၄၄။ပေတရုနှင့် ယောဟန်မှ သူတောင်းစားတစ်ဦးအားအနာရောဂါငြိမ်းစေခြင်း

တစ်နေ့သောအခါတွင် ပေတရုနှင့်ယောဟန်တို့သည်ဗိမာန်တော်သို့သွားကြလေသည်။ မသန်စွမ်းသူ တစ်ဦးသည်လည်း ဘုရားကျောင်းအဝင်ပေါက်တွင် ထိုင်၍ငွေကြေများ တောင်းခံနေလေသည်။

ပေတရုသည်ထိုမသန်စွမ်းသူအားကြည့်ပြီး “မင်းကိုပေးဖို့ငါ့မှာပိုက်ဆံတော့မရှိဘူး။ ဒါပေမယ့် ငါ့မှာရှိတာမင်းကို ပေးမယ်။ ကိုယ်တော်ယေရှု၏နာမတော်ဖြင့် ထ၍လမ်းလျှောက်ပါ” ဟူ၍ ပြောကြားလိုက် လေသည်။

ဘုရားရှင်သည် ထိုမသန်စွမ်းသူအား ချက်ချင်းပင်ပျောက်ကင်းစေတော်မူလေသည်။ သူသည် လမ်းထလျှောက်ပြီး လှည့်ပတ်ကခုန်၍ ဘုရားရှင်၏ဂုဏ်ကျေးဇူးတော်ကိုချီးမွှမ်းလေသည်။ ထို့ကြောင့် ဗိမာန်တော်ဝင်းအတွင်းရှိလူများသည်လည်း အံ့ဩသွားကြလေသည်။

ရောဂါကောင်းသူအားကြည့်ရှုရန် လူအုပ်ကြီးသည် လျှင်မြန်စွာစုရုံးလာကြပါသည်။ ပေတရုသည် သူတို့အား “ဒီလူရောဂါကောင်းသွားပါပြီ။ သို့သော်ဤအခြင်းအရာကို မအံ့ဩကြပါနှင့်။ ကျွန်ုပ်တို့၏တန်ခိုးဖြင့် ကုသပေးခြင်းမဟုတ်သလို ဘုရားရှင်ရဲ့ဂုဏ်တော်ကိုချီးမွမ်း ခြင်းကြောင့်လည်းမဟုတ်ပါဘူး။ ကိုယ်တော်ယေရှု၏တန်ခိုးတော်အားကျွန်ုပ်တို့၏ယုံကြည်မှုဖြင့်သာ ထိုသူအားကျန်းမာလာစေတာဖြစ်တယ်။ "ဟုပြောပြလေသည်။

“သင်တို့ဟာရောမဘုရင်ခံကို ကိုယ်တော်ယေရှုအားသေဒဏ်ပေးပါလို့ပြောတဲ့သူတွေဖြစ်တယ်။သင်တို့ဟာလူတိုင်းအားအသက်ပေးနိုင်သောအရှင်ကို သတ်တဲ့သူတွေဖြစ်တယ်။ ဒါပေမဲ့ဘုရားရှင်ကကိုယ်တော်အား သေခြင်းမှပြန်လည်ရှင်ပြန်ထမြောက်စေပါတယ်။ သင်တို့ရဲ့လုပ်ဆောင်ချက်များမှာ မေရှိယသည်ဝေဒနာခံစားပြင်းစွာခံစားရပြီးသေဆုံးရလိမ့်မယ်လို့ရှေ့ဖြစ်ဟောပညာရှိတွေရဲ့ ဟောကြားထားတဲ့ကျမ်းတော်လာအတိုင်းဖြစ်ပေါ်လာတာဖြစ်ပါတယ်။ ဘုရားရှင်ကလည်းထိုအတိုင်းဖြစ်လာစေရန်ဗျာဒိတ်တော်ထားခဲ့တယ်။ဒါကြောင့်သင်တို့ နောင်တရမှသာ ဘုရားရှင်ဟာ သင်တို့ရဲ့အပြစ်တွေကိုသန့်စင်စေပြီးခွင့်လွတ်တော်မူပါလိမ့်မယ်” ဟု ပြောကြားလေသည်။

