Micah

Micah 1

Micah 1:1

Kinsa man ang mga hari sa Juda sa dihang ang pulong ni Yahweh miabot kang Mika?

Sa dihang miabot ang pulong ni Yahweh kang Mika si Jotham, si Ahas, ug si Hezekias ang mga hari sa Juda.

Micah 1:2-4

Nganong mokanaog ug molakaw si Yahweh?

Mokanaog si Yahweh ug molakaw sa hataas nga mga dapit sa kalibotan.

Micah 1:5

Nganong ipatuman man ni Yahweh kining paghukom?

Maghukom si Yahweh tungod sa pagsupak ni Jacob, ug tungod sa mga sala sa katawhan sa Israel.

Micah 1:6-7

Giunsa man pagtigom sa Samaria ang mga kinulit nga mga larawan, ang mga gasa, ug mga diosdios?

Gitigom sa Samaria ang mga kinulit nga larawan, ang mga gasa, ug mga diosdios pinaagi sa pagbaligya ug dungog.

Micah 1:8-10

Giunsa man paghulagway ni Mika ang iyang pagsubo sa sala sa tibuok Israel ug si Jacob?

Magsubo ug magminatay si Mika, ug maglakaw nga magtiniil ug hubo.

Micah 1:11-12

Nganong nagbangotan man si Bet Ezel?

Nagbangotan si Bet Ezel, kay wala na ang ilang kalig-on.

Micah 1:13-14

Asa man nga siyudad nagsugod ang sala alang sa anak nga babaye ni Zion?

Nagsugod ang sala kang Lakish alang sa anak nga babaye ni Zion.

Micah 1:15-16

Nganong kinahanglan man upawan sa mga Israelita ang ilang ulo?

Kinahanglan upawan nila ang ilang ulo, alang sa pagkabinihag sa ilang mga anak gikan kanila.

Micah 2

Micah 2:1-2

Asa man naglaraw ang mga tawo sa pagbuhat ug daotan?

Naglaraw sila ug daotan samtang anaa sila sa ilang mga higdaanan.

Micah 2:3-5

Nganong wala may kaliwat ang adunahang tawo nga mabahinan sa utlanan?

Usabon ni Yahweh ang utlanan sa katawhan, ug kuhaon kini gikan kanila. Busa walay kaliwat ang adunahan nga mga tawo nga mabahinan sa utlanan.

Micah 2:6-8

Kang kinsa man nga kupo ang gihukas sa katawhan ni Yahweh?

Gihukas nila ang kupo gikan niadtong nangagi.

Micah 2:9-11

Nganong mobarog ug mobiya man ang katawhan ni Yahweh?

Kinahanglan mobarog ug mobiya sila kay dili man kini mao ang dapit nga angay nilang puy-an, tungod sa pagkahugaw niini.

Micah 2:12-13

Kinsa man ang motigom sa nahibilin sa Israel?

Tigomon ni Yahweh ang nahibilin sa Israel.

Micah 3

Micah 3:1-3

Kinsa man ang mokaon sa unod sa katawhan ni Yahweh?

Kaonon sa mga pangulo ni Jacob ang unod sa katawhan ni Yahweh.

Micah 3:4

Nganong itago man ni Yahweh ang iyang panagway gikan sa mga pangulo ni Jacob?

Itago ni Yahweh ang iyang panagway gikan sa mga pangulo ni Jacob tungod kay nagbuhat sila ug daotang mga buhat.

Micah 3:5-8

Nganong dili man managna ang mga propeta?

Mangingit kini busa dili makapanagna ang mga propeta.

Micah 3:9-12

Alang sa unsa man ang paghukom sa mga pangulo?

Naghukom ang mga pangulo alang sa suhol.

Micah 4

Micah 4:1

Kanus-a man matukod ang bukid nga balay ni Yahweh labaw sa ubang mga bukid?

Sa kataposang mga adlaw ang bukid nga balay ni Yahweh matukod labaw sa ubang mga bukid.

Micah 4:2-3

Nganong daghan man ang mga nasod nga gustong moadto sa bukid ni Yahweh?

Daghang mga nasod ang gustong moadto sa bukid ni Yahweh, aron matudloan niya sila sa iyang mga pamaagi, ug molakaw sila sa iyang mga dalan.

Micah 4:4-5

Alang sa unsa man naglakaw ang katawhan?

Ang tanang mga tawo naglakaw sa ngalan sa ilang dios.

Micah 4:6-8

Kinsa man ang tigomon ni Yahweh?

Tigomon ni Yahweh ang sinalikway, ug kadtong iyang gisakit.

Micah 4:9-10

Asa man luwason ang anak nga babaye sa Zion?

Luwason ang anak nga babaye sa Zion didto sa Babilonia.

Micah 4:11-12

Sumala sa propeta, kinsa man ang wala masayod sa hunahuna ni Yahweh?

Ang mga nasod wala masayod sa hunahuna ni Yahweh.

Micah 4:13

Kang kinsa man ihalad ni Yahweh ang dili makatarunganon nga kabtangan sa katawhan?

