၄၈။မေရှိယအဖြစ်ကတိပေးတော်မူခြင်းခံရသောကိုယ်တော်ယေရှု

ဘုရားရှင်သည် ကမ္ဘာမြေကြီးကို ဖန်ဆင်းလိုက်သောအခါတွင် အရာအားလုံးသည် ပြီးပြည့်စုံခဲ့သည်။ အပြစ်ဟူ၍မရှိခဲ့။အာဒမ်နှင့်ဧဝတို့သည် တစ်ဦးကိုတစ်ဦးချစ်ကြပြီး ဘုရားရှင်အား လည်း ချစ်ခင်မြတ်နိုးခဲ့ကြသည်။ မကျန်းမာခြင်း၊ သေဆုံးခြင်းဟူ၍လည်းမရှိပါ။ဤနည်းလမ်းသည်ဘုရားရှင်ကကမ္ဘာကြီးကိုဖြစ်စေလိုသည့်နည်းလမ်းဖြစ်သည်။

စာတန်သည် ဧဝကိုလှည့်ဖြားလိုသောကြောင့်ဥယျာဉ်ထဲတွင်မြွေအသွင်ဖြင့်စကားပြောဆိုခဲ့ပါသည်။ ထို့နောက် သူမ နှင့်အာဒမ်သည်ဘုရားရှင်ကိုဆန့်ကျင်၍ အပြစ်များကျူးလွန်ခဲ့ပါသည်။ သူတို့အပြစ်များ ကျူးလွန်ခဲ့သောကြောင့် ကမ္ဘာပေါ်တွင်လူတိုင်းသေဆုံးကြရသည်။

အာဒမ်နှင့်ဧဝတို့သည် ဘုရားရှင်ပေါ်တွင်ဆိုးရွားသောအပြစ်လွန်ကျူးမိသောကြောင့် ဘုရားရှင်၏ရန်သူများဖြစ်သွားကြလေသည်။ ဤအကျိုး ရလဒ်ကြောင့် လူတိုင်းအပြစ်ရှိကြ၏။လူတိုင်းမွေးဖွားချိန်မှစ၍ ဘုရားရှင်၏ရန်သူ များဖြစ်ကြရ၏။ ဘုရားရှင်နှင့်လူများကြားတွင် ငြိမ်းချမ်းရေးမရှိတော့ပေ။ သို့သော်ဘုရားရှင်သည် ငြိမ်းချမ်းရန်အလိုတော်ရှိခဲ့သည်။

ဧဝ၏မျိုးဆက်တစ်ဦးက စာတန်၏ဦးခေါင်းကိုနင်းခြေမည်ဖြစ်၍ စာတန်သည် ထိုလူ၏ ဖနောင့်ကိုကိုက်လိမ့်မည်ဟူ၍ ဘုရားရှင်က ကတိပေးတော်မူခဲ့သည်။ အခြားနည်းဖြင့်ဆိုလျှင် စာတန်သည် မေရှိယအားသတ်ပစ်မည်ဖြစ်သော်လည်း ဘုရားရှင်သည်သူ့ကိုပြန်လည်အသက်ရှင်ရန်ထမြောက်စေတော်မူလိမ့်မည်။ မေရှိယသည် စာတန်၏အစွမ်းများအားလုံးကို ယူဆောင်သွားလိမ့်မည်။ နှစ်ပေါင်းများစွာကြာသောအခါတွင် ထိုမေရှိယသည် ကိုယ်တော်ယေရှုဖြစ်ကြောင်း ဘုရားရှင်ကပြသတော်မူ ခဲ့လေသည်။

ဘုရားရှင်သည် ကျရောက်စေမည်ဖြစ်သော ရေကြီးမှုမှ ကယ်တင်နိုင်ရန် နောဧနှင့် သူ၏မိသားစုကို သင်္ဘောတစ်စီးဆောက်စေတော်မူခဲ့သည်။ ဘုရားရှင်သည် သူ့အားယုံကြည်သူတို့ကို ဤသို့ကယ်တင်တော်မူခဲ့သည်။ ထိုနည်းတူစွာပင် လူတိုင်းသည် အပြစ်များကျူးလွန်ထားသောကြောင့် သေခြင်းနှင့်ထိုက်တန်စေပါသည်။ သို့သော် ဘုရားရှင်သည်သူ့အား ယုံကြည်သူအားလုံးအား ကယ်တင်ရန် ကိုယ်တော်ယေရှုအား စေလွှတ်တော်မူခဲ့လေသည်။

