Esther

Esther 1

Esther 1:1-2

Unsa man kalayo naghari si Ahasuerus?

Naghari si Ahasuerus gikan sa India hangtod sa Etiopia, sa 127 ka mga probinsya.

Esther 1:3-4

Kinsa man ang anaa sa atubangan sa hari?

Anaa sa iyang atubangan ang mga kasundalohan sa Persia ug sa Media, ang dungganong mga tawo, ug mga gobernador sa mga probinsya anaa sa iyang atubangan.

Esther 1:5-6

Alang kang kinsa man ang kombira nga mikabat ug pito ka adlaw?

Ang pito ka adlaw nga kombira alang sa tanang katawhan sa palasyo sa Susa, gikan sa labing bantogan ngadto sa dili mahinungdanon.

Alang kang kinsa man gihatag sa hari ang kombira?

Ang kombira alang sa tanang katawhan sa palasyo sa Susa, gikan sa labing bantogan ngadto sa dili mahinungdanon.

Esther 1:7-8

Nganong daghan man ang harianong bino?

Daghan ang mga harianong bino tungod sa pagkamanggihatagon sa hari.

Unsa man ang gisugo sa hari ngadto sa tanang mga sulugoon sa iyang palasyo?

Nagsugo ang hari sa tanan niyang mga sulugoon sa palasyo sa pagbuhat sa bisan unsa nga gusto sa matag bisita.

Esther 1:9-11

Unsa man ang gisulti sa hari ngadto sa pito ka mga opisyal nga nag-alagad kaniya?

Miingon ang hari sa pito ka opisyal nga nag-alagad kaniya sa pagdala kang Rayna Vasti sa iyang atubangan uban sa iyang harianong korona.

Esther 1:12

Nganong nasuko man pag-ayo ang hari?

Nasuko pag-ayo ang hari tungod kay nagdumili si Rayna Vasti sa pag-adto bisan pa sa pulong sa hari.

Esther 1:13-15

Kang kinsa man nagpakisayod ang hari?

Nagpakisayod ang hari sa kalalakin-an nga inila nga manggialamon, nga makasabot sa mga panahon.

Esther 1:16-18

Sumala kang Memukan, batok kang kinsa man nakasala si Vasti?

Miingon si Memukan nga dili lamang batok sa hari nakasala si Rayna Vasti, apan batok usab sa tanang mga opisyal ug sa tibuok katawhan nga anaa sa tanang mga probinsya ni Haring Ahasuerus.

Unsa man ang gisulti ni Memukan sa mga halangdong kababayen-an sa Persia ug sa Media nga buhaton sa dili pa mahuman kadto nga adlaw?

Miingon siya nga sa dili pa mahuman ang adlaw, magdumili ang mga halangdong kababayen-an sa mga opisyal sa hari.

Esther 1:19-20

Kang kinsa man ihatag sa hari ang katungdanan ni Vasti ingon nga rayna?

Ihatag sa hari ang katungdanan ni Vasti ingon nga rayna sa uban nga mas maayo pa kaysa kaniya.

Esther 1:21-22

Unsa man ang gisugo sa hari?

Nagsugo ang hari nga ang matag lalaki kinahanglan mahimong pangulo sa iyang kaugalingong panimalay.

Esther 2

Esther 2:1-2

Unsa man ang gitanyag sa mga batan-ong kalalakin-an sa hari?

Unya nagtanyag ang mga batan-ong kalalakin-an sa hari aron sa pagpangita pinaagi sa ngalan sa hari alang sa mga maanyag nga mga batan-ong mga ulay.

Esther 2:3-4

Kang kinsang pagdumala mabutang ang pag-atiman sa mga ulay?

Ibutang ang mga ulay ilalom sa pag-atiman ni Hegay, ang opisyal sa hari, nga nagdumala sa kababayen-an.

Esther 2:5-6

Kinsa man ang nagdala kang Mordecai gikan sa Jerusalem?

