Judges

Judges 4

Judges 4:1-3

Nganong nagpakitabang man ang katawhan sa Israel kang Yahweh?

Nagpakitabang ang katawhan sa Israel kang Yahweh tungod kay adunay 900 ka puthaw nga mga karwahe si Sisera ug gidaogdaog niya pag-ayo ang katawhan sa Israel sulod sa 20 ka tuig.

Judges 4:4-5

Nganong miadto man ang katawhan sa Israel kang Debora?

Miadto ang katawhan sa Israel kang Debora aron sa paghusay sa ilang mga panaglalis.

Judges 4:6-7

Asa man buot ni Yahweh matagboan ni Sisera si Barak?

Patagboon ni Yahweh si Sisera ug Barak sa suba sa Kishon.

Judges 4:8-10

Nganong gigamit man ni Yahweh ang usa ka babaye aron pagpatay kang Sisera?

Gigamit ni Yahweh ang usa ka babaye aron sa pagpatay kang Sisera tungod kay dili molakaw si Barak kung dili mouban si Debora.

Judges 4:11-14

Kang kinsa man naggikan ang kaliwat nga Kenhanon?

Naggikan ang mga Kenhanon sa kaliwat ni Hobab, ang ugangan ni Moises.

Judges 4:15-16

Pila man ka mga sundalo ni Sisera ang naluwas?

Walay naluwas sa kasundalohan ni Sisera.

Judges 4:17-18

Nganong miadto man si Sisera sa tolda ni Jael?

Miadto si Sisera sa tolda ni Jael, tungod kay adunay kalinaw taliwala kang Jabin ang hari sa Hazor, ug balay ni Heber, bana ni Jael.

Judges 4:19-20

Kadtong nangayo si Sisera ug tubig, unsa man ang gihatag ni Jael?

Sa dihang nangayo si Sisera ug tubig, gihatagan siya ni Jael ug gatas.

Judges 4:21-24

Giunsa man pagpatay ni Jael si Sisera?

Gimartilyo ni Jael ang ugsok sa tolda sa kilid sa iyang ulo ug milapos kini hangtod sa yuta.

Judges 5

Judges 5:3-4

Kanus-a man nauyog ang yuta?

Nauyog ang yuta sa dihang migawas si Yahweh gikan sa Seir, sa dihang nagmartsa siya gikan sa Edom.

Judges 5:5-6

Asa man nga dalan nangagi ang mga nanglakaw?

Giagian sa mga naglakaw ang liko-liko nga mga dalan.

Judges 5:7-8

Unsa man ang wala nakita sa 40,000 diha sa Israel?

Walay nakita nga mga taming ni mga bangkaw diha sa 40,000 sa Israel.

Judges 5:9-11

Unsa man nga mga butang ang gigamit ingon hapin sa likod sa mga puti nga asno?

Gigamit ang mga trapo ingon hapin sa likod sa puti nga mga asno.

Judges 5:12-14

Kinsa man ang giadtoan sa katawhan ni Yahweh sa dihang milugsong sila?

Milugsong ang katawhan ni Yahweh ngadto kang Debora uban ang mga manggugubat.

Judges 5:15-16

Unsa man ang gibuhat ni Isacar kang Barak?

Nagdali si Isacar ug sunod kang Barak ngadto sa walog ilalom sa iyang mando.

Judges 5:17-18

Unsa man ang gitahan ni Zebulun?

Itahan ni Zebulun ang ilang mga kinabuhi hangtod sa kamatayon.

Judges 5:19-23

Unsa man ang nakig-away batok kang Sisera gikan sa ilang mga agianan latas sa kalangitan?

Nakig-away ang kabituonan batok kang Sisera gikan sa ilang mga agianan latas sa kalangitan.

Judges 5:24-25

Nganong gitunglo man sa anghel ni Yahweh ang Meroz?

Gitunglo sa anghel ni Yahweh ang Meroz tungod kay wala sila miabot aron sa pagtabang kang Yahweh.

Judges 5:26-27

Unsa man ang gibutang ni Jael sa iyang kamot?

Gibutang niya sa iyang kamot ang ugsok sa tolda, ug martilyo sa iyang tuong kamot.

Judges 5:28-30

Asa man naglantaw ang inahan ni Sisera?

Naglantaw ang inahan ni Sisera sa bintana, nga renehasan.

Judges 5:31

Sa unsa man angay mahisama kadtong mga nahigugma kang Yahweh?

Kadtong mga nahigugma kang Yahweh angay mahisama sa adlaw sa dihang mosubang kini sa iyang kagahom.

Judges 6

Judges 6:1-2

Unsa man ang gibuhat sa Israel tungod kang Midian?

Tungod kang Midian, naghimo ang katawhan sa Israel ug mga pasilonganan alang sa ilang mga kaugalingon gikan sa mga lungib diha sa kabungtoran, mga langob, ug mga patukoranan.

Judges 6:3-4

Unsa man ang mahitabo sa dihang magtanom ug mga binhi ang mga Israelita?

Sa dihang magtanom ug mga binhi ang mga Israelita, ang mga Midianhon, ug mga Amalekanhon, ug ang katawhan gikan sa sidlakang bahin mosulong sa mga Israelita.

Judges 6:5-8

Unsa man ang gidaghanon sa mga Midianhon ug Amalekanhon nga mosulong?

Dili maihap ang ilang gidaghanon.

Judges 6:9-10

Kinsa man ang tag-iya sa yuta nga gipuy-an sa katawhan sa Israel?

Nagpuyo sila sa yuta sa mga Amorihanon.

Judges 6:11-12

Nganong gilain man ni Gideon ang trigo pinaagi sa paghapak niini sa salog, diha sa pug-anan ug bino?

Gilain ni Gideon ang trigo pinaagi sa paghapak niini ngadto sa salog, diha sa pug-anan sa bino aron sa pagtago niini gikan sa mga Midianhon.

Judges 6:13

Unsa man ang gihunahuna ni Gideon nga gibuhat ni Yahweh sa katawhan sa Israel?

Gihunahuna ni Gideon nga gisalikway sila ni Yahweh ug gihatag sila ilalom sa gahom sa Midian.

Judges 6:14-15

Nganong nakahunahuna man si Gideon nga dili niya maluwas ang Israel?

Gihunahuna ni Gideon nga dili niya maluwas ang Israel tungod kay ang iyang pamilya ang pinakahuyang sa Manases, ug siya ang pinakaubos nga importante sa balay sa iyang amahan.

Judges 6:16-18

Nganong mihulat man si Yahweh kang Gideon?

Mihulat si Yahweh kang Gideon aron dad-an siya ug gasa.

Judges 6:19-20

Asa man gipabutang sa anghel sa Dios kang Gideon ang karne ug pan nga walay patubo?

