၁။ ဖန်ဆင်းတော်မူခြင်း

ဤအကြောင်းအရာများသည် ဘုရားရှင်ကအရာအားလုံအား အစဦးပိုင်းတွင်မည်သို့ဖန်ဆင်းတော်မူခဲ့သည်ကိုဖော်ပြထားခြင်း ဖြစ်သည်။ ဘုရားရှင်သည် စကြ ဝဠာကြီးနှင့် အရာအားလုံးတို့ကိုခြောက်ရက်အတွင်း ဖန်ဆင်းတော်မူခဲ့သည်။ ဘုရားရှင်သည်ကမ္ဘာကြီးကိုစတင်ဖန်ဆင်းပေးခဲ့စဉ်က မည်သည့်အရာမှမရှိသေးသဖြင့် ကမ္ဘာသည်မှောင်မိုက်နေသည့်ဟင်းလင်းပြင်ဖြစ်နေခဲ့သည်။ သို့သော်ဘုရားရှင်၏ဝိညာဉ်တော်သည်ကမ္ဘာ့ရေမျက်နှာ ပြင်ပေါ်တွင်တည်ရှိနေခဲသည်။

ထို့နောက်ဘုရားရှင်က"ဤကမ္ဘာမှာ အလင်းရောင်ရှိစေ"ဟုဗျာဒိတ်တော်ပေးလိုက်သည်။ ထို့ကြောင့်ဤကမ္ဘာပေါ်တွင် အလင်းရောင်ရှိလာခဲ့သည်။ ဘုရားရှင်သည်ထို အလင်းရောင်ကောင်းမွန်သည်ကိုရှုမြင်ပြီး ‘နေ့’ဟုခေါ်ခဲ့သည်။အလင်း‌ရောင်အားအမှောင်ထဲမှခွဲထုတ်လိုက်ပြီး၊ထိုအမှောင်အား'ည'ဟုခေါ်လိုက်လေသည်။ ဘုရားရှင်သည် အလင်းရောင်အား ဖန်ဆင်းခြင်း၏ ပထမဆုံးနေ့တွင်ဖန်ဆင်းတော်မူခဲ့ပါသည်။

ဖန်ဆင်းခြင်း၏ဒုတိယနေ့တွင် ဘုရားရှင်က "ရေပေါ်အထက်တွင်မိုးမျက်နှာကျက်တစ်ခုရှိစေ"ဟုဗျာဒိတ်တော်ပေးလိုက်သည်။ထိုအခါတွင် မျက်နှာကျက်တစ်ခုရှိလာခဲ့ပြီးဘုရားရှင်ကထို အရာကို"မိုး ကောင်းကင်"ဟုခေါ်ခဲ့သည်။

တတိယမြောက်နေ့တွင် ဘုရားရှင်သည်"ရေများအားတစ်နေရာတွင်စုဝေးစေပြီး ကုန်းမြေပေါ် ပေါက်စေ"ဟုဗျာဒိတ်တော်ပေးခဲ့လေသည်။ ဘုရားရှင်သည်ကုန်းမြေအား "ကမ္ဘာမြေကြီး"ဟုခေါ်ဝေါ်ခဲ့ပြီး ရေများကို "ပင်လယ်များ "ဟု ခေါ်ဝေါ်ခဲ့သည်။ ဘုရားရှင်သည် သူဖန်ဆင်းခဲ့သည့်အရာများပြည့်စုံကောင်းမွန်သည်ကိုမြင်တွေ့တော်မူလေသည်။

ထို့နောက်ဘုရားရှင်သည် "ကမ္ဘာမြေကြီးအား သစ်ပင်နှင့်ပန်းပင်မျိုးစုံကို ပေါက်ရောက်စေ"ဟုဗျာဒိတ်တော် ပေးခဲ့လေသည်။ ထို့နောက်သစ်ပင်၊ပန်းပင်များဖြစ်ပေါ်လာခဲ့သည်။ ဘုရားရှင်သည် သူဖန်ဆင်းခဲ့သည့်အရာများကောင်းမွန်သည်ကိုမြင်တွေ့တော်မူလေသည်။