Gidala ni Nebucadnezar nga hari sa Babilonia si Mordecai palayo gikan sa Jerusalem.

Esther 2:7

Unsa man ang laing ngalan ni Ester?

Hadasa ang laing ngalan ni Ester.

Unsa man ang kalambigitan ni Mordecai kang Ester?

Anak nga babaye si Ester sa uyoan ni Mordecai.

Esther 2:8-9

Unsa man ang gihatag ni Hegay kang Ester?

Gihatagan siya ni Hegay ug mga gamit pangpaanyag ug bahin niya nga pagkaon, ug nagpatagana siya ngadto kaniya ug pito ka sulugoon nga mga babaye gikan sa palasyo sa hari.

Esther 2:10-11

Nganong wala may gisultihan si Ester kung kinsa ang iyang katawhan o mga paryenti?

Wala misugilon si Ester kang si bisan kinsa kung kinsa ang iyang katawhan o kaparyentihan, kay nagsugo si Mordecai kaniya nga dili siya magsulti kanila.

Esther 2:12-13

Sa dihang moadto ang batan-ong babaye sa hari, unsa man ang ihatag kaniya?

Sa dihang moadto ang batan-ong babaye ngadto sa hari, igahatag kaniya ang bisan unsa nga iyang gitinguha.

Esther 2:14

Kanus-a man mobalik ang babaye ngadto sa hari?

Dili mobalik pag-usab ang babaye ngadto sa hari gawas kung nahimuot pag-ayo ang hari kaniya ug tawgon siya pag-usab.

Esther 2:15-16

Unsa man ang gipangayo ni Ester?

Wala siya mangayo ug bisan unsa nga butang apan kung unsa lamang ang gitudlo ni Hegay, ang opisyal sa hari, nga tig-atiman sa kababayen-an.

Kanus-a man gidala si Ester ngadto kang Haring Ahasuerus?

Gidala si Ester ngadto kang Haring Ahasuerus sa ikanapulo nga bulan, nga mao ang bulan sa Tebet, ang ikapito nga tuig sa iyang paghari.

Esther 2:17-18

Nganong gikoronahan man si Ester ug gihimo siyang rayna sa hari?

Gihigugma sa hari si Ester labaw sa tanang kababayen-an ug naangkon niya ang pabor ug pagkamaayo atubangan sa hari, labaw sa tanang mga ulay, busa gikoronahan niya siya ug gihimo nga iyang rayna.

Esther 2:19-21

Unsa man ang gitinguha nga buhaton ni Bigtan ug ni Teres ngadto kang Haring Ahasuerus?

Nagtinguha si Bigtan ug si Teres sa pagbuhat ug daotan ngadto kang Haring Ahasuerus.

Esther 2:22-23

Unsa man ang nahitabo kang Bigtan ug kang Teres?

Gibitay silang duha sa mga bitayanan.

Esther 3

Esther 3:1-2

Kinsa man ang miluhod ug miyukbo sa ilang mga kaugalingon ngadto kang Haman?

Kanunay miluhod ug miyukbo sa ilang mga kaugalingon ang tanang mga sulugoon sa hari nga anaa sa ganghaan ngadto kang Haman.

Esther 3:3-4

Unsa man ang gidumili ni Mordecai nga buhaton?

Nagdumili si Mordecai sa pagtuman uban sa mga sugo sa mga sulugoon sa hari.

Esther 3:5-7

Kinsa man ang gusto patyon ni Haman?

Gustong patyon ni Haman si Mordecai ingon man ang tanan nga mga Judio.

Esther 3:8-11

Sa dihang nagripa sila, unsa man nga bulan ang ilang napilian?

Sa dihang nagripa sila, gipili nila ang ikanapulo ug duha nga bulan (ang bulan sa Adar).