နှစ်ရာပေါင်းများစွာကဘာသာရေးခေါင်းဆောင်များသည် ဘုရားရှင်အားယဇ်ပူဇော်ပသ မှုများစွာပြုလုပ်ခဲ့ပါသည်။ ဤသည်မှာ လူများကအပြစ်များကို ကျူးလွန်ခဲ့သည့်အတွက်ဘုရားရှင်၏ အပြစ်ပေးမှုကို ထိုက်တန်သည်ဟုခံစားကြရသောကြောင့် ဖြစ်ပါသည်။ သို့သော် ထိုယဇ်ပူဇော်မှုများဖြင့် သူတို့၏အပြစ်များကို ခွင့်လွှတ်ပေးအောင်မလုပ်နိုင်ပေ။ ကိုယ်တော်ယေရှုသည်မြင့်မြတ်တော်မူသော သာသနာရေးဆိုင်ရာမဟာနာယကမင်းကြီးဖြစ်လေသည်။ ထိုဘာသာရေးခေါင်းဆောင်များ မပြုလုပ်ပေးနိုင်ခဲ့သောအရာများကိုကိုယ်တော် ပြုလုပ်ပေးနိုင်ခဲ့ပါသည်။ သူသည် လူတိုင်း၏အပြစ်များကို ခွင့်လွှတ်ပေးနိုင်ရန်အတွက် မိမိအသက်ကိုဇီဝိတဒါနအဖြစ်ဘုရားရှင်အားပူဇော်ခဲ့လေသည်။ ကျွန်ုပ်တို့၏ အပြစ်များအတွက်သူ့ထံသို့သာ ကျရောက်စေရန် ဘုရားရှင်အပြစ်ပေးသည်ကိုခံယူတော်မူခဲ့လေသည်။ ဤအကြောင်းများကြောင့် ကိုယ်တော်ယေရှုသည် ကြီးမြတ်ပြည့်စုံသောမဟာနာယကတစ်ပါးဖြစ်ပါသည်။

ဘုရားရှင်သည် အာဗြဟံအား “ကျွန်ုပ်သည် သင်မှတစ်ဆင့်ကမ္ဘာပေါ်တွင်ရှိသော တိုင်းနိုင်ငံအသီးသီးမှလူမျိုးတိုင်းကို ကောင်းချီးပေးမည်” ဟူ၍ပြောကြားလိုက်ပါသည်။ ကိုယ်တော် ယေရှုသည် အာဗြဟံ၏မျိုးဆက်တစ်ဦးဖြစ်ပါသည်။ ဘုရားရှင်သည် ကိုယ်တော်ယေရှုအား ယုံကြည်သူတိုင်းကို အပြစ်များမှ ကယ်တင်ပေးခြင်းဖြင့်လူများကို အာဗြဟံမှတစ်ဆင့် ကောင်းချီးပေးတော်မူခဲ့သည်။ ဤလူများသည် ကိုယ်တော်ယေရှုအား ယုံကြည်သောအခါတွင် ဘုရားရှင်သည် သူတို့ကိုအာဗြဟံ၏မျိုးဆက်များဟု သတ်မှတ်တော်မူလေသည်။

ဘုရားရှင်သည် အာဗြဟံအား ၎င်းကိုယ်တိုင်သူ၏သားအားယဇ်ပူဇော်ရန် မိန့်ကြားတော်မူခဲ့လေသည်။ သို့ သော်ဘုရားရှင်သည် သူ၏သားဣဇာက်အစား သိုးတစ်ကောင်အား ပူဇော်ရန်အာဗြဟံကိုပေး ခဲ့သည်။ ကျွန်ုပ်တို့အားလုံးသည် မိမိတို့အပြစ်များအတွက်သေထိုက်၏။ သို့သော် ဘုရားရှင် သည် ကျွန်ုပ်တို့ကိုယ်စား ယဇ်ပူဇော်ရန်အတွက် ကိုယ်တော်ယေရှု၏အသက်အားဇီဝိတဒါနအဖြစ်စွန့်လွှတ်တော်မူစေခဲ့သည်။ ထို့ကြောင့် ကျွန်ုပ်တို့သည် ကိုယ်တော်ယေရှုအား ဘုရားရှင်၏သိုးဟုခေါ်ခြင်း ဖြစ်ပါသည်။

ဘုရားရှင်သည် အီဂျစ်ပြည်သို့နောက်ဆုံးဘေးဒဏ်ဆိုးကိုမပြုမီဣသရေလမိသားစုတိုင်း အား သိုးတစ်ကောင်စီသတ်စေခဲ့ပါသည်။ ထိုသိုးသည် မည်သည့်အပြစ်အနာအဆာမှမရှိရပါ။ ထို့နောက် ထိုသိုး၏သွေးများကို ၎င်းတို့၏အိမ်တံခါးဘေးနှစ်ဘက်နှင့်အပေါ်တွင် သုတ်လိမ်းစေခဲ့ ပါသည်။ ဘုရားရှင်သည် ထိုသိုး၏သွေးကို မြင်သောအခါတွင် ထိုအိမ်များရှိ ပထမဆုံးမွေးသော သားဦးများကို မသေစေဘဲ ကျော်သွားခဲ့လေသည်။ ဤကဲ့သို့ဖြစ်ပျက်ခဲ့သည်ကို ဘုရားရှင်က ပသခါပွဲတော်ဟုခေါ်လေသည်။

