4. Ṯikitaḏza Ṯeḏi Allahŋa Ibrahiimgi
Ma yidlə ṯamḏu yuru ŋomorilu ŋweḏi kiirwu, na lizi nani luru kwɔkwɔny ki ṯurmun na, eṯir andazi ṯiŋla ṯotoput. ki lobi leḏli urazi ṯurmuna ŋelŋeŋi kaka andizagu Allah, ner aɽaḏi duŋ tatap ner awci maḏina.
Ner upiŋni kirɔgɽɔ beṯen, eṯir ere kitici kandiza keḏi Allah yey mac. Ner awci yiŋna yolala beṯen eḏi kaṯiji lereya. Nezi Allah eze nuŋu ari ŋwu mer aki ŋoḏɽɔr ŋiki ki duŋ, ləḏi ŋuma eḏi ərri kwɔmne kuru kwir ŋikiya.
Ŋwuṯaŋu na Allah urlici ŋunduŋuzi riŋlalu reŋen eḏi orɔ riŋlana ter ter ruru beṯen nuŋuzi feḏilu ṯurmuna nana tatap. Na madina ŋgwa kwaucari kwǝni Babil, ŋǝni ŋwu,''ṯikaɽkirna.''
Ma yiḏlǝ ruɽŋana ruru ṯamḏu, na Allah andaci kworu kwete kweni Abram. Na Allah eca ŋunduŋu ŋwu, ''ṯaza baleḏa lu kuŋa na dunuŋlu kuŋa tɔk ele ki ureyu la wir ter weŋi ta andaci ezir. nyi kweŋa ortaḏa na ŋiruzi kwete kweḏi lizi luru beṯen. a yiriny yuŋa upoŋe beṯen. Nygi ortaḏa kla leṯiŋa ortaḏa na nygi bura kla leṯiŋa buraḏa. ata lizi leḏi ṯurmun tatap ortani ŋaŋgi.''
ŋwuṯaŋu na Abram iɽi Allahna. nuŋu dimǝ kwayo, kuŋun kwǝni Zarai, na yadama yuŋun kwɔmnegina kuŋun tatap kwǝḏiŋu nuŋu ele ki ureyu wa wandica Allah ŋunduŋu, wǝni kanaan.
Mindaŋ ma Abram upaḏi kanaan, na Allah ari ŋwu,''izaṯi ezir wu tatap wirkaḏiŋalu. weŋta inḏeḏa ŋaŋuzi lugurnali luŋa kaka ṯa ŋwu izaŋa yeyi ywuŋa ŋwa orɔ ṯimurṯaḏa ṯwuŋa.'' ta nata Abram nani kinaŋ.
ki lamin lete, na Abramŋa kadriḏi Malikzaḏikgi, kwir giziz keḏi Allah weṯi nani kindala kidir. Na Malik zaḏik ortaḏa Abramŋu nuŋu ari ŋwu, ''eḏita Allah weṯa nani kindala kidir wǝḏi lereya na ureyiŋi tɔk ortaḏa Abramŋu.'' Na Abram inḏeḏa Malikzaḏikŋu uzora weḏi kwɔmune tatap ŋgwa kwǝḏiŋu.
Mindaŋ ma yiḏlǝ ṯamḏu yuru, na Abramŋa Zaraigi ere eḏi toro tere mac. Na Allah andaci Abramŋu kwɔkwɔny nuŋu eca ŋwu nyi kweŋa inḏeḏa toro na lugurna luru kaka rorom reṯi nani kilere. Na Abram əḏi təmina tikitaḏzaḏi ṯeḏi Allah. Na Allah ari ŋwu Abram kwri kwizi kwete kwirlalu kaka maŋu əmini ṯikitaḏza ṯeḏi Allah.
Ta na Allah kete ṯikitadi̱za Abramgi. Na ṯikitaḏiza ǝni ma ŋwuduŋ ŋwuɽen uɽǝḏzi kandiza. Na Allah eca Abramŋu ŋwu,''nyi kweŋa inḏeḏa toro teḏi aŋna woŋa. nyi kwinḏeḏa lugurna luŋa ureyiŋi weḏi kanaanŋu.''Lakin na Abram ere eḏi toro tere kina mac.
Ṯiŋereŋ Ṯeḏi Kiṯam Kirlinalu Ter: Kəni Ṯikita 11-15