Pila man ang kantidad sa kwarta nga buot ibutang ni Haman ngadto sa panudlanan sa hari kung maghatag ang hari ug mando nga patyon ang mga Judio?

Buot ni Haman nga magbutang ug 10,000 ka talent nga plata ngadto sa panudlanan kung maghatag ang hari ug mando nga patyon ang mga Judio.

Esther 3:12-13

Giunsa man paghatod sa kasulatan ngadto sa tanang mga probinsya sa hari?

Gihatod ang mga kasulatan pinaagi sa mga tigdala ug sulat ngadto sa tanang mga probinsya sa hari.

Esther 3:14-15

Giunsa man pagbalos sa Susa ngadto sa kasugoan?

Ang siyudad sa Susa anaa sa hilabihan nga kaguliyang.

Esther 4

Esther 4:1-3

Hangtod asa man naabot si Mordecai? Ug ngano?

Naabot lamang siya hangtod sa ganghaan sa hari, tungod kay walay bisan usa nga gitugotan sa pagsulod niini nga nagbisti ug sako.

Esther 4:4-5

Sa dihang gipadad-an ni Ester ug mga sinina si Mordecai aron sul-obon, unsa man ang iyang gibuhat?

Sa dihang nagpadala siya ug mga sinina aron sul-oban ni Mordecai, wala niya kini gidawat.

Esther 4:6-8

Unsa man ang gibalita ni Mordecai ngadto kang Hatak?

Gibalita ni Mordecai kang Hatak ang tanan nga nahitabo kaniya, ug ang kinatibuk-ang kantidad sa plata nga gisaad ni Haman nga ibayad ug ibutang sa panudlanan sa hari aron pamatyon ang mga Judio.

Nganong gihatagan man ni Mordecai si Hatak ug kopya sa kasugoan nga gimantala sa Susa alang sa kalaglagan sa mga Judio?

Gibuhat kini ni Mordecai aron nga mapakita kini ni Hatak ngadto kang Ester, ug kinahanglan nga ihatag kini ni Hatak ngadto kang Ester ang katungdanan aron sa pag-adto sa hari aron magpakiluoy alang sa iyang pabor, ug mangamuyo alang kaniya ug sa iyang katawhan.

Esther 4:9-12

Unsa man ang mahitabo kung adunay lalaki o babaye nga moadto sa hari sulod sa hawanan nga wala gipatawag?

Kung adunay lalaki o babaye nga moadto sa hari sulod sa hawanan nga wala gipatawag, adunay usa lamang ka balaod: nga kinahanglan patyon siya—gawas kung adunay tawo nga tunolan sa hari sa iyang bulawan nga setro aron mabuhi siya.

Esther 4:13-14

Unsa man ang gisulti ni Mordecai nga mahitabo kung nagpabilin nga magpakahilom si Ester niadtong panahona?

Kung nagpabilin nga magpakahilom si Ester niadtong panahona, kahupayan ug kaluwasan ang mopatigbabaw alang sa mga Judio gikan sa laing dapit, apan siya ug ang balay sa iyang amahan mangamatay gayod.

Esther 4:15-17

Unsa man ang gisulti ni Ester nga buhaton ni Mordecai?

Gisultihan ni Ester si Mordecai nga magtigom ang tanang mga Judio nga namuyo sa Susa, ug magpuasa alang kaniya sulod sa tulo ka adlaw.

Esther 5

Esther 5:1-2

Asa man nahimutang ang sulod nga hawanan sa palasyo sa hari?

Ang sulod nga hawanan sa palasyo sa hari nahimutang sa atubangan sa balay sa hari.

Sa dihang nakita sa hari si Ester ang rayna nga nagtindog sa hawanan, nganong iyaha mang gitunol ang bulawang setro nga anaa sa iyang kamot?

Nakaangkon ug pabor si Ester sa iyang panan-aw, busa iyang gitunol kang Ester ang bulawang setro nga anaa sa iyang kamot.

