၂၃။ကိုယ်တော်ယေရှုအား ဖွားမြင်တော်မူခြင်း

မာရိသည် ယောသပ်ဟု အမည်ရှိသော ရိုးသားဖြောင့်မတ်သူတစ်ဦးနှင့် စေ့စပ်ထားလေသည်။ ယောသပ်သည် မာရိတွင် ကိုယ်ဝန်ရှိနေသည်ကို ကြားသောအခါ ထိုကလေးသည် သူ၏ကလေး မဟုတ်မှန်း သိလေသည်။ သို့သော် သူသည် မာရိအား အရှက်မကွဲစေလိုသောကြောင့် သူမအပေါ်တွင် ဂရုဏာသက်စွာဖြင့် စေံစပ်ထားခြင်းအားတိတ်တဆိတ်ဖျက်သိမ်းပေးရန် ဆုံးဖြတ်လိုက်လေသည်။ သို့သော် သူထိုသို့မပြုမီ နတ်စေတမန်တစ်ဦးက သူ၏အိပ်မက်ထဲတွင်ဤသို့မိန့်ဆိုလေသည်။

ထိုနတ်စေတမန်က “ယောသပ်၊ မာရိအား သင်၏ဇနီးမယားအဖြစ်လက်ခံရန် အတွက်မစိုးရိမ်ပါနှင့်။ သူမ ကိုယ်ဝန်ဆောင်ထားသောကလေးသည် မြင့်မြတ်သောဘုရားဝိဉာဉ်တော်တန်ခိုးအစွမ်းဖြင့်ပဋိသန္ဓေရရှိထားခြင်းဖြစ်ပါ သည်။ သူမသည် သားတော်တစ်ဦးအား ဖွားမြင်ပါလိမ့် မည်။ သူ့ကို ယေရှုဟု အမည်ပေးပါ။ (ထိုအဓိပ္ပာယ်မှာ'ယာဝေ' ကယ်တင်တော်မူသောဘုရားရှင်ဟုအဓိပ္ပာယ်ရသည်) အဘယ်ကြောင့်ဆိုသော် သူသည် လူများအား သူတို့၏အပြစ်များမှ ကယ်တင်မည်ဖြစ်သောကြောင့် ဖြစ်ပါသည်” ဟု မိန့်ကြားခဲ့ပါသည်။

ထို့ကြောင့် ယောသပ်သည် မာရိအား ထိမ်းမြားလက်ထပ်ပြီး သူ၏အိမ်သို့ ခေါ်ဆောင်သွားလေသည်။ သို့သော် သူသည် သူမကလေးမွေးဖွားပြီးချိန်အထိ သူနှင့်အတူတူအိပ်စက်ခြင်းမပြုခဲ့ပေ။

မာရိ၌ကိုယ်ဝန်အရင့်အမာရှိလာသောအခါတွင် သူမနှင့်ယောသပ်သည် ဗက်လင်မြို့သို့ ခရီးဝေးသွားကြရလေသည်။ အဘယ်ကြောင့်ဆိုသော် ဣသရေလတွင်ရှိသော ရောမအစိုးရဝန်ထမ်းများက လူများအားလုံးကိုရေတွက်၍ သန်းခေါင်စာရင်းကောက်ယူလိုသောကြောင့် ဖြစ်သည်။ သူတို့သည် လူတိုင်းအား သူတို့၏ဘိုးဘေးဘီဘင်များ နေထိုင်ရာနေရာသို့ သွားစေခဲ့သည်။ ဘုရင်ကြီး ဒါဝိဒ်သည် ဗက်လင်မြို့တွင် မွေးဖွားခဲ့ခြင်းဖြစ်ပြီး သူသည်မာရိနှင့်ယောသပ်တို့ နှစ်ဦးစလုံး၏ ဘိုးဘေးဘီဘင်ဖြစ်သည်။

မာရိနှင့်ယောသပ်တို့သည် ဗက်လင်မြို့သို့ သွားခဲ့ကြသည်။ သို့သော် သူတို့အတွက် တိရိစ္ဆာန်အချို့ထားသည့်နေရာမှ လွဲ၍ တည်းခိုစရာနေရာမရှိခဲ့ပေ။ မာရိသည် သူမ၏ကလေးအား ထိုနေရာတွင် မွေးဖွားလိုက်လေသည်။ သူမသည် ကလေးငယ်ထားစရာနေရာမရှိသောကြောင့် နွားစားခွက်ထဲတွင် သိပ်ထားလိုက်ပြီး သူတို့သည် ကလေးအား ယေရှုဟု အမည်ပေးလိုက်လေသည်။