Ihalad ni Yahweh sa iyang kaugalingon ang ilang dili makatarunganon nga kabtangan.

Micah 5

Micah 5:1

Nganong gihapak man sa kaaway ang pangulo sa Israel?

Gihapak nila sa aping ang pangulo sa Israel gamit ang sungkod.

Micah 5:2-3

Unsa man kadugay nga pagabiyaan sa Dios ang mga banay sa Juda?

Pagabiyaan sila sa Dios hangtod sa panahon nga manganak siya.

Micah 5:4-5

Kinsa man ang magbalantay sa iyang panon sa karnero pinaagi sa kusog ni Yahweh?

Ang anak maoy magbalantay sa iyang panon sa karnero pinaagi sa kusog ni Yahweh.

Micah 5:6-7

Unsa man ang dili hulaton sa nahibilin nga kaliwat ni Jacob?

Ang nahibilin nga kaliwat ni Jacob dili maghulat sa tawo.

Micah 5:8-11

Unsa man ang mahitabo sa dihang ipataas sa mga Israelita ang ilang kamot batok sa ilang kaaway?

Sa dihang ipataas sa mga Israelita ang ilang kamot batok sa ilang mga kaaway, mangalaglag sila.

Micah 5:12-15

Kinsa man ang panimalsan ni Yahweh?

Manimalos si Yahweh niadtong mga nasod nga wala nagpatalinghog.

Micah 6

Micah 6:1-2

Unsa man ang buhaton ni Yahweh batok sa Israel?

Makighusay si Yahweh batok sa Israel diha sa hukmanan.

Micah 6:3-5

Unsa man ang gimando ni Yahweh nga buhaton sa iyang katawhan batok kaniya?

Nagmando siya nga magpamatuod sila batok kaniya.

Micah 6:6-10

Unsa man ang gikinahanglan ni Yahweh gikan sa iyang katawhan?

Gikinahanglan ni Yahweh gikan sa iyang katawhan nga magmatinud-anon, magmahigugmaon, ug maglakaw nga mapaubsanon uban ang ilang Dios.

Micah 6:11-12

Kinsa man ang dila nga malimbongon?

Ang dila sa mga lumolupyo mao ang nagasultig bakak nga malimbongon.

Micah 6:13-15

Nganong giguba man ni Yahweh ang siyudad?

Giguba ni Yahweh ang siyudad tungod sa mga sala sa katawhan.

Micah 6:16

Kang kinsa man nga tambag ang gituman o naglakaw ang siyudad?

Naglakaw ang siyudad pinaagi sa tambag ni Omri ug ni Ahab.

Micah 7

Micah 7:1-2

Kinsa man ang nangahanaw gikan sa yuta?

Ang diosnon nga mga tawo nangahanaw na sa yuta.

Micah 7:3-4

Kinsa man ang nanagna sa adlaw sa pagsilot sa nahibilin nga katawhan?

Ang magbalantay mao ang nanagna sa adlaw sa pagsilot sa nahibilin nga katawhan.

Micah 7:5-6

Kinsa man ang mga kaaway sa tawo?

Ang kaaway sa tawo mao ang mga tawo nga nagpuyo sa iyang kaugalingong panimalay.

Micah 7:7-8

Unsa man ang mahitabo kang Mika human siya matumba?

Human matumba si Mika, mobarog siya.

Micah 7:9

Unsa man kadugayon nga antoson ni Mika ang kasuko ni Yahweh?

Antoson ni Mika ang kasuko ni Yahweh hangtod nga labanan siya ni Yahweh, ug magpakanaog ug paghukom alang kaniya.

Micah 7:10

Asa man motan-aw si Mika?

Motan-aw si Mika sa iyang kaaway.

Micah 7:11-13

Unsa man ang mahitabo sa dihang moabot ang pagtukod sa kuta?

Sa dihang moabot ang adlaw sa pagtukod sa kuta, palaparon pa pag-ayo ang mga utlanan.

Micah 7:14-15

Giunsa man paghangyo ni Mika si Yahweh aron sa pagbantay sa iyang katawhan?

Naghangyo si Mika kang Yahweh nga bantayan ang iyang katawhan gamit ang iyang sungkod.

Unsa man ang ipakita ni Yahweh sa iyang katawhan?

Ipakita ni Yahweh kanila ang mga katingalahan.

Micah 7:16-17

Unsa man ang makita sa kanasoran ug ilang ikaulaw?

Makita nila ug ikaulaw nila ang tanan nilang gahom.

Kinsa man ang adtoan sa kanasoran ug ilang kahadlokan?

Moadto ang kanasoran kang Yahweh ug mangahadlok sila tungod kaniya.

Micah 7:18

Nganong dili man molungtad ang kasuko ni Yahweh?

Dili molungtad ang iyang kasuko, tungod kay mahigugmaon siya nga nagpakita sa matinud-anon niya nga kasabotan.

Micah 7:19-20

Asa man itambog ni Yahweh ang mga sala sa katawhan sa Israel?

Itambog ni Yahweh ang ilang mga sala ngadto sa kinahiladman sa dagat.