nakita ngadto sa kayutaan sa Ehipto ug ngadto kang Paraon, ug ngadto sa tanan niyang mga sulugoon, ug sa tanan niyang kayutaan.

Nganong miingon man si Moises nga kinahanglan hinumdoman sa katawhan sa Israel ang hilabihan nga pag-antos nga ilang nakita, ang mga timailhan ug kadtong mga kahibulongan?

Miingon si Moises nga hangtod karong adlawa wala gihapon sila gihatagan ni Yahweh sa kasingkasing nga masayod, mga mata nga makakita, o mga dalunggan nga makabati mahitungod niadtong mga butanga.

Deuteronomy 29:5-6

Nganong gigiyahan man ni Yahweh ang mga Israelita sulod sa 40 ka tuig sa kamingawan nga wala nangadaot ang ilang mga bisti ug mga sandalyas ug wala silay tinapay o bino o alkohol nga ilimnon?

Gihimo niya kadtong mga butanga aron unta nga masayran nila nga siya si Yahweh mao ang ilang Dios.

Deuteronomy 29:7-9

Unsa man ang kinahanglang buhaton sa katawhan sa Israel aron nga magmauswagon sa tanang butang?

Gikinahanglan nga tumanon nila ang pulong sa kasabotan ug buhaton kini aron nga magmauswagon sila sa tanang butang nga ilang pagabuhaton.

Deuteronomy 29:10-11

Asa man nagtindog ang tanang Israelita?

Ang tanang Israelita nagtindog sa atubangan ni Yahweh nga ilang Dios.

Deuteronomy 29:12-13

Nganong nagtindog man sa atubangan ni Yahweh ang mga Israelita?

Nagtindog sila sa atubangan ni Yahweh aron nga makasulod sila sa kasabotan ni Yahweh ug sa panumpa nga gihimo ni Yahweh uban kanila nianang adlawa.

Unsa man ang gusto buhaton ni Yahweh sa katawhan sa Israel pinaagi sa iyang kasabotan?

Gusto niya nga ang katawhan sa Israel mahimong iyang katawhan.

Deuteronomy 29:14-16

Unsa man nga mga katawhan ang giapil sa kasabotan ug panumpa nga gihimo ni Yahweh uban sa Israel nianang adlawa didto sa Moab?

Ang tanan nga nagtindog nianang adlawa sa Moab ug kadtong mga wala didto giapil sa kasabotan ug panumpa nga gihimo ni Yahweh uban sa Israel.

Mahitungod sa unsa man ang gipahinumdom pag-usab sa katawhan sa Israel?

Gipahinumdoman sila kung giunsa nila pagkinabuhi sa yuta sa Ehipto ug giunsa nila paglatas sa kanasoran nga ilang maagian.

Deuteronomy 29:17-19

Nganong gipahinumdoman man ang katawhan sa malaw-ay nga mga butang nga ilang nakita sa dihang mibiya sila sa Ehipto?

Gipahinumdoman sila sa mga malaw-ay nga butang nga ilang nakita aron nga wala nay usa kanila nga adunay kasingkasing nga mobiya gikan kang Yahweh, mosimba sa mga dios niadtong nasora ug aron nga walay usa kanila nga adunay gamot nga pait ug makahilo.

Unsa man ang dili isulti sa tawong nakadungog sa mga pulong sa tunglo sa iyang kasingkasing?

Ang tawo nga nakadungog sa mga pulong sa tunglo kinahanglan nga dili mosulti nga aduna siyay kalinaw bisan pa man kung maglakaw siya sa pagkamasupilon sa iyang kasingkasing.

Deuteronomy 29:20-21

Unsa man ang mahitabo sa tawo nga nagsulti nga aduna siyay kalinaw bisan pa kung maglakaw siya nga sa pagkamasupilon sa iyang kasingkasing.

Dili siya pasayloon ni Yahweh, ang kasuko ug pangabubho ni Yahweh mosilaob batok kaniya, ang tanang mga tunglo nga nahisulat sa libro moabot kaniya ug papason ni Yahweh ang iyang ngalan ilalom sa langit.

Deuteronomy 29:22-24

Unsa man ang pangutana sa kaliwatan nga moabot sa dihang makita nila ang mga sakit niining yutaa nga gihimo ni Yahweh?

Mangutana sila kang Yahweh nganong gihimo kini niining yutaa ug unsa ang ipasabot niining kainit sa hilabihan nga kasuko.

Deuteronomy 29:25-26

Unsaon man pagtubag sa katawhan sa dihang mangutana ang kaliwatan nga moabot kung nganong gibuhat man kini ni Yahweh niining yutaa?

Ang katawhan motubag nga tungod kay gisalikway man nila ang kasabotan ni Yahweh ug tungod kay miadto man sila ug misimba sa laing mga dios ug miyukbo ngadto kanila, mga dios nga wala nila mailhi ug wala gihatag ngadto kanila.

Deuteronomy 29:27-28

Unsa man ang isulti sa katawhan nga misilaob batok niining yutaa?

Ang katawhan moingon nga misilaob ang kasuko ni Yahweh batok niining yutaa.