Gipabutang sa anghel sa Dios kang Gideon ang karne ug pan nga walay patubo ibabaw sa bato.

Judges 6:21

Unsa man ang nahitabo sa dihang ang anghel ni Yahweh mikab-ot gamit ang tumoy sa iyang sungkod nga anaa sa iyang kamot?

Sa dihang ang anghel ni Yahweh mikab-ot gamit ang tumoy sa iyang sungkod nga anaa sa iyang kamot, gitandog ang karne ug pan nga walay patubo; misilaob ang bato ug nasunog ang karne ug pan nga walay patubo.

Judges 6:22-24

Nganong nahadlok man si Gideon sa dihang nasabtan niya nga iyang nakita ang anghel ni Yahweh?

Nahadlok si Gideon sa dihang nasabtan niya nga iyang nakita ang anghel ni Yahweh tungod gikaingon niya nga mamatay siya.

Judges 6:25-26

Unsa man ang gisulti ni Yahweh kang Gideon nga tukoron sa kinatumyan sa dapit nga dalangpanan?

Miingon si Yahweh kaniya nga magtukod ug halaran alang kang Yahweh sa kinatumyan sa dapit nga dalangpanan.

Judges 6:27-29

Nganong gihimo man ni Gideon sa gabii ang gipabuhat ni Yahweh kaniya?

Gibuhat ni Gideon ang gisugo ni Yahweh kaniya sa panahon sa kagabhion tungod kay nahadlok siya pag-ayo sa balay sa iyang amahan ug sa katawhan sa lungsod kung buhaton niya kini sa adlaw.

Judges 6:30

Nganong buot man sa katawhan sa lungsod nga ipapatay si Gideon?

Buot nila nga ipapatay si Gideon tungod kay iyang gibungkag ang halaran ni Baal ug giputol niya ang Ashera tapad niini.

Judges 6:31-35

Nganong ginganlan man si Gideon ug "Jerub Baal?"

Ginganlan si Gideon ug "Jerub Baal" tungod kay miingon siya, "Pasagdi si Baal nga manalipod sa iyang kaugalingon batok kanako," tungod kay gibungkag ni Gideon ang iyang halaran

Judges 6:36-37

Unsa man ang gibuhat ni Gideon aron mahibaloan kung gamiton ba gayod siya ni Yahweh nga luwason ang Israel?

Nagbutang si Gideon ug balahibo sa karnero sa salog sa giokanan. Miingon siya nga kung adunay yamog lamang sa balahibo, ug uga ang yuta, unya masayran niya nga gamiton siya ni Yahweh aron sa pagluwas sa Israel.

Judges 6:38

Sa dihang gipuga ni Gideon ang balahibo sa karnero ug gipuga ang yamog gikan sa balahibo sa karnero, unsa man kadaghan ang tubig sa dihang gipug-an niya kini?

Adunay igo nga tubig nga makapuno sa usa ka yahong sa dihang gipug-an niya ang balahibo sa karnero, ug napuga ang yamog gikan sa balahibo sa karnero.

Judges 6:39-40

Unsa man ang ikaduha nga gisulay ni Gideon alang sa Dios?

Ang ikaduhang pagsulay ni Gideon alang sa Dios mao nga himoong uga ang balahibo sa karnero, ug himoong basa sa yamog ang tanang yuta palibot niini.

Judges 7

Judges 7:2-3

Nganong gipapauli man ni Yahweh ang mahadlokon nga mga sundalo?

Gipauli ni Yahweh ang mahadlokon nga mga sundalo aron dili makapagarbo ang Israel batok kang Yahweh nga mag-ingon, "Giluwas kami sa among kaugalingong gahom."

Judges 7:4

Nganong giingnan man ni Yahweh si Gideon nga dad-on ang mga sundalo didto sa sapa?

Gusto ni Yahweh nga pagamayon ang gidaghanon sa mga sundalo pinaagi sa pagsulti kang Gideon kung kinsa ang mouban kaniya.

Judges 7:5-6

Giunsa man pagsulti ni Yahweh kang Gideon nga ilain ang mga sundalo?

Gisultihan ni Yahweh nga ilain ang tanan nga motilap sa tubig, sama sa iro nga motilap.

Judges 7:7-8

Pila man ka lalaki ang gibilin ni Gideon?

Gipabilin ni Gideon ang 300 ka mga lalaki ug gipapauli ang uban ngadto sa ilang pinuy-anan.

Judges 7:9-12

Kung nahadlok si Gideon, unsa man ang makapaisog kang Gideon?

Kung nahadlok si Gideon, gisultihan siya nga molugsong ngadto sa kampo, ug maminaw kung unsa ang ilang giistoryahan, ug magmaisogon siya sa pagsulong sa kampo.

Judges 7:13-14

Sa dihang nagsulti ang tawo ngadto sa iyang kauban mahitungod sa iyang damgo, kinsa man ang giingon sa iyang kauban nga pasabot sa iyang damgo?

Sa dihang nagsugilon ang usa ka tawo ug damgo sa iyang kauban, miingon ang iyang kauban nga mahitungod kang Gideon ang iyang damgo. Gihatagan siya sa Dios ug kadaogan batok sa Midian ug sa tanan nilang kasundalohan.

Judges 7:15-18

Unsa man ang gihatag ni Gideon sa iyang 300 ka mga sundalo?

Gihatagan silang tanan ni Gideon ug mga trumpeta ug walay sulod nga mga banga, uban sa mga sulo nga anaa sa sulod sa matag banga.

Judges 7:19-21

Kanus-a man gipatingog sa mga sundalo ni Gideon ang mga trumpeta ug gipangbuak ang mga banga nga ilang gigunitan?

Pagpuli gayod sa mga Midianhon sa guwardiya, gipatingog sa mga sundalo ni Gideon ang ilang mga trumpeta ug gibuak ang mga banga nga anaa sa ilang mga kamot.

Judges 7:22-23

Unsa man ang gibuhat ni Yahweh sa dihang gipatingog sa mga sundalo ang ilang 300 ka mga trumpeta?

Sa dihang gipatingog nila ang ilang mga trumpeta, gipag-unay ni Yahweh ang mga Midianhon pinaagi sa espada batok sa ilang mga kauban ug batok sa tanan nilang kasundalohan.

Judges 7:24-25

Hangtod asa nagtigom ang katawhan ni Efraim ug nagdumala sa katubigan?

Nagtigom ang katawhan ni Efraim ug gidumalahan ang katubigan, hangtod sa Bet Bara ug sa Suba sa Jordan.

Judges 8

Judges 8:1-3

Nganong nakiglalis man ang katawhan ni Efraim kang Gideon?