ကိုယ်တော်ယေရှုသည် ပသခါပွဲတော်မှ သိုးနှင့်တူပါသည်။ သူသည် မည်သည့်အခါတွင်မှ အပြစ်လုပ် ခြင်းမရှိသောကြောင့် သူနှင့်ပက်သတ်၍မည်သည့်အရာမှ မှားယွင်းနေခြင်းမရှိပါ။ သူသည် ပသခါပွဲတော် ကျရောက်ချိန်တွင် အသတ်ခံခဲ့ရခြင်းဖြစ်ပါသည်။ မည်သူမဆို ကိုယ်တော်ယေရှုအား ယုံကြည်သောအခါ တွင် ကိုယ်တော်ယေရှု၏အသွေးတော်ဖြင့် ထိုလူများ၏အပြစ်များအား ပေးဆပ်တော်မူခဲ့သည်။ထိုယုံကြည်သူများအားပြစ်ဒဏ်စီရင်ခြင်းမပြုဘဲဘုရားရှင်သည်ကျော်လွန်တော်မူလေသည်။

ဘုရားရှင်သည် ဣသရေလလူမျိုးများနှင့်ပဋိညာဉ်တစ်ခုပြုလုပ်ခဲ့ခြင်းမှာဤလူမျိုးအားဘုရားရှင်ကရွေးကောက်တော်မူထားသောကြောင့်ဖြစ်သည်။သို့သော် ဘုရားရှင်သည် လူတိုင်းအတွက် ပဋိညာဉ်အသစ်တစ်ခုပြုတော်မူခဲ့သည်။ မည်သည့်လူမျိုးမဆို ပဋိညာဉ်အသစ်အားလက်ခံလျှင် ဘုရားရှင်၏အနွယ်တော်ဖြစ်လေသည်။ သူသည် ကိုယ်တော်ယေရှုအား ယုံကြည် ခြင်းကြောင့် ဤကဲ့သို့လုပ်ဆောင်ခြင်းဖြစ်ပါသည်။

မောရှေသည် ဘုရားရှင်၏နှုတ်ကပါတ်တော်များကိုကြီးမားသောတန်ခိုး စွမ်းအားဖြင့် ပြောပြခဲ့သူတစ်ဦးဖြစ်ပါ သည်။ သို့သော် ကိုယ်တော်ယေရှုသည် ထိုသူများထဲမှ အကြီးမြတ်ဆုံးရှေ့ဖြစ်ဟောပညာရှင် တစ်ဦးဖြစ်သည်။သူသည် ဘုရားရှင်လည်းဖြစ်သောကြောင့် သူပြုမူခဲ့သော အပြုအမူများအားလုံးနှင့် စကားလုံးတိုင်း သည် ဘုရားရှင်၏နှုတ်ကပတ်တော်အတိုင်းသာပြုမူခဲ့လေသည်။ထို့ကြောင့်ကျမ်းစာရေးသူများကကိုယ်တော်ယေရှုအားဘုရားရှင်၏နှုတ်ကပတ်တော်ဟုခေါ်ဝေါ်ကြခြင်းဖြစ်လေသည်။

ဘုရားရှင်က ဘုရင်ဒါဝိဒ်၏နောင်လာနောက်သားများသည် ဘုရားရှင်၏မျိုးဆက်များကို အုပ်ချုပ်ရ လိမ့်မည်ဟု ကတိတော်ပေးခဲ့ပါသည်။ ကိုယ်တော်ယေရှုသည်ဘုရားရှင်၏သားတော်မေရှိယဖြစ်ပြီး၊ထာဝရစိုးစံတော်မူမည့် ဒါဝိဒ်၏အဆက်အနွယ် ဖြစ်တော်မူသည်။

ဒါဝိဒ်ဘုရင်မှာ ဣသရေလ၏ဘုရင်ဖြစ်သော်လည်း ကိုယ်တော်ယေရှုမှာ စကြာဝဠာ တစ်ခုလုံး၏ဘုရင်ဖြစ်လေသည်။ သူသည်နောင်တစ်ဖန်ပြန်လည်ကြွမြန်းလာပြီး တရားမျှတမှု ၊ငြိမ်း ချမ်းမှုတို့နှင့်အတူ ထာဝရအုပ်ချုပ်သွားမည့်သူဖြစ်ပါသည်။

ကမ္ဘာဦးကျမ်း ၁_၃,၆,၁၄,၂၂ ; ထွက်မြောက်ရာ ၁၂,၂၀,၂ ဓမ္မရာဇဝင် ၇ ဟေဗြဲ ၃ : ၁_၆, ၄:၁၄_၅,၁၀,၇:၁_၈:၁၃,၉:၁၁_၁၀:၁၈ ဗျာဒိတ်ကျမ်း ၂၁