Esther 5:3-6

Unsa man ang gihangyo ni Ester ngadto sa hari?

Naghangyo si Ester nga moadto ang hari ug si Haman sa kombira nga iyang giandam alang kaniya.

Esther 5:7-8

Unsa man ang gihangyo ni Ester ngadto sa hari sa ikaduhang higayon?

Naghangyo siya nga moadto ang hari ug si Haman sa kombira nga iyang giandam alang kanila.

Esther 5:9-11

Unsa man ang gisaysay ni Haman ngadto sa iyang pamilya?

Gisaysay ni Haman kanila ang kadagaya sa iyang bahandi, ang gidaghanon sa iyang mga anak nga lalaki, kung giunsa niya sa pagpauswag labaw sa tanan nga mga opisyal ug sa mga sulugoon sa hari.

Esther 5:12-13

Nganong nakabati man si Haman nga walay pulos ang pag-agda kaniya sa mga kombira?

Walay pulos ang pag-agda kaniya sa mga kombira hangtod nga makita niya si Mordecai nga Judio nga nagalingkod sa ganghaan sa hari.

Esther 5:14

Unsa man ang gisulti ni Zeres nga himoon ni Haman? Ug ngano?

Miingon si Zeres kaniya nga maghimo ug bitayanan nga 50 ka cubit ang gihabogon aron nga ibitay si Mordecai niini.

Esther 6

Esther 6:1-3

Nganong gisugo man sa hari ang iyang mga sulugoon sa pagdala sa talaan sa mga panghitabo sa iyang paghari?

Dili makatulog ang hari nianang gabhiona, busa gisugo niya ang iyang mga sulugoon sa pagdala sa talaan sa mga panghitabo sa iyang paghari.

Unsa man ang gihimo aron sa pagpasidungog o pag-ila kang Mordecai sa pagsugilon ngadto sa hari mahitungod kang Bigtan ug Teres?

Walay gihimo bisan unsa aron sa paghatag ug pasidungog o pagpaila kang Mordecai sa pagsugilon niya sa hari mahitungod kang Bigtan ug Teres.

Esther 6:4-6

Sa dihang gipangutana sa hari si Haman kung unsa ang angay buhaton alang sa tawo nga nakapahimuot sa hari alang sa pagpasidungog, kinsa man ang gihunahuna ni Haman nga gihisgotan sa hari?

Sa dihang gipangutana sa hari si Haman kung unsa ang angay buhaton alang sa tawo nga nakapahimuot sa hari alang sa pagpasidungog, nagtuo si Haman nga naghisgot ang hari kaniya.

Esther 6:7-9

Kinsa man ang magpasul-ob sa tawo nga gikahimut-an sa hari alang sa pagpasidungog, ug mogiya kaniya nga nagsakay sa kabayo paingon sa kadalanan sa siyudad?

Sul-oban sa usa sa mga pinakahalangdon nga opisyal sa hari ang tawo nga iyang gikahimut-an sa pagpasidungog, ug mogiya kaniya nga nagsakay sa kabayo paingon sa kadalanan sa siyudad.

Esther 6:10-11

Kinsa man ang nagsul-ob ug sinina kang Mordecai ug migiya kaniya nga nagsakay sa kabayo paingon sa kadalanan sa siyudad?

Si Haman mao ang nagsul-ob ug sinina kang Mordecai ug gigiyahan siya nga nagsakay sa kabayo paingon sa kadalanan sa siyudad.

Esther 6:12-14

Mahitungod sa unsa man ang gipasidaan sa mga maalamong tawo ni Haman ug sa iyang asawa ngadto kaniya?

Miingon ang iyang mga maalamong tawo ug ang iyang asawa nga kung si Mordecai usa ka Judio, dili mapildi ni Haman, mapukan gayod si Haman sa iyang atubangan.

Esther 7

Esther 7:3-5

Unsa man ang gihangyo ni Ester?