Nakiglalis ang katawhan ni Efraim kang Gideon tungod kay wala niya sila tawga sa dihang nakiggubat siya sa mga Midianhon.

Judges 8:4-5

Alang sa unsa man ang gipangayo ni Gideon sa kalalakin-an sa Sucot?

Nangayo si Gideon sa kalalakin-an sa Sucot ug tinapay alang sa mga tawo nga nagsunod kaniya.

Judges 8:6-10

Nganong giingnan man ni Gideon ang kalalakin-an sa Penuel nga gun-obon niya ang tore?

Giingnan ni Gideon ang kalalakin-an sa Penuel nga gun-obon niya ang tore tungod kay dili sila mohatag ug tinapay sa iyang kasundalohan, sama sa pagdumili sa kalalakin-an sa Sucot.

Judges 8:11-14

Nganong napildi man ni Gideon ang kasundalohan sa kaaway agi sa Noba ug Jogbeha?

Napildi ni Gideon ang kasundalohan sa kaaway tungod kay wala sila nagdahom nga sulongon.

Judges 8:15-17

Kinsa man ang gipakita ni Gideon ngadto sa kalalakin-an sa Sucot sa wala pa niya sila gisilotan?

Gipakita ni Gideon ngadto sa kalalakin-an sa Sucot si Zeba ug Zalmuna sa wala pa niya sila gisilotan.

Judges 8:18-19

Kinsa man nga mga lalaki ang gipatay ni Zeba ug Zalmuna didto sa Tabor?

Gipatay ni Zeba ug Zalmuna ang mga igsoon nga lalaki ni Gideon.

Judges 8:20-21

Nganong wala man gihulbot ni Jeter ang iyang espada?

Wala gihulbot ni Jeter ang iyang espada kay nahadlok siya, kay batan-on paman siya.

Judges 8:22-23

Kinsa man ang giingon ni Gideon nga maoy modumala sa Israel?

Miingon si Gideon nga si Yahweh ang modumala sa katawhan sa Israel.

Judges 8:24-26

Unsa man ang gipangayo ni Gideon sa katawhan sa Israel?

Nangayo si Gideon kanila ug mga ariyos sa ilang mga inilog.

Judges 8:27-31

Unsa man ang gihimo ni Gideon gikan sa mga ariyos?

Naghimo si Gideon ug efod gikan niadto nga mga ariyos.

Unsa man ang gibuhat sa mga Israelita sa bulawanong efod?

Gihugawan sa mga Israelita ang ilang kaugalingon pinaagi sa pagsimba niini.

Judges 8:32-35

Unsa man ang nahitabo pagkamatay ni Gideon?

Pagkamatay ni Gideon, mibalik na usab ang katawhan sa Israel sa pagpahugaw sa ilang kaugalingon pinaagi sa pagsimba sa mga Baal.

Judges 9

Judges 9:1-2

Kinsa man ang amahan ni Abimelec?

Si Jerub Baal ang amahan ni Abimelec.

Judges 9:3-4

Nganong nagkasinabot man ang mga paryenti sa inahan ni Abimelec nga mosunod kaniya?

Nagkasinabot sila nga mosunod kang Abimelec, kay miingon sila, "Igsoon nato siya."

Unsa man ang gigamitan ni Abimelec sa 70 kabuok nga plata?

Gigamit ni Abimelec ang 70 kabuok nga plata sa pagsuhol ug mga lalaki nga mangtas ug walay batasan.

Judges 9:5-6

Nganong wala man gipatay si Jotam?

Wala gipatay si Jotam kay nagtago man siya.

Judges 9:7-16

Unsa mang adlawa gipakigsultihan ni Jotam ang mga pangulo sa Siquem?

Gisultihan sila ni Jotam sa samang adlaw nga nakigbatok sila sa balay sa iyang amahan ug gipatay ang 70 ka anak nga lalaki niini, ibabaw sa usa ka bato.

Judges 9:17-18

Unsa mang adlawa gisultihan ni Jotam ang mga pangulo sa Siquem?

Gisultihan sila ni Jotam sa samang adlaw nga nakigbatok sila sa balay sa iyang amahan ug gipatay ang 70 ka anak nga lalaki niini, ibabaw sa usa ka bato.

Judges 9:19-21

Kung nagmatinud-anon ug nagpakamatarong ang katawhan kang Jerub Baal ug sa iyang balay, unsa man ang angay mahitabo?

Kung namuhat ang katawhan uban ang pakamatinud-anon ug pagkamatarong uban kang Jerub Baal ug sa iyang balay, ipagawas ang kalayo gikan kang Abimelec ug sunogon ang mga tawo sa Siquem ug ang balay sa Milo. Ipagawas ang kalayo gikan sa mga tawo sa Siquem ug Bet Milo aron sunogon si Abimelec.

Unsa man ang tunglo ni Jotam?

Ang tunglo ni Jotam nga mogawas ang kalayo gikan kang Abimelec ug sunogon ang mga tawo sa Siquem ug ang balay sa Milo, mogawas ang kalayo gikan sa mga tawo as Siquem ug Bet Milo aron sunogon si Abimelec.

Judges 9:22-24

Nganong nagpadala man ang Dios ug daotang espiritu ngadto kang Abimelec ug sa mga pangulo sa Siquem?

Nagpadala ang Dios ug daotang espiritu ngadto kang Abimelec ug sa mga pangulo sa Siquem aron mapanimaslan ang pagpatay sa 70 ka anak nga lalaki ni Jerub Baal.

Judges 9:25-27

Kinsa man ang buot paatangan sa mga pangulo sa Siquem?

Buot paatangan sa mga pangulo sa Siquem si Abimelec.

Judges 9:28-29

Kinsa man ang nagtinguha nga modumala sa katawhan?

Nagtinguha si Gaal nga magdumala sa katawhan.

Judges 9:30-35

Nganong misilaob man ang kasuko ni Zebul?

Misilaob ang kasuko ni Zebul sa dihang nadungog niya ang gipamulong ni Gaal nga anak ni Ebed.

Nganong nagpadala man si Zebul ug mensahero ngadto kang Abimelec?

Nagpadala siya ug mensahero kang Abimelec aron sa pag-ilad kaniya.

Judges 9:36-37

Giunsa man paghulagway ni Zebul ang kalalakin-an nga anaa sa tumoy sa mga bungtod?

Miingon si Zebul nga mga anino lamang sila diha sa bungtod.

Judges 9:38-43

Unsa man ang gisulti ni Zebul nga buhaton ni Gaal?

Miingon si Zebul nga ipagawas si Gaal aron makiggubat kang Abimelec.

Unsa man ang nahitabo sa dihang nakiggubat si Gaal kang Abimelec?