Unsa man ang isulti sa katawhan nga pagabuhaton ni Yahweh niadtong iyang giibot gikan sa ilang kayutaan tungod sa kasuko?

Ang mga tawo moingon nga sa kasuko ni Yahweh, ang iyang kaligutgot ug kasuko ang hinungdan nga gilabay sila sa ubang yuta.

Deuteronomy 29:29

Alang kang kinsa man ang mga gitago nga mga butang?

Ang mga gitago nga mga butang alang lamang kang Yahweh.

Alang kang kinsa man ang mga butang nga nadayag?

Ang mga butang nga gidayag alang sa katawhan sa Israel hangtod sa kahangtoran ug sa ilang kaliwatan aron nga mahimo nila ang tanang pulong sa balaod.

Deuteronomy 30

Deuteronomy 30:1-3

Unsa man ang buhaton sa katawhan sa Israel aron nga balihon ni Yahweh ang ilang pagkabihag ug maluoy kanila ug ibalik ug tigumon sila gikan sa tanang katawhan nga kung diin gipatibulaag sila ni Yahweh?

Kinahanglan nga mobalik sila kang Yahweh ug motuman sa iyang tingog, mosunod sa tanan niyang mga gisugo kanila sa tibuok nilang kasingkasing ug sa tibuok nilang kalag.

Deuteronomy 30:4-5

Asa man tigumon ni Yahweh ang gipalayas nga katawhan?

Tigumon ni Yahweh ang katawhan nga gipalayas gikan sa halayong dapit ilalom sa kalangitan.

Asa man nga dapit dad-on ni Yahweh ang gipalayas nga mga Israelita?

Pagadad-on sila ni Yahweh ngadto sa yuta nga gipanag-iyahan sa ilang mga katigulangan.

Deuteronomy 30:6-8

Nganong hinloan man ni Yahweh ang mga kasingkasing sa mga Israelita ug sa ilang mga kaanakan?

Pagahinloan ni Yahweh ang ilang mga kasingkasing aron nga ilang higugmaon si Yahweh nga ilang Dios sa tibuok nilang kasingkasing ug uban sa tibuok nilang kalag ug aron nga mabuhi sila.

Asa man ipahamtang ni Yahweh ang mga tunglo nga anaa sa katawhan sa Israel?

Ipahamtang ni Yahweh ang mga tunglo ngadto sa ilang mga kaaway ug ngadto sa nagdumot sa katawhan sa Israel ug nagpaantos kanila.

Unsa man ang mahitabo kung ang katawhan sa Israel mobalik kang Yahweh?

Pagatumanon nila ang tingog ni Yahweh ug pagabuhaton ang tanan niyang kasugoan nga gisugo ni Moises kanila.

Deuteronomy 30:9-10

Unsa man ang pagabuhaton ni Yahweh sa dihang himuon niya ang katawhan sa Israel nga magmalamboon sa tanang buhat sa ilang kamot, sa bunga sa ilang lawas, bunga sa ilang bakahan ug bunga sa ilang yuta, alang sa kauswagan?

Magmaya ni Yahweh uban sa katawhan sa Israel sama nga nagmaya siya sa ilang mga katigulangan.

Unsa man ang kinahanglan nga buhaton sa katawhan sa Israel aron nga magmaya si Yahweh uban kanila?

Ang katawhan sa Israel kinahanglan nga motuman sa tingog ni Yahweh nga ilang Dios, tipigan ang iyang mga sugo ug mga pamalaod nga nahisulat sa basahon sa balaod ug mobalik kang Yahweh sa tibuok nilang kasingkasing ug kalag.

Deuteronomy 30:11-12

Unsa man ang gisulti ni Moises nga dili lisod alang sa katawhan o dili layo alang kanila aron sa pagkab-ot?

Misulti si Moises nga ang kasugoan nga iyang gisugo sa mga katawhan sa Israel dili lisud alang kanila o halayo kanila aron kab-uton.

Deuteronomy 30:13-14

Asa man nabutang ang pulong?

Ang pulong haduol ra kaayo kaninyo, sa imong baba ug sa imong kasingkasing, aron nga buhaton kini.

Deuteronomy 30:15-16

Unsa man ang gibutang ni Moises ngadto sa katawhan sa Israel?

Nagbutang si Moises ug kinabuhi ug kaayohan, kamatayon ug daotan ngadto sa katawhan sa Israel.

Unsa man ang mahitabo kung ang katawhan sa Israel motuman sa kasugoan ni Yahweh nga ilang Dios nga gisugo ni Moises?

Mabuhi sila ug managhan ug panalangina ni Yahweh ang ilang kinabuhi kung asa man sila moadto

Deuteronomy 30:17-18

Unsa man ang mahitabo sa katawhan sa Israel kung ang ilang kasingkasing mobiya ug dili maminaw, apan hinuon magayukbo ngadto sa laing mga dios ug mosiba kanila?

Mangahanaw gayod sila ug dili na motaas pa ang mga adlaw sa ilang kinabuhi.

Deuteronomy 30:19-20

Unsa man ang gihangyo ni Moises nga pilion sa katawhan sa Israel samtang tawgon niya ang langit ug ang kalibotan aron nga mahimong saksi?

