၂။ကမ္ဘာကြီးအားအပြစ်တရားဝင်ရောက်ခြင်း

‘အာဒမ်’နှင့်သူ၏ဇနီးသည် ဘုရားရှင်ဖန်ဆင်းပေးထားသည့် လှပသောဥယျာဉ်တော်ကြီးထဲတွင် အလွန်ပျော်ရွှင်စွာ နေထိုင်နေခဲ့ကြသည်။ ၎င်းတို့နှစ်ဦးစလုံးသည် အဝတ်အစားများမဝတ်ဆင်ကြသော် လည်းဤကမ္ဘာမြေပေါ်တွင်မည်သည့် အပြစ်တရားမှမရှိသေးသောကြောင့် ရှက်ကြောက်ရမည်ဟုမခံစားရပါ။ ၎င်းတို့သည် မကြာခဏဥယျာဉ်တော်၌လမ်းလျှောက်ကြပြီး ဘုရားရှင်နှင့်စကားပြောကြလေသည်။

သို့သော် ၎င်းဥယျာဉ်ထဲတွင် အလွန်ကောက်ကျစ်သော မြွေတစ်ကောင်ရှိလေသည်။ ၎င်းမြွေက မိန်းမအား "ဘုရားရှင်သည် သင်တို့အား ဤဉယျာဉ်ထဲရှိ တချို့အပင်က အသီးကိုမစားရန် ပညတ်ထားတယ်ဆိုတာ အမှန်ပင်ဟုတ်ပါသလား" ဟု မေးမြန်းလိုက်လေသည်။

ထိုမိန်းမက "ဘုရားရှင်သည်ကောင်းခြင်းဆိုးခြင်းကိုသိစေနိုင်သော အသိဉာဏ်သစ်ပင်မှလွဲ၍ မည်သည့်အပင်က အသီးကိုမဆို စားသုံးနိုင်သည်"ဟု ကျွန်ုပ်တို့အားမှာကြားထားပါသည်။"ထိုအပင်မှအသီးအား စားရန်ပင်မဆိုထားနှင့် ထိရုံနှင့်ပင်သေလိမ့်မည်ဟု ဘုရားရှင်က ကျွန်ုပ်တို့အားပညတ်ထားပါသည်"ဟုဖြေဆိုလိုက်လေသည်။

ထိုအခါတွင်မြွေက “ဒါတွေကအမှန်မဟုတ်ပါ၊ သင်တို့သေမည်မဟုတ်ပါ၊ ထိုအသီးကိုသင်တို့စားလျှင်ချက်ချင်းဘုရားရှင်ကဲ့သို့ပင် အကောင်းနှင့်အဆိုးများကို နားလည်သဘောပေါက်သွားမည်ဖြစ်သောကြောင့်ဤသို့ပညတ်ထားခြင်းဖြစ်သည်။”ဟုပြန်လည်ပြောဆိုလိုက်လေသည်။

မိန်းမကထိုအသီးများသည် အလွန်လှပ၍ စားချင်စဖွယ်ဖြစ်သည်ဟု မြင်လာလေ၏။ သူမသည် ဉာဏ်ပညာကြီးမြတ်ချင်သောကြောင့် ထိုအသီးအချို့ကို ခူးယူစားသုံးလိုက်ပြီး၊ သူမနှင့်အတူ ပါလာသော ခင်ပွန်းအားကျွေးသဖြင့် အာဒမ်ကလည်းစားလိုက်လေသည်။

ရုတ်တရက်တွင်သူတို့၏အသိဥာဏ်များပွင့်သွားပြီးနောက် သူတို့၏ကိုယ်ခန္ဓာသည်လည်း ကိုယ်လုံးတည်းဖြစ်နေသည်ကို သတိထားမိသွားကြသည်။ သူတို့သည်သစ်ရွက်များကို အဝတ်အစားအဖြစ်ပြုလုပ်ပြီးသူတို့၏ကိုယ်ခန္ဓာကို ဖုံးအုပ်ရန်ကြိုးစားကြပါသည်။

ထိုအချိန်တွင် ဘုရားရှင်သည်ဥယျာဉ်တော်ထဲတွင်လမ်း လျှောက် နေသည်ကို အာဒမ်နှင့်သူ၏ဇနီးတို့ကြားလိုက် ကြသည်။ ထိုအခါ ၎င်းတို့နှစ်ဦးစလုံး ဘုရားရှင်အား ပုန်းကွယ်နေကြသည်။ ထိုအခါ ဘုရားရှင်က “သင်တို့ဘယ်မှာလဲ” ဟု မေးလေသည်။ ‘အာဒမ်’က “ကျွန်ုပ်သည် ဘုရားရှင်ဥယျာဉ်တော်ထဲမှာ လမ်းလျှောက်နေသည်ကိုကြားပါသည်၊သို့သော် ကျွန်ုပ်တို့သည် ကိုယ်လုံးတည်းဖြစ်နေသောကြောင့်ကြောက်ရွံ့ ၍ပုန်းနေပါသည်"ဟု ဖြေကြားလိုက်လေသည်။