Gigukod ni Abimelec si Gaal ug miikyas siya gikan kang Abimelec ug daghan ang natumba tungod sa makamatay nga mga samad diha sa ganghaan sa siyudad.

Judges 9:44-45

Unsa man ang gibuhat ni Abimelec human niya mailog ang siyudad?

Gilumpag ni Abimelec ang mga paril sa siyudad ug gisabwagan kinig asin.

Judges 9:46-47

Asa man nisulod ang mga pangulo sa tore sa Siquem?

Misulod ang mga pangulo sa tore sa Siquem ngadto sa lig-on nga dalangpanan sa balay ni El Berit.

Judges 9:48-51

Giunsa man pagpatay ni Abimelec ang tanang pangulo sa katawhan sa tore sa Siquem?

Miadto si Abimelec sa Bukid sa Zalmon, nagpatongpatong siya ug mga sanga ibabaw sa lawak nga anaa sa ilalom sa yuta, ug gisunog kini.

Judges 9:52-54

Sa dihang miduol si Abimelec sa pultahan sa tore sa Tebez, unsa man ang nahitabo kaniya?

Sa dihang miduol si Abimelec sa pultahan sa tore sa Tebez, gihulog sa babaye ang ibabaw nga bahin sa galingang bato ngadto sa iyang ulo ug miliki ang iyang bagulbagol.

Nganong gisultihan man ni Abimelec ang tigdala sa iyang hinagiban nga hulboton niini ang espada ug patyon nalang siya?

Gisultihan ni Abimelec ang tigdala sa iyang hinagiban nga hulboton ang espada niini ug patyon siya, aron walay moingon nga babaye ang nakapatay kang Abimelec.

Judges 9:55-57

Unsa man ang tunglo ni Jotam?

Ang tunglo ni Jotam nga mogawas ang kalayo gikan kang Abimelec ug sunogon ang mga tawo sa Siquem ug ang balay sa Milo, mogawas ang kalayo gikan sa mga tawo as Siquem ug Bet Milo aron sunogon si Abimelec.

Judges 10

Judges 10:1-5

Asa man dapit ang Shamir?

Ang Shamir anaa sa kabungtorang bahin sa Efraim

Judges 10:6-7

Nganong misilaob man ang kasuko ni Yahweh sa mga katawhan sa Israel?

Tungod kay gisalikway nila si Yahweh ug wala na misimba kaniya, busa nisilaob ang iyang kasuko sa Israel.

Judges 10:8-12

Nganong labihan man kaayo ang kalisod sa mga Israelita?

Tungod kay ang mga Amonihanon nilabang sa suba sa Jordan sa pagpakig-away batok sa Juda, ug sa mga Benjamin, ug sa panimalay ni Efraim, hinungdan nga labihan ang kalisod sa mga Israelita.

Judges 10:13-14

Asa man ang gisulti ni Yahweh nga pangayoan ug tabang sa katawhan sa Israel?

Gisultihan ni Yahweh ang katawhan sa Israel nga sangpito ang mga diosdios nga ilang gisimba.

Judges 10:15-18

Nganong natandog man si Yahweh sa pagpakiluoy sa mga Israel?

Tungod kay ang mga Israelita nitalikod gikan sa mga langyaw nilang diosdios ug nagsimba kang Yahweh, hinungdan nga natandog siya gumikan sa pagpakiluoy.

Judges 11

Judges 11:1-3

Kang kinsa man nga anak si Jepta?

Si Jepta anak sa babayeng nagbaligya sa iyang kaugalingon.

Judges 11:4-6

Nganong miadto man ang mga pangulo sa Gilead aron pagkuha kang Jepta gikan sa yuta sa Tob?

Miadto ang mga pangulo sa Gilead ug mikuha kang Jepta gikan sa yuta sa Tob aron mamahimo siya nga ilang pangulo.

Judges 11:7-8

Nganong miadto man ang mga pangulo sa Gilead kang Jepta?

Miadto ang mga pangulo sa Gilead kang Jepta tungod kay anaa man sila sa kagubot.

Judges 11:9-11

Kung dad-on pagbalik sa mga pangulo sa Gilead si Jepta ngadto sa iyang panimalay aron makig-away batok sa kasundalohan sa Ammon, ug kung hatagan sila ni Yahweh ug kadaogan batok sa Ammon, unsa man ang mahitabo kang Jepta?

Kung ang mga pangulo sa Gilead magdala kang Jepta pagbalik sa iyang panimalay aron makig-away batok sa kasundalohan sa Ammon, ug kung hatagan sila ni Yahweh ug kadaogan batok sa Ammon, si Jepta ang mamahimo nilang pangulo.

Judges 11:12-16

Nganong miadto man ang katawhan sa Ammon uban sa kasundalohan aron pagkuha sa yuta sa Israel?

Miadto ang katawhan sa Ammon uban sa kasundalohan aron pagkuha sa yuta sa Israel tungod kay sa dihang migawas ang Israel gikan sa Ehipto, giilog nila ang yuta sa Ammon.

Judges 11:17-20

Kinsa man ang wala motugot nga moagi ang Israel?

Ang hari sa Edom ug ang hari sa Moab ang wala magtugot nga moagi ang Israel.

Nganong wala man moadto ang Israel sa ginsakopan sa Moab?

Wala sila moadto sa ginsakopan sa Moab, kay ang Arnon mao ang utlanan sa Moab.

Judges 11:21-25

Kinsa man ang naghatag ug kadaogan sa Israel batok kang Sihon?

Si Yahweh, ang Dios sa Israel, ang naghatag ug kadaogan batok kang Sihon.

Judges 11:26-28

Pila man ka tuig ang gidugayon sa pagpuyo sa Israel sa Hesbon ug sa mga baryo niini, ug sa Aroer ug sa mga baryo niini, ug sa tanang siyudad nga anaa sa daplin sa Arnon?

Ang Israel nagpuyo sulod sa 300 ka tuig sa Hesbon ug sa mga baryo niini, ug sa Aroer ug sa mga baryo niini, ug sa tanang siyudad nga anaa sa daplin sa Arnon.

Judges 11:29-31

Kung si Yahweh maghatag ug kadaogan kang Jepta batok sa katawhan sa Ammon, unsa ang himoon ni Jepta?

Kung hatagan ni Yahweh ug kadaogan si Jepta batok sa katawhan sa Ammon, ihalad ni Jepta isip halad sinunog ang bisan unsa nga mogawas ug una gikan sa pultahan sa iyang balay aron sa pagsugat kaniya.

Judges 11:32-33

Sa dihang si Jepta mitabok ngadto sa katawhan sa Ammon sa pagpakig-away kanila, kinsa ang naghatag kaniya ug kadaogan?