Naghangyo si Moises sa katawhan nga pilion ang kinabuhi aron nga sila ug ang ilang mga kaanakan mabuhi.

Nganong pilion man sa katawhan ang kinabuhi?

Pilion nila ang kinabuhi ingon nga naghigugma kang Yahweh nga ilang Dios, motuman sa iyang tingog ug mokupot kaniya tungod kay siya ang ilang kinabuhi ug ang kataas sa ilang mga adlaw.

Deuteronomy 31

Deuteronomy 31:1-3

Unsa man ang gisulti ni Moises sa tanang katawhan sa Israel mahitungod sa nagkataas na niyang pangidaron?

Miingon siya kanila nga 120 na ang iyang pangidaron ug dili na siya makalakaw-lakaw pa.

Unsa man ang gisulti ni Yahweh kang Moises mahitungod sa pagtabok sa Jordan?

Miingon siya kang Moises nga dili na si Moises motabok sa Jordan apan mag-una ang Dios kang Moises didto ngadto sa Jordan ug laglagon ang kanasoran sa atubangan sa Israel

Kinsa man ang gisulti ni Yahweh nga motabok hinuon sa Jordan puli kang Moises?

Miingon si Moises nga si Josue ang mouban sa Israel sa pagtabok sa Jordan.

Deuteronomy 31:4-6

Unsa man ang gibuhat ni Yahweh ngadto kang Sihon ug ngadto kang Og, ang mga hari sa mga Amorihanon?

Gilaglag sila ni Yahweh ug ang ilang kayutaan.

Unsa man ang gisulti ni Yahweh nga iyang pagabuhaton sa Israel sa dihang ilang mahimamat ang kanasoran sa pagpakiggubat?

Miingon si Yahweh nga hatagan niya ug kadaugan ang Israel batok kanila sa dihang mahimamat sila sa Israel sa pagpakiggubat.

Unsa nga mga pahimangno ang gihatag ni Moises sa mga Israelita?

Miingon si Moises nga magmalig-on sila, magmaisugon, dili mahadlok ug mabalaka sa kanasoran tungod kay si Yahweh magauban kanila ug dili mopakyas o mosalikway kanila.

Deuteronomy 31:7-8

Unsa man ang gisulti ni Moises kang Josue sa atubangan sa tanang katawhan sa Israel?

Miingon si Moises kang Josue nga magmalig-on ug magmaisugon kay si Josue mouban sa katawhan sa Israel ngadto sa yuta nga gisaad ni Yahweh nga ihatag sa ilang mga katigulangan ug himuon ni Yahweh nga mapanunod nila ang kayutaan.

Deuteronomy 31:9-11

Asa man gihatag ni Moises ang balaod human niya kini isulat?

Gihatag ni Moises ang balaod ngadto sa mga pari, ang mga anak nga lalaki ni Levi, nga nagdala sa sudlanan sa kasabotan ug gihatag niya ang kopya niini ngadto sa tanang kadagkoan sa Israel.

Sa makapila ka higayon basahon sa mga pari ang balaod nga gihatag ni Moses kanila?

Gisugo ni Moises ang mga pari nga basahon ang balaod sa kada kataposan sa pito ka tuig, sa Kapistahan sa mga Kabalayan, sa igdulungog sa tanang katawhan sa Israel.

Deuteronomy 31:12-13

Nganong miingon man si Moises ngadto sa mga pari nga tigumon ang mga lalaki, mga babaye, mga gagmay nga bata ug ang mga langyaw.

Miingon si Moises sa mga pari nga tigomon ang tanang katawhan aron ilang madungog ug makat-onan, ug motahod kang Yahweh nga ilang Dios ug aron nga ang ilang mga kaanakan makadungog ug makakat-on sa pagtahod kang Yahweh.

Hangtod kanus-a basahon sa mga pari ang balaod ngadto sa katawhan sa Israel?

Basahon sa mga pari ang balaod ngadto sa katawhan hangtod nga buhi pa sila sa yuta nga ilang pagaadtoan ug panag-iyahan tabok sa Jordan.

Deuteronomy 31:14-15

Nganong miingon man si Yahweh kang Moises nga tawgon si Josue ug magpakita sila didto sa tolda sa panagtigom?

Miingon si Yahweh kang Moises nga tawgon si Josue ug paadtoon sa tolda sa panagtigom tungod kay ang adlaw taliabot na nga mamatay si Moises.

Unsa ang nahitabo sa dihang si Moises ug si Josue nagpakita didto sa tolda sa panagtigom?

Sa dihang nagpakita si Moises ug Josue didto sa tolda sa panagtigom, mitungha si Yahweh didto sa tolda ingon nga haligi nga panganod nga nagtindog sa pultahan.

Deuteronomy 31:16

Unsa man ang giingon ni Yahweh nga pagabuhaton sa katawhan sa dihang molakaw na si Moises aron matulog uban sa iyang mga katigulangan.