ထိုညတွင် အနီးအနားရှိ လယ်ကွင်းထဲ၌ သိုးများကိုထိန်းကျောင်းနေသော သိုးထိန်းအချို့ရှိလေသည်။ ရုတ်တရက်ဆိုသလိုပင် တောက်ပနေသောနတ်စေတမန်တစ်ပါးပေါ်လာသဖြင့် သူတို့သည်အလွန် ထိတ်လန့်သွားကြလေသည်။ နတ်စေတမန်က “မကြောက်ကြနှင့်၊ငါသည်မေရှိယအရှင် ၊ဗက်လင်မြို့တွင် ဖွားမြင်တော်မူကြောင်းသတင်းကောင်းကိုလာရောက်ပြော ကြားခြင်းဖြစ်သည်"ဟုမိန့်ကြားလိုက်ပါသည်။

“ထိုခလေးအား သွားရောက်ရှာဖွေပါ။ သူ့အားအနှီးနှင့် ပတ်လျက် နွားစာခွက်ထဲတွင် လဲလျောင်းနေသည်ကို သင်တို့တွေ့မြင်ရမည်ဖြစ်သည်” ဟု မိန့်ကြားလေသည်။ ချက်ခြင်းပင် ကောင်းကင်ကြီးသည် နတ်စေတမန်များနှင့် ပြည့်နှက်သွားပြီး “နိဗ္ဗာန်ရွှေမြို့တော်တွင်ရှိသော ဘုရားရှင်၏ဂုဏ်ကျေးဇူးတော်အပေါင်းအားကျွန်ုပ်တို့ချီးမွမ်းပါ၏။ဤကမ္ဘာပေါ်တွင်ဘုရားရှင်အလိုတော်ရှိသောသူအပေါင်းအားလုံး ငြိမ်းချမ်းသာယာရှိကြပါစေ” ဟု ဘုရားရှင်အားချီးမွမ်းကြလေသည်။

ထို့နောက် နတ်စေတမန်များ ထွက်ခွာသွားကြသောအခါသိုးကျောင်းသားများသည်လည်း ၎င်းတို့၏သိုးများအားချန် ထားခဲ့ပြီး ကလေးငယ်အား ရှာဖွေကြပါသည်။ သူတို့သည် မကြာမီအချိန်တွင် သူငယ်တော်ယေရှုရှိရာနေရာသို့ ရောက်လာကြပြီး နတ်စေတမန်က ၎င်းတို့အား ပြောကြားထားသည့်အတိုင်း နွားစာခွက်ထဲတွင်သိပ်ထားသည်ကို တွေ့မြင်ကြရလေသည်။ သူတို့သည် အလွန်စိတ်လှုပ်ရှားစွာဖြင့် သူတို့၏သိုးများရှိသော လယ်ကွင်းများဆီသို့ ပြန်သွားကြလေသည်။ သူတို့သည် သူတို့တွေ့မြင်ကြားသိရသမျှအတွက် ဘုရားရှင်အား ချီးမွမ်းကြလေသည်။

ဝေးကွာလှသော အရှေ့တိုင်းနိုင်ငံတွင် လူအချို့သည် ကြယ်တာရာများလေ့လာရာ၌ အလွန်ထူးချွန်ကြသည်။ သူတို့သည် ကောင်းကင်ယံတွင် ထူးခြားသောကြယ်ကြီးတစ်လုံးအား တွေ့မြင်ခဲ့ရာ သူတို့က ထိုအရာသည် ယုဒလူမျိုးများ၏ ဘုရင်အသစ်ကို မွေးဖွားခြင်းအဓိပ္ပါယ်ဖြစ်သည်ဟုပြောကြပါသည်။ ထိုကလေးအား သွားရောက်ဖူးမျှော်ရန် ဆုံးဖြတ်ခဲ့ပြီး သူတို့၏နိုင်ငံမှ ခရီးထွက်လာခဲ့ကြလေသည်။ ခရီးဝေးစွာသွားပြီးနောက်၎င်းတို့သည် ဗက်လင်မြို့သို့ရောက်ရှိလာပြီး သူငယ်တော်ယေရှုနှင့် သူ၏ မိဘများနေထိုင်သော အိမ်ကို ရှာဖွေတွေ့ရှိသွားကြလေသည်။

ထိုသူများသည် သူငယ်တော်ယေရှုအား သူ၏အမေနှင့်တွေ့သောအခါ ရှိခိုးဦးညွတ်ဂါရဝပြုကြလေသည်။ ထို့နောက် သူတို့သည် သူငယ်တော်ယေရှုအား တန်ဖိုးကြီးသော လက်ဆောင်ပဏ္ဍာများဖြင့် ပူဇော်၍ သူတို့၏ ဌာနေသို့ပြန်သွားကြလေသည်။

မဿဲ ၁ ; လုကာ ၂