47. Boliiz ŋa Ziila gi Linanu Filiibina
Ma Zawul irǝrǝlu ki ezir weni Roma ŋu , nuŋu enyjini yiriny yuŋun yeni, ''Boliiz.'' yiriny kiyu yeḏi Roma yiri. Ki lamin la lete na Boliiz meḏgen gi kweni Zilla ner ele kililiina leni Filiibi eḏilŋidni lizi kandiza keḏi Yecu. ner ele ki ezir wilaḏu kibirṯa kwɔrɔ ezir wa winanu parlu eḏi liliina ezir wa wunanir wi lizi luru laru kiyiriny . Kinaŋu ṯa ner inḏa kwǝw kweni Liḏiya kwir tajir .Ni ŋiɽaŋal amɽi ŋunduŋu eta nuŋu urtaḏa Allah .
Ni Allah kiṯi ṯugor ṯeḏi Liḏiyaŋu eḏiŋu emini ŋiɽaŋal ŋeḏi Yecu, na ŋunduŋa lizi li leḏi dunu kuŋun nerzi baptizni . Na Liḏiya urnuṯi Boliiz ŋa Ziila gi eḏi ilaḏa ŋunduŋu nana ŋirina duŋgun , ta neri ele ner nanalu ŋundu gi na lizi li leḏi du̵nuŋu.
Boliiz ŋa Ziila gi liṯi aɽaḏi duŋ lizi li ki ezir weḏi tara kiyiriny . Nyamin tatap mer ele kinaŋ ŋu , eṯi ŋiira ŋir kwey ŋaḏi rigɽimana riki eṯiŋu rumana ŋunduŋzi . Kaka aḏiŋu ṯigɽima ṯiki kwiṯi eḏi ŋuma eḏandaci lizi ŋiɽaŋal ŋinḏi eḏi errini kereny gi , eṯiŋu aɽazi kiriiza kuuru duŋ eṯiŋu indaḏa lizi luŋun lir leleny kaka ruḏuŋu ŋudu tiɽi.
Kaka inḏir ŋunduŋa kiṯeyla nezi ŋiira ŋir kwey romi ŋunduŋuzi kwari kola, '' Lor kilu liri yaḏam yeḏi Allah wunanu kindala kider . Kilu landica ŋaŋuzi ṯay tinḏi eḏi kileḏi ŋaŋuzi!" Ŋaɽaŋal ŋu ŋiṯuŋuzi andazi dɔkdɔk mindaŋ ma Boliiz apiri ŋariny .
Ki laminla lete ma ŋira ŋa ŋir kwey ari kɔla, Ni Boliiz orlalu nuŋu eca zitan ŋgwa kunani ŋirana , "Yiriny yi yeḏi Yecu, duŋgaca ŋira ŋu aruu ele." Ta na zitan duŋgaci ŋira fitak.
Na lor lǝḏi ŋira ŋir kwey ner apiri ŋariny beṯen! nerzi eze ŋu ma zitan ele kiṯey, eta ŋira ŋwere andazi ŋiɽiya ŋi kwokony mac. Ta lizi lende lindi edemini edinḏada ŋunduŋuzi kiriiza kere mac keḏi kandiza ŋga keni ŋiɽiya ŋiṯi zi ŋira andazi mindaŋ eṯiŋu errini kereny ŋgi.
Ta ni lizi leḏi ŋira ŋa ŋir kwey ner omulaci lizi leḏi Romanŋu linanu ŋelenyna Ziila ŋa Boliiz gi, Ta nerzi ipi nerzi enyji kizijin na.
Ner kete Boliiz ŋa Ziila gi ki ezir wizaw zijina likakina ŋwara. Kiluŋana ŋgi, ner kete rilŋa riṯi iɽii Allah na.
Kwɔkɔ mlak, ni urey rigirni! na yogur yeḏi zijin ndet kiṯini, na ŋuɽuŋ ŋukakar ŋi lizi linanu zijina nir fifrini.
Ma gwa kwiṯi karni zijin maŋu kiɽṯi, nuŋu eze yogur waz yikiṯina, nuŋu ḏenye! kaka kitaḏuŋu ŋwu lizi linanu zijin limabiri,nuŋu kitaḏa eḏiɽenye rɔgɽɔ ruŋun. (Nuŋu leŋe lizi leḏi Romanŋu linḏi eḏiɽenye ŋunduŋu mer elŋe mazajiinalu limabrii.) Lakin ma Boliiz eze ŋunduŋu nuŋu erici kola ŋwu,''Irlu a, terrica rɔgɽɔlu rwuŋa ŋiɽaŋal ŋere ŋiki mac. Nyiŋa kilu linanu tatap kunuŋu.''
Na kor ŋgwa kwiṯikarni zijin nuŋu ilaḏa Boliizŋuzi Ziila gi nana konḏuḏu ta nuŋuzi utaci ŋwu, " Ada kwiri kwindinyi aḏi erri eḏinyikileḏi ?" Ta nuŋu Boliiz aŋnici nuŋu eca ŋu, " Amina Yecuŋu , kwir kweleny, ta ŋa na lizi li leḏi dunuŋ kuŋa inḏa ŋikilaḏa. " Ta na kor kwiṯikarni zijin mulḏa Boliiz ŋa Ziila gi duŋgun nuŋuzi ici yemaŋi yeŋen. Na Boliiz ilŋidni lizi tatap leḏi dunuŋu ŋiɽaŋal ŋiyaŋ ŋeḏi Yecu.
Na kwizi ŋgwa kwiṯikarni zijin lizi li leḏi dunuŋu kuŋun ner emini Yecuŋu ta nerzi baptizini. Ta na kwor kwiṯikarni zijin nuŋu inḏaḏa Boliiz ŋa Ziila gi eḏneya ta ner amina nanarlu duŋ.
Ma lamin liŋna orɔ ni lizi lir ŋuɽa leḏi liliiŋu ner keddi Boliiz ŋa Ziila gi ta nerzi eca ŋu indiri evirici ezir weni Filiibi. Ta na Boliiz ŋa Ziila gi ner ele ŋirin nani ŋgu Lidiya na ner ele nani ŋgu limedigen liḏaḏu tɔk, ta ner duŋgeci lilii. Na ŋiɽaŋal ŋeḏi injiil ŋeni Yecuŋu nir faḏiḏa ki ezir nana, ta ni Kaniiza igɽaḏi.
Ta na Boliiz ŋa lukurzṯiyan li liḏaḏu lir ŋuɽa ner ele ŋwililiina, ŋuuru ner ilŋidni lizi ŋiɽaŋal ŋizaw ŋeḏi Yecuŋu. Ner lɔci lizi kandiza kuuru eḏi ferle na eḏi ilŋiḏni lemina leḏi Yecuŋu ki yaniizana. Ta na lijwaab kilu lwɔkɔ nir orɔ yiṯam yinanu injiilna.
Ṯiŋereŋ Teḏi Injiil weni Amaal Alrazuul 16:11-40