Sa dihang si Jepta mitabok ngadto sa katawhan sa Ammon sa pagpakig-away batok kanila, Si Yahweh naghatag kaniya ug kadaogan.

Judges 11:34-35

Pila man kabuok ang anak ni Jepta?

Si Jepta adunay usa lamang ka anak nga babaye.

Judges 11:36-37

Unsa man ang buot buhaton sa babayeng anak ni Jepta sa dili pa himoon sa iyang amahan ang tanan nga iyang gisaad?

Buot niya nga biyaan niya siyang mag-inusara sulod sa duha ka bulan, aron makabiya siya ug makaadto sa kabungtoran ug magsubo sa iyang pagka-ulay.

Judges 11:38-40

Unsa man ang gihimo ni Jepta ngadto sa iyang anak?

Gihimo niya ngadto sa iyang anak ang iyang gipanumpa.

Judges 12

Judges 12:1-2

Unsa man ang buot nga himoon sa katawhan sa Efraim sa balay ni Jepta tungod kay wala man niya sila tawga sa pag-uban kaniya?

Buot nga sunugon sa katawhan sa Efraim ang balay ni Jepta tungod kay wala man niya sila tawga sa pag-uban kaniya sa pagpakig-away batok sa katawhan sa Ammon.

Judges 12:3-4

Nganong giataki man sa kalalakin-an sa Gilead ang kalalakin-an sa Efraim?

Miataki ang kalalakin-an sa Gilead ngadto sa kalalakin-an sa Efraim tungod kay miingon man sila nga, "Kamong taga-Gilead mga bakwit lang diri sa Efraim--nganhi sa Efraim ug Manasses."

Judges 12:5-15

Giunsa man pagsuta sa kalalakin-an sa Gilead kung ang tawo gikan sa Efraim?

Moingon sila kanila iisulti nag pulong nga "Shibboleth."Ug kong moingon siya, "Sibboleth," (tungod kay dili nila malitok ug tarong ang pulong), dakpon siya sa taga-Gilead ug patyon diha sa tabokanan.

Judges 13

Judges 13:1-2

Nganong dili man mabuntis ang asawa ni Manoah?

Tungod kay gisirad-an man ni Yahweh ang iyang taguangkan hinungdan nga dili siya mabuntis.

Judges 13:3-5

Nganong kinahanglan man nga dili gupitan ang bata?

Walay labaha nga makadapat sa iyang ulo tungod kay himoon siyang Nazirinhon alang sa Dios.

Judges 13:6-7

Unsa man ang hitsura sa tawo sa Dios?

Ang tawo sa Dios sama sa manulonda sa Dios.

Judges 13:8-11

Sa dihang mibalik pag-usab sa ikaduhang higayon ang anghel sa Dios, kinsa ang atoa didto?

Sa dihang ang anghel sa Dios miabot sa ikaduhang higayon, bugtong ang asawa lamang ni Manoa ang atoa didto.

Judges 13:12-14

Mahitungod sa unsa man ang gipangutana ni Manoa sa anghel?

Gipangutana ni Manoa ang anghel mahitungod sa kung unsa ang balaod sa bata ug unsa ang iyang buluhaton.

Judges 13:15-18

Kung mag-andam si Manoa ug sinunog nga halad, kang kinsa man niya kini ihalad?

Kung mag-andam si Manoa ug sinunog nga halad, ihalad niya kini ngadto kang Yahweh.

Judges 13:19-23

Unsa man ang katingalahan nga gibuhat ni Yahweh samtang si Manoa ug ang iyang asawa nagtan-aw?

Samtang nagtan-aw si Manoa ug ang iyang asawa, ang anghel ni Yahweh nikayab uban sa kalayo diha sa halaran.

Judges 13:24-25

Asa man nagsugod pagkunsad ang espiritu ni Yahweh kang Samson?

Ang espiritu ni Yahweh nagsugod sa pagkunsad kang Samson didto sa Mahane Dan.

Judges 14

Judges 14:1-2

Kinsa man ang gusto ni Samson nga kuhaon sa iyang mga ginikanan aron mahimo niyang asawa?

Gusto ni Samson nga kuhaon sa iyang mga ginikanan ang babaye nga taga Timna, usa sa mga babayeng anak sa mga Filistihanon, aron mahimo niyang asawa.

Judges 14:3-4

Nganong gusto man ni Samson nga kuhaon sa iyang mga ginikanan ang babaye nga taga Timna aron mahimo niyang asawa?

Gusto ni Samson nga kuhaon sa iyang mga ginikanan ang babaye nga taga Timna aron mahimo niyang asawa, kay sa dihang motan-aw siya kaniya, nakapahimuot kini kaniya.

Judges 14:5-6

Giunsa man ni Samson pagkuniskunis ang liyon?

Kalit nga mikunsad ang Espiritu ni Yahweh kaniya, ug gikuniskunis niya ang liyon.

Judges 14:7-11

Unsa man ang anaa sa patayng lawas sa liyon?

Adunay nagdugok nga mga putyokan ug dugos sa patayng lawas sa liyon.

Judges 14:12-14

Unsa may makuha ni Samson kung dili makatubag ang 30 ka mga higala sa iyang tigmo?

Makakuha si Samson ug 30 ka lino nga mga kupo ug 30 ka parisan sa mga bisti kung ang 30 ka mga higala dili makatubag sa iyang tigmo.

Judges 14:15

Unsa man ang mahitabo sa asawa ni Samson kung dili niya malimbongan ang iyang bana ug mahibaloan ang tubag sa tigmo?

Kung dili niya malimbongan si Samson ug kung dili niya mahibaloan ang tubag sa tigmo, sunogon siya lakip na ang panimalay sa iyang amahan sa 30 nila ka mga higala.

Judges 14:16-18

Pila ka adlaw nga naghilak ang asawa ni Samson aron lang mahibaloan ang tubag sa tigmo?

Nihilak siya sulod sa pito ka adlaw hangtod nga nahuman ang adlaw sa kumbira.

Judges 14:19-20

Giunsa man ni Samson pagkuha ug 30 ka mga paris sa bisti?

Miadto si Samson sa Askelon ug iyang gipamatay ang 30 ka mga lalaki sa taliwala niadtong katawhan ug gikuha ang ilang mga bisti.

Judges 15

Judges 15:1-2

Sa dihang mibisita si Samson sa iyang asawa, nganong wala man siya tugoti sa iyang ugangang lalaki nga mosulod?

Nagtuo ang ugangang lalaki ni Samson nga nasilag si Samson sa iyang asawa, busa gihatag nalang sa iyang ugangang lalaki ang asawa ni Samson ngadto sa suod niyang higala.

Judges 15:3-4

Giunsa man ni Samson nga mahimo siyang inosente mahitungod sa mga Filistihanon kung mapasakitan niya sila?

