၂၅။ကိုယ်တော်ယေရှုအား စာတန်မာရ်နတ်မှ သွေးဆောင်ဖြားယောင်းခြင်း
ကိုယ်တော်ယေရှု ရေနှစ်မင်္ဂလာခံယူပြီး ချက်ချင်းပင် ဘုရားရှင်၏ဝိညာဉ်တော်သည်သူ့အား တောကန္တာရထဲသို့ ခေါ်ဆောင်သွားလေသည်။ ကိုယ်တော်ယေရှုသည် ထိုနေရာတွင် ရက်ပေါင်းလေး ဆယ်ကြာ နေထိုင်ခဲ့ပါသည်။ ထိုကာလအတွင်း သူသည် အစာရှောင်နေစဉ် စာတန်မာနတ် သည် ကိုယ်တော်ယေရှုအား အပြစ်ပြုမိစေရန်သွေးဆောင်ဖြားယောင်းရန် လာရောက်ခဲ့လေသည်။
ရှေးဦးစွာ စာတန်မာရ်နတ်သည် ကိုယ်တော်ယေရှုအား “သင်သည် ဘုရားရှင်၏သားတော်ဖြစ်ပါက ဤကျောက်တုံးများကို ပေါင်မုန့်ဖြစ်စေပြီးစားသုံးလိုက်ပါ” ဟုပြောကြားလိုက်လေသည်။
သို့သော် ကိုယ်တော်ယေရှုသည် စာတန်မာနတ်အား “လူများသည် အစားအစာအားဖြင့်သာအသက်ရှင်ရမည်မဟုတ်၊ ဘုရားရှင်မိန့်မှာထားသော နှုတ်ကပါတ်တော်ဖြင့်လည်းအသက်ရှင်ရမည်ဟု နှုတ်ကပါတ်တော်လာ ကျမ်းစာထဲတွင် ရေးသားဖော်ပြထားပါသည်” ဟုပြောကြားလိုက်ပါသည်။
ထို့နောက် စာတန်မာနတ်သည် ကိုယ်တော်ယေရှုအား ဗိမာန်တော်၏ထိပ်ဖျားသို့ ခေါ်ဆောင် သွားခဲ့ပြီး “သင်သည် ဘုရား၏သားတော်ဖြစ်ပါက မြေကြီးပေါ်သို့ခုန်ချလိုက်ပါ။ အဘယ်ကြောင့်ဆို သော် ဘုရားရှင်၏နတ်စေတမန်များသည် သင်၏ခြေကို ကျောက်ခဲနှင့် မထိမခိုက်မိစေရန် ပွေ့ချီထားကြမည်ဟု ရေးသားထားသောကြောင့်ဖြစ်သည်” ဟူ၍ပြောကြားလိုက် လေသည်။
သို့သော် ကိုယ်တော်ယေရှုသည် စာတန်မာရ်နတ်ခိုင်းသည့်အတိုင်းမလုပ်ဘဲ “ဘုရားရှင်က သင်တို့၏အရှင်သခင်ဖြစ်တော်မူသော ဘုရားရှင်အား စမ်းသပ်ခြင်းမပြုရ"ဟု လူတိုင်းအားမိန့်ကြားထားပါသည်၊ ဟု ပြောကြားလိုက်လေသည်။
ထို့နောက် စာတန်မာရ်နတ်သည် ကမ္ဘာပေါ်၌ရှိသော တိုင်းနိုင်ငံများအားလုံးအား ကိုယ်တော်ယေရှုကို ပြသလိုက်လေသည်။ စာတန်မာရ်နတ်သည် ကိုယ်တော်ယေရှုအား ထိုနိုင်ငံများမည်မျှအင်အားကြီး၍ မည်မျှကြွယ်ဝချမ်းသာကြောင်းကိုလည်း ပြသလေသည်။ စာတန်မာရ်နတ်သည် ကိုယ်တော်ယေရှုအား “သင်သည် ငါ့အား ရှိခိုးဦးညွတ်လျှင် ဤအရာအလုံးစုံကိုငါ ပေးမည်” ဟုဆိုလေသည်။
ကိုယ်တော်ယေရှုက “စာတန်မာရ်နတ်၊ ငါ့ထံမှဝေးရာကိုထွက်သွားပါ။ သင်၏ဘုရားကိုဝတ်ပြုရှိခိုးရမည်။ဘုရားရှင်ကိုသာလျှင် ချီးမွမ်းပါဟုဘုရားနှုတ်ကပတ်တော်တွင်လူတို့အားပညတ်တော်မူ၏” ဟူ၍ ပြန်လည်ပြောကြား လိုက်လေသည်။
စာတန်မာရ်နတ်သည်ကိုယ်တော်ယေရှုကိုသွေးဆောင်ဖြားယောင်း၍မရသဖြင့်အဝေးသို့ထွက်ခွာသွားလေသည်။ ထို့နောက် နတ်စေတမန်များလာရောက်၍ ကိုယ်တော်ယေရှုအား ပြုစုစောင့်ရှောက်ကြလေသည်။
မဿဲ၄:၁-၁၁;မာကု၁;၁၂-၁၃;လုကာ၄း၁-၁၃