ထိုအခါဘုရားရှင်က “သင်တို့ ကိုယ်လုံးတည်းဖြစ်နေသည်ဟု ဘယ်သူကပြောသနည်း၊ ငါ မစားနှင့်ဟုပြောထားသောအသီးအား စားခဲ့ပါသလား” ဟုမေးမြန်းတော်မူလေသည်။ထိုအခါ
အာ ဒမ်က “ဘုရားရှင်ကကျွန်ုပ်ကို ပေ့းအပ်ခဲ့သော ဤမိန်းမက ကျွန်ုပ်အား ဤအသီးကိုပေးပါသည်ဟုပြန်လည် ဖြေကြားလိုက်လေသည်။ ထိုအခါဘုရားရှင်သည် ထိုမိန်းမအား “သင်အဘယ်ကြောင့်ဤသို့လုပ်ရသနည်း”ဟု မေးတော်မူလိုက်သည်။ထိုအခါ မိန်းမက “မြွေက ကျွန်ုပ်အားလှည့်စားလိုက်ပါသည်”ဟု ပြန်လည်ဖြေကြားလိုက် လေသည်။

ဘုရားရှင်သည်မြွေအား “သင့်ထံကြီးစွာသောဘေးဒဏ်သက်ရောက်တော့မည်။ သင်သည်ဝမ်းဗိုက်နှင့် တွားသွားပြီး မြေကြီးကိုစားရလိမ့်မည်။ သင်နှင့်ဤမိန်းမသည် တစ်ဦးနှင့်တစ်ဦးမုန်းတီးကြပြီးသင်၏မျိုးဆက်နှင့်သူမ၏မျိုးရိုး စဉ်ဆက်အချင်းချင်းမုန်းတီး ကြလိမ့်မည်။ ဤမိန်းမ၏ မျိုးရိုး စဉ်ဆက် များမှာ သင်၏ဦးခေါင်းကိုနင်းချေကြပြီး သင်လည်းသူတို့၏ခြေဖနောင့်ကိုပေါက်လိမ့် မည်။”ဟုမိန့်တော်မူလိုက်သည်။

ထို့နောက်ဘုရားရှင်က မိန်းမအား “သင်သည်လည်းသားဖွားခြင်းဝေဒနာပြင်းစွာခံစားရလိမ့်မည်။ သင်သည် သင်၏ ယောက်ျားအား ချစ်ခင်စွဲလမ်းပြီးသင့်ယောကျ်ားက သင့်အပေါ်တွင် ဩဇာညောင်းလိမ့်မည်။”ဟုမိန့်တော်မူလိုက်လေသည်။

ဘုရားရှင်က ယောက်ျားအား “သင်သည် သင်၏မိန်းမစကားအားနားထောင်ပြီး ကျွန်ုပ်အား ဖီဆန်ခြင်းပြုသည်။ ယခုအခါတွင် မြေကြီးသည် ကျိန်စာသင့်၍ မြေကြီးမှသီးနှံထွက်ရန်အတွက် ခက်ခဲစွာစိုက်ပျိုးရလိမ့်မည်။ ထို့နောက်သင်၏ခန္ဓာကိုယ်သည် မြေကြီးမှလာသောကြောင့်သင်သေဆုံးပြီး နောက်မြေကြီးထဲသို့ပြန်လည်ရောက်ရှိသွားရမည်။”ဟုမိန့်တော်မူလေသည်။ အမျိုးသားက သူ၏မိန်းမအား " အသက်ပေးသူ"ဟူသော အဓိပ္ပါယ်ဖြင့် ‘ဧဝ’ဟု အမည်ပေးခဲ့သည်။ အဘယ့်ကြောင့်ဆိုသော် သူမသည် လူသားမျိုးနွယ်၏မိခင်ဖြစ်လာတော့မည် ဖြစ်သောကြောင့်ဖြစ်သည်။ ဘုရားရှင်က ‘အာဒမ်’နှင့် ‘ဧဝ’အား တိရိစ္ဆာန်တို့၏သားရေများဖြင့် အဝတ်အစားများဆင်မြန်းပေးတော်မူလေသည်။

ထို့နောက် ဘုရားရှင်က “ယခုအခါတွင် ထိုလူသားတို့သည် ငါတို့ကဲ့သို့ အကောင်းအဆိုးများကို ခွဲခြားသိမြင်လာကြပြီးဖြစ်သဖြင့်သူတို့အား အသက်၏သစ်ပင်မှအသီးကိုစား၍ ထာဝရအသက်ရှင်ခွင့် မပြုသင့်ပေ"၊ ထို့ကြောင့် ဘုရားရှင်သည်သူတို့အားဥယျာဉ်၏အဝေးသို့ ထွက်ခွာသွားစေသည်။ ဘုရားရှင်က အသက်၏သစ်ပင်မှ သစ်သီးများအား မည်သူမျှမစားနိုင်စေရန် တန်ခိုးကြီးသောနတ် စေတမန်များကို ထိုဥယျာဉ်၏အဝင်ဝတွင်စောင့်ကြပ်တော်မူစေသည်။

ကမ္ဘာဦးကျမ်း ၃