Gipaningkamotan ni Samson nga mahimo siyang inosente mahitungod sa mga Filistihanon kung mapasakitan niya sila pinaagi sa pagdakop ug 300 ka mga milo, gihiktan niya kini uban ang mga sulo, ug gibuhian kini didto sa trigohan sa mga Filistihanon.

Judges 15:5-6

Unsa man ang gibuhat sa mga Filistihanon, sa dihang gisultihan sila nga si Samson ang nagsunog sa ilang kaumahan?

Sa dihang giingnan ang mga Filistihanon nga si Samson ang nagsunog sa ilang kaumahan, gisunog nila ang iyang asawa lakip na ang ugangan niya nga lalaki.

Judges 15:7-8

Nganong gihiwahiwa man ni Samson ang mga Filistihanon, dapidapi ug paa, uban sa dakong pagpamatay?

Gihiwahiwa ni Samson ang mga Filistihanon, dapidapi ug paa, uban ang dakong pagpamatay aron makapanimalos siya sa ilang pagpatay sa iyang asawa ug sa iyang ugangan nga lalaki.

Judges 15:9-11

Nganong mitungas man ang mga Filistihanon aron sa pag-sulong sa Juda?

Mitungas ang mga Filistihanon aron sa pag-sulong sa Juda aron madakpan nila si Samson, ug aron mabuhat nila kaniya kung unsa ang gibuhat ni Samson kanila

Judges 15:12-14

Sa dihang miabot ang mga kalalakin-an sa Juda aron ilang hiktan si Samson, unsa man ang gipapanaad ni Samson kanila?

Sa dihang miabot na ang mga kalalakin-an sa Juda aron hiktan si Samson, gipapanaad sila ni Samson nga dili sila mismo ang mopatay kaniya.

Judges 15:15-16

Unsa man ang gigamit ni Samson sa pagpatay sa liboan ka mga kalalakin-an?

Gipamatay ni Samson ang liboan ka mga kalalakin-an pinaagi sa bag-o pa nga panga sa asno.

Judges 15:17-18

Human mapatay ni Samson ang liboan ka mga kalalakin-an pinaagi sa panga sa asno, giunsa niya paghunahuna nga siya mamatay?

Human mapatay ni Samson ang liboan ka mga kalalakin-an pinaagi sa panga sa asno, nagtuo siya nga mamatay na siya tungod sa kauhaw.

Judges 15:19-20

Sa unsang paagi nakakuha si Samson ug tubig?

Gipaliki sa Dios ang ilalom sa yuta didto sa Lehi, ug migula ang tubig.

Judges 16

Judges 16:1-2

Kanus-a ang plano sa mga taga-Gaza nga patyon si Samson?

Nagplano ang mga taga-Gaza nga patyon si Samson inig kahayag na.

Judges 16:3

Giunsa ni Samson paglingkawas sa Gaza?

Gigunitan ni Samson ang duha ka poste sa ganghaan, ug giibot kini, lakip ang mga babag ug ang tanan niini.

Judges 16:4-7

Kung limbongan ni Delilah si Samson, unsa man ang ihatag sa mga pangulo sa Pilistihanon kaniya?

Kung limbongan niya si Samson, ang matag pangulo sa mga Pilistihanon maghatag kaniyag 1,100 ka buok plata.

Judges 16:8-9

Sa dihang giingnan ni Delilah si Samson nga anaa na ang mga Pilistihanon, unsa man ang iyang gibuhat sa mga pisi sa pana nga naghigot kaniya?

Sa dihang giingnan ni Delilah si Samson nga anaa na ang mga Pilistihanon, iyang gipangbugto ang mga pisi.

Judges 16:10-14

Sa dihang gibugto ni Samson ang pisi sa iyang kamot, asa man ang mga lalaki nga naghigda samtang nagpaabot?

Sa dihang gibugto ni Samson ang pisi sa iyang kamot, ang mga lalaki nga naghigda samtang nagpaabot anaa sa kinasulorang bahin sa lawak.

Judges 16:15-16

Giunsa pagpugos ni Delilah si Samson?

Gipugos niya siya pinaagi sa paglaom nga unta mamatay na lamang siya.

Judges 16:17

Nganong sukadmasukad wala gayod makatilaw ug pagupit si Samson?

Wala gayod makatilaw si Samson ug patupi tungod kay usa siya ka Nazareno alang sa Dios gikan pa sa taguangkan sa iyang inahan.

Judges 16:18-19

Kanus-a nasugdan ni Delilah pagdumala si Samson?

Nasugdan ni Delilah ug dumala si Samson sa dihang ang pito ka pungpong sa iyang ulo nakiskisan, tungod kay mibiya naman kaniya ang iyang kusog.

Judges 16:20-22

Unsa man ang gipatrabaho sa mga Pilistihanon kang Samson?

Gihimo sa mga Pilistihanon si Samson nga tigpatuyok sa galingang bato didto sa prisohan.

Judges 16:23-24

Nganong nagtigom man ang mga pangulo sa Pilistihanon aron sa paghimog dakong halad alang sa ilang dios nga si Dagon?

Ang mga pangulo sa Pilistihanon nagtigom aron sa paghalad alang sa dios nga si Dagon tungod kay miingon sila, "Ang atong dios nagpildi kang Samson."

Judges 16:25-27

Kinsa ang nagtabang kang Samson aron makahikap sa mga poste diin napahiluna ang gambalay?

Ang batan-ong lalaki mao ang nagtabang kang Samson sa paghikap sa poste.

Judges 16:28-29

Nganong buot man ni Samson nga hatagan siya pag-usab sa Dios ug kusog?

Buot ni Samson nga tagaan siya pag-usab sa Dios ug kusog aron nga sa usa ka paghuyop iyang kapanimaslan ang mga Pilistihanon nga naglugit sa iyang duha ka mata.

Judges 16:30-31

Pila man ka tawo ang napatay ni Samson sa dihang nahugno ang gambalay?

Nakapatay si Samson ug mas daghan pa kaysa sa adtong panahon nga siya gawasnon.

Judges 17

Judges 17:1-2

Unsa ang gikawat ni Micah?

Gikawat ni Micah ang 1,100 ka buok plata gikan sa iyang inahan.

Judges 17:3-4

Alang kang kinsa gilain sa iyang inahan ang maong plata?

Gilain niya ang plata kang Yahweh, alang sa iyang anak aron himoong kinulit nga larawan ug hinulma nga larawan.

Judges 17:5-6

Sa unsa gitugyan ni Micah ang usa sa iyang mga anak?

Iyang gitugyan ang usa sa iyang mga anak aron mahimong iyang pari.

Judges 17:7-9

Nganong mibiya ang Levita sa Bethlehem?