Miingon si Yahweh kang Moises nga ang katawhan motindog, mamuhat sama sa babaying bigaon nga mosunod sa mga langyaw nga dios sa kayutaan ug pagahikalimtan nila si Yahweh ug pakyason ang kasabotan ni Yahweh nga gibuhat tali kanila.

Deuteronomy 31:17-18

Unsa man ang giingon ni Yahweh nga iyang pagahimuon sa dihang ang katawhan makalimot sa kasabotan ni Yahweh?

Miingon si Yahweh kang Moises nga nianang samang adlawa ang katawhan mosalikway sa kasabotan, ang iyang kasuko mosilaob batok kanila, isalikway niya sila ug itago niya ang iyang panagway gikan kanila.

Unsa man ang gisulti ni Yahweh kang Moises nga mahitabo ngadto sa katawan sa dihang itago ni Yahweh gikan kanila ang iyang panagway?

Miingon si Yahweh kang Moises nga daghang mga katalagman ug kalisdanan ang makakaplag sa katawhan ug itago niya ang iyang panagway gikan kanila tungod kay milingi sila sa laing mga dios.

Deuteronomy 31:19-20

Nganong miingon man si Yahweh kang Moises nga mosulat og awit ug itudlo kini sa katawhan sa Israel ug ipaawit kini kanila?

Miingon si Yahweh kang Moises nga mosulat og awit ug itudlo kini sa katawhan aron ang awit mahimong pamatuod alang kang Yahweh batok sa katawhan sa Israel.

Unsa man ang gisulti ni Yahweh kang Moises nga pagabuhaton sa katawhan sa dihang anaa na sila sa yuta nga gisaad ni Yahweh nga ihatag sa ilang mga katigulangan?

Miingon si Yahweh kang Moises nga ang katawhan sa Israel molingi sa laing dios, mosimba kanila, tamayon si Yahweh ug pakyason ang iyang kasabotan.

Deuteronomy 31:21

Unsa man ang gisulti ni Yahweh kang Moises nga pagahimuon sa awit sa dihang daghang daotan ug kalisdanan ang makakaplag sa katawhan sa Israel?

Miingon si Yahweh kang Moises nga ang awit magpamatuod sa katawhan sa Israel ingon nga saksi ug dili kini mahikalimtan sa mga baba sa ilang mga kaanakan.

Unsa man ang nasayran ni Yahweh mahitungod sa katawhan sa wala pa sila madala ngadto sa yuta nga iyang gisaad?

Miingon si Yahweh nga nasayran na niya ang mga plano nga ilang gimugna karong adlawa..

Deuteronomy 31:22-23

Unsa kadugay naghulat si Moises sa wala pa niya gisulat ang awit nga gisulti ni Yahweh nga iyang pagasulaton?

Gisulat ni Moises ang awit nianang samang adlawa sigon sa gisugo kaniya ni Yahweh nga iyang pagasulaton kini ug unya itudlo kini ngadto sa katawhan sa Israel nianang samang adlawa.

Unsa nga sugo ag gihatag ni Yahweh kang Josue, ang anak nga lalaki ni Nun?

Gisugo ni Yahweh si Josue nga magpakalig-on ug magmaisugon.

Nganong gisugo man ni Yahweh si Josue nga magpakalig-on ug magmaisugon?

Miingon si Yahweh kang Josue nga magpakalig-on ug magmaisugon tungod kay si Josue ang mouban sa katawhan sa Israel paingon sa yuta nga gisaad ni Yahweh ngadto kanila ug miingon si Yahweh kang Josue nga maga-uban siya kang Josue.

Deuteronomy 31:24-26

Asa man gihatag ni Moises ang mga pulong sa balaod nga anaa sa basahon sa dihang nahuman na siya sa pagsulat?

Gihatag ni Moises ang mga pulong sa balaod ngadto sa mga Lebitihanon nga nagdala sa sudlanan sa kasabotan ni Yahweh.

Unsa man ang gisulti ni Moises sa mga Lebitihanon nga ilang pagahimuon sa basahon sa balaod sa dihang nahuman na siya sa pagsulat niini?

Miingon si Moises sa mga Lebitihanon nga kuhaon ang basahon sa balaod ug ibutang kini sa kilid sa sudlanan sa kasabotan ni Yahweh nga ilang Dios aron maanaa kini didto ingon nga pamatuod batok kanila.

Deuteronomy 31:27-29

Unsa man ang gisulti ni Moises sa mga Lebitihanon nga iyang nasayran mahitungod kanila bisan paman karong adlawa, samtang buhi pa siya?

Miingon si Moises sa mga Lebitihanon nga nasayod siya mahitungod sa ilang pagsupak ug unsa sila ka masinupakon batok kang Yahweh.

Nganong miingon man si Moises ngadto sa mga Lebitihanon nga tigumon sa iyang atubangan ang mga kadagkoan sa ilang mga tribo ug ang ilang mga opisyales?

Miingon si Moises sa mga Lebitahon nga tigomon ang mga kadagkoan ug opisyalis aron makasulti siya sa iyang mga pulong ngadto kanila ug tawgon ang langit ug ang yuta aron magpamatuod batok kanila.

