၂၇။သနားကြင်နာတတ်သောရှမာရိတန်၏ပုံဥပမာ

တစ်နေ့သောအခါတွင် ကျမ်းတတ်ဆရာတစ်ဦးသည် ကိုယ်တော်ယေရှုထံသို့လာရောက်ခဲ့လေသည်။ ထိုကျမ်းတတ်ဆရာသည် ကိုယ်တော်ယေရှု၏သွန်သင်ချက်များမှာမှားယွင်းနေကြောင်းကို လူတိုင်းအား ပြသလိုသည်။။ ထို့ကြောင့် သူက "ဆရာတော်၊ ကျွန်ုပ်သည် နိစ္စထာဝရအသက်အား ရရှိစေရန်မည်သို့လုပ်ဆောင်ရမည်နည်း"ဟုမေးလျှောက်သဖြင့် "ဘုရားရှင်၏ ပညတ်တော်ထဲတွင်မည်သို့ ရေးသားဖော်ပြထားသနည်း"ဟု ကိုယ်တော်ယေရှုက ပြန်လည်မေးမြန်းတော်မူလေသည်။

ထိုလူက ဘုရားရှင်၏ပညတ်တော်ထဲတွင် မိန့်ကြားထားသည်မှာ "ထာဝရဘုရားရှင်ကိုသင်တို့၏ကိုယ်စိတ်နှလုံး၊သုံးပါးလုံးဖြင့်စိတ်အားထက်သန်စွာချစ်ခင်မြတ်နိုးပါ။ သင်၏အိမ်နီးချင်းများကို လည်းကိုယ်ချင်းစာတရားဖြင့်ချစ်ခင်ပါဟူ၍ရေးသားထားပါသည်" ဟု ပြန်လည်လျှောက်ထားလေသည်။ ထိုအခါတွင် ကိုယ်တော်ယေရှုက"သင်၏အဖြေမှာ မှန်ကန်မှုရှိပါသဖြင့် သင်သည် ဤကဲ့သို့ လုပ်ဆောင်လျှင် နိစ္စထာဝရအသက်အား ရရှိမည်ဖြစ်သည်" ဟူ၍ပြန်လည်မိန့်တော်မူလေသည်။

သို့သော် ကျမ်းတတ်ဆရာက သူ၏အသက်ရှင်ရပ်တည်ခြင်းသာ မှန်ကန်ကြောင်း ပြသလိုသဖြင့် သူသည် ကိုယ်တော်ယေရှုအား "ဤသို့ဆိုလျှင် မည်သူသည်ကျွန်ုပ်၏အိမ်နီးချင်း ဖြစ်ပါသနည်း" ဟုမေးလေသည်။

ကိုယ်တော်ယေရှုက ကျမ်းတတ်ဆရာအား ပုံပြင်တစ်ပုဒ်ဖြင့် ပြန်လည်ဖြေကြားလိုက်ပါသည်။ "ယုဒလူမျိုးတစ်ယောက် သည်ယေရုရှလင်မှ ယေရိခေါသို့ ခရီးသွားလေ၏"။

သို့သော်သူသည်လမ်းတွင် ဓါးပြတိုက်ခံရလေသည်။ဓါးပြတို့သည် သူ့တွင်ပါလာသော ပစ္စည်းများအားလုံးကို လုယူကာသေလုမျောပါးဖြစ်အောင် ရိုက်နှက်၍ ပစ်ထားခဲ့ကြလေသည်။

ထို့နောက်မကြာခင်အချိန်တွင် ယုဒဘာသာရေးခေါင်းဆောင်တစ်ဦးသည် ထိုလမ်းအတိုင်းခရီးပြုလာစဉ်ထိုလူလဲကျနေသည်ကိုတွေ့မြင်ခဲ့ရပါသည်။ ထိုဘာသာရေးခေါင်းဆောင် သည်ထိုလူအားမမြင်ချင်ဟန်ဆောင်ကာ ရှောင်ကွင်း၍ခရီးဆက်ခဲ့လေသည်။"

"မကြာမီအချိန်တွင် လေဝိ အနွယ်ဝင်တစ်ဦးသည် ထိုလမ်းအတိုင်း လာရောက်လေသည်။ (လေဝိအနွယ်ဝင်များသည်ဣသရေလအနွယ်တစ်ခုဖြစ်ပြီးဗိမာန်တော်တွင် ဘာသာရေးခေါင်းဆောင်များအား ကူညီသော သူများဖြစ်ကြသည်။)ထို လေဝိသည်လည်း ထိုလူအား မမြင်ချင်ယောင်ဆောင်၍ ရှောင်ကွင်း၍သွားလေ၏။"

"ထိုလမ်းတစ်လျှောက်လာသော နောက်လူတစ်ဦးမှာ ရှမာရိမှ လူတစ်ဦးဖြစ်ပါသည်။ (ရှမာရိတန်များနှင့်ဣသရေလလူမျိုးတို့မှာရန်ဘက်များဖြစ်ကြ၏။) ထိုရှမာရိတန်သည် လမ်းတွင်လဲကျနေသောအား ထိုလူအားတွေ့ခဲ့လေသည်။ သူသည် ထိုလူမှာ ယုဒလူမျိုးတစ်ဦးဖြစ်နေသည်ကို တွေ့မြင်ရသော်လည်း သူ့အားကူညီလိုသောစိတ်အလွန်ပြင်းပြလျက်ရှိလေသည်။ ထို့ကြောင့် ရှမာရိတန်သည် ထိုလူ၏အနာဒါဏ်ရာများအား ဆေးထည့်၍ပတ်တီးစည်းပေးလေသည်။"

"ထို့နောက် ရှမာရိတန်လူမျိုးသည် သူ၏မြင်းပုလေးပေါ်သို့ ကိုယ်တိုင်ထမ်းတင်ပြီး အနီးအနားတွင်ရှိသော တည်းခိုရိပ်သာသို့ ခေါ်ဆောင်သွားခဲ့ပြီးထိုနေရာတွင် ထိုသူအား ဆက်လက်၍ပြုစုပေးလေသည်။"

"နောက်နေ့တွင် ရှမာရိတန်လူမျိုးသည် သူ၏ခရီးအားဆက်လက်သွားရန်လိုအပ်လာသောအခါ သူသည် တည်းခိုရိပ်သာပိုင်ရှင်အား ငွေအနည်းငယ်ပေး၍ 'ထိုဒဏ်ရာရနေသူအား ဂရုစိုက်ပေးပါ၊ ယခုပေးသောငွေပမာဏထက်ပို၍ သုံးရလျှင် ၎င်းငွေအားကျွန်ုပ်ပြန်ပေးပါမည်။'"ဟုမှာကြားခဲ့လေသည်။

ထို့နောက် ကိုယ်တော်ယေရှုသည် ကျမ်းတတ်ဆရာအား "သင်မည်ကဲ့သို့ထင်သနည်း။ ထိုလူသုံးဦးအနက်"ဓါးပြတိုက်ခံရသူ၏အိမ်နီးချင်းမှာ မည်သူနည်း"ဟု မေးမြန်းတော်မူလိုက်လေသည်။ "သူ့အားသနားကြင်နာစွာပြုစုသူဖြစ်ပါသည်။"ဟု ပြန်လည်ဖြေကြားလိုက်သောအခါ ကိုယ်တော်ယေရှုက"သင်လည်း ထိုနည်းတူဆောင်ရွက်သွားပါ"ဟု မိန့်တော်မူလိုက်လေသည်။

လုကာ ၁၀:၂၅-၃၇