Ang Levita mibiya sa Bethlehem aron mangitag dapit kapuy-an.

Judges 17:10-11

Unsa man ang gihangyo ni Micah sa Levita?

Naghangyo si Micah sa Levita nga magpuyo siya uban kaniya aron mahimong iyang magtatambag ug pari.

Judges 17:12-13

Nganong naghunahuna man si Micah nga magbuhat ug maayo si Yahweh kaniya?

Naghunahuna si Micah nga magbuhat ug maayo si Yahweh kaniya, tungod kay ang Levita nahimo niyang pari.

Judges 18

Judges 18:1-4

Ngano man nga ang tribo ni Dan nangitag dapit nga kapuy-an?

Ang tribo sa mga kaliwatan ni Dan nangitag dapit nga kapuy-an tungod kay hangtod niadtong adlawa wala nila nadawat ang ilang panulundon gikan sa mga katribohan sa Israel.

Judges 18:5-8

Unsa man ang buot ipabuhat sa katawhan sa Dan sa usa ka Levita?

Ang katawhan sa Dan buot nga magpakisayod sa kabubut-on sa Dios pinaagi sa Levita.

Judges 18:9-12

Unsa man ang gustong buhaton sa lima ka lalaki nga taga Dan sa yuta sa Laish?

Buot sa lima ka mga lalaki nga sakupon ang yuta sa Laish.

Judges 18:13-16

Unsa ang gisulti sa lima ka lalaki nga anaa sa mga balay sa Laish?

Ang lima ka mga lalaki miingon nga ang mga balay sa Laish adunay ephod, mga diosdios, kinulit nga larawan, ug hinulmang larawan.

Judges 18:17-23

Kinsa ang nagkuha sa mga kinulit nga larawan?

Ang lima ka mga lalaki nga naniid sa yuta maoy miadto ug mikuha sa kinulit nga mga larawan.

Judges 18:24-26

Nganong nasuko si Micah?

Nasuko si Micah tungod kay ang mga taga-Dan nag-ilog sa iyang mga diosdios nga hinimo, ila usab nga gikuha ang pari, ug mibiya sila.

Kanus-a man mibalik si Micah sa iyang balay?

Sa dihang iyang nakita nga lig-on kaayo sila, miuli na lamang siya.

Judges 18:27-29

Nganong walay bisan usa nga mitabang sa katawhan sa Laish?

Walay bisan usa nga mitabang sa katawhan sa Laish tungod kay layo kaayo kini gikan sa Sidon, ug wala silay panagsabot kang bisan kinsa.

Judges 18:30-31

Kinsa ang mga pari alang sa tribo sa mga taga-Dan?

Si Jonathan nga anak ni Gersom (nga anak ni Moises), siya ug ang iyang mga anak mao ang mga pari sa taga-Dan hangtod sa adlaw nga nailog ang yuta.

Judges 19

Judges 19:1-2

Asa man nagpuyo ang Levita?

Nagpuyo sa makadiyot ang Levita sa hilit nga bahin sa kabungtoran ni Efraim.

Judges 19:3-4

Asa man gidala ang Levita sa iyang kaipon?

Gidala ang Levita sa iyang kaipon ngadto sa balay sa iyang amahan.

Judges 19:5-6

Bisan tuod nga gusto na sa Levita nga mouli sa iyang puy-anan, unsa man ang gustong ipabuhat sa iyang ugangan nga lalaki kaniya?

Gusto sa iyang ugangang lalaki nga magpabilin usa siya ug magpahulay nianang gabhiona.

Judges 19:7-8

Unsa ang gibuhat sa Levita mahitungod sa iyang plano nga mosayo ug lakaw ug mouli sa iyang balay?

Giusab niya ang iyang plano ug nagpabilin nianang gabhiona uban ang iyang ugangang lalaki.

Judges 19:9-11

Unsa man ang gihangyo pag-usab sa ugangang lalaki sa Levita kaniya sa ika lima nga adlaw?

Gihangyo siya sa iyang ugangang lalaki nga magpabilin na usab sa usa ka gabii ug maglipay.

Judges 19:12-13

Nganong dili man gusto sa Levita nga magpabilin nianang gabhiona sa Jebus?

Dili gusto sa Levita nga magpabilin sa siyudad sa mga langyaw.

Judges 19:14-15

Nganong naglingkod man ang Levita ug ang iyang sulugoon sa plasa sa siyudad?

Naglingkod sila sa plasa sa siyudad tungod kay wala may nag-imbita kanila sa ilang balay nianang gabhiona.

Judges 19:16-19

Asa man gikan nga tribo ang mga tawo nga nagpuyo sa Gibea?

Ang mga tawo nga nagpuyo sa Gibea kay mga Benjaminhon.

Judges 19:20-21

Unsa man ang gipasidaan sa tigulang nga lalaki nga dili buhaton sa Levita?

Nagpasidaan ang tigulang nga lalaki sa Levita nga dili magpabilin nianang gabhiona sa plasa.

Judges 19:22-23

Nganong buot man sa mga daotang kalalakin-an sa siyudad nga ipagawas sa tigulang nga lalaki ang tawo nga nagpabilin sa iyang balay?

Buot sa mga doatang kalalakin-an sa siyudad nga ipagawas sa tigulang nga lalaki ang lalaki nga iyang gipasulod sa iyang balay tungod kay gusto nila nga makighilawas kaniya.

Judges 19:24-26

Kinsa man ang gitanyag sa tigulang nga lalaki sa daotang mga tawo puli sa Levita?

Gitanyag kanila sa tigulang ang iyang birhen nga anak ug ang kaipon sa Levita.

Unsa man ang nahitabo sa pagkakaadlawon?

Sa pagkaadlawon, ilang gibuhian ang babaye. Mibalik siya ug natumba sa pultahan sa balay sa tigulang diin nagpabilin ang iyang agalon, ug naghigda siya didto hangtod sa pagkabuntag.

Judges 19:27-28

Unsa man ang gibuhat sa Levita sa dihang wala na siya gitubag sa iyang kaipon?

Sa dihang wala na nitubag ang kaipon sa Levita, gibutang niya siya sa asno, ug naglakaw na siya pauli sa iyang puy-anan.

Judges 19:29-30

Unsa man ang gibuhat sa Levita sa lawas sa iyang kaipon?

Gihiwa-hiwa niya ang lawas sa babaye, matag parte niini, sa dose ka bahin, ug gipadala ang matag bahin niini sa tibuok Israel.

Judges 20

Judges 20:1-4

Kinsa man ang nanagtigom atubangan ni Yahweh sa Mizpa?

Nanagtigom sa Mizpa atubangan ni Yahweh ang tanang katawhan gikan sa Dan hangtod sa Beersheba, lakip na ang yuta sa Gilead.