Unsa ang gisulti ni Moises nga iya nang nasayran nga mahitabo human siya mamatay?

Miingon si Moises nga human siya mamatay ang mga katawhan magsulti sa mga paglimbong ug mobiya sa dalan nga gisugo ni Moises ngadto kanila.

Unsa man ang gisulti ni Moises nga mahitabo sa dihang ang katawhan mobiya sa dalan nga gisugo ni Moises kanila?

Miingon si Moises nga ang katalagman moabot sa katawhan sa umalabot nga mga adlaw human nga mibiya sila sa dalan nga gisugo kanila ni Moises.

Nganong miingon man si Moises nga ang katalagman moabot sa katawhan?

Miingon si Moises nga moabot ang katalagman tungod kay buhaton nila ang daotan sa panan-aw ni Yahweh, ingon nga pasuk-on siya pinaagi sa buhat sa ilang mga kamot.

Deuteronomy 31:30

Unsa man ang giawit ni Moises sa igdulungog sa tanan nga nagkatigom sa Israel?

Giawit ni Moises ang tanang pulong sa awit nga iyang gisulat.

Deuteronomy 32

Deuteronomy 32:1-2

Unsa man ang gihangyo ni Moises nga buhaton sa kalangitan ug sa kalibotan?

Gihangyo ni Moises ang kalangitan nga maminaw ug tugotan siya sa pagsulti ug naghangyo siya sa kalibotan nga maninaw sa mga pulong nga iyang gisulti.

Asa man gitandi ni Moises ang iyang pagpanudlo ug ang iyang mga pagsulti?

Gitandi ni Moises ang iyang pagpanudlo sa ulan ug ang iyang pagpanulti sa yamog.

Deuteronomy 32:3-4

Kang kinsa man nga ngalan ang gimantala ug gipabantog ni Moises ang pagkagamhanan?

Gimantala ni Moises ang ngalan ni Yahweh ug gidayeg ang pagkagamhanan sa Dios.

Kang kinsa man ang hingpit nga mga buhat ug matarong nga mga dalan?

Hingpit ang buhat sa Bato ug ang iyang mga dalan matarong.

Kinsa man ang walay kasaypanan ug makiangayon ug matarong?

Ang Dios matinumanon, walay kalapasan, makiangayon ug matarong.

Deuteronomy 32:5-6

Unsa man ang tawag ni Moises sa katawhan nga nagabuhat ug daotan batok kang Yahweh?

Gitawag sila ni Moises nga usa ka daotan ug mga hiwi nga kaliwatan ug buangbuang ug walay pagbati nga katawhan.

Kinsa man ang gipasabot ni Moises sa iyang pagsulti nga nagbuhat ug nagtukod sa katawhang Israel?

Nagsulti si Moises nga gibuhat ug gitugod ni Yahweh ang katawhan sa Israel .

Deuteronomy 32:7-8

Unsa man ang gisulti ni Moises nga ipahinumdom sa mga amahan ug mga katigulangan sa mga Israelita?

Gisulti ni Moises nga ang mga amahan ug mga katigulangan makahimo sa pagpahinumdom sa mga Israelita mahitungod sa mga karaang mga panahon ug sa daghang mga katuigan kaniadto nga nanglabay.

Unsa man ang gisulti ni Moises nga isulti sa mga amahan ug sa mga kadagkoan nga makahimo sa pagsulti sa katawhan mahitungod sa paghatag sa Mas Labing Halangdon sa kanasoran nga ilang panulondon?

Nag-ingon si Moises nga ang Mas Labing Halangdon nagbahin sa tanang katawhan, ug nagbutang ug utlanan sa mga tawo sumala sa kadaghanon sa mga anak nga lalaki sa Israel.

Deuteronomy 32:9-10

Unsa man ang bahin ni Yahweh ug kinsa man ang gilain nga panlundon?

Ang bahin ni Yahweh ug ang iyang gilain nga panulundon mao ang iyang katawhan ug si Jacob.

Asa man nakaplagan ni Yahweh si Jacob (ang iyang katawhan)?

Nakaplagan ni Yahweh si Jacob (ang iyang katawhan) sa yutang disyerto.

Unsa man ang gibuhat ni Yahweh alang sa iyang katawhan?

Gipanalipdan sila ni Yahweh, giampingan ug gibantayan sila ingon nga mahinungdanon kaniya.

Deuteronomy 32:11-14

Sa unsang paagi gitandi ni Moises ang pag-atiman ni Yahweh sa iyang katawhan?

Gikumpara ni Moises ang pamaagi sa pag-atiman ni Yahweh sa iyang katawhan ngadto sa usa ka agila nga nagbantay sa iyang salag ug nagalupadlupad siya ibabaw sa iyang mga piso.

Kinsa lamang ang naggiya sa katawhan sa Israel?

Si Yahweh lamang ang naggiya sa katawhan sa Israel.

Deuteronomy 32:15-16

Unsa man ang nahitabo sa dihang nitambok si Jesurun (Israel)?

Sa dihang mitambok si Jesurun (Israel) ug natagbaw, mibiya ug misalikway sila kang Yahweh ug gipasilos siya pinaagi sa ilang mga langyaw nga mga dios ug sa gipasuko siya uban ang ilang mga makapungot nga mga rebulto.