ဖန်ဆင်းခြင်း၏စတုတ္ထမြောက်နေ့တွင် ဘုရားရှင်သည် "ကောင်းကင်ယံ၌ အလင်းရောင်များ ရှိစေဟုဗျာဒိတ်တော်ပေးလိုက်သောအခါနေ၊ လနှင့်ကြယ်တာရာများကိုပါ ပေါ်ပေါက်စေခဲ့သည်။ ဘုရားရှင်သည်ထိုအရာတို့အား ကမ္ဘာမြေကြီးအတွက်အလင်းရောင်ပေးရန်၊နေ့၊ည၊ရာသီဥတုများနှင့် သက္ကရာဇ်များအားမှတ်သားရန် ဖန်ဆင်းတော်မူခဲ့ပါသည်။ ဘုရားရှင်သည် သူဖန်ဆင်းခဲ့သည့်အရာများ ကောင်းမွန်သည်ကိုရှုစားတော်မူလေသည်။

ပဉ္စမမြောက်နေ့တွင် ဘုရားရှင်သည် "ရေထဲတွင်သက်ရှိသတ္တဝါများဖြင့်ပြည့်စေပြီး ကောင်းကင်ယံ၌ ငှက်များအားပျံသန်းစေ"ဟုဗျာဒိတ်တော်ပေးလိုက်ပါသည်။ ဤနည်းဖြင့်ဘုရားရှင်သည် ရေထဲတွင်ကူးခတ်လှုပ်ရှားသည့် ရေသတ္တဝါများနှင့်ငှက်များကိုလည်းပျံသန်းအောင်ဖန်ဆင်းတော်မူခဲ့‌လေသည်။ ဘုရားရှင်သည် ထိုအရာတို့ကောင်းမွန်သည်ကိုရှုစားတော်မူပြီး ၎င်းတို့အားကောင်းချီးမင်္ဂလာများပေးခဲ့လေသည်။

ဖန်ဆင်းခြင်း၏ဆဌမမြောက်နေ့တွင် ဘုရားရှင်သည် "ကုန်းနေသတ္တဝါများစွာ ပေါ်ပေါက်စေ" ဟုဗျာဒိတ်တော်ပေးခဲ့လေသည်။ ထို့နောက် ဘုရားရှင်ဗျာဒိတ်တော်‌‌‌ပေးသည့်အတိုင်းဖြစ်ပေါ်ခဲ့ပြီး အချို့မှာ မွေးမြူရေး တိရိစ္ဆာန်များဖြစ်၍ အချို့မှာမြေကြီးပေါ်တွင်တွားသွားသတ္တဝါများဖြစ်ကာ အချို့မှာတောရိုင်းတိရစ္ဆာန်များဖြစ်ကြသည်။ ထို့နောက်ဘုရားရှင်သည် ဤအရာတို့ကောင်းမွန်တော်မူသည်ကိုတွေ့မြင်တော်မူလေသည်။

ထို့နောက်ဘုရားရှင်က "ငါတို့နှင့်ပုံသဏ္ဍာန်တူလူသားအားဖန်ဆင်းစေ၊ ထိုသူတို့သည် ကမ္ဘာကြီးနှင့်တိရစ္ဆာန်အားလုံး အပေါ်၌ အုပ်ချုပ်ကြီးစိုးစေ" ဟု ဗျာဒိတ်တော်ပေးခဲ့လေသည်။

ထိုအခါဘုရားရှင်သည် မြေမှုန်အချို့အားယူ၍လူ ယောကျ်ားပုံသဏ္ဍာန်ပြုလုပ်ကာဇီဝအသက်ကိုမှုတ်သွင်းတော်မူခဲ့ပြီး ထိုလူသား၏အမည်မှာ "အာဒမ်"ဖြစ်လေသည်။ ဘုရားရှင်သည်‘အာဒမ်’နေထိုင်ရန်အတွက်ကြီးမားသောဥယျာဉ်တစ်ခုအား ဖန်ဆင်းပေးတော်မူ‌လေသည်။အာဒမ်ကိုထိုဥယျာဉ်အား ကြည့်ရှုစောင့်ရှောက်ရန်စေခိုင်းထားလေသည်။