Judges 20:5-7

Unsa man ang giingon sa Levita nga gibuhat kaniya sa ilang paryente sa Gibea?

Miingon ang Levita nga gisulong siya sa paryente nila sa Gibea, gipalibotan ang balay sa katuyoan nga patyon siya.

Judges 20:8-11

Unsaon man sa katawhan pag-ataki sa Gibea?

Sulongon nila ang Gibea sumala sa ripa.

Judges 20:12-14

Nganong giingnan man sa mga tribo sa Israel ang mga Benjaminhon nga ihatag ang mga daotang tawo sa Gibea?

Giingnan sa mga tribo sa Israel ang mga Benjaminhon nga ihatag ang mga daotang tawo sa Gibea, aron nga patyon sila sa mga tribo, ug aron hingpit nila nga wagtangon ang daotan gikan sa Israel.

Nganong naghiusa man paggawas sa siyudad sa Gibea ang katawhan ni Benjamin?

Nanggawas sa siyudad sa Gibea ang katawhan ni Benjamin aron nga mangandam sa pagpakig-away sa katawhan sa Israel.

Judges 20:15-16

Nganong pinasahi man ang 700 ka piniling kalalakin-an?

Walhon ang 700 ka piniling kalalakin-an; ang matag usa kanila makapintik sa usa ka lugas sa buhok ug dili gayod masipyat.

Judges 20:17-25

Nganong misulong man ug una ang Juda sa Benjamin?

Nangayo ug tambag ang katawhan gikan sa Dios ug miingon si Yahweh, "ang Juda ang una nga mosulong."

Judges 20:26

Unsa man ang gibuhat sa mga sundalo sa Israel human napatay sa mga Benjaminhon ang daghan nga mga sundalo sa Israel?

Human napatay sa mga Benjaminhon ang daghang mga kasundalohan sa Israel, nanghilak ang mga sundalo sa Israel ug nagpuasa sa atubangan ni Yahweh hangtod gabii. Naghalad usab sila ug sinunog nga halad ug halad sa pakigdait atubangan ni Yahweh.

Judges 20:27-31

Giunsa man pagpangutana sa katawhan sa Israel si Yahweh?

Nangutana ang katawhan sa Israel kang Yahweh pinaagi sa paggamit sa sudlanan sa kasabotan sa Dios, nga anaa didto niadtong mga adlawa.

Judges 20:32-35

Unsa man ang gihunahuna sa katawhan ni Benjamin sa dihang nanagan ang mga kasundalohan sa Israel palayo sa siyudad paadto sa kadalanan?

Sa dihang nanagan ang mga kasundalohan sa Israel palayo sa siyudad paadto sa kadalanan, naghunahuna ang mga Benjaminhon nga nangatras na sila sa gubat.

Judges 20:36-41

Nganong nangatras man ang kalalakin-an sa Israel batok sa Benjaminhon?

Nangatras ang kalalakin-an sa Israel tungod kay nagsalig sila sa mga lalaki nga ilang gipangbutang sa tago nga dapit sa gawas sa Gibea.

Unsa man ang timailhan sa mga sundalo sa Israel ug sa mga lalaki nga nagtago?

Ang giandam nga timaan tali sa mga sundalo sa Israel ug sa mga kalalakin-an nga nagtago mao ang usa ka bagang gabon sa aso nga miutbo gikan didto sa siyudad.

Judges 20:42-46

Nganong wala man nakaikyas ang kalalakin-an ni Benjamin?

Ang mga kalalakin-an ni Benjamin nikalagiw gikan sa mga sundalo sa Israel aron makaikyas padulong sa kamingawan, apan naapsan sila sa gubat.

Judges 20:47-48

Unsa man ka daghan sa mga sundalo ni Benjamin ang nakaikyas ug mikalagiw sa kamingawan?

600 ka mga kalalakin-an ang nakaikyas ug mikalagiw sa kamingawan.

Judges 21

Judges 21:1-3

Nganong nabalaka man ang kalalakin-an sa Israel nga mawagtang ang usa sa mga tribo sa Israel?

Nabalaka ang kalalakin-an sa Israel nga mawagtang ang usa sa ilang mga tribo tungod kay nagsaad sila nga dili nila ihatag ang ilang mga anak nga babaye aron asawahon sa mga Benjaminhon.

Judges 21:4-7

Kinsa man ang sigurado gayod nga patyon?

Pagapatyon gayod ang si bisan kinsa nga wala nitungas padulong kang Yahweh sa Mizpa.

Judges 21:8-10

Kinsa man sa mga tribo sa Israel ang wala nitungas ngadto kang Yahweh sa Mizpa?

Wala nitungas ang Jabes Gilead padulong kang Yahweh sa Mizpa.

Judges 21:11-12

Kinsa man ang gikuha sa mga kalalakin-an gikan niadtong nagpuyo sa Jabes Gilead?

Gikuha sa mga kalalakin-an ang 400 ka mga kababayen-an nga gikan sa Jabes Gilead nga wala pa nakasulay ug pakigdulog sa usa ka lalaki.

Judges 21:13-17

Unsa man ang problema niadtong panahona sa dihang namalik ang mga Benjaminhon ug gihatag kanila ang mga kababayen-an sa Jabes Gilead?

Sa dihang namalik ang mga Benjaminhon ug gihatag kanila ang kababayen-an sa Jabes Gilead, wala gayoy igo nga kababayen-an alang kanilang tanan.

Judges 21:18-19

Asa man nahimutang ang Silo?

Anaa ang Silo sa amihanan sa Betel, sidlakang bahin sa kadalanan nga patungas gikan sa Betel hangtod sa Siquem, ug habagatan sa Lebona.

Judges 21:20-21

Kanus-a man nanagan pagawas sa kaparasan ang mga Benjaminhon ug nanguha ug asawa gikan sa mga kababayen-an sa Silo?

Sa dihang nanggawas aron manayaw ang mga kababayen-an nga gikan sa Silo, nagdali-dali dayon sila ug gawas sa mga kaparasan ug nanguha ug asawahon gikan sa mga babaye sa Silo.

Judges 21:22-24

Unsa man nga katarongan ang isulti sa kalalakin-an sa Israel ngadto sa katawhan sa Silo mahitungod sa mga kababayen-an?

Sultihan sa kalalakin-an sa Israel nga pasagdahan na lamang ang mga babaye tungod kay wala nakakuha ug asawa ang mga Benjaminhon nga kalalakin-an panahon sa gubat.

Judges 21:25

Unsa man ang pamaagi sa pagkinabuhi sa tanan?

Nagbuhat ang tanan sa kung unsa nga husto sa iyang kaugalingong panan-aw.