၃၄။ကိုယ်တော်ယေရှုဟောပြောသွန်သင်တော်မူသည့်အခြားပုံဥပမာများ
ကိုယ်တော်ယေရှုသည်ဘုရားရှင်၏နိဗ္ဗာန်ရွှေမြို့တော်အကြောင်း အား ပုံဝတ္ထုများဖြင့် ပြောပြလေသည်။ ဥပမာအနေဖြင့် သူက “ဘုရားရှင်၏နိဗ္ဗာန်ရွှေမြို့တော်သည် လူတစ်ဦးက သူ၏လယ်ကွင်းထဲတွင် စိုက်ပျိုးထားသော ညောင်စေ့ကဲ့သို့ဖြစ်ပါသည်။အစေ့များထဲတွင်လည်းညောင်စေ့သည် အသေးဆုံးဖြစ်သည်ကို သင်တို့သိရှိကြပါသည်။”
“သို့သော် ညောင်စေ့မှ အပင်ပေါက်လာသောအခါ အကိုင်းအခက်များကြီးထွားလာပြီး ငှက်များလာ၍နားခိုနိုင်လောက်အောင်ပင် ဥယျာဉ်ထဲ၌ အကြီးဆုံးအပင်ဖြစ်သွားပါလိမ့်မည်။”
နောက်ထပ်ပုံပြင်တစ်ခုတွင် ကိုယ်တော်ယေရှုက “ဘုရားရှင်၏ နိဗ္ဗာန်ရွှေမြို့တော်သည် အမျိုးသမီးတစ်ဦးက ပေါင်မုန့်ဖုတ်မည့်ဂျုံထဲတွင်တစေးထည့်ပြီးနယ်လိုက်သောအခါဖောင်းကြွလာသောမုန့်ညက်နှင့်တူလေ၏။” ဟူ၍မိန့်ကြားတော်မူလေသည်။
“ဘုရားရှင်၏နိဗ္ဗာန်ရွှေမြို့တော်သည် လူတစ်ယောက်က လယ်ကွင်းတစ်ခုထဲတွင် မြှုပ်နှံထားသော ရတနာသေတ္တာနှင့်တူပါသည်။ အခြားသူတစ်ဦးသည် ထိုရတနာများကို တွေ့ရှိသွားသဖြင့် အလွန်အမင်းလိုချင်လာ၏။ ထို့ကြောင့် နောက်တစ်နေရာသို့ သူကတစ်ဖန်မြှုပ်ထားခဲ့၏။ သူသည် အလွန်ဝမ်းမြောက်ဝမ်းသာဖြစ်၍ ရတနာသေတ္တာမြှုပ်နှံထားသော လယ်အားဝယ်ယူနိုင်ရန် သူပိုင်ဆိုင်သောအရာများ အားလုံးအားရောင်းချလိုက်ကာထိုလယ်အားဝယ်လိုက်သည်။”နှင့်တူလေသည်။
“ဘုရားရှင်၏နိဗ္ဗာန်ရွှေမြို့တော်သည် အလွန်တန်ဖိုးကြီးမားသော ပုလဲတစ်လုံးနှင့်လည်း တူ၏။ ပုလဲကုန်သည်တစ်ဦးကထိုပုလဲကောင်းကိုတွေ့သောအခါတွင် ထိုပုလဲအားဝယ်ယူနိုင်ရန်အတွက် သူ၏ပိုင်ဆိုင်မှုအားလုံးအား ရောင်းချလိုက်ခြင်းနှင့်တူပါသည်။”
အချို့သောသူများသည် သူတို့၏ကောင်းမှုကုသိုလ်များကြောင့် ဘုရားရှင်က သူတို့အားလက်ခံလိမ့်မည်ဟု ထင်မြင်ယူဆနေကြသူများလည်း ရှိကြပါသည်။ ထိုလူများက ကုသိုလ်ကောင်းမှုမလုပ်သောသူများအား အထင်သေးကြ၏။ ထိုအခါတွင် ကိုယ်တော်ယေရှုက သူတို့အားဤပုံပြင်အား မိန့်ကြားတော်မူခဲ့လေသည်။ “ဗိမာန်တော်သို့ အမျိုးသားနှစ်ဦးဝတ်ပြုရန် သွားလေသည်။ တစ်ဦးမှာ အခွန်ကောက်သူဖြစ်ပြီး နောက်တစ်ဦးမှာ ဘာသာရေးခေါင်းဆောင်ဖြစ်လေသည်” ။
“ဘာသာရေးခေါင်းဆောင်မှာ ဤကဲ့သို့ဘုရားဝတ်ပြုလေသည်။ "ကျွန်ုပ်သည် တစ်ခြားသော ဓါးပြများ၊ မတရားသောသူများ၊ သူတစ်ပါးသားမယားအားပြစ်မှားသူများနှင့် ထိုနေရာတွင် ရှိသော အခွန်ကောက်သူတို့ကဲ့သို့ အပြစ်သားများမဟုတ်သည့်အတွက် ဘုရားရှင်အား ကျေးဇူးတင်ပါသည်။’”
“ဥပမာအားဖြင့် ကျွန်ုပ်သည် တစ်ပတ်တွင် နှစ်ကြိမ်အစာရှောင်ပြီး ကျွန်ုပ်ရရှိသော ကုန်များနှင့်ငွေများ၏ တစ်ဆယ်ရာခိုင်နှုန်းကို ဘုရားရှင်အားပေးလှူခဲ့ပါသည်။”
“သို့သော် အခွန်ကောက်ခံသူမှာ ဘာသာရေးခေါင်းဆောင်နှင့် အဝေးတွင်ရပ်လျှက်ကောင်းကင်သို့ပင် မော့၍မကြည့်ပါ။ ထိုအစားသူ၏ရင်ဘတ်ကိုတီးခတ်၍ ‘အဖဘုရားရှင် ကျွန်ုပ်သည် အပြစ်သားဖြစ်သဖြင့် ကျွန်ုပ်အားသနားတော်မူပါ’ ဟူ၍ ဆုတောင်းဝတ်ပြုလေသည်။”
ထို့နောက် ကိုယ်တော်ယေရှုက “ငါ သင်တို့အားအမှန်တရားများကိုပြောပြမည်။ ဘုရားရှင်သည် အခွန်ကောက်ခံသူ၏ ဆုတောင်းမှုအား ကြားတော်မူ၍ သူ့အားရိုးသားဖြောင့်မတ်သူအဖြစ်ကြေညာကာ၊ဘာသာရေခေါင်းဆောင်၏ဆုတောင်း ချက်အားနှစ်သက်တော်မမူ၊ဘုရားရှင်သည် မာနထောင်လွှားနေသူတိုင်းအား ရှုတ်ချပြီး မိမိကိုယ်ကိုနှိမ့်ချသောသူတို့အား ဂုဏ်ပြုချီးမွမ်းတော် မူလေသည်ဟုမိန့်ကြားတော်မူလိုက်ပါသည်။
မဿဲ ၁၃:၃၁-၃၃, ၄၄-၄၆;မာကု ၄:၃၀-၃၂; လုကာ ၁၃:၁၈-၂၁; လုကာ ၁၃:၁၈-၂၁; ၁၈:၉-၁၄