ထိုဥယျာဉ်၏အလယ်တွင် ဘုရားရှင်သည် အသက်၏သစ်ပင်နှင့် ကောင်းခြင်းဆိုးခြင်းအားသိနိုင်သည့် အသိဉာဏ်သစ်ပင်ဟူ၍ထူးခြားဆန်းပြားသောသစ်ပင်နှစ်ပင်အား စိုက်ပျိုးထားခဲ့လေသည်။ ဘုရားရှင်သည် ‘အာဒမ်’အား ကောင်းခြင်းဆိုးခြင်းအားသိနိုင်သော အသိဉာဏ်သစ်ပင်မှလွဲ၍ မည်သည့်သစ်ပင်မှမဆို စားသုံးခွင့်ပြုတော်မူလေသည်။ ဤသို့တားမြစ်ထားသည့်အပင်မှအသီးကိုစားသုံးလျှင် သေလိမ့်မည်ဟုပညတ်ထားခဲ့လေသည်။

ထို့နောက်ဘုရားရှင်သည် "လူသားတစ်ဦးတည်းအထီးကျန်နေရခြင်းမှာ မကောင်းပါတကား"ဟုမြွက်ဆိုတော်မူလိုက်လေသည်။မည်သည့် တိရိစ္ဆာန်မှလည်း ‘အာဒမ်’ ၏ကူဖော်လောင်ဖက်မဖြစ်နိုင်ပေ။

ထို့ကြောင့်ဘုရားရှင်သည် ‘အာဒမ်’အားနှစ်ခြိုက်စွာအိပ်ပျော်စေခဲ့ပြီး ‘အာဒမ်’၏နံရိုးတစ်ချောင်းကို ယူ၍ မိန်းမအဖြစ်ဖန်ဆင်းကာ အာဒမ်ထံသို့ ခေါ်ဆောင်တော်မူလာခဲ့သည်။

‘အာဒမ်’သည်သူမအားမြင်ရသောအခါ “နောက်ဆုံးတွင်ဤတစ်ယောက်သည် ကျွန်ုပ်နှင့်တူပြီး သူမသည်ယောကျာ်းထံမှဆင်းသက်လာသောကြောင့်သူမအားမိန်းမဟုခေါ်မည်။”ဟုပြောလိုက်လေသည်။ ထို့ကြောင့် ယောက်ျားများသည် ၎င်း၏မိဘများအားစွန့်ခွါ၍ မိန်းမနှင့်စုံဖက်ကြခြင်းဖြစ်သည်။

ဘုရားရှင်သည်ယောက်ျားနှင့်မိန်းမကိုသူ၏ပုံသ ဏ္ဌာန်အတိုင်းဖန်ဆင်းတော်မူခဲ့ခြင်းဖြစ်သည်။ ဘုရားရှင်သည် သူတို့အားကောင်းချီးပေး၍ "သားသမီးများ၊မြေးများ မြောက်များစွာမွေးကာ ဤကမ္ဘာမြေအားဖြည့်ဆည်းစေ"ဟု မိန့်တော်မူခဲ့သည်။ ထို့နောက်ဘုရားရှင်သည် ၎င်းပြုလုပ်ခဲ့သော အရာများအားလုံး ကောင်းမွန်သည်ကိုတွေ့ရှိခဲ့ပြီး အရာအားလုံးတို့အား အလွန်ကျေနပ်ခဲ့ပါသည်။ ဤအရာအားလုံးသည် ဖန်ဆင်းခြင်း၏ ဆဌမမြောက်နေ့တွင် ဖြစ်ပေါ်ခဲ့ခြင်းဖြစ်သည်။

သတ္တမမြောက်နေ့သို့ရောက်ရှိသောအခါတွင် ဘုရားရှင် သည်မိမိဖန်ဆင်းခြင်းအမှုအလုံးစုံ ပြီးမြောက်ခဲ့လေသည်။ သူသည်ထိုသတ္တမမြောက်နေ့ကိုသန့်ရှင်းမြင့်မြတ်သောနေ့အဖြစ် ကောင်းချီးမင်္ဂလာ‌ပေးခဲ့သည်။ အဘယ့်ကြောင့်ဆိုသော် ထိုနေ့တွင်ဖန်ဆင်းခြင်းအားလုံးအား ရပ်နားလိုက်သောနေ့ဖြစ်သောကြောင့်ဖြစ်သည်။ ဤသို့ဖြင့် ဘုရားရှင်သည် စကြာဝဠာနှင့် တကွအရာအားလုံးကို ဖန်ဆင်း‌‌တော်မူခဲ့လေသည်။

ကမ္ဘာဦးကျမ်း ၁-၂