၃၃။လယ်သမားပုံပြင်
တစ်နေ့သောအခါတွင်ကိုယ်တော်ယေရှုသည်ရေကန်၏ အစပ် နား၌ရှိနေစဉ် သူသည် ကြီးမားသောလူအုပ်ကြီးအား ဟောပြောသွန်သင်လေသည်။ သူ့ထံလာရောက်နားထောင်သူအလွန်များပြားသောကြောင့်သူတို့အားလုံးအားဟောပြောနိုင်ရန်သူသည် ရေထဲရှိလှေတစ်စီးပေါ်သို့တက်ပြီးလျှင်လှေပေါ်တွင်ထိုင်၍ လူတို့အား ဟောပြောသွန်သင်တော်မူလေသည်။
ထို့နောက်ကိုယ်တော်ယေရှုသည် ဤပုံပြင်အားပြောဆိုသင်ပြလေသည်။ “လယ်သမားတစ်ဦး သည် မျိုးစေ့များအားပျိုးကြဲရန် ထွက်လာလေသည်။ သူသည် မျိုးစေ့များအားလက်ဖြင့်ကြဲသောကြောင့် အချို့သောမျိုးစေ့များသည် လယ်ကန်သင်းပေါ်သို့ ကျသွားလေသည်။ ထိုအခါတွင် ငှက်များသည် ထိုမျိုးစေ့များအား လာရောက်စားသုံးကြလေသည်။”
“အချို့သောမျိုးစေ့များသည် မြေဆီလွှာအလွန်နည်းပါးသောကျောက်ခံမြေပေါ်သို့ ကျရောက်သွား ကြသဖြင့် အစေ့များသည် ကျောက်ခံမြေပေါ်တွင် လျင်မြန်စွာအညှောင့်ထွက်လာကြသော်လည်း အမြစ်များမြေကြီးထဲသို့ တိုးဝင်နိုင်ခြင်းမရှိကြပေ။ နေ ပူလာသောအခါတွင် အပင်များသည် ညှိုးနွမ်း၍သေဆုံးသွားကြလေသည်။”
“အချို့သောအစေ့များသည် ဆူးခြုံနွယ်များကြားထဲသို့ ကျရောက်သွားသဖြင့် မျိုးစေ့များပေါက်လာသော်လည်း ဆူးခြုံများ၏လောင်းရိပ်မိလေသည်။ ထို့ကြောင့်ဆူးခြုံထဲတွင်ကျရောက်ပြီး ပေါက်လာသောမျိုးစေ့များသည် သီးနှံများမဖြစ်ထွန်းနိုင်ပေ။”
“အခြားသောမျိုးစေ့များသည်မြေဩဇာကောင်းသောမြေပြင်ပေါ်သို့ ကျရောက်သွားသဖြင့် ထိုမျိုးစေ့များသည်အပင်များပေါက်၍ကြီးထွားလျှက် အဆပေါင်းသုံးဆယ်၊ ခြောက်ဆယ်မက ၊အဆပေါင်းတစ်ရာအထိ ပိုမိုပွားများလာလေသည်။ဘုရားရှင်၏နောက်တော်သို့လိုက်လိုသူများငါပြောပြသည်ကိုအာရုံစိုက်၍နားထောင်ကြပါ။”ဟုမိန့်တော်မူလေသည်။
ဤပုံဥပမာသည်တပည့်တော်များအား စိတ်ရှုပ်ထွေးသွားစေသည်။ ထို့ကြောင့်ကိုယ်တော်ယေရှုက “မျိုးစေ့ဆိုသည်မှာ ဘုရားရှင်မိန့်တော်မူသည့် နှုတ်ကပါတ်တော်ကိုဆိုလိုသည်။လမ်းပေါ်တွင်ကျသည့်မျိုးစေ့ဆိုသည်မှာ နှုတ်ကပါတ်တော်တရားများကို ကြားနာရသော်လည်း နားမလည် သောသူကို ဆိုလိုသည်။ စာတန်သည် ဘုရားရှင်၏နှုတ်ကပါတ်တော်များအား ထိုသူထံမှယူဆောင် သွားခြင်းခံရလေသည်။ထို့ကြောင့်ထိုလူအားဘုရားရှင်၏နှုတ်ကပါတ်တော်များကို နားမလည်စေရန်စာတန်မှတားဆီးနေခြင်းဖြစ်လေသည်။
“ကျောက်ခံမြေပေါ်တွင်ကျသည့်မျိုးစေ့နှင့်တူသောသူမှာ ဘုရားရှင်၏နှုတ်ကပါတ်တော်များကိုကြားလျှင်ချက်ချင်းပျော်ရွှင် ဝမ်းမြောက်စွာ လက်ခံသောသူဖြစ်ပါသည်။ သူသည်နှုတ်ကပတ်တော်တရားများကိုယုံကြည်လက်ခံသောကြောင့်ဒုက္ခများနှင့်ကြုံတွေ့ရသောအခါတွင်ယုံကြည်မှုများပပျောက်သွားလေတော့သည်။”
“ဆူးခြုံနွယ်များတွင်ကျသောမျိုးစေ့နှင့်တူသောသူမှာ ဘုရားရှင်၏နှုတ်ကပါတ်တော်များအား ကြားနာရသော်လည်းအကြောင်းအရာများစွာတို့အတွက်ပူပင်သောကရောက်ကာငွေကြေးဥစ္စာများရရှိရန်သာကြိုးပမ်းနေလေသည်။ အချိန်အတိုင်းအတာတစ်ခုသို့ ရောက်ရှိသောအခါတွင် သူသည်ဘုရားရှင်အား ဆက်လက်၍ မကြည်ညိုတော့ပေ။ ထို့ကြောင့်သူသည်ဘုရားရှင်၏ နှုတ်ကပါတ်တော်များကို လေ့လာသင်ယူခဲ့ရသော်လည်း ဘုရားရှင်၏ စိတ်အလိုတော်အတိုင်းမစွမ်းဆောင်နိုင်တော့ချေ။ထို့ကြောင့် သူသည်အသီးမသီးသောဂျုံရိုးကဲ့သို့ ဖြစ်သွားလေသည်။”
“သို့သော်မြေဩဇာကောင်းသောမြေကြီးပေါ်သို့ ကျရောက်သည့်မျိုးစေ့နှင့်တူသောသူမှာ ဘုရားရှင်၏ နှုတ်ကပါတ်တော်ကို ကြားသိရသောအခါဘုရားရှင်၏ဝိညာဉ်တော်သည်ထိုသူ့အပေါ်သို့သက်ရောက်ကြီးစိုးပြီးဝိညာဉ်ရေးရာအသီးအပွင့်များသီးပွင့်လာပါလိမ့်မည်။” ဟူ၍ ရှင်းပြတော်မူလေသည်။
မဿဲ ၁၃:၁-၈, ၁၈-၂၃; မာကု ၄:၁-၈, ၁၃-၂၀; လုကာ ၈:၄-၁၅