ဗိမာန်တော်ရှိခေါင်းဆောင်များက ပေတရုနှင့်ယောဟန်တို့၏စကားကိုကြားသောအခါတွင် အလွန်ဒေါသအမျက်ထွက်ကြပါသည်။ ထို့ကြောင့် သူတို့သည် ပေတရုနှင့်ယောဟန်အားဖမ်းဆီး၍ ထောင်ထဲသို့ထည့်လိုက်ကြလေသည်။ သို့သော် ပေတရုပြောခဲ့သည်များကို လူအများက ယုံကြည်ခဲ့ ကြသဖြင့် ကိုယ်တော်ယေရှုအားယုံကြည်သူ လူဦးရေငါးထောင်ခန့် တိုးပွားလာပါသည်။

နောက်တစ်နေ့တွင် ယုဒလူမျိုးခေါင်းဆောင်များသည် ပေတရုနှင့်ယောဟန်တို့အား သာသနာ ရေးဆိုင်ရာမဟာနာယကကြီးနှင့် အခြားခေါင်းဆောင်များထံသို့ ခေါ်ဆောင်သွားခဲ့ပါသည်။ သူတို့သည် ယခင်ကမသန်မစွမ်းဖြစ်နေသူကိုလည်း ခေါ်ဆောင်သွားခဲ့ကြပါသည်။ သူတို့သည် ပေတရုနှင့် ယောဟန်အား “မင်းတို့ဒီမသန်စွမ်းသူကို ဘယ်လိုတန်ခိုးအစွမ်းမျိုးနဲ့ကုသပေးခဲ့တာလဲ” ဟူ၍ မေးမြန်းလေ သည်။

ပေတရုက “သင်တို့ရှေ့မှာရပ်နေသူကို မေရှိယဖြစ်သူကိုယ်တော်ယေရှု၏တန်ခိုးတော်အစွမ်းနဲ့ ကုသပေးသူဖြစ်တယ်။ သင်တို့ဟာကိုယ်တော်ယေရှုအား လက်ဝါးကပ်တိုင်ပေါ်မှာတင်ပြီး သတ်လိုက်သော်လည်းဘုရားရှင်ဟာ သူ့အား ပြန်လည်ရှင်ပြန်ထမြောက်စေခဲ့တယ်။ သင်တို့က သူ့ကိုငြင်းပယ်ခဲ့သော်လည်းကိုယ်တော်ယေရှု၏ဘုန်းတန်ခိုးတော်မှတပါးကျွန်ုပ်တို့အားကယ်တင်ပေးနိုင်ရန်နည်းလမ်းမရှိပါ” ဟူ၍ ပြန်လည်ဖြေကြားလိုက်လေသည်။

ခေါင်းဆောင်များသည်ပေတရုနှင့်ယောဟန်တို့၏ ရဲဝံ့စွာပြောကြားလိုက်ခြင်းကို အံ့ဩသွားကြလေ သည်။ သူတို့သည် ပေတရုနှင့်ယောဟန်တို့မှာ ပညာမတတ်သောသာမန်လူတန်းစားများဖြစ်သည်ကို သိရှိကြပြီး လူများသည် ကိုယ်တော်ယေရှုနှင့်နေထိုင်ခဲ့ခြင်းကိုလည်း သိရှိကြလေသည်။ ထို့ကြောင့် သူတို့သည် ပေတရုနှင့်ယောဟန်အား “မင်းတို့ဒီလူအကြောင်းကို ထပ်ပြီးသတင်းဖြန့်နေရင် မင်းတို့ကို ကြီးလေးသောပြစ်ဒဏ်စီရင်ရလိမ့်မယ်” ဟူ၍ ပြောကြားပြီး ပေတရုနှင့်ယောဟန်အား သွားခွင့်ပေးလိုက်လေ သည်။

တမန်တော်ကျမ်း၃း၁-၄-၂၂