Deuteronomy 32:17-18

Kinsa man ang gikalimtan sa katawhan sa Dios sa dihang nagpadayon sila sa pagsupak?

Gikalimtan nila ang Dios nga nagpakatawo kanila.

Deuteronomy 32:19-20

Unsa ang gibuhat ni Yahweh tungod sa pagpasuko sa iyang katawhan kaniya?

Gisalikway ni Yahweh ang iyang katawhan tungod kay gipasuko nila siya.

Deuteronomy 32:21-22

Kinsa man ang gamiton ni Yahweh aron masina ug masuko ang Israel?

Pasinahon sila ni Yahweh pinaagi sa katawhan nga mga dili iya, ug himuon sila nga masuko pinaagi sa nasod nga walay pagsabot.

Deuteronomy 32:23-26

Unsa man ang patungpatongon ni Yahweh alang sa Israel?

Nag-ingon si Yahweh nga iyang patungpatongon ang katalagman kanila.

Deuteronomy 32:27

Unsa man ang makapugong kang Yahweh sa pagbuhat sa tanan niyang bahad ngadto sa iyang katawhan?

Ang makapugong kang Yahweh gikan sa pagbuhat sa tanan niyang gibahad ngadto sa iyang katawhan tungod kay ang ilang mga kaaway masayop sa paghukom ug moingon, "Dalaygon ang among kamot."

Deuteronomy 32:28-29

Unsa man ang kulang sa Israel ingon nga nasod?

Nakulangan ang Israel sa kaalam ug walay silay pagsabot.

Unsa man ang gusto ni Moises nga hunahunaon sa mga Israel?

Gusto ni Moises nga hunahunaon sa Israel ang ilang umaabot nga kaugmaon.

Deuteronomy 32:30-32

Sa unsaon paagi nga mapildi man sa mga Israel ang ilang mga kaaway ug magmadaugon batok sa ilang mga kaaway?

Magmadaugon ang Israel tungod kay si Yahweh ang naghatag kanila ug kadaugan ug ang bato sa ilang mga kaaway dili sama Bato sa mga Israelita.

Deuteronomy 32:33-34

Asa man naggikan ang paras sa kaaway ug giunsa man paghulagway ang mga ubas?

Ang ilang paras gikan sa Sodoma ug Gomorra ug ang ilang mga ubas makahilo ug pait.

Giunsa man paghulagway ang bino nga gikan sa mga ubas sa Sodoma ug Gomorra?

Gihulagway ang bino ingon nga usa ka hilo nga gikan sa bitin ug usa ka lala sa bitin.

Giunsa man pagtipig ni Yahweh ang iyang gilaraw?

Tipigan ni Yahweh ang plano pinaagi kaniya ug sa pagkandado niini uban sa iyang mga bahandi.

Deuteronomy 32:35

Kang kinsa man ang pagpanimalos ug mobalos?

Si Yahweh lamang ang manimalos ug ang mobalos.

Kanus-a man mahitabo sa mga katalagman ug ang mga umaabot nga mga butang?

Ang katalagman haduol lamang ug mahitabo ang mga butang nga umaabot sa dili madugay.

Deuteronomy 32:36

Kinsa man ang maghukom alang sa iyang katawhan ug maluoy sa iyang mga sulugoon.

Si Yahweh ang magahukom sa iyang katawhan ug kaloy-an niya ang iyang mga sulugoon.

Deuteronomy 32:37-38

Kinsa man ang dili makahatag ug tabang ug makapanalipod alang sa katawhan sa Israel?

Ang pagpanalipod ug ang pagtabang wala nagagikan sa mga dios, ang bato kung diin sila midangop ug nagkaon sa ilang mga halad ug nag-inom sa ilang mga halad ilimnon.

Deuteronomy 32:39-40

Kinsa man ang gisulti sa Dios nga usa ka dios gawas kaniya ug unsa man ang gisulti sa Dios nga iyang mahimo?

Gisulti sa Dios nga walay laing dios gawas kaniya ug siya lamang ang makapatay ug makabuhi, makasamad ug makaayo.

Unsa man ang gibuhat sa Dios, nga siya lamang ang Dios nga nagsaad sa dihang gipataas niya ang iyang kamot ngadto sa langit?

Samtang gipataas niya ang iyang kamot ngadto sa langit gisaad niya nga samtang magkinabuhi siya sa walay kinutoban, iya kining buhaton.

Deuteronomy 32:41

Kang kinsa man dad-on sa Dios ang katarong ug ang paghatag panimalos?

Dad-on sa Dios ang katarong ug pagpanimalos ngadto sa iyang mga kaaway ug niadtong nga nagdumot kaniya.

Deuteronomy 32:42

Kang kinsa man gikan ang dugo nga giingon sa Dios nga iyang ipainom sa iyang pana ug pagalamyon sa iyang espada?

Ang pana sa Dios magainom sa dugo sa napatay ug mga dinakpan ug ang iyang espada magakaon sa unod gikan sa mga ulo sa mga pangulo sa kaaway.