Gusto si Ester nga ihatag ngadto kaniya ang iyang kinabuhi ug ang kinabuhi sa iyang katawhan.

Unsa man ang gisulti ni Ester nga buhaton unta niya kung ang iyang katawhan gibaligya lamang sa pagkaulipon?

Kung gibaligya lamang unta ang iyang katawhan ngadto sa pagkaulipon, magpakahilom na lamang unta siya.

Esther 7:6-7

Kinsa man ang gihulagway ni Ester ingon, "Nga masupilon nga tawo, nga kaaway..."?

Mao kini ang paghulagway ni Ester kang Haman.

Unsa man ang gibuhat ni Haman sa dihang mitindog ang hari nga nasuko gikan sa pag-inom ug bino?

Sa dihang mitindog ang hari nga nasuko gikan sa pag-inom ug bino, nagpabilin si Haman aron magpakiluoy ngadto kang Rayna Ester alang sa iyang kinabuhi.

Esther 7:8

Human nahapla si Haman sa lingkoranan diin anaa si Ester, unsa man ang gihunahuna sa hari nga gibuhat ni Haman?

Human nga nahapla si Haman sa lingkoranan diin anaa si Ester, naghunahuna ang hari nga iyang lugoson ang rayna sa atubangan sa hari.

Esther 7:9-10

Asa man ang gisulti sa hari nga ibitay si Haman?

Miingon ang hari nga ibitay si Haman ug ang iyang pamilya sa mga bitayanan nga gipatukod ni Haman alang kang Mordecai.

Esther 8

Esther 8:1-2

Nganong nagsugod man sa pag-alagad si Mordecai sa atubangan sa hari?

Nagsugod si Mordecai sa pag-alagad sa atubangan sa hari tungod kay miingon man si Ester sa hari nga paryenti niya si Mordecai.

Nganong si Mordecai man ang nagdumala sa mga kabtangan ni Haman?

Gipili ni Ester si Mordecai nga mao ang magdumala sa mga kabtangan ni Haman.

Esther 8:3-4

Unsa man ang gibuhat sa hari aron nga makatindog si Ester iyang atubangan?

Gitunol sa hari ang bulawan nga setro ngadto kang Ester; busa mitindog siya atubangan sa hari.

Esther 8:5-6

Unsa man nga mga sulat ang gihimo ni Haman?

Naghimo si Haman niadto nga mga sulat mahitungod sa paglaglag sa mga Judio nga anaa sa tanang mga probinsya sa hari.

Esther 8:7-8

Nganong kinahanglan man magsulat si Ester ug laing kasugoan alang sa mga Judio sa ngalan sa hari?

Kinahanglan magsulat si Ester ug laing kasugoan alang sa mga Judio sa ngalan sa hari, kay ang unang kasugoan nga nahisulat na pinaagi sa ngalan sa hari ug giselyohan sa singsing sa hari dili na mamahimong bakwion pa.

Esther 8:9

Kanus-a man gipatawag ang mga escriba sa hari?

Gipatawag ang mga escriba sa hari sa ikatulo nga bulan, nga mao ang bulan sa Sivan, sa ika-23 nga adlaw sa bulan.

Esther 8:10-14

Unsa man ang gihatag nga pagtugot sa hari nga buhaton sa mga Judio?

Gihatagan sa hari ang mga Judio ug pagtugot nga magtigom ug mobarog aron sa pagpanalipod sa ilang mga kinabuhi; sa pagpatay, ug sa paglaglag ni bisan kinsa nga gikan sa bisan unsang katawhan o probinsya nga mosulong kanila, lakip ang mga bata ug kababayen-an, o sa pag-ilog sa ilang mga gipanag-iyahan.

Esther 8:15-17

Nganong daghan man ang nahimong mga Judio gikan sa nagkalain-laing mga katawhan sa yuta?

