၆။ဘုရားရှင်က ဣဇာက်အား ချီးမြှင့်မြောက်စားတော်မူခြင်း

အာဗြံဟံအသက်အရွယ်အလွန်အိုမင်းလာသောအခါတွင် သူ၏သားဣဇက်သည်လည်း အရွယ်ရောက်လာပြီဖြစ်သည်။ ထိုအခါ အာဗြံဟံသည် သူ၏အခိုင်းအစေတစ်ဦးအား ဆွေမျိုးသားချင်းများရှိသော ၎င်းတို့ဇာတိသို့ ဣဇက်အတွင် ဇနီးမယားရှာ၍ ခေါ်ဆောင်လာရန် စေလွှတ်လိုက်သည်။

အာဗြံဟံ၏ ဆွေမျိုးသားချင်းများနေထိုင်ရာသို့ ခရီးရှည်ကြီးသွားပြီးသောအခါတွင် ဘုရားရှင်သည် ထိုအစေခံတို့အား ရေဗက္ကထံသို့ရောက်စေရန် လမ်းပြတော်မူလေသည်။ သူမသည် အာဗြံဟံ၏ညီဖြစ်သူနှင့် မြေးမတော်စပ်လေသည်။

ရေဗက္ကသည် သူမ၏မိသားစုအား စွန့်ခွာ၍ ထိုအစေခံတို့နှင့်အတူ ဣဇက်၏အိမ်သို့ လိုက်ပါရန် သဘောတူလိုက်လေသည်။ ဣဇက်သည်လည်း သူမအားရောက်ရောက်ချင်းပင် ထိမ်းမြားလက်ထပ်လိုက်လေသည်။

အချိန်ကြာမြင့်သောအခါ အာဗြံဟံကွယ်သွားခဲ့ပြီးနောက်တွင် သူ၏သားဖြစ်သူ ဣဇက်အား ဘုရားရှင်သည် ကောင်းချီးမင်္ဂလာများပေးလေသည်။ အဘယ်ကြောင့်ဆိုသော် ဘုရားရှင်၏ကတိစကားများထဲမှ အာဗြံဟံအား မျိုးရိုးစဉ်ဆက် မရေမတွက်နိုင်အောင် ရရှိစေမည်ဟူသော ကတိစကားတစ်ခုလည်း ပါဝင်သည်။ သို့သော်လည်း ဣဇက်၏ဇနီးဖြစ်သူ ရေဗက္ကမှာ သားသမီးမမွေးဖွားသေးပေ။

‘ဣဇာက်’သည် ‘ရေဗက္က’အတွက် ဘုရားရှင်ထံတွင် ဆုတောင်းပေးလေသည်။ ဘုရားရှင်သည် ရေဗက္ကအား ကလေးအမွှာ ပူးကိုယ်ဝန်ဆောင်ရသောအခွင့် ကိုပေးတော်မူလေသည်။ ထိုအမွှာပူးကလေးနှစ်ဦးသည် ရေဗက္က၏ ဝမ်းထဲ၌ ရုန်းကန်နေကြသောကြောင့် ရေဗက္ကကဘုရားရှင်အားမည်သို့ဖြစ်လာမည်ကို မေးလျှောက်လေသည်။

ဘုရားရှင်က ရေဗက္ကအား သင်သည် "သားနှစ်ဦးဖွားမြင်လိမ့်မည်၊ သူတို့၏မျိုးဆက်သည် ကွဲပြားသောနိုင်ငံနှစ်နိုင်ငံဖြစ်သွားပြီး သူတို့အချင်းချင်း ပြိုင်ဆိုင်ကြရလိမ့်မည်။ သို့သော် သင်၏သားအကြီးထံမှ ပေါ်ပေါက်လာသောတိုင်းနိုင်ငံသည် သင်၏သားငယ်ထံမှ ပေါ်ပေါက်လာသောတိုင်းနိုင်ငံအား ဦးညွှတ်ရလိမ့်မည်ဟု ပြောကြားလိုက်သည်။

ရေဗက္က၏ကလေးများ မွေးဖွားသောအချိန်တွင် သားအကြီးသည် နီရဲ၍ အမွှေးများသဖြင့် ထိုကလေးအား ဧသောဟုအမည်ပေးလေသည်။ ထို့နောက်သားငယ်သည် ဧသော၏ခြေဖနောင့်အား ကိုင်၍မွေးဖွားလာသောကြောင့် ယာကုပ်ဟုအမည်ပေးလေသည်။

ကမ္ဘာဦးကျမ်း ၂၄း၁-၂၅း၂၆