Deuteronomy 32:43

Kinsa man ang magmaya uban sa katawhan sa Dios sa dihang panimaslan na niya ang dugo sa iyang sulugoon ug manimalos sa iyang mga kaaway?

Ang kanasoran magmaya uban sa katawhan sa Dios.

Alang kang kinsa ang himuon sa Dios nga paghalad alang sa iyang yuta?

Ang Dios maghimo ug paghalad alang sa iyang yuta, alang sa iyang katawhan.

Deuteronomy 32:44-45

Kinsa man ang miawit niining tanang pulong sa awit ngadto sa igdulongog sa katawhan?

Si Moises ug si Josue nag-awit niini nga awit sa igdulongog sa katawhan.

Deuteronomy 32:46-47

Nganong kinahanglan man sa katawhan sa Israel nga ibutang ang ilang mga hunahuna sa pulong nga gisugilon ni Moises ngadto kanila?

Kinahanglan nga ibutang sa katawhan ang ilang mga hunahuna sa mga pulong ni Moises aron nga mamandoan nila ang ilang mga anak sa pagtipig sa tanang pulong niini nga balaod.

Deuteronomy 32:48-49

Nganong gisultihan man ni Yahweh si Moises sa pagtungas ngadto sa kabukiran atbang sa Jerico?

Gisultihan ni Yahweh si Moises sa pagtungas ngadto sa kabukiran aron nga makita niya ang yuta sa Canaan nga igahatag ni Yahweh ngadto sa katawhan sa Israel ingon nga ilang mapanag-iya.

Deuteronomy 32:50-52

Unsa man ang gisulti ni Yahweh kang Moises nga mahitabo kaniya didto sa bukid?

Nag-ingon si Yahweh kang Moises nga mamatay si Moises didto sa bukid sama nga si Aaron namatay didto sa Bukid sa Hor ug giipon ngadto sa iyang katawhan.

Nganong gisultihan man ni Yahweh si Moises nga mamatay siya didto sa bukid?

Mamatay si Moises didto sa bukid tungod kay dili siya matinumanon kang Yahweh didto sa tubig sa Meribah sa kadesh ug tungod wala niya pasidunggi ug tahora si Yahweh taliwala sa katawhan sa Israel.

Unsa man ang giingon ni Yahweh nga makita ni Moises sa dili pa siya mamatay?

Miingon si Yahweh kang Moises nga makita niya ang yuta nga ihatag niya sa katawhan apan dili siya makaadto didto.

Deuteronomy 33

Deuteronomy 33:1-2

Kanus-a man gihatag ni Moises kini nga panalangin ngadto sa katawhan sa Israel?

Gihatag ni Moises kini nga panalangin ngadto sa katawhan sa Israel sa wala pa siya mamatay.

Giunsa man paghulagway ni Moises si Yahweh?

Gihulagway ni Moises si Yahweh sama sa usa ka kahayag nga migula gikan sa Bukid sa Paran, miabot uban ang 10,000 ka mga balaan, ug adunay mga kilat sa iyang tuong kamot .

Deuteronomy 33:3-4

Unsa man ang gibati ni Yahweh ngadto sa katawhan sa Israel?

Gihigugma ni Yahweh ang katawhan sa Israel.

Giunsa man sa piniling katawhan sa Israel pagtamod ang gugma ni Yahweh?

Nagyukbo ang piniling katawhan sa Israel sa tiilan ni Yahweh ug nagdawat sa mga pulong ni Yahweh.

Unsa man ang gisulti ni Moises mahitungod sa balaod nga iyang gimando ngadto sa katawhan?

Gitawag ni Moises ang balaod ingon nga panulondon alang sa pundok ni Jacob.

Deuteronomy 33:5-6

Naunsa man si Yahweh sa dihang ang mga pangulo sa katawhan ug ang tanang tribo sa Israel nagkatigom?

Nahimong hari si Yahweh sa Jesurun (Israel).

Unsa man ang gisulti ni Moises nga mahitabo ngadto kang Ruben?

Nag-ingon si Moises nga si Ruben mabuhi ug dili mamatay apan ang iyang katawhan mahimong gamay lamang.

Deuteronomy 33:7

Unsa man ang panalangin nga gihatag ni Moises ngadto kang Juda?

Naghangyo si Moises kang Yahweh nga panalanginan si Juda pinaagi sa pagpaminaw sa tingog ni Juda, pagdala kaniya ngadto sa iyang katawhan ug pagkig-away alang kaniya.

Deuteronomy 33:8-11

Unsa man ang gisulti ni Moises ngadto mga Levita nga ipabuhat sa iyang panalangin kanila?

Gisultihan ni Moises ang mga Levita sa pagtudlo sa kasugoan ni Yahweh, pagbutang ug insenso ug pagsunog ug mga halad sa halaran ni Yahweh, sa pagdayeg kang Yahweh ug pagdawat sa mga buhat sa iyang kamot ug sa pagadugmok ang mga hawak niadtong nakigbatok kang Yahweh.

Deuteronomy 33:12-15

Unsa man ang gisulti ni Moises mahitungod sa panalangin ni Benjamin?