Daghan ang gikan sa nagkalain-laing mga katawhan sa yuta ang nahimong mga Judio tungod kay midangat kanila ang pagkahadlok ngadto sa mga Judio.

Esther 9

Esther 9:1-2

Nganong wala may makabarog batok sa mga Judio?

Walay makabarog batok sa mga Judio kay ang pagkahadlok kanila midangat ngadto sa tanang katawhan.

Esther 9:3-10

Unsa man ang gibuhat sa mga Judio ngadto sa ilang mga kaaway?

Gisulong sa mga Judio ang ilang mga kaaway pinaagi sa espada, sa pagpatay, ug sa paglaglag kanila, ug gibuhat ang makapalipay kanila niadtong adunay kalagot kanila.

Esther 9:11-12

Kinsa man ang gipamatay sa mga Judio?

Gipamatay sa mga Judio ang 500 ka kalalakin-an sa siyudad sa Susa, lakip ang napulo ka mga anak nga lalaki ni Haman.

Esther 9:13-14

Unsa man ang nahitabo sa mga patay nga lawas sa napulo ka mga anak nga lalaki ni Haman?

Gibitay ang mga patay nga lawas sa napulo ka mga anak nga lalaki ni Haman ngadto sa bitayanan.

Esther 9:15-16

Pila man ka kalalakin-an ang gipatay sa mga Judio sa ikanapulog upat nga adlaw sa bulan sa Adar?

Sa ikanapulog upat nga adlaw sa bulan sa Adar, gipamatay sa mga Judio ang dugang 300 ka kalalakin-an sa Susa.

Esther 9:17-19

Nganong nagasaulog man ang mga Judio sa mga baryo sa ika-katorse nga adlaw sa bulan sa Adar ingon nga adlaw sa paglipay ug pagkombira?

Gisaulog sa mga Judio nga anaa sa mga baryo ang ika-katorse nga adlaw sa bulan sa Adar ingon nga adlaw sa paglipay ug pagkombira tungod kay mihunong sila sa pagpatay, ug nagpahulay sila ug gihimo kadto nga adlaw sa pagkombira ug paglipay.

Esther 9:20-22

Pila man kahigayon nga gisugo ni Mordecai ang mga Judio sa paghinumdom sa ika-katorse ug ika-kinse nga adlaw sa bulan sa Adar?

Nagsugo si Mordecai kanila sa paghinumdom sa ika-katorse ug ika-kinse nga adlaw sa bulan sa Adar matag tuig.

Esther 9:23-25

Unsa man ang buot pasabot sa Pur?

Ang Pur nagpasabot nga 'ripa'.

Esther 9:26-32

Nganong dili man moundang ang mga Judio ug ang ilang mga kaliwat sa matinud-anong pagsaulog sa mga adlaw sa Purim?

Dili moundang ang mga Judio ug ang ilang mga kaliwat sa matinud-anong pagsaulog niining mga adlawa sa Purim, aron nga dili nila kini malimtan.

Esther 10

Esther 10:1-2

Asa man nagpahamtang ug buhis si Haring Ahasuerus?

Nagpahamtang ug buhis si Haring Ahasuerus sa yuta ug sa mga baybayon sa dagat.

Asa man gisulat ang tanang nakab-ot sa gahom ni Haring Ahasuerus?

Gisulat ang tanang nakab-ot sa iyang gahom sa Libro sa mga Cronicas sa mga Hari sa Media ug Persia.

Esther 10:3

Unsa man ang katungdanan ni Mordecai nga Judio?

Si Mordecai mao ang nagsunod kang Haring Ahasuerus.

Nganong bantogan man si Mordecai taliwala sa mga Judio ug inila sa daghan niyang kaigsoonang mga Judio?

Bantogan siya taliwala sa mga Judio ug inila sa daghan niyang kaigsoonang mga Judio, kay nangita siya sa kauswagan sa iyang katawhan ug nakigsulti siya alang sa kalinaw sa tanan niyang katawhan.