Ruth

Ruth 1

Ruth 1:1-2

Sa unsang panahona sa kasaysayan sa mga Judio nahitabo ang istorya ni Ruth?

Nahitabo kini sa panahon sa pagdumala sa mga maghuhukom

Nganong miadto man si Elimelec sa Moab uban sa iyang pamilya?

Miadto sila didto tungod kay adunay kagutom sa Juda.

Ruth 1:3-5

Unsay nahitabo sa pamilya ni Naomi sa Moab?

Ang iyang bana ug ang iyang duha ka anak nga lalaki namatay, nahibilin ang duha niya ka umagad.

Ruth 1:6-7

Nganong nakahukom man si Naomi nga mobalik sa Juda?

Nadungog niya nga ang katawhan sa Juda gihatagan ni Yahweh ug pagkaon.

Ruth 1:8-15

Unsa man ang gusto ni Naomi nga ipabuhat sa iyang duha ka umagad?

Gusto siya nga mobalik sila sa balay sa ilang mga inahan ug mangita sila ug laing mga bana.

Ruth 1:16-18

Sa dihang nagpabilin si Ruth kang Naomi, unsa man nga saad ang gibuhat ni Ruth ngadto kang Naomi?

Miingon siya, "Kung asa ka moadto, moadto ako; ug kung asa ka mopuyo; adto usab ako mopuyo; ang imong katawhan mahimong akong katawhan, ug ang imong Dios mahimong akong Dios; kung asa ka mamatay, didto usab ako mamatay."

Ruth 1:19-21

Asa nga lungsod mibalik si Naomi?

Mibalik siya ngadto sa Betlehem.

Ruth 1:22

Unsa nga panahon sa tuig miabot si Naomi ug Ruth sa Betlehem?

Sa pagsugod sa ting-ani sa sebada

Ruth 2

Ruth 2:1-2

Unsa man ang relasyon tali sa namatay nga bana ni Naomi ug kang Boaz?

Magkadugo sila.

Ruth 2:3-4

Unsa man ang relasyon tali sa namatay nga bana ni Naomi ug kang Boaz?

Magkadugo sila.

Ruth 2:5-7

Unsa man ang gustong mahibal-an ni Boaz mahitungod kang Ruth?

Gusto niyang mahibal-ang kung kinsang lalakiha ang nanag-iya kaniya.

Ruth 2:8-9

Unsa man ang gisulti ni Boaz kang Ruth mahitungod sa iyang pagpanghagdaw?

Miingon siya, "Pagpabilin ug trabaho sa akong kaumahan kauban ang akong kadalagahang mga magbubuhat."

Ruth 2:10-14

Human niya madawat ang mga pagmaymay, unsa ang gipangutana ni Ruth kang Boaz?

Nangutana siya, "Nganong nakakaplag man ako ug pabor sa imong panan-aw?

Ruth 2:15-18

Unsa pa man nga pabor ang gipakita ni Boaz kang Ruth sa pagpamalik nila ug trabaho mahuman ang paniudto?

Gitugotan niya si Ruth nga manghagdaw diha sa mga uhay, ug gisugo ang mga mangangani nga mangibot ug uhay diha sa binugkos alang kaniya.

Ruth 2:19-22

Sa pagkakita ni Naomi nga daghang mga lugas ang nadala ni Ruth, unsa man ang gipangutana niya kang Ruth?

Nangutana siya, "Asa man ka nanghagdaw karong adlawa?"

Ruth 2:23

Unsa man ang gibuhat ni Ruth hangtod matapos ang pag-ani sa sebada?

Nanghagdaw siya kauban ang mga trabahador ni Boaz ug mipuyo kang Naomi.

Ruth 3

Ruth 3:1-2

Unsa ang gisulti ni Naomi nga iyang tinguha alang kang Ruth?

Nagtinguha siya nga si Ruth adunay usa ka dapit aron mapahulayan, ug ang mga butang mamaayo alang kaniya.

Ruth 3:3-7

Unsay gisulti ni Naomi kang Ruth aron buhaton sa dili pa molugsong sa giukanan?

Gisulti-an niya siya nga maligo, magpahumot, ug mag-ilis ug bisti.

Ruth 3:8-9

Sa tungang gabii, unsay gikatingalahan ni Boaz?

Natingala siya nga adunay usa ka babaye nga naghigda sa iyang tiilan!

Ruth 3:10-11

Nganong nangayo man ug panalangin si Boaz kang Yahweh alang kay Ruth?

Tungod kay nagnunot si Ruth kang Boaz ug dili sa batan-ong mga lalaki.

Ruth 3:12-13

Unsay babag nga nakapugong kang Boaz gikan sa hinanali nga pagbuhat kabahin sa usa ka kadugo nga lalaki alang kang Ruth?

Aduna pay mas duol nga kadugo nga lalaki kaysa kang Boaz.

Ruth 3:14-18

Nganong sayo man mibiya sa giukanan si Ruth sa wala pay makaila kaniya?

Tungod kay miingon si Boaz nga kinahanglan dili mahibalo-an nga miadto siya sa giukanan.

Ruth 4

Ruth 4:1-2

Asa man miadto si Boaz aron masulbad ang hisgotanan kung kinsa ang suod nga kadugo nga lalaki alang kang Ruth?

Mitungas siya ngadto sa ganghaan sa siyudad.

Ruth 4:3-4

Unsa man ang unang gipangutana ni Boaz nga lukaton sa laing suod nga kadugo nga lalaki?

Gipangutana niya siya sa paglukat sa luna sa yuta nga gipanag-iyahan ni Elimelec.

Ruth 4:5-8

Unsa man ang ingon ni Boaz nga dugang nga gikinahanglan buhaton sa iyang suod nga kadugo nga lalaki?

Giingnan niya siya nga kinahanglan usab niyang kuhaon si Ruth sa paagi nga mapadayon ang ngalan ni Elimelec uban sa iyang kaliwatan.

Ruth 4:9-15

Gipahinumdoman ba ni Boaz ang mga kadagkoan nga sila misaksi kung unsa ang gikasabotan sa duha?

Misaksi sila nga napalit na ni Boaz ang tanan nga gipanag-iyahan ni Elimelec, ug gipangasawa niya si Ruth.

Ruth 4:16-22

Unsa man ang relasyon ni Naomi sa anak nga lalaki ni Ruth?

Si Naomi nahimo niyang ikaduha nga inahan.