Gisulti ni Moises nga gihigugma ni Yahweh si Benjamin, gipanalipdan siya ni Yahweh sa tanan mga adlaw ug magpuyo siya taliwala sa mga bukton ni Yahweh.

Deuteronomy 33:16

Kinsa man ang prinsipe labaw sa iyang mga igsoon?

Si Jose ang prinsipe labaw sa iyang mga igsoon.

Deuteronomy 33:17

Unsa man ang buhaton sa 10,000 ka mga tawo ni Efraim ug 1,000 ka mga tawo ni Manases?

Itulak nila ang tanan katawhan ngadto sa kinatumyan sa kalibotan.

Deuteronomy 33:18-19

Asa man maggikan ang panalangin ni Zebulun ug Isacar sumala sa gisulti ni Moises?

Ang panalangin ni Zebulun ug Isacar moabot gikan sa kabukiran, ang pagkaabugana sa kadagatan ug gikan sa mga balas nga natago sa baybayon.

Deuteronomy 33:20

Giunsa man pagsulti ni Moises ang pagpuyo ni Gad samtang gipalapad ang iyang nasakopan?

Magpuyo si Gad didto sama sa bayeng liyon ug magalangkat sa bukton o sa usa ka ulo.

Deuteronomy 33:21

Unsa man ang gipatuman ni Gad alang kang Yahweh?

Gipatuman ni Gad ang kaangayan ni Yahweh ug ang iyang kasugoan ngadto sa Israel.

Deuteronomy 33:22

Giunsa man paghulagway ni Moises si Dan?

Gihulagway ni Moises si Dan sama sa usa ka kabatan-ong liyon nga milukso pagula gikan sa Basan.

Deuteronomy 33:23

Unsang yutaa ang gisulti ni Moises nga pagakuhaon ni Neftali?

Pagakuhaon ni Neftali nga dapit nga yuta sa kasadpan ug habagatan.

Deuteronomy 33:24-26

Unsa man ang gisulti ni Moises mahitungod sa panalangin ni Asher?

Nag-ingon si Moises nga mas labaw nga panalanginan si Asher kay sa ubang mga anak, nga iyang igatuslob ang iyang tiil sa lanang olibo ug siya may kasigurohan sa tanang adlaw sa iyang kinabuhi.

Deuteronomy 33:27

Unsa man ang gisulti ni Moises nga pagabuhaton sa Dios ngadto sa mga kaaway ni Jeshurun(Israel)?

Nag-ingon si Moises nga ilabay sa gawas ang mga kaaway ni Jeshurun (Israel) gikan sa ilang atubangan ug ang Dios mag-ingon, "Kalaglag!"

Deuteronomy 33:28

Unsa man kahimtang sa pagpuyo sa kaliwatan ni Jacob?

Magapuyo ang kaliwatan ni Jacob nga luwas ug may kasigurohan sa yuta sa trigo ug bag-ong bino.

Deuteronomy 33:29

Giunsa paghulagway ni Moises ang Israel?

Gihulagway ni Moises ang Israel ingon nga bulahan ug usa ka katawhan nga giluwas ni Yahweh, kansang mga kaaway moduol nga nagapangurog kanila.

Deuteronomy 34

Deuteronomy 34:1-3

Asa man gikan naglantaw si Moises sa tanang yuta nga mapanag-iya sa mga tribo sa Israel?

Naglantaw si Moises sa tanang kayutaan nga mapanag-iyahan sa katawhan sa Israel gikan sa taas sa Pisga.

Deuteronomy 34:4-6

Unsa man ang gitugot ni Yahweh kang Moises nga makita sa dili pa siya mamatay?

Gitugotan ni Yahweh si Moises nga makakita sa yuta nga gisaad niya kang Abraham, Isaac ug kang Jacob.

Asa man namatay si Moises ug asa man gilubong ni Yahweh si Moises?

Namatay si Moises sa yuta sa Moab ug gilubong siya ni Yahweh sa walog sa yuta sa Moab atbang sa Beth Peor.

Deuteronomy 34:7-8

Unsa man ang kahimtang sa panglawas ni Moises sa dihang namatay siya sa ika 120 nga pangidaron?

Sa dihang namatay si Moises kusgan pa siya ug maayo pa ang panan-aw.

Unsa man kadugay nagsubo ang katawhan sa Israel alang kang Moises?

Nagsubo ang katawhan alang kang Moises sulod sa 30 ka mga adlaw.

Deuteronomy 34:9

Nganong naminaw man ang katawhan sa Israel kang Josue ug nagbuhat kung unsa ang gimando nga gipabuhat ni Yahweh kang Moises?

Naminaw ang katawhan sa Israel kang Josue tungod kay napuno si Josue sa spirit sa kaalam, ug gipandungan siya sa kamot ni Moises.

Deuteronomy 34:10-12

Giunsa man pagkaila ni Yahweh kang Moises?

Nailhan ni Yahweh si Moises sa nawong ug nawong.

Aduna bay sama kang Moises nga propeta sa Israel?

Wala gayoy propeta nga sama kang Moises sa tanan sa Israel.